UzbekAI

Ўзбекистон Республикаси Президентининг

Қарори

Ички ишлар органлари ходимлари ва уларнинг оила аъзоларини ижтимоий ҳимоя қилишни янада кучайтириш чора-тадбирлари тўғрисида

Сўнгги йилларда мамлакатимизда ички ишлар органлари фаолиятини такомиллаштиришга қаратилган кенг қамровли ислоҳотлар олиб борилди ва комплекс чора-тадбирлар амалга оширилди. Ҳар бир ходимнинг «Халқ манфаатларига хизмат қилиш»дан иборат ўз хизмат бурчини сўзсиз адо этиши ушбу фаолиятнинг асосига айланди.

Юртимизда тинчлик ва осойишталикни самарали таъминлаш соҳасида юқори натижага эришиш кўп жиҳатдан ички ишлар органлари ходимларининг доимий шайлиги ва касбий тайёргарлик даражасига, уларнинг инсон ҳуқуқ ва эркинликлари, давлат ва жамият манфаатлари ҳимояси йўлидаги фидойилиги ва жасоратига боғлиқ.

Ички ишлар органларида хизмат ўташ амалиётини ўрганиш натижалари ҳуқуқбузарликлар профилактикаси ва жиноятчиликка қарши курашиш борасидаги бугунги кун талаблари шароитида ўз ҳаёти ва соғлиғини аямай терроризм ва жиноятчиликка муносиб қаршилик кўрсатган, хизмат вазифаларини бажариш чоғида қаҳрамонлик ҳамда жасорат намоён этган ходимларни ва уларнинг оила аъзоларини давлат томонидан ижтимоий қўллаб-қувватлаш чора-тадбирлари тизимини йўлга қўйишнинг долзарблиги ортаётганлигидан далолат бермоқда.

Ҳуқуқбузарликлар профилактикаси ва жиноятчиликка қарши курашиш йўлида хизмат ўташ ҳаёт учун юқори хатарга эга эканлигини инобатга олган ҳолда ички ишлар органлари ходимлари ва уларнинг оила аъзоларининг ижтимоий ҳимоясини янада кучайтириш ҳамда маънавий-руҳий ҳолатини мустаҳкамлаш мақсадида:

1. Белгилансинки, 2026/2027 ўқув йилидан бошлаб:

терроризм, жиноятчиликка қарши курашиш ҳамда жамоат хавфсизлигини таъминлаш ёки бевосита хизмат мажбуриятларини бажариш чоғида ҳалок бўлган ёки олган жароҳати туфайли ногирон бўлиб қолган ички ишлар органлари ходимларининг фарзандлари (кейинги ўринларда — ҳалок бўлган ходимларнинг фарзандлари) Ўзбекистон Республикаси ички ишлар вазирининг тавсияномаси асосида белгиланган қабул квоталаридан ташқари давлат гранти асосида Ўзбекистон Республикаси давлат олий таълим муассасалари (кейинги ўринларда — олий таълим муассасалари)нинг бакалавриатига (иккинчи таълимдан ташқари) кириш имтиҳонларисиз қабул қилинадилар;

ҳалок бўлган ходимларнинг фарзандлари Ўзбекистон Республикаси Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия ва Давлат божхона қўмитасининг олий (магистратура, иккинчи ва олий ўқув юртидан кейинги таълимдан ташқари) ва ўрта махсус таълим муассасалари (кейинги ўринларда — ҳарбий таълим муассасалари)га қабул квоталаридан ташқари дастлабки ва касбий танлов натижалари, шунингдек ички ишлар вазирининг тавсияномаси асосида қабул қилинадилар.

2. 2019 йил 1 мартдан бошлаб Ўзбекистон Республикаси ички ишлар вазирига тўлов-шартнома (оширилган тўлов-шартнома ставкаси бундан мустасно) асосида олий таълим муассасалари бакалавриатига (иккинчи таълимдан ташқари) ўқишга мазкур қарор қабул қилингунга қадар кирган, шунингдек ўқиш давомида ушбу ҳолатларда ота-онасини йўқотган тақдирда:

терроризмга ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ички ишлар органлари ходимларининг фарзандларига — шартномаларнинг тўлиқ ҳажмини;

терроризмга ва жиноятчиликка қарши курашиш ҳамда жамоат хавфсизлигини таъминлаш чоғида олган жароҳати туфайли ногирон бўлиб қолган ички ишлар органлари ходимларининг фарзандларига — шартномаларнинг эллик фоизи миқдорида бюджетдан ташқари маблағлар ҳисобидан тўлашга рухсат берилсин.

