📅 2019-yil 17-aprel · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 17 апрель · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 17 апреля 2019 г. · Постановления Президента
Официальный текст. Официальный документ. Редакционные примечания не включены.
📅 17 April 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Қишлоқ хўжалиги вазирлиги фаолиятини такомиллаштириш тўғрисида
Ўзбекистон Республикаси Президентининг «Қишлоқ хўжалиги соҳасида давлат бошқаруви тизимини такомиллаштириш чора-тадбирлари тўғрисида» 2019 йил 17 апрелдаги ПФ-5708-сон Фармонини ижро этиш ва Ўзбекистон Республикаси Қишлоқ хўжалиги вазирлиги фаолиятини такомиллаштириш мақсадида:
2. Ўзбекистон Республикаси қишлоқ хўжалиги вазирига:
зарур ҳолларда, бошқарув ходимларининг белгиланган умумий сони доирасида Вазирлик марказий аппарати, Вазирлик ҳузуридаги ташкилотлар ва муассасалар тузилмасига ўзгартишлар киритиш;
Вазирликнинг ҳудудий бўлинмалари тузилмаларини ва бошқарув ходимларининг белгиланган умумий сони ва меҳнатга ҳақ тўлаш фонди доирасида уларнинг бошқарув ходимлари чекланган сонини тасдиқлаш;
давлат органлари ва бошқа ташкилотлар, етакчи лойиҳа институтлари, илмий ва таълим муассасалари, халқаро ташкилотлар, хорижий компанияларнинг юқори малакали мутахассисларини, шунингдек, экспертларни маслаҳатчи сифатида жалб қилиш;
малакали хорижий мутахассисларни ишга қабул қилиш ва уларга иш ҳақини Вазирлар Маҳкамаси билан келишиш асосида миллий валютада ёки хориждаги ҳисобварақларига ўтказган ҳолда чет эл валютасида тўлаш ҳуқуқи берилсин.
3. Вазирлик Ўзбекистон Республикаси Олий ва ўрта махсус таълим вазирлиги, Инновацион ривожланиш вазирлиги, Фанлар академияси билан биргаликда билим тарқатувчи мутахассис ва тренерларни тайёрлаш учун Тошкент давлат аграр университети ҳамда унинг филиаллари, Андижон қишлоқ хўжалиги ва агротехнологиялар институти ҳузурида ўзини ўзи молиялаштириш асосида фаолият кўрсатадиган агротехнологиялар бўйича ахборот-маслаҳат марказлари (extension center) ташкил этилишини таъминласин.
Қорақалпоғистон Республикаси Вазирлар Кенгаши, Андижон, Сурхондарё ва Тошкент вилоятлари ҳокимликлари агротехнологиялар бўйича ахборот-маслаҳат марказлари (extension center) ташкил этилишини, жойлаштирилишини ва самарали фаолият кўрсатишини таъминласин.
4. Вазирлик:
а) Ўзбекистон Республикаси Инвестициялар ва ташқи савдо вазирлиги билан биргаликда интеграциялашган электрон ахборот айирбошлаш тизими ва портали, шунингдек, агротехнологиялар бўйича ахборот-маслаҳат марказлари (extension center) ташкил этиш билан боғлиқ харажатларни молиялаштириш учун халқаро молия институтлари ва хорижий ҳукумат молия ташкилотларининг техник кўмаги ва грант маблағларини жалб этиш масаласини белгиланган тартибда кўриб чиқсин;
б) Ўзбекистон Республикаси Инвестициялар ва ташқи савдо вазирлиги, Иқтисодиёт ва саноат вазирлиги, Ахборот технологиялари ва коммуникацияларини ривожлантириш вазирлиги, Давлат статистика қўмитаси билан биргаликда 2020 йил 1 январга қадар республика ҳудудларининг ишлаб чиқариш ва инвестиция салоҳияти, захира ерлари тўғрисидаги ахборотлар, статистик ва гидрометеорологик маълумотлар, инфратузилма объектлари ва коммуникация тармоқлари билан таъминланганлиги ҳамда соҳага доир бошқа маълумотлардан иборат «invest.gov.uz/agro» Ўзбекистон инвестиция порталида тегишли ахборот блоки ва унинг мобил иловаси яратилишини таъминласин.
5. Белгилансинки, 2019 йил 1 майдан:
Вазирлик марказий аппарати ходимларининг лавозим маошларини Ягона тариф сеткаси бўйича меҳнатга ҳақ тўлашнинг тасдиқланган разрядларига асосан белгилашда тариф коэффициенти 1,4 бараварга оширган ҳолда қўлланилади;
ҳудудий бўлинмалар ходимларининг лавозим маошларини Ягона тариф сеткаси бўйича меҳнатга ҳақ тўлашнинг тасдиқланган разрядларига асосан белгилашда тариф коэффициенти 1,2 бараварга оширган ҳолда қўлланилади.
