📅 2019-yil 10-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 10 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 апреля 2019 г. · Постановления Президента
Официальный текст. Официальный документ. Редакционные примечания не включены.
📅 10 April 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистонда Шарда университетини ташкил этиш тўғрисида
Умумэътироф этилган халқаро талаблар ва стандартларга мувофиқ олий маълумотли юқори малакали кадрлар тайёрлашни ташкил этиш, инновацион муҳитни шакллантириш, хорижий мамлакатларнинг етакчи олий таълим муассасалари билан узоқ муддатли муносабатларни янада ривожлантириш, шунингдек, Ўзбекистон Республикаси Президентининг Ҳиндистон Республикасига 2018 йил 30 сентябрь — 1 октябрдаги давлат ташрифи чоғида имзоланган икки томонлама ҳужжатларни амалга ошириш бўйича амалий чора-тадбирлар режасини бажариш мақсадида:
1. Ўзбекистон Республикаси Олий ва ўрта махсус таълим вазирлиги, Андижон вилояти ҳокимлиги ва «Sharda Educational Trust» (Ҳиндистон Республикаси) таълим трастининг (кейинги ўринларда — Муассис) Ўзбекистонда Шарда университетини ташкил этиш тўғрисидаги таклифига розилик берилсин.
2. Белгилансинки:
Ўзбекистондаги Шарда университети (кейинги ўринларда — Университет) олий таълим муассасаси — юридик шахс шаклидаги Ўзбекистон Республикаси резиденти ҳисобланади, алоҳида мол-мулкка, мустақил балансга эга, тасарруфидаги мол-мулк билан ўз мажбуриятлари бўйича жавобгар ҳисобланади;
Университетда ўқитиш Ўзбекистон Республикасининг давлат таълим стандартлари талабларини инобатга олган ҳолда Шарда университети (Ҳиндистон Республикаси) таълим дастурлари асосида ишлаб чиқилган ўқув режалари ва дастурлари бўйича амалга оширилади;
Университетда таълим фаолияти 2019/2020 ўқув йилидан бошланади;
абитуриентлар қабули ва Университет битирувчиларини аттестациядан ўтказиш Муассис томонидан белгиланадиган талаблар, тартиб ва муддатларга мувофиқ амалга оширилади;
Университет битирувчиларига Ўзбекистон Республикасида ва Ҳиндистон Республикасида олий маълумот тўғрисидаги ҳужжат сифатида тан олинадиган белгиланган намунадаги диплом берилади.
3. Университет фаолиятининг асосий вазифалари ва йўналишлари этиб қуйидагилар белгилансин:
электр муҳандислиги, ахборот технологиялари ва киберхавфсизлик, компьютер тизимларига хизмат кўрсатиш, электроника, коммуникация инжиниринги, бизнес-менежмент ва талаб юқори бўлган таълимнинг бошқа йўналишларида юқори малакали мутахассисларни халқаро стандартлар даражасида тайёрлашни таъминлаш;
таълим жараёнига замонавий педагогик ва ахборот-коммуникация технологияларини, илм-фан ва техниканинг энг янги ютуқларини жорий этиш;
юқори малакали мутахассисларни малакасини ошириш ва қайта тайёрлаш, шу жумладан уларнинг малакавий амалиётини етакчи хорижий олий таълим ва илмий-тадқиқот муассасаларида ташкил этиш;
меҳнат бозорининг эҳтиёжларини ҳисобга олган ҳолда ахборот-коммуникация технологиялари, муҳандислик-техника, тиббиёт ва аниқ фанлар соҳаларида илмий-тадқиқот фаолиятини амалга ошириш, шунингдек, олий малакали илмий-педагогик кадрлар тайёрлаш;
таълим ва илмий-техникавий соҳаларда етакчи хорижий таълим муассасалари ва илмий-тадқиқот марказлари билан узоқ муддатли муносабатларни ривожлантириш ва мустаҳкамлаш.
