📅 2019-yil 7-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 7 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 июня 2019 г. · Постановления Президента
Официальный текст. Официальный документ. Редакционные примечания не включены.
📅 7 June 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Автомобиль транспортида юкларни халқаро ташишни янада ривожлантиришга доир қўшимча чора-тадбирлар тўғрисида
[Кўчирма]
Кейинги йилларда автомобилда юкларни халқаро ташиш соҳасида хорижий давлатлар билан ўзаро ҳамкорлик қилиш масалаларини тартибга солиш бўйича шартномавий-ҳуқуқий базани такомиллаштириш, миллий ташувчиларнинг катта ҳажмли юк автотранспорт воситалари паркини янгилаш ва модернизация қилиш учун қулай шарт-шароитлар яратиш ва транспорт хизматлари халқаро бозорида уларнинг рақобатбардошлигини оширишга йўналтирилган салмоқли чора-тадбирлар кўрилди.
Шу билан бирга республиканинг ўсиб бораётган экспорт салоҳияти ва экспорт қилинадиган маҳсулотлар қийматида транспорт харажатларини мақбуллаштириш зарурати катта ҳажмли юк автотранспорт воситалари парки қувватини ошириш, маҳаллий ташувчилар фаолиятини такомиллаштириш бўйича қўшимча чора-тадбирлар кўрилишини талаб этади.
Миллий ташувчиларнинг катта ҳажмли юк автотранспорт воситалари паркини янада янгилаш ва модернизация қилиш учун қўшимча шарт-шароитлар яратиш, ички ва ташқи бозорларда уларнинг рақобатбардошлигини ошириш, шунингдек, тадбиркорлик субъектларининг ташқи савдо фаолиятини транспорт-логистик таъминлаш тизимини такомиллаштириш мақсадида:
1. Ўзбекистон Республикаси Транспорт вазирлиги ва Молия вазирлигининг 2019 — 2021 йиллар даврида Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармасидан автомобиль транспортида юкларни халқаро ташийдиган тадбиркорлик субъектларига қуйидагиларни беришни назарда тутувчи автомобилда халқаро юк ташиш учун фойдаланиладиган маҳаллий ва чет элда ишлаб чиқарилган катта ҳажмли юк автотранспорт воситалари, тиркамалар ва ярим тиркамаларни сотиб олишда миллий ташувчиларни давлат томонидан қўллаб-қувватлаш тартибини жорий этиш:
тижорат банкларининг жалб этиладиган кредитлари бўйича фоиз харажатларини қоплашга, миллий валютадаги кредитлар бўйича — тижорат банклари томонидан белгиланган ставканинг 25 фоизи миқдорида, бироқ 5 фоизли пунктдан кўп бўлмаган миқдорда, хорижий валютадаги кредитлар бўйича — тижорат банклари томонидан белгиланган ставканинг 40 фоизи, бироқ 3 фоизли пунктдан кўп бўлмаган миқдорда компенсация бериш;
тижорат банкларининг кредитлари бўйича кредит суммасининг 50 фоизигача, бироқ 2 млрд сўмдан кўп бўлмаган миқдорда кафиллик бериш тўғрисидаги таклифи маъқуллансин.
Ўзбекистон Республикаси Молия вазирлиги 2019 — 2021 йиллар даврида Ўзбекистон Республикаси Вазирлар Маҳкамаси ҳузуридаги Тадбиркорлик фаолиятини ривожлантиришни қўллаб-қувватлаш давлат жамғармасига ушбу бандда кўрсатилган мақсадлар учун зарур маблағларнинг босқичма-босқич ажратилишини таъминласин.
2. Белгилансинки:
ишлаб чиқарилган пайтидан бошлаб 4 йилдан ортиқ муддат ўтмаган катта ҳажмли юк автотранспорт воситалари, шунингдек, ишлаб чиқарилган пайтидан бошлаб 6 йилдан ортиқ муддат ўтмаган тиркамалар ва ярим тиркамалар тижорат банклари томонидан уларни кредитга сотиб олишда ҳар икки томоннинг розилиги билан гаров таъминоти сифатида қабул қилиниши мумкин;
солиқ солиш мақсадида йўл қўйилиши мумкин бўлган максимал массаси 12 тоннадан ортиқ бўлган юк автомобиллари (самосваллардан ташқари), шатакчи автомобиллар, шунингдек, максимал массаси 10 тоннадан ортиқ бўлган тиркамалар ва ярим тиркамаларнинг йиллик энг юқори амортизация нормаси 10 фоизни ташкил этади;
миллий ташувчиларга сотиш учун катта ҳажмли юк автотранспорт воситалари, тиркамалар ва ярим тиркамаларни импорт қилиш техник топшириқларни Ўзбекистон Республикаси Иқтисодиёт ва саноат вазирлиги ҳузуридаги «Лойиҳалар ва импорт контрактларни комплекс экспертиза қилиш маркази» ДУКда мажбурий экспертиза қилмасдан ва рўйхатдан ўтказмасдан амалга оширилади.
