📅 2019-yil 7-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 июня 2019 г. · Постановления Президента
Официальный текст. Официальный документ. Редакционные примечания не включены.
📅 7 June 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Конгресс-кўргазма тадбирларини давлатлараро, ҳукуматлараро ва идоралараро даражаларда ташкил этиш ва ўтказиш тизимини такомиллаштириш чора-тадбирлари тўғрисида
Ўзбекистон Республикасида халқаро конференциялар, кўргазмалар, ярмаркалар, форумлар ва бошқа тадбирларни сифатли ташкил этиш ва ўтказиш, мамлакатимизнинг хориждаги имижини янада ошириш, инвестиция, савдо-иқтисодий, дипломатик ҳамкорликнинг долзарб масалаларини, ташқи иқтисодий, ташқи сиёсий, маданий-гуманитар ва бошқа фаолият турлари йўналишларини муҳокама қилиш учун ягона майдонча яратиш мақсадида:
1. Ўзбекистон Республикаси Президенти ҳузуридаги Лойиҳа бошқаруви миллий агентлиги ва Ўзбекистон Республикаси Инвестициялар ва ташқи савдо вазирлигининг:
«InterForum» давлат унитар корхонасини (кейинги ўринларда — «InterForum» ДУК) ташкил этиш;
«InterForum» ДУК таъсисчилигида «InterНotel» масъулияти чекланган жамиятини (кейинги ўринларда — «InterНotel» МЧЖ) ташкил этиш тўғрисидаги таклифлари маъқуллансин.
2. Қуйидагилар «InterForum» ДУКнинг асосий вазифалари этиб белгилансин:
ташқи иқтисодий ва ташқи сиёсий фаолият, шунингдек, маданий-гуманитар, маънавий-маърифий ҳамда бошқа йўналишларда давлатлараро, ҳукуматлараро ва идоралараро даражаларда халқаро ва республика миқёсидаги конгресс-кўргазма тадбирларини (кейинги ўринларда — тадбирлар) ташкил этиш ва ўтказиш;
белгиланган тартибда тадбирларни ахборот жиҳатдан таъминлаш, ўтказиладиган тадбирларни атрофлича ёритиш мақсадида, шу жумладан хорижий оммавий ахборот воситалари билан ҳамкорлик қилиш;
Ўзбекистон Республикасида тадбирларни ўтказиш билан боғлиқ масалалар бўйича хорижий шериклар ва ишбилармон доиралар билан самарали мулоқотни ташкил этиш;
тадбирларни ўтказиш концепцияларида кўрсатилган ташкилий, техник ва логистик талабларни бажариш;
Ўзбекистон Республикаси ва хорижда тадбирлар ташкил этиш ва ўтказиш, шу жумладан медиа жиҳатдан қўллаб-қувватлашни ўз ичига олган комплекс тижорат хизматларини кўрсатиш.
3. Белгилансинки:
«InterНotel» МЧЖ комплекс меҳмонхона хизматларини кўрсатиш мақсадида ташкил этилмоқда;
«InterForum» ДУК «Халқаро ҳамкорлик маркази» ва «Ўзэкспомарказ« миллий кўргазма комплекси» акциядорлик жамиятларининг устав капиталларидаги (жамғармаларидаги) давлат акциялари (улушлари) пакетлари бўйича акциядор ҳуқуқини амалга оширади;
«International Hotel Tashkent» меҳмонхонасининг туташ ҳудуди билан бино ва иншоотлари, шунингдек, унда жойлашган илгари ««Интерсервис» республика хўжалик ҳисобидаги ташқи савдо бирлашмаси» давлат корхонасига тегишли бўлган мол-мулк беғараз равишда мажбуриятлар билан «InterHotel» МЧЖга ўтказилади.
Ўзбекистон Республикаси Президенти ҳузуридаги Лойиҳа бошқаруви миллий агентлиги Давлат активларини бошқариш агентлиги билан биргаликда бир ой муддатда бинолар, иншоотлар ва бошқа мол-мулкларни, шу жумладан давлат акциялари (улушлари) пакетлари ўтказилишини, Ўзбекистон Республикаси Инвестициялар ва ташқи савдо вазирлиги эса уларни қабул қилиб олинишини ҳамда келгусида мақсадли фойдаланилишини таъминласин.