3. 2019/2020 ўқув йилидан бошлаб шундай тартиб жорий этилсинки, унга кўра, ҳуқуқбузарликлар профилактикаси ва жиноятчиликка қарши курашда муносиб ҳисса қўшган, хизмат ёки илмий фаолиятида юқори натижаларга эришган ички ишлар органларининг амалдаги ходимлари фарзандлари учун (кейинги ўринларда — ходимларнинг фарзандлари) беш фоизли квота ажратилади (Ички ишлар вазирлиги ҳузуридаги Қўриқлаш департаменти ҳамда унинг ҳудудий бўлинмалари ходимлари бундан мустасно):

республика олий таълим муассасаларига — давлат гранти асосида олий таълим муассасалари бакалавриати (иккинчи таълимдан ташқари)га умумий белгиланган қабул кўрсаткичлари квотасидан ташқари;

ҳарбий таълим муассасаларига — курсант (ўқувчи)ларнинг умумий қабул сонидан.

Белгилансинки:

ходимларнинг фарзандларини ажратилган беш фоизли квоталар доирасида олий таълим муассасаларига қабул қилиш Ўзбекистон Республикаси ички ишлар вазирининг тавсияномаси бўйича танлов асосида амалга оширилади ҳамда ўринлар олий таълим муассасаларига ўқишга кириш имтиҳонлари натижалари бўйича тўпланган баллардан келиб чиқиб, абитуриент кириш имтиҳонларининг олий таълим муассасаларидан ва таълим йўналишлари (фанлар блоки)дан қатъи назар республика бўйича энг юқори баллидан камида ўттиз фоизини тўплаган тақдирда, кетма-кетлик тартибида тақсимланади;

ходимларнинг фарзандларини ажратилган беш фоизли квоталар доирасида ҳарбий таълим муассасаларига қабул қилиш дастлабки ва касбий танлов натижалари, шунингдек Ўзбекистон Республикаси ички ишлар вазирининг тавсияномаси асосида амалга оширилади;

ходимлар, шу жумладан ҳалок бўлган ходимларнинг фарзандларини олий таълим муассасалари ва ҳарбий таълим муассасаларига ўқишга қабул қилиш учун тавсиянома (кейинги ўринларда — тавсиянома) Ўзбекистон Республикаси ички ишлар вазири томонидан вазирлик Маънавий-маърифий ишлар ва кадрлар билан таъминлаш департаменти бошлиғининг илтимосномаси асосида берилади;

тавсиянома бир олий таълим муассасаси ёки ҳарбий таълим муассасасига бир марта кириш учун уч йилдан кўп бўлмаган муддатга берилади;

ходимларнинг фарзандларида ушбу қарорда кўзда тутилган тавсиянома билан бир қаторда муддатли ҳарбий хизматни ўтаганлиги бўйича ҳарбий қисм қўмондонлигининг тавсияномаси ҳам мавжуд бўлса, уларни танлов асосида қабул қилиш қўмондонлик тавсияномасида белгиланган қўшимча балларни ҳисобга олган ҳолда амалга оширилади;

тавсиянома бланклари қатъий ҳисобда турувчи, ҳисоб серияси, рақами ва ҳимояланганлик даражасига эга бўлган ҳужжат бўлиб, «Давлат белгиси» давлат ишлаб чиқариш бирлашмаси томонидан тайёрланади.

4. Ўзбекистон Республикаси Ички ишлар вазирлиги Маънавий-маърифий ишлар ва кадрлар билан таъминлаш департаменти бошлиғига тавсиянома бериш тўғрисида илтимоснома киритиш борасида қарорлар қабул қилишда холисликни таъминлаш ва коррупция ҳолатларига йўл қўймаслик бўйича шахсий жавобгарлик юклансин.

5. Ўзбекистон Республикаси ички ишлар вазирига ички ишлар органлари ходимларининг маънавий-руҳий ҳолатини мустаҳкамлаш мақсадида бюджетдан ташқари маблағлар ҳисобидан шартнома асосида психолог-мутахассисларни, уларнинг меҳнатига ҳақ тўлаш миқдорини меҳнат бозорининг амалдаги конъюнктурасини ҳисобга олиб белгилаган ҳолда жалб этиш ҳуқуқи берилсин.

