📅 2019-yil 25-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 25 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 25 June 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Ипотека-банк» акциядорлик тижорат ипотека банкини ўзгартириш ва уни Халқаро молия корпорацияси иштирокида кейинчалик хусусийлаштириш чора-тадбирлари тўғрисида
Республикада банк тизимини ислоҳ қилиш бўйича амалга оширилаётган чора-тадбирлар давлат улушини камайтириш ва банкларни хусусийлаштириш, шу жумладан хусусийлаштириш жараёнларида хорижий инвесторларга иштирок этишга рухсат бериш орқали банк фаолиятига бозор принципларини жорий қилишни назарда тутувчи банк соҳасини ривожлантиришнинг янги босқичини амалга оширишга ўтиш шароитларини таъминлади.
Амалга оширилаётган ислоҳотлар доирасида «Ипотека-банк» АКИБ (кейинги ўринларда Ипотека-банк деб аталади) томонидан Халқаро молия корпорацияси (кейинги ўринларда ХМК деб аталади) билан ҳамкорликда банкнинг корпоратив бошқарув самарадорлигини ва инвестицион жозибадорлигини оширишга, шунингдек, Ипотека-банк устав капиталига ХМК кредитлари ва инвестицияларини жалб қилиш имкониятларини ишлаб чиқишга қаратилган қатор тадбирлар амалга оширилди.
ХМКнинг акциядорлар таркибига киритилиши мумкинлиги, шунингдек, Ипотека-банкни ўзгартириш жараёни банк фаолиятини молиявий натижадорликни оширишга ва илғор хорижий амалиётни ҳисобга олган ҳолда замонавий бизнес- моделни жорий этишга қайта йўналтиришни назарда тутади.
Ипотека-банкнинг кейинчалик хусусийлаштириш учун рақобатбардошлиги ва инвестицион жозибадорлигини сифат жиҳатидан оширишни назарда тутувчи бизнес-моделини самарали ўзгартиришни таъминлаш мақсадида Вазирлар Маҳкамаси қарор қилади:
1. Ипотека-банк ва ХМК томонидан ҳамкорлик дастури амалга оширилаётгани ва ушбу дастур доирасида:
институционал туб ўзгаришлар ва замонавий тижорат банки асосларини яратиш босқичларини амалга ошириш имконини берадиган битимлар имзолангани, шунингдек, 2019 йил охиригача банкни ўзгартиришнинг кейинги босқичини амалга ошириш бўйича битимлар тузилиши назарда тутилаётгани;
ХМК Ипотека-банкка кредит кўринишида 35 млн АҚШ доллари эквиваленти (Ўзбекистон сўмида) миқдорида пул маблағлари тақдим этадиган битимлар имзоланиши режалаштирилаётгани ҳамда Ипотека-банкнинг чиқариладиган оддий акцияларига қўшимча равишда ушбу кредит бўйича ХМК олдидаги қарздорлигининг жами суммаси ёки бир қисмини конвертация қилиш имконияти берилаётгани маълумот учун қабул қилинсин.
2. Белгилансинки, Ипотека-банк фаолиятининг мустақиллигини таъминлаш учун 2020 йил охиригача қуйидагиларни ўз ичига оладиган чора-тадбирлар амалга оширилади:
Ўзбекистон Республикаси Вазирлар Маҳкамасининг «Давлат активларини бошқариш тизимини янада такомиллаштириш чора-тадбирлари тўғрисида» 2019 йил 26 апрелдаги 356-сон қарорининг 1 ва 2-бандларида назарда тутилган банк кузатув кенгаши ва бошқаруви аъзолигига кўрсатиладиган ва тайинланадиган номзодларни давлат органлари ҳамда уларнинг раҳбарлари билан келишиш тартибини Ипотека-банкка нисбатан татбиқ этмаслик;
банк кузатув кенгашининг янги таркибини давлат органлари раҳбарларининг иштирокисиз шакллантириш ва мустақил директорлар сонини 5 нафарга етказиш ҳамда Ипотека-банк кузатув кенгаши раисини мустақил директорлар орасидан сайлаш;
Ипотека-банк раҳбариятини (ижро этувчи органини) шакллантириш ва Ипотека-банкнинг бозор амалиёти стандартлари ва эҳтиёжлари асосида ижро этувчи орган аъзоларининг (бошқарув раиси ва аъзолари) меҳнатига ҳақ тўлаш миқдорини банк кузатув кенгаши томонидан белгилаш;
лойиҳаларни бозор шароитларидан келиб чиққан ҳолда кредит билан таъминлаш ва молиялаштириш масалалари бўйича қарорларни Ипотека-банк томонидан мустақил қабул қилиш;
Ипотека-банк маблағларини тижорат ташкилотлари устав капиталларига инвестиция ажратиш учун банк фаолиятига хос бўлмаган тарзда жалб қилишни тақиқлаш.
