📅 2019-yil 17-aprel · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 17 апрель · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 17 апреля 2019 г. · Указы Президента
Официальный текст. Официальный документ. Редакционные примечания не включены.
📅 17 April 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Қишлоқ хўжалиги соҳасида давлат бошқаруви тизимини такомиллаштириш чора-тадбирлари тўғрисида
Қишлоқ хўжалигини ривожлантириш ва унинг рақобатбардошлигини ошириш мамлакат аҳолисининг 60 фоизидан ортиқ қисми яшаётган қишлоқларнинг фаровонлик даражасини юксалтиришда муҳим омил бўлмоқда.
Шу муносабат билан сўнгги йилларда қишлоқ хўжалигини бошқариш тизимида институционал ислоҳотлар амалга оширилди, пахта хом ашёси ва бошоқли дон маҳсулотларини давлат томонидан кафолатланган харид нархларини сезиларли даражада кўпайтириш ҳисобига қишлоқ хўжалиги маҳсулотлари ишлаб чиқарувчиларининг молиявий барқарорлиги оширилди.
Қишлоқ хўжалиги маҳсулотларини ишлаб чиқаришни ташкил этишнинг кластер модели кенг жорий этилмоқда, натижада охирги йилларда пахта-тўқимачилик кластерларига ажратилган ер майдонлари ҳажми мазкур экин тури учун ажратилган қишлоқ хўжалиги ерларининг 52 фоизини ташкил этди.
Шу билан бирга, қишлоқ хўжалигини давлат томонидан қўллаб-қувватлашда самарали бозор механизмларининг мавжуд эмаслиги тармоқнинг рақобатбардошлигини ошириш имконини бермаяпти.
Қишлоқ хўжалигини давлат томонидан бошқаришнинг яхлит тизимини шакллантириш, қишлоқ хўжалиги маҳсулотларини давлат томонидан харид қилишнинг бозор механизмларини жорий этиш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ:
2. Қуйидагилар:
Ўзбекистон Республикаси Фанлар академияси Қишлоқ хўжалиги ва озиқ-овқат таъминоти илмий-ишлаб чиқариш маркази ва унинг илмий-тадқиқот муассасалари Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги ва озиқ-овқат таъминоти илмий-ишлаб чиқариш маркази этиб қайта ташкил этилган ҳолда;
Ўзбекистон Республикаси Вазирлар Маҳкамаси ҳузуридаги Ўзбекистон қишлоқ хўжалиги техникаси ва технологияларини сертификатлаш ва синаш давлат маркази Ўзбекистон Республикаси Қишлоқ хўжалиги вазирлиги ҳузуридаги Қишлоқ хўжалиги техникаси ва технологияларини сертификатлаш ва синаш маркази этиб қайта ташкил этилган ҳолда;
Ўзбекистон Республикаси Инновацион ривожланиш вазирлиги ҳузуридаги Уруғчиликни ривожлантириш маркази ва унинг бўлинмалари Ўзбекистон Республикаси Қишлоқ хўжалиги вазирлиги ҳузуридаги Уруғчиликни ривожлантириш маркази этиб қайта ташкил этилган ҳолда;
Тошкент давлат аграр университети ва унинг филиаллари амалдаги молиялаштириш тартибини сақлаб қолган ҳолда Вазирлик ихтиёрига ўтказилсин.
3. Белгилансинки:
Вазирлик тизимидаги илмий-тадқиқот муассасаларининг био ва нанотехнологиялар, қишлоқ хўжалиги экинларининг янги навларини яратиш ва жорий этиш бўйича фаолияти Ўзбекистон Республикаси Инновацион ривожланиш вазирлиги томонидан мувофиқлаштирилади;
қишлоқ хўжалиги ишлаб чиқариши соҳасида меҳнат ва моддий-техник ресурслар сарфи меъёрларини ишлаб чиқиш ва янгилаш Ўзбекистон Республикаси Давлат бюджети маблағлари ҳисобига молиялаштирилади.
