📅 2019-yil 18-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 18 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 мая 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 18 May 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Тошкент шаҳрида тўғридан-тўғри хорижий инвестиция иштирокидаги нодавлат мактабгача таълим муассасаларини давлат-хусусий шериклик асосида ташкил этиш тўғрисида
Мактабгача таълимнинг нодавлат секторини янада ривожлантириш, болаларни мактабгача таълим билан кенгроқ қамраб олишни таъминлаш ҳамда мактабгача таълим соҳасида давлат-хусусий шериклик шартлари асосида хорижий инвестицияларни кенг жалб қилиш учун қулай шарт-шароитлар яратиш мақсадида Вазирлар Маҳкамаси қарор қилади:
1. Ўзбекистон Республикаси Мактабгача таълим вазирлиги (кейинги ўринларда давлат шериги деб аталади) ва Тошкент шаҳар ҳокимлигининг Корея Республикаси «Chung Design Construction» компанияси (кейинги ўринларда хусусий шерик деб аталади) билан ҳамкорликда Тошкент шаҳрида давлат-хусусий шериклик шартлари асосида инвестициявий ва ижтимоий мажбуриятлар юклаш орқали бешта нодавлат мактабгача таълим муассасаларини (кейинги ўринларда нодавлат мактабгача таълим муассасалари деб аталади) ташкил этиш тўғрисидаги таклифи маъқуллансин.
2. Белгилаб қўйилсинки:
ташкил этиладиган ҳар бир нодавлат мактабгача таълим муассасаларининг қуввати 200 ўринли бўлиб, бир хил шарт-шароитлар ва техник кўрсаткичларга эга бўлади;
ташкил этиладиган нодавлат мактабгача таълим муассасаларининг 1 таси давлат мактабгача таълим муассасасига айлантириш учун давлат шеригига берилади, 4 таси хусусий шерик томонидан нодавлат мактабгача таълим муассасаси сифатида фойдаланилади;
хусусий шерик давлат-хусусий шериклик тўғрисидаги битимда белгиланган мажбуриятларини ўз муддатида тўлиқ ёки қисман бажармаган тақдирда, ташкил этиладиган нодавлат мактабгача таълим муассасалари Тошкент шаҳар ҳокимияти тасарруфига ўтказилади.
3. Қуйидагилар ташкил этиладиган нодавлат мактабгача таълим муассасалари учун татбиқ этилмайди:
тарбияланувчиларнинг бир қисмини ижтимоий кўмакка муҳтож оилаларнинг фарзандлари ҳисобидан шакллантириш ва улар учун ота-оналар тўловининг имтиёзли ҳажмларини ўрнатиш мажбурияти;
давлат мактабгача таълим муассасасининг бир нафар тарбияланувчисига сарфланадиган сумманинг 50 фоизига қадар миқдорда Ўзбекистон Республикасининг Давлат бюджетидан субсидиялар ажратиш.
4. Тошкент шаҳар ҳокимлиги хусусий шерикка нодавлат мактабгача таълим муассасаларини ташкил этиш учун иловага мувофиқ ер майдонлари ажратиб берсин.
5. Давлат шериги бир ой муддатда нодавлат мактабгача таълим муассасаларини ташкил этиш бўйича хусусий шерик билан, истисно тариқасида, танлов ўтказмасдан тўғридан-тўғри давлат-хусусий шериклик тўғрисида битим тузсин.
