📅 2019-yil 21-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 мая 2019 г. · Постановления Президента
Официальный текст. Официальный документ. Редакционные примечания не включены.
📅 21 May 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
Давлат корхоналари ва устав капиталида давлат иштирок этаётган тижорат банкларини реструктуризация ва ислоҳ қилиш чора-тадбирлари тўғрисида
Мамлакатимизда давлат корхоналари, хусусан, устав капиталида давлат улуши 50 фоиз ва ундан кўп бўлган акциядорлик жамиятлари ва тижорат банклари (кейинги ўринларда — давлат иштирокидаги корхоналар ва банклар)ни реструктуризация ҳамда ислоҳ қилишга қаратилган кенг кўламли иқтисодий ислоҳотлар ва таркибий ўзгартиришлар изчил амалга оширилмоқда.
Шу билан бирга, жорий ҳолатни ўрганиш шуни кўрсатдики, давлат иштирокидаги аксарият корхоналар ва банклар паст рентабеллик билан фаолият юритмоқда, улардан баъзилари ресурсларга харажатларнинг ортиб бораётганлиги ҳамда ўзлари ишлаб чиқараётган товарлар ва кўрсатаётган хизматларнинг нархлари ва тарифларини тартибга солиш механизмлари такомиллашмаганлиги оқибатида сезиларли зарар кўрмоқда. Давлат иштирокидаги корхоналар ва банклардаги бошқарув тузилмаси улар фаолиятининг самарадорлигини ошириш учун реал стимулларга эга эмас.
Давлат иштирокидаги корхоналар ва банкларнинг рақобатбардошлиги ҳамда самарадорлигини ошириш, фаолияти натижаларини тижоратлаштиришни таъминлаш, шунингдек ушбу корхоналар ва банкларда корпоратив бошқарувни янада такомиллаштириш мақсадида:
1. Ўзбекистон Республикаси Иқтисодиёт ва саноат вазирлиги, Марказий банки ва Давлат активларини бошқариш агентлиги (кейинги ўринларда — Агентлик)нинг Ўзбекистон Республикаси Молия вазирлиги зиммасига давлат иштирокидаги корхоналар ва банкларни реструктуризация ва ислоҳ қилишни мувофиқлаштириш функциясини юклаш тўғрисидаги таклифига розилик берилсин.
2. Ўзбекистон Республикаси Молия вазирлиги тузилмасида Саноатнинг базавий тармоқлари, ёқилғи-энергетика мажмуи ва геологияни ривожлантириш молияси ва тарифни тартибга солиш бош бошқармаси негизида Тариф сиёсати ва давлат корхоналарини ислоҳ қилиш бош бошқармаси ҳамда вазирлик бошқарув ходимларининг умумий штат бирликлари доирасида Давлат иштирокидаги тижорат банкларини ислоҳ қилишни мувофиқлаштириш бошқармаси ташкил этилсин.
3. Ўзбекистон Республикаси Молия вазирлиги зиммасига:
а) давлат иштирокидаги корхоналарни ислоҳ қилиш ва тариф жиҳатдан тартибга солиш масалалари қисмида:
давлат иштирокидаги корхоналарни ислоҳ қилиш, шу жумладан давлат корхоналари, хўжалик бирлашмаларининг хўжалик ва бошқариш функцияларини ажратиш орқали уларни реструктуризация қилиш ишларини амалга ошириш масалаларида вазирлик ва идораларнинг фаолиятини мувофиқлаштириш;
Агентлик билан биргаликда давлат иштирокидаги корхоналарни бошқариш, ислоҳ қилиш ва самарали эгалик қилишни таъминлаш бўйича ўрта муддатли даврга мўлжалланган ягона стратегияни ишлаб чиқиб ҳамда уни амалга ошириш;
давлат иштирокидаги корхоналарнинг товарлари ва хизматларига нархлар ҳамда тарифларни эркин шакллантириш, давлат иштирокидаги корхоналар учун мавжуд барча афзалликлар ва имтиёзларни ялпи хатловдан ўтказиш ва уларни бекор қилиш бўйича таклифлар киритиш ҳамда шундай корхоналарни замонавий корпорациялар этиб қайта ташкил қилиш орқали уларнинг хусусий сектор билан тенг бозор шароитларида тўлақонли фаолият юритишига ўтишини таъминлаш;
