📅 2019-yil 7-iyun · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 июнь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 июня 2019 г. · Указы Президента
Официальный текст. Официальный документ. Редакционные примечания не включены.
📅 7 June 2019 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Тадбиркорлик субъектларни тугатиш тартиб-таомилларини соддалаштириш чора-тадбирлари тўғрисида
Тадбиркорлик субъектларини тугатиш тартибини соддалаштириш, тугатиш жараёнини амалга оширишда тадбиркорлик субъектлари учун асоссиз харажатлар қилишга олиб келувчи ортиқча маъмурий чекловларни бекор қилиш, бизнесни юритиш бўйича халқаро рейтинг ва индексларда Ўзбекистон Республикасининг ўрнини янада яхшилаш, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид Давлат дастурида белгиланган вазифаларни амалга ошириш мақсадида:
1. Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил, Давлат солиқ қўмитаси ва Адлия вазирлигининг 2020 йил 1 январдан бошлаб:
молия-хўжалик фаолиятини амалга оширмаётган ва (ёки) қонунчиликда белгиланган муддатларда ўзларининг устав жамғармаларини шакллантирмаган корхоналарни тугатиш бўйича доимий ишловчи махсус ҳудудий комиссияларни тугатиш;
давлат рўйхатидан ўтказилган пайтдан эътиборан бир йил ичида устав фонди таъсис ҳужжатларида назарда тутилган миқдорда шакллантирилмаганлиги учун тадбиркорлик субъектларини тугатиш тартибини бекор қилиш;
давлат органлари ўртасида электрон ахборот алмашинувини жорий этиш орқали тадбиркорлик субъектларини тугатиш жараёнидаги ортиқча ҳужжатлар ва тартиб-таомилларни қисқартириш тўғрисидаги таклифларига розилик берилсин.
2. 2020 йил 1 январдан бошлаб шундай тартиб жорий этилсинки, унга мувофиқ:
а) тадбиркорлик субъектлари — юридик шахсларни (кейинги ўринларда — корхоналар) ихтиёрий тугатишда:
бир ёки бир неча даврий босма нашрларда корхонанинг тугатилиши тўғрисида эълонлар бериш талаб этилмайди, бунда тегишли маълумотлар рўйхатдан ўтказувчи органнинг расмий сайтига жойлаштирилади;
давлат рўйхатидан ўтказилган вақтдан бошлаб молия-хўжалик фаолиятини амалга оширмаган ҳамда солиқ қарзи мавжуд бўлмаган корхоналарнинг молия-хўжалик фаолияти текширилмайди;
давлат солиқ хизмати органлари томонидан ўтказиладиган, тугатиладиган корхонанинг молия-хўжалик фаолиятини текширишнинг энг узоқ даврийлиги уч йилни ташкил этади;
молия-хўжалик фаолиятини текшириш учун ваколатли давлат органларидан корхона тўғрисидаги мавжуд маълумотларни олиш Тадбиркорлик субъектларини давлат рўйхатидан ўтказиш ва ҳисобга қўйишнинг автоматлаштирилган тизими (кейинги ўринларда — Тизим) орқали амалга оширилади;
корхонани ихтиёрий тугатишнинг умумий муддати рўйхатдан ўтказувчи орган ихтиёрий тугатиш тўғрисида хабардор қилинган кундан бошлаб олти ойдан ошмаслиги керак;
б) тадбиркорлик субъектлари — жисмоний шахслар фаолиятини тўхтатишда ариза берувчи томонидан давлат солиқ хизмати органининг солиқлар ва бошқа мажбурий тўловлар бўйича қарзи йўқлиги тўғрисидаги хулосасини олиш талаб этилмайди;
в) корхонани молия-хўжалик фаолиятини амалга оширмаётган деб ҳисоблаш учун қуйидагилар асос бўлади:
давлат рўйхатидан ўтган санадан бошлаб уч ой мобайнида банк ҳисобварақларини очмаганлиги;
банк ҳисобварақларини очган, бироқ олти ой мобайнида:
молия-хўжалик фаолияти бўйича банк ҳисобварақларига маблағлар туширмаганлиги;
электрон ҳисобварақ-фактураларни расмийлаштирмаганлиги;
онлайн назорат-касса машиналари, виртуал касса ёки маркетплейс тўлов тизимидан фойдаланмаганлиги;
ташқи савдо операцияларини амалга оширмаганлиги;
г) молия-хўжалик фаолиятини амалга оширмаётган корхоналарни тугатишда:
молия-хўжалик фаолиятини амалга оширмаётган корхоналар давлат солиқ хизмати органининг тақдимномасига асосан рўйхатдан ўтказувчи орган томонидан бир йил муддатга ҳаракатсиз режимга ўтказилади;
ҳаракатсиз режимга ўтказилган корхоналар фаолияти бир йил давомида тикланмаган тақдирда, рўйхатдан ўтказувчи орган уларни Тадбиркорлик субъектларининг ягона давлат реестридан чиқаради.