Ушбу бандни амалга ошириш билан боғлиқ харажатлар Ўзбекистон Республикаси Давлат бюджети маблағлари ҳисобидан қопланади.
6. Вазирлик бир ой муддатда:
а) Вазирликнинг янги ташкил этилган таркибий ва идоравий бўйсунувидаги бўлинмалари тўғрисидаги низомларни, шунингдек, Вазирлик марказий аппарати ходимларининг лавозим йўриқномаларини тасдиқласин;
Вазирликнинг марказий аппарати ва унинг ҳудудий бўлинмаларини зарур назарий билимлар ва амалий кўникмаларга, Вазирликка юклатилган вазифаларни профессионал даражада амалга ошириш қобилиятига эга бўлган юқори малакали кадрлар билан тўлдирсин;
б) халқаро ташкилотларнинг ва хорижий мамлакатлар молиявий муассасаларининг техник кўмаги ҳамда грант маблағларини жалб қилган ҳолда ҳудудларда агротехнологиялар бўйича ахборот-маслаҳат марказлари (extension center) тармоқларини босқичма-босқич ташкил этишга доир «Йўл харитаси»ни тасдиқласин;
в) аниқ кўрсаткичлар ва мақсадли индикаторларга эришишга асосланган Вазирлик, унинг бўлинмалари ва улар раҳбарларининг фаолиятини баҳолашнинг мутлақо янги тизимини жорий этиш, яқин, ўрта ва узоқ муддатли истиқболга мўлжалланган қишлоқ хўжалигини стратегик ривожлантириш ва озиқ-овқат хавфсизлигини таъминлаш дастурларини амалга ошириш сифати ҳамда самарадорлигини таъминлаш юзасидан чора-тадбирларни кўрсин.
7. Ўзбекистон Республикаси Вазирлар Маҳкамаси бир ой муддатда Ўзбекистон Республикаси Қишлоқ хўжалиги вазирлиги тўғрисидаги низомни тасдиқласин.
8. Вазирлик икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 17 апрель,
ПҚ-4292-сон
Oʻzbekiston Respublikasi Prezidentining
Qarori
Oʻzbekiston Respublikasi Qishloq xoʻjaligi vazirligi faoliyatini takomillashtirish toʻgʻrisida
Oʻzbekiston Respublikasi Prezidentining “Qishloq xoʻjaligi sohasida davlat boshqaruvi tizimini takomillashtirish chora-tadbirlari toʻgʻrisida” 2019-yil 17-apreldagi PF-5708-son Farmonini ijro etish va Oʻzbekiston Respublikasi Qishloq xoʻjaligi vazirligi faoliyatini takomillashtirish maqsadida:
2. Oʻzbekiston Respublikasi qishloq xoʻjaligi vaziriga:
zarur hollarda, boshqaruv xodimlarining belgilangan umumiy soni doirasida Vazirlik markaziy apparati, Vazirlik huzuridagi tashkilotlar va muassasalar tuzilmasiga oʻzgartishlar kiritish;
Vazirlikning hududiy boʻlinmalari tuzilmalarini va boshqaruv xodimlarining belgilangan umumiy soni va mehnatga haq toʻlash fondi doirasida ularning boshqaruv xodimlari cheklangan sonini tasdiqlash;
davlat organlari va boshqa tashkilotlar, yetakchi loyiha institutlari, ilmiy va taʼlim muassasalari, xalqaro tashkilotlar, xorijiy kompaniyalarning yuqori malakali mutaxassislarini, shuningdek, ekspertlarni maslahatchi sifatida jalb qilish;
malakali xorijiy mutaxassislarni ishga qabul qilish va ularga ish haqini Vazirlar Mahkamasi bilan kelishish asosida milliy valyutada yoki xorijdagi hisobvaraqlariga oʻtkazgan holda chet el valyutasida toʻlash huquqi berilsin.
3. Vazirlik Oʻzbekiston Respublikasi Oliy va oʻrta maxsus taʼlim vazirligi, Innovatsion rivojlanish vazirligi, Fanlar akademiyasi bilan birgalikda bilim tarqatuvchi mutaxassis va trenerlarni tayyorlash uchun Toshkent davlat agrar universiteti hamda uning filiallari, Andijon qishloq xoʻjaligi va agrotexnologiyalar instituti huzurida oʻzini oʻzi moliyalashtirish asosida faoliyat koʻrsatadigan agrotexnologiyalar boʻyicha axborot-maslahat markazlari (extension center) tashkil etilishini taʼminlasin.
