📅 2019-yil 5-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 5 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 апреля 2019 г. · Постановления Президента
Официальный текст. Официальный документ. Редакционные примечания не включены.
📅 5 April 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Кўчмас мулкка бўлган ҳуқуқларни давлат рўйхатидан ўтказиш тизимини янада такомиллаштириш чора-тадбирлари тўғрисида
Сўнгги йилларда республикамизда кўчмас мулк объектларига бўлган ҳуқуқларни рўйхатдан ўтказиш соҳасидаги давлат хизматлари сифатини яхшилашга қаратилган бир қатор чора-тадбирлар амалга оширилди.
Шу билан бирга, ушбу соҳадаги давлат хизматлари кўрсатиш тизимини янада такомиллаштириш уларнинг тезкорлиги ва фойдаланиш имкониятларини оширишни, давлат органлари фаолиятининг шаффофлигига эришишни ва хизматлардан фойдаланувчиларга ахборот хизмати кўрсатишни яхшилашни тақозо этмоқда.
Ахборот-коммуникация технологияларини фаол жорий этиш, тегишли тизимларни давлат органларининг электрон маълумотлар базаларига интеграция қилиш кўчмас мулкка бўлган ҳуқуқларни давлат рўйхатидан ўтказиш жараёнини соддалаштиришнинг асосий устувор йўналишлари ҳисобланади.
Кўрсатилаётган давлат хизматлари сифатини ошириш, кўчмас мулкни сотишда ортиқча тартиб-таомилларни қисқартириш, геодезия ва ер кадастри соҳасига тадбиркорлик субъектларини жалб этиш, рақамли иқтисодиётни ривожлантириш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастуридаги вазифаларни бажаришни таъминлаш мақсадида:
1. Ўзбекистон Республикаси Ер ресурслари, геодезия, картография ва давлат кадастри давлат қўмитаси, Адлия вазирлиги, Марказий банк ҳамда Давлат активларини бошқариш агентлигининг:
нотариуслар томонидан — кўчмас мулкка оид битимларни тасдиқлаш ишларини амалга оширишда, кўчмас мулкнинг бир қисмига бўлган ҳуқуқлар вужудга келган, бошқа шахсга ўтган, чекланган (юкланган) ва бекор бўлган ҳоллар бундан мустасно;
Давлат активларини бошқариш агентлиги томонидан — «E-AUKSION» электрон савдо платформасида кўчмас мулкни (давлат активлари қисмида) аукцион орқали сотишда;
риэлторлик ташкилотлари томонидан — нотурар кўчмас мулк бўйича риэлторлик хизматларини кўрсатишда;
Ўзбекистон Республикаси Президентининг 2016 йил 21 октябрдаги ПҚ-2639-сонли қарори билан тасдиқланган 2017 — 2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастурида иштирок этаётган тижорат банклари (кейинги ўринларда — тижорат банклари) томонидан — қурилиши тугалланган уй-жойни расмийлаштиришда «ягона дарча» тамойили асосида Кўчмас мулк объектларига бўлган ҳуқуқларнинг давлат реестридан (кейинги ўринларда — Реестр) кўчирма бериш тартибини жорий этиш тўғрисидаги таклифларига розилик берилсин.
2. Белгилансинки:
2019 йил 1 сентябрдан бошлаб нотариал ҳаракатлар асосида вужудга келадиган Тошкент шаҳрида жойлашган кўчмас мулкка, 2020 йил 1 январдан бошлаб эса Қорақалпоғистон Республикаси ва вилоятларда жойлашган кўчмас мулкка нисбатан мулк ҳуқуқи ва бошқа ашёвий ҳуқуқлар ҳақидаги маълумотлар Реестрга фақат нотариуснинг талабномасига асосан электрон шаклдаги кадастр паспорти тайёрланганидан кейин нотариуслар томонидан ахборот-коммуникация технологияларидан фойдаланган ҳолда ҳуқуқ эгасини ўзгартириш шаклида киритилади ва бир вақтнинг ўзида Реестрдан кўчирма берилади;
2020 йилнинг 1 январидан бошлаб уй-жойга мулк ҳуқуқини ҳамда қонун асосидаги ипотекани давлат рўйхатидан ўтказиш учун уй-жойни фойдаланишга қабул қилиб олиш далолатномаси ва бошқа зарур ҳужжатлар тижорат банклари томонидан Қорақалпоғистон Республикаси, вилоятлар ҳамда Тошкент шаҳар ер тузиш ва кўчмас мулк кадастри давлат корхонасининг тегишли туман (шаҳар) филиалларига (кейинги ўринларда — давлат рўйхатидан ўтказишни амалга оширувчи органлар) ахборот-коммуникация технологияларидан фойдаланган ҳолда юборилади;
2020 йил 1 январдан бошлаб кўчмас мулк объектини «E-AUKSION» электрон савдо платформасида аукцион орқали сотиш (давлат активлари қисмида) ва риэлторлик хизматлари кўрсатиш натижасида вужудга келадиган ҳуқуқларни давлат рўйхатидан ўтказиш учун зарур бўлган маълумотлар тегишлича Давлат активларини бошқариш агентлиги ва риэлторлик ташкилотлари томонидан давлат рўйхатидан ўтказишни амалга оширувчи органларга ахборот-коммуникация технологияларидан фойдаланган ҳолда юборилади;
Реестрдан кўчирма Давлат активларини бошқариш агентлиги, риэлторлик ташкилотлари ва тижорат банклари (кейинги ўринларда — ташкилотлар) томонидан мулкдорнинг хоҳишига кўра электрон ва (ёки) қоғоз шаклида кўчмас мулк объектларига бўлган ҳуқуқлар ва қонун асосидаги ипотека давлат рўйхатидан ўтказилганидан кейин ушбу бандда назарда тутилган муддатларда берилади.
