📅 2019-yil 22-aprel · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 22 апрель · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 апреля 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 22 April 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
НАМУНАВИЙ ЙИЛЛИК РЕЖА
СЎРОВНОМА
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматларини кўрсатиш тартиби тўғрисида низомни тасдиқлаш ҳақида
Ўзбекистон Республикаси Президентининг «Ёшларни маънавий-ахлоқий ва жисмоний баркамол этиб тарбиялаш, уларга таълим-тарбия бериш тизимини сифат жиҳатидан янги босқичга кўтариш чора-тадбирлари тўғрисида» 2018 йил 14 августдаги ПҚ-3907-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низом иловага мувофиқ тасдиқлансин.
2. Ўзбекистон Республикаси Халқ таълими вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Ўзбекистон Республикаси халқ таълими вазири Ш.Х. Шерматов зиммасига юклансин.
Вазирлар Маҳкамасининг 2019 йил 22 апрелдаги 343-сон қарорига ИЛОВА
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматларини кўрсатиш тартиби тўғрисида
1-боб. Умумий қоидалар
1. Ушбу Низом Ўзбекистон Республикаси Халқ таълими вазирлиги тизимидаги умумий ўрта таълим муассасаларида (кейинги ўринларда мактаблар деб аталади) ўқувчилар учун ихтиёрийлик асосида ташкил этиладиган пуллик таълим хизматлари кўрсатиш тартибини белгилайди.
Пуллик таълим хизматлари зарур моддий-техника базаси ҳамда тегишли педагог ходимларга эга бўлган ёки тегишли мутахассис жалб қилинган ҳолда мактабларда ташкил қилиниши мумкин.
Бунда пуллик таълим хизматларини кўрсатиш ўқувчининг мактабларда ўқув дастури бўйича олиб бориладиган таълим-тарбия жараёнига халақит бермаслиги керак.
Мактабларида ўқувчилар учун ташкил этиладиган пуллик таълим хизматлари кўрсатиш ушбу Низомга 1-иловага мувофиқ схема бўйича кўрсатилади.
2. Мактабларда ташкил этиладиган қўшимча таълим беришга қаратилган пуллик таълим хизматлари мактабларнинг ўқув дастурларида назарда тутилмаган (давлат таълим стандартларидан ташқари) машғулотлар бўйича мактаб директори ва ўқувчиларнинг ота-онаси ёки уларнинг ўрнини босувчи шахслар (кейинги ўринларда буюртмачи деб аталади) ўртасида тузиладиган шартнома асосида кўрсатилади.
3. Мактабнинг ўқув дастурларида назарда тутилмаган (давлат таълим стандартларидан ташқари) машғулотлар бўйича пуллик таълим хизматлари кўрсатишга қаратилган йўналишлар (аниқ, ижтимоий-гуманитар, табиий фанлар, тўгараклар ва спорт секциялари) қонунчиликка мувофиқ ҳолда ташкил этилади.
4. Мактабларда ташкил этиладиган пуллик таълим хизматларига директор ва педагоглар томонидан ўқувчиларни мажбурий тартибда жалб этилишига йўл қўйилмайди.
2-боб. Пуллик таълим хизматлари кўрсатишни ташкил этиш
5. Мактабларда пуллик таълим хизматлари кўрсатиш мактабларнинг пуллик таълим хизматлари кўрсатишни ташкил этиш бўйича йиллик режаси (кейинги ўринларда йиллик режа деб аталади) асосида ташкил этилади.
6. Йиллик режа мактаблар томонидан ҳар календарь йили бошлангунга қадар ушбу Низомга 3-иловага мувофиқ шаклда ишлаб чиқилади ва келишиш учун мактабнинг Кузатув кенгашига (кейинги ўринда Кузатув кенгаши деб аталади) киритилади.
Буюртмачиларнинг талабларига кўра, ўқувчиларга индивидуал тарзда машғулотлар ўтказилиши мумкин.
7. Кузатув кенгаши ҳар календарь йилнинг бошида ўтказиладиган биринчи йиғилишда мактаб томонидан тақдим этилган келгуси йил учун йиллик режани кўриб чиқади ва тасдиқлайди.
Йиллик режа Ўзбекистон Республикаси Халқ таълими вазирлигининг Интернет жаҳон ахборот тармоғидаги расмий веб-сайти ёки мактабларнинг расмий веб-сайтларига жойлаштирилади.
8. Мактабда пуллик таълим хизмат кўрсатишга, биринчи навбатда, шу мактабда фаолият юритаётган ўқитувчилар шартнома асосида жалб этилади.
Буюртмачилар томонидан келиб тушадиган маблағлар (лекин 50 фоизидан кам бўлмаган миқдори) ўқитувчиларга ҳақ тўлашга йўналтирилиши мумкин. Бунда қонунчиликда белгиланган солиқлар ва йиғимлар мазкур суммадан чегириб олинади.
