📅 2019-yil 22-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 22 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 22 мая 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 22 May 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
қўшимчалар
Йўловчиларни автобусда ташиш хавфсизлигини таъминлашга доир қўшимча чора-тадбирлар тўғрисида
Ўтган даврда республикада йўл ҳаракати барча иштирокчиларининг хавфсизлигини таъминлашга йўналтирилган комплекс ташкилий-амалий чора-тадбирлар амалга оширилди, бунда йўл-транспорт ҳодисалари сонини қисқартиришга алоҳида эътибор қаратилди.
Шу билан бирга, мамлакатнинг туристик тармоғи ривожланаётган бир шароитда автобусларда йўловчилар ташиш тартибини, айниқса йўлларда хавфсизликни таъминлаш юзасидан такомиллаштириш соҳасида амалга оширилаётган ислоҳотлар сифатига салбий таъсир кўрсатаётган бир қанча муаммолар кузатилмоқда.
2018 — 2022 йилларда Ўзбекистон Республикасида йўл ҳаракати хавфсизлигини таъминлаш концепциясига мувофиқ, йўловчилар хавфсизлиги талаблари тўлақонли ижро этилишини таъминлаш, автомобиль транспортида йўловчиларни ташишда йўл-транспорт ҳодисаларига йўл қўймаслик мақсадида Вазирлар Маҳкамаси қарор қилади:
1. 2019 йил 1 сентябрдан бошлаб шундай тартиб ўрнатилсинки, унга мувофиқ:
тунги вақтларда вилоятлараро, шаҳарлараро, халқаро ва туристик йўналишлар (кейинги ўринларда — йўналишлар) бўйича автобусларда йўловчиларни, шунингдек, болалар гуруҳларини, умумтаълим мактаблари ва ўрта махсус таълим муассасалари ўқувчилари фақат махсус жиҳозланган хизмат автомобилларидан фойдаланган ҳолда, ички ишлар органлари ҳамроҳлигида ташилади. Бунда автобуслар ҳайдовчиларининг меҳнат ва дам олиш режимини назорат қилиш қурилмалари (тахограф) билан жиҳозланган ҳамда йўналишда фаолият кўрсатиш учун тегишли ҳужжатлари мавжуд бўлган (автомобиль транспортида йўловчиларни мунтазам йўналишларда ташиш ҳуқуқини тасдиқловчи гувоҳнома ва лицензия) автобусларда шаҳарлараро, вилоятлараро ва халқаро мунтазам йўналишларда йўловчиларни тунги вақтларда ички ишлар органлари ҳамроҳлигисиз ташишга рухсат этилади;
автобусларга ички ишлар органларининг ҳамроҳлик қилиши Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати бўлинмалари ва туризм хавфсизлигини таъминлаш бўлинмалари томонидан давлат хизматлари кўрсатиш тартибида ёки шартномалар тузилган ҳолда пулли асосда амалга оширилади;
ички ишлар органлари ҳамроҳлик қиладиган автобуслар Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати ходимлари томонидан тегишли далолатнома тузилган ҳолда бевосита қатнов йўлига чиқишдан олдин техник ҳолати юзасидан мажбурий текширишдан ўтказилади;
қатнов йўллари бўйича автобусларда йўловчиларни ташишга лицензия битимларида лицензиатнинг автобусларни ҳайдовчининг толиққанлигини назорат қилиш қурилмалари билан таъминлаш мажбурияти назарда тутилади;
сменалар ўртасидаги дам олиш 12 соатдан камни ташкил этган автобуслар ҳайдовчиларининг сафарга чиқишига йўл қўйилмайди;
фойдаланиш муддати 15 йилдан ортиқ бўлган автобусларда йўловчиларни ташишга лицензия карточкалари берилишига йўл қўйилмайди.
2. Белгилансинки:
болалар гуруҳлари, умумтаълим мактаблари ва ўрта махсус таълим муассасалари ўқувчиларини соат 22.00 дан соат 05.00 гача (ноябрь — февраль ойларида соат 21.00 дан соат 06.00 гача) қатнов йўллари бўйича ташишда автобусларнинг ички ишлар органлари ҳамроҳлигисиз ҳаракатланиши тақиқланади, болаларни темир йўл вокзаллари, аэропортларгача ва орқага ташиш, шунингдек, йўлларда туриб қолишда энг яқин тунаш жойигача ташиш бундан мустасно;
икки ва ундан ортиқ автобусларда экскурсия қилувчи, туристик ва бошқа гуруҳларни ташиш ички ишлар органлари ҳамроҳлигида колонна таркибида амалга оширилади;
хайрия мақсадларида ташкил этилган аҳолининг ижтимоий заиф тоифалари вакиллари сирасига кирадиган экскурсия қилувчи, туристик ва бошқа гуруҳларни ташишни бажарувчи автобусларга ҳамроҳлик қилиш тўлов тўланмасдан амалга оширилади;
ушбу қарорга 1-иловага мувофиқ рўйхат бўйича автотранспорт воситаларига алоҳида гуруҳлар ва тоифаларни ташишга ҳамроҳлик қилиш бепул асосда амалга оширилади;
2021 йил 1 январдан бошлаб фойдаланиш муддати 15 йилдан ортиқ бўлган автобусларда йўловчиларни ташиш тақиқланади.
