📅 2019-yil 14-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 14 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 июня 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 14 June 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Бухоро вилоятида замонавий агрокластер ташкил этиш чора-тадбирлари тўғрисида
Қишлоқ хўжалигида таркибий ислоҳотларни янада чуқурлаштириш, тўғридан-тўғри инвестицияларни жалб қилишни рағбатлантириш, пахта хом ашёси етиштиришнинг самарали усулларини жорий қилиш, уруғлик материал ишлаб чиқариш, уни қайта ишлаш ва тайёрлаш, бошқа турдаги қишлоқ хўжалиги маҳсулотларини, шу жумладан чуқур қайта ишлаш асосида уларни ишлаб чиқаришни ташкил этиш мақсадида Вазирлар Маҳкамаси қарор қилади:
1. Бухоро вилояти ҳокимлиги, Давлат активларини бошқариш агентлиги, «Ўзпахтасаноат» АЖ, Ўзбекистон Республикаси Молия вазирлиги, Иқтисодиёт ва саноат вазирлигининг:
«Бухоропахтасаноат» ҳудудий бирлашмаси» АЖ ва унинг таркибига 1-иловага * мувофиқ рўйхат бўйича кирадиган ташкилотларни «Ўзпахтасаноат» АЖ таркибидан чиқариш;
«Бухоропахтасаноат» ҳудудий бирлашмаси» АЖ устав капиталидаги 2-иловага * мувофиқ рўйхат бўйича акциялар пакетини, истисно тариқасида, Бухоро вилояти ҳокимлигига бериш;
«Бухоропахтасаноат» ҳудудий бирлашмаси» АЖни қайта ташкил этиш ва унинг базасида таркибига ушбу қарорга 1-иловада * келтирилган ташкилотларни киритиш орқали масъулияти чекланган жамият шаклидаги «Бухоро Агрокластер» замонавий агрокластерини (кейинги ўринларда Агрокластер деб аталади) ташкил этиш;
давлат (Бухоро вилояти ҳокимлигининг) улушини кўпайтириш ҳисобига ва кейинчалик «Ўзпахтасаноат» АЖ устав капиталидаги давлат улушини тегишли равишда камайтириш орқали «Бухоро минтақавий пахта терминали ИЧТК» МЧЖ устав капиталида Ўзпахтасаноат» АЖга тегишли улушни Агрокластер устав капиталига баланс қийматида бериш;
2019 ― 2023 йилларда «Бухоро Агрокластер» МЧЖ ва унинг таркибига кирадиган ташкилотлар томонидан амалга ошириладиган инвестиция лойиҳаларининг 3-иловага * мувофиқ прогноз параметрлари тўғрисидаги таклифларига розилик берилсин.
2. Қуйидагилар Агрокластернинг асосий вазифалари этиб белгилансин:
пахта хом ашёси ва бошқа турдаги қишлоқ хўжалиги экинлари етиштиришнинг илғор илмий ютуқлари, замонавий ва самарали усулларини жорий қилиш;
пахта хом ашёсига бирламчи ишлов беришнинг самарали ва юқори рентабелли усулларини, шунингдек, чуқур қайта ишлаш технологияларини жорий қилиш;
пахта чигити ҳамда бошқа қишлоқ хўжалиги экинларининг уруғларини давлат ва халқаро стандартлар талабларига мувофиқ ишлаб чиқариш, тайёрлаш ва сотиш;
пахта хом ашёси ва бошқа қишлоқ хўжалиги экинларини етиштириш жараёнига илғор агротехник ҳамда сув тежайдиган технологияларни жорий қилиш;
тўғридан-тўғри, шу жумладан хорижий инвестицияларни, шунингдек, халқаро молия институтларининг кредитларини жалб қилиш ҳисобига қишлоқ хўжалиги хом ашёсини чуқур қайта ишлаш ва рақобатбардош, экспортбоп маҳсулот ишлаб чиқаришни ташкил этиш;
етиштириладиган пахта ва бошқа қишлоқ хўжалиги маҳсулотининг сифати ҳамда миқдорини ҳисобга олиш ва назорат қилиш жараёнларига замонавий ахборот-коммуникация технологияларини кенг жорий этиш;
илмий ва таълим муассасалари билан биргаликда селекция ҳамда уруғчилик соҳасида тадқиқотлар ўтказиш, қишлоқ хўжалиги экинларининг янги навлари ва дурагайларини, шунингдек, пахта хом ашёсини бирламчи қайта ишлаш технологияларини яратиш.
