UzbekAI

Ўзбекистон Республикаси Президентининг

Қарори

Хитой Халқ Республикасига олий даражадаги ташриф давомида эришилган келишувларни амалга ошириш чора-тадбирлари тўғрисида

Ўзбекистон Республикаси Президентининг «Бир макон, бир йўл» иккинчи халқаро форуми ишида иштирок этиш учун 2019 йил 24 — 27 апрель кунлари Хитой Халқ Республикасига амалий ташрифи республикамизнинг халқаро майдондаги обрўсини мустаҳкамлашда муҳим босқич бўлди.

Форум давомида илгари сурилган ташаббуслар жаҳон ҳамжамияти томонидан ҳар томонлама қўллаб-қувватланди ва улар миллий иқтисодиёт учун устувор дастурлар ва лойиҳаларни олға суришда Ўзбекистонга кенг истиқболларни очади.

Форумдаги иштирокчи мамлакатларнинг ҳамкорлик алоқаларида уйғунликни таъминлашга қаратилган улкан халқаро платформа бўлмиш «Бир макон, бир йўл» ташаббуси 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясидаги алоҳида қоидалар билан ҳамоҳангдир ва саноат, энергетика, инфратузилмани ривожлантириш, транспорт, логистика, қишлоқ хўжалиги, туризм, таълим ва бошқа йўналишлардаги ўзбек-хитой ҳар томонлама стратегик шериклик муносабатларини изчил ривожлантиришга ҳисса қўшади.

Ушбу соҳалардаги қўшма лойиҳаларни муваффақиятли амалга ошириш янги транспорт йўлакларини очиш, маҳаллий маҳсулотлар экспортини кенгайтириш ва республикамиз иқтисодиёти тармоқларига жалб қилинаётган инвестициялар ҳажмини оширишга ёрдам беради.

Хитой Халқ Республикаси, Беларусь Республикаси, Тожикистон Республикаси, Бирлашган Миллатлар Ташкилоти, Халқаро валюта жамғармаси раҳбарлари ва бошқа хорижий делегациялар раҳбарлари билан ўтказилган икки томонлама самарали учрашувлар томонларнинг жуда кўплаб соҳаларда ўзаро манфаатли йўналишлар бўйича ҳамкорликни ривожлантиришга интилиши ортиб бораётганини тасдиқлади.

Ўзбекистон Республикаси Президентининг Хитой Халқ Республикасига амалий ташрифи давомида эришилган келишувларнинг ўз вақтида ва тўлиқ амалга оширилишини таъминлаш мақсадида:

1. Қуйидагилар:

«Бир макон, бир йўл» иккинчи халқаро форуми доирасида Ўзбекистон Республикаси томонидан илгари сурилган ташаббуслар ва таклифларни ўз вақтида ва тўла ҳажмда амалга оширишни таъминлаш бўйича амалий чора-тадбирлар режаси («Йўл харитаси») 1-иловага * мувофиқ;

«Бир макон, бир йўл» иккинчи халқаро форуми доирасидаги икки томонлама учрашувлар давомида эришилган келишувларни амалга ошириш бўйича амалий чора-тадбирлар режаси («Йўл харитаси») 2-иловага * мувофиқ;

Ўзбекистон Республикаси Президентининг «Бир макон, бир йўл» иккинчи халқаро форуми ишида иштирок этиш учун Хитой Халқ Республикасига амалий ташрифи давомида эришилган келишувларнинг ўз вақтида ва сўзсиз ижро этилиши устидан мониторинг ва назоратни таъминлаш механизми 3-иловага * мувофиқ тасдиқлансин.

Ўзбекистон Республикаси Вазирлар Маҳкамаси икки ҳафта муддатда ушбу қарорнинг 2-иловасига * киритилган инвестиция лойиҳаларини амалга ошириш бўйича тармоқ жадвалларини тасдиқласин.

2. Ўзбекистон Республикаси Инвестициялар ва ташқи савдо вазирлиги марказий аппарати тузилмасига хорижий мамлакатлар билан ташқи иқтисодий ҳамкорликни ривожлантириш учун масъул бўлган инвестициялар ва ташқи савдо вазирининг биринчи ўринбосари лавозими киритилсин.

Ўзбекистон Республикаси Инвестициялар ва ташқи савдо вазирлиги марказий аппарати тузилмасида бошқарув ходимлари штатлари сонини 20 нафарга кўпайтириш ҳисобига Ташқи иқтисодий ҳамкорлик бош бошқармаси (кейинги ўринларда — Бош бошқарма) тузилсин.