6. Белгилаб қўйилсинки:
Вазирлик ихтиёрига ўтказиладиган ташкилотлар тегишли ташкилотларнинг ҳуқуқлари, мажбуриятлари ва шартномалари, шу жумладан халқаро шартномалар бўйича ҳуқуқий ворислари ҳисобланади;
лимон ва грек ёнғоғи ишлаб чиқарувчилар ва экспорт қилувчилар, картошка ишлаб чиқарувчилар уюшмалари раҳбарлари таъсисчилар умумий йиғилиши қарори билан сайланади ҳамда Ўзбекистон Республикаси қишлоқ хўжалиги вазири тақдимномасига кўра Вазирлар Маҳкамаси томонидан тасдиқланади;
Ўзбекистон Республикаси Давлат бюджети маблағлари, Вазирликнинг бюджетдан ташқари маблағлари, шу жумладан вақтинча бўш турган бюджетдан ташқари маблағларни тижорат банклари депозитларига жойлаштиришдан, хизматлар кўрсатишдан олинадиган даромадлар, шунингдек, қонун ҳужжатларида тақиқланмаган бошқа манбалар Вазирлик марказий аппарати, Қорақалпоғистон Республикаси Қишлоқ хўжалиги вазирлиги, вилоятлар қишлоқ хўжалиги бошқармалари ва туманлар (Қувасой шаҳар) қишлоқ хўжалиги бўлимлари фаолиятини молиялаштириш, ходимларни моддий рағбатлантириш (иш ҳақи, мукофот пуллари, устамалар ва бошқа пул мукофотлари тўлаш) манбалари ҳисобланади.
8. Қуйидагилар ўз кучини йўқотган деб ҳисоблансин:
Ўзбекистон Республикаси Президентининг 2018 йил 17 апрелдаги «Қишлоқ ва сув хўжалиги давлат бошқаруви тизимини тубдан такомиллаштириш чора-тадбирлари тўғрисида»ги ПФ-5418-сон Фармонининг 2 ва 8-бандлари ;
Ўзбекистон Республикаси Президентининг 2018 йил 17 апрелдаги «Ўзбекистон Республикаси Қишлоқ хўжалиги вазирлиги фаолиятини ташкил этиш чора-тадбирлари тўғрисида»ги ПҚ-3671-сон қарорининг 1 ва 2-бандлари .
11. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси раҳбари З.Ш. Низомиддинов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 17 апрель,
ПФ-5708-сон
Oʻzbekiston Respublikasi Prezidentining
Farmoni
Qishloq xoʻjaligi sohasida davlat boshqaruvi tizimini takomillashtirish chora-tadbirlari toʻgʻrisida
Qishloq xoʻjaligini rivojlantirish va uning raqobatbardoshligini oshirish mamlakat aholisining 60 foizidan ortiq qismi yashayotgan qishloqlarning farovonlik darajasini yuksaltirishda muhim omil boʻlmoqda.
Shu munosabat bilan soʻnggi yillarda qishloq xoʻjaligini boshqarish tizimida institutsional islohotlar amalga oshirildi, paxta xomashyosi va boshoqli don mahsulotlarini davlat tomonidan kafolatlangan xarid narxlarini sezilarli darajada koʻpaytirish hisobiga qishloq xoʻjaligi mahsulotlari ishlab chiqaruvchilarining moliyaviy barqarorligi oshirildi.
Qishloq xoʻjaligi mahsulotlarini ishlab chiqarishni tashkil etishning klaster modeli keng joriy etilmoqda, natijada oxirgi yillarda paxta-toʻqimachilik klasterlariga ajratilgan yer maydonlari hajmi mazkur ekin turi uchun ajratilgan qishloq xoʻjaligi yerlarining 52 foizini tashkil etdi.
Shu bilan birga, qishloq xoʻjaligini davlat tomonidan qoʻllab-quvvatlashda samarali bozor mexanizmlarining mavjud emasligi tarmoqning raqobatbardoshligini oshirish imkonini bermayapti.
