📅 2019-yil 14-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 марта 2019 г. · Постановления Президента
Официальный текст. Официальный документ. Редакционные примечания не включены.
📅 14 March 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАҚСИМОТИ
Мева-сабзавотчилик соҳасида қишлоқ хўжалиги кооперациясини ривожлантириш чора-тадбирлари тўғрисида
Мамлакатимизда мева-сабзавотчилик соҳасини такомиллаштириш, шу жумладан мева-сабзавот маҳсулотлари экиладиган майдонларни, сақлаш ва қайта ишлаш қувватларини сезиларли ошириш, мазкур тармоқни ривожлантириш учун халқаро молиявий институтларнинг маблағларини фаол жалб этишга йўналтирилган комплекс чора-тадбирлар амалга оширилмоқда.
Шу билан бирга мева-сабзавот маҳсулотларини ишлаб чиқариш, сақлаш, қайта ишлаш ва сотиш соҳасидаги илғор тажриба таҳлили ушбу маҳсулотларни ишлаб чиқарувчиларнинг кооперациясини ривожлантиришни самарали рағбатлантириш зарурати мавжудлигини кўрсатмоқда.
Мева-сабзавотчилик соҳасида қўшилган қиймат занжирини яратишни рағбатлантириш, сифатли мева-сабзавот маҳсулотларини ишлаб чиқариш ва унинг экспорти барқарорлигини таъминлаш, мазкур маҳсулот ишлаб чиқарувчиларининг молиявий имкониятларини кенгайтириш, шунингдек, ишлаб чиқаришнинг рақобатбардошлигини ошириш мақсадида:
1. Ўзбекистон Республикаси Қишлоқ хўжалиги вазирлиги, Иқтисодиёт ва саноат вазирлиги, Молия вазирлиги, Ўзбекистон фермер, деҳқон хўжаликлари ва томорқа ер эгалари кенгашининг:
ташкил этилаётган қишлоқ хўжалиги бирлашмаларида (кейинги ўринларда — қишлоқ хўжалиги бирлашмалари) ихтиёрий ва пай асосида иштирок этиш тамойилларида мустақил ва ўзаро боғлиқ қишлоқ хўжалиги корхоналари, фермер, деҳқон хўжаликлари ҳамда томорқа ер эгаларининг кооперацион бирлашиши институтини яратиш ва кенг қўллаш;
2019-2020 йилларда тажриба-синов тариқасида мева-сабзавот маҳсулотларини ишлаб чиқариш, тайёрлаш, сақлаш ва сотиш бўйича биргаликдаги фаолиятни амалга ошириш учун Жиззах вилоятининг Ғаллаорол ва Зомин туманларида, Самарқанд вилоятининг Булунғур ва Ургут туманларида, Фарғона вилоятининг Олтиариқ ва Қува туманларида, Тошкент вилоятининг Қибрай ва Паркент туманларида қишлоқ хўжалиги бирлашмаларини ташкил этиш тўғрисидаги таклифларига розилик берилсин.
Ўзбекистон Республикаси Қишлоқ хўжалиги вазирлиги, Иқтисодиёт ва саноат вазирлиги Ўзбекистон фермер, деҳқон хўжаликлари ва томорқа ер эгалари кенгаши билан биргаликда тажриба-синов якунларига кўра, 2020 йил 1 декабрга қадар қишлоқ хўжалиги бирлашмаларининг кооперацион бирлашуви институтини республиканинг бошқа ҳудудларида оммалаштиришнинг мақсадга мувофиқлиги тўғрисида таклифлар киритсин.
2. Қуйидагилар қишлоқ хўжалиги бирлашмаларининг асосий функциялари этиб белгилансин:
мева-сабзавот маҳсулотларининг ички ва ташқи бозорларини маркетинг таҳлил қилиш;
қишлоқ хўжалиги бирлашмалари аъзолари билан контрактация шартномаларини тузиш орқали қишлоқ хўжалиги маҳсулотларини, шу жумладан турлари ва навлари бўйича ишлаб чиқариш юзасидан келишилган чора-тадбирларни амалга ошириш;
қишлоқ хўжалиги бирлашмалари аъзолари томонидан мева-сабзавот маҳсулотларини етиштириш учун зарур бўлган мулк комплекслари, техника, ускуна, транспорт воситаларидан, шу жумладан маҳсулот сақлаш омборларини биргаликда ижарага олиш ва қайтариб бериш асосида хом ашёни қайта ишлаш йўли билан биргалашиб фойдаланишни ташкил этиш;
шартнома асосида қишлоқ хўжалиги бирлашмалари аъзоларини қишлоқ хўжалиги техникаси, ёқилғи-мойлаш материаллари, ўғит, уруғлар, кўчат ва экинлар, шунингдек, кимёвий ҳимоя воситалари билан таъминлаш;
контрактация ёки воситачилик шартномалари асосида ишлаб чиқарилган маҳсулотларни тайёрлаш, ташиш, сақлаш, қайта ишлаш ва сотишни ташкиллаштириш;
жаҳон стандартларига мос мева-сабзавот маҳсулотларининг кафолатланган бозорини таъминлаш мақсадида қишлоқ хўжалиги бирлашмалари билан ҳамкорлик қилиш учун экспортёрларни жалб этиш;
қишлоқ хўжалиги бирлашмалари аъзоларига агротехника, бухгалтерлик, консалтинг, воситачилик ва бошқа хизматларни кўрсатиш.
