📅 2019-yil 18-mart · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 18 март · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 18 марта 2019 г. · Указы Президента
Официальный текст. Официальный документ. Редакционные примечания не включены.
📅 18 March 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Бирлашган Араб Амирликлари фуқаролари, шунингдек, Бирлашган Араб Амирликлари резиденти мақомини олган хорижий давлатлар фуқаролари учун Ўзбекистон Республикасига кириш режимини янада соддалаштириш чора-тадбирлари тўғрисида
Ўзбекистон Республикаси ва Бирлашган Араб Амирликлари ўртасида сиёсий, савдо-иқтисодий, илмий-техникавий ва маданий ҳамкорликни янада фаоллаштириш, мамлакатимизда қулай инвестиция муҳитини яратиш ва туризм салоҳиятини ривожлантириш мақсадида:
1. 2019 йил 20 мартдан бошлаб Бирлашган Араб Амирликлари фуқаролари учун, шунингдек, 2020 йил 1 январдан бошлаб Бирлашган Араб Амирликлари резиденти мақомини олган хорижий давлатлар фуқаролари учун Ўзбекистон Республикаси ҳудудига кирган кундан эътиборан 30 кун муддатга визасиз режим белгилансин.
Бирлашган Араб Амирликлари резиденти мақомини олган хорижий давлатлар фуқаролари Ўзбекистон Республикасига кириш вақтида амал қилиш муддати 90 кундан кам бўлмаган резидентлик визасининг асл нусхасини такдим этадилар.
2. Ўзбекистон Республикаси Ташқи ишлар вазирлиги Ўзбекистонга иш юзасидан келадиган Бирлашган Араб Амирликлари фуқароларига Ўзбекистон Республикасидаги таклиф қилаётган юридик шахснинг Ўзбекистон Республикаси Ташқи ишлар вазирлигига мурожаат этиши талаби бекор қилинган ҳолда, бир йил муддатгача бўлган кўп марталик визаларни Ўзбекистон Республикасининг чет элдаги муассасаларида ҳужжатлар қабул қилинган кун ҳисобга олинмасдан 3 иш куни мобайнида расмийлаштирсин.
3. Қуйидагилар ўз кучини йўқотган деб ҳисоблансин:
Ўзбекистон Республикаси Президентининг 2019 йил 5 январдаги ПФ-5611-сон Фармони билан тасдиқланган 2019 йил 1 февралдан бошлаб фуқаролари электрон кириш визасини олиш имкониятига эга бўлган мамлакатлар рўйхатининг 32-банди ;
Ўзбекистон Республикаси Президентининг 2018 йил 4 июлдаги ПҚ-3836-сон қарори билан тасдиқланган 2018 йил 1 июлдан бошлаб фуқароларига Ўзбекистон Республикасига визасиз транзит кириш, вақтинчалик бўлиш ва чиқиш тартиби белгиланган мамлакатлар рўйхатининг 62-банди.
4. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 18 март,
ПФ-5691-сон
Oʻzbekiston Respublikasi Prezidentining
Farmoni
Birlashgan Arab Amirliklari fuqarolari, shuningdek, Birlashgan Arab Amirliklari rezidenti maqomini olgan xorijiy davlatlar fuqarolari uchun Oʻzbekiston Respublikasiga kirish rejimini yanada soddalashtirish chora-tadbirlari toʻgʻrisida
Oʻzbekiston Respublikasi va Birlashgan Arab Amirliklari oʻrtasida siyosiy, savdo-iqtisodiy, ilmiy-texnikaviy va madaniy hamkorlikni yanada faollashtirish, mamlakatimizda qulay investitsiya muhitini yaratish va turizm salohiyatini rivojlantirish maqsadida:
1. 2019-yil 20-martdan boshlab Birlashgan Arab Amirliklari fuqarolari uchun, shuningdek, 2020-yil 1-yanvardan boshlab Birlashgan Arab Amirliklari rezidenti maqomini olgan xorijiy davlatlar fuqarolari uchun Oʻzbekiston Respublikasi hududiga kirgan kundan eʼtiboran 30 kun muddatga vizasiz rejim belgilansin.