3. Белгилаб қўйилсинки:
а) ташкилотларнинг маълумотлари асосида мулк ҳуқуқи ва бошқа ашёвий ҳуқуқларни давлат рўйхатидан ўтказишда кўчмас мулк объектига бўлган ҳуқуқни давлат рўйхатидан ўтказиш тўғрисида ариза талаб этилмайди;
б) кўчмас мулкка нисбатан мулк ҳуқуқи ва бошқа ашёвий ҳуқуқларни, шунингдек қонун асосидаги ипотекани давлат рўйхатидан ўтказиш учун ташкилотлар томонидан қонун ҳужжатларида белгиланган рўйхатга олиш йиғимлари ундирилади ва улар қуйидаги тартибда тақсимланади:
10 фоизи Адлия вазирлиги ёки Давлат активларини бошқариш агентлиги (кўчмас мулкни «E-AUKSION» электрон савдо платформасида аукцион орқали сотишда ва риэлторлик хизматлари кўрсатишда) бюджетдан ташқари жамғармаларининг шахсий ҳисобварақларига ёхуд тижорат банкларнинг банк ҳисоб рақамига;
қолган маблағлар давлат рўйхатидан ўтказишни амалга оширувчи органларнинг банк ҳисоб рақамига ўтказилади.
в) 2020 йил 1 январдан бошлаб кўчмас мулкнинг янги эгалари тўғрисидаги маълумотлар уларга бўлган ҳуқуқлар давлат рўйхатидан ўтказилганидан кейин тегишлича нотариуслар ва давлат рўйхатидан ўтказишни амалга оширувчи органлар томонидан коммунал хизматларнинг ахборот тизимларига автоматик тарзда юборилади. Бунда коммунал хизматлар кўчмас мулкнинг янги эгаларидан кўчмас мулкка бўлган ҳуқуқни тасдиқловчи ҳужжатларни талаб қилишга ҳақли эмас.
4. Қуйидагилар:
кўчмас мулкни бегоналаштиришда нотариусга Реестрга уланиш имкониятини берган ҳолда, унга бино ва иншоотларнинг таркиби ва тегишлилиги тўғрисидаги маълумотномани тақдим этишни;
давлат органлари ва бошқа ташкилотлар томонидан кўчмас мулк эгаларидан давлат рўйхатидан ўтказиш учун тақдим этилган ҳужжатга рўйхатдан ўтказувчи органнинг ёзуви (штампи) қўйилишини талаб қилишни;
2020 йил 1 январдан бошлаб қурилган уй-жойга мулк ҳуқуқини ҳамда қонун асосидаги ипотекани Ўзбекистон Республикаси Ер ресурслари, геодезия, картография ва давлат кадастри давлат қўмитаси органларида давлат рўйхатидан ўтказилишини таъминлаш, шунингдек, банкка рўйхатдан ўтказилган уй-жойга нисбатан мулк ҳуқуқи тўғрисидаги ҳужжат нусхасини ва қонун асосидаги ипотека давлат рўйхатидан ўтказилгани тўғрисидаги штамп қўйилган кредит шартномасини тақдим этиш бўйича қарз олувчининг мажбуриятларини назарда тутувчи тартиб бекор қилинсин.
5. Ўзбекистон Республикаси Ер ресурслари, геодезия, картография ва давлат кадастри давлат қўмитаси, Давлат активларини бошқариш агентлиги ва Савдо-саноат палатасининг 2020 йил 1 январдан бошлаб, тажриба-синов тариқасида Тошкент вилояти ва Тошкент шаҳрида кўчмас мулк бўйича кадастр муҳандиси (кейинги ўринларда — кадастр муҳандиси) институтини жорий этиш тўғрисидаги таклифига розилик берилсин. Кадастр муҳандиси шартнома асосида кўчмас мулк объектларини хатловдан ўтказади (бирламчи кадастр ҳисоби бундан мустасно), уларнинг қаватма-қават режаларини тузади, техник режаларини расмийлаштиради, шунингдек, уларни техник ҳисобга қўяди. Кадастр муҳандисларига нисбатан қуйидаги талаблар назарда тутилади:
геодезия ва ер кадастри бўйича олий маълумотга эга ёки кадастр муносабатлари соҳасида касбий қайта тайёргарлик дастури бўйича таълим олган, шунингдек, тегишли малака комиссияларининг қарорлари асосида Давлат солиқ қўмитаси ҳузуридаги Кадастр агентлигининг малака шаҳодатномасини олган шахс кадастр муҳандиси бўлиши мумкин;
малака шаҳодатномасини олиш учун шахс геодезия ва ер кадастри бўйича камида бир йил иш стажига эга бўлиши ва малака имтиҳонини топшириши шарт;
кўчмас мулк бўйича кадастр муҳандиси ўз фаолиятини юридик шахслар билан меҳнат шартномасини тузиш орқали ёки якка тартибдаги тадбиркор сифатида амалга оширади.
