📅 2019-yil 20-mart · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 20 март · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 20 марта 2019 г. · Постановления Президента
Официальный текст. Официальный документ. Редакционные примечания не включены.
📅 20 March 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
таркиби
рўйхати
Тошкент шаҳрида Вебстер университетининг таълим дастурларини амалга ошириш марказини ташкил этиш тўғрисида
Сўнгги йилларда мамлакатимизда олий таълимни ривожлантириш, таълим фаолиятига илғор педагогик технологияларни жорий этиш, кадрларни тайёрлаш сифатини ошириш, таълим, илм-фан ва ишлаб чиқаришни интеграция қилишнинг таъсирчан механизмларини яратишга йўналтирилган кенг кўламли чора-тадбирлар амалга оширилди.
Шу билан бирга, таълим хизматларининг замонавий ривожланиш тенденцияси тармоққа хорижий мамлакатларнинг етакчи таълим муассасалари илғор тажрибасини янада жорий этиш, улар билан яқин шериклик муносабатларини мустаҳкамлаш, таълим соҳасига чет эл инвестицияларини жалб этиш учун қулай шарт-шароитларни яратиш зарурати мавжудлигидан далолат бермоқда.
Иқтисодиёт тармоқлари учун юқори малакали кадрлар тайёрлаш тизимини янада такомиллаштириш, олий таълим соҳасида халқаро ҳамкорликни кенгайтириш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ:
1. Ўзбекистон Республикаси Олий ва ўрта махсус таълим вазирлиги ҳамда Вебстер университетининг (АҚШ) (кейинги ўринларда — Университет) Тошкент шаҳрида Вебстер университетининг таълим дастурларини амалга ошириш марказини (кейинги ўринларда — Марказ) ташкил этиш тўғрисидаги таклифига розилик берилсин.
2. Белгилаб қўйилсинки:
Марказ олий таълим муассасаси — юридик шахс шаклидаги Ўзбекистон Республикаси резиденти ҳисобланади, алоҳида мол-мулк, мустақил балансга эга, тасарруфидаги пул маблағлари ва мол-мулк билан ўз мажбуриятлари бўйича жавобгар ҳисобланади;
Марказ Ўзбекистон Республикаси Олий ва ўрта махсус таълим вазирлиги ва Университет (кейинги ўринларда — таъсисчилар) томонидан таъсис этилади;
Марказ таъсисчилар билан келишилган ҳолда таълимнинг бакалавриат босқичи асосий йўналишлари ва магистратура мутахассисликларига мувофиқ мутахассислар тайёрлаш, қайта тайёрлаш ва уларнинг малакасини ошириш, шу жумладан илмий-педагогик кадрлар тайёрлашни амалга оширади;
Марказда ўқитиш кундузги таълим шаклида, тўлов-контракт асосида, инглиз тилида, жумладан электрон таълим ва масофавий таълим технологияларини қўллаган ҳолда Университет томонидан тасдиқланган ўқув режалар ва дастурлар асосида амалга оширилади;
Марказда тўлов-контракт асосида таълим бериш нархи миқдори таъсисчилар билан келишилган ҳолда белгиланади;
Марказда таълим фаолияти 2019/2020 ўқув йилидан бошлаб амалга оширилади;
Марказга абитуриентлар қабули ва битирувчилар аттестацияси Ўзбекистон Республикаси Олий таълим, фан ва инновациялар вазирлиги билан келишилган ҳолда Университет томонидан белгиланган талаб, тартиб ва муддатларга мувофиқ амалга оширилади;
Марказ битирувчиларига Ўзбекистон Республикасида олий маълумот тўғрисидаги ҳужжат сифатида тан олинадиган Университетнинг белгиланган намунадаги дипломи берилади.
3. Марказнинг асосий вазифалари ва фаолият йўналишлари этиб қуйидагилар белгилансин:
ахборот-коммуникация технологиялари, оммавий ахборот воситалари, тадбиркорлик, табиий фанлар ва педагогика соҳаларида халқаро стандартлар даражасида юқори малакали мутахассислар тайёрлашни таъминлаш;
иқтисодиёт тармоқларига инновацияларни жорий қилишни рағбатлантириш, илмий тадқиқотлар натижаларини тижоратлаштириш имкониятларини кенгайтириш, таълим олувчиларнинг инновацион ғояларини амалга ошириш учун инвестицияларни жалб этиш;
республика олий таълим тизимига замонавий таълим технологияларига асосланган ўқув жараёнларини жорий қилиш бўйича илғор хорижий тажрибаларни татбиқ этиш, очиқ ахборот-таълим муҳитини ривожлантиришга кўмаклашиш;
педагог кадрларнинг профессионал маҳорати даражаси ва сифатини оғишмай ошириб бориш, Марказнинг профессор-ўқитувчи ходимларини хорижий мамлакатларнинг етакчи олий таълим муассасаларида малака ошириши ва стажировка ўташи;
таълим ва илм-фаннинг узлуксизлиги ва изчиллиги тамойили, шунингдек, жаҳон таълими ва илмий ҳамжамиятга уйғун интеграциялашуви асосида мутахассис ва илмий кадрлар тайёрлаш тизимини ривожлантириш;
таълим ва илмий соҳаларда хорижий мамлакатларнинг етакчи таълим муассасалари, илмий-тадқиқот марказлари билан узоқ муддатли алоқаларни ривожлантириш ва мустаҳкамлаш.
4. Маълумот учун қабул қилинсинки, Университет:
таълим жараёнига илғор педагогик ва ахборот технологияларини, илм-фан ва техниканинг энг янги ютуқларини татбиқ этишни таъминлашга кўмаклашади;
Марказ мутахассислари малакасини ошириш ва профессор-ўқитувчи ходимларини қайта тайёрлашни ташкил қилади;
Марказ кутубхона фондини шакллантириш ва уни замонавий ўқув, ўқув-услубий ва илмий-техник адабиётлар билан бойитишга кўмаклашади;
Ўзбекистон Республикасининг бошқа олий таълим муассасалари билан тузилган ўзаро битимлар асосида қўшма таълим дастурлари бўйича мутахассислар тайёрлашни амалга оширади;
Университетнинг малакали профессор-ўқитувчиларини Марказда таълим бериш ва ўқув жараёнини ташкил этиш учун жалб қилади.
