📅 2019-yil 25-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 25 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 25 June 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
НАМУНАВИЙ ШТАТЛАР ЖАДВАЛИ
НИЗОМ
Президент мактаблари тўғрисида низомни тасдиқлаш ҳақида
Ўзбекистон Республикаси Президентининг «Президент мактабларини ташкил этиш чора-тадбирлари тўғрисида» 2019 йил 20 февралдаги ПҚ-4199-сон қарори ижросини таъминлаш, шунингдек, Президент мактаблари фаолиятини самарали ташкил этиш мақсадида Вазирлар Маҳкамаси қарор қилади:
1. Президент мактаблари тўғрисидаги низом иловага мувофиқ тасдиқлансин.
2. Ўзбекистон Республикаси Иқтисодиёт ва молия вазирлиги Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлигининг буюртманомасига асосан Ўзбекистон Республикаси Давлат бюджетининг параметрлари доирасида ҳар йили Президент мактабларининг жорий фаолияти харажатларини қоплаш учун зарур маблағлар ажратилишини назарда тутсин.
3. Ўзбекистон Республикаси Халқ таълими вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов ва Ўзбекистон Республикаси халқ таълими вазири Ш.Х. Шерматов зиммасига юклансин.
Вазирлар Маҳкамасининг 2019 йил 25 июндаги 526-сон қарорига ИЛОВА
Президент мактаблари тўғрисида
1-боб. Умумий қоидалар
1. Ушбу Низом Президент мактабларининг мақоми, мақсади, асосий вазифалари, ҳуқуқ ва мажбуриятлари, шунингдек, уларнинг фаолиятини ташкил этиш тартибини белгилайди.
2. Президент мактаблари давлат муассасаси шаклидаги юридик шахс ҳисобланади ва ўз уставига, ғазначилик бўлинмаларида шахсий ҳисобварақларига, шунингдек, Ўзбекистон Республикасининг Давлат герби тасвири туширилган ва ўз номи ёзилган муҳрга, логотипга, штампга ва бланкаларга эга бўлади.
3. Президент мактаблари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Низомга ва бошқа қонунчилик ҳужжатларига, шунингдек, ўз уставига амал қилади.
4. Президент мактаблари бевосита Ўзбекистон Республикаси Мактабгача ва мактаб таълими вазирлиги (кейинги ўринларда — вазирлик) ҳузуридаги Ихтисослаштирилган таълим муассасалари агентлигига (кейинги ўринларда — Агентлик) бўйсунади. Агентлик Президент мактаблари фаолиятига умумий раҳбарлик қилади ва назоратни амалга оширади.
Агентлик Президент мактаблари фаолиятини умумий мувофиқлаштиради, жумладан, уларнинг фаолиятини методик ва ахборот-таҳлилий жиҳатдан таъминлаш бўйича чора-тадбирларни амалга оширади.
5. Президент мактабларида умумий ўрта таълим олиш бепул амалга оширилади.
6. Президент мактабларида асосий ўқув дастури билан биргаликда ўқувчиларнинг қизиқишларидан келиб чиққан ҳолда синфдан ташқари амалий машғулотлар ўтказиш назарда тутилади.
7. Президент мактаблари давлат аккредитациясидан қонунчилик ҳужжатларига мувофиқ ваколатли давлат органи томонидан ўтказилади.
2-боб. Президент мактабларининг мақсади ва асосий вазифалари
8. Президент мактабларини ташкил этишнинг мақсади иқтидорли болаларни аниқлаш, таълим жараёнида илғор технологияларни қўллаган ҳолда уларни ўқитиш ва тарбиялаш бўйича яхлит тизим яратиш, истеъдодли ёшларни янада қўллаб-қувватлаш ва рағбатлантириш, маънан етук ва интеллектуал жиҳатдан баркамол авлодни шакллантиришдан иборат.
9. Қуйидагилар Президент мактабларининг асосий вазифалари ҳисобланади:
иқтидорли болаларни аниқлаш, танлаш ва ўқитиш, уларнинг ҳар томонлама ривожланиши учун шарт-шароитлар яратиш, шунингдек, ўқувчиларнинг интеллектуал, илмий ва ижодий салоҳиятини очиб бериш;
табиий ва аниқ фанларни чуқур ўрганиш, хорижий тиллар, муҳандислик ва ахборот технологияларини ўзлаштиришни ташкил қилиш, ўқувчиларнинг инновацион ғоялари ва ишланмаларини ривожлантириш учун зарур шарт-шароитлар яратиш;
ўқувчиларни ўқитиш ва билимини баҳолашнинг замонавий услубларини, шунингдек, таълим дастурларининг интеграциялашувига асосланган ўқитишнинг фанлараро ёндашувини жорий қилиш ва кейинчалик ижобий тажрибани мактабгача ва мактаб таълими тизимига татбиқ этиш;
ўқувчиларни касб-ҳунарга йўналтириш, уларда етакчилик кўникмалари ва нотиқлик санъатини ривожлантириш, танқидий фикрлаш, ахборотни излаш, таҳлил қилиш ва қайта ишлаш, олинган билимларни амалиётда қўллаш малакасини ошириш;
ўқувчиларнинг умумтаълим фанлари бўйича халқаро олимпиадалар, танловлар ва мусобақаларда муносиб иштирокини таъминлаш;
ўқувчиларда ватанпарварлик ва Ватанга муҳаббат туйғусини, бағрикенглик, қонунлар, миллий ва умуминсоний қадриятларни ҳурмат қилиш муносабатини, ҳаётга қатъий ишонч ва қарашларни шакллантириш;
ўқув дастурларининг узлуксизлигини таъминлаш масалаларида шу йўналишдаги миллий ва хорижий умумий ўрта ва олий таълим муассасалари билан ҳамкорликни йўлга қўйиш, битирувчиларнинг илғор хорижий олий таълим муассасаларида ва уларнинг республикамиздаги филиалларида ўқишини давом эттириш.
3-боб. Президент мактабларининг ҳуқуқ ва мажбуриятлари
10. Президент мактаблари қуйидаги ҳуқуқларга эга:
белгиланган (иккита синфга бир хил — 12 нафардан ўқувчи тақсимланган, 24 нафар ўқувчидан иборат) йиллик қабул квотаси доирасида ўқувчиларни қабул қилиш;
тасдиқланган ўқув режалари ва дастурлари асосида ўқув машғулотлари жадвалини ишлаб чиқиш ва тасдиқлаш;
ўз уставида белгиланган фаолиятини амалга ошириш учун қонунчилик ҳужжатларида тақиқланмаган бошқа молиявий манбаларни жалб қилиш;
ишчи орган билан биргаликда юқори малакали хорижий мутахассислар ва бошқа ходимларни жалб этиш;
Агентлик ҳамда бошқа давлат органлари ва ташкилотлари томонидан давлат сиёсати, ижтимоий-маданий, мактабгача ва мактаб таълими соҳасидаги муҳим масалаларни муҳокама қилиш ва долзарб муаммоларни ҳал этишга бағишланган йиғилишларда, мажлисларда ва бошқа тадбирларда белгиланган тартибда иштирок этиш;
Агентликнинг тегишли таркибий бўлинмалари билан ўзига юкланган вазифаларни ўз вақтида, самарали ва сифатли бажариш учун белгиланган тартибда ўзаро ҳамкорлик қилиш;
Президент мактаблари битирувчиларига давлат намунасидаги таълим тўғрисидаги ҳужжат (гувоҳнома, шаҳодатнома) билан бир қаторда етакчи хорижий олий таълим муассасаларига ўқишга кириш имкониятини берувчи халқаро даражадаги тегишли дастур дипломларини (International Baccalaureate, Advanced Placement ёки International Advanced Levels) бериш;
соғлом овқатлантиришни ташкил этиш ва мактаб формасини харид қилиш учун қонунчилик ҳужжатлари билан белгиланган тартибда тадбиркорлик субъектлари билан шартнома тузиш.
Президент мактаблари қонунчилик ҳужжатларига мувофиқ бошқа ҳуқуқларга ҳам эга бўлиши мумкин.
11. Президент мактаблари:
мазкур Низомда, шунингдек, бошқа қонунчилик ҳужжатлари, ўз уставида белгиланган вазифа ва функцияларни ўз вақтида, сифатли ва самарали бажаришга;
таълим жараёнини сифатли ва самарали ташкил этишга;
агентлик томонидан ўз ваколати доирасида берилган топшириқлар ва кўрсатмаларни ўз вақтида ва сифатли бажаришга;
Президент мактабларининг ўқувчилари, ўқитувчилари ва бошқа ходимларининг ҳуқуқлари ва қонуний манфаатларига риоя этилишини таъминлашга;
таълим жараёнини ташкил этиш шакллари, усуллари ва воситаларининг умумий ўрта таълимнинг давлат таълим стандартларига мувофиқлигини таъминлашга мажбур.
Президент мактаблари қонунчилик ҳужжатларига мувофиқ бошқа мажбуриятларни ҳам олиши мумкин.
4-боб. Президент мактабларида ўқув-тарбия жараёнини ташкил этиш
12. Президент мактабларида таълим жараёни умумий ўрта таълимнинг давлат таълим стандартлари ҳисобга олинган ҳолда, умумий ўрта таълим соҳасида хизмат кўрсатувчи ихтисослаштирилган хорижий ташкилотлар билан ҳамкорликда ишлаб чиқиладиган ҳамда вазирлик томонидан тасдиқланадиган ўқув режалари ва дастурларига мувофиқ амалга оширилади.
13. Ўқув жараёнининг жадвали, ўқув машғулотларининг турлари ва давомийлиги, ўқувчиларнинг ўқув юкламаси, ташкил этиш шакллари ва ўқув-тарбия жараёнининг бошқа масалалари таълим соҳасида хизмат кўрсатувчи ихтисослаштирилган хорижий ташкилотлар билан биргаликда ишлаб чиқиладиган ҳамда вазирлик томонидан тасдиқланадиган таълим дастурлари ва вазирликнинг бошқа норматив-ҳуқуқий ҳужжатларига мувофиқ белгиланади.
14. Таълим сифатини назорат қилиш халқаро таълим стандартларини инобатга олган ҳолда, умумий ўрта таълимнинг давлат таълим стандартлари талабларига мувофиқ амалга оширилади. Таълим сифатини назорат қилишни таъминлаш учун махсус хорижий ташкилотлар ҳам жалб қилиниши мумкин.
15. Президент мактаблари битирувчиларига давлат намунасидаги таълим тўғрисидаги ҳужжат (гувоҳнома, шаҳодатнома) берилади.
16. Президент мактабларининг 11-синф битирувчилари танланган фанлар асосида халқаро малака имтиҳонларини (International Baccalaureate, Advanced Placement ёки International Advanced Levels) топшириш ҳуқуқига эга бўладилар ва улардан муваффақиятли ўтган тақдирда, етакчи хорижий олий таълим муассасаларига кириш имкониятини тақдим этувчи халқаро диплом оладилар.
Президент мактабларига халқаро намунадаги диплом бериш ҳуқуқи белгиланган тартибда тегишли ваколатли халқаро ташкилотларда аккредитациядан ўтганидан сўнг берилади.
17. Ўқувчиларни синфдан синфга тегишли имтиҳонларни муваффақиятли топшириш натижалари бўйича Президент мактаби Ижрочи директорининг буйруғи билан ўтказилади.
Имтиҳон натижаларини баҳолаш мезонлари таълим соҳасида хизматлар кўрсатувчи ихтисослаштирилган хорижий ташкилот томонидан агентлик билан биргаликда белгиланади.
18. Ўқувчининг бир ёки бир нечта фанлардан рейтинг натижаси пасайган тақдирда, у билан индивидуал иш олиб борилади.
Ўқувчининг рейтинг натижалари пасайишини белгилайдиган мезонлар таълим соҳасида хизматлар кўрсатувчи ихтисослаштирилган хорижий ташкилот томонидан агентлик билан биргаликда белгиланади.
19. Президент мактабларининг ўқувчилари сафидан қуйидаги ҳолларда чиқарилади:
ўқувчининг ўз ташаббуси билан бошқа таълим муассасасига кўчириш (ота-онасининг ёки қонуний вакилларининг аризаси асосида);
индивидуал иш олиб борилишига қарамасдан, рейтинги ва академик ўзлаштиришнинг тизимли пасайиши;
Президент мактабининг ўқув интизоми ва ички тартиб қоидаларини бир неча марта бузиш.
6-боб. Маҳаллий педагог кадрларни, шунингдек, хорижий мутахассислар танловини (ёллашни) ташкил этиш ва ўтказиш
45. Президент мактабларига маъмурий-бошқарув ходимлари ва педагог кадрлар танлов (кейинги ўринларда танлов деб аталади) асосида қабул қилинади.
Президент мактабларига хорижий мутахассислар жалб қилиниши мумкин.
46. Агентлик тегишлича Қорақалпоғистон Республикаси, вилоятлар ва Тошкент шаҳридаги Президент мактабларини маъмурий-бошқарув ходимлари ва педагог кадрлар билан тўлдиришни таъминлайди.