9. Таълим хизматлари нархлари Кузатув кенгаши билан келишилган ҳолда мактаб директори томонидан тасдиқланади.
10. Пуллик таълим хизматлари кўрсатиш тўғрисидаги шартнома бўйича тўловлар белгиланган тартибда банклар орқали мактабнинг Ўзбекистон Республикаси Молия вазирлигининг тегишли ғазначилик бўлимларида очилган шахсий ғазначилик ҳисобварақларига нақд пул ёки пул ўтказиш йўли билан амалга оширилади.
Буюртмачи томонидан пул маблағларини нақд пул ёки пул ўтказиш йўли орқали тўланишидан қатъий назар, мактабда амалга оширилиши қатъиян тақиқланади.
11. Пуллик таълим хизматлари кўрсатишдан тушган маблағлар харажатлар тури бўйича шартнома асосида пуллик таълим хизматлари кўрсатиш мақсадида жалб этилган ўқитувчиларга тўланадиган тўловлар, солиқ ва йиғимлар, машғулотларни ташкил этиш учун моддий-техник таъминот харажатлари қоплангандан сўнг мактабнинг раҳбар ва педагог ходимларини моддий рағбатлантиришга ва бошқа харажатларга Кузатув кенгаши билан келишилган ҳолда йўналтирилади.
3-боб. Пуллик таълим хизматлари кўрсатишда томонларнинг ҳуқуқлари ва мажбуриятлари
12. Пуллик таълим хизматлари кўрсатувчи мактаб:
пуллик таълим хизматлари кўрсатиш доирасида ўқув режаси ва дастурлари, мактаб ички қоидалари, тартиб ва талаблари, машғулот жараёнида ўқув интизомига риоя этишини, ўқитувчиларга ҳурматда бўлиш ҳамда мактаб мулкини ҳимоя қилишни талаб қилиш;
буюртмачидан шартномада белгиланган тўловларни ўз вақтида тўлашни талаб қилиш ва ушбу талаб бажарилмаса, ўқувчини пуллик таълим хизматлари бўйича машғулотлардан четлаштириш ҳуқуқига эга.
Пуллик таълим хизматлари кўрсатувчи мактаб қонунчиликка мувофиқ бошқа ҳуқуқларга ҳам эга бўлиши мумкин.
13. Пуллик таълим хизматлари кўрсатувчи мактаб:
машғулотларни мактабдан ташқари давлат таълим стандарти, пуллик таълим хизматлари кўрсатиш доирасида ўқув режаси ва дастурларига мувофиқ ташкил этишга;
машғулотлар жараёнларига малакали ўқитувчиларни жалб этиш, илғор таълим технологияларини, замонавий компьютер ва ахборот-коммуникация технологиялари ва воситаларини жорий этишга;
ўқувчида билим олиш салоҳиятини шакллантириш мақсадида ўқув режасига қўшимча равишда турли интерактив дарслар ташкил этишга;
машғулотларда ўқувчига мактабнинг мавжуд ўқув-услубий, ахборот-ресурс ва моддий-техника базасига мувофиқ ўқиш учун барча зарур шарт-шароитларни яратишга;
машғулотлар учун белгиланган тўлов миқдори тўғрисидаги маълумотни ўз вақтида (ўқув жараёни бошланишидан 10 кун олдин) буюртмачиларга етказиш ва уларни белгиланган тартибда кўрсатиладиган пуллик таълим хизматлари шартлари билан таништиришга мажбур.
Пуллик таълим хизматлари кўрсатувчи мактаб қонунчиликка мувофиқ бошқа мажбуриятларни ҳам олиши мумкин.
14. Буюртмачи:
кўрсатиладиган пуллик таълим хизматлари, шу жумладан ўқув режалари ва дастурлари, ўқувчиларни баҳолаш тартиби ва мезонлари билан танишиш;
тузилган шартномага мувофиқ мактабдан ўқувчининг танлаган таълим йўналиши бўйича пуллик таълим хизматлари кўрсатишни талаб қилиш, тегишли ўқитувчилардан маслаҳатлар сўраш ҳуқуқига эга.
Буюртмачи қонунчиликка мувофиқ бошқа ҳуқуқларга ҳам эга бўлиши мумкин.
15. Буюртмачи:
кўрсатилаётган пуллик таълим хизматларининг бир календарь ойи учун белгиланган тўлов миқдорини шартнома талабларига мувофиқ тўлиқ ҳажмда ва ўз вақтида тўлашга;
шартнома талабларига сўзсиз амал қилиш мақсадида ва шартномада кўрсатилган қўшимча таълим ва бошқа хизматлардан фойдаланиш учун ўқувчининг дарсларга мунтазам равишда қатнашишини таъминлашга;
ўқувчи томонидан мактабининг мулкига етказилган моддий зарарни қоплашга мажбур.
