📅 2019-yil 29-may · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 29 май · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 мая 2019 г. · Постановления Президента
Официальный текст. Официальный документ. Редакционные примечания не включены.
📅 29 May 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
СХЕМАСИ
таркиби
Тошкент вилоятида ҳуқуқбузарликлар профилактикаси ва жиноятчиликка қарши курашиш соҳасида ички ишлар органлари куч ва воситаларини бошқаришнинг сифат жиҳатдан янги тизимини жорий этиш тўғрисида
[Кўчирма]
Ўтган давр мобайнида республикамизда жамоат тартибини сақлаш, ҳуқуқбузарликлар профилактикаси ва жиноятчиликка қарши курашишнинг самарали тизимини жорий этиш, Тошкент шаҳрида ички ишлар органларининг фуқаролик жамияти институтлари билан яқин ҳамкорлиги асосида амалга оширилаётган «Хавфсиз пойтахт» концепциясининг ижобий тажрибасини оммалаштириш борасида салмоқли ишлар қилинди.
Шу билан бирга, Тошкент вилоятида жамоат хавфсизлигини таъминлашда ҳуқуқни муҳофаза қилувчи органлар фаолияти алоҳида аҳамият касб этиб, ундаги криминоген вазиятнинг хусусиятига қуйидаги омиллар таъсир кўрсатмоқда:
бир-биридан анча олисда ва тарқоқ ҳолда жойлашган еттита шаҳар ва ўн бешта туманни қамраб олган вилоят маъмурий-ҳудудий тузилишининг мураккаблиги;
бир вақтнинг ўзида ҳудудида чегара олди ҳудудлар, тоғли участкалар, туристик, қишлоқ хўжалиги ва йирик ишлаб чиқариш объектлари мавжудлигини ҳисобга олган ҳолда вилоят географик жойлашувининг ўзига хослиги;
Тошкент шаҳрига барча кириш ва чиқиш йўлларининг вилоят ҳудудидан ўтиши, республиканинг бошқа ҳудудларидан, айниқса пойтахтдан келадиган аҳолининг оммавий дам олиш жойлари мавжудлиги.
Тошкент вилоятида жамоат тартибини сақлаш, ҳуқуқбузарликлар профилактикаси ва жиноятчиликка қарши курашишнинг сифат жиҳатдан янги босқичига ўтиш, шунингдек, ички ишлар органлари куч ва воситаларини назорат қилиш ва бошқаришнинг самарали тизимини жорий этиш мақсадида:
1. Ўзбекистон Республикаси Ички ишлар вазирлигининг 2019 йил 20 июндан бошлаб қуйидагиларни назарда тутувчи Тошкент вилояти ички ишлар органлари куч ва воситаларини бошқариш тизимини эксперимент тариқасида жорий этиш тўғрисидаги таклифи маъқуллансин:
куч ва воситаларни аҳолига бевосита яқин ҳудудларда янада самарали жойлаштириш мақсадида вилоят ва туман (шаҳар) даражасидаги ички ишлар органларининг тузилмаларини янада мақбуллаштириш;
вилоят туман (шаҳар)ларини ички ишлар органлари куч ва воситаларининг тўртта минтақавий бошқариш ҳудудлари (кейинги ўринларда — минтақалар) бўйича 1-иловага мувофиқ тақсимлаш;
ҳуқуқбузарликларни ўз вақтида олдини олиш ва бартараф этиш мақсадида ички ишлар органлари бўлинмаларининг тезкорлигини ошириш ва максимал даражадаги ҳаракатчанлигини таъминлаш.
2. Тошкент вилояти Ички ишлар бошқармаси Тошкент вилояти Ички ишлар бош бошқармаси (кейинги ўринларда — Бош бошқарма) этиб қайта ташкил этилсин ва унинг бошлиғига қуйидагилар учун шахсий жавобгарлик юклансин:
вилоят ички ишлар органлари куч ва воситаларини минтақавий бошқариш механизмларини самарали ва тўлақонли равишда амалга ошириш, уларни доимий равишда такомиллаштириб бориш бўйича манзилли чораларни кўриш;
вилоят ички ишлар органларининг бошқа, шу жумладан пойтахт ҳуқуқни муҳофаза қилувчи органлари, маҳаллий давлат ҳокимияти органлари ва фуқаролик жамияти институтлари билан яқин ҳамкорлигини ташкил этиш;
минтақалар даражасида амалий бошқарув қарорларини қабул қилиш, таҳлилий фаолиятни ҳамда ҳуқуқбузарликлар профилактикаси ва жиноятчиликка қарши курашишнинг самарадорлигини тизимли баҳолашни сифатли ташкил этиш.
3. Белгилансинки:
минтақалар ички ишлар органлари фаолиятини кундалик назорат қилиш ва мувофиқлаштиришни ташкил этиш Бош бошқарма бошлиғининг вакиллари (кейинги ўринларда — минтақавий ҳудудлар раҳбарлари) томонидан амалга оширилади;
минтақавий ҳудудлар раҳбарларининг фаолиятини таъминлаш учун штаб сифатида Бош бошқарманинг тегишлича минтақавий марказлардаги ички ишлар органларининг биноларида бевосита жойлашадиган минтақавий мувофиқлаштириш марказлари ташкил этилади;
Тошкент вилояти ички ишлар органлари патруль-пост ва йўл-патруль хизматларининг саф бўлинмалари кундалик хизматни уларнинг ҳудудларида ўташ учун бевосита минтақалар бўйича тақсимланади;
Тошкент вилояти туман (шаҳар) ички ишлар органларининг кинология бўлинмалари уларга юклатилган вазифаларни бажаришни ҳудудлараро тамойили бўйича ташкил этиш учун минтақавий ҳудудлар раҳбарларининг бўйсунувига ўтказилади;
туман (шаҳар) ички ишлар органлари ҳузурида Тошкент шаҳар Ички ишлар бош бошқармаси тажрибаси асосида туманларни комплекс ижтимоий-иқтисодий ривожлантириш бўйича секторларда жамоат тартибини сақлаш, ҳуқуқбузарликлар профилактикаси ва жиноятчиликка қарши курашиш вазифалари юклатилган ҳолда ички ишлар бўлимлари ташкил этилиши мумкин.
4. Минтақавий ҳудудлар раҳбарларига:
минтақа ҳудуди доирасида бириктирилган туман (шаҳар, соҳавий) ички ишлар органлари (кейинги ўринларда — бириктирилган бўлинмалар)га юклатилган вазифаларнинг кундалик бажарилиши бўйича мустақил равишда қарорлар қабул қилиш;
бириктирилган бўлинмаларнинг иш самарадорлигини ошириш бўйича таъсирчан чора-тадбирларни ишлаб чиқиш, патруль-пост ва йўл-патруль хизматлари нарядларининг кундалик жойлашувини белгилаш;
минтақа ҳудудидаги криминоген вазиятни инобатга олган ҳолда ва фавқулодда ҳолатлар вужудга келганда бириктирилган бўлинмаларнинг куч ва воситаларининг тақсимотини мувофиқлаштириш;
бириктирилган бўлинмалар бошлиқларини лавозимга тайинлаш ва лавозимидан озод қилиш бўйича Бош бошқарма бошлиғига таклифлар киритиш, минтақа ва соҳавий хизмати доирасида сафдорлар ва сержантлар таркиби ходимларини лавозимдан лавозимга тайинлаш;
бириктирилган бўлинмаларнинг ходимлари томонидан хизмат интизоми бузилиши ҳолатлари бўйича Бош бошқарма бошлиғининг топшириғи асосида хизмат текширувларини ўтказиш;
ўз ваколатлари доирасида бириктирилган бўлинмаларнинг ходимларини рағбатлантириш ва уларга нисбатан интизомий жазо чораларини қўллаш ҳуқуқи берилсин.
Белгилансинки, минтақавий ҳудудлар раҳбарлари бириктирилган бўлинмаларга юклатилган вазифалар ва функцияларнинг бажарилиши учун уларнинг бевосита раҳбарияти билан баравар шахсан жавобгар ҳисобланади.
5. Шундай тартиб ўрнатилсинки, унга мувофиқ:
Бош бошқарма бошлиғи ва минтақавий ҳудудлар раҳбарлари томонидан жойларда жамоат тартибини сақлаш, ҳуқуқбузарликлар профилактикаси ва жиноятчиликка қарши курашиш соҳасидаги муаммолар, шунингдек ушбу фаолиятнинг самарадорлигини ошириш бўйича тақдим этиладиган таклифлар Тошкент вилояти ҳокими томонидан ҳар ойда кўриб чиқилади ва ўз ваколатлари ҳамда молиявий имкониятлари доирасида манзилли чора-тадбирларни белгилайди;
Бош бошқарма ҳар чоракда минтақаларнинг жамоат тартибини сақлаш, ҳуқуқбузарликлар профилактикаси ва жиноятчиликка қарши курашиш соҳасидаги фаолиятининг самарадорлигини рейтинг тизимида баҳолайди, натижаларига кўра, илғор минтақаларнинг бириктирилган бўлинмалари раҳбарларига пул мукофотини бериш ва аксинча, паст кўрсаткичларга эга бўлганларидан пул ушлаб қолиш чораларини кўради;
минтақавий мувофиқлаштириш марказлари криминоген вазиятнинг таҳлили асосида ҳар чоракда туман (шаҳар)лар кесимида бириктирилган бўлинмаларнинг иш самарадорлигини ошириш бўйича батафсил «йўл харита»ларини ишлаб чиқиб, уларнинг натижалари бўйича Бош бошқарма бошлиғига ҳар ўн кунда ахборот бериб борадилар;
2019 йил 1 сентябрдан бошлаб Тошкент шаҳар ва Тошкент вилояти ички ишлар органларининг патруль-пост ва йўл-патруль хизматлари, миграция ва персоналлаштириш бўлинмаларининг сержантлар таркиби лавозимлари ушбу бўлинмаларнинг олий маълумотга эга бўлмаган амалдаги ходимларининг ўрнига 2021 йил 1 декабргача босқичма-босқич тайинлашни назарда тутган ҳолда фақат олий маълумотга эга ёки сиртқи шаклда ўқиётган шахслар билан жамланади.