3. Ўзбекистон Республикаси Транспорт вазирлиги:
Ўзбекистон Республикаси Бандлик ва меҳнат муносабатлари вазирлиги, Ички ишлар вазирлиги, Инновацион ривожланиш вазирлиги билан биргаликда икки ой муддатда Вазирлар Маҳкамасига автобуслар ҳайдовчиларини тунги вақтларда ишлашга ўқитишнинг махсус курсларини ташкил этиш, шунингдек, ҳайдовчиларнинг меҳнати ва дам олиш режимига риоя қилиш устидан назорат қилиш механизмини жорий этиш тўғрисида таклифлар киритсин, ушбу соҳада қоида бузилишлари учун жавобгарлик чораларини назарда тутсин;
«Ўзстандарт» агентлиги билан биргаликда заруратга кўра ҳайдовчининг толиққанлигини назорат қилиш қурилмаларини танлашда йўловчиларни ташувчиларга кўмаклашсин;
Ўзбекистон Республикаси Молия вазирлиги, Энергетика вазирлиги билан биргаликда 2020 йил 1 январгача бўлган муддатда 2020 — 2035 йиллар даврида халқаро аҳамиятга молик автомобиль йўлларининг ташқи ёритилиши дастурини ишлаб чиқсин ва тасдиқлаш учун киритсин.
4. Ўзбекистон Республикаси Туризмни ривожлантириш давлат қўмитаси Транспорт вазирлиги ва Ички ишлар вазирлиги билан биргаликда икки ой муддатда туристик йўналишлар бўйича автобуслар ҳаракатининг қатнов йўллари схемаларини ишлаб чиқсин ва тасдиқласин.
5. Ўзбекистон Республикаси Давлат бюджети маблағлари ҳисобига сақланадиган вазирликлар, идоралар ва бошқа ташкилотларнинг экскурсия қилувчи, туристик ва республика ҳудуди бўйлаб бошқа сафарлар вақтида болалар, умумтаълим мактаблари ва ўрта махсус таълим муассасалари ўқувчилари, аҳолининг ижтимоий заиф тоифалари вакилларини ташийдиган хизмат автотранспорт воситалари, автобусларга ҳамроҳлик қилиш билан боғлиқ бўлган харажатлари ҳар йили ажратиладиган бюджет маблағлари ва бюджетдан ташқари маблағлар, шунингдек, қонунчиликда тақиқланмаган бошқа манбалар доирасида амалга оширилади.
6. Ўзбекистон Республикаси Ички ишлар вазирлиги:
икки ой муддатда автотранспорт воситаларига ҳамроҳлик қилиш бўйича хизматлар кўрсатишнинг амалдаги тартибини ва уларга тарифларни қайта кўриб чиқсин;
уч ой муддатда автотранспорт воситаларига ҳамроҳлик қилиш бўйича йўл ҳаракати хавфсизлиги ҳудудий бўлинмалари ходимларининг қўшимча штат бирликларини белгиланган тартибда жорий этиш чора-тадбирларини кўрсин;
7. Ўзбекистон Республикаси Инвестициялар ва ташқи савдо вазирлиги, Ташқи ишлар вазирлиги, Молия вазирлиги, Ташқи иқтисодий фаолият миллий банки Ўзбекистон Республикаси Транспорт вазирлиги билан биргаликда икки ой муддатда Вазирлар Маҳкамасига:
йўловчиларни қатнов йўллари бўйича ташиш учун кўп ўринли йўловчиларни ташийдиган автобусларни мақсадли сотиб олиш учун халқаро кредит ташкилотлари ва хорижий банкларнинг имтиёзли кредитларини жалб этиш;
автобусларни сотиб олишда кредитлар сотиб олинадиган автобусларнинг тўлиқ қиймати миқдоридаги гаров билан таъминлаган ҳолда Ўзбекистон Республикаси Марказий банкининг қайта молиялаштириш ставкаси миқдорида кредит бериш ва лизингнинг чекланган ставкаларини белгилаш тўғрисида таклифлар киритсинлар.
8. Вазирликлар ва идоралар бир ой муддатда ўзлари томонидан қабул қилинган норматив-ҳуқуқий ҳужжатларни ушбу қарорга мувофиқлаштирсинлар.
9. Вазирлар Маҳкамасининг «Ўзбекистон Республикасида автомобиль транспортида йўловчилар ва багаж ташиш қоидаларини ҳамда автобусларда йўловчилар ташиш хавфсизлигини таъминлашга доир талабларни тасдиқлаш ҳақида» 2003 йил 4 ноябрдаги 482-сон қарорига (Ўзбекистон Республикаси ҚТ, 2003 й., 11-сон, 108-модда) 2-иловага мувофиқ қўшимчалар киритилсин.
10. Вазирлар Маҳкамасининг 1997 йил 18 мартдаги 111-Ф-сон фармойиши ўз кучини йўқотган деб ҳисоблансин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов зиммасига юклансин.
Вазирлар Маҳкамасининг 2019 йил 22 майдаги 424-сон қарорига 1-ИЛОВА
Алоҳида гуруҳлар ва шахслар тоифаларини ташишга ҳамроҳлик қилиш бепул асосда амалга ошириладиган автотранспорт воситаларининг
1. Ҳамроҳлик қилиш қўриқлаш тадбирлари доирасида амалга ошириладиган махсус мақсадли автотранспорт воситалари.
