📅 2019-yil 21-iyun · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 21 июнь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 июня 2019 г. · Постановления Президента
Официальный текст. Официальный документ. Редакционные примечания не включены.
📅 21 June 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Кичик саноат зоналари фаолиятини мувофиқлаштириш ва бошқаришни янада такомиллаштириш чора-тадбирлари тўғрисида
Янги рақобатбардош ишлаб чиқаришлар ва кичик корхоналарнинг ривожлантирилишини давлат томонидан қўллаб-қувватлаш бўйича узлуксиз равишда амалга оширилаётган чора-тадбирлар доирасида 150 та кичик саноат зоналари ташкил қилинган бўлиб, уларнинг ҳудудида ҳар йили жами 1,7 трлн сўмдан ортиқ қийматдаги маҳсулотларни ишлаб чиқариш ҳажмига эга бўлган 1 691 та кичик корхона фаолият юритади ва 27 мингдан зиёд иш ўринлари яратилди.
Кичик саноат зоналари фаолиятини мувофиқлаштириш ва бошқариш тизимини янада такомиллаштириш, уларнинг иштирокчилари учун фаолият юритиш шароитларини сифат жиҳатидан яхшилаш ва маҳсулотларни сотишга кўмаклашиш, инвестициялар жалб қилинишини фаоллаштириш, авваламбор фойдаланилмаётган, фаолият юритмаётган ишлаб чиқариш майдонлари негизида ташкил қилинаётган импортбоп маҳсулотларни чиқариш бўйича замонавий ишлаб чиқаришларнинг жорий этилишини жадаллаштириш, ушбу асосда янги турғун иш жойлари ташкил этилишини таъминлаш ва аҳоли даромадини ошириш мақсадида:
1. Ўзбекистон Республикаси Иқтисодиёт ва саноат вазирлиги ҳамда Давлат активларини бошқариш агентлигининг Қорақалпоғистон Республикаси, вилоятлар ва Тошкент шаҳрида давлат муассасаси шаклидаги кичик саноат зоналарини бошқариш бўйича ягона дирекцияларни ҳар бир кичик саноат зонасига дирекцияларнинг масъул ходимларини бириктирган ҳолда ташкил этиш тўғрисидаги таклифига розилик берилсин.
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари бир ой муддатда янги ташкил қилинаётган дирекцияларнинг рўйхатдан ўтказилишини таъминласин.
2. Ўзбекистон Республикаси Президентининг 2019 йил 10 январдаги «Иқтисодий ривожланиш соҳасида давлат сиёсатини амалга ошириш тизимини тубдан такомиллаштириш чора-тадбирлари тўғрисида»ги ПФ-5621-сон Фармони билан кичик саноат зоналари иштирокчиларига қуйидаги ҳуқуқлар берилганлиги маълумот учун қабул қилинсин:
ўз маблағлари ҳисобига қурилган бинолар ва иншоотлар (ёки уларнинг қисмлари)га мулк ҳуқуқини белгиланган тартибда расмийлаштириш;
реконструкция қилиш ёки капитал таъмирлашни ўз маблағлари ҳисобидан амалга оширган тақдирда, бироқ кичик саноат зонаси иштирокчиси мақомини олган кундан бошлаб камида 3 йил муддат ўтгандан кейин, бинолар ва иншоотлар (ёки уларнинг қисмлари)ни хусусийлаштириш;
инвестиция ва бошқа ижтимоий мажбуриятларни тўлиқ бажарган тақдирда, бироқ кичик саноат зонаси иштирокчиси мақомини олган давридан бошлаб камида 5 йил муддат ўтгандан кейин, ўзларига берилган бинолар ва иншоотлар (ёки уларнинг қисмлари)ни хусусийлаштириш.
3. Белгилаб қўйилсинки:
а) кичик саноат зоналари фақатгина транспорт ва муҳандислик-коммуникация инфратузилмаси мавжуд ёки ўтказиш осон бўлган фаолият юритмаётган корхоналар негизида ва қишлоқ хўжалигига мўлжалланмаган бўш ер майдонларида ташкил қилинади;
б) ер участкаларини бериш қонунчиликда белгиланган тартибда электрон онлайн-аукцион орқали амалга оширилади;
в) кичик саноат зонаси иштирокчиси томонидан инвестиция лойиҳасини кичик саноат зонасида жойлаштирилган кундан эътиборан уч ой мобайнида амалга ошириш бўйича чора-тадбирлар кўрилмаганлиги, шунингдек объектдан шартномада кўрсатилган мақсадга номувофиқ фойдаланилганлиги шартноманинг бир томонлама тартибда бекор қилинишига асос бўлади;
г) кичик саноат зонаси иштирокчиси томонидан инвестиция лойиҳасини амалга ошириш енгиб бўлмайдиган куч сабабли белгиланган муддатларда якунланмаган бўлса ёхуд худди шу сабабларга кўра охирги 6 ой мобайнида ишлаб чиқариш фаолияти амалга оширилмаган бўлса, Қорақалпоғистон Республикаси, вилоятлар ва Тошкент шаҳридаги давлат муассасаси шаклидаги кичик ва ёшлар саноат зоналарини бошқариш бўйича ягона дирекциялар (кейинги ўринларда — дирекциялар) унга лойиҳа амалга оширилишини тезлаштириш бўйича «йўл харитаси»ни тасдиқлаган ҳолда қўшимча муддат тақдим этади. «Йўл харитаси»да белгиланган муддатларда инвестиция лойиҳаси якунланмаса ёки ишлаб чиқариш фаолияти бошланмаса, дирекциялар шартномани бекор қилади.