47. Танлов очиқ ҳисобланади. Танлов иштирокчилари ушбу Низом доирасида қонунчилик ҳужжатларида белгиланган профессионал, малакавий ва бошқа талабларга жавоб берадиган, Президент мактабларининг талабларига ва лавозимига мос келадиган, шунингдек, ишчанлик, шахсий ва маънавий-ахлоқий фазилатларга эга бўлиши керак.
48. Мазкур Низом доирасида ўтказиладиган танлов иштирокчилари Ўзбекистон Республикаси фуқаролари ва фуқаролиги бўлмаган, давлат ва инглиз тилларини яхши биладиган, олий маълумотли, белгиланган тартибда аттестациядан ўтган, агентлик томонидан белгиланадиган бошқа малака талабларига жавоб берадиган шахслар бўлиши лозим.
Президент мактабларида педагогик фаолият учун қуйидаги шахсларга рухсат берилмайди:
суд томонидан ушбу ҳуқуқдан маҳрум этилганлар;
суд қарори билан муомалага лаёқатсиз (муомала лаёқати чекланган) деб топилганлар;
тиббиёт муассасаларида муайян тоифадаги касалликлар бўйича рўйхатдан турган шахслар;
жиноят содир этганлиги учун судланган шахслар.
49. Танловни эълон қилиш тўғрисидаги қарор Президент мактаби Ижрочи директори томонидан Агентлик билан келишилган ҳолда қабул қилинади. Президент мактаби ўтказилаётган танлов ташкилотчиси ҳисобланади.
50. Танловни ўтказиш учун Танлов комиссияси тузилади. Танлов комиссияси таркиби Агентлик директорининг буйруғи билан тасдиқланади.
51. Танлов ўтказилиши тўғрисидаги эълонда қуйидаги маълумотлар бўлиши керак:
Президент мактабларининг номи, асосий хусусиятлари ва жойлашуви ҳақида маълумот;
танлов иштирокчисига қўйиладиган талаблар;
танлов иштирокчиларидан тегишли ҳужжатлари билан бирга ариза қабул қилишнинг бошланиши ҳамда тугаш санаси ва вақти;
танлов иштирокчиларининг ариза ва ҳужжатларини қабул қилиш жойи (манзили);
танлов иштирокчилари томонидан тақдим этиладиган ҳужжатлар рўйхати ва уларни расмийлаштириш талаблари;
танлов ўтказиладиган сана, вақти ва жойи, танлов комиссияси ишининг бошланиши ва танлов натижаларини сарҳисоб қиладиган вақтни кўрсатган ҳолда;
танлов комиссияси суҳбат давомида иштирокчиларга беришга ҳақли бўлган асосий йўналишлар рўйхати;
ғолибларни аниқлаш тартиби;
танлов иштирокчилари ва ғолибларига унинг натижаларини хабар бериш тартиби;
танлов ғолиблари билан тузиладиган меҳнат шартномасининг асосий шартлари;
қонунчилик ҳужжатларида назарда тутилган танлов иштирокчиларига қўйиладиган талабларни ўз ичига олган бошқа қоидалар.
52. Танловда иштирок этиш учун иштирокчилар танлов ташкилотчисига қуйидаги ҳужжатларни тақдим этадилар:
Президент мактабларининг Интернет жаҳон ахборот тармоғидаги расмий веб-сайтида жойлаштирилган шаклга мувофиқ иштирокчи томонидан имзоланган ва ёзма равишда расмийлаштирилган ариза;
ҳарбий ҳисобга олиш ҳужжатларининг нусхалари (ҳарбий хизматга мажбур бўлганлар ва ҳарбий хизматга чақириладиган шахслар учун);
хорижий таълим муассасасида олинган олий маълумот тўғрисидаги ҳужжатнинг эквивалентлигини эътироф этиш тўғрисидаги ваколатли давлат органининг гувоҳномаси;
ўтказилган аттестация натижалари бўйича белгиланган тартибда берилган сертификат нусхаси.
53. Ушбу Низомнинг 52-бандида кўрсатилган ҳужжатларни ўз вақтида тақдим этмаслик, шунингдек, уларни тўлиқ тақдим этмаган ёки нотўғри расмийлаштирган танлов иштирокчиларига ҳужжатларни қабул қилишда ёзма равишда асослантирилган рад жавоби берилади.
Ҳужжатлар танлов иштирокчиси томонидан ҳужжатларни қабул қилишни рад этиш сабаблари бартараф этилганлиги тўғрисидаги ариза тақдим этилган кундан бошлаб беш иш кунидан ошмайдиган муддатда қайта кўриб чиқилади. Бунда ҳужжатларни қайта кўриб чиқиш танлов иштирокчиларидан аризаларни қабул қилиш эълонда белгиланган муддат давомида амалга оширилиши керак.
54. Танлов қуйидаги уч босқичда ўтказилади:
1-босқич — танлов иштирокчилари томонидан тақдим этилган маълумотлар, материаллар ва ҳужжатларни кўриб чиқиш, ўрганиш ва таҳлил қилиш;
2-босқич — танлов иштирокчисининг фан йўналиши бўйича тест синовидан ўтиш;
3-босқич — танлов иштирокчиси фан йўналиши бўйича 10 дақиқалик маҳорат дарсини ўтиши.
55. Танлов иштирокчиларининг шахсий ва ишбилармонлик фазилатлари, уларнинг қонунчилик ҳужжатларида белгиланган педагоглик компетенциялари ваколати доирасида педагогик фаолиятни амалга ошириш қобилияти Танлов комиссияси томонидан баллар тизими бўйича ўтказилган суҳбат давомида баҳоланади ва натижалари баҳолаш варағига киритилади.
56. Танлов иштирокчиси томонидан тақдим этилган материаллар қуйидаги йўналишлар бўйича таҳлил қилинади ва баҳоланади:
ўқув ишлари: ўқувчиларнинг кўникма ва малакаларини шакллантириш, уларнинг билим фаоллигини ривожлантириш;
тарбиявий ишлар: ўқувчиларнинг хулқ-атворини шакллантириш;
фан бўйича дарсдан ташқари ишлар;
ўқувчиларнинг ота-оналари билан ишлашни ташкил этиш;
илмий-услубий ишлар — педагогик технологиялардан кенг фойдаланиш, педагогик маҳорати ва кўникмаларини ошириш (мустақил таълим, курс ишлари).
57. Энг кўп балл тўплаган танлов иштирокчилари танлов ғолиблари деб эътироф этилади.
58. Танлов натижалари тўпланган баллар сонига мувофиқ танлов иштирокчиларининг рейтинги шаклида йиғилиш баённомасига киритилиши керак.
Танлов комиссияси мажлисининг баённомаси танлов ўтказилган куни мажлисда иштирок этган комиссия раиси, раис ўринбосари, котиби ва барча аъзолари томонидан имзоланади.
59. Танлов ташкилотчиси:
танлов ғолиблари аниқланган санадан бошлаб уч иш куни мобайнида иштирокчиларни унинг натижалари тўғрисида ёзма равишда хабардор қилади;
қонунчилик ҳужжатларида белгиланган тартибда танлов ғолиблари билан меҳнат шартномаларини тузади.
60. Танлов ғолиби меҳнат шартномаси тузишни рад этган тақдирда, танлов ташкилотчиси рейтингда иккинчи ўринни эгаллаган танлов иштирокчиси билан меҳнат шартномасини тузади. Рейтингда иккинчи ўринни эгаллаган танлов иштирокчиси меҳнат шартномаси тузишдан бош тортган тақдирда, танлов ташкилотчиси қайта танлов ўтказилишини эълон қилади.
61. Танловда иштирок этишга рухсат этилмаган, шунингдек, танловда иштирок этган, лекин танлов ғолиблари сифатида белгиланмаган танлов иштирокчиларининг ҳужжатлари белгиланган тартибда сақланади.
62. Хорижий мутахассисларни танлаш (ёллаш) танлов комиссияси томонидан агентлик ва таълим соҳасида хизматлар кўрсатувчи ихтисослаштирилган хорижий ташкилотлар ўртасидаги шартномада белгиланган тартибда амалга оширилади.
7-боб. Президент мактаблари ходимларининг меҳнатига ҳақ тўлаш
63. Президент мактабларида лавозимлар ва штат бирликларининг намунавий штатлар жадвали ушбу Низомга 1-иловага мувофиқ киритилади.
64. Президент мактаблари ўқитувчиларининг педагогик юкламалари умумтаълим муассасалари учун ўрнатилган тартибда белгиланади.
65. Президент мактаблари ходимларининг иш ҳақи ушбу Низомда назарда тутилган асосий иш ҳақини, шунингдек, қўшимча тўловлар ва устама ҳақни ўз ичига олади.
66. Президент мактабларининг маъмурий-бошқарув, педагогик, ўқув-ёрдамчи, техник ва хизмат кўрсатувчи ходимлари лавозим маошига 100 фоиз ойлик устама ҳақ тўланади.
66 1 . Давлат бюджети маблағлари ҳисобидан Президент мактабларининг маҳаллий ўқитувчиларига уларнинг тариф ставкасига нисбатан 350 фоиз миқдорида ҳар ойлик қўшимча устама тўланади.
Бунда устама педагоглар томонидан қуйидаги шартларнинг барчаси бажарилган тақдирда тўланади:
Кембриж (Cambridge Assessment International Education) халқаро таълим дастурлари асосида дарс бериладиган фанларни ўқитиш бўйича 3 та (Introductory, Extension, Marking (Focus on Assessment ёки Focus on Teaching) курсни муваффақиятли тугатиш ва бу ҳақида тегишли сертификат олиш;
Президент мактабларида камида бир йиллик иш стажига ва чет тилини билиш бўйича камида С1 даражадаги ёки унга тенглаштирилган мос даражадаги халқаро сертификатга эга бўлиш.
67. Президент мактабларининг маъмурий-бошқарув, педагогик, ўқув-ёрдамчи ходимларини юқори малакали ва самарали меҳнатини моддий рағбатлантириш ва мукофотлаш, ўз касбига садоқатлилиги, ташаббускорлиги ва профессионаллигини ошириш мақсадида Президент мактаблари ходимларини моддий рағбатлантириш жамғармасидан (кейинги ўринларда Моддий рағбатлантириш жамғармаси деб аталади) тўланадиган таянч лавозим маошига нисбатан ҳар ойлик ва бир марталик устама ҳақлар ушбу Низомга 2-иловага мувофиқ белгиланади.
68. Моддий рағбатлантириш жамғармаси барча Президент мактабларида ташкил этилади ва Президент мактаби иш ҳақи фондининг 200 фоизидан кўп бўлмаган миқдорда тузилади.
69. Агар иш шартлари ва ҳажми бўйича ушбу Низом билан тасдиқланган намунавий штатлар уларга татбиқ этилмаса, агентлик меҳнатга ҳақ тўлашнинг тасдиқланган фонди (10 фоиздан кўп бўлмаган) доирасида Президент мактабларининг штат бирликлари сонига ўзгартиришлар киритиш ҳуқуқига эга.
70. Вазирлар Маҳкамасининг 2019 йил 25 мартдаги 244-сон қарори билан тасдиқланган Ўзбекистон Республикасига хориждан ишчи кучини жалб қилиш ва ундан фойдаланиш тартиби тўғрисидаги низомнинг 4-бандига мувофиқ юқори малакали ва (ёки) малакали мутахассисларни, шунингдек, Президент мактабларида ишлаш учун ўқитувчилар ва мутахассисларни жалб этишда иш берувчининг рухсатнома олиши талаб этилмайди.
71. Хорижий ўқитувчи ва мутахассисларнинг (кейинги ўринларда хорижий мутахассислар деб аталади) меҳнатига ҳақ тўлаш улар билан тузилган шартнома асосида амалга оширилади. Меҳнатга ҳақ тўлаш миқдори хорижий мутахассисларнинг малакаси ва тажрибасидан келиб чиққан ҳолда, шу билан бирга мукофотнинг чегараланган суммаси ойига 5000 (беш минг) АҚШ доллари (ёки эквивалент)дан ошмаслиги лозим.
Хорижий мутахассисларнинг меҳнатига ҳақ тўлаш меҳнат шартномасида белгиланган миқдорда эркин конвертация қилинадиган валютада амалга оширилади.
72. Хорижий мутахассислар билан тузилган шартномада хорижий мутахассисларни ва уларнинг оила аъзоларини (турмуш ўртоғи ва вояга етмаган фарзандлари) турар жой билан таъминлаш, икки томонга авиачипталарни сотиб олиш, тиббий хизмат кўрсатиш (тиббий суғурта) харажатларини Президент мактаблари томонидан қоплаш тўғрисида (қисқа муддатли хорижий мутахассислар бундан мустасно) ҳамда қонунчилик ҳужжатларида белгиланган тартибда бошқа шартлар назарда тутилиши мумкин.
8-боб. Президент мактаблари фаолиятини молиялаштириш ва моддий таъминлаш тартиби
73. Қуйидагилар Президент мактабларини молиялаштириш манбалари ҳисобланади:
Ўзбекистон Республикаси Давлат бюджети маблағлари;
Агентлик ҳузуридаги Иқтидорли ёшларни қўллаб-қувватлаш жамғармаси маблағлари;
юридик ва жисмоний шахсларнинг ҳомийлик хайриялари;
Президент мактабларининг бюджетдан ташқари маблағлари, шунингдек, қонунчилик ҳужжатлари билан рухсат этилган пуллик таълим хизматлари кўрсатишдан ва бошқа фаолият турларидан тушган маблағлар.
