📅 2019-yil 28-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 28 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 28 марта 2019 г. · Указы Президента
Официальный текст. Официальный документ. Редакционные примечания не включены.
📅 28 March 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ветеринария ва чорвачилик соҳасида давлат бошқаруви тизимини тубдан такомиллаштириш чора-тадбирлари тўғрисида
Мамлакатимизда чорва моллари ва паррандалар бош сонини барқарор оширишни таъминлаш, ветеринария назоратини кучайтириш ва ветеринария хизматлари сифатини ошириш, ҳайвонларнинг соғлиғини ҳимоя қилишни самарали ташкил этиш, эпизоотик осойишталик ва озиқ-овқат маҳсулотлари хавфсизлигини таъминлаш борасида кенг кўламли ишлар амалга оширилди.
Шу билан бирга, чорва молларининг наслини яхшилаш, озуқа базасини мустаҳкамлаш, наслчилик йўналишидаги чорвачилик хўжаликлари фаолиятини ҳамда чорвачилик маҳсулотларини етиштиришда йирик тадбиркорлик субъектлари кўпайтирилишини давлат томонидан қўллаб-қувватлаш бўйича комплекс чора-тадбирларни амалга ошириш талаб этилмоқда.
Республикада наслчилик-селекция ишларини юритишнинг илмий асосланган инновацион услубларини жорий этиш, сунъий уруғлантиришни тизимли ташкил этиш, қишлоқ хўжалиги ҳайвонлари орасидаги эпизоотик осойишталик ҳамда озиқ-овқат маҳсулотлари хавфсизлигини таъминлаш мақсадида:
1. Ўзбекистон Республикаси Давлат ветеринария қўмитаси Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси (кейинги ўринларда — Ветеринария ва чорвачиликни ривожлантириш қўмитаси) этиб қайта ташкил этилсин ва қуйидагилар унинг асосий вазифалари сифатида белгилансин:
ветеринария ва чорвачилик соҳасида норматив-ҳуқуқий ҳужжатларни халқаро стандартларга мувофиқлаштириш, ушбу соҳада давлат, хўжалик бошқаруви органлари ҳамда маҳаллий давлат ҳокимияти органларининг ўзаро ҳамкорлигини мувофиқлаштириш, ветеринария фаолиятини лицензиялашни амалга ошириш;
ветеринария соҳаси ва чорвачиликни барча тармоқларини, шу жумладан қорамолчилик, қўйчилик, қоракўлчилик, эчкичилик, йилқичилик, паррандачилик, балиқчилик, асаларичилик ва қуёнчиликни ривожлантириш, наслчилик-селекция ишларини мувофиқлаштириш ҳамда ушбу йўналишлар бўйича мақсадли давлат дастурларини ишлаб чиқиш ва амалга ошириш;
мамлакат ҳудудларини ҳайвонларнинг юқумли касалликлари кириб келишидан ҳимоя қилишни таъминлаш, ҳайвонлар касалликлари профилактикасининг ва уларни даволашнинг замонавий усулларини амалиётга жорий этиш, маҳаллий ва хорижий фан ютуқларини татбиқ этиш асосида ветеринария дори воситаларининг янги турлари ва шаклларини ишлаб чиқаришни ташкил этиш;
эпизоотик осойишталикни таъминлашда ҳайвонларнинг юқумли касалликларини ўз вақтида аниқлаш, ташхис қўйиш ва тарқалишининг олдини олишга доир профилактика ишларининг самарадорлигини мониторинг қилиш;
чорвачилик ва наслчилик соҳасини давлат томонидан қўллаб-қувватлашнинг ягона механизмларини амалга ошириш, чорвачилик хўжаликларига озуқа етиштириш учун ажратилган ер майдонларида чорва озуқа экинларини жойлаштиришни ташкил этиш ҳамда юқори ҳосилдорликка эришишни мониторинг қилиш;
