📅 2019-yil 14-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 мая 2019 г. · Постановления Президента
Официальный текст. Официальный документ. Редакционные примечания не включены.
📅 14 May 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида
Қайд этиш лозимки, 2018/2019 ўқув йилида илк маротаба олий таълим муассасалари бакалавриат таълим йўналишларига ўқишга қабул қилиш учун тест синовлари очиқ майдонли биноларда ўтказилди.
Имтиҳонларни ошкора ва шаффоф тарзда ўтказиш мақсадида абитуриентлар бинога киришда шахсни идентификациялаш қурилмалари ёрдамида текширилди, тест синовлари кузатув камералари ёрдамида назорат қилинди. Ушбу жараёнлар абитуриентларнинг ота-оналари учун бевосита катта мониторларда, Интернет тармоғи ва телевидение орқали тўғридан-тўғри намойиш қилинди.
Шу билан бирга, соҳада амалга оширилаётган ислоҳотларни давом эттирган ҳолда, олий таълим муассасаларига ўқишга қабул қилишда ўтказиладиган кириш тест синовларини халқаро стандартларга мувофиқлаштириш, шунингдек ёшларнинг таълим олишга бўлган иштиёқини рағбатлантириш мақсадида абитуриентларнинг бир нечта бакалавриат таълим йўналишлари бўйича танловда иштирок этишлари учун кенг имкониятлар яратиш лозим.
Мамлакатимизни янада ривожлантириш учун олдимизда турган устувор вазифаларни профессионал даражада бажаришга қодир ёшларни тарбиялаш, иқтисодиёт тармоқлари ва ижтимоий соҳани юқори малакали кадрлар билан таъминлаш мақсадида, шунингдек 2017 ― 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастурига мувофиқ:
1. Ўзбекистон Республикаси Вазирлар Маҳкамаси ҳузуридаги Давлат тест маркази (кейинги ўринларда — Давлат тест маркази), Олий ва ўрта махсус таълим вазирлиги, Халқ таълими вазирлиги, Молия вазирлиги ҳамда Иқтисодиёт ва саноат вазирлигининг қуйидаги таклифлари маъқуллансин:
2019/2020 ўқув йили қабули доирасида абитуриентларга олий таълим муассасаларининг тест синови топшириладиган фанлар мажмуаси бир хил бўлган учтагача бакалавриат таълим йўналишида танловда иштирок этиш ҳуқуқини бериш;
2019/2020 ўқув йили қабулидан бошлаб олий таълим муассасасига ўқишга қабул қилиш бўйича кириш тест синовларини июль-август ойларида ўтказиш;
2021/2022 ўқув йили қабулидан бошлаб тест синови топшириладиган фанлар мажмуасини икки бўлимга ажратиб, биринчи бўлимга барча тест топширувчилар учун мажбурий учта фан — она тили (ўзбек, рус ёки қорақалпоқ тили), математика ва Ўзбекистон тарихи, иккинчи бўлимга абитуриент танлаган бакалавриат таълим йўналишига мос иккита фанни киритиш;
тест синовлари ташкил этилаётган ўқув йилидан аввалги йилларда таълим муассасаларини тугатган абитуриентлардан (ногиронлиги бўлган ёки тўлиқ давлат таъминотидаги шахслар бундан мустасно) тест синовларида иштирок этиши учун базавий ҳисоблаш миқдорининг ярим баравари миқдорида тўлов ундириш;
абитуриентнинг тест синовида тўплаган баллари ҳақидаги маълумотни тест синови ўтказилган куннинг эртасига, унинг талабаликка тавсия этилгани ёки этилмагани бўйича белгиланган тартибда тасдиқланган танлов натижасини тест синовларини ўтказиш жараёни тўлиқ якунлангандан кейин бир ҳафта муддат ичида Билим ва малакаларни баҳолаш агентлигининг расмий веб-сайтида эълон қилиш.
