📅 2019-yil 2-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 2 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 2 апреля 2019 г. · Указы Президента
Официальный текст. Официальный документ. Редакционные примечания не включены.
📅 2 April 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Аҳоли муаммолари билан ишлашда маҳалла институтининг мавқеини тубдан ошириш чора-тадбирлари тўғрисида
Мамлакатимизни барқарор ривожлантириш, халқимиз фаровонлигини ошириш, фуқароларимизни ўз ҳаётидан рози бўлиб, эртанги кунга қатъий ишонч билан муносиб ҳаёт кечиришини таъминлаш бўйича олдимизга қўйган мақсад ва вазифаларни изчил амалга оширишда жамиятнинг энг муҳим бўғини ҳисобланган маҳалла институтининг ўрни ва аҳамияти тобора ортиб бормоқда.
Маҳалла жамиятда тинчлик-тотувлик, ўзаро ҳурмат, меҳр-оқибат ва ҳамжиҳатлик муҳитини мустаҳкамлаш, миллий урф-одат ва қадриятларни асраб-авайлаш, оилалар жипслилигини таъминлаш, соғлом ва баркамол авлодни тарбиялаш, аҳолининг кундалик муаммоларини ҳал этишда халқимизга энг яқин ижтимоий тузилма ҳисобланади.
Шу билан бирга, фуқаролар йиғинларининг уйма-уй юриб аҳоли муаммоларини аниқлаб, оғирини енгил қилиш борасида давлат идоралари, шу жумладан Ўзбекистон Республикаси Президентининг Халқ қабулхоналари (кейинги ўринларда Халқ қабулхоналари деб юритилади) ва ҳудудларни комплекс ижтимоий-иқтисодий ривожлантириш бўйича секторлар (кейинги ўринларда — секторлар) билан ҳамкорлигини кучайтириш, моддий-техника таъминотини яхшилаш ҳамда соҳа ходимлари меҳнатини муносиб баҳолаш юзасидан аниқ чора-тадбирларни амалга ошириш талаб этилмоқда.
Маҳалланинг жамият бошқарувидаги ўрни ва фаолияти самарадорлигини ошириш, фуқаролар йиғинлари ишини ташкил этишнинг замонавий механизмларини жорий қилиш, соҳага малакали, бой ҳаётий тажрибага эга ва фидойи кадрларни жалб этиш мақсадида:
1. Мурожаатлар билан ишлаш, аҳоли муаммоларини аниқлаш ва ҳал этиш бўйича «маҳалла — сектор — Халқ қабулхонаси — маҳалла» принципи асосида ҳамкорлик тизими жорий қилиниб, қуйидагилар мазкур тизимнинг асосий йўналишлари этиб белгилансин:
ҳудудларни комплекс ижтимоий-иқтисодий ривожлантириш, уйма-уй юриш, ижтимоий ва бошқа объектларни ўрганиш орқали муаммоларни аниқлаш ва ҳамкорликда бартараф этиш чораларини кўриш, таъсирчан жамоатчилик назоратини ўрнатиш;
Халқ қабулхоналарига келиб тушаётган мурожаатларнинг мазмуни ва уларнинг таҳлили ҳақидаги ахборотни тегишинча халқ депутатлари вилоят, туман ва шаҳар Кенгашларида ҳар чоракда муҳокама қилиш;
аниқланган муаммоларни умумлаштириш ҳамда ҳал этиш мақсадида электрон ахборот алмашиш тизимини жорий этиш;
жойларда ижтимоий-иқтисодий дастурлар лойиҳаларини ишлаб чиқишда бевосита иштирок этиш ва уларнинг ижросини таъминлашда тизимли ҳамкорликни ўрнатиш.
2. Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши (кейинги ўринларда — Республика кенгаши), Ўзбекистон Хотин-қизлар қўмитаси, Ўзбекистон ёшлар иттифоқи, Ўзбекистон фермер, деҳқон хўжаликлари ва томорқа ер эгалари кенгаши, Ўзбекистон Республикаси Ички ишлар вазирлигининг:
маҳаллада ижтимоий-маънавий муҳит барқарорлигини сақлашда кекса авлод вакиллари ва ҳуқуқни муҳофаза қилувчи органларнинг нафақадаги ходимларининг бой ҳаётий тажрибасидан унумли фойдаланиш мақсадида «Кексалар маслаҳати» гуруҳларини ташкил этиш тўғрисидаги таклифларига розилик берилсин.