давлат иштирокидаги корхоналар томонидан тўғридан-тўғри хорижий инвестицияларни жалб этиш учун қулай шарт-шароитларни яратиш, Агентлик билан биргаликда уларни хусусийлаштиришдан олдин тайёрлашни таъминлаш;
ишончли хорижий ва халқаро институтлар билан биргаликда давлат иштирокидаги йирик корхоналарни ислоҳ қилиш бўйича ишларни самарали ташкил қилиш ва амалга ошириш, Агентлик билан биргаликда уларнинг бошқаруви таркибига юқори малакали хорижий мутахассисларни жалб этиш;
б) давлат иштирокидаги тижорат банкларини ислоҳ қилиш масалалари қисмида:
Марказий банк ва Агентлик билан биргаликда халқаро молия ташкилотларининг экспертларини жалб этган ҳолда тижорат банкларида давлат иштирокини босқичма-босқич қисқартириб боришни назарда тутиб, уларни бошқариш, ислоҳ қилиш ва самарали эгалик қилишни таъминлаш бўйича таклифлар ишлаб чиқиш;
давлат иштирокидаги тижорат банкларининг рақобатбардошлиги, рентабеллиги, фаолиятининг тижоратлашганлиги ҳолатини, шу жумладан улар томонидан кўрсатилаётган хизматлар улушининг замонавий бозор шароитларига мос келиши нуқтаи назаридан таҳлил қилиш, шунингдек, банклардаги корпоратив бошқарув тизимининг самарадорлигини баҳолаш;
давлат иштирокидаги тижорат банкларини ислоҳ қилиш жараёнларининг самарали мувофиқлаштирилишини таъминлаш;
Марказий банк ва Агентлик билан биргаликда давлат иштирокидаги тижорат банкларини хусусийлаштиришдан олдин тайёрлаш билан боғлиқ ташкилий-амалий чора-тадбирлар ҳамда зарур тартиб-таомилларни ўз вақтида ва тўла-тўкис амалга ошириш;
давлат иштирокидаги тижорат банкларини ислоҳ қилиш, шу жумладан Агентлик билан биргаликда уларнинг бошқаруви таркибига юқори малакали чет эллик мутахассисларни фаол жалб этиш жараёнлари доирасида хорижий ва халқаро институтлар билан ишларни самарали ташкил этиш юзасидан қўшимча вазифалар юклансин.
4. Ўзбекистон Республикаси Молия вазирлиги марказий аппаратининг янгиланган тузилмаси иловага мувофиқ тасдиқлансин.
5. Давлат иштирокидаги корхоналар ва банкларни ислоҳ қилиш вазифаларини самарали амалга ошириш ҳамда давлат активларини бошқаришнинг таъсирчан механизмларини жорий этишни таъминлаш мақсадида ушбу қарор билан юклатилган вазифалар қисмида Агентликнинг бевосита Ўзбекистон Республикаси Президентига ҳамда Ўзбекистон Республикаси Бош вазирига бўйсуниши ва ҳисобот беришини сақлаб қолган ҳолда, Вазирлар Маҳкамасининг Макроиқтисодий таҳлил, таркибий ўзгартиришлар, молия-банк тизими ва хусусий тадбиркорлик масалалари котибиятга бириктирилсин.
6. Ўзбекистон Республикаси Молия вазирлиги бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг ўринбосари — молия вазири Ж.А. Қўчқоров зиммасига юклансин.
Ўзбекистон Республикаси Президентининг 2019 йил 21 майдаги ПҚ-4325-сон қарорига ИЛОВА
Ўзбекистон Республикаси Молия вазирлиги марказий аппаратининг
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 21 май,
ПҚ-4325-сон
Oʻzbekiston Respublikasi Prezidentining
Qarori
TUZILMASI
Davlat korxonalari va ustav kapitalida davlat ishtirok etayotgan tijorat banklarini restrukturizatsiya va isloh qilish chora-tadbirlari toʻgʻrisida
Mamlakatimizda davlat korxonalari, xususan, ustav kapitalida davlat ulushi 50 foiz va undan koʻp boʻlgan aksiyadorlik jamiyatlari va tijorat banklari (keyingi oʻrinlarda — davlat ishtirokidagi korxonalar va banklar)ni restrukturizatsiya hamda isloh qilishga qaratilgan keng koʻlamli iqtisodiy islohotlar va tarkibiy oʻzgartirishlar izchil amalga oshirilmoqda.
