UzbekAI

Ўзбекистон Республикаси Президентининг

Қарори

Ўзбекистон Республикаси билан Корея Республикаси ўртасидаги ҳамкорликни янада кенгайтириш ва мустаҳкамлаш чора-тадбирлари тўғрисида

Корея Республикаси Президенти Мун Чжэ Иннинг 2019 йил 18 — 21 апрель кунлари Ўзбекистон Республикасига Давлат ташрифи Ўзбекистон — Жанубий Корея ҳамкорлиги тарихидаги ғоят муҳим воқеалардан бири бўлди ва икки мамлакатнинг ўзаро муносабатларини «алоҳида стратегик шериклик» даражасига олиб чиқди.

Давлат раҳбарлари иштирокида дўстона ва амалий муҳитда ўтказилган самарали музокаралар ҳамда тадбирлар олий даражадаги фаол сиёсий мулоқотни янада давом эттириш муҳимлигини тасдиқлади, бу эса иккала мамлакат ўртасидаги ўзаро ишонч ва очиқликни сақлаб қолишнинг белгиловчи омили ҳисобланади.

Ўзбекистон Республикаси билан Корея Республикаси ўртасида алоҳида стратегик шериклик тўғрисидаги Қўшма декларация, 16 та ҳукуматлараро ва идоралараро ҳужжатлар, шунингдек, савдо-иқтисодий ва инвестициявий соҳаларда 12 миллиард доллардан кўпроқ миқдорда битимлар тўплами имзоланди.

Ўзбекистон Республикаси билан Корея Республикаси ўртасида алоҳида стратегик шериклик тўғрисидаги Қўшма декларация сиёсий, савдо-иқтисодий, инвестициявий, молиявий-техник ва маданий-гуманитар соҳаларда иккала мамлакат ўртасидаги ўзаро ҳамжиҳатликни чуқурлаштиришга қаратилган Ўзбекистон-Жанубий Корея муносабатлари тарихида янги босқични бошлаб берди.

Корея Республикаси Президентининг Ўзбекистон Республикасига Давлат ташрифи давомида имзоланган икки томонлама битимлар ва эришилган аҳдлашувларнинг тўла-тўкис ва сифатли амалга оширилишини таъминлаш мақсадида:

1. Қуйидагилар:

Корея Республикаси Президентининг Ўзбекистон Республикасига Давлат ташрифи давомида имзоланган икки томонлама ҳужжатларни амалга ошириш бўйича амалий чора-тадбирлар режаси («Йўл харитаси») 1-иловага * мувофиқ;

Ўзбекистон Республикаси билан Корея Республикаси ўртасида сиёсий, савдо-иқтисодий ва маданий-гуманитар соҳалардаги ҳамкорликни, шунингдек, хавфсизлик соҳасидаги ўзаро ҳамкорликни янада кенгайтириш бўйича амалий чора-тадбирлар режаси («Йўл харитаси») 2-иловага * мувофиқ;

Корея Республикаси Президентининг Ўзбекистон Республикасига Давлат ташрифи давомида имзоланган савдо-иқтисодий ва инвестициявий битимларни амалга ошириш бўйича амалий чора-тадбирлар режаси («Йўл харитаси») 3-иловага * мувофиқ;

Жанубий Корея компаниялари билан истиқболли лойиҳаларни амалга ошириш бўйича амалий чора-тадбирлар режаси («Йўл харитаси») 4-иловага * мувофиқ;

Ўзбекистон Республикаси ҳамда Жанубий Кореянинг ишбилармон доиралари иштирокида бизнес-форумлар ва аниқ инвестиция лойиҳаларининг тақдимотларини ўтказиш жадвали 5-иловага * мувофиқ;

Корея Республикаси Президентининг Ўзбекистон Республикасига Давлат ташрифи давомида имзоланган икки томонлама битимлар ва эришилган аҳдлашувларнинг ўз вақтида ва сўзсиз амалга оширилиши мониторинги ҳамда назоратини таъминлаш механизми 6-иловага * мувофиқ тасдиқлансин.