74. Президент мактаблари белгиланган тартибда тасдиқланган ва Агентликда рўйхатдан ўтган харажатлар сметаси асосида молиялаштирилади.
75. Президент мактаблари Агентликка тақдим этиш учун белгиланган тартибда бухгалтерия ҳисоботини юритади.
9-боб. Якунловчи қоидалар
76. Президент мактаблари қонунчилик ҳужжатларида белгиланган тартибда қайта ташкил этилади ва тугатилади.
77. Президент мактабларини қайта ташкил этиш ёки тугатиш, қоидага кўра, ўқув йилининг охирида амалга оширилади, бунда Қорақалпоғистон Республикаси Мактабгача ва мактаб таълими вазирлиги, вилоятлар ва Тошкент шаҳар мактабгача ва мактаб таълими бошқармалари ўқувчиларнинг ота-оналари (қонуний вакиллари) билан келишилган ҳолда, уларни бошқа умумтаълим муассасаларига ўтказиш учун жавобгарликни ўз зиммаларига олади.
78. Молиявий-иқтисодий фаолиятни амалга ошириш, ҳисоб ва ҳисобот, иш ҳақи бўйича ҳисоб-китобларнинг тўғрилиги ва ўз вақтида бажарилиши ҳамда мажбурий тўловларни тўлаш масъулияти Президент мактабларининг Ижрочи директори ва бош бухгалтери зиммасига юкланади.
Президент мактаблари тўғрисида низомга 1-ИЛОВА
Президент мактабларининг лавозимлар ва штат бирликларининг
Т/р Лавозим номи Штат бирлиги миқдори I. Маъмурий-бошқарув ходимлари 1. Ижрочи директор 1 2. Ўқув ишлари бўйича директор 1 3. Махсус фанлар бўйича директор ўринбосари 1 4. Маънавий-маърифий ишлар бўйича директор ўринбосари 1 5. Ёшларни ҳарбий-ватанпарварлик руҳида ва чақириққача ҳарбий тайёрлаш бўйича директор ўринбосари 1 6. Бош бухгалтер 1 7. Кадрлар бўйича менежер 1 II. Ўқув-ёрдамчи ходимлар 8. Кутубхоначи 1 9. Ёшлар етакчиси 1 10. Психолог 1 11. Тўгарак раҳбари 4 12. Ўқув бўлими услубчиси 1 1 13. Жисмоний тарбия ўқитувчиси (сузиш бўйича) 2 1 14. Тарбиячи 3 7 15. Навбатчи тарбиячи 4 4,8 III. Техник ва хизмат кўрсатувчи ходимлар 16. Хўжалик ишлари мудири 1 17. Иш юритувчи-котиба 1 18. Лаборант 5 4 19. Муҳандис-дастурчи 6 1 20. Ҳамшира (суткалик навбатчилик учун) 4 21. Ҳайдовчи 7 * 22. Сантехник 8 * 23. Электромонтер 9 * 24. Фаррош 10 * 25. Иситиш маркази оператори 11 3 26. Дезинфекцияловчи 1 27. Қоровул 12 8 28. Боғбон 1 29. Кўча супурувчи 1 30. Дурадгор 1 31. Ётоқхона коменданти 13 1 32. Хўжалик бекаси 1 33. Кирларни ювиш бўйича машинист 1 Жами: 56,8 **
Президент мактаблари тўғрисида низомга 2-ИЛОВА
Президент мактабларининг маҳаллий ўқитувчилари ва ходимларини қўшимча моддий рағбатлантириш тартиби тўғрисида
1-боб. Умумий қоидалар
1. Ушбу Низом Президент мактабларининг маҳаллий ўқитувчилари ва ходимларини (ўриндош ходимлар) қўшимча моддий рағбатлантириш тартибини белгилайди.
2. Президент мактабларининг ходимлари учун белгиланадиган рағбатлантирувчи (қўшимча) тўловлар ва устамалар қонунчилик ҳужжатларига мувофиқ бошқа моддий рағбатлантириш турларига қўшимча тарзда белгиланади.
2-боб. Рағбатлантирувчи (қўшимча) тўловлар ва устамалар ҳамда уларни тўлаш шартлари
3. Президент мактаблари ходимларига ҳар ойлик ва бир марталик рағбатлантирувчи (қўшимча) тўловлар белгиланиши мумкин.
Мазкур Низомда белгиланган рағбатлантирувчи (қўшимча) тўловлар рўйхати ва миқдори Президент мактаби Ижрочи директорининг буйруғи асосида белгиланади.
4. Ходимларга устамалар қуйидагича белгиланади:
асосий иш жойидан штат жадвалига ва Президент мактаби тарификациясига мувофиқ базавий иш ҳақига нисбатан фоиз ҳисобида;
ўриндошлик асосида соатбай иш ҳақига нисбатан фоиз ҳисобида.
5. Педагог ходимларга ҳар ойлик устамалар қуйидаги миқдорларда ва самарадорлик мезонлари асосида белгиланиши мумкин:
а) ўқувчиларнинг мустақил назорат ишлари (кириш, оралиқ, якуний назорат) натижалари бўйича педагог ходим фаолиятининг самарадорлигини баҳолаш. Самарадорлик мезонлари педагог дарс олиб борадиган барча синфларда барча ўқувчиларнинг ўртача баллари бўйича ҳисобланади. Бунда:
юқори натижалар (аъло) учун — асосий иш ҳақининг 100%;
яхши натижалар (яхши) учун — асосий иш ҳақининг 50% миқдорида устамалар белгиланади;
б) ўқувчиларнинг мустақил назорат ишлари якунлари (кириш, оралиқ, якуний назорат) бўйича педагог ходимнинг таълим бериш натижалари ижобий динамикасининг самарадорлик мезонлари кетма-кет икки назорат иши натижалари бўйича барча ўқувчиларнинг ўртача баллари ўртасидаги фарқ сифатида ҳисобланади. Бунда ижобий ўзгаришларнинг аниқ динамикаси (ўртача баллнинг 10% дан ортиқ ўсиши) — 50% таянч иш ҳақи сифатида белгиланади;
Ушбу устама педагог ходимнинг натижалари ушбу банднинг «а» кичик банди бўйича қўшимча ҳақ тўлаш учун етарли бўлмаган ҳолатда белгиланади;
в) ўқув йили якунларига кўра, барча Президент мактаблари ўқувчилари ўртасида ўқувчиларнинг мустақил назорат ишлари (якуний назорат) натижалари бўйича педагог ходим фаолиятининг самарадорлигини баҳолаш. Самарадорлик мезонлари педагог дарс олиб борадиган синфларда барча ўқувчиларнинг ўртача баллари бўйича ҳисобланади. Бунда:
энг яхши натижа (1-ўрин) — асосий иш ҳақининг 60%;
иккинчи энг яхши натижа (2-ўрин) — асосий иш ҳақининг 40%;
учинчи энг яхши натижа (3–ўрин) — асосий иш ҳақининг 20% миқдорида устамалар белгиланади;
г) оралиқ ва якуний назоратлар учун синов материалларини ишлаб чиқиш:
1 та вариант учун — 15%;
2 та вариант учун — 20%;
3 та вариант учун — 25% миқдорида устамалар белгиланади;
д) ўқувчининг курс ёки лойиҳа ишига раҳбарлик қилинадиган ҳар бир лойиҳа иши учун — 25%;
е) ўқувчиларни қўшимча ва факультатив дарсларга жалб қилиш бўйича педагог (синф раҳбари) фаолиятининг фаоллиги. Ушбу кўрсаткич ўқитувчининг синф раҳбарлиги остида синфда ўқувчиларнинг умумий сонига факультатив, тўгараклар ва бошқа тизимли дарсларга қатнайдиган ўқувчиларнинг улуши сифатида ҳисобланади;
70 дан 100% гача — асосий иш ҳақининг 30%;
40 дан 69% гача — асосий иш ҳақининг 15%;
ж) педагогнинг инглиз тилини билиш даражасини белгиловчи CEFR B2 ёки ундан юқори даражадаги, инглиз тили фани ўқитувчилари учун эса CEFR C1 ёки ундан юқори даражадаги миллий ёки халқаро тан олинган сертификати бўлса, асосий иш ҳақининг 60%;
з) Times Нigher Education (TНE), QS World University Rankings университетлари рейтингига ёки педагогика бўйича миллий таълим ва/ёки илмий муассасалар илмий даражасига кўра ТОП-1000 рўйхатига киритилган етакчи хорижий таълим муассасаларининг дипломи мавжудлиги:
етакчи хорижий таълим муассасалари магистри дипломи ёки унга тенглаштирилган, миллий таълим ва/ёки илмий муассасаларнинг фан номзоди даражаси — лавозим маошининг 50%;
етакчи хорижий таълим муассасаларининг PhD даражаси ёки унга тенглаштирилган, миллий таълим ва/ёки илмий муассасаларнинг фан доктори даражаси — лавозим маошининг 100% ни ташкил этади.
Ушбу самарадорлик мезонлари учун устама педагогнинг (илмий жиҳатдан асосланган янги, илғор ўқитиш усулларини ишлаб чиқиш (жорий этиш) бўйича) фаол услубий ишларини кўзда тутади. Ўқитувчининг методологик ишининг қониқарсиз натижалари юзага келганда, устама бекор қилиниши мумкин. Анжуманларда маърузалар билан иштирок этмаслик, нашрларда мақолаларнинг ва ўқув-услубий ишланмаларнинг йўқлиги қониқарсиз натижа ҳисобланади;
и) Олимпиада ғолиблари ва совриндорларини тайёрлаш бўйича педагогнинг натижалари (устама миқдорини ҳисоблашнинг энг яхши учта совринли ўрни учун қўшимча тўловлар билан чекланган):
шаҳар миқёсида (1 — 3 ўрин учун)
1- ўрин учун — асосий иш ҳақининг 45%;
2-ўрин учун — асосий иш ҳақининг 30%;
3-ўрин учун — асосий иш ҳақининг 15%;
вилоят (ҳудудий) миқёсида:
1-ўрин учун — асосий иш ҳақининг 60%;
2-ўрин учун — асосий иш ҳақининг 40%;
3-ўрин учун — асосий иш ҳақининг 20%;
республика миқёсида (1 — 3 ўрин учун):
1-ўрин учун (олтин медаль) — асосий иш ҳақининг 100%;
2-ўрин учун (кумуш медаль) — асосий иш ҳақининг 75%;
3-ўрин учун (бронза медаль) — асосий иш ҳақининг 50%;
халқаро миқёсда (1 — 3 ўрин учун):
1-ўрин учун (олтин медаль) — асосий иш ҳақининг 200%;
2-ўрин учун (кумуш медаль) — асосий иш ҳақининг 175%;
3-ўрин учун (бронза медаль) — асосий иш ҳақининг 150%.
6. Педагог ходимларга бир марталик устама қуйидаги самарадорлик мезонлари асосида ва қуйидаги миқдорларда белгиланиши мумкин:
а) ўқитувчининг профессионал танловларда иштирок этиш натижаси:
шаҳар миқёсдаги мукофот — асосий маошнинг 50%;
республика миқёсидаги соврин — асосий иш ҳақининг 100%;
халқаро миқёсдаги соврин — асосий иш ҳақининг 150%;
б) умумий ўрта таълим соҳасидаги халқаро манбаларда (Scopus, WoS ёки аналог) индексланган журналларда мақола нашр этилиши — асосий иш ҳақининг 50% дан 200% гача.
республикада аккредитациядан ўтган журналларда — 50%. Ушбу банд бўйича журналларга қўйиладиган талаблар Вазирлик томонидан ҳар ўқув йили бошида белгиланади;
в) маърузачи сифатида умумий ўрта таълим соҳасидаги халқаро конференция ёки семинарда маърузачи сифатида иштирок этиш — асосий иш ҳақининг 100%.
7. Маъмурий-бошқарув ходимларига ойлик устамалар қуйидаги самарадорлик мезонлари асосида ва қуйидаги миқдорларда белгиланиши мумкин:
а) раҳбар ходимнинг инглиз тилини билиш даражасини белгиловчи CEFR B2 ёки ундан юқори даражадаги миллий ва халқаро тан олинган сертификати бўлса, асосий иш ҳақининг 60%;
б) етакчи хорижий таълим муассасаларининг дипломи (ТОП-1000 рўйхатига киритилган Times Нigher Education (TНE), QS World University Rankings) ёки педагогика ёхуд бошқарув (маъмурият) бўйича миллий таълим ва/ёки илмий муассасаларнинг илмий даражаси мавжудлиги:
етакчи хорижий таълим муассасалари магистри дипломи ёки унга тенглаштирилган, миллий таълим ва/ёки илмий муассасаларнинг фан номзоди даражаси — лавозим маошининг 50%;
етакчи хорижий таълим муассасаларининг PhD даражаси ёки унга тенглаштирилган, миллий таълим ва/ёки илмий муассасаларнинг фан доктори даражаси — лавозим маошининг 100% ни ташкил этади.
