📅 2019-yil 17-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 17 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 мая 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 17 May 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
Инвестиция ва бошқарув компаниялари фаолияти тўғрисидаги низомни тасдиқлаш ҳақида
Ўзбекистон Республикаси Президентининг «Тадбиркорлик ва инновациялар соҳасидаги лойиҳаларни молиялаштириш механизмларини такомиллаштириш бўйича қўшимча чора-тадбирлар тўғрисида» 2018 йил 24 ноябрдаги ПФ-5583-сон Фармонини ижро этиш юзасидан Вазирлар Маҳкамаси қарор қилади:
1. Инвестиция ва бошқарув компаниялари фаолияти тўғрисидаги низом иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ганиев ҳамда Ўзбекистон Республикаси инновацион ривожланиш вазири И.Ю. Абдурахмонов зиммасига юклансин.
Вазирлар Маҳкамасининг 2019 йил 17 майдаги 414-сон қарорига ИЛОВА
Инвестиция ва бошқарув компаниялари фаолияти тўғрисида
1-боб. Умумий қоидалар
1. Ушбу Низом инвестиция ва бошқарув компанияларининг мақсадлари, вазифалари, функциялари, мезонлари, фаолият турини, шу жумладан, венчур молиялаштиришни амалга оширишда инвестиция ва бошқарув компаниялари мониторингини олиб бориш тартибини белгилайди, шунингдек, уларнинг муносабатларини тартибга солади.
2. Ушбу Низомда қуйидаги асосий тушунчалардан фойдаланилади:
инвестиция компанияси — бошқарув компанияси томонидан кейинчалик инновацион ва бошқа истиқболли лойиҳаларга киритиш учун малакали инвесторларнинг жалб этилган маблағларини шакллантириш ва жамлаш билан боғлиқ фаолиятни амалга оширувчи тижорат ташкилоти;
бошқарув компанияси — инвестиция компаниясининг инвестиция ҳиссасини улар ўртасида тузилган шартномага мувофиқ бошқарадиган тижорат ташкилоти;
венчур фонди — жамланган пул маблағларини фақат юқори хавфли венчур лойиҳаларига инвестиция қилиш учун мўлжалланган, бошқарув компанияси бошқарувидаги инвестиция компанияси;
малакали инвесторлар — миллий валютада ва/ёки Ўзбекистон Республикаси Марказий банкининг ҳисса киритилган кундаги курси бўйича хорижий валютада 500 миллион сўмдан кам бўлмаган миқдордаги пул маблағлари тарзидаги инвестиция ҳиссаларини инвестиция компанияларига киритган юридик ва жисмоний шахслар, шу жумладан, хорижий шахслар;
инвестиция ҳиссалари — малакали инвестор томонидан инвестиция компаниясига инвестиция фаолиятини амалга ошириш учун берилган ва инвестиция компаниясининг устав капиталига улуш ҳисобланмайдиган пул маблағлари;
хавф даражаси юқори бўлган венчур лойиҳалари — одатда ривожланишнинг дастлабки ёки фаолиятни кенгайтириш босқичидаги, кутиладиган фойда узоқ муддатда олинадиган тижорат хусусиятига эга бўлган, маблағларни йўқотиш эҳтимоли юқори бўлган лойиҳалар;
инновацион фаолият — интеллектуал маҳсулотни яратишга ва ундан фойдаланишга, ўзига хос ғояларни тадқиқ қилиб товарлар ва хизматлар шаклига келтиришга ҳамда ушбу товарлар ва хизматларга бўлган талаблар самарали қондирилишини ташкил этишга йўналтирилган фаолият.
2-боб. Инвестиция компанияларининг фаолияти
3. Инвестиция компанияларининг фаолияти лицензияланмайди.
4. Инвестиция компаниялари фақат тижорат лойиҳаларга кейинчалик киритиш учун малакали инвесторларнинг пул маблағлари шакллантирилиши ва жамланиши билан боғлиқ фаолиятни амалга ошириш учун ташкил этилиши керак.
5. Қуйидагилар инвестиция компанияларининг самарадорлигини баҳолаш мезонлари ҳисобланади:
фойдани ошириш;
ташкилотнинг фаолият кўрсатиши ва ривожланиши жараёнида унинг молиявий барқарорлигини таъминлаш;
инвестиция стратегиясини амалга оширишнинг энг самарали усулларини таъминлаш;
жорий ва келгуси даврларда ташкилот мулкдорларининг фаровонлигини ошириш.
6. Қуйидагилар инвестиция компанияларининг вазифалари ҳисобланади:
инвестиция бозори ривожланишини таҳлил қилиш ва прогнозлаштириш;
ташкилот инвестиция фаолиятининг стратегик йўналишларини ишлаб чиқиш ва унинг инвестиция (молиявий) ресурсларини шакллантириш;
инвестиция лойиҳаларининг инвестицион жозибадорлигини, алоҳида молиявий воситаларни баҳолаш ва улардан энг самаралисини танлаб олиш;
инвестиция портфелни шакллантириш ва уни даромад олиш, хавф-хатар ва ликвидлик мезонлари бўйича баҳолаш;
алоҳида инвестиция дастурлари ва лойиҳалар амалга оширилишини жорий режалаштириш ва бошқариш;
самарасиз инвестиция лойиҳаларини амалга оширишни ўз вақтида тўхтатиш (алоҳида молиявий воситаларни сотиш) бўйича қарорлар тайёрлаш ва капитални қайта инвестициялаш.