2. Ўзбекистон Республикаси Вазирлар Маҳкамаси икки ҳафта муддатда ушбу қарорнинг 3-иловасига * киритилган инвестиция лойиҳалари ва савдо шартномаларини амалга оширишнинг тармоқ жадвалларини тасдиқласин.

3. Корея Республикаси Президентининг Ўзбекистон Республикасига Давлат ташрифи давомида эришилган аҳдлашувларнинг сўзсиз бажарилишини таъминлаш масалалари бўйича 7-иловага * мувофиқ Ишчи гуруҳ тузилсин, қуйидагилар унинг асосий вазифалари этиб белгилансин:

Корея Республикаси Президентининг Ўзбекистон Республикасига Давлат ташрифи давомида имзоланган ҳужжатлар оғишмай ва сифатли ижро этилишини, шу жумладан, айрим ҳужжатларнинг кучга кириши бўйича давлат ички тартиб-таомилларининг ҳамда эришилган аҳдлашувларнинг ўз вақтида бажарилишини доимий ва тизимли мониторинг ҳамда назорат қилинишини ташкиллаштириш;

масъул ижрочилар — вазирликлар, идоралар, маҳаллий давлат ҳокимияти органлари ҳамда бошқа ташкилотлар раҳбарларининг мазкур қарор билан тасдиқланган амалий чора-тадбирлар режалари («йўл хариталари»)ни сўзсиз бажариш бўйича қабул қилаётган амалий чора-тадбирлари тўғрисидаги ҳисоботларини эшитиш;

сиёсий, савдо-иқтисодий, инвестициявий, молиявий-техник, инновацион, ҳарбий-техникавий ва маданий-гуманитар соҳалардаги ҳамкорликни янада кенгайтириш юзасидан имзоланган икки томонлама битимлар ва эришилган аҳдлашувларни амалга ошириш, шунингдек, мазкур масалалар бўйича, аввало савдо-иқтисодий ҳамкорлик бўйича Ўзбекистон — Жанубий Корея Ҳукуматлараро қўмитаси доирасида мунтазам ва самарали ўзаро ҳамкорликни ташкил этиш;

икки томонлама ҳамкорликнинг барча йўналишлари бўйича музокаралар олиб бориш, жорий масалаларни тезкор ҳал этиш ва олға силжитиш учун Корея Республикасига Ишчи гуруҳ раҳбарларини тегишли вазирликлар, идоралар ва компанияларнинг вакиллари билан бирга хизмат сафарларига мунтазам юбориб туриш.

4. Ўзбекистон Республикаси инвестициялар ва ташқи савдо вазири ўринбосари Л.Ш.Қудратовнинг 2019-2020 йиллар давридаги фаолиятининг асосий вазифаси этиб Корея Республикаси билан савдо-иқтисодий, инвестициявий ва молиявий ҳамкорлик дастурлари ва лойиҳаларини ўз вақтида ва тўла ҳажмда амалга ошириш юзасидан вазирлик ва идораларнинг ишини самарали мувофиқлаштириш, шунингдек, корейс томони билан самарали ўзаро ҳамкорликни таъминлаш этиб белгилансин.

5. Ўзбекистон Республикаси Инвестициялар ва ташқи савдо вазирлигининг марказий аппарати тузилмасида штатлар сонини 5 нафарга кўпайтириш ҳисобидан Корея Республикаси билан Инвестициявий ҳамкорликни ривожлантириш бошқармаси ташкил этилсин ва унинг асосий вазифаси этиб Корея Республикаси билан савдо-иқтисодий ва молиявий-техник ҳамкорлик дастурлари ҳамда лойиҳаларини ўз вақтида ва тўлиқ ҳажмда амалга ошириш бўйича тизимли ишларни ташкил қилиш белгилансин.