5. Белгилаб қўйилсинки:
а) Марказга таълим олувчиларни қабул қилиш квоталари манфаатдор вазирлик, идора ва бошқа ташкилотларнинг тегишли кадрларга бўлган эҳтиёжини ҳисобга олган ҳолда таъсисчиларнинг қўшма қарорига биноан тасдиқланади;
б) Марказ фаолиятини молиялаштириш қуйидагилар ҳисобидан амалга оширилади:
тўлов-контракт асосида талабаларни ўқитишдан тушган маблағлар;
Олий таълим, фан ва инновациялар вазирлигининг асосланган буюртмаларига мувофиқ Ўзбекистон Республикаси Давлат бюджети маблағлари;
юридик ва жисмоний шахсларнинг ҳомийлик хайриялари;
халқаро молия институтлари грантлари;
қонунчиликда тақиқланмаган бошқа манбалар;
в) Марказни ташкил этиш, унинг моддий-техника ва таълим базасини шакллантириш, шунингдек, таъмирлаш-тиклаш, бино ва иншоотларни зарур мебель, инвентарь, замонавий ўқув ва лаборатория ускуналари, компьютер ва бошқа ташкилий техникалар билан жиҳозлаш бўйича ташкилий-амалий чора-тадбирларни молиялаштириш Ўзбекистон Республикаси Давлат бюджети, Олий таълим, фан ва инновациялар вазирлигининг Олий таълим муассасаларини ривожлантириш жамғармаси маблағлари, шунингдек, қонунчиликда тақиқланмаган бошқа манбалар ҳисобидан амалга оширилади;
г) Марказ профессор-ўқитувчилари, шу жумладан хориждан жалб қилинадиган ходимларнинг меҳнатига ҳақ тўлаш ва хизмат сафари харажатлари Университет маблағлари ҳисобидан амалга оширилади.
6. Университетга:
кадрларга бўлган эҳтиёж ва мамлакатнинг ижтимоий-иқтисодий ривожланиши истиқболидан келиб чиқиб, Ўзбекистон Республикаси Олий таълим, фан ва инновациялар вазирлиги билан биргаликда таълимнинг бакалавриат босқичи асосий йўналишлари ва магистратура мутахассисликларини очишга;
профессор-ўқитувчи ходимлар, шунингдек, педагогик ва илмий иш олиб боришга жалб этиладиган бошқа шахслар меҳнати, яшаши ҳамда транспорт харажатлари учун уларга белгиланган тарифлар бўйича тўлов амалга оширишга рухсат берилсин.
7. Қуйидагилар:
Тошкент шаҳридаги Вебстер университетининг таълим дастурларини амалга ошириш марказини ташкил этиш бўйича ташкилий комиссия таркиби (кейинги ўринларда — Ташкилий комиссия) 1-иловага мувофиқ;
Тошкент шаҳридаги Вебстер университетининг таълим дастурларини амалга ошириш марказида таълимнинг бакалавриат босқичи асосий йўналишлари ва магистратура мутахассисликлари рўйхати 2-иловага мувофиқ маъқуллансин.
8. Ташкилий комиссия (А. Абдуҳакимов):
а) 2019 йил 1 августга қадар Марказнинг бино ва иншоотлари реконструкция қилиниши, шунингдек, Марказ профессор-ўқитувчилари учун яшаш жойлари тайёрланишини;
б) 2019 йил 31 августга қадар Марказни замонавий ўқув-лаборатория жиҳозлари, компьютер ва ташкилий техника, ўқитишнинг техник воситалари, адабиётлар, мультимедиа маҳсулотлари, инвентарь, мебель ва бошқа моддий-техник воситалар билан жиҳозлашни;
в) 2020 йил 31 августга қадар Ўзбекистон Республикасининг ривожланиш давлат дастурлари доирасида ажратиладиган маблағлар ҳисобидан:
Марказда ўқув аудиториялари, таълим олувчилар учун турар жойлар ва профессор-ўқитувчи ходимларининг вақтинча яшаши учун меҳмонхона типидаги бинолар назарда тутилган 400 ўринли ўқув корпусининг реконструкция қилиниши ва жиҳозланишини;
Марказни жойлаштириш учун мўлжалланган бинолар комплекси ҳудудида жойлашган ошхона ўрнида тренажёр зали учун ертўлага эга бўлган спорт зали қурилишини таъминласин.
9. Тошкент шаҳар, Навоий кўчаси, 13-уйда жойлашган Тошкент архитектура-қурилиш институтининг бино ва иншоотлари ҳамда унга туташ ҳудуд оператив бошқарув ҳуқуқи билан Ўзбекистон Республикаси Олий ва ўрта махсус таълим вазирлигига ўтказилсин ҳамда кейинчалик бепул фойдаланиш учун белгиланган тартибда Марказга берилсин.
10. Марказнинг бино ва иншоотларини реконструкция қилиш ҳамда жиҳозлаш бўйича:
Ўзбекистон Республикаси Олий ва ўрта махсус таълим вазирлиги қошидаги «Ягона буюртмачи хизмати» инжиниринг компанияси — буюртмачи;
«Grand stroy proekt» МЧЖ — бош лойиҳа ташкилоти этиб белгилансин.
Буюртмачига, истисно тариқасида, танлов савдоларисиз, энг мақбул таклифларни танлаб олиш орқали Марказнинг бино ва иншоотларини реконструкция қилиш ва жиҳозлаш бўйича бош пудратчини белгилашга рухсат берилсин.
11. Марказга иккита, шу жумладан битта шахсий бириктирилган ва битта навбатчи енгил автотранспорт воситасини сақлашга лимит ажратилсин.
12. 2022 йил 1 апрелга қадар:
Марказ барча турдаги солиқлар тўлашдан;
Университет Ўзбекистон Республикасидаги фаолиятидан ҳам доимий муассаса орқали, ҳам тўлов манбаидан олинган даромадлар бўйича юридик шахслардан олинадиган фойда солиғидан;
белгиланган тартибда шакллантириладиган рўйхатлар бўйича Марказни жиҳозлаш ва фаолиятини таъминлаш учун олиб кириладиган, Ўзбекистон Республикасида ишлаб чиқарилмайдиган ўқув ва илмий лаборатория ускуналари, компьютер техникаси, дастурий маҳсулотлар, ўқув ва илмий-услубий адабиётлар, инвентарь ва моддий-техника ресурслари, шунингдек, автотранспорт воситалари божхона тўловларидан (божхона йиғимларидан ташқари) озод этилсин.