чорвачилик тармоқларида ҳайвонларни идентификация қилиш, уларни ҳисобга олиш, ҳисобдан чиқариш ва сақлаш ишларини ташкил этиш, қишлоқ хўжалиги ҳайвонларини зоти бўйича районлаштириш;
ветеринария ва наслчилик тўғрисидаги қонун ҳужжатларига риоя этилиши ҳамда ветеринария дори воситалари ва озуқабоп қўшимчаларнинг сифати ва муомаласи юзасидан давлат назоратини амалга ошириш;
ветеринария ва наслчилик-селекция соҳаларида илмий, услубий ва таълим салоҳиятини ҳар томонлама ривожлантириш, илмий тадқиқотлар йўналишларини белгилаш, фундаментал ва амалий тадқиқотлар, инновация ишланмалари натижаларини ветеринария ва наслчилик-селекция амалиётига жорий этилишини мувофиқлаштириш;
чорвачилик маҳсулотларини халқаро талабларга мувофиқ сертификатлаштириш ва стандартлаштиришни таъминлаш, сифат менежментининг замонавий усулларини кенг жорий этиш, ветеринария ва чорвачилик соҳаларига хорижий инвестициялар ва грант маблағларини жалб қилиш;
соҳа кадрларини тизимли тайёрлаш, уларнинг малакасини ошириш ва қайта тайёрлашни ташкил этиш, раҳбар ҳамда мутахассисларнинг иш услуби ва шаклларини такомиллаштириш.
2. Ўзбекистон Республикаси Олий ва ўрта махсус таълим вазирлиги ҳамда Фанлар академияси таркибидаги қуйидаги муассасалар Ветеринария ва чорвачиликни ривожлантириш қўмитаси таркибига ўтказилишига розилик берилсин:
Олий ва ўрта махсус таълим вазирлигининг Самарқанд ветеринария медицинаси институти ва унинг қошидаги академик лицей;
Ўзбекистон Республикаси Фанлар академияси Қишлоқ хўжалиги ва озиқ-овқат таъминоти илмий-ишлаб чиқариш марказининг Чорвачилик ва паррандачилик илмий-тадқиқот институти, Қоракўлчилик ва чўл экологияси илмий-тадқиқот институти ҳамда Балиқчилик илмий-тадқиқот институти.
3. Ветеринария ва чорвачиликни ривожлантириш қўмитаси эпизоотик осойишталикни таъминлаш, ҳайвонларнинг юқумли касалликларини ўз вақтида аниқлаш, ташхис қўйиш ва тарқалишининг олдини олиш, чорвачиликни барча тармоқларини ва наслчиликни ривожлантириш учун масъул республика ижро этувчи ҳокимият органи ҳисобланади.
4. Белгилаб қўйилсинки:
Ветеринария ва чорвачиликни ривожлантириш қўмитаси Ўзбекистон Республикаси Давлат ветеринария қўмитасининг барча ҳуқуқлари, мажбуриятлари ва шартномалари, шу жумладан халқаро шартномалари бўйича ҳуқуқий вориси ҳисобланади;
Ветеринария ва чорвачиликни ривожлантириш қўмитасининг ўз ваколатлари доирасида қабул қилган қарорлари вазирликлар, идоралар, маҳаллий давлат ҳокимияти органлари, бошқа ташкилотлар, мансабдор шахслар ва фуқаролар томонидан ижро этилиши мажбурий ҳисобланади;
Ветеринария ва чорвачиликни ривожлантириш қўмитаси, унинг тизими ва ҳудудий ташкилотлари фаолиятини молиялаштириш ва моддий-техник таъминлаш Ўзбекистон Республикаси Давлат бюджети, бюджетдан ташқари жамғармалар ва қонунчилик билан тақиқланмаган бошқа маблағлар ҳисобидан амалга оширилади.
5. Илмий-тадқиқот ишлари, қўмита тизимидаги ташкилотларнинг моддий-техника базасини мустаҳкамлаш, соҳа кадрлари малакасини ошириш ва уларни қайта тайёрлаш, шунингдек ходимларни моддий ва ижтимоий қўллаб-қувватлаш мақсадида Ветеринария ва чорвачиликни ривожлантириш қўмитаси ҳузурида Ветеринария хизмати ва чорвачиликни ривожлантириш жамғармаси ташкил этилсин.
