UzbekAI

Ўзбекистон Республикаси Президентининг

Фармони

Ўзбекистон Республикасида фавқулодда вазиятларнинг олдини олиш ва бартараф этиш ҳамда ёнғин хавфсизлигини таъминлашнинг сифат жиҳатидан янги тизимини жорий этиш тўғрисида

Мустақиллик йилларида мамлакатда аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш бўйича самарали чора-тадбирлар амалга оширилди, ёнғинларга қарши курашиш комплекс тизими шакллантирилди, бу йўналишларда, жумладан, ёнғин ва авария-қутқарув техникаси ва жиҳозларининг маҳаллий турлари ишлаб чиқарилишини ривожлантириш орқали моддий-техник база босқичма-босқич мустаҳкамланмоқда.

Шу билан бирга, фавқулодда вазиятларнинг олдини олиш ва бартараф этиш, ёнғин хавфсизлигини таъминлаш бўйича ривожланган хорижий тажрибани инобатга олган ҳолда амалдаги тизим самарадорлигини ўрганиш натижалари фуқароларнинг хавфсиз ҳаёт фаолиятига салбий таъсир кўрсатувчи қўйидаги омиллар мавжудлигидан далолат бермоқда:

биринчидан — ёнғин хавфсизлигини таъминлаш ва фавқулодда вазиятларда ҳаракат қилиш тизимларининг тарқоқ ҳолда фаолият юритиши ҳамда ушбу йўналишларда айрим вазифа ва функцияларнинг идоралараро такрорланиши;

иккинчидан — мобиллик ҳамда куч ва воситаларнинг етарли эмаслиги, шунингдек, ҳудудий фавқулодда вазиятлар тузилмаларининг ички ишлар органлари ёнғин хавфсизлиги хизмати билан ўзаро ҳамкорлик механизмлари самарадорлигининг пастлиги;

учинчидан — ёнғин хавфсизлигини таъминлаш бўйича куч ва воситалар имкониятлари билан республика шаҳар ва туманлари ҳудудларининг тўлиқ қамраб олинмаганлиги, ёнғинларнинг олдини олиш ва барвақт профилактикаси бўйича амалга оширилаётган чора-тадбирларнинг етарли даражада эмаслиги;

тўртинчидан — юзага келиши мумкин бўлган фавқулодда вазиятлар ва ёнғинларнинг узлуксиз суткалик мониторинги, тезкор бошқарув ва ўз вақтида ҳамкорликда ҳаракат қилишнинг ягона самарали тизими ташкил этилмаганлиги;

бешинчидан — фавқулодда вазиятларнинг олдини олиш ва уларни бартараф этиш тизимида мазкур соҳани илмий жиҳатдан таъминловчи таянч олий таълим муассасаси ҳамда махсус тадқиқот маркази мавжуд эмаслиги.

Ўзбекистон Республикасида фавқулодда вазиятларнинг олдини олиш ва уларни бартараф этиш ҳамда ёнғин хавфсизлигини таъминлашда сифат жиҳатидан янги тизимга ўтиш мақсадида:

1. Қуйидагилар мавжуд штат бирликлари, молиявий ва моддий-техник базасининг тўлиқ ҳажмида, доимий жойлашган манзиллари ўзгартирилмаган ҳолда ўрнатилган тартибда берилсин:

а) Ўзбекистон Республикаси Фавқулодда вазиятлар вазирлиги тизимига:

Ўзбекистон Республикаси Ички ишлар вазирлигидан:

Ёнғин хавфсизлиги бош бошқармаси, унинг таркибий ва ҳудудий тузилмалари (кейинги ўринларда — Ёнғин хавфсизлиги бош бошқармаси), Давлат ёнғин хавфсизлиги хизматининг тугатилишини назарда тутган ҳолда;

Ёнғин хавфсизлиги институти;

Мудофаа вазирлигидан — Гидрометеорологик жараёнларга таъсир кўрсатишни бошқариш хизмати;

б) Фавқулодда вазиятлар вазирлиги тизимидан Ўзбекистон Республикаси Вазирлар Маҳкамаси тасарруфига — Гидрометеорология хизмати маркази.

