UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

Хусусий уй-жой мулкдорлари ширкатлари томонидан жалб этиладиган банк кредитлари бўйича туманлар (шаҳарлар) ҳокимликлари томонидан кафолатлар берилиши ва муддати ўтказиб юборилган қарздорликни қоплаш тартиби тўғрисидаги низомни тасдиқлаш ҳақида

Ўзбекистон Республикаси Президентининг «Тижорат банкларининг молиявий барқарорлигини таъминлаш, фаолияти самарадорлигини ошириш ва кредит сиёсатини такомиллаштириш чора-тадбирлари тўғрисида» 2018 йил 21 декабрдаги ПҚ-4071-сон қарорига мувофиқ Вазирлар Маҳкамаси қарор қилади:

1. Хусусий уй-жой мулкдорлари ширкатлари томонидан жалб этиладиган банк кредитлари бўйича туманлар (шаҳарлар) ҳокимликлари томонидан кафолатлар берилиши ва муддати ўтказиб юборилган қарздорликни қоплаш тартиби тўғрисидаги низом иловага мувофиқ тасдиқлансин.

2. Ўзбекистон Республикаси Марказий банки, Уй-жой коммунал хизмат кўрсатиш вазирлиги манфаатдор вазирликлар ва идоралар, шунингдек, маҳаллий ижро этувчи ҳокимият органлари билан биргаликда улар қабул қилган норматив-ҳуқуқий ҳужжатларни ушбу қарорга мувофиқлаштирсинлар.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров, Ўзбекистон Республикаси Марказий банки раиси М.Б. Нурмуратов ва Ўзбекистон Республикаси уй-жой коммунал хизмат кўрсатиш вазири М.Х. Салиев зиммасига юклансин.

Вазирлар Маҳкамасининг 2019 йил 13 майдаги 396-сон қарорига ИЛОВА

1-боб. Умумий қоидалар

1. Ушбу Низом хусусий уй-жой мулкдорлари ширкатлари (кейинги ўринларда ширкатлар деб аталади) томонидан жалб этиладиган банк кредитлари бўйича туманлар (шаҳарлар) ҳокимликлари томонидан кафолатлар берилиши ва муддати ўтказиб юборилган қарздорликни қоплаш тартибини белгилайди.

2. Туманлар (шаҳарлар) ҳокимликлари томонидан кафолат ширкатлар томонидан жалб этиладиган кредитлар бўйича берилади.

3. Туманлар (шаҳарлар) ҳокимликлари кафолатларни (кейинги ўринларда кафолат деб аталади) беришда тўланиши керак бўлган сумма кредит шартномаларида белгиланган муддатларда ширкатлар томонидан тўланмаган тақдирда у томонидан жалб этиладиган кредитлар бўйича муддати ўтказиб юборилган қарздорлик қонунчиликда тақиқланмаган бюджетдан ташқари манбалар маблағлари (кейинги ўринларда бюджетдан ташқари маблағлар деб аталади) ҳисобига қарзни қайтариш учун тижорат банки олдидаги мажбуриятни ўзига олади.

4. Кафолат берилганлиги учун тўлов (мукофот пули) ундирилмайди.

2-боб. Кафолатларни расмийлаштириш ва бериш

5. Кафолат ушбу Низомга 1-иловага мувофиқ схема бўйича тегишли туманлар (шаҳарлар) ҳокимларининг қарорларига асосан берилади.

Кафолат ширкатлар томонидан амалга ошириш таклиф этилаётган лойиҳалар (тадбирлар) бўйича асосланган материаллар (ҳисоб-китоблар) киритилиши ва улар бўйича уй-жой-коммунал хизмат кўрсатиш бўлими ва молия бўлимининг ижобий хулосалари мавжуд бўлган тақдирда берилади.

6. Кафолатни олиш учун ширкат тегишли туман (шаҳар) ҳокимлигига:

ушбу Низомга 2-иловага мувофиқ шакл бўйича кафолат беришга буюртманомани;

банк кредити ҳисобига амалга ошириш режалаштирилаётган лойиҳа (тадбир) тўғрисидаги маълумотларни;

кредит шартномаси ва жалб этилаётган кредитларни қайтариш жадвали лойиҳаларини;

лойиҳани (тадбирни) молиялаштиришнинг барча манбалари бўйича тасдиқловчи ҳужжатларни;

амалга ошириш таклиф этилаётган лойиҳалар доирасида бажарилаётган ишлар ҳажми бўйича иш ҳужжатларини (лойиҳа-смета ҳужжатлари ва давлат экспертизаси хулосаси);

кейинги 2 йилдаги фаолиятнинг молиявий натижалари, шу жумладан, молиявий оқимлар тўғрисидаги маълумотни;

ширкат томонидан олдин жалб этилган кредитлар бўйича муддати ўтказиб юборилган қарздорлик йўқлиги тўғрисидаги маълумотномани;

банк кредитини жалб этиш, шунингдек, белгиланган тартибда расмийлаштирилган жалб этилган кредитлар бўйича муддати ўтказиб юборилган қарздорликни ширкатнинг мол-мулки ҳисобига қоплаш тўғрисидаги шартга розилик бериш ҳақида ширкат аъзолари умумий йиғилишининг қарорини;

ҳуқуқни белгиловчи ҳужжатларнинг нусхалари билан биргаликда ширкатнинг мол-мулки таркиби рўйхатини тақдим этади.

7. Туманлар (шаҳарлар) ҳокимликлари бир иш куни мобайнида ушбу Низомнинг 6-бандида кўрсатилган ҳужжатларни уй-жой коммунал хизмат кўрсатиш бўлимига ва молия бўлимига юборади. Уй-жой коммунал хизмат кўрсатиш бўлими ва молия бўлими ҳужжатлар тушган кундан бошлаб беш иш куни мобайнида:

танқидий мулоҳазалар ва таклифлар бўлганда — уларни рад этишнинг аниқ сабабларини ва ширкат кўрсатиб ўтилган сабабларни бартараф этиб ҳужжатларни такроран кўриб чиқиш учун тақдим этиши учун етарли бўлган муддатни кўрсатиб тегишли туманлар (шаҳарлар) ҳокимликларига ёзма шаклда юборадилар;

танқидий мулоҳазалар бўлмаганда — туманлар (шаҳарлар) ҳокимликларига лойиҳаларни (тадбирларни) амалга оширишнинг мақсадга мувофиқлиги тўғрисидаги тавсиялар билан бирга хулосани берадилар.