Қуйидагилар инвестициялар ва ташқи савдо вазирининг биринчи ўринбосари ва Бош бошқарманинг асосий вазифалари этиб белгилансин:

хорижий мамлакатлар, шу жумладан «Бир макон, бир йўл» ташаббусининг иштирокчи давлатлари билан савдо-иқтисодий ва инвестициявий ҳамкорлик лойиҳалари ва дастурларини ишлаб чиқиш ҳамда амалда рўёбга чиқариш;

хорижий мамлакатлар билан юқори технологиялар, инновациялар, саноат, энергетика, инфратузилмани ривожлантириш, транспорт, логистика, қишлоқ хўжалиги, туризм ва бошқа йўналишларда амалий ҳамкорликни кенгайтириш бўйича аниқ таклифлар тайёрлаш;

олий даражадаги ташрифлар якунлари бўйича эришилган савдо-иқтисодий ва инвестициявий ҳамкорлик соҳасидаги келишувларнинг сўзсиз ва сифатли ижро этилиши устидан доимий ҳамда тизимли мониторинг ва назоратни ташкил қилиш;

хорижий мамлакатлар билан савдо-иқтисодий ва инвестициявий ҳамкорлик соҳасидаги амалий чора-тадбирлар режалари («йўл хариталари»)ни сўзсиз амалга ошириш бўйича масъул ижрочилар — вазирликлар, идоралар, маҳаллий ижро ҳокимияти органларининг фаолиятини мувофиқлаштириш.

3. Ўзбекистон Республикаси билан Хитой Халқ Республикаси ўртасида савдо-иқтисодий, инвестициявий ва молиявий ҳамкорлик лойиҳаларини сифатли тайёрлаш ва амалга ошириш бўйича тизимли ишларни таъминлаш мақсадида Пекин шаҳрида ходимларнинг чекланган сони 11 кишидан иборат Ўзбекистон Республикасининг Хитой Халқ Республикасидаги Элчихонаси ҳузуридаги Инвестициялар, саноат ва савдо вазирлиги ваколатхонаси (кейинги ўринларда — Ваколатхона) ташкил этилсин.

Ўзбекистон Республикаси Инвестициялар ва ташқи савдо вазирлиги ҳамда Молия вазирлиги бир ой муддатда:

Ваколатхона тузилмаси, харажатлар сметаси, бюджет ва бюджетдан ташқари маблағлар ҳисобидан молиялаштириш манбалари, ходимлар меҳнатига ҳақ тўлаш даражаси (фаолиятнинг аниқ натижалари учун мукофотлашни ҳисобга олган ҳолда) ҳамда моддий-техник таъминлашни кўрсатиб берган ҳолда Ўзбекистон Республикаси Вазирлар Маҳкамасига ҳукумат қарори лойиҳасини киритсин;

Ваколатхонани малакали мутахассислар билан бутлаш ҳамда унинг фаолият бошлаши билан боғлиқ барча ташкилий масалаларни ҳал этсин.

4. Ўзбекистон Республикаси Президентининг 2019 йил 28 январдаги «Ўзбекистон Республикаси Инвестициялар ва ташқи савдо вазирлиги фаолиятини ташкил этиш тўғрисида»ги ПҚ–4135-сон қарорининг 2-бандига 4-иловага * мувофиқ ўзгартиришлар киритилсин.

5. Осиё-Тинч океани минтақаси мамлакатлари билан ҳамкорлик истиқболларини ва уни ривожлантириш муаммоларини чуқур ўрганиш мақсадида Ўзбекистон Республикаси Вазирлар Маҳкамаси Ташқи ишлар вазирлиги, Инвестициялар ва ташқи савдо вазирлиги, Фанлар академияси, Ўзбекистон Республикаси Президенти ҳузуридаги Стратегик ва минтақалараро тадқиқотлар институти билан биргаликда икки ҳафта муддатда тегишли илмий-тадқиқот институтини ташкил этиш тўғрисидаги қарор лойиҳасини киритсин.