6. Белгилансинки, терроризмга ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ички ишлар органлари ходимларининг оила аъзолари (вояга етмаган фарзандлари, болалигидан ногиронлиги бўлган фарзандлари, ота-онаси, турмуш ўртоғи), шунингдек ушбу ҳолатларда олган жароҳати туфайли ногирон бўлиб қолган ходимлар:

ички ишлар органлари тиббий муассасалари хизматидан бепул фойдаланиш;

Ўзбекистон Республикаси Ички ишлар вазирлиги санаторий-курорт муассасалари жойлашган жойга шаҳарлараро (ҳаво ва темир йўл) транспортда бепул бориш ва қайтиш ҳуқуқига эга.

7. Қуйидагиларга турар-жой хизмати бўйича коммунал ва бошқа кўрсатилган хизматлар тўлови учун ҳар ярим йилда бир марта қонун ҳужжатларида белгиланган базавий ҳисоблаш миқдорининг уч баравари миқдорида пул компенсацияси тўлови жорий этилсин:

терроризмга ва жиноятчиликка қарши курашиш ҳамда жамоат хавфсизлигини таъминлаш чоғида олган жароҳати туфайли ногирон бўлиб қолган ички ишлар органлари ходимларига;

қарамоғида терроризмга ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ички ишлар органлари ходимларининг вояга етмаган фарзандлари бўлган шахсларга.

8. Белгилансинки, мазкур қарорнинг 6 ва 7-бандлари :

Ўзбекистон Республикаси Ички ишлар вазирлигининг бюджетдан ташқари маблағлари ҳисобидан амалга оширилади;

ҳарбий хизмат мажбуриятларини бажариш чоғида олган жароҳати туфайли ногирон бўлиб қолган ёки ҳалок бўлган Ўзбекистон Республикаси Ички ишлар вазирлигининг ҳарбий хизматчиларига нисбатан ҳам татбиқ этилади.

9. Ўзбекистон Республикаси Ички ишлар вазирлиги:

Ўзбекистон касаба уюшмалари Федерацияси Кенгаши билан биргаликда тегишли мурожаатлар асосида терроризмга ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ички ишлар органлари ходимларининг оила аъзолари (вояга етмаган фарзандлари, болалигидан ногиронлиги бўлган фарзандлари, ота-онаси, турмуш ўртоғи)га, шунингдек ушбу ҳолатларда олган жароҳати туфайли ногирон бўлиб қолган ходимларга республика санаторий-курорт муассасаларига йилига бир марта, харажатлари Ўзбекистон касаба уюшмалари Федерацияси Кенгаши маблағлари ҳисобидан қопланадиган йўлланмалар ажратилишини таъминласин;

Ўзбекистон Республикаси Соғлиқни сақлаш вазирлиги билан биргаликда бир ой муддатда ички ишлар органлари ходимларини терроризмга ва жиноятчиликка қарши курашиш ҳамда жамоат хавфсизлигини таъминлаш чоғида ҳалок бўлган ёки олган жароҳати туфайли ногирон бўлиб қолган деб топишнинг тартиби ва аниқ мезонларини ишлаб чиқсин ва тасдиқласин;

Олий ва ўрта махсус таълим вазирлиги билан биргаликда бир ой муддатда Ўзбекистон Республикаси Вазирлар Маҳкамасига ушбу қарордан келиб чиққан ҳолда Ички ишлар органлари ходимлари фарзандларини республика таълим муассасаларига қабул қилиш учун тавсиянома (тақдимнома) бериш тартиби тўғрисидаги низомни тасдиқлаш ҳақидаги Ҳукумат қарори лойиҳасини киритсин;

уч ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида таклифлар киритсин.

10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.А. Абдуҳакимов, Ўзбекистон Республикаси Президенти маслаҳатчиси А.А. Абдувахитов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 26 февраль,

ПҚ-4212-сон

lex.uz

Oʻzbekiston Respublikasi Prezidentining

Qarori

Ichki ishlar organlari xodimlari va ularning oila aʼzolarini ijtimoiy himoya qilishni yanada kuchaytirish chora-tadbirlari toʻgʻrisida

Soʻnggi yillarda mamlakatimizda ichki ishlar organlari faoliyatini takomillashtirishga qaratilgan keng qamrovli islohotlar olib borildi va kompleks chora-tadbirlar amalga oshirildi. Har bir xodimning “Xalq manfaatlariga xizmat qilish”dan iborat oʻz xizmat burchini soʻzsiz ado etishi ushbu faoliyatning asosiga aylandi.