3. Белгилаб қўйилсинки, Тизимга уланган давлат органлари ва бошқа ташкилотлари томонидан тегишли ахборотларнинг ўз вақтида, тўлиқ ва ишончли тарзда киритилишини таъминламаслик давлат хизматлари кўрсатилишининг белгиланган тартибини бузиш деб ҳисобланади.
Ўзбекистон Республикаси Адлия вазирлиги Тизимга уланган давлат органлари ва бошқа ташкилотлари томонидан тегишли ахборотлар ўз вақтида, тўлиқ ва ишончли тарзда киритилиши устидан, шу жумладан Тизим орқали доимий назорат ўрнатсин.
4. Ўзбекистон Республикаси Вазирлар Маҳкамаси ҳузуридаги «Ўзархив» агентлиги бир ой муддатда ихтиёрий тугатилаётган тадбиркорлик субъектларининг ҳужжатларини қабул қилишда архив хизматларининг амалдаги норматив бўйича аниқланадиган нархларини икки баробаргача пасайтириш чораларини кўрсин ҳамда натижаси бўйича Вазирлар Маҳкамасига ахборот киритсин.
5. Ўзбекистон Республикаси Давлат солиқ қўмитаси, Адлия вазирлиги Вазирлар Маҳкамасига икки ой муддатда:
Ўзбекистон Республикаси Президенти ҳузуридаги Лойиҳа бошқаруви миллий агентлиги, Ахборот технологиялари ва коммуникацияларини ривожлантириш вазирлиги ҳамда Молия вазирлиги билан биргаликда Тизимни мазкур Фармон талабларига мослаштириш, манфаатдор давлат органлари ва ташкилотларининг унга уланишларини ташкил этиш бўйича молиялаштириш манбалари аниқ кўрсатилган чора-тадбирлар дастурини;
Ўзбекистон Республикаси Олий суди, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил билан биргаликда Ўзбекистон Республикасининг Фуқаролик кодекси, Иқтисодий процессуал кодекси ҳамда «Тадбиркорлик фаолияти эркинлигининг кафолатлари тўғрисида»ги Қонунига молия-хўжалик фаолиятини амалга оширмаётган корхоналарни рўйхатдан ўтказувчи орган томонидан уч йил муддатга ҳаракатсиз режимга ўтказиш, фаолияти уч йил давомида тикланмаган тақдирда уларни Тадбиркорлик субъектларининг Ягона давлат реестридан чиқаришни назарда тутувчи ўзгартириш ва қўшимчалар киритиш тўғрисидаги таклифларни;
манфаатдор вазирлик ва идоралар билан биргаликда Тадбиркорлик субъектларини ихтиёрий тугатиш ва уларнинг фаолиятини тўхтатиш тартиби тўғрисидаги низом ҳамда Молия-хўжалик фаолиятини амалга оширмаётган тадбиркорлик субъектларини давлат реестридан чиқариш тартиби тўғрисидаги низом лойиҳаларини;
манфаатдор вазирлик ва идоралар билан биргаликда қонун ҳужжатларига мазкур Фармондан келиб чиқадиган ўзгартириш ва қўшимчалар тўғрисидаги таклифларни киритсин.
6. Ўзбекистон Республикаси Президентининг айрим ҳужжатлари 2020 йил 1 январдан эътиборан иловага мувофиқ ўз кучини йўқотган деб ҳисоблансин.
7. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2019 йил 7 июндаги ПФ-5739-сон Фармонига ИЛОВА
Ўзбекистон Республикаси Президентининг 2020 йил 1 январдан эътиборан ўз кучини йўқотган деб эътироф этилаётган айрим ҳужжатлари
1. Ўзбекистон Республикаси Президентининг 1999 йил 28 июндаги ПФ-2331-сон «Молия-хўжалик фаолиятини амалга оширмаётган ва қонунчиликда белгиланган муддатларда ўзларининг устав жамғармаларини шакллантирмаган корхоналарни тугатиш тартибини соддалаштириш чора-тадбирлари тўғрисида»ги Фармони (Ўзбекистон Республикаси Олий Мажлисининг Ахборотномаси, 1999 й, 6-сон, 155-модда).
