📅 2019-yil 29-may · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 29 май · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 мая 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 29 May 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
РЎЙХАТИ
«Амударё соҳили» спорт-соғломлаштириш маркази майдонларини кўкаламзорлаштириш, ободонлаштириш ва сақлаш департаментини ташкил этиш тўғрисида
Термиз шаҳрининг марказий майдонларини ободонлаштириш ишларини ташкил этиш ва бошқаришни янада такомиллаштириш, «Амударё соҳили» спорт-соғломлаштириш маркази майдонларининг намунали сақланишини таъминлаш мақсадида Вазирлар Маҳкамаси қарор қилади:
1. Сурхондарё вилояти ҳокимлигининг Термиз шаҳар ҳокимлиги ҳузурида «Амударё соҳили» спорт-соғломлаштириш маркази майдонларини кўкаламзорлаштириш, ободонлаштириш ва сақлаш департаментини (кейинги ўринларда Департамент деб аталади) ташкил этиш тўғрисидаги таклифи қабул қилинсин.
2. Қуйидагилар Департаментнинг асосий вазифалари этиб белгилансин:
«Амударё соҳили» спорт-соғломлаштириш маркази ҳамда ушбу объектларга туташган майдонлар ва ҳудудларнинг намунали сақланишини таъминлаш, ободонлаштириш объектларидан фойдаланиш ишларини шаҳарсозлик, санитария норма ва қоидаларига мувофиқ ўз вақтида ва сифатли бажарилишини ташкил этиш;
мукаммал ва жорий таъмирлаш ишларининг ўз вақтида ва сифатли бажарилишини таъминлаш, шунингдек, сунъий суғориш тизимлари, насос станциялари, қудуқлар, қаттиқ қопламалар, йўллар ва йўлаклар, кўчаларни ёритиш воситалари ва фаввораларнинг санитария ва техник жиҳатдан зарур ҳолатда бўлишини таъминлаш;
дов-дарахтларни сақлаш ва парвариш қилиш, уларнинг зараркунандалари ва касалликларига қарши курашиш, ҳудудни янада кўкаламзорлаштириш агротехник тадбирларни амалга ошириш;
ободонлаштириш объектларини сақлаш ва ривожлантириш, уларнинг санитария жиҳатидан тозаланишини таъминлаш.
3. Қуйидагилар:
Термиз шаҳар ҳокимлиги ҳузуридаги «Амударё соҳили» спорт-соғломлаштириш маркази майдонларини кўкаламзорлаштириш, ободонлаштириш ва сақлаш департаментининг тузилмаси 1-иловага мувофиқ;
2020 йилда Термиз шаҳар ҳокимлиги ҳузуридаги «Амударё соҳили» спорт-соғломлаштириш маркази майдонларини кўкаламзорлаштириш, ободонлаштириш ва сақлаш департаментига бириктирилган ҳудудларни тозалаш ҳамда ободонлаштириш учун харид қилинадиган махсус автотранспорт воситалари ва асбоб-ускуналар рўйхати 2-иловага мувофиқ тасдиқлансин.
4. Белгилансинки, янги ташкил этилаётган Департаментни сақлаш ва фойдаланиш харажатларини молиялаштириш қуйидагилар ҳисобига амалга оширилади:
ҳар йили Сурхондарё вилоятининг вилоят бюджети параметрларида ободонлаштириш учун назарда тутиладиган маблағлар доирасида, ободонлаштириш объектларини сақлаш ва улардан фойдаланишга мақсадли йўналтирилган маблағлар;
жисмоний ва юридик шахсларнинг ҳомийлик хайриялари;
қонунчилик ҳужжатларида тақиқланмаган бошқа манбалар.
5. Департамент ходимларига Вазирлар Маҳкамасининг «Ободонлаштириш ходимларини моддий рағбатлантиришни кучайтириш чора-тадбирлари тўғрисида» 2009 йил 1 апрелдаги 91-сон қарори билан тасдиқланган Шаҳар ва туман ободонлаштириш бошқармалари ходимлари меҳнатига ҳақ тўлаш ва уларни моддий рағбатлантириш тартиби тўғрисидаги низомда назарда тутилган меҳнатга ҳақ тўлаш ва моддий рағбатлантириш тартиби татбиқ этилади.
6. Сурхондарё вилояти ҳокимлиги бир ой муддатда:
Термиз шаҳар ҳокимлиги ҳузуридаги «Амударё соҳили» спорт-соғломлаштириш маркази майдонларини кўкаламзорлаштириш, ободонлаштириш ва сақлаш департаменти тўғрисидаги низомни белгиланган тартибда тасдиқласин;
«Амударё соҳили» спорт-соғломлаштириш маркази ҳудудида жойлашган игнабаргли ва манзарали ўсимликлар қимматли турларини, кўчаларни ёритиш объектларини, фаввораларни ва бошқа ободонлаштириш объектларини хатловдан ўтказсин ҳамда хатлов натижалари бўйича ободонлаштириш объектларини келгусида фойдаланиш учун Департаментга белгиланган тартибда ажратиб берсин;
Департаментни малакали муҳандис-техник ходимлар ва ишлаб чиқариш ходимлари билан таъминласин.