6. Ўзбекистон Республикаси Уй-жой коммунал хизмат кўрсатиш вазирлиги, Энергетика вазирлиги, Ўзбекистон Республикаси Президенти ҳузуридаги Лойиҳа бошқаруви миллий агентлиги, Ахборот технологиялари ва коммуникацияларини ривожлантириш вазирлиги Бош прокуратура ҳузуридаги Мажбурий ижро бюроси билан биргаликда 2019 йил 1 майга қадар:
а) қуйидагиларга имконият берувчи ягона тизим (интеграция тармоғи)ни яратиш:
коммунал хизматлар кўрсатувчи (газ таъминоти, совуқ сув таъминоти ва сув чиқариб ташловчи, иссиқлик таъминоти (марказий иситиш ва иссиқ сув таъминоти), электр таъминоти, маиший чиқиндиларни олиб кетиш, ўрнатиб қўйилган телефон алоқаси ва бошқалар) корхоналарнинг ахборот тизимларини интеграциялаш;
техник шартларни олиш, объектларни муҳандис-техник таъминот тармоқларига улаш бўйича шартномаларни тузиш учун ягона ариза бериш;
дебитор ва кредитор қарздорлик тўғрисидаги ҳисобни актуал ҳолатда юритиш;
ҳисобга олиш ускуналари кўрсаткичларини онлайн тартибда қайта ишлаш;
кўчмас мулкнинг кадастр рақами асосида истеъмолчининг унификация қилинган шахсий ҳисобварақасини жорий этиш;
истеъмолчиларга коммунал хизматлар тўғрисидаги маълумотларни ягона шахсий кабинетдан олиш имкониятини тақдим қилиш;
истеъмолчиларга кўрсатилган коммунал хизматлар учун ҳисобланган тўловларнинг ягона ҳисоб-китобини юбориш;
давлат органларига ягона тизимда дебитор ва кредитор қарздорлиги тўғрисидаги ахборотни тақдим қилиш;
б) ягона тизим (интеграция тармоғи)ни яратиш ва ишлатиш, шунингдек, сервер ускуналари ва тегишли ҳисоблаш асбобларини, шу жумладан давлат-хусусий шериклик шартлари асосида ҳамда халқаро грантларни жалб этган ҳолда харид қилиш ва ўрнатишнинг молиялаштириш манбаларини белгилаш;
в) коммунал хизматлардан фойдаланишнинг ягона ҳисобини юритишни мувофиқлаштириш ва тартибга солиш бўйича ваколатли органни унинг техник ва профессионал тайёргарлигини инобатга олган ҳолда белгилаш бўйича таклифларни киритсин.
7. Ўзбекистон Республикаси Ер ресурслари, геодезия, картография ва давлат кадастри давлат қўмитаси:
Давлат солиқ қўмитаси, Ички ишлар вазирлиги ва Давлат персоналлаштириш маркази билан биргаликда 2019 йил 1 августга қадар Тошкент шаҳри бўйича, 2019 йил 1 декабрга қадар муддатда эса Қорақалпоғистон Республикаси ва вилоятлар бўйича мулкдорлар — жисмоний шахсларнинг шахсий идентификация маълумотлари (ЖШ ШИМ)ни ва мулкдорлар — юридик шахсларнинг идентификация рақамлари (ИНН)ни Реестрга киритилишини;
Адлия вазирлиги ва тижорат банклари билан биргаликда мавжуд ахборот тизимларига зарур ўзгартиришлар киритилишини ҳамда Реестрнинг мавжуд маълумотлар базалари билан интеграциялашувини;
Адлия вазирлиги билан биргаликда уч ой муддатда, шу жумладан малака шаҳодатномасини бериш, кадастр муносабатлари соҳасидаги касбий қайта тайёргарлик дастури бўйича ўқитиш механизмини, шунингдек, кадастр муҳандислари фаолиятини баҳолаш ва мониторинг қилиш мезонларини назарда тутувчи кадастр муҳандиси фаолияти билан шуғулланиш тартиби ишлаб чиқилишини;
кадастр муҳандислари фаолияти мониторинги натижалари асосида Ўзбекистон Республикаси Президенти Администрациясига кадастр муҳандиси институтини такомиллаштириш бўйича таклифлар киритилишини таъминласин.
8. Давлат активларини бошқариш агентлиги 2019 йил 1 декабрга қадар риэлторлик хизматлари кўрсатиш имкониятини таъминловчи ягона ахборот тизимини ишлаб чиқиб, уни Реестр билан уйғунлаштирсин.
9. Ўзбекистон Республикаси Вазирлар Маҳкамаси икки ой муддатда ушбу қарорнинг талабларидан келиб чиққан ҳолда ташкилотлар томонидан маълумотларни давлат рўйхатидан ўтказишни амалга оширувчи органларга юбориш тартиби ишлаб чиқилишини, шунингдек, кўчмас мулк объектларига бўлган ҳуқуқларни давлат рўйхатидан ўтказиш тартиби қайта кўриб чиқилишини таъминласин.