3. Белгилансинки:
фермер, деҳқон хўжаликлари ҳамда томорқа ер эгалари, шунингдек, мева-сабзавот маҳсулотларини ишлаб чиқариш ҳамда уларни тайёрлаш, ташиш, сақлаш ва сотиш бўйича хизмат кўрсатиш соҳасида фаолият олиб борувчи бошқа жисмоний ва юридик шахслар қишлоқ хўжалиги бирлашмалари аъзолари бўлиши мумкин;
қишлоқ хўжалиги бирлашмаларига аъзо бўлиш ихтиёрий ҳисобланади ҳамда таъсис ҳужжатларида назарда тутилган миқдорда кириш аъзолик бадаллари (пайларни) киритиш йўли билан пай асосида амалга оширилади;
қишлоқ хўжалиги бирлашмаларига қишлоқ хўжалиги бирлашмалари аъзолари томонидан бевосита бериладиган ваколатлар таъсис ҳужжатларида белгиланади. Бунда, қишлоқ хўжалиги бирлашмалари аъзолари бошқа масалалар бўйича ўз хўжалик фаолиятини юритишда иқтисодий мустақиллиги ва ҳуқуқий мақомини сақлаб қолади, қишлоқ хўжалиги бирлашмалари ва унинг аъзолари ўртасидаги ўзаро муносабатлар эса шартнома асосида қурилади;
қишлоқ хўжалиги бирлашмалари аъзолари қишлоқ хўжалиги бирлашмалари мажбуриятлари бўйича жавоб бермайди ҳамда агар таъсис ҳужжатларида бошқача ҳолатлар белгиланмаган бўлса, қишлоқ хўжалиги бирлашмалари фаолияти билан боғлиқ бўлган зарар кўриш хатарини ўзлари киритган бадаллар (пайлар) қиймати доирасида зиммасига олади;
қишлоқ хўжалиги бирлашмалари аъзоларининг ер майдонлари Ўзбекистон Республикаси Ер кодексида назарда тутилган ҳолатлардан ташқари бошқа ҳолатларда оптималлаштирилиши ва олиб қўйилиши мумкин эмас. Бунда қишлоқ хўжалиги бирлашмалари аъзоларининг ер майдонларини олиб қўйиш фақатгина суд қарори асосида амалга оширилади.
4. 2019 йил 1 мартдан бошлаб шундай тартиб ўрнатилсинки, унга мувофиқ мева-сабзавот маҳсулотларини ишлаб чиқаришга ихтисослашган қишлоқ хўжалиги бирлашмалари аъзолари қишлоқ хўжалиги экинларини жойлаштириш ва уларни кейинчалик алмаштириш тўғрисидаги қарорни мустақил равишда қабул қилиш ҳуқуқига эга бўлади, 2020 йил 1 январдан бошлаб эса ташкил этиладиган мева-сабзавот экинларини жойлаштириш реестрига ҳосил йилининг 1 февралидан кечиктирмасдан тегишли маълумотларни киритиш шарти билан ушбу ҳуқуқдан фойдаланади.
5. Қуйидагиларга давлат томонидан қўллаб-қувватлаш тартиби белгилансин ва унга мувофиқ:
а) қишлоқ хўжалиги бирлашмалари ва улар аъзоларининг 2019-2020 йилларда кўчатлар ва сертификатланган уруғларни ҳамда мева-сабзавот маҳсулотларини қайта ишлаш ускуналарини харид қилиш учун тижорат банкларининг кредитлари бўйича фоиз харажатлари Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармаси маблағлари ҳисобидан тижорат банки томонидан белгиланган фоиз ставкасининг 25 фоизи миқдорида, аммо 5 фоизли пунктдан юқори бўлмаган, валютада бериладиган кредитлар бўйича 1,5 фоизли пунктдан юқори бўлмаган миқдорда қопланади;
б) қишлоқ хўжалиги бирлашмаларидан мева-сабзавот маҳсулотларини сотиб олувчи экспортёрларнинг тасдиқланган бизнес режаларда назарда тутилган қуйидагилар:
қишлоқ хўжалиги бирлашмалари аъзоларини мева-сабзавот маҳсулотларини ишлаб чиқаришнинг янги технологияларига ўргатиш;
қишлоқ хўжалиги бирлашмалари аъзоларининг ерларида агротехник тадбирлар мониторингини ўтказиш;
қишлоқ хўжалиги бирлашмалари аъзолари томонидан ишлаб чиқариладиган мева-сабзавот маҳсулотларининг ташқи бозорларида маркетинг тадқиқотларини ўтказиш билан боғлиқ харажатларининг 50 фоизи субсидиялар тақдим этиш орқали Ўзбекистон Республикасининг Давлат бюджети ҳамда Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги маблағлари ҳисобидан, шунингдек, жалб этиладиган халқаро молиявий институтлар маблағлари, шу жумладан Жаҳон банки маблағлари ҳисобидан қопланади.
6. Маҳаллий давлат ҳокимияти органларига қишлоқ хўжалиги бирлашмалари ташкил этилаётган ҳудудларда мева-сабзавот маҳсулотлари ишлаб чиқариш учун зарур бўлган инфратузилма объектларини устувор ривожлантирган ҳолда, уларни ривожлантириш учун маҳаллий бюджетнинг қўшимча манбаларидан маблағлар йўналтиришга рухсат берилсин.
7. Ўзбекистон Республикаси Молия вазирлиги Инвестициялар ва ташқи савдо вазирлиги, Қишлоқ хўжалиги вазирлиги билан биргаликда бир ой муддатда мева-сабзавот маҳсулотлари экспортёрларининг қишлоқ хўжалиги бирлашмалари аъзоларини мева-сабзавот маҳсулотларини ишлаб чиқаришнинг янги технологияларига ўргатиш, қишлоқ хўжалиги бирлашмалари аъзоларининг ерларида агротехник тадбирлар мониторингини ўтказиш, қишлоқ хўжалиги бирлашмалари аъзолари томонидан ишлаб чиқариладиган мева-сабзавот маҳсулотларининг ташқи бозорларида маркетинг тадқиқотларини ўтказиш билан боғлиқ харажатларининг 50 фоизини қоплаш учун субсидиялар тақдим этиш тартибини тасдиқласин.
8. Ўзбекистон Республикаси Қишлоқ хўжалиги вазирлиги Ташқи ишлар вазирлиги, Инвестициялар ва ташқи савдо вазирлиги билан биргаликда 2019 йил 1 июлга қадар мева-сабзавотчилик соҳасида кооперация ҳиссаси юқори бўлган мамлакатларнинг қишлоқ хўжалиги бирлашмаларини ташкил қилиш ва уларнинг фаолият олиб бориши борасидаги тажрибасини чуқур ўрганиш мақсадида янгидан ташкил этилаётган қишлоқ хўжалиги бирлашмалари аъзоларининг танишув сафарини уюштирсин.
9. Ўзбекистон Республикаси Қишлоқ хўжалиги вазирлиги Инвестициялар ва ташқи савдо вазирлиги билан биргаликда мазкур қарорнинг 5 ва 8-бандларида белгиланган вазифаларни амалга ошириш учун халқаро молиявий институтларнинг маблағ ва грантлари, шу жумладан Жаҳон банки маблағларини жалб қилиш чораларини кўрсин.