4. Маълумот учун қабул қилинсинки, Муассис:
ўз маблағлари ва жалб қилинган маблағлар ҳисобидан Андижон вилояти ҳудудида Университетнинг кўп мақсадли кампусини қуради ва жиҳозлайди;
Университетнинг кўп мақсадли кампусини ривожлантириш учун тўғридан-тўғри хорижий инвестицияларни жалб этади;
ўз маблағлари ва қонун ҳужжатларида тақиқланмаган бошқа манбалар ҳисобидан ўқув корпуслари, ўқув-лаборатория базаси, талабалар турар жойлари ва Университетнинг бошқа иншоотларини мебель, инвентарь, ўқув ва илмий жиҳозлар, оргтехника, компьютерлар билан жиҳозлайди, шунингдек, Университетни ахборот-коммуникация технологиялари воситалари билан таъминлайди;
Университетнинг кутубхона фондини шакллантириш ва уни замонавий ўқув, ўқув-методик ҳамда илмий-техник адабиётлар билан тўлдиришга, шу жумладан Шарда университетининг (Ҳиндистон Республикаси) ахборот ресурс базасидан фойдаланиш имконини яратган ҳолда кўмаклашади;
Университетда таълим бериш ва ўқув жараёнини ташкил этиш учун малакали хорижий профессор-ўқитувчиларни жалб қилади.
5. Белгилансинки:
а) Университет фаолиятини молиялаштириш ва уни сақлаш:
Муассис маблағлари ва талабаларни тўлов-контракт асосида ўқитишдан тушадиган маблағлар;
хўжалик фаолиятидан ва шартнома асосида хизматлар кўрсатишдан олинадиган даромадлар;
юридик ва жисмоний шахсларнинг хайрия эҳсонлари;
халқаро молия институтлари ва ташкилотларининг грантлари;
қонун ҳужжатларида тақиқланмаган бошқа манбалар ҳисобидан амалга оширилади;
б) Университетда таълим олиш инглиз, ўзбек, ва рус тилларида кундузги шаклда, тўлов-контракт асосида ҳамда Университет битирувчиларининг потенциал иш берувчилари — юридик шахслар томонидан тақдим этиладиган таълим грантлари бўйича, шунингдек, ёшларнинг таълим олиши учун аввало мамлакат ҳудудлари томонидан ажратиладиган хайрия эҳсонлар ҳисобига амалга оширилади;
в) Университет Муассис билан келишган ҳолда:
Ўзбекистон Республикаси манфаатдор ташкилотларининг мутахассисларга бўлган реал эҳтиёжидан келиб чиқиб, 2019/2020 ўқув йили ва кейинги йиллар учун талабаларни қабул қилиш квоталари ва тўлов-контракт асосида ўқитиш қиймати миқдорларини белгилайди;
Шарда университети (Ҳиндистон Республикаси) ва бошқа етакчи хорижий ихтисослаштирилган таълим муассасалари ҳамда илмий-тадқиқот марказларига ўқиш ва стажировка ўташга юбориш учун энг истиқболли талабаларни танлов асосида саралаб олишни ташкил этади;
Университет профессор-ўқитувчилари ва докторантлари учун халқаро тажриба алмашинувини ташкиллаштиради;
г) Университет ректори Муассис томонидан Ўзбекистон Республикаси Олий таълим, фан ва инновациялар вазирлиги билан келишилган ҳолда лавозимига тайинланади ва лавозимидан озод қилинади.
6. Ўзбекистон Республикаси Олий ва ўрта махсус таълим вазирлиги Андижон вилояти ҳокимлиги билан биргаликда Университетни ташкил этиш даврида унинг фаолиятини йўлга қўйиш билан боғлиқ ташкилий, юридик, иқтисодий, ўқув-услубий, моддий-техник ва бошқа масалаларни ҳал этишда Муассисга кўмаклашсин.
7. Университетга:
кадрларга бўлган эҳтиёждан келиб чиқиб, Муассис ҳамда Ўзбекистон Республикаси Олий таълим, фан ва инновациялар вазирлиги билан келишган ҳолда янги истиқболли бакалавриат таълим йўналишлари ва магистратура мутахассисликларини очиш;
тузиладиган шартномалар асосида Университетга ўқитувчилик қилиш ва илмий иш олиб бориш учун таклиф этиладиган хорижлик профессорлар ва ўқитувчиларнинг яшаши ҳамда транспорт харажатларига Ўзбекистон Республикаси фуқаролари учун белгиланган тарифлар бўйича ҳақ тўлашга рухсат берилсин.
8. Андижон шаҳри, Бобуршоҳ кўчаси, 73-уй манзилида жойлашган Андижон саноат ва транспорт касб-ҳунар коллежининг бино ва иншоотлари ҳамда унга туташ ҳудуд оператив бошқарув ҳуқуқи билан Андижон машинасозлик институтига берилсин, кейинчалик уларда Университет бепул фойдаланиш ҳуқуқи билан жойлаштирилсин.