2. Ўзбекистон Республикаси Вазирлар Маҳкамасининг тегишли ҳужжатлари билан тасдиқланган хорижий давлатлар ва халқаро ташкилотларнинг расмий давлат делегациялари бошлиқлари ва раҳбарларига, Ўзбекистон Республикасида расмий ташриф билан бўладиган давлат, сиёсий ва жамоат арбобларига ва бошқа шахсларга, халқаро конференциялар, фестиваллар, йиғилишлар ва бошқа оммавий тадбирлар иштирокчиларига хизмат кўрсатадиган транспорт воситалари.
3. Ўзбекистон Республикаси Вазирлар Маҳкамасининг ҳужжатларига мувофиқ махсус юкларни ташийдиган автотранспорт воситалари.
4. Фавқулодда вазиятларнинг олдини олиш ва уларнинг оқибатларини тугатиш бўйича тадбирларни ўтказишда ҳарбий колонналар, автотранспорт воситалари ва махсус техника.
5. Болалар гуруҳларини ёзги соғломлаштириш оромгоҳларига ва орқага ташкилий ташийдиган автобуслар колонналари.
Вазирлар Маҳкамасининг 2019 йил 22 майдаги 424-сон қарорига 2-ИЛОВА
Ўзбекистон Республикаси Вазирлар Маҳкамасининг «Ўзбекистон Республикасида автомобиль транспортида йўловчилар ва багаж ташиш қоидаларини ҳамда автобусларда йўловчилар ташиш хавфсизлигини таъминлашга доир талабларни тасдиқлаш ҳақида» 2003 йил 4 ноябрдаги 482-сон қарорига киритилаётган
1. 1-илованинг 19-бандига қуйидаги мазмундаги хатбоши қўшилсин:
«Туристик-экскурсия қилиш йўналишларда ишлашда автобусларнинг ҳайдовчилари туристик йўналишга хизмат кўрсатиладиган қатнов йўли схемасига эга бўлишлари керак».
2. 2-иловада :
а) 13-бандда қуйидаги мазмундаги иккинчи хатбоши қўшилсин:
«Тунги вақтларда вилоятлараро, шаҳарлараро ва халқаро йўналишлар, туристик йўналишнинг қатнов йўли схемалари бўйича ҳаракатланаётган автобусларга ҳамроҳлик қилишни ташкил этиш учун Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати бўлинмаларини ёки хавфсиз туризмни таъминлаш бўлинмаларини хабардор қилиш ташувчи томонидан жўнаб кетишдан камида 12 соат олдин амалга оширилади»;
б) 40-бандга қуйидаги мазмундаги иккинчи — олтинчи хатбошилар қўшилсин:
«Болалар, умумтаълим мактаблари ва ўрта махсус таълим муассасалари ўқувчиларининг экскурсия қилиш, туристик-экскурсия қилиш сафарларини ташкил этиш учун таълим муассасаси маъмурияти (ташкилотчи) жўнаб кетиш санасини, йўналишни ва жўнаб кетувчилар сонини кўрсатган ҳолда тегишли равишда туман (шаҳар) халқ таълими бўлимига ёки ўрта махсус таълим бошқармасига мурожаат қилади.
Болалар, умумтаълим мактаблари ва ўрта махсус таълим муассасалари ўқувчиларининг экскурсия қилиш, туристик ва бошқа гуруҳлари жўнаб кетиши тўғрисида қарорлар қабул қилиш, қоидага кўра, жўнаб кетиш санасигача 3 суткадан кечикмай қабул қилинади.
Жўнаб кетиш учун туман (шаҳар) халқ таълими бўлими ёки ўрта махсус таълим бошқармасининг рухсатномаси олингандан кейин таълим муассасаси маъмурияти (ташкилотчи) ташувчи билан шартнома тузади.
Таълим муассасаси маъмурияти (ташкилотчи) ташувчи билан шартнома тузилганидан кейин жўнаб кетиш санасигача уч иш кунидан кечикмай ҳаракатланиш санаси ва қатнов йўлини, шунингдек, барча йўловчилар рўйхатини, автобуслар тўғрисидаги (мансублилиги, маркаси, давлат рўйхатдан ўтказиш рақами белгиси) тўғрисидаги маълумотларни кўрсатган ҳолда ҳамроҳликни ташкил этиш учун буюртманомани Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизматига киритади.
Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати томонидан бориладиган қатнов йўлида об-ҳаво ёки йўл шароитларининг номувофиқлиги, шу жумладан, бориш пунктига ҳаракатланишда чекланишлар мавжудлиги, шунингдек, транспорт воситалари ва ҳайдовчилар малакасининг йўл ҳаракати хавфсизлиги талабларига номувофиқлиги ҳолатларида ҳамроҳлик қилиш рад этилиши ҳақида қарор қабул қилиниши мумкин».
Ўзбекистон Республикасининг Бош вазири А. АРИПОВ
Тошкент ш.,
2019 йил 22 май,
424-сон
Oʻzbekiston Respublikasi Vazirlar Mahkamasining
qarori
ROʻYXATI
qoʻshimchalar
Yoʻlovchilarni avtobusda tashish xavfsizligini taʼminlashga doir qoʻshimcha chora-tadbirlar toʻgʻrisida
Oʻtgan davrda respublikada yoʻl harakati barcha ishtirokchilarining xavfsizligini taʼminlashga yoʻnaltirilgan kompleks tashkiliy-amaliy chora-tadbirlar amalga oshirildi, bunda yoʻl-transport hodisalari sonini qisqartirishga alohida eʼtibor qaratildi.