Ширкатлар томонидан танқидий мулоҳазалар бартараф этилгандан ва таклифлар ҳисобга олингандан кейин уй-жой-коммунал хизмат кўрсатиш бўлими ва молия бўлими томонидан ҳужжатларни такроран кўриб чиқиш барча зарур ҳужжатлар билан биргаликда ширкатнинг аризаси олинган кундан бошлаб беш иш куни мобайнида амалга оширилади.

8. Туманлар (шаҳарлар) ҳокимликлари беш иш куни мобайнида:

тузилган кредит шартномаларини ва қарзни қайтариш жадвалларини, бюджетдан ташқари маблағларнинг аризада кўрсатилган манбалари бўйича тушумлар мавжудлиги ва прогнозини ҳисобга олган ҳолда ширкат томонидан жалб этилаётган банк кредитлари бўйича унга кафолат бериш тўғрисидаги тегишли қарорни қабул қиладилар;

ширкат билан шартнома тузадилар, унда ажратиладиган кредитлар бўйича ундирилган муддати ўтказиб юборилган қарздорликни ширкатнинг мол-мулки ҳисобига қоплаш тўғрисидаги шартларни назарда тутадилар.

Кафолат ҳоким томонидан имзоланади, у бўлмаганда — ҳокимнинг вазифаларини ижро этувчи ваколатли мансабдор шахс томонидан имзоланади.

Кафолатда:

кафилнинг — туман (шаҳар) ҳокимлигининг номи;

кафолат берилган сана, ҳисобга олиш рақами, кафолатнинг амал қилиш муддати ва суммаси;

ширкатнинг номи (принципал);

банкнинг — кафилликни олувчининг номи (бенефициар);

кредит шартномасининг санаси, рақами ва суммаси;

кафолат бўйича мажбуриятларни тўлаш шартлари ва қонунчиликка мувофиқ бошқа қоидалар кўрсатилган бўлиши керак.

Кафолат туман (шаҳар) ҳокимлигининг фирма бланкасида расмийлаштирилади. Кафолатларни ҳисобга олиш алоҳида ҳисобга олиш журналида юритилади.

Кафолатларни ҳисобга олиш журнали рақамланган, ип ўтказиб тикилган ваколатли мансабдор шахснинг имзоси ва туман (шаҳар) ҳокимлигининг гербли муҳри билан тасдиқланган бўлиши керак.

Кафолат имзоланган кундан бошлаб кучга киради.

9. Кафолат:

олдин ширкат томонидан жалб этилган банк кредитлари ва Ўзбекистон Республикаси бюджет тизими тегишли даражалари бюджетларига тўловлар бўйича муддати ўтказиб юборилган қарздорлиги бор бўлган;

фаолияти салбий молиявий натижали ширкатларга берилиши мумкин эмас.

3-боб. Ширкатларга кафиллик остида ажратилган кредитлар бўйича кафолатларга оид мажбуриятларни ижро этиш ва муддати ўтказиб юборилган қарздорликни қоплаш

10. Ширкатларга ажратилган кредитлар бўйича муддати ўтказиб юборилган қарздорлик юзага келганда ва кредит шартномаларига илова қилинадиган уларни қайтариш жадвалига риоя қилинмаганда тижорат банки уч иш куни мобайнида тегишли туманлар (шаҳарлар) ҳокимликларини муддати ўтказиб юборилган қарздорлик ҳосил бўлганлиги тўғрисида хат билан хабардор қилади.

Тижорат банки хатига:

кафолатнинг нусхаси;

кредит шартномасининг нусхаси;

тижорат банкининг ширкатда муддати ўтказиб юборилган қарздорлик борлиги тўғрисидаги маълумотномаси илова қилинади;

11. Тегишли туман (шаҳар) ҳокимлиги тижорат банкининг хатини беш иш куни мобайнида кўриб чиқади ва ширкатнинг мавжуд муддати ўтказиб юборилган қарзини тижорат банкига қайтариш тўғрисида қарор қабул қилади.

Жалб этилган кредитлар бўйича ширкатнинг муддати ўтказиб юборилган қарзини қайтариш учун мўлжалланган маблағлар кафил томонидан фақат кредит берувчининг ҳисоб рақамига йўналтирилади.

12. Ширкатнинг муддати ўтказиб юборилган қарздорлиги тўғрисида қарор қабул қилингандан сўнг кейинги иш кунидан кечикмай туман (шаҳар) ҳокимлиги тегишли ширкатнинг қарздорлиги суммасини бюджетдан ташқари маблағлар ҳисобига ҳар бир ширкат учун банкда алоҳида очиладиган 29801 (мижозлар билан ҳисоб-китоблар) ҳисоб рақамига ўтказади.

29801 ҳисоб рақамига тушган маблағлардан фақат ширкатларнинг кредитлари бўйича муддати ўтказиб юборилган қарздорликни қайтариш учун фойдаланилади.

13. Туманлар (шаҳарлар) ҳокимликларининг ширкат томонидан жалб этилган кредит бўйича ширкатнинг муддати ўтказиб юборилган қарздорлигини қайтаришга йўналтирилган бюджетдан ташқари маблағлари кўрсатиб ўтилган ширкатга тегишли бўлган мол-мулк ёки дебитор қарздорлик ҳисобига қопланади.

4-боб. Якунловчи қоидалар

14. Туманлар (шаҳарлар) ҳокимликларининг кафолати остида ажратилган кредитлардан мақсадли фойдаланиш ва уларни ўз вақтида қайтаришнинг ҳисобини юритиш ва мониторинг олиб бориш уй-жой коммунал хизмат кўрсатиш бўлимлари томонидан маълумотларни мунтазам равишда солиштириш орқали молия бўлимлари ва тижорат банклари билан биргаликда амалга оширилади.

15. Кафолат амал қилишининг бутун муддати мобайнида ширкат:

а) кафолат остида жалб этилган банк кредити бўйича барча тўловларни ўз вақтида тўлаши;

б) уй-жой-коммунал хизмат кўрсатиш бўлимларига, молия бўлимларига ва тижорат банкларига жорий ойнинг 5-кунидан кечикмай ҳар ойда туманлар (шаҳарлар) ҳокимликларининг кафолати остида ажратилган кредитлардан фойдаланган ҳолда амалга ошириладиган лойиҳалар (тадбирлар) бўйича бажарилган ишлар ҳажмлари тўғрисидаги маълумотларни тақдим этиши шарт.

