📅 2019-yil 15-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 15 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 марта 2019 г. · Постановления Президента
Официальный текст. Официальный документ. Редакционные примечания не включены.
📅 15 March 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси фаолиятини ташкил этиш чора-тадбирлари тўғрисида
Ўзбекистон Республикаси Президентининг 2019 йил 15 мартдаги «Тадбиркорлик фаолиятини ҳимоя қилиш тизимини тубдан такомиллаштириш ва прокуратура органлари фаолиятини оптималлаштириш чора-тадбирлари тўғрисида»ги ПФ-5690-сон Фармонига мувофиқ, шунингдек, Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси фаолиятини самарали ташкил этиш мақсадида:
2. Қуйидагилар:
Ўзбекистон Республикаси Қишлоқ хўжалиги вазирлиги ҳузуридаги Агросаноат мажмуи устидан назорат қилиш инспекциясини ривожлантириш жамғармаси Вазирлар Маҳкамаси ҳузуридаги Агросаноат мажмуи устидан назорат қилиш инспекциясини ривожлантириш жамғармаси;
Ўзбекистон Республикаси Қишлоқ хўжалиги вазирлиги ҳузуридаги Агросаноат мажмуи устидан назорат қилиш инспекцияси ҳузуридаги «Қишлоқ хўжалиги маҳсулотлари сифатини баҳолаш маркази» давлат муассасаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси ҳузуридаги «Қишлоқ хўжалиги маҳсулотлари сифатини баҳолаш маркази» давлат муассасаси деб қайта номлансин.
3. Инспекция бошлиғига, зарур ҳолларда, Инспекциянинг ҳудудий бўлинмалари ташкилий-штат тузилмаларига белгиланган умумий штат бирликлари доирасида ўзгартиришлар киритиш, шунингдек, Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекциясини ривожлантириш жамғармаси маблағлари ҳисобидан Инспекция ва унинг ҳудудий бўлинмалари ишлаб чиқариш ходимларининг қўшимча штат бирликларини киритиш ҳуқуқи берилсин.
4. Қуйидагилар Инспекциянинг асосий вазифалари этиб белгилансин:
а) қуйидагилар устидан давлат назоратини амалга ошириш:
қишлоқ хўжалиги соҳасидаги қонунчилик ҳужжатлари талабларига риоя этилиши ҳолати;
пахта, бошоқли дон ва бошқа қишлоқ хўжалиги экинлари уруғларини тайёрлаш ва қайта ишлаш ҳамда сақлаш бўйича талабларга риоя қилиниши;
қишлоқ хўжалиги ва озиқ-овқат маҳсулотлари захираларини шакллантириш бўйича талаблар бажарилиши;
пахта, бошоқли дон ва бошқа қишлоқ хўжалиги экинлари ҳосили ҳамда уларнинг уруғлари, шунингдек, улардан қайта ишланган маҳсулотларнинг сифати, улардан оқилона ҳамда мақсадли фойдаланилиши, уларнинг сифатли сақланиши ҳамда нобудгарчилиги камайтирилиши;
корхоналар томонидан пахта техник чигитининг тўлиқ технологик циклда мақсадли қайта ишлаганлиги ҳамда уларнинг маҳсулоти сифатини тасдиқловчи гигиеник хулоса ва мувофиқлик сертификатларига эгалиги;
дон сақланаётган корхоналарда унинг сифати ва миқдори бўйича тўғри сақланиши;
қишлоқ хўжалигига мўлжалланган ерлардан мақсадли фойдаланиш, қишлоқ хўжалиги экинларини жойлаштириш, экиш ва парваришлаш, экинлар навларини синаш бўйича амалга оширилган ишлар юзасидан барча назорат ва мониторинг амалга оширилиши;
идоравий бўйсунуви ва ташкилий-ҳуқуқий шаклидан қатъи назар барча корхоналар, муассасалар ҳамда ташкилотларда қишлоқ хўжалиги, мелиорация ва йўл-қурилиш техникаларининг техник ҳолати, уларнинг эксплуатация қилиниши самарадорлиги, шунингдек, сервис ва таъмирлаш хизматларининг сифати, қишлоқ хўжалиги техникаси ва технологияларини мажбурий ва даврий синовдан ўтказиш устидан назорат амалга оширилиши;
қишлоқ хўжалигига мўлжалланган ерларни муҳофаза қилиш ва улардан мақсадли фойдаланилиши;
б) экспорт-импорт ва республика ичидаги ташишларда пахта, бошоқли дон ва бошқа қишлоқ хўжалиги экинлари ҳосили, уларнинг уруғлари ҳамда улардан қайта ишланган маҳсулотлар сифатини мажбурий давлат текширувини ўтказиш;
в) ҳуқуқбузарликларни аниқлаш, уларнинг келиб чиқиш сабаблари ва шарт-шароитларини бартараф этиш чораларини кўриш борасида комплекс чора-тадбирларни амалга ошириш;
г) қонунчилик ҳужжатларида белгиланган тартибда маъмурий ҳуқуқбузарликлар тўғрисидаги ишларни юритиш, ваколатлар доирасида тўғридан-тўғри маъмурий ҳуқуқбузарликлар тўғрисида баённомалар расмийлаштириш ва айбдор шахсларни жаримага тортиш.