7. Инвестиция компанияси унинг таъсис ҳужжатида ва Ўзбекистон Республикаси қонунчилик ҳужжатларида белгиланган тартибда ҳар йили ташқи аудит ўтказилишини ташкил этишга мажбурдир.
3-боб. Бошқарув компанияларининг фаолияти
8. Бошқарув компаниясининг мақоми ушбу номи таъсис ҳужжатларида мажбурий қайд этилиши керак.
9. Бошқарув компанияси инвестиция компаниялари чекланмаган сони инвестиция ҳиссаларини бошқариш фаолиятини амалга ошириши мумкин.
10. Бошқарув компаниясининг моҳияти лойиҳани молиялаштириш, лойиҳаларни баҳолашни, заруратга кўра лойиҳани биргаликда молиялаштириш учун бошқа инвесторларни жалб этишни, инвестиция компанияларининг пул маблағларини жамлашни талаб қиладиган бизнес-лойиҳани топишдан иборатдир.
11. Бошқарув компаниялари ўз фаолиятини лойиҳани мустақил молиялаштириб, зарурат бўлганида лойиҳани молиялаштиришда иштирок этиш учун бошқа инвестиция компанияларини жалб қилиб, ўз маблағлари ҳисобига амалга ошириши мумкин.
12. Лойиҳани молиялаштиришда бир қанча инвестиция компаниялари иштирок этаётган бўлса, томонлар шартнома асосида мустақил равишда бу жараёнда қайси бири бошқарув компанияси сифатида иш юритишини белгилаб олишади.
13. Инвестицион шартномага кўра тарафлар ўзларининг инвестиция ҳиссаларини ўтказишлари учун бошқарув компанияси махсус ҳисоб рақами очади. Бошқарув компанияси тузилган шартномага мувофиқ белгиланган лойиҳани молиялаштириш учун малакали инвесторлар ва инвестиция компанияларининг инвестиция ҳиссаларини ушбу ҳисоб рақамида жамлайди.
14. Бошқарув компанияси таъсис ҳужжатида ва қонунчилик ҳужжатларида белгиланган тартибда ва таркибда ички аудит хизматини ташкил этиши шарт.
4-боб. Венчур фонди
15. Инвестиция компанияси ўзининг асосий фаолияти бўйича венчур молиялаштириш йўналишида венчур фонди очади ва бунда унинг учун бошқарув компаниясига айланади.
16. Инвестиция компанияси венчур фондини бошқариш учун венчур фондининг устав капиталини шакллантиради ва пул маблағларини фақат хавф даражаси юқори бўлган венчур лойиҳалари учун жамлайди.
17. Юридик ва жисмоний шахслар, шу жумладан, уни ташкил этиш тўғрисидаги таъсис шартномасини имзолаган хорижий юридик ва жисмоний шахслар венчур фонди муассислари бўлиши мумкин.
18. Венчур фонди фаолиятнинг қуйидаги асосий турларини амалга оширади:
юридик ва жисмоний шахсларнинг, шу жумладан, хорижий юридик ва жисмоний шахсларнинг пул маблағларини кейинчалик инновацион фаолиятга инвестиция қўйишдан фойда кўриш мақсадида жамлаш;
янгидан ташкил этилган ва мавжуд ташкилотларнинг устав фондида улушли иштирок этиш йўли билан, шунингдек, ушбу ташкилотларга гаров билан таъминланмаган қарзлар бериш йўли билан инновацияларни ишлаб чиқиш ва жорий этишни молиялаштириш;
бўш турган пул маблағларини ички бозорда юқори ликвидли молиявий воситаларга жойлаштириш;
фонд акциядори (иштирокчиси) бўлган ташкилотларни бошқаришда иштирок этиш.
19. Венчур фондлари ҳам иқтисодиётнинг муайян сектори (ихтисослаштирилган венчур фондлари), ҳам иқтисодиётнинг турли тармоқларининг (универсал венчур фондлари) инновацион лойиҳаларини молиялаштириши мумкин.
20. Венчур фонди муассислари ўртасидаги муносабатлар уни ташкил этиш тўғрисидаги таъсис шартномаси билан тартибга солинади, у фондни ташкил этиш бўйича биргаликдаги фаолият тартибини белгилайди.
