📅 2019-yil 21-may · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 май · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 21 мая 2019 г. · Указы Президента
Официальный текст. Официальный документ. Редакционные примечания не включены.
📅 21 May 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида
Меҳнатга ҳақ тўлаш миқдорларини аниқлаш тартибини такомиллаштириш ҳамда меҳнатга ҳақ тўлаш, пенсиялар тайинлаш ҳамда солиқлар, давлат божлари, жарималар, йиғимлар ва бошқа тўловларни ундириш ўртасидаги шартларнинг боғлиқлигини бартараф этиш мақсадида:
1. 2019 йил 1 сентябрдан бошлаб иш ҳақининг энг кам миқдори ўрнига:
меҳнатга ҳақ тўлашнинг энг кам миқдори;
базавий ҳисоблаш миқдори;
пенсияни ҳисоблашнинг базавий миқдори жорий этилсин.
2. Белгилаб қўйилсинки:
а) меҳнатга ҳақ тўлашнинг энг кам миқдори:
1,0 тариф коэффициенти бўйича Меҳнатга ҳақ тўлашнинг ягона тариф сеткаси биринчи разряди бўйича ойлик тариф ставкасининг пулдаги ифодаси ҳисобланади;
меҳнат муносабатлари соҳасида лавозим маоши, устамалар, қўшимча ҳақ, гонорар, қўшимча иш учун компенсация тўловлари ва рағбатлантирувчи тусдаги тўловларнинг бошқа турлари, шунингдек, қонунчиликда белгиланган ушланмалар, илгари энг кам иш ҳақига нисбатан белгилаб қўйилган бошқа тўловлар миқдорини аниқлашда ҳамда оилаларнинг ижтимоий қўллаб-қувватлашга муҳтожлиги ва ишсизлик бўйича нафақалар миқдорини аниқлашда қўлланилади;
белгиланган меҳнат нормаларини тўлиқ бажарган ходимлар меҳнатига ҳақ тўлашнинг қуйи чегараси сифатида ташкилий-ҳуқуқий шакли ва меҳнат муносабатларидан қатъи назар барча иш берувчилар учун мажбурий ҳисобланади;
инсоннинг муносиб турмуш даражасини таъминлаш зарурати ҳисобга олинган ҳолда белгиланади ҳамда минимал истеъмол харажатлари қийматидан кам бўлиши мумкин эмас;
б) базавий ҳисоблаш миқдори:
солиқлар, йиғимлар, жарималар, давлат божлари ва кўрсатилаётган давлат хизматлари учун бошқа тўловларнинг миқдорларини;
тадбиркорлик фаолиятининг муайян тури билан шуғулланиш учун патент, лицензия ва бошқа тўловларнинг қиймати, ташкилотларнинг устав ва бошқа фондлари (капитали) миқдори, пулсиз шаклда тўланадиган акциялар, бошқа қимматли қоғозларнинг қиймати, юридик шахслар активларининг баланс қиймати, микрокредитлар ва лизинг, шунингдек, бошқа молиявий-иқтисодий кўрсаткичларнинг чекланган миқдорини;
давлат мукофотлари (шу жумладан, мукофот пуллари), идоравий мукофотлар, жумладан унвонлар, эсдалик ва кўкрак нишонлари учун назарда тутилган мукофотлар, шунингдек, озиқ-овқат ва йўлкира учун харажатлар қийматини қоплаш ва шу каби айрим компенсациялар миқдорларини аниқлашда қўлланилади;
в) пенсияни ҳисоблашнинг базавий миқдори пенсия таъминоти соҳасида пенсиялар, устамалар, қўшимча ҳақ ва компенсация тўловлари, шунингдек, ходимларнинг меҳнатда майиб бўлиши, касб касаллигига чалиниши ёки улар ўзлари меҳнат вазифаларини бажариш билан боғлиқ ҳолда соғлиғининг бошқача тарзда шикастланиши сабабли етказилган зарарни қоплашда қўлланилади.