6. Масъул ижрочилар — вазирликлар, идоралар, маҳаллий давлат ҳокимияти органлари ва бошқа ташкилотлар:

икки ҳафта муддатда ушбу қарорнинг 4-иловасига * киритилган инвестиция лойиҳаларининг сифатли инвестициявий таклифларини, паспортлари ва тақдимотларини инглиз тилида 8а ва 8б-иловаларга * мувофиқ шаклларда тайёрлашни;

«Ijro gov.uz» тизимидан фойдаланган ҳолда, тармоқ жадвалларини ҳамда ушбу қарор билан тасдиқланган амалий чора-тадбирлар режалари («йўл хариталари»)ни ўз вақтида ва сифатли бажаришни;

мазкур қарор билан тасдиқланган амалий чора-тадбирлар режалари («йўл хариталари»)нинг амалга оширилиши тўғрисидаги ахборот ушбу қарорнинг 1- ва 2-иловаларига мувофиқ Ўзбекистон Республикаси Ташқи ишлар вазирлигига, 3- ва 4-иловаларига мувофиқ Инвестициялар ва ташқи савдо вазирлигига тааллуқли қисмлари ҳисобот ойидан кейинги ҳар бир календарь ойининг 3-санасига қадар тақдим этилишини таъминласин.

7. Ўзбекистон Республикаси Ташқи ишлар вазирлиги, Инвестициялар ва ташқи савдо вазирлиги ҳисобот ойидан кейинги ҳар бир календарь ойининг 7-санасига қадар мазкур қарор билан тасдиқланган амалий чора-тадбирлар режалари («йўл хариталари»)нинг амалга оширилиши тўғрисидаги умумлаштирилган ахборотни Ўзбекистон Республикаси Вазирлар Маҳкамаси ва Ҳисоб палатасига киритсин.

8. Ўзбекистон Республикаси Вазирлар Маҳкамаси ва Ҳисоб палатаси ҳисобот ойидан кейинги ҳар бир календарь ойининг 10-санасига қадар Ўзбекистон Республикаси Президенти Администрациясининг Ижро этувчи аппаратига ва Ўзбекистон Республикаси Президенти ҳузуридаги Хавфсизлик кенгаши аппаратига ушбу қарор ва тасдиқланган амалий чора-тадбирлар режалари («йўл хариталари») бажарилишининг танқидий таҳлилини тақдим этсин.

9. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 29 апрель,

ПҚ-4301-сон

lex.uz

Oʻzbekiston Respublikasi Prezidentining

Qarori

Oʻzbekiston Respublikasi bilan Koreya Respublikasi oʻrtasidagi hamkorlikni yanada kengaytirish va mustahkamlash chora-tadbirlari toʻgʻrisida

Koreya Respublikasi Prezidenti Mun Chje Inning 2019-yil 18 — 21-aprel kunlari Oʻzbekiston Respublikasiga Davlat tashrifi Oʻzbekiston — Janubiy Koreya hamkorligi tarixidagi gʻoyat muhim voqealardan biri boʻldi va ikki mamlakatning oʻzaro munosabatlarini “alohida strategik sheriklik” darajasiga olib chiqdi.

Davlat rahbarlari ishtirokida doʻstona va amaliy muhitda oʻtkazilgan samarali muzokaralar hamda tadbirlar oliy darajadagi faol siyosiy muloqotni yanada davom ettirish muhimligini tasdiqladi, bu esa ikkala mamlakat oʻrtasidagi oʻzaro ishonch va ochiqlikni saqlab qolishning belgilovchi omili hisoblanadi.

Oʻzbekiston Respublikasi bilan Koreya Respublikasi oʻrtasida alohida strategik sheriklik toʻgʻrisidagi Qoʻshma deklaratsiya, 16 ta hukumatlararo va idoralararo hujjatlar, shuningdek, savdo-iqtisodiy va investitsiyaviy sohalarda 12 milliard dollardan koʻproq miqdorda bitimlar toʻplami imzolandi.

Oʻzbekiston Respublikasi bilan Koreya Respublikasi oʻrtasida alohida strategik sheriklik toʻgʻrisidagi Qoʻshma deklaratsiya siyosiy, savdo-iqtisodiy, investitsiyaviy, moliyaviy-texnik va madaniy-gumanitar sohalarda ikkala mamlakat oʻrtasidagi oʻzaro hamjihatlikni chuqurlashtirishga qaratilgan Oʻzbekiston-Janubiy Koreya munosabatlari tarixida yangi bosqichni boshlab berdi.