Shu bilan birga, mamlakatning turistik tarmogʻi rivojlanayotgan bir sharoitda avtobuslarda yoʻlovchilar tashish tartibini, ayniqsa yoʻllarda xavfsizlikni taʼminlash yuzasidan takomillashtirish sohasida amalga oshirilayotgan islohotlar sifatiga salbiy taʼsir koʻrsatayotgan bir qancha muammolar kuzatilmoqda.
2018 — 2022-yillarda Oʻzbekiston Respublikasida yoʻl harakati xavfsizligini taʼminlash konsepsiyasiga muvofiq, yoʻlovchilar xavfsizligi talablari toʻlaqonli ijro etilishini taʼminlash, avtomobil transportida yoʻlovchilarni tashishda yoʻl-transport hodisalariga yoʻl qoʻymaslik maqsadida Vazirlar Mahkamasi qaror qiladi:
1. 2019-yil 1-sentabrdan boshlab shunday tartib oʻrnatilsinki, unga muvofiq:
tungi vaqtlarda viloyatlararo, shaharlararo, xalqaro va turistik yoʻnalishlar (keyingi oʻrinlarda — yoʻnalishlar) boʻyicha avtobuslarda yoʻlovchilarni, shuningdek, bolalar guruhlarini, umumtaʼlim maktablari va oʻrta maxsus taʼlim muassasalari oʻquvchilari faqat maxsus jihozlangan xizmat avtomobillaridan foydalangan holda, ichki ishlar organlari hamrohligida tashiladi. Bunda avtobuslar haydovchilarining mehnat va dam olish rejimini nazorat qilish qurilmalari (taxograf) bilan jihozlangan hamda yoʻnalishda faoliyat koʻrsatish uchun tegishli hujjatlari mavjud boʻlgan (avtomobil transportida yoʻlovchilarni muntazam yoʻnalishlarda tashish huquqini tasdiqlovchi guvohnoma va litsenziya) avtobuslarda shaharlararo, viloyatlararo va xalqaro muntazam yoʻnalishlarda yoʻlovchilarni tungi vaqtlarda ichki ishlar organlari hamrohligisiz tashishga ruxsat etiladi;
avtobuslarga ichki ishlar organlarining hamrohlik qilishi Oʻzbekiston Respublikasi Ichki ishlar vazirligining Yoʻl harakati xavfsizligi davlat xizmati boʻlinmalari va turizm xavfsizligini taʼminlash boʻlinmalari tomonidan davlat xizmatlari koʻrsatish tartibida yoki shartnomalar tuzilgan holda pulli asosda amalga oshiriladi;
ichki ishlar organlari hamrohlik qiladigan avtobuslar Oʻzbekiston Respublikasi Ichki ishlar vazirligining Yoʻl harakati xavfsizligi davlat xizmati xodimlari tomonidan tegishli dalolatnoma tuzilgan holda bevosita qatnov yoʻliga chiqishdan oldin texnik holati yuzasidan majburiy tekshirishdan oʻtkaziladi;
qatnov yoʻllari boʻyicha avtobuslarda yoʻlovchilarni tashishga litsenziya bitimlarida litsenziatning avtobuslarni haydovchining toliqqanligini nazorat qilish qurilmalari bilan taʼminlash majburiyati nazarda tutiladi;
smenalar oʻrtasidagi dam olish 12 soatdan kamni tashkil etgan avtobuslar haydovchilarining safarga chiqishiga yoʻl qoʻyilmaydi;
foydalanish muddati 15 yildan ortiq boʻlgan avtobuslarda yoʻlovchilarni tashishga litsenziya kartochkalari berilishiga yoʻl qoʻyilmaydi.
2. Belgilansinki:
bolalar guruhlari, umumtaʼlim maktablari va oʻrta maxsus taʼlim muassasalari oʻquvchilarini soat 22.00 dan soat 05.00 gacha (noyabr — fevral oylarida soat 21.00 dan soat 06.00 gacha) qatnov yoʻllari boʻyicha tashishda avtobuslarning ichki ishlar organlari hamrohligisiz harakatlanishi taqiqlanadi, bolalarni temir yoʻl vokzallari, aeroportlargacha va orqaga tashish, shuningdek, yoʻllarda turib qolishda eng yaqin tunash joyigacha tashish bundan mustasno;
ikki va undan ortiq avtobuslarda ekskursiya qiluvchi, turistik va boshqa guruhlarni tashish ichki ishlar organlari hamrohligida kolonna tarkibida amalga oshiriladi;
xayriya maqsadlarida tashkil etilgan aholining ijtimoiy zaif toifalari vakillari sirasiga kiradigan ekskursiya qiluvchi, turistik va boshqa guruhlarni tashishni bajaruvchi avtobuslarga hamrohlik qilish toʻlov toʻlanmasdan amalga oshiriladi;
ushbu qarorga 1-ilovaga muvofiq roʻyxat boʻyicha avtotransport vositalariga alohida guruhlar va toifalarni tashishga hamrohlik qilish bepul asosda amalga oshiriladi;
2021-yil 1-yanvardan boshlab foydalanish muddati 15 yildan ortiq boʻlgan avtobuslarda yoʻlovchilarni tashish taqiqlanadi.