2. Ўзбекистон Республикаси Фавқулодда вазиятлар вазирлигига қуйидагилар бўйича қўшимча вазифалар юклатилсин:

ёнғин хавфсизлигини таъминлаш соҳасида давлат сиёсатини юритиш;

ёнғинларнинг самарали профилактикаси ва олдини олишни таъминлаш, шунингдек, ёнғин хавфсизлиги талабларига риоя этиш бўйича давлат ёнғин назоратини амалга ошириш;

ёнғинларни ўчиришни, ёнғин содир бўлган ҳудуддаги инсонларни ҳамда жисмоний ва юридик шахсларнинг мол-мулкини қутқаришни ташкил этиш, шунингдек, атроф табиий муҳитни ёнғинлардан асраш.

3. Ўзбекистон Республикаси Фавқулодда вазиятлар вазирлиги тизимида мавжуд ҳамда берилаётган штат бирликлари доирасида қуйидагилар ташкил этилсин:

Қутқарув кучлари хизматини ва фавқулодда вазиятларни бартараф этишни ташкил қилиш бош бошқармаси, унга Ўзбекистон Республикаси Фавқулодда вазиятлар вазирлигининг барча ёнғин-қутқарув кучлари ва воситаларининг жанговар тайёргарлигини таъминлаш ҳамда фаолиятларини мувофиқлаштириш вазифаларини юклаган ҳолда;

Фавқулодда вазиятларнинг олдини олиш ва уларда ҳаракат қилиш давлат тизими ҳамда фуқаро муҳофазасининг ташкилий таъминоти ва режалаштириш бош бошқармаси, уни фавқулодда вазиятлар профилактикаси бўйича вазирликлар, идоралар ҳамда маҳаллий давлат ҳокимияти органларининг фаолиятини мувофиқлаштириш учун масъул этиб белгилаган ҳолда;

Давлат ёнғин назоратини ташкил этиш бош бошқармаси, унга ёнғин назорати ва профилактикасини амалга ошириш, терговга қадар текширув ва маъмурий амалиёт назорати, шунингдек, қурилишда ёнғинга қарши меъёрлаштириш соҳасида меъёрий-техник ишларни амалга ошириш ваколатларини юклаган ҳолда;

Ёнғин хавфсизлиги институти, Бошланғич тайёргарлик ва малака ошириш маркази, шунингдек Ўзбекистон Республикаси Фуқаро муҳофазаси институти негизида Ўзбекистон Республикаси Фавқулодда вазиятлар вазирлиги Академияси.

4. Ўзбекистон Республикаси Фавқулодда вазиятлар вазирлиги Академияси қошида Фавқулодда вазиятлар вазирлиги, ҳуқуқни муҳофаза қилиш органлари ва ҳарбийлаштирилган тузилмаларнинг олий таълим муассасаларига ўқувчиларнинг ўқишга кириши учун тайёргарлигини таъминловчи Ихтисослаштирилган лицей ташкил этилсин.

5. Белгилансинки:

Ички ишлар вазирлигида тугатилаётган Давлат ёнғин хавфсизлиги хизматининг ёнғин хавфсизлиги соҳасидаги махсус ваколатли органи учун қонунчиликда белгиланган ваколатлари Фавқулодда вазиятлар вазирлигига юклатилади;

фавқулодда вазиятлар вазирининг ёнғин хавфсизлиги соҳасида профилактика ва назорат фаолиятини мувофиқлаштирувчи ўринбосари, мақоми бўйича ёнғин назорати бўйича Ўзбекистон Республикаси бош давлат инспектори ҳисобланади;

6. Белгилаб қўйилсинки:

2020 йил 1 январдан бошлаб Фавқулодда вазиятлар вазирлиги тизимига ўтказилган Ёнғин хавфсизлиги бош бошқармаси ва Ёнғин хавфсизлиги институтининг шаҳодатланган ходимлари, ички ишлар органлари ходимлари учун кўзда тутилган махсус унвонлар бўйича амалдаги иш ҳақи миқдори сақланган ҳолда ягона ҳарбий хизматчи мақомига, профессионал ёнғин бўлинмаларининг ишчи-хизматчилари эса — Ўзбекистон Республикаси Фавқулодда вазиятлар вазирлиги қутқарувчиси мақомига эга бўладилар ҳамда уларнинг иш стажи қутқарувчи мақомидаги иш стажига тенглаштирилади;