в) мустақил назорат ишлари (кириш, оралиқ, якуний назорат) натижалари бўйича Президент мактаби ўқувчиларининг ўзлаштириш натижаларини баҳолаш. Ишлаш мезонлари барча мактаб ўқувчиларининг ўртача балли:
юқори натижалар (аъло) — асосий иш ҳақининг 60%;
яхши натижалар (яхши) — асосий иш ҳақининг 30%;
г) ўқитувчилар учун қулай шарт-шароитларни таъминлаш ва ўқувчиларни мактабда ўқитиш. Ушбу кўрсаткич мактабда таълим жараёнини сифатли ташкил этишни ҳисобга олади, шу жумладан ўқув жараёнида иштирокчилар томонидан раҳбарият фаолиятини баҳолаш:
таълим жараёнларини юқори даражада сифатли ташкил қилиш — асосий иш ҳақининг 60%;
таълим жараёнларини яхши даражада сифатли ташкил қилиш — асосий иш ҳақининг 30%;
д) Президент мактаблари рейтинги натижалари. Рейтинг кўрсаткичлари ҳисобининг тартиби ва мезонлари вазирлик томонидан белгиланади:
1) битирувчиларнинг университетларга кириши;
юқори кўрсаткичлар — 80%;
ўрта кўрсаткичлар — 40%;
паст кўрсаткичлар — 0%;
2) Олимпиадалар ғолиблари сони ва даражаси:
юқори кўрсаткичлар — 70%;
ўрта кўрсаткичлар — 40%;
паст кўрсаткичлар — 0%;
3) ўзлаштириш мониторинги натижалари:
юқори кўрсаткичлар — 80%;
ўрта кўрсаткичлар — 40%;
паст кўрсаткичлар — 10%.
8. Маъмурий-бошқарув ходимларига бир марталик тўловлар қуйидаги самарадорлик мезонлари ва миқдорларда белгиланиши мумкин:
a) умумий ўрта таълим соҳаси бўйича мақола нашр этиш:
республика журналларида — 50%;
халқаро базаларда индексланган, тақриз қилинган журналларда — асосий иш ҳақининг 50% дан 200% гача (журнал факторининг импактига қараб). Ушбу банд бўйича журналларга қўйиладиган талаблар вазирлик томонидан ҳар ўқув йили бошида белгиланади;
б) умумий ўрта таълим соҳасига анжуман ёки семинарда маъруза қилиш;
вилоят (шаҳар) ёки республика анжуманларида — 50% (маърузачи сифатида);
халқаро анжуманда — 100% (маърузачи сифатида).
9. Ўқув-ёрдамчи ходимларга ойлик устама ҳақи қуйидаги самарадорлик мезонлари ва миқдорлари асосида белгиланиши мумкин:
а) ўқув-ёрдамчи ходимнинг инглиз тилини билиш даражасини белгиловчи CEFR B2 ёки ундан юқори даражадаги миллий ва халқаро тан олинган сертификати бўлса, асосий иш ҳақининг 50%;
б) етакчи хорижий таълим муассасаларининг дипломи (Times Нigher Education (TНE), QS World University Rankings университетлари рейтингига ТОП-1000 рўйхатига киритилган) ёки мутахассислиги бўйича миллий таълим ва/ёки илмий муассасаларнинг илмий даражаси мавжудлиги:
етакчи хорижий таълим муассасалари магистри дипломи ёки унга тенглаштирилган, миллий таълим ва/ёки илмий муассасаларнинг фан номзоди (фалсафа доктори (PhD)) даражаси — лавозим маошининг 50%;
етакчи хорижий таълим муассасаларининг PhD даражаси ёки унга тенглаштирилган, миллий таълим ва/ёки илмий муассасаларнинг фан доктори (DSc) даражаси — лавозим маошининг 100% ни ташкил этади.
3-боб. Ҳисоблаш тартиби
10. Рағбатлантирувчи (қўшимча) тўловларни белгилаш бўйича таклифлар Президент мактаблари ҳузурида ташкил этилган ишчи гуруҳ (кейинги ўринларда Ишчи гуруҳ деб аталади) аъзолари томонидан ўрганиб чиқилади.
Ишчи гуруҳ 5 кишидан кам бўлмаган таркибда Президент мактаби Ижрочи директори буйруғи билан тасдиқланади. Ишчи гуруҳ хулосаси Президент мактаби директорига рағбатлантирувчи тўловларни тўлаш тўғрисида буйруқ чиқариш учун киритилади.
Ишчи гуруҳ аъзоларининг йиғилиш баёни ҳар чоракда, алоҳида ҳолларда эса зарур бўлганда ўтказилади.
Ишчи гуруҳ йиғилиши Ишчи гуруҳ аъзоларининг камида 80 фоизи иштирок этадиган бўлса, овоз беришга эга (кворум) ҳисобланади.
Ходимларни рағбатлантирувчи (қўшимча) тўловлар миқдорларини белгилаш тўғрисидаги қарор Ишчи гуруҳ аъзоларининг очиқ овоз беришлари орқали амалга оширилади. Қарор овоз берувчи (кворум) иштирокчиларининг камида учдан икки қисми иштирокида қабул қилинади.
Меҳнат шартномаси бекор қилиниши (ходим ўз иш фаолиятида қонунни бузганлиги туфайли ишдан озод этилган ҳолатлардан ташқари), бошқа ишга ўтиши ва бошқа ҳолатлар муносабати билан тўлиқ вақт ишлаб берилмаган бўлса, бир марталик тўлов Президент мактаби Ижрочи директори билан келишилган ҳолда тўланади.
Президент мактаби ходимларига қонунчилик ҳужжатларида ва Президент мактаби жамоа шартномасида назарда тутилган бошқа рағбатлантирувчи тўловлар тўланиши мумкин.
Битта ходимга бажарилган ишлар миқдори ҳисобга олинган ҳолда ва ушбу Низомнинг талабларига мувофиқ бир вақтнинг ўзида бир нечта рағбатлантириш тўловлари турларини белгилашга рухсат этилади.
Ходимларни қўшимча моддий рағбатлантириш масалалари Ишчи гуруҳ томонидан баённома кўринишида Президент мактаби Ижрочи директорига тақдим этилади.
Президент мактаби директорини рағбатлантириш ва қўшимча устама ҳақи белгилаш агентлик директори томонидан амалга оширилади.
Агентлик рағбатлантириш ва қўшимча устама ҳақи белгилаш тўғрилигини назорат қилади ва бунинг учун жавобгар ҳисобланади.
11. Президент мактаблари ходимларини рағбатлантириш ва қўшимча устама ҳақ тўлаш Ўзбекистон Республикаси Давлат бюджети ҳисобидан, Агентлик ҳузуридаги Иқтидорли ёшларни қўллаб-қувватлаш жамғармаси маблағлари, ҳомийлик хайриялари ҳамда қонунчилик ҳужжатларида тақиқланмаган бошқа манбалар ҳисобидан амалга оширилади.
4-боб. Якунловчи қоидалар
12. Ҳар йили 20 декабрга қадар Президент мактаблари Агентликка келгуси йил учун харажатлар сметаси лойиҳасини тегишли асос ва ҳисоб-китоблари билан тақдим этади.
13. Президент мактаблари ҳар чоракда белгиланган тартибда Агентликка ушбу маблағлардан фойдаланганлиги бўйича ҳисобот тақдим этади.
14. Рағбатлантириш ва устама ҳақ ойлик маоши билан бирга бир вақтда тўлаб берилиши мумкин.
15. Ишчи гуруҳ Президент мактаблари ходимларига устама ҳақ белгилаш ва рағбатлантириш бўйича ҳужжатлар (билдирги, буйруқ ва бошқалар) тайёрланиши ва кўриб чиқилишини таъминлайди.
Президент мактаблари тўғрисида низомга 3-ИЛОВА
_____________________ shahridagi Prezident maktabiga hujjat topshiruvchi toʼgʼrisida MA'LUMOTNOMA Berildi ___________________________________________ Rasm 3 х 4 sm F.I.O (tugʻilganlik haqidagi guvohnomaga binoan) ____________________________________________________ haqiqatdan ham _____________ sinfda o`qiydi. __________________________________________________ Maktabning nomi va toʻliq manzili taʻlim muassasasining ustaviga binoan * Talabgor haqida ma'lumot Doimiy yashash joyi va to'liq manzili Talabgorning doimiy yashash joyining toʻliq manzilini koʻrsating (viloyat, shahar, tuman, qishloq, koʻcha, uy, xonadon) Yashash joyi va toʻliq manzili Talabgorning yashash joyining toʻliq manzilini koʻrsating (viloyat, shahar, tuman, qishloq, koʻcha, uy, xonadon) Tugʻilganlik haqidagi guvohnoma seriyasi va raqami (Talabgorning tugʻilganlik haqidagi guvohnomasining seriyasi va raqamini koʻrsating) Tugʻilgan sanasi (Talabgorning tugʻilgan kuni, oyi, yilinikoʻrsating) Ta'lim tili (Talabgorning ta'lim tilini koʻrsating) Sinf rahbari F.I.O. va telefon raqami (Talabgorning sinf rahbarining F.I.O va telefon raqamini koʻrsating) Maktabning toʻliq nomi va manzili, telefon raqami Ota-onaning SMS xabar olishi uchun telefon raqami (kodi bilan) (qabulga oid maʼlumotlar koʼrsatilgan telefon raqamga sms xabar orqali etkaziladi) Qo'shimcha telefon raqam (kod bilan) * Ota-onalar (qonuniy vakillari) haqida ma'lumot: Qarindoshligi F.I.O. Pasport ma'lumotlari (pasport seriyasi va raqami, qachon va kim tomonidan berilgan) Yashash manzili, telefon raqami Ota-onalardan biri yoki ularning o`rnini bosuvchi shaxs SMS — xabarnoma uchun telefon raqami (kod bilan) Qo'shimcha telefon raqami (kod bilan) Mening farzandim Prezident maktabida oʼqish uchun kirish imtihonlarida ishtirok etishiga ruxsat berishingizni so'rayman. Prezident maktabi maktab-internat shaklida tashkil etilishi toʼgrisida maʼlumot oldim hamda farzandim 5 kun (dushanba-juma) kunlari davomida maktab hududida qolib o'qishiga qarshi emasman. Men taqdim etgan barcha ma'lumotlarning to'liq va haqqoniy ekanligini tasdiqlayman. Bila turib yolg'on yoki to'liq bo'lmagan ma'lumotlarni taqdim etish farzandimning natijalarni e'lon qilishdan oldin istalgan bosqichda tanlovdan chiqarilishiga olib kelishidan habardorman. Farzandimning shaxsiy ma'lumotlarini, tanlovda ishtirok etish jarayonida Prezident maktabi tomonidan olingan tanlov natijalarini, qabul komissiyasi a'zolari, xorijiy hamkorlar, davlat organlari, ekspertlar va boshqa manfaatdor tashkilotlarga topshirilishiga, shuningdek, tanlov natijalarini Prezident maktablarining rasmiy veb-saytiga joylashtirilishiga e'tiroz bildirmayman. Kirish imtihonlarining natijalari qayta ko'rilmaydi, test sinovlari yakunida imtihon materiallari talabgorlarga berilmaydi. ____________________________ Imzo ______________ Ota-onalardan biri yoki ularning o`rnini bosuvchi shaxsning (F.I.O) 20____yil «___»_______________ Maktab direktori_______________ Imzo ______________ M.Oʻ. 20____yil «___» _________
Ўзбекистон Республикасининг Бош вазири А. АРИПОВ
Тошкент ш.,
2019 йил 25 июнь,
526-сон
Oʻzbekiston Respublikasi Vazirlar Mahkamasining
qarori
NIZOM
NAMUNAVIY SHTATLAR JADVALI
NIZOM
Prezident maktablari toʻgʻrisida nizomni tasdiqlash haqida
Oʻzbekiston Respublikasi Prezidentining “Prezident maktablarini tashkil etish chora-tadbirlari toʻgʻrisida” 2019-yil 20-fevraldagi PQ-4199-son qarori ijrosini taʼminlash, shuningdek, Prezident maktablari faoliyatini samarali tashkil etish maqsadida Vazirlar Mahkamasi qaror qiladi:
1. Prezident maktablari toʻgʻrisidagi nizom ilovaga muvofiq tasdiqlansin.
2. Oʻzbekiston Respublikasi Iqtisodiyot va moliya vazirligi Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligining buyurtmanomasiga asosan Oʻzbekiston Respublikasi Davlat budjetining parametrlari doirasida har yili Prezident maktablarining joriy faoliyati xarajatlarini qoplash uchun zarur mablagʻlar ajratilishini nazarda tutsin.
3. Oʻzbekiston Respublikasi Xalq taʼlimi vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov va Oʻzbekiston Respublikasi xalq taʼlimi vaziri Sh.X. Shermatov zimmasiga yuklansin.