3. Oʻzbekiston Respublikasi Transport vazirligi:
Oʻzbekiston Respublikasi Bandlik va mehnat munosabatlari vazirligi, Ichki ishlar vazirligi, Innovatsion rivojlanish vazirligi bilan birgalikda ikki oy muddatda Vazirlar Mahkamasiga avtobuslar haydovchilarini tungi vaqtlarda ishlashga oʻqitishning maxsus kurslarini tashkil etish, shuningdek, haydovchilarning mehnati va dam olish rejimiga rioya qilish ustidan nazorat qilish mexanizmini joriy etish toʻgʻrisida takliflar kiritsin, ushbu sohada qoida buzilishlari uchun javobgarlik choralarini nazarda tutsin;
“Oʻzstandart” agentligi bilan birgalikda zaruratga koʻra haydovchining toliqqanligini nazorat qilish qurilmalarini tanlashda yoʻlovchilarni tashuvchilarga koʻmaklashsin;
Oʻzbekiston Respublikasi Moliya vazirligi, Energetika vazirligi bilan birgalikda 2020-yil 1-yanvargacha boʻlgan muddatda 2020 — 2035-yillar davrida xalqaro ahamiyatga molik avtomobil yoʻllarining tashqi yoritilishi dasturini ishlab chiqsin va tasdiqlash uchun kiritsin.
4. Oʻzbekiston Respublikasi Turizmni rivojlantirish davlat qoʻmitasi Transport vazirligi va Ichki ishlar vazirligi bilan birgalikda ikki oy muddatda turistik yoʻnalishlar boʻyicha avtobuslar harakatining qatnov yoʻllari sxemalarini ishlab chiqsin va tasdiqlasin.
5. Oʻzbekiston Respublikasi Davlat budjeti mablagʻlari hisobiga saqlanadigan vazirliklar, idoralar va boshqa tashkilotlarning ekskursiya qiluvchi, turistik va respublika hududi boʻylab boshqa safarlar vaqtida bolalar, umumtaʼlim maktablari va oʻrta maxsus taʼlim muassasalari oʻquvchilari, aholining ijtimoiy zaif toifalari vakillarini tashiydigan xizmat avtotransport vositalari, avtobuslarga hamrohlik qilish bilan bogʻliq boʻlgan xarajatlari har yili ajratiladigan budjet mablagʻlari va budjetdan tashqari mablagʻlar, shuningdek, qonunchilikda taqiqlanmagan boshqa manbalar doirasida amalga oshiriladi.
6. Oʻzbekiston Respublikasi Ichki ishlar vazirligi:
ikki oy muddatda avtotransport vositalariga hamrohlik qilish boʻyicha xizmatlar koʻrsatishning amaldagi tartibini va ularga tariflarni qayta koʻrib chiqsin;
uch oy muddatda avtotransport vositalariga hamrohlik qilish boʻyicha yoʻl harakati xavfsizligi hududiy boʻlinmalari xodimlarining qoʻshimcha shtat birliklarini belgilangan tartibda joriy etish chora-tadbirlarini koʻrsin;
7. Oʻzbekiston Respublikasi Investitsiyalar va tashqi savdo vazirligi, Tashqi ishlar vazirligi, Moliya vazirligi, Tashqi iqtisodiy faoliyat milliy banki Oʻzbekiston Respublikasi Transport vazirligi bilan birgalikda ikki oy muddatda Vazirlar Mahkamasiga:
yoʻlovchilarni qatnov yoʻllari boʻyicha tashish uchun koʻp oʻrinli yoʻlovchilarni tashiydigan avtobuslarni maqsadli sotib olish uchun xalqaro kredit tashkilotlari va xorijiy banklarning imtiyozli kreditlarini jalb etish;
avtobuslarni sotib olishda kreditlar sotib olinadigan avtobuslarning toʻliq qiymati miqdoridagi garov bilan taʼminlagan holda Oʻzbekiston Respublikasi Markaziy bankining qayta moliyalashtirish stavkasi miqdorida kredit berish va lizingning cheklangan stavkalarini belgilash toʻgʻrisida takliflar kiritsinlar.
8. Vazirliklar va idoralar bir oy muddatda oʻzlari tomonidan qabul qilingan normativ-huquqiy hujjatlarni ushbu qarorga muvofiqlashtirsinlar.
9. Vazirlar Mahkamasining “Oʻzbekiston Respublikasida avtomobil transportida yoʻlovchilar va bagaj tashish qoidalarini hamda avtobuslarda yoʻlovchilar tashish xavfsizligini taʼminlashga doir talablarni tasdiqlash haqida” 2003-yil 4-noyabrdagi 482-son qaroriga (Oʻzbekiston Respublikasi QT, 2003-y., 11-son, 108-modda) 2-ilovaga muvofiq qoʻshimchalar kiritilsin.
10. Vazirlar Mahkamasining 1997-yil 18-martdagi 111-F-son farmoyishi oʻz kuchini yoʻqotgan deb hisoblansin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov zimmasiga yuklansin.
Vazirlar Mahkamasining 2019-yil 22-maydagi 424-son qaroriga 1-ILOVA
Alohida guruhlar va shaxslar toifalarini tashishga hamrohlik qilish bepul asosda amalga oshiriladigan avtotransport vositalarining
1. Hamrohlik qilish qoʻriqlash tadbirlari doirasida amalga oshiriladigan maxsus maqsadli avtotransport vositalari.
2. Oʻzbekiston Respublikasi Vazirlar Mahkamasining tegishli hujjatlari bilan tasdiqlangan xorijiy davlatlar va xalqaro tashkilotlarning rasmiy davlat delegatsiyalari boshliqlari va rahbarlariga, Oʻzbekiston Respublikasida rasmiy tashrif bilan boʻladigan davlat, siyosiy va jamoat arboblariga va boshqa shaxslarga, xalqaro konferensiyalar, festivallar, yigʻilishlar va boshqa ommaviy tadbirlar ishtirokchilariga xizmat koʻrsatadigan transport vositalari.
