📅 2019-yil 24-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 24 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 мая 2019 г. · Постановления Президента
Официальный текст. Официальный документ. Редакционные примечания не включены.
📅 24 May 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида
Ўзбекистон Республикаси Президентининг 2018 йил 20 декабрдаги «Экспортга кўмаклашиш ва уни рағбатлантиришни кучайтириш чора-тадбирлари тўғрисида»ги ПҚ-4069-сон қарорига мувофиқ, шунингдек, экспорт ва экспорт олди молиялаштириш, экспорт кредитлари ва таваккалчиликларини суғурталаш механизмларини самарали татбиқ этиш учун зарур шарт-шароитлар яратиш мақсадида:
2. Ўзбекистон банклари ассоциацияси тижорат банклари билан биргаликда экспорт қилувчи корхоналарни, шу жумладан айланма маблағларни тўлдириш учун кредитлар бериш орқали молиялаштириш турларини кенгайтирсин.
4. Шундай тартиб ўрнатилсинки, унга мувофиқ товарлар (ишлар, хизматлар)ни, шу жумладан, комиссионер (ишончли вакил) орқали реализация қилишдан тушган умумий тушумида ҳисобот даври якуни бўйича тайёр маҳсулот экспорти улуши 50 фоиздан юқори бўлган юридик шахсларга уларнинг аризаларига кўра экспортга мўлжалланган маҳсулот ишлаб чиқаришда фойдаланиладиган хом ашё, бутловчи буюмлар ва материаллар импортида қўшилган қиймат солиғи тўлашни божхона декларацияси қабул қилинган кундан бошлаб 120 кунга кечиктириш имконияти берилади.
Ўзбекистон Республикаси Молия вазирлиги, Давлат божхона қўмитаси ва Давлат солиқ қўмитаси икки ой муддатда экспорт қилувчи корхоналарга қўшилган қиймат солиғини тўлашни кечиктириш имкониятини бериш тартибини ишлаб чиқсин ва тасдиқласин.
5. Агентлик зиммасига ҳам республикамиздаги, ҳам хориждаги халқаро стандартлаштириш ва сертификатлаштириш тизимларини жорий этиш, миллий маҳсулотни хорижий давлатлар ваколатли органларида рўйхатдан ўтказиш, шунингдек, кўргазма стендларини ташкил қилиш ва халқаро кўргазма-ярмаркаларида иштирок этиш, тақдимотлар ва реклама кампанияларини ўтказиш, шу жумладан, анъанавий миллий маҳсулотлар ва брендларни потенциал бозорларда илгари суриш бўйича экспорт қилувчи ташкилотларга молиявий кўмак бериш вазифаси юкланганлиги маълумот учун қабул қилинсин.
Агентлик икки ой муддатда экспорт қилувчи ташкилотларга мазкур молиявий кўмакни бериш механизмини ишлаб чиқсин ва тасдиқлаш учун Вазирлар Маҳкамасига киритсин, бунда тадбиркорлик субъектларининг хорижий мамлакатларда зарур лицензиялар, рухсатномалар, сертификатлар олиш, шунингдек, рўйхатдан ўтказиш йиғимлари ҳамда халқаро тендерлар ва танловларда иштирок этиш билан боғлиқ бошқа тўлов харажатларининг бир қисмини тўлашни назарда тутсин.
6. Белгилансинки, 2019 йил 1 июндан бошлаб тирик ҳолдаги товуқ, қуён ва балиқ ҳамда уларни сўйиб ишланган маҳсулотлар экспорти учун Ўзбекистон Республикаси Президенти ёки Вазирлар Маҳкамаси рухсати талаб қилинмайди.
7. Ўзбекистон Республикаси Инвестициялар ва ташқи савдо вазирлиги ҳамда «Ўзбекинвест» экспорт-импорт миллий суғурта компанияси (кейинги ўринларда — «Ўзбекинвест» ЭИМСК) директорлар Кенгашининг:
«Ўзбекинвест» ЭИМСКнинг устав капиталини компаниянинг ўз капитали ҳисобига 221,6 млрд сўмгача кўпайтириш;
«Ўзбекинвест» ЭИМСК тузилмасида экспортолди ва экспорт суғуртаси масалалари бўйича бош директорнинг биринчи ўринбосари лавозимини жорий этиш тўғрисидаги таклифлари маъқуллансин.