3. Белгилансинки, битта автотранспорт воситаси ҳисобига юк ташиш бўйича хизматлар экспортидан бир йилда 20 000 АҚШ долларидан ортиқ тушум олган миллий ташувчиларга уларнинг аризаси бўйича халқаро ташишларда фойдаланиладиган ҳар бир автотранспорт воситасига чораклар бўйича тақсимланган рухсатномалар сони доирасида автомобилда халқаро ташишга аниқ бир давлатнинг 2 тагача рухсатномаси берилади.
Бунда, ташувчи томонидан олдинги ҳисобот йилида автомобилда халқаро ташишга олинган хорижий ва/ёки кўп томонлама рухсатномалар сонининг камида 70 фоизидан фойдаланилганлиги ушбу норма қўлланишининг мажбурий шарти ҳисобланади.
4. Хорижий ва (ёки) кўп томонлама рухсатнома берилганлиги учун йиғим миқдори рухсатнома берилган санада Ўзбекистон Республикасида белгиланган базавий ҳисоблаш миқдорининг тўртдан биригача пасайтирилсин.
5. Миллий ташувчиларга (резидентларга):
а) норезидентлардан Ўзбекистон Республикасидан ташқарида нақд хорижий валютани транспорт экспедицияси шартномалари (юкларни ташиш) бўйича ҳақ тўлаш ҳисобига олишга, олинган суммани Ўзбекистон Республикаси тижорат банкларида очилган ўзининг хорижий валютадаги талаб қилиб олингунча депозит ҳисоб рақамларига ўтказишга рухсат берилсин. Бунда, халқаро товар-транспорт юк хати халқаро ташишлар бажарилганлигининг тасдиғи ҳисобланади;
б) юкларни автомобилда халқаро ташийдиган ҳайдовчиларга хизмат сафарида, шу жумладан, йўлда бўлган вақтда улар томонидан турар жой ижараси ва суткалик харажатларни ҳар бир сутка учун тасдиқлайдиган ҳужжатларни тақдим этмасдан умумий тўлов шаклида:
Ўзбекистон Республикаси ҳудудида бўлган вақт учун — белгиланган базавий ҳисоблаш миқдорининг 50 фоизигача;
Ўзбекистон Республикасидан ташқарида бўлган вақт учун — 60 АҚШ долларигача бўлган миқдорда қоплашга рухсат берилсин.
6. Ўзбекистон Республикаси Инвестициялар ва ташқи савдо вазирлиги Транспорт вазирлиги билан биргаликда уч ой муддатда 2019 — 2021 йиллар даврида ишлаб чиқарилган пайтидан бошлаб 4 йилдан ортиқ муддат ўтмаган маҳаллий ва чет элда ишлаб чиқарилган катта ҳажмли юк автотранспорт воситалари, тиркамалар ва ярим тиркамаларни, шу жумладан, лизинг асосида сотиб олишни молиялаштириш учун ҳар йили хорижий молиявий институтларнинг камида 100 млн АҚШ доллари миқдоридаги узоқ муддатли кредит ресурсларини жалб этиш чораларини кўрсин.
7. «JV MAN — Auto Uzbekistan» МЧЖ ҚК ва «MAN Truck and Bus AG» (Германия) компанияси ўртасида:
мамлакатимизда ишлаб чиқарилган шатакчи автомобилларнинг ички ва ташқи бозорлардаги рақобатбардошлигини ошириш мақсадида улар қийматини оптималлаштириш доирасида автотранспорт воситаларини ишлаб чиқариш учун Германия томонидан бутловчи буюмлар ва узелларга 10 фоиз миқдорида чегирма берилиши;
ишлаб чиқарилган пайтидан бошлаб 4 йилдан ортиқ муддат ўтмаган, Европада ишлаб чиқарилган «MAN» русумли катта ҳажмли юк автотранспорт воситалари марказлаштирилган тартибда етказиб берилиши ва Ўзбекистон Республикаси ҳудудида тўлақонли сервис хизмати таъминланиши тўғрисида аҳдлашувга эришилганлиги маълумот учун қабул қилинсин.
8. «Ўзавтосаноат» АЖнинг «JV MAN — Auto Uzbekistan» МЧЖ ҚК ва «UzAuto Trailer» томонидан ишлаб чиқарилган янги маҳсулотлар маҳсулот қийматига инфляция даражаси доирасида тузатиш киритиш имконияти билан икки йилгача муддат билан тўловни фоизсиз бўлиб-бўлиб тўлаш шартларида сотиш тўғрисидаги таклифига розилик берилсин.
9. Ўзбекистон Республикаси Ички ишлар вазирлиги Транспорт вазирлиги, Ташқи ишлар вазирлиги ҳамда Инвестициялар ва ташқи савдо вазирлиги билан биргаликда икки ой муддатда Вазирлар Маҳкамасига 1957 йил 30 сентябрда Женева шаҳрида имзоланган Хавфли юкларни автомобилда халқаро ташиш тўғрисидаги Европа битимига Ўзбекистон Республикасининг қўшилиши бўйича таклиф киритсин.