д) бинолар ва иншоотлар (ёки уларнинг қисмлари)ни хусусийлаштириш қуйидаги тартибда амалга оширилади:
ўз маблағлари ҳисобига реконструкция қилиш ёки капитал таъмирлаш ишлари олиб борилган бинолар ва иншоотлар (ёки уларнинг қисмлари)да, бироқ кичик саноат зонаси иштирокчиси мақомини олган кундан бошлаб камида 3 йил муддат ўтгандан кейин — реконструкция қилиш ёки капитал таъмирлаш ишларининг харажатлари чегириб ташланган ҳолда белгиланган тартибда аниқланадиган баҳолаш қиймати бўйича;
инвестиция ва бошқа ижтимоий мажбуриятларни тўлиқ бажарган тақдирда (иштирокчининг шахсий маблағлари ҳисобига реконструкция қилиш ёки капитал таъмирлаш ишлари олиб бормаган ҳолда), бироқ кичик саноат зонаси иштирокчиси мақомини олган кундан бошлаб камида 5 йил муддат ўтгандан кейин — беш йил мобайнида тенг улушларда тўловларни киритиш ҳуқуқи берилган ҳолда белгиланган тартибда аниқланадиган баҳолаш қиймати бўйича.
4. Ўзбекистон Республикаси Иқтисодиёт ва саноат вазирлиги:
а) маъмурий кенгашлар ва дирекциялар билан биргаликда уч ой муддатда:
республиканинг барча ҳудудларидаги кичик саноат зоналарини инвентаризация қилиш ва уларнинг фаолиятини ўрганиш ҳамда натижаси бўйича уларнинг ҳар бири кейинчалик фаолият юритиши мақсадга мувофиқлиги ҳақида Вазирлар Маҳкамасига таклифлар киритилишини;
кичик саноат зоналари иштирокчилари билан тузилган бинолар ва иншоотларнинг ижараси тўғрисидаги шартномаларни, зарур ҳолларда, белгиланган тартибда фойдаланилмаётган ва мақсадга номувофиқ фойдаланилаётган бинолар ва иншоотларни қайтариш чора-тадбирларини кўрган ҳолда ёки қўшимча лойиҳаларни жойлаштириш ҳисобига улардан оқилона фойдаланиш бўйича «йўл хариталари»ни ишлаб чиққан ҳолда қайта кўриб чиқилишини;
белгиланган муддатларда инвестиция лойиҳаларининг амалга оширилиши бошланишини таъминламаган кичик саноат зоналари иштирокчилари билан инвестициялаш тўғрисидаги битимларнинг бекор қилинишини;
ишлаб чиқаришнинг қисқа муддатларда фойдаланишга топширилишини кўзда тутган ҳолда орқада қолаётган лойиҳалар бўйича тармоқ жадвалларининг ишлаб чиқилишини таъминласин;
б) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда икки ҳафта муддатда ижтимоий-иқтисодий ривожланиши орқада қолаётган туманлар ва шаҳарларда ҳудуднинг салоҳияти, рақобатдаги устувор йўналишлари, табиий ва меҳнат ресурсларидан келиб чиқиб, уларнинг ихтисослашувини белгилаган ҳолда янги кичик саноат зоналарини ташкил қилиш бўйича таклифларни Вазирлар Маҳкамасига киритсин;
в) Ўзбекистон Республикаси Уй-жой коммунал хизмат кўрсатиш вазирлиги, Транспорт вазирлиги, Энергетика вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда уч ой муддатда янги ташкил қилинаётган кичик саноат зоналари ҳудудларида талаб юқори бўлган маҳсулотлар ишлаб чиқарилишини йўлга қўйиш учун зарур шарт-шароитлар яратилишини назарда тутган ҳолда ҳудудлар кесимида транспорт ва муҳандислик-коммуникация инфратузилмасини жадал ривожлантириш бўйича «йўл харитаси»ни тасдиқлаш учун Вазирлар Маҳкамасига киритсин;
г) оммавий ахборот воситалари, шу жумладан электрон ва интернет нашрларини жалб қилган ҳолда мамлакатнинг кичик саноат зоналари, инвестиция киритишнинг афзалликлари ва яратилаётган имтиёзли шароитлар, кичик саноат зоналари ҳудудларидаги мавжуд бўлган инфратузилма, таклиф қилинаётган хизматлар, шунингдек амалга оширилиши тавсия этилаётган инвестиция лойиҳалари тўғрисидаги батафсил маълумотларнинг доимий асосда нашр этилишини ташкил этсин.