5. Белгилансинки:
а) «InterForum» ДУКнинг директори Ўзбекистон Республикаси Президенти Администрацияси раҳбари томонидан лавозимга тайинланади ва лавозимидан озод этилади;
б) «InterForum» ДУК ўзининг мустақил баланси, Ўзбекистон Республикаси тижорат банкларида миллий ва хорижий валютадаги ҳисоб рақамлари, Ўзбекистон Республикаси Давлат герби ва ўз номи туширилган муҳрга эга;
в) «InterForum» ДУКнинг соф фойдаси қисман Ўзбекистон Республикаси Президенти Администрацияси фаолиятига кўмаклашиш жамғармасига йўналтирилади;
г) қуйидагилар «InterForum» ДУКнинг маблағларини шакллантириш манбалари ҳисобланади:
пуллик хизматлардан келиб тушадиган маблағлар;
халқаро молия институтлари ва ташкилотларининг грантлари ва кредитлари;
юридик ва жисмоний, шу жумладан хорижий шахсларнинг ҳомийлик хайриялари;
юридик шахсларнинг устав капиталидаги (жамғармасидаги) «InterForum» ДУКга тегишли акциялар (улушлар) пакетлари бўйича олинадиган даромадлар;
«InterForum» ДУКнинг вақтинча бўш турган маблағларини тижорат банкларининг депозитларига жойлаштиришдан олинадиган даромадлар;
қонун ҳужжатларида тақиқланмаган бошқа манбалар;
д) «InterForum» ДУК ва унинг таркибий тузилмасига кирувчи ташкилотларга тадбирларни ташкил этиш ва ўтказиш учун зарур бўлган товарларни етказиб бериш, ишларни бажариш, хизматлар кўрсатишга оид шартномаларни товарларни (ишлар, хизматлар) етказиб берувчилар ёки уларнинг расмий дилерлари (дистрибьюторлари, субпудратчилари) билан шартномаларни белгиланган тартибда экспертизадан ўтказган ҳолда энг яхши таклифларни танлаш асосида тузишга истисно тариқасида рухсат этилади.
Бунда, Ўзбекистон Республикаси Президенти, шунингдек қўриқланадиган шахслар иштирокида ташкил этиладиган тадбирлар билан боғлиқ харидлар бўйича тузиладиган шартнома ва шартномага оид қўшимча келишувларни тўғридан-тўғри тузишга рухсат берилади.
ж) Ўзбекистон Республикаси Президенти Администрацияси раҳбари «InterForum» ДУКнинг ташкилий тузилмаси ва бошқарув аппарати тузилмасини тасдиқлайди ва штат бирлиги сонини белгилайди.
6. «InterForum» ДУК тадбирларни ташкил этиш ва ўтказиш доирасида 2028 йил 1 январга қадар белгиланган тартибда шакллантириладиган рўйхатлар бўйича чет давлатлардан олиб кириладиган, Ўзбекистон Республикасида ишлаб чиқарилмайдиган инвентарь буюмлар, материаллар, жиҳозлар, техник воситалар ҳамда товар-моддий бойликлар — божхона божидан озод этилсин.
7. «InterForum» ДУК Тошкент шаҳри, Юнусобод тумани, Амир Темур шоҳ кўчаси, 107Б-уй манзилида бепул фойдаланиш ҳуқуқи асосида жойлаштирилсин.
8. Тошкент шаҳри, Миробод тумани, И. Каримов кўчаси, 1-уй ва Т. Шевченко кўчаси, 34а-уй манзилида жойлашган бино ва иншоотлар туташ ҳудуди билан бирга, шу жумладан уларда мавжуд мол-мулк Ўзбекистон Республикаси Инвестициялар ва ташқи савдо вазирлиги балансига оператив бошқарув ҳуқуқи асосида ўтказилсин.
Ўзбекистон Республикаси Президенти ҳузуридаги Лойиҳа бошқаруви миллий агентлиги ва Ташқи иқтисодий фаолият миллий банки бир ой муддатда бинолар, иншоотларни туташ ҳудуди билан бирга, шу жумладан уларда мавжуд мол-мулкни Ўзбекистон Республикаси Инвестициялар ва ташқи савдо вазирлигига ўтказилишини, вазирлик эса уларни қабул қилиб олинишини ҳамда келгусида мақсадли фойдаланилишини таъминласин.