13. Ўзбекистон Республикаси Олий ва ўрта махсус таълим вазирлиги икки ой муддатда Марказнинг устави ва тузилмаси ишлаб чиқилиши ва тасдиқланишини, шунингдек, белгиланган тартибда унинг давлат рўйхатидан ўтказилишини таъминласин.
14. Ўзбекистон Республикаси Ташқи ишлар вазирлиги Олий таълим, фан ва инновациялар вазирлигининг буюртманомаларига кўра мазкур қарорни амалга ошириш доирасида жалб қилинадиган хорижий профессор-ўқитувчилар ва маъмурий ходимлар, шунингдек, уларнинг оила аъзолари ҳамда Марказга қабул қилинган чет эллик талабалар учун кириш визаларини консуллик ва бошқа йиғимларни ундирмаган ҳолда белгиланган тартибда расмийлаштирилишини таъминласин.
15. Ўзбекистон Республикаси Ички ишлар вазирлиги Олий таълим, фан ва инновациялар вазирлигининг буюртманомаларига кўра Марказнинг хорижий профессор-ўқитувчилари ва маъмурий ходимларига, шунингдек, уларнинг оила аъзолари ҳамда Марказга қабул қилинган чет эллик талабаларга давлат божини ундирмаган ҳолда кўп марталик визалар берилиши ва муддати узайтирилишини, шунингдек, уларнинг яшаш жойида вақтинчалик рўйхатдан ўтказилиши ҳамда муддати узайтирилишини белгиланган тартибда таъминласин.
16. Ўзбекистон Республикаси Олий ва ўрта махсус таълим вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
17. Мазкур қарорнинг ижросини назорат қилиш Ўзбекистон Республикаси Президенти маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президентининг 2019 йил 20 мартдаги ПҚ-4245-сон қарорига 1-ИЛОВА
Тошкент шаҳридаги Вебстер университетининг таълим дастурларини амалга ошириш марказини ташкил этиш бўйича ташкилий комиссия
А.А. Абдухакимов — Ўзбекистон Республикаси Бош вазири ўринбосари, Ташкилий комиссия раиси И.У. Маджидов — Ўзбекистон Республикаси олий ва ўрта махсус таълим вазири Б.А. Ходжаев — Ўзбекистон Республикаси иқтисодиёт ва саноат вазири Ш.М. Садиков — Ўзбекистон Республикаси ахборот технологиялари ва коммуникацияларини ривожлантириш вазири А.Х. Тўхтаев — Ўзбекистон Республикаси қурилиш вазири М.Б. Азимов — Ўзбекистон Республикаси Давлат божхона қўмитаси раиси Ж.А. Артикходжаев — Тошкент шаҳар ҳокими А.Д. Хаджаев — Ўзбекистон Миллий телерадиокомпанияси раиси в.б. Б.Б. Ашрафханов — Ўзбекистон Республикаси молия вазири ўринбосари Д.Х. Ахатов — Ўзбекистон Республикаси ташқи ишлар вазири ўринбосари Дж. Шустер — Вебстер университети (АҚШ) катта проректори (келишув асосида) К.С. Ризаев — Ўзбекистон Республикаси Вазирлар Маҳкамасининг Ижтимоий ривожлантириш масалалари котибияти мудири, Ташкилий комиссия котиби
Ўзбекистон Республикаси Президентининг 2019 йил 20 мартдаги ПҚ-4245-сон қарорига 2-ИЛОВА
Тошкент шаҳридаги Вебстер университетининг таълим дастурларини амалга ошириш марказида таълимнинг бакалавриат босқичи асосий йўналишлари ва магистратура мутахассисликлари
Т/р Таълимнинг бакалавриат босқичи асосий йўналишлари ва магистратура мутахассисликларининг номланиши I. Таълимнинг бакалавриат босқичи асосий йўналишлари 1. Бошқарувнинг ахборот тизимлари (фан бакалаври) 2. Интерфаол рақамли медиа (санъат бакалаври) 3. Медиакоммуникациялар (санъат бакалаври) 4. График дизайн (санъат бакалаври) 5. Реклама ва маркетинг коммуникациялари (санъат бакалаври) 6. Информатика (фан бакалаври) 7. Тадбиркорлик (санъат бакалаври) 8. Иқтисодиёт (санъат бакалаври) 9. Халқаро муносабатлар (санъат бакалаври): халқаро иқтисодиётга эътибор қаратилади 10. Бухгалтерия ҳисоби (фан бакалаври) 11. Европа тадқиқотлари (санъат бакалаври) 12. Глобал журналистика (санъат бакалаври) 13. Жамоатчилик билан алоқалар (санъат бакалаври) 14. Кино, телевидение ва видео ишлаб чиқарилиши (санъат бакалаври) II. Магистратура мутахассисликлари 1. Ахборот технологиялар бошқаруви (санъат магистри) 2. Коммуникациялар бошқаруви (санъат магистри) 3. Бизнес бошқаруви (бизнесни бошқариш бўйича магистр) 4. Бизнес ва ташкилий хавфсизлик бошқаруви (санъат магистри) 5. Савдо бошқаруви (санъат магистри) 6. Медиакоммуникациялар (санъат магистри) 7. Реклама ва маркетинг коммуникациялари (санъат магистри) 8. Таълим ва инновациялар (санъат магистри) 9. Таълим технологиялари (санъат магистри) 10. Амалий педагогик психология (санъат магистри) 11. STEM (санъат магистри) 12. Инглиз тилини иккинчи тил сифатида ўқитиш (санъат магистри) 13. Менежмент ва лидерлик (санъат магистри) 14. Экология менежменти (санъат магистри) 15. Соғлиқни сақлаш бошқаруви (санъат магистри) 16. Суд ҳисоби (фан магистри)
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 20 март,
ПҚ-4245-сон
Oʻzbekiston Respublikasi Prezidentining
Qarori
tarkibi
roʻyxati
Toshkent shahrida Vebster universitetining taʼlim dasturlarini amalga oshirish markazini tashkil etish toʻgʻrisida
Soʻnggi yillarda mamlakatimizda oliy taʼlimni rivojlantirish, taʼlim faoliyatiga ilgʻor pedagogik texnologiyalarni joriy etish, kadrlarni tayyorlash sifatini oshirish, taʼlim, ilm-fan va ishlab chiqarishni integratsiya qilishning taʼsirchan mexanizmlarini yaratishga yoʻnaltirilgan keng koʻlamli chora-tadbirlar amalga oshirildi.
