📅 2019-yil 20-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 20 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 20 мая 2019 г. · Указы Президента
Официальный текст. Официальный документ. Редакционные примечания не включены.
📅 20 May 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон-Амирликлар инвестиция компанияси фаолиятини ташкил этиш чора-тадбирлари тўғрисида
Ўзбекистон Республикаси Президентининг 2019 йил 17 январдаги «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастури тўғрисида»ги ПФ-5635-сон Фармони ва Ўзбекистон Республикаси Президентининг 2019 йил 2 апрелдаги «Ўзбекистон Республикаси ва Бирлашган Араб Амирликлари ўртасида икки томонлама ҳамкорликни янада мустаҳкамлаш ва кенгайтириш чора-тадбирлари тўғрисида»ги ПҚ-4256-сон қарорига асосан, шунингдек республика иқтисодиётига тўғридан-тўғри хорижий инвестицияларни жалб қилиш ҳажмларини янада кенгайтириш мақсадида:
1. Қуйидагилар:
Ўзбекистон Республикасининг Тикланиш ва тараққиёт жамғармаси ҳамда Абу Даби ривожланиш жамғармаси (БАА) ўртасида 2019 йил 24 мартда устав фонди миқдори 10 миллион АҚШ долларини ташкил этувчи масъулияти чекланган жамият шаклидаги Ўзбекистон-Амирликлар инвестиция компаниясини ташкил этиш тўғрисидаги таъсис шартномаси имзоланганлиги ва компания инвестиция портфели шаклланиб боришига мувофиқ устав фондининг босқичма-босқич 1 миллиард АҚШ долларига тенг бўлган миқдорга етказилиши;
кўрсатиб ўтилган компаниянинг капиталини шакллантиришда Абу Даби ривожланиш жамғармасининг (БАА) улуши 75 фоизни ҳамда Ўзбекистон Республикасининг Тикланиш ва тараққиёт жамғармасининг улуши 25 фоизни ташкил қилиши, белгиланган тартибда қўшимча иштирокчиларни жалб қилиш мумкинлиги маълумот учун қабул қилинсин.
2. Белгилаб қўйилсинки:
Ўзбекистон-Амирликлар инвестиция компанияси, шунингдек унинг таъсисчилари даромад солиғи, шу жумладан дивиденд ва фоизлар кўринишидаги даромадлар, мол-мулк солиғи ва ер солиғидан, шунингдек, унинг мол-мулки ва активларини реализация қилишда қўшилган қиймат солиғидан истисно тариқасида 10 йил муддатга озод қилинади;
Ўзбекистон-Амирликлар инвестиция компаниясининг бошқарув органларида Ўзбекистон Республикасининг Тикланиш ва тараққиёт жамғармаси манфаатларини Ўзбекистон Республикасининг Тикланиш ва тараққиёт жамғармаси ижрочи директори ифодалайди.
2 1 . Ўзбекистон-Амирликлар инвестиция компаниясига, истисно тариқасида:
чет элда фаолият юритувчи хорижий корхоналарнинг устав фондида иштирок этиш ва улушларга эгалик қилишга;
хорижий валютадаги маблағларни қабул қилиш ва улардан фойдаланиш учун Бирлашган Араб Амирликлари банкларида банк ҳисобварақларини очишга;
Ўзбекистон Республикаси Тикланиш ва тараққиёт жамғармасига АҚШ долларида дивидендлар тўлашга рухсат берилсин.
3. Ўзбекистон Республикасининг Тикланиш ва тараққиёт жамғармаси уч ой муддатда Ўзбекистон-Амирликлар инвестиция компаниясининг қонун ҳужжатларида белгиланган тартибда давлат рўйхатидан ўтказилишини таъминласин.
4. Ўзбекистон Республикаси Ташқи ишлар вазирлиги Ўзбекистон Республикасининг Тикланиш ва тараққиёт жамғармаси буюртманомаларига асосан Ўзбекистон-Амирликлар инвестиция компаниясига ёлланиб ишлаш мақсадида жалб этилган хорижий мутахассисларга ҳамда уларнинг оила аъзоларига консуллик ва бошқа йиғимларни ундирмасдан белгиланган тартибда кириш визаларининг расмийлаштирилишини таъминласин.
