📅 2019-yil 11-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 11 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 11 июня 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 11 June 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТАШКИЛИЙ ТУЗИЛМАСИ
Мактабгача таълим тизимига илғор ахборот ва педагогика технологияларини жорий этиш чора-тадбирлари тўғрисида
Таълим-тарбия жараёнига болаларни хар томонлама интеллектуал, маънавий-ахлоқий ва жисмоний ривожлантиришни таъминлайдиган замонавий таълим дастурлари, илғор ахборот ва педагогика технологияларини жорий этиш, уларни мактабга тайёрлаш даражасини ошириш, мактабгача таълимни бошқаришнинг замонавий стандартларини яратиш мақсадида Вазирлар Маҳкамаси қарор қилади:
1. Ўзбекистон Республикаси Мактабгача таълим вазирлиги, Молия вазирлиги, Иқтисодиёт ва саноат вазирлигининг Ўзбекистон Республикаси Мактабгача таълим вазирлиги ҳузуридаги Ахборот ва педагогика технологиялари инновацион марказини Ўзбекистон Республикаси Мактабгача таълим вазирлиги муассислигидаги «Ахборот ва педагогика технологиялари инновацион маркази» масъулияти чекланган жамият (кейинги ўринларда Инновацион марказ деб аталади) этиб қайта ташкил этиш тўғрисидаги таклифига розилик берилсин.
2. Қуйидагилар Инновацион марказнинг асосий вазифалари этиб белгилансин:
бошқарувнинг замонавий стандартларини ишлаб чиқиш ва мактабгача таълим соҳасига жорий этиш;
таълим-тарбия жараёнига илғор ахборот ва педагогика технологияларини жорий этиш, Мактабгача таълимни бошқариш ахборот тизимнинг тегишли равишда ишлашини таъминлаш;
мактабгача ёшдаги болаларни эрта ривожлантириш соҳасида илмий тадқиқотлар ўтказиш;
ахборот хавфсизлигининг тегишли даражасини таъминлаш, Ўзбекистон Республикаси Мактабгача ва мактаб таълими вазирлиги тизимида ягона ахборот маконини шакллантириш;
мактабгача таълим соҳасида инновацион лойиҳаларни амалга оширишни самарали ташкил этиш мақсадида тадбиркорлик субъектлари, стартап-лойиҳалар ташаббускорлари, олимлар, молия институтлари ва бошқа манфаатдор шахслар ўртасида ўзаро ҳамкорликни кенгайтириш учун зарур ташкилий-техник ва молиявий-иқтисодий шарт-шароитлар яратиш;
таълим-тарбия жараёни доирасида фойдаланиш учун ўқув-методик материалларни, мультимедиа контентини, мактабгача таълим тизими ташкилотларининг педагоглари ва раҳбарларини ўқитиш ҳамда турли телекоммуникация каналлари орқали тарқатиш мақсадли дастурларини ишлаб чиқиш ва ишлаб чиқариш;
мактабгача таълим тизими ходимларининг инновацион ахборот-коммуникация ва педагогика технологиялари соҳасидаги билим ва малакасини ошириш, инновацион таълим муҳитини ташкил этиш;
истиқболли йўналишларни белгилаб олиш ва мактабгача таълим тизимини, шу жумладан таълим соҳасида илмий ва амалий тадқиқотлар ташкил этиш ҳамда ўтказиш орқали ривожлантиришнинг истиқболли йўналишларини белгилаш ва янада такомиллаштиришга доир таклифлар ишлаб чиқиш;
мактабгача таълим сифатини баҳолаш усулларини ва мактабгача таълим ташкилотларини моддий-техник жиҳозлаш ҳолатини миллий устуворликларни инобатга олган ҳолда, асосан халқаро эътироф этилган рейтинг агентликлари индикаторлари бўйича баҳолаш усулларини такомиллаштириш;
Инновацион марказ томонидан ўз фаолиятини амалга ошириш жараёнида яратилган интеллектуал мулк объектларига бўлган муаллифлик ҳуқуқларини ўз вақтида ҳимоя қилиш чораларини кўриш;
мактабгача таълим ташкилотлари биноларининг прототипларини ва технологияларни белгиланган тартибда экспертизадан ўтказиш орқали болалар учун хавфсиз таълим муҳитини яратиш, кейинчалик келажакда янги мактабгача таълим муассасаларини қуриш учун концептуал намуналарни тасдиқлаш;
мактабгача таълим ташкилотларида истеъмол қилинадиган озиқ-овқат маҳсулотлари сифатини ва фойдаланиладиган товарлар ҳамда материаллар хавфсизлигини лаборатория йўли билан таҳлил қилиш.