10. Ўзбекистон Республикаси Ер ресурслари, геодезия, картография ва давлат кадастри давлат қўмитаси икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг биринчи ўринбосари — Ўзбекистон Республикаси транспорт вазири А.Ж. Раматов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 5 апрель,
ПҚ-4270-сон
Oʻzbekiston Respublikasi Prezidentining
Qarori
Koʻchmas mulkka boʻlgan huquqlarni davlat roʻyxatidan oʻtkazish tizimini yanada takomillashtirish chora-tadbirlari toʻgʻrisida
Soʻnggi yillarda respublikamizda koʻchmas mulk obyektlariga boʻlgan huquqlarni roʻyxatdan oʻtkazish sohasidagi davlat xizmatlari sifatini yaxshilashga qaratilgan bir qator chora-tadbirlar amalga oshirildi.
Shu bilan birga, ushbu sohadagi davlat xizmatlari koʻrsatish tizimini yanada takomillashtirish ularning tezkorligi va foydalanish imkoniyatlarini oshirishni, davlat organlari faoliyatining shaffofligiga erishishni va xizmatlardan foydalanuvchilarga axborot xizmati koʻrsatishni yaxshilashni taqozo etmoqda.
Axborot-kommunikatsiya texnologiyalarini faol joriy etish, tegishli tizimlarni davlat organlarining elektron maʼlumotlar bazalariga integratsiya qilish koʻchmas mulkka boʻlgan huquqlarni davlat roʻyxatidan oʻtkazish jarayonini soddalashtirishning asosiy ustuvor yoʻnalishlari hisoblanadi.
Koʻrsatilayotgan davlat xizmatlari sifatini oshirish, koʻchmas mulkni sotishda ortiqcha tartib-taomillarni qisqartirish, geodeziya va yer kadastri sohasiga tadbirkorlik subyektlarini jalb etish, raqamli iqtisodiyotni rivojlantirish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturidagi vazifalarni bajarishni taʼminlash maqsadida:
1. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Adliya vazirligi, Markaziy bank hamda Davlat aktivlarini boshqarish agentligining:
notariuslar tomonidan — koʻchmas mulkka oid bitimlarni tasdiqlash ishlarini amalga oshirishda, koʻchmas mulkning bir qismiga boʻlgan huquqlar vujudga kelgan, boshqa shaxsga oʻtgan, cheklangan (yuklangan) va bekor boʻlgan hollar bundan mustasno;
Davlat aktivlarini boshqarish agentligi tomonidan — “E-AUKSION” elektron savdo platformasida koʻchmas mulkni (davlat aktivlari qismida) auksion orqali sotishda;
rieltorlik tashkilotlari tomonidan — noturar koʻchmas mulk boʻyicha rieltorlik xizmatlarini koʻrsatishda;
Oʻzbekiston Respublikasi Prezidentining 2016-yil 21-oktabrdagi PQ-2639-sonli qarori bilan tasdiqlangan 2017 — 2021-yillarda qishloq joylarda yangilangan namunaviy loyihalar boʻyicha arzon uy-joylar qurish dasturida ishtirok etayotgan tijorat banklari (keyingi oʻrinlarda — tijorat banklari) tomonidan — qurilishi tugallangan uy-joyni rasmiylashtirishda “yagona darcha” tamoyili asosida Koʻchmas mulk obyektlariga boʻlgan huquqlarning davlat reyestridan (keyingi oʻrinlarda — Reyestr) koʻchirma berish tartibini joriy etish toʻgʻrisidagi takliflariga rozilik berilsin.
2. Belgilansinki:
2019-yil 1-sentabrdan boshlab notarial harakatlar asosida vujudga keladigan Toshkent shahrida joylashgan koʻchmas mulkka, 2020-yil 1-yanvardan boshlab esa Qoraqalpogʻiston Respublikasi va viloyatlarda joylashgan koʻchmas mulkka nisbatan mulk huquqi va boshqa ashyoviy huquqlar haqidagi maʼlumotlar Reyestrga faqat notariusning talabnomasiga asosan elektron shakldagi kadastr pasporti tayyorlanganidan keyin notariuslar tomonidan axborot-kommunikatsiya texnologiyalaridan foydalangan holda huquq egasini oʻzgartirish shaklida kiritiladi va bir vaqtning oʻzida Reyestrdan koʻchirma beriladi;
2020-yilning 1-yanvaridan boshlab uy-joyga mulk huquqini hamda qonun asosidagi ipotekani davlat roʻyxatidan oʻtkazish uchun uy-joyni foydalanishga qabul qilib olish dalolatnomasi va boshqa zarur hujjatlar tijorat banklari tomonidan Qoraqalpogʻiston Respublikasi, viloyatlar hamda Toshkent shahar yer tuzish va koʻchmas mulk kadastri davlat korxonasining tegishli tuman (shahar) filiallariga (keyingi oʻrinlarda — davlat roʻyxatidan oʻtkazishni amalga oshiruvchi organlar) axborot-kommunikatsiya texnologiyalaridan foydalangan holda yuboriladi;
2020-yil 1-yanvardan boshlab koʻchmas mulk obyektini “E-AUKSION” elektron savdo platformasida auksion orqali sotish (davlat aktivlari qismida) va rieltorlik xizmatlari koʻrsatish natijasida vujudga keladigan huquqlarni davlat roʻyxatidan oʻtkazish uchun zarur boʻlgan maʼlumotlar tegishlicha Davlat aktivlarini boshqarish agentligi va rieltorlik tashkilotlari tomonidan davlat roʻyxatidan oʻtkazishni amalga oshiruvchi organlarga axborot-kommunikatsiya texnologiyalaridan foydalangan holda yuboriladi;
Reyestrdan koʻchirma Davlat aktivlarini boshqarish agentligi, rieltorlik tashkilotlari va tijorat banklari (keyingi oʻrinlarda — tashkilotlar) tomonidan mulkdorning xohishiga koʻra elektron va (yoki) qogʻoz shaklida koʻchmas mulk obyektlariga boʻlgan huquqlar va qonun asosidagi ipoteka davlat roʻyxatidan oʻtkazilganidan keyin ushbu bandda nazarda tutilgan muddatlarda beriladi.