6. Бош бошқарма фаолиятига Тошкент шаҳар тажрибаси бўйича жамоат тартибини таъминлаш кучларини мувофиқлаштириш ва алоқа мобиль марказлари амалиёти татбиқ этилиб, минтақаларга бириктирилсин ҳамда уларга қуйидаги вазифалар юклансин:
оммавий тадбирларни ўтказишда куч ва воситаларнинг самарали ҳамкорлигини ташкил этиш, мувофиқлаштириш ва назоратни амалга оширишда бириктирилган бўлинмаларга кўмаклашиш;
одамлар гавжум бўладиган жойларда тезкор ва криминоген вазиятни ахборот технологияларидан фойдаланган ҳолда бевосита кузатиш ҳамда визуал баҳолашни амалга ошириш;
жамоат тартибини таъминлаш кучларини мувофиқлаштириш ва ҳаракатини бошқариш мақсадида, шу жумладан бевосита воқеа жойига чиққан ҳолда мобиль штаб функцияларини бажариш.
7. Тошкент вилояти ички ишлар органлари куч ва воситаларини бошқаришнинг янги тизимини жорий этиш юзасидан экспериментни амалга ошириш бўйича идоралараро комиссия 2-иловага мувофиқ тузилсин.
Идоралараро комиссия (П.Р. Бобожонов):
ҳар бир минтақа кесимида манфаатдор вазирлик ва идораларнинг ваколатли мутахассисларидан иборат эксперт гуруҳларини шакллантирсин ва уларнинг экспериментни босқичма-босқич амалга ошириш бўйича «йўл харита»ларини тасдиқласин;
ички ишлар органлари куч ва воситаларини бошқаришнинг жорий этилаётган тизими самарадорлигининг тизимли мониторингини ташкил этсин ва 2019 йилнинг якуни бўйича шу каби амалиётни республиканинг бошқа вилоятларига ҳам татбиқ этишнинг мақсадга мувофиқлиги тўғрисида таклифларни киритсин.
8. Бошқарувда катта амалий иш тажрибасига ҳамда соҳада обрў ва ҳурматга эга бўлган ички ишлар органларининг пенсионерлари орасидан жамоатчилик асосида жамланадиган Қорақалпоғистон Республикаси ички ишлар вазири, Тошкент шаҳар ва Тошкент вилояти ички ишлар бош бошқармалари, вилоятлар ички ишлар бошқармалари бошлиқларининг маслаҳатчилари лавозими киритилсин ва уларга тўланаётган пенсиясининг 100 фоизи миқдорида бюджетдан ташқари маблағлар ҳисобидан ойлик устама ҳақ белгилансин.
9. Қорақалпоғистон Республикаси Вазирлар Кенгаши раиси, вилоятлар ва Тошкент шаҳар ҳокимлари, шунингдек, туман (шаҳар) ҳокимларига ҳудудий ички ишлар органларининг ўрнак кўрсатган раҳбар ходимларини улар фаолиятини баҳолаш натижасига кўра, маҳаллий бюджет даромадларининг прогноздан ошириб бажарилиши ҳисобидан ҳар чоракда пул таъминотининг 100 фоизигача бўлган миқдорда мукофотлаш ҳуқуқи берилсин.
14. Тошкент вилояти ички ишлар органлари ходимларининг эгаллаб турган лавозими бўйича пул таъминоти ва ижтимоий имтиёзлари мазкур қарорга мувофиқ ташкилий-штатлар ўзгаришларига асосан улар лавозимга қайта тайинланиши ёки пенсияга чиқишига қадар сақлаб қолинсин.
15. Ўзбекистон Республикаси Ахборот технологиялари ва коммуникацияларини ривожлантириш вазирлиги икки ой муддатда:
Ўзбекистон Республикаси Ички ишлар вазирлиги билан биргаликда Тошкент вилоятининг шаҳарлари ва тегишли туманларида «Хавфсиз шаҳар» аппарат-дастурий комплексини жорий этиш бўйича таклифлар киритсин;
Ўзбекистон Республикаси Молия вазирлиги билан биргаликда Тошкент вилоятида ҳуқуқбузарликларни фото- ва видео фиксация қилиш тизими ва ускуналарининг узлуксиз ишлашини таъминлаш бўйича кўрсатиладиган хизматлари учун тарифларини келгусида республиканинг бошқа вилоятларига ҳам татбиқ этишни назарда тутган ҳолда қайта кўриб чиқсин.
16. Ўзбекистон Республикаси Ички ишлар вазирлиги:
а) Ўзбекистон Республикаси Ахборот технологиялари ва коммуникацияларини ривожлантириш вазирлиги, Мудофаа саноати давлат қўмитаси билан биргаликда 2019 йил 1 декабрга қадар Бош бошқарма фаолиятида содир этилган жиноят ва ҳодисалар ҳақидаги хабарларни қабул қилиш ва рўйхатга олишнинг «102» автоматлаштирилган маълумотлар тизими жорий этилишини, шунингдек, Тошкент шаҳридаги ушбу тизимнинг такомиллаштирилиши ва реконструкция қилинишини таъминласин;
б) Тошкент вилояти ҳокимлиги билан биргаликда:
Тошкент вилояти ички ишлар органларининг профилактика инспекторлари ва тезкор ходимларини мақсадли дастурий таъминот ўрнатилган ва ички ишлар органлари электрон ахборот тизимларининг маълумотлар базаларига уланган уяли хизмат телефонлари билан босқичма-босқич таъминлаш;
бириктирилган бўлинмаларнинг тўлақонли фаолиятини таъминлаш учун улар фаолиятининг хусусиятларини ҳамда минтақавий марказларда қайта жойлашувини инобатга олган ҳолда жойлаштириш, таъминлаш ва бошқа ташкилий масалаларни ҳал этиш чораларини кўрсин;
в) Ўзбекистон Республикаси Олий суди ҳамда бошқа манфаатдор вазирлик ва идоралар билан биргаликда уч ой муддатда профилактика инспекторига юкламани камайтириш ва ҳудудлараро ҳаракатланганда харажатларни қоплаш манбаларини белгилашни инобатга олган ҳолда, шахсларни процессуал ҳаракатларда ёки суд мажлисларидаги иштирокини таъминлаш учун мажбурий келтириш тартиби ва механизмларини такомиллаштириш бўйича таклифларни ўрнатилган тартибда киритсин;
г) Ўзбекистон Республикаси Молия вазирлиги ҳузуридаги Давлат-хусусий шерикчиликни ривожлантириш агентлиги билан биргаликда бир ой муддатда ички ишлар органлари ходимлари ва ҳарбий хизматчиларининг уй-жой шароитларини яхшилаш соҳасига давлат-хусусий шерикчилик механизмларини жорий этиш бўйича Вазирлар Маҳкамасига таклифлар киритсин;
д) Ўзбекистон Республикаси Молия вазирлиги, Ахборот технологиялари ва коммуникацияларини ривожлантириш вазирлиги, бошқа манфаатдор вазирлик ва идоралар билан биргаликда икки ой муддатда Вазирлар Маҳкамасига:
минтақавий мувофиқлаштириш марказлари учун Тошкент шаҳар тажрибаси бўйича жамоат тартибини таъминлаш кучларини мувофиқлаштириш ва алоқа мобиль марказлари сифатида қайта жиҳозлашни назарда тутган ҳолда 4 дона автобус харид қилиш;
2022 йил 1 январга қадар минтақалар ҳудудларида тўлиқ мото- ва автопатруллик қилишга ўтиш мақсадида Тошкент вилояти ички ишлар органлари патруль-пост хизматини босқичма-босқич скутер ва енгил транспорт воситалари билан таъминлаш бўйича таклифлар киритсин.
17. Ўзбекистон Республикаси Миллий гвардияси Ички ишлар вазирлиги билан биргаликда икки ой муддатда Тошкент вилояти туман (шаҳар)ларида жамоат тартибини таъминлаш кучлари таркибида биргаликда патруллик хизматини ўташни ташкил этиш бўйича чора-тадбирларни белгиласин.
18. Тошкент вилояти ҳокимлиги Ўзбекистон Республикаси Ички ишлар вазирлиги билан биргаликда икки ой муддатда йирик бозорлар ва савдо комплексларида ички ишлар органлари томонидан ҳуқуқбузарликлар профилактикаси соҳасида хизмат кўрсатиш борасида шартномалар тузиш бўйича чораларни кўрсин.