4. Ўзбекистон Республикаси Президентининг 2012 йил 3 октябрдаги ПФ-4473-сон «Ўзбекистон Республикаси Президентининг айрим ҳужжатларига ўзгартишлар киритиш тўғрисида»ги Фармонига (Ўзбекистон Республикаси ҚТ, 2012 йил, 40-сон, 466-модда) 1-илованинг 9-банди .
5. Ўзбекистон Республикаси Президентининг 2014 йил 8 июлдаги ПФ-4631-сон «Ўзбекистон Республикаси Президентининг айрим ҳужжатларига ўзгартиш ва қўшимчалар киритиш тўғрисида»ги Фармонига (Ўзбекистон Республикаси ҚТ, 2014 йил 21 июль, 29-сон, 356-модда) илованинг 7 ва 33-бандлари .
6. Ўзбекистон Республикаси Президентининг 2017 йил 24 майдаги ПФ-5055-сон «Ўзбекистон Республикаси Президентининг айрим ҳужжатларига ўзгартиш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида»ги Фармонига (Ўзбекистон Республикаси ҚТ, 2017 йил 5 июнь, 22-сон, 411-модда) 1-илованинг 3-банди .
7. Ўзбекистон Республикаси Президентининг 2017 йил 11 сентябрдаги ПФ-5187-сон «Ўзбекистон Республикаси Президентининг айрим ҳужжатларига ўзгартишлар киритиш, баъзиларини эса ўз кучини йўқотган, деб ҳисоблаш тўғрисида»ги Фармонига (Ўзбекистон Республикаси ҚТ, 2017 йил 18 сентябрь, 37-сон, 980-модда) 1-илованинг 5-банди .
8. Ўзбекистон Республикаси Президентининг 2017 йил 9 октябрдаги ПФ-5200-сон «Ўзбекистон Республикаси Президентининг айрим ҳужжатларига ўзгартиш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида»ги Фармонига 1-илованинг 3-банди .
9. Ўзбекистон Республикаси Президентининг 2018 йил 15 январдаги ПФ-5302-сон «Ўзбекистон Республикаси Президентининг айрим ҳужжатларига ўзгартиш ва қўшимчалар киритиш тўғрисида»ги Фармонига илованинг 1-банди.
10. Ўзбекистон Республикаси Президентининг 2018 йил 18 январдаги ПФ-5304-сон «Ўзбекистон Республикаси Президентининг айрим ҳужжатларига ўзгартишлар киритиш, шунингдек баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Фермер, деҳқон хўжаликлари ва томорқа ер эгаларининг ҳуқуқлари ва қонуний манфаатларини ҳимоя қилиш, қишлоқ хўжалиги экин майдонларидан самарали фойдаланиш тизимини тубдан такомиллаштириш чора-тадбирлари тўғрисида» 2017 йил 9 октябрдаги ПФ-5199-сонли Фармони)»ги Фармонига 1-илованинг 1-банди .
11. Ўзбекистон Республикаси Президентининг 2018 йил 17 апрелдаги ПФ-5420-сон «Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида»ги Фармонига илованинг 4-банди .
12. Ўзбекистон Республикаси Президентининг 2007 йил 27 апрелдаги ПҚ-630-сон «Тадбиркорлик субъектларини ихтиёрий тугатиш ва уларнинг фаолиятини тўхтатиш тартибини такомиллаштириш тўғрисида»ги қарори (Ўзбекистон Республикаси ҚТ, 2007 йил, 17-18-сон, 179-модда).
14. Ўзбекистон Республикаси Президентининг 2013 йил 31 октябрдаги ПҚ-2060-сон «Ўзбекистон Республикаси Президентининг «Ўзбекистон Республикаси Президентининг айрим қарорларига ўзгартиш ва қўшимчалар киритиш тўғрисида»ги қарори (Ўзбекистон Республикаси ҚТ, 2013 йил 11 ноябрь, 45-сон, 585-модда).
15. Ўзбекистон Республикаси Президентининг 2017 йил 22 майдаги ПҚ-2985-сон «Ўзбекистон Республикаси Президентининг «Ўзбекистон Республикаси тадбиркорлик субъектларини ихтиёрий тугатиш ва уларнинг фаолиятини тўхтатиш тартиби тўғрисидаги низомга қўшимча ва ўзгартишлар киритиш тўғрисида»ги қарори (Ўзбекистон Республикаси ҚТ, 2017 йил 29 май, 21-сон, 386-модда).