Vazirlar Mahkamasining 2019-yil 25-iyundagi 526-son qaroriga ILOVA
Prezident maktablari toʻgʻrisida
1-bob. Umumiy qoidalar
1. Ushbu Nizom Prezident maktablarining maqomi, maqsadi, asosiy vazifalari, huquq va majburiyatlari, shuningdek, ularning faoliyatini tashkil etish tartibini belgilaydi.
2. Prezident maktablari davlat muassasasi shaklidagi yuridik shaxs hisoblanadi va oʻz ustaviga, gʻaznachilik boʻlinmalarida shaxsiy hisobvaraqlariga, shuningdek, Oʻzbekiston Respublikasining Davlat gerbi tasviri tushirilgan va oʻz nomi yozilgan muhrga, logotipga, shtampga va blankalarga ega boʻladi.
3. Prezident maktablari oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga va boshqa qonunchilik hujjatlariga, shuningdek, oʻz ustaviga amal qiladi.
4. Prezident maktablari bevosita Oʻzbekiston Respublikasi Maktabgacha va maktab taʼlimi vazirligi (keyingi oʻrinlarda — vazirlik) huzuridagi Ixtisoslashtirilgan taʼlim muassasalari agentligiga (keyingi oʻrinlarda — Agentlik) boʻysunadi. Agentlik Prezident maktablari faoliyatiga umumiy rahbarlik qiladi va nazoratni amalga oshiradi.
Agentlik Prezident maktablari faoliyatini umumiy muvofiqlashtiradi, jumladan, ularning faoliyatini metodik va axborot-tahliliy jihatdan taʼminlash boʻyicha chora-tadbirlarni amalga oshiradi.
5. Prezident maktablarida umumiy oʻrta taʼlim olish bepul amalga oshiriladi.
6. Prezident maktablarida asosiy oʻquv dasturi bilan birgalikda oʻquvchilarning qiziqishlaridan kelib chiqqan holda sinfdan tashqari amaliy mashgʻulotlar oʻtkazish nazarda tutiladi.
7. Prezident maktablari davlat akkreditatsiyasidan qonunchilik hujjatlariga muvofiq vakolatli davlat organi tomonidan oʻtkaziladi.
2-bob. Prezident maktablarining maqsadi va asosiy vazifalari
8. Prezident maktablarini tashkil etishning maqsadi iqtidorli bolalarni aniqlash, taʼlim jarayonida ilgʻor texnologiyalarni qoʻllagan holda ularni oʻqitish va tarbiyalash boʻyicha yaxlit tizim yaratish, isteʼdodli yoshlarni yanada qoʻllab-quvvatlash va ragʻbatlantirish, maʼnan yetuk va intellektual jihatdan barkamol avlodni shakllantirishdan iborat.
9. Quyidagilar Prezident maktablarining asosiy vazifalari hisoblanadi:
iqtidorli bolalarni aniqlash, tanlash va oʻqitish, ularning har tomonlama rivojlanishi uchun shart-sharoitlar yaratish, shuningdek, oʻquvchilarning intellektual, ilmiy va ijodiy salohiyatini ochib berish;
tabiiy va aniq fanlarni chuqur oʻrganish, xorijiy tillar, muhandislik va axborot texnologiyalarini oʻzlashtirishni tashkil qilish, oʻquvchilarning innovatsion gʻoyalari va ishlanmalarini rivojlantirish uchun zarur shart-sharoitlar yaratish;
oʻquvchilarni oʻqitish va bilimini baholashning zamonaviy uslublarini, shuningdek, taʼlim dasturlarining integratsiyalashuviga asoslangan oʻqitishning fanlararo yondashuvini joriy qilish va keyinchalik ijobiy tajribani maktabgacha va maktab taʼlimi tizimiga tatbiq etish;
oʻquvchilarni kasb-hunarga yoʻnaltirish, ularda yetakchilik koʻnikmalari va notiqlik sanʼatini rivojlantirish, tanqidiy fikrlash, axborotni izlash, tahlil qilish va qayta ishlash, olingan bilimlarni amaliyotda qoʻllash malakasini oshirish;
oʻquvchilarning umumtaʼlim fanlari boʻyicha xalqaro olimpiadalar, tanlovlar va musobaqalarda munosib ishtirokini taʼminlash;
oʻquvchilarda vatanparvarlik va Vatanga muhabbat tuygʻusini, bagʻrikenglik, qonunlar, milliy va umuminsoniy qadriyatlarni hurmat qilish munosabatini, hayotga qatʼiy ishonch va qarashlarni shakllantirish;
oʻquv dasturlarining uzluksizligini taʼminlash masalalarida shu yoʻnalishdagi milliy va xorijiy umumiy oʻrta va oliy taʼlim muassasalari bilan hamkorlikni yoʻlga qoʻyish, bitiruvchilarning ilgʻor xorijiy oliy taʼlim muassasalarida va ularning respublikamizdagi filiallarida oʻqishini davom ettirish.
3-bob. Prezident maktablarining huquq va majburiyatlari
10. Prezident maktablari quyidagi huquqlarga ega:
belgilangan (ikkita sinfga bir xil — 12 nafardan oʻquvchi taqsimlangan, 24 nafar oʻquvchidan iborat) yillik qabul kvotasi doirasida oʻquvchilarni qabul qilish;
tasdiqlangan oʻquv rejalari va dasturlari asosida oʻquv mashgʻulotlari jadvalini ishlab chiqish va tasdiqlash;
oʻz ustavida belgilangan faoliyatini amalga oshirish uchun qonunchilik hujjatlarida taqiqlanmagan boshqa moliyaviy manbalarni jalb qilish;
ishchi organ bilan birgalikda yuqori malakali xorijiy mutaxassislar va boshqa xodimlarni jalb etish;
Agentlik hamda boshqa davlat organlari va tashkilotlari tomonidan davlat siyosati, ijtimoiy-madaniy, maktabgacha va maktab taʼlimi sohasidagi muhim masalalarni muhokama qilish va dolzarb muammolarni hal etishga bagʻishlangan yigʻilishlarda, majlislarda va boshqa tadbirlarda belgilangan tartibda ishtirok etish;
Agentlikning tegishli tarkibiy boʻlinmalari bilan oʻziga yuklangan vazifalarni oʻz vaqtida, samarali va sifatli bajarish uchun belgilangan tartibda oʻzaro hamkorlik qilish;
Prezident maktablari bitiruvchilariga davlat namunasidagi taʼlim toʻgʻrisidagi hujjat (guvohnoma, shahodatnoma) bilan bir qatorda yetakchi xorijiy oliy taʼlim muassasalariga oʻqishga kirish imkoniyatini beruvchi xalqaro darajadagi tegishli dastur diplomlarini (International Baccalaureate, Advanced Placement yoki International Advanced Levels) berish;
sogʻlom ovqatlantirishni tashkil etish va maktab formasini xarid qilish uchun qonunchilik hujjatlari bilan belgilangan tartibda tadbirkorlik subyektlari bilan shartnoma tuzish.
Prezident maktablari qonunchilik hujjatlariga muvofiq boshqa huquqlarga ham ega boʻlishi mumkin.
11. Prezident maktablari:
mazkur Nizomda, shuningdek, boshqa qonunchilik hujjatlari, oʻz ustavida belgilangan vazifa va funksiyalarni oʻz vaqtida, sifatli va samarali bajarishga;
taʼlim jarayonini sifatli va samarali tashkil etishga;
agentlik tomonidan oʻz vakolati doirasida berilgan topshiriqlar va koʻrsatmalarni oʻz vaqtida va sifatli bajarishga;
Prezident maktablarining oʻquvchilari, oʻqituvchilari va boshqa xodimlarining huquqlari va qonuniy manfaatlariga rioya etilishini taʼminlashga;
taʼlim jarayonini tashkil etish shakllari, usullari va vositalarining umumiy oʻrta taʼlimning davlat taʼlim standartlariga muvofiqligini taʼminlashga majbur.
Prezident maktablari qonunchilik hujjatlariga muvofiq boshqa majburiyatlarni ham olishi mumkin.
4-bob. Prezident maktablarida oʻquv-tarbiya jarayonini tashkil etish
12. Prezident maktablarida taʼlim jarayoni umumiy oʻrta taʼlimning davlat taʼlim standartlari hisobga olingan holda, umumiy oʻrta taʼlim sohasida xizmat koʻrsatuvchi ixtisoslashtirilgan xorijiy tashkilotlar bilan hamkorlikda ishlab chiqiladigan hamda vazirlik tomonidan tasdiqlanadigan oʻquv rejalari va dasturlariga muvofiq amalga oshiriladi.
13. Oʻquv jarayonining jadvali, oʻquv mashgʻulotlarining turlari va davomiyligi, oʻquvchilarning oʻquv yuklamasi, tashkil etish shakllari va oʻquv-tarbiya jarayonining boshqa masalalari taʼlim sohasida xizmat koʻrsatuvchi ixtisoslashtirilgan xorijiy tashkilotlar bilan birgalikda ishlab chiqiladigan hamda vazirlik tomonidan tasdiqlanadigan taʼlim dasturlari va vazirlikning boshqa normativ-huquqiy hujjatlariga muvofiq belgilanadi.
14. Taʼlim sifatini nazorat qilish xalqaro taʼlim standartlarini inobatga olgan holda, umumiy oʻrta taʼlimning davlat taʼlim standartlari talablariga muvofiq amalga oshiriladi. Taʼlim sifatini nazorat qilishni taʼminlash uchun maxsus xorijiy tashkilotlar ham jalb qilinishi mumkin.
15. Prezident maktablari bitiruvchilariga davlat namunasidagi taʼlim toʻgʻrisidagi hujjat (guvohnoma, shahodatnoma) beriladi.
16. Prezident maktablarining 11-sinf bitiruvchilari tanlangan fanlar asosida xalqaro malaka imtihonlarini (International Baccalaureate, Advanced Placement yoki International Advanced Levels) topshirish huquqiga ega boʻladilar va ulardan muvaffaqiyatli oʻtgan taqdirda, yetakchi xorijiy oliy taʼlim muassasalariga kirish imkoniyatini taqdim etuvchi xalqaro diplom oladilar.
Prezident maktablariga xalqaro namunadagi diplom berish huquqi belgilangan tartibda tegishli vakolatli xalqaro tashkilotlarda akkreditatsiyadan oʻtganidan soʻng beriladi.
17. Oʻquvchilarni sinfdan sinfga tegishli imtihonlarni muvaffaqiyatli topshirish natijalari boʻyicha Prezident maktabi Ijrochi direktorining buyrugʻi bilan oʻtkaziladi.
Imtihon natijalarini baholash mezonlari taʼlim sohasida xizmatlar koʻrsatuvchi ixtisoslashtirilgan xorijiy tashkilot tomonidan agentlik bilan birgalikda belgilanadi.
18. Oʻquvchining bir yoki bir nechta fanlardan reyting natijasi pasaygan taqdirda, u bilan individual ish olib boriladi.
Oʻquvchining reyting natijalari pasayishini belgilaydigan mezonlar taʼlim sohasida xizmatlar koʻrsatuvchi ixtisoslashtirilgan xorijiy tashkilot tomonidan agentlik bilan birgalikda belgilanadi.
19. Prezident maktablarining oʻquvchilari safidan quyidagi hollarda chiqariladi:
oʻquvchining oʻz tashabbusi bilan boshqa taʼlim muassasasiga koʻchirish (ota-onasining yoki qonuniy vakillarining arizasi asosida);
individual ish olib borilishiga qaramasdan, reytingi va akademik oʻzlashtirishning tizimli pasayishi;
Prezident maktabining oʻquv intizomi va ichki tartib qoidalarini bir necha marta buzish.
6-bob. Mahalliy pedagog kadrlarni, shuningdek, xorijiy mutaxassislar tanlovini (yollashni) tashkil etish va oʻtkazish
45. Prezident maktablariga maʼmuriy-boshqaruv xodimlari va pedagog kadrlar tanlov (keyingi oʻrinlarda tanlov deb ataladi) asosida qabul qilinadi.
Prezident maktablariga xorijiy mutaxassislar jalb qilinishi mumkin.
46. Agentlik tegishlicha Qoraqalpogʻiston Respublikasi, viloyatlar va Toshkent shahridagi Prezident maktablarini maʼmuriy-boshqaruv xodimlari va pedagog kadrlar bilan toʻldirishni taʼminlaydi.
47. Tanlov ochiq hisoblanadi. Tanlov ishtirokchilari ushbu Nizom doirasida qonunchilik hujjatlarida belgilangan professional, malakaviy va boshqa talablarga javob beradigan, Prezident maktablarining talablariga va lavozimiga mos keladigan, shuningdek, ishchanlik, shaxsiy va maʼnaviy-axloqiy fazilatlarga ega boʻlishi kerak.
48. Mazkur Nizom doirasida oʻtkaziladigan tanlov ishtirokchilari Oʻzbekiston Respublikasi fuqarolari va fuqaroligi boʻlmagan, davlat va ingliz tillarini yaxshi biladigan, oliy maʼlumotli, belgilangan tartibda attestatsiyadan oʻtgan, agentlik tomonidan belgilanadigan boshqa malaka talablariga javob beradigan shaxslar boʻlishi lozim.