3. Belgilab qoʻyilsinki:
a) tashkilotlarning maʼlumotlari asosida mulk huquqi va boshqa ashyoviy huquqlarni davlat roʻyxatidan oʻtkazishda koʻchmas mulk obyektiga boʻlgan huquqni davlat roʻyxatidan oʻtkazish toʻgʻrisida ariza talab etilmaydi;
b) koʻchmas mulkka nisbatan mulk huquqi va boshqa ashyoviy huquqlarni, shuningdek qonun asosidagi ipotekani davlat roʻyxatidan oʻtkazish uchun tashkilotlar tomonidan qonun hujjatlarida belgilangan roʻyxatga olish yigʻimlari undiriladi va ular quyidagi tartibda taqsimlanadi:
10 foizi Adliya vazirligi yoki Davlat aktivlarini boshqarish agentligi (koʻchmas mulkni “E-AUKSION” elektron savdo platformasida auksion orqali sotishda va rieltorlik xizmatlari koʻrsatishda) budjetdan tashqari jamgʻarmalarining shaxsiy hisobvaraqlariga yoxud tijorat banklarning bank hisob raqamiga;
qolgan mablagʻlar davlat roʻyxatidan oʻtkazishni amalga oshiruvchi organlarning bank hisob raqamiga oʻtkaziladi.
v) 2020-yil 1-yanvardan boshlab koʻchmas mulkning yangi egalari toʻgʻrisidagi maʼlumotlar ularga boʻlgan huquqlar davlat roʻyxatidan oʻtkazilganidan keyin tegishlicha notariuslar va davlat roʻyxatidan oʻtkazishni amalga oshiruvchi organlar tomonidan kommunal xizmatlarning axborot tizimlariga avtomatik tarzda yuboriladi. Bunda kommunal xizmatlar koʻchmas mulkning yangi egalaridan koʻchmas mulkka boʻlgan huquqni tasdiqlovchi hujjatlarni talab qilishga haqli emas.
4. Quyidagilar:
koʻchmas mulkni begonalashtirishda notariusga Reyestrga ulanish imkoniyatini bergan holda, unga bino va inshootlarning tarkibi va tegishliligi toʻgʻrisidagi maʼlumotnomani taqdim etishni;
davlat organlari va boshqa tashkilotlar tomonidan koʻchmas mulk egalaridan davlat roʻyxatidan oʻtkazish uchun taqdim etilgan hujjatga roʻyxatdan oʻtkazuvchi organning yozuvi (shtampi) qoʻyilishini talab qilishni;
2020-yil 1-yanvardan boshlab qurilgan uy-joyga mulk huquqini hamda qonun asosidagi ipotekani Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi organlarida davlat roʻyxatidan oʻtkazilishini taʼminlash, shuningdek, bankka roʻyxatdan oʻtkazilgan uy-joyga nisbatan mulk huquqi toʻgʻrisidagi hujjat nusxasini va qonun asosidagi ipoteka davlat roʻyxatidan oʻtkazilgani toʻgʻrisidagi shtamp qoʻyilgan kredit shartnomasini taqdim etish boʻyicha qarz oluvchining majburiyatlarini nazarda tutuvchi tartib bekor qilinsin.
5. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Davlat aktivlarini boshqarish agentligi va Savdo-sanoat palatasining 2020-yil 1-yanvardan boshlab, tajriba-sinov tariqasida Toshkent viloyati va Toshkent shahrida koʻchmas mulk boʻyicha kadastr muhandisi (keyingi oʻrinlarda — kadastr muhandisi) institutini joriy etish toʻgʻrisidagi taklifiga rozilik berilsin. Kadastr muhandisi shartnoma asosida koʻchmas mulk obyektlarini xatlovdan oʻtkazadi (birlamchi kadastr hisobi bundan mustasno), ularning qavatma-qavat rejalarini tuzadi, texnik rejalarini rasmiylashtiradi, shuningdek, ularni texnik hisobga qoʻyadi. Kadastr muhandislariga nisbatan quyidagi talablar nazarda tutiladi:
geodeziya va yer kadastri boʻyicha oliy maʼlumotga ega yoki kadastr munosabatlari sohasida kasbiy qayta tayyorgarlik dasturi boʻyicha taʼlim olgan, shuningdek, tegishli malaka komissiyalarining qarorlari asosida Davlat soliq qoʻmitasi huzuridagi Kadastr agentligining malaka shahodatnomasini olgan shaxs kadastr muhandisi boʻlishi mumkin;
malaka shahodatnomasini olish uchun shaxs geodeziya va yer kadastri boʻyicha kamida bir yil ish stajiga ega boʻlishi va malaka imtihonini topshirishi shart;
koʻchmas mulk boʻyicha kadastr muhandisi oʻz faoliyatini yuridik shaxslar bilan mehnat shartnomasini tuzish orqali yoki yakka tartibdagi tadbirkor sifatida amalga oshiradi.