10. Молия вазирлиги Транспорт воситалари эгаларининг фуқаролик жавобгарлигини мажбурий суғурта қилиш бўйича тўловларни кафолатлаш жамғармаси билан биргаликда уч ой муддатда Ўзбекистон Республикаси қонун ҳужжатларига миллий ташувчиларга Ўзбекистон Республикаси ҳудудида «Яшил харита» халқаро тизими бўйича суғурта полисларини сотиб олиш учун шарт-шароитларни назарда тутадиган ўзгартириш ва қўшимчалар бўйича Вазирлар Маҳкамасига таклифлар киритсин.
11. Ўзбекистон Республикаси Энергетика вазирлиги икки ой муддатда Евро-3, Евро-4, ва Евро-5 стандартли дизель ёқилғисини импорт қилиш ва Ўзбекистон Республикаси ҳудудида сотиш учун тадбиркорлик субъектларини ва хорижий компанияларни уларнинг фаолияти учун зарур шарт-шароитлар яратилган ҳолда жалб этиш бўйича амалий чора-тадбирлар кўрсин.
12. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари автомобилда халқаро юк ташувчи миллий ташувчиларнинг буюртманомалари бўйича ҳаракатланадиган таркибни сақлаш, техник хизмат кўрсатиш ва таъмирлаш учун мўлжалланган автотранспорт корхоналарини жойлаштириш учун фойдаланилмаётган биноларни белгиланган тартибда беришни таъминласин.
14. Ўзбекистон Республикаси Инвестициялар ва ташқи савдо вазирлиги, Транспорт вазирлиги бошқа манфаатдор вазирликлар ва идоралар билан биргаликда бир ой муддатда Ўзбекистон Республикаси Вазирлар Маҳкамасига Логистика марказлари ва йўлбўйи инфратузилмаси объектларининг интеграциялаштирилган тармоғини ривожлантириш концепцияси ҳамда уни амалга ошириш бўйича Тадбирлар режаси лойиҳаларини киритсин.
15. Ўзбекистон Республикаси Президентининг айрим ҳужжатларига иловага мувофиқ ўзгартиришлар ва қўшимча киритилсин.
16. Ўзбекистон Республикаси Транспорт вазирлиги:
икки ой муддатда юк ташишларнинг потенциал буюртмачиларини тизимли хабардор қилиш учун умумтарқалган электрон тизимларда фойдаланиладиган автотранспорт воситаларининг асосий тавсифлари тўғрисидаги маълумотлар мавжуд бўлган миллий ташувчиларнинг ягона реестри шакллантирилишини;
манфаатдор вазирликлар ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартиришлар ва қўшимчалар тўғрисида Ўзбекистон Республикаси Вазирлар Маҳкамасига таклифлар киритилишини;
олдин қабул қилинган идоравий норматив-ҳуқуқий ҳужжатлар ва бошқа ҳужжатларнинг ушбу қарорга мувофиқлаштирилишини таъминласин.
17. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси Президенти маслаҳатчисининг ўринбосари Н.С. Отажонов зиммасига юклансин.
Ўзбекистон Республикаси Президентининг 2019 йил 7 июндаги ПҚ-4353-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 2 декабрдаги «2018 — 2022 йилларда транспорт инфратузилмасини такомиллаштириш ва юк ташишнинг ташқи савдо йўналишларини диверсификациялаш чора-тадбирлари тўғрисида»ги ПҚ-3422-сон қарори 4-бандининг биринчи хатбошида :
«Автомобилларда халқаро юк ташишни амалга ошираётган» сўзлари «Йиллик тушумида халқаро юк ташиш хизматлари экспорти улуши 50 ва ундан юқори фоизни ташкил этадиган» сўзлари билан алмаштирилсин;
«транспорт-логистика компаниялари» сўзларидан олдин «товарларни ташишни ташкил этиш, омборга жойлаштириш, сақлаш, ишлов бериш ва тарқатиш билан шуғулланувчи» сўзлари билан тўлдирилсин.
2. Ўзбекистон Республикаси Президентининг 2018 йил 6 мартдаги «Автомобиль транспортини бошқариш тизимини янада такомиллаштириш чора-тадбирлари тўғрисида»ги ПҚ-3589-сон қарори 11-бандининг иккинчи хатбошида :
«мамлакатимизда ишлаб чиқарилиб» сўзлари «мамлакатимизда янги ишлаб чиқарилиб» сўзлари билан алмаштирилсин;
«Ўзбекистон Республикаси Вазирлар Маҳкамаси ҳузуридаги Республика йўл жамғармасига ундириладиган йиғимлар» сўзлари «автотранспорт йиғимлари» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 7 июнь,
ПҚ-4353-сон
Oʻzbekiston Respublikasi Prezidentining
Qarori
Avtomobil transportida yuklarni xalqaro tashishni yanada rivojlantirishga doir qoʻshimcha chora-tadbirlar toʻgʻrisida
[Koʻchirma]
Keyingi yillarda avtomobilda yuklarni xalqaro tashish sohasida xorijiy davlatlar bilan oʻzaro hamkorlik qilish masalalarini tartibga solish boʻyicha shartnomaviy-huquqiy bazani takomillashtirish, milliy tashuvchilarning katta hajmli yuk avtotransport vositalari parkini yangilash va modernizatsiya qilish uchun qulay shart-sharoitlar yaratish va transport xizmatlari xalqaro bozorida ularning raqobatbardoshligini oshirishga yoʻnaltirilgan salmoqli chora-tadbirlar koʻrildi.