4 1 . Белгилансинки, ғўзанинг бирламчи ва элита уруғчилиги лабораторияларидаги синов намуналарининг тола сифати қонунчилик ҳужжатларида белгиланган тартибда Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси қошидаги «Қишлоқ хўжалиги маҳсулотлари сифатини баҳолаш маркази» давлат муассасасида бепул таҳлил қилиб берилади.
5. Белгилаб қўйилсинки:
Инспекцияни Ўзбекистон Республикаси Президенти томонидан лавозимига тайинланадиган ҳамда лавозимидан озод этиладиган бошлиқ бошқаради;
Инспекция бевосита Ўзбекистон Республикаси Вазирлар Маҳкамасига ҳисобдордир;
Инспекция бошлиғи меҳнатига ҳақ тўлаш, тиббий ва транспорт хизмат кўрсатиш шартлари бўйича вазирга, Инспекция бошлиғи ўринбосарлари — вазир ўринбосарига тенглаштирилади.
6. Белгилансинки:
Инспекция қайта ташкил этилаётган Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекциясининг ҳуқуқлари, мажбуриятлари ва шартномалари бўйича ҳуқуқий вориси ҳисобланади;
Инспекция таъминоти Ўзбекистон Республикаси Давлат бюджети маблағлари ҳисобидан амалга оширилади;
Инспекция зиммасига юклатилган вазифаларни бажариш учун зарур бўлган ахборот, ҳужжатлар ва бошқа материаллар уларнинг қонуний талабига кўра бепул тақдим этилади;
давлат органлари, шу жумладан ҳуқуқни муҳофаза қилувчи ва назорат қилувчи тузилмалар Инспекцияга унинг зиммасига юклатилган вазифа ва функцияларни бажаришда ҳар томонлама кўмаклашиши шарт.
Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси қошидаги «Қишлоқ хўжалиги маҳсулотлари сифатини баҳолаш маркази» давлат муассасаси томонидан Инспекциянинг назорат функцияларини амалга ошириш учун кўрсатиладиган хизматларнинг солиқ солинадиган базага киритилмайдиган амалдаги тартиби сақланиб қолинсин.
7. Ўзбекистон Республикаси Бош прокуратураси икки ҳафта муддатда қайта ташкил этилаётган Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси балансида турган ва у томонидан фойдаланилаётган бинолар, иншоотлар, транспорт воситалари ва бошқа моддий-техника қимматликларини Инспекция балансига ўтказилишини таъминласин.
8. Ўзбекистон Республикаси Вазирлар Маҳкамаси (Вахабов) икки ой муддатда Инспекция ва унинг ҳудудий бўлинмаларини юклатилган вазифаларнинг юқори ҳамда профессионал даражада бажарилишини таъминлай оладиган малакали кадрлар билан тўлдирилишини таъминласин.
9. Ўзбекистон Республикаси Молия вазирлиги Инспекциянинг асослантирилган ҳисоб-китоблари бўйича 2019 йил учун Ўзбекистон Республикаси Давлат бюджети харажатлари параметрларига мазкур қарордан келиб чиқадиган тегишли ўзгартиришларни киритсин.
10. Ўзбекистон Республикаси Вазирлар Маҳкамаси бир ой муддатда:
Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси тўғрисидаги низомни ;
Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекцияси қошидаги «Агросаноат мажмуида хизматлар кўрсатиш маркази» давлат унитар корхонаси тўғрисидаги низомни;
Ўзбекистон Республикаси Вазирлар Маҳкамаси ҳузуридаги Агросаноат мажмуи устидан назорат қилиш инспекциясини ривожлантириш жамғармаси тўғрисидаги низомни;
қайта ташкил этилаётган Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси учун молиялаштириш, меҳнатга ҳақ тўлаш миқдорлари ва моддий рағбатлантиришнинг амалдаги тартибини назарда тутган ҳолда Инспекция ва унинг ҳудудий бўлинмалари ходимларининг меҳнатига Ягона тариф сеткаси бўйича ҳақ тўлаш разрядларини тасдиқласин.
