📅 2019-yil 18-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 18 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 18 мая 2019 г. · Постановления Президента
Официальный текст. Официальный документ. Редакционные примечания не включены.
📅 18 May 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Рақамли иқтисодиёт ва «Электрон ҳукумат» тизими инфратузилмаларини янада такомиллаштириш чора-тадбирлари тўғрисида
Рақамли иқтисодиёт ва «Электрон ҳукумат» тизимини такомиллаштириш соҳасидаги ислоҳотларнинг асосий йўналишларини изчил амалга ошириш мақсадида:
1. Ўзбекистон Республикаси Президентининг 2018 йил 21 ноябрдаги «Рақамли иқтисодиётни ривожлантириш мақсадида рақамли инфратузилмани янада модернизация қилиш чора-тадбирлари тўғрисида»ги ПҚ-4022-сон қарори ижросини таъминлаш мақсадида 2019 — 2021 йилларда «Universal Mobile Systems» МЧЖни ривожлантириш Концепцияси тасдиқланганлиги маълумот учун қабул қилинсин.
3. Белгилаб қўйилсинки:
а) «Электрон ҳукумат» ва рақамли иқтисодиёт тизимини ривожлантириш доирасида идоралараро ва идоравий ахборот тизимлари, маълумотлар базалари, дастурий маҳсулотларни яратиш ва жорий этиш бўйича қарорлар буюртмачини мажбурий тарзда белгилаш, шунингдек, ахборот тизимлари ва маълумотлар базаларини яратиш ва кейинчалик қўллаб-қувватлашда молиялаштириш манбаларини аниқ кўрсатган ҳолда қабул қилинади;
б) «Электрон ҳукумат» ва рақамли иқтисодиёт тизими доирасидаги лойиҳаларни амалга ошириш доирасида:
рақамли ҳукумат тизимига ўтиш ва уни ривожлантириш ишларини ўзаро мувофиқлаштириш — «Рақамли Ўзбекистон — 2030» стратегиясини амалга ошириш бўйича мувофиқлаштириш комиссияси томонидан;
рақамли ҳукумат соҳасида ягона давлат сиёсатини юритиш, рақамли ҳукумат лойиҳаларини амалга оширилишини мувофиқлаштириш ва назорат қилиш — Рақамли технологиялар вазирлиги томонидан;
ахборот тизимлари, маълумотлар базалари ва электрон ресурсларини яратишга доир лойиҳаларни амалга ошириш ва амалиётга жорий этиш ҳамда уларнинг узлуксиз ишлашини таъминлаш — вазирлик ва идоралар, хўжалик бошқаруви органлари ҳамда маҳаллий давлат ҳокимияти органлари томонидан амалга оширилади.
4. Белгилансинки:
а) операторга ахборот-коммуникация технологиялари соҳасидаги харидларнинг техник топшириқларини фақат Ўзбекистон Республикаси Ахборот технологиялари ва коммуникацияларини ривожлантириш вазирлиги ҳузуридаги «Электрон ҳукумат лойиҳаларини бошқариш маркази» ДМ билан келишган ҳолда амалга ошириш ҳуқуқи берилади;
б) давлат органларига «Электрон ҳукумат» тизимини ривожлантириш доирасида ўз маълумотларни қайта ишлаш марказларини ташкил этиш ва қуриш тақиқланади, Ўзбекистон Республикаси Президентининг қарорлари билан белгиланган ҳоллар бундан мустасно;
в) Агентликка хорижий инвестицияларни жалб қилиш билан боғлиқ тадбирларни амалга ошириш, шу жумладан инвестициялар масалалари бўйича хорижий компаниялар вакиллари билан музокаралар ўтказиш ва ҳамкорлик қилиш ҳуқуқи берилади;
г) оператор 2022 йил 1 январга қадар:
оператор зиммасига юклатилган вазифаларни амалга ошириш учун олиб кириладиган, Ўзбекистон Республикасида ишлаб чиқарилмайдиган товарлар божхона тўловларидан (қўшилган қиймат солиғи ва божхона йиғимларидан ташқари) озод этилади;
Агентлик билан келишилган ҳолда ҳаракатдаги уяли алоқа база станцияларини қуриш (ўрнатиш) бўйича қурилиш-монтаж ишларини параллел равишда лойиҳалаштириш билан бирга амалга ошириш, шунингдек, радиоэлектрон воситалар ва юқори частотали қурилмаларни фойдаланишга қабул қилиш ва улардан фойдаланиш учун рухсатномалар олиш далолатномаларини параллел равишда расмийлаштирган ҳолда ҳаракатдаги уяли алоқа хизматларини кўрсатиш ҳуқуқига эга;
энг яхши таклифларни танлаб олиш орқали суммасидан қатъи назар товарлар (ишлар, хизматлар)ни сотиб олиш учун шартномалар, шу жумладан импорт шартномалари тузишга ҳақли.
