📅 2019-yil 10-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 10 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 апреля 2019 г. · Постановления Президента
Официальный текст. Официальный документ. Редакционные примечания не включены.
📅 10 April 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Фарғона нефтни қайта ишлаш заводини тўғридан-тўғри хорижий инвестицияларни жалб қилган ҳолда модернизация қилиш чора-тадбирлари тўғрисида
«Фарғона нефтни қайта ишлаш заводи» МЧЖ (кейинги ўринларда — ФНҚИЗ) модернизация қилиш ва ишлаб чиқариш қувватларидан тўлиқ фойдаланиш, илғор технологияларни жорий этиш ҳисобига нефть-газ тармоғининг барқарор ривожланишини таъминлаш, ишлаб чиқариш ва экспорт салоҳиятини ошириш учун тўғридан-тўғри хорижий инвестицияларни жалб қилиш мақсадида:
1. Ўзбекистон Республикаси Давлат активларини бошқариш агентлиги (кейинги ўринларда — Агентлик), Инвестициялар ва ташқи савдо вазирлиги, Энергетика вазирлиги, Молия вазирлиги, Иқтисодиёт ва саноат вазирлиги ва «Ўзбекнефтгаз» АЖнинг ФНҚИЗ устав капиталидаги «Ўзнефтмаҳсулот» АЖнинг 100 фоиз улушини «Ўзнефтмаҳсулот» АЖ ва «Ўзбекнефтгаз» АЖ устав капиталидаги давлат улушини тегишли равишда ушбу бериладиган улушнинг баланс қиймати суммасига камайтириш ҳисобига Агентликка бериш тўғрисидаги таклифларига розилик берилсин.
2. Қуйидагилар:
Агентлик, Ўзбекистон Республикаси Инвестициялар ва ташқи савдо вазирлиги, Энергетика вазирлиги ва «Ўзбекнефтгаз» АЖ томонидан «РТ Trans Asia Resources» (Индонезия) хорижий компанияси билан (кейинги ўринларда — инвестор) Фарғона нефтни қайта ишлаш заводини модернизация қилиш ва тўлиқ қувват билан ишлашини таъминлаш бўйича инвестиция лойиҳасини (кейинги ўринларда — лойиҳа) тўғридан-тўғри хорижий инвестицияларни жалб этиш орқали амалга ошириш тўғрисида келишувга эришилгани;
инвестор ФНҚИЗга эгалик қилиш, уни модернизация қилиш ва унинг ишлаб чиқариш қувватлари тўлиқ ишлашини таъминлаган ҳолда кейинчалик фойдаланиш учун етакчи халқаро компаниялардан иборат бўлган консорциум ташкил этишни режалаштиргани маълумот учун қабул қилинсин.
3. Ўзбекистон Республикаси Вазирлар Маҳкамаси Агентлик, Инвестициялар ва ташқи савдо вазирлиги, Молия вазирлиги, Энергетика вазирлиги, Адлия вазирлиги билан биргаликда икки ҳафта муддатда ФНҚИЗ устав капиталидаги давлат улушини инвесторга сотиш бўйича асосий шартларни (кейинги ўринларда — асосий шартлар), инвесторнинг лойиҳани амалга ошириш, шу жумладан ташқи молиялаштиришни жалб этиш бўйича мажбуриятлари ва масъулиятини белгилашни кўзда тутган ҳолда тасдиқласин.
Агентлик ФНҚИЗ устав капиталидаги 100 фоиз улушни сотиш бўйича келишувнинг дастлабки сотиб олиш тўлови 16 000 000 (ўн олти миллион) АҚШ доллари миқдорида назарда тутилган Ўзбекистон Республикаси Вазирлар Маҳкамаси томонидан тасдиқланган асосий шартларга мувофиқ инвестор билан тузилишини таъминласин.
4. Белгилаб қўйилсинки:
инвестор ФНҚИЗга эгалик қилиш ҳуқуқини олгандан сўнг ўн тўрт ой давомида хўжалик юритувчи субъектларнинг банк ҳисобварақларидан пул маблағларини ҳисобдан чиқариш тўғрисидаги қонун ҳужжатларининг талаблари ФНҚИЗни инвесторга сотишгача бўлган даврда Ўзбекистон Республикаси Давлат бюджети ва давлат мақсадли жамғармалари олдида ФНҚИЗ қарздорлиги мавжудлиги муносабати билан унинг банк ҳисобварақларига қўйиладиган талабларни қаноатлантириш учун ФНҚИЗ банк ҳисобварақларига жорий этилмайди;
ФНҚИЗга қўлланиладиган имтиёзлар, енгилликлар ва субсидиялар, ушбу қарор қабул қилинган санага қадар ФНҚИЗга тақдим этилган барча лицензиялар ва бошқа рухсат берувчи ҳужжатлар уларнинг амал қилиш муддати тугагунга қадар ўз таъсир кучини сақлаб қолади.