Shu bilan birga, joriy holatni oʻrganish shuni koʻrsatdiki, davlat ishtirokidagi aksariyat korxonalar va banklar past rentabellik bilan faoliyat yuritmoqda, ulardan baʼzilari resurslarga xarajatlarning ortib borayotganligi hamda oʻzlari ishlab chiqarayotgan tovarlar va koʻrsatayotgan xizmatlarning narxlari va tariflarini tartibga solish mexanizmlari takomillashmaganligi oqibatida sezilarli zarar koʻrmoqda. Davlat ishtirokidagi korxonalar va banklardagi boshqaruv tuzilmasi ular faoliyatining samaradorligini oshirish uchun real stimullarga ega emas.
Davlat ishtirokidagi korxonalar va banklarning raqobatbardoshligi hamda samaradorligini oshirish, faoliyati natijalarini tijoratlashtirishni taʼminlash, shuningdek ushbu korxonalar va banklarda korporativ boshqaruvni yanada takomillashtirish maqsadida:
1. Oʻzbekiston Respublikasi Iqtisodiyot va sanoat vazirligi, Markaziy banki va Davlat aktivlarini boshqarish agentligi (keyingi oʻrinlarda — Agentlik)ning Oʻzbekiston Respublikasi Moliya vazirligi zimmasiga davlat ishtirokidagi korxonalar va banklarni restrukturizatsiya va isloh qilishni muvofiqlashtirish funksiyasini yuklash toʻgʻrisidagi taklifiga rozilik berilsin.
2. Oʻzbekiston Respublikasi Moliya vazirligi tuzilmasida Sanoatning bazaviy tarmoqlari, yoqilgʻi-energetika majmui va geologiyani rivojlantirish moliyasi va tarifni tartibga solish bosh boshqarmasi negizida Tarif siyosati va davlat korxonalarini isloh qilish bosh boshqarmasi hamda vazirlik boshqaruv xodimlarining umumiy shtat birliklari doirasida Davlat ishtirokidagi tijorat banklarini isloh qilishni muvofiqlashtirish boshqarmasi tashkil etilsin.
3. Oʻzbekiston Respublikasi Moliya vazirligi zimmasiga:
a) davlat ishtirokidagi korxonalarni isloh qilish va tarif jihatdan tartibga solish masalalari qismida:
davlat ishtirokidagi korxonalarni isloh qilish, shu jumladan davlat korxonalari, xoʻjalik birlashmalarining xoʻjalik va boshqarish funksiyalarini ajratish orqali ularni restrukturizatsiya qilish ishlarini amalga oshirish masalalarida vazirlik va idoralarning faoliyatini muvofiqlashtirish;
Agentlik bilan birgalikda davlat ishtirokidagi korxonalarni boshqarish, isloh qilish va samarali egalik qilishni taʼminlash boʻyicha oʻrta muddatli davrga moʻljallangan yagona strategiyani ishlab chiqib hamda uni amalga oshirish;
davlat ishtirokidagi korxonalarning tovarlari va xizmatlariga narxlar hamda tariflarni erkin shakllantirish, davlat ishtirokidagi korxonalar uchun mavjud barcha afzalliklar va imtiyozlarni yalpi xatlovdan oʻtkazish va ularni bekor qilish boʻyicha takliflar kiritish hamda shunday korxonalarni zamonaviy korporatsiyalar etib qayta tashkil qilish orqali ularning xususiy sektor bilan teng bozor sharoitlarida toʻlaqonli faoliyat yuritishiga oʻtishini taʼminlash;
davlat ishtirokidagi korxonalar tomonidan toʻgʻridan-toʻgʻri xorijiy investitsiyalarni jalb etish uchun qulay shart-sharoitlarni yaratish, Agentlik bilan birgalikda ularni xususiylashtirishdan oldin tayyorlashni taʼminlash;
ishonchli xorijiy va xalqaro institutlar bilan birgalikda davlat ishtirokidagi yirik korxonalarni isloh qilish boʻyicha ishlarni samarali tashkil qilish va amalga oshirish, Agentlik bilan birgalikda ularning boshqaruvi tarkibiga yuqori malakali xorijiy mutaxassislarni jalb etish;
b) davlat ishtirokidagi tijorat banklarini isloh qilish masalalari qismida:
Markaziy bank va Agentlik bilan birgalikda xalqaro moliya tashkilotlarining ekspertlarini jalb etgan holda tijorat banklarida davlat ishtirokini bosqichma-bosqich qisqartirib borishni nazarda tutib, ularni boshqarish, isloh qilish va samarali egalik qilishni taʼminlash boʻyicha takliflar ishlab chiqish;
davlat ishtirokidagi tijorat banklarining raqobatbardoshligi, rentabelligi, faoliyatining tijoratlashganligi holatini, shu jumladan ular tomonidan koʻrsatilayotgan xizmatlar ulushining zamonaviy bozor sharoitlariga mos kelishi nuqtai nazaridan tahlil qilish, shuningdek, banklardagi korporativ boshqaruv tizimining samaradorligini baholash;
davlat ishtirokidagi tijorat banklarini isloh qilish jarayonlarining samarali muvofiqlashtirilishini taʼminlash;
Markaziy bank va Agentlik bilan birgalikda davlat ishtirokidagi tijorat banklarini xususiylashtirishdan oldin tayyorlash bilan bogʻliq tashkiliy-amaliy chora-tadbirlar hamda zarur tartib-taomillarni oʻz vaqtida va toʻla-toʻkis amalga oshirish;
davlat ishtirokidagi tijorat banklarini isloh qilish, shu jumladan Agentlik bilan birgalikda ularning boshqaruvi tarkibiga yuqori malakali chet ellik mutaxassislarni faol jalb etish jarayonlari doirasida xorijiy va xalqaro institutlar bilan ishlarni samarali tashkil etish yuzasidan qoʻshimcha vazifalar yuklansin.
4. Oʻzbekiston Respublikasi Moliya vazirligi markaziy apparatining yangilangan tuzilmasi ilovaga muvofiq tasdiqlansin.
5. Davlat ishtirokidagi korxonalar va banklarni isloh qilish vazifalarini samarali amalga oshirish hamda davlat aktivlarini boshqarishning taʼsirchan mexanizmlarini joriy etishni taʼminlash maqsadida ushbu qaror bilan yuklatilgan vazifalar qismida Agentlikning bevosita Oʻzbekiston Respublikasi Prezidentiga hamda Oʻzbekiston Respublikasi Bosh vaziriga boʻysunishi va hisobot berishini saqlab qolgan holda, Vazirlar Mahkamasining Makroiqtisodiy tahlil, tarkibiy oʻzgartirishlar, moliya-bank tizimi va xususiy tadbirkorlik masalalari kotibiyatga biriktirilsin.
6. Oʻzbekiston Respublikasi Moliya vazirligi boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov zimmasiga yuklansin.
Oʻzbekiston Respublikasi Prezidentining 2019-yil 21-maydagi PQ-4325-son qaroriga ILOVA
Oʻzbekiston Respublikasi Moliya vazirligi markaziy apparatining
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 21-may,
PQ-4325-son
Президента Республики Узбекистан
Постановление
СТРУКТУРА
О мерах по реформированию и реструктуризации государственных предприятий и коммерческих банков с участием государства в уставном капитале
В стране последовательно продолжается реализация широкомасштабных экономических реформ и структурных преобразований, направленных на реформирование и реструктуризацию государственных предприятий, в частности, акционерных обществ и коммерческих банков с участием государства в уставном капитале с долей 50 процентов и более (далее — предприятия и банки с участием государства).
Вместе с тем, как показало изучение текущей ситуации, большинство предприятий и банков с участием государства функционируют с низкой рентабельностью, некоторые из них несут значительные убытки в связи с растущими затратами на ресурсы и несовершенством механизмов регулирования цен и тарифов на производимые ими товары и оказываемые услуги. Структура управления в предприятиях и банках с участием государства не располагает реальными стимулами для повышения эффективности их деятельности.