2021 йил 1 январдан бошлаб Фавқулодда вазиятлар вазирлиги тизимига ўтказилган Ёнғин хавфсизлиги бош бошқармаси ва Ёнғин хавфсизлиги институтининг шаҳодатланган ходимлари шартнома бўйича ҳақиқий ҳарбий хизматни ўташ масалаларида пул таъминоти, кийим-кечак, тиббий ва маиший хизмат, ижтимоий имтиёзлар ва нафақа кафолати тартиблари бўйича Фавқулодда вазиятлар вазирлиги ҳарбий хизматчиларининг тегишли тоифаларига тенглаштирилади.

7. Ўзбекистон Республикаси Фавқулодда вазиятлар вазирлиги:

Ички ишлар вазирлиги билан биргаликда бир ҳафта муддатда фавқулодда вазиятлар тузилмаларининг фаолиятини янада такомиллаштириш бўйича ташкилий чора-тадбирларни назарда тутувчи Ўзбекистон Республикаси Президентининг қарори лойиҳасини киритсин;

Олий ва ўрта-махсус таълим вазирлиги билан биргаликда икки ой муддатда фавқулодда вазиятларнинг олдини олиш ва уларни бартараф этиш, шунингдек, ёнғин хавфсизлигини таъминлаш соҳасида кадрларни тайёрлаш, қайта тайёрлаш ва малакасини ошириш тизимини тубдан такомиллаштиришга қаратилган Ўзбекистон Республикаси Президентининг қарори лойиҳасини киритсин;

манфаатдор вазирлик ва идоралар билан биргаликда уч ой муддатда республиканинг шаҳарлари, аҳоли пунктлари ва объектларида Фавқулодда вазиятлар вазирлиги ёнғин-қутқарув қисмлари ва постлари фаолиятини ташкил этиш тартибини белгиловчи Ҳукумат қарори лойиҳасини ишлаб чиқсин ва Ўзбекистон Республикаси Вазирлар Маҳкамасига киритсин;

Ўзбекистон Республикаси Адлия вазирлиги билан биргаликда қонун ҳужжатларига мазкур Фармондан келиб чиқадиган ўзгартириш ва қўшимчаларнинг белгиланган тартибда киритилишини таъминласин.

8. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 10 апрель,

ПФ-5706-сон

lex.uz

Oʻzbekiston Respublikasi Prezidentining

Farmoni

Oʻzbekiston Respublikasida favqulodda vaziyatlarning oldini olish va bartaraf etish hamda yongʻin xavfsizligini taʼminlashning sifat jihatidan yangi tizimini joriy etish toʻgʻrisida

Mustaqillik yillarida mamlakatda aholini va hududlarni tabiiy hamda texnogen xususiyatli favqulodda vaziyatlardan muhofaza qilish boʻyicha samarali chora-tadbirlar amalga oshirildi, yongʻinlarga qarshi kurashish kompleks tizimi shakllantirildi, bu yoʻnalishlarda, jumladan, yongʻin va avariya-qutqaruv texnikasi va jihozlarining mahalliy turlari ishlab chiqarilishini rivojlantirish orqali moddiy-texnik baza bosqichma-bosqich mustahkamlanmoqda.

Shu bilan birga, favqulodda vaziyatlarning oldini olish va bartaraf etish, yongʻin xavfsizligini taʼminlash boʻyicha rivojlangan xorijiy tajribani inobatga olgan holda amaldagi tizim samaradorligini oʻrganish natijalari fuqarolarning xavfsiz hayot faoliyatiga salbiy taʼsir koʻrsatuvchi qoʻyidagi omillar mavjudligidan dalolat bermoqda:

birinchidan — yongʻin xavfsizligini taʼminlash va favqulodda vaziyatlarda harakat qilish tizimlarining tarqoq holda faoliyat yuritishi hamda ushbu yoʻnalishlarda ayrim vazifa va funksiyalarning idoralararo takrorlanishi;