Yurtimizda tinchlik va osoyishtalikni samarali taʼminlash sohasida yuqori natijaga erishish koʻp jihatdan ichki ishlar organlari xodimlarining doimiy shayligi va kasbiy tayyorgarlik darajasiga, ularning inson huquq va erkinliklari, davlat va jamiyat manfaatlari himoyasi yoʻlidagi fidoyiligi va jasoratiga bogʻliq.

Ichki ishlar organlarida xizmat oʻtash amaliyotini oʻrganish natijalari huquqbuzarliklar profilaktikasi va jinoyatchilikka qarshi kurashish borasidagi bugungi kun talablari sharoitida oʻz hayoti va sogʻligʻini ayamay terrorizm va jinoyatchilikka munosib qarshilik koʻrsatgan, xizmat vazifalarini bajarish chogʻida qahramonlik hamda jasorat namoyon etgan xodimlarni va ularning oila aʼzolarini davlat tomonidan ijtimoiy qoʻllab-quvvatlash chora-tadbirlari tizimini yoʻlga qoʻyishning dolzarbligi ortayotganligidan dalolat bermoqda.

Huquqbuzarliklar profilaktikasi va jinoyatchilikka qarshi kurashish yoʻlida xizmat oʻtash hayot uchun yuqori xatarga ega ekanligini inobatga olgan holda ichki ishlar organlari xodimlari va ularning oila aʼzolarining ijtimoiy himoyasini yanada kuchaytirish hamda maʼnaviy-ruhiy holatini mustahkamlash maqsadida:

1. Belgilansinki, 2026/2027 oʻquv yilidan boshlab:

terrorizm, jinoyatchilikka qarshi kurashish hamda jamoat xavfsizligini taʼminlash yoki bevosita xizmat majburiyatlarini bajarish chogʻida halok boʻlgan yoki olgan jarohati tufayli nogiron boʻlib qolgan ichki ishlar organlari xodimlarining farzandlari (keyingi oʻrinlarda — halok boʻlgan xodimlarning farzandlari) Oʻzbekiston Respublikasi ichki ishlar vazirining tavsiyanomasi asosida belgilangan qabul kvotalaridan tashqari davlat granti asosida Oʻzbekiston Respublikasi davlat oliy taʼlim muassasalari (keyingi oʻrinlarda — oliy taʼlim muassasalari)ning bakalavriatiga (ikkinchi taʼlimdan tashqari) kirish imtihonlarisiz qabul qilinadilar;

halok boʻlgan xodimlarning farzandlari Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya va Davlat bojxona qoʻmitasining oliy (magistratura, ikkinchi va oliy oʻquv yurtidan keyingi taʼlimdan tashqari) va oʻrta maxsus taʼlim muassasalari (keyingi oʻrinlarda — harbiy taʼlim muassasalari)ga qabul kvotalaridan tashqari dastlabki va kasbiy tanlov natijalari, shuningdek ichki ishlar vazirining tavsiyanomasi asosida qabul qilinadilar.

2. 2019-yil 1-martdan boshlab Oʻzbekiston Respublikasi ichki ishlar vaziriga toʻlov-shartnoma (oshirilgan toʻlov-shartnoma stavkasi bundan mustasno) asosida oliy taʼlim muassasalari bakalavriatiga (ikkinchi taʼlimdan tashqari) oʻqishga mazkur qaror qabul qilingunga qadar kirgan, shuningdek oʻqish davomida ushbu holatlarda ota-onasini yoʻqotgan taqdirda:

terrorizmga va jinoyatchilikka qarshi kurashish hamda jamoat xavfsizligini taʼminlash chogʻida halok boʻlgan ichki ishlar organlari xodimlarining farzandlariga — shartnomalarning toʻliq hajmini;

terrorizmga va jinoyatchilikka qarshi kurashish hamda jamoat xavfsizligini taʼminlash chogʻida olgan jarohati tufayli nogiron boʻlib qolgan ichki ishlar organlari xodimlarining farzandlariga — shartnomalarning ellik foizi miqdorida budjetdan tashqari mablagʻlar hisobidan toʻlashga ruxsat berilsin.