16. Ширкатнинг раҳбари:

маълумотларнинг ишончлилиги ва кафолат остида кредитларни жалб этиш учун тақдим этилган ҳужжатларни расмийлаштиришнинг тўғрилиги;

ширкатга ажратилган банк кредитидан мақсадли ва самарали фойдаланилиши ва ўз вақтида қайтарилиши, шунингдек, ушбу Низомга мувофиқ тегишли туман (шаҳар) ҳокимлигининг ширкат томонидан кафолат остида жалб этилган банк кредити бўйича ширкатнинг муддати ўтказиб юборилган қарздорлигини қайтаришга йўналтирилган бюджетдан ташқари маблағлари кўрсатиб ўтилган ширкатнинг мол-мулки ҳисобига қопланиши учун шахсан жавоб беради.

17. Ўзбекистон Республикаси Молия вазирлигининг Давлат молиявий назорати бош бошқармасининг ҳудудий бошқармаси ҳар бир йил чораги якунлари бўйича кафолатлар берилишининг тўғрилигини текширади ҳамда туманлар (шаҳарлар) ҳокимликларининг кафолати остида ажратилган банк кредитларидан мақсадли ва самарали фойдаланиш устидан назорат қилади.

Туман (шаҳар) ҳокимликлари томонидан банк кредитлари бўйича кафолат бериш

Босқичлар Субъектлар Чора-тадбирлар Бажариш муддати 1-босқич Хусусий уй-жой мулкдорлари ширкати 1. Кафолат олиш учун буюртманома ва зарур тегишли ҳужжатларни тайёрлайди . 2. Тегишли ҳужжатларни илова қилган ҳолда буюртманомани бевосита ёки почта алоқаси хизмати орқали туман (шаҳар) ҳокимлигига тақдим этади. Заруратга кўра 2-босқич Туман (шаҳар) ҳокимлиги 1. Кафолат олиш учун тақдим этилган буюртманома ва ҳужжатларни қабул қилиб олади. Ҳужжатлар қабул қилинган кунда. 2. Ҳужжатларни уй-жой коммунал хизмат кўрсатиш бўлимига ва молия бўлимига юборади. Бир иш куни мобайнида 3-босқич Уй-жой-коммунал хизмат кўрсатиш бўлими, молия бўлими Олинган ҳужжатларни кўриб чиқади ва туман (шаҳар) ҳокимлигига лойиҳаларни (тадбирларни) амалга оширишнинг мақсадга мувофиқлиги тўғрисида ижобий хулоса беради ёки улар бўйича танқидий мулоҳазалар ва таклифларни илова қилади. Беш иш куни мобайнида 4-босқич Туман (шаҳар) ҳокимлиги 1. Уй-жой коммунал хизмат кўрсатиш бўлими ва молия бўлимининг ижобий хулосалари асосида ширкатга кафолат бериш тўғрисида қарор қабул қилади ва қабул қилинган қарор тўғрисида ширкатни хабардор қилади. Уч иш куни мобайнида 2. Уй-жой-коммунал хизмат кўрсатиш бўлими ва молия бўлимининг танқидий мулоҳазаларини бартараф этиш ва таклифларни ҳисобга олиш ҳамда такроран киритиш учун ширкатга юборади. Беш иш куни мобайнида 5-босқич Хусусий уй-жой мулкдорлари ширкати 1. Кафолат бериш тўғрисида қарор қабул қилинганда туман (шаҳар) ҳокимлиги билан шартнома тузади. Икки иш куни мобайнида 2. Танқидий мулоҳазалар билдирилган бўлса, уларни бартараф этиш ва таклифларни ҳисобга олган ҳолда ҳужжатларни қайта тақдим этади. Танқидий мулоҳазаларда кўрсатилган муддат мобайнида (заруратга кўра) 6-босқич Туман (шаҳар) ҳокимлиги Кафолатни тижорат банкининг тегишли филиалига юборади. Бир иш куни мобайнида

___________________‎‎ Туман (шаҳар) ҳокимлиги ‎‎ ‎‎Хусусий уй-жой мулкдорлари ширкатлари томонидан жалб этиладиган банк кредитлари бўйича муддати ўтказиб юборилган қарздорликни қоплаш учун туманлар (шаҳарлар) ҳокимликларининг кафолатини олиш учун АРИЗА‎‎ 1. Хусусий уй-жой мулкдорлари ширкатининг номи _____________________________________________ 2. Жойлашган жойи (почта манзили) _________________________________________________________ Телефон рақами (код билан) ____________________ СТИР__________________ банк реквизитлари ___________________ Электрон манзил ____________________ 3. Кафолат олишдан мақсад _____________________ ‎‎4. Кафолат остида жалб этилган банк кредити суммаси: _____________ минг сўм 5. Кафолат олиш учун зарур бўлган ҳужжатлар туркуми ушбу Буюртманомага илова қилинади, ___ варақда. ‎‎Сиздан ушбу Буюртманомани унга илова қилинадиган ҳужжатлар билан биргаликда кўриб чиқишингизни ва ________________ хусусий уй-жой мулкдорлари ширкати томонидан жалб қилинадиган банк кредити бўйича туман (шаҳар) ҳокимлигининг кафолати берилишини илтимос қиламиз. ‎ ‎ ‎ ‎ ‎ ‎ ‎‎Раҳбарнинг Ф.И.О. ‎ ‎ ‎ ‎ ‎ ‎ имзо __________‎‎ ‎ ‎ ‎ ‎ ‎ ‎ сана ___________‎‎

Ўзбекистон Республикасининг Бош вазири А. АРИПОВ

Тошкент ш.,

2019 йил 13 май,

396-сон

(Қонун ҳужжатлари маълумотлари миллий базаси, 14.05.2019 й., 09/19/396/3140-сон; Қонунчилик маълумотлари миллий базаси, 05.04.2022 й., 09/22/153/0266-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