2. Белгилаб қўйилсинки:
тест синови топшириқлари давлат таълим стандартлари ва ўқув дастурлари асосида тузилади;
тест синови материалларининг маъно-мазмуни умумий ўрта таълим тизимидаги фанларнинг ўқув дастурларига мослаштирилади;
абитуриентларнинг назарий билимларни ўзлаштириш даражаси билан бирга мантиқий фикрлаши, масала ва мисолларни бажара олиш қобилияти ва таълимнинг кейинги босқичига тайёргарлигини баҳолайдиган, компетенцияга асосланган тест топшириқлари ишлаб чиқилади;
бакалавриат таълим йўналишларига мос тест синови топшириладиган фанлар мажмуаси, баҳолаш мезонлари, тест топшириқлари сони ва тест синовларини ўтказишнинг аниқ муддатлари Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан, Тошкент давлат юридик университети бакалавриат таълим йўналишлари бўйича тест синовлари топшириладиган фанлар мажмуаси эса университет томонидан белгиланади;
бакалавриат таълим йўналишларига мос тест синови топшириладиган фанлар мажмуаси ҳар йили 15 октябрга қадар эълон қилинади;
Ўзбекистон Республикасининг олий таълим муассасаларига ўқишга қабул қилишнинг давлат буюртмаси параметрлари тасдиқлангандан сўнг, янги бакалавриат таълим йўналишлари ташкил этилган тақдирда, уларга мос тест синови топшириладиган фанлар мажмуаси алоҳида тасдиқланади;
2019/2020 ўқув йили қабулидан бошлаб Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан белгиланадиган давлат олий таълим муассасаларига бакалавриатга ўқишга кириш учун абитуриентлар Давлат хизматлари марказлари ёки Ўзбекистон Республикаси Ягона интерактив давлат хизматлари портали орқали мурожаат қиладилар.
3. Билим ва малакаларни баҳолаш агентлиги ҳузурида юридик шахс ташкил этмаган ҳолда Билим ва малакаларни баҳолаш агентлиги фаолиятини ривожлантириш жамғармаси (кейинги ўринларда — Жамғарма) ташкил этилганлиги маълумот учун қабул қилинсин.
Қуйидагилар Жамғармани шакллантириш манбалари этиб белгилансин:
Билим ва малакаларни баҳолаш агентлиги томонидан шартнома бўйича жисмоний ва юридик шахсларга хизматлар кўрсатишдан тушган маблағлар;
абитуриентлардан тест синовларида иштирок этиши учун ундирилган тўловлар;
Жамғарманинг вақтинча бўш маблағларини жойлаштиришдан олинадиган даромадлар;
юридик ва жисмоний шахсларнинг ҳомийлик хайриялари;
халқаро молия ташкилотлари ва хорижий давлатларнинг грантлари ҳамда техник кўмаклашиш маблағлари;
қонун ҳужжатлари билан тақиқланмаган бошқа маблағлар.
4. Белгилансинки, Жамғарманинг маблағлари фоиздаги улуши чегараланмаган ҳолда қуйидаги мақсадларга сарфланади:
Билим ва малакаларни баҳолаш агентлигининг моддий-техник базасини мустаҳкамлаш;
Билим ва малакаларни баҳолаш агентлиги ходимларини, шу жумладан хорижий давлатларнинг илмий-тадқиқот, таълим ва бошқа муассасаларида ўқитиш, малакасини ошириш ва стажировка ўташ;
Билим ва малакаларни баҳолаш агентлиги ходимларининг лавозим маошига (рағбатлантириш коэффициентини ҳисобга олган ҳолда) ойлик устамалар ва бошқа рағбатлантирувчи тўловларни амалга ошириш;
фуқаролик-ҳуқуқий шартномалар асосида юқори малакали мутахассисларни, шу жумладан хорижий экспертлар ва хорижда истиқомат қилаётган ватандошларни Билим ва малакаларни баҳолаш агентлигига ишлаш учун жалб этиш;
тест синовлари жараёнига жалб этилган иштирокчиларга (бино раҳбари ва гуруҳ назоратчилари) иш ҳақи тўлаш;
тест синовлари ўтказиладиган биноларнинг ижара тўловларини амалга ошириш;
қонун ҳужжатларида тақиқланмаган Билим ва малакаларни баҳолаш агентлиги фаолияти билан боғлиқ бошқа чора-тадбирлар.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги томонидан белгиланган тартибда шакллантириладиган рўйхатлар бўйича, тест синовлари ўтказиладиган биноларни жиҳозлаш учун олиб келинадиган, Ўзбекистон Республикасида ишлаб чиқарилмайдиган ускуналар (шахсни идентификациялаш воситалари, видео қайд қилиш қурилмалари, бармоқ изларини текширувчи, мобиль алоқа тўлқинини тўсувчи воситалар, металл детекторлар ҳамда мониторлар) 2022 йил 1 январга қадар божхона тўловларидан (божхона йиғимларидан ташқари) озод қилинсин.