Буюртмачи қонунчиликка мувофиқ бошқа мажбуриятларни ҳам олиши мумкин.
4-боб. Якунловчи қоидалар
16. Кузатув кенгаши мунтазам (бир йилда камида 2 марта) ўқувчилар ва буюртмачилар ўртасида мактаб томонидан кўрсатилаётган пуллик таълим хизматлари сифатини аниқлаш мақсадида ушбу Низомга 4-иловага мувофиқ сўровнома ўтказиб боради.
17. Ўзбекистон Республикаси Халқ таълими вазирлиги ва бошқа ваколатли давлат органлари мактабларда пуллик таълим хизматларининг ташкил этилиши ва тушган маблағлар юзасидан қонунчиликда белгиланган тартибда назорат олиб боради.
18. Ушбу Низом юзасидан келиб чиқадиган низоли масалалар қонунчиликда белгиланган тартибда ҳал этилади.
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низомга 1-ИЛОВА
Ўзбекистон Республикаси Халқ таълими вазирлиги тизимидаги умумий ўрта таълим муассасаларида ташкил этиладиган пуллик таълим хизматлари кўрсатиш
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низомга 3-ИЛОВА
Умумий ўрта таълим мактабларида пуллик таълим хизматларини кўрсатишни ташкил этиш бўйича
Т/р Кўрсатиладиган таълим хизматлари тури (қўшимча таълим бериш йўналишлари) Ҳафталик соатлар фонди (дарс соатлари миқдори) Ҳар бир соат учун тўланадиган нарх миқдори Шундан, кам таъминланган оилаларнинг фарзандлари учун тўланадиган нарх Битта гуруҳда машғулотларда қатнашувчиларнинг сони Йўналишлар бўйича ўқитувчи мутахассислар Синф хоналари
Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматлари кўрсатиш тартиби тўғрисида низомга 4-ИЛОВА
Умумий ўрта таълим муассасаларида пуллик таълим хизматларни сифати бўйича
I. Ўқувчилар учун саволлар:
1) қўшимча таълим машғулотлари қизиқарли ўтиладими? (ҳа/йўқ)
2) машғулот олиб бораётган ўқитувчи Сизни қаноатлантирадими? (ҳа/йўқ)
3) қўшимча таълим олишингиз асосий фанларни ўзлаштиришингизга қандай таъсир кўрсатмоқда? (қониқарсиз, яхши, аъло);
4) қўшимча таълим бераётган ўқитувчининг дарс ўтишини қандай баҳолайсиз? (қониқарсиз, яхши, аъло);
II. Ота-оналар учун саволлар:
1) фарзандингизни қўшимча машғулотларга бўлган қизиқишини қандай баҳолайсиз? (қониқарсиз/яхши);
2) фарзандингизни қўшимча машғулотлардан олаётган билимлари асосий фанларни ўзлаштиришда қандай таъсир кўрсатмоқда? (қониқарсиз, яхши, аъло);
3) қўшимча таълим бераётган ўқитувчининг фаолиятини қандай баҳолайсиз? (қониқарсиз, яхши, аъло);
4) қўшимча пуллик таълим хизматлари учун белгиланган нарх Сизни қаноатлантирадими? (ҳа/йўқ).
Ўзбекистон Республикасининг Бош вазири А. АРИПОВ
Тошкент ш.,
2019 йил 22 апрель,
343-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
NAMUNAVIY YILLIK REJA
SOʻROVNOMA
Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida pullik taʼlim xizmatlarini koʻrsatish tartibi toʻgʻrisida nizomni tasdiqlash haqida
Oʻzbekiston Respublikasi Prezidentining “Yoshlarni maʼnaviy-axloqiy va jismoniy barkamol etib tarbiyalash, ularga taʼlim-tarbiya berish tizimini sifat jihatidan yangi bosqichga koʻtarish chora-tadbirlari toʻgʻrisida” 2018-yil 14-avgustdagi PQ-3907-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida pullik taʼlim xizmatlari koʻrsatish tartibi toʻgʻrisida nizom ilovaga muvofiq tasdiqlansin.
2. Oʻzbekiston Respublikasi Xalq taʼlimi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Oʻzbekiston Respublikasi xalq taʼlimi vaziri Sh.X. Shermatov zimmasiga yuklansin.
Vazirlar Mahkamasining 2019-yil 22-apreldagi 343-son qaroriga ILOVA
Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida pullik taʼlim xizmatlarini koʻrsatish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida (keyingi oʻrinlarda maktablar deb ataladi) oʻquvchilar uchun ixtiyoriylik asosida tashkil etiladigan pullik taʼlim xizmatlari koʻrsatish tartibini belgilaydi.
Pullik taʼlim xizmatlari zarur moddiy-texnika bazasi hamda tegishli pedagog xodimlarga ega boʻlgan yoki tegishli mutaxassis jalb qilingan holda maktablarda tashkil qilinishi mumkin.
