📅 2019-yil 7-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 июня 2019 г. · Постановления Президента
Официальный текст. Официальный документ. Редакционные примечания не включены.
📅 7 June 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
таркиби
Таркиби
Тошкент шаҳрида «Д.И. Менделеев номидаги Россия кимё-технология университети» Федерал давлат бюджети олий таълим муассасаси филиалини ташкил этиш тўғрисида
Республика иқтисодиётининг саноат тармоқлари учун малакали кадрлар тайёрлашни янада такомиллаштириш, олий таълим соҳасидаги халқаро ҳамкорликни кенгайтириш, шунингдек, 2018-2019 йилларда Ўзбекистон Республикаси ва Россия Федерацияси ўртасида сиёсий, савдо-иқтисодий, инвестициявий, транспорт-коммуникациявий ва маданий-гуманитар ҳамкорликни янада кенгайтириш бўйича келишувларни амалга ошириш юзасидан амалий тадбирлар режаси («Йўл харитаси»)ни ижро этиш мақсадида:
1. Ўзбекистон Республикаси Олий ва ўрта махсус таълим вазирлиги, «Ўзкимёсаноат» АЖ ва «Д.И. Менделеев номидаги Россия кимё-технология университети» Федерал давлат бюджети олий таълим муассасасининг (Россия Федерацияси) (кейинги ўринларда — Университет) Тошкент шаҳрида «Д.И. Менделеев номидаги Россия кимё-технология университети» Федерал давлат бюджети олий таълим муассасаси филиалини ташкил этиш тўғрисидаги таклифига розилик берилсин (кейинги ўринларда — Филиал).
2. Қуйидагилар Филиал фаолиятининг асосий йўналишлари этиб белгилансин:
республиканинг саноат тармоқларидаги муҳим илмий-технологик вазифаларни ҳал этишга қодир бўлган юқори малакали муҳандис-техник кадрларни халқаро таълим стандартларига мувофиқ тайёрлаш;
наноматериаллар кимёвий технологияси, материалшунослик ва материалларни коррозиядан сақлаш, материалларга бадиий ишлов бериш технологияси ва саноат ишлаб чиқаришининг бошқа соҳаларида фундаментал ва амалий илмий тадқиқотлар олиб бориш;
таълим ҳамда илм-фаннинг узлуксизлиги ва изчиллиги, шунингдек, уларни жаҳон таълими ва илм-фани ҳамжамиятига интеграция қилиш ҳисобига мутахассислар ва илмий-педагогик кадрларни тайёрлаш, қайта тайёрлаш ва малакасини ошириш;
муҳандис-техник ва илмий кадрлар тайёрлаш тизимини такомиллаштириш ва модернизация қилишга йўналтирилган янги таълим дастурлари ҳамда ўқитиш шаклларини ишлаб чиқиш ва татбиқ этиш;
таълим, илм-фан ва ишлаб чиқаришнинг яқин интеграциялашуви учун шарт-шароитлар яратиш;
илмий-педагогик салоҳиятнинг ривожланишини қўллаб-қувватлаш, педагогик технологиялар ва ўқитиш усулларини фаол такомиллаштириш;
таълим ҳамда илмий-техникавий соҳаларда хорижий мамлакатларнинг етакчи таълим муассасалари, илмий-тадқиқот марказлари ва бизнес ҳамжамияти билан узоқ муддатли муносабатларни ривожлантириш ва мустаҳкамлаш.
3. Белгилансинки:
Филиал Университетнинг алоҳида таркибий бўлинмаси — олий таълим муассасаси ҳисобланади;
Филиал, Университет билан келишган ҳолда, таълимнинг бакалавриат йўналишлари ва магистратура мутахассисликларининг кадрларга бўлган эҳтиёжини ҳисобга олиб, барча даражалардаги мутахассисларни тайёрлаш, қайта тайёрлаш, малакасини ошириш, шу жумладан илмий-педагог кадрларни тайёрлаш ишларини амалга оширади;
Филиалда ўқитиш рус тилида, Россия Федерациясининг федерал таълим стандартларига мувофиқ Ўзбекистон Республикаси Олий таълим, фан ва инновациялар вазирлиги билан келишилган ҳолда Университет томонидан тасдиқланган ўқув режалари ва дастурлар асосида амалга оширилади;
Филиалнинг таълим фаолияти 2019/2020 ўқув йилидан бошланади;
Филиалга абитуриентларни қабул қилиш, таълим фаолияти ва Филиал битирувчиларини аттестациядан ўтказиш Ўзбекистон Республикаси Олий таълим, фан ва инновациялар вазирлиги билан келишилган ҳолда Университет томонидан белгиланадиган талаб, тартиб ва муддатларга мувофиқ амалга оширилади;
Филиал битирувчиларига ўқишни битирганларидан сўнг Ўзбекистон Республикасида олий таълим тўғрисидаги ҳужжат сифатида тан олинадиган белгиланган намунадаги диплом берилади.
4. Маълумот учун қабул қилинсинки:
а) Университет қуйидагиларни таъминлашда кўмаклашади:
ўқув жараёнига илғор педагогик ва ахборот технологиялари, фан ва техниканинг энг янги ютуқларини жорий этиш;
Филиал мутахассисларининг малакасини ошириш ва профессор-ўқитувчилар таркибини қайта тайёрлаш;
Филиал кутубхона фондини шакллантириш ҳамда уни замонавий ўқув, ўқув-услубий ва илмий-техникавий адабиётлар билан тўлдириш;
б) Тошкент кимё-технология институти Филиалнинг академик ҳамкори ҳисобланади ва у:
Филиалнинг профессор-ўқитувчилари таркибини шакллантиришга кўмаклашади;
илмий-методик ёрдам кўрсатади ва лаборатория ва илмий-тадқиқот ишларини бажариш учун лаборатория хоналари, ўқув адабиётлари ва ускуналарни беғараз асосда тақдим этади.