6. Ўзбекистон Республикаси Вазирлар Маҳкамаси:
мазкур қарорда белгиланган вазифалардан келиб чиққан ҳолда Давлат тест марказининг ходимларнинг чекланган сони 186 нафардан иборат бўлган янгиланган тузилмасини тасдиқлаш ва унинг фаолиятини янада такомиллаштириш тўғрисидаги Ҳукумат қарорини бир ой муддатда қабул қилсин;
Қорақалпоғистон Республикаси, вилоятлар ва Тошкент шаҳар маъмурий марказларида Давлат тест марказлари ҳудудий бўлимларини жойлаштириш ва келгусида тест синовларини йил давомида ўтказиш мақсадида енгил конструкцияли материаллардан катта сиғимли бино ва иншоотларни қуриш бўйича бир ой муддатда Ўзбекистон Республикаси Президенти Администрациясига таклиф киритсин.
7. Ўзбекистон Республикаси Президентининг 2017 йил 16 ноябрдаги ПҚ-3389-сон «Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида»ги қарорига иловага мувофиқ ўзгартириш ва қўшимчалар киритилсин.
8. Давлат тест маркази манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2019 йил 14 майдаги ПҚ-4319-сон қарорига ИЛОВА
Ўзбекистон Республикаси Президентининг 2017 йил 16 ноябрдаги ПҚ-3389-сон «Республика олий таълим муассасалари бакалавриатига кириш тест синовларини ўтказиш тартибини такомиллаштириш тўғрисида»ги қарорига киритилаётган ўзгартириш ва қўшимчалар
1. 1-банднинг :
иккинчи хатбошисидаги «1 августдан 15 августгача» сўзлари «июль-август ойларида» сўзлари билан алмаштирилсин;
учинчи хатбошиси қуйидаги таҳрирда баён этилсин:
«абитуриентнинг тест синовидан тўплаган баллари ҳақидаги маълумотни тест синови ўтказилган куннинг эртасига, унинг талабаликка тавсия этилгани ёки этилмагани бўйича белгиланган тартибда тасдиқланган танлов натижасини тест синовларини ўтказиш жараёни тўлиқ якунлангандан кейин бир ҳафта муддат ичида Давлат тест марказининг расмий веб-сайтида эълон қилиш;».
2. 4-банди қуйидаги таҳрирда баён этилсин:
«Ўзбекистон Республикаси Молия вазирлиги:
тест материалларини тайёрлаш ва тест синовлари натижалари ўз вақтида эълон қилинишини таъминлаш мақсадида Давлат тест марказига замонавий моддий-техник воситалар ва жиҳозлар харид қилиш учун 2018 йилдан бошлаб Ўзбекистон Республикаси Давлат бюджетидан зарур маблағлар ажратилишини назарда тутсин;
Давлат тест марказининг бюджетдан ташқари маблағлари ҳамда олий таълим муассасаларининг оширилган тўлов-контракт тушумлари (5 фоизгача миқдорда) ҳисобига бир ой муддатда Давлат тест маркази ҳузурида Давлат тест маркази фаолиятини ривожлантириш жамғармасини ташкил этсин».
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 14 май,
ПҚ-4319-сон
Oʻzbekiston Respublikasi Prezidentining
qarori
Oliy taʼlim muassasalariga test sinovlari orqali qabul qilish tizimini takomillashtirish boʻyicha qoʻshimcha chora-tadbirlar toʻgʻrisida
Qayd etish lozimki, 2018/2019 oʻquv yilida ilk marotaba oliy taʼlim muassasalari bakalavriat taʼlim yoʻnalishlariga oʻqishga qabul qilish uchun test sinovlari ochiq maydonli binolarda oʻtkazildi.
Imtihonlarni oshkora va shaffof tarzda oʻtkazish maqsadida abituriyentlar binoga kirishda shaxsni identifikatsiyalash qurilmalari yordamida tekshirildi, test sinovlari kuzatuv kameralari yordamida nazorat qilindi. Ushbu jarayonlar abituriyentlarning ota-onalari uchun bevosita katta monitorlarda, Internet tarmogʻi va televideniye orqali toʻgʻridan-toʻgʻri namoyish qilindi.