3. Белгилаб қўйилсинки:
Инновацион марказ ўзига юкланган вазифаларни бажариш мақсадида муассис билан келишилган ҳолда, бошқа юридик шахслар ташкил этиш, фаолият юритаётган хўжалик жамиятлари, шу жумладан хорижий капитал иштирокидаги қўшма корхоналар устав капиталида (устав фондида) улуш (акциялар) сотиб олиш ҳуқуқига эга;
Инновацион марказга юкланган вазифалар ва фаолияти йўналишлари таълим соҳасидаги реал муҳим эҳтиёжлардан келиб чиқиб, босқичма-босқич амалга оширилади.
4. Инновацион марказининг ташкилий тузилмаси иловага мувофиқ маъқуллансин.
Мактабгача таълим вазирига Инновацион марказнинг тузилмасига, зарурат бўлса, ўзгартишлар киритиш, шунингдек унинг бошқарув ходимлари сонини белгилаш ҳуқуқи берилсин.
5. Ўзбекистон Республикаси Мактабгача таълим вазирлиги бир ой муддатда:
Инновацион марказ устави ишлаб чиқилиши ва тасдиқланишини, шунингдек, унинг белгиланган тартибда давлат рўйхатидан ўтказилишини таъминласин;
Инновацион марказни тажрибали мутахассислар ва илмий-педагогик кадрлар орасидан юқори малакали кадрлар билан тўлдириш юзасидан зарур чоралар кўрсин.
6. Қуйидагилар Инновацион марказ фаолиятини молиялаштириш манбалари этиб белгилансин:
Инновацион марказ фаолияти ихтисослиги бўйича ишларни бажариш ва хизматлар кўрсатишдан тушган даромадлар;
халқаро молия институтлари ва хорижий ташкилотларнинг грантлари ҳамда кредитлари;
Мактабгача таълимни ривожлантириш жамғармаси маблағлари;
жисмоний ва юридик шахсларнинг, шу жумладан Ўзбекистон Республикаси норезидентларининг хайрия маблағлари;
қонунчиликда тақиқланмаган бошқа манбалар.
7. Инновацион марказ 2022 йил 1 январгача бўлган муддатга, истисно тариқасида, барча солиқлардан озод этилсин.
8. Ўзбекистон Республикаси Ташки ишлар вазирлиги Ўзбекистон Республикаси Мактабгача ва мактаб таълими вазирлигининг буюртманомалари бўйича ушбу қарорни амалга ошириш доирасида жалб қилинадиган хорижий мутахассисларга, шунингдек, уларнинг оила аъзоларига кириш визалари консуллик ва бошқа йиғимлар ундирилмасдан белгиланган тартибда расмийлаштирилишини таъминласин.
9. Ўзбекистон Республикаси Ички ишлар вазирлиги Инновацион марказ буюртманомалари бўйича ушбу қарорни амалга ошириш доирасида жалб қилинадиган хорижий мутахассислар ва уларнинг оила аъзолари учун давлат божи ундирмасдан белгиланган тартибда кўп марталик визалар берилиши ва узайтирилишини, шунингдек, уларнинг яшаш манзиллари бўйича вақтинча турган жойи бўйича рўйхатга олиниши ҳамда унинг муддати узайтирилишини таъминласин.