3. Белгилансинки:
энг кам иш ҳақига нисбатан белгиланган устамалар, қўшимча ҳақ, мукофотлар ҳамда бошқа компенсация ва рағбатлантирувчи тусдаги тўловларнинг барча турлари мазкур тўловларнинг сўмда ифодаланган амалдаги миқдорларини сақлаб қолган ҳолда қайта ҳисоб-китоб қилинади (зарур ҳолларда кўп томонга яхлитланади);
қонун ҳужжатларида мазкур Фармоннинг 2-бандида назарда тутилган меҳнатга ҳақ тўлаш, пенсиялар ва бошқа тўловлар миқдорларини аниқлашнинг бошқа тартиби ўрнатилиши мумкин.
4. Ўзбекистон Республикаси Бандлик ва меҳнат муносабатлари вазирлиги Молия вазирлиги ва Адлия вазирлиги билан биргаликда икки ой муддатда:
Меҳнатга ҳақ тўлашнинг ягона тариф сеткасини қайта кўриб чиқиш ҳамда нафақалар, компенсациялар ва тўловларнинг алоҳида турлари миқдорларини мутлақ суммада белгилаш бўйича Ўзбекистон Республикаси Вазирлар Маҳкамасига таклифлар киритсин;
мазкур Фармон талабларидан келиб чиққан ҳолда Меҳнатга ҳақ тўлашнинг ягона тариф сеткасини қўллаш ҳамда ташкилотларда меҳнатга соатбай ҳақ тўлаш тизимини белгилаш бўйича методик тавсияларни ишлаб чиқсин ва тасдиқласин.
5. Ўзбекистон Республикаси Молия вазирлиги манфаатдор вазирлик ва идоралар билан биргаликда уч ой муддатда қонун ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
Вазирлик ва идоралар уч ой муддатда ўзлари қабул қилган норматив-ҳуқуқий ҳужжатларни ушбу Фармонга мувофиқлаштирсин.
6. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 21 май,
ПФ-5723-сон
Oʻzbekiston Respublikasi Prezidentining
Farmoni
Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida
Mehnatga haq toʻlash miqdorlarini aniqlash tartibini takomillashtirish hamda mehnatga haq toʻlash, pensiyalar tayinlash hamda soliqlar, davlat bojlari, jarimalar, yigʻimlar va boshqa toʻlovlarni undirish oʻrtasidagi shartlarning bogʻliqligini bartaraf etish maqsadida:
1. 2019-yil 1-sentabrdan boshlab ish haqining eng kam miqdori oʻrniga:
mehnatga haq toʻlashning eng kam miqdori;
bazaviy hisoblash miqdori;
pensiyani hisoblashning bazaviy miqdori joriy etilsin.