Ўзбекистон Республикаси Инвестициялар ва ташқи савдо вазирлигига Тошкент шаҳри, Миробод тумани, И. Каримов кўчаси, 1-уй манзилида жойлашган бинода қурилиш-монтаж ишларини олиб бориш учун тўғридан-тўғри шартномалар тузишга рухсат берилсин.
9. Белгилансинки, Ўзбекистон Республикаси Президенти ҳузуридаги Лойиҳа бошқаруви миллий агентлиги «Тошкент шаҳрида «Delta city« кўп функцияли комплексини қуриш« инвестиция лойиҳасини амалга ошириш бўйича масъул орган ҳисобланади.
Ўзбекистон Республикаси Президенти ҳузуридаги Лойиҳа бошқаруви миллий агентлиги директори Д.Р. Ли ва Тошкент шаҳар ҳокими Ж.А. Артикходжаев бир ой муддатда «Posco E&C» компаниясининг (Корея Республикаси) ваколатли шахслари билан «Тошкент шаҳрида «Delta city»« кўп функцияли комплексини қуриш« инвестиция лойиҳасини пойтахтнинг бошқа қисмида амалга ошириш бўйича музокаралар ўтказсин ва натижалар, шу жумладан ушбу инвестиция лойиҳасини бошқариш механизмлари юзасидан Ўзбекистон Республикаси Президенти Администрациясига таклифлар киритсин.
10. Ўзбекистон Республикаси Президентининг 2018 йил 4 июлдаги «Тошкент шаҳрида «Delta city» халқаро юқори технологияли инновация маркази« лойиҳасини амалга оширишга доир ташкилий чора-тадбирлар тўғрисида«ги ПҚ-3833-сон қарорининг 1, 3, 4, 5-бандлари ва 6-бандининг «б» кичик банди ўз кучини йўқотган деб ҳисоблансин.
11. Ўзбекистон Республикаси Инвестициялар ва ташқи савдо вазирлиги бир ой муддатда:
«InterForum» ДУК ва «InterНotel» МЧЖнинг уставлари белгиланган тартибда ишлаб чиқилиши, тасдиқланиши ва уларнинг давлат рўйхатидан ўтказилишини таъминласин;
Ўзбекистон Республикаси Президенти ҳузуридаги Лойиҳа бошқаруви миллий агентлиги билан биргаликда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг ўринбосари Э.М. Ғаниев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 июнь,
ПҚ-4355-сон
Oʻzbekiston Respublikasi Prezidentining
Qarori
Kongress-koʻrgazma tadbirlarini davlatlararo, hukumatlararo va idoralararo darajalarda tashkil etish va oʻtkazish tizimini takomillashtirish chora-tadbirlari toʻgʻrisida
Oʻzbekiston Respublikasida xalqaro konferensiyalar, koʻrgazmalar, yarmarkalar, forumlar va boshqa tadbirlarni sifatli tashkil etish va oʻtkazish, mamlakatimizning xorijdagi imijini yanada oshirish, investitsiya, savdo-iqtisodiy, diplomatik hamkorlikning dolzarb masalalarini, tashqi iqtisodiy, tashqi siyosiy, madaniy-gumanitar va boshqa faoliyat turlari yoʻnalishlarini muhokama qilish uchun yagona maydoncha yaratish maqsadida:
1. Oʻzbekiston Respublikasi Prezidenti huzuridagi Loyiha boshqaruvi milliy agentligi va Oʻzbekiston Respublikasi Investitsiyalar va tashqi savdo vazirligining:
“InterForum” davlat unitar korxonasini (keyingi oʻrinlarda — “InterForum” DUK) tashkil etish;
“InterForum” DUK taʼsischiligida “InterNotel” masʼuliyati cheklangan jamiyatini (keyingi oʻrinlarda — “InterNotel” MCHJ) tashkil etish toʻgʻrisidagi takliflari maʼqullansin.
