📅 2019-yil 14-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 июня 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 14 June 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Ўзбекистон Республикаси Сув хўжалиги вазирлигининг «Ўзсувқурилиштаъминот» республика бирлашмаси таркибидаги «Гидромеханизация» давлат унитар корхонасини тугатиш тўғрисида
Ўзбекистон Республикаси Сув хўжалиги вазирлигининг «Ўзсувқурилиштаъминот» республика бирлашмаси таркибидаги «Гидромеханизация» давлат унитар корхонаси томонидан Аму-Бухоро машина каналидан фойдаланиш бошқармаси ва Қарши магистрал каналидан фойдаланиш бошқармаси билан шартнома асосида ушбу каналларнинг Туркманистон ҳудудидаги қисмларини ҳамда Амударёнинг уларга сув олиш участкаларини лойқадан тозалаш ишлари бажариб келинмоқда.
Шунингдек, «Гидромеханизация» давлат унитар корхонаси томонидан кўрсатилаётган хизматлар нархи бир мунча баланд бўлиб, ажратилаётган давлат бюджети маблағларидан самарали фойдаланишга ҳамда лойқадан тозалаш ишларини тезкор ташкил қилишга салбий таъсир кўрсатмоқда.
Ўзбекистон Республикаси Сув хўжалиги вазирлиги таркибидаги корхоналар фаолиятини оптималлаштириш, давлат бюджетидан ажратилаётган маблағлардан янада самарали фойдаланиш ҳамда Амударёдан Аму-Бухоро машина канали ва Қарши магистрал каналига сув олиш ишларини янада яхшилаш мақсадида Вазирлар Маҳкамаси қарор қилади:
1. Ўзбекистон Республикаси Сув хўжалиги вазирлиги, Молия вазирлиги, Иқтисодиёт ва саноат вазирлиги ҳамда Давлат активларини бошқариш агентлигининг Сув хўжалиги вазирлиги «Ўзсувқурилиштаъминот» республика бирлашмаси таркибидаги «Гидромеханизация» давлат унитар корхонасининг фаолиятини тугатиш тўғрисидаги таклифига розилик берилсин.
2. Белгилансинки, Ўзбекистон Республикаси Сув хўжалиги вазирлигининг Аму-Бухоро машина каналидан фойдаланиш бошқармаси ва Қарши магистрал каналидан фойдаланиш бошқармаси «Гидромеханизация» давлат унитар корхонасининг ишчи ва хизматчилар олдидаги барча мажбуриятлари бўйича ҳуқуқий ворис ҳисобланади.
3. Ўзбекистон Республикаси Сув хўжалиги вазирлиги:
Молия вазирлиги билан биргаликда «Гидромеханизация» давлат унитар корхонасининг функционал вазифалари юкланаётган ташкилотларнинг тасдиқланган штатлар жадвалларига ва харажатлар сметаларига тегишли ўзгартиришлар ажратилган маблағлар доирасида белгиланган тартибда киритилишини;
ушбу тадбирлар билан боғлиқ харажатлар ҳар йили Ўзбекистон Республикаси Сув хўжалиги вазирлигига ажратиладиган маблағлар доирасида амалга оширилишини;
«Гидромеханизация» давлат унитар корхонасининг асосий воситалари белгиланган тартибда вазирликнинг тегишли ташкилотларига ўтказилишини;
мавжуд техника ва механизмлар, жумладан, земснарядларнинг барқарор ишлашини, уларнинг техник ҳолатини сақлаш ва келгусида сифатли хизматлар кўрсатилишини;
Тошкент ирригация ва қишлоқ хўжалигини механизациялаш муҳандислари институти билан биргаликда пудрат ишларини бажаришда соҳага тажрибали мутахассисларни жалб қилиш ҳамда уларнинг малакавий маҳорати доимий равишда оширилишини таъминласин.
4. Ўзбекистон Республикаси Бандлик ва меҳнат муносабатлари вазирлиги Сув хўжалиги вазирлиги билан биргаликда «Гидромеханизация» давлат унитар корхонасининг тугатилиши муносабати билан бўшатилаётган ходимларни белгиланган тартибда ишга жойлаштириш чораларини кўрсин.