9. Ўзбекистон Республикаси Инвестициялар ва ташқи савдо вазирлиги:
икки ой муддатда Давлат активларини бошқариш агентлиги билан биргаликда «Ўзбекинвест» ЭИМСК фаолиятини янада такомиллаштириш тўғрисида тегишли ҳукумат қарори лойиҳасининг белгиланган тартибда ишлаб чиқилиши ҳамда Вазирлар Маҳкамасига киритилишини;
бир ой муддатда Ўзбекистон Республикаси Молия вазирлиги ва Транспорт вазирлиги билан биргаликда хабар берилганлик факти қайд этилишини таъминлайдиган ахборот тизимларидан фойдаланган ҳолда, буюртманомаларни, шу жумладан 2019 йил 1 майдан буён амалга оширилган маҳсулот экспорти бўйича қабул қилиш ва кўриб чиқиш механизмини назарда тутадиган, маҳсулот олиб бориладиган мамлакат ва субсидия тақдим этишнинг энг кўп муддатидан келиб чиқиб, Маҳсулотни экспорт қилишда ташиш харажатларини Ўзбекистон Республикаси Давлат бюджети маблағлари ҳисобидан компенсация қилиш тартиби тўғрисидаги низомни тасдиқлаш учун Вазирлар Маҳкамасига киритишни;
2019 йил 1 августга қадар Ахборот-коммуникация технологияларини ривожлантириш жамғармаси ва Агентлик маблағлари ҳисобидан ташқи иқтисодий фаолият соҳасида давлат хизматларининг интерактив шаклда тақдим этилишини, шунингдек, давлат тили, рус тили ва бошқа хорижий тилларда батафсил маълумотлардан фойдаланиш имкониятини таъминлайдиган, электрон савдо майдончалари ҳамда манфаатдор вазирликлар ва идораларнинг ахборот тизимлари билан интеграциялашган Ташқи иқтисодий маълумотлар порталини яратиш ва ишга туширишни;
бир ой муддатда манфаатдор вазирликлар ва идоралар билан биргаликда Ташқи иқтисодий маълумотлар порталини юритиш ва масъул идоралар томонидан Порталга тегишли маълумотлар ўз вақтида киритилиши устидан мониторингни амалга ошириш тартиби тўғрисидаги низом тасдиқланишини;
бир ой муддатда «Ўзагроэкспортбанк» АТБ негизида экспорт ва импортни молиялаштириш бўйича ихтисослашган банк ташкил этиш юзасидан таклиф киритилишини таъминласин.
10. Ўзбекистон Республикаси Транспорт вазирлиги Монополияга қарши курашиш қўмитаси билан биргаликда бир ой муддатда «Uzbekistan airways» АЖ ва «Ўзбекистон темир йўллари» АЖнинг экспорт юкларини ташиш тарифларини танқидий қайта кўриб чиқсин.
11. Ўзбекистон Республикаси Президентининг 2018 йил 17 октябрдаги «Мева-сабзавот маҳсулотларини ташқи бозорларга чиқариш самарадорлигини оширишга доир қўшимча чора-тадбирлар тўғрисида»ги ПҚ-3978-сон қарорининг 6 ва 7-бандлари , 14-бандининг еттинчи хатбоши ўз кучини йўқотган деб ҳисоблансин.
12. Ўзбекистон Республикаси Инвестициялар ва ташқи савдо вазирлиги икки ой муддатда манфаатдор вазирликлар, идоралар ва ташкилотлар билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосарлари Ж.А. Қўчқоров ва Э.М. Ғаниев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 24 май,
ПҚ-4337-сон
Oʻzbekiston Respublikasi Prezidentining
Qarori
Eksport faoliyatini moliyalashtirish va sugʻurta himoyasi mexanizmlarini kengaytirish chora-tadbirlari toʻgʻrisida
Oʻzbekiston Respublikasi Prezidentining 2018-yil 20-dekabrdagi “Eksportga koʻmaklashish va uni ragʻbatlantirishni kuchaytirish chora-tadbirlari toʻgʻrisida”gi PQ-4069-son qaroriga muvofiq, shuningdek, eksport va eksport oldi moliyalashtirish, eksport kreditlari va tavakkalchiliklarini sugʻurtalash mexanizmlarini samarali tatbiq etish uchun zarur shart-sharoitlar yaratish maqsadida:
2. Oʻzbekiston banklari assotsiatsiyasi tijorat banklari bilan birgalikda eksport qiluvchi korxonalarni, shu jumladan aylanma mablagʻlarni toʻldirish uchun kreditlar berish orqali moliyalashtirish turlarini kengaytirsin.