3. Белгилаб қўйилсинки:
«Ўзпахтасаноат» АЖнинг Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси олдидаги Бухоро вилоятидаги фермер хўжаликлари билан пахта хом ашёси учун ўзаро ҳисоб-китобларни молиялаштириш билан боғлиқ ҳуқуқ ва мажбуриятлари белгиланган тартибда Агрокластерга ўтади;
Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси 2018 йилги пахта хом ашёси ҳосили учун якуний ҳисоб-китоб қилишга ажратилган маблағлар бўйича қарздорлик қоплангунга қадар, Агрокластернинг барча ҳисобрақамларидаги маблағларни, шу жумладан 2017-2018 йиллардаги ҳосилнинг пахта толасини сотишдан юзага келадиган ижобий фарқ суммаларини ҳисобдан сўзсиз чиқариш ҳуқуқига эга;
Агрокластерга Вазирлар Маҳкамасининг « Пахта-тўқимачилик ишлаб чиқаришини ташкил этишнинг замонавий шаклларини жорий этиш чора-тадбирлари тўғрисида » 2018 йил 25 январдаги 53-сон, « Қишлоқ хўжалигида бозор механизмларини кенг жорий этиш чора-тадбирлари тўғрисида » 2018 йил 28 февралдаги 149-сон ва « Пахта-тўқимачилик ишлаб чиқаришларини янада ривожлантириш чора-тадбирлари тўғрисида » 2019 йил 18 мартдаги 230-сон қарорларининг амал қилиши татбиқ этилади;
етиштириладиган пахта хом ашёси бўйича ўзаро ҳисоб-китоблар фермер хўжаликлари билан Агрокластер таркибига кирадиган пахта тозалаш корхоналари орқали амалга оширилади;
истеъмолчиларга пахта толаси, пахта линти ва техник чигит Агрокластер томонидан пахта тозалаш корхоналари билан ушбу маҳсулотларни биржа савдолари орқали сотишнинг белгиланган тартибига риоя қилган ҳолда тузиладиган воситачилик шартномалари, шунингдек, тўғридан-тўғри шартномалар ва маҳсулотни қайтариш асосида толлинг шартномалари бўйича сотилади. Бунда сотилган нарх ва Ўзбекистон Республикаси Молия вазирлиги тасдиқлаган прейскурант бўйича нарх ўртасидаги фарқ Агрокластер ихтиёрида қолади ва солиқ солинадиган объект ҳисобланмайди (салбий фарқлар юзага келган тақдирда, харажатлар Агрокластернинг ўз маблағлари ҳисобидан қопланади);
Агрокластер ўз таркибига кирадиган ташкилотларнинг сўмдаги маблағларини жамлаши ва ушбу маблағларни молия-хўжалик фаолиятини амалга ошириш ҳамда ишлаб чиқаришни ривожлантириш, шу жумладан уларни зарур товарлар (ишлар, хизматлар) билан марказлаштирилган ҳолда таъминлаш учун улар ўртасида тақсимлаши мумкин. Бунда ушбу маблағларнинг Агрокластер таркибига кирадиган ташкилотлар ўртасидаги айланмаси солиқ солиш объекти ҳисобланмайди;
2019 йилги пахта хом ашёси ҳосили учун якуний ҳисоб-китоблар Агрокластернинг ўз маблағлари ва унинг таркибига кирадиган ташкилотлар маблағлари, шунингдек, тижорат банкларининг кредитлари ҳисобидан амалга оширилади;
Агрокластерга ушбу қарорга 1-иловада * кўрсатилган ташкилотлар тўлайдиган дивидендлар мазкур қарорга 3-иловада * қайд этилган инвестиция лойиҳаларини молиялаштириш манбаларидан бири ҳисобланади;
Агрокластер таркибига кирадиган пахта тозалаш корхоналари базасида 2019 — 2021 йилларда инвесторлар, шу жумладан хорижий инвесторлар жалб этилган ҳолда пахта-тўқимачилик кластерлари ташкил этилади. Бунда пахта тозалаш корхоналари ва пахта тайёрлаш пунктларининг бино ҳамда иншоотлари Вазирлар Маҳкамасининг «Пахта-тўқимачилик ишлаб чиқаришларини янада ривожлантиришга доир қўшимча чора-тадбирлар тўғрисида» 2018 йил 19 сентябрдаги 744-сон қарорига 2-иловага * мувофиқ пахта-тўқимачилик ишлаб чиқаришлари ташкилотчиларига инвестициялар киритиш ва 5 йил муддатда бўлиб тўлаш (тенг миқдордаги йиллик тўловлар) шарти билан баҳолаш қийматида сотилади.
4. Бухоро вилояти ҳокими зиммасига Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси билан ўз вақтида ҳисоб-китоб қилиниши, шунингдек, 2019 йилги пахта хом ашёси ҳосилини молиялаштириш ва якуний ҳисоб-китоблар амалга оширилиши учун шахсий масъулият юклансин.
5. Бухоро вилояти ҳокимлиги:
Ўзбекистон Республикаси Қишлоқ хўжалиги вазирлиги, Ўзбекистон Фермер, деҳқон хўжаликлари ва томорқа ер эгалари кенгаши билан биргаликда Агрокластер ҳамда 43,7 минг гектар суғориладиган майдонларда (шунинг 10,4 минг гектари Вобкент туманида, 3,6 минг гектари Когон туманида, 5,2 минг гектари Қоровулбозор туманида, 8,5 минг гектари Пешку туманида, 6,0 минг гектари Шофиркон туманида, 9,8 минг гектари Ғиждувон туманида ва 0,2 минг гектари Бухоро шаҳрида) пахта хом ашёси етиштирадиган фермер хўжаликлари ўртасида пахта хом ашёси контрактация шартномалари тузилишига амалий ёрдам кўрсатсин;
Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда Агрокластер ва унинг таркибига кирадиган ташкилотларга пахта хом ашёси етиштиришга мўлжалланган ер участкаларидан ташқари, ушбу қарорга 3-иловага * киритилган инвестиция лойиҳаларини амалга ошириш учун ер участкалари бир ой муддатда белгиланган тартибда ажратилишини;
Ўзбекистон Республикаси Сув хўжалиги вазирлиги, Молия вазирлиги билан биргаликда тупроқ шўрланишини бартараф этиш мақсадида ирригация ҳамда мелиорация тизимлари мунтазам тозаланишини, капитал-режалаштириш ишлари амалга оширилишини ташкил этишни ҳамда Агрокластернинг ишлаб чиқариш эҳтиёжларини сув билан узлуксиз таъминласин;
«Ўзпахтасаноат» АЖ билан биргаликда пахта маҳсулоти етказиб бериш бўйича воситачилик шартномаларини ўн кун муддатда Агрокластерга қайта расмийлаштиришга кўмаклашсин.
6. Агрокластерга йигирув ва тўқимачилик ишлаб чиқаришларини ташкил этиш ва ишга тушириш даврида 30,0 минг тоннагача миқдордаги пахта толасини, истисно тариқасида, тўғридан-тўғри ёки фьючерс шартномалари бўйича экспортга сотишга рухсат берилсин.
7. Ўзбекистон Республикаси Ер ресурслари, геодезия, картография ва давлат кадастри давлат қўмитаси ҳузуридаги «Геоинновация маркази» давлат унитар корхонаси Агрокластер буюртманомаларига биноан Агрокластер таркибига кирувчи ташкилотларга пахта хом ашёси ва бошқа қишлоқ хўжалиги маҳсулотларини етиштириш жараёнини учувчисиз учиш аппаратларидан фойдаланган ҳолда самарали бошқариш, назорат қилиш ва мониторинг олиб боришда белгиланган тартибда амалий кўмак берсин.