3. Шундай тартиб ўрнатилсинки, унга мувофиқ:
фуқаролар йиғинлари раислари ҳар чоракда ўз маҳалласи ҳудудидаги долзарб муаммолар тўғрисидаги маълумотларни секторлар раҳбарлари ва Халқ қабулхоналарига тақдим этиб боради;
энг долзарб муаммолар секторлар раҳбарлари ва Халқ қабулхоналари томонидан тегишли дастурларда инобатга олиш учун тавсия этилади;
фуқаролар йиғинлари раислари мунтазам равишда давлат органлари ва бошқа ташкилотларнинг ҳудудга бириктирилган масъул ходимлари, сектор штаби аъзолари, йўл қурилиш, электр, газ, сув, канализация, коммунал ва ижтимоий соҳа вакилларининг ҳудудда амалга оширган ишлари натижаси юзасидан ёзма равишда секторлар раҳбарлари ва Халқ қабулхоналарига маълумот киритади;
Халқ қабулхоналари томонидан фуқаролар йиғинлари раисларининг маълумотларида кўрсатилган ҳолатлар юзасидан тегишли ташкилотларга тақдимномалар, шунингдек уларнинг юқори турувчи ташкилотларига мансабдор шахслари ва ходимларини рағбатлантириш ёки интизомий жавобгарликка тортиш бўйича таклифлар киритиш масаласи кўриб чиқилади.
5. Республика кенгаши ҳамда Молия вазирлигининг фуқаролар йиғинлари раислари ва масъул котиблари ойлик иш ҳақи фондини жорий йилда босқичма-босқич 1,5 бараварга ошириш тўғрисидаги таклифига розилик берилсин. Бунда ушбу ходимларнинг ойлик иш ҳақи жорий йил 1 майдан 1,25 бараварга ва 1 октябрдан 1,2 бараварга оширилиши назарда тутилсин.
6. Республика кенгаши қуйидагиларни ишлаб чиқиб, Ўзбекистон Республикаси Вазирлар Маҳкамасига белгиланган тартибда киритсин:
а) Олий суд билан биргаликда икки ой муддатда фуқароларнинг ўзини ўзи бошқариш органлари фаолиятига қонунга хилоф равишда аралашганлик, фуқаролар йиғини қарорини бажармаганлик ёки лозим даражада бажармаганлик ҳамда фуқаролар йиғини раиси фаолиятининг кафолатларини бузганлик учун маъмурий жавобгарликни белгилашни назарда тутувчи қонун лойиҳасини;
б) Адлия вазирлиги билан биргаликда уч ой муддатда қуйидагиларни назарда тутувчи янги таҳрирдаги «Фуқароларнинг ўзини ўзи бошқариш органлари тўғрисида»ги қонун лойиҳасини:
фуқаролар йиғинлари органлари фаолиятига оид норматив-ҳуқуқий ҳужжатларни имкон қадар қисқартириш, умумий тусдаги, ҳаракатсиз ва ҳуқуқни қўллашга таъсир этмайдиган қонун ҳужжатларини қайта кўриб чиқиш ҳамда эскирган механизмларни бартараф этишни;
фуқаролар йиғинлари органларида «замонавий менежмент» тизимини жорий этиш ҳамда уларнинг фаолият йўналишлари, вазифалари ва жавобгарлик доирасини аниқ белгилашни;
фуқаролар йиғинларининг мутасадди давлат органларига мурожаатларини кўриб чиқиш тартиб-таомилларини мустаҳкамлашни;
фуқаролар йиғини раисининг ижтимоий ҳимояси, улар фаолиятининг кафолатлари ва фарқлаш белгисини;
в) Ўзбекистон Республикаси Президенти ҳузуридаги Давлат бошқаруви академияси, Олий ва ўрта махсус таълим вазирлиги билан биргаликда икки ой муддатда фуқароларнинг ўзини ўзи бошқариш органлари ходимларининг малакасини ошириш ҳамда кадрларни маҳалла бошқаруви жараёнига мақсадли қайта тайёрлаш бўйича амалдаги ўқитиш тизимига оид муаммоларни ўрганиш асосида уни янада такомиллаштириш юзасидан асослантирилган таклифларни;
г) Адлия вазирлиги, Молия вазирлиги, Иқтисодиёт ва саноат вазирлиги, Давлат статистика қўмитаси билан биргаликда икки ой муддатда фуқаролар йиғинлари, уларнинг ходимлари ва жамоатчилик асосида фаолият юритаётган шахслар фаолиятини рейтинг асосида баҳолаш мезонлари ҳамда маҳаллий бюджетнинг қўшимча манбалари ҳисобидан рағбатлантириш тартибини.