21. Ўзбекистон Республикаси қонунчилик ҳужжатлари томонидан қўйиладиган талаблардан ташқари, венчур фондининг уставида қуйидаги қоидалар мажбурий тартибда бўлиши керак:
фонднинг инвестицион фаолиятига чекловлар;
венчур фондининг инвестиция активлари бошқарувчисининг ҳуқуқлари ва мажбуриятлари тўғрисидаги маълумотлар, у билан ишончли бошқариш шартномасини тузиш тартиби, зарар етказилган ҳолларда фонд ва унинг акциядорлари олдидаги жавобгарлиги;
маблағларни жалб қилиш тартиби;
инновацион лойиҳаларга инвестиция киритиш тўғрисида қарор қабул қилиш тартиби;
инвестиция киритилган корхоналардан чиқиш тўғрисида қарор қабул қилиш тартиби;
дивидендларни тўлаш тартиби.
22. Венчур фондининг номланишида «венчур фонд» сўзлари бўлиши керак.
23. Венчур фонди бошланғич устав фонди Ўзбекистон Республикаси қонунчилик ҳужжатлари билан белгиланган тартибда тўлиқ шакллантирганидан кейин ҳамда бошқарув компанияси билан фонднинг инвестиция активларини унга ишончли бошқарувга бериш тўғрисида шартнома тузилганидан сўнг маблағларни инвестицияга жалб этиш ҳуқуқига эга бўлади.
5-боб. Ўзаро муносабатларни тартибга солиш
24. Инвестиция компанияси, бошқарув компанияси ва малакали инвесторлар ўртасидаги муносабатлар Ўзбекистон Республикаси қонунчилигига зид бўлмаган доирада шартнома шартлари тарафлар томонидан мустақил белгиланишидан, шу жумладан, уларнинг биргаликдаги фаолиятида юзага келадиган низоларни ҳал этиш шакллари ва усуллари эркин танланишидан келиб чиқиб фақат шартнома асосида тартибга солинади.
25. Инвестиция компаниялари ишлаб турган ва янги ташкил этилган хўжалик юритувчи субъектлар устав капиталларидаги улушларни сотиб олиш, қимматли қоғозларни сотиб олиш, инвестициян компанияларнинг хўжалик юритувчи субъектларининг устав капиталидаги улушларни маҳаллий ва хорижий инвесторларга реализация қилиш, кўчмас мулк ва бошқа активларни сотиб олиш ҳамда Ўзбекистон Республикаси қонунчилиги билан тақиқланмаган бошқа шаклларда инвестиция киритиш ҳуқуқига эга.
26. Инвестиция лойиҳаларини танлаб олиш бошқарув компанияси томонидан белгиланган инвестиция стратегиясига мувофиқ мустақил равишда амалга оширилади.
27. Устав капиталида давлат улуши, давлат органлари, шунингдек, сиёсий партиялар, нотижорат ташкилотлар, касаба уюшмалари, жамоат фондлари ва диний ташкилотлар мавжуд бўлган юридик шахслар бошқарув компанияси муассислари бўла олмайди. Ўзбекистон Республикаси қонунчилик ҳужжатларида назарда тутилган ҳоллар бундан мустасно.
6-боб. Солиқ солиш
28. Инвестиция ва бошқарув компанияларига, шунингдек, венчур фондларига солиқ солиш Ўзбекистон Республикаси қонунчилик ҳужжатларига мувофиқ амалга оширилади.
7-боб. Инвестиция ва бошқарув компаниялари фаолияти мониторингини олиб бориш
29. Инвестиция ва бошқарув компаниялари фаолияти мониторингини олиб бориш Ўзбекистон Республикаси Молия вазирлиги томонидан фақат инвестиция ва бошқарув компанияларининг самарали фаолиятига тўсқинлик қилаётган сабабларни аниқлаш ва ўрганиш мақсадида амалга оширилади.
30. Мониторинг Ўзбекистон Республикаси Иқтисодиёт ва молия вазирлиги томонидан Инвестициялар, саноат ва савдо вазирлиги, Миллий статистика қўмитаси, Солиқ қўмитаси инвестиция ва бошқарув компанияларининг иштирокисиз мустақил равишда олинадиган очиқ маълумотлар ва ахборот асосида, шунингдек, инвестиция ва бошқарув компанияларининг мурожаатлари асосида амалга оширилади.
8-боб. Якунловчи қоида
31. Ушбу Низом талабларига риоя қилинмаганлиги учун инвестиция ва бошқарув компаниялари Ўзбекистон Республикаси қонунчилик ҳужжатларида белгиланган тартибда жавоб берадилар.
Ўзбекистон Республикасининг Бош вазири А. АРИПОВ
Тошкент ш.,
2019 йил 17 май,
414-сон
Oʻzbekiston Respublikasi Vazirlar Mahkamasining
qarori
NIZOM
Investitsiya va boshqaruv kompaniyalari faoliyati toʻgʻrisidagi nizomni tasdiqlash haqida
Oʻzbekiston Respublikasi Prezidentining “Tadbirkorlik va innovatsiyalar sohasidagi loyihalarni moliyalashtirish mexanizmlarini takomillashtirish boʻyicha qoʻshimcha chora-tadbirlar toʻgʻrisida” 2018-yil 24-noyabrdagi PF-5583-son Farmonini ijro etish yuzasidan Vazirlar Mahkamasi qaror qiladi:
1. Investitsiya va boshqaruv kompaniyalari faoliyati toʻgʻrisidagi nizom ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev hamda Oʻzbekiston Respublikasi innovatsion rivojlanish vaziri I.Yu. Abduraxmonov zimmasiga yuklansin.