Shu bilan birga, sohada amalga oshirilayotgan islohotlarni davom ettirgan holda, oliy taʼlim muassasalariga oʻqishga qabul qilishda oʻtkaziladigan kirish test sinovlarini xalqaro standartlarga muvofiqlashtirish, shuningdek yoshlarning taʼlim olishga boʻlgan ishtiyoqini ragʻbatlantirish maqsadida abituriyentlarning bir nechta bakalavriat taʼlim yoʻnalishlari boʻyicha tanlovda ishtirok etishlari uchun keng imkoniyatlar yaratish lozim.
Mamlakatimizni yanada rivojlantirish uchun oldimizda turgan ustuvor vazifalarni professional darajada bajarishga qodir yoshlarni tarbiyalash, iqtisodiyot tarmoqlari va ijtimoiy sohani yuqori malakali kadrlar bilan taʼminlash maqsadida, shuningdek 2017 ― 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturiga muvofiq:
1. Oʻzbekiston Respublikasi Vazirlar Mahkamasi huzuridagi Davlat test markazi (keyingi oʻrinlarda — Davlat test markazi), Oliy va oʻrta maxsus taʼlim vazirligi, Xalq taʼlimi vazirligi, Moliya vazirligi hamda Iqtisodiyot va sanoat vazirligining quyidagi takliflari maʼqullansin:
2019/2020 oʻquv yili qabuli doirasida abituriyentlarga oliy taʼlim muassasalarining test sinovi topshiriladigan fanlar majmuasi bir xil boʻlgan uchtagacha bakalavriat taʼlim yoʻnalishida tanlovda ishtirok etish huquqini berish;
2019/2020 oʻquv yili qabulidan boshlab oliy taʼlim muassasasiga oʻqishga qabul qilish boʻyicha kirish test sinovlarini iyul-avgust oylarida oʻtkazish;
2021/2022 oʻquv yili qabulidan boshlab test sinovi topshiriladigan fanlar majmuasini ikki boʻlimga ajratib, birinchi boʻlimga barcha test topshiruvchilar uchun majburiy uchta fan — ona tili (oʻzbek, rus yoki qoraqalpoq tili), matematika va Oʻzbekiston tarixi, ikkinchi boʻlimga abituriyent tanlagan bakalavriat taʼlim yoʻnalishiga mos ikkita fanni kiritish;
test sinovlari tashkil etilayotgan oʻquv yilidan avvalgi yillarda taʼlim muassasalarini tugatgan abituriyentlardan (nogironligi boʻlgan yoki toʻliq davlat taʼminotidagi shaxslar bundan mustasno) test sinovlarida ishtirok etishi uchun bazaviy hisoblash miqdorining yarim baravari miqdorida toʻlov undirish;
abituriyentning test sinovida toʻplagan ballari haqidagi maʼlumotni test sinovi oʻtkazilgan kunning ertasiga, uning talabalikka tavsiya etilgani yoki etilmagani boʻyicha belgilangan tartibda tasdiqlangan tanlov natijasini test sinovlarini oʻtkazish jarayoni toʻliq yakunlangandan keyin bir hafta muddat ichida Bilim va malakalarni baholash agentligining rasmiy veb-saytida eʼlon qilish.