10. Ўзбекистон Республикаси Ер ресурслари, геодезия, картография ва давлат кадастри давлат қўмитаси Қишлоқ хўжалиги вазирлиги билан биргаликда Ўзбекистон Республикаси Давлат бюджети маблағлари ҳисобидан 2019 йилдан бошлаб суғориладиган қишлоқ хўжалиги ерлари тупроғини, ҳар йили умумий майдоннинг камида 20 фоизи ҳисобидан келиб чиқиб, таҳлил қилиш ва агрокимё картограммаларини иловага мувофиқ ишлаб чиқишни таъминласин.
11. Ўзбекистон Республикаси Молия вазирлиги Иқтисодиёт ва саноат вазирлиги, Қишлоқ хўжалиги вазирлиги ва суғурта ташкилотлари билан биргаликда бир ой муддатда илғор хорижий тажрибани ўрганиш асосида қишлоқ хўжалиги хавф-хатарларини суғурта қилишнинг замонавий механизмларини жорий этиш юзасидан Ўзбекистон Республикаси Вазирлар Маҳкамасига таклифлар киритсин.
12. Ўзбекистон Республикаси Инновацион ривожланиш вазирлиги Қишлоқ хўжалиги вазирлиги, Сув хўжалиги вазирлиги, Ўзбекистон стандартлаштириш, метрология ва сертификатлаштириш агентлиги, Ер ресурслари, геодезия, картография ва давлат кадастри давлат қўмитаси, Фанлар академияси билан биргаликда уч ой муддатда ер-тупроқ, сув, истеъмол товарлари, қишлоқ хўжалиги маҳсулотлари ва минерал ўғитларнинг замонавий лаборатория тадқиқотларини халқаро стандартлар талабларига мувофиқ кенг қамровда ўтказишни таъминловчи комплекс лаборатория яратиш юзасидан Ўзбекистон Республикаси Вазирлар Маҳкамасига таклифлар киритсин.
13. Ўзбекистон Республикаси Фанлар академияси Инновацион ривожланиш вазирлиги, Молия вазирлиги ва Қишлоқ хўжалиги вазирлиги билан биргаликда икки ой муддатда серҳосил уруғлар ва кўчатларнинг янги турлари ва навларини, шу жумладан «in-vitro» усули асосида яратувчи-муаллифларни қўшимча моддий рағбатлантириш юзасидан таклифлар ишлаб чиқсин ва Ўзбекистон Республикаси Вазирлар Маҳкамасига киритсин.
14. Ўзбекистон Республикаси Вазирлар Маҳкамаси:
мева-сабзавотчиликни тубдан такомиллаштириш ва мазкур соҳадаги қишлоқ хўжалиги бирлашмаларини ривожлантириш бўйича тадбирларни самарали ва ўз вақтида бажаришни таъминлаш бўйича давлат органлари ва бошқа ташкилотлар фаолиятини мувофиқлаштиришни таъминласин;
2020 йил 1 декабрга қадар тажриба-синов натижалари ва хорижий мамлакатларнинг илғор тажрибаси, шунингдек, бозор иқтисодиётининг замонавий талабларини ҳисобга олган ҳолда Ўзбекистон Республикаси Олий Мажлиси Қонунчилик палатасига «Қишлоқ хўжалигида кооперация тўғрисида»ги Ўзбекистон Республикаси қонуни лойиҳасини киритсин.
15. Ўзбекистон Республикаси Қишлоқ хўжалиги вазирлиги Адлия вазирлиги, бошқа манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
16. Мазкур қарорнинг ижросини назорат қилиш Ўзбекистон Республикаси Бош вазирининг ўринбосарлари Ж.А. Қўчқоров, Э.М. Ғаниев ва Ўзбекистон Республикаси Бош вазирининг маслаҳатчиси А.Д. Ваҳобов зиммасига юклансин.
Ўзбекистон Республикаси Президентининг 2019 йил 14 мартдаги ПҚ-4239-сон қарорига ИЛОВА
2019 — 2023 йилларда Қорақалпоғистон Республикаси ва вилоятларнинг суғориладиган ерларини агрокимё таҳлилини ўтказиш ва агрокимё картограммаларини ишлаб чиқиш ишлари
Т/р Ҳудудлар номи Агрокимё таҳлиллари ўтказиладиган майдоннинг жами, га Йиллар 2019 2020 2021 2022 2023 майдон, (минг. га) талаб этиладиган сумма, ( млн. сўм) майдон, (минг. га) сумма, (млн. сўм) 1 га учун жами эҳтиёж, (минг. сўм) майдон, (минг. га) сумма, (млн. сўм) 1 га учун жами эҳтиёж, (минг. сўм) майдон, (минг. га) сумма, (млн. сўм) 1 га учун жами эҳтиёж, (минг. сўм) майдон, (минг. га) сумма, (млн. сўм) 1 га учун жами эҳтиёж, (минг. сўм) майдон, (минг. га) сумма, (млн. сўм) 1 га учун жами эҳтиёж, (минг. сўм) 1. Қорақалпоғистон Республикаси 423,38 2963,63 423,38 2963,63 7,00 2. Андижон вилояти 230,96 2458,84 230,96 2458,84 10,65 3. Бухоро вилояти 219,51 1767,05 219,51 1767,05 8,05 4. Жиззах вилояти 275,02 2546,00 275,02 2546,00 9,26 5. Қашқадарё вилояти 452,75 4191,33 452,75 4191,33 9,26 6. Навоий вилояти 100,41 702,88 100,41 702,88 7,00 7. Наманган вилояти 232,05 1624,35 232,05 1624,35 7,00 8. Самарқанд вилояти 309,38 3787,75 309,38 3787,75 12,24 9. Сурхондарё вилояти 269,96 2874,05 269,96 2874,05 10,65 10. Сирдарё вилояти 255,03 2715,07 255,03 2715,07 10,65 11. Тошкент вилояти 336,86 4124,14 336,86 4124,14 12,24 12. Фарғона вилояти 295,01 2374,81 295,01 2374,81 8,05 13. Хоразм вилояти 216,77 1744,98 216,77 1744,98 8,05 Жами: 3617,08 33874,89 755,84 5290,86 7,00 731,29 5886,84 8,05 727,77 6737,33 9,26 755,95 8047,96 10,65 646,24 7911,90 12,24
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 14 март,
ПҚ-4239-сон
Oʻzbekiston Respublikasi Prezidentining
Qarori
TAQSIMOTI
Meva-sabzavotchilik sohasida qishloq xoʻjaligi kooperatsiyasini rivojlantirish chora-tadbirlari toʻgʻrisida
Mamlakatimizda meva-sabzavotchilik sohasini takomillashtirish, shu jumladan meva-sabzavot mahsulotlari ekiladigan maydonlarni, saqlash va qayta ishlash quvvatlarini sezilarli oshirish, mazkur tarmoqni rivojlantirish uchun xalqaro moliyaviy institutlarning mablagʻlarini faol jalb etishga yoʻnaltirilgan kompleks chora-tadbirlar amalga oshirilmoqda.