7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Маҳалла ва оилани қўллаб-қувватлаш вазирлиги, Кадастр агентлиги, Давлат активларини бошқариш агентлиги билан биргаликда:
икки ой муддатда фуқаролар йиғинлари томонидан фойдаланиб келинаётган давлат мулки бўлган биноларни бириктирилган ер майдонлари билан биргаликда хатловдан ўтказиб, уларнинг белгиланган тартибда фуқаролар йиғинларига мулк ҳуқуқи билан берилишини таъминласин;
ҳар чоракда тасдиқланган график асосида Қорақалпоғистон Республикаси, вилоятлар ва Тошкент шаҳар, туманлар ва шаҳарлар марказларида «Маҳалла маркази» мажмуалари ва фуқаролар йиғинлари биноларини намунавий лойиҳалар асосида қуриш, реконструкция қилиш, таъмирлаш ҳолати тўғрисида Вазирлар Маҳкамасига ахборот бериб борсин.
8. Республика кенгаши Вазирлар Маҳкамасининг 2016 йил 7 октябрдаги 336-сон қарори билан тасдиқланган Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат ҳокимияти органлари, давлат ва хўжалик бошқаруви органлари, республика аҳамиятига молик бошқа давлат ташкилотлари рўйхатига киритилсин.
9. Маҳалла ва оилани қўллаб-қувватлаш вазирлиги ва унинг ҳудудий бўлинмалари ҳамда фуқаролар йиғинлари ходимларини уларнинг вазифалари ва фаолият йўналишлари билан боғлиқ бўлмаган йиғилишлар ва бошқа тадбирларга жалб қилиш, уларнинг фаолиятига асоссиз аралашиш, тааллуқли бўлмаган вазифаларни юклаш, шунингдек фуқаролар йиғинлари балансида бўлган биноларни бошқа шахсларга бириктириш ёки асоссиз равишда олиб қўйиш тақиқланади.
Давлат органлари ва ташкилотлари раҳбарлари мазкур талабларни бузганлиги учун эгаллаб турган лавозимидан озод этишгача бўлган шахсий жавобгарлиги тўғрисида огоҳлантирилсин.
10. Ўзбекистон Миллий телерадиокомпаниясига:
«Mahalla» телерадиоканалини фуқаролар йиғинлари фаолиятини ёритиш масалалари бўйича Республика кенгашининг бош ахборот ҳамкори этиб белгилаш;
Ўзбекистон электрон оммавий ахборот воситалари миллий ассоциацияси, Халқаро пресс-клуб, Ўзбекистон Миллий ахборот агентлиги ва оммавий ахборот воситалари билан биргаликда тинчлик ва барқарорлик, меҳр-оқибат ва ҳамжиҳатлик, миллий урф-одат ва қадриятларни асраш, оилаларни мустаҳкамлаш ҳамда ижтимоий-маънавий жараёнларда маҳалланинг иштироки, маҳаллалардаги муаммоларни бартараф этишга қаратилган ток-шоулар, ижтимоий роликлар, махсус кўрсатувлар, мақолалар, чиқишлар ва эшиттиришлар ташкил қилиш топширилсин.
11. Республика кенгаши:
а) Ўзбекистон Республикаси Ахборот технологиялари ва коммуникацияларини ривожлантириш вазирлиги билан биргаликда 2019 йил 1 июлга қадар:
Қорақалпоғистон Республикаси Вазирлар Кенгаши, вилоятлар ва Тошкент шаҳар, туман (шаҳар) маҳаллий бюджетларининг қўшимча манбалари ҳисобидан фуқаролар йиғинларининг юқори тезликдаги Интернет тармоғи миллий сегмент маълумотларини узатиш тармоғига уланишини таъминласин;
фуқаролар йиғинларини Интернет тармоғининг миллий сегмент маълумотларини узатиш тармоғидан фойдаланиш учун имтиёзли тарифни тасдиқлаш бўйича таклиф киритсин;
б) 2020 йил 1 январга қадар Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда «Электрон ҳукумат» тизими доирасида «Маҳалла» электрон маълумотлар базасини ишга туширсин.