Koreya Respublikasi Prezidentining Oʻzbekiston Respublikasiga Davlat tashrifi davomida imzolangan ikki tomonlama bitimlar va erishilgan ahdlashuvlarning toʻla-toʻkis va sifatli amalga oshirilishini taʼminlash maqsadida:

1. Quyidagilar:

Koreya Respublikasi Prezidentining Oʻzbekiston Respublikasiga Davlat tashrifi davomida imzolangan ikki tomonlama hujjatlarni amalga oshirish boʻyicha amaliy chora-tadbirlar rejasi (“Yoʻl xaritasi”) 1-ilovaga * muvofiq;

Oʻzbekiston Respublikasi bilan Koreya Respublikasi oʻrtasida siyosiy, savdo-iqtisodiy va madaniy-gumanitar sohalardagi hamkorlikni, shuningdek, xavfsizlik sohasidagi oʻzaro hamkorlikni yanada kengaytirish boʻyicha amaliy chora-tadbirlar rejasi (“Yoʻl xaritasi”) 2-ilovaga * muvofiq;

Koreya Respublikasi Prezidentining Oʻzbekiston Respublikasiga Davlat tashrifi davomida imzolangan savdo-iqtisodiy va investitsiyaviy bitimlarni amalga oshirish boʻyicha amaliy chora-tadbirlar rejasi (“Yoʻl xaritasi”) 3-ilovaga * muvofiq;

Janubiy Koreya kompaniyalari bilan istiqbolli loyihalarni amalga oshirish boʻyicha amaliy chora-tadbirlar rejasi (“Yoʻl xaritasi”) 4-ilovaga * muvofiq;

Oʻzbekiston Respublikasi hamda Janubiy Koreyaning ishbilarmon doiralari ishtirokida biznes-forumlar va aniq investitsiya loyihalarining taqdimotlarini oʻtkazish jadvali 5-ilovaga * muvofiq;

Koreya Respublikasi Prezidentining Oʻzbekiston Respublikasiga Davlat tashrifi davomida imzolangan ikki tomonlama bitimlar va erishilgan ahdlashuvlarning oʻz vaqtida va soʻzsiz amalga oshirilishi monitoringi hamda nazoratini taʼminlash mexanizmi 6-ilovaga * muvofiq tasdiqlansin.

2. Oʻzbekiston Respublikasi Vazirlar Mahkamasi ikki hafta muddatda ushbu qarorning 3-ilovasiga * kiritilgan investitsiya loyihalari va savdo shartnomalarini amalga oshirishning tarmoq jadvallarini tasdiqlasin.

3. Koreya Respublikasi Prezidentining Oʻzbekiston Respublikasiga Davlat tashrifi davomida erishilgan ahdlashuvlarning soʻzsiz bajarilishini taʼminlash masalalari boʻyicha 7-ilovaga * muvofiq Ishchi guruh tuzilsin, quyidagilar uning asosiy vazifalari etib belgilansin:

Koreya Respublikasi Prezidentining Oʻzbekiston Respublikasiga Davlat tashrifi davomida imzolangan hujjatlar ogʻishmay va sifatli ijro etilishini, shu jumladan, ayrim hujjatlarning kuchga kirishi boʻyicha davlat ichki tartib-taomillarining hamda erishilgan ahdlashuvlarning oʻz vaqtida bajarilishini doimiy va tizimli monitoring hamda nazorat qilinishini tashkillashtirish;

masʼul ijrochilar — vazirliklar, idoralar, mahalliy davlat hokimiyati organlari hamda boshqa tashkilotlar rahbarlarining mazkur qaror bilan tasdiqlangan amaliy chora-tadbirlar rejalari (“yoʻl xaritalari”)ni soʻzsiz bajarish boʻyicha qabul qilayotgan amaliy chora-tadbirlari toʻgʻrisidagi hisobotlarini eshitish;

