📅 2019-yil 18-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 18 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 марта 2019 г. · Постановления Президента
Официальный текст. Официальный документ. Редакционные примечания не включены.
📅 18 March 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Эшитиш ва нутқида муаммоси бўлган шахсларни ижтимоий қўллаб-қувватлашга оид қўшимча чора-тадбирлар тўғрисида
Сўнгги йилларда республикада ногиронлиги бўлган шахслар ва аҳолининг ижтимоий заиф қатламига тиббий-ижтимоий ёрдам кўрсатишни кучайтиришга қаратилган изчил чоралар кўрилди.
Шу билан бирга, эшитиш ва нутқида муаммоси бўлган шахслар учун ахборот ресурслари ва давлат тезкор оператив хизматлар билан алоқа ўрнатиш имкониятларини тўлиқ таъминлаш орқали мавжуд шароитларга мослаштириш тизимини янада такомиллаштириш зарурияти мавжуд.
Эшитиш ва нутқида муаммоси бўлган шахсларнинг жамиятга тўлиқ ижтимоий интеграциясини таъминлаш, аҳолининг ижтимоий заиф қатламига тиббий-ижтимоий ёрдам кўрсатиш соҳасига ахборот-коммуникация технологияларини жорий этиш, шунингдек ушбу тоифадаги шахсларнинг ҳуқуқлари ва қонуний манфаатларини ишончли ҳимоя қилиш учун шарт-шароитлар яратиш мақсадида:
1. Фавқулодда вазиятлар вазирлиги, Соғлиқни сақлаш вазирлиги, Инновацион ривожланиш вазирлиги ва Молия вазирлигининг 2019 йил 1 июлдан Ўзбекистон Республикаси Фавқулодда вазиятлар вазирлиги таркибида юридик шахс мақомига эга бўлмаган, Эшитиш ва нутқида муаммоси бўлган шахсларни ижтимоий қўллаб-қувватлаш диспетчерлик хизматини ташкил этиш (кейинги ўринларда — Диспетчерлик хизмати) тўғрисидаги таклифи маъқуллансин.
2. Диспетчерлик хизматининг асосий вазифаси этиб эшитиш ва нутқида муаммоси бўлган шахслар, шунингдек уларнинг вакиллари томонидан техник воситалар (видео қўнғироқлар, матнли хабарлар, махсус дастурий таъминотдан фойдаланган ҳолда қўнғироқлар ва бошқалар) орқали бўладиган мурожаатларга шошилинч оператив хизматларнинг (101, 102, 103, 104, 1050) кечаю кундуз, тезкор жавоб беришларини мувофиқлаштирган ҳолда таъминлаш белгилансин.
3. Белгилаб қўйилсинки:
Диспетчерлик хизмати ходимлар таркиби Ўзбекистон Республикаси Фавқулодда вазиятлар вазирлигига қўшимча ажратиладиган дастлабки 10 штат бирлиги ҳисобига тўлдирилади (бир нафар сержантлар таркибидаги ҳарбий хизматчи ва 9 нафар хизматчи) ва кейинчалик тушадиган хабарлар ҳамда мурожаатлар ҳажмига қараб уларнинг сони 22 нафаргача етказилади;
Диспетчерлик хизматини дастлабки техник жиҳозлаш билан боғлиқ харажатлари (сервер ускуналари, компьютер техникаси ва оргтехника, дастурий таъминот) Ўзбекистон Республикаси Соғлиқни сақлаш вазирлиги ҳузуридаги Тез тиббий ёрдамни ривожлантириш жамғармаси маблағлари ҳисобидан қопланади;
Диспетчерлик хизматини жорий таъминлаш ва молиялаштириш Ўзбекистон Республикаси Фавқулодда вазиятлар вазирлигига давлат бюджетидан ҳар йили ажратиладиган маблағлар ҳисобидан амалга оширилади.
Ўзбекистон Республикаси Фавқулодда вазиятлар вазирлигига зарур бўлганда Молия вазирлиги билан келишилган ҳолда, мазкур банднинг иккинчи хатбоши талабларини инобатга олиб, Диспетчерлик хизматининг белгиланган штат бирлигига ўзгартиришлар киритиш ҳуқуқи берилсин.
4. Ўзбекистон Республикаси Соғлиқни сақлаш вазирлиги:
Ўзбекистон карлар жамияти билан биргаликда бир ой муддатда Диспетчерлик хизматини юкланган вазифаларни профессионал даражада бажаришга қодир мутахассислар билан тўлдириш мақсадида Ўзбекистон Республикаси Фавқулодда вазиятлар вазирлигига имо-ишора тилида сўзлашадиган мутахассислар орасидан номзодларни тақдим этсин;
уч ой муддатда ўзларининг бюджетдан ташқари маблағлари ҳисобига эшитиш ва нутқида муаммоси бўлган шахсларнинг шахсий маълумотлари электрон базасини яратишни таъминласин.