Xususiy uy-joy mulkdorlari shirkatlari tomonidan jalb etiladigan bank kreditlari boʻyicha tumanlar (shaharlar) hokimliklari tomonidan kafolatlar berilishi va muddati oʻtkazib yuborilgan qarzdorlikni qoplash tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Tijorat banklarining moliyaviy barqarorligini taʼminlash, faoliyati samaradorligini oshirish va kredit siyosatini takomillashtirish chora-tadbirlari toʻgʻrisida” 2018-yil 21-dekabrdagi PQ-4071-son qaroriga muvofiq Vazirlar Mahkamasi qaror qiladi:

1. Xususiy uy-joy mulkdorlari shirkatlari tomonidan jalb etiladigan bank kreditlari boʻyicha tumanlar (shaharlar) hokimliklari tomonidan kafolatlar berilishi va muddati oʻtkazib yuborilgan qarzdorlikni qoplash tartibi toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Markaziy banki, Uy-joy kommunal xizmat koʻrsatish vazirligi manfaatdor vazirliklar va idoralar, shuningdek, mahalliy ijro etuvchi hokimiyat organlari bilan birgalikda ular qabul qilgan normativ-huquqiy hujjatlarni ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov, Oʻzbekiston Respublikasi Markaziy banki raisi M.B. Nurmuratov va Oʻzbekiston Respublikasi uy-joy kommunal xizmat koʻrsatish vaziri M.X. Saliyev zimmasiga yuklansin.

Vazirlar Mahkamasining 2019-yil 13-maydagi 396-son qaroriga ILOVA

1-bob. Umumiy qoidalar

1. Ushbu Nizom xususiy uy-joy mulkdorlari shirkatlari (keyingi oʻrinlarda shirkatlar deb ataladi) tomonidan jalb etiladigan bank kreditlari boʻyicha tumanlar (shaharlar) hokimliklari tomonidan kafolatlar berilishi va muddati oʻtkazib yuborilgan qarzdorlikni qoplash tartibini belgilaydi.

2. Tumanlar (shaharlar) hokimliklari tomonidan kafolat shirkatlar tomonidan jalb etiladigan kreditlar boʻyicha beriladi.

3. Tumanlar (shaharlar) hokimliklari kafolatlarni (keyingi oʻrinlarda kafolat deb ataladi) berishda toʻlanishi kerak boʻlgan summa kredit shartnomalarida belgilangan muddatlarda shirkatlar tomonidan toʻlanmagan taqdirda u tomonidan jalb etiladigan kreditlar boʻyicha muddati oʻtkazib yuborilgan qarzdorlik qonunchilikda taqiqlanmagan budjetdan tashqari manbalar mablagʻlari (keyingi oʻrinlarda budjetdan tashqari mablagʻlar deb ataladi) hisobiga qarzni qaytarish uchun tijorat banki oldidagi majburiyatni oʻziga oladi.

4. Kafolat berilganligi uchun toʻlov (mukofot puli) undirilmaydi.

2-bob. Kafolatlarni rasmiylashtirish va berish

5. Kafolat ushbu Nizomga 1-ilovaga muvofiq sxema boʻyicha tegishli tumanlar (shaharlar) hokimlarining qarorlariga asosan beriladi.

Kafolat shirkatlar tomonidan amalga oshirish taklif etilayotgan loyihalar (tadbirlar) boʻyicha asoslangan materiallar (hisob-kitoblar) kiritilishi va ular boʻyicha uy-joy-kommunal xizmat koʻrsatish boʻlimi va moliya boʻlimining ijobiy xulosalari mavjud boʻlgan taqdirda beriladi.

6. Kafolatni olish uchun shirkat tegishli tuman (shahar) hokimligiga:

ushbu Nizomga 2-ilovaga muvofiq shakl boʻyicha kafolat berishga buyurtmanomani;

bank krediti hisobiga amalga oshirish rejalashtirilayotgan loyiha (tadbir) toʻgʻrisidagi maʼlumotlarni;

kredit shartnomasi va jalb etilayotgan kreditlarni qaytarish jadvali loyihalarini;

loyihani (tadbirni) moliyalashtirishning barcha manbalari boʻyicha tasdiqlovchi hujjatlarni;

amalga oshirish taklif etilayotgan loyihalar doirasida bajarilayotgan ishlar hajmi boʻyicha ish hujjatlarini (loyiha-smeta hujjatlari va davlat ekspertizasi xulosasi);

keyingi 2 yildagi faoliyatning moliyaviy natijalari, shu jumladan, moliyaviy oqimlar toʻgʻrisidagi maʼlumotni;

shirkat tomonidan oldin jalb etilgan kreditlar boʻyicha muddati oʻtkazib yuborilgan qarzdorlik yoʻqligi toʻgʻrisidagi maʼlumotnomani;

bank kreditini jalb etish, shuningdek, belgilangan tartibda rasmiylashtirilgan jalb etilgan kreditlar boʻyicha muddati oʻtkazib yuborilgan qarzdorlikni shirkatning mol-mulki hisobiga qoplash toʻgʻrisidagi shartga rozilik berish haqida shirkat aʼzolari umumiy yigʻilishining qarorini;

huquqni belgilovchi hujjatlarning nusxalari bilan birgalikda shirkatning mol-mulki tarkibi roʻyxatini taqdim etadi.

7. Tumanlar (shaharlar) hokimliklari bir ish kuni mobaynida ushbu Nizomning 6-bandida koʻrsatilgan hujjatlarni uy-joy kommunal xizmat koʻrsatish boʻlimiga va moliya boʻlimiga yuboradi. Uy-joy kommunal xizmat koʻrsatish boʻlimi va moliya boʻlimi hujjatlar tushgan kundan boshlab besh ish kuni mobaynida:

tanqidiy mulohazalar va takliflar boʻlganda — ularni rad etishning aniq sabablarini va shirkat koʻrsatib oʻtilgan sabablarni bartaraf etib hujjatlarni takroran koʻrib chiqish uchun taqdim etishi uchun yetarli boʻlgan muddatni koʻrsatib tegishli tumanlar (shaharlar) hokimliklariga yozma shaklda yuboradilar;

tanqidiy mulohazalar boʻlmaganda — tumanlar (shaharlar) hokimliklariga loyihalarni (tadbirlarni) amalga oshirishning maqsadga muvofiqligi toʻgʻrisidagi tavsiyalar bilan birga xulosani beradilar.