Shu bilan birga, taʼlim xizmatlarining zamonaviy rivojlanish tendensiyasi tarmoqqa xorijiy mamlakatlarning yetakchi taʼlim muassasalari ilgʻor tajribasini yanada joriy etish, ular bilan yaqin sheriklik munosabatlarini mustahkamlash, taʼlim sohasiga chet el investitsiyalarini jalb etish uchun qulay shart-sharoitlarni yaratish zarurati mavjudligidan dalolat bermoqda.
Iqtisodiyot tarmoqlari uchun yuqori malakali kadrlar tayyorlash tizimini yanada takomillashtirish, oliy taʼlim sohasida xalqaro hamkorlikni kengaytirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:
1. Oʻzbekiston Respublikasi Oliy va oʻrta maxsus taʼlim vazirligi hamda Vebster universitetining (AQSH) (keyingi oʻrinlarda — Universitet) Toshkent shahrida Vebster universitetining taʼlim dasturlarini amalga oshirish markazini (keyingi oʻrinlarda — Markaz) tashkil etish toʻgʻrisidagi taklifiga rozilik berilsin.
2. Belgilab qoʻyilsinki:
Markaz oliy taʼlim muassasasi — yuridik shaxs shaklidagi Oʻzbekiston Respublikasi rezidenti hisoblanadi, alohida mol-mulk, mustaqil balansga ega, tasarrufidagi pul mablagʻlari va mol-mulk bilan oʻz majburiyatlari boʻyicha javobgar hisoblanadi;
Markaz Oʻzbekiston Respublikasi Oliy va oʻrta maxsus taʼlim vazirligi va Universitet (keyingi oʻrinlarda — taʼsischilar) tomonidan taʼsis etiladi;
Markaz taʼsischilar bilan kelishilgan holda taʼlimning bakalavriat bosqichi asosiy yoʻnalishlari va magistratura mutaxassisliklariga muvofiq mutaxassislar tayyorlash, qayta tayyorlash va ularning malakasini oshirish, shu jumladan ilmiy-pedagogik kadrlar tayyorlashni amalga oshiradi;
Markazda oʻqitish kunduzgi taʼlim shaklida, toʻlov-kontrakt asosida, ingliz tilida, jumladan elektron taʼlim va masofaviy taʼlim texnologiyalarini qoʻllagan holda Universitet tomonidan tasdiqlangan oʻquv rejalar va dasturlar asosida amalga oshiriladi;
Markazda toʻlov-kontrakt asosida taʼlim berish narxi miqdori taʼsischilar bilan kelishilgan holda belgilanadi;
Markazda taʼlim faoliyati 2019/2020 oʻquv yilidan boshlab amalga oshiriladi;
Markazga abituriyentlar qabuli va bitiruvchilar attestatsiyasi Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Universitet tomonidan belgilangan talab, tartib va muddatlarga muvofiq amalga oshiriladi;
Markaz bitiruvchilariga Oʻzbekiston Respublikasida oliy maʼlumot toʻgʻrisidagi hujjat sifatida tan olinadigan Universitetning belgilangan namunadagi diplomi beriladi.
3. Markazning asosiy vazifalari va faoliyat yoʻnalishlari etib quyidagilar belgilansin:
axborot-kommunikatsiya texnologiyalari, ommaviy axborot vositalari, tadbirkorlik, tabiiy fanlar va pedagogika sohalarida xalqaro standartlar darajasida yuqori malakali mutaxassislar tayyorlashni taʼminlash;
iqtisodiyot tarmoqlariga innovatsiyalarni joriy qilishni ragʻbatlantirish, ilmiy tadqiqotlar natijalarini tijoratlashtirish imkoniyatlarini kengaytirish, taʼlim oluvchilarning innovatsion gʻoyalarini amalga oshirish uchun investitsiyalarni jalb etish;
respublika oliy taʼlim tizimiga zamonaviy taʼlim texnologiyalariga asoslangan oʻquv jarayonlarini joriy qilish boʻyicha ilgʻor xorijiy tajribalarni tatbiq etish, ochiq axborot-taʼlim muhitini rivojlantirishga koʻmaklashish;
pedagog kadrlarning professional mahorati darajasi va sifatini ogʻishmay oshirib borish, Markazning professor-oʻqituvchi xodimlarini xorijiy mamlakatlarning yetakchi oliy taʼlim muassasalarida malaka oshirishi va stajirovka oʻtashi;
taʼlim va ilm-fanning uzluksizligi va izchilligi tamoyili, shuningdek, jahon taʼlimi va ilmiy hamjamiyatga uygʻun integratsiyalashuvi asosida mutaxassis va ilmiy kadrlar tayyorlash tizimini rivojlantirish;
taʼlim va ilmiy sohalarda xorijiy mamlakatlarning yetakchi taʼlim muassasalari, ilmiy-tadqiqot markazlari bilan uzoq muddatli aloqalarni rivojlantirish va mustahkamlash.
4. Maʼlumot uchun qabul qilinsinki, Universitet:
taʼlim jarayoniga ilgʻor pedagogik va axborot texnologiyalarini, ilm-fan va texnikaning eng yangi yutuqlarini tatbiq etishni taʼminlashga koʻmaklashadi;
Markaz mutaxassislari malakasini oshirish va professor-oʻqituvchi xodimlarini qayta tayyorlashni tashkil qiladi;
Markaz kutubxona fondini shakllantirish va uni zamonaviy oʻquv, oʻquv-uslubiy va ilmiy-texnik adabiyotlar bilan boyitishga koʻmaklashadi;
Oʻzbekiston Respublikasining boshqa oliy taʼlim muassasalari bilan tuzilgan oʻzaro bitimlar asosida qoʻshma taʼlim dasturlari boʻyicha mutaxassislar tayyorlashni amalga oshiradi;
Universitetning malakali professor-oʻqituvchilarini Markazda taʼlim berish va oʻquv jarayonini tashkil etish uchun jalb qiladi.