Vazirlar Mahkamasining 2019-yil 17-maydagi 414-son qaroriga ILOVA
Investitsiya va boshqaruv kompaniyalari faoliyati toʻgʻrisida
1-bob. Umumiy qoidalar
1. Ushbu Nizom investitsiya va boshqaruv kompaniyalarining maqsadlari, vazifalari, funksiyalari, mezonlari, faoliyat turini, shu jumladan, venchur moliyalashtirishni amalga oshirishda investitsiya va boshqaruv kompaniyalari monitoringini olib borish tartibini belgilaydi, shuningdek, ularning munosabatlarini tartibga soladi.
2. Ushbu Nizomda quyidagi asosiy tushunchalardan foydalaniladi:
investitsiya kompaniyasi — boshqaruv kompaniyasi tomonidan keyinchalik innovatsion va boshqa istiqbolli loyihalarga kiritish uchun malakali investorlarning jalb etilgan mablagʻlarini shakllantirish va jamlash bilan bogʻliq faoliyatni amalga oshiruvchi tijorat tashkiloti;
boshqaruv kompaniyasi — investitsiya kompaniyasining investitsiya hissasini ular oʻrtasida tuzilgan shartnomaga muvofiq boshqaradigan tijorat tashkiloti;
venchur fondi — jamlangan pul mablagʻlarini faqat yuqori xavfli venchur loyihalariga investitsiya qilish uchun moʻljallangan, boshqaruv kompaniyasi boshqaruvidagi investitsiya kompaniyasi;
malakali investorlar — milliy valyutada va/yoki Oʻzbekiston Respublikasi Markaziy bankining hissa kiritilgan kundagi kursi boʻyicha xorijiy valyutada 500 million soʻmdan kam boʻlmagan miqdordagi pul mablagʻlari tarzidagi investitsiya hissalarini investitsiya kompaniyalariga kiritgan yuridik va jismoniy shaxslar, shu jumladan, xorijiy shaxslar;
investitsiya hissalari — malakali investor tomonidan investitsiya kompaniyasiga investitsiya faoliyatini amalga oshirish uchun berilgan va investitsiya kompaniyasining ustav kapitaliga ulush hisoblanmaydigan pul mablagʻlari;
xavf darajasi yuqori boʻlgan venchur loyihalari — odatda rivojlanishning dastlabki yoki faoliyatni kengaytirish bosqichidagi, kutiladigan foyda uzoq muddatda olinadigan tijorat xususiyatiga ega boʻlgan, mablagʻlarni yoʻqotish ehtimoli yuqori boʻlgan loyihalar;
innovatsion faoliyat — intellektual mahsulotni yaratishga va undan foydalanishga, oʻziga xos gʻoyalarni tadqiq qilib tovarlar va xizmatlar shakliga keltirishga hamda ushbu tovarlar va xizmatlarga boʻlgan talablar samarali qondirilishini tashkil etishga yoʻnaltirilgan faoliyat.
2-bob. Investitsiya kompaniyalarining faoliyati
3. Investitsiya kompaniyalarining faoliyati litsenziyalanmaydi.
4. Investitsiya kompaniyalari faqat tijorat loyihalarga keyinchalik kiritish uchun malakali investorlarning pul mablagʻlari shakllantirilishi va jamlanishi bilan bogʻliq faoliyatni amalga oshirish uchun tashkil etilishi kerak.
5. Quyidagilar investitsiya kompaniyalarining samaradorligini baholash mezonlari hisoblanadi:
foydani oshirish;
tashkilotning faoliyat koʻrsatishi va rivojlanishi jarayonida uning moliyaviy barqarorligini taʼminlash;
investitsiya strategiyasini amalga oshirishning eng samarali usullarini taʼminlash;
joriy va kelgusi davrlarda tashkilot mulkdorlarining farovonligini oshirish.
6. Quyidagilar investitsiya kompaniyalarining vazifalari hisoblanadi:
investitsiya bozori rivojlanishini tahlil qilish va prognozlashtirish;
tashkilot investitsiya faoliyatining strategik yoʻnalishlarini ishlab chiqish va uning investitsiya (moliyaviy) resurslarini shakllantirish;
investitsiya loyihalarining investitsion jozibadorligini, alohida moliyaviy vositalarni baholash va ulardan eng samaralisini tanlab olish;
investitsiya portfelni shakllantirish va uni daromad olish, xavf-xatar va likvidlik mezonlari boʻyicha baholash;
alohida investitsiya dasturlari va loyihalar amalga oshirilishini joriy rejalashtirish va boshqarish;
samarasiz investitsiya loyihalarini amalga oshirishni oʻz vaqtida toʻxtatish (alohida moliyaviy vositalarni sotish) boʻyicha qarorlar tayyorlash va kapitalni qayta investitsiyalash.
