📅 2019-yil 3-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 3 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 3 мая 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 3 May 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат хавфсизлигини таъминлаш манфаатлари нуқтаи назаридан гаров ва ипотека қўлланилиши мумкин бўлмаган объектлар тоифалари рўйхатининг 6-бандига ўзгартириш киритиш ҳақида
Ўзбекистон Республикаси Президентининг «Озодликдан маҳрум этилган шахсларнинг меҳнат билан бандлигини таъминлаш бўйича қўшимча чора-тадбирлар тўғрисида» 2019 йил 29 январдаги ПҚ-4138-сон қарорига мувофиқ Вазирлар Маҳкамаси қарор қилади:
1. Вазирлар Маҳкамасининг 2015 йил 8 майдаги 114-сон қарори (Ўзбекистон Республикаси ҚТ, 2015 й., 5-сон, 36-модда) билан тасдиқланган Давлат хавфсизлигини таъминлаш манфаатлари нуқтаи назаридан гаров ва ипотека қўлланилиши мумкин бўлмаган объектлар тоифалари рўйхатининг 6-банди қуйидаги таҳрирда баён этилсин:
«6. Ўзбекистон Республикаси Қуролли Кучларининг, Давлат хавфсизлик хизматининг ва Ички ишлар вазирлигининг корхоналари, объектлари ва ҳарбий-техникавий мол-мулки (саноатда қайта ишлов берилгунига қадар, шунингдек, саноатда қайта ишлов берилиши мумкин бўлмаган мол-мулк) (жазони ижро этиш муассасалари ҳузуридаги давлат унитар корхоналари тасарруфида бўлган ва давлат мулки ҳисобланган ҳамда Ўзбекистон Республикаси ички ишлар вазири билан келишилган ҳолда гаров ва ипотека қўлланиладиган бино ҳамда иншоотлар, шу жумладан бошқа мол-мулк бундан мустасно)».
2. Ўзбекистон Республикаси Ички ишлар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг бажарилишини назорат қилиш Ўзбекистон Республикаси ички ишлар вазири П.Р. Бобожонов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 3 май,
371-сон
Oʻzbekiston Respublikasi Vazirlar Mahkamasining
qarori
Davlat xavfsizligini taʼminlash manfaatlari nuqtai nazaridan garov va ipoteka qoʻllanilishi mumkin boʻlmagan obyektlar toifalari roʻyxatining 6-bandiga oʻzgartirish kiritish haqida
Oʻzbekiston Respublikasi Prezidentining “Ozodlikdan mahrum etilgan shaxslarning mehnat bilan bandligini taʼminlash boʻyicha qoʻshimcha chora-tadbirlar toʻgʻrisida” 2019-yil 29-yanvardagi PQ-4138-son qaroriga muvofiq Vazirlar Mahkamasi qaror qiladi:
1. Vazirlar Mahkamasining 2015-yil 8-maydagi 114-son qarori (Oʻzbekiston Respublikasi QT, 2015-y., 5-son, 36-modda) bilan tasdiqlangan Davlat xavfsizligini taʼminlash manfaatlari nuqtai nazaridan garov va ipoteka qoʻllanilishi mumkin boʻlmagan obyektlar toifalari roʻyxatining 6-bandi quyidagi tahrirda bayon etilsin:
“6. Oʻzbekiston Respublikasi Qurolli Kuchlarining, Davlat xavfsizlik xizmatining va Ichki ishlar vazirligining korxonalari, obyektlari va harbiy-texnikaviy mol-mulki (sanoatda qayta ishlov berilguniga qadar, shuningdek, sanoatda qayta ishlov berilishi mumkin boʻlmagan mol-mulk) (jazoni ijro etish muassasalari huzuridagi davlat unitar korxonalari tasarrufida boʻlgan va davlat mulki hisoblangan hamda Oʻzbekiston Respublikasi ichki ishlar vaziri bilan kelishilgan holda garov va ipoteka qoʻllaniladigan bino hamda inshootlar, shu jumladan boshqa mol-mulk bundan mustasno)”.
2. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 3-may,
371-son
Кабинета Министров Республики Узбекистан
Постановление
О внесении изменения в пункт 6 Перечня категорий объектов, в отношении которых в интересах обеспечения государственной безопасности применение залога и ипотеки не допускается
В соответствии с постановлением Президента Республики Узбекистан от 29 января 2019 года № ПП-4138 «О дополнительных мерах по обеспечению трудовой занятости лиц, осужденных к лишению свободы» Кабинет Министров постановляет:
1. Пункт 6 Перечня категорий объектов, в отношении которых в интересах обеспечения государственной безопасности применение залога и ипотеки не допускается, утвержденного постановлением Кабинета Министров от 8 мая 2015 г. № 114 (СП Республики Узбекистан, 2015 г., №5, ст.36), изложить в следующей редакции:
«6. Предприятия, объекты и военно-техническое имущество (до промышленной утилизации, а также не подлежащее промышленной утилизации) Вооруженных Сил, Службы государственной безопасности и Министерства внутренних дел Республики Узбекистан (за исключением зданий и сооружений, а также другого имущества, находящихся в ведении государственных унитарных предприятий при учреждениях по исполнению наказания и являющихся государственной собственностью, применение залога и ипотеки в отношении которых допускается по согласованию с министром внутренних дел Республики Узбекистан)».
2. Министерству внутренних дел Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
3. Контроль за исполнением настоящего постановления возложить на министра внутренних дел Республики Узбекистан П.Р. Бобожонова.
Премьер-министр Республики Узбекистан А. АРИПОВ
г. Ташкент,
3 мая 2019 г.,
№ 371