12. Республика кенгаши манфаатдор вазирлик ва идоралар билан биргаликда икки ой муддатда қонун ҳужжатларига мазкур Фармондан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
13. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси Р.С. Қосимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 2 апрель,
ПФ-5700-сон
Oʻzbekiston Respublikasi Prezidentining
Farmoni
Aholi muammolari bilan ishlashda mahalla institutining mavqeyini tubdan oshirish chora-tadbirlari toʻgʻrisida
Mamlakatimizni barqaror rivojlantirish, xalqimiz farovonligini oshirish, fuqarolarimizni oʻz hayotidan rozi boʻlib, ertangi kunga qatʼiy ishonch bilan munosib hayot kechirishini taʼminlash boʻyicha oldimizga qoʻygan maqsad va vazifalarni izchil amalga oshirishda jamiyatning eng muhim boʻgʻini hisoblangan mahalla institutining oʻrni va ahamiyati tobora ortib bormoqda.
Mahalla jamiyatda tinchlik-totuvlik, oʻzaro hurmat, mehr-oqibat va hamjihatlik muhitini mustahkamlash, milliy urf-odat va qadriyatlarni asrab-avaylash, oilalar jipsliligini taʼminlash, sogʻlom va barkamol avlodni tarbiyalash, aholining kundalik muammolarini hal etishda xalqimizga eng yaqin ijtimoiy tuzilma hisoblanadi.
Shu bilan birga, fuqarolar yigʻinlarining uyma-uy yurib aholi muammolarini aniqlab, ogʻirini yengil qilish borasida davlat idoralari, shu jumladan Oʻzbekiston Respublikasi Prezidentining Xalq qabulxonalari (keyingi oʻrinlarda Xalq qabulxonalari deb yuritiladi) va hududlarni kompleks ijtimoiy-iqtisodiy rivojlantirish boʻyicha sektorlar (keyingi oʻrinlarda — sektorlar) bilan hamkorligini kuchaytirish, moddiy-texnika taʼminotini yaxshilash hamda soha xodimlari mehnatini munosib baholash yuzasidan aniq chora-tadbirlarni amalga oshirish talab etilmoqda.
Mahallaning jamiyat boshqaruvidagi oʻrni va faoliyati samaradorligini oshirish, fuqarolar yigʻinlari ishini tashkil etishning zamonaviy mexanizmlarini joriy qilish, sohaga malakali, boy hayotiy tajribaga ega va fidoyi kadrlarni jalb etish maqsadida:
1. Murojaatlar bilan ishlash, aholi muammolarini aniqlash va hal etish boʻyicha “mahalla — sektor — Xalq qabulxonasi — mahalla” prinsipi asosida hamkorlik tizimi joriy qilinib, quyidagilar mazkur tizimning asosiy yoʻnalishlari etib belgilansin:
hududlarni kompleks ijtimoiy-iqtisodiy rivojlantirish, uyma-uy yurish, ijtimoiy va boshqa obyektlarni oʻrganish orqali muammolarni aniqlash va hamkorlikda bartaraf etish choralarini koʻrish, taʼsirchan jamoatchilik nazoratini oʻrnatish;
Xalq qabulxonalariga kelib tushayotgan murojaatlarning mazmuni va ularning tahlili haqidagi axborotni tegishincha xalq deputatlari viloyat, tuman va shahar Kengashlarida har chorakda muhokama qilish;
aniqlangan muammolarni umumlashtirish hamda hal etish maqsadida elektron axborot almashish tizimini joriy etish;
joylarda ijtimoiy-iqtisodiy dasturlar loyihalarini ishlab chiqishda bevosita ishtirok etish va ularning ijrosini taʼminlashda tizimli hamkorlikni oʻrnatish.
2. Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashi (keyingi oʻrinlarda — Respublika kengashi), Oʻzbekiston Xotin-qizlar qoʻmitasi, Oʻzbekiston yoshlar ittifoqi, Oʻzbekiston fermer, dehqon xoʻjaliklari va tomorqa yer egalari kengashi, Oʻzbekiston Respublikasi Ichki ishlar vazirligining:
mahallada ijtimoiy-maʼnaviy muhit barqarorligini saqlashda keksa avlod vakillari va huquqni muhofaza qiluvchi organlarning nafaqadagi xodimlarining boy hayotiy tajribasidan unumli foydalanish maqsadida “Keksalar maslahati” guruhlarini tashkil etish toʻgʻrisidagi takliflariga rozilik berilsin.