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 июнь,
ПФ-5739-сон
Oʻzbekiston Respublikasi Prezidentining
Farmoni
ROʻYXATI
Tadbirkorlik subyektlarni tugatish tartib-taomillarini soddalashtirish chora-tadbirlari toʻgʻrisida
Tadbirkorlik subyektlarini tugatish tartibini soddalashtirish, tugatish jarayonini amalga oshirishda tadbirkorlik subyektlari uchun asossiz xarajatlar qilishga olib keluvchi ortiqcha maʼmuriy cheklovlarni bekor qilish, biznesni yuritish boʻyicha xalqaro reyting va indekslarda Oʻzbekiston Respublikasining oʻrnini yanada yaxshilash, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturida belgilangan vazifalarni amalga oshirish maqsadida:
1. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil, Davlat soliq qoʻmitasi va Adliya vazirligining 2020-yil 1-yanvardan boshlab:
moliya-xoʻjalik faoliyatini amalga oshirmayotgan va (yoki) qonunchilikda belgilangan muddatlarda oʻzlarining ustav jamgʻarmalarini shakllantirmagan korxonalarni tugatish boʻyicha doimiy ishlovchi maxsus hududiy komissiyalarni tugatish;
davlat roʻyxatidan oʻtkazilgan paytdan eʼtiboran bir yil ichida ustav fondi taʼsis hujjatlarida nazarda tutilgan miqdorda shakllantirilmaganligi uchun tadbirkorlik subyektlarini tugatish tartibini bekor qilish;
davlat organlari oʻrtasida elektron axborot almashinuvini joriy etish orqali tadbirkorlik subyektlarini tugatish jarayonidagi ortiqcha hujjatlar va tartib-taomillarni qisqartirish toʻgʻrisidagi takliflariga rozilik berilsin.
2. 2020-yil 1-yanvardan boshlab shunday tartib joriy etilsinki, unga muvofiq:
a) tadbirkorlik subyektlari — yuridik shaxslarni (keyingi oʻrinlarda — korxonalar) ixtiyoriy tugatishda:
bir yoki bir necha davriy bosma nashrlarda korxonaning tugatilishi toʻgʻrisida eʼlonlar berish talab etilmaydi, bunda tegishli maʼlumotlar roʻyxatdan oʻtkazuvchi organning rasmiy saytiga joylashtiriladi;
davlat roʻyxatidan oʻtkazilgan vaqtdan boshlab moliya-xoʻjalik faoliyatini amalga oshirmagan hamda soliq qarzi mavjud boʻlmagan korxonalarning moliya-xoʻjalik faoliyati tekshirilmaydi;
davlat soliq xizmati organlari tomonidan oʻtkaziladigan, tugatiladigan korxonaning moliya-xoʻjalik faoliyatini tekshirishning eng uzoq davriyligi uch yilni tashkil etadi;
moliya-xoʻjalik faoliyatini tekshirish uchun vakolatli davlat organlaridan korxona toʻgʻrisidagi mavjud maʼlumotlarni olish Tadbirkorlik subyektlarini davlat roʻyxatidan oʻtkazish va hisobga qoʻyishning avtomatlashtirilgan tizimi (keyingi oʻrinlarda — Tizim) orqali amalga oshiriladi;
korxonani ixtiyoriy tugatishning umumiy muddati roʻyxatdan oʻtkazuvchi organ ixtiyoriy tugatish toʻgʻrisida xabardor qilingan kundan boshlab olti oydan oshmasligi kerak;
b) tadbirkorlik subyektlari — jismoniy shaxslar faoliyatini toʻxtatishda ariza beruvchi tomonidan davlat soliq xizmati organining soliqlar va boshqa majburiy toʻlovlar boʻyicha qarzi yoʻqligi toʻgʻrisidagi xulosasini olish talab etilmaydi;
v) korxonani moliya-xoʻjalik faoliyatini amalga oshirmayotgan deb hisoblash uchun quyidagilar asos boʻladi:
davlat roʻyxatidan oʻtgan sanadan boshlab uch oy mobaynida bank hisobvaraqlarini ochmaganligi;
bank hisobvaraqlarini ochgan, biroq olti oy mobaynida:
moliya-xoʻjalik faoliyati boʻyicha bank hisobvaraqlariga mablagʻlar tushirmaganligi;
elektron hisobvaraq-fakturalarni rasmiylashtirmaganligi;
onlayn nazorat-kassa mashinalari, virtual kassa yoki marketpleys toʻlov tizimidan foydalanmaganligi;
tashqi savdo operatsiyalarini amalga oshirmaganligi;
g) moliya-xoʻjalik faoliyatini amalga oshirmayotgan korxonalarni tugatishda:
moliya-xoʻjalik faoliyatini amalga oshirmayotgan korxonalar davlat soliq xizmati organining taqdimnomasiga asosan roʻyxatdan oʻtkazuvchi organ tomonidan bir yil muddatga harakatsiz rejimga oʻtkaziladi;
harakatsiz rejimga oʻtkazilgan korxonalar faoliyati bir yil davomida tiklanmagan taqdirda, roʻyxatdan oʻtkazuvchi organ ularni Tadbirkorlik subyektlarining yagona davlat reyestridan chiqaradi.