Shu bilan birga meva-sabzavot mahsulotlarini ishlab chiqarish, saqlash, qayta ishlash va sotish sohasidagi ilgʻor tajriba tahlili ushbu mahsulotlarni ishlab chiqaruvchilarning kooperatsiyasini rivojlantirishni samarali ragʻbatlantirish zarurati mavjudligini koʻrsatmoqda.
Meva-sabzavotchilik sohasida qoʻshilgan qiymat zanjirini yaratishni ragʻbatlantirish, sifatli meva-sabzavot mahsulotlarini ishlab chiqarish va uning eksporti barqarorligini taʼminlash, mazkur mahsulot ishlab chiqaruvchilarining moliyaviy imkoniyatlarini kengaytirish, shuningdek, ishlab chiqarishning raqobatbardoshligini oshirish maqsadida:
1. Oʻzbekiston Respublikasi Qishloq xoʻjaligi vazirligi, Iqtisodiyot va sanoat vazirligi, Moliya vazirligi, Oʻzbekiston fermer, dehqon xoʻjaliklari va tomorqa yer egalari kengashining:
tashkil etilayotgan qishloq xoʻjaligi birlashmalarida (keyingi oʻrinlarda — qishloq xoʻjaligi birlashmalari) ixtiyoriy va pay asosida ishtirok etish tamoyillarida mustaqil va oʻzaro bogʻliq qishloq xoʻjaligi korxonalari, fermer, dehqon xoʻjaliklari hamda tomorqa yer egalarining kooperatsion birlashishi institutini yaratish va keng qoʻllash;
2019-2020-yillarda tajriba-sinov tariqasida meva-sabzavot mahsulotlarini ishlab chiqarish, tayyorlash, saqlash va sotish boʻyicha birgalikdagi faoliyatni amalga oshirish uchun Jizzax viloyatining Gʻallaorol va Zomin tumanlarida, Samarqand viloyatining Bulungʻur va Urgut tumanlarida, Fargʻona viloyatining Oltiariq va Quva tumanlarida, Toshkent viloyatining Qibray va Parkent tumanlarida qishloq xoʻjaligi birlashmalarini tashkil etish toʻgʻrisidagi takliflariga rozilik berilsin.
Oʻzbekiston Respublikasi Qishloq xoʻjaligi vazirligi, Iqtisodiyot va sanoat vazirligi Oʻzbekiston fermer, dehqon xoʻjaliklari va tomorqa yer egalari kengashi bilan birgalikda tajriba-sinov yakunlariga koʻra, 2020-yil 1-dekabrga qadar qishloq xoʻjaligi birlashmalarining kooperatsion birlashuvi institutini respublikaning boshqa hududlarida ommalashtirishning maqsadga muvofiqligi toʻgʻrisida takliflar kiritsin.
2. Quyidagilar qishloq xoʻjaligi birlashmalarining asosiy funksiyalari etib belgilansin:
meva-sabzavot mahsulotlarining ichki va tashqi bozorlarini marketing tahlil qilish;
qishloq xoʻjaligi birlashmalari aʼzolari bilan kontraktatsiya shartnomalarini tuzish orqali qishloq xoʻjaligi mahsulotlarini, shu jumladan turlari va navlari boʻyicha ishlab chiqarish yuzasidan kelishilgan chora-tadbirlarni amalga oshirish;
qishloq xoʻjaligi birlashmalari aʼzolari tomonidan meva-sabzavot mahsulotlarini yetishtirish uchun zarur boʻlgan mulk komplekslari, texnika, uskuna, transport vositalaridan, shu jumladan mahsulot saqlash omborlarini birgalikda ijaraga olish va qaytarib berish asosida xom ashyoni qayta ishlash yoʻli bilan birgalashib foydalanishni tashkil etish;
shartnoma asosida qishloq xoʻjaligi birlashmalari aʼzolarini qishloq xoʻjaligi texnikasi, yoqilgʻi-moylash materiallari, oʻgʻit, urugʻlar, koʻchat va ekinlar, shuningdek, kimyoviy himoya vositalari bilan taʼminlash;
kontraktatsiya yoki vositachilik shartnomalari asosida ishlab chiqarilgan mahsulotlarni tayyorlash, tashish, saqlash, qayta ishlash va sotishni tashkillashtirish;
jahon standartlariga mos meva-sabzavot mahsulotlarining kafolatlangan bozorini taʼminlash maqsadida qishloq xoʻjaligi birlashmalari bilan hamkorlik qilish uchun eksportyorlarni jalb etish;
qishloq xoʻjaligi birlashmalari aʼzolariga agrotexnika, buxgalterlik, konsalting, vositachilik va boshqa xizmatlarni koʻrsatish.