siyosiy, savdo-iqtisodiy, investitsiyaviy, moliyaviy-texnik, innovatsion, harbiy-texnikaviy va madaniy-gumanitar sohalardagi hamkorlikni yanada kengaytirish yuzasidan imzolangan ikki tomonlama bitimlar va erishilgan ahdlashuvlarni amalga oshirish, shuningdek, mazkur masalalar boʻyicha, avvalo savdo-iqtisodiy hamkorlik boʻyicha Oʻzbekiston — Janubiy Koreya Hukumatlararo qoʻmitasi doirasida muntazam va samarali oʻzaro hamkorlikni tashkil etish;

ikki tomonlama hamkorlikning barcha yoʻnalishlari boʻyicha muzokaralar olib borish, joriy masalalarni tezkor hal etish va olgʻa siljitish uchun Koreya Respublikasiga Ishchi guruh rahbarlarini tegishli vazirliklar, idoralar va kompaniyalarning vakillari bilan birga xizmat safarlariga muntazam yuborib turish.

4. Oʻzbekiston Respublikasi investitsiyalar va tashqi savdo vaziri oʻrinbosari L.Sh.Qudratovning 2019-2020-yillar davridagi faoliyatining asosiy vazifasi etib Koreya Respublikasi bilan savdo-iqtisodiy, investitsiyaviy va moliyaviy hamkorlik dasturlari va loyihalarini oʻz vaqtida va toʻla hajmda amalga oshirish yuzasidan vazirlik va idoralarning ishini samarali muvofiqlashtirish, shuningdek, koreys tomoni bilan samarali oʻzaro hamkorlikni taʼminlash etib belgilansin.

5. Oʻzbekiston Respublikasi Investitsiyalar va tashqi savdo vazirligining markaziy apparati tuzilmasida shtatlar sonini 5 nafarga koʻpaytirish hisobidan Koreya Respublikasi bilan Investitsiyaviy hamkorlikni rivojlantirish boshqarmasi tashkil etilsin va uning asosiy vazifasi etib Koreya Respublikasi bilan savdo-iqtisodiy va moliyaviy-texnik hamkorlik dasturlari hamda loyihalarini oʻz vaqtida va toʻliq hajmda amalga oshirish boʻyicha tizimli ishlarni tashkil qilish belgilansin.

6. Masʼul ijrochilar — vazirliklar, idoralar, mahalliy davlat hokimiyati organlari va boshqa tashkilotlar:

ikki hafta muddatda ushbu qarorning 4-ilovasiga * kiritilgan investitsiya loyihalarining sifatli investitsiyaviy takliflarini, pasportlari va taqdimotlarini ingliz tilida 8a va 8b-ilovalarga * muvofiq shakllarda tayyorlashni;

“Ijro gov.uz” tizimidan foydalangan holda, tarmoq jadvallarini hamda ushbu qaror bilan tasdiqlangan amaliy chora-tadbirlar rejalari (“yoʻl xaritalari”)ni oʻz vaqtida va sifatli bajarishni;

mazkur qaror bilan tasdiqlangan amaliy chora-tadbirlar rejalari (“yoʻl xaritalari”)ning amalga oshirilishi toʻgʻrisidagi axborot ushbu qarorning 1- va 2-ilovalariga muvofiq Oʻzbekiston Respublikasi Tashqi ishlar vazirligiga, 3- va 4-ilovalariga muvofiq Investitsiyalar va tashqi savdo vazirligiga taalluqli qismlari hisobot oyidan keyingi har bir kalendar oyining 3-sanasiga qadar taqdim etilishini taʼminlasin.

7. Oʻzbekiston Respublikasi Tashqi ishlar vazirligi, Investitsiyalar va tashqi savdo vazirligi hisobot oyidan keyingi har bir kalendar oyining 7-sanasiga qadar mazkur qaror bilan tasdiqlangan amaliy chora-tadbirlar rejalari (“yoʻl xaritalari”)ning amalga oshirilishi toʻgʻrisidagi umumlashtirilgan axborotni Oʻzbekiston Respublikasi Vazirlar Mahkamasi va Hisob palatasiga kiritsin.