19. Ўзбекистон Республикаси Ички ишлар вазирлиги:
бир ой муддатда Бош бошқарма ва унинг бўлинмаларининг, шу жумладан мақсадга номувофиқ деб топилган бир қатор амалдаги ички ишлар бўлинмаларини қисқартириш ва мавжуд криминоген вазиятни инобатга олиб зарур жойларда янгиларини ташкил этишни назарда тутган ҳолда янгиланган штат жадвалини тасдиқласин;
бир ой муддатда мазкур қарор талабларини инобатга олган ҳолда минтақаларнинг жамоат тартибини сақлаш, ҳуқуқбузарликлар профилактикаси ва жиноятчиликка қарши курашиш соҳасидаги фаолиятининг самарадорлигини рейтинг тизимида баҳолаш тўғрисидаги низомни ишлаб чиқсин ва тасдиқласин;
икки ой муддатда Тошкент вилояти ички ишлар органларининг минтақалараро, шу жумладан пойтахт ички ишлар органлари билан ҳамкорлигининг уйғунлашган механизмини назарда тутувчи тартибни белгиласин;
икки ой муддатда Тошкент вилояти ички ишлар органларининг патруль-пост ва йўл-патруль хизматлари нарядларининг ягона жойлашувини минтақалар ташкил этилаётганлигини инобатга олган ҳолда танқидий қайта кўриб чиқсин;
уч ой муддатда Тошкент вилояти ички ишлар органлари йўл-патруль хизматининг автомобиль паркини кучайтириш, шу жумладан юртимизда ишлаб чиқариладиган мотоцикллар билан таъминлаш бўйича ташкилий чораларни кўрсин;
20. Белгилансинки, мазкур қарорда назарда тутилган чора-тадбирларни амалга ошириш билан боғлиқ харажатлар Ўзбекистон Республикаси Ички ишлар вазирлигининг асослантирилган ҳисоб-китоблари бўйича ҳар йили ажратиладиган бюджет маблағлари, Ички ишлар вазирлигининг бюджетдан ташқари маблағлари, шунингдек, қонун ҳужжатларида тақиқланмаган бошқа манбалар доирасида амалга оширилади.
21. Ўзбекистон Республикаси Президентининг айрим ҳужжатларига 7-иловага мувофиқ ўзгартириш ва қўшимчалар киритилсин.
22. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти ҳузуридаги Хавфсизлик кенгашининг котиби В.В. Махмудов ва Ўзбекистон Республикаси Президенти маслаҳатчисининг биринчи ўринбосари Б.М. Мавлонов зиммасига юклансин.
Ўзбекистон Республикаси Президентининг 2019 йил 29 майдаги ПҚ-4343-сон қарорига 1-ИЛОВА
Тошкент вилояти ички ишлар органлари куч ва воситаларини минтақавий бошқариш ҳудудларининг тақсимот
Ўзбекистон Республикаси Президентининг 2019 йил 29 майдаги ПҚ-4343-сон қарорига 2-ИЛОВА
Тошкент вилояти ички ишлар органлари куч ва воситаларини бошқаришнинг янги тизимини жорий этиш юзасидан экспериментни амалга ошириш бўйича идоралараро комиссия
1. П.Р. Бобожонов ― Ўзбекистон Республикаси ички ишлар вазири, Комиссия раиси 2. Э.А. Таджиев ― Ўзбекистон Республикаси Бош прокурорининг биринчи ўринбосари, Комиссия раисининг ўринбосари 3. Б.Т. Исаков ― Ўзбекистон Республикаси Олий суди раисининг ўринбосари, Комиссия раисининг ўринбосари 4. С.Н. Гордеев ― Ўзбекистон Республикаси Президенти Администрацияси масъул ходими 5. У.Ш. Ташходжаев ― Ўзбекистон Республикаси Президенти ҳузуридаги Хавфсизлик кенгаши аппарати масъул ходими 6. Ш.Т. Шакиров ― Ўзбекистон Республикаси Миллий гвардияси қўмондонининг ўринбосари 7. М.У. Жўраев ― Ўзбекистон Республикаси ички ишлар вазирининг жамоат тартибини сақлаш бўйича ўринбосари 8. Б.А. Олматов ― Ўзбекистон Республикаси ахборот технологиялари ва коммуникацияларини ривожлантириш вазирининг ўринбосари 9. Г.И. Ибрагимов ― Тошкент вилояти ҳокими 10. Ш.И. Норгитов ― Ўзбекистон Республикаси Ички ишлар вазирлиги Ташкилий департаменти бошлиғи, Комиссия котиби
Ўзбекистон Республикаси Президентининг 2019 йил 29 майдаги ПҚ-4343-сон қарорига 7-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 18 апрелдаги «Ички ишлар органларининг жиноятларни тергов қилиш соҳасидаги фаолиятини тубдан такомиллаштириш чора-тадбирлари тўғрисида»ги ПҚ-2898-сон қарорининг 2-бандидаги , 3-банди иккинчи хатбошисидаги «Тошкент шаҳар ички ишлар бош бошқармаси» сўзлари «Тошкент шаҳар ва Тошкент вилояти ички ишлар бош бошқармалари» сўзлари билан алмаштирилсин.
2. Ўзбекистон Республикаси Президентининг 2017 йил 29 ноябрдаги «Ички ишлар органлари кадрлари билан ишлаш ва уларнинг хизматини ташкил этиш тартибини тубдан такомиллаштириш чора-тадбирлари тўғрисида»ги ПҚ-3413-сон қарорида :
а) 3-бандининг учинчи хатбошисидаги «Тошкент шаҳар ички ишлар бош бошқармаси» сўзлари «Тошкент шаҳар ва Тошкент вилояти ички ишлар бош бошқармалари» сўзлари билан алмаштирилсин;
б) 4-банди «а» кичик бандидаги , 5-бандининг учинчи хатбошисидаги «Тошкент шаҳар ички ишлар бош бошқармаси» сўзлари «Тошкент шаҳар ва Тошкент вилояти ички ишлар бош бошқармалари» сўзлари билан алмаштирилсин.
в) 2-иловада :
30-банд қуйидаги таҳрирда баён этилсин:
«30. Туман (шаҳар) ички ишлар органлари, транспортда жамоат хавфсизлигини таъминлаш бошқармалари (бўлимлари), жазони ижро этиш муассасалари, тергов ҳибсхоналари бошлиқлари, минтақавий мувофиқлаштириш марказлари раҳбарлари, бригада ва батальон командирлари, шунингдек, уларга тенглаштирилган раҳбарлар қуйидаги ҳуқуқларга эга:
Уставнинг 23-банди «а», «б» ва «в» кичик бандларида назарда тутилган рағбатлантириш чораларини қўллаш;
Уставнинг 27-банди «а» ва «б» кичик бандларида назарда тутилган интизомий жазо чораларини қўллаш»;
31-банднинг биринчи хатбошисидаги «Тошкент шаҳар ички ишлар бош бошқармаси» сўзлари «Тошкент шаҳар ва Тошкент вилояти ички ишлар бош бошқармалари» сўзлари билан алмаштирилсин.
3. Ўзбекистон Республикаси Президентининг 2018 йил 19 июндаги «Тошкент шаҳрида жамоат тартибини таъминлаш, ҳуқуқбузарликлар профилактикаси ва жиноятчиликка қарши курашиш самарадорлигини ошириш бўйича қўшимча чора-тадбирлар тўғрисида»ги ПҚ-3786-сон қарорининг 5-банди биринчи хатбошисидаги «Тошкент шаҳар ички ишлар бош бошқармаси» сўзлари «Тошкент шаҳар ва Тошкент вилояти ички ишлар бош бошқармалари» сўзлари билан алмаштирилсин.
4. Ўзбекистон Республикаси Президентининг 2018 йил 23 августдаги «Ички ишлар органлари бошқарув, назорат ва шахсий таркиб билан ишлашнинг самарали тизимини жорий этиш бўйича чора-тадбирлар тўғрисида»ги ПҚ-3919-сон қарорининг 4-бандидаги «Тошкент шаҳар ички ишлар бош бошқармаси» сўзлари «Тошкент шаҳар ва Тошкент вилояти ички ишлар бош бошқармалари» сўзлари билан алмаштирилсин.
5. Ўзбекистон Республикаси Президентининг 2018 йил 24 декабрдаги «Жамоат хавфсизлигини таъминлаш самарадорлигини ошириш бўйича қўшимча чора-тадбирлар тўғрисида»ги ПҚ-4075-сон қарорининг 3-банди учинчи хатбошисидаги , 6 ва 7-бандларидаги «Тошкент шаҳар ички ишлар бош бошқармаси» сўзлари «Тошкент шаҳар ва Тошкент вилояти ички ишлар бош бошқармалари» сўзлари билан алмаштирилсин.