2. Belgilab qoʻyilsinki:
test sinovi topshiriqlari davlat taʼlim standartlari va oʻquv dasturlari asosida tuziladi;
test sinovi materiallarining maʼno-mazmuni umumiy oʻrta taʼlim tizimidagi fanlarning oʻquv dasturlariga moslashtiriladi;
abituriyentlarning nazariy bilimlarni oʻzlashtirish darajasi bilan birga mantiqiy fikrlashi, masala va misollarni bajara olish qobiliyati va taʼlimning keyingi bosqichiga tayyorgarligini baholaydigan, kompetensiyaga asoslangan test topshiriqlari ishlab chiqiladi;
bakalavriat taʼlim yoʻnalishlariga mos test sinovi topshiriladigan fanlar majmuasi, baholash mezonlari, test topshiriqlari soni va test sinovlarini oʻtkazishning aniq muddatlari Oʻzbekiston Respublikasi taʼlim muassasalariga oʻqishga qabul qilish boʻyicha davlat komissiyasi tomonidan, Toshkent davlat yuridik universiteti bakalavriat taʼlim yoʻnalishlari boʻyicha test sinovlari topshiriladigan fanlar majmuasi esa universitet tomonidan belgilanadi;
bakalavriat taʼlim yoʻnalishlariga mos test sinovi topshiriladigan fanlar majmuasi har yili 15-oktabrga qadar eʼlon qilinadi;
Oʻzbekiston Respublikasining oliy taʼlim muassasalariga oʻqishga qabul qilishning davlat buyurtmasi parametrlari tasdiqlangandan soʻng, yangi bakalavriat taʼlim yoʻnalishlari tashkil etilgan taqdirda, ularga mos test sinovi topshiriladigan fanlar majmuasi alohida tasdiqlanadi;
2019/2020 oʻquv yili qabulidan boshlab Oʻzbekiston Respublikasi taʼlim muassasalariga oʻqishga qabul qilish boʻyicha davlat komissiyasi tomonidan belgilanadigan davlat oliy taʼlim muassasalariga bakalavriatga oʻqishga kirish uchun abituriyentlar Davlat xizmatlari markazlari yoki Oʻzbekiston Respublikasi Yagona interaktiv davlat xizmatlari portali orqali murojaat qiladilar.
3. Bilim va malakalarni baholash agentligi huzurida yuridik shaxs tashkil etmagan holda Bilim va malakalarni baholash agentligi faoliyatini rivojlantirish jamgʻarmasi (keyingi oʻrinlarda — Jamgʻarma) tashkil etilganligi maʼlumot uchun qabul qilinsin.
Quyidagilar Jamgʻarmani shakllantirish manbalari etib belgilansin:
Bilim va malakalarni baholash agentligi tomonidan shartnoma boʻyicha jismoniy va yuridik shaxslarga xizmatlar koʻrsatishdan tushgan mablagʻlar;
abituriyentlardan test sinovlarida ishtirok etishi uchun undirilgan toʻlovlar;
Jamgʻarmaning vaqtincha boʻsh mablagʻlarini joylashtirishdan olinadigan daromadlar;
yuridik va jismoniy shaxslarning homiylik xayriyalari;
xalqaro moliya tashkilotlari va xorijiy davlatlarning grantlari hamda texnik koʻmaklashish mablagʻlari;
qonun hujjatlari bilan taqiqlanmagan boshqa mablagʻlar.
4. Belgilansinki, Jamgʻarmaning mablagʻlari foizdagi ulushi chegaralanmagan holda quyidagi maqsadlarga sarflanadi:
Bilim va malakalarni baholash agentligining moddiy-texnik bazasini mustahkamlash;
Bilim va malakalarni baholash agentligi xodimlarini, shu jumladan xorijiy davlatlarning ilmiy-tadqiqot, taʼlim va boshqa muassasalarida oʻqitish, malakasini oshirish va stajirovka oʻtash;
Bilim va malakalarni baholash agentligi xodimlarining lavozim maoshiga (ragʻbatlantirish koeffitsiyentini hisobga olgan holda) oylik ustamalar va boshqa ragʻbatlantiruvchi toʻlovlarni amalga oshirish;
fuqarolik-huquqiy shartnomalar asosida yuqori malakali mutaxassislarni, shu jumladan xorijiy ekspertlar va xorijda istiqomat qilayotgan vatandoshlarni Bilim va malakalarni baholash agentligiga ishlash uchun jalb etish;
test sinovlari jarayoniga jalb etilgan ishtirokchilarga (bino rahbari va guruh nazoratchilari) ish haqi toʻlash;
test sinovlari oʻtkaziladigan binolarning ijara toʻlovlarini amalga oshirish;
qonun hujjatlarida taqiqlanmagan Bilim va malakalarni baholash agentligi faoliyati bilan bogʻliq boshqa chora-tadbirlar.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan belgilangan tartibda shakllantiriladigan roʻyxatlar boʻyicha, test sinovlari oʻtkaziladigan binolarni jihozlash uchun olib kelinadigan, Oʻzbekiston Respublikasida ishlab chiqarilmaydigan uskunalar (shaxsni identifikatsiyalash vositalari, video qayd qilish qurilmalari, barmoq izlarini tekshiruvchi, mobil aloqa toʻlqinini toʻsuvchi vositalar, metall detektorlar hamda monitorlar) 2022-yil 1-yanvarga qadar bojxona toʻlovlaridan (bojxona yigʻimlaridan tashqari) ozod qilinsin.