5. Қуйидагилар:
Тошкент шаҳридаги «Д.И. Менделеев номидаги Россия кимё-технология университети» Федерал давлат бюджети олий таълим муассасаси филиалида кадрлар тайёрлаш бўйича бакалавриат таълимининг асосий йўналишлари ва магистратура мутахассисликлари 1-иловага мувофиқ;
Тошкент шаҳридаги «Д.И. Менделеев номидаги Россия кимё-технология университети» Федерал давлат бюджети олий таълим муассасаси филиалининг Васийлик кенгаши таркиби (кейинги ўринларда — Васийлик кенгаши) 2-иловага мувофиқ;
Тошкент шаҳридаги «Д.И. Менделеев номидаги Россия кимё-технология университети» Федерал давлат бюджети олий таълим муассасаси филиалини ташкил этиш бўйича Ташкилий комиссия таркиби 3-иловага мувофиқ маъқуллансин.
6. Ташкилий комиссия:
2019 йил 1 августга қадар Филиални жойлаштириш бўйича бино ва иншоотлардаги зарур таъмирлаш ва жиҳозлаш ишларини амалга оширсин, шунингдек, Филиал талабалари ва ўқитувчилари яшаши учун ётоқхона тайёрласин;
2019 йил 25 августга қадар Филиални жойлаштириш ҳамда уни зарур мебель, инвентарь, замонавий ўқув ва лаборатория ускуналари, кутубхона фонди, компьютер ва бошқа оргтехника билан таъминлансин.
7. Белгилаб қўйилсинки:
а) Филиалга қабул квоталари манфаатдор вазирлик ва идораларнинг тегишли кадрларга бўлган эҳтиёжини ҳисобга олиб, Университет ҳамда Ўзбекистон Республикаси Олий таълим, фан ва инновациялар вазирлиги билан келишилган ҳолда, Филиал Васийлик кенгашининг қарори билан тасдиқланади;
давлат гранти асосида таълим олган Филиал битирувчилари республика ташкилотларига беш йилдан кам бўлмаган муддатга мажбурий ишлаб бериш шарти билан ишга тақсимланади;
б) Филиал фаолиятини молиялаштириш:
талабаларни давлат грантлари бўйича ўқитиш учун Ўзбекистон Республикаси Олий таълим, фан ва инновациялар вазирлигига ажратиладиган Ўзбекистон Республикаси Давлат бюджети маблағлари ҳисобидан, бироқ Филиалга ўқишга қабул қилинадиган талабалар умумий сонининг 40 фоизидан ортиқ бўлмаган миқдорда;
талабаларни тўлов-контракт асосида ўқитишдан тушадиган маблағлар;
Васийлик кенгаши қарорлари асосида шакллантириладиган пул маблағлари, юридик ва жисмоний шахсларнинг ҳомийлик хайриялари ҳамда мақсадли бадаллари;
халқаро молия институтлари грантлари;
қонун ҳужжатларида тақиқланмаган бошқа манбалар ҳисобидан амалга оширилади.
8. Филиал Тошкент шаҳри, Мирзо Улуғбек тумани, ТТЗ-1 мавзеси, 47-уйда жойлашган Мирзо Улуғбек саноат касб-ҳунар коллежи биносига бепул фойдаланиш ҳуқуқи асосида жойлаштирилсин.
Белгилаб қўйилсинки, Мирзо Улуғбек саноат касб-ҳунар коллежи ўқувчилари ўқув жараёнини Мирзо Улуғбек саноат касб-ҳунар коллежи биносида ўқишлари битгунга қадар давом эттирадилар.
9. «Ўзкимёсаноат» АЖ корхоналарининг уларнинг маблағлари ҳисобидан Филиални ташкил этиш, унинг моддий-техника ва ўқув базасини шакллантириш билан боғлиқ ташкилий тадбирларни, шу жумладан бино ва иншоотларини реконструкция қилиш, капитал таъмирлаш, зарур мебель, инвентарь, замонавий ўқув ва лаборатория ускуналари, компьютер ва бошқа оргтехника, кутубхона фонди билан таъминлаш ишларини молиялаштириш тўғрисидаги таклифи маъқуллансин.
10. Белгилаб қўйилсинки, Филиалга Университетдан жалб қилинадиган профессор ва ўқитувчиларнинг хизмат сафари харажатлари ўқув жараёнининг эҳтиёжларидан келиб чиқиб, тузилган шартномаларга мувофиқ амалга оширилади.
11. Филиалга ўқитувчилик ва илмий фаолият олиб бориш учун таклиф этиладиган хорижлик профессор-ўқитувчиларнинг яшаш ҳамда транспорт харажатларини тузиладиган шартномалар асосида, Ўзбекистон Республикаси фуқаролари учун белгиланган тарифларда тўлашга рухсат берилсин.
12. Белгилансинки, Филиал таъминоти учун бюджет ажратмалари 2019 йилда Ўзбекистон Республикаси Давлат бюджетининг ижтимоий соҳа бўйича тасдиқланган харажатлар параметрлари доирасида ажратилади, 2020 йилдан бошлаб эса мазкур соҳанинг йиллик харажатлар параметрларида назарда тутилади.
13. Ўзбекистон Республикаси Олий ва ўрта махсус таълим вазирлиги, Университет ва «Ўзкимёсаноат» АЖ билан ҳамкорликда:
икки ой муддатда таъсис ҳужжатлари ишлаб чиқилиши ва келишилиши, Филиалнинг белгиланган тартибда давлат рўйхатидан ўтказилиши ва унинг ташкилий тузилмаси тасдиқланиши;
2019 йил 1 августга қадар Филиалнинг танлов асосида малакали профессор-ўқитувчилар таркиби билан тўлдирилишини таъминласин.
14. Филиалга иккита енгил автотранспорт, жумладан битта хизмат ва битта навбатчи автотранспорт воситасини сақлашга лимит ажратилсин.
15. Ўзбекистон Республикаси Ташқи ишлар вазирлиги Олий таълим, фан ва инновациялар вазирлиги ҳамда Филиал буюртманомаларига биноан мазкур қарорни амалга ошириш доирасида жалб қилинадиган хорижий профессор-ўқитувчилар таркиби ва маъмурий ходимлар ҳамда уларнинг оила аъзолари учун кириш визалари консуллик ҳамда бошқа йиғимлар ундирилмасдан, белгиланган тартибда расмийлаштирилишини таъминласин.