6. Ўзбекистон Республикаси Президентининг 2019 йил 7 февралдаги «Ҳуқуқбузарликлар профилактикаси ва жамоат хавфсизлигини таъминлаш соҳасида кадрлар тайёрлаш тизимини такомиллаштиришга доир қўшимча чора-тадбирлар тўғрисида»ги ПҚ-4166-сон қарорининг 6-банди тўртинчи хатбошисидаги «Тошкент шаҳар Ички ишлар бош бошқармаси ва Тошкент вилояти Ички ишлар бошқармаси» сўзлари «Тошкент шаҳар ва Тошкент вилояти ички ишлар бош бошқармалари» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 29 май,
ПҚ-4343-сон
Oʻzbekiston Respublikasi Prezidentining
Qarori
SXEMASI
tarkibi
Toshkent viloyatida huquqbuzarliklar profilaktikasi va jinoyatchilikka qarshi kurashish sohasida ichki ishlar organlari kuch va vositalarini boshqarishning sifat jihatdan yangi tizimini joriy etish toʻgʻrisida
[Koʻchirma]
Oʻtgan davr mobaynida respublikamizda jamoat tartibini saqlash, huquqbuzarliklar profilaktikasi va jinoyatchilikka qarshi kurashishning samarali tizimini joriy etish, Toshkent shahrida ichki ishlar organlarining fuqarolik jamiyati institutlari bilan yaqin hamkorligi asosida amalga oshirilayotgan “Xavfsiz poytaxt” konsepsiyasining ijobiy tajribasini ommalashtirish borasida salmoqli ishlar qilindi.
Shu bilan birga, Toshkent viloyatida jamoat xavfsizligini taʼminlashda huquqni muhofaza qiluvchi organlar faoliyati alohida ahamiyat kasb etib, undagi kriminogen vaziyatning xususiyatiga quyidagi omillar taʼsir koʻrsatmoqda:
bir-biridan ancha olisda va tarqoq holda joylashgan yettita shahar va oʻn beshta tumanni qamrab olgan viloyat maʼmuriy-hududiy tuzilishining murakkabligi;
bir vaqtning oʻzida hududida chegara oldi hududlar, togʻli uchastkalar, turistik, qishloq xoʻjaligi va yirik ishlab chiqarish obyektlari mavjudligini hisobga olgan holda viloyat geografik joylashuvining oʻziga xosligi;
Toshkent shahriga barcha kirish va chiqish yoʻllarining viloyat hududidan oʻtishi, respublikaning boshqa hududlaridan, ayniqsa poytaxtdan keladigan aholining ommaviy dam olish joylari mavjudligi.
Toshkent viloyatida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatdan yangi bosqichiga oʻtish, shuningdek, ichki ishlar organlari kuch va vositalarini nazorat qilish va boshqarishning samarali tizimini joriy etish maqsadida:
1. Oʻzbekiston Respublikasi Ichki ishlar vazirligining 2019-yil 20-iyundan boshlab quyidagilarni nazarda tutuvchi Toshkent viloyati ichki ishlar organlari kuch va vositalarini boshqarish tizimini eksperiment tariqasida joriy etish toʻgʻrisidagi taklifi maʼqullansin:
kuch va vositalarni aholiga bevosita yaqin hududlarda yanada samarali joylashtirish maqsadida viloyat va tuman (shahar) darajasidagi ichki ishlar organlarining tuzilmalarini yanada maqbullashtirish;
viloyat tuman (shahar)larini ichki ishlar organlari kuch va vositalarining toʻrtta mintaqaviy boshqarish hududlari (keyingi oʻrinlarda — mintaqalar) boʻyicha 1-ilovaga muvofiq taqsimlash;
huquqbuzarliklarni oʻz vaqtida oldini olish va bartaraf etish maqsadida ichki ishlar organlari boʻlinmalarining tezkorligini oshirish va maksimal darajadagi harakatchanligini taʼminlash.
2. Toshkent viloyati Ichki ishlar boshqarmasi Toshkent viloyati Ichki ishlar bosh boshqarmasi (keyingi oʻrinlarda — Bosh boshqarma) etib qayta tashkil etilsin va uning boshligʻiga quyidagilar uchun shaxsiy javobgarlik yuklansin:
viloyat ichki ishlar organlari kuch va vositalarini mintaqaviy boshqarish mexanizmlarini samarali va toʻlaqonli ravishda amalga oshirish, ularni doimiy ravishda takomillashtirib borish boʻyicha manzilli choralarni koʻrish;
viloyat ichki ishlar organlarining boshqa, shu jumladan poytaxt huquqni muhofaza qiluvchi organlari, mahalliy davlat hokimiyati organlari va fuqarolik jamiyati institutlari bilan yaqin hamkorligini tashkil etish;
mintaqalar darajasida amaliy boshqaruv qarorlarini qabul qilish, tahliliy faoliyatni hamda huquqbuzarliklar profilaktikasi va jinoyatchilikka qarshi kurashishning samaradorligini tizimli baholashni sifatli tashkil etish.
3. Belgilansinki:
mintaqalar ichki ishlar organlari faoliyatini kundalik nazorat qilish va muvofiqlashtirishni tashkil etish Bosh boshqarma boshligʻining vakillari (keyingi oʻrinlarda — mintaqaviy hududlar rahbarlari) tomonidan amalga oshiriladi;
mintaqaviy hududlar rahbarlarining faoliyatini taʼminlash uchun shtab sifatida Bosh boshqarmaning tegishlicha mintaqaviy markazlardagi ichki ishlar organlarining binolarida bevosita joylashadigan mintaqaviy muvofiqlashtirish markazlari tashkil etiladi;
Toshkent viloyati ichki ishlar organlari patrul-post va yoʻl-patrul xizmatlarining saf boʻlinmalari kundalik xizmatni ularning hududlarida oʻtash uchun bevosita mintaqalar boʻyicha taqsimlanadi;
Toshkent viloyati tuman (shahar) ichki ishlar organlarining kinologiya boʻlinmalari ularga yuklatilgan vazifalarni bajarishni hududlararo tamoyili boʻyicha tashkil etish uchun mintaqaviy hududlar rahbarlarining boʻysunuviga oʻtkaziladi;
tuman (shahar) ichki ishlar organlari huzurida Toshkent shahar Ichki ishlar bosh boshqarmasi tajribasi asosida tumanlarni kompleks ijtimoiy-iqtisodiy rivojlantirish boʻyicha sektorlarda jamoat tartibini saqlash, huquqbuzarliklar profilaktikasi va jinoyatchilikka qarshi kurashish vazifalari yuklatilgan holda ichki ishlar boʻlimlari tashkil etilishi mumkin.
4. Mintaqaviy hududlar rahbarlariga:
mintaqa hududi doirasida biriktirilgan tuman (shahar, sohaviy) ichki ishlar organlari (keyingi oʻrinlarda — biriktirilgan boʻlinmalar)ga yuklatilgan vazifalarning kundalik bajarilishi boʻyicha mustaqil ravishda qarorlar qabul qilish;
biriktirilgan boʻlinmalarning ish samaradorligini oshirish boʻyicha taʼsirchan chora-tadbirlarni ishlab chiqish, patrul-post va yoʻl-patrul xizmatlari naryadlarining kundalik joylashuvini belgilash;
mintaqa hududidagi kriminogen vaziyatni inobatga olgan holda va favqulodda holatlar vujudga kelganda biriktirilgan boʻlinmalarning kuch va vositalarining taqsimotini muvofiqlashtirish;
biriktirilgan boʻlinmalar boshliqlarini lavozimga tayinlash va lavozimidan ozod qilish boʻyicha Bosh boshqarma boshligʻiga takliflar kiritish, mintaqa va sohaviy xizmati doirasida safdorlar va serjantlar tarkibi xodimlarini lavozimdan lavozimga tayinlash;
biriktirilgan boʻlinmalarning xodimlari tomonidan xizmat intizomi buzilishi holatlari boʻyicha Bosh boshqarma boshligʻining topshirigʻi asosida xizmat tekshiruvlarini oʻtkazish;
oʻz vakolatlari doirasida biriktirilgan boʻlinmalarning xodimlarini ragʻbatlantirish va ularga nisbatan intizomiy jazo choralarini qoʻllash huquqi berilsin.
Belgilansinki, mintaqaviy hududlar rahbarlari biriktirilgan boʻlinmalarga yuklatilgan vazifalar va funksiyalarning bajarilishi uchun ularning bevosita rahbariyati bilan baravar shaxsan javobgar hisoblanadi.
5. Shunday tartib oʻrnatilsinki, unga muvofiq:
Bosh boshqarma boshligʻi va mintaqaviy hududlar rahbarlari tomonidan joylarda jamoat tartibini saqlash, huquqbuzarliklar profilaktikasi va jinoyatchilikka qarshi kurashish sohasidagi muammolar, shuningdek ushbu faoliyatning samaradorligini oshirish boʻyicha taqdim etiladigan takliflar Toshkent viloyati hokimi tomonidan har oyda koʻrib chiqiladi va oʻz vakolatlari hamda moliyaviy imkoniyatlari doirasida manzilli chora-tadbirlarni belgilaydi;
Bosh boshqarma har chorakda mintaqalarning jamoat tartibini saqlash, huquqbuzarliklar profilaktikasi va jinoyatchilikka qarshi kurashish sohasidagi faoliyatining samaradorligini reyting tizimida baholaydi, natijalariga koʻra, ilgʻor mintaqalarning biriktirilgan boʻlinmalari rahbarlariga pul mukofotini berish va aksincha, past koʻrsatkichlarga ega boʻlganlaridan pul ushlab qolish choralarini koʻradi;
mintaqaviy muvofiqlashtirish markazlari kriminogen vaziyatning tahlili asosida har chorakda tuman (shahar)lar kesimida biriktirilgan boʻlinmalarning ish samaradorligini oshirish boʻyicha batafsil “yoʻl xarita”larini ishlab chiqib, ularning natijalari boʻyicha Bosh boshqarma boshligʻiga har oʻn kunda axborot berib boradilar;
2019-yil 1-sentabrdan boshlab Toshkent shahar va Toshkent viloyati ichki ishlar organlarining patrul-post va yoʻl-patrul xizmatlari, migratsiya va personallashtirish boʻlinmalarining serjantlar tarkibi lavozimlari ushbu boʻlinmalarning oliy maʼlumotga ega boʻlmagan amaldagi xodimlarining oʻrniga 2021-yil 1-dekabrgacha bosqichma-bosqich tayinlashni nazarda tutgan holda faqat oliy maʼlumotga ega yoki sirtqi shaklda oʻqiyotgan shaxslar bilan jamlanadi.
