📅 2019-yil 20-mart · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 20 март · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 марта 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 20 March 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
НИЗОМ
СХЕМАСИ
НИЗОМ
СХЕМАСИ
«Халқ чолғулари ижрочилари», Мукаррама Турғунбоева номидаги «Миллий рақс ижрочилари» ва Юнус Ражабий номидаги «Ёш мақом ижрочилари» республика кўрик-танловларини ўтказиш тўғрисида
Ёш истеъдод эгаларининг қобилияти ва салоҳиятини рўёбга чиқариш борасида кенг кўламли ишларни доимий қўллаб-қувватлаш ва рағбатлантириш, халқимизнинг маънавий меросини асраб-авайлаш ҳамда миллий маданиятни кенг тарғиб этиш, шунингдек, Ўзбекистон Республикаси Президентининг «Ўзбекистон Республикасида миллий маданиятни янада ривожлантириш концепциясини тасдиқлаш тўғрисида» 2018 йил 28 ноябрдаги ПҚ-4038-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикасида миллий маданиятни янада ривожлантириш концепциясини тасдиқлаш тўғрисида» 2018 йил 28 ноябрдаги ПҚ-4038-сон қарорига мувофиқ «Халқ чолғулари ижрочилари», Мукаррама Турғунбоева номидаги «Миллий рақс ижрочилари», Юнус Ражабий номидаги «Ёш мақом ижрочилари» республика кўрик-танловларини анъанавий тарзда ўтказиш белгиланганлиги маълумот учун қабул қилинсин.
2. Қуйидагилар:
«Халқ чолғулари ижрочилари» республика кўрик-танловини ташкил этиш ва ўтказиш тартиби тўғрисида низом 1-иловага мувофиқ;
Мукаррама Турғунбоева номидаги «Миллий рақс ижрочилари» республика кўрик-танловини ташкил этиш ва ўтказиш тартиби тўғрисида низом 2-иловага мувофиқ;
Юнус Ражабий номидаги «Ёш мақом ижрочилари» республика кўрик-танловини ташкил этиш ва ўтказиш тартиби тўғрисида низом 3-иловага мувофиқ тасдиқлансин.
3. «Халқ чолғулари ижрочилари», Мукаррама Турғунбоева номидаги «Миллий рақс ижрочилари», Юнус Ражабий номидаги «Ёш мақом ижрочилари» республика кўрик-танловларини (кейинги ўринларда танловлар деб аталади) ташкил этиш ва ўтказиш билан боғлиқ харажатларнинг қуйидаги манбалар ҳисобидан амалга оширилиши белгилансин:
Ўзбекистон Республикаси Давлат бюджети параметрларида Маданият вазирлигига ажратилган бюджет маблағлари;
Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси маблағлари;
юридик ва жисмоний шахсларнинг ҳомийлик хайриялари;
қонунчилик ҳужжатларида тақиқланмаган бошқа манбалар.
Бунда, танловлар совриндорларига тўланадиган пул мукофотлари Ўзбекистон Республикаси Давлат бюджети маблағлари ҳисобидан қопланади.
4. Ўзбекистон Республикаси Маданият вазирлиги танловларни ташкил этиш ва ўтказиш бўйича масъул этиб белгилансин.
5. Ўзбекистон Бадиий академияси Ўзбекистон Республикаси Маданият вазирлиги буюртмасига биноан танловларнинг махсус логотиплари ва совриндорлар учун статуэткалар эскизлари лойиҳаларини тайёрласин.
6. Ўзбекистон миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига мазкур танловларни кенг ёритиб бориш тавсия этилсин.
7. Мазкур қарорнинг бажарилишини назорат қилиш Ўзбекистон Республикаси маданият вазири Б.С. Сайфуллаев зиммасига ҳамда Ўзбекистон Республикаси Вазирлар Маҳкамасининг Ёшлар сиёсати, маданият, маърифат, оммавий ахборот воситалари, ижодий ва жамоат ташкилотлари масалалари котибиятига юклансин.
Вазирлар Маҳкамасининг 2019 йил 20 мартдаги 237-сон қарорига 1-ИЛОВА
«Халқ чолғулари ижрочилари» республика кўрик-танловини ташкил этиш ва ўтказиш тартиби тўғрисида
1-боб. Умумий қоидалар
1. Ушбу Низом «Халқ чолғулари ижрочилари» республика кўрик-танловини (кейинги ўринларда танлов деб аталади) ўтказиш тартибини белгилайди.
2. Танлов ижро дастури асосида мазкур Низомга иловадаги схема бўйича ўтказилади.
3. Танловнинг ижро дастури ва танловда ижро этиладиган асарлар рўйхати Ўзбекистон Республикаси Маданият вазирлиги томонидан танлов бошланишидан камида уч ой олдин тасдиқланади.
Тасдиқланган ижро дастури ва танловда ижро этиладиган асарлар рўйхати:
Ўзбекистон Республикаси Маданият вазирлиги томонидан Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига беш кун муддатда;
Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси томонидан ижро дастури ва танловда ижро этиладиган асарлар рўйхати келиб тушгандан кейин уч кун муддатда ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар, олий таълим муассасалари, болалар мусиқа ва санъат мактаблари, бадиий ва ижодий жамоаларга етказилади.
4. Танлов дастури тасдиқлангандан сўнг унга ўзгартириш ва қўшимчалар киритишга йўл қўйилмайди.
5. Танлов 2019 йилдан бошлаб ҳар икки йилда бир марта июнь ойида Тошкент шаҳрида ўтказилади.
6. Танловни ўтказишнинг аниқ санаси ва муддати Ўзбекистон Республикаси Маданият вазирлиги томонидан белгиланади ҳамда ушбу танлов бошланишидан уч ой олдин оммавий ахборот воситаларида эълон қилинади.
7. Ўзбекистон Республикаси Маданият вазирлиги танловни ташкил этиш ва ўтказиш бўйича масъул ҳисобланади.
2-боб. Танловнинг мақсади
8. Танловнинг мақсади қуйидагилардан иборат:
халқ чолғуларида ижрочилик санъатини янада юксалтириш, моҳир ижрочиларни кашф этиш;
халқ чолғулари ижрочиларининг маҳорати, истеъдоди ва қобилиятини намоён этиш, уларнинг ижрочилик кўникмаларини янада ривожлантириш;
халқ чолғулари ижрочилигини юксак даражага кўтариш, миллий санъатимизни дунё саҳналарига олиб чиқиш, иқтидорли ёшларни рағбатлантириш ҳамда уларнинг ижодини кенг тарғиб қилиш;
халқ чолғулари ижро имкониятларини ошириш ва уларнинг ўзига хос хусусиятлари билан оммани таништириш.
3-боб. Танловда иштирок этиш шартлари
9. Танловда Ўзбекистон Республикасидаги ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар ўқувчилари, олий таълим муассасаларининг талабалари, ўқитувчилари, болалар мусиқа ва санъат мактабларининг ўқитувчилари, бадиий ва ижодий жамоаларнинг созандалари иштирок этиши мумкин.
10. Танловда 17 ёшдан 35 ёшгача бўлган халқ чолғулари ижрочилари иштирок этишлари мумкин.
11. Танловда иштирок этишни истаган ижрочилар танлов бошланишидан ўттиз кун олдин Ўзбекистон Республикаси Маданият вазирлигига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
ўқиш ёки иш жойидан берилган ижодий тавсифнома;
танловда иштирок этиш учун ижро дастури.
Ижрочиларнинг паспорти (идентификацияловчи ID-картаси), маълумот тўғрисидаги ҳужжат тўғрисидаги маълумотлари, ўқиш ва иш жойидан маълумотлар, фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади.
12. Белгиланган муддатдан кеч тақдим этиладиган ҳужжатлар қабул қилинмайди.
4-боб. Танловни ўтказиш шартлари
13. Иштирокчиларнинг танлов давомидаги тегишли йўналишлар бўйича ижро этиш навбати белгиланган тартибда қуръа ташлаш орқали аниқланади ва ушбу тартиб танлов якунига қадар сақлаб қолинади.
14. Асарлар ёддан ижро этилади.
15. Танлов қуйидаги 7 (етти) йўналиш (номинация) бўйича ўтказилади:
най, қўшнай, баян, аккордеон;
чанг, доира — ксилофон;
рубоб — прима, қашқар рубоби;
афғон рубоби, дутор бас;
дутор (дутор прима), танбур;
ғижжак, ғижжак альт;
ғижжак қобуз бас, ғижжак қобуз контрабас.
5-боб. Танлов иштирокчиларини баҳолаш ва ғолибларни тақдирлаш
16. Танловни ўтказиш бўйича Ўзбекистон Республикаси маданият вазирининг буйруғи билан маданият ва санъат соҳасидаги 9 — 11 нафар етакчи мутахассислардан иборат ҳакамлар ҳайъати таркиби, унинг иш йўриқномаси тасдиқланади.
17. Танлов уч босқичдан иборат бўлади.
18. Танловнинг барча босқичларида иштирокчиларнинг ижро маҳорати ҳакамлар ҳайъатининг ҳар бир аъзоси томонидан алоҳида тарзда 25 баллик тизим бўйича баҳоланади.
19. Танловнинг 1-босқичида умумий балл натижаларига кўра энг юқори балл тўплаган иштирокчиларнинг 40 фоизи 2-босқичга, шунингдек, танловнинг 2-босқичида ҳам умумий балл натижаларига кўра энг юқори балл тўплаган иштирокчиларнинг 40 фоизи ҳакамлар ҳайъати қарорига асосан танловнинг якуний босқичига ўтказилади.
20. Танловнинг якуний босқичида асарлар оркестр жўрлигида ижро этилади.
21. Ҳакамлар ҳайъати томонидан иштирокчиларга қўйилган баллар тенг бўлиб қолганда, ҳакамлар ҳайъати раисининг овози ҳал қилувчи ҳисобланади.
22. Танловда энг кўп умумий балл тўплаган иштирокчилар орасидан ҳакамлар ҳайъати қарорига асосан ҳар бир йўналиш (номинация) бўйича танловнинг 1, 2, 3-ўрин совриндорлари аниқланади.