11. Инспекция Тошкент шаҳри, Шайхонтоҳур тумани, Обиназир кўчаси, 109-уйда жойлаштирилсин.
12. Ўзбекистон Республикаси Президентининг 2018 йил 7 майдаги «Ўзбекистон Республикаси Бош прокуратураси ҳузуридаги Агросаноат мажмуи ва озиқ-овқат хавфсизлиги таъминланиши устидан назорат қилиш инспекцияси фаолиятини ташкил этиш чора-тадбирлари тўғрисида»ги ПҚ-3699-сон қарори ўз кучини йўқотган деб ҳисоблансин.
13. Инспекция Ўзбекистон Республикаси Адлия вазирлиги, бошқа вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 15 март,
ПҚ-4241-сон
Oʻzbekiston Respublikasi Prezidentining
Qarori
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining 2019-yil 15-martdagi “Tadbirkorlik faoliyatini himoya qilish tizimini tubdan takomillashtirish va prokuratura organlari faoliyatini optimallashtirish chora-tadbirlari toʻgʻrisida”gi PF-5690-son Farmoniga muvofiq, shuningdek, Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi faoliyatini samarali tashkil etish maqsadida:
2. Quyidagilar:
Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi;
Oʻzbekiston Respublikasi Qishloq xoʻjaligi vazirligi huzuridagi Agrosanoat majmui ustidan nazorat qilish inspeksiyasi huzuridagi “Qishloq xoʻjaligi mahsulotlari sifatini baholash markazi” davlat muassasasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi huzuridagi “Qishloq xoʻjaligi mahsulotlari sifatini baholash markazi” davlat muassasasi deb qayta nomlansin.
3. Inspeksiya boshligʻiga, zarur hollarda, Inspeksiyaning hududiy boʻlinmalari tashkiliy-shtat tuzilmalariga belgilangan umumiy shtat birliklari doirasida oʻzgartirishlar kiritish, shuningdek, Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi mablagʻlari hisobidan Inspeksiya va uning hududiy boʻlinmalari ishlab chiqarish xodimlarining qoʻshimcha shtat birliklarini kiritish huquqi berilsin.
4. Quyidagilar Inspeksiyaning asosiy vazifalari etib belgilansin:
a) quyidagilar ustidan davlat nazoratini amalga oshirish:
qishloq xoʻjaligi sohasidagi qonunchilik hujjatlari talablariga rioya etilishi holati;
paxta, boshoqli don va boshqa qishloq xoʻjaligi ekinlari urugʻlarini tayyorlash va qayta ishlash hamda saqlash boʻyicha talablarga rioya qilinishi;
qishloq xoʻjaligi va oziq-ovqat mahsulotlari zaxiralarini shakllantirish boʻyicha talablar bajarilishi;
paxta, boshoqli don va boshqa qishloq xoʻjaligi ekinlari hosili hamda ularning urugʻlari, shuningdek, ulardan qayta ishlangan mahsulotlarning sifati, ulardan oqilona hamda maqsadli foydalanilishi, ularning sifatli saqlanishi hamda nobudgarchiligi kamaytirilishi;
korxonalar tomonidan paxta texnik chigitining toʻliq texnologik siklda maqsadli qayta ishlaganligi hamda ularning mahsuloti sifatini tasdiqlovchi gigiyenik xulosa va muvofiqlik sertifikatlariga egaligi;
don saqlanayotgan korxonalarda uning sifati va miqdori boʻyicha toʻgʻri saqlanishi;
qishloq xoʻjaligiga moʻljallangan yerlardan maqsadli foydalanish, qishloq xoʻjaligi ekinlarini joylashtirish, ekish va parvarishlash, ekinlar navlarini sinash boʻyicha amalga oshirilgan ishlar yuzasidan barcha nazorat va monitoring amalga oshirilishi;
idoraviy boʻysunuvi va tashkiliy-huquqiy shaklidan qatʼi nazar barcha korxonalar, muassasalar hamda tashkilotlarda qishloq xoʻjaligi, melioratsiya va yoʻl-qurilish texnikalarining texnik holati, ularning ekspluatatsiya qilinishi samaradorligi, shuningdek, servis va taʼmirlash xizmatlarining sifati, qishloq xoʻjaligi texnikasi va texnologiyalarini majburiy va davriy sinovdan oʻtkazish ustidan nazorat amalga oshirilishi;
qishloq xoʻjaligiga moʻljallangan yerlarni muhofaza qilish va ulardan maqsadli foydalanilishi;
b) eksport-import va respublika ichidagi tashishlarda paxta, boshoqli don va boshqa qishloq xoʻjaligi ekinlari hosili, ularning urugʻlari hamda ulardan qayta ishlangan mahsulotlar sifatini majburiy davlat tekshiruvini oʻtkazish;
v) huquqbuzarliklarni aniqlash, ularning kelib chiqish sabablari va shart-sharoitlarini bartaraf etish choralarini koʻrish borasida kompleks chora-tadbirlarni amalga oshirish;
g) qonunchilik hujjatlarida belgilangan tartibda maʼmuriy huquqbuzarliklar toʻgʻrisidagi ishlarni yuritish, vakolatlar doirasida toʻgʻridan-toʻgʻri maʼmuriy huquqbuzarliklar toʻgʻrisida bayonnomalar rasmiylashtirish va aybdor shaxslarni jarimaga tortish.