6. Bosh boshqarma faoliyatiga Toshkent shahar tajribasi boʻyicha jamoat tartibini taʼminlash kuchlarini muvofiqlashtirish va aloqa mobil markazlari amaliyoti tatbiq etilib, mintaqalarga biriktirilsin hamda ularga quyidagi vazifalar yuklansin:
ommaviy tadbirlarni oʻtkazishda kuch va vositalarning samarali hamkorligini tashkil etish, muvofiqlashtirish va nazoratni amalga oshirishda biriktirilgan boʻlinmalarga koʻmaklashish;
odamlar gavjum boʻladigan joylarda tezkor va kriminogen vaziyatni axborot texnologiyalaridan foydalangan holda bevosita kuzatish hamda vizual baholashni amalga oshirish;
jamoat tartibini taʼminlash kuchlarini muvofiqlashtirish va harakatini boshqarish maqsadida, shu jumladan bevosita voqea joyiga chiqqan holda mobil shtab funksiyalarini bajarish.
7. Toshkent viloyati ichki ishlar organlari kuch va vositalarini boshqarishning yangi tizimini joriy etish yuzasidan eksperimentni amalga oshirish boʻyicha idoralararo komissiya 2-ilovaga muvofiq tuzilsin.
Idoralararo komissiya (P.R. Bobojonov):
har bir mintaqa kesimida manfaatdor vazirlik va idoralarning vakolatli mutaxassislaridan iborat ekspert guruhlarini shakllantirsin va ularning eksperimentni bosqichma-bosqich amalga oshirish boʻyicha “yoʻl xarita”larini tasdiqlasin;
ichki ishlar organlari kuch va vositalarini boshqarishning joriy etilayotgan tizimi samaradorligining tizimli monitoringini tashkil etsin va 2019-yilning yakuni boʻyicha shu kabi amaliyotni respublikaning boshqa viloyatlariga ham tatbiq etishning maqsadga muvofiqligi toʻgʻrisida takliflarni kiritsin.
8. Boshqaruvda katta amaliy ish tajribasiga hamda sohada obroʻ va hurmatga ega boʻlgan ichki ishlar organlarining pensionerlari orasidan jamoatchilik asosida jamlanadigan Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari boshliqlarining maslahatchilari lavozimi kiritilsin va ularga toʻlanayotgan pensiyasining 100 foizi miqdorida budjetdan tashqari mablagʻlar hisobidan oylik ustama haq belgilansin.
9. Qoraqalpogʻiston Respublikasi Vazirlar Kengashi raisi, viloyatlar va Toshkent shahar hokimlari, shuningdek, tuman (shahar) hokimlariga hududiy ichki ishlar organlarining oʻrnak koʻrsatgan rahbar xodimlarini ular faoliyatini baholash natijasiga koʻra, mahalliy budjet daromadlarining prognozdan oshirib bajarilishi hisobidan har chorakda pul taʼminotining 100 foizigacha boʻlgan miqdorda mukofotlash huquqi berilsin.
14. Toshkent viloyati ichki ishlar organlari xodimlarining egallab turgan lavozimi boʻyicha pul taʼminoti va ijtimoiy imtiyozlari mazkur qarorga muvofiq tashkiliy-shtatlar oʻzgarishlariga asosan ular lavozimga qayta tayinlanishi yoki pensiyaga chiqishiga qadar saqlab qolinsin.
15. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi ikki oy muddatda:
Oʻzbekiston Respublikasi Ichki ishlar vazirligi bilan birgalikda Toshkent viloyatining shaharlari va tegishli tumanlarida “Xavfsiz shahar” apparat-dasturiy kompleksini joriy etish boʻyicha takliflar kiritsin;
Oʻzbekiston Respublikasi Moliya vazirligi bilan birgalikda Toshkent viloyatida huquqbuzarliklarni foto- va video fiksatsiya qilish tizimi va uskunalarining uzluksiz ishlashini taʼminlash boʻyicha koʻrsatiladigan xizmatlari uchun tariflarini kelgusida respublikaning boshqa viloyatlariga ham tatbiq etishni nazarda tutgan holda qayta koʻrib chiqsin.
16. Oʻzbekiston Respublikasi Ichki ishlar vazirligi:
a) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Mudofaa sanoati davlat qoʻmitasi bilan birgalikda 2019-yil 1-dekabrga qadar Bosh boshqarma faoliyatida sodir etilgan jinoyat va hodisalar haqidagi xabarlarni qabul qilish va roʻyxatga olishning “102” avtomatlashtirilgan maʼlumotlar tizimi joriy etilishini, shuningdek, Toshkent shahridagi ushbu tizimning takomillashtirilishi va rekonstruksiya qilinishini taʼminlasin;
b) Toshkent viloyati hokimligi bilan birgalikda:
Toshkent viloyati ichki ishlar organlarining profilaktika inspektorlari va tezkor xodimlarini maqsadli dasturiy taʼminot oʻrnatilgan va ichki ishlar organlari elektron axborot tizimlarining maʼlumotlar bazalariga ulangan uyali xizmat telefonlari bilan bosqichma-bosqich taʼminlash;
biriktirilgan boʻlinmalarning toʻlaqonli faoliyatini taʼminlash uchun ular faoliyatining xususiyatlarini hamda mintaqaviy markazlarda qayta joylashuvini inobatga olgan holda joylashtirish, taʼminlash va boshqa tashkiliy masalalarni hal etish choralarini koʻrsin;
v) Oʻzbekiston Respublikasi Oliy sudi hamda boshqa manfaatdor vazirlik va idoralar bilan birgalikda uch oy muddatda profilaktika inspektoriga yuklamani kamaytirish va hududlararo harakatlanganda xarajatlarni qoplash manbalarini belgilashni inobatga olgan holda, shaxslarni protsessual harakatlarda yoki sud majlislaridagi ishtirokini taʼminlash uchun majburiy keltirish tartibi va mexanizmlarini takomillashtirish boʻyicha takliflarni oʻrnatilgan tartibda kiritsin;
g) Oʻzbekiston Respublikasi Moliya vazirligi huzuridagi Davlat-xususiy sherikchilikni rivojlantirish agentligi bilan birgalikda bir oy muddatda ichki ishlar organlari xodimlari va harbiy xizmatchilarining uy-joy sharoitlarini yaxshilash sohasiga davlat-xususiy sherikchilik mexanizmlarini joriy etish boʻyicha Vazirlar Mahkamasiga takliflar kiritsin;
d) Oʻzbekiston Respublikasi Moliya vazirligi, Axborot texnologiyalari va kommunikatsiyalarini rivojlantirish vazirligi, boshqa manfaatdor vazirlik va idoralar bilan birgalikda ikki oy muddatda Vazirlar Mahkamasiga:
mintaqaviy muvofiqlashtirish markazlari uchun Toshkent shahar tajribasi boʻyicha jamoat tartibini taʼminlash kuchlarini muvofiqlashtirish va aloqa mobil markazlari sifatida qayta jihozlashni nazarda tutgan holda 4 dona avtobus xarid qilish;
2022-yil 1-yanvarga qadar mintaqalar hududlarida toʻliq moto- va avtopatrullik qilishga oʻtish maqsadida Toshkent viloyati ichki ishlar organlari patrul-post xizmatini bosqichma-bosqich skuter va yengil transport vositalari bilan taʼminlash boʻyicha takliflar kiritsin.
17. Oʻzbekiston Respublikasi Milliy gvardiyasi Ichki ishlar vazirligi bilan birgalikda ikki oy muddatda Toshkent viloyati tuman (shahar)larida jamoat tartibini taʼminlash kuchlari tarkibida birgalikda patrullik xizmatini oʻtashni tashkil etish boʻyicha chora-tadbirlarni belgilasin.
18. Toshkent viloyati hokimligi Oʻzbekiston Respublikasi Ichki ishlar vazirligi bilan birgalikda ikki oy muddatda yirik bozorlar va savdo komplekslarida ichki ishlar organlari tomonidan huquqbuzarliklar profilaktikasi sohasida xizmat koʻrsatish borasida shartnomalar tuzish boʻyicha choralarni koʻrsin.