3. Oʻzbekiston Respublikasi Vazirlar Mahkamasining hujjatlariga muvofiq maxsus yuklarni tashiydigan avtotransport vositalari.
4. Favqulodda vaziyatlarning oldini olish va ularning oqibatlarini tugatish boʻyicha tadbirlarni oʻtkazishda harbiy kolonnalar, avtotransport vositalari va maxsus texnika.
5. Bolalar guruhlarini yozgi sogʻlomlashtirish oromgohlariga va orqaga tashkiliy tashiydigan avtobuslar kolonnalari.
Vazirlar Mahkamasining 2019-yil 22-maydagi 424-son qaroriga 2-ILOVA
Oʻzbekiston Respublikasi Vazirlar Mahkamasining “Oʻzbekiston Respublikasida avtomobil transportida yoʻlovchilar va bagaj tashish qoidalarini hamda avtobuslarda yoʻlovchilar tashish xavfsizligini taʼminlashga doir talablarni tasdiqlash haqida” 2003-yil 4-noyabrdagi 482-son qaroriga kiritilayotgan
1. 1-ilovaning 19-bandiga quyidagi mazmundagi xatboshi qoʻshilsin:
“Turistik-ekskursiya qilish yoʻnalishlarda ishlashda avtobuslarning haydovchilari turistik yoʻnalishga xizmat koʻrsatiladigan qatnov yoʻli sxemasiga ega boʻlishlari kerak”.
2. 2-ilovada :
a) 13-bandda quyidagi mazmundagi ikkinchi xatboshi qoʻshilsin:
“Tungi vaqtlarda viloyatlararo, shaharlararo va xalqaro yoʻnalishlar, turistik yoʻnalishning qatnov yoʻli sxemalari boʻyicha harakatlanayotgan avtobuslarga hamrohlik qilishni tashkil etish uchun Oʻzbekiston Respublikasi Ichki ishlar vazirligining Yoʻl harakati xavfsizligi davlat xizmati boʻlinmalarini yoki xavfsiz turizmni taʼminlash boʻlinmalarini xabardor qilish tashuvchi tomonidan joʻnab ketishdan kamida 12 soat oldin amalga oshiriladi”;
b) 40-bandga quyidagi mazmundagi ikkinchi — oltinchi xatboshilar qoʻshilsin:
“Bolalar, umumtaʼlim maktablari va oʻrta maxsus taʼlim muassasalari oʻquvchilarining ekskursiya qilish, turistik-ekskursiya qilish safarlarini tashkil etish uchun taʼlim muassasasi maʼmuriyati (tashkilotchi) joʻnab ketish sanasini, yoʻnalishni va joʻnab ketuvchilar sonini koʻrsatgan holda tegishli ravishda tuman (shahar) xalq taʼlimi boʻlimiga yoki oʻrta maxsus taʼlim boshqarmasiga murojaat qiladi.
Bolalar, umumtaʼlim maktablari va oʻrta maxsus taʼlim muassasalari oʻquvchilarining ekskursiya qilish, turistik va boshqa guruhlari joʻnab ketishi toʻgʻrisida qarorlar qabul qilish, qoidaga koʻra, joʻnab ketish sanasigacha 3 sutkadan kechikmay qabul qilinadi.
Joʻnab ketish uchun tuman (shahar) xalq taʼlimi boʻlimi yoki oʻrta maxsus taʼlim boshqarmasining ruxsatnomasi olingandan keyin taʼlim muassasasi maʼmuriyati (tashkilotchi) tashuvchi bilan shartnoma tuzadi.
Taʼlim muassasasi maʼmuriyati (tashkilotchi) tashuvchi bilan shartnoma tuzilganidan keyin joʻnab ketish sanasigacha uch ish kunidan kechikmay harakatlanish sanasi va qatnov yoʻlini, shuningdek, barcha yoʻlovchilar roʻyxatini, avtobuslar toʻgʻrisidagi (mansubliligi, markasi, davlat roʻyxatdan oʻtkazish raqami belgisi) toʻgʻrisidagi maʼlumotlarni koʻrsatgan holda hamrohlikni tashkil etish uchun buyurtmanomani Oʻzbekiston Respublikasi Ichki ishlar vazirligining Yoʻl harakati xavfsizligi davlat xizmatiga kiritadi.
Oʻzbekiston Respublikasi Ichki ishlar vazirligining Yoʻl harakati xavfsizligi davlat xizmati tomonidan boriladigan qatnov yoʻlida ob-havo yoki yoʻl sharoitlarining nomuvofiqligi, shu jumladan, borish punktiga harakatlanishda cheklanishlar mavjudligi, shuningdek, transport vositalari va haydovchilar malakasining yoʻl harakati xavfsizligi talablariga nomuvofiqligi holatlarida hamrohlik qilish rad etilishi haqida qaror qabul qilinishi mumkin”.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 22-may,
424-son
Кабинета Министров Республики Узбекистан
Постановление
ПЕРЕЧЕНЬ
ДОПОЛНЕНИЯ,
О дополнительных мерах по обеспечению безопасности автобусных перевозок пассажиров
За истекший период в республике реализован комплекс организационно-практических мер, направленных на обеспечение безопасности всех участников дорожного движения, особое внимание в котором обращено сокращению количества дорожно-транспортных происшествий.