3. Belgilab qoʻyilsinki, Tizimga ulangan davlat organlari va boshqa tashkilotlari tomonidan tegishli axborotlarning oʻz vaqtida, toʻliq va ishonchli tarzda kiritilishini taʼminlamaslik davlat xizmatlari koʻrsatilishining belgilangan tartibini buzish deb hisoblanadi.
Oʻzbekiston Respublikasi Adliya vazirligi Tizimga ulangan davlat organlari va boshqa tashkilotlari tomonidan tegishli axborotlar oʻz vaqtida, toʻliq va ishonchli tarzda kiritilishi ustidan, shu jumladan Tizim orqali doimiy nazorat oʻrnatsin.
4. Oʻzbekiston Respublikasi Vazirlar Mahkamasi huzuridagi “Oʻzarxiv” agentligi bir oy muddatda ixtiyoriy tugatilayotgan tadbirkorlik subyektlarining hujjatlarini qabul qilishda arxiv xizmatlarining amaldagi normativ boʻyicha aniqlanadigan narxlarini ikki barobargacha pasaytirish choralarini koʻrsin hamda natijasi boʻyicha Vazirlar Mahkamasiga axborot kiritsin.
5. Oʻzbekiston Respublikasi Davlat soliq qoʻmitasi, Adliya vazirligi Vazirlar Mahkamasiga ikki oy muddatda:
Oʻzbekiston Respublikasi Prezidenti huzuridagi Loyiha boshqaruvi milliy agentligi, Axborot texnologiyalari va kommunikatsiyalarini rivojlantirish vazirligi hamda Moliya vazirligi bilan birgalikda Tizimni mazkur Farmon talablariga moslashtirish, manfaatdor davlat organlari va tashkilotlarining unga ulanishlarini tashkil etish boʻyicha moliyalashtirish manbalari aniq koʻrsatilgan chora-tadbirlar dasturini;
Oʻzbekiston Respublikasi Oliy sudi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil bilan birgalikda Oʻzbekiston Respublikasining Fuqarolik kodeksi, Iqtisodiy protsessual kodeksi hamda “Tadbirkorlik faoliyati erkinligining kafolatlari toʻgʻrisida”gi Qonuniga moliya-xoʻjalik faoliyatini amalga oshirmayotgan korxonalarni roʻyxatdan oʻtkazuvchi organ tomonidan uch yil muddatga harakatsiz rejimga oʻtkazish, faoliyati uch yil davomida tiklanmagan taqdirda ularni Tadbirkorlik subyektlarining Yagona davlat reyestridan chiqarishni nazarda tutuvchi oʻzgartirish va qoʻshimchalar kiritish toʻgʻrisidagi takliflarni;
manfaatdor vazirlik va idoralar bilan birgalikda Tadbirkorlik subyektlarini ixtiyoriy tugatish va ularning faoliyatini toʻxtatish tartibi toʻgʻrisidagi nizom hamda Moliya-xoʻjalik faoliyatini amalga oshirmayotgan tadbirkorlik subyektlarini davlat reyestridan chiqarish tartibi toʻgʻrisidagi nizom loyihalarini;
manfaatdor vazirlik va idoralar bilan birgalikda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisidagi takliflarni kiritsin.
6. Oʻzbekiston Respublikasi Prezidentining ayrim hujjatlari 2020-yil 1-yanvardan eʼtiboran ilovaga muvofiq oʻz kuchini yoʻqotgan deb hisoblansin.
7. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2019-yil 7-iyundagi PF-5739-son Farmoniga ILOVA
Oʻzbekiston Respublikasi Prezidentining 2020-yil 1-yanvardan eʼtiboran oʻz kuchini yoʻqotgan deb eʼtirof etilayotgan ayrim hujjatlari
1. Oʻzbekiston Respublikasi Prezidentining 1999-yil 28-iyundagi PF-2331-son “Moliya-xoʻjalik faoliyatini amalga oshirmayotgan va qonunchilikda belgilangan muddatlarda oʻzlarining ustav jamgʻarmalarini shakllantirmagan korxonalarni tugatish tartibini soddalashtirish chora-tadbirlari toʻgʻrisida”gi Farmoni (Oʻzbekiston Respublikasi Oliy Majlisining Axborotnomasi, 1999 y, 6-son, 155-modda).