23. Иштирокчиларни баҳолашда ҳакамлар ҳайъати мустақилдир.
24. Танловнинг якуний натижалари ҳакамлар ҳайъатининг қарори билан расмийлаштирилади.
25. Иштирокчилар ҳакамлар ҳайъати қарори юзасидан танловнинг ҳар бир босқичи якуни бўйича бир кун муддатда ҳакамлар ҳайъати раиси номига апелляция шикояти (ариза) беришлари мумкин. Апелляция шикояти белгиланган тартибда рўйхатга олинади, бир кун муддатда кўриб чиқилиб, баённома билан расмийлаштирилади ва ўша куннинг ўзида эълон қилинади.
26. Танлов ғолиблари ҳар бир йўналиш бўйича диплом, статуэтка ва қуйидаги миқдорларда пул мукофотлари билан тақдирланади:
1-ўрин — базавий ҳисоблаш миқдорининг 40 баробари миқдорида пул маблағлари;
2-ўрин — базавий ҳисоблаш миқдорининг 30 баробари миқдорида пул маблағлари;
3-ўрин — базавий ҳисоблаш миқдорининг 20 баробари миқдорида пул маблағлари.
27. Танлов ғолиблари бўлган ўқувчи ва талабаларнинг ўқитувчи ва жўрнавоз (концертмейстер)лари махсус диплом ҳамда эсдалик совғалари билан тақдирланади.
28. Танловнинг якуний босқичи иштирокчиларига «Халқ чолғулари ижрочилари» республика кўрик-танлови иштирокчиси сертификати берилади.
6-боб. Танловни ташкил этиш ва ўтказишни молиялаштириш
29. Танловни ташкил этиш ва ўтказиш билан боғлиқ харажатлар қуйидаги манбалар ҳисобидан амалга оширилади:
Ўзбекистон Республикаси Давлат бюджети параметрларида Маданият вазирлигига ажратилган бюджет маблағлари;
Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси маблағлари;
юридик ва жисмоний шахсларнинг ҳомийлик хайриялари;
қонунчилик ҳужжатларида тақиқланмаган бошқа манбалар.
Бунда, танловлар совриндорларига тўланадиган пул мукофотлари Ўзбекистон Республикаси Давлат бюджети маблағлари ҳисобидан қопланади.
30. Танлов иштирокчиларининг танлов ўтказилиши белгиланган ҳудудга келиб-кетиш, меҳмонхона ва овқатланиш харажатлари уларни танловда иштирок этиш учун юбораётган ташкилот ҳамда муассасалар томонидан ёки ҳомийлик хайриялари ҳисобидан қопланади.
7-боб. Якунловчи қоида
31. Танловни ўтказиш жараёнлари бўйича келиб чиқадиган низолар қонунчилик ҳужжатларида белгиланган тартибда ҳал этилади.
«Халқ чолғулари ижрочилари» республика кўрик-танловини ташкил этиш ва ўтказиш тартиби тўғрисида низомга ИЛОВА
«Халқ чолғулари ижрочилари» республика кўрик-танловини ташкил этиш ва ўтказиш
Босқичлар Субъектлар Амалга ошириладиган ишлар Бажариш муддати 1-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини тасдиқлаш танлов бошланишидан 3 ой олдин 2-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига етказиш танловнинг ижро дастури ва танловда ижро этиладиган асарлар рўйхати тасдиқлангандан сўнг 5 кун муддатда 3-босқич Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси Танловнинг ижро дастури ва танловда ижро этиладиган асарлар рўйхатини ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар, олий таълим муассасалари, болалар мусиқа ва санъат мактаблари, бадиий ва ижодий жамоаларга етказиш танловнинг ижро дастури ва танловда ижро этиладиган асарлар рўйхати келиб тушгандан кейин 3 кун муддатда 4-босқич Ўзбекистон Республикаси Маданият вазирлиги Танлов ўтказиладиган сана ва муддатни оммавий ахборот воситаларида эълон қилиш танловдан 3 ой олдин 5-босқич Танлов иштирокчилари Ҳужжатларни тақдим этиш танлов бошланишидан 30 кун олдин 6-босқич Ўзбекистон Республикаси Маданият вазирлиги Танловни Тошкент шаҳрида 3 босқичда ўтказиш танлов ўтказиладиган йилнинг июнь ойида 7-босқич Ўзбекистон Республикаси Маданият вазирлиги Танлов ғолибларини тақдирлаш танлов якуни бўйича
Вазирлар Маҳкамасининг 2019 йил 20 мартдаги 237-сон қарорига 2-ИЛОВА
Мукаррама Турғунбоева номидаги «Миллий рақс ижрочилари» республика кўрик-танловини ташкил этиш ва ўтказиш тартиби тўғрисида
1-боб. Умумий қоидалар
1. Ушбу Низом Мукаррама Турғунбоева номидаги «Миллий рақс ижрочилари» республика кўрик-танловини (кейинги ўринларда танлов деб аталади) ўтказиш тартибини белгилайди.
2. Танлов ижро дастури асосида мазкур Низомга иловадаги схема бўйича ўтказилади.
3. Танловнинг ижро дастури ва танловда ижро этиладиган асарлар рўйхати Ўзбекистон Республикаси Маданият вазирлиги томонидан танлов бошланишидан камида уч ой олдин тасдиқланади.
Тасдиқланган ижро дастури ва танловда ижро этиладиган асарлар рўйхати:
Ўзбекистон Республикаси Маданият вазирлиги томонидан Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига беш кун муддатда;
Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси томонидан ижро дастури ва танловда ижро этиладиган асарлар рўйхати келиб тушгандан кейин уч кун муддатда ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар, олий таълим муассасалари, болалар мусиқа ва санъат мактаблари, бадиий ва ижодий жамоаларга етказилади.
4. Танлов дастури тасдиқлангандан сўнг унга ўзгартириш ва қўшимчалар киритишга йўл қўйилмайди.
5. Танлов 2019 йилдан бошлаб ҳар икки йилда бир марта октябрь ойида ўтказилади.
6. Танлов икки босқичдан иборат бўлади. Танловнинг 1-босқичи танлов ўтказиладиган йилнинг сентябрь ойида Қорақалпоғистон Республикаси, Тошкент шаҳри ва вилоятлар миқёсида, якуний босқичи танлов ўтказиладиган йилнинг октябрь ойида Тошкент шаҳрида бўлиб ўтади.
7. Танловни ўтказишнинг аниқ санаси ва муддати Ўзбекистон Республикаси Маданият вазирлиги томонидан белгиланади ҳамда ушбу танлов бошланишидан уч ой олдин оммавий ахборот воситаларида эълон қилинади.
8. Ўзбекистон Республикаси Маданият вазирлиги танловни ташкил этиш ва ўтказиш бўйича масъул ҳисобланади.
2-боб. Танловнинг мақсади
9. Танловнинг мақсади қуйидагилардан иборат:
миллий рақс санъатини янада ривожлантириш, уни юксак даражага кўтариш ва дунё саҳналарига олиб чиқиш;
истеъдодли миллий рақс ижрочиларини ва балетмейстерларни кашф этиш, уларни рағбатлантириш ва ижодини кенг тарғиб қилиш;
ёшлар орасида ўзбек миллий рақс санъатига қизиқишни ошириш;
«Устоз-шогирд» анъанасини тиклаш ва ривожлантириш асосида миллий рақс ижрочилари учун замонавий рақс мактабларини яратиш.
3-боб. Танловда иштирок этиш шартлари.
10. Танловда Ўзбекистон Республикасидаги ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар ўқувчилари, олий таълим муассасаларининг талабалари, ўқитувчилари, болалар мусиқа ва санъат мактабларининг ўқитувчилари, бадиий ва ижодий жамоаларнинг раққосалари ҳамда эркин ижодкорлар иштирок этиши мумкин.
11. Танловда 17 ёшдан 25 ёшгача бўлган раққосалар иштирок этади.
12. Танловда иштирок этишни истаган ижрочилар танлов бошланишидан ўттиз кун олдин Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
ўқиш ёки иш жойидан берилган ижодий тавсифнома ва маълумотнома;
танловда иштирок этиш учун ижро дастури (асар ва мусиқа номи, саҳна либоси муаллифи ва балетмейстернинг фамилияси, исми ва отасининг исмини кўрсатган ҳолда).
Ижрочиларнинг паспорти (идентификацияловчи ID-картаси), маълумот тўғрисидаги ҳужжат тўғрисидаги маълумотлари, ўқиш ва иш жойидан маълумотлар, фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади.
13. Белгиланган муддатдан кеч тақдим этиладиган ҳужжатлар қабул қилинмайди.
4-боб. Танловни ўтказиш шартлари
14. Иштирокчиларнинг танлов давомидаги тегишли йўналишлар бўйича ижро этиш навбати белгиланган тартибда қуръа ташлаш орқали аниқланади ва ушбу тартиб танлов якунига қадар сақлаб қолинади.
15. Танлов миллий рақс ижрочилиги йўналиши бўйича ўтказилади.
16. Танлов иштирокчиларининг ижро дастури якка ижро тарзида намойиш этилади.
5-боб. Танлов иштирокчиларини баҳолаш ва ғолибларни тақдирлаш
17. Танловнинг 1-босқичини ўтказиш бўйича Қорақалпоғистон Республикаси Маданият вазири, вилоятлар маданият бошқармалари бошлиқлари ҳамда Тошкент шаҳар маданият бош бошқармаси бошлиғининг буйруғи билан 5 — 7 нафар етакчи мутахассислардан иборат ҳакамлар ҳайъати таркиби тасдиқланади. Ушбу таркибга киритиш учун республикадан 1-2 нафар соҳа мутахассислари жойларга жалб этилади.
Бунда, республикадан ҳудудларга жалб этиладиган ҳакамларнинг келиб-кетиш, меҳмонхона ва овқатланиш харажатлари белгиланган тартибда уларнинг асосий иш жойидан қопланади.
