📅 2019-yil 15-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 15 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 мая 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 15 May 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
2017 — 2021 йилларда углеводород хомашёсини қазиб чиқаришни кўпайтириш дастурининг биринчи босқичини амалга ошириш доирасида «Bank GPB International S.A.» кредит маблағларини жалб этиш чора-тадбирлари тўғрисида
Ўзбекистон Республикаси Президентининг « 2017 — 2021 йилларда углеводород хомашёси қазиб чиқаришни кўпайтириш дастурини тасдиқлаш тўғрисида » 2017 йил 9 мартдаги ПҚ-2822-сон ва « 2017 — 2021 йилларда углеводород хомашёси қазиб чиқаришни кўпайтириш дастурининг биринчи босқичини амалга ошириш чора-тадбирлари тўғрисида » 2017 йил 3 ноябрдаги ПҚ-3373-сон қарорларнинг ижросини таъминлаш мақсадида Вазирлар Маҳкамаси қарор қилади:
1. 2017 — 2021 йилларда углеводород хомашёси қазиб чиқаришни кўпайтириш дастурини (кейинги ўринларда Дастур деб аталади) амалга ошириш доирасида қуйидагилар маълумот учун қабул қилинсин:
а) 2019 йил 1 март ҳолатига 222 та нефть ва газ қудуқларини қуриш ишлари якунланди ва 229 та нефть ва газ қудуқлари мукаммал таъмирланди, капитал қўйилмалар ҳажми 644,1 млн. АҚШ долларини ва 701,8 млрд. сўмни ташкил этди, 4 468,5 млн. куб. м табиий газ ва 210,2 минг тонна суюқ углеводородлар қазиб чиқарилди;
б) «Natural Gas-Stream» МЧЖ қўшма корхонаси (кейинги ўринларда қўшма корхона деб аталади) ва «Ўзбекнефтгаз» АЖ томонидан «Bank GPB International S.А.» (Люксембург) банкининг Дастур доирасидаги чора-тадбирларнинг хорижий валютадаги харажатларини молиялаштириш мақсадида 176,5 млн. евро миқдоридаги кредити куйидаги шартлар асосида жалб этиш масаласи ишлаб чиқилди:
кредит муддати — 2020 йил якунигача;
кредит фоиз ставкаси — бир ойлик Euribor + 4,95 йиллик фоиз ёки «Bank GPB International S.А.» билан кредит-таъминот ҳужжатларида келишилган бошқа базавий ставкаси;
кредит линиясини очиш ва захиралаш учун комиссия — бирйўла кредитлаш суммасининг 0,3 фоизи ва ҳисобланган фоизлар ундириладиган муддатда жалб қилинмаган кредитлаш лимитининг йиллик 0,5 фоизи миқдорида.
2. «Ўзбекнефтгаз» АЖ ва қўшма корхонанинг Ўзбекистон Республикаси Президентининг 2017 йил 3 ноябрдаги ПҚ-3373-сон қарори билан тасдиқланган Дастур доирасида биргаликдаги фаолиятни олиб бориш ва масъулиятни чеклаш механизмлари асосида тайёрланган қуйидаги таклифларига:
а) қуйидаги мажбуриятларини бажариш учун 2019-2020 йилларда қўшма корхонага сотиладиган табиий газнинг умумий ҳажмини газни етказиб бериш шартномасига мувофиқ 1 413 млн. куб.м миқдорида (табиий газнинг 185 АҚШ доллари/минг куб.м ҳисобланган экспорт нархи бўйича) кейинчалик комиссия шартномаси асосида экспорта йўналтириш тўғрисида:
«Ўзнефтгазқазибчиқариш» АЖнинг — қўшма корхонанинг қудуқларни бурғулаш, жиҳозлаш ва капитал таъмирлаш, шунингдек технологик объектларни «Ўзнефтгазқазибчиқариш» АЖ конларида қуриш юзасидан уч томонлама шартномалар асосида сарф-харажатларини қоплаш бўйича;
қўшма корхонанинг — «Bank GPB International S.A.» (Люксембург) кредити бўйича асосий қарзни тўлаш, фоизлар, комиссиялар, бошқа харажатлар ва тўловларни тўлаш бўйича;
6) 2019-2020 йилларда қўшма корхонага сотиладиган табиий газ ҳажмига газни экспорт қилиш комиссияси шартномасига ва ушбу шартномалар тарафлари томонидан газни харид қилиш шартномаларига мувофиқ ўзгартиришлар киритиш ҳамда «Bank GPB International S.A.» олдидаги тақдим этилган кредитлар бўйича барча мажбуриятлар бажарилганидан кейин ушбу шартномаларни муддатидан олдин бекор қилиш тўғрисида;
в) Дастурнинг биринчи босқичини 2019 йилнинг охиригача амалга оширишга розилик берилсин.