4. Oʻzbekiston Respublikasi Prezidentining 2012-yil 3-oktabrdagi PF-4473-son “Oʻzbekiston Respublikasi Prezidentining ayrim hujjatlariga oʻzgartishlar kiritish toʻgʻrisida”gi Farmoniga (Oʻzbekiston Respublikasi QT, 2012-yil, 40-son, 466-modda) 1-ilovaning 9-bandi .
5. Oʻzbekiston Respublikasi Prezidentining 2014-yil 8-iyuldagi PF-4631-son “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish toʻgʻrisida”gi Farmoniga (Oʻzbekiston Respublikasi QT, 2014-yil 21-iyul, 29-son, 356-modda) ilovaning 7 va 33-bandlari .
6. Oʻzbekiston Respublikasi Prezidentining 2017-yil 24-maydagi PF-5055-son “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi Farmoniga (Oʻzbekiston Respublikasi QT, 2017-yil 5-iyun, 22-son, 411-modda) 1-ilovaning 3-bandi .
7. Oʻzbekiston Respublikasi Prezidentining 2017-yil 11-sentabrdagi PF-5187-son “Oʻzbekiston Respublikasi Prezidentining ayrim hujjatlariga oʻzgartishlar kiritish, baʼzilarini esa oʻz kuchini yoʻqotgan, deb hisoblash toʻgʻrisida”gi Farmoniga (Oʻzbekiston Respublikasi QT, 2017-yil 18-sentabr, 37-son, 980-modda) 1-ilovaning 5-bandi .
8. Oʻzbekiston Respublikasi Prezidentining 2017-yil 9-oktabrdagi PF-5200-son “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida”gi Farmoniga 1-ilovaning 3-bandi .
9. Oʻzbekiston Respublikasi Prezidentining 2018-yil 15-yanvardagi PF-5302-son “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish toʻgʻrisida”gi Farmoniga ilovaning 1-bandi.
10. Oʻzbekiston Respublikasi Prezidentining 2018-yil 18-yanvardagi PF-5304-son “Oʻzbekiston Respublikasi Prezidentining ayrim hujjatlariga oʻzgartishlar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Fermer, dehqon xoʻjaliklari va tomorqa yer egalarining huquqlari va qonuniy manfaatlarini himoya qilish, qishloq xoʻjaligi ekin maydonlaridan samarali foydalanish tizimini tubdan takomillashtirish chora-tadbirlari toʻgʻrisida” 2017-yil 9-oktabrdagi PF-5199-sonli Farmoni)”gi Farmoniga 1-ilovaning 1-bandi .
11. Oʻzbekiston Respublikasi Prezidentining 2018-yil 17-apreldagi PF-5420-son “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida”gi Farmoniga ilovaning 4-bandi .
12. Oʻzbekiston Respublikasi Prezidentining 2007-yil 27-apreldagi PQ-630-son “Tadbirkorlik subyektlarini ixtiyoriy tugatish va ularning faoliyatini toʻxtatish tartibini takomillashtirish toʻgʻrisida”gi qarori (Oʻzbekiston Respublikasi QT, 2007-yil, 17-18-son, 179-modda).
14. Oʻzbekiston Respublikasi Prezidentining 2013-yil 31-oktabrdagi PQ-2060-son “Oʻzbekiston Respublikasi Prezidentining “Oʻzbekiston Respublikasi Prezidentining ayrim qarorlariga oʻzgartish va qoʻshimchalar kiritish toʻgʻrisida”gi qarori (Oʻzbekiston Respublikasi QT, 2013-yil 11-noyabr, 45-son, 585-modda).
15. Oʻzbekiston Respublikasi Prezidentining 2017-yil 22-maydagi PQ-2985-son “Oʻzbekiston Respublikasi Prezidentining “Oʻzbekiston Respublikasi tadbirkorlik subyektlarini ixtiyoriy tugatish va ularning faoliyatini toʻxtatish tartibi toʻgʻrisidagi nizomga qoʻshimcha va oʻzgartishlar kiritish toʻgʻrisida”gi qarori (Oʻzbekiston Respublikasi QT, 2017-yil 29-may, 21-son, 386-modda).