Танловнинг якуний босқичини ўтказиш бўйича Ўзбекистон Республикаси маданият вазирининг буйруғи билан маданият ва санъат соҳасидаги 5 — 7 нафар етакчи мутахассислардан иборат ҳакамлар ҳайъати таркиби тасдиқланади.
18. Танловни ўтказиш бўйича ҳакамлар ҳайъатининг иш йўриқномаси Ўзбекистон Республикаси Маданият вазирлиги томонидан тасдиқланади.
19. Танловнинг барча босқичларида иштирокчиларнинг ижро маҳоратлари ҳакамлар ҳайъатининг ҳар бир аъзоси томонидан алоҳида тарзда 25 баллик тизим бўйича баҳоланади.
20. Ҳудудларда ўтказиладиган танловнинг 1-босқичи натижаларига кўра энг юқори балл тўплаган уч нафар иштирокчи ҳакамлар ҳайъатининг қарорига асосан танловнинг якуний босқичига тавсия этилади ва уларнинг ҳужжатлари танлов ўтадиган йилнинг 1 октябрига қадар Қорақалпоғистон Республикаси Маданият вазирлиги, вилоятлар маданият бошқармалари ва Тошкент шаҳар маданият бош бошқармаси томонидан Ўзбекистон Республикаси Маданият вазирлигига тақдим этилади.
21. Танловнинг якуний босқичида энг кўп балл тўплаган иштирокчилар орасидан ҳакамлар ҳайъати қарорига асосан танловнинг 1, 2, 3-ўрин совриндорлари аниқланади.
22. Ҳакамлар ҳайъати томонидан иштирокчиларга қўйилган баллар тенг бўлиб қолганда, ҳакамлар ҳайъати раисининг овози ҳал қилувчи ҳисобланади.
23. Иштирокчиларни баҳолашда ҳакамлар ҳайъати мустақилдир.
24. Танловнинг якуний натижалари ҳакамлар ҳайъатининг қарори билан расмийлаштирилади.
25. Иштирокчилар ҳакамлар ҳайъати қарори юзасидан танловнинг ҳар бир босқичи якуни бўйича бир кун муддатда ҳакамлар ҳайъати раиси номига апелляция шикояти (ариза) беришлари мумкин. Апелляция шикояти белгиланган тартибда рўйхатга олинади, бир кун муддатда кўриб чиқилиб, баённома билан расмийлаштирилади ва ўша куннинг ўзида эълон қилинади.
26. Танлов ғолиблари ҳар бир йўналиш бўйича диплом, статуэтка ва қуйидаги миқдорларда пул мукофотлари билан тақдирланади:
1-ўрин — базавий ҳисоблаш миқдорининг 40 баробари миқдорида пул маблағлари;
2-ўрин — базавий ҳисоблаш миқдорининг 30 баробари миқдорида пул маблағлари;
3-ўрин — базавий ҳисоблаш миқдорининг 20 баробари миқдорида пул маблағлари.
27. Танлов ғолиблари бўлган ўқувчи ва талабаларнинг балетмейстерлари (устоз, ўқитувчи) ва жўрнавозлари, махсус мусиқа муаллифи ҳамда либос рассомлари фахрий ёрлиқ ёки эсдалик совғалари билан тақдирланади.
28. Танловнинг якуний босқичи иштирокчиларига Мукаррама Турғунбоева номидаги «Миллий рақс ижрочилари» республика кўрик-танлови иштирокчиси сертификати берилади.
6-боб. Танловни ташкил этиш ва ўтказишни молиялаштириш
29. Танловни ташкил этиш ва ўтказиш билан боғлиқ харажатлар қуйидаги манбалар ҳисобидан амалга оширилади:
Ўзбекистон Республикаси Давлат бюджети параметрларида Маданият вазирлигига ажратилган бюджет маблағлари;
Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси маблағлари;
юридик ва жисмоний шахсларнинг ҳомийлик хайриялари;
қонунчилик ҳужжатларда тақиқланмаган бошқа манбалар.
Бунда, танловлар совриндорларига тўланадиган пул мукофотлари Ўзбекистон Республикаси Давлат бюджети маблағлари ҳисобидан қопланади.
30. Танлов иштирокчиларининг танлов ўтказилиши белгиланган ҳудудга келиб-кетиш, меҳмонхона ва овқатланиш харажатлари уларни танловда иштирок этиш учун юбораётган ташкилот ҳамда муассасалар томонидан ёки ҳомийлик хайриялари ҳисобидан қопланади.
7-боб. Якунловчи қоида
31. Танловни ўтказиш жараёнлари бўйича келиб чиқадиган низолар қонунчилик ҳужжатларида белгиланган тартибда ҳал этилади.
Мукаррама Турғунбоева номидаги «Миллий рақс ижрочилари» республика кўрик-танловини ташкил этиш ва ўтказиш тартиби тўғрисида низомга ИЛОВА
Мукаррама Турғунбоева номидаги «Миллий рақс ижрочилари» республика кўрик-танловини ташкил этиш ва ўтказиш
Босқичлар Субъектлар Амалга ошириладиган ишлар Бажариш муддати 1-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини тасдиқлаш танлов бошланишидан 3 ой олдин 2-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига етказиш танловнинг ижро дастури ва танловда ижро этиладиган асарлар рўйхати тасдиқлангандан сўнг 5 кун муддатда 3-босқич Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси Танловнинг ижро дастури ва танловда ижро этиладиган асарлар рўйхатини ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар, олий таълим муассасалари, болалар мусиқа ва санъат мактаблари, бадиий ва ижодий жамоаларга етказиш танловнинг ижро дастури ва танловда ижро этиладиган асарлар рўйхати келиб тушгандан кейин 3 кун муддатда 4-босқич Ўзбекистон Республикаси Маданият вазирлиги Танлов ўтказиладиган сана ва муддатни оммавий ахборот воситаларида эълон қилиш танловдан 3 ой олдин 5-босқич Танлов иштирокчилари Ҳужжатларни тақдим этиш танлов бошланишидан 30 кун олдин 6-босқич Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси Танловнинг 1-босқичини ўтказиш танлов ўтказиладиган йилнинг сентябрь ойида 7-босқич Ўзбекистон Республикаси Маданият вазирлиги Танловнинг якуний босқичини ўтказиш танлов ўтказиладиган йилнинг октябрь ойида 8-босқич Ўзбекистон Республикаси Маданият вазирлиги Танлов ғолибларини тақдирлаш танлов якуни бўйича
Вазирлар Маҳкамасининг 2019 йил 20 мартдаги 237-сон қарорига 3-ИЛОВА
Юнус Ражабий номидаги «Ёш мақом ижрочилари» республика кўрик-танловини ташкил этиш ва ўтказиш тартиби тўғрисида
1-боб. Умумий қоидалар
1. Ушбу Низом Юнус Ражабий номидаги «Ёш мақом ижрочилари» республика кўрик-танловини (кейинги ўринларда танлов деб аталади) ўтказиш тартибини белгилайди.
2. Танлов ижро дастури асосида мазкур Низомга иловадаги схема бўйича ўтказилади.
3. Танловнинг ижро дастури ва танловда ижро этиладиган асарлар рўйхати Ўзбекистон Республикаси Маданият вазирлиги томонидан танлов бошланишидан камида уч ой олдин тасдиқланади.
Тасдиқланган ижро дастури ва танловда ижро этиладиган асарлар рўйхати:
Ўзбекистон Республикаси Маданият вазирлиги томонидан Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига беш кун муддатда;
Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси томонидан ижро дастури ва танловда ижро этиладиган асарлар рўйхати келиб тушгандан кейин уч кун муддатда ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар, олий таълим муассасалари, болалар мусиқа ва санъат мактаблари, бадиий ва ижодий жамоаларга етказилади.
4. Танлов дастури тасдиқлангандан сўнг унга ўзгартириш ва қўшимчалар киритишга йўл қўйилмайди.
5. Танлов 2020 йилдан бошлаб ҳар икки йилда бир марта апрель ойида Тошкент шаҳрида ўтказилади.
6. Танловни ўтказишнинг аниқ санаси ва муддати Ўзбекистон Республикаси Маданият вазирлиги томонидан белгиланади ҳамда ушбу танлов бошланишидан уч ой олдин оммавий ахборот воситаларида эълон қилинади.
7. Ўзбекистон Республикаси Маданият вазирлиги танловни ташкил этиш ва ўтказиш бўйича масъул ҳисобланади.
2-боб. Танловнинг мақсади
8. Танловнинг мақсади қуйидагилардан иборат:
ўзбек мусиқа ижрочилиги маданиятини янада юксак даражага кўтариш, миллий мақом санъатини дунё саҳналарига олиб чиқиш, иқтидорли ёшларни кашф этиш, рағбатлантириш ва уларнинг ижодини тарғиб этиш;
ёш мақом ижрочиларининг истеъдоди ва ижодий қобилиятини намоён этиш, уларнинг ижрочилик кўникмаларини янада ривожлантириш;
ёшлар орасида мақом санъатига бўлган қизиқишни ошириш.
3-боб. Танловда иштирок этиш шартлари
9. Танловда Ўзбекистон Республикасидаги ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар ўқувчилари, олий таълим муассасаларининг талабалари, ўқитувчилари, болалар мусиқа ва санъат мактабларининг ўқитувчилари, бадиий ва ижодий жамоаларнинг созандалари ва хонандалари иштирок этиши мумкин.
10. Танловда 17 ёшдан 35 ёшгача бўлган халқ чолғулари ижрочилари ва мақом хонандалари иштирок этишлари мумкин.
11. Танловда иштирок этишни истаган ижрочилар танлов бошланишидан ўттиз кун олдин Ўзбек миллий мақом санъати марказига қуйидаги ҳужжатларни тақдим этишлари лозим:
танловда иштирок этиш учун маълумотнома (резюме);
ўқиш ёки иш жойидан берилган ижодий тавсифнома ва маълумотнома;
танловда иштирок этиш учун ижро дастури.
