📅 2019-yil 16-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 16 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 марта 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 16 March 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат мулкидан самарали фойдаланиш бўйича қўшимча чора-тадбирлар тўғрисида
Давлат мулки бўлган объектлар ва ишлаб чиқариш майдонларидан самарали фойдаланишни ташкил этиш мақсадида Вазирлар Маҳкамаси қарор қилади:
1. Ўзбекистон Республикаси Ахборот технологиялари ва коммуникацияларини ривожлантириш вазирлиги, Давлат активларини бошқариш агентлиги, «Давлат ахборот хизматларини яратиш ва қўллаб-қувватлаш бўйича ягона интегратор — UZINFOCOM» масъулияти чекланган жамиятининг (кейинги ўринларда Жамият деб аталади) Тошкент шаҳар, Яшнобод тумани, Фарғона йўли кўчаси, 15-уй манзилида жойлашган Жамиятнинг 2,2 га ер майдони ва тугалланмаган қурилиш объектини Ўзбекистон Республикаси Ахборот технологиялари ва коммуникацияларини ривожлантириш вазирлиги «Электромагнит мослашув маркази» давлат унитар корхонасига (кейинги ўринларда «Электромагнит мослашув маркази» ДУК деб аталади) баланс қийматида давлат улушини камайтириш ҳисобига бериш тўғрисидаги таклифлари маъқуллансин.
2. Ўзбекистон Республикаси Давлат активларини бошқариш агентлиги Ахборот технологиялари ва коммуникацияларини ривожлантириш вазирлиги билан биргаликда бир ой муддатда Тошкент шаҳар, Яшнобод тумани, Фарғона йўли кўчаси, 15-уй манзилида жойлашган Жамиятнинг 2,2 га ер майдони ва тугалланмаган қурилиш объектини белгиланган тартибда «Электромагнит мослашув маркази» ДУКга топширилишини ҳамда «Электромагнит мослашув маркази» ДУК томонидан қабул қилиб олинишини таъминласин.
3. Вазирлар Маҳкамасининг «Ўзбекистон Республикасида мобиль қурилмаларни ҳисобга олиш тизимини тартибга солиш чора-тадбирлари тўғрисида» 2018 йил 22 октябрдаги 847-сон қарорида (Ўзбекистон Республикаси ҚҲТ, 2018 йил, 43-сон, 846-модда):
а) 2-банднинг учинчи хатбошисидаги «UZINFOCOM давлат ахборот хизматларини яратиш ва қўллаб-қувватлаш бўйича ягона интегратор» МЧЖ» сўзлари «Ўзбекистон телекоммуникация тармоқларини бошқариш республика маркази» давлат унитар корхонаси» сўзлари билан алмаштирилсин;
б) 3-банднинг «б» кичик банди биринчи хатбошисидаги «уч ой муддатда» сўзлари «2019 йил 1 августгача» сўзлари билан алмаштирилсин.
4. Вазирлар Маҳкамасининг 2016 йил 1 июлдаги 525-ф-сон фармойиши ўз кучини йўқотган деб ҳисоблансин.
5. Мазкур қарорнинг бажарилишини назорат қилиш Ўзбекистон Республикаси ахборот технологиялари ва коммуникацияларини ривожлантириш вазири Ш.М. Садиков ҳамда Давлат активларини бошқариш агентлиги директори Н.С. Жўраев зиммаларига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 16 март,
223-сон
Oʻzbekiston Respublikasi Vazirlar Mahkamasining
qarori
Davlat mulkidan samarali foydalanish boʻyicha qoʻshimcha chora-tadbirlar toʻgʻrisida
Davlat mulki boʻlgan obyektlar va ishlab chiqarish maydonlaridan samarali foydalanishni tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Davlat aktivlarini boshqarish agentligi, “Davlat axborot xizmatlarini yaratish va qoʻllab-quvvatlash boʻyicha yagona integrator — UZINFOCOM” masʼuliyati cheklangan jamiyatining (keyingi oʻrinlarda Jamiyat deb ataladi) Toshkent shahar, Yashnobod tumani, Fargʻona yoʻli koʻchasi, 15-uy manzilida joylashgan Jamiyatning 2,2 ga yer maydoni va tugallanmagan qurilish obyektini Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi “Elektromagnit moslashuv markazi” davlat unitar korxonasiga (keyingi oʻrinlarda “Elektromagnit moslashuv markazi” DUK deb ataladi) balans qiymatida davlat ulushini kamaytirish hisobiga berish toʻgʻrisidagi takliflari maʼqullansin.
2. Oʻzbekiston Respublikasi Davlat aktivlarini boshqarish agentligi Axborot texnologiyalari va kommunikatsiyalarini rivojlantirish vazirligi bilan birgalikda bir oy muddatda Toshkent shahar, Yashnobod tumani, Fargʻona yoʻli koʻchasi, 15-uy manzilida joylashgan Jamiyatning 2,2 ga yer maydoni va tugallanmagan qurilish obyektini belgilangan tartibda “Elektromagnit moslashuv markazi” DUKga topshirilishini hamda “Elektromagnit moslashuv markazi” DUK tomonidan qabul qilib olinishini taʼminlasin.
3. Vazirlar Mahkamasining “Oʻzbekiston Respublikasida mobil qurilmalarni hisobga olish tizimini tartibga solish chora-tadbirlari toʻgʻrisida” 2018-yil 22-oktabrdagi 847-son qarorida (Oʻzbekiston Respublikasi QHT, 2018-yil, 43-son, 846-modda):
a) 2-bandning uchinchi xatboshisidagi “UZINFOCOM davlat axborot xizmatlarini yaratish va qoʻllab-quvvatlash boʻyicha yagona integrator” MChJ” soʻzlari “Oʻzbekiston telekommunikatsiya tarmoqlarini boshqarish respublika markazi” davlat unitar korxonasi” soʻzlari bilan almashtirilsin;
b) 3-bandning “b” kichik bandi birinchi xatboshisidagi “uch oy muddatda” soʻzlari “2019-yil 1-avgustgacha” soʻzlari bilan almashtirilsin.
4. Vazirlar Mahkamasining 2016-yil 1-iyuldagi 525-f-son farmoyishi oʻz kuchini yoʻqotgan deb hisoblansin.
5. Mazkur qarorning bajarilishini nazorat qilish Oʻzbekiston Respublikasi axborot texnologiyalari va kommunikatsiyalarini rivojlantirish vaziri Sh.M. Sadikov hamda Davlat aktivlarini boshqarish agentligi direktori N.S. Joʻrayev zimmalariga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 16-mart,
223-son