5. Белгилаб қўйилсинки:
дирекциялар директорларини лавозимга тайинлаш ва лавозимидан озод этиш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Инвестициялар ва ташқи савдо вазирлиги билан келишилган ҳолда амалга оширилади;
кичик саноат зоналарининг архитектура-режалаштириш ҳужжатларини ишлаб чиқиш, шу жумладан ер участкаларини танлаш ва ажратиш бўйича материалларни тайёрлаш Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Қорақалпоғистон Республикасининг бюджети ҳамда вилоятлар ва Тошкент шаҳар маҳаллий бюджетлари ва дирекциялар маблағлари ҳисобига лойиҳа ташкилотларини жалб қилган ҳолда таъминланади;
дирекциялар кичик саноат зоналари ҳудудларининг архитектура-режалаштириш лойиҳаларини ишлаб чиқиш бўйича буюртмачилар бўлиб қатнашишга ҳақли.
6. Кичик саноат зоналари дирекциялари 2025 йил 1 июлга қадар ер солиғи ва мол-мулк солиғи тўлашдан озод этилсин.
7. Ўзбекистон Республикаси Ахборот технологиялари ва коммуникацияларини ривожлантириш вазирлиги Иқтисодиёт ва саноат вазирлиги билан биргаликда уч ой муддатда кичик саноат зоналари ҳудудларида амалга оширилаётган инвестиция лойиҳаларини мониторинг қилишнинг автоматлаштирилган тизимини жорий этсин.
8. Ўзбекистон Республикаси Энергетика вазирлиги, Уй-жой коммунал хизмат кўрсатиш вазирлиги Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда Қорақалпоғистон Республикаси бюджети, вилоятлар ва Тошкент шаҳрининг тегишли маҳаллий бюджетлари маблағлари ҳисобига кичик саноат зоналарининг бўлиниш чегарасигача зарурий ташқи муҳандислик коммуникациялари ва инфратузилмасининг кичик саноат зоналарида тадбиркорлик субъектларини жойлаштиришга оид ишлаб чиқилган лойиҳаларга биноан қурилишини ва модернизация қилинишини таъминласин.
9. Қуйидагиларга:
Ўзбекистон Республикаси Бош вазирининг ўринбосари — молия вазири Ж.А. Қўчқоровга — ушбу қарор билан қўйилган вазифаларнинг сўзсиз бажарилишини таъминлаш доирасида вазирлик ва идоралар фаолиятини самарали мувофиқлаштириш учун;
Ўзбекистон Республикаси иқтисодиёт ва саноат вазири Б.А. Ходжаевга — маъмурий кенгашлар томонидан кичик саноат зоналари ҳудудида ишлаб чиқаришларни жойлаштиришга инвестиция талабномаларининг ўз вақтида кўриб чиқилиши ҳамда улар бўйича қарорлар қабул қилиниши, шунингдек кичик саноат зоналарининг салоҳиятидан самарали фойдаланилиши, лойиҳаларнинг ўз вақтида амалга оширилиши ва жорий этилиши учун;
Ўзбекистон Республикаси энергетика вазири А.С. Султановга, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларига — қурилишнинг ўз вақтида тугатилиши, модернизация ва кичик саноат зоналари иштирокчиларини ташқи муҳандислик коммуникациялари ва инфратузилмага уланиши, уларнинг объектлари реал ишлаб чиқариш эҳтиёжларига мувофиқ электр энергияси ва табиий газ билан узлуксиз таъминланиши учун шахсий жавобгарлик юклатилсин.
10. Ўзбекистон Республикаси Иқтисодиёт ва саноат вазирлиги икки ой муддатда Вазирлар Маҳкамасига:
ушбу қарор талабларини ҳисобга олган ҳолда Кичик саноат зоналари тўғрисида янгиланган низом лойиҳасини;
қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни киритсин.
11. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Президенти маслаҳатчисининг ўринбосари Г.К. Саидова зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 21 июнь,
ПҚ-4363-сон
Oʻzbekiston Respublikasi Prezidentining
Qarori
Kichik sanoat zonalari faoliyatini muvofiqlashtirish va boshqarishni yanada takomillashtirish chora-tadbirlari toʻgʻrisida
Yangi raqobatbardosh ishlab chiqarishlar va kichik korxonalarning rivojlantirilishini davlat tomonidan qoʻllab-quvvatlash boʻyicha uzluksiz ravishda amalga oshirilayotgan chora-tadbirlar doirasida 150 ta kichik sanoat zonalari tashkil qilingan boʻlib, ularning hududida har yili jami 1,7 trln soʻmdan ortiq qiymatdagi mahsulotlarni ishlab chiqarish hajmiga ega boʻlgan 1 691 ta kichik korxona faoliyat yuritadi va 27 mingdan ziyod ish oʻrinlari yaratildi.
Kichik sanoat zonalari faoliyatini muvofiqlashtirish va boshqarish tizimini yanada takomillashtirish, ularning ishtirokchilari uchun faoliyat yuritish sharoitlarini sifat jihatidan yaxshilash va mahsulotlarni sotishga koʻmaklashish, investitsiyalar jalb qilinishini faollashtirish, avvalambor foydalanilmayotgan, faoliyat yuritmayotgan ishlab chiqarish maydonlari negizida tashkil qilinayotgan importbop mahsulotlarni chiqarish boʻyicha zamonaviy ishlab chiqarishlarning joriy etilishini jadallashtirish, ushbu asosda yangi turgʻun ish joylari tashkil etilishini taʼminlash va aholi daromadini oshirish maqsadida:
1. Oʻzbekiston Respublikasi Iqtisodiyot va sanoat vazirligi hamda Davlat aktivlarini boshqarish agentligining Qoraqalpogʻiston Respublikasi, viloyatlar va Toshkent shahrida davlat muassasasi shaklidagi kichik sanoat zonalarini boshqarish boʻyicha yagona direksiyalarni har bir kichik sanoat zonasiga direksiyalarning masʼul xodimlarini biriktirgan holda tashkil etish toʻgʻrisidagi taklifiga rozilik berilsin.
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda yangi tashkil qilinayotgan direksiyalarning roʻyxatdan oʻtkazilishini taʼminlasin.
2. Oʻzbekiston Respublikasi Prezidentining 2019-yil 10-yanvardagi “Iqtisodiy rivojlanish sohasida davlat siyosatini amalga oshirish tizimini tubdan takomillashtirish chora-tadbirlari toʻgʻrisida”gi PF-5621-son Farmoni bilan kichik sanoat zonalari ishtirokchilariga quyidagi huquqlar berilganligi maʼlumot uchun qabul qilinsin:
oʻz mablagʻlari hisobiga qurilgan binolar va inshootlar (yoki ularning qismlari)ga mulk huquqini belgilangan tartibda rasmiylashtirish;
rekonstruksiya qilish yoki kapital taʼmirlashni oʻz mablagʻlari hisobidan amalga oshirgan taqdirda, biroq kichik sanoat zonasi ishtirokchisi maqomini olgan kundan boshlab kamida 3 yil muddat oʻtgandan keyin, binolar va inshootlar (yoki ularning qismlari)ni xususiylashtirish;
investitsiya va boshqa ijtimoiy majburiyatlarni toʻliq bajargan taqdirda, biroq kichik sanoat zonasi ishtirokchisi maqomini olgan davridan boshlab kamida 5 yil muddat oʻtgandan keyin, oʻzlariga berilgan binolar va inshootlar (yoki ularning qismlari)ni xususiylashtirish.
3. Belgilab qoʻyilsinki:
a) kichik sanoat zonalari faqatgina transport va muhandislik-kommunikatsiya infratuzilmasi mavjud yoki oʻtkazish oson boʻlgan faoliyat yuritmayotgan korxonalar negizida va qishloq xoʻjaligiga moʻljallanmagan boʻsh yer maydonlarida tashkil qilinadi;
b) yer uchastkalarini berish qonunchilikda belgilangan tartibda elektron onlayn-auksion orqali amalga oshiriladi;
v) kichik sanoat zonasi ishtirokchisi tomonidan investitsiya loyihasini kichik sanoat zonasida joylashtirilgan kundan eʼtiboran uch oy mobaynida amalga oshirish boʻyicha chora-tadbirlar koʻrilmaganligi, shuningdek obyektdan shartnomada koʻrsatilgan maqsadga nomuvofiq foydalanilganligi shartnomaning bir tomonlama tartibda bekor qilinishiga asos boʻladi;
g) kichik sanoat zonasi ishtirokchisi tomonidan investitsiya loyihasini amalga oshirish yengib boʻlmaydigan kuch sababli belgilangan muddatlarda yakunlanmagan boʻlsa yoxud xuddi shu sabablarga koʻra oxirgi 6 oy mobaynida ishlab chiqarish faoliyati amalga oshirilmagan boʻlsa, Qoraqalpogʻiston Respublikasi, viloyatlar va Toshkent shahridagi davlat muassasasi shaklidagi kichik va yoshlar sanoat zonalarini boshqarish boʻyicha yagona direksiyalar (keyingi oʻrinlarda — direksiyalar) unga loyiha amalga oshirilishini tezlashtirish boʻyicha “yoʻl xaritasi”ni tasdiqlagan holda qoʻshimcha muddat taqdim etadi. “Yoʻl xaritasi”da belgilangan muddatlarda investitsiya loyihasi yakunlanmasa yoki ishlab chiqarish faoliyati boshlanmasa, direksiyalar shartnomani bekor qiladi.