6. Oʻzbekiston Respublikasi Vazirlar Mahkamasi:
mazkur qarorda belgilangan vazifalardan kelib chiqqan holda Davlat test markazining xodimlarning cheklangan soni 186 nafardan iborat boʻlgan yangilangan tuzilmasini tasdiqlash va uning faoliyatini yanada takomillashtirish toʻgʻrisidagi Hukumat qarorini bir oy muddatda qabul qilsin;
Qoraqalpogʻiston Respublikasi, viloyatlar va Toshkent shahar maʼmuriy markazlarida Davlat test markazlari hududiy boʻlimlarini joylashtirish va kelgusida test sinovlarini yil davomida oʻtkazish maqsadida yengil konstruksiyali materiallardan katta sigʻimli bino va inshootlarni qurish boʻyicha bir oy muddatda Oʻzbekiston Respublikasi Prezidenti Administratsiyasiga taklif kiritsin.
7. Oʻzbekiston Respublikasi Prezidentining 2017-yil 16-noyabrdagi PQ-3389-son “Respublika oliy taʼlim muassasalari bakalavriatiga kirish test sinovlarini oʻtkazish tartibini takomillashtirish toʻgʻrisida”gi qaroriga ilovaga muvofiq oʻzgartirish va qoʻshimchalar kiritilsin.
8. Davlat test markazi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2019-yil 14-maydagi PQ-4319-son qaroriga ILOVA
Oʻzbekiston Respublikasi Prezidentining 2017-yil 16-noyabrdagi PQ-3389-son “Respublika oliy taʼlim muassasalari bakalavriatiga kirish test sinovlarini oʻtkazish tartibini takomillashtirish toʻgʻrisida”gi qaroriga kiritilayotgan oʻzgartirish va qoʻshimchalar
1. 1-bandning :
ikkinchi xatboshisidagi “1-avgustdan 15-avgustgacha” soʻzlari “iyul-avgust oylarida” soʻzlari bilan almashtirilsin;
uchinchi xatboshisi quyidagi tahrirda bayon etilsin:
“abituriyentning test sinovidan toʻplagan ballari haqidagi maʼlumotni test sinovi oʻtkazilgan kunning ertasiga, uning talabalikka tavsiya etilgani yoki etilmagani boʻyicha belgilangan tartibda tasdiqlangan tanlov natijasini test sinovlarini oʻtkazish jarayoni toʻliq yakunlangandan keyin bir hafta muddat ichida Davlat test markazining rasmiy veb-saytida eʼlon qilish;”.
2. 4-bandi quyidagi tahrirda bayon etilsin:
“Oʻzbekiston Respublikasi Moliya vazirligi:
test materiallarini tayyorlash va test sinovlari natijalari oʻz vaqtida eʼlon qilinishini taʼminlash maqsadida Davlat test markaziga zamonaviy moddiy-texnik vositalar va jihozlar xarid qilish uchun 2018-yildan boshlab Oʻzbekiston Respublikasi Davlat budjetidan zarur mablagʻlar ajratilishini nazarda tutsin;
Davlat test markazining budjetdan tashqari mablagʻlari hamda oliy taʼlim muassasalarining oshirilgan toʻlov-kontrakt tushumlari (5 foizgacha miqdorda) hisobiga bir oy muddatda Davlat test markazi huzurida Davlat test markazi faoliyatini rivojlantirish jamgʻarmasini tashkil etsin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 14-may,
PQ-4319-son
Президента Республики Узбекистан
Постановление
О дополнительных мерах по совершенствованию системы приема в высшие образовательные учреждения на основе тестовых испытаний
Следует отметить, что в 2018/2019 учебном году впервые тестовые испытания для поступления в высшие образовательные учреждения по направлениям образования бакалавриата проходили в зданиях с открытыми павильонами.
В целях открытого и прозрачного проведения экзаменов при входе в здания проводилась проверка абитуриентов с помощью устройств идентификации личности, тестовые испытания контролировались при помощи камер наблюдения. Для родителей абитуриентов данные процессы непосредственно транслировались на больших мониторах, через сеть Интернет и телевидение.