5. Belgilab qoʻyilsinki:
a) Markazga taʼlim oluvchilarni qabul qilish kvotalari manfaatdor vazirlik, idora va boshqa tashkilotlarning tegishli kadrlarga boʻlgan ehtiyojini hisobga olgan holda taʼsischilarning qoʻshma qaroriga binoan tasdiqlanadi;
b) Markaz faoliyatini moliyalashtirish quyidagilar hisobidan amalga oshiriladi:
toʻlov-kontrakt asosida talabalarni oʻqitishdan tushgan mablagʻlar;
Oliy taʼlim, fan va innovatsiyalar vazirligining asoslangan buyurtmalariga muvofiq Oʻzbekiston Respublikasi Davlat budjeti mablagʻlari;
yuridik va jismoniy shaxslarning homiylik xayriyalari;
xalqaro moliya institutlari grantlari;
qonunchilikda taqiqlanmagan boshqa manbalar;
v) Markazni tashkil etish, uning moddiy-texnika va taʼlim bazasini shakllantirish, shuningdek, taʼmirlash-tiklash, bino va inshootlarni zarur mebel, inventar, zamonaviy oʻquv va laboratoriya uskunalari, kompyuter va boshqa tashkiliy texnikalar bilan jihozlash boʻyicha tashkiliy-amaliy chora-tadbirlarni moliyalashtirish Oʻzbekiston Respublikasi Davlat budjeti, Oliy taʼlim, fan va innovatsiyalar vazirligining Oliy taʼlim muassasalarini rivojlantirish jamgʻarmasi mablagʻlari, shuningdek, qonunchilikda taqiqlanmagan boshqa manbalar hisobidan amalga oshiriladi;
g) Markaz professor-oʻqituvchilari, shu jumladan xorijdan jalb qilinadigan xodimlarning mehnatiga haq toʻlash va xizmat safari xarajatlari Universitet mablagʻlari hisobidan amalga oshiriladi.
6. Universitetga:
kadrlarga boʻlgan ehtiyoj va mamlakatning ijtimoiy-iqtisodiy rivojlanishi istiqbolidan kelib chiqib, Oʻzbekiston Respublikasi Oliy taʼlim, fan va innovatsiyalar vazirligi bilan birgalikda taʼlimning bakalavriat bosqichi asosiy yoʻnalishlari va magistratura mutaxassisliklarini ochishga;
professor-oʻqituvchi xodimlar, shuningdek, pedagogik va ilmiy ish olib borishga jalb etiladigan boshqa shaxslar mehnati, yashashi hamda transport xarajatlari uchun ularga belgilangan tariflar boʻyicha toʻlov amalga oshirishga ruxsat berilsin.
7. Quyidagilar:
Toshkent shahridagi Vebster universitetining taʼlim dasturlarini amalga oshirish markazini tashkil etish boʻyicha tashkiliy komissiya tarkibi (keyingi oʻrinlarda — Tashkiliy komissiya) 1-ilovaga muvofiq;
Toshkent shahridagi Vebster universitetining taʼlim dasturlarini amalga oshirish markazida taʼlimning bakalavriat bosqichi asosiy yoʻnalishlari va magistratura mutaxassisliklari roʻyxati 2-ilovaga muvofiq maʼqullansin.
8. Tashkiliy komissiya (A. Abduhakimov):
a) 2019-yil 1-avgustga qadar Markazning bino va inshootlari rekonstruksiya qilinishi, shuningdek, Markaz professor-oʻqituvchilari uchun yashash joylari tayyorlanishini;
b) 2019-yil 31-avgustga qadar Markazni zamonaviy oʻquv-laboratoriya jihozlari, kompyuter va tashkiliy texnika, oʻqitishning texnik vositalari, adabiyotlar, multimedia mahsulotlari, inventar, mebel va boshqa moddiy-texnik vositalar bilan jihozlashni;
v) 2020-yil 31-avgustga qadar Oʻzbekiston Respublikasining rivojlanish davlat dasturlari doirasida ajratiladigan mablagʻlar hisobidan:
Markazda oʻquv auditoriyalari, taʼlim oluvchilar uchun turar joylar va professor-oʻqituvchi xodimlarining vaqtincha yashashi uchun mehmonxona tipidagi binolar nazarda tutilgan 400 oʻrinli oʻquv korpusining rekonstruksiya qilinishi va jihozlanishini;
Markazni joylashtirish uchun moʻljallangan binolar kompleksi hududida joylashgan oshxona oʻrnida trenajyor zali uchun yertoʻlaga ega boʻlgan sport zali qurilishini taʼminlasin.
9. Toshkent shahar, Navoiy koʻchasi, 13-uyda joylashgan Toshkent arxitektura-qurilish institutining bino va inshootlari hamda unga tutash hudud operativ boshqaruv huquqi bilan Oʻzbekiston Respublikasi Oliy va oʻrta maxsus taʼlim vazirligiga oʻtkazilsin hamda keyinchalik bepul foydalanish uchun belgilangan tartibda Markazga berilsin.
10. Markazning bino va inshootlarini rekonstruksiya qilish hamda jihozlash boʻyicha:
Oʻzbekiston Respublikasi Oliy va oʻrta maxsus taʼlim vazirligi qoshidagi “Yagona buyurtmachi xizmati” injiniring kompaniyasi — buyurtmachi;
“Grand stroy proekt” MCHJ — bosh loyiha tashkiloti etib belgilansin.
Buyurtmachiga, istisno tariqasida, tanlov savdolarisiz, eng maqbul takliflarni tanlab olish orqali Markazning bino va inshootlarini rekonstruksiya qilish va jihozlash boʻyicha bosh pudratchini belgilashga ruxsat berilsin.
11. Markazga ikkita, shu jumladan bitta shaxsiy biriktirilgan va bitta navbatchi yengil avtotransport vositasini saqlashga limit ajratilsin.
12. 2022-yil 1-aprelga qadar:
Markaz barcha turdagi soliqlar toʻlashdan;
Universitet Oʻzbekiston Respublikasidagi faoliyatidan ham doimiy muassasa orqali, ham toʻlov manbaidan olingan daromadlar boʻyicha yuridik shaxslardan olinadigan foyda soligʻidan;
belgilangan tartibda shakllantiriladigan roʻyxatlar boʻyicha Markazni jihozlash va faoliyatini taʼminlash uchun olib kiriladigan, Oʻzbekiston Respublikasida ishlab chiqarilmaydigan oʻquv va ilmiy laboratoriya uskunalari, kompyuter texnikasi, dasturiy mahsulotlar, oʻquv va ilmiy-uslubiy adabiyotlar, inventar va moddiy-texnika resurslari, shuningdek, avtotransport vositalari bojxona toʻlovlaridan (bojxona yigʻimlaridan tashqari) ozod etilsin.
13. Oʻzbekiston Respublikasi Oliy va oʻrta maxsus taʼlim vazirligi ikki oy muddatda Markazning ustavi va tuzilmasi ishlab chiqilishi va tasdiqlanishini, shuningdek, belgilangan tartibda uning davlat roʻyxatidan oʻtkazilishini taʼminlasin.