5. 2021 йил 1 апрелга қадар ФНҚИЗ томонидан ўз эҳтиёжлари учун белгиланган тартибда шакллантириладиган рўйхатлар бўйича четдан олиб келинадиган, Ўзбекистон Республикасида ишлаб чиқарилмайдиган ускуна, техника, машина ва механизмлар, бутловчи буюмлар ва узеллар, эҳтиёт қисмлар, қурилиш материаллари, асбоблар, технологик жиҳозлар, приборлар, дастурий таъминот, техник ҳужжатлар ва сарф материаллари божхона тўловларидан (қўшилган қиймат солиғи ва божхона йиғимларидан ташқари) озод этилсин.
6. Ўзбекистон Республикаси Ахборот технологиялари ва коммуникацияларини ривожлантириш вазирлиги ФНҚИЗ ва инвестор буюртманомаларига кўра пудратчи ва субпудратчи ташкилотларга лойиҳани амалга ошириш доирасида радиоэлектрон воситалар ва юқори частотали қурилмалардан фойдаланишга белгиланган тартибда рухсат берсин.
7. Ўзбекистон Республикаси Ташқи ишлар вазирлиги ФНҚИЗ ва инвестор буюртманомаларига кўра лойиҳани амалга оширишга жалб қилинадиган хорижий мутахассислар ҳамда уларнинг оила аъзоларига кириш визаларини белгиланган тартибда расмийлаштирилишини таъминласин.
8. Ўзбекистон Республикаси Ички ишлар вазирлиги ФНҚИЗ буюртманомаларига кўра лойиҳани амалга оширишда иштирок этадиган хорижий мутахассислар ҳамда уларнинг оила аъзоларига кириш визалари берилиши ва муддати узайтирилишини, шунингдек, уларнинг турган жойи бўйича рўйхатдан ўтказилиши ҳамда муддати узайтирилишини белгиланган тартибда таъминласин.
9. Ўзбекистон Республикаси Бандлик ва меҳнат муносабатлари вазирлиги ФНҚИЗ буюртманомалари бўйича лойиҳани амалга оширишда иштирок этиш учун хорижий мутахассисларни Ўзбекистон Республикасига жалб этишга рухсатномалар берилишини (узайтирилишини), шунингдек, ушбу хорижий фуқароларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (узайтирилишини) белгиланган тартибда таъминласин.
10. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 10 апрель,
ПҚ-4275-сон
Oʻzbekiston Respublikasi Prezidentining
Qarori
Fargʻona neftni qayta ishlash zavodini toʻgʻridan-toʻgʻri xorijiy investitsiyalarni jalb qilgan holda modernizatsiya qilish chora-tadbirlari toʻgʻrisida
“Fargʻona neftni qayta ishlash zavodi” MCHJ (keyingi oʻrinlarda — FNQIZ) modernizatsiya qilish va ishlab chiqarish quvvatlaridan toʻliq foydalanish, ilgʻor texnologiyalarni joriy etish hisobiga neft-gaz tarmogʻining barqaror rivojlanishini taʼminlash, ishlab chiqarish va eksport salohiyatini oshirish uchun toʻgʻridan-toʻgʻri xorijiy investitsiyalarni jalb qilish maqsadida:
1. Oʻzbekiston Respublikasi Davlat aktivlarini boshqarish agentligi (keyingi oʻrinlarda — Agentlik), Investitsiyalar va tashqi savdo vazirligi, Energetika vazirligi, Moliya vazirligi, Iqtisodiyot va sanoat vazirligi va “Oʻzbekneftgaz” AJning FNQIZ ustav kapitalidagi “Oʻzneftmahsulot” AJning 100 foiz ulushini “Oʻzneftmahsulot” AJ va “Oʻzbekneftgaz” AJ ustav kapitalidagi davlat ulushini tegishli ravishda ushbu beriladigan ulushning balans qiymati summasiga kamaytirish hisobiga Agentlikka berish toʻgʻrisidagi takliflariga rozilik berilsin.
2. Quyidagilar:
Agentlik, Oʻzbekiston Respublikasi Investitsiyalar va tashqi savdo vazirligi, Energetika vazirligi va “Oʻzbekneftgaz” AJ tomonidan “RT Trans Asia Resources” (Indoneziya) xorijiy kompaniyasi bilan (keyingi oʻrinlarda — investor) Fargʻona neftni qayta ishlash zavodini modernizatsiya qilish va toʻliq quvvat bilan ishlashini taʼminlash boʻyicha investitsiya loyihasini (keyingi oʻrinlarda — loyiha) toʻgʻridan-toʻgʻri xorijiy investitsiyalarni jalb etish orqali amalga oshirish toʻgʻrisida kelishuvga erishilgani;
investor FNQIZga egalik qilish, uni modernizatsiya qilish va uning ishlab chiqarish quvvatlari toʻliq ishlashini taʼminlagan holda keyinchalik foydalanish uchun yetakchi xalqaro kompaniyalardan iborat boʻlgan konsorsium tashkil etishni rejalashtirgani maʼlumot uchun qabul qilinsin.