Qoraqalpogʻiston Respublikasi Vazirlar Kengashi, Andijon, Surxondaryo va Toshkent viloyatlari hokimliklari agrotexnologiyalar boʻyicha axborot-maslahat markazlari (extension center) tashkil etilishini, joylashtirilishini va samarali faoliyat koʻrsatishini taʼminlasin.
4. Vazirlik:
a) Oʻzbekiston Respublikasi Investitsiyalar va tashqi savdo vazirligi bilan birgalikda integratsiyalashgan elektron axborot ayirboshlash tizimi va portali, shuningdek, agrotexnologiyalar boʻyicha axborot-maslahat markazlari (extension center) tashkil etish bilan bogʻliq xarajatlarni moliyalashtirish uchun xalqaro moliya institutlari va xorijiy hukumat moliya tashkilotlarining texnik koʻmagi va grant mablagʻlarini jalb etish masalasini belgilangan tartibda koʻrib chiqsin;
b) Oʻzbekiston Respublikasi Investitsiyalar va tashqi savdo vazirligi, Iqtisodiyot va sanoat vazirligi, Axborot texnologiyalari va kommunikatsiyalarini rivojlantirish vazirligi, Davlat statistika qoʻmitasi bilan birgalikda 2020-yil 1-yanvarga qadar respublika hududlarining ishlab chiqarish va investitsiya salohiyati, zaxira yerlari toʻgʻrisidagi axborotlar, statistik va gidrometeorologik maʼlumotlar, infratuzilma obyektlari va kommunikatsiya tarmoqlari bilan taʼminlanganligi hamda sohaga doir boshqa maʼlumotlardan iborat “invest.gov.uz/agro” Oʻzbekiston investitsiya portalida tegishli axborot bloki va uning mobil ilovasi yaratilishini taʼminlasin.
5. Belgilansinki, 2019-yil 1-maydan:
Vazirlik markaziy apparati xodimlarining lavozim maoshlarini Yagona tarif setkasi boʻyicha mehnatga haq toʻlashning tasdiqlangan razryadlariga asosan belgilashda tarif koeffitsiyenti 1,4 baravarga oshirgan holda qoʻllaniladi;
hududiy boʻlinmalar xodimlarining lavozim maoshlarini Yagona tarif setkasi boʻyicha mehnatga haq toʻlashning tasdiqlangan razryadlariga asosan belgilashda tarif koeffitsiyenti 1,2 baravarga oshirgan holda qoʻllaniladi.
Ushbu bandni amalga oshirish bilan bogʻliq xarajatlar Oʻzbekiston Respublikasi Davlat budjeti mablagʻlari hisobidan qoplanadi.
6. Vazirlik bir oy muddatda:
a) Vazirlikning yangi tashkil etilgan tarkibiy va idoraviy boʻysunuvidagi boʻlinmalari toʻgʻrisidagi nizomlarni, shuningdek, Vazirlik markaziy apparati xodimlarining lavozim yoʻriqnomalarini tasdiqlasin;
Vazirlikning markaziy apparati va uning hududiy boʻlinmalarini zarur nazariy bilimlar va amaliy koʻnikmalarga, Vazirlikka yuklatilgan vazifalarni professional darajada amalga oshirish qobiliyatiga ega boʻlgan yuqori malakali kadrlar bilan toʻldirsin;
b) xalqaro tashkilotlarning va xorijiy mamlakatlar moliyaviy muassasalarining texnik koʻmagi hamda grant mablagʻlarini jalb qilgan holda hududlarda agrotexnologiyalar boʻyicha axborot-maslahat markazlari (extension center) tarmoqlarini bosqichma-bosqich tashkil etishga doir “Yoʻl xaritasi”ni tasdiqlasin;
v) aniq koʻrsatkichlar va maqsadli indikatorlarga erishishga asoslangan Vazirlik, uning boʻlinmalari va ular rahbarlarining faoliyatini baholashning mutlaqo yangi tizimini joriy etish, yaqin, oʻrta va uzoq muddatli istiqbolga moʻljallangan qishloq xoʻjaligini strategik rivojlantirish va oziq-ovqat xavfsizligini taʼminlash dasturlarini amalga oshirish sifati hamda samaradorligini taʼminlash yuzasidan chora-tadbirlarni koʻrsin.
7. Oʻzbekiston Respublikasi Vazirlar Mahkamasi bir oy muddatda Oʻzbekiston Respublikasi Qishloq xoʻjaligi vazirligi toʻgʻrisidagi nizomni tasdiqlasin.