Бунда хусусий шерикка қуйидаги қўшимча мажбуриятлар юкланишини назарда тутсин:
нодавлат мактабгача таълим муассасаларини ташкил этиш учун камида 10 млн. АҚШ доллари миқдорда хорижий инвестиция киритиш;
нодавлат мактабгача таълим муассасаларини қуриш ишларини 2019 йил 31 декабрга қадар якунлаш;
ташкил этилган мактабгача таълим муассасаларида 150 тадан кам бўлмаган янги иш ўринларини яратиш;
хусусий шерик томонидан фойдаланиладиган 4 та нодавлат мактабгача таълим муассасаларининг фаолият турини 30 йил давомида ўзгартирмаслик;
давлат шеригига бериладиган мактабгача таълим муассасасининг сақлаш харажатларининг бир қисмини қоплаш мақсадида 30 йил давомида ҳар ойда 4000 АҚШ доллари эквиваленти миқдоридаги маблағларни мактабгача таълим муассасаси ҳисоб рақамига ўтказиб бориш;
ташкил этилган мактабгача таълим муассасаларида таълим-тарбия жараёнини илғор инновацион ва педагогик технологиялар ҳамда Ўзбекистон Республикасида мактабгача таълимга қўйилган давлат талаблари асосида ташкил этиш.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов, мактабгача таълим вазири А.В. Шин ҳамда Тошкент шаҳар ҳокими Ж.А. Артикходжаев зиммасига юклансин.
Вазирлар Маҳкамасининг 2019 йил 18 майдаги 417-сон қарорига ИЛОВА
Хусусий шерикка нодавлат мактабгача таълим муассасаларини ташкил этиш учун ажратиб бериладиган ер майдонлари
Т/р Ажратиладиган ер майдони манзили Ер майдони (га) Ташкил этиладиган муассаса қуввати Киритиладиган инвестициянинг тахминий қиймати 2. Яшнобод тумани, Мавлоно Риёзий мавзеси, 10,17 ва 19-уйлар оралиғидаги бўш ер майдони 0,22 200 ўрин 2 млн. АҚШ долл. 3. Яккасарой тумани, Шота Руставели кўчаси, 46-уй орқасидаги бўш ер майдони 0,20 200 ўрин 2 млн. АҚШ долл. 4. Яккасарой тумани, Бобур кўчаси 69/9-уй олдидаги бўш ер майдони 0,25 200 ўрин 2 млн. АҚШ долл.
Ўзбекистон Республикасининг Бош вазири А. АРИПОВ
Тошкент ш.,
2019 йил 18 май,
417-сон
Oʻzbekiston Respublikasi Vazirlar Mahkamasining
qarori
ROʻYXATI
Toshkent shahrida toʻgʻridan-toʻgʻri xorijiy investitsiya ishtirokidagi nodavlat maktabgacha taʼlim muassasalarini davlat-xususiy sheriklik asosida tashkil etish toʻgʻrisida
Maktabgacha taʼlimning nodavlat sektorini yanada rivojlantirish, bolalarni maktabgacha taʼlim bilan kengroq qamrab olishni taʼminlash hamda maktabgacha taʼlim sohasida davlat-xususiy sheriklik shartlari asosida xorijiy investitsiyalarni keng jalb qilish uchun qulay shart-sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Maktabgacha taʼlim vazirligi (keyingi oʻrinlarda davlat sherigi deb ataladi) va Toshkent shahar hokimligining Koreya Respublikasi “Chung Design Construction” kompaniyasi (keyingi oʻrinlarda xususiy sherik deb ataladi) bilan hamkorlikda Toshkent shahrida davlat-xususiy sheriklik shartlari asosida investitsiyaviy va ijtimoiy majburiyatlar yuklash orqali beshta nodavlat maktabgacha taʼlim muassasalarini (keyingi oʻrinlarda nodavlat maktabgacha taʼlim muassasalari deb ataladi) tashkil etish toʻgʻrisidagi taklifi maʼqullansin.
2. Belgilab qoʻyilsinki:
tashkil etiladigan har bir nodavlat maktabgacha taʼlim muassasalarining quvvati 200 oʻrinli boʻlib, bir xil shart-sharoitlar va texnik koʻrsatkichlarga ega boʻladi;
tashkil etiladigan nodavlat maktabgacha taʼlim muassasalarining 1 tasi davlat maktabgacha taʼlim muassasasiga aylantirish uchun davlat sherigiga beriladi, 4 tasi xususiy sherik tomonidan nodavlat maktabgacha taʼlim muassasasi sifatida foydalaniladi;
xususiy sherik davlat-xususiy sheriklik toʻgʻrisidagi bitimda belgilangan majburiyatlarini oʻz muddatida toʻliq yoki qisman bajarmagan taqdirda, tashkil etiladigan nodavlat maktabgacha taʼlim muassasalari Toshkent shahar hokimiyati tasarrufiga oʻtkaziladi.