5. Ўзбекистон Республикаси Фавқулодда вазиятлар вазирлиги:
Ўзбекистон Республикаси Ички ишлар вазирлиги, Соғлиқни сақлаш вазирлиги, бошқа манфаатдор вазирлик ва идоралар билан биргаликда икки ой муддатда Диспетчерлик хизматининг регламентини тасдиқласин;
Ўзбекистон Республикаси Соғлиқни сақлаш вазирлиги билан биргаликда икки ой муддатда Диспетчерлик хизматининг фаолияти учун керакли бўлган техник жиҳозланишини (сервер ускуналари, компьютер техникаси ва оргтехника, дастурий таъминот) таъминласин;
уч ой муддатда Диспетчерлик хизмати фаолиятининг хусусиятларини инобатга олиб, тўлиқ фаолият кўрсатишини таъминлаш учун жойлаштириш, жиҳозлаш ва бошқа ташкилий масалаларни ҳал қилиш чораларини кўрсин;
Ўзбекистон Республикаси Ахборот технологиялари ва коммуникацияларини ривожлантириш вазирлиги, Инновацион ривожланиш вазирлиги, Ички ишлар вазирлиги ва бошқа манфаатдор идоралар билан биргаликда 2019 йил 1 июлга қадар эшитиш ва нутқида муаммоси бўлган шахсларга шошилинч оператив хизматлар билан ўзаро ҳамкорлик қилиш, шу жумладан мобил алоқа сервисларидан фойдаланиш бўйича бепул хизмат кўрсатиш имконини берувчи ахборот тизимини ишлаб чиқсин ва жорий этсин;
бошқа манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
6. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон миллий ахборот агентлиги ва Ўзбекистон миллий телерадиокомпанияси оммавий ахборот воситаларида ушбу қарорнинг мақсад ва вазифаларини ёритиш бўйича мақолалар ҳамда мавзуга оид кўрсатувларни ташкил этсин.
7. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси Т.А. Худайбергенов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 18 март,
ПҚ-4242-сон
Oʻzbekiston Respublikasi Prezidentining
Qarori
Eshitish va nutqida muammosi boʻlgan shaxslarni ijtimoiy qoʻllab-quvvatlashga oid qoʻshimcha chora-tadbirlar toʻgʻrisida
Soʻnggi yillarda respublikada nogironligi boʻlgan shaxslar va aholining ijtimoiy zaif qatlamiga tibbiy-ijtimoiy yordam koʻrsatishni kuchaytirishga qaratilgan izchil choralar koʻrildi.
Shu bilan birga, eshitish va nutqida muammosi boʻlgan shaxslar uchun axborot resurslari va davlat tezkor operativ xizmatlar bilan aloqa oʻrnatish imkoniyatlarini toʻliq taʼminlash orqali mavjud sharoitlarga moslashtirish tizimini yanada takomillashtirish zaruriyati mavjud.
Eshitish va nutqida muammosi boʻlgan shaxslarning jamiyatga toʻliq ijtimoiy integratsiyasini taʼminlash, aholining ijtimoiy zaif qatlamiga tibbiy-ijtimoiy yordam koʻrsatish sohasiga axborot-kommunikatsiya texnologiyalarini joriy etish, shuningdek ushbu toifadagi shaxslarning huquqlari va qonuniy manfaatlarini ishonchli himoya qilish uchun shart-sharoitlar yaratish maqsadida:
1. Favqulodda vaziyatlar vazirligi, Sogʻliqni saqlash vazirligi, Innovatsion rivojlanish vazirligi va Moliya vazirligining 2019-yil 1-iyuldan Oʻzbekiston Respublikasi Favqulodda vaziyatlar vazirligi tarkibida yuridik shaxs maqomiga ega boʻlmagan, Eshitish va nutqida muammosi boʻlgan shaxslarni ijtimoiy qoʻllab-quvvatlash dispetcherlik xizmatini tashkil etish (keyingi oʻrinlarda — Dispetcherlik xizmati) toʻgʻrisidagi taklifi maʼqullansin.
2. Dispetcherlik xizmatining asosiy vazifasi etib eshitish va nutqida muammosi boʻlgan shaxslar, shuningdek ularning vakillari tomonidan texnik vositalar (video qoʻngʻiroqlar, matnli xabarlar, maxsus dasturiy taʼminotdan foydalangan holda qoʻngʻiroqlar va boshqalar) orqali boʻladigan murojaatlarga shoshilinch operativ xizmatlarning (101, 102, 103, 104, 1050) kechayu kunduz, tezkor javob berishlarini muvofiqlashtirgan holda taʼminlash belgilansin.