16. Ўзбекистон Республикаси Ички ишлар вазирлиги Олий таълим, фан ва инновациялар вазирлиги ҳамда Филиал буюртманомаларига биноан мазкур қарорни амалга ошириш доирасида жалб қилинадиган хорижий профессор-ўқитувчилар таркиби ва маъмурий ходимлар ҳамда уларнинг оила аъзолари учун давлат божи ундирилмасдан белгиланган тартибда кўп марталик визалар берилиши ва узайтирилишини, шунингдек, уларнинг яшаш манзиллари бўйича вақтинчалик рўйхатдан ўтказилиши ҳамда унинг муддати узайтирилишини таъминласин.
17. Ўзбекистон Республикаси Камбағалликни қисқартириш ва бандлик вазирлиги Олий таълим, фан ва инновациялар вазирлиги ҳамда Филиал буюртманомаларига биноан чет эл фуқароларига Ўзбекистон Республикаси ҳудудида меҳнат фаолиятини олиб бориш учун тасдиқномалар берилишини (муддати узайтирилишини) таъминласин.
18. 2022 йил 1 июнга қадар Филиал фаолиятини таъминлаш ва уни жиҳозлаш учун белгиланган тартибда шакллантириладиган рўйхатлар бўйича олиб келинадиган, Ўзбекистон Республикасида ишлаб чиқарилмайдиган ўқув ва илмий лаборатория жиҳозлари, компьютер техникаси, дастурий маҳсулотлар, ўқув ва илмий-методик адабиёт, инвентарь ва моддий-техник ресурслар божхона тўловларидан (божхона йиғимларидан ташқари) озод этилсин.
19. Олий ва ўрта махсус таълим вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
20. Мазкур қарорнинг ижросини назорат қилиш Ўзбекистон Республикаси Президенти маслаҳатчиси А.А. Абдувахитов ва Ўзбекистон Республикаси Бош вазирининг ўринбосари А.А. Абдуҳакимов зиммасига юклансин.
Ўзбекистон Республикаси Президентининг 2019 йил 7 июндаги ПҚ-4352-сон қарорига 1-ИЛОВА
Тошкент шаҳридаги «Д.И. Менделеев номидаги Россия кимё-технология университети» Федерал давлат бюджети олий таълим муассасаси филиалида кадрлар тайёрлаш бўйича бакалавриат таълимининг асосий йўналишлари ва магистратура мутахассисликлари
Бакалавриат таълим йўналишлари
1. Материалшунослик, наноматериаллар ва нанотизимлар технологиялари
2. Материалларга бадиий ишлов бериш технологияси;
3. Синтетик биологик фаол моддалар, кимё-фармацевтика препаратлари ва пардоз воситалари технологияси;
4. Технологик жараён ва ишлаб чиқариш хавфсизлиги.
Магистратура мутахассисликлари:
1. Материалшунослик ва материалларни коррозиядан сақлаш;
2. Наноматериаллар кимёвий технологияси.
Ўзбекистон Республикаси Президентининг 2019 йил 7 июндаги ПҚ-4352-сон қарорига 2-ИЛОВА
Тошкент шаҳридаги «Д.И. Менделеев номидаги Россия кимё-технология университети» Федерал давлат бюджети олий таълим муассасаси филиалининг Васийлик кенгаши
1. О.Ш. Темиров — «Ўзкимёсаноат» АЖ бошқаруви раиси, Васийлик кенгаши раиси 2. И.У. Мажидов — Ўзбекистон Республикаси олий ва ўрта махсус таълим вазири, Васийлик кенгаши раисининг ўринбосари 3. А.Х. Камилов — Ўзбекистон Республикаси ташқи ишлар вазири 4. Б.Б. Ашрафхонов — Ўзбекистон Республикаси молия вазирининг ўринбосари 5. Б.Ш. Усмонов — Ўзбекистон Республикаси иқтисодиёт ва саноат вазирининг ўринбосари 6. Б.К. Зарипов — «Ўзсаноатқурилишматериаллари» уюшмаси раиси 7. У.Х. Сайидов — «Ўзбекнефтгаз» АЖ бошқаруви раисининг биринчи ўринбосари 8. А.Г. Мажуга — «Д.И.Менделеев номидаги Россия кимё-технология университети» Федерал давлат бюджети олий таълим муассасаси ректори (келишилган ҳолда) 9. Лавозимига кўра — Тошкент шаҳридаги «Д.И. Менделеев номидаги Россия кимё-технология университети» Федерал давлат бюджети олий таълим муассасасифилиали раҳбари 10. Ш.Ч. Асланов — «Шўртангазкимё мажмуаси» МЧЖ директори 11. У.Т. Исроилов — «Uz-KorGasChemica» МЧЖ қўшма корхонаси бошқаруви раиси 12. Ш.А. Муталов — Тошкент кимё-технология институти ректори
Ўзбекистон Республикаси Президентининг 2019 йил 7 июндаги ПҚ-4352-сон қарорига 3-ИЛОВА
Тошкент шаҳридаги «Д.И.Менделеев номидаги Россия кимё-технология университети» Федерал давлат бюджети олий таълим муассасаси филиалини ташкил этиш бўйича Ташкилий комиссия
1. И.У. Мажидов — Ўзбекистон Республикаси олий ва ўрта махсус таълим вазири, Ташкилий комиссия раиси 2. Б.Ш. Усмонов — Ўзбекистон Республикаси иқтисодиёт ва саноат вазири ўринбосари, Ташкилий комиссия раиси ўринбосари 3. И.Т. Неъматов — Ўзбекистон Республикаси ташқи ишлар вазирининг биринчи ўринбосари 4. Ш.М. Садиков — Ўзбекистон Республикаси ахборот технологиялари ва коммуникацияларини ривожлантириш вазири 5. Лавозими бўйича — Ўзбекистон Республикаси қурилиш вазири 6. М.Б. Азимов — Ўзбекистон Республикаси Давлат божхона қўмитаси раиси 7. О.Ш. Темиров — «Ўзкимёсаноат» АЖ бошқаруви раис 8. У.Х. Саидов — «Ўзбекнефтгаз» АЖ бошқаруви раисининг биринчи ўринбосари 9. Ж.А. Ортиқхўжаев — Тошкент шаҳар ҳокими 10. Лавозимига кўра — «Д.И.Менделеев номидаги Россия кимё-технология университети» Федерал давлат бюджети олий таълим муассасасифилиали (келишилган ҳолда) 11. Ш.Ч. Асланов — «Шўртангазкимё мажмуаси» МЧЖ директори 12. У.Т. Исроилов — «Uz-KorGasChemica» МЧЖ қўшма корхонаси бошқаруви раиси 13. Ш.А. Муталов — Тошкент кимё-технология институти ректори
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 июнь,
ПҚ-4352-сон
Oʻzbekiston Respublikasi Prezidentining
Qarori
tarkibi
Tarkibi
Toshkent shahrida “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi filialini tashkil etish toʻgʻrisida
Respublika iqtisodiyotining sanoat tarmoqlari uchun malakali kadrlar tayyorlashni yanada takomillashtirish, oliy taʼlim sohasidagi xalqaro hamkorlikni kengaytirish, shuningdek, 2018-2019-yillarda Oʻzbekiston Respublikasi va Rossiya Federatsiyasi oʻrtasida siyosiy, savdo-iqtisodiy, investitsiyaviy, transport-kommunikatsiyaviy va madaniy-gumanitar hamkorlikni yanada kengaytirish boʻyicha kelishuvlarni amalga oshirish yuzasidan amaliy tadbirlar rejasi (“Yoʻl xaritasi”)ni ijro etish maqsadida:
1. Oʻzbekiston Respublikasi Oliy va oʻrta maxsus taʼlim vazirligi, “Oʻzkimyosanoat” AJ va “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasining (Rossiya Federatsiyasi) (keyingi oʻrinlarda — Universitet) Toshkent shahrida “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi filialini tashkil etish toʻgʻrisidagi taklifiga rozilik berilsin (keyingi oʻrinlarda — Filial).