3. Oʻzbekiston Respublikasi Vazirlar Mahkamasi Agentlik, Investitsiyalar va tashqi savdo vazirligi, Moliya vazirligi, Energetika vazirligi, Adliya vazirligi bilan birgalikda ikki hafta muddatda FNQIZ ustav kapitalidagi davlat ulushini investorga sotish boʻyicha asosiy shartlarni (keyingi oʻrinlarda — asosiy shartlar), investorning loyihani amalga oshirish, shu jumladan tashqi moliyalashtirishni jalb etish boʻyicha majburiyatlari va masʼuliyatini belgilashni koʻzda tutgan holda tasdiqlasin.
Agentlik FNQIZ ustav kapitalidagi 100 foiz ulushni sotish boʻyicha kelishuvning dastlabki sotib olish toʻlovi 16 000 000 (oʻn olti million) AQSH dollari miqdorida nazarda tutilgan Oʻzbekiston Respublikasi Vazirlar Mahkamasi tomonidan tasdiqlangan asosiy shartlarga muvofiq investor bilan tuzilishini taʼminlasin.
4. Belgilab qoʻyilsinki:
investor FNQIZga egalik qilish huquqini olgandan soʻng oʻn toʻrt oy davomida xoʻjalik yurituvchi subyektlarning bank hisobvaraqlaridan pul mablagʻlarini hisobdan chiqarish toʻgʻrisidagi qonun hujjatlarining talablari FNQIZni investorga sotishgacha boʻlgan davrda Oʻzbekiston Respublikasi Davlat budjeti va davlat maqsadli jamgʻarmalari oldida FNQIZ qarzdorligi mavjudligi munosabati bilan uning bank hisobvaraqlariga qoʻyiladigan talablarni qanoatlantirish uchun FNQIZ bank hisobvaraqlariga joriy etilmaydi;
FNQIZga qoʻllaniladigan imtiyozlar, yengilliklar va subsidiyalar, ushbu qaror qabul qilingan sanaga qadar FNQIZga taqdim etilgan barcha litsenziyalar va boshqa ruxsat beruvchi hujjatlar ularning amal qilish muddati tugagunga qadar oʻz taʼsir kuchini saqlab qoladi.
5. 2021-yil 1-aprelga qadar FNQIZ tomonidan oʻz ehtiyojlari uchun belgilangan tartibda shakllantiriladigan roʻyxatlar boʻyicha chetdan olib kelinadigan, Oʻzbekiston Respublikasida ishlab chiqarilmaydigan uskuna, texnika, mashina va mexanizmlar, butlovchi buyumlar va uzellar, ehtiyot qismlar, qurilish materiallari, asboblar, texnologik jihozlar, priborlar, dasturiy taʼminot, texnik hujjatlar va sarf materiallari bojxona toʻlovlaridan (qoʻshilgan qiymat soligʻi va bojxona yigʻimlaridan tashqari) ozod etilsin.
6. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi FNQIZ va investor buyurtmanomalariga koʻra pudratchi va subpudratchi tashkilotlarga loyihani amalga oshirish doirasida radioelektron vositalar va yuqori chastotali qurilmalardan foydalanishga belgilangan tartibda ruxsat bersin.
7. Oʻzbekiston Respublikasi Tashqi ishlar vazirligi FNQIZ va investor buyurtmanomalariga koʻra loyihani amalga oshirishga jalb qilinadigan xorijiy mutaxassislar hamda ularning oila aʼzolariga kirish vizalarini belgilangan tartibda rasmiylashtirilishini taʼminlasin.
8. Oʻzbekiston Respublikasi Ichki ishlar vazirligi FNQIZ buyurtmanomalariga koʻra loyihani amalga oshirishda ishtirok etadigan xorijiy mutaxassislar hamda ularning oila aʼzolariga kirish vizalari berilishi va muddati uzaytirilishini, shuningdek, ularning turgan joyi boʻyicha roʻyxatdan oʻtkazilishi hamda muddati uzaytirilishini belgilangan tartibda taʼminlasin.