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-iyun,
PF-5739-son
Президента Республики Узбекистан
Указ
ПЕРЕЧЕНЬ
О мерах по упрощению процедуры ликвидации субъектов предпринимательства
В целях упрощения порядка ликвидации субъектов предпринимательства, отмены излишних административных ограничений, способствующих возникновению необоснованных расходов для субъектов предпринимательства в процессе ликвидации, дальнейшего улучшения позиций Республики Узбекистан в мировых рейтингах и индексах по ведению бизнеса, а также во исполнение задач, определенных в Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год активных инвестиций и социального развития»:
1. Согласиться с предложениями Уполномоченного при Президенте Республики Узбекистан по защите прав и законных интересов субъектов предпринимательства, Государственного налогового комитета и Министерства юстиции о том, что с 1 января 2020 года:
упраздняются постоянно действующие территориальные специальные комиссии по ликвидации предприятий, не осуществляющих финансово-хозяйственную деятельность и (или) не сформировавших свои уставные фонды в установленные законодательством сроки;
отменяется порядок ликвидации субъектов предпринимательства, не сформировавших в течение одного года с даты государственной регистрации уставные фонды в размерах, предусмотренных учредительными документами;
вводится электронный обмен информацией между государственными органами путем сокращения излишних документов и процедур при ликвидации субъектов предпринимательства.
2. Ввести с 1 января 2020 года порядок, в соответствии с которым:
а) при добровольной ликвидации субъектов предпринимательства — юридических лиц (далее — предприятия):
не требуется опубликование в одном или нескольких периодических печатных изданиях объявления о ликвидации предприятия, при этом соответствующие данные размещаются на официальном сайте регистрирующего органа;
не подлежит проверке финансово-хозяйственная деятельность предприятий, не осуществлявших финансово-хозяйственную деятельность с момента государственной регистрации, не имеющих налоговой задолженности;
максимальная периодичность проведения проверок финансово-хозяйственной деятельности ликвидируемых предприятий органами государственной налоговой службы составляет три года;
получение имеющихся сведений о предприятии из уполномоченных государственных органов для проверки его финансово-хозяйственной деятельности осуществляется через Автоматизированную систему государственной регистрации и постановки на учет субъектов предпринимательства (далее — Система);
общий срок добровольной ликвидации предприятия не должен превышать шести месяцев со дня получения регистрирующим органом уведомления о добровольной ликвидации;
б) не требуется получение заявителем заключения органа государственной налоговой службы об отсутствии задолженности по налогам и другим обязательным платежам при приостановлении деятельности физических лиц — субъектов предпринимательства;
в) основанием для признания предприятия не осуществляющим финансово-хозяйственную деятельность являются:
неоткрытие банковского счета в течение трех месяцев с даты прохождения государственной регистрации;
в течение шести месяцев после открытия банковского счета:
непоступление средств на банковский счет по финансово-хозяйственной деятельности;
неоформление электронных счетов-фактур;
неиспользование онлайн-контрольно-кассовых машин, виртуальной кассы или платежной системы «маркетплейс»;
неосуществление внешних торговых операций;
г) при ликвидации предприятий, не осуществляющих финансово-хозяйственную деятельность:
по представлению органа государственной налоговой службы предприятия, не осуществляющие финансово-хозяйственную деятельность, переводятся регистрирующим органом на бездействующий режим сроком на один год;
регистрирующий орган исключает их из Единого государственного реестра субъектов предпринимательства при невосстановлении деятельности предприятий, переведенных на бездействующий режим в течение одного года.
3. Определить, что несвоевременное, неполноценное и недостоверное обеспечение введения государственными органами и иными организациями, подключенными к Системе, соответствующей информации считается нарушением установленного порядка оказания государственных услуг.
Министерству юстиции Республики Узбекистан обеспечить постоянный контроль, в том числе через Систему, за своевременным, полноценным и достоверным введением соответствующей информации государственными органами и другими организациями, подключенными к Системе.
4. Агентству «Узархив» при Кабинете Министров Республики Узбекистан в месячный срок принять меры по снижению в два раза расценок на оказываемые архивные услуги, определяемые по действующему нормативу при принятии документов добровольно ликвидируемых субъектов предпринимательства и внести информацию о результатах в Кабинет Министров.
5. Государственному налоговому комитету Республики Узбекистан, Министерству юстиции в двухмесячный срок внести в Кабинет Министров:
совместно с Национальным агентством проектного управления при Президенте Республики Узбекистан, Министерством по развитию информационных технологий и коммуникаций и Министерством финансов программу мер по приведению Системы в соответствие с требованиями настоящего Указа, подключению к ней заинтересованных государственных органов и организаций с указанием конкретных источников финансирования;
совместно с Верховным судом Республики Узбекистан, Уполномоченным при Президенте Республики Узбекистан по защите прав и законных интересов субъектов предпринимательства предложения по внесению изменений и дополнений в Гражданский кодекс Республики Узбекистан, Экономический процессуальный кодекс Республики Узбекистан, Закон Республики Узбекистан «О гарантиях свободы предпринимательской деятельности», предусматривающих перевод регистрирующим органом на бездействующий режим предприятий, не осуществляющих финансово-хозяйственную деятельность сроком на три года, при невосстановлении деятельности — исключение их из Единого государственного реестра субъектов предпринимательства;
совместно с заинтересованными министерствами и ведомствами проекты Положения о порядке добровольной ликвидации субъектов предпринимательства и приостановлении их деятельности и Положения о порядке исключения из государственного реестра субъектов предпринимательства, не осуществляющих финансово-хозяйственную деятельность;
совместно с заинтересованными министерствами и ведомствами предложения об изменениях и дополнениях в законодательство, вытекающих из настоящего Указа.