Shirkatlar tomonidan tanqidiy mulohazalar bartaraf etilgandan va takliflar hisobga olingandan keyin uy-joy-kommunal xizmat koʻrsatish boʻlimi va moliya boʻlimi tomonidan hujjatlarni takroran koʻrib chiqish barcha zarur hujjatlar bilan birgalikda shirkatning arizasi olingan kundan boshlab besh ish kuni mobaynida amalga oshiriladi.

8. Tumanlar (shaharlar) hokimliklari besh ish kuni mobaynida:

tuzilgan kredit shartnomalarini va qarzni qaytarish jadvallarini, budjetdan tashqari mablagʻlarning arizada koʻrsatilgan manbalari boʻyicha tushumlar mavjudligi va prognozini hisobga olgan holda shirkat tomonidan jalb etilayotgan bank kreditlari boʻyicha unga kafolat berish toʻgʻrisidagi tegishli qarorni qabul qiladilar;

shirkat bilan shartnoma tuzadilar, unda ajratiladigan kreditlar boʻyicha undirilgan muddati oʻtkazib yuborilgan qarzdorlikni shirkatning mol-mulki hisobiga qoplash toʻgʻrisidagi shartlarni nazarda tutadilar.

Kafolat hokim tomonidan imzolanadi, u boʻlmaganda — hokimning vazifalarini ijro etuvchi vakolatli mansabdor shaxs tomonidan imzolanadi.

Kafolatda:

kafilning — tuman (shahar) hokimligining nomi;

kafolat berilgan sana, hisobga olish raqami, kafolatning amal qilish muddati va summasi;

shirkatning nomi (prinsipal);

bankning — kafillikni oluvchining nomi (benefitsiar);

kredit shartnomasining sanasi, raqami va summasi;

kafolat boʻyicha majburiyatlarni toʻlash shartlari va qonunchilikka muvofiq boshqa qoidalar koʻrsatilgan boʻlishi kerak.

Kafolat tuman (shahar) hokimligining firma blankasida rasmiylashtiriladi. Kafolatlarni hisobga olish alohida hisobga olish jurnalida yuritiladi.

Kafolatlarni hisobga olish jurnali raqamlangan, ip oʻtkazib tikilgan vakolatli mansabdor shaxsning imzosi va tuman (shahar) hokimligining gerbli muhri bilan tasdiqlangan boʻlishi kerak.

Kafolat imzolangan kundan boshlab kuchga kiradi.

9. Kafolat:

oldin shirkat tomonidan jalb etilgan bank kreditlari va Oʻzbekiston Respublikasi budjet tizimi tegishli darajalari budjetlariga toʻlovlar boʻyicha muddati oʻtkazib yuborilgan qarzdorligi bor boʻlgan;

faoliyati salbiy moliyaviy natijali shirkatlarga berilishi mumkin emas.

3-bob. Shirkatlarga kafillik ostida ajratilgan kreditlar boʻyicha kafolatlarga oid majburiyatlarni ijro etish va muddati oʻtkazib yuborilgan qarzdorlikni qoplash

10. Shirkatlarga ajratilgan kreditlar boʻyicha muddati oʻtkazib yuborilgan qarzdorlik yuzaga kelganda va kredit shartnomalariga ilova qilinadigan ularni qaytarish jadvaliga rioya qilinmaganda tijorat banki uch ish kuni mobaynida tegishli tumanlar (shaharlar) hokimliklarini muddati oʻtkazib yuborilgan qarzdorlik hosil boʻlganligi toʻgʻrisida xat bilan xabardor qiladi.

Tijorat banki xatiga:

kafolatning nusxasi;

kredit shartnomasining nusxasi;

tijorat bankining shirkatda muddati oʻtkazib yuborilgan qarzdorlik borligi toʻgʻrisidagi maʼlumotnomasi ilova qilinadi;

11. Tegishli tuman (shahar) hokimligi tijorat bankining xatini besh ish kuni mobaynida koʻrib chiqadi va shirkatning mavjud muddati oʻtkazib yuborilgan qarzini tijorat bankiga qaytarish toʻgʻrisida qaror qabul qiladi.

Jalb etilgan kreditlar boʻyicha shirkatning muddati oʻtkazib yuborilgan qarzini qaytarish uchun moʻljallangan mablagʻlar kafil tomonidan faqat kredit beruvchining hisob raqamiga yoʻnaltiriladi.

12. Shirkatning muddati oʻtkazib yuborilgan qarzdorligi toʻgʻrisida qaror qabul qilingandan soʻng keyingi ish kunidan kechikmay tuman (shahar) hokimligi tegishli shirkatning qarzdorligi summasini budjetdan tashqari mablagʻlar hisobiga har bir shirkat uchun bankda alohida ochiladigan 29801 (mijozlar bilan hisob-kitoblar) hisob raqamiga oʻtkazadi.

29801 hisob raqamiga tushgan mablagʻlardan faqat shirkatlarning kreditlari boʻyicha muddati oʻtkazib yuborilgan qarzdorlikni qaytarish uchun foydalaniladi.

13. Tumanlar (shaharlar) hokimliklarining shirkat tomonidan jalb etilgan kredit boʻyicha shirkatning muddati oʻtkazib yuborilgan qarzdorligini qaytarishga yoʻnaltirilgan budjetdan tashqari mablagʻlari koʻrsatib oʻtilgan shirkatga tegishli boʻlgan mol-mulk yoki debitor qarzdorlik hisobiga qoplanadi.

4-bob. Yakunlovchi qoidalar

14. Tumanlar (shaharlar) hokimliklarining kafolati ostida ajratilgan kreditlardan maqsadli foydalanish va ularni oʻz vaqtida qaytarishning hisobini yuritish va monitoring olib borish uy-joy kommunal xizmat koʻrsatish boʻlimlari tomonidan maʼlumotlarni muntazam ravishda solishtirish orqali moliya boʻlimlari va tijorat banklari bilan birgalikda amalga oshiriladi.

15. Kafolat amal qilishining butun muddati mobaynida shirkat:

a) kafolat ostida jalb etilgan bank krediti boʻyicha barcha toʻlovlarni oʻz vaqtida toʻlashi;

b) uy-joy-kommunal xizmat koʻrsatish boʻlimlariga, moliya boʻlimlariga va tijorat banklariga joriy oyning 5-kunidan kechikmay har oyda tumanlar (shaharlar) hokimliklarining kafolati ostida ajratilgan kreditlardan foydalangan holda amalga oshiriladigan loyihalar (tadbirlar) boʻyicha bajarilgan ishlar hajmlari toʻgʻrisidagi maʼlumotlarni taqdim etishi shart.