10. Ўзбекистон Республикаси Мактабгача таълим вазирлиги манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартиришлар ва қўшимчалар ҳақида Ўзбекистон Республикаси Вазирлар Маҳкамасига икки ой муддатда таклифлар киритсин.
11. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдуҳакимов ва Ўзбекистон Республикаси Мактабгача таълим вазири А.В. Шин зиммасига юклансин.
Вазирлар Маҳкамасининг 2019 йил 11 июндаги 487-сон қарорига ИЛОВА
«Ахборот ва педагогика технологиялари инновацион маркази» масъулияти чекланган жамияти
Ўзбекистон Республикасининг Бош вазири А. АРИПОВ
Тошкент ш.,
2019 йил 11 июнь,
487-сон
Oʻzbekiston Respublikasi Vazirlar Mahkamasining
qarori
TASHKILIY TUZILMASI
Maktabgacha taʼlim tizimiga ilgʻor axborot va pedagogika texnologiyalarini joriy etish chora-tadbirlari toʻgʻrisida
Taʼlim-tarbiya jarayoniga bolalarni xar tomonlama intellektual, maʼnaviy-axloqiy va jismoniy rivojlantirishni taʼminlaydigan zamonaviy taʼlim dasturlari, ilgʻor axborot va pedagogika texnologiyalarini joriy etish, ularni maktabga tayyorlash darajasini oshirish, maktabgacha taʼlimni boshqarishning zamonaviy standartlarini yaratish maqsadida Vazirlar Mahkamasi qaror qiladi:
1. Oʻzbekiston Respublikasi Maktabgacha taʼlim vazirligi, Moliya vazirligi, Iqtisodiyot va sanoat vazirligining Oʻzbekiston Respublikasi Maktabgacha taʼlim vazirligi huzuridagi Axborot va pedagogika texnologiyalari innovatsion markazini Oʻzbekiston Respublikasi Maktabgacha taʼlim vazirligi muassisligidagi “Axborot va pedagogika texnologiyalari innovatsion markazi” masʼuliyati cheklangan jamiyat (keyingi oʻrinlarda Innovatsion markaz deb ataladi) etib qayta tashkil etish toʻgʻrisidagi taklifiga rozilik berilsin.
2. Quyidagilar Innovatsion markazning asosiy vazifalari etib belgilansin:
boshqaruvning zamonaviy standartlarini ishlab chiqish va maktabgacha taʼlim sohasiga joriy etish;
taʼlim-tarbiya jarayoniga ilgʻor axborot va pedagogika texnologiyalarini joriy etish, Maktabgacha taʼlimni boshqarish axborot tizimning tegishli ravishda ishlashini taʼminlash;
maktabgacha yoshdagi bolalarni erta rivojlantirish sohasida ilmiy tadqiqotlar oʻtkazish;
axborot xavfsizligining tegishli darajasini taʼminlash, Oʻzbekiston Respublikasi Maktabgacha va maktab taʼlimi vazirligi tizimida yagona axborot makonini shakllantirish;
maktabgacha taʼlim sohasida innovatsion loyihalarni amalga oshirishni samarali tashkil etish maqsadida tadbirkorlik subyektlari, startap-loyihalar tashabbuskorlari, olimlar, moliya institutlari va boshqa manfaatdor shaxslar oʻrtasida oʻzaro hamkorlikni kengaytirish uchun zarur tashkiliy-texnik va moliyaviy-iqtisodiy shart-sharoitlar yaratish;
taʼlim-tarbiya jarayoni doirasida foydalanish uchun oʻquv-metodik materiallarni, multimedia kontentini, maktabgacha taʼlim tizimi tashkilotlarining pedagoglari va rahbarlarini oʻqitish hamda turli telekommunikatsiya kanallari orqali tarqatish maqsadli dasturlarini ishlab chiqish va ishlab chiqarish;