7. Investitsiya kompaniyasi uning taʼsis hujjatida va Oʻzbekiston Respublikasi qonunchilik hujjatlarida belgilangan tartibda har yili tashqi audit oʻtkazilishini tashkil etishga majburdir.
3-bob. Boshqaruv kompaniyalarining faoliyati
8. Boshqaruv kompaniyasining maqomi ushbu nomi taʼsis hujjatlarida majburiy qayd etilishi kerak.
9. Boshqaruv kompaniyasi investitsiya kompaniyalari cheklanmagan soni investitsiya hissalarini boshqarish faoliyatini amalga oshirishi mumkin.
10. Boshqaruv kompaniyasining mohiyati loyihani moliyalashtirish, loyihalarni baholashni, zaruratga koʻra loyihani birgalikda moliyalashtirish uchun boshqa investorlarni jalb etishni, investitsiya kompaniyalarining pul mablagʻlarini jamlashni talab qiladigan biznes-loyihani topishdan iboratdir.
11. Boshqaruv kompaniyalari oʻz faoliyatini loyihani mustaqil moliyalashtirib, zarurat boʻlganida loyihani moliyalashtirishda ishtirok etish uchun boshqa investitsiya kompaniyalarini jalb qilib, oʻz mablagʻlari hisobiga amalga oshirishi mumkin.
12. Loyihani moliyalashtirishda bir qancha investitsiya kompaniyalari ishtirok etayotgan boʻlsa, tomonlar shartnoma asosida mustaqil ravishda bu jarayonda qaysi biri boshqaruv kompaniyasi sifatida ish yuritishini belgilab olishadi.
13. Investitsion shartnomaga koʻra taraflar oʻzlarining investitsiya hissalarini oʻtkazishlari uchun boshqaruv kompaniyasi maxsus hisob raqami ochadi. Boshqaruv kompaniyasi tuzilgan shartnomaga muvofiq belgilangan loyihani moliyalashtirish uchun malakali investorlar va investitsiya kompaniyalarining investitsiya hissalarini ushbu hisob raqamida jamlaydi.
14. Boshqaruv kompaniyasi taʼsis hujjatida va qonunchilik hujjatlarida belgilangan tartibda va tarkibda ichki audit xizmatini tashkil etishi shart.
4-bob. Venchur fondi
15. Investitsiya kompaniyasi oʻzining asosiy faoliyati boʻyicha venchur moliyalashtirish yoʻnalishida venchur fondi ochadi va bunda uning uchun boshqaruv kompaniyasiga aylanadi.
16. Investitsiya kompaniyasi venchur fondini boshqarish uchun venchur fondining ustav kapitalini shakllantiradi va pul mablagʻlarini faqat xavf darajasi yuqori boʻlgan venchur loyihalari uchun jamlaydi.
17. Yuridik va jismoniy shaxslar, shu jumladan, uni tashkil etish toʻgʻrisidagi taʼsis shartnomasini imzolagan xorijiy yuridik va jismoniy shaxslar venchur fondi muassislari boʻlishi mumkin.
18. Venchur fondi faoliyatning quyidagi asosiy turlarini amalga oshiradi:
yuridik va jismoniy shaxslarning, shu jumladan, xorijiy yuridik va jismoniy shaxslarning pul mablagʻlarini keyinchalik innovatsion faoliyatga investitsiya qoʻyishdan foyda koʻrish maqsadida jamlash;
yangidan tashkil etilgan va mavjud tashkilotlarning ustav fondida ulushli ishtirok etish yoʻli bilan, shuningdek, ushbu tashkilotlarga garov bilan taʼminlanmagan qarzlar berish yoʻli bilan innovatsiyalarni ishlab chiqish va joriy etishni moliyalashtirish;
boʻsh turgan pul mablagʻlarini ichki bozorda yuqori likvidli moliyaviy vositalarga joylashtirish;
fond aksiyadori (ishtirokchisi) boʻlgan tashkilotlarni boshqarishda ishtirok etish.
19. Venchur fondlari ham iqtisodiyotning muayyan sektori (ixtisoslashtirilgan venchur fondlari), ham iqtisodiyotning turli tarmoqlarining (universal venchur fondlari) innovatsion loyihalarini moliyalashtirishi mumkin.
20. Venchur fondi muassislari oʻrtasidagi munosabatlar uni tashkil etish toʻgʻrisidagi taʼsis shartnomasi bilan tartibga solinadi, u fondni tashkil etish boʻyicha birgalikdagi faoliyat tartibini belgilaydi.