2. Quyidagilar Filial faoliyatining asosiy yoʻnalishlari etib belgilansin:
respublikaning sanoat tarmoqlaridagi muhim ilmiy-texnologik vazifalarni hal etishga qodir boʻlgan yuqori malakali muhandis-texnik kadrlarni xalqaro taʼlim standartlariga muvofiq tayyorlash;
nanomateriallar kimyoviy texnologiyasi, materialshunoslik va materiallarni korroziyadan saqlash, materiallarga badiiy ishlov berish texnologiyasi va sanoat ishlab chiqarishining boshqa sohalarida fundamental va amaliy ilmiy tadqiqotlar olib borish;
taʼlim hamda ilm-fanning uzluksizligi va izchilligi, shuningdek, ularni jahon taʼlimi va ilm-fani hamjamiyatiga integratsiya qilish hisobiga mutaxassislar va ilmiy-pedagogik kadrlarni tayyorlash, qayta tayyorlash va malakasini oshirish;
muhandis-texnik va ilmiy kadrlar tayyorlash tizimini takomillashtirish va modernizatsiya qilishga yoʻnaltirilgan yangi taʼlim dasturlari hamda oʻqitish shakllarini ishlab chiqish va tatbiq etish;
taʼlim, ilm-fan va ishlab chiqarishning yaqin integratsiyalashuvi uchun shart-sharoitlar yaratish;
ilmiy-pedagogik salohiyatning rivojlanishini qoʻllab-quvvatlash, pedagogik texnologiyalar va oʻqitish usullarini faol takomillashtirish;
taʼlim hamda ilmiy-texnikaviy sohalarda xorijiy mamlakatlarning yetakchi taʼlim muassasalari, ilmiy-tadqiqot markazlari va biznes hamjamiyati bilan uzoq muddatli munosabatlarni rivojlantirish va mustahkamlash.
3. Belgilansinki:
Filial Universitetning alohida tarkibiy boʻlinmasi — oliy taʼlim muassasasi hisoblanadi;
Filial, Universitet bilan kelishgan holda, taʼlimning bakalavriat yoʻnalishlari va magistratura mutaxassisliklarining kadrlarga boʻlgan ehtiyojini hisobga olib, barcha darajalardagi mutaxassislarni tayyorlash, qayta tayyorlash, malakasini oshirish, shu jumladan ilmiy-pedagog kadrlarni tayyorlash ishlarini amalga oshiradi;
Filialda oʻqitish rus tilida, Rossiya Federatsiyasining federal taʼlim standartlariga muvofiq Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Universitet tomonidan tasdiqlangan oʻquv rejalari va dasturlar asosida amalga oshiriladi;
Filialning taʼlim faoliyati 2019/2020 oʻquv yilidan boshlanadi;
Filialga abituriyentlarni qabul qilish, taʼlim faoliyati va Filial bitiruvchilarini attestatsiyadan oʻtkazish Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Universitet tomonidan belgilanadigan talab, tartib va muddatlarga muvofiq amalga oshiriladi;
Filial bitiruvchilariga oʻqishni bitirganlaridan soʻng Oʻzbekiston Respublikasida oliy taʼlim toʻgʻrisidagi hujjat sifatida tan olinadigan belgilangan namunadagi diplom beriladi.
4. Maʼlumot uchun qabul qilinsinki:
a) Universitet quyidagilarni taʼminlashda koʻmaklashadi:
oʻquv jarayoniga ilgʻor pedagogik va axborot texnologiyalari, fan va texnikaning eng yangi yutuqlarini joriy etish;
Filial mutaxassislarining malakasini oshirish va professor-oʻqituvchilar tarkibini qayta tayyorlash;
Filial kutubxona fondini shakllantirish hamda uni zamonaviy oʻquv, oʻquv-uslubiy va ilmiy-texnikaviy adabiyotlar bilan toʻldirish;
b) Toshkent kimyo-texnologiya instituti Filialning akademik hamkori hisoblanadi va u:
Filialning professor-oʻqituvchilari tarkibini shakllantirishga koʻmaklashadi;
ilmiy-metodik yordam koʻrsatadi va laboratoriya va ilmiy-tadqiqot ishlarini bajarish uchun laboratoriya xonalari, oʻquv adabiyotlari va uskunalarni begʻaraz asosda taqdim etadi.
5. Quyidagilar:
Toshkent shahridagi “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi filialida kadrlar tayyorlash boʻyicha bakalavriat taʼlimining asosiy yoʻnalishlari va magistratura mutaxassisliklari 1-ilovaga muvofiq;
Toshkent shahridagi “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi filialining Vasiylik kengashi tarkibi (keyingi oʻrinlarda — Vasiylik kengashi) 2-ilovaga muvofiq;
Toshkent shahridagi “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi filialini tashkil etish boʻyicha Tashkiliy komissiya tarkibi 3-ilovaga muvofiq maʼqullansin.
