📅 2019-yil 23-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 23 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 мая 2019 г. · Постановления Президента
Официальный текст. Официальный документ. Редакционные примечания не включены.
📅 23 May 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Мустақил Давлатлар Ҳамдўстлигида қатнашувчи давлатларнинг Шахсларни давлатлараро қидириш тўғрисидаги шартномаси бўйича Ўзбекистон Республикасининг мажбуриятлари бажарилишини ташкил этиш чора-тадбирлари тўғрисида
Ўзбекистон Республикаси Президентининг 2017 йил 29 майдаги «Электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш, шунингдек, ижро иши юритиш тизимини тубдан такомиллаштириш чора-тадбирлари тўғрисида»ги ПФ-5059-сон Фармонига мувофиқ, шунингдек, Мустақил Давлатлар Ҳамдўстлигида қатнашувчи давлатларнинг Шахсларни давлатлараро қидириш тўғрисида 2010 йил 10 декабрь куни Москва шаҳрида имзоланган шартномаси бўйича Ўзбекистон Республикаси мажбуриятларининг бажарилишини таъминлаш мақсадида:
1. Ўзбекистон Республикаси Бош прокуратураси ҳузуридаги Мажбурий ижро бюроси Мустақил Давлатлар Ҳамдўстлигида қатнашувчи давлатларнинг Шахсларни давлатлараро қидириш тўғрисидаги шартномасининг суд қарорларини ижро этишдан бўйин товлаётган шахсларнинг жойлашган жойини аниқлаш қисми бўйича халқаро ҳамкорликни амалга ошириш учун ваколатли орган этиб белгилансин.
2. Ўзбекистон Республикаси Ташқи ишлар вазирлиги мазкур халқаро шартнома депозитарийсига уни амалга оширилиши учун масъул бўлган Ўзбекистон Республикасининг ваколатли органлари рўйхати ўзгарганлиги тўғрисида тегишли билдиришнома йўлласин.
3. Ўзбекистон Республикаси Президентининг 2011 йил 19 майдаги «Халқаро шартномани тасдиқлаш тўғрисида»ги ПҚ-1532-сон қарори 2-бандидаги «Ўзбекистон Республикаси Адлия вазирлиги» сўзлари «Ўзбекистон Республикаси Бош прокуратураси ҳузуридаги Мажбурий ижро бюроси» сўзлари билан алмаштирилсин.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 23 май,
ПҚ-4333-сон
Oʻzbekiston Respublikasi Prezidentining
Qarori
Mustaqil Davlatlar Hamdoʻstligida qatnashuvchi davlatlarning Shaxslarni davlatlararo qidirish toʻgʻrisidagi shartnomasi boʻyicha Oʻzbekiston Respublikasining majburiyatlari bajarilishini tashkil etish chora-tadbirlari toʻgʻrisida
Oʻzbekiston Respublikasi Prezidentining 2017-yil 29-maydagi “Elektr energiyasi va tabiiy gaz yetkazib berish hamda isteʼmol qilish sohasida toʻlov intizomini yanada mustahkamlash, shuningdek, ijro ishi yuritish tizimini tubdan takomillashtirish chora-tadbirlari toʻgʻrisida”gi PF-5059-son Farmoniga muvofiq, shuningdek, Mustaqil Davlatlar Hamdoʻstligida qatnashuvchi davlatlarning Shaxslarni davlatlararo qidirish toʻgʻrisida 2010-yil 10-dekabr kuni Moskva shahrida imzolangan shartnomasi boʻyicha Oʻzbekiston Respublikasi majburiyatlarining bajarilishini taʼminlash maqsadida:
1. Oʻzbekiston Respublikasi Bosh prokuraturasi huzuridagi Majburiy ijro byurosi Mustaqil Davlatlar Hamdoʻstligida qatnashuvchi davlatlarning Shaxslarni davlatlararo qidirish toʻgʻrisidagi shartnomasining sud qarorlarini ijro etishdan boʻyin tovlayotgan shaxslarning joylashgan joyini aniqlash qismi boʻyicha xalqaro hamkorlikni amalga oshirish uchun vakolatli organ etib belgilansin.
2. Oʻzbekiston Respublikasi Tashqi ishlar vazirligi mazkur xalqaro shartnoma depozitariysiga uni amalga oshirilishi uchun masʼul boʻlgan Oʻzbekiston Respublikasining vakolatli organlari roʻyxati oʻzgarganligi toʻgʻrisida tegishli bildirishnoma yoʻllasin.
3. Oʻzbekiston Respublikasi Prezidentining 2011-yil 19-maydagi “Xalqaro shartnomani tasdiqlash toʻgʻrisida”gi PQ-1532-son qarori 2-bandidagi “Oʻzbekiston Respublikasi Adliya vazirligi” soʻzlari “Oʻzbekiston Respublikasi Bosh prokuraturasi huzuridagi Majburiy ijro byurosi” soʻzlari bilan almashtirilsin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 23-may,
PQ-4333-son
Президента Республики Узбекистан
Постановление
О мерах по организации исполнения обязательств Республики Узбекистан по Договору государств-участников Содружества Независимых Государств о межгосударственном розыске лиц
В соответствии с Указом Президента Республики Узбекистан от 29 мая 2017 года № УП-5059 «О мерах по дальнейшему укреплению платежной дисциплины в сфере поставки и потребления электрической энергии и природного газа, а также коренному совершенствованию системы исполнительного производства», а также в целях обеспечения выполнения обязательств Республики Узбекистан по Договору государств-участников Содружества Независимых Государств о межгосударственном розыске лиц, подписанному 10 декабря 2010 года в г. Москве:
1. Определить Бюро принудительного исполнения при Генеральной прокуратуре Республики Узбекистан компетентным органом, через который осуществляется международное сотрудничество по Договору государств-участников Содружества Независимых Государств о межгосударственном розыске лиц в части установления места нахождения лиц, уклоняющихся от исполнения решения судов.
2. Министерству иностранных дел Республики Узбекистан направить депозитарию указанного международного договора соответствующее уведомление об изменении перечня компетентных органов Республики Узбекистан, ответственных за его реализацию.
3. В пункте 2 постановления Президента Республики Узбекистан от 19 мая 2011 года № ПП-1532 «Об утверждении международного договора» слова «Министерство юстиции Республики Узбекистан» заменить словами «Бюро принудительного исполнения при Генеральной прокуратуре Республики Узбекистан».
4. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
23 мая 2019 г.,
№ ПП-4333