3. Shunday tartib oʻrnatilsinki, unga muvofiq:
fuqarolar yigʻinlari raislari har chorakda oʻz mahallasi hududidagi dolzarb muammolar toʻgʻrisidagi maʼlumotlarni sektorlar rahbarlari va Xalq qabulxonalariga taqdim etib boradi;
eng dolzarb muammolar sektorlar rahbarlari va Xalq qabulxonalari tomonidan tegishli dasturlarda inobatga olish uchun tavsiya etiladi;
fuqarolar yigʻinlari raislari muntazam ravishda davlat organlari va boshqa tashkilotlarning hududga biriktirilgan masʼul xodimlari, sektor shtabi aʼzolari, yoʻl qurilish, elektr, gaz, suv, kanalizatsiya, kommunal va ijtimoiy soha vakillarining hududda amalga oshirgan ishlari natijasi yuzasidan yozma ravishda sektorlar rahbarlari va Xalq qabulxonalariga maʼlumot kiritadi;
Xalq qabulxonalari tomonidan fuqarolar yigʻinlari raislarining maʼlumotlarida koʻrsatilgan holatlar yuzasidan tegishli tashkilotlarga taqdimnomalar, shuningdek ularning yuqori turuvchi tashkilotlariga mansabdor shaxslari va xodimlarini ragʻbatlantirish yoki intizomiy javobgarlikka tortish boʻyicha takliflar kiritish masalasi koʻrib chiqiladi.
5. Respublika kengashi hamda Moliya vazirligining fuqarolar yigʻinlari raislari va masʼul kotiblari oylik ish haqi fondini joriy yilda bosqichma-bosqich 1,5 baravarga oshirish toʻgʻrisidagi taklifiga rozilik berilsin. Bunda ushbu xodimlarning oylik ish haqi joriy yil 1-maydan 1,25 baravarga va 1-oktabrdan 1,2 baravarga oshirilishi nazarda tutilsin.
6. Respublika kengashi quyidagilarni ishlab chiqib, Oʻzbekiston Respublikasi Vazirlar Mahkamasiga belgilangan tartibda kiritsin:
a) Oliy sud bilan birgalikda ikki oy muddatda fuqarolarning oʻzini oʻzi boshqarish organlari faoliyatiga qonunga xilof ravishda aralashganlik, fuqarolar yigʻini qarorini bajarmaganlik yoki lozim darajada bajarmaganlik hamda fuqarolar yigʻini raisi faoliyatining kafolatlarini buzganlik uchun maʼmuriy javobgarlikni belgilashni nazarda tutuvchi qonun loyihasini;
b) Adliya vazirligi bilan birgalikda uch oy muddatda quyidagilarni nazarda tutuvchi yangi tahrirdagi “Fuqarolarning oʻzini oʻzi boshqarish organlari toʻgʻrisida”gi qonun loyihasini:
fuqarolar yigʻinlari organlari faoliyatiga oid normativ-huquqiy hujjatlarni imkon qadar qisqartirish, umumiy tusdagi, harakatsiz va huquqni qoʻllashga taʼsir etmaydigan qonun hujjatlarini qayta koʻrib chiqish hamda eskirgan mexanizmlarni bartaraf etishni;
fuqarolar yigʻinlari organlarida “zamonaviy menejment” tizimini joriy etish hamda ularning faoliyat yoʻnalishlari, vazifalari va javobgarlik doirasini aniq belgilashni;
fuqarolar yigʻinlarining mutasaddi davlat organlariga murojaatlarini koʻrib chiqish tartib-taomillarini mustahkamlashni;
fuqarolar yigʻini raisining ijtimoiy himoyasi, ular faoliyatining kafolatlari va farqlash belgisini;
v) Oʻzbekiston Respublikasi Prezidenti huzuridagi Davlat boshqaruvi akademiyasi, Oliy va oʻrta maxsus taʼlim vazirligi bilan birgalikda ikki oy muddatda fuqarolarning oʻzini oʻzi boshqarish organlari xodimlarining malakasini oshirish hamda kadrlarni mahalla boshqaruvi jarayoniga maqsadli qayta tayyorlash boʻyicha amaldagi oʻqitish tizimiga oid muammolarni oʻrganish asosida uni yanada takomillashtirish yuzasidan asoslantirilgan takliflarni;
g) Adliya vazirligi, Moliya vazirligi, Iqtisodiyot va sanoat vazirligi, Davlat statistika qoʻmitasi bilan birgalikda ikki oy muddatda fuqarolar yigʻinlari, ularning xodimlari va jamoatchilik asosida faoliyat yuritayotgan shaxslar faoliyatini reyting asosida baholash mezonlari hamda mahalliy budjetning qoʻshimcha manbalari hisobidan ragʻbatlantirish tartibini.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Mahalla va oilani qoʻllab-quvvatlash vazirligi, Kadastr agentligi, Davlat aktivlarini boshqarish agentligi bilan birgalikda:
ikki oy muddatda fuqarolar yigʻinlari tomonidan foydalanib kelinayotgan davlat mulki boʻlgan binolarni biriktirilgan yer maydonlari bilan birgalikda xatlovdan oʻtkazib, ularning belgilangan tartibda fuqarolar yigʻinlariga mulk huquqi bilan berilishini taʼminlasin;
har chorakda tasdiqlangan grafik asosida Qoraqalpogʻiston Respublikasi, viloyatlar va Toshkent shahar, tumanlar va shaharlar markazlarida “Mahalla markazi” majmualari va fuqarolar yigʻinlari binolarini namunaviy loyihalar asosida qurish, rekonstruksiya qilish, taʼmirlash holati toʻgʻrisida Vazirlar Mahkamasiga axborot berib borsin.