Вместе с тем, продолжая осуществляемые в данной сфере реформы, для приведения в соответствие с международными стандартами вступительных тестовых испытаний, проводимых при приеме в высшие образовательные учреждения, стимулирования стремления молодежи к получению образования требуется создание широких возможностей для участия абитуриентов в конкурсе по нескольким направлениям образования бакалавриата.
В целях воспитания молодежи, способной на профессиональном уровне решать приоритетные задачи по дальнейшему развитию страны, обеспечения высококвалифицированными кадрами отраслей экономики и социальной сферы, а также в соответствии с Государственной программой по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития»:
1. Одобрить предложения Государственного центра тестирования при Кабинете Министров Республики Узбекистан (далее — Государственный центр тестирования), Министерства высшего и среднего специального образования, Министерства народного образования, Министерства финансов, а также Министерства экономики и промышленности о:
предоставлении абитуриентам, в рамках приема 2019/2020 учебного года, права участия в конкурсе до трех направлений образования бакалавриата высших образовательных учреждений с одинаковым блоком предметов, по которым проводятся тестовые испытания;
проведении, начиная с приема 2019/2020 учебного года, вступительных тестовых испытаний по приему в высшие образовательные учреждения в июле-августе;
разделении, начиная с приема 2021/2022 учебного года, блока предметов, по которым проводятся тестовые испытания, на два блока, с включением в первый блок трех обязательных для всех тестируемых предметов — родной язык (узбекский, русский или каракалпакский язык), математика и история Узбекистана, а во второй блок — двух предметов, соответствующих направлению образования бакалавриата, выбранному абитуриентом;
взимании с абитуриентов, закончивших образовательные учреждения в годы, предшествующие учебному году организации тестовых испытаний (за исключением лиц с инвалидностью или находящихся на полном государственном обеспечении) платежа за участие в тестовых испытаниях в размере половины базовой расчетной величины;
опубликование на официальном веб-сайте Агентства по оценке знаний и квалификаций сведений о баллах, набранных абитуриентом в тестовых испытаниях, осуществляется на следующий день после их проведения, а утвержденных в установленном порядке результатах конкурса о его рекомендации либо отказе в рекомендации для зачисления в состав студентов — в недельный срок после полного завершения процесса проведения тестовых испытаний.
2. Установить, что:
тестовые задания составляются на основе государственных образовательных стандартов и учебных программ;
содержание тестовых материалов приводится в соответствие с учебными планами предметов в системе общего среднего образования;
одновременно с тестовыми заданиями по оценке уровня освоения абитуриентами теоретических знаний разрабатываются тестовые задания, основанные на компетенциях, оценивающие способности логического мышления, решения задач и примеров, а также уровень подготовки к следующему этапу образования;
блоки предметов, по которым сдаются тестовые испытания, соответствующие направлениям образования бакалавриата, критерии оценки, количество тестовых заданий, а также точные сроки проведения тестовых испытаний устанавливаются Государственной комиссией по приему в образовательные учреждения Республики Узбекистан, блоки предметов, по которым сдаются тестовые испытания, по направлениям образования бакалавриата в Ташкентском государственном юридическом университете устанавливаются самим университетом;
блоки предметов, по которым сдаются тестовые испытания, соответствующие направлениям образования бакалавриата, объявляются ежегодно до 15 октября;
в случае открытия новых направлений образования бакалавриата после утверждения Параметров государственного заказа по приему на учебу в высшие образовательные учреждения Республики Узбекистан, блоки предметов, по которым сдаются тестовые испытания, соответствующие им, утверждаются отдельно;
начиная с приема 2019/2020 учебного года абитуриенты для поступления в бакалавриат государственных высших образовательных учреждений, определяемых Государственной комиссией по приему в образовательные учреждения Республики Узбекистан, обращаются через Центры государственных услуг или Единый портал интерактивных государственных услуг Республики Узбекистан.
3. Принять к сведению, что при Агентстве по оценке знаний и квалификаций создан Фонд развития деятельности Агентства по оценке знаний и квалификаций (далее — Фонд) без образования юридического лица.
Определить источниками формирования Фонда:
средства, поступившие от оказания Агентством по оценке знаний и квалификаций на договорной основе услуг юридическим и физическим лицам;
платежи, взимаемые с абитуриентов за участие в тестовых испытаниях;
доходы, получаемые от размещения временно свободных средств Фонда;
благотворительные пожертвования юридических и физических лиц;
гранты международных финансовых организаций и зарубежных государств, а также средства технического содействия;
другие средства, не запрещенные законодательством.