Ветеринария хизмати ва чорвачиликни ривожлантириш жамғармасини шакллантириш манбалари этиб:
Давлат чегараси ва транспортда давлат ветеринария назорати бошқармасининг ҳамда Ветеринария дори воситалари, озуқабоп қўшимчалар сифати ва муомаласи назорати бўйича Давлат илмий марказининг хизматлар кўрсатишдан тушадиган маблағларнинг 75 фоизи;
чорвачилик фермер хўжаликларига сотиладиган уруғлар, сунъий уруғлантириш хизматини кўрсатишдан тушадиган маблағлар;
қонунчиликда тақиқланмаган бошқа манбалар белгилансин.
8. Белгилансинки, 2020 йил 1 январдан бошлаб:
чорва моллари бош сони 100 шартли ва ундан ортиқ бўлган чорвачилик ҳамда паррандалар сони 100 минг бош ва ундан юқори бўлган паррандачиликка ихтисослашган хўжаликларда алоҳида штат асосида ветеринария врачи ва зоотехник мутахассисларнинг фаолият юритиши жорий этилади;
қорамолчилик йўналишидаги хўжаликлар (бўрдоқичилик хўжаликлари бундан мустасно) ҳамда аҳоли қарамоғидаги сигирлар Агентлик томонидан ишлаб чиқилган селекция режасига асосан мазкур ҳудуд учун бириктирилган зотдаги наслли буқалар уруғи билан сунъий уруғлантирилади;
туман ҳокимликлари ҳар йилнинг 1 декабрига қадар Агентликнинг ҳудудий бўлинмалари билан келишган ҳолда Ўзбекистон Республикаси Қишлоқ хўжалиги вазирлигига фермер хўжаликлари кесимида келгуси йил учун озуқа экинларини жойлаштириш режасини тақдим этади;
9. Ўзбекистон Республикаси Вазирлар Маҳкамаси бир ҳафта муддатда Ветеринария ва чорвачиликни ривожлантириш давлат қўмитаси фаолиятини ташкил этиш тўғрисидаги Ўзбекистон Республикаси Президенти қарори лойиҳасини белгиланган тартибда киритсин.
10. Ўзбекистон Республикаси Ветеринария ва чорвачиликни ривожлантириш давлат қўмитаси Адлия вазирлиги, бошқа манфаатдор вазирлик ва идоралар билан биргаликда икки ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклиф киритсин.
11. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 28 март,
ПФ-5696-сон
Oʻzbekiston Respublikasi Prezidentining
Farmoni
Veterinariya va chorvachilik sohasida davlat boshqaruvi tizimini tubdan takomillashtirish chora-tadbirlari toʻgʻrisida
Mamlakatimizda chorva mollari va parrandalar bosh sonini barqaror oshirishni taʼminlash, veterinariya nazoratini kuchaytirish va veterinariya xizmatlari sifatini oshirish, hayvonlarning sogʻligʻini himoya qilishni samarali tashkil etish, epizootik osoyishtalik va oziq-ovqat mahsulotlari xavfsizligini taʼminlash borasida keng koʻlamli ishlar amalga oshirildi.
Shu bilan birga, chorva mollarining naslini yaxshilash, ozuqa bazasini mustahkamlash, naslchilik yoʻnalishidagi chorvachilik xoʻjaliklari faoliyatini hamda chorvachilik mahsulotlarini yetishtirishda yirik tadbirkorlik subyektlari koʻpaytirilishini davlat tomonidan qoʻllab-quvvatlash boʻyicha kompleks chora-tadbirlarni amalga oshirish talab etilmoqda.