Bunda pullik taʼlim xizmatlarini koʻrsatish oʻquvchining maktablarda oʻquv dasturi boʻyicha olib boriladigan taʼlim-tarbiya jarayoniga xalaqit bermasligi kerak.
Maktablarida oʻquvchilar uchun tashkil etiladigan pullik taʼlim xizmatlari koʻrsatish ushbu Nizomga 1-ilovaga muvofiq sxema boʻyicha koʻrsatiladi.
2. Maktablarda tashkil etiladigan qoʻshimcha taʼlim berishga qaratilgan pullik taʼlim xizmatlari maktablarning oʻquv dasturlarida nazarda tutilmagan (davlat taʼlim standartlaridan tashqari) mashgʻulotlar boʻyicha maktab direktori va oʻquvchilarning ota-onasi yoki ularning oʻrnini bosuvchi shaxslar (keyingi oʻrinlarda buyurtmachi deb ataladi) oʻrtasida tuziladigan shartnoma asosida koʻrsatiladi.
3. Maktabning oʻquv dasturlarida nazarda tutilmagan (davlat taʼlim standartlaridan tashqari) mashgʻulotlar boʻyicha pullik taʼlim xizmatlari koʻrsatishga qaratilgan yoʻnalishlar (aniq, ijtimoiy-gumanitar, tabiiy fanlar, toʻgaraklar va sport seksiyalari) qonunchilikka muvofiq holda tashkil etiladi.
4. Maktablarda tashkil etiladigan pullik taʼlim xizmatlariga direktor va pedagoglar tomonidan oʻquvchilarni majburiy tartibda jalb etilishiga yoʻl qoʻyilmaydi.
2-bob. Pullik taʼlim xizmatlari koʻrsatishni tashkil etish
5. Maktablarda pullik taʼlim xizmatlari koʻrsatish maktablarning pullik taʼlim xizmatlari koʻrsatishni tashkil etish boʻyicha yillik rejasi (keyingi oʻrinlarda yillik reja deb ataladi) asosida tashkil etiladi.
6. Yillik reja maktablar tomonidan har kalendar yili boshlangunga qadar ushbu Nizomga 3-ilovaga muvofiq shaklda ishlab chiqiladi va kelishish uchun maktabning Kuzatuv kengashiga (keyingi oʻrinda Kuzatuv kengashi deb ataladi) kiritiladi.
Buyurtmachilarning talablariga koʻra, oʻquvchilarga individual tarzda mashgʻulotlar oʻtkazilishi mumkin.
7. Kuzatuv kengashi har kalendar yilning boshida oʻtkaziladigan birinchi yigʻilishda maktab tomonidan taqdim etilgan kelgusi yil uchun yillik rejani koʻrib chiqadi va tasdiqlaydi.
Yillik reja Oʻzbekiston Respublikasi Xalq taʼlimi vazirligining Internet jahon axborot tarmogʻidagi rasmiy veb-sayti yoki maktablarning rasmiy veb-saytlariga joylashtiriladi.
8. Maktabda pullik taʼlim xizmat koʻrsatishga, birinchi navbatda, shu maktabda faoliyat yuritayotgan oʻqituvchilar shartnoma asosida jalb etiladi.
Buyurtmachilar tomonidan kelib tushadigan mablagʻlar (lekin 50 foizidan kam boʻlmagan miqdori) oʻqituvchilarga haq toʻlashga yoʻnaltirilishi mumkin. Bunda qonunchilikda belgilangan soliqlar va yigʻimlar mazkur summadan chegirib olinadi.
9. Taʼlim xizmatlari narxlari Kuzatuv kengashi bilan kelishilgan holda maktab direktori tomonidan tasdiqlanadi.
10. Pullik taʼlim xizmatlari koʻrsatish toʻgʻrisidagi shartnoma boʻyicha toʻlovlar belgilangan tartibda banklar orqali maktabning Oʻzbekiston Respublikasi Moliya vazirligining tegishli gʻaznachilik boʻlimlarida ochilgan shaxsiy gʻaznachilik hisobvaraqlariga naqd pul yoki pul oʻtkazish yoʻli bilan amalga oshiriladi.
Buyurtmachi tomonidan pul mablagʻlarini naqd pul yoki pul oʻtkazish yoʻli orqali toʻlanishidan qatʼiy nazar, maktabda amalga oshirilishi qatʼiyan taqiqlanadi.
11. Pullik taʼlim xizmatlari koʻrsatishdan tushgan mablagʻlar xarajatlar turi boʻyicha shartnoma asosida pullik taʼlim xizmatlari koʻrsatish maqsadida jalb etilgan oʻqituvchilarga toʻlanadigan toʻlovlar, soliq va yigʻimlar, mashgʻulotlarni tashkil etish uchun moddiy-texnik taʼminot xarajatlari qoplangandan soʻng maktabning rahbar va pedagog xodimlarini moddiy ragʻbatlantirishga va boshqa xarajatlarga Kuzatuv kengashi bilan kelishilgan holda yoʻnaltiriladi.