Birlashgan Arab Amirliklari rezidenti maqomini olgan xorijiy davlatlar fuqarolari Oʻzbekiston Respublikasiga kirish vaqtida amal qilish muddati 90 kundan kam boʻlmagan rezidentlik vizasining asl nusxasini takdim etadilar.
2. Oʻzbekiston Respublikasi Tashqi ishlar vazirligi Oʻzbekistonga ish yuzasidan keladigan Birlashgan Arab Amirliklari fuqarolariga Oʻzbekiston Respublikasidagi taklif qilayotgan yuridik shaxsning Oʻzbekiston Respublikasi Tashqi ishlar vazirligiga murojaat etishi talabi bekor qilingan holda, bir yil muddatgacha boʻlgan koʻp martalik vizalarni Oʻzbekiston Respublikasining chet eldagi muassasalarida hujjatlar qabul qilingan kun hisobga olinmasdan 3 ish kuni mobaynida rasmiylashtirsin.
3. Quyidagilar oʻz kuchini yoʻqotgan deb hisoblansin:
Oʻzbekiston Respublikasi Prezidentining 2019-yil 5-yanvardagi PF-5611-son Farmoni bilan tasdiqlangan 2019-yil 1-fevraldan boshlab fuqarolari elektron kirish vizasini olish imkoniyatiga ega boʻlgan mamlakatlar roʻyxatining 32-bandi ;
Oʻzbekiston Respublikasi Prezidentining 2018-yil 4-iyuldagi PQ-3836-son qarori bilan tasdiqlangan 2018-yil 1-iyuldan boshlab fuqarolariga Oʻzbekiston Respublikasiga vizasiz tranzit kirish, vaqtinchalik boʻlish va chiqish tartibi belgilangan mamlakatlar roʻyxatining 62-bandi.
4. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 18-mart,
PF-5691-son
Президента Республики Узбекистан
Указ
О мерах по дальнейшему упрощению режима въезда в Республику Узбекистан для граждан Объединенных Арабских Эмиратов, а также граждан зарубежных государств, получивших статус резидента Объединенных Арабских Эмиратов
В целях дальнейшей активизации политического, торгово-экономического, научно-технического и культурного сотрудничества между Республикой Узбекистан и Объединенными Арабскими Эмиратами, создания благоприятного инвестиционного климата и развития туристского потенциала страны:
1. Установить с 20 марта 2019 года безвизовый режим сроком на 30 дней со дня въезда на территорию Республики Узбекистан для граждан Объединенных Арабских Эмиратов, а с 1 января 2020 года — для граждан зарубежных государств, получивших статус резидента Объединенных Арабских Эмиратов.
Граждане зарубежных государств, получившие статус резидента Объединенных Арабских Эмиратов, представляют оригинал резидентской визы срок действия которой на момент въезда в Республику Узбекистан составляет не менее 90 дней.
2. Министерству иностранных дел Республики Узбекистан оформлять многократные визы сроком до одного года гражданам Объединенных Арабских Эмиратов, посещающим Узбекистан с деловыми целями, в течение 3 рабочих дней в загранучреждениях Республики Узбекистан, не считая дня приема документов, с отменой требования обращения приглашающего юридического лица в Республике Узбекистан в Министерство иностранных дел Республики Узбекистан.
3. Признать утратившими силу:
пункт 32 Перечня стран, граждане которых с 1 февраля 2019 года имеют возможность получения электронной въездной визы, утвержденного Указом Президента Республики Узбекистан от 5 января 2019 года № УП-5611;
пункт 62 Перечня стран , в отношении граждан которых с 1 июля 2018 года вводится порядок безвизового транзитного въезда, временного пребывания и выезда из Республики Узбекистан, утвержденного постановлением Президента Республики Узбекистан от 4 июля 2018 года № ПП-3836.
4. Контроль за исполнением настоящего Указа возложить на Премьер- министра Республики Узбекистан А.Н. Арипова, секретаря Совета безопасности при Президенте Республики Узбекистан В.В. Махмудова и заместителя Премьер-министра Республики Узбекистан А.А. Абдухакимова.
Президент Республики Узбекистан Ш. МИРЗИЁЕВ
г. Ташкент,
18 марта 2019 г.,
№ УП-5691