Respublikada naslchilik-seleksiya ishlarini yuritishning ilmiy asoslangan innovatsion uslublarini joriy etish, sunʼiy urugʻlantirishni tizimli tashkil etish, qishloq xoʻjaligi hayvonlari orasidagi epizootik osoyishtalik hamda oziq-ovqat mahsulotlari xavfsizligini taʼminlash maqsadida:
1. Oʻzbekiston Respublikasi Davlat veterinariya qoʻmitasi Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi (keyingi oʻrinlarda — Veterinariya va chorvachilikni rivojlantirish qoʻmitasi) etib qayta tashkil etilsin va quyidagilar uning asosiy vazifalari sifatida belgilansin:
veterinariya va chorvachilik sohasida normativ-huquqiy hujjatlarni xalqaro standartlarga muvofiqlashtirish, ushbu sohada davlat, xoʻjalik boshqaruvi organlari hamda mahalliy davlat hokimiyati organlarining oʻzaro hamkorligini muvofiqlashtirish, veterinariya faoliyatini litsenziyalashni amalga oshirish;
veterinariya sohasi va chorvachilikni barcha tarmoqlarini, shu jumladan qoramolchilik, qoʻychilik, qorakoʻlchilik, echkichilik, yilqichilik, parrandachilik, baliqchilik, asalarichilik va quyonchilikni rivojlantirish, naslchilik-seleksiya ishlarini muvofiqlashtirish hamda ushbu yoʻnalishlar boʻyicha maqsadli davlat dasturlarini ishlab chiqish va amalga oshirish;
mamlakat hududlarini hayvonlarning yuqumli kasalliklari kirib kelishidan himoya qilishni taʼminlash, hayvonlar kasalliklari profilaktikasining va ularni davolashning zamonaviy usullarini amaliyotga joriy etish, mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarishni tashkil etish;
epizootik osoyishtalikni taʼminlashda hayvonlarning yuqumli kasalliklarini oʻz vaqtida aniqlash, tashxis qoʻyish va tarqalishining oldini olishga doir profilaktika ishlarining samaradorligini monitoring qilish;
chorvachilik va naslchilik sohasini davlat tomonidan qoʻllab-quvvatlashning yagona mexanizmlarini amalga oshirish, chorvachilik xoʻjaliklariga ozuqa yetishtirish uchun ajratilgan yer maydonlarida chorva ozuqa ekinlarini joylashtirishni tashkil etish hamda yuqori hosildorlikka erishishni monitoring qilish;
chorvachilik tarmoqlarida hayvonlarni identifikatsiya qilish, ularni hisobga olish, hisobdan chiqarish va saqlash ishlarini tashkil etish, qishloq xoʻjaligi hayvonlarini zoti boʻyicha rayonlashtirish;
veterinariya va naslchilik toʻgʻrisidagi qonun hujjatlariga rioya etilishi hamda veterinariya dori vositalari va ozuqabop qoʻshimchalarning sifati va muomalasi yuzasidan davlat nazoratini amalga oshirish;
veterinariya va naslchilik-seleksiya sohalarida ilmiy, uslubiy va taʼlim salohiyatini har tomonlama rivojlantirish, ilmiy tadqiqotlar yoʻnalishlarini belgilash, fundamental va amaliy tadqiqotlar, innovatsiya ishlanmalari natijalarini veterinariya va naslchilik-seleksiya amaliyotiga joriy etilishini muvofiqlashtirish;
chorvachilik mahsulotlarini xalqaro talablarga muvofiq sertifikatlashtirish va standartlashtirishni taʼminlash, sifat menejmentining zamonaviy usullarini keng joriy etish, veterinariya va chorvachilik sohalariga xorijiy investitsiyalar va grant mablagʻlarini jalb qilish;
soha kadrlarini tizimli tayyorlash, ularning malakasini oshirish va qayta tayyorlashni tashkil etish, rahbar hamda mutaxassislarning ish uslubi va shakllarini takomillashtirish.