5. Ўзбекистон Республикаси Ички ишлар вазирлиги Ўзбекистон Республикасининг Тикланиш ва тараққиёт жамғармаси буюртманомаларига биноан Ўзбекистон-Амирликлар инвестиция компаниясига ёлланиб ишлаш мақсадида жалб этилган хорижий мутахассисларга ҳамда уларнинг оила аъзоларига давлат божини ундирмасдан белгиланган тартибда кўп марталик визалар беришни ва узайтиришни, турган жойи бўйича рўйхатдан ўтказиш ҳамда унинг муддатини узайтиришни таъминласин.
6. Ўзбекистон Республикаси Президентининг айрим ҳужжатларига иловага мувофиқ ўзгартиришлар киритилсин.
7. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Э.М. Ғаниев зиммасига юклансин.
Ўзбекистон Республикаси Президентининг 2019 йил 20 майдаги ПФ-5722-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар
1. Ўзбекистон Республикаси Президентининг 2019 йил 17 январдаги «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастури тўғрисида»ги ПФ-5635-сон Фармонида :
13-банднинг иккинчи хатбошидаги «5» рақами «10» рақами билан алмаштирилсин;
14-банднинг иккинчи хатбоши чиқариб ташлансин.
2. Ўзбекистон Республикаси Президентининг 2009 йил 29 сентябрдаги «Ўмон Султонлиги билан инвестициявий ҳамкорликни кенгайтириш чора-тадбирлари тўғрисида»ги ПҚ-1197-сон қарорининг рус тилидаги матни 4-банди биринчи хатбошидаги «на 10 лет» сўзлари «до 1 января 2030 года» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 20 май,
ПФ-5722-сон
Oʻzbekiston Respublikasi Prezidentining
Farmoni
Oʻzbekiston-Amirliklar investitsiya kompaniyasi faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining 2019-yil 17-yanvardagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi toʻgʻrisida”gi PF-5635-son Farmoni va Oʻzbekiston Respublikasi Prezidentining 2019-yil 2-apreldagi “Oʻzbekiston Respublikasi va Birlashgan Arab Amirliklari oʻrtasida ikki tomonlama hamkorlikni yanada mustahkamlash va kengaytirish chora-tadbirlari toʻgʻrisida”gi PQ-4256-son qaroriga asosan, shuningdek respublika iqtisodiyotiga toʻgʻridan-toʻgʻri xorijiy investitsiyalarni jalb qilish hajmlarini yanada kengaytirish maqsadida:
1. Quyidagilar:
Oʻzbekiston Respublikasining Tiklanish va taraqqiyot jamgʻarmasi hamda Abu Dabi rivojlanish jamgʻarmasi (BAA) oʻrtasida 2019-yil 24-martda ustav fondi miqdori 10 million AQSH dollarini tashkil etuvchi masʼuliyati cheklangan jamiyat shaklidagi Oʻzbekiston-Amirliklar investitsiya kompaniyasini tashkil etish toʻgʻrisidagi taʼsis shartnomasi imzolanganligi va kompaniya investitsiya portfeli shakllanib borishiga muvofiq ustav fondining bosqichma-bosqich 1 milliard AQSH dollariga teng boʻlgan miqdorga yetkazilishi;
koʻrsatib oʻtilgan kompaniyaning kapitalini shakllantirishda Abu Dabi rivojlanish jamgʻarmasining (BAA) ulushi 75 foizni hamda Oʻzbekiston Respublikasining Tiklanish va taraqqiyot jamgʻarmasining ulushi 25 foizni tashkil qilishi, belgilangan tartibda qoʻshimcha ishtirokchilarni jalb qilish mumkinligi maʼlumot uchun qabul qilinsin.