8. Ўзбекистон Республикаси Иқтисодиёт ва саноат вазирлиги материал балансларни шакллантиришда моддий ресурслар, шунингдек, Агрокластер ва унинг таркибига кирадиган ташкилотлар томонидан ишлаб чиқариладиган пахта толаси ҳамда линти миқдорларини ҳар йили алоҳида сатрда ҳисобга олсин.
9. Агрокластер ва унинг таркибига кирадиган ташкилотлар Ўзбекистон Республикасида ишлаб чиқарилмайдиган ва ўзининг ишлаб чиқариш эҳтиёжлари учун белгиланган тартибда шакллантириладиган рўйхатлар бўйича олиб келинадиган ускуналар, махсус транспорт воситалари ва техника, бутловчи буюмлар, хом ашё ва материаллар, қурилиш материаллари, иссиқхона комплекслари, ҳайвонлар, уруғликлар ва ўсимликлар, ветеринария препаратлари, шунингдек, минерал ўғитлар ва ёқилғи-мойлаш материалларини олиб киришда 2022 йил 1 июлгача бўлган муддатга божхона тўловларидан (божхона йиғимларидан ташқари) озод этилсин.
10. Тижорат банкларига Агрокластер ва унинг таркибига кирадиган ташкилотлар томонидан амалга ошириладиган инвестиция лойиҳаларини биргаликда молиялаштириш учун халқаро молия институтларининг маблағлари ҳисобидан белгиланган тартибда имтиёзли кредит линияларини очиш тавсия этилсин.
Белгилаб қўйилсинки, Агрокластер ва унинг таркибига кирадиган ташкилотлар қарз олувчилар ва инвестиция лойиҳаларининг амалга оширилиши, жалб этиладиган кредитлардан мақсадли ва самарали фойдаланиш, шунингдек, уларнинг ўз вақтида қайтарилиши учун масъул ижро этувчи органлар ҳисобланади.
11. Ўзбекистон Республикаси Бандлик ва меҳнат муносабатлари вазирлиги Агрокластер томонидан амалга ошириладиган лойиҳаларда иштирок этиш учун юқори малакали хорижий мутахассисларга (Ўзбекистон Республикаси фуқаролари орасида мавжуд бўлмаган) Агрокластер буюртманомаларига биноан Ўзбекистон Республикаси ҳудудида меҳнат фаолиятини амалга ошириш ҳуқуқини берадиган тасдиқномалар белгиланган тартибда берилишини (муддати узайтирилишини) таъминласин.
12. Ўзбекистон Республикаси Ташқи ишлар вазирлиги Агрокластер буюртманомаларига биноан:
лойиҳани амалга оширишда иштирок этадиган хорижий мутахассисларга кириш визалари консуллик ва бошқа йиғимлар ундирилмасдан белгиланган тартибда расмийлаштирилишини таъминласин;
етакчи турдош ўқув, илмий-тадқиқот марказлари ва ташкилотларида Агрокластернинг ўқиш, стажировка ўташ ва малака ошириш учун юбориладиган мутахассисларига визалар олиш ва расмийлаштириш масалаларида ёрдам кўрсатсин.
13. Ўзбекистон Республикаси Ички ишлар вазирлиги Агрокластер томонидан амалга ошириладиган инвестиция лойиҳалари доирасида жалб қилинадиган хорижий мутахассисларга Агрокластер буюртманомаларига биноан кўп марталик визалар давлат божи ундирилмасдан белгиланган тартибда берилиши ва муддати узайтирилишини, шунингдек, уларнинг яшаш жойи бўйича вақтинча турган жойи бўйича рўйхатга олиниши ҳамда муддати узайтирилишини таъминласин.
14. Бухоро вилояти ҳокимлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
15. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ва Бухоро вилояти ҳокими Ў.И. Барноев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 14 июнь,
500-сон
Oʻzbekiston Respublikasi Vazirlar Mahkamasining
qarori
Buxoro viloyatida zamonaviy agroklaster tashkil etish chora-tadbirlari toʻgʻrisida
Qishloq xoʻjaligida tarkibiy islohotlarni yanada chuqurlashtirish, toʻgʻridan-toʻgʻri investitsiyalarni jalb qilishni ragʻbatlantirish, paxta xom ashyosi yetishtirishning samarali usullarini joriy qilish, urugʻlik material ishlab chiqarish, uni qayta ishlash va tayyorlash, boshqa turdagi qishloq xoʻjaligi mahsulotlarini, shu jumladan chuqur qayta ishlash asosida ularni ishlab chiqarishni tashkil etish maqsadida Vazirlar Mahkamasi qaror qiladi:
1. Buxoro viloyati hokimligi, Davlat aktivlarini boshqarish agentligi, “Oʻzpaxtasanoat” AJ, Oʻzbekiston Respublikasi Moliya vazirligi, Iqtisodiyot va sanoat vazirligining:
“Buxoropaxtasanoat” hududiy birlashmasi” AJ va uning tarkibiga 1-ilovaga * muvofiq roʻyxat boʻyicha kiradigan tashkilotlarni “Oʻzpaxtasanoat” AJ tarkibidan chiqarish;
“Buxoropaxtasanoat” hududiy birlashmasi” AJ ustav kapitalidagi 2-ilovaga * muvofiq roʻyxat boʻyicha aksiyalar paketini, istisno tariqasida, Buxoro viloyati hokimligiga berish;
“Buxoropaxtasanoat” hududiy birlashmasi” AJni qayta tashkil etish va uning bazasida tarkibiga ushbu qarorga 1-ilovada * keltirilgan tashkilotlarni kiritish orqali masʼuliyati cheklangan jamiyat shaklidagi “Buxoro Agroklaster” zamonaviy agroklasterini (keyingi oʻrinlarda Agroklaster deb ataladi) tashkil etish;
davlat (Buxoro viloyati hokimligining) ulushini koʻpaytirish hisobiga va keyinchalik “Oʻzpaxtasanoat” AJ ustav kapitalidagi davlat ulushini tegishli ravishda kamaytirish orqali “Buxoro mintaqaviy paxta terminali ICHTK” MChJ ustav kapitalida Oʻzpaxtasanoat” AJga tegishli ulushni Agroklaster ustav kapitaliga balans qiymatida berish;
2019 ― 2023-yillarda “Buxoro Agroklaster” MChJ va uning tarkibiga kiradigan tashkilotlar tomonidan amalga oshiriladigan investitsiya loyihalarining 3-ilovaga * muvofiq prognoz parametrlari toʻgʻrisidagi takliflariga rozilik berilsin.