3-bob. Pullik taʼlim xizmatlari koʻrsatishda tomonlarning huquqlari va majburiyatlari
12. Pullik taʼlim xizmatlari koʻrsatuvchi maktab:
pullik taʼlim xizmatlari koʻrsatish doirasida oʻquv rejasi va dasturlari, maktab ichki qoidalari, tartib va talablari, mashgʻulot jarayonida oʻquv intizomiga rioya etishini, oʻqituvchilarga hurmatda boʻlish hamda maktab mulkini himoya qilishni talab qilish;
buyurtmachidan shartnomada belgilangan toʻlovlarni oʻz vaqtida toʻlashni talab qilish va ushbu talab bajarilmasa, oʻquvchini pullik taʼlim xizmatlari boʻyicha mashgʻulotlardan chetlashtirish huquqiga ega.
Pullik taʼlim xizmatlari koʻrsatuvchi maktab qonunchilikka muvofiq boshqa huquqlarga ham ega boʻlishi mumkin.
13. Pullik taʼlim xizmatlari koʻrsatuvchi maktab:
mashgʻulotlarni maktabdan tashqari davlat taʼlim standarti, pullik taʼlim xizmatlari koʻrsatish doirasida oʻquv rejasi va dasturlariga muvofiq tashkil etishga;
mashgʻulotlar jarayonlariga malakali oʻqituvchilarni jalb etish, ilgʻor taʼlim texnologiyalarini, zamonaviy kompyuter va axborot-kommunikatsiya texnologiyalari va vositalarini joriy etishga;
oʻquvchida bilim olish salohiyatini shakllantirish maqsadida oʻquv rejasiga qoʻshimcha ravishda turli interaktiv darslar tashkil etishga;
mashgʻulotlarda oʻquvchiga maktabning mavjud oʻquv-uslubiy, axborot-resurs va moddiy-texnika bazasiga muvofiq oʻqish uchun barcha zarur shart-sharoitlarni yaratishga;
mashgʻulotlar uchun belgilangan toʻlov miqdori toʻgʻrisidagi maʼlumotni oʻz vaqtida (oʻquv jarayoni boshlanishidan 10 kun oldin) buyurtmachilarga yetkazish va ularni belgilangan tartibda koʻrsatiladigan pullik taʼlim xizmatlari shartlari bilan tanishtirishga majbur.
Pullik taʼlim xizmatlari koʻrsatuvchi maktab qonunchilikka muvofiq boshqa majburiyatlarni ham olishi mumkin.
14. Buyurtmachi:
koʻrsatiladigan pullik taʼlim xizmatlari, shu jumladan oʻquv rejalari va dasturlari, oʻquvchilarni baholash tartibi va mezonlari bilan tanishish;
tuzilgan shartnomaga muvofiq maktabdan oʻquvchining tanlagan taʼlim yoʻnalishi boʻyicha pullik taʼlim xizmatlari koʻrsatishni talab qilish, tegishli oʻqituvchilardan maslahatlar soʻrash huquqiga ega.
Buyurtmachi qonunchilikka muvofiq boshqa huquqlarga ham ega boʻlishi mumkin.
15. Buyurtmachi:
koʻrsatilayotgan pullik taʼlim xizmatlarining bir kalendar oyi uchun belgilangan toʻlov miqdorini shartnoma talablariga muvofiq toʻliq hajmda va oʻz vaqtida toʻlashga;
shartnoma talablariga soʻzsiz amal qilish maqsadida va shartnomada koʻrsatilgan qoʻshimcha taʼlim va boshqa xizmatlardan foydalanish uchun oʻquvchining darslarga muntazam ravishda qatnashishini taʼminlashga;
oʻquvchi tomonidan maktabining mulkiga yetkazilgan moddiy zararni qoplashga majbur.
Buyurtmachi qonunchilikka muvofiq boshqa majburiyatlarni ham olishi mumkin.
4-bob. Yakunlovchi qoidalar
16. Kuzatuv kengashi muntazam (bir yilda kamida 2-marta) oʻquvchilar va buyurtmachilar oʻrtasida maktab tomonidan koʻrsatilayotgan pullik taʼlim xizmatlari sifatini aniqlash maqsadida ushbu Nizomga 4-ilovaga muvofiq soʻrovnoma oʻtkazib boradi.
17. Oʻzbekiston Respublikasi Xalq taʼlimi vazirligi va boshqa vakolatli davlat organlari maktablarda pullik taʼlim xizmatlarining tashkil etilishi va tushgan mablagʻlar yuzasidan qonunchilikda belgilangan tartibda nazorat olib boradi.