2. Belgilab qoʻyilsinki:
Oʻzbekiston-Amirliklar investitsiya kompaniyasi, shuningdek uning taʼsischilari daromad soligʻi, shu jumladan dividend va foizlar koʻrinishidagi daromadlar, mol-mulk soligʻi va yer soligʻidan, shuningdek, uning mol-mulki va aktivlarini realizatsiya qilishda qoʻshilgan qiymat soligʻidan istisno tariqasida 10 yil muddatga ozod qilinadi;
Oʻzbekiston-Amirliklar investitsiya kompaniyasining boshqaruv organlarida Oʻzbekiston Respublikasining Tiklanish va taraqqiyot jamgʻarmasi manfaatlarini Oʻzbekiston Respublikasining Tiklanish va taraqqiyot jamgʻarmasi ijrochi direktori ifodalaydi.
2 1 . Oʻzbekiston-Amirliklar investitsiya kompaniyasiga, istisno tariqasida:
chet elda faoliyat yurituvchi xorijiy korxonalarning ustav fondida ishtirok etish va ulushlarga egalik qilishga;
xorijiy valyutadagi mablagʻlarni qabul qilish va ulardan foydalanish uchun Birlashgan Arab Amirliklari banklarida bank hisobvaraqlarini ochishga;
Oʻzbekiston Respublikasi Tiklanish va taraqqiyot jamgʻarmasiga AQSH dollarida dividendlar toʻlashga ruxsat berilsin.
3. Oʻzbekiston Respublikasining Tiklanish va taraqqiyot jamgʻarmasi uch oy muddatda Oʻzbekiston-Amirliklar investitsiya kompaniyasining qonun hujjatlarida belgilangan tartibda davlat roʻyxatidan oʻtkazilishini taʼminlasin.
4. Oʻzbekiston Respublikasi Tashqi ishlar vazirligi Oʻzbekiston Respublikasining Tiklanish va taraqqiyot jamgʻarmasi buyurtmanomalariga asosan Oʻzbekiston-Amirliklar investitsiya kompaniyasiga yollanib ishlash maqsadida jalb etilgan xorijiy mutaxassislarga hamda ularning oila aʼzolariga konsullik va boshqa yigʻimlarni undirmasdan belgilangan tartibda kirish vizalarining rasmiylashtirilishini taʼminlasin.
5. Oʻzbekiston Respublikasi Ichki ishlar vazirligi Oʻzbekiston Respublikasining Tiklanish va taraqqiyot jamgʻarmasi buyurtmanomalariga binoan Oʻzbekiston-Amirliklar investitsiya kompaniyasiga yollanib ishlash maqsadida jalb etilgan xorijiy mutaxassislarga hamda ularning oila aʼzolariga davlat bojini undirmasdan belgilangan tartibda koʻp martalik vizalar berishni va uzaytirishni, turgan joyi boʻyicha roʻyxatdan oʻtkazish hamda uning muddatini uzaytirishni taʼminlasin.
6. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar kiritilsin.
7. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.
Oʻzbekiston Respublikasi Prezidentining 2019-yil 20-maydagi PF-5722-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar
1. Oʻzbekiston Respublikasi Prezidentining 2019-yil 17-yanvardagi “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturi toʻgʻrisida”gi PF-5635-son Farmonida :
13-bandning ikkinchi xatboshidagi “5” raqami “10” raqami bilan almashtirilsin;
14-bandning ikkinchi xatboshi chiqarib tashlansin.