3. 2019/2020 oʻquv yilidan boshlab shunday tartib joriy etilsinki, unga koʻra, huquqbuzarliklar profilaktikasi va jinoyatchilikka qarshi kurashda munosib hissa qoʻshgan, xizmat yoki ilmiy faoliyatida yuqori natijalarga erishgan ichki ishlar organlarining amaldagi xodimlari farzandlari uchun (keyingi oʻrinlarda — xodimlarning farzandlari) besh foizli kvota ajratiladi (Ichki ishlar vazirligi huzuridagi Qoʻriqlash departamenti hamda uning hududiy boʻlinmalari xodimlari bundan mustasno):

respublika oliy taʼlim muassasalariga — davlat granti asosida oliy taʼlim muassasalari bakalavriati (ikkinchi taʼlimdan tashqari)ga umumiy belgilangan qabul koʻrsatkichlari kvotasidan tashqari;

harbiy taʼlim muassasalariga — kursant (oʻquvchi)larning umumiy qabul sonidan.

Belgilansinki:

xodimlarning farzandlarini ajratilgan besh foizli kvotalar doirasida oliy taʼlim muassasalariga qabul qilish Oʻzbekiston Respublikasi ichki ishlar vazirining tavsiyanomasi boʻyicha tanlov asosida amalga oshiriladi hamda oʻrinlar oliy taʼlim muassasalariga oʻqishga kirish imtihonlari natijalari boʻyicha toʻplangan ballardan kelib chiqib, abituriyent kirish imtihonlarining oliy taʼlim muassasalaridan va taʼlim yoʻnalishlari (fanlar bloki)dan qatʼi nazar respublika boʻyicha eng yuqori ballidan kamida oʻttiz foizini toʻplagan taqdirda, ketma-ketlik tartibida taqsimlanadi;

xodimlarning farzandlarini ajratilgan besh foizli kvotalar doirasida harbiy taʼlim muassasalariga qabul qilish dastlabki va kasbiy tanlov natijalari, shuningdek Oʻzbekiston Respublikasi ichki ishlar vazirining tavsiyanomasi asosida amalga oshiriladi;

xodimlar, shu jumladan halok boʻlgan xodimlarning farzandlarini oliy taʼlim muassasalari va harbiy taʼlim muassasalariga oʻqishga qabul qilish uchun tavsiyanoma (keyingi oʻrinlarda — tavsiyanoma) Oʻzbekiston Respublikasi ichki ishlar vaziri tomonidan vazirlik Maʼnaviy-maʼrifiy ishlar va kadrlar bilan taʼminlash departamenti boshligʻining iltimosnomasi asosida beriladi;

tavsiyanoma bir oliy taʼlim muassasasi yoki harbiy taʼlim muassasasiga bir marta kirish uchun uch yildan koʻp boʻlmagan muddatga beriladi;

xodimlarning farzandlarida ushbu qarorda koʻzda tutilgan tavsiyanoma bilan bir qatorda muddatli harbiy xizmatni oʻtaganligi boʻyicha harbiy qism qoʻmondonligining tavsiyanomasi ham mavjud boʻlsa, ularni tanlov asosida qabul qilish qoʻmondonlik tavsiyanomasida belgilangan qoʻshimcha ballarni hisobga olgan holda amalga oshiriladi;

tavsiyanoma blanklari qatʼiy hisobda turuvchi, hisob seriyasi, raqami va himoyalanganlik darajasiga ega boʻlgan hujjat boʻlib, “Davlat belgisi” davlat ishlab chiqarish birlashmasi tomonidan tayyorlanadi.

4. Oʻzbekiston Respublikasi Ichki ishlar vazirligi Maʼnaviy-maʼrifiy ishlar va kadrlar bilan taʼminlash departamenti boshligʻiga tavsiyanoma berish toʻgʻrisida iltimosnoma kiritish borasida qarorlar qabul qilishda xolislikni taʼminlash va korrupsiya holatlariga yoʻl qoʻymaslik boʻyicha shaxsiy javobgarlik yuklansin.

5. Oʻzbekiston Respublikasi ichki ishlar vaziriga ichki ishlar organlari xodimlarining maʼnaviy-ruhiy holatini mustahkamlash maqsadida budjetdan tashqari mablagʻlar hisobidan shartnoma asosida psixolog-mutaxassislarni, ularning mehnatiga haq toʻlash miqdorini mehnat bozorining amaldagi konyunkturasini hisobga olib belgilagan holda jalb etish huquqi berilsin.