6. Tashkiliy komissiya:
2019-yil 1-avgustga qadar Filialni joylashtirish boʻyicha bino va inshootlardagi zarur taʼmirlash va jihozlash ishlarini amalga oshirsin, shuningdek, Filial talabalari va oʻqituvchilari yashashi uchun yotoqxona tayyorlasin;
2019-yil 25-avgustga qadar Filialni joylashtirish hamda uni zarur mebel, inventar, zamonaviy oʻquv va laboratoriya uskunalari, kutubxona fondi, kompyuter va boshqa orgtexnika bilan taʼminlansin.
7. Belgilab qoʻyilsinki:
a) Filialga qabul kvotalari manfaatdor vazirlik va idoralarning tegishli kadrlarga boʻlgan ehtiyojini hisobga olib, Universitet hamda Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda, Filial Vasiylik kengashining qarori bilan tasdiqlanadi;
davlat granti asosida taʼlim olgan Filial bitiruvchilari respublika tashkilotlariga besh yildan kam boʻlmagan muddatga majburiy ishlab berish sharti bilan ishga taqsimlanadi;
b) Filial faoliyatini moliyalashtirish:
talabalarni davlat grantlari boʻyicha oʻqitish uchun Oʻzbekiston Respublikasi Oliy taʼlim, fan va innovatsiyalar vazirligiga ajratiladigan Oʻzbekiston Respublikasi Davlat budjeti mablagʻlari hisobidan, biroq Filialga oʻqishga qabul qilinadigan talabalar umumiy sonining 40 foizidan ortiq boʻlmagan miqdorda;
talabalarni toʻlov-kontrakt asosida oʻqitishdan tushadigan mablagʻlar;
Vasiylik kengashi qarorlari asosida shakllantiriladigan pul mablagʻlari, yuridik va jismoniy shaxslarning homiylik xayriyalari hamda maqsadli badallari;
xalqaro moliya institutlari grantlari;
qonun hujjatlarida taqiqlanmagan boshqa manbalar hisobidan amalga oshiriladi.
8. Filial Toshkent shahri, Mirzo Ulugʻbek tumani, TTZ-1 mavzesi, 47-uyda joylashgan Mirzo Ulugʻbek sanoat kasb-hunar kolleji binosiga bepul foydalanish huquqi asosida joylashtirilsin.
Belgilab qoʻyilsinki, Mirzo Ulugʻbek sanoat kasb-hunar kolleji oʻquvchilari oʻquv jarayonini Mirzo Ulugʻbek sanoat kasb-hunar kolleji binosida oʻqishlari bitgunga qadar davom ettiradilar.
9. “Oʻzkimyosanoat” AJ korxonalarining ularning mablagʻlari hisobidan Filialni tashkil etish, uning moddiy-texnika va oʻquv bazasini shakllantirish bilan bogʻliq tashkiliy tadbirlarni, shu jumladan bino va inshootlarini rekonstruksiya qilish, kapital taʼmirlash, zarur mebel, inventar, zamonaviy oʻquv va laboratoriya uskunalari, kompyuter va boshqa orgtexnika, kutubxona fondi bilan taʼminlash ishlarini moliyalashtirish toʻgʻrisidagi taklifi maʼqullansin.
10. Belgilab qoʻyilsinki, Filialga Universitetdan jalb qilinadigan professor va oʻqituvchilarning xizmat safari xarajatlari oʻquv jarayonining ehtiyojlaridan kelib chiqib, tuzilgan shartnomalarga muvofiq amalga oshiriladi.
11. Filialga oʻqituvchilik va ilmiy faoliyat olib borish uchun taklif etiladigan xorijlik professor-oʻqituvchilarning yashash hamda transport xarajatlarini tuziladigan shartnomalar asosida, Oʻzbekiston Respublikasi fuqarolari uchun belgilangan tariflarda toʻlashga ruxsat berilsin.
12. Belgilansinki, Filial taʼminoti uchun budjet ajratmalari 2019-yilda Oʻzbekiston Respublikasi Davlat budjetining ijtimoiy soha boʻyicha tasdiqlangan xarajatlar parametrlari doirasida ajratiladi, 2020-yildan boshlab esa mazkur sohaning yillik xarajatlar parametrlarida nazarda tutiladi.
13. Oʻzbekiston Respublikasi Oliy va oʻrta maxsus taʼlim vazirligi, Universitet va “Oʻzkimyosanoat” AJ bilan hamkorlikda:
ikki oy muddatda taʼsis hujjatlari ishlab chiqilishi va kelishilishi, Filialning belgilangan tartibda davlat roʻyxatidan oʻtkazilishi va uning tashkiliy tuzilmasi tasdiqlanishi;
2019-yil 1-avgustga qadar Filialning tanlov asosida malakali professor-oʻqituvchilar tarkibi bilan toʻldirilishini taʼminlasin.
14. Filialga ikkita yengil avtotransport, jumladan bitta xizmat va bitta navbatchi avtotransport vositasini saqlashga limit ajratilsin.
15. Oʻzbekiston Respublikasi Tashqi ishlar vazirligi Oliy taʼlim, fan va innovatsiyalar vazirligi hamda Filial buyurtmanomalariga binoan mazkur qarorni amalga oshirish doirasida jalb qilinadigan xorijiy professor-oʻqituvchilar tarkibi va maʼmuriy xodimlar hamda ularning oila aʼzolari uchun kirish vizalari konsullik hamda boshqa yigʻimlar undirilmasdan, belgilangan tartibda rasmiylashtirilishini taʼminlasin.
16. Oʻzbekiston Respublikasi Ichki ishlar vazirligi Oliy taʼlim, fan va innovatsiyalar vazirligi hamda Filial buyurtmanomalariga binoan mazkur qarorni amalga oshirish doirasida jalb qilinadigan xorijiy professor-oʻqituvchilar tarkibi va maʼmuriy xodimlar hamda ularning oila aʼzolari uchun davlat boji undirilmasdan belgilangan tartibda koʻp martalik vizalar berilishi va uzaytirilishini, shuningdek, ularning yashash manzillari boʻyicha vaqtinchalik roʻyxatdan oʻtkazilishi hamda uning muddati uzaytirilishini taʼminlasin.