18. Ushbu Nizom yuzasidan kelib chiqadigan nizoli masalalar qonunchilikda belgilangan tartibda hal etiladi.
Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida pullik taʼlim xizmatlari koʻrsatish tartibi toʻgʻrisida nizomga 1-ILOVA
Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida tashkil etiladigan pullik taʼlim xizmatlari koʻrsatish
Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida pullik taʼlim xizmatlari koʻrsatish tartibi toʻgʻrisida nizomga 3-ILOVA
Umumiy oʻrta taʼlim maktablarida pullik taʼlim xizmatlarini koʻrsatishni tashkil etish boʻyicha
T/r Koʻrsatiladigan taʼlim xizmatlari turi (qoʻshimcha taʼlim berish yoʻnalishlari) Haftalik soatlar fondi (dars soatlari miqdori) Har bir soat uchun toʻlanadigan narx miqdori Shundan, kam taʼminlangan oilalarning farzandlari uchun toʻlanadigan narx Bitta guruhda mashgʻulotlarda qatnashuvchilarning soni Yoʻnalishlar boʻyicha oʻqituvchi mutaxassislar Sinf xonalari
Oʻzbekiston Respublikasi Xalq taʼlimi vazirligi tizimidagi umumiy oʻrta taʼlim muassasalarida pullik taʼlim xizmatlari koʻrsatish tartibi toʻgʻrisida nizomga 4-ILOVA
Umumiy oʻrta taʼlim muassasalarida pullik taʼlim xizmatlarni sifati boʻyicha
I. Oʻquvchilar uchun savollar:
1) qoʻshimcha taʼlim mashgʻulotlari qiziqarli oʻtiladimi? (ha/yoʻq)
2) mashgʻulot olib borayotgan oʻqituvchi Sizni qanoatlantiradimi? (ha/yoʻq)
3) qoʻshimcha taʼlim olishingiz asosiy fanlarni oʻzlashtirishingizga qanday taʼsir koʻrsatmoqda? (qoniqarsiz, yaxshi, aʼlo);
4) qoʻshimcha taʼlim berayotgan oʻqituvchining dars oʻtishini qanday baholaysiz? (qoniqarsiz, yaxshi, aʼlo);
II. Ota-onalar uchun savollar:
1) farzandingizni qoʻshimcha mashgʻulotlarga boʻlgan qiziqishini qanday baholaysiz? (qoniqarsiz/yaxshi);
2) farzandingizni qoʻshimcha mashgʻulotlardan olayotgan bilimlari asosiy fanlarni oʻzlashtirishda qanday taʼsir koʻrsatmoqda? (qoniqarsiz, yaxshi, aʼlo);
3) qoʻshimcha taʼlim berayotgan oʻqituvchining faoliyatini qanday baholaysiz? (qoniqarsiz, yaxshi, aʼlo);
4) qoʻshimcha pullik taʼlim xizmatlari uchun belgilangan narx Sizni qanoatlantiradimi? (ha/yoʻq).
Oʻzbekiston Respublikasining Bosh vaziri A. ARIPOV
Toshkent sh.,
2019-yil 22-aprel,
343-son
Кабинета Министров Республики Узбекистан
Постановление
ПОЛОЖЕНИЕ
СХЕМА
ТИПОВОЙ ГОДОВОЙ ПЛАН
ВОПРОСНИК
Об утверждении Положения о порядке оказания платных образовательных услуг в общеобразовательных учреждениях системы Министерства народного образования Республики Узбекистан
Во исполнение постановления Президента Республики Узбекистан от 14 августа 2018 года №ПП-3907 «О мерах по поднятию на качественно новый уровень системы духовно-нравственного и физически гармоничного воспитания молодежи, ее обучения и воспитания» Кабинет Министров постановляет:
1. Утвердить Положение о порядке оказания платных образовательных услуг в общеобразовательных учреждениях системы Министерства народного образования Республики Узбекистан согласно приложению .
2. Министерству народного образования Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на заместителя Премьер-министра Республики Узбекистан по вопросам социального развития А.А. Абдухакимова и министра народного образования Республики Узбекистан Ш.Х. Шерматова.
ПРИЛОЖЕНИЕ к постановлению Кабинета Министров от 22 ареля 2019 года № 343
о порядке оказания платных образовательных услуг в общеобразовательных учреждениях системы Министерства народного образования Республики Узбекистан
Глава 1. Общие положения
1. Настоящее Положение определяет порядок оказания платных образовательных услуг, организуемых на добровольной основе для учащихся общеобразовательных учреждений системы Министерства народного образования Республики Узбекистан (далее — школы).
Платные образовательные услуги организуются при наличии в школе необходимой материально-технической базы и соответствующего педагогического работника либо путем привлечения соответствующего специалиста. При этом предоставление платных образовательных услуг не должно препятствовать учебно-воспитательному процессу школы.