3. Belgilab qoʻyilsinki:
Dispetcherlik xizmati xodimlar tarkibi Oʻzbekiston Respublikasi Favqulodda vaziyatlar vazirligiga qoʻshimcha ajratiladigan dastlabki 10 shtat birligi hisobiga toʻldiriladi (bir nafar serjantlar tarkibidagi harbiy xizmatchi va 9 nafar xizmatchi) va keyinchalik tushadigan xabarlar hamda murojaatlar hajmiga qarab ularning soni 22 nafargacha yetkaziladi;
Dispetcherlik xizmatini dastlabki texnik jihozlash bilan bogʻliq xarajatlari (server uskunalari, kompyuter texnikasi va orgtexnika, dasturiy taʼminot) Oʻzbekiston Respublikasi Sogʻliqni saqlash vazirligi huzuridagi Tez tibbiy yordamni rivojlantirish jamgʻarmasi mablagʻlari hisobidan qoplanadi;
Dispetcherlik xizmatini joriy taʼminlash va moliyalashtirish Oʻzbekiston Respublikasi Favqulodda vaziyatlar vazirligiga davlat budjetidan har yili ajratiladigan mablagʻlar hisobidan amalga oshiriladi.
Oʻzbekiston Respublikasi Favqulodda vaziyatlar vazirligiga zarur boʻlganda Moliya vazirligi bilan kelishilgan holda, mazkur bandning ikkinchi xatboshi talablarini inobatga olib, Dispetcherlik xizmatining belgilangan shtat birligiga oʻzgartirishlar kiritish huquqi berilsin.
4. Oʻzbekiston Respublikasi Sogʻliqni saqlash vazirligi:
Oʻzbekiston karlar jamiyati bilan birgalikda bir oy muddatda Dispetcherlik xizmatini yuklangan vazifalarni professional darajada bajarishga qodir mutaxassislar bilan toʻldirish maqsadida Oʻzbekiston Respublikasi Favqulodda vaziyatlar vazirligiga imo-ishora tilida soʻzlashadigan mutaxassislar orasidan nomzodlarni taqdim etsin;
uch oy muddatda oʻzlarining budjetdan tashqari mablagʻlari hisobiga eshitish va nutqida muammosi boʻlgan shaxslarning shaxsiy maʼlumotlari elektron bazasini yaratishni taʼminlasin.
5. Oʻzbekiston Respublikasi Favqulodda vaziyatlar vazirligi:
Oʻzbekiston Respublikasi Ichki ishlar vazirligi, Sogʻliqni saqlash vazirligi, boshqa manfaatdor vazirlik va idoralar bilan birgalikda ikki oy muddatda Dispetcherlik xizmatining reglamentini tasdiqlasin;
Oʻzbekiston Respublikasi Sogʻliqni saqlash vazirligi bilan birgalikda ikki oy muddatda Dispetcherlik xizmatining faoliyati uchun kerakli boʻlgan texnik jihozlanishini (server uskunalari, kompyuter texnikasi va orgtexnika, dasturiy taʼminot) taʼminlasin;
uch oy muddatda Dispetcherlik xizmati faoliyatining xususiyatlarini inobatga olib, toʻliq faoliyat koʻrsatishini taʼminlash uchun joylashtirish, jihozlash va boshqa tashkiliy masalalarni hal qilish choralarini koʻrsin;
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligi, Ichki ishlar vazirligi va boshqa manfaatdor idoralar bilan birgalikda 2019-yil 1-iyulga qadar eshitish va nutqida muammosi boʻlgan shaxslarga shoshilinch operativ xizmatlar bilan oʻzaro hamkorlik qilish, shu jumladan mobil aloqa servislaridan foydalanish boʻyicha bepul xizmat koʻrsatish imkonini beruvchi axborot tizimini ishlab chiqsin va joriy etsin;
boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
6. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, Oʻzbekiston milliy axborot agentligi va Oʻzbekiston milliy teleradiokompaniyasi ommaviy axborot vositalarida ushbu qarorning maqsad va vazifalarini yoritish boʻyicha maqolalar hamda mavzuga oid koʻrsatuvlarni tashkil etsin.
7. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi T.A. Xudaybergenov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 18-mart,
PQ-4242-son
Президента Республики Узбекистан
Постановление
О дополнительных мерах по социальной поддержке лиц с проблемами слуха и речи
За последние годы в республике приняты последовательные меры, направленные на усиление оказания медико-социальной помощи лицам с инвалидностью и другим социально уязвимым слоям населения.