2. Quyidagilar “InterForum” DUKning asosiy vazifalari etib belgilansin:
tashqi iqtisodiy va tashqi siyosiy faoliyat, shuningdek, madaniy-gumanitar, maʼnaviy-maʼrifiy hamda boshqa yoʻnalishlarda davlatlararo, hukumatlararo va idoralararo darajalarda xalqaro va respublika miqyosidagi kongress-koʻrgazma tadbirlarini (keyingi oʻrinlarda — tadbirlar) tashkil etish va oʻtkazish;
belgilangan tartibda tadbirlarni axborot jihatdan taʼminlash, oʻtkaziladigan tadbirlarni atroflicha yoritish maqsadida, shu jumladan xorijiy ommaviy axborot vositalari bilan hamkorlik qilish;
Oʻzbekiston Respublikasida tadbirlarni oʻtkazish bilan bogʻliq masalalar boʻyicha xorijiy sheriklar va ishbilarmon doiralar bilan samarali muloqotni tashkil etish;
tadbirlarni oʻtkazish konsepsiyalarida koʻrsatilgan tashkiliy, texnik va logistik talablarni bajarish;
Oʻzbekiston Respublikasi va xorijda tadbirlar tashkil etish va oʻtkazish, shu jumladan media jihatdan qoʻllab-quvvatlashni oʻz ichiga olgan kompleks tijorat xizmatlarini koʻrsatish.
3. Belgilansinki:
“InterNotel” MCHJ kompleks mehmonxona xizmatlarini koʻrsatish maqsadida tashkil etilmoqda;
“InterForum” DUK “Xalqaro hamkorlik markazi” va “Oʻzekspomarkaz“ milliy koʻrgazma kompleksi” aksiyadorlik jamiyatlarining ustav kapitallaridagi (jamgʻarmalaridagi) davlat aksiyalari (ulushlari) paketlari boʻyicha aksiyador huquqini amalga oshiradi;
“International Hotel Tashkent” mehmonxonasining tutash hududi bilan bino va inshootlari, shuningdek, unda joylashgan ilgari ““Interservis” respublika xoʻjalik hisobidagi tashqi savdo birlashmasi” davlat korxonasiga tegishli boʻlgan mol-mulk begʻaraz ravishda majburiyatlar bilan “InterHotel” MCHJga oʻtkaziladi.
Oʻzbekiston Respublikasi Prezidenti huzuridagi Loyiha boshqaruvi milliy agentligi Davlat aktivlarini boshqarish agentligi bilan birgalikda bir oy muddatda binolar, inshootlar va boshqa mol-mulklarni, shu jumladan davlat aksiyalari (ulushlari) paketlari oʻtkazilishini, Oʻzbekiston Respublikasi Investitsiyalar va tashqi savdo vazirligi esa ularni qabul qilib olinishini hamda kelgusida maqsadli foydalanilishini taʼminlasin.
5. Belgilansinki:
a) “InterForum” DUKning direktori Oʻzbekiston Respublikasi Prezidenti Administratsiyasi rahbari tomonidan lavozimga tayinlanadi va lavozimidan ozod etiladi;
b) “InterForum” DUK oʻzining mustaqil balansi, Oʻzbekiston Respublikasi tijorat banklarida milliy va xorijiy valyutadagi hisob raqamlari, Oʻzbekiston Respublikasi Davlat gerbi va oʻz nomi tushirilgan muhrga ega;
v) “InterForum” DUKning sof foydasi qisman Oʻzbekiston Respublikasi Prezidenti Administratsiyasi faoliyatiga koʻmaklashish jamgʻarmasiga yoʻnaltiriladi;
g) quyidagilar “InterForum” DUKning mablagʻlarini shakllantirish manbalari hisoblanadi:
pullik xizmatlardan kelib tushadigan mablagʻlar;
xalqaro moliya institutlari va tashkilotlarining grantlari va kreditlari;
yuridik va jismoniy, shu jumladan xorijiy shaxslarning homiylik xayriyalari;
yuridik shaxslarning ustav kapitalidagi (jamgʻarmasidagi) “InterForum” DUKga tegishli aksiyalar (ulushlar) paketlari boʻyicha olinadigan daromadlar;
“InterForum” DUKning vaqtincha boʻsh turgan mablagʻlarini tijorat banklarining depozitlariga joylashtirishdan olinadigan daromadlar;
qonun hujjatlarida taqiqlanmagan boshqa manbalar;
d) “InterForum” DUK va uning tarkibiy tuzilmasiga kiruvchi tashkilotlarga tadbirlarni tashkil etish va oʻtkazish uchun zarur boʻlgan tovarlarni yetkazib berish, ishlarni bajarish, xizmatlar koʻrsatishga oid shartnomalarni tovarlarni (ishlar, xizmatlar) yetkazib beruvchilar yoki ularning rasmiy dilerlari (distribyutorlari, subpudratchilari) bilan shartnomalarni belgilangan tartibda ekspertizadan oʻtkazgan holda eng yaxshi takliflarni tanlash asosida tuzishga istisno tariqasida ruxsat etiladi.