4. Shunday tartib oʻrnatilsinki, unga muvofiq tovarlar (ishlar, xizmatlar)ni, shu jumladan, komissioner (ishonchli vakil) orqali realizatsiya qilishdan tushgan umumiy tushumida hisobot davri yakuni boʻyicha tayyor mahsulot eksporti ulushi 50 foizdan yuqori boʻlgan yuridik shaxslarga ularning arizalariga koʻra eksportga moʻljallangan mahsulot ishlab chiqarishda foydalaniladigan xom ashyo, butlovchi buyumlar va materiallar importida qoʻshilgan qiymat soligʻi toʻlashni bojxona deklaratsiyasi qabul qilingan kundan boshlab 120 kunga kechiktirish imkoniyati beriladi.
Oʻzbekiston Respublikasi Moliya vazirligi, Davlat bojxona qoʻmitasi va Davlat soliq qoʻmitasi ikki oy muddatda eksport qiluvchi korxonalarga qoʻshilgan qiymat soligʻini toʻlashni kechiktirish imkoniyatini berish tartibini ishlab chiqsin va tasdiqlasin.
5. Agentlik zimmasiga ham respublikamizdagi, ham xorijdagi xalqaro standartlashtirish va sertifikatlashtirish tizimlarini joriy etish, milliy mahsulotni xorijiy davlatlar vakolatli organlarida roʻyxatdan oʻtkazish, shuningdek, koʻrgazma stendlarini tashkil qilish va xalqaro koʻrgazma-yarmarkalarida ishtirok etish, taqdimotlar va reklama kampaniyalarini oʻtkazish, shu jumladan, anʼanaviy milliy mahsulotlar va brendlarni potensial bozorlarda ilgari surish boʻyicha eksport qiluvchi tashkilotlarga moliyaviy koʻmak berish vazifasi yuklanganligi maʼlumot uchun qabul qilinsin.
Agentlik ikki oy muddatda eksport qiluvchi tashkilotlarga mazkur moliyaviy koʻmakni berish mexanizmini ishlab chiqsin va tasdiqlash uchun Vazirlar Mahkamasiga kiritsin, bunda tadbirkorlik subyektlarining xorijiy mamlakatlarda zarur litsenziyalar, ruxsatnomalar, sertifikatlar olish, shuningdek, roʻyxatdan oʻtkazish yigʻimlari hamda xalqaro tenderlar va tanlovlarda ishtirok etish bilan bogʻliq boshqa toʻlov xarajatlarining bir qismini toʻlashni nazarda tutsin.
6. Belgilansinki, 2019-yil 1-iyundan boshlab tirik holdagi tovuq, quyon va baliq hamda ularni soʻyib ishlangan mahsulotlar eksporti uchun Oʻzbekiston Respublikasi Prezidenti yoki Vazirlar Mahkamasi ruxsati talab qilinmaydi.
7. Oʻzbekiston Respublikasi Investitsiyalar va tashqi savdo vazirligi hamda “Oʻzbekinvest” eksport-import milliy sugʻurta kompaniyasi (keyingi oʻrinlarda — “Oʻzbekinvest” EIMSK) direktorlar Kengashining:
“Oʻzbekinvest” EIMSKning ustav kapitalini kompaniyaning oʻz kapitali hisobiga 221,6 mlrd soʻmgacha koʻpaytirish;
“Oʻzbekinvest” EIMSK tuzilmasida eksportoldi va eksport sugʻurtasi masalalari boʻyicha bosh direktorning birinchi oʻrinbosari lavozimini joriy etish toʻgʻrisidagi takliflari maʼqullansin.