16. Shirkatning rahbari:

maʼlumotlarning ishonchliligi va kafolat ostida kreditlarni jalb etish uchun taqdim etilgan hujjatlarni rasmiylashtirishning toʻgʻriligi;

shirkatga ajratilgan bank kreditidan maqsadli va samarali foydalanilishi va oʻz vaqtida qaytarilishi, shuningdek, ushbu Nizomga muvofiq tegishli tuman (shahar) hokimligining shirkat tomonidan kafolat ostida jalb etilgan bank krediti boʻyicha shirkatning muddati oʻtkazib yuborilgan qarzdorligini qaytarishga yoʻnaltirilgan budjetdan tashqari mablagʻlari koʻrsatib oʻtilgan shirkatning mol-mulki hisobiga qoplanishi uchun shaxsan javob beradi.

17. Oʻzbekiston Respublikasi Moliya vazirligining Davlat moliyaviy nazorati bosh boshqarmasining hududiy boshqarmasi har bir yil choragi yakunlari boʻyicha kafolatlar berilishining toʻgʻriligini tekshiradi hamda tumanlar (shaharlar) hokimliklarining kafolati ostida ajratilgan bank kreditlaridan maqsadli va samarali foydalanish ustidan nazorat qiladi.

Tuman (shahar) hokimliklari tomonidan bank kreditlari boʻyicha kafolat berish

Bosqichlar Subyektlar Chora-tadbirlar Bajarish muddati 1-bosqich Xususiy uy-joy mulkdorlari shirkati 1. Kafolat olish uchun buyurtmanoma va zarur tegishli hujjatlarni tayyorlaydi . 2. Tegishli hujjatlarni ilova qilgan holda buyurtmanomani bevosita yoki pochta aloqasi xizmati orqali tuman (shahar) hokimligiga taqdim etadi. Zaruratga koʻra 2-bosqich Tuman (shahar) hokimligi 1. Kafolat olish uchun taqdim etilgan buyurtmanoma va hujjatlarni qabul qilib oladi. Hujjatlar qabul qilingan kunda. 2. Hujjatlarni uy-joy kommunal xizmat koʻrsatish boʻlimiga va moliya boʻlimiga yuboradi. Bir ish kuni mobaynida 3-bosqich Uy-joy-kommunal xizmat koʻrsatish boʻlimi, moliya boʻlimi Olingan hujjatlarni koʻrib chiqadi va tuman (shahar) hokimligiga loyihalarni (tadbirlarni) amalga oshirishning maqsadga muvofiqligi toʻgʻrisida ijobiy xulosa beradi yoki ular boʻyicha tanqidiy mulohazalar va takliflarni ilova qiladi. Besh ish kuni mobaynida 4-bosqich Tuman (shahar) hokimligi 1. Uy-joy kommunal xizmat koʻrsatish boʻlimi va moliya boʻlimining ijobiy xulosalari asosida shirkatga kafolat berish toʻgʻrisida qaror qabul qiladi va qabul qilingan qaror toʻgʻrisida shirkatni xabardor qiladi. Uch ish kuni mobaynida 2. Uy-joy-kommunal xizmat koʻrsatish boʻlimi va moliya boʻlimining tanqidiy mulohazalarini bartaraf etish va takliflarni hisobga olish hamda takroran kiritish uchun shirkatga yuboradi. Besh ish kuni mobaynida 5-bosqich Xususiy uy-joy mulkdorlari shirkati 1. Kafolat berish toʻgʻrisida qaror qabul qilinganda tuman (shahar) hokimligi bilan shartnoma tuzadi. Ikki ish kuni mobaynida 2. Tanqidiy mulohazalar bildirilgan boʻlsa, ularni bartaraf etish va takliflarni hisobga olgan holda hujjatlarni qayta taqdim etadi. Tanqidiy mulohazalarda koʻrsatilgan muddat mobaynida (zaruratga koʻra) 6-bosqich Tuman (shahar) hokimligi Kafolatni tijorat bankining tegishli filialiga yuboradi. Bir ish kuni mobaynida

___________________‎‎ Tuman (shahar) hokimligi ‎‎ ‎‎Xususiy uy-joy mulkdorlari shirkatlari tomonidan jalb etiladigan bank kreditlari boʻyicha muddati oʻtkazib yuborilgan qarzdorlikni qoplash uchun tumanlar (shaharlar) hokimliklarining kafolatini olish uchun ARIZA‎‎ 1. Xususiy uy-joy mulkdorlari shirkatining nomi _____________________________________________ 2. Joylashgan joyi (pochta manzili) _________________________________________________________ Telefon raqami (kod bilan) ____________________ STIR__________________ bank rekvizitlari ___________________ Elektron manzil ____________________ 3. Kafolat olishdan maqsad _____________________ ‎‎4. Kafolat ostida jalb etilgan bank krediti summasi: _____________ ming soʻm 5. Kafolat olish uchun zarur boʻlgan hujjatlar turkumi ushbu Buyurtmanomaga ilova qilinadi, ___ varaqda. ‎‎Sizdan ushbu Buyurtmanomani unga ilova qilinadigan hujjatlar bilan birgalikda koʻrib chiqishingizni va ________________ xususiy uy-joy mulkdorlari shirkati tomonidan jalb qilinadigan bank krediti boʻyicha tuman (shahar) hokimligining kafolati berilishini iltimos qilamiz. ‎ ‎ ‎ ‎ ‎ ‎ ‎‎Rahbarning F.I.O. ‎ ‎ ‎ ‎ ‎ ‎ imzo __________‎‎ ‎ ‎ ‎ ‎ ‎ ‎ sana ___________‎‎

Oʻzbekiston Respublikasining Bosh vaziri A. ARIPOV

Toshkent sh.,

2019-yil 13-may,

396-son

(Qonun hujjatlari maʼlumotlari milliy bazasi, 14.05.2019-y., 09/19/396/3140-son; Qonunchilik maʼlumotlari milliy bazasi, 05.04.2022-y., 09/22/153/0266-son)

lex.uz

Кабинета Министров Республики Узбекистан

Постановление

ПОЛОЖЕНИЕ

СХЕМА

Об утверждении Положения о порядке выдачи хокимиятами районов (городов) гарантий и возмещения просроченной задолженности по банковским кредитам, привлекаемым товариществами частных собственников жилья

В соответствии с постановлением Президента Республики Узбекистан от 21 декабря 2018 года № ПП-4071 «О мерах по обеспечению финансовой устойчивости, повышению эффективности деятельности и совершенствованию кредитной политики коммерческих банков» Кабинет Министров постановляет:

1. Утвердить Положение о порядке выдачи хокимиятами районов (городов) гарантий и возмещения просроченной задолженности по банковским кредитам, привлекаемым товариществами частных собственников жилья, согласно приложению .