8. Respublika kengashi Vazirlar Mahkamasining 2016-yil 7-oktabrdagi 336-son qarori bilan tasdiqlangan Rahbarlari xodimlarni Toshkent shahri va Toshkent viloyatida doimiy propiska qilish toʻgʻrisida iltimosnoma kiritishi mumkin boʻlgan davlat hokimiyati organlari, davlat va xoʻjalik boshqaruvi organlari, respublika ahamiyatiga molik boshqa davlat tashkilotlari roʻyxatiga kiritilsin.
9. Mahalla va oilani qoʻllab-quvvatlash vazirligi va uning hududiy boʻlinmalari hamda fuqarolar yigʻinlari xodimlarini ularning vazifalari va faoliyat yoʻnalishlari bilan bogʻliq boʻlmagan yigʻilishlar va boshqa tadbirlarga jalb qilish, ularning faoliyatiga asossiz aralashish, taalluqli boʻlmagan vazifalarni yuklash, shuningdek fuqarolar yigʻinlari balansida boʻlgan binolarni boshqa shaxslarga biriktirish yoki asossiz ravishda olib qoʻyish taqiqlanadi.
Davlat organlari va tashkilotlari rahbarlari mazkur talablarni buzganligi uchun egallab turgan lavozimidan ozod etishgacha boʻlgan shaxsiy javobgarligi toʻgʻrisida ogohlantirilsin.
10. Oʻzbekiston Milliy teleradiokompaniyasiga:
“Mahalla” teleradiokanalini fuqarolar yigʻinlari faoliyatini yoritish masalalari boʻyicha Respublika kengashining bosh axborot hamkori etib belgilash;
Oʻzbekiston elektron ommaviy axborot vositalari milliy assotsiatsiyasi, Xalqaro press-klub, Oʻzbekiston Milliy axborot agentligi va ommaviy axborot vositalari bilan birgalikda tinchlik va barqarorlik, mehr-oqibat va hamjihatlik, milliy urf-odat va qadriyatlarni asrash, oilalarni mustahkamlash hamda ijtimoiy-maʼnaviy jarayonlarda mahallaning ishtiroki, mahallalardagi muammolarni bartaraf etishga qaratilgan tok-shoular, ijtimoiy roliklar, maxsus koʻrsatuvlar, maqolalar, chiqishlar va eshittirishlar tashkil qilish topshirilsin.
11. Respublika kengashi:
a) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi bilan birgalikda 2019-yil 1-iyulga qadar:
Qoraqalpogʻiston Respublikasi Vazirlar Kengashi, viloyatlar va Toshkent shahar, tuman (shahar) mahalliy budjetlarining qoʻshimcha manbalari hisobidan fuqarolar yigʻinlarining yuqori tezlikdagi Internet tarmogʻi milliy segment maʼlumotlarini uzatish tarmogʻiga ulanishini taʼminlasin;
fuqarolar yigʻinlarini Internet tarmogʻining milliy segment maʼlumotlarini uzatish tarmogʻidan foydalanish uchun imtiyozli tarifni tasdiqlash boʻyicha taklif kiritsin;
b) 2020-yil 1-yanvarga qadar Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda “Elektron hukumat” tizimi doirasida “Mahalla” elektron maʼlumotlar bazasini ishga tushirsin.