Qishloq xoʻjaligini davlat tomonidan boshqarishning yaxlit tizimini shakllantirish, qishloq xoʻjaligi mahsulotlarini davlat tomonidan xarid qilishning bozor mexanizmlarini joriy etish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq:
2. Quyidagilar:
Oʻzbekiston Respublikasi Fanlar akademiyasi Qishloq xoʻjaligi va oziq-ovqat taʼminoti ilmiy-ishlab chiqarish markazi va uning ilmiy-tadqiqot muassasalari Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi va oziq-ovqat taʼminoti ilmiy-ishlab chiqarish markazi etib qayta tashkil etilgan holda;
Oʻzbekiston Respublikasi Vazirlar Mahkamasi huzuridagi Oʻzbekiston qishloq xoʻjaligi texnikasi va texnologiyalarini sertifikatlash va sinash davlat markazi Oʻzbekiston Respublikasi Qishloq xoʻjaligi vazirligi huzuridagi Qishloq xoʻjaligi texnikasi va texnologiyalarini sertifikatlash va sinash markazi etib qayta tashkil etilgan holda;
Oʻzbekiston Respublikasi Innovatsion rivojlanish vazirligi huzuridagi Urugʻchilikni rivojlantirish markazi va uning boʻlinmalari Oʻzbekiston Respublikasi Qishloq xoʻjaligi vazirligi huzuridagi Urugʻchilikni rivojlantirish markazi etib qayta tashkil etilgan holda;
Toshkent davlat agrar universiteti va uning filiallari amaldagi moliyalashtirish tartibini saqlab qolgan holda Vazirlik ixtiyoriga oʻtkazilsin.
3. Belgilansinki:
Vazirlik tizimidagi ilmiy-tadqiqot muassasalarining bio va nanotexnologiyalar, qishloq xoʻjaligi ekinlarining yangi navlarini yaratish va joriy etish boʻyicha faoliyati Oʻzbekiston Respublikasi Innovatsion rivojlanish vazirligi tomonidan muvofiqlashtiriladi;
qishloq xoʻjaligi ishlab chiqarishi sohasida mehnat va moddiy-texnik resurslar sarfi meʼyorlarini ishlab chiqish va yangilash Oʻzbekiston Respublikasi Davlat budjeti mablagʻlari hisobiga moliyalashtiriladi.
6. Belgilab qoʻyilsinki:
Vazirlik ixtiyoriga oʻtkaziladigan tashkilotlar tegishli tashkilotlarning huquqlari, majburiyatlari va shartnomalari, shu jumladan xalqaro shartnomalar boʻyicha huquqiy vorislari hisoblanadi;
limon va grek yongʻogʻi ishlab chiqaruvchilar va eksport qiluvchilar, kartoshka ishlab chiqaruvchilar uyushmalari rahbarlari taʼsischilar umumiy yigʻilishi qarori bilan saylanadi hamda Oʻzbekiston Respublikasi qishloq xoʻjaligi vaziri taqdimnomasiga koʻra Vazirlar Mahkamasi tomonidan tasdiqlanadi;
Oʻzbekiston Respublikasi Davlat budjeti mablagʻlari, Vazirlikning budjetdan tashqari mablagʻlari, shu jumladan vaqtincha boʻsh turgan budjetdan tashqari mablagʻlarni tijorat banklari depozitlariga joylashtirishdan, xizmatlar koʻrsatishdan olinadigan daromadlar, shuningdek, qonun hujjatlarida taqiqlanmagan boshqa manbalar Vazirlik markaziy apparati, Qoraqalpogʻiston Respublikasi Qishloq xoʻjaligi vazirligi, viloyatlar qishloq xoʻjaligi boshqarmalari va tumanlar (Quvasoy shahar) qishloq xoʻjaligi boʻlimlari faoliyatini moliyalashtirish, xodimlarni moddiy ragʻbatlantirish (ish haqi, mukofot pullari, ustamalar va boshqa pul mukofotlari toʻlash) manbalari hisoblanadi.
8. Quyidagilar oʻz kuchini yoʻqotgan deb hisoblansin:
Oʻzbekiston Respublikasi Prezidentining 2018-yil 17-apreldagi “Qishloq va suv xoʻjaligi davlat boshqaruvi tizimini tubdan takomillashtirish chora-tadbirlari toʻgʻrisida”gi PF-5418-son Farmonining 2 va 8-bandlari ;
Oʻzbekiston Respublikasi Prezidentining 2018-yil 17-apreldagi “Oʻzbekiston Respublikasi Qishloq xoʻjaligi vazirligi faoliyatini tashkil etish chora-tadbirlari toʻgʻrisida”gi PQ-3671-son qarorining 1 va 2-bandlari .