7. Сурхондарё вилояти ҳокимлиги доимий равишда:
Термиз шаҳрини ободонлаштириш бўйича амалга ошириладиган ишларга ажратиладиган бюджет маблағларидан самарали ва мақсадли фойдаланилиши юзасидан амалий мониторинг олиб борсин;
ободонлаштириш ишларини шаҳарсозлик ҳамда санитария нормалари ва қоидаларига мувофиқ Термиз шаҳри ва унинг ташқи қиёфасига қўйиладиган замонавий талабларни ҳисобга олган ҳолда ташкил этсин ва амалга оширсин.
8. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Сурхондарё вилояти ҳокими Т.А. Боболов зиммасига юклансин.
Вазирлар Маҳкамасининг 2019 йил 29 майдаги 441-сон қарорига 1-ИЛОВА
Термиз шаҳар ҳокимлиги ҳузуридаги «Амударё соҳили» спорт-соғломлаштириш маркази майдонларини кўкаламзорлаштириш, ободонлаштириш ва сақлаш департаментининг
Директор Юрисконсульт Директор ўринбосари — бош муҳандис Кадрлар бўйича мутахассис Хавфсизлик техникаси бўйича мутахассис Бухгалтерия ва иқтисод бўйича мутахассис ( Ёрдамчи ходимлар 5 Ишлаб чиқариш ходимлари *
Вазирлар Маҳкамасининг 2019 йил 29 майдаги 441-сон қарорига 2-ИЛОВА
2020 йилда Термиз шаҳар ҳокимлиги ҳузуридаги «Амударё соҳили» спорт-соғломлаштириш маркази майдонларини кўкаламзорлаштириш, ободонлаштириш ва сақлаш департаментига бириктирилган ҳудудларни тозалаш ҳамда ободонлаштириш учун харид қилинадиган махсус автотранспорт воситалари ва асбоб-ускуналар
Т/р Техниканинг номи Талаб этиладиган техника сони (та) 1. Суғориш-ювиш машинаси 1 2. «Исузу» самосвали 1 3. «Исузу» телескопик минора 1 4. WA N дамаси 1 5. Майса ўриш машинаси 10 Жами 14
Ўзбекистон Республикасининг Бош вазири А. АРИПОВ
Тошкент ш.,
2019 йил 29 май,
441-сон
Oʻzbekiston Respublikasi Vazirlar Mahkamasining
qarori
TUZILMASI
ROʻYXATI
“Amudaryo sohili” sport-sogʻlomlashtirish markazi maydonlarini koʻkalamzorlashtirish, obodonlashtirish va saqlash departamentini tashkil etish toʻgʻrisida
Termiz shahrining markaziy maydonlarini obodonlashtirish ishlarini tashkil etish va boshqarishni yanada takomillashtirish, “Amudaryo sohili” sport-sogʻlomlashtirish markazi maydonlarining namunali saqlanishini taʼminlash maqsadida Vazirlar Mahkamasi qaror qiladi:
1. Surxondaryo viloyati hokimligining Termiz shahar hokimligi huzurida “Amudaryo sohili” sport-sogʻlomlashtirish markazi maydonlarini koʻkalamzorlashtirish, obodonlashtirish va saqlash departamentini (keyingi oʻrinlarda Departament deb ataladi) tashkil etish toʻgʻrisidagi taklifi qabul qilinsin.
2. Quyidagilar Departamentning asosiy vazifalari etib belgilansin:
“Amudaryo sohili” sport-sogʻlomlashtirish markazi hamda ushbu obyektlarga tutashgan maydonlar va hududlarning namunali saqlanishini taʼminlash, obodonlashtirish obyektlaridan foydalanish ishlarini shaharsozlik, sanitariya norma va qoidalariga muvofiq oʻz vaqtida va sifatli bajarilishini tashkil etish;
mukammal va joriy taʼmirlash ishlarining oʻz vaqtida va sifatli bajarilishini taʼminlash, shuningdek, sunʼiy sugʻorish tizimlari, nasos stansiyalari, quduqlar, qattiq qoplamalar, yoʻllar va yoʻlaklar, koʻchalarni yoritish vositalari va favvoralarning sanitariya va texnik jihatdan zarur holatda boʻlishini taʼminlash;
dov-daraxtlarni saqlash va parvarish qilish, ularning zararkunandalari va kasalliklariga qarshi kurashish, hududni yanada koʻkalamzorlashtirish agrotexnik tadbirlarni amalga oshirish;
obodonlashtirish obyektlarini saqlash va rivojlantirish, ularning sanitariya jihatidan tozalanishini taʼminlash.