Shu bilan birga respublikaning oʻsib borayotgan eksport salohiyati va eksport qilinadigan mahsulotlar qiymatida transport xarajatlarini maqbullashtirish zarurati katta hajmli yuk avtotransport vositalari parki quvvatini oshirish, mahalliy tashuvchilar faoliyatini takomillashtirish boʻyicha qoʻshimcha chora-tadbirlar koʻrilishini talab etadi.
Milliy tashuvchilarning katta hajmli yuk avtotransport vositalari parkini yanada yangilash va modernizatsiya qilish uchun qoʻshimcha shart-sharoitlar yaratish, ichki va tashqi bozorlarda ularning raqobatbardoshligini oshirish, shuningdek, tadbirkorlik subyektlarining tashqi savdo faoliyatini transport-logistik taʼminlash tizimini takomillashtirish maqsadida:
1. Oʻzbekiston Respublikasi Transport vazirligi va Moliya vazirligining 2019 — 2021-yillar davrida Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasidan avtomobil transportida yuklarni xalqaro tashiydigan tadbirkorlik subyektlariga quyidagilarni berishni nazarda tutuvchi avtomobilda xalqaro yuk tashish uchun foydalaniladigan mahalliy va chet elda ishlab chiqarilgan katta hajmli yuk avtotransport vositalari, tirkamalar va yarim tirkamalarni sotib olishda milliy tashuvchilarni davlat tomonidan qoʻllab-quvvatlash tartibini joriy etish:
tijorat banklarining jalb etiladigan kreditlari boʻyicha foiz xarajatlarini qoplashga, milliy valyutadagi kreditlar boʻyicha — tijorat banklari tomonidan belgilangan stavkaning 25 foizi miqdorida, biroq 5 foizli punktdan koʻp boʻlmagan miqdorda, xorijiy valyutadagi kreditlar boʻyicha — tijorat banklari tomonidan belgilangan stavkaning 40 foizi, biroq 3 foizli punktdan koʻp boʻlmagan miqdorda kompensatsiya berish;
tijorat banklarining kreditlari boʻyicha kredit summasining 50 foizigacha, biroq 2 mlrd soʻmdan koʻp boʻlmagan miqdorda kafillik berish toʻgʻrisidagi taklifi maʼqullansin.
Oʻzbekiston Respublikasi Moliya vazirligi 2019 — 2021-yillar davrida Oʻzbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasiga ushbu bandda koʻrsatilgan maqsadlar uchun zarur mablagʻlarning bosqichma-bosqich ajratilishini taʼminlasin.
2. Belgilansinki:
ishlab chiqarilgan paytidan boshlab 4 yildan ortiq muddat oʻtmagan katta hajmli yuk avtotransport vositalari, shuningdek, ishlab chiqarilgan paytidan boshlab 6 yildan ortiq muddat oʻtmagan tirkamalar va yarim tirkamalar tijorat banklari tomonidan ularni kreditga sotib olishda har ikki tomonning roziligi bilan garov taʼminoti sifatida qabul qilinishi mumkin;
soliq solish maqsadida yoʻl qoʻyilishi mumkin boʻlgan maksimal massasi 12 tonnadan ortiq boʻlgan yuk avtomobillari (samosvallardan tashqari), shatakchi avtomobillar, shuningdek, maksimal massasi 10 tonnadan ortiq boʻlgan tirkamalar va yarim tirkamalarning yillik eng yuqori amortizatsiya normasi 10 foizni tashkil etadi;
milliy tashuvchilarga sotish uchun katta hajmli yuk avtotransport vositalari, tirkamalar va yarim tirkamalarni import qilish texnik topshiriqlarni Oʻzbekiston Respublikasi Iqtisodiyot va sanoat vazirligi huzuridagi “Loyihalar va import kontraktlarni kompleks ekspertiza qilish markazi” DUKda majburiy ekspertiza qilmasdan va roʻyxatdan oʻtkazmasdan amalga oshiriladi.
3. Belgilansinki, bitta avtotransport vositasi hisobiga yuk tashish boʻyicha xizmatlar eksportidan bir yilda 20 000 AQSH dollaridan ortiq tushum olgan milliy tashuvchilarga ularning arizasi boʻyicha xalqaro tashishlarda foydalaniladigan har bir avtotransport vositasiga choraklar boʻyicha taqsimlangan ruxsatnomalar soni doirasida avtomobilda xalqaro tashishga aniq bir davlatning 2 tagacha ruxsatnomasi beriladi.