3. Ўзбекистон Республикаси Давлат активларини бошқариш агентлиги икки ой муддатда Ўзбекистон Республикаси Молия вазирлигига Ўзбекистон Республикаси Давлат активларини бошқариш агентлиги бошқарувида бўлган Ипотека-банк устав капиталидаги давлат улушини беғараз асосда берсин.
4. Ўзбекистон Республикаси Молия вазирлиги, Давлат активларини бошқариш агентлиги Марказий банк билан биргаликда Ипотека-банкни хусусийлаштириш бўйича хусусийлаштириш жараёнининг асосий босқичлари ҳамда 2022 йил охиригача хусусийлаштириш жараёнини амалга оширишга доир томонлар мажбуриятларини назарда тутувчи «йўл харитаси»ни (кейинги ўринларда Йўл харитаси деб аталади) ХМК билан келишган ҳолда икки ой муддатда ишлаб чиқсин ва тасдиқласин.
5. Ўзбекистон Республикаси Молия вазирлиги ҳамда Тикланиш ва тараққиёт жамғармасининг қуйидагиларни назарда тутувчи таклифларига розилик берилсин:
Ипотека-банкни хусусийлаштириш ва Йўл харитасига мувофиқ 2023 йил охиригача банк устав капиталида давлат улушини 50 фоиздан камайтириш;
Ипотека-банк ва ХМК ўртасидаги кредит шартномасида назарда тутилган шартлар асосида Ипотека-банкнинг кредит бўйича ХМК олдидаги қарздорлигининг жами суммаси ёки бир қисмини банк томонидан қўшимча чиқариладиган оддий акцияларга конвертация қилиш имконияти;
Ипотека-банк Йўл харитасида кўрсатилган муддатга қадар хусусийлаштирилмаганда ёки ушбу қарорнинг 6-бандида қайд этилган битимлар шартлари бажарилмаганда, Ипотека-банкнинг ХМКга тегишли акцияларини қайта сотиб олиш бўйича давлат томонидан мажбуриятларни қабул қилиш.
6. Ўзбекистон Республикаси Молия вазирига Ўзбекистон Республикаси номидан музокаралар олиб бориш ва ХМК билан қуйидаги битимларни белгиланган тартибда тузиш ваколати берилсин:
мазкур лойиҳани амалга ошириш бўйича томонлар мажбуриятларини, жумладан, Ипотека-банкда давлатнинг назорат пакетини камайтириш тартиби, муддатлари ва усуллари ҳамда Ипотека-банк фаолиятини тижоратлаштиришга эришиш ва унинг операцион мустақиллигини ошириш чора-тадбирлари кўрсатилган инвестицияларни жалб қилиш тўғрисида битим;
Ипотека-банк устав капиталидаги давлат улушини ХМК билан кредит битимининг амал қилиш муддати давомида камида 50 фоиз ва бир дона акция миқдорида сақлашни назарда тутувчи устав капитали миқдорини сақлаш тўғрисидаги битим, Йўл харитасига мувофиқ давлатнинг ўз мажбуриятларини бажариш ҳолатлари бундан мустасно;
Ўзбекистон Республикаси Тикланиш ва тараққиёт жамғармаси ва ХМКнинг Ипотека-банкни бошқариш бўйича ваколатлари аниқ белгиланган ҳолда, ХМК томонидан Ипотека-банкнинг тақдим этилган кредит бўйича ХМК олдидаги қарздорлигининг жами суммаси ёки бир қисмини Ипотека-банкнинг имитация қилинган оддий акцияларига қўшимча равишда конвертация қилиш опционини амалга оширишда тузиладиган Ипотека-банкига нисбатан акциядорлик битими;
давлат томонидан Йўл харитаси ва битимлар бажарилмаганда, Ипотека-банкнинг ХМКга тегишли акцияларини Ипотека-банкнинг тақдим этилган кредит бўйича ХМК олдидаги қарздорлигининг жами суммаси ёки бир қисмини Ипотека-банкнинг имитация қилинган акциясига қўшимча равишда конвертация қилиш учун ХМК опционини амалга оширишда тузиладиган ушбу шартномада белгиланган тартибда сотиб олиш бўйича давлат номидан Ўзбекистон Республикаси Тикланиш ва тараққиёт жамғармаси мажбуриятларини ўз ичига оладиган акцияларни қайта сотиб олиш тўғрисидаги шартнома;
ушбу лойиҳа ва Йўл харитасини амалга ошириш учун зарур бошқа битимлар.