3. Quyidagilar:
Termiz shahar hokimligi huzuridagi “Amudaryo sohili” sport-sogʻlomlashtirish markazi maydonlarini koʻkalamzorlashtirish, obodonlashtirish va saqlash departamentining tuzilmasi 1-ilovaga muvofiq;
2020-yilda Termiz shahar hokimligi huzuridagi “Amudaryo sohili” sport-sogʻlomlashtirish markazi maydonlarini koʻkalamzorlashtirish, obodonlashtirish va saqlash departamentiga biriktirilgan hududlarni tozalash hamda obodonlashtirish uchun xarid qilinadigan maxsus avtotransport vositalari va asbob-uskunalar roʻyxati 2-ilovaga muvofiq tasdiqlansin.
4. Belgilansinki, yangi tashkil etilayotgan Departamentni saqlash va foydalanish xarajatlarini moliyalashtirish quyidagilar hisobiga amalga oshiriladi:
har yili Surxondaryo viloyatining viloyat budjeti parametrlarida obodonlashtirish uchun nazarda tutiladigan mablagʻlar doirasida, obodonlashtirish obyektlarini saqlash va ulardan foydalanishga maqsadli yoʻnaltirilgan mablagʻlar;
jismoniy va yuridik shaxslarning homiylik xayriyalari;
qonunchilik hujjatlarida taqiqlanmagan boshqa manbalar.
5. Departament xodimlariga Vazirlar Mahkamasining “Obodonlashtirish xodimlarini moddiy ragʻbatlantirishni kuchaytirish chora-tadbirlari toʻgʻrisida” 2009-yil 1-apreldagi 91-son qarori bilan tasdiqlangan Shahar va tuman obodonlashtirish boshqarmalari xodimlari mehnatiga haq toʻlash va ularni moddiy ragʻbatlantirish tartibi toʻgʻrisidagi nizomda nazarda tutilgan mehnatga haq toʻlash va moddiy ragʻbatlantirish tartibi tatbiq etiladi.
6. Surxondaryo viloyati hokimligi bir oy muddatda:
Termiz shahar hokimligi huzuridagi “Amudaryo sohili” sport-sogʻlomlashtirish markazi maydonlarini koʻkalamzorlashtirish, obodonlashtirish va saqlash departamenti toʻgʻrisidagi nizomni belgilangan tartibda tasdiqlasin;
“Amudaryo sohili” sport-sogʻlomlashtirish markazi hududida joylashgan ignabargli va manzarali oʻsimliklar qimmatli turlarini, koʻchalarni yoritish obyektlarini, favvoralarni va boshqa obodonlashtirish obyektlarini xatlovdan oʻtkazsin hamda xatlov natijalari boʻyicha obodonlashtirish obyektlarini kelgusida foydalanish uchun Departamentga belgilangan tartibda ajratib bersin;
Departamentni malakali muhandis-texnik xodimlar va ishlab chiqarish xodimlari bilan taʼminlasin.
7. Surxondaryo viloyati hokimligi doimiy ravishda:
Termiz shahrini obodonlashtirish boʻyicha amalga oshiriladigan ishlarga ajratiladigan budjet mablagʻlaridan samarali va maqsadli foydalanilishi yuzasidan amaliy monitoring olib borsin;
obodonlashtirish ishlarini shaharsozlik hamda sanitariya normalari va qoidalariga muvofiq Termiz shahri va uning tashqi qiyofasiga qoʻyiladigan zamonaviy talablarni hisobga olgan holda tashkil etsin va amalga oshirsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Surxondaryo viloyati hokimi T.A. Bobolov zimmasiga yuklansin.
Vazirlar Mahkamasining 2019-yil 29-maydagi 441-son qaroriga 1-ILOVA
Termiz shahar hokimligi huzuridagi “Amudaryo sohili” sport-sogʻlomlashtirish markazi maydonlarini koʻkalamzorlashtirish, obodonlashtirish va saqlash departamentining
Direktor Yuriskonsult Direktor oʻrinbosari — bosh muhandis Kadrlar boʻyicha mutaxassis Xavfsizlik texnikasi boʻyicha mutaxassis Buxgalteriya va iqtisod boʻyicha mutaxassis ( Yordamchi xodimlar 5 Ishlab chiqarish xodimlari *
Vazirlar Mahkamasining 2019-yil 29-maydagi 441-son qaroriga 2-ILOVA
2020-yilda Termiz shahar hokimligi huzuridagi “Amudaryo sohili” sport-sogʻlomlashtirish markazi maydonlarini koʻkalamzorlashtirish, obodonlashtirish va saqlash departamentiga biriktirilgan hududlarni tozalash hamda obodonlashtirish uchun xarid qilinadigan maxsus avtotransport vositalari va asbob-uskunalar
T/r Texnikaning nomi Talab etiladigan texnika soni (ta) 1. Sugʻorish-yuvish mashinasi 1 2. “Isuzu” samosvali 1 3. “Isuzu” teleskopik minora 1 4. WA N damasi 1 5. Maysa oʻrish mashinasi 10 Jami 14
Oʻzbekiston Respublikasining Bosh vaziri A. ARIPOV
Toshkent sh.,
2019-yil 29-may,
441-son