9. Oʻzbekiston Respublikasi Bandlik va mehnat munosabatlari vazirligi FNQIZ buyurtmanomalari boʻyicha loyihani amalga oshirishda ishtirok etish uchun xorijiy mutaxassislarni Oʻzbekiston Respublikasiga jalb etishga ruxsatnomalar berilishini (uzaytirilishini), shuningdek, ushbu xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) belgilangan tartibda taʼminlasin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 10-aprel,
PQ-4275-son
Президента Республики Узбекистан
Постановление
О мерах по модернизации Ферганского нефтеперерабатывающего завода с привлечением прямых иностранных инвестиций
В целях привлечения прямых иностранных инвестиций для модернизации и загрузки производственных мощностей ООО «Ферганский нефтеперерабатывающий завод» (далее — ФНПЗ), обеспечения устойчивого развития и повышения производственного и экспортного потенциала нефтегазовой отрасли за счет внедрения передовых технологий:
1. Согласиться с предложениями Агентства по управлению государственными активами Республики Узбекистан (далее — Агентство), Министерства инвестиций и внешней торговли, Министерства энергетики, Министерства финансов, Министерства экономики и промышленности Республики Узбекистан и АО «Узбекнефтегаз» о передаче Агентству 100 процентов доли АО «Узнефтепродукт» в уставном капитале ФНПЗ за счет уменьшения государственной доли в уставном капитале АО «Узнефтепродукт» и АО «Узбекнефтегаз» на сумму балансовой стоимости передаваемой доли соответственно.
2. Принять к сведению, что:
Агентством, Министерством инвестиций и внешней торговли, Министерством энергетики Республики Узбекистан и АО «Узбекнефтегаз» достигнута договоренность с иностранной компанией «РТ Trans Asia Resources» (Индонезия) (далее — инвестор) о реализации инвестиционного проекта по модернизации и дозагрузке Ферганского нефтеперерабатывающего завода (далее — проект) путем привлечения прямых иностранных инвестиций;
инвестор намерен создать консорциум из числа ведущих международных компаний для владения, модернизации и дальнейшей эксплуатации ФНПЗ с обеспечением загрузки его мощностей.
3. Кабинету Министров совместно с Агентством, Министерством инвестиций и внешней торговли, Министерством финансов, Министерством энергетики, Министерством юстиции Республики Узбекистан в двухнедельный срок утвердить основные условия по реализации инвестору государственной доли в уставном капитале ФНПЗ (далее — основные условия), предусмотрев определение его обязательств и ответственности по реализации проекта, включая привлечение внешнего финансирования.
Агентству обеспечить заключение с инвестором соглашения по реализации 100 процентов доли в уставном капитале ФНПЗ согласно утвержденным Кабинетом Министров Республики Узбекистан основным условиям с первоначальным выкупным платежом в размере 16 000 000 (шестнадцати миллионов) долларов США.
4. Установить, что:
в течение четырнадцати месяцев после получения инвестором права собственности на ФНПЗ на банковские счета ФНПЗ не распространяются требования законодательства о списании средств с банковских счетов хозяйствующих субъектов для удовлетворения предъявленных к ним требований в связи с задолженностью ФНПЗ перед Государственным бюджетом Республики Узбекистан и государственными целевыми фондами, имеющейся до момента реализации ФНПЗ инвестору;
льготы, привилегии и субсидии, применимые к ФНПЗ, все лицензии и иные разрешительные документы, выданные ФНПЗ на дату принятия настоящего постановления, будут сохранять свое действие до окончания периода их действия.
5. Освободить сроком до 1 апреля 2021 года от таможенных платежей (за исключением налога на добавленную стоимость и таможенных сборов) оборудование, технику, машины и механизмы, комплектующие изделия и узлы, запасные части, строительные материалы, инструменты, технологическую оснастку, приборы, программное обеспечение, техническую документацию и расходные материалы, не производимые в Республике Узбекистан, ввозимые ФНПЗ для собственных нужд, по перечням, формируемым в установленном порядке.
6. Министерству по развитию информационных технологий и коммуникаций Республики Узбекистан выдать в установленном порядке по заявкам ФНПЗ и инвестора подрядным и субподрядным организациям разрешение на эксплуатацию радиоэлектронных средств и высокочастотных устройств в рамках реализации проекта.
7. Министерству иностранных дел Республики Узбекистан по заявкам ФНПЗ и инвестора обеспечить оформление в установленном порядке въездных виз иностранным специалистам, привлекаемым для участия в реализации проекта, а также членам их семей.
8. Министерству внутренних дел Республики Узбекистан по заявкам ФНПЗ обеспечить в установленном порядке выдачу и продление въездных виз, а также регистрацию по месту пребывания и продление ее срока иностранным специалистам, участвующим в реализации проекта, а также членам их семей.
9. Министерству занятости и трудовых отношений Республики Узбекистан обеспечить по заявкам ФНПЗ выдачу (продление) в установленном порядке разрешений на привлечение в Республику Узбекистан иностранных специалистов для участия в реализации проекта, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
10. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
10 апреля 2019 г.,
№ ПП-4275