21. Oʻzbekiston Respublikasi qonunchilik hujjatlari tomonidan qoʻyiladigan talablardan tashqari, venchur fondining ustavida quyidagi qoidalar majburiy tartibda boʻlishi kerak:
fondning investitsion faoliyatiga cheklovlar;
venchur fondining investitsiya aktivlari boshqaruvchisining huquqlari va majburiyatlari toʻgʻrisidagi maʼlumotlar, u bilan ishonchli boshqarish shartnomasini tuzish tartibi, zarar yetkazilgan hollarda fond va uning aksiyadorlari oldidagi javobgarligi;
mablagʻlarni jalb qilish tartibi;
innovatsion loyihalarga investitsiya kiritish toʻgʻrisida qaror qabul qilish tartibi;
investitsiya kiritilgan korxonalardan chiqish toʻgʻrisida qaror qabul qilish tartibi;
dividendlarni toʻlash tartibi.
22. Venchur fondining nomlanishida “venchur fond” soʻzlari boʻlishi kerak.
23. Venchur fondi boshlangʻich ustav fondi Oʻzbekiston Respublikasi qonunchilik hujjatlari bilan belgilangan tartibda toʻliq shakllantirganidan keyin hamda boshqaruv kompaniyasi bilan fondning investitsiya aktivlarini unga ishonchli boshqaruvga berish toʻgʻrisida shartnoma tuzilganidan soʻng mablagʻlarni investitsiyaga jalb etish huquqiga ega boʻladi.
5-bob. Oʻzaro munosabatlarni tartibga solish
24. Investitsiya kompaniyasi, boshqaruv kompaniyasi va malakali investorlar oʻrtasidagi munosabatlar Oʻzbekiston Respublikasi qonunchiligiga zid boʻlmagan doirada shartnoma shartlari taraflar tomonidan mustaqil belgilanishidan, shu jumladan, ularning birgalikdagi faoliyatida yuzaga keladigan nizolarni hal etish shakllari va usullari erkin tanlanishidan kelib chiqib faqat shartnoma asosida tartibga solinadi.
25. Investitsiya kompaniyalari ishlab turgan va yangi tashkil etilgan xoʻjalik yurituvchi subyektlar ustav kapitallaridagi ulushlarni sotib olish, qimmatli qogʻozlarni sotib olish, investitsiyan kompaniyalarning xoʻjalik yurituvchi subyektlarining ustav kapitalidagi ulushlarni mahalliy va xorijiy investorlarga realizatsiya qilish, koʻchmas mulk va boshqa aktivlarni sotib olish hamda Oʻzbekiston Respublikasi qonunchiligi bilan taqiqlanmagan boshqa shakllarda investitsiya kiritish huquqiga ega.
26. Investitsiya loyihalarini tanlab olish boshqaruv kompaniyasi tomonidan belgilangan investitsiya strategiyasiga muvofiq mustaqil ravishda amalga oshiriladi.
27. Ustav kapitalida davlat ulushi, davlat organlari, shuningdek, siyosiy partiyalar, notijorat tashkilotlar, kasaba uyushmalari, jamoat fondlari va diniy tashkilotlar mavjud boʻlgan yuridik shaxslar boshqaruv kompaniyasi muassislari boʻla olmaydi. Oʻzbekiston Respublikasi qonunchilik hujjatlarida nazarda tutilgan hollar bundan mustasno.
6-bob. Soliq solish
28. Investitsiya va boshqaruv kompaniyalariga, shuningdek, venchur fondlariga soliq solish Oʻzbekiston Respublikasi qonunchilik hujjatlariga muvofiq amalga oshiriladi.
7-bob. Investitsiya va boshqaruv kompaniyalari faoliyati monitoringini olib borish
29. Investitsiya va boshqaruv kompaniyalari faoliyati monitoringini olib borish Oʻzbekiston Respublikasi Moliya vazirligi tomonidan faqat investitsiya va boshqaruv kompaniyalarining samarali faoliyatiga toʻsqinlik qilayotgan sabablarni aniqlash va oʻrganish maqsadida amalga oshiriladi.
30. Monitoring Oʻzbekiston Respublikasi Iqtisodiyot va moliya vazirligi tomonidan Investitsiyalar, sanoat va savdo vazirligi, Milliy statistika qoʻmitasi, Soliq qoʻmitasi investitsiya va boshqaruv kompaniyalarining ishtirokisiz mustaqil ravishda olinadigan ochiq maʼlumotlar va axborot asosida, shuningdek, investitsiya va boshqaruv kompaniyalarining murojaatlari asosida amalga oshiriladi.
8-bob. Yakunlovchi qoida
31. Ushbu Nizom talablariga rioya qilinmaganligi uchun investitsiya va boshqaruv kompaniyalari Oʻzbekiston Respublikasi qonunchilik hujjatlarida belgilangan tartibda javob beradilar.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 17-may,
414-son
Кабинета Министров Республики Узбекистан
Постановление
ПОЛОЖЕНИЕ
Об утверждении Положения о деятельности инвестиционных и управляющих компаний
Во исполнение Указа Президента Республики Узбекистан от 24 ноября 2018 года № УП-5583 «О дополнительных мерах по совершенствованию механизмов финансирования проектов в сфере предпринимательства и инноваций» Кабинет Министров постановляет:
1. Утвердить Положение о деятельности инвестиционных и управляющих компаний согласно приложению .