2. Quyidagilar Agroklasterning asosiy vazifalari etib belgilansin:
paxta xom ashyosi va boshqa turdagi qishloq xoʻjaligi ekinlari yetishtirishning ilgʻor ilmiy yutuqlari, zamonaviy va samarali usullarini joriy qilish;
paxta xom ashyosiga birlamchi ishlov berishning samarali va yuqori rentabelli usullarini, shuningdek, chuqur qayta ishlash texnologiyalarini joriy qilish;
paxta chigiti hamda boshqa qishloq xoʻjaligi ekinlarining urugʻlarini davlat va xalqaro standartlar talablariga muvofiq ishlab chiqarish, tayyorlash va sotish;
paxta xom ashyosi va boshqa qishloq xoʻjaligi ekinlarini yetishtirish jarayoniga ilgʻor agrotexnik hamda suv tejaydigan texnologiyalarni joriy qilish;
toʻgʻridan-toʻgʻri, shu jumladan xorijiy investitsiyalarni, shuningdek, xalqaro moliya institutlarining kreditlarini jalb qilish hisobiga qishloq xoʻjaligi xom ashyosini chuqur qayta ishlash va raqobatbardosh, eksportbop mahsulot ishlab chiqarishni tashkil etish;
yetishtiriladigan paxta va boshqa qishloq xoʻjaligi mahsulotining sifati hamda miqdorini hisobga olish va nazorat qilish jarayonlariga zamonaviy axborot-kommunikatsiya texnologiyalarini keng joriy etish;
ilmiy va taʼlim muassasalari bilan birgalikda seleksiya hamda urugʻchilik sohasida tadqiqotlar oʻtkazish, qishloq xoʻjaligi ekinlarining yangi navlari va duragaylarini, shuningdek, paxta xom ashyosini birlamchi qayta ishlash texnologiyalarini yaratish.
3. Belgilab qoʻyilsinki:
“Oʻzpaxtasanoat” AJning Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi oldidagi Buxoro viloyatidagi fermer xoʻjaliklari bilan paxta xom ashyosi uchun oʻzaro hisob-kitoblarni moliyalashtirish bilan bogʻliq huquq va majburiyatlari belgilangan tartibda Agroklasterga oʻtadi;
Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi 2018-yilgi paxta xom ashyosi hosili uchun yakuniy hisob-kitob qilishga ajratilgan mablagʻlar boʻyicha qarzdorlik qoplangunga qadar, Agroklasterning barcha hisobraqamlaridagi mablagʻlarni, shu jumladan 2017-2018-yillardagi hosilning paxta tolasini sotishdan yuzaga keladigan ijobiy farq summalarini hisobdan soʻzsiz chiqarish huquqiga ega;
Agroklasterga Vazirlar Mahkamasining “ Paxta-toʻqimachilik ishlab chiqarishini tashkil etishning zamonaviy shakllarini joriy etish chora-tadbirlari toʻgʻrisida ” 2018-yil 25-yanvardagi 53-son, “ Qishloq xoʻjaligida bozor mexanizmlarini keng joriy etish chora-tadbirlari toʻgʻrisida ” 2018-yil 28-fevraldagi 149-son va “ Paxta-toʻqimachilik ishlab chiqarishlarini yanada rivojlantirish chora-tadbirlari toʻgʻrisida ” 2019-yil 18-martdagi 230-son qarorlarining amal qilishi tatbiq etiladi;
yetishtiriladigan paxta xom ashyosi boʻyicha oʻzaro hisob-kitoblar fermer xoʻjaliklari bilan Agroklaster tarkibiga kiradigan paxta tozalash korxonalari orqali amalga oshiriladi;
isteʼmolchilarga paxta tolasi, paxta linti va texnik chigit Agroklaster tomonidan paxta tozalash korxonalari bilan ushbu mahsulotlarni birja savdolari orqali sotishning belgilangan tartibiga rioya qilgan holda tuziladigan vositachilik shartnomalari, shuningdek, toʻgʻridan-toʻgʻri shartnomalar va mahsulotni qaytarish asosida tolling shartnomalari boʻyicha sotiladi. Bunda sotilgan narx va Oʻzbekiston Respublikasi Moliya vazirligi tasdiqlagan preyskurant boʻyicha narx oʻrtasidagi farq Agroklaster ixtiyorida qoladi va soliq solinadigan obyekt hisoblanmaydi (salbiy farqlar yuzaga kelgan taqdirda, xarajatlar Agroklasterning oʻz mablagʻlari hisobidan qoplanadi);
Agroklaster oʻz tarkibiga kiradigan tashkilotlarning soʻmdagi mablagʻlarini jamlashi va ushbu mablagʻlarni moliya-xoʻjalik faoliyatini amalga oshirish hamda ishlab chiqarishni rivojlantirish, shu jumladan ularni zarur tovarlar (ishlar, xizmatlar) bilan markazlashtirilgan holda taʼminlash uchun ular oʻrtasida taqsimlashi mumkin. Bunda ushbu mablagʻlarning Agroklaster tarkibiga kiradigan tashkilotlar oʻrtasidagi aylanmasi soliq solish obyekti hisoblanmaydi;
2019-yilgi paxta xom ashyosi hosili uchun yakuniy hisob-kitoblar Agroklasterning oʻz mablagʻlari va uning tarkibiga kiradigan tashkilotlar mablagʻlari, shuningdek, tijorat banklarining kreditlari hisobidan amalga oshiriladi;
Agroklasterga ushbu qarorga 1-ilovada * koʻrsatilgan tashkilotlar toʻlaydigan dividendlar mazkur qarorga 3-ilovada * qayd etilgan investitsiya loyihalarini moliyalashtirish manbalaridan biri hisoblanadi;
Agroklaster tarkibiga kiradigan paxta tozalash korxonalari bazasida 2019 — 2021-yillarda investorlar, shu jumladan xorijiy investorlar jalb etilgan holda paxta-toʻqimachilik klasterlari tashkil etiladi. Bunda paxta tozalash korxonalari va paxta tayyorlash punktlarining bino hamda inshootlari Vazirlar Mahkamasining “Paxta-toʻqimachilik ishlab chiqarishlarini yanada rivojlantirishga doir qoʻshimcha chora-tadbirlar toʻgʻrisida” 2018-yil 19-sentabrdagi 744-son qaroriga 2-ilovaga * muvofiq paxta-toʻqimachilik ishlab chiqarishlari tashkilotchilariga investitsiyalar kiritish va 5 yil muddatda boʻlib toʻlash (teng miqdordagi yillik toʻlovlar) sharti bilan baholash qiymatida sotiladi.