maktabgacha taʼlim tizimi xodimlarining innovatsion axborot-kommunikatsiya va pedagogika texnologiyalari sohasidagi bilim va malakasini oshirish, innovatsion taʼlim muhitini tashkil etish;
istiqbolli yoʻnalishlarni belgilab olish va maktabgacha taʼlim tizimini, shu jumladan taʼlim sohasida ilmiy va amaliy tadqiqotlar tashkil etish hamda oʻtkazish orqali rivojlantirishning istiqbolli yoʻnalishlarini belgilash va yanada takomillashtirishga doir takliflar ishlab chiqish;
maktabgacha taʼlim sifatini baholash usullarini va maktabgacha taʼlim tashkilotlarini moddiy-texnik jihozlash holatini milliy ustuvorliklarni inobatga olgan holda, asosan xalqaro eʼtirof etilgan reyting agentliklari indikatorlari boʻyicha baholash usullarini takomillashtirish;
Innovatsion markaz tomonidan oʻz faoliyatini amalga oshirish jarayonida yaratilgan intellektual mulk obyektlariga boʻlgan mualliflik huquqlarini oʻz vaqtida himoya qilish choralarini koʻrish;
maktabgacha taʼlim tashkilotlari binolarining prototiplarini va texnologiyalarni belgilangan tartibda ekspertizadan oʻtkazish orqali bolalar uchun xavfsiz taʼlim muhitini yaratish, keyinchalik kelajakda yangi maktabgacha taʼlim muassasalarini qurish uchun konseptual namunalarni tasdiqlash;
maktabgacha taʼlim tashkilotlarida isteʼmol qilinadigan oziq-ovqat mahsulotlari sifatini va foydalaniladigan tovarlar hamda materiallar xavfsizligini laboratoriya yoʻli bilan tahlil qilish.
3. Belgilab qoʻyilsinki:
Innovatsion markaz oʻziga yuklangan vazifalarni bajarish maqsadida muassis bilan kelishilgan holda, boshqa yuridik shaxslar tashkil etish, faoliyat yuritayotgan xoʻjalik jamiyatlari, shu jumladan xorijiy kapital ishtirokidagi qoʻshma korxonalar ustav kapitalida (ustav fondida) ulush (aksiyalar) sotib olish huquqiga ega;
Innovatsion markazga yuklangan vazifalar va faoliyati yoʻnalishlari taʼlim sohasidagi real muhim ehtiyojlardan kelib chiqib, bosqichma-bosqich amalga oshiriladi.
4. Innovatsion markazining tashkiliy tuzilmasi ilovaga muvofiq maʼqullansin.
Maktabgacha taʼlim vaziriga Innovatsion markazning tuzilmasiga, zarurat boʻlsa, oʻzgartishlar kiritish, shuningdek uning boshqaruv xodimlari sonini belgilash huquqi berilsin.
5. Oʻzbekiston Respublikasi Maktabgacha taʼlim vazirligi bir oy muddatda:
Innovatsion markaz ustavi ishlab chiqilishi va tasdiqlanishini, shuningdek, uning belgilangan tartibda davlat roʻyxatidan oʻtkazilishini taʼminlasin;
Innovatsion markazni tajribali mutaxassislar va ilmiy-pedagogik kadrlar orasidan yuqori malakali kadrlar bilan toʻldirish yuzasidan zarur choralar koʻrsin.
6. Quyidagilar Innovatsion markaz faoliyatini moliyalashtirish manbalari etib belgilansin:
Innovatsion markaz faoliyati ixtisosligi boʻyicha ishlarni bajarish va xizmatlar koʻrsatishdan tushgan daromadlar;
xalqaro moliya institutlari va xorijiy tashkilotlarning grantlari hamda kreditlari;
Maktabgacha taʼlimni rivojlantirish jamgʻarmasi mablagʻlari;
jismoniy va yuridik shaxslarning, shu jumladan Oʻzbekiston Respublikasi norezidentlarining xayriya mablagʻlari;
qonunchilikda taqiqlanmagan boshqa manbalar.