Ижрочиларнинг паспорти (идентификацияловчи ID-картаси), маълумот тўғрисидаги ҳужжат тўғрисидаги маълумотлари, ўқиш ва иш жойидан маълумотлар, фотосурати «Рақамли ҳукумат» тизимининг идоралараро интеграциялашув платформаси орқали мустақил равишда олинади.
12. Белгиланган муддатдан кеч тақдим этиладиган ҳужжатлар қабул қилинмайди.
4-боб. Танловни ўтказиш шартлари
13. Иштирокчиларнинг танлов давомидаги тегишли йўналишлар бўйича ижро этиш навбати белгиланган тартибда қуръа ташлаш орқали аниқланади ва ушбу тартиб танлов якунига қадар сақлаб қолинади.
14. Асарлар ёддан ижро этилади.
15. Танлов қуйидаги 9 (тўққиз) йўналиш (номинация) бўйича ўтказилади:
мақом хонандалиги — эркак овоз;
мақом хонандалиги — аёл овоз;
най, қўшнай, сурнай ижрочилиги;
чанг, қонун ижрочилиги;
қашқар рубоби, уд ижрочилиги;
дутор, танбур, сато ижрочилиги;
ғижжак ижрочилиги;
доира, ноғора ижрочилиги;
мақом ансамбли.
5-боб. Танлов иштирокчиларини баҳолаш ва ғолибларни тақдирлаш
16. Танловни ўтказиш бўйича Ўзбекистон Республикаси маданият вазирининг буйруғи билан 9 — 11 нафар етакчи мутахассислардан иборат ҳакамлар ҳайъати таркиби, унинг иш йўриқномаси тасдиқланади.
17. Танлов уч босқичдан иборат бўлади.
18. Танловнинг барча босқичларида иштирокчиларнинг ижро маҳорати ҳакамлар ҳайъатининг ҳар бир аъзоси томонидан алоҳида тарзда 25 баллик тизим бўйича баҳоланади.
19. Танловнинг 1-босқичида умумий балл натижаларига кўра энг юқори балл тўплаган иштирокчиларнинг 40 фоизи 2-босқичга, шунингдек, танловнинг 2-босқичида ҳам умумий балл натижаларига кўра энг юқори балл тўплаган иштирокчиларнинг 40 фоизи ҳакамлар ҳайъати қарорига асосан танловнинг якуний босқичига ўтказилади.
20. Ҳакамлар ҳайъати томонидан иштирокчиларга қўйилган баллар тенг бўлиб қолганда, ҳакамлар ҳайъати раисининг овози ҳал қилувчи ҳисобланади.
21. Танловда энг кўп умумий балл тўплаган иштирокчилар орасидан ҳакамлар ҳайъати қарорига асосан ҳар бир йўналиш (номинация) бўйича танловнинг 1, 2, 3-ўрин совриндорлари аниқланади.
22. Иштирокчиларни баҳолашда ҳакамлар ҳайъати мустақилдир.
23. Танловнинг якуний натижалари ҳакамлар ҳайъатининг қарори билан расмийлаштирилади.
24. Иштирокчилар ҳакамлар ҳайъати қарори юзасидан танловнинг ҳар бир босқичи якуни бўйича бир кун муддатда ҳакамлар ҳайъати раиси номига апелляция шикояти (ариза) беришлари мумкин. Апелляция шикояти белгиланган тартибда рўйхатга олинади, бир кун муддатда кўриб чиқилиб, баённома билан расмийлаштирилади ва ўша куннинг ўзида эълон қилинади.
25. Танлов ғолиблари ҳар бир йўналиш бўйича диплом, статуэтка ва қуйидаги миқдорларда пул мукофотлари билан тақдирланади:
а) мақом хонандалиги ва анъанавий чолғу ижрочилиги бўйича (8 та йўналиш):
1-ўрин — базавий ҳисоблаш миқдорининг 40 баробари миқдорида пул маблағлари;
2-ўрин — базавий ҳисоблаш миқдорининг 30 баробари миқдорида пул маблағлари;
3-ўрин — базавий ҳисоблаш миқдорининг 20 баробари миқдорида пул маблағлари.
б) мақом ансамбли бўйича (1 та йўналиш):
1-ўрин — базавий ҳисоблаш миқдорининг 70 баробари миқдорида пул маблағлари;
2-ўрин — базавий ҳисоблаш миқдорининг 60 баробари миқдорида пул маблағлари;
3-ўрин — базавий ҳисоблаш миқдорининг 50 баробари миқдорида пул маблағлари.
26. Танлов ғолиблари бўлган ўқувчи ва талабаларнинг бадиий раҳбари (устоз, ўқитувчи) ҳамда жўрнавозлари махсус диплом ва эсдалик совғалари билан тақдирланади.
27. Танловнинг якуний босқичи иштирокчиларига Юнус Ражабий номидаги «Ёш мақом ижрочилари танлови иштирокчиси» сертификати берилади.
6-боб. Танловни ташкил этиш ва ўтказишни молиялаштириш
28. Танловларни ташкил этиш ва ўтказиш билан боғлиқ харажатлар қуйидаги манбалар ҳисобидан амалга оширилади:
Ўзбекистон Республикаси Давлат бюджети параметрларида Маданият вазирлигига ажратилган бюджет маблағлари;
Ўзбекистон Республикаси Маданият вазирлиги ҳузуридаги Маданият ва санъатни ривожлантириш жамғармаси маблағлари;
юридик ва жисмоний шахсларнинг ҳомийлик хайриялари;
қонунчилик ҳужжатларида тақиқланмаган бошқа манбалар.
Бунда, танловлар совриндорларига тўланадиган пул мукофотлари Ўзбекистон Республикаси Давлат бюджети маблағлари ҳисобидан қопланади.
29. Танлов иштирокчиларининг танлов ўтказилиши белгиланган ҳудудга келиб-кетиш, меҳмонхона ва овқатланиш харажатлари уларни танловда иштирок этиш учун юбораётган ташкилот ҳамда муассасалар томонидан ёки ҳомийлик хайриялари ҳисобидан қопланади.
7-боб. Якунловчи қоида
30. Танловни ўтказиш жараёнлари бўйича келиб чиқадиган низолар қонунчилик ҳужжатларида белгиланган тартибда ҳал этилади.
Юнус Ражабий номидаги «Ёш мақом ижрочилари» республика кўрик-танловини ташкил этиш ва ўтказиш тартиби тўғрисида низомга ИЛОВА
Юнус Ражабий номидаги «Ёш мақом ижрочилари» республика кўрик-танловини ташкил этиш ва ўтказиш
Босқичлар Субъектлар Амалга ошириладиган ишлар Бажариш муддати 1-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини тасдиқлаш танлов бошланишидан 3 ой олдин 2-босқич Ўзбекистон Республикаси Маданият вазирлиги Танловнинг ижро дастури ва танловда ижро этиладиган асарлар рўйхатини Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармасига етказиш танловнинг ижро дастури ва танловда ижро этиладиган асарлар рўйхати тасдиқлангандан сўнг 5 кун муддатда 3-босқич Қорақалпоғистон Республикаси Маданият вазирлиги, вилоятлар маданият бошқармалари ҳамда Тошкент шаҳар маданият бош бошқармаси Танловнинг ижро дастури ва танловда ижро этиладиган асарлар рўйхатини ихтисослаштирилган санъат ва маданият мактаблари, мактаб-интернатлар, маданият ва санъат йўналишидаги академик лицейлар, олий таълим муассасалари, болалар мусиқа ва санъат мактаблари, бадиий ва ижодий жамоаларга етказиш танловнинг ижро дастури ва танловда ижро этиладиган асарлар рўйхати келиб тушгандан кейин 3 кун муддатда 4-босқич Ўзбекистон Республикаси Маданият вазирлиги Танлов ўтказиладиган сана ва муддатни оммавий ахборот воситаларида эълон қилиш танловдан 3 ой олдин 5-босқич Танлов иштирокчилари Ҳужжатларни тақдим этиш танлов бошланишидан 30 кун олдин 6-босқич Ўзбекистон Республикаси Маданият вазирлиги Танловни Тошкент шаҳрида 3 босқичда ўтказиш танлов ўтказиладиган йилнинг апрель ойида 7-босқич Ўзбекистон Республикаси Маданият вазирлиги Танлов ғолибларини тақдирлаш танлов якуни бўйича
Ўзбекистон Республикасининг Бош вазири А. АРИПОВ
Тошкент ш.,
2019 йил 20 март,
237-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
NIZOM
SXEMASI
NIZOM
SXEMASI
“Xalq cholgʻulari ijrochilari”, Mukarrama Turgʻunboyeva nomidagi “Milliy raqs ijrochilari” va Yunus Rajabiy nomidagi “Yosh maqom ijrochilari” respublika koʻrik-tanlovlarini oʻtkazish toʻgʻrisida
Yosh isteʼdod egalarining qobiliyati va salohiyatini roʻyobga chiqarish borasida keng koʻlamli ishlarni doimiy qoʻllab-quvvatlash va ragʻbatlantirish, xalqimizning maʼnaviy merosini asrab-avaylash hamda milliy madaniyatni keng targʻib etish, shuningdek, Oʻzbekiston Respublikasi Prezidentining “Oʻzbekiston Respublikasida milliy madaniyatni yanada rivojlantirish konsepsiyasini tasdiqlash toʻgʻrisida” 2018-yil 28-noyabrdagi PQ-4038-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasida milliy madaniyatni yanada rivojlantirish konsepsiyasini tasdiqlash toʻgʻrisida” 2018-yil 28-noyabrdagi PQ-4038-son qaroriga muvofiq “Xalq cholgʻulari ijrochilari”, Mukarrama Turgʻunboyeva nomidagi “Milliy raqs ijrochilari”, Yunus Rajabiy nomidagi “Yosh maqom ijrochilari” respublika koʻrik-tanlovlarini anʼanaviy tarzda oʻtkazish belgilanganligi maʼlumot uchun qabul qilinsin.