Оказание платных образовательных услуг для учащихся школ осуществляется по схеме согласно приложению № 1 к настоящему Положению.
2. Оказание платных образовательных услуг по программам дополнительного образования, не предусмотренным учебными программами (кроме государственных образовательных стандартов), осуществляется на основании договора, заключаемого между директором школы и родителями учащегося или их законными представителями (далее — заказчик).
3. Оказание платных образовательных услуг по направлениям (точные, социально-гуманитарные, естественные науки, кружки и спортивные секции), не предусмотренным учебными программами (кроме государственных образовательных стандартов) организовывается в соответствии с законодательством.
4. Не допускается привлечение учащихся в принудительной форме к оказываемым платным образовательным услугам со стороны директора школы и педагогов.
Глава 2. Организация оказания платных образовательных услуг
5. Оказание платных образовательных услуг в школах осуществляется на основании годового плана оказания платных образовательных услуг школы (далее — годовой план).
6. Годовой план разрабатывается школами ежегодно до начала каждого календарного года по форме согласно приложению № 3 к настоящему Положению и вносится на согласование Наблюдательного совета школы (далее — Наблюдательный совет).
В годовом плане указываются виды образовательных услуг (направления дополнительного образования), время проведения занятий, количество часов обучения, цена за каждый час обучения (при этом оплата детям из малообеспеченных семей устанавливается в размере 50 % общей стоимости), количество учащихся в группах (не более 35 учеников), Ф.И.О. учителя или специалиста по направлениям, место проведения занятий (классы).
В соответствии с требованиями заказчиков для учащихся могут быть организованы индивидуальные занятия.
7. Наблюдательный совет рассматривает и утверждает годовой план школы на следующий год на своем первом собрании в начале каждого календарного года.
Годовой план размещается на официальном веб-сайте Министерства народного образования Республики Узбекистан или официальном веб-сайте школы.
8. Для оказания платных образовательных услуг на договорной основе привлекаются в первую очередь учителя, работающие в данной школе.
Сумма средств (но не менее 50%), поступающая от оплаты заказчиком стоимости образовательных услуг, может направляться на оплату труда учителей. При этом предусмотренные законодательством налоги и сборы высчитываются из данной суммы.
9. Стоимость оказываемых образовательных услуг утверждается директором школы по согласованию с Наблюдательным советом.
10. Оплата образовательных услуг осуществляется согласно договору в наличной форме посредством отделений банков или перечислением на внебюджетный лицевой счет школы, открываемый в установленном порядке в соответствующем отделении Казначейства Министерства финансов Республики Узбекистан.
Оплата образовательных услуг со стороны заказчика в наличной или безналичной форме непосредственно в школе категорически запрещается.
11. Поступления от оказания платных образовательных услуг направляются на материальное стимулирование руководителя и педагогов школы, а также другие цели по согласованию с Наблюдательным советом после оплаты труда учителей, привлекаемых на договорной основе к оказанию платных образовательных услуг, налогов и сборов, оплаты расходов по материально-техническому обеспечению организации данных услуг.
Глава 3. Права и обязанности сторон договора об оказании платных образовательных услуг
12. Школа, предоставляющая платные образовательные услуги, вправе:
требовать от учащихся соблюдения требований учебных плана и программ в рамках оказания платных образовательных услуг, внутренних правил, требований и распорядка школы, соблюдения учебной дисциплины во время занятий, уважительного отношения к учителям, а также бережного отношения к имуществу школы;
требовать от заказчика своевременной оплаты стоимости образовательных услуг, указанной в договоре, при неисполнении данных требований отстранить учащегося от занятий в рамках оказания платных образовательных услуг.
Школа, предоставляющая платные образовательные услуги, может иметь и другие права в соответствии с законодательством.
13. Школа, предоставляющая платные образовательные услуги, обязана:
организовывать занятия в соответствии с требованиями внешкольного образования, согласно учебному плану и учебным программам в рамках оказания платных образовательных услуг;
привлекать квалифицированных учителей в процесс оказания платных образовательных услуг, внедрять передовые технологии обучения и преподавания, использовать современные компьютерные и информационно-коммуникационные технологии и средства;
организовать различные виды интерактивных уроков в дополнение к учебному плану для учащихся в целях развития их способностей;
создавать все необходимые условия для обучения учащихся в соответствии с существующей учебно-методической, информационно-ресурсной и материально-технической базой школы;
своевременно (за 10 дней до начала обучения) информировать заказчика о размере оплаты за оказываемые образовательные услуги и ознакомить его с условиями оказания платных образовательных услуг.
Школа, предоставляющая платные образовательные услуги, может иметь и другие обязательства в соответствии с законодательством.
14. Заказчик вправе:
ознакомиться с перечнем оказываемых платных образовательных услуг, включая учебные планы и программы, порядок и критерии оценки знаний учащихся;
требовать у школы в рамках заключенного договора оказания платных образовательных услуг по выбранному направлению, консультироваться с соответствующими учителями.