Вместе с тем, имеется необходимость дальнейшего совершенствования системы адаптации лиц с проблемами слуха и речи к существующим условиям жизни за счет обеспечения их полноценного доступа к информационным ресурсам и возможности их коммуникации с государственными экстренными оперативными службами.
В целях обеспечения полноценной социальной интеграции лиц с проблемами слуха и речи в общество, внедрения информационно-коммуникационных технологий в сферу оказания медико-социальной помощи социально уязвимым слоям населения, а также создания условий для надежной защиты прав и законных интересов данных категорий лиц:
1. Согласиться с предложением Министерства по чрезвычайным ситуациям, Министерства здравоохранения, Министерства инновационного развития и Министерства финансов о создании с 1 июля 2019 года в структуре Министерства по чрезвычайным ситуациям Республики Узбекистан Диспетчерской службы по социальному сопровождению лиц с проблемами слуха и речи (далее — Диспетчерская служба) без статуса юридического лица.
2. Определить основной задачей Диспетчерской службы круглосуточное обеспечение скоординированного ускоренного реагирования экстренных оперативных служб (101, 102, 103, 104, 1050) на поступающие обращения от лиц с проблемами слуха и речи, а также их представителей посредством технических средств (видеовызовы, текстовые сообщения, вызовы посредством специализированного программного обеспечения и другие).
3. Установить, что:
Диспетчерская служба комплектуется за счет выделения Министерству по чрезвычайным ситуациям Республики Узбекистан на первоначальном этапе дополнительных 10 штатных единиц (один военнослужащий сержантского состава, девять служащих) с последующим доведением их количества до 22 единиц в зависимости от объема поступающих сообщений и обращений;
расходы, связанные с первоначальным техническим оснащением Диспетчерской службы (серверное оборудование, компьютерная техника и оргтехника, программное обеспечение), покрываются за счет средств Фонда развития скорой медицинской помощи при Министерстве здравоохранения Республики Узбекистан;
текущее содержание и финансирование деятельности Диспетчерской службы осуществляются за счет бюджетных средств, ежегодно выделяемых Министерству по чрезвычайным ситуациям Республики Узбекистан.
Предоставить Министерству по чрезвычайным ситуациям право по согласованию с Министерством финансов Республики Узбекистан вносить, при необходимости, изменения в установленную штатную численность Диспетчерской службы с учетом требований абзаца второго настоящего пункта.
4. Министерству здравоохранения Республики Узбекистан:
в месячный срок совместно с Обществом глухих Узбекистана представить в Министерство по чрезвычайным ситуациям Республики Узбекистан кандидатуры из числа специалистов, владеющих языком жестов, в целях укомплектования Диспетчерской службы квалифицированными специалистами, способными на профессиональном уровне обеспечить выполнение возложенных задач;
в трехмесячный срок обеспечить создание за счет собственных внебюджетных средств электронной базы персональных данных лиц с проблемами слуха и речи.
5. Министерству по чрезвычайным ситуациям Республики Узбекистан:
в двухмесячный срок совместно с Министерством внутренних дел, Министерством здравоохранения Республики Узбекистан, другими заинтересованными министерствами и ведомствами утвердить регламент Диспетчерской службы;
в двухмесячный срок совместно с Министерством здравоохранения Республики Узбекистан обеспечить техническое оснащение Диспетчерской службы (серверное оборудование, компьютерная техника и оргтехника, программное обеспечение);
в трехмесячный срок принять меры по размещению, обустройству и решению других организационных вопросов для обеспечения полноценного функционирования Диспетчерской службы с учетом специфики ее деятельности;
в срок до 1 июля 2019 года совместно с Министерством по развитию информационных технологий и коммуникаций, Министерством инновационного развития, Министерством внутренних дел Республики Узбекистан и другими заинтересованными ведомствами разработать и внедрить информационную систему, предусматривающую бесплатное предоставление лицам с проблемами слуха и речи услуг по взаимодействию с экстренными оперативными службами, в том числе при использовании сервисов мобильной связи;
в двухмесячный срок совместно с другими заинтересованными министерствами и ведомствами внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
6. Агентству информации и массовых коммуникаций при Администрации Президента Республики Узбекистан, Национальному информационному агентству Узбекистана и Национальной телерадиокомпании Узбекистана организовать в средствах массовой информации публикации и тематические телепередачи по освещению целей и задач настоящего постановления.
7. Контроль за исполнением настоящего постановления возложить на советника Президента Республики Узбекистан Худайбергенова Т.А. и заместителя Премьер-министра Республики Узбекистан Абдухакимова А.А.
Президент Республики Узбекистан Ш. МИРЗИЁЕВ
г. Ташкент,
18 марта 2019 г.,
№ ПП-4242