Вместе с тем, на фоне развития туристской отрасли страны наблюдается ряд пробелов, негативно сказывающихся на качестве проводимых реформ в сфере совершенствования порядка перевозки пассажиров автобусами, особенно в части обеспечения их безопасности на дорогах.
В соответствии с Концепцией обеспечения безопасности дорожного движения в Республике Узбекистан на 2018 — 2022 годы, в целях обеспечения полноценного исполнения требований безопасности пассажиров, недопущения дорожно-транспортных происшествий при осуществлении пассажирских перевозок автомобильным транспортом Кабинет Министров постановляет:
1. Установить с 1 сентября 2019 года порядок, в соответствии с которым:
перевозка пассажиров автобусами по межобластным, междугородным, международным маршрутам и туристским направлениям (далее — маршруты) в ночное время, а также групп детей, учащихся общеобразовательных школ и средних специальных образовательных учреждений осуществляется исключительно в сопровождении органов внутренних дел с использованием специально оборудованных служебных автомобилей. При этом разрешается перевозка пассажиров по междугородным, межобластным и международным регулярным маршрутам в ночное время автобусами, оборудованными устройствами контроля режима труда и отдыха (тахограф) водителей автобусов и имеющими соответствующие документы для осуществления деятельности на маршрутах (удостоверение и лицензия, подтверждающие право осуществления перевозки пассажиров автомобильным транспортом на регулярных маршрутах), без сопровождения органов внутренних дел;
сопровождение органами внутренних дел автобусов осуществляется подразделениями Государственной службы безопасности дорожного движения и подразделениями по обеспечению безопасного туризма Министерства внутренних дел Республики Узбекистан на платной основе в порядке предоставления государственных услуг или заключения договоров;
автобусы, сопровождаемые органами внутренних дел, проходят обязательную проверку технического состояния непосредственно перед выездом на маршрут с составлением соответствующего акта сотрудниками Государственной службы безопасности дорожного движения Министерства внутренних дел Республики Узбекистан;
в лицензионных соглашениях на осуществление перевозки пассажиров автобусами по маршрутам предусматривается обязательство лицензиата по обеспечению автобусов устройствами контроля усталости водителя;
не допускаются к поездке водители автобусов, отдых которых между сменами составляет менее 12 часов;
не допускается выдача лицензионных карточек на осуществление перевозки пассажиров автобусами, срок эксплуатации которых превышает 15 лет.
2. Определить, что:
передвижение автобусов по маршрутам без сопровождения органов внутренних дел, перевозка групп детей, учащихся общеобразовательных школ и средних специальных образовательных учреждений с 22:00 до 05:00 часов (в ноябре — феврале с 21:00 до 06:00 часов) запрещается, за исключением перевозки детей до железнодорожных вокзалов, аэропортов и обратно, а также при задержках в пути до ближайшего места ночлега;
перевозка экскурсионных, туристских и иных групп на двух и более автобусах в обязательном порядке осуществляется в составе колонны в сопровождении органов внутренних дел;
сопровождение автобусов, выполняющих перевозку экскурсионных, туристских и иных групп из числа представителей социально уязвимых категорий населения, организованную в благотворительных целях, осуществляется без внесения платы;
сопровождение перевозки отдельных групп и категорий в автотранспортных средствах по перечню согласно приложению № 1 к настоящему постановлению осуществляется на безвозмездной основе;
начиная с 1 января 2021 года перевозка пассажиров автобусами, срок эксплуатации которых превышает 15 лет, запрещается.
3. Министерству транспорта Республики Узбекистан совместно с:
Министерством занятости и трудовых отношений, Министерством внутренних дел, Министерством инновационного развития Республики Узбекистан в двухмесячный срок внести в Кабинет Министров предложения об организации специальных курсов обучения водителей автобусов работе в ночное время суток, а также внедрении механизма контроля за соблюдением режима труда и отдыха водителей, предусмотрев меры ответственности за нарушения в данной сфере;
Агентством «Узстандарт» по мере необходимости оказать содействие перевозчикам в выборе устройств контроля усталости водителя;
Министерством финансов, Министерством энергетики Республики Узбекистан в срок до 1 января 2020 года разработать и внести на утверждение Программу наружного освещения автомобильных дорог международного значения в период 2020 — 2035 годы.
4. Государственному комитету Республики Узбекистан по развитию туризма совместно с Министерством транспорта и Министерством внутренних дел Республики Узбекистан в двухмесячный срок разработать и утвердить схемы маршрутов движения автобусов по туристским направлениям.
5. Определить что, расходы министерств, ведомств и других организаций, содержащихся за счет средств Государственного бюджета Республики Узбекистан, связанные с сопровождением служебных автотранспортных средств, автобусов, выполняющих перевозку детей, учащихся общеобразовательных школ и средних специальных образовательных учреждений, представителей социально уязвимых категорий населения во время групповых экскурсионных, туристских и иных поездок по территории республики, осуществляются в пределах ежегодно выделяемых бюджетных и внебюджетных средств, а также и иных источников не запрещенных законодательством.