4. Установить, что средства Фонда без вычета доли в процентах расходуются на:
укрепление материально-технической базы Агентства по оценке знаний и квалификаций;
обучение, повышение квалификации и стажировку работников Агентства по оценке знаний и квалификаций, в том числе в научно-исследовательских, образовательных и других учреждениях зарубежных государств;
оплату работникам Агентства по оценке знаний и квалификаций ежемесячных надбавок должностному окладу (с учетом коэффициента стимулирования) и других стимулирующих выплат;
привлечение на работу в Агентство по оценке знаний и квалификаций на основе гражданско-правовых договоров высококвалифицированных специалистов, в том числе зарубежных экспертов и соотечественников, проживающих за рубежом;
выплату заработной платы участникам, привлеченным к процессу тестовых испытаний (руководителю здания и наблюдателям групп);
выплату арендной платы за здания, используемые для проведения тестовых испытаний;
иные мероприятия, связанные с деятельностью Агентства по оценке знаний и квалификаций, не запрещенные законодательством.
5. Освободить сроком до 1 января 2022 года от уплаты таможенных платежей (за исключением таможенных сборов) оборудование (средства идентификации личности, проверки отпечатков пальцев и перекрытия волн мобильной связи, приборы видеофиксации, металлодетекторы и мониторы), не производимые в Республике Узбекистан, ввозимые с целью оснащения зданий, используемых для проведения тестовых испытаний, по перечням, формируемым в порядке, установленном Министерством по развитию информационных технологий и коммуникаций Республики Узбекистан.
6. Кабинету Министров Республики Узбекистан:
в месячный срок исходя из задач, определенных настоящим постановлением, принять постановление правительства о мерах по совершенствованию деятельности Государственного центра тестирования и утвердить его обновленную структуру с предельной численностью работников в количестве 186 единиц;
в месячный срок в целях размещения региональных отделов Государственного центра тестирования в административных центрах Республики Каракалпакстан, областей и города Ташкента и в дальнейшем проведения тестовых испытаний в течение года внести в Администрацию Президента Республики Узбекистан предложение о строительстве зданий и сооружений с большой вместимостью из материалов легкой конструкции.
7. Внести изменения и дополнения в постановление Президента Республики Узбекистан от 16 ноября 2017 года № ПП-3389 «О совершенствовании порядка проведения вступительных тестовых испытаний в бакалавриат высших образовательных учреждений республики» согласно приложению .
8. Государственному центру тестирования совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова и советника Президента Республики Узбекистан А.А. Абдувахитова.
ПРИЛОЖЕНИЕ к постановлению Президента Республики Узбекистан от 14 мая 2019 года № ПП-4319
Изменения и дополнения, вносимые в постановление Президента Республики Узбекистан от 16 ноября 2017 года № ПП-3389 «О совершенствовании порядка проведения вступительных тестовых испытаний в бакалавриат высших образовательных учреждений республики»
1. В пункте 1 :
в абзаце втором слова «с 1 августа по 15 августа» заменить словами «в июле-августе»;
абзац третий изложить в следующей редакции:
«опубликование на официальном веб-сайте Государственного центра тестирования сведений о баллах, набранных абитуриентом в тестовых испытаниях, осуществляется на следующий день после их проведения, а утвержденных в установленном порядке результатах конкурса о его рекомендации либо отказе в рекомендации для зачисления в состав студентов — в недельный срок после полного завершения процесса проведения тестовых испытаний».
2. Пункт 4 изложить в следующей редакции:
«Министерству финансов Республики Узбекистан:
для обеспечения своевременной подготовки тестовых материалов и оперативного объявления результатов тестовых испытаний предусмотреть выделение, начиная с 2018 года, из Государственного бюджета Республики Узбекистан необходимых средств на приобретение современных материально-технических средств и оборудования для Государственного центра тестирования;
образовать в месячный срок Фонд развития деятельности Государственного центра тестирования при Государственном центре тестирования за счет внебюджетных средств Государственного центра тестирования и поступлений за обучение в высших образовательных учреждениях по повышенным контрактным ставкам (в размере до 5 процентов)».
Президент Республики Узбекистан Ш. МИРЗИЁЕВ
г. Ташкент,
14 мая 2019 г.,
№ ПП-4319