19. Oʻzbekiston Respublikasi Ichki ishlar vazirligi:
bir oy muddatda Bosh boshqarma va uning boʻlinmalarining, shu jumladan maqsadga nomuvofiq deb topilgan bir qator amaldagi ichki ishlar boʻlinmalarini qisqartirish va mavjud kriminogen vaziyatni inobatga olib zarur joylarda yangilarini tashkil etishni nazarda tutgan holda yangilangan shtat jadvalini tasdiqlasin;
bir oy muddatda mazkur qaror talablarini inobatga olgan holda mintaqalarning jamoat tartibini saqlash, huquqbuzarliklar profilaktikasi va jinoyatchilikka qarshi kurashish sohasidagi faoliyatining samaradorligini reyting tizimida baholash toʻgʻrisidagi nizomni ishlab chiqsin va tasdiqlasin;
ikki oy muddatda Toshkent viloyati ichki ishlar organlarining mintaqalararo, shu jumladan poytaxt ichki ishlar organlari bilan hamkorligining uygʻunlashgan mexanizmini nazarda tutuvchi tartibni belgilasin;
ikki oy muddatda Toshkent viloyati ichki ishlar organlarining patrul-post va yoʻl-patrul xizmatlari naryadlarining yagona joylashuvini mintaqalar tashkil etilayotganligini inobatga olgan holda tanqidiy qayta koʻrib chiqsin;
uch oy muddatda Toshkent viloyati ichki ishlar organlari yoʻl-patrul xizmatining avtomobil parkini kuchaytirish, shu jumladan yurtimizda ishlab chiqariladigan mototsikllar bilan taʼminlash boʻyicha tashkiliy choralarni koʻrsin;
20. Belgilansinki, mazkur qarorda nazarda tutilgan chora-tadbirlarni amalga oshirish bilan bogʻliq xarajatlar Oʻzbekiston Respublikasi Ichki ishlar vazirligining asoslantirilgan hisob-kitoblari boʻyicha har yili ajratiladigan budjet mablagʻlari, Ichki ishlar vazirligining budjetdan tashqari mablagʻlari, shuningdek, qonun hujjatlarida taqiqlanmagan boshqa manbalar doirasida amalga oshiriladi.
21. Oʻzbekiston Respublikasi Prezidentining ayrim hujjatlariga 7-ilovaga muvofiq oʻzgartirish va qoʻshimchalar kiritilsin.
22. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti huzuridagi Xavfsizlik kengashining kotibi V.V. Maxmudov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidentining 2019-yil 29-maydagi PQ-4343-son qaroriga 1-ILOVA
Toshkent viloyati ichki ishlar organlari kuch va vositalarini mintaqaviy boshqarish hududlarining taqsimot
Oʻzbekiston Respublikasi Prezidentining 2019-yil 29-maydagi PQ-4343-son qaroriga 2-ILOVA
Toshkent viloyati ichki ishlar organlari kuch va vositalarini boshqarishning yangi tizimini joriy etish yuzasidan eksperimentni amalga oshirish boʻyicha idoralararo komissiya
1. P.R. Bobojonov ― Oʻzbekiston Respublikasi ichki ishlar vaziri, Komissiya raisi 2. E.A. Tadjiyev ― Oʻzbekiston Respublikasi Bosh prokurorining birinchi oʻrinbosari, Komissiya raisining oʻrinbosari 3. B.T. Isakov ― Oʻzbekiston Respublikasi Oliy sudi raisining oʻrinbosari, Komissiya raisining oʻrinbosari 4. S.N. Gordeyev ― Oʻzbekiston Respublikasi Prezidenti Administratsiyasi masʼul xodimi 5. U.Sh. Tashxodjayev ― Oʻzbekiston Respublikasi Prezidenti huzuridagi Xavfsizlik kengashi apparati masʼul xodimi 6. Sh.T. Shakirov ― Oʻzbekiston Respublikasi Milliy gvardiyasi qoʻmondonining oʻrinbosari 7. M.U. Joʻrayev ― Oʻzbekiston Respublikasi ichki ishlar vazirining jamoat tartibini saqlash boʻyicha oʻrinbosari 8. B.A. Olmatov ― Oʻzbekiston Respublikasi axborot texnologiyalari va kommunikatsiyalarini rivojlantirish vazirining oʻrinbosari 9. G.I. Ibragimov ― Toshkent viloyati hokimi 10. Sh.I. Norgitov ― Oʻzbekiston Respublikasi Ichki ishlar vazirligi Tashkiliy departamenti boshligʻi, Komissiya kotibi
Oʻzbekiston Respublikasi Prezidentining 2019-yil 29-maydagi PQ-4343-son qaroriga 7-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 18-apreldagi “Ichki ishlar organlarining jinoyatlarni tergov qilish sohasidagi faoliyatini tubdan takomillashtirish chora-tadbirlari toʻgʻrisida”gi PQ-2898-son qarorining 2-bandidagi , 3-bandi ikkinchi xatboshisidagi “Toshkent shahar ichki ishlar bosh boshqarmasi” soʻzlari “Toshkent shahar va Toshkent viloyati ichki ishlar bosh boshqarmalari” soʻzlari bilan almashtirilsin.
2. Oʻzbekiston Respublikasi Prezidentining 2017-yil 29-noyabrdagi “Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari toʻgʻrisida”gi PQ-3413-son qarorida :
a) 3-bandining uchinchi xatboshisidagi “Toshkent shahar ichki ishlar bosh boshqarmasi” soʻzlari “Toshkent shahar va Toshkent viloyati ichki ishlar bosh boshqarmalari” soʻzlari bilan almashtirilsin;
b) 4-bandi “a” kichik bandidagi , 5-bandining uchinchi xatboshisidagi “Toshkent shahar ichki ishlar bosh boshqarmasi” soʻzlari “Toshkent shahar va Toshkent viloyati ichki ishlar bosh boshqarmalari” soʻzlari bilan almashtirilsin.
v) 2-ilovada :
30-band quyidagi tahrirda bayon etilsin:
“30. Tuman (shahar) ichki ishlar organlari, transportda jamoat xavfsizligini taʼminlash boshqarmalari (boʻlimlari), jazoni ijro etish muassasalari, tergov hibsxonalari boshliqlari, mintaqaviy muvofiqlashtirish markazlari rahbarlari, brigada va batalyon komandirlari, shuningdek, ularga tenglashtirilgan rahbarlar quyidagi huquqlarga ega:
Ustavning 23-bandi “a”, “b” va “v” kichik bandlarida nazarda tutilgan ragʻbatlantirish choralarini qoʻllash;
Ustavning 27-bandi “a” va “b” kichik bandlarida nazarda tutilgan intizomiy jazo choralarini qoʻllash”;
31-bandning birinchi xatboshisidagi “Toshkent shahar ichki ishlar bosh boshqarmasi” soʻzlari “Toshkent shahar va Toshkent viloyati ichki ishlar bosh boshqarmalari” soʻzlari bilan almashtirilsin.
3. Oʻzbekiston Respublikasi Prezidentining 2018-yil 19-iyundagi “Toshkent shahrida jamoat tartibini taʼminlash, huquqbuzarliklar profilaktikasi va jinoyatchilikka qarshi kurashish samaradorligini oshirish boʻyicha qoʻshimcha chora-tadbirlar toʻgʻrisida”gi PQ-3786-son qarorining 5-bandi birinchi xatboshisidagi “Toshkent shahar ichki ishlar bosh boshqarmasi” soʻzlari “Toshkent shahar va Toshkent viloyati ichki ishlar bosh boshqarmalari” soʻzlari bilan almashtirilsin.
4. Oʻzbekiston Respublikasi Prezidentining 2018-yil 23-avgustdagi “Ichki ishlar organlari boshqaruv, nazorat va shaxsiy tarkib bilan ishlashning samarali tizimini joriy etish boʻyicha chora-tadbirlar toʻgʻrisida”gi PQ-3919-son qarorining 4-bandidagi “Toshkent shahar ichki ishlar bosh boshqarmasi” soʻzlari “Toshkent shahar va Toshkent viloyati ichki ishlar bosh boshqarmalari” soʻzlari bilan almashtirilsin.
5. Oʻzbekiston Respublikasi Prezidentining 2018-yil 24-dekabrdagi “Jamoat xavfsizligini taʼminlash samaradorligini oshirish boʻyicha qoʻshimcha chora-tadbirlar toʻgʻrisida”gi PQ-4075-son qarorining 3-bandi uchinchi xatboshisidagi , 6 va 7-bandlaridagi “Toshkent shahar ichki ishlar bosh boshqarmasi” soʻzlari “Toshkent shahar va Toshkent viloyati ichki ishlar bosh boshqarmalari” soʻzlari bilan almashtirilsin.
6. Oʻzbekiston Respublikasi Prezidentining 2019-yil 7-fevraldagi “Huquqbuzarliklar profilaktikasi va jamoat xavfsizligini taʼminlash sohasida kadrlar tayyorlash tizimini takomillashtirishga doir qoʻshimcha chora-tadbirlar toʻgʻrisida”gi PQ-4166-son qarorining 6-bandi toʻrtinchi xatboshisidagi “Toshkent shahar Ichki ishlar bosh boshqarmasi va Toshkent viloyati Ichki ishlar boshqarmasi” soʻzlari “Toshkent shahar va Toshkent viloyati ichki ishlar bosh boshqarmalari” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 29-may,
PQ-4343-son
Президента Республики Узбекистан
Постановление
СХЕМА
Состав
О внедрении качественно новой системы управления силами и средствами органов внутренних дел в сфере профилактики правонарушений и борьбы с преступностью в Ташкентской области
[Извлечение]
За истекший период в республике проведена значительная работа по внедрению эффективной системы охраны общественного порядка, профилактики правонарушений и борьбы с преступностью, распространению положительного опыта Концепции «Безопасная столица», реализуемой в городе Ташкенте на основе тесного взаимодействия органов внутренних дел с институтами гражданского общества.