Bunda, tashuvchi tomonidan oldingi hisobot yilida avtomobilda xalqaro tashishga olingan xorijiy va/yoki koʻp tomonlama ruxsatnomalar sonining kamida 70 foizidan foydalanilganligi ushbu norma qoʻllanishining majburiy sharti hisoblanadi.
4. Xorijiy va (yoki) koʻp tomonlama ruxsatnoma berilganligi uchun yigʻim miqdori ruxsatnoma berilgan sanada Oʻzbekiston Respublikasida belgilangan bazaviy hisoblash miqdorining toʻrtdan birigacha pasaytirilsin.
5. Milliy tashuvchilarga (rezidentlarga):
a) norezidentlardan Oʻzbekiston Respublikasidan tashqarida naqd xorijiy valyutani transport ekspeditsiyasi shartnomalari (yuklarni tashish) boʻyicha haq toʻlash hisobiga olishga, olingan summani Oʻzbekiston Respublikasi tijorat banklarida ochilgan oʻzining xorijiy valyutadagi talab qilib olinguncha depozit hisob raqamlariga oʻtkazishga ruxsat berilsin. Bunda, xalqaro tovar-transport yuk xati xalqaro tashishlar bajarilganligining tasdigʻi hisoblanadi;
b) yuklarni avtomobilda xalqaro tashiydigan haydovchilarga xizmat safarida, shu jumladan, yoʻlda boʻlgan vaqtda ular tomonidan turar joy ijarasi va sutkalik xarajatlarni har bir sutka uchun tasdiqlaydigan hujjatlarni taqdim etmasdan umumiy toʻlov shaklida:
Oʻzbekiston Respublikasi hududida boʻlgan vaqt uchun — belgilangan bazaviy hisoblash miqdorining 50 foizigacha;
Oʻzbekiston Respublikasidan tashqarida boʻlgan vaqt uchun — 60 AQSH dollarigacha boʻlgan miqdorda qoplashga ruxsat berilsin.
6. Oʻzbekiston Respublikasi Investitsiyalar va tashqi savdo vazirligi Transport vazirligi bilan birgalikda uch oy muddatda 2019 — 2021-yillar davrida ishlab chiqarilgan paytidan boshlab 4 yildan ortiq muddat oʻtmagan mahalliy va chet elda ishlab chiqarilgan katta hajmli yuk avtotransport vositalari, tirkamalar va yarim tirkamalarni, shu jumladan, lizing asosida sotib olishni moliyalashtirish uchun har yili xorijiy moliyaviy institutlarning kamida 100 mln AQSH dollari miqdoridagi uzoq muddatli kredit resurslarini jalb etish choralarini koʻrsin.
7. “JV MAN — Auto Uzbekistan” MCHJ QK va “MAN Truck and Bus AG” (Germaniya) kompaniyasi oʻrtasida:
mamlakatimizda ishlab chiqarilgan shatakchi avtomobillarning ichki va tashqi bozorlardagi raqobatbardoshligini oshirish maqsadida ular qiymatini optimallashtirish doirasida avtotransport vositalarini ishlab chiqarish uchun Germaniya tomonidan butlovchi buyumlar va uzellarga 10 foiz miqdorida chegirma berilishi;
ishlab chiqarilgan paytidan boshlab 4 yildan ortiq muddat oʻtmagan, Yevropada ishlab chiqarilgan “MAN” rusumli katta hajmli yuk avtotransport vositalari markazlashtirilgan tartibda yetkazib berilishi va Oʻzbekiston Respublikasi hududida toʻlaqonli servis xizmati taʼminlanishi toʻgʻrisida ahdlashuvga erishilganligi maʼlumot uchun qabul qilinsin.
8. “Oʻzavtosanoat” AJning “JV MAN — Auto Uzbekistan” MCHJ QK va “UzAuto Trailer” tomonidan ishlab chiqarilgan yangi mahsulotlar mahsulot qiymatiga inflyatsiya darajasi doirasida tuzatish kiritish imkoniyati bilan ikki yilgacha muddat bilan toʻlovni foizsiz boʻlib-boʻlib toʻlash shartlarida sotish toʻgʻrisidagi taklifiga rozilik berilsin.
9. Oʻzbekiston Respublikasi Ichki ishlar vazirligi Transport vazirligi, Tashqi ishlar vazirligi hamda Investitsiyalar va tashqi savdo vazirligi bilan birgalikda ikki oy muddatda Vazirlar Mahkamasiga 1957-yil 30-sentabrda Jeneva shahrida imzolangan Xavfli yuklarni avtomobilda xalqaro tashish toʻgʻrisidagi Yevropa bitimiga Oʻzbekiston Respublikasining qoʻshilishi boʻyicha taklif kiritsin.