7. Innovatsion markaz 2022-yil 1-yanvargacha boʻlgan muddatga, istisno tariqasida, barcha soliqlardan ozod etilsin.
8. Oʻzbekiston Respublikasi Tashki ishlar vazirligi Oʻzbekiston Respublikasi Maktabgacha va maktab taʼlimi vazirligining buyurtmanomalari boʻyicha ushbu qarorni amalga oshirish doirasida jalb qilinadigan xorijiy mutaxassislarga, shuningdek, ularning oila aʼzolariga kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini taʼminlasin.
9. Oʻzbekiston Respublikasi Ichki ishlar vazirligi Innovatsion markaz buyurtmanomalari boʻyicha ushbu qarorni amalga oshirish doirasida jalb qilinadigan xorijiy mutaxassislar va ularning oila aʼzolari uchun davlat boji undirmasdan belgilangan tartibda koʻp martalik vizalar berilishi va uzaytirilishini, shuningdek, ularning yashash manzillari boʻyicha vaqtincha turgan joyi boʻyicha roʻyxatga olinishi hamda uning muddati uzaytirilishini taʼminlasin.
10. Oʻzbekiston Respublikasi Maktabgacha taʼlim vazirligi manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirishlar va qoʻshimchalar haqida Oʻzbekiston Respublikasi Vazirlar Mahkamasiga ikki oy muddatda takliflar kiritsin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduhakimov va Oʻzbekiston Respublikasi Maktabgacha taʼlim vaziri A.V. Shin zimmasiga yuklansin.
Vazirlar Mahkamasining 2019-yil 11-iyundagi 487-son qaroriga ILOVA
“Axborot va pedagogika texnologiyalari innovatsion markazi” masʼuliyati cheklangan jamiyati
Oʻzbekiston Respublikasining Bosh vaziri A. ARIPOV
Toshkent sh.,
2019-yil 11-iyun,
487-son
Кабинета Министров Республики Узбекистан
Постановление
Структура
О мерах по внедрению в систему дошкольного образования современных информационных и педагогических технологий
В целях внедрения в образовательно-воспитательный процесс современных образовательных программ, передовых информационных и педагогических технологий, обеспечивающих всестороннее интеллектуальное, духовно-эстетическое и физическое развитие детей, повышения уровня их подготовки к школе, создания современных стандартов управления дошкольным образованием Кабинет Министров постановляет:
1. Согласиться с предложением Министерства дошкольного образования, Министерства финансов, Министерства экономики и промышленности Республики Узбекистан о преобразовании государственного учреждения «Инновационный центр информационных и педагогических технологий» при Министерстве дошкольного образования Республики Узбекистан в общество с ограниченной ответственностью «Инновационный центр информационных и педагогических технологий» при учредительстве Министерства дошкольного образования (далее — Инновационный центр).