5. Агентлик Ўзбекистон Республикаси Адлия вазирлиги ҳамда бошқа манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 18 май,
ПҚ-4321-сон
Oʻzbekiston Respublikasi Prezidentining
Qarori
Raqamli iqtisodiyot va “Elektron hukumat” tizimi infratuzilmalarini yanada takomillashtirish chora-tadbirlari toʻgʻrisida
Raqamli iqtisodiyot va “Elektron hukumat” tizimini takomillashtirish sohasidagi islohotlarning asosiy yoʻnalishlarini izchil amalga oshirish maqsadida:
1. Oʻzbekiston Respublikasi Prezidentining 2018-yil 21-noyabrdagi “Raqamli iqtisodiyotni rivojlantirish maqsadida raqamli infratuzilmani yanada modernizatsiya qilish chora-tadbirlari toʻgʻrisida”gi PQ-4022-son qarori ijrosini taʼminlash maqsadida 2019 — 2021-yillarda “Universal Mobile Systems” MCHJni rivojlantirish Konsepsiyasi tasdiqlanganligi maʼlumot uchun qabul qilinsin.
3. Belgilab qoʻyilsinki:
a) “Elektron hukumat” va raqamli iqtisodiyot tizimini rivojlantirish doirasida idoralararo va idoraviy axborot tizimlari, maʼlumotlar bazalari, dasturiy mahsulotlarni yaratish va joriy etish boʻyicha qarorlar buyurtmachini majburiy tarzda belgilash, shuningdek, axborot tizimlari va maʼlumotlar bazalarini yaratish va keyinchalik qoʻllab-quvvatlashda moliyalashtirish manbalarini aniq koʻrsatgan holda qabul qilinadi;
b) “Elektron hukumat” va raqamli iqtisodiyot tizimi doirasidagi loyihalarni amalga oshirish doirasida:
raqamli hukumat tizimiga oʻtish va uni rivojlantirish ishlarini oʻzaro muvofiqlashtirish — “Raqamli Oʻzbekiston — 2030” strategiyasini amalga oshirish boʻyicha muvofiqlashtirish komissiyasi tomonidan;
raqamli hukumat sohasida yagona davlat siyosatini yuritish, raqamli hukumat loyihalarini amalga oshirilishini muvofiqlashtirish va nazorat qilish — Raqamli texnologiyalar vazirligi tomonidan;
axborot tizimlari, maʼlumotlar bazalari va elektron resurslarini yaratishga doir loyihalarni amalga oshirish va amaliyotga joriy etish hamda ularning uzluksiz ishlashini taʼminlash — vazirlik va idoralar, xoʻjalik boshqaruvi organlari hamda mahalliy davlat hokimiyati organlari tomonidan amalga oshiriladi.
4. Belgilansinki:
a) operatorga axborot-kommunikatsiya texnologiyalari sohasidagi xaridlarning texnik topshiriqlarini faqat Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi huzuridagi “Elektron hukumat loyihalarini boshqarish markazi” DM bilan kelishgan holda amalga oshirish huquqi beriladi;
b) davlat organlariga “Elektron hukumat” tizimini rivojlantirish doirasida oʻz maʼlumotlarni qayta ishlash markazlarini tashkil etish va qurish taqiqlanadi, Oʻzbekiston Respublikasi Prezidentining qarorlari bilan belgilangan hollar bundan mustasno;
v) Agentlikka xorijiy investitsiyalarni jalb qilish bilan bogʻliq tadbirlarni amalga oshirish, shu jumladan investitsiyalar masalalari boʻyicha xorijiy kompaniyalar vakillari bilan muzokaralar oʻtkazish va hamkorlik qilish huquqi beriladi;
g) operator 2022-yil 1-yanvarga qadar:
operator zimmasiga yuklatilgan vazifalarni amalga oshirish uchun olib kiriladigan, Oʻzbekiston Respublikasida ishlab chiqarilmaydigan tovarlar bojxona toʻlovlaridan (qoʻshilgan qiymat soligʻi va bojxona yigʻimlaridan tashqari) ozod etiladi;
Agentlik bilan kelishilgan holda harakatdagi uyali aloqa baza stansiyalarini qurish (oʻrnatish) boʻyicha qurilish-montaj ishlarini parallel ravishda loyihalashtirish bilan birga amalga oshirish, shuningdek, radioelektron vositalar va yuqori chastotali qurilmalarni foydalanishga qabul qilish va ulardan foydalanish uchun ruxsatnomalar olish dalolatnomalarini parallel ravishda rasmiylashtirgan holda harakatdagi uyali aloqa xizmatlarini koʻrsatish huquqiga ega;
eng yaxshi takliflarni tanlab olish orqali summasidan qatʼi nazar tovarlar (ishlar, xizmatlar)ni sotib olish uchun shartnomalar, shu jumladan import shartnomalari tuzishga haqli.