6. Министерству внутренних дел Республики Узбекистан:
в двухмесячный срок пересмотреть действующие порядок и тарифы на оказание услуг по сопровождению автотранспортных средств;
в трехмесячный срок принять меры по введению в установленном порядке дополнительных штатных единиц сотрудников территориальных подразделений безопасности дорожного движения по сопровождению автотранспортных средств.
7. Министерству инвестиций и внешней торговли, Министерству иностранных дел, Министерству финансов Республики Узбекистан, Национальному банку внешнеэкономической деятельности совместно с Министерством транспорта Республики Узбекистан в двухмесячный срок внести в Кабинет Министров Республики Узбекистан предложения:
о привлечении льготных кредитов международных кредитных организаций и иностранных банков для целевого приобретения большеместных пассажирских автобусов для перевозки пассажиров по маршрутам;
об установлении предельных ставок кредитования и лизинга при приобретении автобусов в размере ставки рефинансирования Центрального банка Республики Узбекистан, с залоговым обеспечением кредитов в размере полной стоимости приобретаемых автобусов.
8. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
9. Внести дополнения в постановление Кабинета Министров от 4 ноября 2003 г. № 482 «Об утверждении Правил перевозки пассажиров и багажа автомобильным транспортом и требований по обеспечению безопасности автобусных перевозок в Республике Узбекистан» (СП Республики Узбекистан, 2003 г., № 11, ст. 108) согласно приложению № 2 .
10. Считать утратившим силу распоряжение Кабинета Министров от 18 марта 1997 г. № 111-ф.
11. Контроль за исполнением настоящего постановления возложить на первого заместителя Премьер-министра Республики Узбекистан — министра транспорта Республики Узбекистан А.Ж. Раматова.
ПРИЛОЖЕНИЕ № 1 к постановлению Кабинета Министров от 22 мая 2019 года № 424
автотранспортных средств, в которых сопровождение перевозки отдельных группы категорий лиц осуществляется на безвозмездной основе
1. Автотранспортные средства специального назначения, сопровождение которых осуществляется в рамках охранных мероприятий.
2. Автотранспортные средства, обслуживающие глав и руководителей официальных государственных делегаций зарубежных государств и международных организаций, государственных, политических и общественных деятелей и других лиц, прибывающих в Республике Узбекистан с официальным визитом, участников международных конференций, фестивалей, совещаний и других массовых мероприятий, утвержденных соответствующими актами Кабинета Министров Республики Узбекистан.
3. Автотранспортные средства, осуществляющие перевозку специальных грузов в соответствии с актами Кабинета Министров Республики Узбекистан.
4. Военные колонны, автотранспортные средства и специальная техника при проведении мероприятий по предупреждению и ликвидации последствий чрезвычайных ситуаций.
5. Колонны автобусов, осуществляющих организованную перевозку групп детей в летние оздоровительные лагеря и обратно.
ПРИЛОЖЕНИЕ № 2 к постановлению Кабинета Министров от 22 мая 2019 года № 424
вносимые в постановление Кабинета Министров от 4 ноября 2003 г. № 482 «Об утверждении Правил перевозки пассажиров и багажа автомобильным транспортом и требований по обеспечению безопасности автобусных перевозок в Республике Узбекистан»
1. Пункт 19 приложения № 1 дополнить абзацем следующего содержания:
«При работе на туристско-экскурсионных маршрутах водители автобусов должны иметь схему маршрута обслуживаемого туристического направления».
2. В приложении № 2 :
а) пункт 13 дополнить абзацем вторым следующего содержания:
«Информирование подразделений Государственной службы безопасности дорожного движения или подразделений по обеспечению безопасного туризма Министерства внутренних дел Республики Узбекистан для организации сопровождения автобусов, передвигающихся по межобластным, междугородным и международным маршрутам, схемам маршрутов туристского направления в ночное время, осуществляется перевозчиком в срок не менее чем за 12 часов до выезда»;
б) пункт 40 дополнить абзацами вторым — шестым следующего содержания:
«Для организации экскурсионных, туристско-экскурсионных поездок детей, учащихся общеобразовательных школ и средних специальных образовательных учреждений администрация учебного заведения (организатор) обращается в районный (городской) отдел народного образования или управление среднего специального образования, соответственно, с указанием даты выезда, маршрута и количества участников выезда.
Принятие решений о выезде экскурсионных, туристских и других групп детей, учащихся общеобразовательных школ и средних специальных образовательных учреждений осуществляется, как правило, не позднее 3 суток до даты выезда.
После получения разрешения районного (городского) отдела народного образования или управления среднего специального образования на выезд администрация учебного заведения (организатор) заключает договор с перевозчиком.
Администрация учебного заведения (организатор) после заключения договора с перевозчиком не позднее трех рабочих дней до даты отправления вносит заявку в Государственную службу безопасности дорожного движения Министерства внутренних дел Республики Узбекистан для организации сопровождения с указанием даты и маршрута движения, списка всех пассажиров, а также сведений об автобусах (принадлежность, марка, государственный регистрационный номерной знак).
Государственной службой безопасности дорожного движения Министерства внутренних дел Республики Узбекистан может быть принято решение об отказе в сопровождении в случаях несоответствия погодных или дорожных условий на маршруте следования, в том числе наличия ограничений проезда к пункту назначения, а также несоответствия транспортных средств и квалификации водителей требованиям безопасности дорожного движения».
Премьер-министр Республики Узбекистан А. АРИПОВ
г. Ташкент,
22 мая 2019 г.,
№ 424