2. Belgilab qoʻyilsinki:
a) mehnatga haq toʻlashning eng kam miqdori:
1,0 tarif koeffitsiyenti boʻyicha Mehnatga haq toʻlashning yagona tarif setkasi birinchi razryadi boʻyicha oylik tarif stavkasining puldagi ifodasi hisoblanadi;
mehnat munosabatlari sohasida lavozim maoshi, ustamalar, qoʻshimcha haq, gonorar, qoʻshimcha ish uchun kompensatsiya toʻlovlari va ragʻbatlantiruvchi tusdagi toʻlovlarning boshqa turlari, shuningdek, qonunchilikda belgilangan ushlanmalar, ilgari eng kam ish haqiga nisbatan belgilab qoʻyilgan boshqa toʻlovlar miqdorini aniqlashda hamda oilalarning ijtimoiy qoʻllab-quvvatlashga muhtojligi va ishsizlik boʻyicha nafaqalar miqdorini aniqlashda qoʻllaniladi;
belgilangan mehnat normalarini toʻliq bajargan xodimlar mehnatiga haq toʻlashning quyi chegarasi sifatida tashkiliy-huquqiy shakli va mehnat munosabatlaridan qatʼi nazar barcha ish beruvchilar uchun majburiy hisoblanadi;
insonning munosib turmush darajasini taʼminlash zarurati hisobga olingan holda belgilanadi hamda minimal isteʼmol xarajatlari qiymatidan kam boʻlishi mumkin emas;
b) bazaviy hisoblash miqdori:
soliqlar, yigʻimlar, jarimalar, davlat bojlari va koʻrsatilayotgan davlat xizmatlari uchun boshqa toʻlovlarning miqdorlarini;
tadbirkorlik faoliyatining muayyan turi bilan shugʻullanish uchun patent, litsenziya va boshqa toʻlovlarning qiymati, tashkilotlarning ustav va boshqa fondlari (kapitali) miqdori, pulsiz shaklda toʻlanadigan aksiyalar, boshqa qimmatli qogʻozlarning qiymati, yuridik shaxslar aktivlarining balans qiymati, mikrokreditlar va lizing, shuningdek, boshqa moliyaviy-iqtisodiy koʻrsatkichlarning cheklangan miqdorini;
davlat mukofotlari (shu jumladan, mukofot pullari), idoraviy mukofotlar, jumladan unvonlar, esdalik va koʻkrak nishonlari uchun nazarda tutilgan mukofotlar, shuningdek, oziq-ovqat va yoʻlkira uchun xarajatlar qiymatini qoplash va shu kabi ayrim kompensatsiyalar miqdorlarini aniqlashda qoʻllaniladi;
v) pensiyani hisoblashning bazaviy miqdori pensiya taʼminoti sohasida pensiyalar, ustamalar, qoʻshimcha haq va kompensatsiya toʻlovlari, shuningdek, xodimlarning mehnatda mayib boʻlishi, kasb kasalligiga chalinishi yoki ular oʻzlari mehnat vazifalarini bajarish bilan bogʻliq holda sogʻligʻining boshqacha tarzda shikastlanishi sababli yetkazilgan zararni qoplashda qoʻllaniladi.
3. Belgilansinki:
eng kam ish haqiga nisbatan belgilangan ustamalar, qoʻshimcha haq, mukofotlar hamda boshqa kompensatsiya va ragʻbatlantiruvchi tusdagi toʻlovlarning barcha turlari mazkur toʻlovlarning soʻmda ifodalangan amaldagi miqdorlarini saqlab qolgan holda qayta hisob-kitob qilinadi (zarur hollarda koʻp tomonga yaxlitlanadi);
qonun hujjatlarida mazkur Farmonning 2-bandida nazarda tutilgan mehnatga haq toʻlash, pensiyalar va boshqa toʻlovlar miqdorlarini aniqlashning boshqa tartibi oʻrnatilishi mumkin.
4. Oʻzbekiston Respublikasi Bandlik va mehnat munosabatlari vazirligi Moliya vazirligi va Adliya vazirligi bilan birgalikda ikki oy muddatda:
Mehnatga haq toʻlashning yagona tarif setkasini qayta koʻrib chiqish hamda nafaqalar, kompensatsiyalar va toʻlovlarning alohida turlari miqdorlarini mutlaq summada belgilash boʻyicha Oʻzbekiston Respublikasi Vazirlar Mahkamasiga takliflar kiritsin;
mazkur Farmon talablaridan kelib chiqqan holda Mehnatga haq toʻlashning yagona tarif setkasini qoʻllash hamda tashkilotlarda mehnatga soatbay haq toʻlash tizimini belgilash boʻyicha metodik tavsiyalarni ishlab chiqsin va tasdiqlasin.
5. Oʻzbekiston Respublikasi Moliya vazirligi manfaatdor vazirlik va idoralar bilan birgalikda uch oy muddatda qonun hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
Vazirlik va idoralar uch oy muddatda oʻzlari qabul qilgan normativ-huquqiy hujjatlarni ushbu Farmonga muvofiqlashtirsin.
6. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 21-may,
PF-5723-son
Президента Республики Узбекистан
Указ
О совершенствовании порядка определения размеров оплаты труда, пенсий и иных платежей
В целях совершенствования порядка определения размеров оплаты труда, устранения зависимости условий между оплатой труда, назначением пенсий и взиманием налогов, государственных пошлин, штрафов, сборов и иных платежей:
1. Ввести с 1 сентября 2019 года взамен минимального размера заработной платы:
минимальный размер оплаты труда;
базовая расчетная величина;
базовая величина исчисления пенсии.
2. Определить, что:
а) минимальный размер оплаты труда:
является денежным выражением месячной тарифной ставки по первому разряду Единой тарифной сетки по оплате труда с тарифным коэффициентом 1,0;
применяется в сфере трудовых отношений для определения суммы должностного оклада, надбавок, доплат, гонораров, компенсационных выплат за дополнительную работу и других видов выплат стимулирующего характера, а также удержаний, установленных законодательством, и других платежей, ранее установленных в отношении к минимальному размеру заработной платы, а также определения нуждаемости семьи в социальной поддержке и размера пособия по безработице;
является обязательным для всех работодателей, независимо от организационно-правовой формы и трудовых отношений, в качестве нижней границы оплаты труда работников, полностью выполнивших установленные трудовые нормы;
устанавливается с учетом необходимости обеспечения достойного уровня жизни человека и не может быть ниже стоимости минимальных потребительских расходов;
б) базовая расчетная величина применяется при определении:
размеров налогов, сборов, штрафов, государственных пошлин и других платежей за предоставляемые государственные услуги;
стоимости патента, лицензии и других платежей для занятия определенным видом предпринимательской деятельности, размера уставных и других фондов (капитала) организаций, стоимости оплачиваемых не денежными средствами акций, иных ценных бумаг, балансовой стоимости активов юридических лиц, предельного размера микрокредитов и лизинга, а также других финансово-экономических показателей;
размеров государственных наград (в том числе денежных вознаграждений), ведомственных наград, включая награды, предусмотренные за звания, памятные знаки и нагрудные знаки, а также компенсаций расходов на питание и проезд и некоторых других аналогичных компенсаций;
в) базовая величина исчисления пенсии применяется для исчисления пенсий, надбавок, доплат и компенсаций, применяемых в сфере пенсионного обеспечения, а также возмещения вреда, причиненного работникам увечьем, профессиональным заболеванием либо иным повреждением здоровья, связанным с исполнением ими трудовых обязанностей.
3. Установить, что:
все виды надбавок, доплат, вознаграждений и других платежей компенсационного и стимулирующего характера, установленных в отношении к минимальному размеру заработной платы, пересчитываются с сохранением действующих сумовых значений данных выплат (при необходимости с их округлением в большую сторону);
законодательством может быть установлен иной порядок определения размеров оплаты труда, пенсий и других платежей, предусмотренных пунктом 2 настоящего Указа.
4. Министерству занятости и трудовых отношений совместно с Министерством финансов и Министерством юстиции Республики Узбекистан в двухмесячный срок:
внести в Кабинет Министров Республики Узбекистан предложения по пересмотру Единой тарифной сетки по оплате труда и установлению размеров отдельных видов пособий, компенсаций и платежей в абсолютной сумме;
разработать и утвердить методические рекомендации по применению Единой тарифной сетки по оплате труда и установлению в организациях системы почасовой оплаты труда с учетом требований настоящего Указа.
5. Министерству финансов совместно с заинтересованными министерствами и ведомствами в трехмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
Министерствам и ведомствам в трехмесячный срок привести в соответствие с настоящим Указом ведомственные нормативно-правовые акты.
6. Контроль за исполнением настоящего Указа возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
21 мая 2019 г.,
№ УП-5723