5. Ўзбекистон Республикаси Ҳукуматининг иловага мувофиқ айрим қарорлари ўз кучини йўқотган деб ҳисоблансин.
6. Мазкур қарорнинг бажарилишини назорат қилиш Ўзбекистон Республикаси Бош вазирнинг Аграр ва озиқ-овқат соҳаларини ривожлантириш масалалари бўйича маслаҳатчиси А.Ж. Вахабов ҳамда Ўзбекистон Республикаси сув хўжалиги вазири Ш.Р. Хамраев зиммасига юклансин.
Вазирлар Маҳкамасининг 2019 йил 14 июндаги 497-сон қарорига ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари
1. Вазирлар Маҳкамасининг «Ўзбекистон Республикаси Қишлоқ ва сув хўжалиги вазирлигининг Туркманистон ҳудудида фаолият кўрсатаётган корхоналарини қайта ташкил этиш тўғрисида» 2002 йил 5 февралдаги 48-сон қарори .
2. Вазирлар Маҳкамасининг «Амударё дарёсидан кафолатли сув олишни таъминлаш мақсадида Ўзбекистон Республикаси Қишлоқ ва сув хўжалиги вазирлиги ташкилотлари тасарруфидаги земснарядлардан самарали фойдаланиш чора-тадбирлари тўғрисида» 2015 йил 29 декабрдаги 376-сон қарори.
4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикасининг «Ўзбекистон Республикасининг Мудофаа доктринаси тўғрисида» 2018 йил 9 январдаги ЎРҚ-458-сон ва «Давлат хавфсизлик хизмати тўғрисида» 2018 йил 5 апрелдаги ЎРҚ-471-сон қонунлари)» 2018 йил 20 сентябрдаги 748-сон қарорига (Ўзбекистон Республикаси ҚТ, 2018 й., 9-сон, 230-модда) илованинг 8-банди .
Ўзбекистон Республикасининг Бош вазири А. АРИПОВ
Тошкент ш.,
2019 йил 14 июнь,
497-сон
Oʻzbekiston Respublikasi Vazirlar Mahkamasining
qarori
ROʻYXATI
Oʻzbekiston Respublikasi Suv xoʻjaligi vazirligining “Oʻzsuvqurilishtaʼminot” respublika birlashmasi tarkibidagi “Gidromexanizatsiya” davlat unitar korxonasini tugatish toʻgʻrisida
Oʻzbekiston Respublikasi Suv xoʻjaligi vazirligining “Oʻzsuvqurilishtaʼminot” respublika birlashmasi tarkibidagi “Gidromexanizatsiya” davlat unitar korxonasi tomonidan Amu-Buxoro mashina kanalidan foydalanish boshqarmasi va Qarshi magistral kanalidan foydalanish boshqarmasi bilan shartnoma asosida ushbu kanallarning Turkmaniston hududidagi qismlarini hamda Amudaryoning ularga suv olish uchastkalarini loyqadan tozalash ishlari bajarib kelinmoqda.
Shuningdek, “Gidromexanizatsiya” davlat unitar korxonasi tomonidan koʻrsatilayotgan xizmatlar narxi bir muncha baland boʻlib, ajratilayotgan davlat budjeti mablagʻlaridan samarali foydalanishga hamda loyqadan tozalash ishlarini tezkor tashkil qilishga salbiy taʼsir koʻrsatmoqda.
Oʻzbekiston Respublikasi Suv xoʻjaligi vazirligi tarkibidagi korxonalar faoliyatini optimallashtirish, davlat budjetidan ajratilayotgan mablagʻlardan yanada samarali foydalanish hamda Amudaryodan Amu-Buxoro mashina kanali va Qarshi magistral kanaliga suv olish ishlarini yanada yaxshilash maqsadida Vazirlar Mahkamasi qaror qiladi:
1. Oʻzbekiston Respublikasi Suv xoʻjaligi vazirligi, Moliya vazirligi, Iqtisodiyot va sanoat vazirligi hamda Davlat aktivlarini boshqarish agentligining Suv xoʻjaligi vazirligi “Oʻzsuvqurilishtaʼminot” respublika birlashmasi tarkibidagi “Gidromexanizatsiya” davlat unitar korxonasining faoliyatini tugatish toʻgʻrisidagi taklifiga rozilik berilsin.