6. Масъул ижрочилар — вазирликлар, идоралар, маҳаллий ижро ҳокимияти органлари ва бошқа ташкилотлар:

«Ijro.gov.uz» тизимидан фойдаланган ҳолда, тармоқ жадвалларини ҳамда амалий чора-тадбирлар режалари («йўл хариталари»)ни ўз вақтида ва сифатли бажаришни;

мазкур қарор билан тасдиқланган амалий чора-тадбирлар режалари («йўл хариталари»)нинг амалга оширилиши тўғрисидаги маълумотлар тегишлилиги бўйича Ўзбекистон Республикаси Ташқи ишлар вазирлигига ҳамда Инвестициялар ва ташқи савдо вазирлигига ҳисобот ойидан кейинги ҳар календарь ойининг 3-санасига қадар тақдим этилишини таъминласин.

7. Ўзбекистон Республикаси Ташқи ишлар вазирлиги ҳамда Инвестициялар ва ташқи савдо вазирлиги ҳисобот ойидан кейинги ҳар календарь ойининг 7-санасига қадар Ўзбекистон Республикаси Вазирлар Маҳкамаси ва Ҳисоб палатасига мазкур қарор билан тасдиқланган амалий чора-тадбирлар режалари («йўл хариталари»)нинг ижроси бўйича умумлаштирилган маълумотларни киритсин.

8. Ўзбекистон Республикаси Вазирлар Маҳкамаси ва Ҳисоб палатаси ҳисобот ойидан кейинги ҳар календарь ойининг 10-санасига қадар Ўзбекистон Республикаси Президенти Администрацияси Ижро этувчи аппаратига ва Ўзбекистон Республикаси Президенти ҳузуридаги Хавфсизлик кенгаши аппаратига мазкур қарор ҳамда тасдиқланган амалий чора-тадбирлар режалари («йўл хариталари») ижросининг танқидий таҳлилини тақдим этиб борсин.

9. Ўзбекистон Республикаси Вазирлар Маҳкамаси Тошкент шаҳар ҳокимлиги билан биргаликда икки ҳафта муддатда Ўзбекистон Республикаси Инвестициялар ва ташқи савдо вазирлигини унинг штатлари сони ошганлигини ҳисобга олган ҳолда жойлаштиришни таъминласин.

10. Ўзбекистон Республикаси Инвестициялар ва ташқи савдо вазирлиги бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2019 йил 4 май,

ПҚ-4308-сон

lex.uz

Oʻzbekiston Respublikasi Prezidentining

Qarori

Xitoy Xalq Respublikasiga oliy darajadagi tashrif davomida erishilgan kelishuvlarni amalga oshirish chora-tadbirlari toʻgʻrisida

Oʻzbekiston Respublikasi Prezidentining “Bir makon, bir yoʻl” ikkinchi xalqaro forumi ishida ishtirok etish uchun 2019-yil 24 — 27-aprel kunlari Xitoy Xalq Respublikasiga amaliy tashrifi respublikamizning xalqaro maydondagi obroʻsini mustahkamlashda muhim bosqich boʻldi.

Forum davomida ilgari surilgan tashabbuslar jahon hamjamiyati tomonidan har tomonlama qoʻllab-quvvatlandi va ular milliy iqtisodiyot uchun ustuvor dasturlar va loyihalarni olgʻa surishda Oʻzbekistonga keng istiqbollarni ochadi.

Forumdagi ishtirokchi mamlakatlarning hamkorlik aloqalarida uygʻunlikni taʼminlashga qaratilgan ulkan xalqaro platforma boʻlmish “Bir makon, bir yoʻl” tashabbusi 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasidagi alohida qoidalar bilan hamohangdir va sanoat, energetika, infratuzilmani rivojlantirish, transport, logistika, qishloq xoʻjaligi, turizm, taʼlim va boshqa yoʻnalishlardagi oʻzbek-xitoy har tomonlama strategik sheriklik munosabatlarini izchil rivojlantirishga hissa qoʻshadi.

Ushbu sohalardagi qoʻshma loyihalarni muvaffaqiyatli amalga oshirish yangi transport yoʻlaklarini ochish, mahalliy mahsulotlar eksportini kengaytirish va respublikamiz iqtisodiyoti tarmoqlariga jalb qilinayotgan investitsiyalar hajmini oshirishga yordam beradi.

Xitoy Xalq Respublikasi, Belarus Respublikasi, Tojikiston Respublikasi, Birlashgan Millatlar Tashkiloti, Xalqaro valyuta jamgʻarmasi rahbarlari va boshqa xorijiy delegatsiyalar rahbarlari bilan oʻtkazilgan ikki tomonlama samarali uchrashuvlar tomonlarning juda koʻplab sohalarda oʻzaro manfaatli yoʻnalishlar boʻyicha hamkorlikni rivojlantirishga intilishi ortib borayotganini tasdiqladi.