В целях повышения конкурентоспособности и эффективности предприятий и банков с участием государства, обеспечения коммерциализации результатов их деятельности, а также дальнейшего совершенствования корпоративного управления в таких предприятиях и банках:
1. Согласиться с предложением Министерства экономики и промышленности, Центрального банка и Агентства по управлению государственными активами Республики Узбекистан (далее — Агентство) о возложении на Министерство финансов Республики Узбекистан функции координатора реформирования и реструктуризации предприятий и банков с участием государства.
2. Образовать в структуре Министерства финансов Республики Узбекистан Главное управление тарифной политики и реформирования государственных предприятий на базе Главного управления финансов и тарифного регулирования базовых отраслей промышленности, топливно-энергетического комплекса и развития геологии и Управление координации реформ коммерческих банков с участием государства в пределах общей штатной численности управленческого персонала министерства.
3. Возложить на Министерство финансов Республики Узбекистан следующие дополнительные функции:
а) в части вопросов тарифного регулирования и реформирования предприятий с участием государства:
координацию деятельности министерств и ведомств в вопросах реформирования предприятий с участием государства, в том числе осуществления работ по реструктуризации государственных предприятий, хозяйственных объединений путем разделения их хозяйственной и регулирующей функций;
разработку и последующую реализацию совместно с Агентством единой стратегии по обеспечению эффективного владения, управления и реформирования предприятий с участием государства на среднесрочный период;
обеспечение перехода предприятий с участием государства на полноценное функционирование на равных с частным сектором рыночных условиях путем свободного формирования цен и тарифов на их товары и услуги, проведения сплошной инвентаризации всех существующих привилегий и льгот для предприятий с участием государства и внесения предложений по их отмене и преобразованию таких предприятий в современные корпорации;
создание благоприятных условий для привлечения предприятиями с участием государства прямых иностранных инвестиций с обеспечением совместно с Агентством их предприватизационной подготовки;
эффективную организацию и проведение с участием надежных зарубежных и международных институтов работы по реформированию крупных предприятий с участием государства, привлечению совместно с Агентством в составы их правления высококвалифицированных иностранных специалистов;
б) в части вопросов реформирования коммерческих банков с участием государства:
разработку совместно с Центральным банком и Агентством с привлечением экспертов международных финансовых организаций предложений по обеспечению эффективного владения, управления и реформирования коммерческих банков, предусмотрев поэтапное сокращение участия в них государства;
проведение анализа состояния конкурентоспособности, рентабельности, коммерциализации деятельности коммерческих банков с участием государства, в том числе доли оказываемых ими услуг, на предмет их соответствия современным рыночным условиям, а также эффективности системы корпоративного управления в банках;
обеспечение эффективной координации процессов реформирования коммерческих банков с участием государства;
своевременное и полноценное осуществление совместно с Центральным банком и Агентством организационно-практических мер и необходимых процедур, связанных с предприватизационной подготовкой коммерческих банков с участием государства;
эффективную организацию работы с зарубежными и международными институтами в рамках процессов реформирования коммерческих банков с участием государства, в том числе по активному привлечению совместно с Агентством в составы их правления высококвалифицированных иностранных специалистов.
4. Утвердить обновленную структуру центрального аппарата Министерства финансов Республики Узбекистан согласно приложению .
5. В целях обеспечения эффективной реализации задач по реформированию предприятий и банков с участием государства и внедрения эффективных механизмов управления государственными активами закрепить Агентство в части возложенных настоящим постановлением задач за Секретариатом по вопросам макроэкономического анализа, структурных преобразований, финансово-банковской системы и частного предпринимательства Кабинета Министров, сохранив подчинение и подотчетность непосредственно Президенту Республики Узбекистан и Премьер-министру Республики Узбекистан.
6. Министерству финансов Республики Узбекистан совместно с другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Премьер-министра — министра финансов Республики Узбекистан Д.А. Кучкарова.
ПРИЛОЖЕНИЕ к постановлению Президента Республики Узбекистан от 21 мая 2019 года № ПП-4325
центрального аппарата Министерства финансов Республики Узбекистан
Президент Республики Узбекистан Ш. МИРЗИЁЕВ
г. Ташкент,
21 мая 2019 г.,
№ ПП-4325