2. Контроль за исполнением настоящего постановления возложить на заместителя Премьер-министра Республики Узбекистан по вопросам инвестиций и внешнеэкономических связей Э.М. Ганиева и министра инновационного развития Республики Узбекистан И.Ю. Абдурахмонова.
ПРИЛОЖЕНИЕ к постановлению Кабинета Министров от 17 мая 2019 года № 414
о деятельности инвестиционных и управляющих компаниях
Глава 1. Общие положения
1. Настоящее Положение определяет цели, задачи, функции, критерии, вид деятельности и порядок осуществления мониторинга инвестиционных и управляющих компаний, в том числе при осуществлении венчурного финансирования, а также регулирует их отношения.
2. В настоящем Положении используются следующие основные понятия:
инвестиционная компания — коммерческая организация, которая осуществляет деятельность, связанную с формированием и аккумулированием денежных средств квалифицированных инвесторов, привлеченных управляющей компанией, для их дальнейшего вложения в инновационные и иные перспективные проекты;
управляющая компания — коммерческая организация, осуществляющая управление инвестиционным вкладом инвестиционной компании в соответствии с заключенным между ними договором;
венчурный фонд — инвестиционная компания, находящаяся под управлением управляющей компании, предназначенная для инвестирования аккумулированных денежных средств исключительно в высоко рискованные венчурные проекты;
квалифицированные инвесторы — юридические и физические лица, в том числе иностранные, внесшие в инвестиционные компании инвестиционные вклады в виде денежных средств в размере не менее 500 миллионов сумов в национальной валюте и/или в иностранной валюте в эквиваленте по курсу Центрального банка Республики Узбекистан на дату внесения вклада;
инвестиционные вклады — денежные средства, переданные квалифицированным инвестором инвестиционной компании для осуществления инвестиционной деятельности и не являющиеся вкладом в уставной капитал инвестиционной компании;
венчурные проекты с высокой степенью рисков — проекты, несущие в себе коммерческий характер с долгосрочным получением ожидаемой прибыли, находящиеся, как правило, на начальном этапе развития или на стадии расширения деятельности, в которых существует большая вероятность потерь финансовых средств;
инновационная деятельность — деятельность, направленная на создание и использование интеллектуального продукта, доведение оригинальных идей до их реализации в виде товаров и услуг, а также организацию эффективного удовлетворения потребностей в этих товарах и услугах.
Глава 2. Деятельность инвестиционных компаний
3. Деятельность инвестиционных компаний не подлежит лицензированию.
4. Инвестиционные компании должны быть созданы исключительно для осуществления деятельности, связанной с формированием и аккумулированием денежных средств квалифицированных инвесторов для их дальнейшего вложения в коммерческие проекты.
5. Критериями оценки эффективности инвестиционных компаний являются:
увеличение прибыли;
обеспечение финансового равновесия организации в процессе ее функционирования и развития;
обеспечение наиболее эффективных путей реализации инвестиционной стратегии;
максимизация благосостояния собственников организации в текущем и перспективном периодах.
6. Задачами инвестиционной компании являются:
анализ и прогнозирование развития инвестиционного рынка;
разработка стратегических направлений инвестиционной деятельности и формирование инвестиционных (финансовых) ресурсов организации;
оценка инвестиционной привлекательности инвестиционных проектов, отдельных финансовых инструментов и отбор наиболее эффективных из них;
формирование инвестиционного портфеля и его оценка по критериям доходности, риска и ликвидности;
текущее планирование и управление реализацией отдельных инвестиционных программ и проектов;
подготовка решений о своевременном прекращении (выход) реализации неэффективных инвестиционных проектов (продажа отдельных финансовых инструментов) и реинвестировании капитала.
7. Инвестиционная компания обязана ежегодно организовывать проведение внешнего аудита в порядке, определяемом ее учредительным документом и законодательством Республики Узбекистан.
Глава 3. Деятельность управляющих компаний
8. Статус управляющей компании подлежит обязательной фиксации данного наименования в учредительных документах.
9. Управляющие компании могут осуществлять деятельность по управлению инвестиционным вкладом неограниченного количества инвестиционных компаний.
10. Суть управляющей компании заключается в нахождении бизнес-проекта, требующего финансирования, осуществлении оценки проектов, по мере необходимости в привлечении других инвесторов для совместного финансирования проекта, в аккумулировании денежных средств инвестиционных компаний.
11. Управляющие компании могут осуществлять свою деятельность за счет собственных средств с самостоятельным финансированием проекта, при необходимости с привлечением других инвестиционных компаний для участия в финансировании проекта.
12. В случае участия в финансировании проекта нескольких инвестиционных компаний стороны на основании договора самостоятельно определяют кто в данном процессе выступает управляющей компанией.
13. Управляющая компания открывает специальный счет, на который стороны согласно инвестиционному договору переводят свои инвестиционные вклады. Управляющая компания аккумулирует на данном расчетном счете вклады квалифицированных инвесторов и инвестиционных компаний для финансирования определенного согласно заключенному договору проекта.