Oʻzbekiston Respublikasi Prezidentining Xitoy Xalq Respublikasiga amaliy tashrifi davomida erishilgan kelishuvlarning oʻz vaqtida va toʻliq amalga oshirilishini taʼminlash maqsadida:

1. Quyidagilar:

“Bir makon, bir yoʻl” ikkinchi xalqaro forumi doirasida Oʻzbekiston Respublikasi tomonidan ilgari surilgan tashabbuslar va takliflarni oʻz vaqtida va toʻla hajmda amalga oshirishni taʼminlash boʻyicha amaliy chora-tadbirlar rejasi (“Yoʻl xaritasi”) 1-ilovaga * muvofiq;

“Bir makon, bir yoʻl” ikkinchi xalqaro forumi doirasidagi ikki tomonlama uchrashuvlar davomida erishilgan kelishuvlarni amalga oshirish boʻyicha amaliy chora-tadbirlar rejasi (“Yoʻl xaritasi”) 2-ilovaga * muvofiq;

Oʻzbekiston Respublikasi Prezidentining “Bir makon, bir yoʻl” ikkinchi xalqaro forumi ishida ishtirok etish uchun Xitoy Xalq Respublikasiga amaliy tashrifi davomida erishilgan kelishuvlarning oʻz vaqtida va soʻzsiz ijro etilishi ustidan monitoring va nazoratni taʼminlash mexanizmi 3-ilovaga * muvofiq tasdiqlansin.

Oʻzbekiston Respublikasi Vazirlar Mahkamasi ikki hafta muddatda ushbu qarorning 2-ilovasiga * kiritilgan investitsiya loyihalarini amalga oshirish boʻyicha tarmoq jadvallarini tasdiqlasin.

2. Oʻzbekiston Respublikasi Investitsiyalar va tashqi savdo vazirligi markaziy apparati tuzilmasiga xorijiy mamlakatlar bilan tashqi iqtisodiy hamkorlikni rivojlantirish uchun masʼul boʻlgan investitsiyalar va tashqi savdo vazirining birinchi oʻrinbosari lavozimi kiritilsin.

Oʻzbekiston Respublikasi Investitsiyalar va tashqi savdo vazirligi markaziy apparati tuzilmasida boshqaruv xodimlari shtatlari sonini 20 nafarga koʻpaytirish hisobiga Tashqi iqtisodiy hamkorlik bosh boshqarmasi (keyingi oʻrinlarda — Bosh boshqarma) tuzilsin.

Quyidagilar investitsiyalar va tashqi savdo vazirining birinchi oʻrinbosari va Bosh boshqarmaning asosiy vazifalari etib belgilansin:

xorijiy mamlakatlar, shu jumladan “Bir makon, bir yoʻl” tashabbusining ishtirokchi davlatlari bilan savdo-iqtisodiy va investitsiyaviy hamkorlik loyihalari va dasturlarini ishlab chiqish hamda amalda roʻyobga chiqarish;

xorijiy mamlakatlar bilan yuqori texnologiyalar, innovatsiyalar, sanoat, energetika, infratuzilmani rivojlantirish, transport, logistika, qishloq xoʻjaligi, turizm va boshqa yoʻnalishlarda amaliy hamkorlikni kengaytirish boʻyicha aniq takliflar tayyorlash;

oliy darajadagi tashriflar yakunlari boʻyicha erishilgan savdo-iqtisodiy va investitsiyaviy hamkorlik sohasidagi kelishuvlarning soʻzsiz va sifatli ijro etilishi ustidan doimiy hamda tizimli monitoring va nazoratni tashkil qilish;

xorijiy mamlakatlar bilan savdo-iqtisodiy va investitsiyaviy hamkorlik sohasidagi amaliy chora-tadbirlar rejalari (“yoʻl xaritalari”)ni soʻzsiz amalga oshirish boʻyicha masʼul ijrochilar — vazirliklar, idoralar, mahalliy ijro hokimiyati organlarining faoliyatini muvofiqlashtirish.