3. Belgilansinki:
fermer, dehqon xoʻjaliklari hamda tomorqa yer egalari, shuningdek, meva-sabzavot mahsulotlarini ishlab chiqarish hamda ularni tayyorlash, tashish, saqlash va sotish boʻyicha xizmat koʻrsatish sohasida faoliyat olib boruvchi boshqa jismoniy va yuridik shaxslar qishloq xoʻjaligi birlashmalari aʼzolari boʻlishi mumkin;
qishloq xoʻjaligi birlashmalariga aʼzo boʻlish ixtiyoriy hisoblanadi hamda taʼsis hujjatlarida nazarda tutilgan miqdorda kirish aʼzolik badallari (paylarni) kiritish yoʻli bilan pay asosida amalga oshiriladi;
qishloq xoʻjaligi birlashmalariga qishloq xoʻjaligi birlashmalari aʼzolari tomonidan bevosita beriladigan vakolatlar taʼsis hujjatlarida belgilanadi. Bunda, qishloq xoʻjaligi birlashmalari aʼzolari boshqa masalalar boʻyicha oʻz xoʻjalik faoliyatini yuritishda iqtisodiy mustaqilligi va huquqiy maqomini saqlab qoladi, qishloq xoʻjaligi birlashmalari va uning aʼzolari oʻrtasidagi oʻzaro munosabatlar esa shartnoma asosida quriladi;
qishloq xoʻjaligi birlashmalari aʼzolari qishloq xoʻjaligi birlashmalari majburiyatlari boʻyicha javob bermaydi hamda agar taʼsis hujjatlarida boshqacha holatlar belgilanmagan boʻlsa, qishloq xoʻjaligi birlashmalari faoliyati bilan bogʻliq boʻlgan zarar koʻrish xatarini oʻzlari kiritgan badallar (paylar) qiymati doirasida zimmasiga oladi;
qishloq xoʻjaligi birlashmalari aʼzolarining yer maydonlari Oʻzbekiston Respublikasi Yer kodeksida nazarda tutilgan holatlardan tashqari boshqa holatlarda optimallashtirilishi va olib qoʻyilishi mumkin emas. Bunda qishloq xoʻjaligi birlashmalari aʼzolarining yer maydonlarini olib qoʻyish faqatgina sud qarori asosida amalga oshiriladi.
4. 2019-yil 1-martdan boshlab shunday tartib oʻrnatilsinki, unga muvofiq meva-sabzavot mahsulotlarini ishlab chiqarishga ixtisoslashgan qishloq xoʻjaligi birlashmalari aʼzolari qishloq xoʻjaligi ekinlarini joylashtirish va ularni keyinchalik almashtirish toʻgʻrisidagi qarorni mustaqil ravishda qabul qilish huquqiga ega boʻladi, 2020-yil 1-yanvardan boshlab esa tashkil etiladigan meva-sabzavot ekinlarini joylashtirish reyestriga hosil yilining 1-fevralidan kechiktirmasdan tegishli maʼlumotlarni kiritish sharti bilan ushbu huquqdan foydalanadi.
5. Quyidagilarga davlat tomonidan qoʻllab-quvvatlash tartibi belgilansin va unga muvofiq:
a) qishloq xoʻjaligi birlashmalari va ular aʼzolarining 2019-2020-yillarda koʻchatlar va sertifikatlangan urugʻlarni hamda meva-sabzavot mahsulotlarini qayta ishlash uskunalarini xarid qilish uchun tijorat banklarining kreditlari boʻyicha foiz xarajatlari Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi mablagʻlari hisobidan tijorat banki tomonidan belgilangan foiz stavkasining 25 foizi miqdorida, ammo 5 foizli punktdan yuqori boʻlmagan, valyutada beriladigan kreditlar boʻyicha 1,5 foizli punktdan yuqori boʻlmagan miqdorda qoplanadi;
b) qishloq xoʻjaligi birlashmalaridan meva-sabzavot mahsulotlarini sotib oluvchi eksportyorlarning tasdiqlangan biznes rejalarda nazarda tutilgan quyidagilar:
qishloq xoʻjaligi birlashmalari aʼzolarini meva-sabzavot mahsulotlarini ishlab chiqarishning yangi texnologiyalariga oʻrgatish;
qishloq xoʻjaligi birlashmalari aʼzolarining yerlarida agrotexnik tadbirlar monitoringini oʻtkazish;
qishloq xoʻjaligi birlashmalari aʼzolari tomonidan ishlab chiqariladigan meva-sabzavot mahsulotlarining tashqi bozorlarida marketing tadqiqotlarini oʻtkazish bilan bogʻliq xarajatlarining 50 foizi subsidiyalar taqdim etish orqali Oʻzbekiston Respublikasining Davlat budjeti hamda Oʻzbekiston Respublikasi Investitsiyalar va tashqi savdo vazirligi huzuridagi Eksportni ragʻbatlantirish agentligi mablagʻlari hisobidan, shuningdek, jalb etiladigan xalqaro moliyaviy institutlar mablagʻlari, shu jumladan Jahon banki mablagʻlari hisobidan qoplanadi.
6. Mahalliy davlat hokimiyati organlariga qishloq xoʻjaligi birlashmalari tashkil etilayotgan hududlarda meva-sabzavot mahsulotlari ishlab chiqarish uchun zarur boʻlgan infratuzilma obyektlarini ustuvor rivojlantirgan holda, ularni rivojlantirish uchun mahalliy budjetning qoʻshimcha manbalaridan mablagʻlar yoʻnaltirishga ruxsat berilsin.
7. Oʻzbekiston Respublikasi Moliya vazirligi Investitsiyalar va tashqi savdo vazirligi, Qishloq xoʻjaligi vazirligi bilan birgalikda bir oy muddatda meva-sabzavot mahsulotlari eksportyorlarining qishloq xoʻjaligi birlashmalari aʼzolarini meva-sabzavot mahsulotlarini ishlab chiqarishning yangi texnologiyalariga oʻrgatish, qishloq xoʻjaligi birlashmalari aʼzolarining yerlarida agrotexnik tadbirlar monitoringini oʻtkazish, qishloq xoʻjaligi birlashmalari aʼzolari tomonidan ishlab chiqariladigan meva-sabzavot mahsulotlarining tashqi bozorlarida marketing tadqiqotlarini oʻtkazish bilan bogʻliq xarajatlarining 50 foizini qoplash uchun subsidiyalar taqdim etish tartibini tasdiqlasin.
8. Oʻzbekiston Respublikasi Qishloq xoʻjaligi vazirligi Tashqi ishlar vazirligi, Investitsiyalar va tashqi savdo vazirligi bilan birgalikda 2019-yil 1-iyulga qadar meva-sabzavotchilik sohasida kooperatsiya hissasi yuqori boʻlgan mamlakatlarning qishloq xoʻjaligi birlashmalarini tashkil qilish va ularning faoliyat olib borishi borasidagi tajribasini chuqur oʻrganish maqsadida yangidan tashkil etilayotgan qishloq xoʻjaligi birlashmalari aʼzolarining tanishuv safarini uyushtirsin.
9. Oʻzbekiston Respublikasi Qishloq xoʻjaligi vazirligi Investitsiyalar va tashqi savdo vazirligi bilan birgalikda mazkur qarorning 5 va 8-bandlarida belgilangan vazifalarni amalga oshirish uchun xalqaro moliyaviy institutlarning mablagʻ va grantlari, shu jumladan Jahon banki mablagʻlarini jalb qilish choralarini koʻrsin.
10. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Qishloq xoʻjaligi vazirligi bilan birgalikda Oʻzbekiston Respublikasi Davlat budjeti mablagʻlari hisobidan 2019-yildan boshlab sugʻoriladigan qishloq xoʻjaligi yerlari tuprogʻini, har yili umumiy maydonning kamida 20 foizi hisobidan kelib chiqib, tahlil qilish va agrokimyo kartogrammalarini ilovaga muvofiq ishlab chiqishni taʼminlasin.
11. Oʻzbekiston Respublikasi Moliya vazirligi Iqtisodiyot va sanoat vazirligi, Qishloq xoʻjaligi vazirligi va sugʻurta tashkilotlari bilan birgalikda bir oy muddatda ilgʻor xorijiy tajribani oʻrganish asosida qishloq xoʻjaligi xavf-xatarlarini sugʻurta qilishning zamonaviy mexanizmlarini joriy etish yuzasidan Oʻzbekiston Respublikasi Vazirlar Mahkamasiga takliflar kiritsin.
12. Oʻzbekiston Respublikasi Innovatsion rivojlanish vazirligi Qishloq xoʻjaligi vazirligi, Suv xoʻjaligi vazirligi, Oʻzbekiston standartlashtirish, metrologiya va sertifikatlashtirish agentligi, Yer resurslari, geodeziya, kartografiya va davlat kadastri davlat qoʻmitasi, Fanlar akademiyasi bilan birgalikda uch oy muddatda yer-tuproq, suv, isteʼmol tovarlari, qishloq xoʻjaligi mahsulotlari va mineral oʻgʻitlarning zamonaviy laboratoriya tadqiqotlarini xalqaro standartlar talablariga muvofiq keng qamrovda oʻtkazishni taʼminlovchi kompleks laboratoriya yaratish yuzasidan Oʻzbekiston Respublikasi Vazirlar Mahkamasiga takliflar kiritsin.
13. Oʻzbekiston Respublikasi Fanlar akademiyasi Innovatsion rivojlanish vazirligi, Moliya vazirligi va Qishloq xoʻjaligi vazirligi bilan birgalikda ikki oy muddatda serhosil urugʻlar va koʻchatlarning yangi turlari va navlarini, shu jumladan “in-vitro” usuli asosida yaratuvchi-mualliflarni qoʻshimcha moddiy ragʻbatlantirish yuzasidan takliflar ishlab chiqsin va Oʻzbekiston Respublikasi Vazirlar Mahkamasiga kiritsin.
14. Oʻzbekiston Respublikasi Vazirlar Mahkamasi:
meva-sabzavotchilikni tubdan takomillashtirish va mazkur sohadagi qishloq xoʻjaligi birlashmalarini rivojlantirish boʻyicha tadbirlarni samarali va oʻz vaqtida bajarishni taʼminlash boʻyicha davlat organlari va boshqa tashkilotlar faoliyatini muvofiqlashtirishni taʼminlasin;
2020-yil 1-dekabrga qadar tajriba-sinov natijalari va xorijiy mamlakatlarning ilgʻor tajribasi, shuningdek, bozor iqtisodiyotining zamonaviy talablarini hisobga olgan holda Oʻzbekiston Respublikasi Oliy Majlisi Qonunchilik palatasiga “Qishloq xoʻjaligida kooperatsiya toʻgʻrisida”gi Oʻzbekiston Respublikasi qonuni loyihasini kiritsin.
15. Oʻzbekiston Respublikasi Qishloq xoʻjaligi vazirligi Adliya vazirligi, boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
16. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov, E.M. Gʻaniyev va Oʻzbekiston Respublikasi Bosh vazirining maslahatchisi A.D. Vahobov zimmasiga yuklansin.
Oʻzbekiston Respublikasi Prezidentining 2019-yil 14-martdagi PQ-4239-son qaroriga ILOVA
2019 — 2023-yillarda Qoraqalpogʻiston Respublikasi va viloyatlarning sugʻoriladigan yerlarini agrokimyo tahlilini oʻtkazish va agrokimyo kartogrammalarini ishlab chiqish ishlari
T/r Hududlar nomi Agrokimyo tahlillari oʻtkaziladigan maydonning jami, ga Yillar 2019 2020 2021 2022 2023 maydon, (ming. ga) talab etiladigan summa, ( mln. soʻm) maydon, (ming. ga) summa, (mln. soʻm) 1 ga uchun jami ehtiyoj, (ming. soʻm) maydon, (ming. ga) summa, (mln. soʻm) 1 ga uchun jami ehtiyoj, (ming. soʻm) maydon, (ming. ga) summa, (mln. soʻm) 1 ga uchun jami ehtiyoj, (ming. soʻm) maydon, (ming. ga) summa, (mln. soʻm) 1 ga uchun jami ehtiyoj, (ming. soʻm) maydon, (ming. ga) summa, (mln. soʻm) 1 ga uchun jami ehtiyoj, (ming. soʻm) 1. Qoraqalpogʻiston Respublikasi 423,38 2963,63 423,38 2963,63 7,00 2. Andijon viloyati 230,96 2458,84 230,96 2458,84 10,65 3. Buxoro viloyati 219,51 1767,05 219,51 1767,05 8,05 4. Jizzax viloyati 275,02 2546,00 275,02 2546,00 9,26 5. Qashqadaryo viloyati 452,75 4191,33 452,75 4191,33 9,26 6. Navoiy viloyati 100,41 702,88 100,41 702,88 7,00 7. Namangan viloyati 232,05 1624,35 232,05 1624,35 7,00 8. Samarqand viloyati 309,38 3787,75 309,38 3787,75 12,24 9. Surxondaryo viloyati 269,96 2874,05 269,96 2874,05 10,65 10. Sirdaryo viloyati 255,03 2715,07 255,03 2715,07 10,65 11. Toshkent viloyati 336,86 4124,14 336,86 4124,14 12,24 12. Fargʻona viloyati 295,01 2374,81 295,01 2374,81 8,05 13. Xorazm viloyati 216,77 1744,98 216,77 1744,98 8,05 Jami: 3617,08 33874,89 755,84 5290,86 7,00 731,29 5886,84 8,05 727,77 6737,33 9,26 755,95 8047,96 10,65 646,24 7911,90 12,24
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 14-mart,
PQ-4239-son
Президента Республики Узбекистан
Постановление
РАСПРЕДЕЛЕНИЕ
О мерах по развитию сельскохозяйственной кооперации в плодоовощной отрасли
В стране осуществляются комплексные меры, направленные на совершенствование плодоовощной отрасли, в том числе существенное увеличение посевных площадей, мощностей по хранению и переработке плодоовощной продукции, активному привлечению средств международных финансовых институтов для развития данной отрасли.