2. Oʻzbekiston Respublikasi Oliy va oʻrta maxsus taʼlim vazirligi hamda Fanlar akademiyasi tarkibidagi quyidagi muassasalar Veterinariya va chorvachilikni rivojlantirish qoʻmitasi tarkibiga oʻtkazilishiga rozilik berilsin:
Oliy va oʻrta maxsus taʼlim vazirligining Samarqand veterinariya meditsinasi instituti va uning qoshidagi akademik litsey;
Oʻzbekiston Respublikasi Fanlar akademiyasi Qishloq xoʻjaligi va oziq-ovqat taʼminoti ilmiy-ishlab chiqarish markazining Chorvachilik va parrandachilik ilmiy-tadqiqot instituti, Qorakoʻlchilik va choʻl ekologiyasi ilmiy-tadqiqot instituti hamda Baliqchilik ilmiy-tadqiqot instituti.
3. Veterinariya va chorvachilikni rivojlantirish qoʻmitasi epizootik osoyishtalikni taʼminlash, hayvonlarning yuqumli kasalliklarini oʻz vaqtida aniqlash, tashxis qoʻyish va tarqalishining oldini olish, chorvachilikni barcha tarmoqlarini va naslchilikni rivojlantirish uchun masʼul respublika ijro etuvchi hokimiyat organi hisoblanadi.
4. Belgilab qoʻyilsinki:
Veterinariya va chorvachilikni rivojlantirish qoʻmitasi Oʻzbekiston Respublikasi Davlat veterinariya qoʻmitasining barcha huquqlari, majburiyatlari va shartnomalari, shu jumladan xalqaro shartnomalari boʻyicha huquqiy vorisi hisoblanadi;
Veterinariya va chorvachilikni rivojlantirish qoʻmitasining oʻz vakolatlari doirasida qabul qilgan qarorlari vazirliklar, idoralar, mahalliy davlat hokimiyati organlari, boshqa tashkilotlar, mansabdor shaxslar va fuqarolar tomonidan ijro etilishi majburiy hisoblanadi;
Veterinariya va chorvachilikni rivojlantirish qoʻmitasi, uning tizimi va hududiy tashkilotlari faoliyatini moliyalashtirish va moddiy-texnik taʼminlash Oʻzbekiston Respublikasi Davlat budjeti, budjetdan tashqari jamgʻarmalar va qonunchilik bilan taqiqlanmagan boshqa mablagʻlar hisobidan amalga oshiriladi.
5. Ilmiy-tadqiqot ishlari, qoʻmita tizimidagi tashkilotlarning moddiy-texnika bazasini mustahkamlash, soha kadrlari malakasini oshirish va ularni qayta tayyorlash, shuningdek xodimlarni moddiy va ijtimoiy qoʻllab-quvvatlash maqsadida Veterinariya va chorvachilikni rivojlantirish qoʻmitasi huzurida Veterinariya xizmati va chorvachilikni rivojlantirish jamgʻarmasi tashkil etilsin.
Veterinariya xizmati va chorvachilikni rivojlantirish jamgʻarmasini shakllantirish manbalari etib:
Davlat chegarasi va transportda davlat veterinariya nazorati boshqarmasining hamda Veterinariya dori vositalari, ozuqabop qoʻshimchalar sifati va muomalasi nazorati boʻyicha Davlat ilmiy markazining xizmatlar koʻrsatishdan tushadigan mablagʻlarning 75 foizi;
chorvachilik fermer xoʻjaliklariga sotiladigan urugʻlar, sunʼiy urugʻlantirish xizmatini koʻrsatishdan tushadigan mablagʻlar;
qonunchilikda taqiqlanmagan boshqa manbalar belgilansin.