4. Buxoro viloyati hokimi zimmasiga Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi bilan oʻz vaqtida hisob-kitob qilinishi, shuningdek, 2019-yilgi paxta xom ashyosi hosilini moliyalashtirish va yakuniy hisob-kitoblar amalga oshirilishi uchun shaxsiy masʼuliyat yuklansin.
5. Buxoro viloyati hokimligi:
Oʻzbekiston Respublikasi Qishloq xoʻjaligi vazirligi, Oʻzbekiston Fermer, dehqon xoʻjaliklari va tomorqa yer egalari kengashi bilan birgalikda Agroklaster hamda 43,7 ming gektar sugʻoriladigan maydonlarda (shuning 10,4 ming gektari Vobkent tumanida, 3,6 ming gektari Kogon tumanida, 5,2 ming gektari Qorovulbozor tumanida, 8,5 ming gektari Peshku tumanida, 6,0 ming gektari Shofirkon tumanida, 9,8 ming gektari Gʻijduvon tumanida va 0,2 ming gektari Buxoro shahrida) paxta xom ashyosi yetishtiradigan fermer xoʻjaliklari oʻrtasida paxta xom ashyosi kontraktatsiya shartnomalari tuzilishiga amaliy yordam koʻrsatsin;
Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda Agroklaster va uning tarkibiga kiradigan tashkilotlarga paxta xom ashyosi yetishtirishga moʻljallangan yer uchastkalaridan tashqari, ushbu qarorga 3-ilovaga * kiritilgan investitsiya loyihalarini amalga oshirish uchun yer uchastkalari bir oy muddatda belgilangan tartibda ajratilishini;
Oʻzbekiston Respublikasi Suv xoʻjaligi vazirligi, Moliya vazirligi bilan birgalikda tuproq shoʻrlanishini bartaraf etish maqsadida irrigatsiya hamda melioratsiya tizimlari muntazam tozalanishini, kapital-rejalashtirish ishlari amalga oshirilishini tashkil etishni hamda Agroklasterning ishlab chiqarish ehtiyojlarini suv bilan uzluksiz taʼminlasin;
“Oʻzpaxtasanoat” AJ bilan birgalikda paxta mahsuloti yetkazib berish boʻyicha vositachilik shartnomalarini oʻn kun muddatda Agroklasterga qayta rasmiylashtirishga koʻmaklashsin.
6. Agroklasterga yigiruv va toʻqimachilik ishlab chiqarishlarini tashkil etish va ishga tushirish davrida 30,0 ming tonnagacha miqdordagi paxta tolasini, istisno tariqasida, toʻgʻridan-toʻgʻri yoki fyuchers shartnomalari boʻyicha eksportga sotishga ruxsat berilsin.
7. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi huzuridagi “Geoinnovatsiya markazi” davlat unitar korxonasi Agroklaster buyurtmanomalariga binoan Agroklaster tarkibiga kiruvchi tashkilotlarga paxta xom ashyosi va boshqa qishloq xoʻjaligi mahsulotlarini yetishtirish jarayonini uchuvchisiz uchish apparatlaridan foydalangan holda samarali boshqarish, nazorat qilish va monitoring olib borishda belgilangan tartibda amaliy koʻmak bersin.
8. Oʻzbekiston Respublikasi Iqtisodiyot va sanoat vazirligi material balanslarni shakllantirishda moddiy resurslar, shuningdek, Agroklaster va uning tarkibiga kiradigan tashkilotlar tomonidan ishlab chiqariladigan paxta tolasi hamda linti miqdorlarini har yili alohida satrda hisobga olsin.
9. Agroklaster va uning tarkibiga kiradigan tashkilotlar Oʻzbekiston Respublikasida ishlab chiqarilmaydigan va oʻzining ishlab chiqarish ehtiyojlari uchun belgilangan tartibda shakllantiriladigan roʻyxatlar boʻyicha olib kelinadigan uskunalar, maxsus transport vositalari va texnika, butlovchi buyumlar, xom ashyo va materiallar, qurilish materiallari, issiqxona komplekslari, hayvonlar, urugʻliklar va oʻsimliklar, veterinariya preparatlari, shuningdek, mineral oʻgʻitlar va yoqilgʻi-moylash materiallarini olib kirishda 2022-yil 1-iyulgacha boʻlgan muddatga bojxona toʻlovlaridan (bojxona yigʻimlaridan tashqari) ozod etilsin.