12. Respublika kengashi manfaatdor vazirlik va idoralar bilan birgalikda ikki oy muddatda qonun hujjatlariga mazkur Farmondan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
13. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining maslahatchisi R.S. Qosimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 2-aprel,
PF-5700-son
Президента Республики Узбекистан
Указ
О мерах по коренному повышению статуса института махалли в работе с проблемами населения
В последовательной реализации поставленных перед нами задач и целей по обеспечению стабильного развития страны, повышению благосостояния и благополучия народа, удовлетворенности наших граждан своей жизнью с твердой уверенностью в завтрашнем дне все больше усиливается роль и значение института махалли как важнейшего звена общества.
Махалля является наиболее близкой к народу социальной структурой, содействующей укреплению атмосферы мира и согласия, взаимоуважения, доброты и милосердия, национальных обычаев и ценностей, обеспечению сплоченности семьи, воспитания здорового и гармонично развитого поколения, решению насущных проблем населения.
Вместе с тем требуется проведение конкретных мер по усилению взаимодействия сходов граждан с государственными органами, в том числе с Народными приемными Президента Республики Узбекистан (далее — Народные приемные) и секторами по комплексному социально-экономическому развитию регионов (далее — секторы) по подворовому обходу, выявлению проблем и улучшению жизни населения, укреплению материально-технической базы и достойной оценке труда работников сходов граждан.
В целях повышения роли и эффективности деятельности махалли в управлении обществом, внедрения современных механизмов организации работы сходов граждан, а также привлечения в сферу квалифицированных, самоотверженных кадров с богатым жизненным опытом:
1. Внедрить систему взаимодействия по работе с обращениями, выявлению и решению проблем населения на основе принципа «махалля — сектор — Народная приемная — махалля», основными направлениями которой определить:
комплексное социально-экономическое развитие регионов, принятие мер по выявлению и совместному решению проблем путем подворового обхода, изучения социальных и других объектов, установление действенного общественного контроля;
ежеквартальное обсуждение в соответствующих областных, районных и городских Кенгашах народных депутатов информации о содержании и анализе обращений, поступающих в Народные приемные;
внедрение системы электронного обмена информацией с целью обобщения и решения выявленных проблем;
непосредственное участие в разработке проектов социально-экономических программ на местах и установление системного сотрудничества в обеспечении их исполнения.
2. Согласиться с предложениями Республиканского совета по координации деятельности органов самоуправления граждан (далее — Республиканский совет), Комитета женщин Узбекистана, Союза молодежи Узбекистана, Совета фермерских, дехканских хозяйств и владельцев приусадебных земель Узбекистана, Министерства внутренних дел Республики Узбекистан о:
организации групп «Наставления старейшин» с целью рационального использования богатого жизненного опыта представителей старшего поколения и пенсионеров из числа бывших работников правоохранительных органов в сохранении стабильности социально-духовной атмосферы в махалле.
3. Установить порядок, в соответствии с которым:
председатели сходов граждан ежеквартально представляют сведения об актуальных проблемах своей махалли руководителям секторов и в Народные приемные;
самые актуальные проблемы рекомендуются руководителями секторов и Народными приемными для отображения в соответствующих программах;
председатели сходов граждан на постоянной основе вносят руководителям секторов и в Народные приемные информацию в письменном виде об итогах работы, проведенной на территории, ответственными работниками государственных органов и других организаций, закрепленными за этой территорией, членами штаба сектора, представителями отраслей дорожного строительства, электро-, газо-, водо-, канализационного, коммунального и социального хозяйства;
Народными приемными по обстоятельствам, указанным в информации председателей сходов граждан, рассматривается вопрос о внесении в соответствующие организации представлений, а в их вышестоящие организации — предложений о поощрении либо привлечении к дисциплинарной ответственности их должностных лиц и работников.
5. Согласиться с предложением Республиканского совета и Министерства финансов о поэтапном повышении в этом году в 1,5 раза месячного фонда оплаты труда председателей и ответственных секретарей сходов граждан. При этом предусмотреть повышение с 1 мая текущего года месячной заработной платы этих работников в 1,25 раза, а с 1 октября — в 1,2 раза.