8. Belgilansinki, 2020-yil 1-yanvardan boshlab:
chorva mollari bosh soni 100 shartli va undan ortiq boʻlgan chorvachilik hamda parrandalar soni 100 ming bosh va undan yuqori boʻlgan parrandachilikka ixtisoslashgan xoʻjaliklarda alohida shtat asosida veterinariya vrachi va zootexnik mutaxassislarning faoliyat yuritishi joriy etiladi;
qoramolchilik yoʻnalishidagi xoʻjaliklar (boʻrdoqichilik xoʻjaliklari bundan mustasno) hamda aholi qaramogʻidagi sigirlar Agentlik tomonidan ishlab chiqilgan seleksiya rejasiga asosan mazkur hudud uchun biriktirilgan zotdagi naslli buqalar urugʻi bilan sunʼiy urugʻlantiriladi;
tuman hokimliklari har yilning 1-dekabriga qadar Agentlikning hududiy boʻlinmalari bilan kelishgan holda Oʻzbekiston Respublikasi Qishloq xoʻjaligi vazirligiga fermer xoʻjaliklari kesimida kelgusi yil uchun ozuqa ekinlarini joylashtirish rejasini taqdim etadi;
9. Oʻzbekiston Respublikasi Vazirlar Mahkamasi bir hafta muddatda Veterinariya va chorvachilikni rivojlantirish davlat qoʻmitasi faoliyatini tashkil etish toʻgʻrisidagi Oʻzbekiston Respublikasi Prezidenti qarori loyihasini belgilangan tartibda kiritsin.
10. Oʻzbekiston Respublikasi Veterinariya va chorvachilikni rivojlantirish davlat qoʻmitasi Adliya vazirligi, boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin.
11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 28-mart,
PF-5696-son
Президента Республики Узбекистан
Указ
О мерах по коренному совершенствованию системы государственного управления в сфере ветеринарии и животноводства
В нашей стране проведена масштабная работа по обеспечению устойчивого увеличения поголовья скота и птицы, усилению ветеринарного надзора и повышению качества ветеринарных услуг, организации эффективной охраны здоровья животных, обеспечению эпизоотического благополучия и безопасности пищевых продуктов.
В то же время, требуется реализация комплексных мер по улучшению племенных показателей скота, укреплению кормовой базы, а также государственной поддержке деятельности животноводческих хозяйств в области племенного дела и увеличения числа крупных субъектов предпринимательства, занимающихся выращиванием животноводческой продукции.
В целях внедрения научно обоснованных инновационных методов селекционно-племенной работы в республике, системной организации искусственного осеменения, обеспечения эпизоотического благополучия и безопасности пищевых продуктов:
1. Преобразовать Государственный комитет ветеринарии Республики Узбекистан в Комитет ветеринарии и развития животноводства при Министерстве сельского хозяйства Республики Узбекистан (далее — Комитет ветеринарии и развития животноводства), определив его основными задачами:
гармонизацию нормативно-правовых актов в области ветеринарии и животноводства с международными стандартами координацию взаимодействия органов государственного и хозяйственного управления и органов государственной власти на местах в данной сфере, осуществление лицензирования ветеринарной деятельности;
развитие ветеринарной сферы и всех отраслей животноводства, включая скотоводство, овцеводство, козоводство, коневодство, птицеводство, рыбоводство, пчеловодство и кролиководство, координацию селекционно-племенной работы, а также разработку и реализацию государственных программ по данным направлениям;
обеспечение охраны территории страны от заноса заразных болезней животных, внедрение в практику современных методов лечения и профилактики болезней животных, организацию производства новых видов и форм ветеринарных лекарственных средств, основанных на достижениях отечественной и зарубежной науки;
мониторинг эффективности профилактических работ по своевременному выявлению, диагностике и предотвращению распространения заразных болезней животных при обеспечении эпизоотического благополучия;
реализацию единых механизмов государственной поддержки животноводства и племенного дела, организацию размещения посева кормовых культур на выделенных животноводческим хозяйствам земельных участках для выращивания корма и проведение мониторинга достижения высокой урожайности;
организацию работы по идентификации, учету, снятию с учета и содержанию животных в животноводческих отраслях, а также породное районирование сельскохозяйственных животных;
осуществление государственного надзора за соблюдением законодательства о ветеринарии и племенном деле, а также за качеством и оборотом ветеринарных лекарственных средств и кормовых добавок;
всестороннее развитие научного, методического и образовательного потенциала в области ветеринарии, селекционно-племенного дела, определение направлений научных исследований, координацию фундаментальных и прикладных исследований, внедрение результатов инновационных разработок в ветеринарную и селекционно-племенную практику;
обеспечение сертификации и стандартизации продукции животноводства в соответствии с международными требованиями, широкое внедрение современных методов менеджмента качества, привлечение иностранных инвестиций и грантов в сферу ветеринарии и животноводства;
организацию на системной основе подготовки, повышения квалификации и переподготовки специалистов в данной области, совершенствование форм и методов работы руководителей и специалистов.