10. Tijorat banklariga Agroklaster va uning tarkibiga kiradigan tashkilotlar tomonidan amalga oshiriladigan investitsiya loyihalarini birgalikda moliyalashtirish uchun xalqaro moliya institutlarining mablagʻlari hisobidan belgilangan tartibda imtiyozli kredit liniyalarini ochish tavsiya etilsin.
Belgilab qoʻyilsinki, Agroklaster va uning tarkibiga kiradigan tashkilotlar qarz oluvchilar va investitsiya loyihalarining amalga oshirilishi, jalb etiladigan kreditlardan maqsadli va samarali foydalanish, shuningdek, ularning oʻz vaqtida qaytarilishi uchun masʼul ijro etuvchi organlar hisoblanadi.
11. Oʻzbekiston Respublikasi Bandlik va mehnat munosabatlari vazirligi Agroklaster tomonidan amalga oshiriladigan loyihalarda ishtirok etish uchun yuqori malakali xorijiy mutaxassislarga (Oʻzbekiston Respublikasi fuqarolari orasida mavjud boʻlmagan) Agroklaster buyurtmanomalariga binoan Oʻzbekiston Respublikasi hududida mehnat faoliyatini amalga oshirish huquqini beradigan tasdiqnomalar belgilangan tartibda berilishini (muddati uzaytirilishini) taʼminlasin.
12. Oʻzbekiston Respublikasi Tashqi ishlar vazirligi Agroklaster buyurtmanomalariga binoan:
loyihani amalga oshirishda ishtirok etadigan xorijiy mutaxassislarga kirish vizalari konsullik va boshqa yigʻimlar undirilmasdan belgilangan tartibda rasmiylashtirilishini taʼminlasin;
yetakchi turdosh oʻquv, ilmiy-tadqiqot markazlari va tashkilotlarida Agroklasterning oʻqish, stajirovka oʻtash va malaka oshirish uchun yuboriladigan mutaxassislariga vizalar olish va rasmiylashtirish masalalarida yordam koʻrsatsin.
13. Oʻzbekiston Respublikasi Ichki ishlar vazirligi Agroklaster tomonidan amalga oshiriladigan investitsiya loyihalari doirasida jalb qilinadigan xorijiy mutaxassislarga Agroklaster buyurtmanomalariga binoan koʻp martalik vizalar davlat boji undirilmasdan belgilangan tartibda berilishi va muddati uzaytirilishini, shuningdek, ularning yashash joyi boʻyicha vaqtincha turgan joyi boʻyicha roʻyxatga olinishi hamda muddati uzaytirilishini taʼminlasin.
14. Buxoro viloyati hokimligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
15. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov va Buxoro viloyati hokimi Oʻ.I. Barnoyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 14-iyun,
500-son
Кабинета Министров Республики Узбекистан
Постановление
ПЕРЕЧЕНЬ
ПЕРЕЧЕНЬ
ПРОГНОЗНЫЕ ПАРАМЕТРЫ
О мерах по созданию современного агрокластера в Бухарской области
В целях дальнейшего углубления структурных реформ в сельском хозяйстве, стимулирования привлечения прямых инвестиций, внедрения эффективных методов выращивания хлопка-сырца, производства, переработки и подготовки семенного материала, организации производства других видов сельскохозяйственной продукции, в том числе на основе их глубокой переработки, Кабинет Министров постановляет:
1. Согласиться с предложениями хокимията Бухарской области, Агентства по управлению государственными активами, АО «Узпахтасаноат», Министерства финансов, Министерства экономики и промышленности Республики Узбекистан о:
выводе АО «Бухоропахтасаноат худудий бирлашмаси» и входящих в его состав организаций по перечню согласно приложению № 1 из состава АО «Узпахтасаноат»;
передаче, в порядке исключения, хокимияту Бухарской области пакетов акций в уставном капитале АО «Бухоропахтасаноат худудий бирлашмаси» по перечню согласно приложению № 2 ;
создании на базе АО «Бухоропахтасаноат худудий бирлашмаси» путем его преобразования и включения в его состав организаций, указанных в приложении № 1 к настоящему постановлению, современного агрокластера «Бухоро Агрокластер» в форме общества с ограниченной ответственностью (далее — Агрокластер);
передаче доли в уставном капитале ООО «Бухоро минтакавий пахта терминали ИЧТК», принадлежащей АО «Узпахтасаноат», по балансовой стоимости в уставный капитал Агрокластера — в счет увеличения доли государства (хокимията Бухарской области), с последующим соответствующим уменьшением доли государства в уставном капитале АО «Узпахтасаноат»;
прогнозных параметрах инвестиционных проектов, реализуемых ООО «Бухоро Агрокластер» и входящими в его состав организациями в период 2019 ― 2023 годы, согласно приложению № 3 .
2. Определить основными задачами Агрокластера:
внедрение передовых научных достижений, современных и эффективных методов выращивания хлопка-сырца и других видов сельскохозяйственных культур;
внедрение эффективных и высокорентабельных методов первичной переработки хлопка-сырца, а также технологий глубокой переработки;
производство, подготовку и реализацию посевных семян хлопчатника и других сельскохозяйственных культур в соответствии с требованиями государственных и международных стандартов;
внедрение передовых агротехнических и водосберегающих технологий в процесс производства хлопка-сырца и другой сельскохозяйственной продукции;
организацию глубокой переработки сельскохозяйственного сырья и выпуска конкурентоспособной, экспортоориентированной продукции за счет привлечения прямых инвестиций, в том числе иностранных, а также кредитов международных финансовых институтов;
широкое внедрение современных информационно-коммуникационных технологий в процессы учета и контроля за качеством и количеством производимой хлопковой и другой сельскохозяйственной продукций;
проведение совместно с научными и образовательными учреждениями исследований в области селекции и семеноводства, создание новых сортов и гибридов сельскохозяйственных культур, а также технологий первичной переработки хлопка-сырца.