10. Moliya vazirligi Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi bilan birgalikda uch oy muddatda Oʻzbekiston Respublikasi qonun hujjatlariga milliy tashuvchilarga Oʻzbekiston Respublikasi hududida “Yashil xarita” xalqaro tizimi boʻyicha sugʻurta polislarini sotib olish uchun shart-sharoitlarni nazarda tutadigan oʻzgartirish va qoʻshimchalar boʻyicha Vazirlar Mahkamasiga takliflar kiritsin.
11. Oʻzbekiston Respublikasi Energetika vazirligi ikki oy muddatda Yevro-3, Yevro-4, va Yevro-5 standartli dizel yoqilgʻisini import qilish va Oʻzbekiston Respublikasi hududida sotish uchun tadbirkorlik subyektlarini va xorijiy kompaniyalarni ularning faoliyati uchun zarur shart-sharoitlar yaratilgan holda jalb etish boʻyicha amaliy chora-tadbirlar koʻrsin.
12. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari avtomobilda xalqaro yuk tashuvchi milliy tashuvchilarning buyurtmanomalari boʻyicha harakatlanadigan tarkibni saqlash, texnik xizmat koʻrsatish va taʼmirlash uchun moʻljallangan avtotransport korxonalarini joylashtirish uchun foydalanilmayotgan binolarni belgilangan tartibda berishni taʼminlasin.
14. Oʻzbekiston Respublikasi Investitsiyalar va tashqi savdo vazirligi, Transport vazirligi boshqa manfaatdor vazirliklar va idoralar bilan birgalikda bir oy muddatda Oʻzbekiston Respublikasi Vazirlar Mahkamasiga Logistika markazlari va yoʻlboʻyi infratuzilmasi obyektlarining integratsiyalashtirilgan tarmogʻini rivojlantirish konsepsiyasi hamda uni amalga oshirish boʻyicha Tadbirlar rejasi loyihalarini kiritsin.
15. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar va qoʻshimcha kiritilsin.
16. Oʻzbekiston Respublikasi Transport vazirligi:
ikki oy muddatda yuk tashishlarning potensial buyurtmachilarini tizimli xabardor qilish uchun umumtarqalgan elektron tizimlarda foydalaniladigan avtotransport vositalarining asosiy tavsiflari toʻgʻrisidagi maʼlumotlar mavjud boʻlgan milliy tashuvchilarning yagona reyestri shakllantirilishini;
manfaatdor vazirliklar va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirishlar va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritilishini;
oldin qabul qilingan idoraviy normativ-huquqiy hujjatlar va boshqa hujjatlarning ushbu qarorga muvofiqlashtirilishini taʼminlasin.
17. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi Prezidenti maslahatchisining oʻrinbosari N.S. Otajonov zimmasiga yuklansin.
Oʻzbekiston Respublikasi Prezidentining 2019-yil 7-iyundagi PQ-4353-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 2-dekabrdagi “2018 — 2022-yillarda transport infratuzilmasini takomillashtirish va yuk tashishning tashqi savdo yoʻnalishlarini diversifikatsiyalash chora-tadbirlari toʻgʻrisida”gi PQ-3422-son qarori 4-bandining birinchi xatboshida :
“Avtomobillarda xalqaro yuk tashishni amalga oshirayotgan” soʻzlari “Yillik tushumida xalqaro yuk tashish xizmatlari eksporti ulushi 50 va undan yuqori foizni tashkil etadigan” soʻzlari bilan almashtirilsin;
“transport-logistika kompaniyalari” soʻzlaridan oldin “tovarlarni tashishni tashkil etish, omborga joylashtirish, saqlash, ishlov berish va tarqatish bilan shugʻullanuvchi” soʻzlari bilan toʻldirilsin.
2. Oʻzbekiston Respublikasi Prezidentining 2018-yil 6-martdagi “Avtomobil transportini boshqarish tizimini yanada takomillashtirish chora-tadbirlari toʻgʻrisida”gi PQ-3589-son qarori 11-bandining ikkinchi xatboshida :
“mamlakatimizda ishlab chiqarilib” soʻzlari “mamlakatimizda yangi ishlab chiqarilib” soʻzlari bilan almashtirilsin;
“Oʻzbekiston Respublikasi Vazirlar Mahkamasi huzuridagi Respublika yoʻl jamgʻarmasiga undiriladigan yigʻimlar” soʻzlari “avtotransport yigʻimlari” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 7-iyun,
PQ-4353-son
Президента Республики Узбекистан
Постановление
О дополнительных мерах по дальнейшему развитию международных перевозок грузов автомобильным транспортом
[Извлечение]
За последние годы предприняты значительные меры, направленные на совершенствование договорно-правовой базы по регулированию вопросов взаимодействия с иностранными государствами в сфере международных автомобильных перевозок, создание благоприятных условий для обновления и модернизации парка большегрузных автотранспортных средств национальных перевозчиков и повышения их конкурентоспособности на международном рынке транспортных услуг.