2. Центральному банку, Министерству жилищно-коммунального обслуживания Республики Узбекистан совместно с заинтересованными министерствами и ведомствами, а также органами исполнительной власти на местах привести принятые ими нормативно-правовые акты в соответствие с настоящим постановлением.

3. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова, председателя Центрального банка Республики Узбекистан М.Б. Нурмуратова и министра жилищно-коммунального обслуживания Республики Узбекистан М.Х. Салиева.

ПРИЛОЖЕНИЕ к постановлению Кабинета Министров от 13 мая 2019 года № 396

о порядке выдачи хокимиятами районов (городов) гарантий и возмещения просроченной задолженности по банковским кредитам, привлекаемым товариществами частных собственников жилья

Глава 1. Общие положения

1. Настоящее Положение определяет порядок выдачи хокимиятами районов (городов) гарантий и возмещения просроченной задолженности по банковским кредитам, привлекаемым товариществами частных собственников жилья (далее — товарищество).

2. Гарантия хокимиятами районов (городов) выдается по кредитам, привлекаемым товариществами.

3. Хокимияты районов (городов) при выдаче гарантии (далее — гарантия) принимают на себя обязательство перед коммерческим банком погасить за счет средств внебюджетных источников, не запрещенных законодательством, (далее — внебюджетные средства) просроченную задолженность по кредитам, привлекаемым товариществом, в случае неуплаты ими причитающейся суммы в установленные в кредитных договорах сроки.

4. Оплата (вознаграждение) за выдачу гарантии не взимается.

Глава 2. Оформление и выдача гарантий

5. Гарантия выдается на основании решений хокимов соответствующих районов (городов) по схеме согласно приложению № 1 к настоящему Положению.

Гарантия выдается при условии внесения товариществами обоснованных материалов (расчетов) по предлагаемым к реализации проектам (мероприятиям) и наличия по ним положительных заключений отдела жилищно-коммунального обслуживания и финансового отдела.

6. Для получения гарантии товарищество представляет в хокимият соответствующего района (города):

заявку на выдачу гарантии по форме согласно приложению № 2 к настоящему Положению;

сведения о проекте (мероприятии), реализация которого планируется за счет банковского кредита;

проекты кредитного договора и графика погашения привлекаемых кредитов;

подтверждающие документы по всем источникам финансирования проекта (мероприятия);

рабочую документацию (проектно-сметная документация и заключение государственной экспертизы) по выполняемым объемам работ в рамках предлагаемых к реализации проектов;

информацию о финансовых результатах деятельности за последние 2 года, в том числе о финансовых потоках;

справки об отсутствии просроченной задолженности по ранее привлеченным товариществом кредитам;

решение общего собрания членов товарищества о привлечении банковского кредита, а также о согласии с условием о возмещении за счёт имущества товарищества взысканной просроченной задолженности по привлеченным кредитам, оформленное в установленном порядке;

опись состава имущества товарищества с копиями правоустанавливающих документов.

7. Хокимияты районов (городов) в течение одного рабочего дня направляют документы, указанные в пункте 6 настоящего Положения, в отдел жилищно-коммунального обслуживания и финансовый отдел. Отдел жилищно-коммунального обслуживания и финансовый отдел в течение пяти рабочих дней с даты поступления документов:

при наличии замечаний и предложений — направляют их хокимиятам соответствующих районов (городов) в письменном виде, указав конкретные причины отказа и сроки, достаточные для того, чтобы товарищества, устранив указанные причины, могли представить документы для повторного рассмотрения;

при отсутствии замечаний — выдают хокимиятам районов (городов) заключения с рекомендацией о целесообразности дальнейшей реализации проектов (мероприятий).

Повторное рассмотрение документов после устранения товариществами замечаний и предложений отдела жилищно-коммунального обслуживания и финансового отдела осуществляется в течение пяти рабочих дней со дня получения заявления товарищества со всеми необходимыми документами.

8. Хокимияты районов (городов) в течение пяти рабочих дней:

принимают соответствующее решение о выдаче гарантии товариществу по привлекаемым им банковским кредитам с учетом заключенных кредитных договоров и графиков погашения, наличия и прогноза поступлений по заявленным источникам внебюджетных средств;

заключают договор с товариществом, предусмотрев в нем условия о возмещении за счёт имущества товарищества взысканной просроченной задолженности по выделенным кредитам.

Гарантия подписывается хокимом, в его отсутствие — уполномоченным должностным лицом, исполняющим обязанности хокима.

Гарантия должна содержать:

наименование гаранта — хокимията района (города);

дату выдачи, номер учёта, срок действия и сумму гарантии;

наименование товарищества (принципал);

наименование банка — получателя гарантии (бенефициар);

дату, номер и сумму кредитного договора;

условия оплаты обязательств по гарантии и иные положения в соответствии с законодательством.

Гарантия оформляется на фирменном бланке хокимията района (города). Учет гарантий ведется в отдельном журнале учета.

Журнал учета гарантий должны быть пронумерованы, прошнурованы, скреплены подписью уполномоченного должностного лица и гербовой печатью хокимията района (города).

Гарантия вступает в силу со дня ее подписания.

9. Гарантия не может быть выдана товариществам:

имеющим просроченную задолженность по ранее привлеченным ими банковским кредитам и платежам в бюджеты соответствующих уровней бюджетной системы Республики Узбекистан;

с отрицательными финансовыми результатами деятельности.