14. Oʻzbekiston Respublikasi Tashqi ishlar vazirligi Oliy taʼlim, fan va innovatsiyalar vazirligining buyurtmanomalariga koʻra mazkur qarorni amalga oshirish doirasida jalb qilinadigan xorijiy professor-oʻqituvchilar va maʼmuriy xodimlar, shuningdek, ularning oila aʼzolari hamda Markazga qabul qilingan chet ellik talabalar uchun kirish vizalarini konsullik va boshqa yigʻimlarni undirmagan holda belgilangan tartibda rasmiylashtirilishini taʼminlasin.
15. Oʻzbekiston Respublikasi Ichki ishlar vazirligi Oliy taʼlim, fan va innovatsiyalar vazirligining buyurtmanomalariga koʻra Markazning xorijiy professor-oʻqituvchilari va maʼmuriy xodimlariga, shuningdek, ularning oila aʼzolari hamda Markazga qabul qilingan chet ellik talabalarga davlat bojini undirmagan holda koʻp martalik vizalar berilishi va muddati uzaytirilishini, shuningdek, ularning yashash joyida vaqtinchalik roʻyxatdan oʻtkazilishi hamda muddati uzaytirilishini belgilangan tartibda taʼminlasin.
16. Oʻzbekiston Respublikasi Oliy va oʻrta maxsus taʼlim vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
17. Mazkur qarorning ijrosini nazorat qilish Oʻzbekiston Respublikasi Prezidenti maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidentining 2019-yil 20-martdagi PQ-4245-son qaroriga 1-ILOVA
Toshkent shahridagi Vebster universitetining taʼlim dasturlarini amalga oshirish markazini tashkil etish boʻyicha tashkiliy komissiya
A.A. Abduxakimov — Oʻzbekiston Respublikasi Bosh vaziri oʻrinbosari, Tashkiliy komissiya raisi I.U. Madjidov — Oʻzbekiston Respublikasi oliy va oʻrta maxsus taʼlim vaziri B.A. Xodjayev — Oʻzbekiston Respublikasi iqtisodiyot va sanoat vaziri Sh.M. Sadikov — Oʻzbekiston Respublikasi axborot texnologiyalari va kommunikatsiyalarini rivojlantirish vaziri A.X. Toʻxtayev — Oʻzbekiston Respublikasi qurilish vaziri M.B. Azimov — Oʻzbekiston Respublikasi Davlat bojxona qoʻmitasi raisi J.A. Artikxodjayev — Toshkent shahar hokimi A.D. Xadjayev — Oʻzbekiston Milliy teleradiokompaniyasi raisi v.b. B.B. Ashrafxanov — Oʻzbekiston Respublikasi moliya vaziri oʻrinbosari D.X. Axatov — Oʻzbekiston Respublikasi tashqi ishlar vaziri oʻrinbosari Dj. Shuster — Vebster universiteti (AQSH) katta prorektori (kelishuv asosida) K.S. Rizayev — Oʻzbekiston Respublikasi Vazirlar Mahkamasining Ijtimoiy rivojlantirish masalalari kotibiyati mudiri, Tashkiliy komissiya kotibi
Oʻzbekiston Respublikasi Prezidentining 2019-yil 20-martdagi PQ-4245-son qaroriga 2-ILOVA
Toshkent shahridagi Vebster universitetining taʼlim dasturlarini amalga oshirish markazida taʼlimning bakalavriat bosqichi asosiy yoʻnalishlari va magistratura mutaxassisliklari
T/r Taʼlimning bakalavriat bosqichi asosiy yoʻnalishlari va magistratura mutaxassisliklarining nomlanishi I. Taʼlimning bakalavriat bosqichi asosiy yoʻnalishlari 1. Boshqaruvning axborot tizimlari (fan bakalavri) 2. Interfaol raqamli media (sanʼat bakalavri) 3. Mediakommunikatsiyalar (sanʼat bakalavri) 4. Grafik dizayn (sanʼat bakalavri) 5. Reklama va marketing kommunikatsiyalari (sanʼat bakalavri) 6. Informatika (fan bakalavri) 7. Tadbirkorlik (sanʼat bakalavri) 8. Iqtisodiyot (sanʼat bakalavri) 9. Xalqaro munosabatlar (sanʼat bakalavri): xalqaro iqtisodiyotga eʼtibor qaratiladi 10. Buxgalteriya hisobi (fan bakalavri) 11. Yevropa tadqiqotlari (sanʼat bakalavri) 12. Global jurnalistika (sanʼat bakalavri) 13. Jamoatchilik bilan aloqalar (sanʼat bakalavri) 14. Kino, televideniye va video ishlab chiqarilishi (sanʼat bakalavri) II. Magistratura mutaxassisliklari 1. Axborot texnologiyalar boshqaruvi (sanʼat magistri) 2. Kommunikatsiyalar boshqaruvi (sanʼat magistri) 3. Biznes boshqaruvi (biznesni boshqarish boʻyicha magistr) 4. Biznes va tashkiliy xavfsizlik boshqaruvi (sanʼat magistri) 5. Savdo boshqaruvi (sanʼat magistri) 6. Mediakommunikatsiyalar (sanʼat magistri) 7. Reklama va marketing kommunikatsiyalari (sanʼat magistri) 8. Taʼlim va innovatsiyalar (sanʼat magistri) 9. Taʼlim texnologiyalari (sanʼat magistri) 10. Amaliy pedagogik psixologiya (sanʼat magistri) 11. STEM (sanʼat magistri) 12. Ingliz tilini ikkinchi til sifatida oʻqitish (sanʼat magistri) 13. Menejment va liderlik (sanʼat magistri) 14. Ekologiya menejmenti (sanʼat magistri) 15. Sogʻliqni saqlash boshqaruvi (sanʼat magistri) 16. Sud hisobi (fan magistri)
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 20-mart,
PQ-4245-son
Президента Республики Узбекистан
Постановление
Состав
Перечень
О создании Центра реализации образовательных программ Университета Вебстер в городе Ташкенте
За последние годы в стране осуществлены масштабные мероприятия, направленные на развитие высшего образования, внедрение в образовательную деятельность передовых педагогических технологий, повышение качества подготовки кадров, создание действенных механизмов интеграции образования, науки и производства.