Заказчик может иметь и другие права в соответствии с законодательством.
15. Заказчик обязан:
обеспечивать оплату стоимости оказываемых образовательных услуг своевременно за календарный месяц в соответствии с требованиями договора;
обеспечивать неукоснительное соблюдение требований договора в части регулярного посещения учащимся занятий в рамках оказываемых платных образовательных услуг;
возмещать материальный ущерб, нанесенный учащимся имуществу школы.
Заказчик может иметь и другие обязанности в соответствии с законодательством.
Глава 4. Заключительные положения
16. Наблюдательный совет регулярно проводит опрос (не реже двух раз в год) среди учащихся и заказчиков с целью определения качества оказываемых школой платных образовательных услуг по форме согласно приложению № 4 к настоящему Положению.
17. Министерство народного образования Республики Узбекистан и другие уполномоченные государственные органы осуществляют контроль организации оказания платных образовательных услуг и поступающих от их оказания доходов школы в порядке, установленном законодательством.
18. Споры, возникающие при реализации настоящего Положения, разрешаются в порядке, установленном законодательством.
ПРИЛОЖЕНИЕ № 1 к Положению о порядке оказания платных образовательных услуг в общеобразовательных учреждениях системы Министерства народного образования Республики Узбекистан
предоставления платных образовательных услуг в общеобразовательных учреждениях системы Министерства народного образования Республики Узбекистан
Этапы Субъекты Мероприятия Сроки V 1-й этап Школа Изучает вопрос организации предоставления платных образовательных услуг по направлениям образования, не предусмотренных учебных планом школы (кроме государственных образовательных стандартов). Постоянно > > > Разрабатывает годовой план по организации оказания платных образовательных услуг, а также их стоимость и вносит на согласование Наблюдательного совета. До начала каждого календарного года V 2-й этап Наблюдательный совет Рассматривает и утверждает годовой план, предоставленный школой, на следующий год. Рассматривает и одобряет стоимость оказываемых образовательных услуг. На первом собрании в начале каждого календарного года > > > V 3-й этап > Школа > Утверждает стоимость оказываемых образовательных услуг. > В течение 1 дня V 4-й этап Школа Информирует родителей учеников или лиц, их заменяющих (далее - заказчик), о размерах оплаты, установленных за оказание образовательных услуг. За 10 дней до начала учебного года > > > Заключает договор на оказание платных образовательных услуг с заказчиками. До начала оказания платных образовательных услуг V 5-й этап Заказчик Соблюдает условия договора и осуществляет своевременную оплату стоимости образовательных услуг за календарный месяц. До начала каждого месяца > > > V 6-й этап > Наблюдательный совет > Проводит опросы среди учеников и заказчиков для определения качества, оказываемых школой платных образовательных услуг. > Не менее 2-х раз в год
ПРИЛОЖЕНИЕ № 3 к Положению о порядке оказания платных образовательных услуг в общеобразовательных учреждениях системы Министерства народного образования Республики Узбекистан
по организации оказания платных образовательных услуг в общеобразовательном учреждении №____ __________________________________________________ (наименование района (города))
П/н Вид оказываемой платной образовательной услуги (направление дополнительного образования) Недельный фонд часов (количество учебных часов) Цена за один час В том числе для детей из малообеспеченных семей Количество учащихся в группе (классе) Ф.И.О. учителя или специалиста по направлениям Кабинет (класс)
ПРИЛОЖЕНИЕ № 4 к Положению о порядке оказания платных образовательных услуг в общеобразовательных учреждениях системы Министерства народного образования Республики Узбекистан
по изучению качества оказываемых платных образовательных услуг в общеобразовательном учреждении №_____ __________________________________________________ (наименование района (города))
I. Вопросы для учеников:
1) Интересно ли проводятся дополнительные образовательные занятия? (да/нет)
2) Довольны ли вы учителем, который ведет дополнительные занятия? (да/нет)
3) Влияет ли дополнительное обучение на усвоение основных предметов в школе? (неудовлетворительно/хорошо/отлично);
4) Как вы оцениваете учителя, ведущего дополнительные занятия? (неудовлетворительно/хорошо/отлично);
II. Вопросы для родителей (заказчиков):
1) Как вы оцениваете интерес Вашего ребенка к дополнительным занятиям? (неудовлетворительно/хорошо);
2) Как влияют на освоение основных предметов дополнительные занятия Вашего ребенка? (неудовлетворительно/хорошо/отлично);
3) Как вы оцениваете работу учителя, преподающего дополнительные занятия? (неудовлетворительно/хорошо/отлично);
4) Удовлетворяет ли Вас установленная цена за оказание образовательных услуг? (да/нет).
Премьер-министр Республики Узбекистан А. АРИПОВ
г. Ташкент,
22 апреля 2019 г.,
№ 343