Белгилаб қўйилсинки:
Андижон саноат ва транспорт касб-ҳунар коллежининг ўқувчилари ўқишни тамомлагунларига қадар Андижон шаҳри, Мустақиллик кўчаси, 1-уй манзилида жойлашган 2-Андижон маиший хизмат касб-ҳунар коллежининг биноларида ўқишни давом эттиради;
Андижон машинасозлик институтига берилган Андижон саноат ва транспорт касб-ҳунар коллежи бино ва иншоотларини реконструкция қилиш ҳамда Университетни мебель, инвентарь, ўқув ва илмий асбоб-ускуналар, ташкилий техника, компьютерлар, шунингдек, ахборот-коммуникация технологиялари воситалари билан жиҳозлаш билан боғлиқ ишларни молиялаштириш Муассис маблағлари ҳисобидан амалга оширилади.
9. Андижон вилояти ҳокимлиги Университет ва Муассиснинг буюртманомалари бўйича:
талабалар учун яшаш жойларини ташкил қилиш, шунингдек, кўп мақсадли Университет кампусини қуриш учун зарурат бўлганда, қишлоқ хўжалиги ишлаб чиқариши йўқотишларини қопламаган ҳолда, шу жумладан қишлоқ хўжалигига мўлжалланган ерлардан 40 гектаргача майдонга эга бўлган ер участкасини Университетга бепул асосда доимий фойдаланиш учун ажратсин;
Университет бино ва иншоотларини муҳандислик коммуникацияларига уланишини таъминласин.
10. Ўзбекистон Республикаси Олий ва ўрта махсус таълим вазирлиги Муассис билан биргаликда бир ой муддатда таъсис ҳужжатлари ишлаб чиқилиши ва келишилишини, шунингдек, Университетни белгиланган тартибда давлат рўйхатидан ўтказилишини таъминласин.
11. 2022 йил 1 апрелга қадар:
Университет барча турдаги солиқларни тўлашдан, шунингдек, хорижий ходимларнинг меҳнатига ҳақ тўлаш фонди қисми бўйича ягона ижтимоий тўловдан;
Муассис Ўзбекистон Республикасида Университет фаолиятидан олган даромадлари бўйича юридик шахслардан олинадиган фойда солиғини тўлашдан;
Университетни қуриш, реконструкция қилиш, жиҳозлаш ва фаолиятини таъминлаш учун Муассис, Университет ва пудрат ташкилотлари томонидан ўрнатилган тартибда шакллантириладиган рўйхат бўйича олиб келинадиган, Ўзбекистон Республикасида ишлаб чиқарилмайдиган жиҳозлар, шу жумладан ўқув ва илмий-лаборатория жиҳозлари, компьютер техникаси, дастурий маҳсулотлар, оргтехника, ўқитишнинг техник воситалари, ўқув ва илмий-методик адабиётлар, мультимедиа маҳсулотлари, инвентарь ва бошқа моддий-техника ресурслари божхона тўловларини тўлашдан (божхона расмийлаштируви йиғимларидан ташқари) озод этилсин.
12. Ўзбекистон Республикаси Ташқи ишлар вазирлиги Андижон вилояти ҳокимлиги ва Университет буюртманомаларига биноан мазкур қарорни амалга ошириш доирасида жалб қилинадиган хорижий профессор-ўқитувчилар ва маъмурий ходимлар, шунингдек, уларнинг оила аъзолари учун кўп марталик кириш визалари консуллик ҳамда бошқа йиғимлар ундирилмасдан, белгиланган тартибда расмийлаштирилишини таъминласин.
13. Ўзбекистон Республикаси Ички ишлар вазирлиги Андижон вилояти ҳокимлиги ва Университет буюртманомаларига биноан мазкур қарорни амалга ошириш доирасида жалб қилинадиган хорижий профессор-ўқитувчилар ва маъмурий ходимларига ҳамда уларнинг оила аъзоларига давлат божлари тўлашдан озод этган ҳолда кўп марталик визалар берилиши ва узайтирилишини, шунингдек, уларнинг яшаш жойида вақтинчалик рўйхатдан ўтказилиши ҳамда вақтинчалик рўйхатдан ўтказиш муддати узайтирилишини белгиланган тартибда таъминласин.
14. Ўзбекистон Республикаси Олий ва ўрта махсус таълим вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни Ўзбекистон Республикаси Вазирлар Маҳкамасига киритсин.
15. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 10 апрель,
ПҚ-4278-сон
Oʻzbekiston Respublikasi Prezidentining
Qarori
Oʻzbekistonda Sharda universitetini tashkil etish toʻgʻrisida
Umumeʼtirof etilgan xalqaro talablar va standartlarga muvofiq oliy maʼlumotli yuqori malakali kadrlar tayyorlashni tashkil etish, innovatsion muhitni shakllantirish, xorijiy mamlakatlarning yetakchi oliy taʼlim muassasalari bilan uzoq muddatli munosabatlarni yanada rivojlantirish, shuningdek, Oʻzbekiston Respublikasi Prezidentining Hindiston Respublikasiga 2018-yil 30-sentabr — 1-oktabrdagi davlat tashrifi chogʻida imzolangan ikki tomonlama hujjatlarni amalga oshirish boʻyicha amaliy chora-tadbirlar rejasini bajarish maqsadida:
1. Oʻzbekiston Respublikasi Oliy va oʻrta maxsus taʼlim vazirligi, Andijon viloyati hokimligi va “Sharda Educational Trust” (Hindiston Respublikasi) taʼlim trastining (keyingi oʻrinlarda — Muassis) Oʻzbekistonda Sharda universitetini tashkil etish toʻgʻrisidagi taklifiga rozilik berilsin.
2. Belgilansinki:
Oʻzbekistondagi Sharda universiteti (keyingi oʻrinlarda — Universitet) oliy taʼlim muassasasi — yuridik shaxs shaklidagi Oʻzbekiston Respublikasi rezidenti hisoblanadi, alohida mol-mulkka, mustaqil balansga ega, tasarrufidagi mol-mulk bilan oʻz majburiyatlari boʻyicha javobgar hisoblanadi;
Universitetda oʻqitish Oʻzbekiston Respublikasining davlat taʼlim standartlari talablarini inobatga olgan holda Sharda universiteti (Hindiston Respublikasi) taʼlim dasturlari asosida ishlab chiqilgan oʻquv rejalari va dasturlari boʻyicha amalga oshiriladi;
Universitetda taʼlim faoliyati 2019/2020 oʻquv yilidan boshlanadi;
abituriyentlar qabuli va Universitet bitiruvchilarini attestatsiyadan oʻtkazish Muassis tomonidan belgilanadigan talablar, tartib va muddatlarga muvofiq amalga oshiriladi;
Universitet bitiruvchilariga Oʻzbekiston Respublikasida va Hindiston Respublikasida oliy maʼlumot toʻgʻrisidagi hujjat sifatida tan olinadigan belgilangan namunadagi diplom beriladi.
3. Universitet faoliyatining asosiy vazifalari va yoʻnalishlari etib quyidagilar belgilansin:
elektr muhandisligi, axborot texnologiyalari va kiberxavfsizlik, kompyuter tizimlariga xizmat koʻrsatish, elektronika, kommunikatsiya injiniringi, biznes-menejment va talab yuqori boʻlgan taʼlimning boshqa yoʻnalishlarida yuqori malakali mutaxassislarni xalqaro standartlar darajasida tayyorlashni taʼminlash;
taʼlim jarayoniga zamonaviy pedagogik va axborot-kommunikatsiya texnologiyalarini, ilm-fan va texnikaning eng yangi yutuqlarini joriy etish;
yuqori malakali mutaxassislarni malakasini oshirish va qayta tayyorlash, shu jumladan ularning malakaviy amaliyotini yetakchi xorijiy oliy taʼlim va ilmiy-tadqiqot muassasalarida tashkil etish;
mehnat bozorining ehtiyojlarini hisobga olgan holda axborot-kommunikatsiya texnologiyalari, muhandislik-texnika, tibbiyot va aniq fanlar sohalarida ilmiy-tadqiqot faoliyatini amalga oshirish, shuningdek, oliy malakali ilmiy-pedagogik kadrlar tayyorlash;
taʼlim va ilmiy-texnikaviy sohalarda yetakchi xorijiy taʼlim muassasalari va ilmiy-tadqiqot markazlari bilan uzoq muddatli munosabatlarni rivojlantirish va mustahkamlash.