5. Agentlik Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 18-may,
PQ-4321-son
Президента Республики Узбекистан
Постановление
О мерах по дальнейшему совершенствованию инфраструктуры цифровой экономики и системы «Электронное правительство»
В целях последовательной реализации основных направлений реформ в сфере цифровой экономики и совершенствования системы «Электронное правительство»:
1. Принять к сведению, что во исполнение постановления Президента Республики Узбекистан от 21 ноября 2018 года № ПП-4022 «О мерах по дальнейшей модернизации цифровой инфраструктуры в целях развития цифровой экономики» утверждена Концепция развития ООО «Universal Mobile Systems» на 2019 — 2021 годы.
3. Определить, что:
а) решения по созданию и внедрению межведомственных и ведомственных информационных систем, баз данных, программных продуктов в рамках развития системы «электронного правительства» и цифровой экономики принимаются с учетом обязательного определения заказчика, а также указания источников финансирования создания и дальнейшего сопровождения информационных систем или баз данных;
б) реализация проектов в рамках системы «Электронное правительство» и цифровая экономика» осуществляется:
Координационной комиссией по реализации Стратегии «Цифровой Узбекистан — 2030» — в части взаимной координации работ по переходу и развитию системы цифрового правительства;
Министерством цифровых технологий — в части ведения единой государственной политики в сфере цифрового правительства, координации и контроля за реализацией проектов в сфере цифрового правительства;
министерствами и ведомствами, органами хозяйственного управления, органами государственной власти на местах — в части реализации проектов, обеспечения внедрения на практике и непрерывного функционирования информационных систем, баз данных и электронных ресурсов.
4. Установить, что:
а) оператору предоставляется право при проведении закупок в сфере информационно-коммуникационных технологий осуществлять согласование технических заданий только в ГЦ «Центр управления проектами электронного правительства» при Министерстве по развитию информационных технологий и коммуникаций Республики Узбекистан»;
б) государственным органам запрещается организация и строительство собственных центров обработки данных в рамках развития системы «Электронное правительство», за исключением случаев, установленных решениями Президента Республики Узбекистан;
в) Агентству предоставляется право осуществлять мероприятия, связанные с привлечением иностранных инвестиций, в том числе проведение переговоров с представителями иностранных компаний по вопросам инвестиций и сотрудничества;
г) до 1 января 2022 года оператор:
освобождается от таможенных платежей (за исключением налога на добавленную стоимость и таможенных сборов) за товары, не производимые в Республике Узбекистан, ввозимые для реализации возложенных на оператора задач;
вправе осуществлять строительно-монтажные работы по строительству (установке) базовых станций подвижной сотовой связи с параллельным проектированием по согласованию с Агентством, а также оказывать услуги подвижной сотовой связи с параллельным оформлением актов приемки оборудования в эксплуатацию и получением разрешений на эксплуатацию радиоэлектронных средств и высокочастотных устройств;
вправе заключать контракты, в том числе импортные, на закупку товаров (работ, услуг), независимо от суммы, путем отбора наилучших предложений.
5. Агентству совместно с Министерством юстиции Республики Узбекистан, другими заинтересованными министерствами и ведомствами в двухмесячный срок внести предложения об изменениях и дополнениях в законодательство, вытекающих из настоящего постановления.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
18 мая 2019 г.,
№ ПП-4321