Bunda, Oʻzbekiston Respublikasi Prezidenti, shuningdek qoʻriqlanadigan shaxslar ishtirokida tashkil etiladigan tadbirlar bilan bogʻliq xaridlar boʻyicha tuziladigan shartnoma va shartnomaga oid qoʻshimcha kelishuvlarni toʻgʻridan-toʻgʻri tuzishga ruxsat beriladi.
j) Oʻzbekiston Respublikasi Prezidenti Administratsiyasi rahbari “InterForum” DUKning tashkiliy tuzilmasi va boshqaruv apparati tuzilmasini tasdiqlaydi va shtat birligi sonini belgilaydi.
6. “InterForum” DUK tadbirlarni tashkil etish va oʻtkazish doirasida 2028-yil 1-yanvarga qadar belgilangan tartibda shakllantiriladigan roʻyxatlar boʻyicha chet davlatlardan olib kiriladigan, Oʻzbekiston Respublikasida ishlab chiqarilmaydigan inventar buyumlar, materiallar, jihozlar, texnik vositalar hamda tovar-moddiy boyliklar — bojxona bojidan ozod etilsin.
7. “InterForum” DUK Toshkent shahri, Yunusobod tumani, Amir Temur shoh koʻchasi, 107B-uy manzilida bepul foydalanish huquqi asosida joylashtirilsin.
8. Toshkent shahri, Mirobod tumani, I. Karimov koʻchasi, 1-uy va T. Shevchenko koʻchasi, 34a-uy manzilida joylashgan bino va inshootlar tutash hududi bilan birga, shu jumladan ularda mavjud mol-mulk Oʻzbekiston Respublikasi Investitsiyalar va tashqi savdo vazirligi balansiga operativ boshqaruv huquqi asosida oʻtkazilsin.
Oʻzbekiston Respublikasi Prezidenti huzuridagi Loyiha boshqaruvi milliy agentligi va Tashqi iqtisodiy faoliyat milliy banki bir oy muddatda binolar, inshootlarni tutash hududi bilan birga, shu jumladan ularda mavjud mol-mulkni Oʻzbekiston Respublikasi Investitsiyalar va tashqi savdo vazirligiga oʻtkazilishini, vazirlik esa ularni qabul qilib olinishini hamda kelgusida maqsadli foydalanilishini taʼminlasin.
Oʻzbekiston Respublikasi Investitsiyalar va tashqi savdo vazirligiga Toshkent shahri, Mirobod tumani, I. Karimov koʻchasi, 1-uy manzilida joylashgan binoda qurilish-montaj ishlarini olib borish uchun toʻgʻridan-toʻgʻri shartnomalar tuzishga ruxsat berilsin.
9. Belgilansinki, Oʻzbekiston Respublikasi Prezidenti huzuridagi Loyiha boshqaruvi milliy agentligi “Toshkent shahrida “Delta city“ koʻp funksiyali kompleksini qurish“ investitsiya loyihasini amalga oshirish boʻyicha masʼul organ hisoblanadi.
Oʻzbekiston Respublikasi Prezidenti huzuridagi Loyiha boshqaruvi milliy agentligi direktori D.R. Li va Toshkent shahar hokimi J.A. Artikxodjayev bir oy muddatda “Posco E&C” kompaniyasining (Koreya Respublikasi) vakolatli shaxslari bilan “Toshkent shahrida “Delta city”“ koʻp funksiyali kompleksini qurish“ investitsiya loyihasini poytaxtning boshqa qismida amalga oshirish boʻyicha muzokaralar oʻtkazsin va natijalar, shu jumladan ushbu investitsiya loyihasini boshqarish mexanizmlari yuzasidan Oʻzbekiston Respublikasi Prezidenti Administratsiyasiga takliflar kiritsin.