7. Ипотека-банкка ўз инвестиция фаолияти натижасида ҳосил бўлган банк фаолиятига хос бўлмаган активларини сотиш тавсия этилсин.
8. Белгилаб қўйилсинки:
а) Йўл харитаси ва битимлар шартлари давлат томонидан бажарилмаган тақдирда, Ўзбекистон Республикаси Тикланиш ва тараққиёт жамғармаси:
Акцияларни қайта сотиб олиш тўғрисидаги шартномага мувофиқ акциялар қиймати тўланишини таъминлайди;
Ипотека-банкнинг ХМКга тегишли акцияларини биржа ёки биржадан ташқари ташкил қилинган савдоларга қўймасдан сотиб олишда тўғридан-тўғри шартномалар тузиш ҳуқуқидан фойдаланади;
б) Ўзбекистон Республикаси Тикланиш ва тараққиёт жамғармасининг Ипотека-банки устав капиталидаги Ўзбекистон Республикаси Президентининг «Балиқчилик соҳасини янада ривожлантиришга доир қўшимча чора-тадбирлар тўғрисида» 2018 йил 6 ноябрдаги ПҚ-4005- қарорига мувофиқ киритилган 50 млн АҚШ доллари эквивалентидаги улуши Ипотека-банкни хусусийлаштириш жараёнида инвесторларга сотилади.
9. Ўзбекистон Республикаси Молия вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
10. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — молия вазири Ж.А. Қўчқоров ва Ўзбекистон Республикаси Марказий банк раиси М.Б. Нурмуратов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 25 июнь,
523-сон
Oʻzbekiston Respublikasi Vazirlar Mahkamasining
qarori
“Ipoteka-bank” aksiyadorlik tijorat ipoteka bankini oʻzgartirish va uni Xalqaro moliya korporatsiyasi ishtirokida keyinchalik xususiylashtirish chora-tadbirlari toʻgʻrisida
Respublikada bank tizimini isloh qilish boʻyicha amalga oshirilayotgan chora-tadbirlar davlat ulushini kamaytirish va banklarni xususiylashtirish, shu jumladan xususiylashtirish jarayonlarida xorijiy investorlarga ishtirok etishga ruxsat berish orqali bank faoliyatiga bozor prinsiplarini joriy qilishni nazarda tutuvchi bank sohasini rivojlantirishning yangi bosqichini amalga oshirishga oʻtish sharoitlarini taʼminladi.
Amalga oshirilayotgan islohotlar doirasida “Ipoteka-bank” AKIB (keyingi oʻrinlarda Ipoteka-bank deb ataladi) tomonidan Xalqaro moliya korporatsiyasi (keyingi oʻrinlarda XMK deb ataladi) bilan hamkorlikda bankning korporativ boshqaruv samaradorligini va investitsion jozibadorligini oshirishga, shuningdek, Ipoteka-bank ustav kapitaliga XMK kreditlari va investitsiyalarini jalb qilish imkoniyatlarini ishlab chiqishga qaratilgan qator tadbirlar amalga oshirildi.
XMKning aksiyadorlar tarkibiga kiritilishi mumkinligi, shuningdek, Ipoteka-bankni oʻzgartirish jarayoni bank faoliyatini moliyaviy natijadorlikni oshirishga va ilgʻor xorijiy amaliyotni hisobga olgan holda zamonaviy biznes- modelni joriy etishga qayta yoʻnaltirishni nazarda tutadi.