Вместе с тем, анализ передового опыта в сфере производства, хранения, переработки и реализации плодоовощной продукции свидетельствует о необходимости эффективного стимулирования развития кооперации производителей данной продукции.
В целях стимулирования создания цепочек добавленной стоимости в плодоовощной отрасли, обеспечения устойчивости производства качественной плодоовощной продукции и ее экспорта, расширения финансовых возможностей производителей данной продукции, а также повышения конкурентоспособности производства:
1. Согласиться с предложениями Министерства сельского хозяйства, Министерства экономики и промышленности, Министерства финансов Республики Узбекистан, Совета фермерских, дехканских хозяйств и владельцев приусадебных земель Узбекистана о:
создании и широком применении института кооперационного объединения самостоятельных и взаимосвязанных сельскохозяйственных предприятий, фермерских, дехканских хозяйств и владельцев приусадебных земель на основе принципов добровольности и паевого участия в создаваемых сельскохозяйственных объединениях (далее — сельхозобъединения);
организации, в порядке эксперимента, в 2019-2020 годах сельхозобъединений в Галляаральском и Зааминском районах Джизакской области, Булунгурском и Ургутском районах Самаркандской области, Алтыарыкском и Кувинском районах Ферганской области, Кибрайском и Паркентском районах Ташкентской области для осуществления совместной деятельности по производству, заготовке, хранению и реализации плодоовощной продукции.
Министерству сельского хозяйства, Министерству экономики и промышленности Республики Узбекистан совместно с Советом фермерских, дехканских хозяйств и владельцев приусадебных земель Узбекистана по итогам эксперимента в срок до 1 декабря 2020 года внести предложения о целесообразности распространения института кооперационного объединения сельхозобъединений в других регионах республики.
2. Определить основными функциями сельхозобъединений:
осуществление маркетингового анализа внутреннего и внешних рынков плодоовощной продукции;
проведение согласованных мер по производству плодоовощной продукции, в том числе по видам и сортам продукции, путем заключения договоров контрактации с членами сельхозобъединений;
организацию совместного использования членами сельхозобъединений имущественных комплексов, техники, оборудования, транспортных средств, необходимых для выращивания плодоовощной продукции, в том числе путем совместной аренды хранилищ и переработки сырья на давальческой основе;
снабжение членов сельхозобъединений сельскохозяйственной техникой, горюче-смазочными материалами, удобрениями, семенами, саженцами и рассадой, а также средствами химической защиты на договорных условиях;
организацию заготовки, транспортировки, хранения, переработки и сбыта произведенной продукции на основе договоров контрактации или комиссии;
привлечение экспортеров к сотрудничеству с сельхозобъединениями с целью обеспечения гарантированного сбыта плодоовощной продукции, соответствующей мировым стандартам;
оказание агротехнических, бухгалтерских, консалтинговых, комиссионных и других услуг членам сельхозобъединений.
3. Установить, что:
членами сельхозобъединения могут быть фермерские, дехканские хозяйства и владельцы приусадебных земель, а также иные физические и юридические лица, осуществляющие деятельность в сфере производства и оказания услуг по заготовке, транспортировке, хранению и сбыту плодоовощной продукции;
членство в сельхозобъединении является добровольным и осуществляется на паевой основе путем внесения вступительных членских взносов (паев) в размере, предусмотренном учредительными документами;
полномочия, передаваемые членами сельхозобъединения непосредственно сельхозобъединению, определяются в учредительных документах. При этом, по остальным вопросам члены сельхозобъединения сохраняют свою экономическую независимость и правовой статус при ведении своей хозяйственной деятельности, а взаимоотношения между сельхозобъединением и его членами строятся на договорных началах;
члены сельхозобъединения не отвечают по обязательствам сельхозобъединения и несут риск убытков, связанных с деятельностью сельхозобъединения, в пределах стоимости внесенных ими взносов (паев), если иное не установлено учредительными документами;
земельные участки членов сельхозобъединения не подлежат оптимизации и изъятию, кроме случаев, предусмотренных Земельным кодексом Республики Узбекистан. При этом изъятие земель членов сельхозобъединений осуществляется исключительно по решению суда.
4. Установить с 1 марта 2019 года порядок, в соответствии с которым члены сельхозобъединений, специализирующиеся на производстве плодоовощной продукции, имеют право самостоятельно принимать решение о размещении сельскохозяйственных культур и их последующей замене, а с 1 января 2020 года — с условием внесения не позднее 1 февраля урожайного года соответствующих данных в создаваемый реестр размещения плодоовощных культур.
5. Установить порядок государственной поддержки:
а) сельхозобъединений и их членов, в соответствии с которым в 2019-2020 годах процентные расходы по кредитам коммерческих банков на приобретение саженцев и сертифицированных семян, а также оборудования по переработке плодоовощной продукции покрываются за счет средств Государственного фонда поддержки развития предпринимательской деятельности при Кабинете Министров Республики Узбекистан в размере 25 процентов от установленной коммерческим банком процентной ставки, но не более 5 процентных пунктов, а по валютным кредитам не более 1,5 процентных пункта;
б) экспортеров, закупающих плодоовощную продукцию у сельхозобъединений, путем предоставления субсидий за счет средств Государственного бюджета Республики Узбекистан и Агентства продвижения экспорта при Министерстве инвестиций и внешней торговли Республики Узбекистан, а также за счет привлекаемых средств международных финансовых институтов, в том числе средств Всемирного банка на покрытие 50 процентов затрат, предусмотренных в утвержденных бизнес планах, связанных с:
обучением членов сельхозобъединений новым технологиям производства плодоовощной продукции;
проведением мониторинга агротехнических мероприятий на землях членов сельхозобъединений;
проведением маркетинговых исследований внешних рынков плодоовощной продукции, производимой членами сельхозобъединений.