3. Установить, что:
права и обязательства АО «Узпахтасаноат» перед Фондом государственной поддержки сельского хозяйства при Министерстве финансов Республики Узбекистан, связанные с финансированием взаиморасчетов по хлопку-сырцу с фермерскими хозяйствами Бухарской области, переходят к Агрокластеру в установленном порядке;
до момента погашения задолженности по средствам, выделенным для окончательного расчета за хлопок-сырец урожая 2018 года, Фонд государственной поддержки сельского хозяйства при Министерстве финансов Республики Узбекистан имеет право на безоговорочное списание со всех счетов Агрокластера средств, в том числе сумм положительной разницы, образующейся от реализации хлопкового волокна урожаев 2017-2018 годов;
на Агрокластер распространяется действие постановлений Кабинета Министров от 25 января 2018 г. № 53 « О мерах по внедрению современных форм организации хлопково-текстильного производства », от 28 февраля 2018 г. № 149 « О мерах по широкому внедрению рыночных механизмов в сельском хозяйстве » и от 18 марта 2019 г. № 230 « О мерах по дальнейшему развитию хлопково-текстильных производств »;
взаиморасчеты с фермерскими хозяйствами по выращиваемому хлопку-сырцу осуществляются через хлопкоочистительные предприятия, входящие в состав Агрокластера;
реализация потребителям хлопкового волокна, хлопкового линта и технических семян хлопчатника осуществляется Агрокластером посредством заключения комиссионных договоров с хлопкоочистительными предприятиями с соблюдением установленного порядка реализации данного вида продукции через биржевые торги, а также по прямым договорам и договорам толлинга на давальческой основе. При этом разница между реализованной ценой и ценой по прейскуранту, утвержденному Министерством финансов Республики Узбекистан, остается в распоряжении Агрокластера и не является объектом налогообложения (в случае возникновения отрицательной разницы покрытие расходов осуществляется за счет собственных средств Агрокластера);
Агрокластер может аккумулировать сумовые средства организаций, входящих в его состав, и распределять их между ними для осуществления финансово-хозяйственной деятельности и развития производства, в том числе централизованного обеспечения их необходимыми товарами (работами, услугами). При этом оборот этих средств между организациями, входящими в состав Агрокластера, не является объектом налогообложения;
окончательные расчеты за хлопок-сырец урожая 2019 года осуществляются Агрокластером за счет собственных средств и средств, входящих в его состав организаций, а также кредитов коммерческих банков;
дивиденды, выплачиваемые Агрокластеру организациями, указанными в приложении № 1 к настоящему постановлению, являются одним из источников финансирования инвестиционных проектов, указанных в приложении № 3 к настоящему постановлению;
в период 2019 ― 2021 годы на базе хлопкоочистительных предприятий, входящих в состав Агрокластера, с привлечением инвесторов, в том числе иностранных, создаются хлопково-текстильные кластеры. При этом реализация зданий и сооружений хлопкоочистительных предприятий и хлопкозаготовительных пунктов организаторам хлопково-текстильных производств осуществляется по оценочной стоимости в рассрочку сроком на 5 лет (с равными годовыми платежами) с внесением инвестиций в соответствии с приложением № 2 к постановлению Кабинета Министров от 19 сентября 2018 г. № 744 «О дополнительных мерах по дальнейшему развитию хлопково-текстильных производств».
4. Возложить на хокима Бухарской области персональную ответственность за обеспечение своевременного осуществления взаиморасчетов с Фондом государственной поддержки сельского хозяйства при Министерстве финансов Республики Узбекистан, а также финансирования и проведения окончательных расчетов за хлопок-сырец урожая 2019 года.
5. Хокимияту Бухарской области:
совместно с Министерством сельского хозяйства и Советом фермерских, дехканских хозяйств и владельцев приусадебных земель Узбекистана оказать практическое содействие в заключении Агрокластером и фермерскими хозяйствами, выращивающими хлопок-сырец на орошаемых землях площадью 43,7 тыс. гектаров (из них: в Вабкентском районе — 10,4 тыс. га, Каганском районе — 3,6 тыс. га, Караулбазарском районе — 5,2 тыс. га, Пешкуйском районе — 8,5 тыс. га, Шафирканском районе — 6,0 тыс. га, Гиждуванском районе — 9,8 тыс. га и в городе Бухаре — 0,2 тыс. га), договоров контрактации на хлопок-сырец;
совместно с Государственным комитетом Республики Узбекистан по земельным ресурсам, геодезии, картографии и государственному кадастру обеспечить в месячный срок в установленном порядке отвод земельных участков Агрокластеру и организациям, входящим в его состав, для реализации инвестиционных проектов, включенных в приложение № 3 к настоящему постановлению, кроме земельных участков, предназначенных для выращивания хлопка-сырца;
совместно с Министерством водного хозяйства, Министерством финансов Республики Узбекистан обеспечить регулярную очистку ирригационных и мелиоративных систем в целях устранения засоленности почвы, организацию проведения капитально-планировочных работ и бесперебойное водоснабжение для производственных нужд Агрокластера;
совместно с АО «Узпахтасаноат» в десятидневный срок оказать содействие в переоформлении на Агрокластер комиссионных договоров поставки хлопковой продукции.
6. Разрешить Агрокластеру осуществлять, в порядке исключения, на период формирования и запуска мощностей прядильных и трикотажных производств реализацию хлопкового волокна на экспорт по прямым или фьючерсным договорам в объеме до 30,0 тыс. тонн.
7. Государственному унитарному предприятию «Геоинновационный центр» при Государственном комитете Республики Узбекистан по земельным ресурсам, геодезии, картографии и государственному кадастру по заявкам Агрокластера оказать в установленном порядке практическое содействие входящим в состав Агрокластера организациям в проведении мониторинга и контроля за процессом выращивания хлопка-сырца и другой сельскохозяйственной продукции с использованием беспилотных летательных аппаратов.
8. Министерству экономики и промышленности Республики Узбекистан ежегодно при формировании материальных балансов учитывать отдельной строкой объемы материальных ресурсов, а также объемы хлопкового волокна и линта, производимые Агрокластером и входящими в его состав организациями.