8. Oʻzbekiston Respublikasi Vazirlar Mahkamasi va Hisob palatasi hisobot oyidan keyingi har bir kalendar oyining 10-sanasiga qadar Oʻzbekiston Respublikasi Prezidenti Administratsiyasining Ijro etuvchi apparatiga va Oʻzbekiston Respublikasi Prezidenti huzuridagi Xavfsizlik kengashi apparatiga ushbu qaror va tasdiqlangan amaliy chora-tadbirlar rejalari (“yoʻl xaritalari”) bajarilishining tanqidiy tahlilini taqdim etsin.

9. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 29-aprel,

PQ-4301-son

lex.uz

Президента Республики Узбекистан

Постановление

О мерах по дальнейшему расширению и укреплению сотрудничества между Республикой Узбекистан и Республикой Корея

Государственный визит Президента Республики Корея Мун Чжэ Ина в Республику Узбекистан 18 — 21 апреля 2019 года стал одним их важнейших событий в истории узбекско — южнокорейского сотрудничества и вывел взаимоотношения двух стран на уровень «особого стратегического партнерства».

Прошедшие в дружественной и конструктивной атмосфере плодотворные переговоры и мероприятия с участием глав государств подтвердили важность дальнейшего поддержания активного политического диалога на высшем уровне, являющегося определяющим фактором в сохранении взаимного доверия и открытости между двумя странами.

Подписаны Совместная декларация между Республикой Узбекистан и Республикой Корея об особом стратегическом партнерстве, 16 межправительственных и межведомственных документов, а также пакет соглашений в торгово-экономической и инвестиционной сферах на сумму свыше 12 миллиардов долларов.

Совместная декларация между Республикой Узбекистан и Республикой Корея об особом стратегическом партнерстве ознаменовала начало нового этапа в истории узбекско-южнокорейских отношений, нацеленного на углубление взаимопонимания между двумя странами в политической, торгово-экономической, инвестиционной, финансово-технической и культурно-гуманитарной сферах.

В целях обеспечения полномасштабной и качественной реализации подписанных двусторонних соглашений и достигнутых договоренностей в ходе Государственного визита Президента Республики Корея в Республику Узбекистан:

1. Утвердить:

План практических мероприятий («Дорожная карта») по реализации двусторонних документов, подписанных в ходе Государственного визита Президента Республики Корея в Республику Узбекистан, согласно приложению № 1 * ;

План практических мероприятий («Дорожная карта») по дальнейшему расширению политического, торгово-экономического и культурно-гуманитарного сотрудничества, а также взаимодействия в сфере безопасности между Республикой Узбекистан и Республикой Корея согласно приложению № 2 * ;

План практических мероприятий («Дорожная карта») по реализации торгово-экономических и инвестиционных соглашений, подписанных в ходе Государственного визита Президента Республики Корея в Республику Узбекистан, согласно приложению № 3 * ;

План практических мероприятий («Дорожная карта») по реализации перспективных проектов с южнокорейскими компаниями согласно приложению № 4 * ;

График проведения бизнес-форумов и презентаций конкретных инвестиционных проектов с участием деловых кругов Республики Узбекистан и Республики Корея согласно приложению № 5 * ;

Механизм обеспечения мониторинга и контроля за своевременной и безусловной реализацией подписанных двусторонних соглашений и достигнутых договоренностей в ходе Государственного визита Президента Республики Корея в Республику Узбекистан согласно приложению № 6 * .

2. Кабинету Министров Республики Узбекистан в двухнедельный срок утвердить сетевые графики реализации инвестиционных проектов и торговых контрактов, включенных в приложение № 3 * к настоящему постановлению.