2. Oʻzbekiston Respublikasi Prezidentining 2009-yil 29-sentabrdagi “Oʻmon Sultonligi bilan investitsiyaviy hamkorlikni kengaytirish chora-tadbirlari toʻgʻrisida”gi PQ-1197-son qarorining rus tilidagi matni 4-bandi birinchi xatboshidagi “na 10 let” soʻzlari “do 1-yanvarya 2030 goda” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 20-may,
PF-5722-son
Президента Республики Узбекистан
Указ
О мерах по организации деятельности Узбекско-Эмиратской инвестиционной компании
В соответствии с Указом Президента Республики Узбекистан от 17 января 2019 года № УП-5635 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития» и постановлением Президента Республики Узбекистан от 2 апреля 2019 года № ПП-4256 «О мерах по дальнейшему расширению и укреплению двустороннего сотрудничества между Республикой Узбекистан и Объединенными Арабскими Эмиратами», а также в целях дальнейшего расширения объемов привлечения в экономику республики прямых иностранных инвестиций:
1. Принять к сведению, что:
Фондом реконструкции и развития Республики Узбекистан и Абу-Дабийским фондом развития (ОАЭ) 24 марта 2019 года подписано Учредительное соглашение о создании Узбекско-Эмиратской инвестиционной компании в форме общества с ограниченной ответственностью с уставным фондом в размере 10 миллионов долларов США и его поэтапным доведением до 1 миллиарда долларов США по мере формирования инвестиционного портфеля компании;
доля участия Абу-Дабийского фонда развития (ОАЭ) в формировании капитала указанной компании составляет 75 процентов и Фонда реконструкции и развития Республики Узбекистан — 25 процентов с возможностью привлечения в установленном порядке дополнительных участников.
2. Установить, что:
Узбекско-Эмиратская инвестиционная компания, а также ее учредители освобождаются, в порядке исключения, сроком на 10 лет от уплаты налога на прибыль, включая доходы в виде дивидендов и процентов, налога на имущество и земельного налога, а также налога на добавленную стоимость при реализации ее имущества и активов;
интересы Фонда реконструкции и развития Республики Узбекистан в органах управления Узбекско-Эмиратской инвестиционной компании представляет исполнительный директор Фонда реконструкции и развития Республики Узбекистан.
2 1 . Разрешить Узбекско-Эмиратской инвестиционной компании, в порядке исключения:
принимать участие и владеть долями в уставном фонде иностранных предприятий, осуществляющих деятельность за рубежом;
открывать банковские счета в банках Объединенных Арабских Эмиратов для получения и использования денежных средств в иностранной валюте;
выплачивать дивиденды в Фонд реконструкции и развития Республики Узбекистан в долларах США.
3. Фонду реконструкции и развития Республики Узбекистан в трехмесячный срок обеспечить государственную регистрацию Узбекско-Эмиратской инвестиционной компании в порядке, установленном законодательством.
4. Министерству иностранных дел Республики Узбекистан по заявкам Фонда реконструкции и развития Республики Узбекистан обеспечить в установленном порядке оформление въездных виз иностранным специалистам, привлекаемым для работы по найму в Узбекско-Эмиратскую инвестиционную компанию, а также членам их семей без взимания консульских и иных сборов.
5. Министерству внутренних дел Республики Узбекистан по заявкам Фонда реконструкции и развития Республики Узбекистан в установленном порядке обеспечить выдачу и продление многократных виз, а также регистрацию по месту пребывания и продление ее срока иностранным специалистам, привлекаемым для работы по найму в Узбекско-Эмиратскую инвестиционную компанию, а также членам их семей без уплаты государственной пошлины.
6. Внести изменения в некоторые акты Президента Республики Узбекистан согласно приложению .
7. Контроль за исполнением настоящего Указа возложить на заместителя Премьер-министра Республики Узбекистан Э.М. Ганиева.
ПРИЛОЖЕНИЕ к Указу Президента Республики Узбекистан от 20 мая 2019 года № УП-5722
Изменения, вносимые в некоторые акты Президента Республики Узбекистан
1. В Указе Президента Республики Узбекистан от 17 января 2019 года № УП-5635 «О Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития»:
в абзаце втором пункта 13 цифру «5» заменить цифрой «10»;
абзац второй пункта 14 исключить.
2. В абзаце первом пункта 4 постановления Президента Республики Узбекистан от 29 сентября 2009 года № ПП-1197 «О мерах по расширению инвестиционного сотрудничества с Султанатом Оман» слова «на 10 лет» заменить словами «до 1 января 2030 года».
Президент Республики Узбекистан Ш. МИРЗИЁЕВ
г. Ташкент,
20 мая 2019 г.,
№ УП-5722