17. Oʻzbekiston Respublikasi Kambagʻallikni qisqartirish va bandlik vazirligi Oliy taʼlim, fan va innovatsiyalar vazirligi hamda Filial buyurtmanomalariga binoan chet el fuqarolariga Oʻzbekiston Respublikasi hududida mehnat faoliyatini olib borish uchun tasdiqnomalar berilishini (muddati uzaytirilishini) taʼminlasin.
18. 2022-yil 1-iyunga qadar Filial faoliyatini taʼminlash va uni jihozlash uchun belgilangan tartibda shakllantiriladigan roʻyxatlar boʻyicha olib kelinadigan, Oʻzbekiston Respublikasida ishlab chiqarilmaydigan oʻquv va ilmiy laboratoriya jihozlari, kompyuter texnikasi, dasturiy mahsulotlar, oʻquv va ilmiy-metodik adabiyot, inventar va moddiy-texnik resurslar bojxona toʻlovlaridan (bojxona yigʻimlaridan tashqari) ozod etilsin.
19. Oliy va oʻrta maxsus taʼlim vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
20. Mazkur qarorning ijrosini nazorat qilish Oʻzbekiston Respublikasi Prezidenti maslahatchisi A.A. Abduvaxitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidentining 2019-yil 7-iyundagi PQ-4352-son qaroriga 1-ILOVA
Toshkent shahridagi “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi filialida kadrlar tayyorlash boʻyicha bakalavriat taʼlimining asosiy yoʻnalishlari va magistratura mutaxassisliklari
Bakalavriat taʼlim yoʻnalishlari
1. Materialshunoslik, nanomateriallar va nanotizimlar texnologiyalari
2. Materiallarga badiiy ishlov berish texnologiyasi;
3. Sintetik biologik faol moddalar, kimyo-farmatsevtika preparatlari va pardoz vositalari texnologiyasi;
4. Texnologik jarayon va ishlab chiqarish xavfsizligi.
Magistratura mutaxassisliklari:
1. Materialshunoslik va materiallarni korroziyadan saqlash;
2. Nanomateriallar kimyoviy texnologiyasi.
Oʻzbekiston Respublikasi Prezidentining 2019-yil 7-iyundagi PQ-4352-son qaroriga 2-ILOVA
Toshkent shahridagi “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi filialining Vasiylik kengashi
1. O.Sh. Temirov — “Oʻzkimyosanoat” AJ boshqaruvi raisi, Vasiylik kengashi raisi 2. I.U. Majidov — Oʻzbekiston Respublikasi oliy va oʻrta maxsus taʼlim vaziri, Vasiylik kengashi raisining oʻrinbosari 3. A.X. Kamilov — Oʻzbekiston Respublikasi tashqi ishlar vaziri 4. B.B. Ashrafxonov — Oʻzbekiston Respublikasi moliya vazirining oʻrinbosari 5. B.Sh. Usmonov — Oʻzbekiston Respublikasi iqtisodiyot va sanoat vazirining oʻrinbosari 6. B.K. Zaripov — “Oʻzsanoatqurilishmateriallari” uyushmasi raisi 7. U.X. Sayidov — “Oʻzbekneftgaz” AJ boshqaruvi raisining birinchi oʻrinbosari 8. A.G. Majuga — “D.I.Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi rektori (kelishilgan holda) 9. Lavozimiga koʻra — Toshkent shahridagi “D.I. Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasifiliali rahbari 10. Sh.Ch. Aslanov — “Shoʻrtangazkimyo majmuasi” MCHJ direktori 11. U.T. Isroilov — “Uz-KorGasChemica” MCHJ qoʻshma korxonasi boshqaruvi raisi 12. Sh.A. Mutalov — Toshkent kimyo-texnologiya instituti rektori
Oʻzbekiston Respublikasi Prezidentining 2019-yil 7-iyundagi PQ-4352-son qaroriga 3-ILOVA
Toshkent shahridagi “D.I.Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasi filialini tashkil etish boʻyicha Tashkiliy komissiya
1. I.U. Majidov — Oʻzbekiston Respublikasi oliy va oʻrta maxsus taʼlim vaziri, Tashkiliy komissiya raisi 2. B.Sh. Usmonov — Oʻzbekiston Respublikasi iqtisodiyot va sanoat vaziri oʻrinbosari, Tashkiliy komissiya raisi oʻrinbosari 3. I.T. Neʼmatov — Oʻzbekiston Respublikasi tashqi ishlar vazirining birinchi oʻrinbosari 4. Sh.M. Sadikov — Oʻzbekiston Respublikasi axborot texnologiyalari va kommunikatsiyalarini rivojlantirish vaziri 5. Lavozimi boʻyicha — Oʻzbekiston Respublikasi qurilish vaziri 6. M.B. Azimov — Oʻzbekiston Respublikasi Davlat bojxona qoʻmitasi raisi 7. O.Sh. Temirov — “Oʻzkimyosanoat” AJ boshqaruvi rais 8. U.X. Saidov — “Oʻzbekneftgaz” AJ boshqaruvi raisining birinchi oʻrinbosari 9. J.A. Ortiqxoʻjayev — Toshkent shahar hokimi 10. Lavozimiga koʻra — “D.I.Mendeleyev nomidagi Rossiya kimyo-texnologiya universiteti” Federal davlat budjeti oliy taʼlim muassasasifiliali (kelishilgan holda) 11. Sh.Ch. Aslanov — “Shoʻrtangazkimyo majmuasi” MCHJ direktori 12. U.T. Isroilov — “Uz-KorGasChemica” MCHJ qoʻshma korxonasi boshqaruvi raisi 13. Sh.A. Mutalov — Toshkent kimyo-texnologiya instituti rektori
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-iyun,
PQ-4352-son
Президента Республики Узбекистан
Постановление
Состав
Состав
О создании филиала Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» в городе Ташкенте
В целях дальнейшего совершенствования подготовки квалифицированных кадров для промышленных отраслей экономики республики, расширения международного сотрудничества в области высшего образования, а также во исполнение Плана практических мероприятий («Дорожной карты») по реализации договоренностей по дальнейшему расширению политического, торгово-экономического, инвестиционного, транспортно-коммуникационного и культурно-гуманитарного сотрудничества между Республикой Узбекистан и Российской Федерацией на 2018-2019 годы:
1. Согласиться с предложением Министерства высшего и среднего специального образования Республики Узбекистан, АО «Узкимёсаноат» и Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» (Российская Федерация) (далее — Университет) о создании в городе Ташкенте филиала Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» (далее — Филиал).