d) binolar va inshootlar (yoki ularning qismlari)ni xususiylashtirish quyidagi tartibda amalga oshiriladi:
oʻz mablagʻlari hisobiga rekonstruksiya qilish yoki kapital taʼmirlash ishlari olib borilgan binolar va inshootlar (yoki ularning qismlari)da, biroq kichik sanoat zonasi ishtirokchisi maqomini olgan kundan boshlab kamida 3 yil muddat oʻtgandan keyin — rekonstruksiya qilish yoki kapital taʼmirlash ishlarining xarajatlari chegirib tashlangan holda belgilangan tartibda aniqlanadigan baholash qiymati boʻyicha;
investitsiya va boshqa ijtimoiy majburiyatlarni toʻliq bajargan taqdirda (ishtirokchining shaxsiy mablagʻlari hisobiga rekonstruksiya qilish yoki kapital taʼmirlash ishlari olib bormagan holda), biroq kichik sanoat zonasi ishtirokchisi maqomini olgan kundan boshlab kamida 5 yil muddat oʻtgandan keyin — besh yil mobaynida teng ulushlarda toʻlovlarni kiritish huquqi berilgan holda belgilangan tartibda aniqlanadigan baholash qiymati boʻyicha.
4. Oʻzbekiston Respublikasi Iqtisodiyot va sanoat vazirligi:
a) maʼmuriy kengashlar va direksiyalar bilan birgalikda uch oy muddatda:
respublikaning barcha hududlaridagi kichik sanoat zonalarini inventarizatsiya qilish va ularning faoliyatini oʻrganish hamda natijasi boʻyicha ularning har biri keyinchalik faoliyat yuritishi maqsadga muvofiqligi haqida Vazirlar Mahkamasiga takliflar kiritilishini;
kichik sanoat zonalari ishtirokchilari bilan tuzilgan binolar va inshootlarning ijarasi toʻgʻrisidagi shartnomalarni, zarur hollarda, belgilangan tartibda foydalanilmayotgan va maqsadga nomuvofiq foydalanilayotgan binolar va inshootlarni qaytarish chora-tadbirlarini koʻrgan holda yoki qoʻshimcha loyihalarni joylashtirish hisobiga ulardan oqilona foydalanish boʻyicha “yoʻl xaritalari”ni ishlab chiqqan holda qayta koʻrib chiqilishini;
belgilangan muddatlarda investitsiya loyihalarining amalga oshirilishi boshlanishini taʼminlamagan kichik sanoat zonalari ishtirokchilari bilan investitsiyalash toʻgʻrisidagi bitimlarning bekor qilinishini;
ishlab chiqarishning qisqa muddatlarda foydalanishga topshirilishini koʻzda tutgan holda orqada qolayotgan loyihalar boʻyicha tarmoq jadvallarining ishlab chiqilishini taʼminlasin;
b) Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki hafta muddatda ijtimoiy-iqtisodiy rivojlanishi orqada qolayotgan tumanlar va shaharlarda hududning salohiyati, raqobatdagi ustuvor yoʻnalishlari, tabiiy va mehnat resurslaridan kelib chiqib, ularning ixtisoslashuvini belgilagan holda yangi kichik sanoat zonalarini tashkil qilish boʻyicha takliflarni Vazirlar Mahkamasiga kiritsin;
v) Oʻzbekiston Respublikasi Uy-joy kommunal xizmat koʻrsatish vazirligi, Transport vazirligi, Energetika vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda uch oy muddatda yangi tashkil qilinayotgan kichik sanoat zonalari hududlarida talab yuqori boʻlgan mahsulotlar ishlab chiqarilishini yoʻlga qoʻyish uchun zarur shart-sharoitlar yaratilishini nazarda tutgan holda hududlar kesimida transport va muhandislik-kommunikatsiya infratuzilmasini jadal rivojlantirish boʻyicha “yoʻl xaritasi”ni tasdiqlash uchun Vazirlar Mahkamasiga kiritsin;
g) ommaviy axborot vositalari, shu jumladan elektron va internet nashrlarini jalb qilgan holda mamlakatning kichik sanoat zonalari, investitsiya kiritishning afzalliklari va yaratilayotgan imtiyozli sharoitlar, kichik sanoat zonalari hududlaridagi mavjud boʻlgan infratuzilma, taklif qilinayotgan xizmatlar, shuningdek amalga oshirilishi tavsiya etilayotgan investitsiya loyihalari toʻgʻrisidagi batafsil maʼlumotlarning doimiy asosda nashr etilishini tashkil etsin.