4. Maʼlumot uchun qabul qilinsinki, Muassis:
oʻz mablagʻlari va jalb qilingan mablagʻlar hisobidan Andijon viloyati hududida Universitetning koʻp maqsadli kampusini quradi va jihozlaydi;
Universitetning koʻp maqsadli kampusini rivojlantirish uchun toʻgʻridan-toʻgʻri xorijiy investitsiyalarni jalb etadi;
oʻz mablagʻlari va qonun hujjatlarida taqiqlanmagan boshqa manbalar hisobidan oʻquv korpuslari, oʻquv-laboratoriya bazasi, talabalar turar joylari va Universitetning boshqa inshootlarini mebel, inventar, oʻquv va ilmiy jihozlar, orgtexnika, kompyuterlar bilan jihozlaydi, shuningdek, Universitetni axborot-kommunikatsiya texnologiyalari vositalari bilan taʼminlaydi;
Universitetning kutubxona fondini shakllantirish va uni zamonaviy oʻquv, oʻquv-metodik hamda ilmiy-texnik adabiyotlar bilan toʻldirishga, shu jumladan Sharda universitetining (Hindiston Respublikasi) axborot resurs bazasidan foydalanish imkonini yaratgan holda koʻmaklashadi;
Universitetda taʼlim berish va oʻquv jarayonini tashkil etish uchun malakali xorijiy professor-oʻqituvchilarni jalb qiladi.
5. Belgilansinki:
a) Universitet faoliyatini moliyalashtirish va uni saqlash:
Muassis mablagʻlari va talabalarni toʻlov-kontrakt asosida oʻqitishdan tushadigan mablagʻlar;
xoʻjalik faoliyatidan va shartnoma asosida xizmatlar koʻrsatishdan olinadigan daromadlar;
yuridik va jismoniy shaxslarning xayriya ehsonlari;
xalqaro moliya institutlari va tashkilotlarining grantlari;
qonun hujjatlarida taqiqlanmagan boshqa manbalar hisobidan amalga oshiriladi;
b) Universitetda taʼlim olish ingliz, oʻzbek, va rus tillarida kunduzgi shaklda, toʻlov-kontrakt asosida hamda Universitet bitiruvchilarining potensial ish beruvchilari — yuridik shaxslar tomonidan taqdim etiladigan taʼlim grantlari boʻyicha, shuningdek, yoshlarning taʼlim olishi uchun avvalo mamlakat hududlari tomonidan ajratiladigan xayriya ehsonlar hisobiga amalga oshiriladi;
v) Universitet Muassis bilan kelishgan holda:
Oʻzbekiston Respublikasi manfaatdor tashkilotlarining mutaxassislarga boʻlgan real ehtiyojidan kelib chiqib, 2019/2020 oʻquv yili va keyingi yillar uchun talabalarni qabul qilish kvotalari va toʻlov-kontrakt asosida oʻqitish qiymati miqdorlarini belgilaydi;
Sharda universiteti (Hindiston Respublikasi) va boshqa yetakchi xorijiy ixtisoslashtirilgan taʼlim muassasalari hamda ilmiy-tadqiqot markazlariga oʻqish va stajirovka oʻtashga yuborish uchun eng istiqbolli talabalarni tanlov asosida saralab olishni tashkil etadi;
Universitet professor-oʻqituvchilari va doktorantlari uchun xalqaro tajriba almashinuvini tashkillashtiradi;
g) Universitet rektori Muassis tomonidan Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda lavozimiga tayinlanadi va lavozimidan ozod qilinadi.
6. Oʻzbekiston Respublikasi Oliy va oʻrta maxsus taʼlim vazirligi Andijon viloyati hokimligi bilan birgalikda Universitetni tashkil etish davrida uning faoliyatini yoʻlga qoʻyish bilan bogʻliq tashkiliy, yuridik, iqtisodiy, oʻquv-uslubiy, moddiy-texnik va boshqa masalalarni hal etishda Muassisga koʻmaklashsin.
7. Universitetga:
kadrlarga boʻlgan ehtiyojdan kelib chiqib, Muassis hamda Oʻzbekiston Respublikasi Oliy taʼlim, fan va innovatsiyalar vazirligi bilan kelishgan holda yangi istiqbolli bakalavriat taʼlim yoʻnalishlari va magistratura mutaxassisliklarini ochish;
tuziladigan shartnomalar asosida Universitetga oʻqituvchilik qilish va ilmiy ish olib borish uchun taklif etiladigan xorijlik professorlar va oʻqituvchilarning yashashi hamda transport xarajatlariga Oʻzbekiston Respublikasi fuqarolari uchun belgilangan tariflar boʻyicha haq toʻlashga ruxsat berilsin.
8. Andijon shahri, Boburshoh koʻchasi, 73-uy manzilida joylashgan Andijon sanoat va transport kasb-hunar kollejining bino va inshootlari hamda unga tutash hudud operativ boshqaruv huquqi bilan Andijon mashinasozlik institutiga berilsin, keyinchalik ularda Universitet bepul foydalanish huquqi bilan joylashtirilsin.