6. Oʻzbekiston Respublikasi Uy-joy kommunal xizmat koʻrsatish vazirligi, Energetika vazirligi, Oʻzbekiston Respublikasi Prezidenti huzuridagi Loyiha boshqaruvi milliy agentligi, Axborot texnologiyalari va kommunikatsiyalarini rivojlantirish vazirligi Bosh prokuratura huzuridagi Majburiy ijro byurosi bilan birgalikda 2019-yil 1-mayga qadar:
a) quyidagilarga imkoniyat beruvchi yagona tizim (integratsiya tarmogʻi)ni yaratish:
kommunal xizmatlar koʻrsatuvchi (gaz taʼminoti, sovuq suv taʼminoti va suv chiqarib tashlovchi, issiqlik taʼminoti (markaziy isitish va issiq suv taʼminoti), elektr taʼminoti, maishiy chiqindilarni olib ketish, oʻrnatib qoʻyilgan telefon aloqasi va boshqalar) korxonalarning axborot tizimlarini integratsiyalash;
texnik shartlarni olish, obyektlarni muhandis-texnik taʼminot tarmoqlariga ulash boʻyicha shartnomalarni tuzish uchun yagona ariza berish;
debitor va kreditor qarzdorlik toʻgʻrisidagi hisobni aktual holatda yuritish;
hisobga olish uskunalari koʻrsatkichlarini onlayn tartibda qayta ishlash;
koʻchmas mulkning kadastr raqami asosida isteʼmolchining unifikatsiya qilingan shaxsiy hisobvaraqasini joriy etish;
isteʼmolchilarga kommunal xizmatlar toʻgʻrisidagi maʼlumotlarni yagona shaxsiy kabinetdan olish imkoniyatini taqdim qilish;
isteʼmolchilarga koʻrsatilgan kommunal xizmatlar uchun hisoblangan toʻlovlarning yagona hisob-kitobini yuborish;
davlat organlariga yagona tizimda debitor va kreditor qarzdorligi toʻgʻrisidagi axborotni taqdim qilish;
b) yagona tizim (integratsiya tarmogʻi)ni yaratish va ishlatish, shuningdek, server uskunalari va tegishli hisoblash asboblarini, shu jumladan davlat-xususiy sheriklik shartlari asosida hamda xalqaro grantlarni jalb etgan holda xarid qilish va oʻrnatishning moliyalashtirish manbalarini belgilash;
v) kommunal xizmatlardan foydalanishning yagona hisobini yuritishni muvofiqlashtirish va tartibga solish boʻyicha vakolatli organni uning texnik va professional tayyorgarligini inobatga olgan holda belgilash boʻyicha takliflarni kiritsin.
7. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi:
Davlat soliq qoʻmitasi, Ichki ishlar vazirligi va Davlat personallashtirish markazi bilan birgalikda 2019-yil 1-avgustga qadar Toshkent shahri boʻyicha, 2019-yil 1-dekabrga qadar muddatda esa Qoraqalpogʻiston Respublikasi va viloyatlar boʻyicha mulkdorlar — jismoniy shaxslarning shaxsiy identifikatsiya maʼlumotlari (JSH SHIM)ni va mulkdorlar — yuridik shaxslarning identifikatsiya raqamlari (INN)ni Reyestrga kiritilishini;
Adliya vazirligi va tijorat banklari bilan birgalikda mavjud axborot tizimlariga zarur oʻzgartirishlar kiritilishini hamda Reyestrning mavjud maʼlumotlar bazalari bilan integratsiyalashuvini;
Adliya vazirligi bilan birgalikda uch oy muddatda, shu jumladan malaka shahodatnomasini berish, kadastr munosabatlari sohasidagi kasbiy qayta tayyorgarlik dasturi boʻyicha oʻqitish mexanizmini, shuningdek, kadastr muhandislari faoliyatini baholash va monitoring qilish mezonlarini nazarda tutuvchi kadastr muhandisi faoliyati bilan shugʻullanish tartibi ishlab chiqilishini;
kadastr muhandislari faoliyati monitoringi natijalari asosida Oʻzbekiston Respublikasi Prezidenti Administratsiyasiga kadastr muhandisi institutini takomillashtirish boʻyicha takliflar kiritilishini taʼminlasin.
8. Davlat aktivlarini boshqarish agentligi 2019-yil 1-dekabrga qadar rieltorlik xizmatlari koʻrsatish imkoniyatini taʼminlovchi yagona axborot tizimini ishlab chiqib, uni Reyestr bilan uygʻunlashtirsin.
9. Oʻzbekiston Respublikasi Vazirlar Mahkamasi ikki oy muddatda ushbu qarorning talablaridan kelib chiqqan holda tashkilotlar tomonidan maʼlumotlarni davlat roʻyxatidan oʻtkazishni amalga oshiruvchi organlarga yuborish tartibi ishlab chiqilishini, shuningdek, koʻchmas mulk obyektlariga boʻlgan huquqlarni davlat roʻyxatidan oʻtkazish tartibi qayta koʻrib chiqilishini taʼminlasin.
10. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining birinchi oʻrinbosari — Oʻzbekiston Respublikasi transport vaziri A.J. Ramatov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 5-aprel,
PQ-4270-son
Президента Республики Узбекистан
Постановление
О мерах по дальнейшему совершенствованию системы государственной регистрации прав на недвижимое имущество
За последние годы в республике реализован ряд мер, направленных на улучшение качества государственных услуг в сфере регистрации прав на объекты недвижимости.
Вместе с тем дальнейшее совершенствование системы оказания государственных услуг в данной сфере обуславливает необходимость повышения их оперативности и доступности, достижения прозрачности деятельности государственных органов и улучшения информационного обслуживания пользователей услуг.
Активное внедрение информационно-коммуникационных технологий, интеграция соответствующих систем с электронными базами данных государственных органов являются основными приоритетами упрощения процесса государственной регистрации прав на недвижимое имущество.
В целях повышения качества оказываемых государственных услуг, сокращения излишних процедур при реализации недвижимого имущества, привлечения субъектов предпринимательства в сферу геодезии и земельного кадастра, развития цифровой экономики, а также во исполнение задач Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития»:
1. Согласиться с предложениями Государственного комитета по земельным ресурсам, геодезии, картографии и государственному кадастру, Министерства юстиции, Центрального банка и Агентства по управлению государственными активами Республики Узбекистан о внедрении порядка выдачи выписки из Государственного реестра прав на объекты недвижимости (далее — Реестр) по принципу «одно окно»:
нотариусами — при осуществлении ими удостоверения сделок с недвижимым имуществом, за исключением случаев возникновения, перехода, ограничения (обременения) и прекращения прав на часть недвижимого имущества;
Агентством по управлению государственными активами — при реализации недвижимого имущества (в части государственных активов) через аукцион на электронной торговой платформе «E-AUKSION»;
риэлторскими организациями — при оказании ими риэлторских услуг по нежилому недвижимому имуществу;
коммерческими банками, участвующими в Программе по строительству доступных жилых домов по обновленным типовым проектам в сельской местности на 2017 — 2021 годы, утвержденной постановлением Президента Республики Узбекистан от 21 октября 2016 года № ПП-2639 (далее — коммерческие банки) — при оформлении завершенного строительством жилого дома.
2. Определить, что:
с 1 сентября 2019 года сведения о праве собственности и других вещных правах на недвижимое имущество, находящееся в городе Ташкенте, а с 1 января 2020 года — в Республике Каракалпакстан и областях, возникающих на основании нотариальных действий, вносятся в Реестр нотариусами в виде изменения правообладателя только по итогам составления кадастрового паспорта в электронном виде согласно заявке нотариуса (до удостоверения сделки с недвижимостью) с использованием информационно-коммуникационных технологий и одновременно выдается выписка из Реестра;
с 1 января 2020 года акт приемки жилого дома и другие необходимые сведения для осуществления государственной регистрации права собственности на построенный жилой дом и ипотеки на основании закона направляются коммерческими банками в филиалы государственных предприятий землеустройства и кадастра недвижимости Республики Каракалпакстан, областей и города Ташкента в соответствующих районах (городах) (далее — органы, осуществляющие государственную регистрацию), с использованием информационно-коммуникационных технологий;
с 1 января 2020 года сведения, необходимые для осуществления государственной регистрации прав на объекты недвижимости, возникающие в результате его реализации (в части государственных активов) через аукцион на электронной торговой платформе «E-AUKSION» и оказания риэлторских услуг, направляются соответственно Агентством по управлению государственными активами и риэлторскими организациями в органы, осуществляющие государственную регистрацию, с использованием информационно-коммуникационных технологий;
выписка из Реестра выдается в сроки, предусмотренные настоящим пунктом, после государственной регистрации прав на недвижимое имущество и ипотеки на основании закона Агентством по управлению государственными активами, риэлторскими организациями и коммерческими банками (далее — организации) в электронном и (или) бумажном виде по желанию собственника.
3. Установить, что:
а) для государственной регистрации права собственности и других вещных прав, осуществляемых на основании сведений организаций, заявление о государственной регистрации прав на объект недвижимости не требуется;
б) для осуществления государственной регистрации права собственности и других вещных прав на недвижимое имущество, а также ипотеки на основании закона организациями взыскиваются установленные законодательством регистрационные сборы, которые распределяются в следующем порядке:
10 процентов зачисляются на лицевые счета внебюджетных фондов Министерства юстиции или Агентства по управлению государственными активами (при реализации недвижимого имущества через аукцион на электронной торговой платформе «E-AUKSION» и оказании риэлторских услуг) либо на банковский расчетный счет коммерческих банков;
оставшиеся средства зачисляются на банковский расчетный счет органов, осуществляющих государственную регистрацию;
в) с 1 января 2020 года сведения о новых правообладателях недвижимого имущества после осуществления государственной регистрации прав на них направляются соответственно нотариусами и органами, осуществляющими государственную регистрацию, в информационные системы коммунальных служб в автоматическом режиме. При этом коммунальные службы не вправе требовать от новых правообладателей недвижимого имущества документы, подтверждающие право на недвижимость.
4. Отменить порядок, предусматривающий:
представление нотариусу справки о составе и принадлежности зданий и сооружений при отчуждении недвижимого имущества путем предоставления ему доступа к Реестру;
истребование государственными органами и иными организациями от правообладателей недвижимого имущества проставления надписи (штампа) регистрирующего органа на документе, представленном для государственной регистрации;
с 1 января 2020 года обязанность заемщика по обеспечению государственной регистрации в органах Государственного комитета Республики Узбекистан по земельным ресурсам, геодезии, картографии и государственному кадастру права собственности на построенный жилой дом и ипотеки на основании закона, а также представлению в банк копии документа о зарегистрированном праве собственности на жилой дом и кредитный договор с проставленным штампом о государственной регистрации ипотеки на основании закона.