Ipoteka-bankning keyinchalik xususiylashtirish uchun raqobatbardoshligi va investitsion jozibadorligini sifat jihatidan oshirishni nazarda tutuvchi biznes-modelini samarali oʻzgartirishni taʼminlash maqsadida Vazirlar Mahkamasi qaror qiladi:
1. Ipoteka-bank va XMK tomonidan hamkorlik dasturi amalga oshirilayotgani va ushbu dastur doirasida:
institutsional tub oʻzgarishlar va zamonaviy tijorat banki asoslarini yaratish bosqichlarini amalga oshirish imkonini beradigan bitimlar imzolangani, shuningdek, 2019-yil oxirigacha bankni oʻzgartirishning keyingi bosqichini amalga oshirish boʻyicha bitimlar tuzilishi nazarda tutilayotgani;
XMK Ipoteka-bankka kredit koʻrinishida 35 mln AQSh dollari ekvivalenti (Oʻzbekiston soʻmida) miqdorida pul mablagʻlari taqdim etadigan bitimlar imzolanishi rejalashtirilayotgani hamda Ipoteka-bankning chiqariladigan oddiy aksiyalariga qoʻshimcha ravishda ushbu kredit boʻyicha XMK oldidagi qarzdorligining jami summasi yoki bir qismini konvertatsiya qilish imkoniyati berilayotgani maʼlumot uchun qabul qilinsin.
2. Belgilansinki, Ipoteka-bank faoliyatining mustaqilligini taʼminlash uchun 2020-yil oxirigacha quyidagilarni oʻz ichiga oladigan chora-tadbirlar amalga oshiriladi:
Oʻzbekiston Respublikasi Vazirlar Mahkamasining “Davlat aktivlarini boshqarish tizimini yanada takomillashtirish chora-tadbirlari toʻgʻrisida” 2019-yil 26-apreldagi 356-son qarorining 1 va 2-bandlarida nazarda tutilgan bank kuzatuv kengashi va boshqaruvi aʼzoligiga koʻrsatiladigan va tayinlanadigan nomzodlarni davlat organlari hamda ularning rahbarlari bilan kelishish tartibini Ipoteka-bankka nisbatan tatbiq etmaslik;
bank kuzatuv kengashining yangi tarkibini davlat organlari rahbarlarining ishtirokisiz shakllantirish va mustaqil direktorlar sonini 5 nafarga yetkazish hamda Ipoteka-bank kuzatuv kengashi raisini mustaqil direktorlar orasidan saylash;
Ipoteka-bank rahbariyatini (ijro etuvchi organini) shakllantirish va Ipoteka-bankning bozor amaliyoti standartlari va ehtiyojlari asosida ijro etuvchi organ aʼzolarining (boshqaruv raisi va aʼzolari) mehnatiga haq toʻlash miqdorini bank kuzatuv kengashi tomonidan belgilash;
loyihalarni bozor sharoitlaridan kelib chiqqan holda kredit bilan taʼminlash va moliyalashtirish masalalari boʻyicha qarorlarni Ipoteka-bank tomonidan mustaqil qabul qilish;
Ipoteka-bank mablagʻlarini tijorat tashkilotlari ustav kapitallariga investitsiya ajratish uchun bank faoliyatiga xos boʻlmagan tarzda jalb qilishni taqiqlash.
3. Oʻzbekiston Respublikasi Davlat aktivlarini boshqarish agentligi ikki oy muddatda Oʻzbekiston Respublikasi Moliya vazirligiga Oʻzbekiston Respublikasi Davlat aktivlarini boshqarish agentligi boshqaruvida boʻlgan Ipoteka-bank ustav kapitalidagi davlat ulushini begʻaraz asosda bersin.
4. Oʻzbekiston Respublikasi Moliya vazirligi, Davlat aktivlarini boshqarish agentligi Markaziy bank bilan birgalikda Ipoteka-bankni xususiylashtirish boʻyicha xususiylashtirish jarayonining asosiy bosqichlari hamda 2022-yil oxirigacha xususiylashtirish jarayonini amalga oshirishga doir tomonlar majburiyatlarini nazarda tutuvchi “yoʻl xaritasi”ni (keyingi oʻrinlarda Yoʻl xaritasi deb ataladi) XMK bilan kelishgan holda ikki oy muddatda ishlab chiqsin va tasdiqlasin.