2. Quyidagilar:
“Xalq cholgʻulari ijrochilari” respublika koʻrik-tanlovini tashkil etish va oʻtkazish tartibi toʻgʻrisida nizom 1-ilovaga muvofiq;
Mukarrama Turgʻunboyeva nomidagi “Milliy raqs ijrochilari” respublika koʻrik-tanlovini tashkil etish va oʻtkazish tartibi toʻgʻrisida nizom 2-ilovaga muvofiq;
Yunus Rajabiy nomidagi “Yosh maqom ijrochilari” respublika koʻrik-tanlovini tashkil etish va oʻtkazish tartibi toʻgʻrisida nizom 3-ilovaga muvofiq tasdiqlansin.
3. “Xalq cholgʻulari ijrochilari”, Mukarrama Turgʻunboyeva nomidagi “Milliy raqs ijrochilari”, Yunus Rajabiy nomidagi “Yosh maqom ijrochilari” respublika koʻrik-tanlovlarini (keyingi oʻrinlarda tanlovlar deb ataladi) tashkil etish va oʻtkazish bilan bogʻliq xarajatlarning quyidagi manbalar hisobidan amalga oshirilishi belgilansin:
Oʻzbekiston Respublikasi Davlat budjeti parametrlarida Madaniyat vazirligiga ajratilgan budjet mablagʻlari;
Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlari;
yuridik va jismoniy shaxslarning homiylik xayriyalari;
qonunchilik hujjatlarida taqiqlanmagan boshqa manbalar.
Bunda, tanlovlar sovrindorlariga toʻlanadigan pul mukofotlari Oʻzbekiston Respublikasi Davlat budjeti mablagʻlari hisobidan qoplanadi.
4. Oʻzbekiston Respublikasi Madaniyat vazirligi tanlovlarni tashkil etish va oʻtkazish boʻyicha masʼul etib belgilansin.
5. Oʻzbekiston Badiiy akademiyasi Oʻzbekiston Respublikasi Madaniyat vazirligi buyurtmasiga binoan tanlovlarning maxsus logotiplari va sovrindorlar uchun statuetkalar eskizlari loyihalarini tayyorlasin.
6. Oʻzbekiston milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga mazkur tanlovlarni keng yoritib borish tavsiya etilsin.
7. Mazkur qarorning bajarilishini nazorat qilish Oʻzbekiston Respublikasi madaniyat vaziri B.S. Sayfullayev zimmasiga hamda Oʻzbekiston Respublikasi Vazirlar Mahkamasining Yoshlar siyosati, madaniyat, maʼrifat, ommaviy axborot vositalari, ijodiy va jamoat tashkilotlari masalalari kotibiyatiga yuklansin.
Vazirlar Mahkamasining 2019-yil 20-martdagi 237-son qaroriga 1-ILOVA
“Xalq cholgʻulari ijrochilari” respublika koʻrik-tanlovini tashkil etish va oʻtkazish tartibi toʻgʻrisida
1-bob. Umumiy qoidalar
1. Ushbu Nizom “Xalq cholgʻulari ijrochilari” respublika koʻrik-tanlovini (keyingi oʻrinlarda tanlov deb ataladi) oʻtkazish tartibini belgilaydi.
2. Tanlov ijro dasturi asosida mazkur Nizomga ilovadagi sxema boʻyicha oʻtkaziladi.
3. Tanlovning ijro dasturi va tanlovda ijro etiladigan asarlar roʻyxati Oʻzbekiston Respublikasi Madaniyat vazirligi tomonidan tanlov boshlanishidan kamida uch oy oldin tasdiqlanadi.
Tasdiqlangan ijro dasturi va tanlovda ijro etiladigan asarlar roʻyxati:
Oʻzbekiston Respublikasi Madaniyat vazirligi tomonidan Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga besh kun muddatda;
Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi tomonidan ijro dasturi va tanlovda ijro etiladigan asarlar roʻyxati kelib tushgandan keyin uch kun muddatda ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar, oliy taʼlim muassasalari, bolalar musiqa va sanʼat maktablari, badiiy va ijodiy jamoalarga yetkaziladi.
4. Tanlov dasturi tasdiqlangandan soʻng unga oʻzgartirish va qoʻshimchalar kiritishga yoʻl qoʻyilmaydi.
5. Tanlov 2019-yildan boshlab har ikki yilda bir marta iyun oyida Toshkent shahrida oʻtkaziladi.
6. Tanlovni oʻtkazishning aniq sanasi va muddati Oʻzbekiston Respublikasi Madaniyat vazirligi tomonidan belgilanadi hamda ushbu tanlov boshlanishidan uch oy oldin ommaviy axborot vositalarida eʼlon qilinadi.
7. Oʻzbekiston Respublikasi Madaniyat vazirligi tanlovni tashkil etish va oʻtkazish boʻyicha masʼul hisoblanadi.
2-bob. Tanlovning maqsadi
8. Tanlovning maqsadi quyidagilardan iborat:
xalq cholgʻularida ijrochilik sanʼatini yanada yuksaltirish, mohir ijrochilarni kashf etish;
xalq cholgʻulari ijrochilarining mahorati, isteʼdodi va qobiliyatini namoyon etish, ularning ijrochilik koʻnikmalarini yanada rivojlantirish;
xalq cholgʻulari ijrochiligini yuksak darajaga koʻtarish, milliy sanʼatimizni dunyo sahnalariga olib chiqish, iqtidorli yoshlarni ragʻbatlantirish hamda ularning ijodini keng targʻib qilish;
xalq cholgʻulari ijro imkoniyatlarini oshirish va ularning oʻziga xos xususiyatlari bilan ommani tanishtirish.
3-bob. Tanlovda ishtirok etish shartlari
9. Tanlovda Oʻzbekiston Respublikasidagi ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar oʻquvchilari, oliy taʼlim muassasalarining talabalari, oʻqituvchilari, bolalar musiqa va sanʼat maktablarining oʻqituvchilari, badiiy va ijodiy jamoalarning sozandalari ishtirok etishi mumkin.
10. Tanlovda 17 yoshdan 35 yoshgacha boʻlgan xalq cholgʻulari ijrochilari ishtirok etishlari mumkin.
11. Tanlovda ishtirok etishni istagan ijrochilar tanlov boshlanishidan oʻttiz kun oldin Oʻzbekiston Respublikasi Madaniyat vazirligiga quyidagi hujjatlarni taqdim etishlari lozim:
tanlovda ishtirok etish uchun maʼlumotnoma (rezyume);
oʻqish yoki ish joyidan berilgan ijodiy tavsifnoma;
tanlovda ishtirok etish uchun ijro dasturi.
Ijrochilarning pasporti (identifikatsiyalovchi ID-kartasi), maʼlumot toʻgʻrisidagi hujjat toʻgʻrisidagi maʼlumotlari, oʻqish va ish joyidan maʼlumotlar, fotosurati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.
12. Belgilangan muddatdan kech taqdim etiladigan hujjatlar qabul qilinmaydi.
4-bob. Tanlovni oʻtkazish shartlari
13. Ishtirokchilarning tanlov davomidagi tegishli yoʻnalishlar boʻyicha ijro etish navbati belgilangan tartibda qurʼa tashlash orqali aniqlanadi va ushbu tartib tanlov yakuniga qadar saqlab qolinadi.
14. Asarlar yoddan ijro etiladi.
15. Tanlov quyidagi 7 (yetti) yoʻnalish (nominatsiya) boʻyicha oʻtkaziladi:
nay, qoʻshnay, bayan, akkordeon;
chang, doira — ksilofon;
rubob — prima, qashqar rubobi;
afgʻon rubobi, dutor bas;
dutor (dutor prima), tanbur;
gʻijjak, gʻijjak alt;
gʻijjak qobuz bas, gʻijjak qobuz kontrabas.
5-bob. Tanlov ishtirokchilarini baholash va gʻoliblarni taqdirlash
16. Tanlovni oʻtkazish boʻyicha Oʻzbekiston Respublikasi madaniyat vazirining buyrugʻi bilan madaniyat va sanʼat sohasidagi 9 — 11 nafar yetakchi mutaxassislardan iborat hakamlar hayʼati tarkibi, uning ish yoʻriqnomasi tasdiqlanadi.
17. Tanlov uch bosqichdan iborat boʻladi.
18. Tanlovning barcha bosqichlarida ishtirokchilarning ijro mahorati hakamlar hayʼatining har bir aʼzosi tomonidan alohida tarzda 25 ballik tizim boʻyicha baholanadi.
19. Tanlovning 1-bosqichida umumiy ball natijalariga koʻra eng yuqori ball toʻplagan ishtirokchilarning 40 foizi 2-bosqichga, shuningdek, tanlovning 2-bosqichida ham umumiy ball natijalariga koʻra eng yuqori ball toʻplagan ishtirokchilarning 40 foizi hakamlar hayʼati qaroriga asosan tanlovning yakuniy bosqichiga oʻtkaziladi.
20. Tanlovning yakuniy bosqichida asarlar orkestr joʻrligida ijro etiladi.
21. Hakamlar hayʼati tomonidan ishtirokchilarga qoʻyilgan ballar teng boʻlib qolganda, hakamlar hayʼati raisining ovozi hal qiluvchi hisoblanadi.
22. Tanlovda eng koʻp umumiy ball toʻplagan ishtirokchilar orasidan hakamlar hayʼati qaroriga asosan har bir yoʻnalish (nominatsiya) boʻyicha tanlovning 1, 2, 3-oʻrin sovrindorlari aniqlanadi.
23. Ishtirokchilarni baholashda hakamlar hayʼati mustaqildir.
24. Tanlovning yakuniy natijalari hakamlar hayʼatining qarori bilan rasmiylashtiriladi.
25. Ishtirokchilar hakamlar hayʼati qarori yuzasidan tanlovning har bir bosqichi yakuni boʻyicha bir kun muddatda hakamlar hayʼati raisi nomiga apellyatsiya shikoyati (ariza) berishlari mumkin. Apellyatsiya shikoyati belgilangan tartibda roʻyxatga olinadi, bir kun muddatda koʻrib chiqilib, bayonnoma bilan rasmiylashtiriladi va oʻsha kunning oʻzida eʼlon qilinadi.