10. Oʻzbekiston Respublikasi Prezidentining 2018-yil 4-iyuldagi “Toshkent shahrida “Delta city” xalqaro yuqori texnologiyali innovatsiya markazi“ loyihasini amalga oshirishga doir tashkiliy chora-tadbirlar toʻgʻrisida“gi PQ-3833-son qarorining 1, 3, 4, 5-bandlari va 6-bandining “b” kichik bandi oʻz kuchini yoʻqotgan deb hisoblansin.
11. Oʻzbekiston Respublikasi Investitsiyalar va tashqi savdo vazirligi bir oy muddatda:
“InterForum” DUK va “InterNotel” MCHJning ustavlari belgilangan tartibda ishlab chiqilishi, tasdiqlanishi va ularning davlat roʻyxatidan oʻtkazilishini taʼminlasin;
Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-iyun,
PQ-4355-son
Президента Республики Узбекистан
Постановление
О мерах по совершенствованию системы организации и проведения конгрессно-выставочных мероприятий на межгосударственном, межправительственном и межведомственном уровнях
В целях качественной организации и проведения международных конференций, выставок, ярмарок, форумов и других мероприятий в Республике Узбекистан, дальнейшего повышения имиджа страны за рубежом, создания единой площадки для обсуждения актуальных вопросов инвестиционного, торгово-экономического, дипломатического сотрудничества, других направлений внешнеэкономической, внешнеполитической, культурно-гуманитарной и иных видов деятельности:
1. Одобрить предложение Национального агентства проектного управления при Президенте Республики Узбекистан и Министерства инвестиций и внешней торговли Республики Узбекистан о создании:
государственного унитарного предприятия «InterForum» (далее — ГУП «InterForum»);
общества с ограниченной ответственностью «InterНotel» (далее — ООО «InterНotel»), учредителем которого является ГУП «InterForum».
2. Определить основными задачами ГУП «InterForum»:
организацию и проведение международных и общереспубликанских конгрессно-выставочных мероприятий на межгосударственном, межправительственном и межведомственном уровнях (далее — мероприятия) в сферах внешнеэкономической и внешнеполитической деятельности, а также культурно-гуманитарной, духовно-просветительской и других направлениях;
обеспечение информационного сопровождения мероприятий в установленном порядке, взаимодействие со средствами массовой информации, в том числе зарубежными, в целях широкого освещения проводимых мероприятий;
организацию эффективной коммуникации с зарубежными партнерами и деловыми кругами по вопросам, связанным с проведением мероприятий в Республике Узбекистан;
выполнение организационных, технических и логистических требований, указанных в концепциях проведения мероприятий;
оказание комплекса коммерческих услуг по организации и проведению мероприятий в Республике Узбекистан и за рубежом, включая медиаподдержку.
3. Установить, что:
ООО «InterНotel» создается в целях оказания комплекса гостиничных услуг;
ГУП «InterForum» осуществляет права акционера по государственным пакетам акций (долей) в уставных капиталах (фондах) акционерных обществ «Халкаро хамкорлик маркази» и «Национальный выставочный комплекс «Узэкспоцентр»;
здания и сооружения с прилегающей территорией гостиницы «International Hotel Tashkent», а также находящееся в ней имущество, ранее принадлежащие государственному предприятию «Республиканское хозрасчетное внешнеэкономическое объединение «Интерсервис»», с обязательствами передаются на безвозмездной основе ООО «InterHotel».
Национальному агентству проектного управления при Президенте Республики Узбекистан совместно с Агентством по управлению государственными активами в месячный срок обеспечить передачу зданий, сооружений и иного имущества, в том числе государственных пакетов акций (доли), а Министерству инвестиций и внешней торговли Республики Узбекистан — их прием и дальнейшее целевое использование.