4 1 . Belgilansinki, gʻoʻzaning birlamchi va elita urugʻchiligi laboratoriyalaridagi sinov namunalarining tola sifati qonunchilik hujjatlarida belgilangan tartibda Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Qishloq xoʻjaligi mahsulotlari sifatini baholash markazi” davlat muassasasida bepul tahlil qilib beriladi.
5. Belgilab qoʻyilsinki:
Inspeksiyani Oʻzbekiston Respublikasi Prezidenti tomonidan lavozimiga tayinlanadigan hamda lavozimidan ozod etiladigan boshliq boshqaradi;
Inspeksiya bevosita Oʻzbekiston Respublikasi Vazirlar Mahkamasiga hisobdordir;
Inspeksiya boshligʻi mehnatiga haq toʻlash, tibbiy va transport xizmat koʻrsatish shartlari boʻyicha vazirga, Inspeksiya boshligʻi oʻrinbosarlari — vazir oʻrinbosariga tenglashtiriladi.
6. Belgilansinki:
Inspeksiya qayta tashkil etilayotgan Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasining huquqlari, majburiyatlari va shartnomalari boʻyicha huquqiy vorisi hisoblanadi;
Inspeksiya taʼminoti Oʻzbekiston Respublikasi Davlat budjeti mablagʻlari hisobidan amalga oshiriladi;
Inspeksiya zimmasiga yuklatilgan vazifalarni bajarish uchun zarur boʻlgan axborot, hujjatlar va boshqa materiallar ularning qonuniy talabiga koʻra bepul taqdim etiladi;
davlat organlari, shu jumladan huquqni muhofaza qiluvchi va nazorat qiluvchi tuzilmalar Inspeksiyaga uning zimmasiga yuklatilgan vazifa va funksiyalarni bajarishda har tomonlama koʻmaklashishi shart.
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Qishloq xoʻjaligi mahsulotlari sifatini baholash markazi” davlat muassasasi tomonidan Inspeksiyaning nazorat funksiyalarini amalga oshirish uchun koʻrsatiladigan xizmatlarning soliq solinadigan bazaga kiritilmaydigan amaldagi tartibi saqlanib qolinsin.
7. Oʻzbekiston Respublikasi Bosh prokuraturasi ikki hafta muddatda qayta tashkil etilayotgan Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi balansida turgan va u tomonidan foydalanilayotgan binolar, inshootlar, transport vositalari va boshqa moddiy-texnika qimmatliklarini Inspeksiya balansiga oʻtkazilishini taʼminlasin.
8. Oʻzbekiston Respublikasi Vazirlar Mahkamasi (Vaxabov) ikki oy muddatda Inspeksiya va uning hududiy boʻlinmalarini yuklatilgan vazifalarning yuqori hamda professional darajada bajarilishini taʼminlay oladigan malakali kadrlar bilan toʻldirilishini taʼminlasin.
9. Oʻzbekiston Respublikasi Moliya vazirligi Inspeksiyaning asoslantirilgan hisob-kitoblari boʻyicha 2019-yil uchun Oʻzbekiston Respublikasi Davlat budjeti xarajatlari parametrlariga mazkur qarordan kelib chiqadigan tegishli oʻzgartirishlarni kiritsin.