26. Tanlov gʻoliblari har bir yoʻnalish boʻyicha diplom, statuetka va quyidagi miqdorlarda pul mukofotlari bilan taqdirlanadi:
1-oʻrin — bazaviy hisoblash miqdorining 40 barobari miqdorida pul mablagʻlari;
2-oʻrin — bazaviy hisoblash miqdorining 30 barobari miqdorida pul mablagʻlari;
3-oʻrin — bazaviy hisoblash miqdorining 20 barobari miqdorida pul mablagʻlari.
27. Tanlov gʻoliblari boʻlgan oʻquvchi va talabalarning oʻqituvchi va joʻrnavoz (konsertmeyster)lari maxsus diplom hamda esdalik sovgʻalari bilan taqdirlanadi.
28. Tanlovning yakuniy bosqichi ishtirokchilariga “Xalq cholgʻulari ijrochilari” respublika koʻrik-tanlovi ishtirokchisi sertifikati beriladi.
6-bob. Tanlovni tashkil etish va oʻtkazishni moliyalashtirish
29. Tanlovni tashkil etish va oʻtkazish bilan bogʻliq xarajatlar quyidagi manbalar hisobidan amalga oshiriladi:
Oʻzbekiston Respublikasi Davlat budjeti parametrlarida Madaniyat vazirligiga ajratilgan budjet mablagʻlari;
Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlari;
yuridik va jismoniy shaxslarning homiylik xayriyalari;
qonunchilik hujjatlarida taqiqlanmagan boshqa manbalar.
Bunda, tanlovlar sovrindorlariga toʻlanadigan pul mukofotlari Oʻzbekiston Respublikasi Davlat budjeti mablagʻlari hisobidan qoplanadi.
30. Tanlov ishtirokchilarining tanlov oʻtkazilishi belgilangan hududga kelib-ketish, mehmonxona va ovqatlanish xarajatlari ularni tanlovda ishtirok etish uchun yuborayotgan tashkilot hamda muassasalar tomonidan yoki homiylik xayriyalari hisobidan qoplanadi.
7-bob. Yakunlovchi qoida
31. Tanlovni oʻtkazish jarayonlari boʻyicha kelib chiqadigan nizolar qonunchilik hujjatlarida belgilangan tartibda hal etiladi.
“Xalq cholgʻulari ijrochilari” respublika koʻrik-tanlovini tashkil etish va oʻtkazish tartibi toʻgʻrisida nizomga ILOVA
“Xalq cholgʻulari ijrochilari” respublika koʻrik-tanlovini tashkil etish va oʻtkazish
Bosqichlar Subyektlar Amalga oshiriladigan ishlar Bajarish muddati 1-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini tasdiqlash tanlov boshlanishidan 3 oy oldin 2-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga yetkazish tanlovning ijro dasturi va tanlovda ijro etiladigan asarlar roʻyxati tasdiqlangandan soʻng 5 kun muddatda 3-bosqich Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi Tanlovning ijro dasturi va tanlovda ijro etiladigan asarlar roʻyxatini ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar, oliy taʼlim muassasalari, bolalar musiqa va sanʼat maktablari, badiiy va ijodiy jamoalarga yetkazish tanlovning ijro dasturi va tanlovda ijro etiladigan asarlar roʻyxati kelib tushgandan keyin 3 kun muddatda 4-bosqich Oʻzbekiston Respublikasi Madaniyat vazirligi Tanlov oʻtkaziladigan sana va muddatni ommaviy axborot vositalarida eʼlon qilish tanlovdan 3 oy oldin 5-bosqich Tanlov ishtirokchilari Hujjatlarni taqdim etish tanlov boshlanishidan 30 kun oldin 6-bosqich Oʻzbekiston Respublikasi Madaniyat vazirligi Tanlovni Toshkent shahrida 3 bosqichda oʻtkazish tanlov oʻtkaziladigan yilning iyun oyida 7-bosqich Oʻzbekiston Respublikasi Madaniyat vazirligi Tanlov gʻoliblarini taqdirlash tanlov yakuni boʻyicha
Vazirlar Mahkamasining 2019-yil 20-martdagi 237-son qaroriga 2-ILOVA
Mukarrama Turgʻunboyeva nomidagi “Milliy raqs ijrochilari” respublika koʻrik-tanlovini tashkil etish va oʻtkazish tartibi toʻgʻrisida
1-bob. Umumiy qoidalar
1. Ushbu Nizom Mukarrama Turgʻunboyeva nomidagi “Milliy raqs ijrochilari” respublika koʻrik-tanlovini (keyingi oʻrinlarda tanlov deb ataladi) oʻtkazish tartibini belgilaydi.
2. Tanlov ijro dasturi asosida mazkur Nizomga ilovadagi sxema boʻyicha oʻtkaziladi.
3. Tanlovning ijro dasturi va tanlovda ijro etiladigan asarlar roʻyxati Oʻzbekiston Respublikasi Madaniyat vazirligi tomonidan tanlov boshlanishidan kamida uch oy oldin tasdiqlanadi.
Tasdiqlangan ijro dasturi va tanlovda ijro etiladigan asarlar roʻyxati:
Oʻzbekiston Respublikasi Madaniyat vazirligi tomonidan Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga besh kun muddatda;
Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi tomonidan ijro dasturi va tanlovda ijro etiladigan asarlar roʻyxati kelib tushgandan keyin uch kun muddatda ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar, oliy taʼlim muassasalari, bolalar musiqa va sanʼat maktablari, badiiy va ijodiy jamoalarga yetkaziladi.
4. Tanlov dasturi tasdiqlangandan soʻng unga oʻzgartirish va qoʻshimchalar kiritishga yoʻl qoʻyilmaydi.
5. Tanlov 2019-yildan boshlab har ikki yilda bir marta oktabr oyida oʻtkaziladi.
6. Tanlov ikki bosqichdan iborat boʻladi. Tanlovning 1-bosqichi tanlov oʻtkaziladigan yilning sentabr oyida Qoraqalpogʻiston Respublikasi, Toshkent shahri va viloyatlar miqyosida, yakuniy bosqichi tanlov oʻtkaziladigan yilning oktabr oyida Toshkent shahrida boʻlib oʻtadi.
7. Tanlovni oʻtkazishning aniq sanasi va muddati Oʻzbekiston Respublikasi Madaniyat vazirligi tomonidan belgilanadi hamda ushbu tanlov boshlanishidan uch oy oldin ommaviy axborot vositalarida eʼlon qilinadi.
8. Oʻzbekiston Respublikasi Madaniyat vazirligi tanlovni tashkil etish va oʻtkazish boʻyicha masʼul hisoblanadi.
2-bob. Tanlovning maqsadi
9. Tanlovning maqsadi quyidagilardan iborat:
milliy raqs sanʼatini yanada rivojlantirish, uni yuksak darajaga koʻtarish va dunyo sahnalariga olib chiqish;
isteʼdodli milliy raqs ijrochilarini va baletmeysterlarni kashf etish, ularni ragʻbatlantirish va ijodini keng targʻib qilish;
yoshlar orasida oʻzbek milliy raqs sanʼatiga qiziqishni oshirish;
“Ustoz-shogird” anʼanasini tiklash va rivojlantirish asosida milliy raqs ijrochilari uchun zamonaviy raqs maktablarini yaratish.
3-bob. Tanlovda ishtirok etish shartlari.
10. Tanlovda Oʻzbekiston Respublikasidagi ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar oʻquvchilari, oliy taʼlim muassasalarining talabalari, oʻqituvchilari, bolalar musiqa va sanʼat maktablarining oʻqituvchilari, badiiy va ijodiy jamoalarning raqqosalari hamda erkin ijodkorlar ishtirok etishi mumkin.
11. Tanlovda 17 yoshdan 25 yoshgacha boʻlgan raqqosalar ishtirok etadi.
12. Tanlovda ishtirok etishni istagan ijrochilar tanlov boshlanishidan oʻttiz kun oldin Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga quyidagi hujjatlarni taqdim etishlari lozim:
tanlovda ishtirok etish uchun maʼlumotnoma (rezyume);
oʻqish yoki ish joyidan berilgan ijodiy tavsifnoma va maʼlumotnoma;
tanlovda ishtirok etish uchun ijro dasturi (asar va musiqa nomi, sahna libosi muallifi va baletmeysterning familiyasi, ismi va otasining ismini koʻrsatgan holda).
Ijrochilarning pasporti (identifikatsiyalovchi ID-kartasi), maʼlumot toʻgʻrisidagi hujjat toʻgʻrisidagi maʼlumotlari, oʻqish va ish joyidan maʼlumotlar, fotosurati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.
13. Belgilangan muddatdan kech taqdim etiladigan hujjatlar qabul qilinmaydi.
4-bob. Tanlovni oʻtkazish shartlari
14. Ishtirokchilarning tanlov davomidagi tegishli yoʻnalishlar boʻyicha ijro etish navbati belgilangan tartibda qurʼa tashlash orqali aniqlanadi va ushbu tartib tanlov yakuniga qadar saqlab qolinadi.
15. Tanlov milliy raqs ijrochiligi yoʻnalishi boʻyicha oʻtkaziladi.
16. Tanlov ishtirokchilarining ijro dasturi yakka ijro tarzida namoyish etiladi.
5-bob. Tanlov ishtirokchilarini baholash va gʻoliblarni taqdirlash
17. Tanlovning 1-bosqichini oʻtkazish boʻyicha Qoraqalpogʻiston Respublikasi Madaniyat vaziri, viloyatlar madaniyat boshqarmalari boshliqlari hamda Toshkent shahar madaniyat bosh boshqarmasi boshligʻining buyrugʻi bilan 5 — 7 nafar yetakchi mutaxassislardan iborat hakamlar hayʼati tarkibi tasdiqlanadi. Ushbu tarkibga kiritish uchun respublikadan 1-2 nafar soha mutaxassislari joylarga jalb etiladi.