6. Признать утратившими силу некоторые акты Президента Республики Узбекистан начиная с 1 января 2020 года согласно приложению .
7. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 7 июня 2019 года № УП-5739
некоторых актов Президента Республики Узбекистан, признаваемых утратившими силу начиная с 1 января 2020 года
1. Указ Президента Республики Узбекистан от 28.06.1999 г. № УП-2331 «О мерах по упрощению порядка ликвидации предприятий, не осуществляющих финансово-хозяйственную деятельность и не сформировавших свои уставные фонды в установленные законодательством сроки» (Вестник Олий Мажлиса Республики Узбекистан от 1999 г. № 6, ст. 155).
4. Пункт 9 приложения № 1 к Указу Президента Республики Узбекистан от 03.10.2012 г. № УП-4473 «О внесении изменений в некоторые акты Президента Республики Узбекистан» (Собрание законодательства Республики Узбекистан, 2012 г., № 40, ст. 466).
5. Пункт 7 и пункт 33 приложения к Указу Президента Республики Узбекистан от 08.07.2014 г. № УП-4631 «О внесении изменений и дополнений в некоторые акты Президента Республики Узбекистан» (Собрание законодательства Республики Узбекистан, 21 июля 2014 г., № 29, ст. 356).
6. Пункт 3 приложения № 1 к Указу Президента Республики Узбекистан от 24.05.2017 г. № УП-5055 «О внесении изменений и дополнения, а также признании утратившими силу некоторых актов Президента Республики Узбекистан» (Собрание законодательства Республики Узбекистан, 5 июня 2017 г., № 22, ст. 411).
7. Пункт 5 приложения № 1 к Указу Президента Республики Узбекистан от 11.09.2017 г. № УП-5187 «О внесении изменений, а также признании утратившими силу некоторых актов Президента Республики Узбекистан» (Собрание законодательства Республики Узбекистан, 18 сентября 2017 г., № 37, ст. 980).
8. Пункт 3 приложения № 1 к Указу Президента Республики Узбекистан от 09.10.2017 г. № УП-5200 «О внесении изменений и дополнений, а также признании утратившими силу некоторых актов Президента Республики Узбекистан».
9. Пункт 1 приложения к Указу Президента Республики Узбекистан от 15.01.2018 г. № УП-5302 «О внесении изменений и дополнений в некоторые акты Президента Республики Узбекистан».
10. Пункт 1 приложения № 1 к Указу Президента Республики Узбекистан от 18.01.2018 г. № УП-5304 «О внесении изменений, а также признании утратившими силу некоторых актов Президента Республики Узбекистан» (Указ Президента Республики Узбекистан от 9 октября 2017 года № УП-5199 «О мерах по коренному совершенствованию системы защиты прав и законных интересов фермерских, дехканских хозяйств и владельцев приусадебных земель, эффективного использования посевных площадей сельского хозяйства»).
11. Пункт 4 приложения к Указу Президента Республики Узбекистан от 17.04.2018 г. № УП-5420 «О внесении изменений и дополнений в некоторые акты Президента Республики Узбекистан».
12. Постановление Президента Республики Узбекистан от 27.04.2007 г. № ПП-630 «О совершенствовании порядка добровольной ликвидации и прекращения деятельности субъектов предпринимательства» (Собрание законодательства Республики Узбекистан, 2007 г., № 17-18, ст. 179).
14. Постановление Президента Республики Узбекистан от 31.10.2013 г. № ПП-2060 «О внесении изменений и дополнений в отдельные постановления Президента Республики Узбекистан» (Собрание законодательства Республики Узбекистан, 11 ноября 2013 г., № 45, ст. 585).
15. Постановление Президента Республики Узбекистан от 22.05.2017 г. № ПП-2985 «О внесении дополнения и изменений в Положение о порядке добровольной ликвидации и прекращения деятельности субъектов предпринимательства» (Собрание законодательства Республики Узбекистан, 29 мая 2017 г., № 21, ст. 386).
Президент Республики Узбекистан Ш. МИРЗИЁЕВ
г. Ташкент,
7 июня 2019 г.,
№ УП-5739