ikkinchidan — mobillik hamda kuch va vositalarning yetarli emasligi, shuningdek, hududiy favqulodda vaziyatlar tuzilmalarining ichki ishlar organlari yongʻin xavfsizligi xizmati bilan oʻzaro hamkorlik mexanizmlari samaradorligining pastligi;

uchinchidan — yongʻin xavfsizligini taʼminlash boʻyicha kuch va vositalar imkoniyatlari bilan respublika shahar va tumanlari hududlarining toʻliq qamrab olinmaganligi, yongʻinlarning oldini olish va barvaqt profilaktikasi boʻyicha amalga oshirilayotgan chora-tadbirlarning yetarli darajada emasligi;

toʻrtinchidan — yuzaga kelishi mumkin boʻlgan favqulodda vaziyatlar va yongʻinlarning uzluksiz sutkalik monitoringi, tezkor boshqaruv va oʻz vaqtida hamkorlikda harakat qilishning yagona samarali tizimi tashkil etilmaganligi;

beshinchidan — favqulodda vaziyatlarning oldini olish va ularni bartaraf etish tizimida mazkur sohani ilmiy jihatdan taʼminlovchi tayanch oliy taʼlim muassasasi hamda maxsus tadqiqot markazi mavjud emasligi.

Oʻzbekiston Respublikasida favqulodda vaziyatlarning oldini olish va ularni bartaraf etish hamda yongʻin xavfsizligini taʼminlashda sifat jihatidan yangi tizimga oʻtish maqsadida:

1. Quyidagilar mavjud shtat birliklari, moliyaviy va moddiy-texnik bazasining toʻliq hajmida, doimiy joylashgan manzillari oʻzgartirilmagan holda oʻrnatilgan tartibda berilsin:

a) Oʻzbekiston Respublikasi Favqulodda vaziyatlar vazirligi tizimiga:

Oʻzbekiston Respublikasi Ichki ishlar vazirligidan:

Yongʻin xavfsizligi bosh boshqarmasi, uning tarkibiy va hududiy tuzilmalari (keyingi oʻrinlarda — Yongʻin xavfsizligi bosh boshqarmasi), Davlat yongʻin xavfsizligi xizmatining tugatilishini nazarda tutgan holda;

Yongʻin xavfsizligi instituti;

Mudofaa vazirligidan — Gidrometeorologik jarayonlarga taʼsir koʻrsatishni boshqarish xizmati;

b) Favqulodda vaziyatlar vazirligi tizimidan Oʻzbekiston Respublikasi Vazirlar Mahkamasi tasarrufiga — Gidrometeorologiya xizmati markazi.

2. Oʻzbekiston Respublikasi Favqulodda vaziyatlar vazirligiga quyidagilar boʻyicha qoʻshimcha vazifalar yuklatilsin:

yongʻin xavfsizligini taʼminlash sohasida davlat siyosatini yuritish;

yongʻinlarning samarali profilaktikasi va oldini olishni taʼminlash, shuningdek, yongʻin xavfsizligi talablariga rioya etish boʻyicha davlat yongʻin nazoratini amalga oshirish;

yongʻinlarni oʻchirishni, yongʻin sodir boʻlgan hududdagi insonlarni hamda jismoniy va yuridik shaxslarning mol-mulkini qutqarishni tashkil etish, shuningdek, atrof tabiiy muhitni yongʻinlardan asrash.

3. Oʻzbekiston Respublikasi Favqulodda vaziyatlar vazirligi tizimida mavjud hamda berilayotgan shtat birliklari doirasida quyidagilar tashkil etilsin:

Qutqaruv kuchlari xizmatini va favqulodda vaziyatlarni bartaraf etishni tashkil qilish bosh boshqarmasi, unga Oʻzbekiston Respublikasi Favqulodda vaziyatlar vazirligining barcha yongʻin-qutqaruv kuchlari va vositalarining jangovar tayyorgarligini taʼminlash hamda faoliyatlarini muvofiqlashtirish vazifalarini yuklagan holda;

Favqulodda vaziyatlarning oldini olish va ularda harakat qilish davlat tizimi hamda fuqaro muhofazasining tashkiliy taʼminoti va rejalashtirish bosh boshqarmasi, uni favqulodda vaziyatlar profilaktikasi boʻyicha vazirliklar, idoralar hamda mahalliy davlat hokimiyati organlarining faoliyatini muvofiqlashtirish uchun masʼul etib belgilagan holda;