9. Oʻzbekiston Respublikasi Investitsiyalar va tashqi savdo vazirligi:
ikki oy muddatda Davlat aktivlarini boshqarish agentligi bilan birgalikda “Oʻzbekinvest” EIMSK faoliyatini yanada takomillashtirish toʻgʻrisida tegishli hukumat qarori loyihasining belgilangan tartibda ishlab chiqilishi hamda Vazirlar Mahkamasiga kiritilishini;
bir oy muddatda Oʻzbekiston Respublikasi Moliya vazirligi va Transport vazirligi bilan birgalikda xabar berilganlik fakti qayd etilishini taʼminlaydigan axborot tizimlaridan foydalangan holda, buyurtmanomalarni, shu jumladan 2019-yil 1-maydan buyon amalga oshirilgan mahsulot eksporti boʻyicha qabul qilish va koʻrib chiqish mexanizmini nazarda tutadigan, mahsulot olib boriladigan mamlakat va subsidiya taqdim etishning eng koʻp muddatidan kelib chiqib, Mahsulotni eksport qilishda tashish xarajatlarini Oʻzbekiston Respublikasi Davlat budjeti mablagʻlari hisobidan kompensatsiya qilish tartibi toʻgʻrisidagi nizomni tasdiqlash uchun Vazirlar Mahkamasiga kiritishni;
2019-yil 1-avgustga qadar Axborot-kommunikatsiya texnologiyalarini rivojlantirish jamgʻarmasi va Agentlik mablagʻlari hisobidan tashqi iqtisodiy faoliyat sohasida davlat xizmatlarining interaktiv shaklda taqdim etilishini, shuningdek, davlat tili, rus tili va boshqa xorijiy tillarda batafsil maʼlumotlardan foydalanish imkoniyatini taʼminlaydigan, elektron savdo maydonchalari hamda manfaatdor vazirliklar va idoralarning axborot tizimlari bilan integratsiyalashgan Tashqi iqtisodiy maʼlumotlar portalini yaratish va ishga tushirishni;
bir oy muddatda manfaatdor vazirliklar va idoralar bilan birgalikda Tashqi iqtisodiy maʼlumotlar portalini yuritish va masʼul idoralar tomonidan Portalga tegishli maʼlumotlar oʻz vaqtida kiritilishi ustidan monitoringni amalga oshirish tartibi toʻgʻrisidagi nizom tasdiqlanishini;
bir oy muddatda “Oʻzagroeksportbank” ATB negizida eksport va importni moliyalashtirish boʻyicha ixtisoslashgan bank tashkil etish yuzasidan taklif kiritilishini taʼminlasin.
10. Oʻzbekiston Respublikasi Transport vazirligi Monopoliyaga qarshi kurashish qoʻmitasi bilan birgalikda bir oy muddatda “Uzbekistan airways” AJ va “Oʻzbekiston temir yoʻllari” AJning eksport yuklarini tashish tariflarini tanqidiy qayta koʻrib chiqsin.
11. Oʻzbekiston Respublikasi Prezidentining 2018-yil 17-oktabrdagi “Meva-sabzavot mahsulotlarini tashqi bozorlarga chiqarish samaradorligini oshirishga doir qoʻshimcha chora-tadbirlar toʻgʻrisida”gi PQ-3978-son qarorining 6 va 7-bandlari , 14-bandining yettinchi xatboshi oʻz kuchini yoʻqotgan deb hisoblansin.
12. Oʻzbekiston Respublikasi Investitsiyalar va tashqi savdo vazirligi ikki oy muddatda manfaatdor vazirliklar, idoralar va tashkilotlar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosarlari J.A. Qoʻchqorov va E.M. Gʻaniyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 24-may,
PQ-4337-son
Президента Республики Узбекистан
Постановление
О мерах по расширению механизмов финансирования и страховой защиты экспортной деятельности
В соответствии с постановлением Президента Республики Узбекистан от 20 декабря 2018 года № ПП-4069 «О мерах по усилению содействия и стимулирования экспорта», а также в целях создания необходимых условий для эффективного внедрения механизмов экспортного и предэкспортного финансирования, страхования экспортных кредитов и рисков:
2. Ассоциации банков Узбекистана совместно с коммерческими банками расширить виды финансирования предприятий-экспортеров, в том числе посредством предоставления кредитов для пополнения оборотных средств.
4. Установить порядок, в соответствии с которым юридическим лицам, имеющим долю экспорта готовой продукции в общей выручке от реализации товаров (работ, услуг) более 50 процентов по итогам отчетного периода, в том числе через комиссионера (поверенного), по их заявлениям предоставляется отсрочка по уплате налога на добавленную стоимость сроком до 120 дней со дня принятия таможенной декларации при импорте сырья, комплектующих изделий и материалов, используемых при производстве экспортируемой продукции.