Вместе с тем растущий экспортный потенциал республики и необходимость оптимизации транспортной составляющей в стоимости экспортной продукции требуют принятия дополнительных мер по увеличению мощности парка большегрузных автотранспортных средств и совершенствованию деятельности отечественных перевозчиков.
В целях создания дополнительных условий для дальнейшего обновления и модернизации парка большегрузных автотранспортных средств национальных перевозчиков, повышения их конкурентоспособности на внутреннем и внешних рынках, а также совершенствования системы транспортно-логистического сопровождения внешнеторговой деятельности субъектов предпринимательства:
1. Одобрить предложения Министерства транспорта и Министерства финансов Республики Узбекистан о введении порядка оказания государственной поддержки национальным перевозчикам в приобретении большегрузных автотранспортных средств, прицепов и полуприцепов отечественного и зарубежного производства, используемых для международных автомобильных перевозок, в период 2019 — 2021 годы, предусматривающего предоставление Государственным фондом поддержки развития предпринимательской деятельности при Кабинете Министров Республики Узбекистан субъектам предпринимательства, осуществляющим международные перевозки грузов автомобильным транспортом:
компенсации на покрытие процентных расходов по привлекаемым кредитам коммерческих банков в размере 25 процентов от установленной ими ставки, но не более чем на 5 процентных пунктов — по кредитам в национальной валюте и в размере 40 процентов установленной коммерческим банком ставки, но не более чем на 3 процентных пункта — по кредитам в иностранной валюте;
поручительства по кредитам коммерческих банков в размере до 50 процентов от суммы кредита включительно, но не более чем на 2 млрд сумов.
Министерству финансов Республики Узбекистан обеспечить выделение поэтапно в период 2019 — 2021 годы Государственному фонду поддержки развития предпринимательской деятельности при Кабинете Министров Республики Узбекистан необходимых средств на цели, указанные в настоящем пункте.
2. Установить, что:
большегрузные автотранспортные средства, с момента выпуска которых прошло не более 4 лет, а также прицепы и полуприцепы, с момента выпуска которых прошло не более 6 лет, могут быть приняты коммерческими банками в качестве залогового обеспечения при их приобретении в кредит по обоюдному согласию сторон;
в целях налогообложения годовая предельная норма амортизации грузовых автомобилей (кроме самосвалов), имеющих допустимую максимальную массу свыше 12 тонн, седельных тягачей, а также прицепов и полуприцепов, имеющих допустимую максимальную массу свыше 10 тонн, составляет 10 процентов;
импорт большегрузных автотранспортных средств, прицепов и полуприцепов для реализации национальным перевозчикам осуществляется без обязательной экспертизы и регистрации технических заданий в ГУП «Центр комплексной экспертизы проектов и импортных контрактов» при Министерстве экономики и промышленности Республики Узбекистан.
3. Определить, что национальным перевозчикам, получившим годовую выручку свыше 20 000 долларов США от экспорта услуг по перевозке грузов из расчета на одно автотранспортное средство, по их заявлению на каждое автотранспортное средство, используемое для международных перевозок, выдается до 2 разрешений конкретного государства на международные автомобильные перевозки в рамках поквартально распределенного количества разрешений.
При этом, обязательным условием применения указанной нормы является использование не менее 70 процентов от количества полученных перевозчиком иностранных и/или многосторонних разрешений на международные автомобильные перевозки в предыдущем отчетном году.
4. Снизить размер сбора за выдачу иностранного и (или) многостороннего разрешения до одной четвертой базовой расчетной величины, установленной в Республике Узбекистан на дату выдачи разрешения.
5. Разрешить национальным перевозчикам (резидентам):
а) получать от нерезидентов за пределами Республики Узбекистан наличную иностранную валюту в счет оплаты по договорам транспортной экспедиции (перевозке грузов) с зачислением полученных сумм на свои депозитные счета до востребования в иностранной валюте, открытые в коммерческих банках Республики Узбекистан. При этом, документом, подтверждающим выполнение международных перевозок, является международная товарно-транспортная накладная;
б) возмещать водителям, осуществляющим международные автомобильные перевозки, произведенные ими расходы по найму жилого помещения и суточные за время нахождения в командировке, включая время пребывания в пути, за каждые сутки в виде общей выплаты без представления подтверждающих документов, в размере до:
50 процентов от установленной базовой расчетной величины — за время нахождения в пределах Республики Узбекистан;
60 долларов США — за время нахождения за пределами Республики Узбекистан.
6. Министерству инвестиций и внешней торговли совместно с Министерством транспорта Республики Узбекистан в трехмесячный срок принять меры по привлечению в период 2019 — 2021 годы долгосрочных кредитных ресурсов иностранных финансовых институтов в размере не менее 100 млн долларов США ежегодно для финансирования приобретения большегрузных автотранспортных средств, прицепов и полуприцепов отечественного и зарубежного производства, с момента выпуска которых прошло не более 4 лет, в том числе на лизинговой основе.