11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 17-aprel,
PF-5708-son
Президента Республики Узбекистан
Указ
О мерах по совершенствованию системы государственного управления в сфере сельского хозяйства
Основным фактором повышения уровня благосостояния сел, в которых проживает более 60 процентов населения страны, является развитие сельского хозяйства и повышение его конкурентоспособности.
В этой связи за последние годы в системе управления сельским хозяйством осуществлены институциональные реформы, повышена финансовая устойчивость сельскохозяйственных производителей за счет значительного увеличения гарантированных государством закупочных цен на хлопок-сырец и зерновые колосовые.
Широко внедряется кластерная модель организации производства сельскохозяйственной продукции, в результате чего за последние годы объем площади земель, отведенных хлопково-текстильным кластерам, составил 52 процента угодий под сельскохозяйственные культуры.
Вместе с тем отсутствие эффективных рыночных механизмов при осуществлении государственной поддержки сельского хозяйства не способствует повышению конкурентоспособности отрасли.
В целях формирования целостной системы государственного управления сельским хозяйством, внедрения рыночных механизмов осуществления государственных закупок сельскохозяйственной продукции, а также в соответствии со Стратегией действий по пяти приоритетным направлениям развития Республики Узбекистан в 2017 — 2021 годах:
2. Передать в ведение Министерства с сохранением действующего порядка финансирования:
Научно-производственный центр сельского хозяйства и продовольственного обеспечения Академии наук Республики Узбекистан и его научно-исследовательские учреждения, преобразовав его в Научно-производственный центр сельского хозяйства и продовольственного обеспечения при Министерстве сельского хозяйства Республики Узбекистан;
Узбекский государственный центр по сертификации и испытанию сельскохозяйственной техники и технологий при Кабинете Министров Республики Узбекистан, преобразовав его в Центр сертификации и испытания сельскохозяйственной техники и технологий при Министерстве сельского хозяйства Республики Узбекистан;
Центр развития семеноводства при Министерстве инновационного развития Республики Узбекистан и его подразделения, преобразовав его в Центр развития семеноводства при Министерстве сельского хозяйства Республики Узбекистан;
Ташкентский государственный аграрный университет и его филиалы.
3. Установить, что:
деятельность научно-исследовательских учреждений системы Министерства в части создания и внедрения био- и нанотехнологий, новых сортов сельскохозяйственных культур координируется Министерством инновационного развития Республики Узбекистан;
разработка и обновление нормативов затрат труда и материально-технических ресурсов в сфере сельскохозяйственного производства финансируются за счет средств Государственного бюджета Республики Узбекистан.
6. Установить, что:
передаваемые в ведение Министерства организации являются правопреемниками соответствующих организаций по их правам, обязательствам и договорам, включая международные;
руководители ассоциаций производителей и экспортеров лимонов и грецкого ореха, производителей картофеля избираются решением общего собрания учредителей и утверждаются Кабинетом Министров по представлению министра сельского хозяйства Республики Узбекистан;
источниками финансирования деятельности центрального аппарата Министерства, Министерства сельского хозяйства Республики Каракалпакстан, управлений сельского хозяйства областей и отделов сельского хозяйства районов (города Кувасай), материального стимулирования работников (выплата заработной платы, премий, надбавок и других денежных вознаграждений) являются средства Государственного бюджета Республики Узбекистан, внебюджетные средства Министерства, в том числе доходы, получаемые от размещения на депозиты коммерческих банков временно свободных внебюджетных средств, оказания услуг, а также другие источники, не запрещенные законодательством.
8. Признать утратившими силу:
пункты 2 и 8 Указа Президента Республики Узбекистан от 17 апреля 2018 года № УП-5418 «О мерах по коренному совершенствованию системы государственного управления сельским и водным хозяйством»;
пункты 1 и 2 постановления Президента Республики Узбекистан от 17 апреля 2018 года № ПП-3671 «О мерах по организации деятельности Министерства сельского хозяйства Республики Узбекистан».
11. Контроль за исполнением настоящего Указа возложить на Премьер-министра Республики Узбекистан А.Н. Арипова и руководителя Администрации Президента Республики Узбекистан З.Ш. Низомиддинова.
Президент Республики Узбекистан Ш. МИРЗИЁЕВ
г. Ташкент,
17 апреля 2019 г.,
№ УП-5708