Davlat yongʻin nazoratini tashkil etish bosh boshqarmasi, unga yongʻin nazorati va profilaktikasini amalga oshirish, tergovga qadar tekshiruv va maʼmuriy amaliyot nazorati, shuningdek, qurilishda yongʻinga qarshi meʼyorlashtirish sohasida meʼyoriy-texnik ishlarni amalga oshirish vakolatlarini yuklagan holda;

Yongʻin xavfsizligi instituti, Boshlangʻich tayyorgarlik va malaka oshirish markazi, shuningdek Oʻzbekiston Respublikasi Fuqaro muhofazasi instituti negizida Oʻzbekiston Respublikasi Favqulodda vaziyatlar vazirligi Akademiyasi.

4. Oʻzbekiston Respublikasi Favqulodda vaziyatlar vazirligi Akademiyasi qoshida Favqulodda vaziyatlar vazirligi, huquqni muhofaza qilish organlari va harbiylashtirilgan tuzilmalarning oliy taʼlim muassasalariga oʻquvchilarning oʻqishga kirishi uchun tayyorgarligini taʼminlovchi Ixtisoslashtirilgan litsey tashkil etilsin.

5. Belgilansinki:

Ichki ishlar vazirligida tugatilayotgan Davlat yongʻin xavfsizligi xizmatining yongʻin xavfsizligi sohasidagi maxsus vakolatli organi uchun qonunchilikda belgilangan vakolatlari Favqulodda vaziyatlar vazirligiga yuklatiladi;

favqulodda vaziyatlar vazirining yongʻin xavfsizligi sohasida profilaktika va nazorat faoliyatini muvofiqlashtiruvchi oʻrinbosari, maqomi boʻyicha yongʻin nazorati boʻyicha Oʻzbekiston Respublikasi bosh davlat inspektori hisoblanadi;

6. Belgilab qoʻyilsinki:

2020-yil 1-yanvardan boshlab Favqulodda vaziyatlar vazirligi tizimiga oʻtkazilgan Yongʻin xavfsizligi bosh boshqarmasi va Yongʻin xavfsizligi institutining shahodatlangan xodimlari, ichki ishlar organlari xodimlari uchun koʻzda tutilgan maxsus unvonlar boʻyicha amaldagi ish haqi miqdori saqlangan holda yagona harbiy xizmatchi maqomiga, professional yongʻin boʻlinmalarining ishchi-xizmatchilari esa — Oʻzbekiston Respublikasi Favqulodda vaziyatlar vazirligi qutqaruvchisi maqomiga ega boʻladilar hamda ularning ish staji qutqaruvchi maqomidagi ish stajiga tenglashtiriladi;

2021-yil 1-yanvardan boshlab Favqulodda vaziyatlar vazirligi tizimiga oʻtkazilgan Yongʻin xavfsizligi bosh boshqarmasi va Yongʻin xavfsizligi institutining shahodatlangan xodimlari shartnoma boʻyicha haqiqiy harbiy xizmatni oʻtash masalalarida pul taʼminoti, kiyim-kechak, tibbiy va maishiy xizmat, ijtimoiy imtiyozlar va nafaqa kafolati tartiblari boʻyicha Favqulodda vaziyatlar vazirligi harbiy xizmatchilarining tegishli toifalariga tenglashtiriladi.

7. Oʻzbekiston Respublikasi Favqulodda vaziyatlar vazirligi:

Ichki ishlar vazirligi bilan birgalikda bir hafta muddatda favqulodda vaziyatlar tuzilmalarining faoliyatini yanada takomillashtirish boʻyicha tashkiliy chora-tadbirlarni nazarda tutuvchi Oʻzbekiston Respublikasi Prezidentining qarori loyihasini kiritsin;