5. Oʻzbekiston Respublikasi Moliya vazirligi hamda Tiklanish va taraqqiyot jamgʻarmasining quyidagilarni nazarda tutuvchi takliflariga rozilik berilsin:
Ipoteka-bankni xususiylashtirish va Yoʻl xaritasiga muvofiq 2023-yil oxirigacha bank ustav kapitalida davlat ulushini 50 foizdan kamaytirish;
Ipoteka-bank va XMK oʻrtasidagi kredit shartnomasida nazarda tutilgan shartlar asosida Ipoteka-bankning kredit boʻyicha XMK oldidagi qarzdorligining jami summasi yoki bir qismini bank tomonidan qoʻshimcha chiqariladigan oddiy aksiyalarga konvertatsiya qilish imkoniyati;
Ipoteka-bank Yoʻl xaritasida koʻrsatilgan muddatga qadar xususiylashtirilmaganda yoki ushbu qarorning 6-bandida qayd etilgan bitimlar shartlari bajarilmaganda, Ipoteka-bankning XMKga tegishli aksiyalarini qayta sotib olish boʻyicha davlat tomonidan majburiyatlarni qabul qilish.
6. Oʻzbekiston Respublikasi Moliya vaziriga Oʻzbekiston Respublikasi nomidan muzokaralar olib borish va XMK bilan quyidagi bitimlarni belgilangan tartibda tuzish vakolati berilsin:
mazkur loyihani amalga oshirish boʻyicha tomonlar majburiyatlarini, jumladan, Ipoteka-bankda davlatning nazorat paketini kamaytirish tartibi, muddatlari va usullari hamda Ipoteka-bank faoliyatini tijoratlashtirishga erishish va uning operatsion mustaqilligini oshirish chora-tadbirlari koʻrsatilgan investitsiyalarni jalb qilish toʻgʻrisida bitim;
Ipoteka-bank ustav kapitalidagi davlat ulushini XMK bilan kredit bitimining amal qilish muddati davomida kamida 50 foiz va bir dona aksiya miqdorida saqlashni nazarda tutuvchi ustav kapitali miqdorini saqlash toʻgʻrisidagi bitim, Yoʻl xaritasiga muvofiq davlatning oʻz majburiyatlarini bajarish holatlari bundan mustasno;
Oʻzbekiston Respublikasi Tiklanish va taraqqiyot jamgʻarmasi va XMKning Ipoteka-bankni boshqarish boʻyicha vakolatlari aniq belgilangan holda, XMK tomonidan Ipoteka-bankning taqdim etilgan kredit boʻyicha XMK oldidagi qarzdorligining jami summasi yoki bir qismini Ipoteka-bankning imitatsiya qilingan oddiy aksiyalariga qoʻshimcha ravishda konvertatsiya qilish opsionini amalga oshirishda tuziladigan Ipoteka-bankiga nisbatan aksiyadorlik bitimi;
davlat tomonidan Yoʻl xaritasi va bitimlar bajarilmaganda, Ipoteka-bankning XMKga tegishli aksiyalarini Ipoteka-bankning taqdim etilgan kredit boʻyicha XMK oldidagi qarzdorligining jami summasi yoki bir qismini Ipoteka-bankning imitatsiya qilingan aksiyasiga qoʻshimcha ravishda konvertatsiya qilish uchun XMK opsionini amalga oshirishda tuziladigan ushbu shartnomada belgilangan tartibda sotib olish boʻyicha davlat nomidan Oʻzbekiston Respublikasi Tiklanish va taraqqiyot jamgʻarmasi majburiyatlarini oʻz ichiga oladigan aksiyalarni qayta sotib olish toʻgʻrisidagi shartnoma;
ushbu loyiha va Yoʻl xaritasini amalga oshirish uchun zarur boshqa bitimlar.
7. Ipoteka-bankka oʻz investitsiya faoliyati natijasida hosil boʻlgan bank faoliyatiga xos boʻlmagan aktivlarini sotish tavsiya etilsin.
8. Belgilab qoʻyilsinki:
a) Yoʻl xaritasi va bitimlar shartlari davlat tomonidan bajarilmagan taqdirda, Oʻzbekiston Respublikasi Tiklanish va taraqqiyot jamgʻarmasi:
Aksiyalarni qayta sotib olish toʻgʻrisidagi shartnomaga muvofiq aksiyalar qiymati toʻlanishini taʼminlaydi;
Ipoteka-bankning XMKga tegishli aksiyalarini birja yoki birjadan tashqari tashkil qilingan savdolarga qoʻymasdan sotib olishda toʻgʻridan toʻgʻri shartnomalar tuzish huquqidan foydalanadi;
b) Oʻzbekiston Respublikasi Tiklanish va taraqqiyot jamgʻarmasining Ipoteka-banki ustav kapitalidagi Oʻzbekiston Respublikasi Prezidentining “Baliqchilik sohasini yanada rivojlantirishga doir qoʻshimcha chora-tadbirlar toʻgʻrisida” 2018-yil 6-noyabrdagi PQ-4005- qaroriga muvofiq kiritilgan 50 mln AQSh dollari ekvivalentidagi ulushi Ipoteka-bankni xususiylashtirish jarayonida investorlarga sotiladi.
9. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — moliya vaziri J.A. Qoʻchqorov va Oʻzbekiston Respublikasi Markaziy bank raisi M.B. Nurmuratov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 25-iyun,
523-son
Кабинета Министров Республики Узбекистан
Постановление
О мерах по дальнейшей трансформации акционерного коммерческого ипотечного банка «Ипотека-банк» и последующей его приватизации с участием Международной финансовой корпорации
Осуществляемые в республике меры по реформированию банковской системы обеспечили условия для перехода к реализации нового этапа развития банковской сферы, предусматривающего внедрение рыночных принципов в банковскую деятельность посредством снижения государственной доли и приватизации банков, в том числе путем допуска к процессам приватизации иностранных инвесторов.
В рамках проводимых реформ со стороны АКИБ «Ипотека-банк» (далее — Ипотека-банк) осуществлен ряд мероприятий, направленных на повышение эффективности корпоративного управления и инвестиционной привлекательности банка, во взаимодействии с Международной финансовой корпорацией (далее — МФК), а также проработку возможности привлечения кредитов и инвестиций МФК в уставный капитал Ипотека-банка.
Возможное включение МФК в состав акционеров, а также процесс трансформации Ипотека-банка предполагает дальнейшую переориентацию деятельности банка на максимизацию финансовой результативности и внедрение современной бизнес-модели с учетом передовой международной практики.
В целях обеспечения эффективной трансформации бизнес-модели Ипотека-банка, предусматривающей качественное повышение конкурентоспособности и инвестиционной привлекательности банка для последующей приватизации Кабинет Министров постановляет:
1. Принять к сведению, что Ипотека-банком и МФК реализуется программа сотрудничества, в рамках которой:
подписаны соглашения, в соответствии с которыми осуществляются институциональные преобразования и этапы создания основ современного коммерческого банка, а также предусматривается заключение до конца 2019 года соглашений по реализации следующего этапа трансформации банка;
планируется подписание соглашений, в соответствии с которыми МФК предоставит Ипотека-банку денежные средства в размере 35 млн. долларов США в эквиваленте (в узбекских сумах) в виде кредита, с возможностью конвертации всей суммы или части задолженности Ипотека-банка перед МФК по данному кредиту в дополнительно выпускаемые простые акции Ипотека-банка.
2. Установить, что, для обеспечения независимости деятельности Ипотека-банка, до конца 2020 года реализуются меры, включающие:
нераспространение на Ипотека-банк порядка согласования с государственными органами и их руководителями выдвигаемых и назначаемых кандидатов в члены наблюдательного совета и правления банка, предусмотренного пунктами 1 и 2 постановления Кабинета Министров Республики Узбекистан от 26 апреля 2019 года № 356 «О мерах по дальнейшему совершенствованию системы управления государственными активами»;
формирование нового состава наблюдательного совета банка без участия руководителей государственных органов, с доведением количества независимых директоров до пяти и избранием председателя наблюдательного совета Ипотека-банка из числа независимых директоров;
формирование руководства Ипотека-банка (исполнительного органа) и определение размера оплаты труда членов исполнительного органа (председателя и членов правления) на основе стандартов рыночной практики и потребностей Ипотека-банка наблюдательным советом банка;
самостоятельное принятие Ипотека-банком решений по вопросам кредитования и финансирования проектов, исходя из рыночных условий;
запрет на привлечение средств Ипотека-банка для инвестирования в уставные капиталы коммерческих организаций с несвойственным банковской деятельности профилем.
3. Агентству по управлению государственными активами Республики Узбекистан в двухмесячный срок передать Министерству финансов Республики Узбекистан на безвозмездной основе государственные доли в уставном капитале Ипотека-банка, находящиеся в управлении Агентства по управлению государственными активами Республики Узбекистан.