2. Согласиться с предложениями Министерства высшего и среднего специального образования и Академии наук Республики Узбекистан о передаче следующих учреждений, находящихся в их ведении, Комитету ветеринарии и развития животноводства Республики Узбекистан:
Самаркандский институт ветеринарной медицины Министерства высшего и среднего специального образования и его академический лицей;
Научно-исследовательский институт животноводства и птицеводства, Научно-исследовательский институт каракулеводства и экологии пустынь, Научно-исследовательский институт рыбоводства при Научно-производственном центре животноводства и продовольственного снабжения Академии наук Республики Узбекистан.
3. Комитет ветеринарии и развития животноводства является республиканским органом исполнительной власти, ответственным за обеспечение эпизоотического благополучия, своевременное выявление, диагностику и предотвращения распространения заразных болезней животных, развитие всех отраслей животноводства и племенного дела.
4. Установить, что:
Комитет ветеринарии и развития животноводства является правопреемником по всем правам, обязательствам и договорам Государственного комитета ветеринарии Республики Узбекистан, в том числе международным соглашениям;
решения Комитета ветеринарии и развития животноводства, принятые в пределах своей компетенции, являются обязательными для исполнения министерствами, ведомствами, органами государственной власти на местах, другими организациями, должностными лицами и гражданами;
финансирование и материально-техническое обеспечение деятельности Комитета ветеринарии и развития животноводства, его структурных и региональных подразделений осуществляется за счет средств Государственного бюджета Республики Узбекистан, внебюджетных фондов и других источников, не запрещенных законодательством.
5. Создать Фонд ветеринарной службы и развития животноводства при Комитетом ветеринарии и развития животноводства в целях научно-исследовательских работ, укрепления материально-технической базы организаций системы комитета, повышения квалификации кадров данной сферы и их переподготовки, а также материальной и социальной поддержки работников.
Определить источниками формирования фонда по развитию ветеринарной службы и животноводства:
средства в размере 75 процентов поступлений от оказания услуг Управлением государственного ветеринарного надзора на Государственной границе и транспорте и Государственным научным центром по контролю качества и оборота ветеринарных лекарственных средств и кормовых добавок;
средства, поступившие от реализации семени животноводческим фермерским хозяйствам, оказания услуг по искусственному осеменению;
другие источники, не запрещенные законодательством.
8. Определить, что, начиная с 1 января 2020 года:
вводятся отдельные штатные единицы ветеринарного врача и зоотехника в специализированных животноводческих хозяйствах с поголовьем крупного рогатого скота 100 голов и более, а также птицеводческих хозяйствах с поголовьем 100 тысяч голов и более;
коровы скотоводческих хозяйств (за исключением откормочных хозяйств) и коровы, содержащиеся у населения, искусственно осеменяются семенем племенных быков, предназначенных для этой территории в соответствии с планом племенного дела, разработанным Агентством;
ежегодно до 1 декабря хокимияты районов предоставляют в Министерство сельского хозяйства Республики Узбекистан план размещения кормовых культур, согласованный с территориальными подразделениями Агентства;
9. Кабинету Министров Республики Узбекистан в недельный срок внести в установленном порядке проект постановления Президента Республики Узбекистан о организации деятельности Государственного комитета ветеринарии и развития животноводства Республики Узбекистан.
10. Государственному комитету ветеринарии и развития животноводства, Министерству юстиции совместно с другими заинтересованными ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего Указа.
11. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
28 марта 2019 г.,
№ УП-5696