Bunda, respublikadan hududlarga jalb etiladigan hakamlarning kelib-ketish, mehmonxona va ovqatlanish xarajatlari belgilangan tartibda ularning asosiy ish joyidan qoplanadi.
Tanlovning yakuniy bosqichini oʻtkazish boʻyicha Oʻzbekiston Respublikasi madaniyat vazirining buyrugʻi bilan madaniyat va sanʼat sohasidagi 5 — 7 nafar yetakchi mutaxassislardan iborat hakamlar hayʼati tarkibi tasdiqlanadi.
18. Tanlovni oʻtkazish boʻyicha hakamlar hayʼatining ish yoʻriqnomasi Oʻzbekiston Respublikasi Madaniyat vazirligi tomonidan tasdiqlanadi.
19. Tanlovning barcha bosqichlarida ishtirokchilarning ijro mahoratlari hakamlar hayʼatining har bir aʼzosi tomonidan alohida tarzda 25 ballik tizim boʻyicha baholanadi.
20. Hududlarda oʻtkaziladigan tanlovning 1-bosqichi natijalariga koʻra eng yuqori ball toʻplagan uch nafar ishtirokchi hakamlar hayʼatining qaroriga asosan tanlovning yakuniy bosqichiga tavsiya etiladi va ularning hujjatlari tanlov oʻtadigan yilning 1-oktabriga qadar Qoraqalpogʻiston Respublikasi Madaniyat vazirligi, viloyatlar madaniyat boshqarmalari va Toshkent shahar madaniyat bosh boshqarmasi tomonidan Oʻzbekiston Respublikasi Madaniyat vazirligiga taqdim etiladi.
21. Tanlovning yakuniy bosqichida eng koʻp ball toʻplagan ishtirokchilar orasidan hakamlar hayʼati qaroriga asosan tanlovning 1, 2, 3-oʻrin sovrindorlari aniqlanadi.
22. Hakamlar hayʼati tomonidan ishtirokchilarga qoʻyilgan ballar teng boʻlib qolganda, hakamlar hayʼati raisining ovozi hal qiluvchi hisoblanadi.
23. Ishtirokchilarni baholashda hakamlar hayʼati mustaqildir.
24. Tanlovning yakuniy natijalari hakamlar hayʼatining qarori bilan rasmiylashtiriladi.
25. Ishtirokchilar hakamlar hayʼati qarori yuzasidan tanlovning har bir bosqichi yakuni boʻyicha bir kun muddatda hakamlar hayʼati raisi nomiga apellyatsiya shikoyati (ariza) berishlari mumkin. Apellyatsiya shikoyati belgilangan tartibda roʻyxatga olinadi, bir kun muddatda koʻrib chiqilib, bayonnoma bilan rasmiylashtiriladi va oʻsha kunning oʻzida eʼlon qilinadi.
26. Tanlov gʻoliblari har bir yoʻnalish boʻyicha diplom, statuetka va quyidagi miqdorlarda pul mukofotlari bilan taqdirlanadi:
1-oʻrin — bazaviy hisoblash miqdorining 40 barobari miqdorida pul mablagʻlari;
2-oʻrin — bazaviy hisoblash miqdorining 30 barobari miqdorida pul mablagʻlari;
3-oʻrin — bazaviy hisoblash miqdorining 20 barobari miqdorida pul mablagʻlari.
27. Tanlov gʻoliblari boʻlgan oʻquvchi va talabalarning baletmeysterlari (ustoz, oʻqituvchi) va joʻrnavozlari, maxsus musiqa muallifi hamda libos rassomlari faxriy yorliq yoki esdalik sovgʻalari bilan taqdirlanadi.
28. Tanlovning yakuniy bosqichi ishtirokchilariga Mukarrama Turgʻunboyeva nomidagi “Milliy raqs ijrochilari” respublika koʻrik-tanlovi ishtirokchisi sertifikati beriladi.
6-bob. Tanlovni tashkil etish va oʻtkazishni moliyalashtirish
29. Tanlovni tashkil etish va oʻtkazish bilan bogʻliq xarajatlar quyidagi manbalar hisobidan amalga oshiriladi:
Oʻzbekiston Respublikasi Davlat budjeti parametrlarida Madaniyat vazirligiga ajratilgan budjet mablagʻlari;
Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlari;
yuridik va jismoniy shaxslarning homiylik xayriyalari;
qonunchilik hujjatlarda taqiqlanmagan boshqa manbalar.
Bunda, tanlovlar sovrindorlariga toʻlanadigan pul mukofotlari Oʻzbekiston Respublikasi Davlat budjeti mablagʻlari hisobidan qoplanadi.
30. Tanlov ishtirokchilarining tanlov oʻtkazilishi belgilangan hududga kelib-ketish, mehmonxona va ovqatlanish xarajatlari ularni tanlovda ishtirok etish uchun yuborayotgan tashkilot hamda muassasalar tomonidan yoki homiylik xayriyalari hisobidan qoplanadi.
7-bob. Yakunlovchi qoida
31. Tanlovni oʻtkazish jarayonlari boʻyicha kelib chiqadigan nizolar qonunchilik hujjatlarida belgilangan tartibda hal etiladi.
Mukarrama Turgʻunboyeva nomidagi “Milliy raqs ijrochilari” respublika koʻrik-tanlovini tashkil etish va oʻtkazish tartibi toʻgʻrisida nizomga ILOVA
Mukarrama Turgʻunboyeva nomidagi “Milliy raqs ijrochilari” respublika koʻrik-tanlovini tashkil etish va oʻtkazish
Bosqichlar Subyektlar Amalga oshiriladigan ishlar Bajarish muddati 1-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini tasdiqlash tanlov boshlanishidan 3 oy oldin 2-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga yetkazish tanlovning ijro dasturi va tanlovda ijro etiladigan asarlar roʻyxati tasdiqlangandan soʻng 5 kun muddatda 3-bosqich Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi Tanlovning ijro dasturi va tanlovda ijro etiladigan asarlar roʻyxatini ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar, oliy taʼlim muassasalari, bolalar musiqa va sanʼat maktablari, badiiy va ijodiy jamoalarga yetkazish tanlovning ijro dasturi va tanlovda ijro etiladigan asarlar roʻyxati kelib tushgandan keyin 3 kun muddatda 4-bosqich Oʻzbekiston Respublikasi Madaniyat vazirligi Tanlov oʻtkaziladigan sana va muddatni ommaviy axborot vositalarida eʼlon qilish tanlovdan 3 oy oldin 5-bosqich Tanlov ishtirokchilari Hujjatlarni taqdim etish tanlov boshlanishidan 30 kun oldin 6-bosqich Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi Tanlovning 1-bosqichini oʻtkazish tanlov oʻtkaziladigan yilning sentabr oyida 7-bosqich Oʻzbekiston Respublikasi Madaniyat vazirligi Tanlovning yakuniy bosqichini oʻtkazish tanlov oʻtkaziladigan yilning oktabr oyida 8-bosqich Oʻzbekiston Respublikasi Madaniyat vazirligi Tanlov gʻoliblarini taqdirlash tanlov yakuni boʻyicha
Vazirlar Mahkamasining 2019-yil 20-martdagi 237-son qaroriga 3-ILOVA
Yunus Rajabiy nomidagi “Yosh maqom ijrochilari” respublika koʻrik-tanlovini tashkil etish va oʻtkazish tartibi toʻgʻrisida
1-bob. Umumiy qoidalar
1. Ushbu Nizom Yunus Rajabiy nomidagi “Yosh maqom ijrochilari” respublika koʻrik-tanlovini (keyingi oʻrinlarda tanlov deb ataladi) oʻtkazish tartibini belgilaydi.
2. Tanlov ijro dasturi asosida mazkur Nizomga ilovadagi sxema boʻyicha oʻtkaziladi.
3. Tanlovning ijro dasturi va tanlovda ijro etiladigan asarlar roʻyxati Oʻzbekiston Respublikasi Madaniyat vazirligi tomonidan tanlov boshlanishidan kamida uch oy oldin tasdiqlanadi.
Tasdiqlangan ijro dasturi va tanlovda ijro etiladigan asarlar roʻyxati:
Oʻzbekiston Respublikasi Madaniyat vazirligi tomonidan Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga besh kun muddatda;
Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi tomonidan ijro dasturi va tanlovda ijro etiladigan asarlar roʻyxati kelib tushgandan keyin uch kun muddatda ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar, oliy taʼlim muassasalari, bolalar musiqa va sanʼat maktablari, badiiy va ijodiy jamoalarga yetkaziladi.
4. Tanlov dasturi tasdiqlangandan soʻng unga oʻzgartirish va qoʻshimchalar kiritishga yoʻl qoʻyilmaydi.
5. Tanlov 2020-yildan boshlab har ikki yilda bir marta aprel oyida Toshkent shahrida oʻtkaziladi.
6. Tanlovni oʻtkazishning aniq sanasi va muddati Oʻzbekiston Respublikasi Madaniyat vazirligi tomonidan belgilanadi hamda ushbu tanlov boshlanishidan uch oy oldin ommaviy axborot vositalarida eʼlon qilinadi.
7. Oʻzbekiston Respublikasi Madaniyat vazirligi tanlovni tashkil etish va oʻtkazish boʻyicha masʼul hisoblanadi.
2-bob. Tanlovning maqsadi
8. Tanlovning maqsadi quyidagilardan iborat:
oʻzbek musiqa ijrochiligi madaniyatini yanada yuksak darajaga koʻtarish, milliy maqom sanʼatini dunyo sahnalariga olib chiqish, iqtidorli yoshlarni kashf etish, ragʻbatlantirish va ularning ijodini targʻib etish;
yosh maqom ijrochilarining isteʼdodi va ijodiy qobiliyatini namoyon etish, ularning ijrochilik koʻnikmalarini yanada rivojlantirish;
yoshlar orasida maqom sanʼatiga boʻlgan qiziqishni oshirish.