8. Vazirlik ikki oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 17-aprel,
PQ-4292-son
Президента Республики Узбекистан
Постановление
О совершенствовании деятельности Министерства сельского хозяйства Республики Узбекистан
Во исполнение Указа Президента Республики Узбекистан от 17 апреля 2019 года № УП-5708 «О мерах по совершенствованию системы государственного управления в сфере сельского хозяйства» и в целях совершенствования деятельности Министерства сельского хозяйства Республики Узбекистан:
2. Предоставить министру сельского хозяйства Республики Узбекистан право:
вносить при необходимости изменения в структуру центрального аппарата Министерства, организаций и учреждений при Министерстве в пределах установленной общей численности их управленческого персонала;
утверждать структуры территориальных подразделений Министерства и предельную численность их управленческого персонала в пределах установленной общей численности управленческого персонала и фонда оплаты труда;
привлекать в качестве консультантов высококвалифицированных специалистов государственных органов и иных организаций, ведущих проектных институтов, научных и образовательных учреждений, международных организаций, иностранных компаний, а также экспертов;
принимать на работу квалифицированных иностранных специалистов и по согласованию с Кабинетом Министров осуществлять выплату им заработной платы в национальной валюте или иностранной валюте путем перевода средств на их зарубежные счета.
3. Министерству совместно с Министерством высшего и среднего специального образования, Министерством инновационного развития, Академией наук Республики Узбекистан обеспечить создание информационно-консультативных центров по агротехнологиям (extension center), функционирующих на основе самофинансирования, при Ташкентском государственном аграрном университете и его филиалах, Андижанском институте сельского хозяйства и агротехнологий для подготовки специалистов и тренеров по распространению знаний.
Совету Министров Республики Каракалпакстан, хокимиятам Андижанской, Сурхандарьинской и Ташкентской областей обеспечить создание, размещение и эффективное функционирование информационно-консультативных центров по агротехнологиям (extension center).
4. Министерству:
а) совместно с Министерством инвестиций и внешней торговли Республики Узбекистан проработать в установленном порядке привлечение технической помощи и грантовых средств международных финансовых институтов и иностранных правительственных финансовых организаций для финансирования расходов, связанных с созданием системы и портала по интегрированному электронному информационному обмену, а также информационно-консультативных центров по агротехнологиям (extension center);
б) совместно с Министерством инвестиций и внешней торговли, Министерством экономики и промышленности, Министерством по развитию информационных технологий и коммуникаций, Государственным комитетом по статистике Республики Узбекистан до 1 января 2020 года обеспечить создание соответствующего информационного блока в Инвестиционном портале Узбекистана «invest.gov.uz/agro» и его мобильного приложения, включающих в себя сведения о производственном и инвестиционном потенциале регионов республики, землях запаса, статистические и гидрометеорологические сведения, данные об обеспеченности объектами инфраструктуры и коммуникационными сетями и другие сведения, касающиеся данной сферы.
5. Установить, что с 1 мая 2019 года при определении должностного оклада работников:
центрального аппарата Министерства по утвержденным разрядам по оплате труда по Единой тарифной сетке тарифный коэффициент применяется с увеличением в 1,4 раза;
территориальных подразделений по утвержденным разрядам по оплате труда по Единой тарифной сетке тарифный коэффициент применяется с увеличением в 1,2 раза.
Определить, что расходы, связанные с реализацией настоящего пункта, осуществляются за счет средств Государственного бюджета Республики Узбекистан.
6. Министерству в месячный срок:
а) утвердить положения о вновь созданных структурных и подведомственных подразделениях Министерства, а также должностные инструкции работников центрального аппарата Министерства;
укомплектовать центральный аппарат и территориальные подразделения Министерства высококвалифицированными кадрами, обладающими необходимыми теоретическими знаниями и практическими навыками, способными на профессиональном уровне реализовывать задачи, возложенные на Министерство;
б) утвердить «Дорожную карту» по поэтапному созданию сети информационно-консультативных центров по агротехнологиям (extension center) в регионах с привлечением технической помощи и грантовых средств международных организаций и финансовых учреждений зарубежных стран;
в) принять меры по внедрению принципиально новой системы оценки деятельности Министерства, его подразделений и их руководителей, основанной на достижении конкретных показателей и целевых индикаторов, обеспечению качества и эффективности реализации программ стратегического развития сельского хозяйства и обеспечения продовольственной безопасности на ближайшую, среднесрочную и долгосрочную перспективы.
7. Кабинету Министров Республики Узбекистан в месячный срок утвердить Положение о Министерстве сельского хозяйства Республики Узбекистан.
8. Министерству в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
17 апреля 2019 г.,
№ ПП-4292