6. Belgilansinki, terrorizmga va jinoyatchilikka qarshi kurashish hamda jamoat xavfsizligini taʼminlash chogʻida halok boʻlgan ichki ishlar organlari xodimlarining oila aʼzolari (voyaga yetmagan farzandlari, bolaligidan nogironligi boʻlgan farzandlari, ota-onasi, turmush oʻrtogʻi), shuningdek ushbu holatlarda olgan jarohati tufayli nogiron boʻlib qolgan xodimlar:

ichki ishlar organlari tibbiy muassasalari xizmatidan bepul foydalanish;

Oʻzbekiston Respublikasi Ichki ishlar vazirligi sanatoriy-kurort muassasalari joylashgan joyga shaharlararo (havo va temir yoʻl) transportda bepul borish va qaytish huquqiga ega.

7. Quyidagilarga turar-joy xizmati boʻyicha kommunal va boshqa koʻrsatilgan xizmatlar toʻlovi uchun har yarim yilda bir marta qonun hujjatlarida belgilangan bazaviy hisoblash miqdorining uch baravari miqdorida pul kompensatsiyasi toʻlovi joriy etilsin:

terrorizmga va jinoyatchilikka qarshi kurashish hamda jamoat xavfsizligini taʼminlash chogʻida olgan jarohati tufayli nogiron boʻlib qolgan ichki ishlar organlari xodimlariga;

qaramogʻida terrorizmga va jinoyatchilikka qarshi kurashish hamda jamoat xavfsizligini taʼminlash chogʻida halok boʻlgan ichki ishlar organlari xodimlarining voyaga yetmagan farzandlari boʻlgan shaxslarga.

8. Belgilansinki, mazkur qarorning 6 va 7-bandlari :

Oʻzbekiston Respublikasi Ichki ishlar vazirligining budjetdan tashqari mablagʻlari hisobidan amalga oshiriladi;

harbiy xizmat majburiyatlarini bajarish chogʻida olgan jarohati tufayli nogiron boʻlib qolgan yoki halok boʻlgan Oʻzbekiston Respublikasi Ichki ishlar vazirligining harbiy xizmatchilariga nisbatan ham tatbiq etiladi.

9. Oʻzbekiston Respublikasi Ichki ishlar vazirligi:

Oʻzbekiston kasaba uyushmalari Federatsiyasi Kengashi bilan birgalikda tegishli murojaatlar asosida terrorizmga va jinoyatchilikka qarshi kurashish hamda jamoat xavfsizligini taʼminlash chogʻida halok boʻlgan ichki ishlar organlari xodimlarining oila aʼzolari (voyaga yetmagan farzandlari, bolaligidan nogironligi boʻlgan farzandlari, ota-onasi, turmush oʻrtogʻi)ga, shuningdek ushbu holatlarda olgan jarohati tufayli nogiron boʻlib qolgan xodimlarga respublika sanatoriy-kurort muassasalariga yiliga bir marta, xarajatlari Oʻzbekiston kasaba uyushmalari Federatsiyasi Kengashi mablagʻlari hisobidan qoplanadigan yoʻllanmalar ajratilishini taʼminlasin;

Oʻzbekiston Respublikasi Sogʻliqni saqlash vazirligi bilan birgalikda bir oy muddatda ichki ishlar organlari xodimlarini terrorizmga va jinoyatchilikka qarshi kurashish hamda jamoat xavfsizligini taʼminlash chogʻida halok boʻlgan yoki olgan jarohati tufayli nogiron boʻlib qolgan deb topishning tartibi va aniq mezonlarini ishlab chiqsin va tasdiqlasin;

Oliy va oʻrta maxsus taʼlim vazirligi bilan birgalikda bir oy muddatda Oʻzbekiston Respublikasi Vazirlar Mahkamasiga ushbu qarordan kelib chiqqan holda Ichki ishlar organlari xodimlari farzandlarini respublika taʼlim muassasalariga qabul qilish uchun tavsiyanoma (taqdimnoma) berish tartibi toʻgʻrisidagi nizomni tasdiqlash haqidagi Hukumat qarori loyihasini kiritsin;

uch oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida takliflar kiritsin.

10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari A.A. Abduhakimov, Oʻzbekiston Respublikasi Prezidenti maslahatchisi A.A. Abduvaxitov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 26-fevral,

PQ-4212-son

lex.uz

Президента Республики Узбекистан

Постановление

О мерах по дальнейшему усилению социальной защиты сотрудников органов внутренних дел и членов их семей

В последние годы в стране проведены масштабные реформы и приняты комплексные меры, направленные на совершенствование деятельности органов внутренних дел, основой для которой стало безусловное выполнение каждым сотрудником своего служебного долга — «Служить интересам народа».