Вместе с тем особое значение в обеспечении общественной безопасности в Ташкентской области имеет деятельность правоохранительных органов, на особенность криминогенной ситуации в которой оказывают влияние следующие факторы:
сложность административно-территориальной структуры области, включающей в себя семь городов и пятнадцать районов, разрозненно расположенных друг от друга на значительно отдаленных расстояниях;
своеобразие географического расположения области с учетом одновременного наличия на ее территории приграничных зон, горных участков, туристских, сельскохозяйственных и крупных промышленных объектов;
прохождение по территории области всех путей выезда и въезда в город Ташкент, наличие мест массового отдыха и пребывания жителей других населенных пунктов республики, особенно столицы.
В целях перехода на качественно новый уровень охраны общественного порядка, профилактики правонарушений и борьбы с преступностью в Ташкентской области, а также внедрения эффективной системы контроля и управления силами и средствами органов внутренних дел:
1. Одобрить предложение Министерства внутренних дел Республики Узбекистан о внедрении с 20 июня 2019 года, в качестве эксперимента, системы управления силами и средствами органов внутренних дел Ташкентской области, предусматривающей:
дальнейшую оптимизацию структур органов внутренних дел областного и районного (городского) уровней с целью более эффективной концентрации сил и средств непосредственно в местах, наиболее приближенных к населению;
распределение районов (городов) области по четырем зонам регионального управления силами и средствами органов внутренних дел (далее — регионы) согласно приложению № 1 ;
повышение мобильности и обеспечение максимально быстрого реагирования подразделений органов внутренних дел на факты правонарушений в целях их своевременного предупреждения и пресечения.
2. Преобразовать Управление внутренних дел Ташкентской области в Главное управление внутренних дел Ташкентской области (далее — Главное управление), возложив на его начальника персональную ответственность за:
эффективную и всестороннюю реализацию механизмов регионального управления силами и средствами органов внутренних дел области, принятие адресных мер по их постоянному совершенствованию;
организацию тесного взаимодействия органов внутренних дел области с другими правоохранительными органами, органами государственной власти на местах и институтами гражданского общества, в том числе столицы;
принятие практических управленческих решений, качественную организацию аналитической деятельности и систематическую оценку эффективности профилактики правонарушений и борьбы с преступностью на уровне регионов.
3. Установить, что:
повседневный контроль и организация скоординированной деятельности органов внутренних дел регионов осуществляются представителями начальника Главного управления (далее — руководители региональных зон);
для обеспечения деятельности руководителей региональных зон в качестве штаба образуются центры региональной координации Главного управления с непосредственным местом дислокации в зданиях органов внутренних дел региональных центров соответственно;
строевые подразделения патрульно-постовой и дорожно-патрульной служб органов внутренних дел Ташкентской области распределяются непосредственно по регионам с несением повседневной службы на их территории;
кинологические подразделения районных (городских) органов внутренних дел Ташкентской области передаются в подчинение руководителей региональных зон с организацией выполнения возложенных на них задач по межтерриториальному принципу;
на основе опыта Главного управления внутренних дел города Ташкента при районных (городских) органах внутренних дел могут создаваться отделы внутренних дел с возложением на них задач по охране общественного порядка, профилактике правонарушений и борьбе с преступностью в секторах по комплексному социально-экономическому развитию районов.
4. Предоставить руководителям региональных зон право:
самостоятельно принимать решения по повседневному выполнению задач, возложенных на закрепленные районные (городские, отраслевые) органы внутренних дел (далее — закрепленные подразделения), в пределах территории региона;
разрабатывать действенные меры по повышению эффективности работы закрепленных подразделений, определять ежедневную дислокацию нарядов патрульно-постовой и дорожно-патрульной служб;
координировать расстановку сил и средств закрепленных подразделений с учетом складывающейся криминогенной обстановки и при возникновении чрезвычайных ситуаций на территории региона;
вносить начальнику Главного управления предложения по назначению и освобождению от должности руководителей закрепленных подразделений, осуществлять в пределах региона и службы перемещение по должности сотрудников рядового и сержантского составов;
проводить на основании поручения начальника Главного управления служебные проверки по фактам нарушений служебной дисциплины сотрудниками закрепленных подразделений;
применять к сотрудникам закрепленных подразделений меры поощрения и дисциплинарного взыскания в пределах своей компетенции.
Определить, что руководители региональных зон несут персональную ответственность за исполнение задач и функций закрепленных подразделений наравне с их непосредственным руководством.
5. Установить порядок, согласно которому:
проблемы в сфере охраны общественного порядка, профилактики правонарушений и борьбы с преступностью на местах, а также предложения по повышению эффективности данной деятельности, представляемые начальником Главного управления и руководителями региональных зон, ежемесячно рассматриваются хокимом Ташкентской области с обязательным принятием адресных мер в пределах своих полномочий и финансовых возможностей;
Главное управление ежеквартально проводит рейтинговую оценку эффективности деятельности регионов в сфере охраны общественного порядка, профилактики правонарушений и борьбы с преступностью, применяя по ее результатам меры денежного поощрения и удержания к руководителям закрепленных подразделений лидирующего и отстающего регионов соответственно;
центры региональной координации на основе анализа криминогенной обстановки ежеквартально подготавливают подробные «дорожные карты» по повышению эффективности работы закрепленных подразделений в разрезе районов (городов) с ежедекадным докладом результатов по ним начальнику Главного управления;
начиная с 1 сентября 2019 года должности сержантского состава патрульно-постовой и дорожно-патрульной служб, подразделений миграции и персонализации органов внутренних дел города Ташкента и Ташкентской области комплектуются исключительно лицами с высшим образованием или обучающимися на заочной форме, предусмотрев до 1 декабря 2021 года поэтапное замещение действующих сотрудников данных подразделений без высшего образования.
6. Распространить на деятельность Главного управления практику применения мобильных центров связи и координации сил обеспечения общественного порядка по опыту города Ташкента с закреплением их за территорией регионов и возложением задач по:
содействию закрепленным подразделениям в осуществлении контроля, координации и организации эффективного взаимодействия сил и средств при проведении массовых мероприятий;
осуществлению непосредственного слежения и визуальной оценки с использованием информационных технологий оперативной и криминогенной обстановки в местах массового скопления людей;
выполнению функций мобильного штаба в целях координации и маневрирования силами обеспечения общественного порядка, в том числе с непосредственным выездом на место происшествия.
7. Образовать Межведомственную комиссию по реализации эксперимента по внедрению новой системы управления силами и средствами органов внутренних дел Ташкентской области согласно приложению № 2 .
Межведомственной комиссии (П.Р. Бобожонов):
создать в разрезе каждого региона экспертные группы из компетентных специалистов заинтересованных министерств и ведомств с утверждением их «дорожных карт» по поэтапной реализации эксперимента;
организовать систематический мониторинг эффективности внедряемой системы управления силами и средствами органов внутренних дел и по итогам 2019 года внести предложения о целесообразности распространения аналогичной практики в других областях республики.
8. Ввести должность советников министра внутренних дел Республики Каракалпакстан, начальников главных управлений внутренних дел города Ташкента и Ташкентской области, управлений внутренних дел областей, комплектуемых на общественных началах из числа пенсионеров органов внутренних дел, имеющих большой практический опыт управленческой работы и пользующихся уважением в данной сфере, с установлением ежемесячной надбавки за счет внебюджетных средств в размере 100 процентов от их пенсии.
9. Предоставить председателю Совета Министров Республики Каракалпакстан, хокимам областей и города Ташкента, а также хокимам районов (городов) право за счет перевыполнения прогноза доходов местных бюджетов ежеквартально премировать отличившихся сотрудников руководящего состава территориальных органов внутренних дел в размере до 100 процентов от денежного довольствия по результатам оценки их деятельности.
14. Сохранить за сотрудниками органов внутренних дел Ташкентской области денежное довольствие и социальные льготы согласно занимаемой должности до их переназначения или выхода на пенсию на основании организационно-штатных изменений в соответствии с настоящим постановлением.
15. Министерству по развитию информационных технологий и коммуникаций Республики Узбекистан в двухмесячный срок совместно с:
Министерством внутренних дел Республики Узбекистан внести предложения по внедрению аппаратно-программного комплекса «Безопасный город» в городах и соответствующих районах Ташкентской области;
Министерством финансов Республики Узбекистан пересмотреть тарифы на услуги, предоставляемые для обеспечения непрерывной работы систем и оборудования фото- и видеофиксации правонарушений в Ташкентской области, с последующим их применением для других областей республики.