Вместе с тем современные тенденции развития образовательных услуг свидетельствуют о необходимости дальнейшего внедрения в отрасль передового опыта ведущих образовательных учреждений зарубежных стран, укрепления с ними тесных партнерских отношений, создания благоприятных условий для привлечения иностранных инвестиций в сферу образования.
В целях дальнейшего совершенствования системы подготовки высококвалифицированных кадров для отраслей экономики, расширения международного сотрудничества в области высшего образования, а также в соответствии со Стратегией действий по приоритетным направлениям развития Республики Узбекистан в 2017 — 2021 годах:
1. Согласиться с предложением Министерства высшего и среднего специального образования Республики Узбекистан и Университета Вебстер (США) (далее — Университет) о создании Центра реализации образовательных программ Университета Вебстер в городе Ташкенте (далее — Центр).
2. Установить, что:
Центр является высшим образовательным учреждением — резидентом Республики Узбекистан в форме юридического лица, обладает обособленным имуществом, имеет самостоятельный баланс, отвечает по своим обязательствам находящимися в его распоряжении денежными средствами и имуществом;
Центр учреждается Министерством высшего и среднего специального образования Республики Узбекистан и Университетом (далее — учредители);
Центр осуществляет подготовку, переподготовку и повышение квалификации специалистов, в том числе подготовку научно-педагогических кадров, в соответствии с основными направлениями образования бакалавриата и специальностями магистратуры, согласованными с учредителями;
обучение в Центре осуществляется на платно-контрактной основе на английском языке по очной форме образования, в том числе с применением дистанционных образовательных технологий, по учебным планам и программам, утверждаемым Университетом;
размер стоимости обучения на платно-контрактной основе в Центре устанавливается по согласованию с учредителями;
образовательная деятельность в Центре осуществляется начиная с 2019/2020 учебного года;
прием абитуриентов и аттестация выпускников Центра осуществляется в соответствии с требованиями, порядком и сроками, определяемыми Университетом по согласованию с Министерством высшего образования, науки и инноваций Республики Узбекистан;
выпускникам Центра выдается диплом установленного образца Университета, признаваемый документом о высшем образовании в Республике Узбекистан.
3. Определить основными задачами и направлениями деятельности Центра:
обеспечение подготовки на уровне международных стандартов высококвалифицированных специалистов в сфере информационно-коммуникационных технологий, средств массовой информации, предпринимательства, естественных наук и педагогики;
стимулирование внедрения инноваций в отрасли экономики, расширение возможностей коммерциализации результатов научных исследований, привлечение инвестиций для реализации инновационных идей обучающихся;
внедрение в систему высшего образования республики передового зарубежного опыта по организации учебного процесса на основе современных образовательных технологий, содействие развитию открытой информационно-образовательной среды;
неуклонное повышение уровня и качества профессионального мастерства педагогических кадров, прохождение повышения квалификации и стажировки профессорско-преподавательского состава Центра в ведущих высших образовательных учреждениях зарубежных стран;
развитие системы подготовки специалистов и научных кадров на основе принципа непрерывности и преемственности образования и науки, а также гармоничной интеграции в мировое образовательное и научное сообщество;
развитие и укрепление долгосрочных отношений с ведущими образовательными учреждениями, научно-исследовательскими центрами зарубежных стран в образовательной и научной сферах.
4. Принять к сведению, что Университет:
оказывает содействие в обеспечении внедрения в образовательный процесс передовых педагогических и информационных технологий, новейших достижений науки и техники;
организует повышение квалификации специалистов и переподготовку профессорско-преподавательского состава Центра;
содействует формированию и пополнению библиотечного фонда Центра современной учебной, учебно-методической и научно-технической литературой;
осуществляет на основе взаимных соглашений с другими высшими образовательными учреждениями Республики Узбекистан подготовку специалистов по совместным образовательным программам;
привлекает квалифицированный профессорско-преподавательский персонал Университета для преподавания и организации учебного процесса в Центре.
5. Установить, что:
а) квоты приема учащихся в Центр утверждаются совместным решением учредителей с учетом потребностей заинтересованных министерств, ведомств и других организаций в соответствующих кадрах;
б) финансирование деятельности Центра осуществляется за счет:
средств, поступающих от обучения студентов на платно-контрактной основе;
средств Государственного бюджета по обоснованным заявкам Министерства высшего образования, науки и инноваций Республики Узбекистан;
благотворительных пожертвований юридических и физических лиц;
грантов международных финансовых институтов;
иных источников, не запрещенных законодательством;
в) финансирование организационно-практических мероприятий по созданию Центра, формированию его материально-технической и учебной базы, включая проведение ремонтно-восстановительных работ, оснащение зданий и сооружений необходимой мебелью, инвентарем, современным учебным и лабораторным оборудованием, компьютерной и другой оргтехникой, осуществляются за счет средств Государственного бюджета, Фонда развития высших образовательных учреждений Министерства высшего образования, науки и инноваций Республики Узбекистан, а также иных источников, не запрещенных законодательством;
г) оплата труда и командировочных расходов профессорско-преподавательского состава Центра, в том числе привлекаемого из-за рубежа, осуществляется за счет средств Университета.
6. Разрешить Университету:
совместно с Министерством высшего образования, науки и инноваций Республики Узбекистан открывать новые направления образования бакалавриата и специальности магистратуры, исходя из потребности в кадрах и перспектив социально-экономического развития страны;
осуществлять оплату труда, проживания и транспортных расходов профессорско-преподавательского состава, а также других лиц, привлекаемых к педагогической и научной работе, по устанавливаемым им тарифам.
7. Одобрить:
состав Организационной комиссии по созданию Центра реализации образовательных программ Университета Вебстер в городе Ташкенте (далее — Организационная комиссия) согласно приложению № 1 ;
перечень основных направлений образования бакалавриата и специальностей магистратуры в Центре реализации образовательных программ Университета Вебстер в городе Ташкенте согласно приложению № 2 .
8. Организационной комиссии (Абдухакимов А.) обеспечить:
а) в срок до 1 августа 2019 года реконструкцию зданий и сооружений Центра, а также подготовку мест проживания для профессорско-преподавательского состава Центра;
б) в срок до 31 августа 2019 года оснащение Центра современным учебно-лабораторным оборудованием, компьютерной и организационной техникой, техническими средствами обучения, литературой, мультимедийной продукцией, инвентарем, мебелью и другими материально-техническими средствами;
в) в срок до 31 августа 2020 года за счет средств, выделяемых в рамках государственных программ развития Республики Узбекистан:
реконструкцию и оснащение учебного корпуса Центра на 400 мест, предусмотрев в нем учебные аудитории, места для проживания обучающихся и помещения гостиничного типа для временного проживания профессорско-преподавательского состава;
строительство спортивного зала с подвальным помещением для тренажерного зала на месте имеющейся столовой, расположенной на территории комплекса зданий, предназначенных для размещения Центра.