2. Определить основными задачами Инновационного центра:
разработку и внедрение современных стандартов управления в сферу дошкольного образования;
внедрение в образовательно-воспитательный процесс передовых информационных и педагогических технологий, обеспечение надлежащего функционирования Информационной системы управления дошкольным образованием;
проведение научных исследований в сфере раннего развития детей дошкольного возраста;
обеспечение надлежащего уровня информационной безопасности, формирование единого информационного пространства в системе Министерства дошкольного и школьного образования Республики Узбекистан;
создание необходимых организационно-технических и финансово-экономических условий для расширения взаимодействия между субъектами предпринимательства, инициаторами стартап-проектов, учеными, финансовыми институтами и другими заинтересованными лицами в целях эффективной реализации инновационных проектов в сфере дошкольного образования;
разработку и производство учебно-методических материалов, мультимедийного контента для использования в рамках образовательно-воспитательного процесса, целевых программ обучения педагогического и руководящего состава организаций системы дошкольного образования и распространения через различные телекоммуникационные каналы;
повышение компетенции и квалификации работников системы дошкольного образования в сфере инновационных информационно-коммуникационных и педагогических технологий, организацию инновационной образовательной среды;
определение перспективных направлений развития и выработку предложений по дальнейшему совершенствованию системы дошкольного образования, в том числе посредством организации и проведения наушных и практических исследований в области образования;
совершенствование методов оценки качества дошкольного образования и состояния материально-технического оснащения дошкольных образовательных организаций, преимущественно по индикаторам международно признанных рейтинговых агентств, с учетом национальных приоритетов;
принятие мер по своевременной защите авторских прав на объекты интеллектуальной собственности, созданные в процессе осуществления Инновационным центром своей деятельности;
обеспечение для детей безопасной среды образования путем проведения в установленном порядке экспертизы прототипов зданий дошкольных образовательных организаций и технологий с последующим утверждением концептуальных образцов для будущего нового строительства дошкольных образовательных организаций;
осуществление лабораторного анализа качества и безопасности продуктов питания, товаров и материалов, потребляемых и используемых в дошкольных образовательных организациях.
3. Установить, что:
Инновационный центр в целях реализации возложенных на него задач вправе по согласованию с учредителем создавать другие юридические лица, приобретать доли (акции) в уставных капиталах (уставных фондах) действующих хозяйственных обществ, в том числе совместных предприятий с иностранным капиталом;
реализация возложенных на Инновационный центр задач и направлений деятельности осуществляется поэтапно, исходя из реальных актуальных потребностей в сфере образования.
4. Одобрить структуру Инновационного центра согласно приложению .
Предоставить право министру дошкольного образования вносить при необходимости изменения в структуру Инновационного центра, а также определять численность его управленческого персонала.
5. Министерству дошкольного образования Республики Узбекистан в месячный срок:
обеспечить разработку и утверждение устава Инновационного центра, а также его государственную регистрацию в установленном порядке;
принять необходимые меры по укомплектованию Инновационного центра высококвалифицированными кадрами из числа опытных специалистов и научно-педагогических кадров.
6. Определить источниками финансирования деятельности Инновационного центра:
поступления от выполнения работ и оказания услуг по профилю деятельности Инновационного центра;
гранты и кредиты международных финансовых институтов и зарубежных организаций;
средства Фонда развития дошкольного образования;
благотворительные пожертвования физических и юридических лиц, в том числе нерезидентов Республики Узбекистан;
другие источники, не запрещенные законодательством.
7. Освободить, в порядке исключения, сроком до 1 января 2022 года Инновационный центр от уплаты всех видов налогов.
8. Министерству иностранных дел Республики Узбекистан по заявкам Министерства дошкольного и школьного образования обеспечить в установленном порядке оформление въездных виз иностранным специалистам, привлекаемым в рамках реализации настоящего постановления, а также членам их семей, без взимания консульских и иных сборов.
9. Министерству внутренних дел Республики Узбекистан по заявкам Инновационного центра обеспечить в установленном порядке выдачу и продление многократных виз и регистрации по месту временного пребывания в Республике Узбекистан иностранным специалистам, привлекаемым в рамках реализации настоящего постановления, а также членам их семей, без взимания государственной пошлины.
10. Министерству дошкольного образования Республики Узбекистан совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на заместителя Премьер-министра Республики Узбекистан по вопросам социального развития А.А. Абдухакимова и министра дошкольного образования Республики Узбекистан А.В. Шин.
ПРИЛОЖЕНИЕ к постановлению Кабинета Министров от 11 июня 2019 года № 487
общества с ограниченной ответственностью «Инновационный центр информационных и педагогических технологий»
Премьер-министр Республики Узбекистан А. АРИПОВ
г. Ташкент,
11 июня 2019 г.,
№ 487