Oliy va oʻrta-maxsus taʼlim vazirligi bilan birgalikda ikki oy muddatda favqulodda vaziyatlarning oldini olish va ularni bartaraf etish, shuningdek, yongʻin xavfsizligini taʼminlash sohasida kadrlarni tayyorlash, qayta tayyorlash va malakasini oshirish tizimini tubdan takomillashtirishga qaratilgan Oʻzbekiston Respublikasi Prezidentining qarori loyihasini kiritsin;

manfaatdor vazirlik va idoralar bilan birgalikda uch oy muddatda respublikaning shaharlari, aholi punktlari va obyektlarida Favqulodda vaziyatlar vazirligi yongʻin-qutqaruv qismlari va postlari faoliyatini tashkil etish tartibini belgilovchi Hukumat qarori loyihasini ishlab chiqsin va Oʻzbekiston Respublikasi Vazirlar Mahkamasiga kiritsin;

Oʻzbekiston Respublikasi Adliya vazirligi bilan birgalikda qonun hujjatlariga mazkur Farmondan kelib chiqadigan oʻzgartirish va qoʻshimchalarning belgilangan tartibda kiritilishini taʼminlasin.

8. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 10-aprel,

PF-5706-son

lex.uz

Президента Республики Узбекистан

Указ

О внедрении в Республике Узбекистан качественно новой системы предупреждения и ликвидации чрезвычайных ситуаций, а также обеспечения пожарной безопасности

За годы независимости в стране реализованы действенные меры по защите населения и территории от чрезвычайных ситуаций природного и техногенного характера, сформирована комплексная система противодействия пожарам, поэтапно укрепляется материально-техническая база в данных направлениях, в том числе путем развития производства отечественных видов пожарной и аварийно-спасательной техники и оборудования.

Вместе с тем, результаты изучения эффективности действующей системы обеспечения пожарной безопасности, предупреждения и ликвидации чрезвычайных ситуаций с учетом передового зарубежного опыта свидетельствуют о наличии следующих факторов, негативно влияющих на безопасную жизнедеятельность граждан:

первое — разрозненное функционирование систем обеспечения пожарной безопасности и реагирования на чрезвычайные ситуации, межведомственное дублирование отдельных функций и задач в данных направлениях;

второе — низкая мобильность, недостаточность сил и средств, а также малая эффективность механизмов взаимодействия территориальных подразделений по чрезвычайным ситуациями службы пожарной безопасности органов внутренних дел;

третье — неполный охват территорий городов и районов республики возможностями сил и средств обеспечения пожарной безопасности, недостаточный уровень принимаемых мер по ранней профилактике и предупреждению пожаров;

четвертое — неналаженность единой эффективной системы непрерывного круглосуточного мониторинга, оперативного управления и своевременного взаимного реагирования на возможные чрезвычайные ситуации и пожары;

пятое — отсутствие в системе предупреждения и ликвидации чрезвычайных ситуаций базового высшего образовательного учреждения и специального исследовательского центра, обеспечивающих научное сопровождение данной сферы.

В целях перехода в Республике Узбекистан на качественно новую систему предупреждения и ликвидации чрезвычайных ситуаций, а также обеспечения пожарной безопасности:

1. Передать в установленном порядке с имеющейся штатной численностью, финансовой и материально-технической базой в полном объеме без изменения пунктов постоянной дислокации:

а) в систему Министерства по чрезвычайным ситуациям Республики Узбекистан из:

Министерства внутренних дел Республики Узбекистан:

Главное управление пожарной безопасности, его структурные и территориальные подразделения (далее — Главное управление пожарной безопасности), предусмотрев упразднение Государственной службы пожарной безопасности;

Институт пожарной безопасности;

Министерства обороны — Службу управления воздействием на гидрометеорологические процессы;

б) из системы Министерства по чрезвычайным ситуациям в ведение Кабинета Министров Республики Узбекистан — Центр гидрометеорологической службы.

2. Возложить на Министерство по чрезвычайным ситуациям Республики Узбекистан дополнительно задачи по:

реализации государственной политики в сфере обеспечения пожарной безопасности;

обеспечению эффективной профилактики и предупреждения пожаров, а также осуществлению государственного пожарного надзора за соблюдением требований пожарной безопасности;

организации тушения пожаров, спасения людей и имущества физических и юридических лиц, оказавшихся в зоне пожара, а также защите окружающей природной среды от пожаров.