3. Oʻzbekiston Respublikasi bilan Xitoy Xalq Respublikasi oʻrtasida savdo-iqtisodiy, investitsiyaviy va moliyaviy hamkorlik loyihalarini sifatli tayyorlash va amalga oshirish boʻyicha tizimli ishlarni taʼminlash maqsadida Pekin shahrida xodimlarning cheklangan soni 11 kishidan iborat Oʻzbekiston Respublikasining Xitoy Xalq Respublikasidagi Elchixonasi huzuridagi Investitsiyalar, sanoat va savdo vazirligi vakolatxonasi (keyingi oʻrinlarda — Vakolatxona) tashkil etilsin.

Oʻzbekiston Respublikasi Investitsiyalar va tashqi savdo vazirligi hamda Moliya vazirligi bir oy muddatda:

Vakolatxona tuzilmasi, xarajatlar smetasi, budjet va budjetdan tashqari mablagʻlar hisobidan moliyalashtirish manbalari, xodimlar mehnatiga haq toʻlash darajasi (faoliyatning aniq natijalari uchun mukofotlashni hisobga olgan holda) hamda moddiy-texnik taʼminlashni koʻrsatib bergan holda Oʻzbekiston Respublikasi Vazirlar Mahkamasiga hukumat qarori loyihasini kiritsin;

Vakolatxonani malakali mutaxassislar bilan butlash hamda uning faoliyat boshlashi bilan bogʻliq barcha tashkiliy masalalarni hal etsin.

4. Oʻzbekiston Respublikasi Prezidentining 2019-yil 28-yanvardagi “Oʻzbekiston Respublikasi Investitsiyalar va tashqi savdo vazirligi faoliyatini tashkil etish toʻgʻrisida”gi PQ–4135-son qarorining 2-bandiga 4-ilovaga * muvofiq oʻzgartirishlar kiritilsin.

5. Osiyo-Tinch okeani mintaqasi mamlakatlari bilan hamkorlik istiqbollarini va uni rivojlantirish muammolarini chuqur oʻrganish maqsadida Oʻzbekiston Respublikasi Vazirlar Mahkamasi Tashqi ishlar vazirligi, Investitsiyalar va tashqi savdo vazirligi, Fanlar akademiyasi, Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti bilan birgalikda ikki hafta muddatda tegishli ilmiy-tadqiqot institutini tashkil etish toʻgʻrisidagi qaror loyihasini kiritsin.

6. Masʼul ijrochilar — vazirliklar, idoralar, mahalliy ijro hokimiyati organlari va boshqa tashkilotlar:

“Ijro.gov.uz” tizimidan foydalangan holda, tarmoq jadvallarini hamda amaliy chora-tadbirlar rejalari (“yoʻl xaritalari”)ni oʻz vaqtida va sifatli bajarishni;

mazkur qaror bilan tasdiqlangan amaliy chora-tadbirlar rejalari (“yoʻl xaritalari”)ning amalga oshirilishi toʻgʻrisidagi maʼlumotlar tegishliligi boʻyicha Oʻzbekiston Respublikasi Tashqi ishlar vazirligiga hamda Investitsiyalar va tashqi savdo vazirligiga hisobot oyidan keyingi har kalendar oyining 3-sanasiga qadar taqdim etilishini taʼminlasin.

7. Oʻzbekiston Respublikasi Tashqi ishlar vazirligi hamda Investitsiyalar va tashqi savdo vazirligi hisobot oyidan keyingi har kalendar oyining 7-sanasiga qadar Oʻzbekiston Respublikasi Vazirlar Mahkamasi va Hisob palatasiga mazkur qaror bilan tasdiqlangan amaliy chora-tadbirlar rejalari (“yoʻl xaritalari”)ning ijrosi boʻyicha umumlashtirilgan maʼlumotlarni kiritsin.

8. Oʻzbekiston Respublikasi Vazirlar Mahkamasi va Hisob palatasi hisobot oyidan keyingi har kalendar oyining 10-sanasiga qadar Oʻzbekiston Respublikasi Prezidenti Administratsiyasi Ijro etuvchi apparatiga va Oʻzbekiston Respublikasi Prezidenti huzuridagi Xavfsizlik kengashi apparatiga mazkur qaror hamda tasdiqlangan amaliy chora-tadbirlar rejalari (“yoʻl xaritalari”) ijrosining tanqidiy tahlilini taqdim etib borsin.

9. Oʻzbekiston Respublikasi Vazirlar Mahkamasi Toshkent shahar hokimligi bilan birgalikda ikki hafta muddatda Oʻzbekiston Respublikasi Investitsiyalar va tashqi savdo vazirligini uning shtatlari soni oshganligini hisobga olgan holda joylashtirishni taʼminlasin.

