UzbekAI

Ўзбекистон Республикаси Президентининг

Қарори

Халқаро шартномани тасдиқлаш тўғрисида

1. 2017 йил 11 октябрь куни Сочи шаҳрида имзоланган Жиноят ишлари бўйича ашёвий далил ҳисобланган гиёҳвандлик воситалари, психотроп моддалар ва уларнинг прекурсорлари, ўқотар қурол, унинг асосий қисмлари, ўқ-дорилар, портловчи моддалар ёки портлатиш қурилмаларини бериш тартиби тўғрисидаги Баённома тасдиқлансин.

2. Қуйидагилар:

Ўзбекистон Республикаси Бош прокуратураси — юқорида кўрсатилган халқаро шартномани амалга ошириш юзасидан Ўзбекистон Республикасининг масъул ваколатли органи этиб;

жиноят иши ёки терговга қадар текширув материаллари иш юритувида бўлган ёхуд судга юборилгунга қадар иш юритувида мавжуд бўлган терговга қадар текширувни, суриштирувни ва дастлабки терговни амалга оширувчи органлар — юқорида кўрсатилган халқаро шартномага мувофиқ ашёвий далилларни бевосита бериш ва қабул қилиш юзасидан Ўзбекистон Республикасининг масъул ваколатли органлари этиб белгилансин.

3. Ўзбекистон Республикаси Ташки ишлар вазирлиги мазкур халқаро шартноманинг кучга кириши учун Ўзбекистон Республикаси томонидан зарур бўлган давлат ички тартиб-таомиллари бажарилганлиги тўғрисида ва уни амалга ошириш учун масъул ваколатли органлар ҳақида депозитарийга тегишли билдиришнома йўлласин.

4. Ўзбекистон Республикаси Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан сўнг Ўзбекистон Республикасининг мажбуриятлари бажарилиши устидан белгиланган тартибда назоратни таъминласинлар.

5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 14 март,

ПҚ-4237-сон

(Қонун ҳужжатлари маълумотлари миллий базаси, 14.03.2019 й., 07/19/4237/2767-сон)

lex.uz

Oʻzbekiston Respublikasi Prezidentining

Qarori

Xalqaro shartnomani tasdiqlash toʻgʻrisida

1. 2017-yil 11-oktabr kuni Sochi shahrida imzolangan Jinoyat ishlari boʻyicha ashyoviy dalil hisoblangan giyohvandlik vositalari, psixotrop moddalar va ularning prekursorlari, oʻqotar qurol, uning asosiy qismlari, oʻq-dorilar, portlovchi moddalar yoki portlatish qurilmalarini berish tartibi toʻgʻrisidagi Bayonnoma tasdiqlansin.

2. Quyidagilar:

Oʻzbekiston Respublikasi Bosh prokuraturasi — yuqorida koʻrsatilgan xalqaro shartnomani amalga oshirish yuzasidan Oʻzbekiston Respublikasining masʼul vakolatli organi etib;

jinoyat ishi yoki tergovga qadar tekshiruv materiallari ish yurituvida boʻlgan yoxud sudga yuborilgunga qadar ish yurituvida mavjud boʻlgan tergovga qadar tekshiruvni, surishtiruvni va dastlabki tergovni amalga oshiruvchi organlar — yuqorida koʻrsatilgan xalqaro shartnomaga muvofiq ashyoviy dalillarni bevosita berish va qabul qilish yuzasidan Oʻzbekiston Respublikasining masʼul vakolatli organlari etib belgilansin.

3. Oʻzbekiston Respublikasi Tashki ishlar vazirligi mazkur xalqaro shartnomaning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi toʻgʻrisida va uni amalga oshirish uchun masʼul vakolatli organlar haqida depozitariyga tegishli bildirishnoma yoʻllasin.

4. Oʻzbekiston Respublikasi Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan soʻng Oʻzbekiston Respublikasining majburiyatlari bajarilishi ustidan belgilangan tartibda nazoratni taʼminlasinlar.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 14-mart,

PQ-4237-son

(Qonun hujjatlari maʼlumotlari milliy bazasi, 14.03.2019-y., 07/19/4237/2767-son)

lex.uz

Президента Республики Узбекистан

Постановление

Об утверждении международного договора

1. Утвердить Протокол о порядке передачи наркотических средств, психотропных веществ и их прекурсоров, огнестрельного оружия, его основных частей, боеприпасов, взрывчатых веществ и взрывчатых устройств, являющихся вещественными доказательствами по уголовным делам, подписанный 11 октября 2017 года в г. Сочи.

2. Определить:

Генеральную прокуратуру Республики Узбекистан — компетентным органом Республики Узбекистан, ответственным за реализацию указанного международного договора;

органы, осуществляющие доследственную проверку, дознание и предварительное следствие, в производстве которых находится либо находилось до передачи в суд уголовное дело или материалы доследственной проверки, — компетентными органами Республики Узбекистан, ответственными за непосредственную передачу или принятие вещественных доказательств в соответствии с указанным международным договором.

3. Министерству иностранных дел Республики Узбекистан направить депозитарию соответствующее уведомление о выполнении Республикой Узбекистан внутригосударственных процедур, необходимых для вступления в силу указанного международного договора и компетентных органах, ответственных за его реализацию.

4. Кабинету Министров Республики Узбекистан и руководителям соответствующих министерств и ведомств после вступления в силу указанного международного договора в установленном порядке обеспечить контроль за выполнением обязательств Республики Узбекистан.

5. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

14 марта 2019 г.,

№ ПП-4237

(Национальная база данных законодательства, 14.03.2019 г., № 07/19/4237/2767)

lex.uz