3. Образовать в структуре Министерства по чрезвычайным ситуациям Республики Узбекистан в пределах имеющейся и передаваемой штатной численности:

Главное управление организации службы спасательных сил и ликвидации чрезвычайных ситуаций с возложением на него задач по координации деятельности и обеспечению боеготовности всех пожарно-спасательных сил и средств Министерства по чрезвычайным ситуациям Республики Узбекистан;

Главное управление организационного обеспечения и планирования Государственной системы предупреждения и действий в чрезвычайных ситуациях и гражданской защиты, определив его ответственным за координацию деятельности министерств, ведомств и органов государственной власти на местах по профилактике чрезвычайных ситуаций;

Главное управление организации государственного пожарного надзора, возложив на него полномочия по осуществлению пожарного надзора и профилактики, контроля доследственной проверки и административной практики, а также выполнение нормативно-технической работы в сфере противопожарного нормирования в строительстве;

Академию Министерства по чрезвычайным ситуациям Республики Узбекистан на базе передаваемых Института пожарной безопасности, Центра первоначальной подготовки и повышения квалификации, а также Института гражданской защиты Республики Узбекистан.

4. Создать при Академии Министерства по чрезвычайным ситуациям Республики Узбекистан Специализированный лицей, обеспечивающий подготовку учащихся к поступлению в высшие образовательные учреждения Министерства по чрезвычайным ситуациям, правоохранительных и силовых структур.

5. Определить, что:

полномочия упраздняемой Государственной службы пожарной безопасности Министерства внутренних дел, предусмотренные законодательством для специально уполномоченного органа в области пожарной безопасности, возлагаются на Министерство по чрезвычайным ситуациям Республики Узбекистан;

заместитель министра по чрезвычайным ситуациям, курирующий профилактическую и надзорную деятельность в сфере пожарной безопасности, является по статусу Главным государственным инспектором Республики Узбекистан по пожарному надзору.

6. Установить, что:

с 1 января 2020 года аттестованные сотрудники Главного управления пожарной безопасности и Института пожарной безопасности, переведенные в систему Министерства по чрезвычайным ситуациям, приобретают единый статус военнослужащих с сохранением действующих размеров оклада по специальным званиям, предусмотренным для сотрудников органов внутренних дел, а работники профессиональных пожарных подразделений из числа гражданского персонала — статус спасателя Министерства по чрезвычайным ситуациям Республики Узбекистан, а также их стаж работы приравнивается к стажу работы в статусе спасателя;

с 1 января 2021 года аттестованные сотрудники, переведенные из Главного управления пожарной безопасности и Института пожарной безопасности в систему Министерства по чрезвычайным ситуациям в вопросах прохождения действительной военной службы по контракту, по условиям обеспечения денежным довольствием, порядкам вещевого, медицинского и бытового обслуживания, социальных льгот и пенсионных гарантий приравниваются к соответствующим категориям военнослужащих Министерства по чрезвычайным ситуациям Республики Узбекистан.

7. Министерству по чрезвычайным ситуациям Республики Узбекистан совместно с:

Министерством внутренних дел в недельный срок внести проект постановления Президента Республики Узбекистан, предусматривающий организационные меры по дальнейшему совершенствованию деятельности подразделений по чрезвычайным ситуациям;

Министерством высшего и среднего специального образования в двухмесячный срок внести проект постановления Президента Республики Узбекистан, направленный на коренное совершенствование системы подготовки, переподготовки и повышения квалификации кадров в сфере обеспечения пожарной безопасности, предупреждения и ликвидации последствий чрезвычайных ситуаций;

заинтересованными министерствами и ведомствами в трехмесячный срок разработать и внести в Кабинет Министров Республики Узбекистан проект постановления Правительства, устанавливающий порядок организации пожарно-спасательных частей и постов Министерства по чрезвычайным ситуациям в городах, населенных пунктах и на объектах республики;

Министерством юстиции Республики Узбекистан обеспечить в установленном порядке внесение изменений и дополнений в законодательство, вытекающих из настоящего Указа.

8. Контроль за исполнением настоящего Указа возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.

Президент Республики Узбекистан Ш. МИРЗИЁЕВ

г. Ташкент,

10 апреля 2019 г.,

№ УП-5706

lex.uz