5. Согласиться с предложением Государственного комитета по земельным ресурсам, геодезии, картографии и государственному кадастру, Агентства по управлению государственными активами Республики Узбекистан и Торгово-промышленной палаты о внедрении с 1 января 2020 года, в качестве эксперимента, в Ташкентской области и городе Ташкенте института кадастрового инженера по недвижимости (далее — кадастровый инженер), осуществляющего на договорной основе инвентаризацию объектов недвижимости, за исключением первичного кадастрового учета, составление их поэтажных планов, оформление технических планов, а также постановку их на технический учет, предусмотрев в их отношение следующие требования:
кадастровым инженером может быть лицо, имеющее высшее образование по направлению геодезии и земельному кадастру или прошедшее обучение по программе профессиональной переподготовки в области кадастровых отношений, а также получившее на основании решений соответствующих квалификационных комиссий квалификационный аттестат Агентства по кадастру при Государственном налоговом комитете;
для получения квалификационного аттестата лицо должно иметь стаж работы по геодезии и земельному кадастру не менее одного года и обязано сдать квалификационный экзамен;
кадастровый инженер по недвижимости осуществляет свою деятельность путем заключения трудового договора с юридическими лицами либо в качестве индивидуального предпринимателя.
6. Министерству жилищно-коммунального обслуживания, Министерству энергетики, Национальному агентству проектного управления при Президенте Республики Узбекистан, Министерству по развитию информационных технологий и коммуникаций совместно с Бюро принудительного исполнения при Генеральной прокуратуре Республики Узбекистан в срок до 1 мая 2019 года внести предложения по:
а) созданию единой системы (интеграционной шины), позволяющей:
интегрировать информационные системы предприятий, оказывающих коммунальные услуги (газоснабжение, холодное водоснабжение и водоотведение, теплоснабжение (центральное отопление и горячее водоснабжение), электроснабжение, вывоз бытовых отходов, фиксированная телефонная связь и другие);
осуществлять подачу единой заявки на получение технических условий, заключение договоров о подключении объектов к сетям инженерно-технического обеспечения;
вести учет о дебиторских и кредиторских задолженностях в актуальном состоянии;
обрабатывать показания приборов учета в режиме онлайн;
внедрить унифицированный лицевой счет потребителя на основе кадастрового номера недвижимого имущества;
предоставлять потребителям сведения о коммунальных услугах в едином персональном кабинете;
направлять потребителям единый расчет начисленных платежей за оказанные коммунальные услуги;
предоставлять государственным органам информацию о дебиторской и кредиторской задолженности в единой системе;
б) определению источников финансирования создания и функционирования единой системы (интеграционной шины), а также приобретения и установки серверного оборудования и соответствующих приборов учета, в том числе на условиях государственно-частного партнерства, привлечения международных грантов;
в) определению уполномоченного органа по координации и регулированию единого учета потребления коммунальных услуг с учетом технической и профессиональной подготовки данного органа.
7. Государственному комитету Республики Узбекистан по земельным ресурсам, геодезии, картографии и государственному кадастру обеспечить:
совместно с Государственным налоговым комитетом, Министерством внутренних дел и Государственным центром персонализации в срок до 1 августа 2019 года внесение персональных идентификационных данных собственников — физических лиц (ПИН ФЛ) и идентификационных номеров собственников — юридических лиц (ИНН) по городу Ташкенту в Реестр, а по Республике Каракалпакстан и областям — в срок до 1 декабря 2019 года;
совместно с Министерством юстиции и коммерческими банками внесение необходимых изменений в имеющиеся информационные системы и интеграцию Реестра с имеющимися базами данных;
совместно с Министерством юстиции в трехмесячный срок разработку порядка осуществления деятельности кадастрового инженера, предусматривающего в том числе механизм выдачи квалификационного аттестата, проведения обучения по программе профессиональной переподготовки в области кадастровых отношений, а также критерии проведения мониторинга и оценки деятельности кадастровых инженеров;
по результатам мониторинга деятельности кадастровых инженеров внесение в Администрацию Президента Республики Узбекистан предложений по совершенствованию института кадастрового инженера.
8. Агентству по управлению государственными активами в срок до 1 декабря 2019 года разработать единую информационную систему, обеспечивающую возможность оказания риэлторских услуг, интегрировав ее с Реестром.
9. Кабинету Министров Республики Узбекистан в двухмесячный срок обеспечить разработку порядка направления организациями сведений в органы, осуществляющие государственную регистрацию, а также пересмотр порядка государственной регистрации прав на объекты недвижимости, исходя из требований настоящего постановления.
10. Государственному комитету по земельным ресурсам, геодезии, картографии и государственному кадастру в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на Премьер-министра Республики Узбекистан А.Н. Арипова и первого заместителя Премьер-министра Республики Узбекистан — министра транспорта Республики Узбекистан А.Ж. Раматова.
Президент Республики Узбекистан Ш. МИРЗИЁЕВ
г. Ташкент,
5 апреля 2019 г.,
№ ПП-4270