2. Belgilansinki, Oʻzbekiston Respublikasi Suv xoʻjaligi vazirligining Amu-Buxoro mashina kanalidan foydalanish boshqarmasi va Qarshi magistral kanalidan foydalanish boshqarmasi “Gidromexanizatsiya” davlat unitar korxonasining ishchi va xizmatchilar oldidagi barcha majburiyatlari boʻyicha huquqiy voris hisoblanadi.
3. Oʻzbekiston Respublikasi Suv xoʻjaligi vazirligi:
Moliya vazirligi bilan birgalikda “Gidromexanizatsiya” davlat unitar korxonasining funksional vazifalari yuklanayotgan tashkilotlarning tasdiqlangan shtatlar jadvallariga va xarajatlar smetalariga tegishli oʻzgartirishlar ajratilgan mablagʻlar doirasida belgilangan tartibda kiritilishini;
ushbu tadbirlar bilan bogʻliq xarajatlar har yili Oʻzbekiston Respublikasi Suv xoʻjaligi vazirligiga ajratiladigan mablagʻlar doirasida amalga oshirilishini;
“Gidromexanizatsiya” davlat unitar korxonasining asosiy vositalari belgilangan tartibda vazirlikning tegishli tashkilotlariga oʻtkazilishini;
mavjud texnika va mexanizmlar, jumladan, zemsnaryadlarning barqaror ishlashini, ularning texnik holatini saqlash va kelgusida sifatli xizmatlar koʻrsatilishini;
Toshkent irrigatsiya va qishloq xoʻjaligini mexanizatsiyalash muhandislari instituti bilan birgalikda pudrat ishlarini bajarishda sohaga tajribali mutaxassislarni jalb qilish hamda ularning malakaviy mahorati doimiy ravishda oshirilishini taʼminlasin.
4. Oʻzbekiston Respublikasi Bandlik va mehnat munosabatlari vazirligi Suv xoʻjaligi vazirligi bilan birgalikda “Gidromexanizatsiya” davlat unitar korxonasining tugatilishi munosabati bilan boʻshatilayotgan xodimlarni belgilangan tartibda ishga joylashtirish choralarini koʻrsin.
5. Oʻzbekiston Respublikasi Hukumatining ilovaga muvofiq ayrim qarorlari oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Oʻzbekiston Respublikasi Bosh vazirning Agrar va oziq-ovqat sohalarini rivojlantirish masalalari boʻyicha maslahatchisi A.J. Vaxabov hamda Oʻzbekiston Respublikasi suv xoʻjaligi vaziri Sh.R. Xamrayev zimmasiga yuklansin.
Vazirlar Mahkamasining 2019-yil 14-iyundagi 497-son qaroriga ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari
1. Vazirlar Mahkamasining “Oʻzbekiston Respublikasi Qishloq va suv xoʻjaligi vazirligining Turkmaniston hududida faoliyat koʻrsatayotgan korxonalarini qayta tashkil etish toʻgʻrisida” 2002-yil 5-fevraldagi 48-son qarori .
2. Vazirlar Mahkamasining “Amudaryo daryosidan kafolatli suv olishni taʼminlash maqsadida Oʻzbekiston Respublikasi Qishloq va suv xoʻjaligi vazirligi tashkilotlari tasarrufidagi zemsnaryadlardan samarali foydalanish chora-tadbirlari toʻgʻrisida” 2015-yil 29-dekabrdagi 376-son qarori.
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasining “Oʻzbekiston Respublikasining Mudofaa doktrinasi toʻgʻrisida” 2018-yil 9-yanvardagi OʻRQ-458-son va “Davlat xavfsizlik xizmati toʻgʻrisida” 2018-yil 5-apreldagi OʻRQ-471-son qonunlari)” 2018-yil 20-sentabrdagi 748-son qaroriga (Oʻzbekiston Respublikasi QT, 2018-y., 9-son, 230-modda) ilovaning 8-bandi .
Oʻzbekiston Respublikasining Bosh vaziri A. ARIPOV
Toshkent sh.,
2019-yil 14-iyun,
497-son