10. Oʻzbekiston Respublikasi Investitsiyalar va tashqi savdo vazirligi bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2019-yil 4-may,

PQ-4308-son

lex.uz

Президента Республики Узбекистан

Постановление

О мерах по реализации договоренностей, достигнутых в ходе визита на высшем уровне в Китайскую Народную Республику

Рабочий визит Президента Республики Узбекистан в Китайскую Народную Республику 24 — 27 апреля 2019 года для участия в работе второго Международного форума «Один пояс, один путь» стал важным этапом в укреплении авторитета республики на мировой арене.

Выдвинутые в ходе Форума инициативы получили широкую международную поддержку и открывают новые перспективы в продвижении приоритетных для экономики Узбекистана программ и проектов.

Инициатива «Один пояс, один путь», направленная на углубление многопланового сотрудничества между странами-участницами Форума, созвучна с отдельными положениями Стратегии действий по пяти приоритетным направлениям развития Республики Узбекистан в 2017 — 2021 годах и способствует поступательному развитию узбекско-китайского всестороннего стратегического партнерства и взаимовыгодного сотрудничества в области промышленности, энергетики, развития инфраструктуры, транспорта, логистики, сельского хозяйства, туризма, образования и других сферах.

Успешная реализация совместных проектов в этих областях будет способствовать формированию новых транспортных коридоров, расширению экспорта отечественной продукции и увеличению объемов привлечения инвестиций в отрасли экономики республики.

Проведенные продуктивные двусторонние встречи с руководителями Китайской Народной Республики, Республики Беларусь, Республики Таджикистан, Организации Объединённых Наций, Международного валютного фонда и другими главами зарубежных делегаций подтвердили растущее стремление сторон развивать взаимовыгодное сотрудничество по широкому спектру направлений.

В целях обеспечения своевременной и в полном объеме реализации договоренностей, достигнутых в ходе рабочего визита Президента Республики Узбекистан в Китайскую Народную Республику:

1. Утвердить:

План практических мероприятий («Дорожная карта») по обеспечению своевременной и в полном объеме реализации инициатив и предложений, выдвинутых Республикой Узбекистан в рамках второго Международного форума «Один пояс, один путь», согласно приложению № 1 * ;

План практических мероприятий («Дорожная карта») по реализации договоренностей, достигнутых в ходе двусторонних встреч в рамках второго Международного форума «Один пояс, один путь», согласно приложению № 2 * ;

Механизм обеспечения мониторинга и контроля за своевременной и безусловной реализацией договоренностей, достигнутых в ходе рабочего визита Президента Республики Узбекистан в Китайскую Народную Республику для участия в работе второго Международного форума «Один пояс, один путь», согласно приложению № 3 * .

Кабинету Министров Республики Узбекистан в двухнедельный срок утвердить сетевые графики реализации инвестиционных проектов, включенных в приложение № 2 * к настоящему постановлению.

2. Ввести в структуру центрального аппарата Министерства инвестиций и внешней торговли Республики Узбекистан должность первого заместителя министра инвестиций и внешней торговли, ответственного за развитие внешнеэкономического сотрудничества с зарубежными странами.

Создать в структуре центрального аппарата Министерства инвестиций и внешней торговли Республики Узбекистан Главное управление внешнеэкономического сотрудничества (далее — Главное управление) за счет увеличения штатной численности управленческого персонала на 20 единиц.

Определить основными задачами первого заместителя министра инвестиций и внешней торговли и Главного управления:

формирование и практическую реализацию программ и проектов торгово-экономического и инвестиционного сотрудничества с зарубежными странами, включая государства-участники инициативы «Один пояс, один путь»;

подготовку конкретных предложений по расширению практического сотрудничества с зарубежными странами в области высоких технологий, инноваций, промышленности, энергетики, развития инфраструктуры, транспорта, логистики, сельского хозяйства, туризма и других направлениях;

организацию постоянного и системного мониторинга и контроля за неукоснительным и качественным исполнением договоренностей в сфере торгово-экономического и инвестиционного сотрудничества, достигнутых по итогам визитов на высшем уровне;

координацию деятельности министерств, ведомств, местных органов исполнительной власти и других организаций — ответственных исполнителей – по безусловной реализации планов практических мероприятий («дорожных карт») в сфере торгово-экономического и инвестиционного сотрудничества с зарубежными странами.