5. Belgilab qoʻyilsinki:
direksiyalar direktorlarini lavozimga tayinlash va lavozimidan ozod etish Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Investitsiyalar va tashqi savdo vazirligi bilan kelishilgan holda amalga oshiriladi;
kichik sanoat zonalarining arxitektura-rejalashtirish hujjatlarini ishlab chiqish, shu jumladan yer uchastkalarini tanlash va ajratish boʻyicha materiallarni tayyorlash Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Qoraqalpogʻiston Respublikasining budjeti hamda viloyatlar va Toshkent shahar mahalliy budjetlari va direksiyalar mablagʻlari hisobiga loyiha tashkilotlarini jalb qilgan holda taʼminlanadi;
direksiyalar kichik sanoat zonalari hududlarining arxitektura-rejalashtirish loyihalarini ishlab chiqish boʻyicha buyurtmachilar boʻlib qatnashishga haqli.
6. Kichik sanoat zonalari direksiyalari 2025-yil 1-iyulga qadar yer soligʻi va mol-mulk soligʻi toʻlashdan ozod etilsin.
7. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Iqtisodiyot va sanoat vazirligi bilan birgalikda uch oy muddatda kichik sanoat zonalari hududlarida amalga oshirilayotgan investitsiya loyihalarini monitoring qilishning avtomatlashtirilgan tizimini joriy etsin.
8. Oʻzbekiston Respublikasi Energetika vazirligi, Uy-joy kommunal xizmat koʻrsatish vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Qoraqalpogʻiston Respublikasi budjeti, viloyatlar va Toshkent shahrining tegishli mahalliy budjetlari mablagʻlari hisobiga kichik sanoat zonalarining boʻlinish chegarasigacha zaruriy tashqi muhandislik kommunikatsiyalari va infratuzilmasining kichik sanoat zonalarida tadbirkorlik subyektlarini joylashtirishga oid ishlab chiqilgan loyihalarga binoan qurilishini va modernizatsiya qilinishini taʼminlasin.
9. Quyidagilarga:
Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorovga — ushbu qaror bilan qoʻyilgan vazifalarning soʻzsiz bajarilishini taʼminlash doirasida vazirlik va idoralar faoliyatini samarali muvofiqlashtirish uchun;
Oʻzbekiston Respublikasi iqtisodiyot va sanoat vaziri B.A. Xodjayevga — maʼmuriy kengashlar tomonidan kichik sanoat zonalari hududida ishlab chiqarishlarni joylashtirishga investitsiya talabnomalarining oʻz vaqtida koʻrib chiqilishi hamda ular boʻyicha qarorlar qabul qilinishi, shuningdek kichik sanoat zonalarining salohiyatidan samarali foydalanilishi, loyihalarning oʻz vaqtida amalga oshirilishi va joriy etilishi uchun;
Oʻzbekiston Respublikasi energetika vaziri A.S. Sultanovga, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlariga — qurilishning oʻz vaqtida tugatilishi, modernizatsiya va kichik sanoat zonalari ishtirokchilarini tashqi muhandislik kommunikatsiyalari va infratuzilmaga ulanishi, ularning obyektlari real ishlab chiqarish ehtiyojlariga muvofiq elektr energiyasi va tabiiy gaz bilan uzluksiz taʼminlanishi uchun shaxsiy javobgarlik yuklatilsin.
10. Oʻzbekiston Respublikasi Iqtisodiyot va sanoat vazirligi ikki oy muddatda Vazirlar Mahkamasiga:
ushbu qaror talablarini hisobga olgan holda Kichik sanoat zonalari toʻgʻrisida yangilangan nizom loyihasini;
qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni kiritsin.
11. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Prezidenti maslahatchisining oʻrinbosari G.K. Saidova zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 21-iyun,
PQ-4363-son
Президента Республики Узбекистан
Постановление
О мерах по дальнейшему совершенствованию координации и управления деятельностью малых промышленных зон
В рамках последовательно реализуемых мер по государственной поддержке развития новых конкурентоспособных производств и малых предприятий организованы 150 малых промышленных зон, на территории которых осуществляет деятельность 1 691 малое предприятие с совокупным объемом производства продукции на сумму свыше 1,7 трлн сумов ежегодно, создано более 27 тысяч рабочих мест.
В целях дальнейшего совершенствования системы координации и управления деятельностью малых промышленных зон, качественного улучшения условий деятельности для их участников и содействия в реализации продукции, активизации привлечения инвестиций, ускорения ввода современных производств по выпуску импортозамещающей продукции, прежде всего создаваемых на базе неиспользуемых, бездействующих производственных площадей, обеспечения организации на этой основе новых устойчивых рабочих мест и повышения доходов населения:
1. Согласиться с предложением Министерства экономики и промышленности, Агентства по управлению государственными активами Республики Узбекистан о создании в Республике Каракалпакстан, областях и городе Ташкенте единых дирекций по управлению малыми промышленными зонами в форме государственного учреждения с прикреплением ответственных работников дирекций за каждой малой промышленной зоной.
Совету Министров Республики Каракалпакстан, хокимиятам областей и города Ташкента в месячный срок обеспечить регистрацию вновь создаваемых дирекций.
2. Принять к сведению, что Указом Президента Республики Узбекистан от 10 января 2019 года № УП-5621 «О мерах по кардинальному совершенствованию системы реализации государственной политики в сфере экономического развития» участникам малых промышленных зон предоставлено право:
в установленном порядке оформлять право собственности на здания и сооружения (или их части), возведенные за счет их собственных средств;
приватизировать здания и сооружения (или их части), в которых проведены реконструкция или капитальный ремонт за счет их собственных средств, но не ранее чем через 3 года с даты приобретения статуса участника малой промышленной зоны;
приватизировать переданные им здания и сооружения (или их части) при условии полного выполнения инвестиционных и других социальных обязательств, но не ранее чем через 5 лет с даты приобретения статуса участника малой промышленной зоны.
3. Установить, что:
а) малые промышленные зоны создаются исключительно на базе бездействующих предприятий и пустующих земельных площадей несельскохозяйственного назначения с существующей или легко проводимой транспортной и инженерно-коммуникационной инфраструктурой;
б) предоставление земельных участков осуществляется через электронный онлайн-аукцион в порядке, установленном законодательством;
в) непринятие участником малой промышленной зоны мер по реализации инвестиционного проекта в течение трех месяцев со дня его размещения в малой промышленной зоне, а также использование объекта не по назначению, указанному в договоре, являются основанием для расторжения договора в одностороннем порядке;
г) в случае, если участником малой промышленной зоны не закончена реализация инвестиционного проекта в установленные сроки по причине непреодолимой силы либо по этим же причинам не осуществлялась производственная деятельность в течение последних 6 месяцев, единые дирекции по управлению малыми и молодежными промышленными зонами в Республике Каракалпакстан, областях и городе Ташкенте в форме государственного учреждения (далее — дирекции) предоставляют ему дополнительный срок с утверждением «дорожной карты» по ускорению реализации проекта. В случае, если в установленные «дорожной картой» сроки инвестиционный проект не будет завершен или не начнется производственная деятельность, дирекции расторгают договор.
д) приватизация зданий и сооружений (или их части) осуществляется:
в которых проведены реконструкция или капитальный ремонт за счет собственных средств участника малой промышленной зоны, но не ранее чем через 3 года с даты приобретения статуса участника малой промышленной зоны — по оценочной стоимости, определяемой в установленном порядке, за вычетом расходов на реконструкцию или капитальный ремонт;
при условии полного выполнения инвестиционных и других социальных обязательств (без проведения реконструкции или капитального ремонта за счет собственных средств участника), но не ранее чем через 5 лет с даты приобретения статуса участника малой промышленной зоны — по оценочной стоимости, определяемой в установленном порядке, с предоставлением права внесения платежей равными долями в течение пяти лет.