2. Определить основными направлениями деятельности Филиала:
подготовку высококвалифицированных инженерно-технических кадров в соответствии с международными образовательными стандартами, способных решать важнейшие научно-технологические задачи промышленных отраслей республики;
проведение фундаментальных и прикладных научных исследований в области химической технологии наноматериалов, материаловедения и защиты материалов от коррозии, технологии художественной обработки материалов и других отраслей промышленного производства;
подготовку, переподготовку и повышение квалификации специалистов и научно-педагогических кадров за счет непрерывности и преемственности образования и науки, а также их интеграции в мировое образовательное и научное сообщество;
разработку и внедрение новых образовательных программ и форм обучения, направленных на совершенствование и модернизацию системы подготовки инженерно-технических и научных кадров;
создание условий для тесной интеграции образования, науки и производства;
поддержку развития научно-педагогического потенциала, активное совершенствование педагогических технологий и методов обучения;
развитие и укрепление долгосрочных отношений с ведущими образовательными учреждениями, научно-исследовательскими центрами и бизнес-сообществом зарубежных стран в образовательной и научно-технической сферах.
3. Определить, что:
Филиал является обособленным структурным подразделением Университета — высшим образовательным учреждением;
Филиал осуществляет подготовку, переподготовку и повышение квалификации специалистов всех уровней, включая подготовку научно-педагогических кадров, по согласованным с Университетом направлениям образования бакалавриата и специальностям магистратуры с учетом потребности в кадрах;
обучение в Филиале осуществляется на русском языке в соответствии с федеральными образовательными стандартами Российской Федерации на основе учебных планов и образовательных программ, утверждаемых Университетом по согласованию с Министерством высшего образования, науки и инноваций Республики Узбекистан;
образовательная деятельность Филиала начинается с 2019/2020 учебного года;
прием абитуриентов, образовательная деятельность и аттестация выпускников Филиала осуществляются в соответствии с требованиями, порядком и сроками, определяемыми Университетом по согласованию с Министерством высшего образования, науки и инноваций Республики Узбекистан;
выпускникам Филиала по окончании обучения выдается диплом установленного образца, признаваемый документом о высшем образовании в Республике Узбекистан.
4. Принять к сведению, что:
а) Университет оказывает содействие в обеспечении:
внедрения в учебный процесс передовых педагогических и информационных технологий, новейших достижений науки и техники;
повышения квалификации специалистов и переподготовки профессорско-преподавательского состава Филиала;
формирования и пополнения библиотечного фонда Филиала современной учебной, учебно-методической и научно-технической литературой;
б) академическим партнером Филиала является Ташкентский химико-технологический институт, который:
содействует в формировании профессорско-преподавательского состава Филиала;
оказывает научно-методическую помощь и предоставляет на безвозмездной основе лабораторные помещения, учебную литературу и оборудование для выполнения лабораторных и научно-исследовательских работ.
5. Одобрить:
основные направления образования бакалавриата и специальности магистратуры по подготовке кадров в филиале Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» в городе Ташкенте согласно приложению № 1 ;
состав Попечительского совета филиала Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» в городе Ташкенте (далее — Попечительский совет) согласно приложению № 2 ;
состав Организационной комиссии по созданию филиала Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» в городе Ташкенте согласно приложению № 3 .
6. Организационной комиссии обеспечить:
в срок до 1 августа 2019 года осуществление необходимых ремонтных работ и обустройства зданий и сооружений для размещения Филиала, а также подготовку общежития для проживания студентов и преподавателей Филиала;
в срок до 25 августа 2019 года размещение Филиала и оснащение его необходимой мебелью, инвентарем, современным учебным и лабораторным оборудованием, библиотечным фондом, компьютерной и другой оргтехникой.
7. Установить, что:
а) квоты приема в Филиал утверждаются решением Попечительского совета Филиала по согласованию с Университетом и Министерством высшего образования, науки и инноваций Республики Узбекистан, с учетом потребности заинтересованных министерств и ведомств в соответствующих кадрах;
выпускники Филиала, прошедшие обучение на основе государственных грантов, подлежат распределению на работу в организации республики для последующей обязательной отработки сроком не менее пяти лет;
б) финансирование деятельности Филиала осуществляется за счет:
средств Государственного бюджета Республики Узбекистан, выделяемых Министерству высшего образования, науки и инноваций Республики Узбекистан на обучение студентов по государственным грантам, но не более 40 процентов от общего числа студентов, принимаемых на обучение в Филиал;
средств, поступающих от обучения студентов на платно-контрактной основе;
денежных средств, формируемых на основании решений Попечительского совета, благотворительных пожертвований и целевых взносов юридических и физических лиц;
грантов международных финансовых институтов;
иных источников, не запрещенных законодательством.
8. Разместить Филиал в зданиях Мирзо-Улугбекского промышленного профессионального колледжа, расположенного по адресу: город Ташкент, Мирзо-Улугбекский район, массив ТТЗ-1, 47 на праве безвозмездного пользования.
Установить, что учащиеся Мирзо-Улугбекского промышленного профессионального колледжа до окончания обучения продолжают образовательный процесс в зданиях Мирзо-Улугбекского промышленного профессионального колледжа.
9. Одобрить предложения предприятий АО «Узкимёсаноат» о финансировании за счет их средств организационных мероприятий по созданию Филиала, формированию его материально-технической и учебной базы, включая проведение реконструкции, капитального ремонта зданий и сооружений, оснащение необходимой мебелью, инвентарем, современным учебным и лабораторным оборудованием, библиотечным фондом, компьютерной и другой оргтехникой.
10. Установить, что оплата командировочных расходов профессорско-преподавательского состава, привлекаемого в Филиал из Университета, осуществляется исходя из потребностей учебного процесса, в соответствии с заключаемыми договорами.