Belgilab qoʻyilsinki:
Andijon sanoat va transport kasb-hunar kollejining oʻquvchilari oʻqishni tamomlagunlariga qadar Andijon shahri, Mustaqillik koʻchasi, 1-uy manzilida joylashgan 2-Andijon maishiy xizmat kasb-hunar kollejining binolarida oʻqishni davom ettiradi;
Andijon mashinasozlik institutiga berilgan Andijon sanoat va transport kasb-hunar kolleji bino va inshootlarini rekonstruksiya qilish hamda Universitetni mebel, inventar, oʻquv va ilmiy asbob-uskunalar, tashkiliy texnika, kompyuterlar, shuningdek, axborot-kommunikatsiya texnologiyalari vositalari bilan jihozlash bilan bogʻliq ishlarni moliyalashtirish Muassis mablagʻlari hisobidan amalga oshiriladi.
9. Andijon viloyati hokimligi Universitet va Muassisning buyurtmanomalari boʻyicha:
talabalar uchun yashash joylarini tashkil qilish, shuningdek, koʻp maqsadli Universitet kampusini qurish uchun zarurat boʻlganda, qishloq xoʻjaligi ishlab chiqarishi yoʻqotishlarini qoplamagan holda, shu jumladan qishloq xoʻjaligiga moʻljallangan yerlardan 40 gektargacha maydonga ega boʻlgan yer uchastkasini Universitetga bepul asosda doimiy foydalanish uchun ajratsin;
Universitet bino va inshootlarini muhandislik kommunikatsiyalariga ulanishini taʼminlasin.
10. Oʻzbekiston Respublikasi Oliy va oʻrta maxsus taʼlim vazirligi Muassis bilan birgalikda bir oy muddatda taʼsis hujjatlari ishlab chiqilishi va kelishilishini, shuningdek, Universitetni belgilangan tartibda davlat roʻyxatidan oʻtkazilishini taʼminlasin.
11. 2022-yil 1-aprelga qadar:
Universitet barcha turdagi soliqlarni toʻlashdan, shuningdek, xorijiy xodimlarning mehnatiga haq toʻlash fondi qismi boʻyicha yagona ijtimoiy toʻlovdan;
Muassis Oʻzbekiston Respublikasida Universitet faoliyatidan olgan daromadlari boʻyicha yuridik shaxslardan olinadigan foyda soligʻini toʻlashdan;
Universitetni qurish, rekonstruksiya qilish, jihozlash va faoliyatini taʼminlash uchun Muassis, Universitet va pudrat tashkilotlari tomonidan oʻrnatilgan tartibda shakllantiriladigan roʻyxat boʻyicha olib kelinadigan, Oʻzbekiston Respublikasida ishlab chiqarilmaydigan jihozlar, shu jumladan oʻquv va ilmiy-laboratoriya jihozlari, kompyuter texnikasi, dasturiy mahsulotlar, orgtexnika, oʻqitishning texnik vositalari, oʻquv va ilmiy-metodik adabiyotlar, multimedia mahsulotlari, inventar va boshqa moddiy-texnika resurslari bojxona toʻlovlarini toʻlashdan (bojxona rasmiylashtiruvi yigʻimlaridan tashqari) ozod etilsin.
12. Oʻzbekiston Respublikasi Tashqi ishlar vazirligi Andijon viloyati hokimligi va Universitet buyurtmanomalariga binoan mazkur qarorni amalga oshirish doirasida jalb qilinadigan xorijiy professor-oʻqituvchilar va maʼmuriy xodimlar, shuningdek, ularning oila aʼzolari uchun koʻp martalik kirish vizalari konsullik hamda boshqa yigʻimlar undirilmasdan, belgilangan tartibda rasmiylashtirilishini taʼminlasin.
13. Oʻzbekiston Respublikasi Ichki ishlar vazirligi Andijon viloyati hokimligi va Universitet buyurtmanomalariga binoan mazkur qarorni amalga oshirish doirasida jalb qilinadigan xorijiy professor-oʻqituvchilar va maʼmuriy xodimlariga hamda ularning oila aʼzolariga davlat bojlari toʻlashdan ozod etgan holda koʻp martalik vizalar berilishi va uzaytirilishini, shuningdek, ularning yashash joyida vaqtinchalik roʻyxatdan oʻtkazilishi hamda vaqtinchalik roʻyxatdan oʻtkazish muddati uzaytirilishini belgilangan tartibda taʼminlasin.
14. Oʻzbekiston Respublikasi Oliy va oʻrta maxsus taʼlim vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Oʻzbekiston Respublikasi Vazirlar Mahkamasiga kiritsin.
15. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 10-aprel,
PQ-4278-son
Президента Республики Узбекистан
Постановление
О создании Университета Шарда в Узбекистане
В целях организации подготовки высококвалифицированных кадров с высшим образованием в соответствии с общепризнанными международными требованиями и стандартами, формирования инновационной среды, дальнейшего развития долгосрочных отношений с ведущими высшими образовательными учреждениями зарубежных стран, а также во исполнение Плана практических мероприятий по реализации двусторонних документов, подписанных в ходе Государственного визита Президента Республики Узбекистан в Республику Индия 30 сентября — 1 октября 2018 года:
1. Согласиться с предложением Министерства высшего и среднего специального образования Республики Узбекистан, хокимията Андижанской области и образовательного траста «Sharda Educational Trust» (Республика Индия) (далее — Учредитель) о создании Университета Шарда в Узбекистане.
2. Установить, что:
Университет Шарда в Узбекистане (далее — Университет) является высшим образовательным учреждением — резидентом Республики Узбекистан в форме юридического лица, обладает обособленным имуществом, имеет самостоятельный баланс, отвечает своим обязательствам находящимся в его распоряжении имуществом;
обучение в Университете осуществляется по учебным планам и программам, разработанным на основе образовательных программ Университета Шарда (Республика Индия), с учетом требований государственных образовательных стандартов Республики Узбекистан;
образовательная деятельность в Университете начинается с 2019/2020 учебного года;
прием абитуриентов и аттестация выпускников Университета осуществляется в соответствии с требованиями, порядком и сроками, определяемыми Учредителем;
выпускникам Университета выдается диплом установленного образца, признаваемый документом о высшем образовании в Республике Узбекистан и Республике Индия.
3. Определить основными задачами и направлениями деятельности Университета:
обеспечение подготовки на уровне международных стандартов высококвалифицированных специалистов в сферах электроинженерии, информационных технологий и кибербезопасности, обслуживания компьютерных систем, электроники, коммуникационного инжиниринга, бизнес-менеджмента и других востребованных направлениях образования;
внедрение в образовательный процесс современных педагогических и информационно-коммуникационных технологий, новейших достижений науки и техники;
повышение квалификации и переподготовку высококвалифицированных специалистов, в том числе путем организации квалификационных практик в ведущих зарубежных высших образовательных и научно-исследовательских учреждениях;
осуществление научно-исследовательской деятельности в сферах информационно-коммуникационных технологий, инженерно-технических, медицинских и точных наук с учетом потребностей рынка труда, а также подготовку научно-педагогических кадров высшей квалификации;
развитие и укрепление долгосрочных отношений с ведущими зарубежными образовательными учреждениями и научно-исследовательскими центрами в образовательной и научно-технической сферах.
4. Принять к сведению, что Учредитель:
осуществляет строительство и оснащение многоцелевого кампуса Университета на территории Андижанской области за счет собственных и привлеченных средств;
привлекает прямые иностранные инвестиции для развития многоцелевого кампуса Университета;
осуществляет за счет собственных средств и других источников, не запрещенных законодательством, оснащение учебных корпусов, учебно-лабораторной базы, мест проживания студентов и других сооружений Университета мебелью, инвентарем, учебным и научным оборудованием, оргтехникой, компьютерами, а также обеспечивает его средствами информационно-коммуникационных технологий;
содействует формированию и пополнению библиотечного фонда Университета современной учебной, учебно-методической и научно-технической литературой, в том числе путем предоставления возможности использования информационной ресурсной базы Университета Шарда (Республика Индия);
привлекает квалифицированный иностранный профессорско-преподавательский персонал для преподавания и организации учебного процесса в Университете.
5. Установить, что:
а) финансирование деятельности и содержание Университета осуществляется за счет:
средств, поступающих от Учредителя и обучения студентов на платно-контрактной основе;
доходов от хозяйственной деятельности и оказания услуг на договорной основе;
благотворительных пожертвований юридических и физических лиц;
грантов международных финансовых институтов и организаций;
иных источников, не запрещенных законодательством;
б) обучение в Университете осуществляется на английском, узбекском и русском языках, по очной форме обучения, на платно-контрактной основе и по образовательным грантам, предоставляемым юридическими лицами — потенциальными работодателями выпускников Университета, а также за счет благотворительных пожертвований, выделяемых на обучение молодежи, в первую очередь из регионов страны;
в) Университет по согласованию с Учредителем:
определяет квоты приема студентов и размеры стоимости обучения на платно-контрактной основе в Университете на 2019/2020 учебный год и последующие годы исходя из реальной потребности в специалистах заинтересованных организаций Республики Узбекистан;
организует отбор на конкурсной основе наиболее перспективных студентов для направления на обучение и стажировку в Университет Шарда (Республика Индия), другие ведущие зарубежные профильные образовательные учреждения и научно-исследовательские центры;
организует международный обмен опытом для профессорско-преподавательского состава и докторантов Университета;
г) ректор Университета назначается на должность и освобождается от занимаемой должности Учредителем по согласованию с Министерством высшего образования, науки и инноваций Республики Узбекистан.