4. Министерству экономики и промышленности Республики Узбекистан:
а) совместно с административными советами и дирекциями в трехмесячный срок обеспечить:
проведение инвентаризации и изучение деятельности малых промышленных зон во всех регионах республики с внесением по их итогам в Кабинет Министров предложений о целесообразности дальнейшего функционирования по каждой из них;
пересмотр договоров об аренде зданий и сооружений с участниками малых промышленных зон с принятием, при необходимости, в установленном порядке мер по возврату неиспользуемых и используемых не по целевому назначению зданий и сооружений или разработкой «дорожных карт» по их рациональному использованию за счет размещения дополнительных проектов;
расторжение соглашений об инвестировании с участниками малых промышленных зон, не обеспечившими начало реализации инвестиционных проектов в предусмотренные сроки;
разработку сетевых графиков по отстающим проектам, предусмотрев ввод в эксплуатацию производства в кратчайшие сроки;
б) совместно с Советом Министров Республики Каракалпакстан, хокимиятами областей и города Ташкента в двухнедельных срок внести в Кабинет Министров предложения по созданию новых малых промышленных зон в районах и городах, отстающих в социально-экономическом развитии, с определением их специализации исходя из потенциала, конкурентных преимуществ, природных и трудовых ресурсов региона;
в) совместно с Министерством жилищно-коммунального обслуживания, Министерством транспорта, Министерством энергетики Республики Узбекистан, Советом Министров Республики Каракалпакстан, хокимиятами областей и города Ташкента в трехмесячный срок внести на утверждение в Кабинет Министров «дорожную карту» по опережающему развитию транспортной и инженерно-коммуникационной инфраструктуры в разрезе регионов, предусмотрев создание необходимых условий для налаживания производства востребованной продукции на территории вновь создаваемых малых промышленных зон;
г) организовать с привлечением средств массовой информации, включая электронные и интернет-издания, на постоянной основе публикацию развернутой информации о малых промышленных зонах страны, преимуществах и создаваемых льготных условиях инвестирования, имеющейся инфраструктуре на территории малых промышленных зон, предлагаемых услугах, а также информации о рекомендованных к реализации инвестиционных проектах.
5. Определить, что:
назначение на должность и освобождение от должности директоров дирекций осуществляются Советом Министров Республики Каракалпакстан, хокимиятами областей и города Ташкента по согласованию с Министерством инвестиций и внешней торговли;
разработка архитектурно-планировочной документации малых промышленных зон, включая подготовку материалов по выбору и отводу земельных участков, обеспечивается Советом Министров Республики Каракалпакстан, хокимиятами областей и города Ташкента с привлечением проектных организаций за счет средств бюджета Республики Каракалпакстан и местных бюджетов областей и города Ташкента, а также средств дирекций;
дирекции вправе выступать заказчиками по разработке архитектурно-планировочных проектов территорий малых промышленных зон.
6. Освободить сроком до 1 июля 2025 года дирекции малых промышленных зон от уплаты земельного налога и налога на имущество.
7. Министерству по развитию информационных технологий и коммуникаций совместно с Министерством экономики и промышленности Республики Узбекистан в трехмесячный срок внедрить автоматизированную систему мониторинга инвестиционных проектов, реализуемых на территориях малых промышленных зон.
8. Министерству энергетики, Министерству жилищно-коммунального обслуживания Республики Узбекистан совместно с Советом Министров Республики Каракалпакстан, хокимиятами областей и города Ташкента обеспечить строительство и модернизацию необходимых внешних инженерных коммуникаций и инфраструктуры до границы раздела малых промышленных зон за счет средств бюджета Республики Каракалпакстан, соответствующих местных бюджетов областей и города Ташкента согласно разработанным проектам размещения субъектов предпринимательства в малых промышленных зонах.
9. Возложить персональную ответственность на:
заместителя Премьер-министра — министра финансов Республики Узбекистан Кучкарова Д.А. — за эффективную координацию деятельности министерств и ведомств в рамках обеспечения безусловного выполнения задач, поставленных настоящим постановлением;
министра экономики и промышленности Республики Узбекистан Ходжаева Б.А. — за своевременное рассмотрение административными советами инвестиционных заявок на размещение производств на территории малых промышленных зон и принятие по ним решений, а также эффективное использование потенциала малых промышленных зон, своевременную реализацию и ввод проектов;
министра энергетики Республики Узбекистан Султанова А.С., Председателя Совета Министров Республики Каракалпакстан и хокимов областей и города Ташкента — за своевременное завершение строительства, модернизацию и подключение участников малых промышленных зон к внешним инженерным коммуникациям и инфраструктуре, бесперебойное обеспечение их объектов электрической энергией, природным газом в соответствии с реальными производственными потребностями.
10. Министерству экономики и промышленности в двухмесячный срок внести в Кабинет Министров Республики Узбекистан:
проект обновленного Положения о малых промышленных зонах с учетом требований настоящего постановления;
предложения об изменениях и дополнениях в законодательство, вытекающих из настоящего постановления.
11. Контроль за исполнением настоящего постановления возложить на заместителя Премьер-министра — министра финансов Республики Узбекистан Д.А. Кучкарова и заместителя советника Президента Республики Узбекистан Г.К. Саидову.
Президент Республики Узбекистан Ш. МИРЗИЁЕВ
г. Ташкент,
21 июня 2019 г.,
№ ПП-4363