3. Мазкур қарорнинг бажарилишини назорат қилиш Ўзбекистон Республикаси энергетика вазири А.С. Султонов ва «Ўзбекнефтгаз» АЖ бошқаруви раиси Б.Б. Сидиқов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 15 май,
405-сон
Oʻzbekiston Respublikasi Vazirlar Mahkamasining
qarori
2017 — 2021-yillarda uglevodorod xomashyosini qazib chiqarishni koʻpaytirish dasturining birinchi bosqichini amalga oshirish doirasida “Bank GPB International S.A.” kredit mablagʻlarini jalb etish chora-tadbirlari toʻgʻrisida
Oʻzbekiston Respublikasi Prezidentining “ 2017 — 2021-yillarda uglevodorod xomashyosi qazib chiqarishni koʻpaytirish dasturini tasdiqlash toʻgʻrisida ” 2017-yil 9-martdagi PQ-2822-son va “ 2017 — 2021-yillarda uglevodorod xomashyosi qazib chiqarishni koʻpaytirish dasturining birinchi bosqichini amalga oshirish chora-tadbirlari toʻgʻrisida ” 2017-yil 3-noyabrdagi PQ-3373-son qarorlarning ijrosini taʼminlash maqsadida Vazirlar Mahkamasi qaror qiladi:
1. 2017 — 2021-yillarda uglevodorod xomashyosi qazib chiqarishni koʻpaytirish dasturini (keyingi oʻrinlarda Dastur deb ataladi) amalga oshirish doirasida quyidagilar maʼlumot uchun qabul qilinsin:
a) 2019-yil 1-mart holatiga 222 ta neft va gaz quduqlarini qurish ishlari yakunlandi va 229 ta neft va gaz quduqlari mukammal taʼmirlandi, kapital qoʻyilmalar hajmi 644,1 mln. AQSh dollarini va 701,8 mlrd. soʻmni tashkil etdi, 4 468,5 mln. kub. m tabiiy gaz va 210,2 ming tonna suyuq uglevodorodlar qazib chiqarildi;
b) “Natural Gas-Stream” MChJ qoʻshma korxonasi (keyingi oʻrinlarda qoʻshma korxona deb ataladi) va “Oʻzbekneftgaz” AJ tomonidan “Bank GPB International S.A.” (Lyuksemburg) bankining Dastur doirasidagi chora-tadbirlarning xorijiy valyutadagi xarajatlarini moliyalashtirish maqsadida 176,5 mln. yevro miqdoridagi krediti kuyidagi shartlar asosida jalb etish masalasi ishlab chiqildi:
kredit muddati — 2020-yil yakunigacha;
kredit foiz stavkasi — bir oylik Euribor + 4,95 yillik foiz yoki “Bank GPB International S.A.” bilan kredit-taʼminot hujjatlarida kelishilgan boshqa bazaviy stavkasi;
kredit liniyasini ochish va zaxiralash uchun komissiya — biryoʻla kreditlash summasining 0,3 foizi va hisoblangan foizlar undiriladigan muddatda jalb qilinmagan kreditlash limitining yillik 0,5 foizi miqdorida.
2. “Oʻzbekneftgaz” AJ va qoʻshma korxonaning Oʻzbekiston Respublikasi Prezidentining 2017-yil 3-noyabrdagi PQ-3373-son qarori bilan tasdiqlangan Dastur doirasida birgalikdagi faoliyatni olib borish va masʼuliyatni cheklash mexanizmlari asosida tayyorlangan quyidagi takliflariga:
a) quyidagi majburiyatlarini bajarish uchun 2019-2020-yillarda qoʻshma korxonaga sotiladigan tabiiy gazning umumiy hajmini gazni yetkazib berish shartnomasiga muvofiq 1 413 mln. kub.m miqdorida (tabiiy gazning 185 AQSh dollari/ming kub.m hisoblangan eksport narxi boʻyicha) keyinchalik komissiya shartnomasi asosida eksporta yoʻnaltirish toʻgʻrisida:
“Oʻzneftgazqazibchiqarish” AJning — qoʻshma korxonaning quduqlarni burgʻulash, jihozlash va kapital taʼmirlash, shuningdek texnologik obyektlarni “Oʻzneftgazqazibchiqarish” AJ konlarida qurish yuzasidan uch tomonlama shartnomalar asosida sarf-xarajatlarini qoplash boʻyicha;
qoʻshma korxonaning — “Bank GPB International S.A.” (Lyuksemburg) krediti boʻyicha asosiy qarzni toʻlash, foizlar, komissiyalar, boshqa xarajatlar va toʻlovlarni toʻlash boʻyicha;
6) 2019-2020-yillarda qoʻshma korxonaga sotiladigan tabiiy gaz hajmiga gazni eksport qilish komissiyasi shartnomasiga va ushbu shartnomalar taraflari tomonidan gazni xarid qilish shartnomalariga muvofiq oʻzgartirishlar kiritish hamda “Bank GPB International S.A.” oldidagi taqdim etilgan kreditlar boʻyicha barcha majburiyatlar bajarilganidan keyin ushbu shartnomalarni muddatidan oldin bekor qilish toʻgʻrisida;
v) Dasturning birinchi bosqichini 2019-yilning oxirigacha amalga oshirishga rozilik berilsin.