6. Министерству высшего и среднего специального образования Республики Узбекистан совместно с хокимиятом Андижанской области оказать содействие Учредителю в решении организационных, юридических, экономических, учебно-методических, материально-технических и других вопросов, связанных с организацией деятельности Университета в период его создания.
7. Разрешить Университету:
по согласованию с Учредителем и Министерством высшего образования, науки и инноваций Республики Узбекистан открывать новые перспективные направления образования бакалавриата и специальности магистратуры исходя из потребностей в кадрах;
осуществлять оплату проживания и транспортных расходов зарубежных профессоров и преподавателей, приглашаемых для преподавательской и научной работы в Университете, по тарифам, установленным для граждан Республики Узбекистан на основании заключаемых договоров.
8. Передать Андижанскому машиностроительному институту на праве оперативного управления здания и сооружения Андижанского профессионального колледжа промышленности и транспорта с прилегающей территорией, расположенные по адресу: город Андижан, проспект Бобуршох, 73, с последующим размещением в них Университета на праве безвозмездного пользования.
Установить, что:
учащиеся Андижанского профессионального колледжа промышленности и транспорта продолжат обучение в зданиях Андижанского профессионального колледжа бытовых услуг № 2, расположенного по адресу: город Андижан, улица Мустакиллик, 1, до окончания ими обучения;
финансирование работ, связанных с реконструкцией зданий и сооружений Андижанского профессионального колледжа промышленности и транспорта, переданных Андижанскому машиностроительному институту, и оснащением Университета мебелью, инвентарем, учебным и научным оборудованием, оргтехникой, компьютерами, а также средствами информационно-коммуникационных технологий осуществляется за счет средств Учредителя.
9. Хокимияту Андижанской области по заявкам Учредителя и Университета:
при необходимости организации мест проживания для студентов, а также строительства многоцелевого кампуса Университета выделить Университету на безвозмездной основе в постоянное пользование земельный участок площадью до 40 гектаров, в том числе расположенного на землях сельскохозяйственного назначения, без возмещения потерь сельскохозяйственного производства;
обеспечить подключение зданий и сооружений Университета к инженерным коммуникациям.
10. Министерству высшего и среднего специального образования Республики Узбекистан совместно с Учредителем в месячный срок обеспечить разработку и согласование учредительных документов, а также государственную регистрацию Университета в установленном порядке.
11. Освободить сроком до 1 апреля 2022 года:
Университет от уплаты всех видов налогов, а также единого социального платежа в части фонда оплаты труда иностранных работников;
Учредителя от уплаты налога на прибыль юридических лиц по доходам, полученным в Республике Узбекистан от деятельности Университета;
от уплаты таможенных платежей (за исключением сборов за таможенное оформление) оборудование, в том числе учебное и научно-лабораторное, компьютерную технику, программные продукты, оргтехнику, технические средства обучения, учебную и научно-методическую литературу, мультимедийную продукцию, инвентарь и другие материально-технические ресурсы, не производимые в Республике Узбекистан, ввозимые Учредителем, Университетом и подрядными организациями для строительства, реконструкции, оснащения и обеспечения деятельности Университета по перечням, формируемым в установленном порядке.
12. Министерству иностранных дел Республики Узбекистан по заявкам хокимията Андижанской области и Университета обеспечить в установленном порядке оформление многократных въездных виз для иностранного профессорско-преподавательского состава и административного персонала, привлекаемого в рамках реализации настоящего постановления, а также членов их семей без взимания консульских и иных сборов.
13. Министерству внутренних дел Республики Узбекистан по заявкам хокимията Андижанской области и Университета обеспечить в установленном порядке выдачу и продление многократных виз и временной прописки по месту проживания в Республике Узбекистан иностранному профессорско-преподавательскому составу и административному персоналу, привлекаемому в рамках реализации настоящего постановления, а также членам их семей без взимания государственной пошлины.
14. Министерству высшего и среднего специального образования совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
15. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
10 апреля 2019 г.,
№ ПП-4278