Глава 3. Исполнение обязательств по гарантиям и возмещение просроченных задолженностей по кредитам, выделенным товариществам под гарантию

10. При возникновении просроченной задолженности по выделенным товариществам кредитам и несоблюдении прилагаемых к кредитным договорам графиков их погашения, коммерческий банк в течение трех рабочих дней уведомляет письмом хокимияты соответствующих районов (городов) об образовавшейся просроченной задолженности.

К письму коммерческого банка прилагаются:

копия гарантии;

копия кредитного договора;

справка коммерческого банка о наличии просроченной задолженности у товарищества.

11. Хокимият соответствующего района (города) рассматривает письмо коммерческого банка в течение пяти рабочих дней и принимает решение о погашении имеющейся просроченной задолженности товарищества коммерческому банку.

Средства, предназначенные для погашения просроченной задолженности товарищества по привлеченным кредитам, направляются гарантом исключительно на счет кредитора.

12. Не позднее следующего рабочего дня после принятия решения о погашении просроченной задолженности товарищества хокимият района (города) перечисляет за счет внебюджетных средств сумму задолженности соответствующего товарищества на счет 29801 (расчеты с клиентами), открываемый в банке отдельно для каждого товарищества.

Средства, поступившие на счет 29801, используются исключительно для погашения просроченной задолженности по кредитам товариществ.

13. Внебюджетные средства хокимиятов районов (городов), направленные на погашение просроченной задолженности товарищества по привлеченному им кредиту, возмещаются за счёт принадлежащего указанному товариществу имущества или дебиторской задолженности.

Глава 4. Заключительные положения

14. Учет и мониторинг целевого использования и своевременного погашения выделенных под гарантию хокимиятов районов (городов) кредитов осуществляются отделами жилищно-коммунального обслуживания совместно с финансовыми отделами и коммерческими банками посредством проведения регулярной сверки данных.

15. В течение всего срока действия гарантии товарищество обязано:

а) своевременно осуществлять все платежи по банковскому кредиту, привлеченному под гарантию;

б) представлять в отделы жилищно-коммунального обслуживания, финансовые отделы и коммерческим банкам ежемесячно не позднее 5 числа текущего месяца сведения об объемах выполненных работ по проектам (мероприятиям), реализуемым с использованием выделенных под гарантию хокимиятов районов (городов) кредитов.

16. Руководитель товарищества несет персональную ответственность за:

достоверность сведений и правильность оформления документов, представленных для привлечения кредитов под гарантию;

целевое и эффективное использование и своевременное погашение выделенного товариществу банковского кредита, а также, в соответствии с настоящим Положением, возмещение за счет имущества указанного товарищества внебюджетных средств хокимията соответствующего района (города), направленных на погашение просроченной задолженности товарищества по привлеченному им под гарантию банковскому кредиту.

17. Территориальные управления Главного управления государственного финансового контроля Министерства финансов Республики Узбекистан осуществляют по итогам каждого квартала проверку правильности выдачи гарантий, а также контроль за целевым и эффективным использованием выделенных под гарантию хокимиятов районов (городов) банковских кредитов.

ПРИЛОЖЕНИЕ № 1 к Положению о порядке выдачи хокимиятами районов (городов) гарантий и возмещения просроченной задолженности по банковским кредитам, привлекаемым товариществами частных собственников жилья

выдачи хокимиятами районов (городов) гарантий по банковским кредитам

Этапы Субъекты Мероприятия Сроки выполнения 1-й этап Товарищество частных собственников жилья 1. Подготавливает заявку и соответствующие документы, необходимые для получения гарантии . 2. Представляет в хокимият района (города) заявку с приложением соответствующих документов непосредственно или через средства почтовой связи. По мере необходимости. 2-й этап Хокимият района (города) 1. Принимает заявку и документы, представленные для получения гарантии. В день приема документов. 2. Направляет документы в отдел жилищно-коммунального обслуживания и финансовый отдел. В течение одного рабочего дня. 3-й этап Отдел жилищно-коммунального обслуживания, финансовый отдел Рассматривают полученные документы и выдают хокимияту района (города) положительное заключение о целесообразности реализации проектов (мероприятий) или прилагают замечания и предложения по ним. В течение пяти рабочих дней. 4-й этап Хокимият района (города) 1. На основании положительных заключений отдела жилищно-коммунального обслуживания и финансового отдела, принимает решение о выдаче гарантии товариществу и уведомляет его о принятом решении. В течение трех рабочих дней. 2. Направляет товариществу замечания и предложения отдела жилищно-коммунального обслуживания и финансового отдела для их устранения и повторного внесения. В течение одного рабочего дня. 5-й этап Товарищество частных собственников жилья 1. При принятии решения о выдаче гарантии заключает договор с хокимиятом районов (городов). В течение двух рабочих дней. 2. При наличии замечаний устраняет их и повторно представляет документы с учетом предложений. В течение срока, указанного в замечаниях (по мере необходимости ) 6-й этап Хокимият района (города) Направляет гарантию в соответствующий филиал коммерческого банка. В течение одного рабочего дня.

ПРИЛОЖЕНИЕ № 2 к Положению о порядке выдачи хокимиятами районов (городов) гарантий и возмещения просроченной задолженности по банковским кредитам, привлекаемым товариществами частных собственников жилья

_____________________ (хокимият районов (городов) ЗАЯВКА на получение гарантии хокимиятов районов (городов) о погашении просроченной задолженности по банковским кредитам, привлекаемым товариществами частных собственников жилья 1. Наименование товарищества частных собственников жилья ____________________________________ 2. Местонахождение (почтовый адрес) ______________________________________________ контактный телефон (с кодом) ________________ ИНН____________________ банковские реквизиты _______________________ электронный адрес __________________________ 3. Цель получения гарантии _____________________ 4. Сумма банковского кредита, привлекаемого под гарантию: ___________________________ тыс. сум. 5. Пакет документов, необходимых для получения гарантии, прилагается к настоящей Заявке, на ________ листах. Просим Вас рассмотреть настоящую Заявку с прилагаемыми к ней документами и выдать гарантию хокимията районов (городов) по банковскому кредиту, привлекаемому ТЧСЖ ______________________. Ф.И.О. руководителя подпись __________ дата ___________

Премьер-министр Республики Узбекистан А. АРИПОВ

г. Ташкент,

13 мая 2019 г.,

№ 396

(Национальная база данных законодательства, 14.05.2019 г., № 09/19/396/3140)

lex.uz