10. Oʻzbekiston Respublikasi Vazirlar Mahkamasi bir oy muddatda:
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi toʻgʻrisidagi nizomni ;
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasi qoshidagi “Agrosanoat majmuida xizmatlar koʻrsatish markazi” davlat unitar korxonasi toʻgʻrisidagi nizomni;
Oʻzbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspeksiyasini rivojlantirish jamgʻarmasi toʻgʻrisidagi nizomni;
qayta tashkil etilayotgan Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi uchun moliyalashtirish, mehnatga haq toʻlash miqdorlari va moddiy ragʻbatlantirishning amaldagi tartibini nazarda tutgan holda Inspeksiya va uning hududiy boʻlinmalari xodimlarining mehnatiga Yagona tarif setkasi boʻyicha haq toʻlash razryadlarini tasdiqlasin.
11. Inspeksiya Toshkent shahri, Shayxontohur tumani, Obinazir koʻchasi, 109-uyda joylashtirilsin.
12. Oʻzbekiston Respublikasi Prezidentining 2018-yil 7-maydagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi faoliyatini tashkil etish chora-tadbirlari toʻgʻrisida”gi PQ-3699-son qarori oʻz kuchini yoʻqotgan deb hisoblansin.
13. Inspeksiya Oʻzbekiston Respublikasi Adliya vazirligi, boshqa vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 15-mart,
PQ-4241-son
Президента Республики Узбекистан
Постановление
О мерах по организации деятельности Инспекции по контролю за агропромышленным комплексом при Кабинете Министров Республики Узбекистан
В соответствии с Указом Президента Республики Узбекистан от 15 марта 2019 года № УП-5690 «О мерах по коренному совершенствованию системы защиты предпринимательской деятельности и оптимизации деятельности органов прокуратуры», а также в целях эффективной организации деятельности Инспекции по контролю за агропромышленным комплексом при Кабинете Министров Республики Узбекистан:
2. Переименовать:
Фонд развития Инспекции по контролю за агропромышленным комплексом при Министерстве сельского хозяйства в Фонд развития Инспекции по контролю за агропромышленным комплексом при Кабинете Министров Республики Узбекистан;
государственное учреждение «Центр оценки качества сельскохозяйственной продукции» при Инспекции по контролю за агропромышленным комплексом при Министерстве сельского хозяйства в государственное учреждение «Центр оценки качества сельскохозяйственной продукции» при Инспекции по контролю за агропромышленным комплексом при Кабинете Министров Республики Узбекистан.
3. Предоставить начальнику Инспекции право вносить, при необходимости, изменения в организационно-штатные структуры территориальных подразделений Инспекции в пределах установленной общей штатной численности, а также вводить дополнительные штатные единицы производственных работников Инспекции и ее территориальных подразделений за счет средств Фонда развития Инспекции по контролю за агропромышленным комплексом при Кабинете Министров Республики Узбекистан.
4. Определить основными задачами Инспекции:
а) осуществление государственного контроля за:
состоянием соблюдения требований актов законодательства в сфере сельского хозяйства;
соблюдением требований по заготовке, переработке и хранению посевных семян хлопчатника, зерновых колосовых и других сельскохозяйственных культур;
выполнением требований по формированию запасов сельскохозяйственной и продовольственной продукции;
качеством, рациональным и целевым использованием, обеспечением надежной сохранности и сокращением потерь урожая хлопчатника, зерновых колосовых и других сельскохозяйственных культур, их семян и продуктов переработки;
целенаправленной переработкой технических семян хлопчатника предприятиями в полном технологическом цикле и наличием гигиенических заключений и сертификатов соответствия, подтверждающих качество их продукции;
правильным хранением зерна по его качеству и количеству на предприятиях, хранящих зерно;
осуществлением контроля и мониторинга работ, проводимых по рациональному использованию сельскохозяйственных земель, размещению, посеву и уходу за сельскохозяйственными культурами, тестированию их сортов;
осуществлением контроля за техническим состоянием сельскохозяйственной, мелиоративной и дорожно-строительной техники в предприятиях, учреждениях и организациях независимо от ведомственной принадлежности и организационно-правовой формы, эффективности их эксплуатации, качеством сервисных и ремонтных услуг, проведением обязательных и периодических испытаний сельскохозяйственной техники и технологий;
охраной и целевым использованием земель сельскохозяйственного назначения;
б) проведение обязательного государственного инспектирования качества урожая хлопчатника, зерновых колосовых и других сельскохозяйственных культур, их семян и продуктов переработки при экспортно-импортных и внутриреспубликанских перевозках;
в) реализацию комплекса мер по выявлению правонарушений и принятию мер по устранению причин и условий, им способствующих;
г) ведение производства по делам об административных правонарушениях в порядке, установленном законодательством, непосредственное оформление протоколов об административном правонарушении и наложении штрафа на виновных лиц в пределах полномочий.