3. В целях обеспечения системной работы по качественной подготовке и реализации проектов торгово-экономического, инвестиционного и финансового сотрудничества с Китайской Народной Республикой создать Представительство Министерства инвестиций и внешней торговли при Посольстве Республики Узбекистан в Китайской Народной Республике в г. Пекине (далее — Представительство) с предельной численностью персонала в количестве 7 единиц.

Министерству инвестиций и внешней торговли и Министерству финансов Республики Узбекистан в месячный срок:

внести в Кабинет Министров Республики Узбекистан проект правительственного решения с указанием структуры, сметы расходов, источников финансирования за счет бюджетных и внебюджетных средств, уровня оплаты сотрудников (включая премирование за конкретные результаты деятельности) и материально-технического обеспечения Представительства;

обеспечить решение всех организационных вопросов, укомплектование Представительства специалистами и начало его функционирования.

4. Внести изменения в пункт 2 постановления Президента Республики Узбекистан от 28 января 2019 года № ПП-4135 «Об организации деятельности Министерства инвестиций и внешней торговли Республики Узбекистан» согласно приложению № 4 .

5. В целях глубокого изучения проблем развития и перспектив сотрудничества со странами Азиатско-Тихоокеанского региона Кабинету Министров совместно с Министерством иностранных дел, Министерством инвестиций и внешней торговли, Академией наук, Институтом стратегических и межрегиональных исследований при Президенте Республики Узбекистан в двухнедельный срок внести проект решения о создании соответствующего научно-исследовательского института.

6. Министерствам, ведомствам, местным органам исполнительной власти и другим организациям — ответственным исполнителям обеспечить:

своевременное и качественное исполнение сетевых графиков и планов практических мероприятий («дорожных карт») с использованием системы «Ijro.gov.uz»;

представление до 3-го числа каждого календарного месяца, следующего за отчетным, информации о ходе реализации утвержденных настоящим постановлением планов практических мероприятий («дорожных карт») в Министерство иностранных дел и Министерство инвестиций и внешней торговли Республики Узбекистан в части, касающейся.

7. Министерству иностранных дел и Министерству инвестиций и внешней торговли к 7-му числу каждого календарного месяца, следующего за отчетным, вносить в Кабинет Министров и Счетную палату Республики Узбекистан обобщенную информацию о ходе реализации утвержденных настоящим постановлением планов практических мероприятий («дорожных карт»).

8. Кабинету Министров и Счетной палате Республики Узбекистан до 10-го числа каждого календарного месяца, следующего за отчетным, представлять в Исполнительный аппарат Администрации Президента Республики Узбекистан и аппарат Совета безопасности при Президенте Республики Узбекистан критический анализ хода исполнения настоящего постановления и утвержденных планов практических мероприятий («дорожных карт»).

9. Кабинету Министров Республики Узбекистан совместно с хокимиятом г. Ташкента в двухнедельный срок обеспечить размещение Министерства инвестиций и внешней торговли Республики Узбекистан с учетом увеличения его штатной численности.

10. Министерству инвестиций и внешней торговли Республики Узбекистан в месячный срок внести в Кабинет Министров Республики Узбекистан предложения по изменениям и дополнениям в законодательство, вытекающим из настоящего постановления.

11. Контроль за исполнением настоящего постановления возложить на Премьер-министра Республики Узбекистан А.Н. Арипова, руководителя Администрации Президента Республики Узбекистан З.Ш. Низомиддинова и секретаря Совета безопасности при Президенте Республики Узбекистан В.В. Махмудова.

ПРИЛОЖЕНИЕ № 4 к постановлению Президента Республики Узбекистан от 4 мая 2019 года № ПП-4308

Изменения, вносимые в пункт 2 постановления Президента Республики Узбекистан от 28 января 2019 года № ПП-4135 «Об организации деятельности Министерства инвестиций и внешней торговли Республики Узбекистан»

1. Текст приложения № 3 изложить в следующей редакции:

«Структура

центрального аппарата Министерства инвестиций и внешней торговли Республики Узбекистан

2. В абзаце пятом цифры «1 183» и «200» заменить соответственно цифрами «1 217» и «226».

Президент Республики Узбекистан Ш. МИРЗИЁЕВ

г. Ташкент,

4 мая 2019 г.,

№ ПП-4308

lex.uz