Prezident maktablarida pedagogik faoliyat uchun quyidagi shaxslarga ruxsat berilmaydi:
sud tomonidan ushbu huquqdan mahrum etilganlar;
sud qarori bilan muomalaga layoqatsiz (muomala layoqati cheklangan) deb topilganlar;
tibbiyot muassasalarida muayyan toifadagi kasalliklar boʻyicha roʻyxatdan turgan shaxslar;
jinoyat sodir etganligi uchun sudlangan shaxslar.
49. Tanlovni eʼlon qilish toʻgʻrisidagi qaror Prezident maktabi Ijrochi direktori tomonidan Agentlik bilan kelishilgan holda qabul qilinadi. Prezident maktabi oʻtkazilayotgan tanlov tashkilotchisi hisoblanadi.
50. Tanlovni oʻtkazish uchun Tanlov komissiyasi tuziladi. Tanlov komissiyasi tarkibi Agentlik direktorining buyrugʻi bilan tasdiqlanadi.
51. Tanlov oʻtkazilishi toʻgʻrisidagi eʼlonda quyidagi maʼlumotlar boʻlishi kerak:
Prezident maktablarining nomi, asosiy xususiyatlari va joylashuvi haqida maʼlumot;
tanlov ishtirokchisiga qoʻyiladigan talablar;
tanlov ishtirokchilaridan tegishli hujjatlari bilan birga ariza qabul qilishning boshlanishi hamda tugash sanasi va vaqti;
tanlov ishtirokchilarining ariza va hujjatlarini qabul qilish joyi (manzili);
tanlov ishtirokchilari tomonidan taqdim etiladigan hujjatlar roʻyxati va ularni rasmiylashtirish talablari;
tanlov oʻtkaziladigan sana, vaqti va joyi, tanlov komissiyasi ishining boshlanishi va tanlov natijalarini sarhisob qiladigan vaqtni koʻrsatgan holda;
tanlov komissiyasi suhbat davomida ishtirokchilarga berishga haqli boʻlgan asosiy yoʻnalishlar roʻyxati;
gʻoliblarni aniqlash tartibi;
tanlov ishtirokchilari va gʻoliblariga uning natijalarini xabar berish tartibi;
tanlov gʻoliblari bilan tuziladigan mehnat shartnomasining asosiy shartlari;
qonunchilik hujjatlarida nazarda tutilgan tanlov ishtirokchilariga qoʻyiladigan talablarni oʻz ichiga olgan boshqa qoidalar.
52. Tanlovda ishtirok etish uchun ishtirokchilar tanlov tashkilotchisiga quyidagi hujjatlarni taqdim etadilar:
Prezident maktablarining Internet jahon axborot tarmogʻidagi rasmiy veb-saytida joylashtirilgan shaklga muvofiq ishtirokchi tomonidan imzolangan va yozma ravishda rasmiylashtirilgan ariza;
harbiy hisobga olish hujjatlarining nusxalari (harbiy xizmatga majbur boʻlganlar va harbiy xizmatga chaqiriladigan shaxslar uchun);
xorijiy taʼlim muassasasida olingan oliy maʼlumot toʻgʻrisidagi hujjatning ekvivalentligini eʼtirof etish toʻgʻrisidagi vakolatli davlat organining guvohnomasi;
oʻtkazilgan attestatsiya natijalari boʻyicha belgilangan tartibda berilgan sertifikat nusxasi.
53. Ushbu Nizomning 52-bandida koʻrsatilgan hujjatlarni oʻz vaqtida taqdim etmaslik, shuningdek, ularni toʻliq taqdim etmagan yoki notoʻgʻri rasmiylashtirgan tanlov ishtirokchilariga hujjatlarni qabul qilishda yozma ravishda asoslantirilgan rad javobi beriladi.
Hujjatlar tanlov ishtirokchisi tomonidan hujjatlarni qabul qilishni rad etish sabablari bartaraf etilganligi toʻgʻrisidagi ariza taqdim etilgan kundan boshlab besh ish kunidan oshmaydigan muddatda qayta koʻrib chiqiladi. Bunda hujjatlarni qayta koʻrib chiqish tanlov ishtirokchilaridan arizalarni qabul qilish eʼlonda belgilangan muddat davomida amalga oshirilishi kerak.
54. Tanlov quyidagi uch bosqichda oʻtkaziladi:
1-bosqich — tanlov ishtirokchilari tomonidan taqdim etilgan maʼlumotlar, materiallar va hujjatlarni koʻrib chiqish, oʻrganish va tahlil qilish;
2-bosqich — tanlov ishtirokchisining fan yoʻnalishi boʻyicha test sinovidan oʻtish;
3-bosqich — tanlov ishtirokchisi fan yoʻnalishi boʻyicha 10 daqiqalik mahorat darsini oʻtishi.
55. Tanlov ishtirokchilarining shaxsiy va ishbilarmonlik fazilatlari, ularning qonunchilik hujjatlarida belgilangan pedagoglik kompetensiyalari vakolati doirasida pedagogik faoliyatni amalga oshirish qobiliyati Tanlov komissiyasi tomonidan ballar tizimi boʻyicha oʻtkazilgan suhbat davomida baholanadi va natijalari baholash varagʻiga kiritiladi.
56. Tanlov ishtirokchisi tomonidan taqdim etilgan materiallar quyidagi yoʻnalishlar boʻyicha tahlil qilinadi va baholanadi:
oʻquv ishlari: oʻquvchilarning koʻnikma va malakalarini shakllantirish, ularning bilim faolligini rivojlantirish;
tarbiyaviy ishlar: oʻquvchilarning xulq-atvorini shakllantirish;
fan boʻyicha darsdan tashqari ishlar;
oʻquvchilarning ota-onalari bilan ishlashni tashkil etish;
ilmiy-uslubiy ishlar — pedagogik texnologiyalardan keng foydalanish, pedagogik mahorati va koʻnikmalarini oshirish (mustaqil taʼlim, kurs ishlari).
57. Eng koʻp ball toʻplagan tanlov ishtirokchilari tanlov gʻoliblari deb eʼtirof etiladi.
58. Tanlov natijalari toʻplangan ballar soniga muvofiq tanlov ishtirokchilarining reytingi shaklida yigʻilish bayonnomasiga kiritilishi kerak.
Tanlov komissiyasi majlisining bayonnomasi tanlov oʻtkazilgan kuni majlisda ishtirok etgan komissiya raisi, rais oʻrinbosari, kotibi va barcha aʼzolari tomonidan imzolanadi.
59. Tanlov tashkilotchisi:
tanlov gʻoliblari aniqlangan sanadan boshlab uch ish kuni mobaynida ishtirokchilarni uning natijalari toʻgʻrisida yozma ravishda xabardor qiladi;
qonunchilik hujjatlarida belgilangan tartibda tanlov gʻoliblari bilan mehnat shartnomalarini tuzadi.
60. Tanlov gʻolibi mehnat shartnomasi tuzishni rad etgan taqdirda, tanlov tashkilotchisi reytingda ikkinchi oʻrinni egallagan tanlov ishtirokchisi bilan mehnat shartnomasini tuzadi. Reytingda ikkinchi oʻrinni egallagan tanlov ishtirokchisi mehnat shartnomasi tuzishdan bosh tortgan taqdirda, tanlov tashkilotchisi qayta tanlov oʻtkazilishini eʼlon qiladi.
61. Tanlovda ishtirok etishga ruxsat etilmagan, shuningdek, tanlovda ishtirok etgan, lekin tanlov gʻoliblari sifatida belgilanmagan tanlov ishtirokchilarining hujjatlari belgilangan tartibda saqlanadi.
62. Xorijiy mutaxassislarni tanlash (yollash) tanlov komissiyasi tomonidan agentlik va taʼlim sohasida xizmatlar koʻrsatuvchi ixtisoslashtirilgan xorijiy tashkilotlar oʻrtasidagi shartnomada belgilangan tartibda amalga oshiriladi.
7-bob. Prezident maktablari xodimlarining mehnatiga haq toʻlash
63. Prezident maktablarida lavozimlar va shtat birliklarining namunaviy shtatlar jadvali ushbu Nizomga 1-ilovaga muvofiq kiritiladi.
64. Prezident maktablari oʻqituvchilarining pedagogik yuklamalari umumtaʼlim muassasalari uchun oʻrnatilgan tartibda belgilanadi.
65. Prezident maktablari xodimlarining ish haqi ushbu Nizomda nazarda tutilgan asosiy ish haqini, shuningdek, qoʻshimcha toʻlovlar va ustama haqni oʻz ichiga oladi.
66. Prezident maktablarining maʼmuriy-boshqaruv, pedagogik, oʻquv-yordamchi, texnik va xizmat koʻrsatuvchi xodimlari lavozim maoshiga 100 foiz oylik ustama haq toʻlanadi.
66 1 . Davlat budjeti mablagʻlari hisobidan Prezident maktablarining mahalliy oʻqituvchilariga ularning tarif stavkasiga nisbatan 350 foiz miqdorida har oylik qoʻshimcha ustama toʻlanadi.
Bunda ustama pedagoglar tomonidan quyidagi shartlarning barchasi bajarilgan taqdirda toʻlanadi:
Kembrij (Cambridge Assessment International Education) xalqaro taʼlim dasturlari asosida dars beriladigan fanlarni oʻqitish boʻyicha 3 ta (Introductory, Extension, Marking (Focus on Assessment yoki Focus on Teaching) kursni muvaffaqiyatli tugatish va bu haqida tegishli sertifikat olish;
Prezident maktablarida kamida bir yillik ish stajiga va chet tilini bilish boʻyicha kamida S1 darajadagi yoki unga tenglashtirilgan mos darajadagi xalqaro sertifikatga ega boʻlish.
67. Prezident maktablarining maʼmuriy-boshqaruv, pedagogik, oʻquv-yordamchi xodimlarini yuqori malakali va samarali mehnatini moddiy ragʻbatlantirish va mukofotlash, oʻz kasbiga sadoqatliligi, tashabbuskorligi va professionalligini oshirish maqsadida Prezident maktablari xodimlarini moddiy ragʻbatlantirish jamgʻarmasidan (keyingi oʻrinlarda Moddiy ragʻbatlantirish jamgʻarmasi deb ataladi) toʻlanadigan tayanch lavozim maoshiga nisbatan har oylik va bir martalik ustama haqlar ushbu Nizomga 2-ilovaga muvofiq belgilanadi.
68. Moddiy ragʻbatlantirish jamgʻarmasi barcha Prezident maktablarida tashkil etiladi va Prezident maktabi ish haqi fondining 200 foizidan koʻp boʻlmagan miqdorda tuziladi.
69. Agar ish shartlari va hajmi boʻyicha ushbu Nizom bilan tasdiqlangan namunaviy shtatlar ularga tatbiq etilmasa, agentlik mehnatga haq toʻlashning tasdiqlangan fondi (10 foizdan koʻp boʻlmagan) doirasida Prezident maktablarining shtat birliklari soniga oʻzgartirishlar kiritish huquqiga ega.
70. Vazirlar Mahkamasining 2019-yil 25-martdagi 244-son qarori bilan tasdiqlangan Oʻzbekiston Respublikasiga xorijdan ishchi kuchini jalb qilish va undan foydalanish tartibi toʻgʻrisidagi nizomning 4-bandiga muvofiq yuqori malakali va (yoki) malakali mutaxassislarni, shuningdek, Prezident maktablarida ishlash uchun oʻqituvchilar va mutaxassislarni jalb etishda ish beruvchining ruxsatnoma olishi talab etilmaydi.
71. Xorijiy oʻqituvchi va mutaxassislarning (keyingi oʻrinlarda xorijiy mutaxassislar deb ataladi) mehnatiga haq toʻlash ular bilan tuzilgan shartnoma asosida amalga oshiriladi. Mehnatga haq toʻlash miqdori xorijiy mutaxassislarning malakasi va tajribasidan kelib chiqqan holda, shu bilan birga mukofotning chegaralangan summasi oyiga 5000 (besh ming) AQSH dollari (yoki ekvivalent)dan oshmasligi lozim.
Xorijiy mutaxassislarning mehnatiga haq toʻlash mehnat shartnomasida belgilangan miqdorda erkin konvertatsiya qilinadigan valyutada amalga oshiriladi.
72. Xorijiy mutaxassislar bilan tuzilgan shartnomada xorijiy mutaxassislarni va ularning oila aʼzolarini (turmush oʻrtogʻi va voyaga yetmagan farzandlari) turar joy bilan taʼminlash, ikki tomonga aviachiptalarni sotib olish, tibbiy xizmat koʻrsatish (tibbiy sugʻurta) xarajatlarini Prezident maktablari tomonidan qoplash toʻgʻrisida (qisqa muddatli xorijiy mutaxassislar bundan mustasno) hamda qonunchilik hujjatlarida belgilangan tartibda boshqa shartlar nazarda tutilishi mumkin.