7. Принять к сведению, что между СП ООО «JV МАN-Auto Uzbekistan» и компанией «MAN Truck and Bus AG» (Германия) достигнута договоренность о:
предоставлении немецкой стороной скидки в размере 10 процентов на комплектующие и узлы для производства автотранспортных средств, в рамках оптимизации стоимости седельных тягачей отечественного производства в целях повышения их конкурентоспособности на внутреннем и внешних рынках;
централизованной поставке большегрузных автотранспортных средств марки «MAN» европейского производства, с момента выпуска которых прошло не более 4 лет, с обеспечением полноценного сервисного обслуживания на территории Республики Узбекистан.
8. Согласиться с предложением АО «Узавтосаноат» о реализации новой продукции производства СП ООО «JV МАN-Auto Uzbekistan» и ООО «UzAuto Trailer» на условиях предоставления беспроцентной рассрочки платежа сроком до двух лет с возможностью корректировки стоимости продукции в пределах уровня инфляции.
9. Министерству внутренних дел совместно с Министерством транспорта, Министерством иностранных дел и Министерством инвестиций и внешней торговли Республики Узбекистан в двухмесячный срок внести в Кабинет Министров предложение по присоединению Республики Узбекистан к Европейскому соглашению о международной дорожной перевозке опасных грузов (ДОПОГ), подписанному в городе Женеве 30 сентября 1957 года.
10. Министерству финансов совместно с Фондом гарантирования выплат по обязательному страхованию гражданской ответственности владельцев транспортных средств в трехмесячный срок внести в Кабинет Министров предложения по изменениям и дополнениям в законодательство Республики Узбекистан, предусматривающим создание условий национальным перевозчикам для приобретения на территории Республики Узбекистан полисов страхования по международной системе «Зеленая карта».
11. Министерству энергетики Республики Узбекистан в двухмесячный срок принять действенные меры по привлечению субъектов предпринимательства и иностранных компаний для импорта и реализации на территории Республики Узбекистан дизельного топлива стандартов Евро-3, Евро-4 и Евро-5 с созданием необходимых условий для их эффективной деятельности.
12. Совету Министров Республики Каракалпакстан, хокимиятам областей и города Ташкента обеспечить в установленном порядке предоставление по заявкам национальных перевозчиков, осуществляющих международные автомобильные перевозки, неиспользуемых зданий под размещение автотранспортных предприятий, предназначенных для хранения, технического обслуживания и ремонта подвижного состава.
14. Министерству инвестиций и внешней торговли, Министерству транспорта Республики Узбекистан совместно с другими заинтересованными министерствами и ведомствами в месячный срок внести в Кабинет Министров Республики Узбекистан проекты Концепции развития интегрированной сети логистических центров и объектов придорожной инфраструктуры, а также Плана мероприятий по ее реализации.
15. Внести изменения и дополнение в некоторые акты Президента Республики Узбекистан согласно приложению .
16. Министерству транспорта Республики Узбекистан обеспечить:
в двухмесячный срок формирование единого реестра национальных перевозчиков, содержащего сведения об основных характеристиках автотранспортных средств, доступного в общераспространенных электронных системах, для системного информирования потенциальных заказчиков грузоперевозок;
совместно с заинтересованными министерствами и ведомствами в двухмесячный срок внесение в Кабинет Министров Республики Узбекистан предложений об изменениях и дополнениях в законодательство, вытекающих из настоящего постановления;
приведение ранее принятых ведомственных нормативно-правовых и иных актов в соответствие с настоящим постановлением.
17. Контроль за исполнением настоящего постановления возложить на первого заместителя Премьер-министра Республики Узбекистан А.Ж. Раматова и заместителя советника Президента Республики Узбекистан Н.С. Отажанова.
ПРИЛОЖЕНИЕ к постановлению Президента Республики Узбекистан от 7 июня 2019 года № ПП-4353
Изменения и дополнение, вносимые в некоторые решения Президента Республики Узбекистан
1. В абзаце первом пункта 4 постановления Президента Республики Узбекистан от 2 декабря 2017 года № ПП-3422 «О мерах по совершенствованию транспортной инфраструктуры и диверсификации внешнеторговых маршрутов перевозки грузов на 2018 — 2022 годы»:
слова «осуществляющие международные автомобильные перевозки» заменить словами «доля экспорта услуг международных перевозок в годовой выручке которых составляет 50 и более процентов»;
после слов «транспортно-логистические компании,» дополнить словами «занимающиеся организацией перевозок, складированием, хранением, обработкой и распределением товаров,».
2. В абзаце втором пункта 11 постановления Президента Республики Узбекистан от 6 марта 2018 года № ПП-3589 «О мерах по дальнейшему совершенствованию системы управления автомобильным транспортом»:
слова «сбора в Республиканский дорожный фонд при Кабинете Министров Республики Узбекистан» заменить словами «автотранспортного сбора»;
слова «отечественных новых» заменить словами «новых отечественных».
Президент Республики Узбекистан Ш. МИРЗИЁЕВ
г. Ташкент,
7 июня 2019 г.,
№ ПП-4353