6. Разрешить органам государственной власти на местах направлять средства из дополнительных источников местных бюджетов на развитие инфраструктурных объектов, необходимых для производства плодоовощной продукции, с их приоритетным развитием на территориях создаваемых сельхозобъединений.
7. Министерству финансов совместно с Министерством инвестиций и внешней торговли, Министерством сельского хозяйства Республики Узбекистан в месячный срок утвердить порядок предоставления субсидий на покрытие 50 процентов затрат экспортеров плодоовощной продукции, связанных с обучением членов сельхозобъединений новым технологиям производства плодоовощной продукции, проведением мониторинга агротехнических мероприятий на территории членов сельхозобъединений, осуществлением маркетинговых исследований внешних рынков плодоовощной продукции, производимой членами сельхозобъединений.
8. Министерству сельского хозяйства совместно с Министерством иностранных дел и Министерством инвестиций и внешней торговли Республики Узбекистан до 1 июля 2019 года организовать ознакомительную поездку членов вновь создаваемых сельхозобъединений в страны с высокой долей кооперации в плодовощеводстве в целях глубокого изучения их опыта по созданию и функционированию сельхозобъединений.
9. Министерству сельского хозяйства совместно с Министерством инвестиций и внешней торговли Республики Узбекистан принять меры по привлечению средств и грантов международных финансовых институтов, в том числе средств Всемирного банка, для реализации задач, установленных в пунктах 5 и 8 настоящего постановления.
10. Государственному комитету по земельным ресурсам, геодезии, картографии и государственному кадастру совместно с Министерством сельского хозяйства Республики Узбекистан обеспечить, начиная с 2019 года, анализ почвы и разработку агрохимических картограмм орошаемых сельскохозяйственных земель из расчета не менее 20 процентов от ее общей площади в год за счет средств Государственного бюджета Республики Узбекистан согласно приложению .
11. Министерству финансов совместно с Министерством экономики и промышленности, Министерством сельского хозяйства Республики Узбекистан и страховыми организациями в месячный срок на основе изучения передового зарубежного опыта внести в Кабинет Министров Республики Узбекистан предложения по внедрению современных механизмов страхования сельскохозяйственных рисков.
12. Министерству инновационного развития совместно с Министерством сельского хозяйства, Министерством водного хозяйства, Узбекским агентством стандартизации, метрологии и сертификации, Государственным комитетом по земельным ресурсам, геодезии, картографии и государственному кадастру, Академией наук Республики Узбекистан в трехмесячный срок внести в Кабинет Министров Республики Узбекистан предложения по созданию комплексной лаборатории, обеспечивающей проведение широкого спектра современных лабораторных исследований почвы, воды, потребительских товаров, сельскохозяйственной продукции и минеральных удобрений в соответствии с требованиями международных стандартов.
13. Академии наук совместно с Министерством инновационного развития, Министерством финансов и Министерством сельского хозяйства Республики Узбекистан в двухмесячный срок разработать и внести в Кабинет Министров Республики Узбекистан предложения по дополнительному материальному стимулированию авторов-создателей новых видов и сортов высокоурожайных семян и саженцев, в том числе на основе метода «in-vitro».
14. Кабинету Министров Республики Узбекистан:
обеспечить координацию деятельности государственных органов и других организаций по обеспечению эффективного и своевременного выполнения мероприятий по коренному совершенствованию плодоовощеводства и развитию сельхозобъединений в данной отрасли;
в срок до 1 декабря 2020 года внести в Законодательную палату Олий Мажлиса Республики Узбекистан проект Закона Республики Узбекистан «О кооперации в сельском хозяйстве» с учетом результатов эксперимента и передового опыта зарубежных стран, а также современных требований рыночной экономики.
15. Министерству сельского хозяйства совместно с Министерством юстиции Республики Узбекистан, другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
16. Контроль за исполнением настоящего постановления возложить на заместителей Премьер-министра Республики Узбекистан Д.А. Кучкарова, Э.М. Ганиева и советника Премьер-министра Республики Узбекистан А.Д. Вахабова.
ПРИЛОЖЕНИЕ к постановлению Президента Республики Узбекистан от 14 марта 2019 года № ПП-4239
работ по проведению агрохимических анализов и разработке агрохимических картограмм орошаемых земель Республики Каракалпакстан и областей в 2019 — 2023 годах
№ Наименование регионов Всего площадь проведения агрохимических анализов, га Годы 2019 2020 2021 2022 2023 площадь, (тыс. га) требуемая сумма, (млн. сум) площадь, (тыс. га) сумма, (млн. сум) Всего потреб ность за 1 га, (тыс. сум) площадь, (тыс. га) сумма, (млн. сум) Всего потреб ность за 1 га, (тыс. сум) пло щадь, (тыс. га) сумма, (млн. сум) Всего потреб ность за 1 га, (тыс. сум) площадь, (тыс. га) сумма, (млн. сум) Всего потреб ность за 1 га, (тыс. сум) площадь, (тыс. га) сумма, (млн. сум) Всего потреб ность за 1 га, (тыс. сум) 1. Республика Каракалпакстан 423,38 2963,63 423,38 2963,63 7,00 2. Андижанская область 230,96 2458,84 230,96 2458,84 10,65 3. Бухарская область 219,51 1767,05 219,51 1767,05 8,05 4. Джизакская область 275,02 2546,00 275,02 2546,00 9,26 5. Кашкадарьинская область 452,75 4191,33 452,75 4191,33 9,26 6. Навоийская область 100,41 702,88 100,41 702,88 7,00 7. Наманганская область 232,05 1624,35 232,05 1624,35 7,00 8. Самаркандская область 309,38 3787,75 309,38 3787,75 12,24 9. Сурхандарьинская область 269,96 2874,05 269,96 2874,05 10,65 10. Сырдарьинская область 255,03 2715,07 255,03 2715,07 10,65 11. Ташкентская область 336,86 4124,14 336,86 4124,14 12,24 12. Ферганская область 295,01 2374,81 295,01 2374,81 8,05 13. Хорезмская область 216,77 1744,98 216,77 1744,98 8,05 Всего: 3617,08 33874,89 755,84 5290,86 7,00 731,29 5886,84 8,05 727,77 6737,33 9,26 755,95 8047,96 10,65 646,24 7911,90 12,24
Президент Республики Узбекистан Ш. МИРЗИЁЕВ
г. Ташкент,
14 марта 2019 г.,
№ ПП-4239