9. Передать Министерству высшего и среднего специального образования Республики Узбекистан на праве оперативного управления здания и сооружения Ташкентского архитектурно-строительного института с прилегающей территорией, расположенные по адресу: город Ташкент, улица Навои, 13, с последующей их передачей в установленном порядке Центру в безвозмездное пользование.
10. Определить по реконструкции и оснащению зданий и сооружений Центра:
заказчиком — Инжиниринговую компанию «Служба единого заказчика» при Министерстве высшего и среднего специального образования Республики Узбекистан;
генеральной проектной организацией — ООО «Grand stroy proekt».
Разрешить заказчику, в порядке исключения, определить генерального подрядчика по реконструкции и оснащению зданий и сооружений Центра без проведения конкурсных торгов путем отбора наилучших предложений.
11. Выделить Центру лимит на содержание двух легковых автотранспортных средств, в том числе одного персонального и одного дежурного.
12. Освободить сроком до 1 апреля 2022 года:
Центр от уплаты всех видов налогов;
Университет от налога на прибыль юридических лиц по доходам, полученным от деятельности в Республике Узбекистан, как через постоянное учреждение, так и у источника выплаты;
от таможенных платежей (за исключением таможенных сборов) учебное и научное лабораторное оборудование, компьютерную технику, программные продукты, учебную и научно-методическую литературу, инвентарь и материально-технические ресурсы, не производимые в Республике Узбекистан, а также автотранспортные средства, ввозимые для оснащения и обеспечения деятельности Центра по перечням, формируемым в установленном порядке.
13. Министерству высшего и среднего специального образования Республики Узбекистан в двухмесячный срок обеспечить разработку и утверждение устава и структуры Центра, а также его государственную регистрацию в установленном порядке.
14. Министерству иностранных дел по заявкам Министерства высшего образования, науки и инноваций Республики Узбекистан обеспечить в установленном порядке оформление въездных виз для иностранного профессорско-преподавательского и административного персонала, привлекаемого в рамках реализации настоящего постановления, а также членов их семей, включая иностранных студентов, зачисленных в Центр, без взимания консульских и иных сборов.
15. Министерству внутренних дел по заявкам Министерства высшего образования, науки и инноваций обеспечить в установленном порядке выдачу и продление многократных виз и временной прописки по месту проживания в Республике Узбекистан иностранного профессорско-преподавательского и административного персонала, привлекаемого в рамках реализации настоящего постановления, а также членов их семей, включая иностранных студентов, зачисленных в Центр, без взимания государственной пошлины.
16. Министерству высшего и среднего специального образования совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
17. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
ПРИЛОЖЕНИЕ № 1 к постановлению Президента Республики Узбекистан от 20 марта 2019 года № ПП-4245
Организационной комиссии по созданию Центра реализации образовательных программ Университета Вебстер в городе Ташкенте
Абдухакимов А.А. — заместитель Премьер-министра Республики Узбекистан, председатель Организационной комиссии Маджидов И.У. — министр высшего и среднего специального образования Республики Узбекистан Ходжаев Б.А. — министр экономики и промышленности Республики Узбекистан Садиков Ш.М. — министр по развитию информационных технологий и коммуникаций Республики Узбекистан Тухтаев А.Х. — министр строительства Республики Узбекистан Азимов М.Б. — председатель Государственного таможенного комитета Республики Узбекистан Артикходжаев Ж.А. — хоким города Ташкента Хаджаев А.Д. — и.о. председателя Национальной телерадиокомпании Узбекистана Ашрафханов Б.Б. — заместитель министра финансов Республики Узбекистан Ахатов Д.Х. — заместитель министра иностранных дел Республики Узбекистан Шустер Дж. — старший проректор Университета Вебстер (США) (по согласованию) Ризаев К.С. — заведующий Секретариатом по вопросам социального развития Кабинета Министров Республики Узбекистан, секретарь Организационной комиссии
ПРИЛОЖЕНИЕ № 2 к постановлению Президента Республики Узбекистан от 20 марта 2019 года № ПП-4245
основных направлений образования бакалавриата и специальностей магистратуры в Центре реализации образовательных программ Университета Вебстер в городе Ташкенте
№ Наименование направлений образования бакалавриата и специальностей магистратуры I. Направления образования бакалавриата 1. Информационные системы управления (бакалавр наук) 2. Интерактивные цифровые медиа (бакалавр искусств) 3. Медиакоммуникации (бакалавр искусств) 4. Графический дизайн (бакалавр искусств) 5. Рекламные и маркетинговые коммуникации (бакалавр искусств) 6. Информатика (бакалавр наук) 7. Предпринимательство (бакалавр искусств) 8. Экономика (бакалавр искусств) 9. Международные отношения (бакалавр искусств): акцент на международную экономику 10. Бухгалтерский учет (бакалавр наук) 11. Европейские исследования (бакалавр искусств) 12. Глобальная журналистика (бакалавр искусств) 13. Связи с общественностью (бакалавр искусств) 14. Производство кино, телевидение и видео (бакалавр искусств) II. Специальности магистратуры 1. Управление информационными технологиями (магистр искусств) 2. Управление коммуникациями (магистр искусств) 3. Управление бизнесом (магистр по бизнес-управлению) 4. Управление бизнесом и организационной безопасностью (магистр искусств) 5. Управление торговлей (магистр искусств) 6. Медиакоммуникации (магистр искусств) 7. Рекламные и маркетинговые коммуникации (магистр искусств) 8. Образование и инновации (магистр искусств) 9. Образовательные технологии (магистр искусств) 10. Прикладная педагогическая психология (магистр искусств) 11. STEM (магистр искусств) 12. Преподавание английского как второго языка (магистр искусств) 13. Менеджмент и лидерство (магистр искусств) 14. Экологический менеджмент (магистр искусств) 15. Управление здравоохранением (магистр искусств) 16. Судебный учет (магистр наук)
Президент Республики Узбекистан Ш. МИРЗИЁЕВ
г. Ташкент,
20 марта 2019 г.,
№ ПП-4245