4. Министерству финансов, Агентство по управлению государственными активами совместно с Центральным банком Республики Узбекистан по согласованию с МФК разработать и утвердить в двухмесячный срок «Дорожную карту» по приватизации Ипотека-банка (далее — Дорожная карта), предусматривающую основные этапы процесса приватизации и обязательства сторон по реализации процесса приватизации до конца 2022 года.
5. Согласиться с предложениями Министерства финансов и Фонда реконструкции и развития Республики Узбекистан, предусматривающими:
приватизацию Ипотека-банка и уменьшение государственной доли в уставном капитале банка ниже 50 процентов до конца 2023 года в соответствии с Дорожной картой;
возможность конвертации всей суммы или части задолженности Ипотека-банка перед МФК по кредиту в простые акции, дополнительно выпускаемые Ипотека-банком, на условиях, предусмотренных кредитным соглашением между Ипотека-банком и МФК;
принятие государством обязательства по обратному выкупу акций Ипотека-банка, принадлежащих МФК, при неосуществлении приватизации Ипотека-банка до срока, указанного в Дорожной карте, или неисполнении условий соглашений, указанных в пункте 6 настоящего постановления.
6. Уполномочить министра финансов Республики Узбекистан на ведение переговоров от имени Республики Узбекистан и заключение с МФК в установленном порядке нижеследующих соглашений:
соглашение о привлечении инвестиций с указанием обязательств сторон по реализации данного проекта, включая порядок, сроки и способы снижения контрольного пакета государства в Ипотека-банке и меры по достижению коммерциализации деятельности и повышению операционной самостоятельности Ипотека-банка;
соглашение о сохранении размера уставного капитала, предусматривающее сохранение государственной доли в уставном капитале Ипотека-банка на уровне не менее чем 50 процентов и одна акция в течение срока действия кредитного соглашения с МФК, за исключением случаев исполнения государством своих обязательств в соответствии с Дорожной картой;
акционерное соглашение в отношении Ипотека-банка, заключаемое при реализации МФК опциона на конвертацию всей суммы или части задолженности Ипотека-банка перед МФК по предоставленному кредиту в дополнительно эмитированные простые акции Ипотека-банка, с четким разграничением полномочий Фонда реконструкции и развития Узбекистана и МФК по управлению Ипотека-банком;
договор об обратном выкупе акций, включающий обязательство государства в лице Фонда реконструкции и развития Республики Узбекистан по выкупу акций Ипотека-банка, принадлежащих МФК, в порядке, установленном данным договором, заключаемый при реализации опциона МФК на конвертацию всей суммы или части задолженности Ипотека-банка перед МФК по предоставленному кредиту в дополнительно эмитированные акции Ипотека-банка, в случае неисполнения государством условий Дорожной карты и соглашений;
иные соглашения, необходимые для реализации данного проекта и Дорожной карты.
7. Рекомендовать Ипотека-банку реализовать несвойственные банковской деятельности активы, образованные в результате его инвестиционной деятельности.
8. Установить, что:
а) в случае неисполнения государством условий Дорожной карты и соглашений Фонд реконструкции и развития Республики Узбекистан:
обеспечивает выплаты стоимости акций в соответствии с Договором об обратном выкупе акций;
пользуется правом заключить прямой договор при выкупе акций Ипотека-банка, принадлежащих МФК, без выставления акций на биржевые или организованные внебиржевые торги;
б) доля Фонда реконструкции и развития Узбекистана в эквиваленте 50 млн. долларов США в уставном капитале Ипотека-банка, внесенная согласно постановлению Президента Республики Узбекистан от 6 ноября 2018 года № ПП-4005 «О дополнительных мерах по дальнейшему развитию рыбоводческой отрасли», будет реализована инвесторам в процессе приватизации Ипотека-банка.
9. Министерству финансов Республики Узбекистан совместно с заинтересованными министерствами и ведомствами в месячный срок привести принятые ими нормативно-правовые акты в соответствие с настоящим постановлением.
10. Контроль за исполнением настоящего постановления возложить на заместителя Премьер-министра Республики Узбекистан — министра финансов Д.А Кучкарова и Председателя Центрального банка Республики Узбекистан М.Б. Нурмуратова.
Премьер-министр Республики Узбекистан А. АРИПОВ
г. Ташкент,
25 июня 2019 г.,
№ 523