11. Разрешить Филиалу осуществлять оплату проживания и транспортных расходов зарубежных профессоров и преподавателей, приглашаемых для преподавательской и научной работы, по тарифам, установленным для граждан Республики Узбекистан, на основании заключаемых договоров.
12. Установить, что бюджетные ассигнования на содержание Филиала в 2019 году выделяются в переделах утвержденных параметров расходов Государственного бюджета Республики Узбекистан, выделяемых на социальную сферу, а с 2020 года — предусматриваются в ежегодных параметрах расходов на данную сферу.
13. Министерству высшего и среднего специального образования Республики Узбекистан во взаимодействии с Университетом и АО «Узкимёсаноат» обеспечить:
в двухмесячный срок разработку, согласование учредительных документов, государственную регистрацию и утверждение организационной структуры Филиала в установленном порядке;
в срок до 1 августа 2019 года укомплектование Филиала квалифицированным профессорско-преподавательским составом на конкурсной основе.
14. Выделить Филиалу лимит на содержание двух легковых автотранспортных средств, в том числе одного персонального и одного дежурного.
15. Министерству иностранных дел по заявкам Министерства высшего образования, науки и инноваций Республики Узбекистан и Филиала обеспечить в установленном порядке оформление въездных виз для иностранного профессорско-преподавательского состава и административного персонала, привлекаемого в рамках реализации настоящего постановления, а также членов их семей без взимания консульских и иных сборов.
16. Министерству внутренних дел по заявкам Министерства высшего образования, науки и инноваций Республики Узбекистан и Филиала обеспечить в установленном порядке выдачу и продление многократных виз и временной прописки по месту проживания в Республике Узбекистан иностранного профессорско-преподавательского состава и административного персонала, а также членов их семей без взимания государственной пошлины.
17. Министерству занятости и сокращения бедности по заявкам Министерства высшего образования, науки и инноваций Республики Узбекистан и Филиала обеспечить выдачу (продление) подтверждений иностранным гражданам на право трудовой деятельности на территории Республики Узбекистан.
18. Освободить сроком до 1 июня 2022 года от таможенных платежей (за исключением таможенных сборов) учебное и научное лабораторное оборудование, компьютерную технику, программные продукты, учебную и научно-методическую литературу, инвентарь и материально-технические ресурсы, не производимые в Республике Узбекистан, ввозимые для оснащения и обеспечения деятельности Филиала по перечням, формируемым в установленном порядке.
19. Министерству высшего и среднего специального образования совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
20. Контроль за исполнением настоящего постановления возложить на советника Президента Республики Узбекистан А.А. Абдувахитова и заместителя Премьер-министра Республики Узбекистан А.А. Абдухакимова.
ПРИЛОЖЕНИЕ № 1 к постановлению Президента Республики Узбекистан от 7 июня 2019 года № ПП-4352
Основные направления образования бакалавриата и специальности магистратуры по подготовке кадров в филиале Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» в городе Ташкенте
Направления образования бакалавриата:
1. Материаловедение и технологии наноматериалов и наносистем;
2. Технология художественной обработки материалов;
3. Технология синтетических биологически активных веществ, химико-фармацевтических препаратов и косметических средств;
4. Безопасность технологических процессов и производств.
Специальности магистратуры:
1. Материаловедение и защита материалов от коррозии;
2. Химическая технология наноматериалов.
ПРИЛОЖЕНИЕ № 2 к постановлению Президента Республики Узбекистан от 7 июня 2019 года № ПП-4352
Попечительского совета филиала Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» в городе Ташкенте
1. Темиров О.Ш. — председатель правления АО «Узкимёсаноат», председатель Попечительского совета 2. Маджидов И.У. — министр высшего и среднего специального образования Республики Узбекистан, заместитель председателя Попечительского совета 3. Камилов А.Х. — министр иностранных дел Республики Узбекистан 4. Ашрафханов Б.Б. — заместитель министра финансов Республики Узбекистан 5. Усманов Б.Ш. — заместитель министра экономики и промышленности Республики Узбекистан 6. Зарипов Б.К. — председатель Ассоциации «Узпромстройматериалы» 7. Сайидов У.Х. — первый заместитель председателя правления АО «Узбекнефтегаз» 8. Мажуга А.Г. — ректор Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» (по согласованию) 9. По должности — руководитель филиала Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» в городе Ташкенте 10. Асланов Ш.Ч. — директор ООО «Шуртанский газохимический комплекс» 11. Исроилов У.Т. — председатель правления СП ООО «Uz-КorGasChemical» 12. Муталов Ш.А. — ректор Ташкентского химико-технологического института
ПРИЛОЖЕНИЕ № 3 к постановлению Президента Республики Узбекистан от 7 июня 2019 года № ПП-4352
Организационной комиссии по созданию филиала Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» в городе Ташкенте
1. Маджидов И.У. — министр высшего и среднего специального образования Республики Узбекистан, председатель Организационной комиссии 2. Усманов Б.Ш. — заместитель министра экономики и промышленности Республики Узбекистан, заместитель председателя Организационной комиссии 3. Неъматов И.Т. — первый заместитель министра иностранных дел Республики Узбекистан 4. Садиков Ш.М. — министр по развитию информационных технологий и коммуникаций Республики Узбекистан 5. по должности — министр строительства Республики Узбекистан 6. Азимов М.Б. — председатель Государственного таможенного комитета Республики Узбекистан 7. Темиров О.Ш. — председатель правления АО «Узкимёсаноат» 8. Сайидов У.Х. — первый заместитель председателя правления АО «Узбекнефтегаз» 9. Артикходжаев Ж.А. — хоким города Ташкента 10. По должности — представитель Федерального государственного бюджетного образовательного учреждения высшего образования «Российский химико-технологический университет имени Д.И. Менделеева» (по согласованию) 11. Асланов Ш.Ч. — директор ООО «Шуртанский газохимический комплекс» 12. Исроилов У.Т. — председатель правления СП ООО «Uz-KorGasChemical» 13. Муталов Ш.А. — ректор Ташкентского химико-технологического института
Президент Республики Узбекистан Ш. МИРЗИЁЕВ
г. Ташкент,
7 июня 2019 г.,
№ ПП-4352