5. Определить, что:
а) директор ГУП «InterForum» назначается на должность и освобождается от должности руководителем Администрации Президента Республики Узбекистан;
б) ГУП «InterForum» имеет самостоятельный баланс, счета в коммерческих банках Республики Узбекистан в национальной и иностранной валютах, печать с изображением Государственного герба Республики Узбекистан и своим наименованием;
в) часть чистой прибыли ГУП «InterForum» направляется во внебюджетный Фонд содействия деятельности Администрации Президента Республики Узбекистан;
г) источниками формирования средств ГУП «InterForum» являются:
средства, поступающие от оказания платных услуг;
гранты и кредиты международных финансовых институтов и организаций;
благотворительные пожертвования юридических и физических лиц, в том числе иностранных;
доходы по принадлежащим ГУП «InterForum» пакетам акций (долей) в уставном капитале (фонде) юридических лиц;
доходы от размещения временно свободных средств ГУП «InterForum» в коммерческих банках;
другие источники, не запрещенные законодательством;
д) ГУП «InterForum» и входящим в его организационную структуру организациям разрешается, в порядке исключения, заключать с поставщиками товаров (работ, услуг) или их официальными дилерами (дистрибьюторами, субподрядчиками) контракты на поставку товаров, выполнение работ, оказание услуг, необходимых для организации и проведения мероприятий, на основе отбора наилучших предложений с проведением экспертизы контрактов в установленном порядке.
При этом разрешается прямое заключение договоров и дополнительных соглашений к договору по закупкам, связанным с мероприятиями, организуемыми с участием Президента Республики Узбекистан, а также охраняемых лиц.
ж) Руководитель Администрации Президента Республики Узбекистан утверждает организационную структуру и структуру аппарата управления ГУП «InterForum», а также устанавливает численность штатных единиц.
6. В рамках организации и проведения мероприятий освободить ГУП «InterForum» до 1 января 2028 года от уплаты таможенной пошлины на инвентарное имущество, материалы, оснащение, технические средства, а также товарно-материальные ценности, ввозимые из иностранных государств и не производимые в Республике Узбекистан, согласно формируемым в установленном порядке перечням.
7. Разместить ГУП «InterForum» по адресу: г. Ташкент, Юнусабадский район, проспект Амира Темура, дом 107Б на праве безвозмездного пользования.
8. Передать на баланс Министерства инвестиций и внешней торговли Республики Узбекистан на праве оперативного управления здания и сооружения с прилегающей территорией, в том числе находящееся в них имущество, расположенные по адресу: г. Ташкент, Мирабадский район, улица И. Каримова, дом 1, а также улица Т. Шевченко, дом 34а.
Национальному агентству проектного управления при Президенте Республики Узбекистан и Национальному банку внешнеэкономической деятельности в месячный срок обеспечить передачу зданий, сооружений с прилегающей территорией, в том числе находящегося в них имущества, а Министерству инвестиций и внешней торговли Республики Узбекистан – их прием и дальнейшее целевое использование.
Разрешить Министерству инвестиций и внешней торговли Республики Узбекистан заключать прямые договоры на осуществление строительно-монтажных работ здания, расположенного по адресу: г. Ташкент, Мирабадский район, улица И. Каримова, 1.
9. Установить, что Национальное агентство проектного управления при Президенте Республики Узбекистан является ответственным органом по реализации инвестиционного проекта «Строительство многофункционального комплекса «Delta city» в г. Ташкенте».
Директору Национального агентства проектного управления при Президенте Республики Узбекистан Д.Р. Ли и хокиму г. Ташкента Ж.А. Артикходжаеву в месячный срок провести переговоры с уполномоченными лицами компании «Posco E&C» (Республика Корея) по реализации инвестиционного проекта «Строительство многофункционального комплекса «Delta city» в г. Ташкенте» в другой части столицы и по итогам внести в Администрацию Президента Республики Узбекистан предложения, в том числе по механизмам управления данным инвестиционным проектом.
10. Признать утратившими силу пункты 1 , 3 , 4 , 5 и подпункт «б» пункта 6 постановления Президента Республики Узбекистан от 4 июля 2018 года № ПП-3833 «Об организационных мерах по реализации проекта «Международный высокотехнологичный инновационный центр «Delta city» в г. Ташкенте».
11. Министерству инвестиций и внешней торговли Республики Узбекистан в месячный срок:
обеспечить в установленном порядке разработку и утверждение уставов ГУП «InterForum» и ООО «InterНotel», а также их государственную регистрацию;
совместно с Национальным агентством проектного управления при Президенте Республики Узбекистан внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Премьер-министра Республики Узбекистан Э.М. Ганиева.
Президент Республики Узбекистан Ш. МИРЗИЁЕВ
г. Ташкент,
7 июня 2019 г.,
№ ПП-4355