3-bob. Tanlovda ishtirok etish shartlari
9. Tanlovda Oʻzbekiston Respublikasidagi ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar oʻquvchilari, oliy taʼlim muassasalarining talabalari, oʻqituvchilari, bolalar musiqa va sanʼat maktablarining oʻqituvchilari, badiiy va ijodiy jamoalarning sozandalari va xonandalari ishtirok etishi mumkin.
10. Tanlovda 17 yoshdan 35 yoshgacha boʻlgan xalq cholgʻulari ijrochilari va maqom xonandalari ishtirok etishlari mumkin.
11. Tanlovda ishtirok etishni istagan ijrochilar tanlov boshlanishidan oʻttiz kun oldin Oʻzbek milliy maqom sanʼati markaziga quyidagi hujjatlarni taqdim etishlari lozim:
tanlovda ishtirok etish uchun maʼlumotnoma (rezyume);
oʻqish yoki ish joyidan berilgan ijodiy tavsifnoma va maʼlumotnoma;
tanlovda ishtirok etish uchun ijro dasturi.
Ijrochilarning pasporti (identifikatsiyalovchi ID-kartasi), maʼlumot toʻgʻrisidagi hujjat toʻgʻrisidagi maʼlumotlari, oʻqish va ish joyidan maʼlumotlar, fotosurati “Raqamli hukumat” tizimining idoralararo integratsiyalashuv platformasi orqali mustaqil ravishda olinadi.
12. Belgilangan muddatdan kech taqdim etiladigan hujjatlar qabul qilinmaydi.
4-bob. Tanlovni oʻtkazish shartlari
13. Ishtirokchilarning tanlov davomidagi tegishli yoʻnalishlar boʻyicha ijro etish navbati belgilangan tartibda qurʼa tashlash orqali aniqlanadi va ushbu tartib tanlov yakuniga qadar saqlab qolinadi.
14. Asarlar yoddan ijro etiladi.
15. Tanlov quyidagi 9 (toʻqqiz) yoʻnalish (nominatsiya) boʻyicha oʻtkaziladi:
maqom xonandaligi — erkak ovoz;
maqom xonandaligi — ayol ovoz;
nay, qoʻshnay, surnay ijrochiligi;
chang, qonun ijrochiligi;
qashqar rubobi, ud ijrochiligi;
dutor, tanbur, sato ijrochiligi;
gʻijjak ijrochiligi;
doira, nogʻora ijrochiligi;
maqom ansambli.
5-bob. Tanlov ishtirokchilarini baholash va gʻoliblarni taqdirlash
16. Tanlovni oʻtkazish boʻyicha Oʻzbekiston Respublikasi madaniyat vazirining buyrugʻi bilan 9 — 11 nafar yetakchi mutaxassislardan iborat hakamlar hayʼati tarkibi, uning ish yoʻriqnomasi tasdiqlanadi.
17. Tanlov uch bosqichdan iborat boʻladi.
18. Tanlovning barcha bosqichlarida ishtirokchilarning ijro mahorati hakamlar hayʼatining har bir aʼzosi tomonidan alohida tarzda 25 ballik tizim boʻyicha baholanadi.
19. Tanlovning 1-bosqichida umumiy ball natijalariga koʻra eng yuqori ball toʻplagan ishtirokchilarning 40 foizi 2-bosqichga, shuningdek, tanlovning 2-bosqichida ham umumiy ball natijalariga koʻra eng yuqori ball toʻplagan ishtirokchilarning 40 foizi hakamlar hayʼati qaroriga asosan tanlovning yakuniy bosqichiga oʻtkaziladi.
20. Hakamlar hayʼati tomonidan ishtirokchilarga qoʻyilgan ballar teng boʻlib qolganda, hakamlar hayʼati raisining ovozi hal qiluvchi hisoblanadi.
21. Tanlovda eng koʻp umumiy ball toʻplagan ishtirokchilar orasidan hakamlar hayʼati qaroriga asosan har bir yoʻnalish (nominatsiya) boʻyicha tanlovning 1, 2, 3-oʻrin sovrindorlari aniqlanadi.
22. Ishtirokchilarni baholashda hakamlar hayʼati mustaqildir.
23. Tanlovning yakuniy natijalari hakamlar hayʼatining qarori bilan rasmiylashtiriladi.
24. Ishtirokchilar hakamlar hayʼati qarori yuzasidan tanlovning har bir bosqichi yakuni boʻyicha bir kun muddatda hakamlar hayʼati raisi nomiga apellyatsiya shikoyati (ariza) berishlari mumkin. Apellyatsiya shikoyati belgilangan tartibda roʻyxatga olinadi, bir kun muddatda koʻrib chiqilib, bayonnoma bilan rasmiylashtiriladi va oʻsha kunning oʻzida eʼlon qilinadi.
25. Tanlov gʻoliblari har bir yoʻnalish boʻyicha diplom, statuetka va quyidagi miqdorlarda pul mukofotlari bilan taqdirlanadi:
a) maqom xonandaligi va anʼanaviy cholgʻu ijrochiligi boʻyicha (8 ta yoʻnalish):
1-oʻrin — bazaviy hisoblash miqdorining 40 barobari miqdorida pul mablagʻlari;
2-oʻrin — bazaviy hisoblash miqdorining 30 barobari miqdorida pul mablagʻlari;
3-oʻrin — bazaviy hisoblash miqdorining 20 barobari miqdorida pul mablagʻlari.
b) maqom ansambli boʻyicha (1 ta yoʻnalish):
1-oʻrin — bazaviy hisoblash miqdorining 70 barobari miqdorida pul mablagʻlari;
2-oʻrin — bazaviy hisoblash miqdorining 60 barobari miqdorida pul mablagʻlari;
3-oʻrin — bazaviy hisoblash miqdorining 50 barobari miqdorida pul mablagʻlari.
26. Tanlov gʻoliblari boʻlgan oʻquvchi va talabalarning badiiy rahbari (ustoz, oʻqituvchi) hamda joʻrnavozlari maxsus diplom va esdalik sovgʻalari bilan taqdirlanadi.
27. Tanlovning yakuniy bosqichi ishtirokchilariga Yunus Rajabiy nomidagi “Yosh maqom ijrochilari tanlovi ishtirokchisi” sertifikati beriladi.
6-bob. Tanlovni tashkil etish va oʻtkazishni moliyalashtirish
28. Tanlovlarni tashkil etish va oʻtkazish bilan bogʻliq xarajatlar quyidagi manbalar hisobidan amalga oshiriladi:
Oʻzbekiston Respublikasi Davlat budjeti parametrlarida Madaniyat vazirligiga ajratilgan budjet mablagʻlari;
Oʻzbekiston Respublikasi Madaniyat vazirligi huzuridagi Madaniyat va sanʼatni rivojlantirish jamgʻarmasi mablagʻlari;
yuridik va jismoniy shaxslarning homiylik xayriyalari;
qonunchilik hujjatlarida taqiqlanmagan boshqa manbalar.
Bunda, tanlovlar sovrindorlariga toʻlanadigan pul mukofotlari Oʻzbekiston Respublikasi Davlat budjeti mablagʻlari hisobidan qoplanadi.
29. Tanlov ishtirokchilarining tanlov oʻtkazilishi belgilangan hududga kelib-ketish, mehmonxona va ovqatlanish xarajatlari ularni tanlovda ishtirok etish uchun yuborayotgan tashkilot hamda muassasalar tomonidan yoki homiylik xayriyalari hisobidan qoplanadi.
7-bob. Yakunlovchi qoida
30. Tanlovni oʻtkazish jarayonlari boʻyicha kelib chiqadigan nizolar qonunchilik hujjatlarida belgilangan tartibda hal etiladi.
Yunus Rajabiy nomidagi “Yosh maqom ijrochilari” respublika koʻrik-tanlovini tashkil etish va oʻtkazish tartibi toʻgʻrisida nizomga ILOVA
Yunus Rajabiy nomidagi “Yosh maqom ijrochilari” respublika koʻrik-tanlovini tashkil etish va oʻtkazish
Bosqichlar Subyektlar Amalga oshiriladigan ishlar Bajarish muddati 1-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini tasdiqlash tanlov boshlanishidan 3 oy oldin 2-bosqich Oʻzbekiston Respublikasi Madaniyat vazirligi Tanlovning ijro dasturi va tanlovda ijro etiladigan asarlar roʻyxatini Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasiga yetkazish tanlovning ijro dasturi va tanlovda ijro etiladigan asarlar roʻyxati tasdiqlangandan soʻng 5 kun muddatda 3-bosqich Qoraqalpogʻiston Respublikasi Madaniyat vazirligi, viloyatlar madaniyat boshqarmalari hamda Toshkent shahar madaniyat bosh boshqarmasi Tanlovning ijro dasturi va tanlovda ijro etiladigan asarlar roʻyxatini ixtisoslashtirilgan sanʼat va madaniyat maktablari, maktab-internatlar, madaniyat va sanʼat yoʻnalishidagi akademik litseylar, oliy taʼlim muassasalari, bolalar musiqa va sanʼat maktablari, badiiy va ijodiy jamoalarga yetkazish tanlovning ijro dasturi va tanlovda ijro etiladigan asarlar roʻyxati kelib tushgandan keyin 3 kun muddatda 4-bosqich Oʻzbekiston Respublikasi Madaniyat vazirligi Tanlov oʻtkaziladigan sana va muddatni ommaviy axborot vositalarida eʼlon qilish tanlovdan 3 oy oldin 5-bosqich Tanlov ishtirokchilari Hujjatlarni taqdim etish tanlov boshlanishidan 30 kun oldin 6-bosqich Oʻzbekiston Respublikasi Madaniyat vazirligi Tanlovni Toshkent shahrida 3 bosqichda oʻtkazish tanlov oʻtkaziladigan yilning aprel oyida 7-bosqich Oʻzbekiston Respublikasi Madaniyat vazirligi Tanlov gʻoliblarini taqdirlash tanlov yakuni boʻyicha
Oʻzbekiston Respublikasining Bosh vaziri A. ARIPOV
Toshkent sh.,
2019-yil 20-mart,
237-son