3. Mazkur qarorning bajarilishini nazorat qilish Oʻzbekiston Respublikasi energetika vaziri A.S. Sultonov va “Oʻzbekneftgaz” AJ boshqaruvi raisi B.B. Sidiqov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 15-may,
405-son
Кабинета Министров Республики Узбекистан
Постановление
О мерах по привлечению кредита «Bank GPB International S.A.» в рамках реализации первого этапа Программы по увеличению добычи углеводородного сырья на 2017 — 2021 годы
Во исполнение постановлений Президента Республики Узбекистан от 9 марта 2017 года № ПП-2822 « Об утверждении Программы по увеличению добычи углеводородного сырья на 2017 — 2021 годы » и от 3 ноября 2017 года № ПП-3373 « О мерах по реализации первого этапа Программы по увеличению добычи углеводородного сырья на 2017 — 2021 годы » Кабинет Министров постановляет:
1. Принять к сведению, что в рамках реализации первого этапа Программы по увеличению добычи углеводородного сырья на 2017 — 2021 годы (далее — Программа):
а) по состоянию на 1 мая 2019 года завершено строительство 222 единиц новых и выполнен капитальный ремонт 229 единиц существующих нефтяных и газовых скважин с объемом капитальных вложений в размере 644,1 млн. долларов США и 701,8 млрд. сумов, добыто 4 468,5 млн. куб. м природного газа, а также 210,2 тыс, тонн жидких углеводородов;
б) совместным предприятием ООО «Natural Gas-Stream» (далее — совместное предприятие) и АО «Узбекнефтегаз» проработан вопрос привлечения кредита банка «Bank GPB International S.A.» (Люксембург) в размере 176,5 млн. евро для финансирования комплексных мероприятий Программы в иностранной валюте со следующими условиями:
срок кредита — до конца 2020 года;
процентная ставка кредита — одномесячный Euribor + 4,95 процента годовых или другая базовая ставка, согласованная в кредитно-обеспечительной документации с банком «Bank GPB International S.A.»;
комиссия за открытие и резервирование кредитной линии — 0,3 процента от суммы кредитования единовременно и 0,5 процента годовых от суммы невыбранного лимита кредитования в даты уплаты начисленных процентов.
2. Одобрить предложения АО «Узбекнефтегаз» и совместного предприятия, разработанные в соответствии с утвержденным постановлением Президента Республики Узбекистан от 3 ноября 2017 года № ПП-3373 механизмом взаимодействия и разграничения ответственности в рамках Программы:
а) об определении общего объема природного газа, реализуемого совместному предприятию в 2019-2020 годах по ценам согласно условиям договора на поставку газа, в количестве 1413 млн. куб. м (исходя из расчетной экспортной цены природного газа 185 долл./тыс. куб.м) для дальнейшего его экспорта по договору комиссии для исполнения обязательств:
АО «Узнефтегаздобыча» — по возмещению расходов совместного предприятия по трехсторонним контрактам на выполнение бурения, обустройства и капитального ремонта скважин, а также строительство технологических объектов на месторождениях АО «Узнефтегаздобыча»;
совместного предприятия — по погашению основного долга, уплате процентов, комиссий, иных расходов и платежей в полном объеме по кредиту банка «Bank GPB International S.А.» (Люксембург);
б) о возможности корректировки объема природного газа, реализуемого совместному предприятию в 2019-2020 годах, в соответствии с договором комиссии на экспорт газа и договором на покупку газа сторонами этих договоров, а также досрочном прекращении действия указанных договоров после выполнения всех обязательств по кредиту;
в) о реализации первого этапа Программы до конца 2019 года.
3. Контроль за исполнением настоящего постановления возложить на министра энергетики Республики Узбекистан А.С. Султанова и председателя правления АО «Узбекнефтегаз» Б.Б. Сидикова.
Премьер-министр Республики Узбекистан А. АРИПОВ
г. Ташкент,
15 мая 2019 г.,
№ 405