14. Управляющая компания обязана организовывать службу внутреннего аудита в составе и порядке, определяемом ее учредительным документом и законодательством.
Глава 4. Венчурный фонд
15. В случае профильной деятельности инвестиционной компании в сфере венчурного финансирования она открывает венчурный фонд, для которого становится управляющей компанией.
16. Инвестиционная компания формирует уставный капитал венчурного фонда для управления венчурным фондом и аккумулирования денежных средств исключительно в венчурные проекты с высокой степенью рисков.
17. Учредителями венчурного фонда могут выступать юридические и физические лица, в том числе иностранные, подписавшие учредительный договор о его создании.
18. Венчурный фонд осуществляет следующие основные виды деятельности:
аккумулирование денежных средств юридических и физических лиц, в том числе иностранных, с целью получения прибыли от их последующего инвестирования в инновационную деятельность;
финансирование разработки и внедрения инноваций путем долевого участия, в уставном фонде вновь образуемых и существующих организаций, реализующих инновационные проекты, а также путем предоставления этим организациям инвестиционных займов без залогового обеспечения;
размещение свободных денежных средств на внутреннем рынке высоколиквидных финансовых инструментов;
участие в управлении организациями, акционером (участником) которых является фонд.
19. Венчурные фонды могут осуществлять финансирование инновационных проектов как определенного сектора экономики (специализированные венчурные фонды), так и различных секторов экономики (универсальные венчурные фонды).
20. Взаимоотношения учредителей венчурного фонда регламентируются учредительным договором о его создании, определяющим порядок осуществления ими совместной деятельности по учреждению фонда.
21. Кроме требований, предъявляемых законодательством Республики Узбекистан, устав венчурного фонда в обязательном порядке должен содержать следующие положения:
ограничения инвестиционной деятельности фонда;
сведения о правах и обязанностях управляющего инвестиционными активами венчурного фонда, порядок заключения с ним договора доверительного управления, его ответственность перед фондом и его акционерами в случаях нанесения ущерба;
порядок привлечения средств;
порядок принятия решении об инвестировании инновационных проектов;
порядок принятия решения о выходе из проинвестированных предприятий;
порядок выплаты дивидендов.
22. В наименовании венчурного фонда должны быть включены слова «венчурный фонд».
23. Венчурный фонд вправе начать инвестирование средств только после полного формирования первоначального уставного фонда в порядке, установленном законодательством Республики Узбекистан, и заключения договора с управляющей компанией о передаче ей в доверительное управление инвестиционных активов фонда.
Глава 5. Регулирование отношений
24. Взаимоотношения между инвестиционными компаниями, управляющими компаниями и квалифицированными инвесторами регулируются исключительно на основе договора, исходя из самостоятельного определения сторонами его условий, в том числе выбора форм и способов разрешения споров, возникающих при их совместной деятельности, в рамках, не противоречащих законодательству Республики Узбекистан.
25. Инвестиционные компании вправе осуществлять инвестиции путем приобретения долей в уставных капиталах действующих и вновь создаваемых хозяйствующих субъектов, приобретения ценных бумаг, реализации отечественным и иностранным инвесторам долей инвестиционной компании в уставном капитале хозяйствующих субъектов, приобретения недвижимости и иных активов и в других формах, не запрещенных законодательством Республики Узбекистан.
26. Выбор инвестиционных проектов осуществляется управляющей компанией самостоятельно в соответствии с инвестиционной стратегией, определяемой ею самостоятельно.
27. Юридические лица, в уставном капитале которых имеется государственная доля, государственные органы, а также политические партии, некоммерческие организации, профсоюзы, общественные фонды и религиозные организации не могут быть учредителями управляющей компании, за исключением случаев, предусмотренных законодательством Республики Узбекистан.
Глава 6. Налогообложение
28. Налогообложение инвестиционных и управляющих компаний, а также венчурных фондов осуществляется в соответствии с законодательством Республики Узбекистан.
Глава 7. Мониторинг деятельности инвестиционных и управляющих компаний
29. Мониторинг деятельности инвестиционных и управляющих компаний осуществляется Министерством финансов Республики Узбекистан исключительно с целью выявления и изучения причин, препятствующих эффективной деятельности инвестиционных и управляющих компаний.
30. Мониторинг осуществляется на основе открытых данных и информации, получаемых Министерством экономики и финансов Республики Узбекистан, Министерством инвестиций, промышленности и торговли, Национальным комитет по статистике, налоговым комитетом Республики Узбекистан самостоятельно без участия инвестиционных и управляющих компаний, а также на основании обращений инвестиционных и управляющих компаний.
Глава 8. Заключительное положение
31. За несоблюдение требований настоящего Положения инвестиционные и управляющие компании несут ответственность в порядке, установленном законодательством Республики Узбекистан.
Премьер-министр Республики Узбекистан А. АРИПОВ
г. Ташкент,
17 мая 2019 г.,
№ 414