6. Республиканскому совету разработать и внести в Кабинет Министров Республики Узбекистан в установленном порядке:
а) совместно с Верховным судом в двухмесячный срок проект закона, предусматривающий установление административной ответственности за незаконное вмешательство в деятельность органов самоуправления граждан, неисполнение либо ненадлежащее исполнение решений сходов граждан, а также нарушение гарантий деятельности председателя схода граждан;
б) совместно с Министерством юстиции в трехмесячный срок проект закона «Об органах самоуправления граждан» в новой редакции, предусматривающий:
максимальное сокращение нормативно-правовых актов касательно деятельности органов схода граждан, пересмотр рамочных, бездействующих и не влияющих на правоприменение актов законодательства, а также устранение устаревших механизмов;
внедрение в органах схода граждан системы «современный менеджмент», а также конкретное определение направлений их деятельности, задач и пределов ответственности;
укрепление процедур рассмотрения обращений сходов граждан, направленных в уполномоченные государственные органы;
социальную защиту председателей сходов граждан, гарантии их деятельности и отличительные знаки;
в) совместно с Академией государственного управления при Президенте Республики Узбекистан, Министерством высшего и среднего специального образования в двухмесячный срок обоснованные предложения по дальнейшему совершенствованию действующей системы обучения по повышению квалификации работников органов самоуправления граждан, а также целевой переподготовке кадров к процессу управления махаллей на основе изучения их проблем;
г) совместно с Министерством юстиции, Министерством финансов, Министерством экономики и промышленности, Государственным комитетом по статистике в двухмесячный срок критерии рейтинговой оценки деятельности сходов граждан, их работников и лиц, осуществляющих деятельность на общественных началах, а также порядок поощрения за счет дополнительных источников местного бюджета.
7. Совету Министров Республики Каракалпакстан, хокимиятам областей и города Ташкента совместно с Министерством по поддержке махалли и семьи, Агентством по кадастру, Агентством по управлению государственными активами:
в двухмесячный срок провести инвентаризацию зданий, используемых сходами граждан и являющихся государственной собственностью, вместе с закрепленными земельными площадями, обеспечить их передачу с правом собственности сходам граждан в установленном порядке;
ежеквартально на основе утвержденного графика представлять в Кабинет Министров информацию о состоянии строительства, реконструкции и ремонта на основе типовых проектов комплексов «Центр махалли» и зданий сходов граждан в центрах Республики Каракалпакстан, областей и города Ташкента, районов и городов.
8. Включить Республиканский совет в Перечень органов государственной власти, органов государственного и хозяйственного управления, других государственных организаций республиканского значения, руководители которых могут ходатайствовать о постоянной прописке работников в городе Ташкенте и Ташкентской области, утвержденный постановлением Кабинета Министров от 7 октября 2016 года № 336.
9. Запрещается привлечение работников Министерства по поддержке махалли и семьи и его территориальных подразделений, а также сходов граждан на собрания и другие мероприятия, не связанные с их задачами и направлениями деятельности, необоснованное вмешательство в их работу, возложение несвойственных им задач, а также закрепление за другими лицами либо необоснованное изъятие зданий, находящихся на балансе сходов граждан.
Предупредить руководителей государственных органов и организаций о персональной ответственности за нарушение настоящих требований вплоть до освобождения от занимаемой должности.
10. Национальной телерадиокомпании Узбекистана:
определить телерадиоканал «Mahalla» в качестве генерального информационного партнера Республиканского совета по вопросам освещения деятельности сходов граждан;
организовать совместно с Национальной ассоциацией электронных средств массовой информации Узбекистана, Международным пресс-клубом, Национальным информационным агентством Узбекистана и средствами массовой информации ток-шоу, социальные ролики, специальные передачи, статьи и выступления, направленные на сохранение мира и благополучия, доброты и взаимопонимания, национальных обычаев и ценностей, участие махалли в укреплении семей и социально-духовных процессах, решение проблем в махаллях.
11. Республиканскому совету:
а) совместно с Министерством по развитию информационных технологий и коммуникаций Республики Узбекистан до 1 июля 2019 года:
обеспечить подключение сходов граждан к национальному сегменту передачи данных высокоскоростной сети Интернет за счет дополнительных источников местных бюджетов Совета Министров Республики Каракалпакстан, областей и города Ташкента, районов (городов);
внести предложение по утверждению льготного тарифа пользования сходами граждан национальным сегментом передачи данных сети Интернет;
б) совместно с Национальным агентством проектного управления при Президенте Республики Узбекистан до 1 января 2020 года ввести в действие в рамках системы «Электронное правительство» электронную базу данных «Махалла».
12. Республиканскому совету совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
13. Контроль за исполнением настоящего Указа возложить на Премьер-министра Республики Узбекистан А.Н. Арипова и советника Президента Республики Узбекистан Р.С. Касимова.
Президент Республики Узбекистан Ш. МИРЗИЁЕВ
г. Ташкент,
2 апреля 2019 г.,
№ УП-5700