Министерству финансов, Государственному таможенному комитету и Государственному налоговому комитету Республики Узбекистан в двухмесячный срок разработать и утвердить порядок предоставления отсрочки по уплате налога на добавленную стоимость предприятиям-экспортерам.
5. Принять к сведению, что на Агентство возложены задачи по оказанию финансового содействия организациям-экспортерам во внедрении международных систем стандартизации и сертификации как в республике, так и за рубежом, регистрации национальной продукции в уполномоченных органах зарубежных стран, а также создании выставочных стендов и участии в международных выставках-ярмарках, проведении презентаций и рекламных кампаний, в том числе в части продвижения традиционных национальных продуктов и брендов на потенциальные рынки сбыта.
Агентству в двухмесячный срок разработать и внести на утверждение в Кабинет Министров механизм оказания указанного финансового содействия организациям-экспортерам, предусмотрев оплату части затрат на получение необходимых лицензий, разрешений, сертификатов в зарубежных странах, а также регистрационных сборов и других платежей, связанных с участием субъектов предпринимательства в международных тендерах и конкурсах.
6. Установить, что с 1 июня 2019 года для экспорта кур, кроликов и рыбы в живом виде и продуктов их убоя не требуется разрешение Президента Республики Узбекистан или Правительства Республики Узбекистан.
7. Одобрить предложения Министерства инвестиций и внешней торговли Республики Узбекистан и Совета директоров Национальной компании экспортно-импортного страхования «Узбекинвест» (далее — НКЭИС «Узбекинвест») о:
увеличении уставного капитала НКЭИС «Узбекинвест» до 221,6 млрд. сумов за счет собственного капитала компании;
введении в структуру НКЭИС «Узбекинвест» должности первого заместителя генерального директора по вопросам предэкспортного и экспортного страхования.
9. Министерству инвестиций и внешней торговли Республики Узбекистан обеспечить:
совместно с Агентством по управлению государственными активами в двухмесячный срок в установленном порядке разработку и внесение в Кабинет Министров соответствующего проекта правительственного решения о дальнейшем совершенствовании деятельности НКЭИС «Узбекинвест»;
совместно с Министерством финансов и Министерством транспорта Республики Узбекистан в месячный срок внесение на утверждение в Кабинет Министров Положения о порядке компенсации затрат на транспортировку при экспорте продукции за счет средств Государственного бюджета Республики Узбекистан в зависимости от страны назначения и предельного срока, на который предоставляются субсидии, предусмотрев механизм приема и рассмотрения заявок с использованием информационных систем, обеспечивающих фиксирование факта извещения, в том числе по экспортным поставкам, осуществленным с 1 мая 2019 года;
в срок до 1 августа 2019 года создание и запуск за счет средств Фонда развития информационно-коммуникационных технологий и Агентства Портала внешнеэкономической информации, интегрированного с электронными торговыми площадками, информационными системами заинтересованных министерств и ведомств, обеспечивающего предоставление государственных услуг в сфере внешнеэкономической деятельности в интерактивной форме, а также доступ к развернутой информации на государственном, русском и других иностранных языках;
совместно с заинтересованными министерствами и ведомствами утверждение в месячный срок Положения о порядке ведения Портала внешнеэкономической информации и осуществления мониторинга за своевременным внесением данных в Портал ответственными ведомствами;
в месячный срок внесение предложения по созданию на базе АКБ «Узагроэкспортбанк» специализированного банка по экспортно-импортному финансированию.
10. Министерству транспорта совместно с Антимонопольным комитетом Республики Узбекистан в месячный срок критически пересмотреть тарифы АО «Uzbekistanairways» и АО «Узбекистонтемирйуллари» на перевозку экспортных грузов.
11. Пункты 6 и 7 , абзац седьмой пункта 14 постановления Президента Республики Узбекистан от 17 октября 2018 года № ПП-3978 «О дополнительных мерах по повышению эффективности продвижения плодоовощной продукции на внешние рынки» признать утратившими силу.
12. Министерству инвестиций и внешней торговли Республики Узбекистан в двухмесячный срок совместно с заинтересованными министерствами, ведомствами и организациями внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
13. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителей Премьер-министра Республики Узбекистан Д.А. Кучкарова и Э.М. Ганиева.
Президент Республики Узбекистан Ш. МИРЗИЁЕВ
г. Ташкент,
24 мая 2019 г.,
№ ПП-4337