Достижение результативности в сфере эффективного обеспечения мира и спокойствия в стране во многом зависит от постоянной готовности и профессионального уровня сотрудников органов внутренних дел, их самоотверженности и мужества во благо защиты прав и свобод человека, интересов общества и государства.

Изучение практики несения службы в органах внутренних дел свидетельствует, что в условиях современных требований к профилактике правонарушений и борьбе с преступностью повышается актуальность налаживания системы мер государственной социальной поддержки сотрудников, ценой своей жизни и здоровья оказавших достойное сопротивление проявлениям терроризма, преступности, непосредственно проявивших отвагу и героизм при выполнении своего служебного долга, а также членов их семей.

В целях дальнейшего усиления социальной защиты и укрепления морально-психологического состояния сотрудников органов внутренних дел и членов их семей, с учетом повышенного жизненного риска несения службы по профилактике правонарушений и борьбе с преступностью:

1. Установить, что, начиная с 2026/2027 учебного года:

дети сотрудников органов внутренних дел, погибших или ставших инвалидами ввиду ранения в ходе противодействия терроризму, борьбы с преступностью и обеспечения общественной безопасности или непосредственного выполнения служебных обязанностей (далее — дети погибших сотрудников), зачисляются в бакалавриат (за исключением второго образования) государственных высших образовательных учреждений Республики Узбекистан (далее — высшие образовательные учреждения) без вступительных экзаменов вне установленных квот на основе государственных грантов по рекомендации министра внутренних дел Республики Узбекистан;

дети погибших сотрудников зачисляются в высшие (за исключением магистратуры, второго и послевузовского образования) и средние специальные образовательные учреждения Министерства обороны, Министерства внутренних дел, Министерства по чрезвычайным ситуациям, Национальной гвардии и Государственного таможенного комитета (далее — военные образовательные учреждения) вне установленных квот на основании результатов предварительного и профессионального отбора, а также рекомендации министра внутренних дел Республики Узбекистан.

2. Разрешить министру внутренних дел Республики Узбекистан с 1 марта 2019 года оплачивать за счет внебюджетных средств сумму контракта (за исключением повышенной ставки контракта) детям погибших сотрудников, поступившим в бакалавриат (за исключением второго образования) высших образовательных учреждений на платно-контрактной основе до выхода настоящего постановления, а также при потере в данном случае родителя в период обучения:

в полном объеме — детям сотрудников органов внутренних дел, погибших в ходе противодействия терроризму, борьбы с преступностью и обеспечения общественной безопасности;

в объеме пятидесяти процентов — детям сотрудников органов внутренних дел, ставших инвалидами ввиду ранения в ходе противодействия терроризму, борьбы с преступностью и обеспечения общественной безопасности.

3. Ввести с 2019/2020 учебного года порядок, согласно которому для детей действующих сотрудников органов внутренних дел, внесших достойный вклад в профилактику правонарушений и борьбу с преступностью, достигших высоких результатов в служебной или научной деятельности (далее — дети сотрудников), выделяются пятипроцентная квота (за исключением сотрудников Департамента охраны при Министерстве внутренних дел и его территориальных подразделений):

в бакалавриат (за исключением второго образования) высших образовательных учреждений республики вне квоты общих установленных показателей приема в высшие образовательные учреждения на основе государственного гранта;

в военные образовательные учреждения от общего количества приема курсантов (учащихся);

Определить, что:

зачисление детей сотрудников в высшие образовательные учреждения в пределах выделенной пятипроцентной квоты осуществляется по рекомендации министра внутренних дел Республики Узбекистан на конкурсной основе и места распределяются в порядке очередности, исходя из набранных баллов по итогам вступительных экзаменов в высшие образовательные учреждения, при условии набора абитуриентом не менее тридцати процентов от максимального балла вступительных экзаменов по республике, независимо от высших образовательных учреждений и направлений образования (блока предметов);

зачисление детей сотрудников в военные образовательные учреждения в пределах выделенной пятипроцентной квоты осуществляется на основании результатов предварительного и профессионального отбора, а также рекомендации министра внутренних дел Республики Узбекистан;

рекомендации для поступления детей сотрудников, в том числе погибших, в высшие образовательные учреждения и военные образовательные учреждения (далее — рекомендации) выдаются министром внутренних дел Республики Узбекистан на основании ходатайства начальника Департамента духовно-просветительской работы и кадрового обеспечения;

рекомендации выдаются для разового поступления в одно высшее образовательное учреждение или военное образовательное учреждение на срок не более трех лет;

при наличии у детей сотрудников рекомендаций командования воинской части по окончании срочной военной службы наряду с рекомендациями, предусмотренными настоящим постановлением, их зачисление на конкурсной основе осуществляется с учетом дополнительно набранных баллов, установленных в рекомендации командования;

бланки рекомендаций являются документами строгой отчетности, имеют учетную серию, номер и уровень защищенности, изготавливаются Государственным производственным объединением «Давлат белгиси».