9. Освободить сроком до 1 июля 2022 года Агрокластер и входящие в его состав организации от уплаты таможенных платежей (за исключением таможенных сборов) при ввозе оборудования, специальных транспортных средств и техники, комплектующих изделий, сырья и материалов, строительных материалов, тепличных комплексов, животных, семян и растений, ветеринарных препаратов, не производимых в Республике Узбекистан, а также минеральных удобрений, горюче-смазочных материалов для собственных производственных нужд по перечням, формируемым в установленном порядке.
10. Рекомендовать коммерческим банкам открывать льготные кредитные линии за счет привлечения средств международных финансовых институтов для софинансирования инвестиционных проектов, реализуемых Агрокластером и входящими в его состав организациями.
Определить, что заемщиками и исполнительными органами, ответственными за реализацию инвестиционных проектов, целевое и эффективное использование привлекаемых кредитов, а также обеспечение их своевременного возврата, являются Агрокластер и входящие в его состав организации.
11. Министерству занятости и трудовых отношений Республики Узбекистан по заявкам Агрокластера обеспечить в установленном порядке выдачу (продление) высококвалифицированным иностранным специалистам (не имеющимся из числа граждан Республики Узбекистан) для участия в проектах, реализуемых Агрокластером, подтверждений на право трудовой деятельности на территории Республики Узбекистан.
12. Министерству иностранных дел Республики Узбекистан по заявкам Агрокластера обеспечить в установленном порядке:
оформление въездных виз иностранным специалистам, привлекаемым в рамках реализуемых Агрокластером инвестиционных проектов, без взимания консульских и иных сборов;
оказание содействия в вопросе получения и оформления виз специалистами Агрокластера, направляемыми для прохождения обучения, стажировки и повышения квалификации в ведущих профильных учебных, научно-исследовательских центрах и организациях.
13. Министерству внутренних дел Республики Узбекистан по заявкам Агрокластера обеспечить в установленном порядке выдачу и продление многократных виз, а также оформление регистрации по месту временного пребывания и ее продление иностранным специалистам, привлекаемым в рамках реализуемых Агрокластером инвестиционных проектов, без взимания государственной пошлины.
14. Хокимияту Бухарской области совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
15. Контроль за исполнением настоящего постановления возложить на советника Премьер-министра Республики Узбекистан по вопросам развития аграрной и продовольственной сфер А.Д. Вахабова и хокима Бухарской области У.И. Барноева.
ПРИЛОЖЕНИЕ № 1 к постановлению Кабинета Министров от 14 июня 2019 года № 500
организаций, выводимых из состава АО «Узпахтасаноат» и включаемых в состав ООО «Бухоро Агрокластер»
1. АО «Когон пахта тозалаш» * 2. АО «Бухоро пахта тозалаш» 3. АО «Коракул пахта тозалаш» * 4. АО «Гиждувон пахта тозалаш» 5. АО «Пешку пахта тозалаш» 6. АО «Шофиркон пахта тозалаш» * 7. АО «Ромитан пахта тозалаш» 8. АО «Жондор пахта тозалаш» * 9. ООО «Олот пахта тозалаш» * 10. ООО «Бухоро пахта уругчилиги» 11. ООО «Бухоро минтакавий пахта терминали ИЧТК» 12. ООО «Пахтасаноаттранс» 13. ПК «Вилоят механика таъмирлаш устахонаси»
ПРИЛОЖЕНИЕ № 2 к постановлению Кабинета Министров от 14 июня 2019 года № 500
пакетов акций в уставном капитале АО «Бухоропахтасаноат худудий бирлашмаси», передаваемых, в порядке исключения, хокимияту Бухарской области
№ п/п Владелец Доля (%) Механизм возмещения 1 . АО «Узпахтасаноат» 51,0 За счет соответственного уменьшения государственной доли в уставном капитале на сумму балансовой (остаточной) стоимости доли 2 . АКБ «Туронбанк» 2,65 За счет соответственного уменьшения государственной доли в уставном капитале на сумму балансовой (остаточной) стоимости доли 3 . АО «Гиждувон пахта тозалаш» 16,2 В счет будущих платежей в Государственный бюджет Республики Узбекистан и государственные целевые фонды 4 . АО «Коракул пахта тозалаш» 28,0 В счет будущих платежей в Государственный бюджет Республики Узбекистан и государственные целевые фонды
ПРИЛОЖЕНИЕ № 3 к постановлению Кабинета Министров от 14 июня 2019 года № 500
инвестиционных проектов, реализуемых ООО «Бухоро Агрокластер» и входящими в его состав организациями в период 2019 — 2023 годы
№ п/п Инвестиционные проекты Годовая мощность Сроки реализации 1 . Организация выращивания хлопка-сырца на площади 43,7 тыс. гектаров 149,9 тыс. тн хлопка-сырца 2019-2020 гг. 2 . Организация производствапо переработке хлопка-сырца 52,5 тыс.тн хлопкового волокна, 79,2 тыс.тн семян 2019-2020 гг. 3 . Организация производства посевных семян 6 тыс.тн посевных семян хлопчатника 2019-2020 гг. 4 . Организация прядильного производства * 17,0 тыс. тн пряжи 2020-2021 гг. 5 . Организация трикотажного производства * 15,3 тыс.тн трикотажных изделий 2021-2022 гг. 6 . Организация производства масложировой продукции на основе переработки технических семян * 6,8 тыс. тн масла, 16,5 тыс. тн шрота, 11,0 тыс. тн шелухи, 1343,5 тн соапстока 2022-2023 гг. 7 . Организация животноводческого и птицеводческого комплекса * 1,0 тыс. голов крупного и мелкого рогатого скота, 100,0 тыс. голов птиц 2022-2023 гг.
Премьер-министр Республики Узбекистан А. АРИПОВ
г. Ташкент,
14 июня 2019 г.,
№ 500