16. Министерству внутренних дел Республики Узбекистан совместно с:
а) Министерством по развитию информационных технологий и коммуникаций, Государственным комитетом Республики Узбекистан по оборонной промышленности обеспечить до 1 декабря 2019 года внедрение в деятельность Главного управления автоматизированной информационной системы приема и регистрации сообщений о преступлениях и происшествиях «102», а также модернизацию и реконструкцию данной системы в городе Ташкенте;
б) хокимиятом Ташкентской области принять меры по:
поэтапному оснащению инспекторов по профилактике и оперативных сотрудников органов внутренних дел Ташкентской области служебными мобильными телефонами с установлением целевого программного обеспечения и допуском к базам данных информационных систем органов внутренних дел;
размещению, обустройству и решению других организационных вопросов для обеспечения полноценной деятельности закрепленных подразделений с учетом специфики их деятельности и передислокации в региональные центры;
в) Верховным судом Республики Узбекистан и другими заинтересованными министерствами и ведомствами в трехмесячный срок внести в установленном порядке предложения по совершенствованию порядка и механизмов осуществления принудительного привода лиц для их участия в процессуальных действиях или заседаниях суда с учетом необходимости снижения в данном направлении нагрузки на инспекторов по профилактике и определения источников возмещения затрат при межрегиональном передвижении;
г) Агентством по развитию государственно-частного партнерства при Министерстве финансов в месячный срок внести в Кабинет Министров Республики Узбекистан предложения по внедрению механизмов государственно-частного партнерства в сферу улучшения жилищно-бытовых условий сотрудников и военнослужащих органов внутренних дел;
д) Министерством финансов, Министерством по развитию информационных технологий и коммуникаций, другими заинтересованными министерствами и ведомствами в двухмесячный срок внести в Кабинет Министров Республики Узбекистан предложения по:
закупу для центров региональной координации 4 автобусов с последующим их переоборудованием в мобильные центры связи и координации сил обеспечения общественного порядка по опыту города Ташкента;
поэтапному оснащению патрульно-постовой службы органов внутренних дел Ташкентской области скутерами и легковыми транспортными средствами в целях полного перехода до 1 января 2022 года на мото- и автопатрулирование территорий регионов.
17. Национальной гвардии совместно с Министерством внутренних дел Республики Узбекистан в двухмесячный срок принять меры по организации несения совместной патрульной службы в составе сил обеспечения общественного порядка в районах (городах) Ташкентской области.
18. Хокимияту Ташкентской области совместно с Министерством внутренних дел Республики Узбекистан в двухмесячный срок принять меры по заключению договоров об осуществлении органами внутренних дел деятельности в сфере профилактики правонарушений на крупных рынках и в торговых комплексах.
19. Министерству внутренних дел Республики Узбекистан:
в месячный срок утвердить обновленное штатное расписание Главного управления и его подразделений, в том числе предусмотрев оптимизацию ряда действующих отделений внутренних дел с позиции их нецелесообразности и образование новых в необходимых местах с учетом складывающейся криминогенной обстановки;
в месячный срок разработать и утвердить положение о рейтинговой оценке эффективности деятельности регионов в сфере охраны общественного порядка, профилактики правонарушений и борьбы с преступностью с учетом требований настоящего постановления;
в двухмесячный срок определить порядок, предусматривающий слаженный механизм межрегионального взаимодействия органов внутренних дел Ташкентской области, в том числе с органами внутренних дел столицы;
в двухмесячный срок критически пересмотреть единую дислокацию нарядов патрульно-постовой и дорожно-патрульной служб органов внутренних дел Ташкентской области с учетом образования регионов;
в трехмесячный срок принять организационные меры по укреплению автомобильного парка дорожно-патрульной службы органов внутренних дел Ташкентской области, в том числе мотоциклами отечественного производства.
20. Определить, что расходы, связанные с реализацией мероприятий, предусмотренных настоящим постановлением, осуществляются в пределах бюджетных средств, ежегодно выделяемых по обоснованным расчетам Министерства внутренних дел, внебюджетных средств Министерства внутренних дел Республики Узбекистан, а также других источников, не запрещенных законодательством.
21. Внести изменения и дополнения в некоторые акты Президента Республики Узбекистан согласно приложению № 7 .
22. Контроль за исполнением настоящего постановления возложить на Премьер-министра Республики Узбекистан А.Н. Арипова, секретаря Совета безопасности при Президенте Республики Узбекистан В.В. Махмудова и первого заместителя советника Президента Республики Узбекистан Б.М. Мавлонова.
ПРИЛОЖЕНИЕ № 1 к постановлению Президента Республики Узбекистан от 29 мая 2019 года № ПП-4343
распределения зон регионального управления силами и средствами органов внутренних дел Ташкентской области
ПРИЛОЖЕНИЕ № 2 к постановлению Президента Республики Узбекистан от 29 мая 2019 года № ПП-4343
Межведомственной комиссии по реализации эксперимента по внедрению новой системы управления силами и средствами органов внутренних дел Ташкентской области
1. Бобожонов П.Р. ― министр внутренних дел Республики Узбекистан, председатель Комиссии 2. Таджиев Э.А. ― первый заместитель Генерального прокурора Республики Узбекистан, заместитель председателя Комиссии 3. Исаков Б.Т. ― заместитель председателя Верховного суда Республики Узбекистан, заместитель председателя Комиссии 4. Гордеев С.Н. ― ответственный работник Администрации Президента Республики Узбекистан 5. Ташходжаев У.Ш. ― ответственный работник аппарата Совета безопасности при Президенте Республики Узбекистан 6. Шакиров Ш.Т. ― заместитель командующего Национальной гвардией Республики Узбекистан 7. Жураев М.У. ― заместитель министра внутренних дел Республики Узбекистан по охране общественного порядка 8. Олматов Б.А. ― заместитель министра по развитию информационных технологий и коммуникаций Республики Узбекистан 9. Ибрагимов Г.И. ― хоким Ташкентской области 10. Норгитов Ш.И. ― начальник Организационного департамента Министерства внутренних дел Республики Узбекистан, секретарь Комиссии
ПРИЛОЖЕНИЕ № 7 к постановлению Президента Республики Узбекистан от 29 мая 2019 года № ПП-4343
Изменения и дополнения, вносимые в некоторые акты Президента Республики Узбекистан
1. В пункте 2 , абзаце втором пункта 3 постановления Президента Республики Узбекистан от 18 апреля 2017 года № ПП-2898 «О мерах по коренному совершенствованию деятельности органов внутренних дел в сфере расследования преступлений» слова «Главном управлении внутренних дел города Ташкента» и «Главного управления внутренних дел города Ташкента» заменить соответственно словами «главных управлениях внутренних дел города Ташкента и Ташкентской области» и «главных управлений внутренних дел города Ташкента и Ташкентской области».
2. В постановлении Президента Республики Узбекистан от 29 ноября 2017 года № ПП-3413 «О мерах по коренному совершенствованию порядка работы с кадрами органов внутренних дел и организации их службы»:
а) в абзаце третьем пункта 3 слова «Главное управление внутренних дел города Ташкента» заменить словами «главные управления внутренних дел города Ташкента и Ташкентской области»;
б) в подпункте «а» пункта 4, абзаце третьем пункта 5 слова «Главного управления внутренних дел города Ташкента» заменить словами «главных управлений внутренних дел города Ташкента и Ташкентской области»;
в) в приложении № 2 :
пункт 30 изложить в следующей редакции:
«30. Начальники районных (городских) органов внутренних дел, управлений (отделов) обеспечения безопасности на транспорте, учреждений по исполнению наказания, следственных изоляторов, руководители центров региональной координации, командиры бригад и батальонов, а также приравненные к ним руководители имеют право применять меры:
поощрения, предусмотренные подпунктами «а», «б» и «в» пункта 23 Устава;
дисциплинарного взыскания, предусмотренные подпунктами «а» и «б» пункта 27 Устава»;
в абзаце первом пункта 31 слова «Главного управления внутренних дел города Ташкента» заменить словами «главных управлений внутренних дел города Ташкента и Ташкентской области».
3. В абзаце первом пункта 5 постановления Президента Республики Узбекистан от 19 июня 2018 года № ПП-3786 «О дополнительных мерах по повышению эффективности обеспечения общественного порядка, профилактики правонарушений и борьбы с преступностью в городе Ташкенте» слова «Главного управления внутренних дел города Ташкента» заменить словами «главных управлений внутренних дел города Ташкента и Ташкентской области».
4. В пункте 4 постановления Президента Республики Узбекистан от 23 августа 2018 года № ПП-3919 «О мерах по внедрению эффективной системы управления, контроля и работы с личным составом органов внутренних дел» слова «Главного управления внутренних дел города Ташкента» заменить словами «главных управлений внутренних дел города Ташкента и Ташкентской области».
5. В абзаце третьем пункта 3, пунктах 6 и 7 постановления Президента Республики Узбекистан от 24 декабря 2018 года № ПП-4075 «О дополнительных мерах по повышению эффективности обеспечения общественной безопасности» слова «Главного управления внутренних дел города Ташкента» заменить словами «главных управлений внутренних дел города Ташкента и Ташкентской области».
6. В абзаце четвертом пункта 6 постановления Президента Республики Узбекистан от 7 февраля 2019 года № ПП-4166 «О дополнительных мерах по совершенствованию системы подготовки кадров в сфере профилактики правонарушений и обеспечения общественной безопасности» слова «Главного управления внутренних дел города Ташкента и Управления внутренних дел Ташкентской области» заменить словами «главных управлений внутренних дел города Ташкента и Ташкентской области».
Президент Республики Узбекистан Ш. МИРЗИЁЕВ
г. Ташкент,
29 мая 2019 г.,
№ ПП-4343