4. Возложить на начальника Департамента духовно-просветительской работы и кадрового обеспечения Министерства внутренних дел Республики Узбекистан персональную ответственность за объективность и недопущение коррупционных проявлений при принятии решений о ходатайстве в выдаче рекомендаций.

5. Предоставить министру внутренних дел Республики Узбекистан право за счет внебюджетных средств в целях укрепления морально-психологического состояния сотрудников органов внутренних дел привлекать на договорной основе специалистов-психологов с определением размера оплаты их труда с учетом фактической конъюнктуры на рынке труда.

6. Установить, что члены семей (несовершеннолетние дети, дети с инвалидностью с детства, родители, супруга, супруг) сотрудников органов внутренних дел, погибших в ходе противодействия терроризму, борьбы с преступностью и обеспечения общественной безопасности, а также сотрудники, ставшие в этом случае инвалидами ввиду ранения, имеют право на:

бесплатное обслуживание в медицинских учреждениях органов внутренних дел;

бесплатный проезд на междугородном (воздушном и железнодорожном) транспорте к месту расположения санаторно-курортного учреждения Министерства внутренних дел Республики Узбекистан и обратно.

7. Ввести выплату денежной компенсации расходов на оплату коммунальных и иных услуг по жилищному обслуживанию каждые полгода в сумме трех базовых расчетных величин, установленной законодательством, для:

сотрудников органов внутренних дел, ставших инвалидами ввиду ранения в ходе противодействия терроризму, борьбы с преступностью и обеспечения общественной безопасности;

лиц, на иждивении которых находятся несовершеннолетние дети сотрудников органов внутренних дел, погибших в ходе противодействия терроризму, борьбы с преступностью и обеспечения общественной безопасности.

8. Определить, что реализация пунктов 6 и 7 настоящего постановления:

осуществляется за счет внебюджетных средств Министерства внутренних дел Республики Узбекистан;

распространяется на военнослужащих Министерства внутренних дел Республики Узбекистан, погибших или ставших инвалидами ввиду ранения при исполнении обязанностей военной службы.

9. Министерству внутренних дел Республики Узбекистан:

совместно с Советом Федерации профсоюзов Узбекистана обеспечить на основании соответствующих обращений выделение не более одного раза в год членам семей (несовершеннолетним детям, дети с инвалидностью с детства, родителям, супруге, супругу) сотрудников органов внутренних дел, погибших в ходе противодействия терроризму, борьбы с преступностью и обеспечения общественной безопасности, а также сотрудникам, ставших в этом случае инвалидами ввиду ранения, направлений в санаторно-курортные учреждения республики, расходы на которые покрываются за счет средств Совета Федерации профсоюзов Узбекистана;

совместно с Министерством здравоохранения Республики Узбекистан в месячный срок разработать и утвердить порядок и конкретные критерии отнесения сотрудников органов внутренних дел к числу погибших или ставших инвалидами ввиду ранения в ходе противодействия терроризму, борьбы с преступностью и обеспечения общественной безопасности;

совместно с Министерством высшего и среднего специального образования в месячный срок внести в Кабинет Министров Республики Узбекистан проект постановления Правительства, утверждающего Положение о порядке выдачи рекомендаций (представлений) для поступления детей сотрудников органов внутренних дел в образовательные учреждения республики с учетом настоящего постановления;

в трехмесячный срок внести предложения об изменениях и дополнениях в законодательство, вытекающих из настоящего постановления.

10. Контроль за исполнением настоящего постановления возложить на заместителя Премьер-министра Республики Узбекистан А.А. Абдухакимова, советника Президента Республики Узбекистан А.А. Абдувахитова и первого заместителя советника Президента Республики Узбекистан Б.М. Мавлонова.

Президент Республики Узбекистан Ш. МИРЗИЁЕВ

г. Ташкент,

26 февраля 2019 г.,

№ ПП-4212

lex.uz