3. Создать Рабочую группу по вопросам обеспечения безусловного исполнения договоренностей, достигнутых в ходе Государственного визита Президента Республики Корея в Республику Узбекистан, согласно приложению № 7 * , определив ее основными задачами:

организацию постоянного и системного мониторинга и контроля за неукоснительным и качественным исполнением подписанных документов, включая своевременное выполнение внутригосударственных процедур по вступлению в силу отдельных документов, и достигнутых договоренностей в ходе Государственного визита Президента Республики Корея в Республику Узбекистан;

заслушивание отчетов руководителей министерств, ведомств, органов государственной власти на местах и других организаций — ответственных исполнителей о принимаемых ими практических мерах по безусловной реализации утвержденных настоящим постановлением планов практических мероприятий («дорожных карт»);

реализацию подписанных двусторонних соглашений и достигнутых договоренностей по дальнейшему расширению политического, торгово-экономического, инвестиционного, финансово-технического, инновационного, военно-технического и культурно-гуманитарного сотрудничества, а также организацию регулярного и эффективного взаимодействия по указанным вопросам с корейской стороной, прежде всего в рамках узбекско-южнокорейского Межправительственного комитета по торгово-экономическому сотрудничеству;

регулярное командирование в Республику Корея руководства Рабочей группы совместно с соответствующими представителями министерств, ведомств и компаний для проведения переговоров, оперативного решения и продвижения текущих вопросов по всему спектру направлений двустороннего сотрудничества.

4. Определить основной задачей деятельности заместителя министра инвестиций и внешней торговли Республики Узбекистан Кудратова Л.Ш. на период 2019-2020 годов обеспечение эффективной координации работы министерств и ведомств, а также продуктивного взаимодействия с корейской стороной по своевременной и в полном объеме реализации программ и проектов торгово-экономического, инвестиционного и финансового сотрудничества с Республикой Корея.

5. Создать в структуре центрального аппарата Министерства инвестиций и внешней торговли Республики Узбекистан Управление по развитию инвестиционного сотрудничества с Республикой Корея за счет увеличения штатной численности на 5 единиц и определить его основной задачей организацию системной работы по своевременной и в полном объеме реализации программ и проектов торгово-экономического, инвестиционного и финансово-технического сотрудничества с Республикой Корея.

6. Министерствам, ведомствам, органам государственной власти на местах и другим организациям — ответственным исполнителям обеспечить:

разработку в двухнедельный срок качественных инвестиционных предложений, паспортов и презентаций инвестиционных проектов на английском языке, включенных в приложение № 4 * к настоящему постановлению, по формам согласно приложениям №№ 8а и 8б * ;

своевременное и качественное исполнение сетевых графиков и утвержденных настоящим постановлением планов практических мероприятий («дорожных карт») с использованием системы «Ijro.gov.uz»;

представление до 3-го числа каждого календарного месяца, следующего за отчетным, информации о ходе реализации утвержденных настоящим постановлением планов практических мероприятий («дорожных карт») в Министерство иностранных дел — согласно приложениям №№ 1 и 2, в Министерство инвестиций и внешней торговли Республики Узбекистан — согласно приложениям №№ 3 и 4 к настоящему постановлению в части, касающейся.

7. Министерству иностранных дел, Министерству инвестиций и внешней торговли Республики Узбекистан к 7-му числу каждого календарного месяца, следующего за отчетным, вносить в Кабинет Министров и Счетную палату Республики Узбекистан обобщенную информацию о ходе реализации утвержденных настоящим постановлением планов практических мероприятий («дорожных карт»).

8. Кабинету Министров и Счетной палате Республики Узбекистан до 10-го числа каждого календарного месяца, следующего за отчетным, представлять в Исполнительный аппарат Администрации Президента Республики Узбекистан и аппарат Совета безопасности при Президенте Республики Узбекистан критический анализ хода исполнения настоящего постановления и утвержденных планов практических мероприятий («дорожных карт»).

9. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и секретаря Совета безопасности при Президенте Республики Узбекистан В.В. Махмудова.

Президент Республики Узбекистан Ш. МИРЗИЁЕВ

г. Ташкент,

29 апреля 2019 г.,

№ ПП-4301

lex.uz