3. Quyidagilar tashkil etiladigan nodavlat maktabgacha taʼlim muassasalari uchun tatbiq etilmaydi:
tarbiyalanuvchilarning bir qismini ijtimoiy koʻmakka muhtoj oilalarning farzandlari hisobidan shakllantirish va ular uchun ota-onalar toʻlovining imtiyozli hajmlarini oʻrnatish majburiyati;
davlat maktabgacha taʼlim muassasasining bir nafar tarbiyalanuvchisiga sarflanadigan summaning 50 foiziga qadar miqdorda Oʻzbekiston Respublikasining Davlat budjetidan subsidiyalar ajratish.
4. Toshkent shahar hokimligi xususiy sherikka nodavlat maktabgacha taʼlim muassasalarini tashkil etish uchun ilovaga muvofiq yer maydonlari ajratib bersin.
5. Davlat sherigi bir oy muddatda nodavlat maktabgacha taʼlim muassasalarini tashkil etish boʻyicha xususiy sherik bilan, istisno tariqasida, tanlov oʻtkazmasdan toʻgʻridan-toʻgʻri davlat-xususiy sheriklik toʻgʻrisida bitim tuzsin.
Bunda xususiy sherikka quyidagi qoʻshimcha majburiyatlar yuklanishini nazarda tutsin:
nodavlat maktabgacha taʼlim muassasalarini tashkil etish uchun kamida 10 mln. AQSh dollari miqdorda xorijiy investitsiya kiritish;
nodavlat maktabgacha taʼlim muassasalarini qurish ishlarini 2019-yil 31-dekabrga qadar yakunlash;
tashkil etilgan maktabgacha taʼlim muassasalarida 150 tadan kam boʻlmagan yangi ish oʻrinlarini yaratish;
xususiy sherik tomonidan foydalaniladigan 4 ta nodavlat maktabgacha taʼlim muassasalarining faoliyat turini 30 yil davomida oʻzgartirmaslik;
davlat sherigiga beriladigan maktabgacha taʼlim muassasasining saqlash xarajatlarining bir qismini qoplash maqsadida 30 yil davomida har oyda 4000 AQSh dollari ekvivalenti miqdoridagi mablagʻlarni maktabgacha taʼlim muassasasi hisob raqamiga oʻtkazib borish;
tashkil etilgan maktabgacha taʼlim muassasalarida taʼlim-tarbiya jarayonini ilgʻor innovatsion va pedagogik texnologiyalar hamda Oʻzbekiston Respublikasida maktabgacha taʼlimga qoʻyilgan davlat talablari asosida tashkil etish.
6. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov, maktabgacha taʼlim vaziri A.V. Shin hamda Toshkent shahar hokimi J.A. Artikxodjayev zimmasiga yuklansin.
Vazirlar Mahkamasining 2019-yil 18-maydagi 417-son qaroriga ILOVA
Xususiy sherikka nodavlat maktabgacha taʼlim muassasalarini tashkil etish uchun ajratib beriladigan yer maydonlari
T/r Ajratiladigan yer maydoni manzili Yer maydoni (ga) Tashkil etiladigan muassasa quvvati Kiritiladigan investitsiyaning taxminiy qiymati 2. Yashnobod tumani, Mavlono Riyoziy mavzesi, 10,17 va 19-uylar oraligʻidagi boʻsh yer maydoni 0,22 200 oʻrin 2 mln. AQSh doll. 3. Yakkasaroy tumani, Shota Rustaveli koʻchasi, 46-uy orqasidagi boʻsh yer maydoni 0,20 200 oʻrin 2 mln. AQSh doll. 4. Yakkasaroy tumani, Bobur koʻchasi 69/9-uy oldidagi boʻsh yer maydoni 0,25 200 oʻrin 2 mln. AQSh doll.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 18-may,
417-son