8-bob. Prezident maktablari faoliyatini moliyalashtirish va moddiy taʼminlash tartibi
73. Quyidagilar Prezident maktablarini moliyalashtirish manbalari hisoblanadi:
Oʻzbekiston Respublikasi Davlat budjeti mablagʻlari;
Agentlik huzuridagi Iqtidorli yoshlarni qoʻllab-quvvatlash jamgʻarmasi mablagʻlari;
yuridik va jismoniy shaxslarning homiylik xayriyalari;
Prezident maktablarining budjetdan tashqari mablagʻlari, shuningdek, qonunchilik hujjatlari bilan ruxsat etilgan pullik taʼlim xizmatlari koʻrsatishdan va boshqa faoliyat turlaridan tushgan mablagʻlar.
74. Prezident maktablari belgilangan tartibda tasdiqlangan va Agentlikda roʻyxatdan oʻtgan xarajatlar smetasi asosida moliyalashtiriladi.
75. Prezident maktablari Agentlikka taqdim etish uchun belgilangan tartibda buxgalteriya hisobotini yuritadi.
9-bob. Yakunlovchi qoidalar
76. Prezident maktablari qonunchilik hujjatlarida belgilangan tartibda qayta tashkil etiladi va tugatiladi.
77. Prezident maktablarini qayta tashkil etish yoki tugatish, qoidaga koʻra, oʻquv yilining oxirida amalga oshiriladi, bunda Qoraqalpogʻiston Respublikasi Maktabgacha va maktab taʼlimi vazirligi, viloyatlar va Toshkent shahar maktabgacha va maktab taʼlimi boshqarmalari oʻquvchilarning ota-onalari (qonuniy vakillari) bilan kelishilgan holda, ularni boshqa umumtaʼlim muassasalariga oʻtkazish uchun javobgarlikni oʻz zimmalariga oladi.
78. Moliyaviy-iqtisodiy faoliyatni amalga oshirish, hisob va hisobot, ish haqi boʻyicha hisob-kitoblarning toʻgʻriligi va oʻz vaqtida bajarilishi hamda majburiy toʻlovlarni toʻlash masʼuliyati Prezident maktablarining Ijrochi direktori va bosh buxgalteri zimmasiga yuklanadi.
Prezident maktablari toʻgʻrisida nizomga 1-ILOVA
Prezident maktablarining lavozimlar va shtat birliklarining
T/r Lavozim nomi Shtat birligi miqdori I. Maʼmuriy-boshqaruv xodimlari 1. Ijrochi direktor 1 2. Oʻquv ishlari boʻyicha direktor 1 3. Maxsus fanlar boʻyicha direktor oʻrinbosari 1 4. Maʼnaviy-maʼrifiy ishlar boʻyicha direktor oʻrinbosari 1 5. Yoshlarni harbiy-vatanparvarlik ruhida va chaqiriqqacha harbiy tayyorlash boʻyicha direktor oʻrinbosari 1 6. Bosh buxgalter 1 7. Kadrlar boʻyicha menejer 1 II. Oʻquv-yordamchi xodimlar 8. Kutubxonachi 1 9. Yoshlar yetakchisi 1 10. Psixolog 1 11. Toʻgarak rahbari 4 12. Oʻquv boʻlimi uslubchisi 1 1 13. Jismoniy tarbiya oʻqituvchisi (suzish boʻyicha) 2 1 14. Tarbiyachi 3 7 15. Navbatchi tarbiyachi 4 4,8 III. Texnik va xizmat koʻrsatuvchi xodimlar 16. Xoʻjalik ishlari mudiri 1 17. Ish yurituvchi-kotiba 1 18. Laborant 5 4 19. Muhandis-dasturchi 6 1 20. Hamshira (sutkalik navbatchilik uchun) 4 21. Haydovchi 7 * 22. Santexnik 8 * 23. Elektromonter 9 * 24. Farrosh 10 * 25. Isitish markazi operatori 11 3 26. Dezinfeksiyalovchi 1 27. Qorovul 12 8 28. Bogʻbon 1 29. Koʻcha supuruvchi 1 30. Duradgor 1 31. Yotoqxona komendanti 13 1 32. Xoʻjalik bekasi 1 33. Kirlarni yuvish boʻyicha mashinist 1 Jami: 56,8 **
Prezident maktablari toʻgʻrisida nizomga 2-ILOVA
Prezident maktablarining mahalliy oʻqituvchilari va xodimlarini qoʻshimcha moddiy ragʻbatlantirish tartibi toʻgʻrisida
1-bob. Umumiy qoidalar
1. Ushbu Nizom Prezident maktablarining mahalliy oʻqituvchilari va xodimlarini (oʻrindosh xodimlar) qoʻshimcha moddiy ragʻbatlantirish tartibini belgilaydi.
2. Prezident maktablarining xodimlari uchun belgilanadigan ragʻbatlantiruvchi (qoʻshimcha) toʻlovlar va ustamalar qonunchilik hujjatlariga muvofiq boshqa moddiy ragʻbatlantirish turlariga qoʻshimcha tarzda belgilanadi.
2-bob. Ragʻbatlantiruvchi (qoʻshimcha) toʻlovlar va ustamalar hamda ularni toʻlash shartlari
3. Prezident maktablari xodimlariga har oylik va bir martalik ragʻbatlantiruvchi (qoʻshimcha) toʻlovlar belgilanishi mumkin.
Mazkur Nizomda belgilangan ragʻbatlantiruvchi (qoʻshimcha) toʻlovlar roʻyxati va miqdori Prezident maktabi Ijrochi direktorining buyrugʻi asosida belgilanadi.
4. Xodimlarga ustamalar quyidagicha belgilanadi:
asosiy ish joyidan shtat jadvaliga va Prezident maktabi tarifikatsiyasiga muvofiq bazaviy ish haqiga nisbatan foiz hisobida;
oʻrindoshlik asosida soatbay ish haqiga nisbatan foiz hisobida.
5. Pedagog xodimlarga har oylik ustamalar quyidagi miqdorlarda va samaradorlik mezonlari asosida belgilanishi mumkin:
a) oʻquvchilarning mustaqil nazorat ishlari (kirish, oraliq, yakuniy nazorat) natijalari boʻyicha pedagog xodim faoliyatining samaradorligini baholash. Samaradorlik mezonlari pedagog dars olib boradigan barcha sinflarda barcha oʻquvchilarning oʻrtacha ballari boʻyicha hisoblanadi. Bunda:
yuqori natijalar (aʼlo) uchun — asosiy ish haqining 100%;
yaxshi natijalar (yaxshi) uchun — asosiy ish haqining 50% miqdorida ustamalar belgilanadi;
b) oʻquvchilarning mustaqil nazorat ishlari yakunlari (kirish, oraliq, yakuniy nazorat) boʻyicha pedagog xodimning taʼlim berish natijalari ijobiy dinamikasining samaradorlik mezonlari ketma-ket ikki nazorat ishi natijalari boʻyicha barcha oʻquvchilarning oʻrtacha ballari oʻrtasidagi farq sifatida hisoblanadi. Bunda ijobiy oʻzgarishlarning aniq dinamikasi (oʻrtacha ballning 10% dan ortiq oʻsishi) — 50% tayanch ish haqi sifatida belgilanadi;
Ushbu ustama pedagog xodimning natijalari ushbu bandning “a” kichik bandi boʻyicha qoʻshimcha haq toʻlash uchun yetarli boʻlmagan holatda belgilanadi;
v) oʻquv yili yakunlariga koʻra, barcha Prezident maktablari oʻquvchilari oʻrtasida oʻquvchilarning mustaqil nazorat ishlari (yakuniy nazorat) natijalari boʻyicha pedagog xodim faoliyatining samaradorligini baholash. Samaradorlik mezonlari pedagog dars olib boradigan sinflarda barcha oʻquvchilarning oʻrtacha ballari boʻyicha hisoblanadi. Bunda:
eng yaxshi natija (1-oʻrin) — asosiy ish haqining 60%;
ikkinchi eng yaxshi natija (2-oʻrin) — asosiy ish haqining 40%;
uchinchi eng yaxshi natija (3–oʻrin) — asosiy ish haqining 20% miqdorida ustamalar belgilanadi;
g) oraliq va yakuniy nazoratlar uchun sinov materiallarini ishlab chiqish:
1 ta variant uchun — 15%;
2 ta variant uchun — 20%;
3 ta variant uchun — 25% miqdorida ustamalar belgilanadi;
d) oʻquvchining kurs yoki loyiha ishiga rahbarlik qilinadigan har bir loyiha ishi uchun — 25%;
e) oʻquvchilarni qoʻshimcha va fakultativ darslarga jalb qilish boʻyicha pedagog (sinf rahbari) faoliyatining faolligi. Ushbu koʻrsatkich oʻqituvchining sinf rahbarligi ostida sinfda oʻquvchilarning umumiy soniga fakultativ, toʻgaraklar va boshqa tizimli darslarga qatnaydigan oʻquvchilarning ulushi sifatida hisoblanadi;
70 dan 100% gacha — asosiy ish haqining 30%;
40 dan 69% gacha — asosiy ish haqining 15%;
j) pedagogning ingliz tilini bilish darajasini belgilovchi CEFR B2 yoki undan yuqori darajadagi, ingliz tili fani oʻqituvchilari uchun esa CEFR C1 yoki undan yuqori darajadagi milliy yoki xalqaro tan olingan sertifikati boʻlsa, asosiy ish haqining 60%;
z) Times Nigher Education (TNE), QS World University Rankings universitetlari reytingiga yoki pedagogika boʻyicha milliy taʼlim va/yoki ilmiy muassasalar ilmiy darajasiga koʻra TOP-1000 roʻyxatiga kiritilgan yetakchi xorijiy taʼlim muassasalarining diplomi mavjudligi:
yetakchi xorijiy taʼlim muassasalari magistri diplomi yoki unga tenglashtirilgan, milliy taʼlim va/yoki ilmiy muassasalarning fan nomzodi darajasi — lavozim maoshining 50%;
yetakchi xorijiy taʼlim muassasalarining PhD darajasi yoki unga tenglashtirilgan, milliy taʼlim va/yoki ilmiy muassasalarning fan doktori darajasi — lavozim maoshining 100% ni tashkil etadi.
Ushbu samaradorlik mezonlari uchun ustama pedagogning (ilmiy jihatdan asoslangan yangi, ilgʻor oʻqitish usullarini ishlab chiqish (joriy etish) boʻyicha) faol uslubiy ishlarini koʻzda tutadi. Oʻqituvchining metodologik ishining qoniqarsiz natijalari yuzaga kelganda, ustama bekor qilinishi mumkin. Anjumanlarda maʼruzalar bilan ishtirok etmaslik, nashrlarda maqolalarning va oʻquv-uslubiy ishlanmalarning yoʻqligi qoniqarsiz natija hisoblanadi;
i) Olimpiada gʻoliblari va sovrindorlarini tayyorlash boʻyicha pedagogning natijalari (ustama miqdorini hisoblashning eng yaxshi uchta sovrinli oʻrni uchun qoʻshimcha toʻlovlar bilan cheklangan):
shahar miqyosida (1 — 3 oʻrin uchun)
1- oʻrin uchun — asosiy ish haqining 45%;
2-oʻrin uchun — asosiy ish haqining 30%;
3-oʻrin uchun — asosiy ish haqining 15%;
viloyat (hududiy) miqyosida:
1-oʻrin uchun — asosiy ish haqining 60%;
2-oʻrin uchun — asosiy ish haqining 40%;
3-oʻrin uchun — asosiy ish haqining 20%;
respublika miqyosida (1 — 3 oʻrin uchun):
1-oʻrin uchun (oltin medal) — asosiy ish haqining 100%;
2-oʻrin uchun (kumush medal) — asosiy ish haqining 75%;
3-oʻrin uchun (bronza medal) — asosiy ish haqining 50%;
xalqaro miqyosda (1 — 3 oʻrin uchun):
1-oʻrin uchun (oltin medal) — asosiy ish haqining 200%;
2-oʻrin uchun (kumush medal) — asosiy ish haqining 175%;
3-oʻrin uchun (bronza medal) — asosiy ish haqining 150%.
6. Pedagog xodimlarga bir martalik ustama quyidagi samaradorlik mezonlari asosida va quyidagi miqdorlarda belgilanishi mumkin:
a) oʻqituvchining professional tanlovlarda ishtirok etish natijasi:
shahar miqyosdagi mukofot — asosiy maoshning 50%;
respublika miqyosidagi sovrin — asosiy ish haqining 100%;
xalqaro miqyosdagi sovrin — asosiy ish haqining 150%;
b) umumiy oʻrta taʼlim sohasidagi xalqaro manbalarda (Scopus, WoS yoki analog) indekslangan jurnallarda maqola nashr etilishi — asosiy ish haqining 50% dan 200% gacha.
respublikada akkreditatsiyadan oʻtgan jurnallarda — 50%. Ushbu band boʻyicha jurnallarga qoʻyiladigan talablar Vazirlik tomonidan har oʻquv yili boshida belgilanadi;
v) maʼruzachi sifatida umumiy oʻrta taʼlim sohasidagi xalqaro konferensiya yoki seminarda maʼruzachi sifatida ishtirok etish — asosiy ish haqining 100%.