4 1 . Определить, что анализ качества волокна экспериментальных образцов хлопчатника в лабораториях первичного и элитного семеноводства осуществляется государственным учреждением «Центр оценки качества сельскохозяйственной продукции» Инспекции по контролю за агропромышленным комплексом при Кабинете Министров Республики Узбекистан бесплатно.
5. Определить, что:
Инспекцию возглавляет начальник, назначаемый на должность и освобождаемый от должности Президентом Республики Узбекистан;
Инспекция подотчетна непосредственно Кабинету Министров Республики Узбекистан;
начальник Инспекции по условиям оплаты труда, медицинского и транспортного обслуживания приравнивается к министру, заместители начальника Инспекции — к заместителю министра.
6. Установить, что:
Инспекция является правопреемником по правам, обязательствам и договорам преобразуемой Инспекции по контролю за агропромышленным комплексом и обеспечением продовольственной безопасности при Генеральной прокуратуре Республики Узбекистан;
содержание Инспекции осуществляется за счет средств Государственного бюджета Республики Узбекистан;
информация, документы и иные материалы, необходимые для выполнения возложенных на Инспекцию задач, представляются по ее законному требованию безвозмездно;
государственные органы, в том числе правоохранительные и контролирующие структуры, обязаны оказывать всестороннее содействие Инспекции в выполнении возложенных на нее задач и функций.
Сохранить действующий порядок, в соответствии с которым услуги, оказываемые ГУ «Центр оценки качества сельскохозяйственной продукции» при Инспекции по контролю за агропромышленным комплексом при Кабинете Министров Республики Узбекистан для осуществления контрольных функций Инспекции, не включаются в налогооблагаемую базу.
7. Генеральной прокуратуре в двухнедельный срок обеспечить передачу на баланс Инспекции зданий, сооружений, транспортных средств и других материально-технических ценностей, находящихся на балансе и используемых преобразуемой Инспекцией по контролю за агропромышленным комплексом и обеспечением продовольственной безопасности при Генеральной прокуратуре Республики Узбекистан.
8. Кабинету Министров Республики Узбекистан (Вахабов) в двухмесячный срок укомплектовать Инспекцию и ее территориальные подразделения квалифицированными кадрами, способными на высоком и профессиональном уровне обеспечить выполнение возложенных задач.
9. Министерству финансов Республики Узбекистан по обоснованным расчетам Инспекции внести соответствующие изменения в параметры расходов Государственного бюджета Республики Узбекистан на 2019 год, вытекающие из настоящего постановления.
10. Кабинету Министров Республики Узбекистан в месячный срок утвердить:
Положение об Инспекции по контролю за агропромышленным комплексом при Кабинете Министров Республики Узбекистан;
Положение о Государственном унитарном предприятии «Центр по оказанию услуг в агропромышленном комплексе» при Инспекции по контролю за агропромышленным комплексом при Кабинете Министров Республики Узбекистан;
Положение о Фонде развития Инспекции по контролю за агропромышленным комплексом при Кабинете Министров Республики Узбекистан;
разряды по оплате труда по Единой тарифной сетке работников Инспекции и ее территориальных подразделений, предусмотрев порядок финансирования, размеры оплаты труда и материального стимулирования, действовавшие для преобразованной Инспекции по контролю за агропромышленным комплексом и обеспечением продовольственной безопасности при Генеральной прокуратуре Республики Узбекистан.
11. Разместить Инспекцию по адресу: город Ташкент, Шайхантахурский район, улица Обиназир, дом 109.
12. Признать утратившим силу постановление Президента Республики Узбекистан от 7 мая 2018 года № ПП-3699 «О мерах по организации деятельности Инспекции по контролю за агропромышленным комплексом и обеспечением продовольственной безопасности при Генеральной прокуратуре Республики Узбекистан».
13. Инспекции совместно с Министерством юстиции, другими министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
14. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
15 марта 2019 г.,
№ ПП-4241