7. Maʼmuriy-boshqaruv xodimlariga oylik ustamalar quyidagi samaradorlik mezonlari asosida va quyidagi miqdorlarda belgilanishi mumkin:
a) rahbar xodimning ingliz tilini bilish darajasini belgilovchi CEFR B2 yoki undan yuqori darajadagi milliy va xalqaro tan olingan sertifikati boʻlsa, asosiy ish haqining 60%;
b) yetakchi xorijiy taʼlim muassasalarining diplomi (TOP-1000 roʻyxatiga kiritilgan Times Nigher Education (TNE), QS World University Rankings) yoki pedagogika yoxud boshqaruv (maʼmuriyat) boʻyicha milliy taʼlim va/yoki ilmiy muassasalarning ilmiy darajasi mavjudligi:
yetakchi xorijiy taʼlim muassasalari magistri diplomi yoki unga tenglashtirilgan, milliy taʼlim va/yoki ilmiy muassasalarning fan nomzodi darajasi — lavozim maoshining 50%;
yetakchi xorijiy taʼlim muassasalarining PhD darajasi yoki unga tenglashtirilgan, milliy taʼlim va/yoki ilmiy muassasalarning fan doktori darajasi — lavozim maoshining 100% ni tashkil etadi.
v) mustaqil nazorat ishlari (kirish, oraliq, yakuniy nazorat) natijalari boʻyicha Prezident maktabi oʻquvchilarining oʻzlashtirish natijalarini baholash. Ishlash mezonlari barcha maktab oʻquvchilarining oʻrtacha balli:
yuqori natijalar (aʼlo) — asosiy ish haqining 60%;
yaxshi natijalar (yaxshi) — asosiy ish haqining 30%;
g) oʻqituvchilar uchun qulay shart-sharoitlarni taʼminlash va oʻquvchilarni maktabda oʻqitish. Ushbu koʻrsatkich maktabda taʼlim jarayonini sifatli tashkil etishni hisobga oladi, shu jumladan oʻquv jarayonida ishtirokchilar tomonidan rahbariyat faoliyatini baholash:
taʼlim jarayonlarini yuqori darajada sifatli tashkil qilish — asosiy ish haqining 60%;
taʼlim jarayonlarini yaxshi darajada sifatli tashkil qilish — asosiy ish haqining 30%;
d) Prezident maktablari reytingi natijalari. Reyting koʻrsatkichlari hisobining tartibi va mezonlari vazirlik tomonidan belgilanadi:
1) bitiruvchilarning universitetlarga kirishi;
yuqori koʻrsatkichlar — 80%;
oʻrta koʻrsatkichlar — 40%;
past koʻrsatkichlar — 0%;
2) Olimpiadalar gʻoliblari soni va darajasi:
yuqori koʻrsatkichlar — 70%;
oʻrta koʻrsatkichlar — 40%;
past koʻrsatkichlar — 0%;
3) oʻzlashtirish monitoringi natijalari:
yuqori koʻrsatkichlar — 80%;
oʻrta koʻrsatkichlar — 40%;
past koʻrsatkichlar — 10%.
8. Maʼmuriy-boshqaruv xodimlariga bir martalik toʻlovlar quyidagi samaradorlik mezonlari va miqdorlarda belgilanishi mumkin:
a) umumiy oʻrta taʼlim sohasi boʻyicha maqola nashr etish:
respublika jurnallarida — 50%;
xalqaro bazalarda indekslangan, taqriz qilingan jurnallarda — asosiy ish haqining 50% dan 200% gacha (jurnal faktorining impaktiga qarab). Ushbu band boʻyicha jurnallarga qoʻyiladigan talablar vazirlik tomonidan har oʻquv yili boshida belgilanadi;
b) umumiy oʻrta taʼlim sohasiga anjuman yoki seminarda maʼruza qilish;
viloyat (shahar) yoki respublika anjumanlarida — 50% (maʼruzachi sifatida);
xalqaro anjumanda — 100% (maʼruzachi sifatida).
9. Oʻquv-yordamchi xodimlarga oylik ustama haqi quyidagi samaradorlik mezonlari va miqdorlari asosida belgilanishi mumkin:
a) oʻquv-yordamchi xodimning ingliz tilini bilish darajasini belgilovchi CEFR B2 yoki undan yuqori darajadagi milliy va xalqaro tan olingan sertifikati boʻlsa, asosiy ish haqining 50%;
b) yetakchi xorijiy taʼlim muassasalarining diplomi (Times Nigher Education (TNE), QS World University Rankings universitetlari reytingiga TOP-1000 roʻyxatiga kiritilgan) yoki mutaxassisligi boʻyicha milliy taʼlim va/yoki ilmiy muassasalarning ilmiy darajasi mavjudligi:
yetakchi xorijiy taʼlim muassasalari magistri diplomi yoki unga tenglashtirilgan, milliy taʼlim va/yoki ilmiy muassasalarning fan nomzodi (falsafa doktori (PhD)) darajasi — lavozim maoshining 50%;
yetakchi xorijiy taʼlim muassasalarining PhD darajasi yoki unga tenglashtirilgan, milliy taʼlim va/yoki ilmiy muassasalarning fan doktori (DSc) darajasi — lavozim maoshining 100% ni tashkil etadi.
3-bob. Hisoblash tartibi
10. Ragʻbatlantiruvchi (qoʻshimcha) toʻlovlarni belgilash boʻyicha takliflar Prezident maktablari huzurida tashkil etilgan ishchi guruh (keyingi oʻrinlarda Ishchi guruh deb ataladi) aʼzolari tomonidan oʻrganib chiqiladi.
Ishchi guruh 5 kishidan kam boʻlmagan tarkibda Prezident maktabi Ijrochi direktori buyrugʻi bilan tasdiqlanadi. Ishchi guruh xulosasi Prezident maktabi direktoriga ragʻbatlantiruvchi toʻlovlarni toʻlash toʻgʻrisida buyruq chiqarish uchun kiritiladi.
Ishchi guruh aʼzolarining yigʻilish bayoni har chorakda, alohida hollarda esa zarur boʻlganda oʻtkaziladi.
Ishchi guruh yigʻilishi Ishchi guruh aʼzolarining kamida 80 foizi ishtirok etadigan boʻlsa, ovoz berishga ega (kvorum) hisoblanadi.
Xodimlarni ragʻbatlantiruvchi (qoʻshimcha) toʻlovlar miqdorlarini belgilash toʻgʻrisidagi qaror Ishchi guruh aʼzolarining ochiq ovoz berishlari orqali amalga oshiriladi. Qaror ovoz beruvchi (kvorum) ishtirokchilarining kamida uchdan ikki qismi ishtirokida qabul qilinadi.
Mehnat shartnomasi bekor qilinishi (xodim oʻz ish faoliyatida qonunni buzganligi tufayli ishdan ozod etilgan holatlardan tashqari), boshqa ishga oʻtishi va boshqa holatlar munosabati bilan toʻliq vaqt ishlab berilmagan boʻlsa, bir martalik toʻlov Prezident maktabi Ijrochi direktori bilan kelishilgan holda toʻlanadi.
Prezident maktabi xodimlariga qonunchilik hujjatlarida va Prezident maktabi jamoa shartnomasida nazarda tutilgan boshqa ragʻbatlantiruvchi toʻlovlar toʻlanishi mumkin.
Bitta xodimga bajarilgan ishlar miqdori hisobga olingan holda va ushbu Nizomning talablariga muvofiq bir vaqtning oʻzida bir nechta ragʻbatlantirish toʻlovlari turlarini belgilashga ruxsat etiladi.
Xodimlarni qoʻshimcha moddiy ragʻbatlantirish masalalari Ishchi guruh tomonidan bayonnoma koʻrinishida Prezident maktabi Ijrochi direktoriga taqdim etiladi.
Prezident maktabi direktorini ragʻbatlantirish va qoʻshimcha ustama haqi belgilash agentlik direktori tomonidan amalga oshiriladi.
Agentlik ragʻbatlantirish va qoʻshimcha ustama haqi belgilash toʻgʻriligini nazorat qiladi va buning uchun javobgar hisoblanadi.
11. Prezident maktablari xodimlarini ragʻbatlantirish va qoʻshimcha ustama haq toʻlash Oʻzbekiston Respublikasi Davlat budjeti hisobidan, Agentlik huzuridagi Iqtidorli yoshlarni qoʻllab-quvvatlash jamgʻarmasi mablagʻlari, homiylik xayriyalari hamda qonunchilik hujjatlarida taqiqlanmagan boshqa manbalar hisobidan amalga oshiriladi.
4-bob. Yakunlovchi qoidalar
12. Har yili 20-dekabrga qadar Prezident maktablari Agentlikka kelgusi yil uchun xarajatlar smetasi loyihasini tegishli asos va hisob-kitoblari bilan taqdim etadi.
13. Prezident maktablari har chorakda belgilangan tartibda Agentlikka ushbu mablagʻlardan foydalanganligi boʻyicha hisobot taqdim etadi.
14. Ragʻbatlantirish va ustama haq oylik maoshi bilan birga bir vaqtda toʻlab berilishi mumkin.
15. Ishchi guruh Prezident maktablari xodimlariga ustama haq belgilash va ragʻbatlantirish boʻyicha hujjatlar (bildirgi, buyruq va boshqalar) tayyorlanishi va koʻrib chiqilishini taʼminlaydi.
Prezident maktablari toʻgʻrisida nizomga 3-ILOVA
_____________________ shahridagi Prezident maktabiga hujjat topshiruvchi toʼgʼrisida MA'LUMOTNOMA Berildi ___________________________________________ Rasm 3 x 4 sm F.I.O (tugʻilganlik haqidagi guvohnomaga binoan) ____________________________________________________ haqiqatdan ham _____________ sinfda o`qiydi. __________________________________________________ Maktabning nomi va toʻliq manzili taʻlim muassasasining ustaviga binoan * Talabgor haqida ma'lumot Doimiy yashash joyi va to'liq manzili Talabgorning doimiy yashash joyining toʻliq manzilini koʻrsating (viloyat, shahar, tuman, qishloq, koʻcha, uy, xonadon) Yashash joyi va toʻliq manzili Talabgorning yashash joyining toʻliq manzilini koʻrsating (viloyat, shahar, tuman, qishloq, koʻcha, uy, xonadon) Tugʻilganlik haqidagi guvohnoma seriyasi va raqami (Talabgorning tugʻilganlik haqidagi guvohnomasining seriyasi va raqamini koʻrsating) Tugʻilgan sanasi (Talabgorning tugʻilgan kuni, oyi, yilinikoʻrsating) Ta'lim tili (Talabgorning ta'lim tilini koʻrsating) Sinf rahbari F.I.O. va telefon raqami (Talabgorning sinf rahbarining F.I.O va telefon raqamini koʻrsating) Maktabning toʻliq nomi va manzili, telefon raqami Ota-onaning SMS xabar olishi uchun telefon raqami (kodi bilan) (qabulga oid maʼlumotlar koʼrsatilgan telefon raqamga sms xabar orqali etkaziladi) Qo'shimcha telefon raqam (kod bilan) * Ota-onalar (qonuniy vakillari) haqida ma'lumot: Qarindoshligi F.I.O. Pasport ma'lumotlari (pasport seriyasi va raqami, qachon va kim tomonidan berilgan) Yashash manzili, telefon raqami Ota-onalardan biri yoki ularning o`rnini bosuvchi shaxs SMS — xabarnoma uchun telefon raqami (kod bilan) Qo'shimcha telefon raqami (kod bilan) Mening farzandim Prezident maktabida oʼqish uchun kirish imtihonlarida ishtirok etishiga ruxsat berishingizni so'rayman. Prezident maktabi maktab-internat shaklida tashkil etilishi toʼgrisida maʼlumot oldim hamda farzandim 5 kun (dushanba-juma) kunlari davomida maktab hududida qolib o'qishiga qarshi emasman. Men taqdim etgan barcha ma'lumotlarning to'liq va haqqoniy ekanligini tasdiqlayman. Bila turib yolg'on yoki to'liq bo'lmagan ma'lumotlarni taqdim etish farzandimning natijalarni e'lon qilishdan oldin istalgan bosqichda tanlovdan chiqarilishiga olib kelishidan habardorman. Farzandimning shaxsiy ma'lumotlarini, tanlovda ishtirok etish jarayonida Prezident maktabi tomonidan olingan tanlov natijalarini, qabul komissiyasi a'zolari, xorijiy hamkorlar, davlat organlari, ekspertlar va boshqa manfaatdor tashkilotlarga topshirilishiga, shuningdek, tanlov natijalarini Prezident maktablarining rasmiy veb-saytiga joylashtirilishiga e'tiroz bildirmayman. Kirish imtihonlarining natijalari qayta ko'rilmaydi, test sinovlari yakunida imtihon materiallari talabgorlarga berilmaydi. ____________________________ Imzo ______________ Ota-onalardan biri yoki ularning o`rnini bosuvchi shaxsning (F.I.O) 20____yil “___”_______________ Maktab direktori_______________ Imzo ______________ M.Oʻ. 20____yil “___” _________
Oʻzbekiston Respublikasining Bosh vaziri A. ARIPOV
Toshkent sh.,
2019-yil 25-iyun,
526-son