📅 2019-yil 25-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 25 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 25 июня 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 25 June 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент шаҳрида Вестминстер халқаро мактабини ташкил этиш тўғрисида
Болаларга таълим бериш ва тарбиялаш тизимига илғор халқаро амалиётда синовдан ўтказилган усуллар ва замонавий технологияларни жорий этиш, умумий ўрта таълим соҳасида халқаро ҳамкорликни кенгайтириш, умумий ўрта таълим тизимига хусусий инвестицияларни кенг жалб қилиш мақсадида, шунингдек, 2017 ― 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастурига мувофиқ Вазирлар Маҳкамаси қарор қилади:
1. Тошкент шаҳар ҳокимлиги, Халқ таълими вазирлиги ва «Westminster International School in Tashkent» масъулияти чекланган жамиятнинг Тошкент шаҳрида Вестминстер халқаро мактабини (кейинги ўринларда Мактаб деб аталади) ташкил этиш тўғрисидаги таклифи қабул қилинсин.
2. Қуйидагилар Мактаб фаолиятининг асосий вазифалари ва йўналишлари этиб белгилансин:
иқтидорли болаларни аниқлаш, танлаш ва ўқитиш, уларнинг ҳар томонлама камол топиши учун шарт-шароитлар яратиш, шунингдек, уларнинг интеллектуал, илмий ва ижодий салоҳиятини рўёбга чиқариш;
гуманитар, табиий ва аниқ фанларни чуқурлаштирилган ҳолда ўрганишни ташкил этиш, ўқувчиларнинг чет тиллари ва ахборот-коммуникация технологияларини ўргатиш, ўқувчиларда ижодий тафаккурни ривожлантириш учун зарур шарт-шароитлар яратиш;
таълим жараёнида ахборот-коммуникация технологияларидан кенг фойдаланган ҳолда ўқитиш ва баҳолашнинг илғор усулларини жорий этиш;
ўқувчиларни касб-ҳунарга йўналтириш, уларда етакчилик кўникмалари ва нотиқлик санъатини ривожлантириш, танқидий фикрлаш, ахборотни излаш, таҳлил қилиш ва қайта ишлаш, олинган билимларни амалиётда қўллаш малакасини ошириш;
маҳаллий ва хорижий таълим муассасалари билан ўқув дастурларини жорий этиш, келгусида республикадаги илғор хорижий олий таълим муассасалари ва уларнинг филиалларида битирувчилар ўқишини таъминлаш масалаларида ҳамкорликни йўлга қўйиш;
етакчи хорижий таълим ва илмий-тадқиқот муассасалари билан ҳамкорликни ривожлантириш ва мустаҳкамлаш, таълим жараёнига юқори малакали мутахассислар, шу жумладан чет эллик ва чет элда илғор халқаро таълим амалиётлари ва таълим дастурларини жорий этиш соҳасида фаолият юритаётган ватандошларни жалб қилиш.
3. Белгилаб қўйилсинки:
Мактаб нодавлат таълим муассасаси ҳисобланади;
Мактабда ўқув-услубий ва таълим жараёни Тошкент шаҳридаги Халқаро Вестминстер университети ва бошқа етакчи хорижий умумтаълим ва олий таълим муассасалари (кейинги ўринларда хорижий ҳамкорлар деб аталади) билан тузилган шартномалар асосида ҳамкорликда амалга оширилади;
Мактабда таълим жараёни хорижий таълим муассасалари билан ҳамкорликда ишлаб чиқилган ўқув режалари ва дастурлари бўйича инглиз тилида олиб борилади;
Мактаб битирувчиларига таълим тўғрисидаги давлат намунасидаги ҳужжат билан бир қаторда (шаҳодатнома, аттестат) етакчи хорижий олий таълим муассасаларига кириш имконини берувчи халқаро даражадаги дастурларнинг дипломи (International Baccalaureate, Advanced Placement ёки International Advanced Levels) берилади;
Мактабга қабул қилиш тартиби ва қоидалари хорижий ҳамкорлар билан келишилган ҳолда белгиланади;
таълим Мактаб томонидан белгиланадиган тўлов-контракт асосида амалга оширилади.
4. Ўзбекистон Республикаси Халқ таълими вазирлиги ва Вазирлар Маҳкамаси ҳузуридаги таълим сифатини назорат қилиш Давлат инспекцияси Мактабнинг таъсис ҳужжатларини ишлаб чиқиш ва уларни давлат рўйхатидан ўтказиш, шунингдек белгиланган тартибда фаолиятини лицензиялашда амалий ёрдам кўрсатсин.
5. «Natural Eko Gaz» МЧЖнинг Мактабни Тошкент шаҳри, Мирзо Улуғбек тумани, Бойкент кўчаси, 32-уйда жойлашган бино ва иншоотларда жойлаштириш тўғрисидаги ташаббуси қўллаб-қувватлансин.
6. Белгилаб қўйилсинки, Мактабнинг жорий фаолиятини молиялаштириш, бино ва иншоотларни қуриш, реконструкция қилиш ва капитал таъмирлаш, шунингдек зарур ўқув ва лаборатория ускуналари, мебель, компьютер техникаси, ўқув ва методик адабиётлар билан таъминлаш ҳамда бошқа моддий-техник базасини шакллантириш:
Мактаб таъсисчиларининг маблағлари ва ўқувчиларни тўлов-контракт асосида ўқитишдан тушадиган тушумлар;
халқаро молия институтлари ва хорижий ташкилотларнинг, шу жумладан хорижий ҳамкорларнинг маблағлари, жисмоний ва юридик шахсларнинг хайрия эҳсонлари ва қонунчиликда тақиқланмаган бошқа манбалар ҳисобидан амалга оширилади.
7. Тошкент шаҳар ҳокимлиги 2019/2020 ўқув йили бошлангунига қадар:
Мактабга унинг бино ва иншоотларини реконструкция қилиш ва капитал таъмирлаш бўйича зарур лойиҳа-смета ҳужжатларини тайёрлашда кўмаклашсин;
қурилиш ва санитария меъёрларини ҳисобга олган ҳолда мактабга туташ ҳудудни ободонлаштириш чораларини кўрсин.
8. Ўзбекистон Республикаси Ташқи ишлар вазирлиги белгиланган тартибда мактаб буюртманомалари бўйича ушбу қарор доирасида жалб этиладиган хорижий ўқитувчилар ва мактаб маъмурий ходимларига, шунингдек уларнинг оила аъзоларига консуллик ва бошқа йиғимларни ундирмасдан кириш визалари расмийлаштирилишини таъминласин.
9. Ўзбекистон Республикаси Ички ишлар вазирлиги белгиланган тартибда мактаб буюртманомалари бўйича ушбу қарор доирасида жалб этиладиган хорижий ўқитувчилар ва мактаб маъмурий ходимларига, шунингдек уларнинг оила аъзоларига давлат божини ундирмасдан кўп маротабалик визаларни бериш ва узайтириш, шунингдек вақтинчалик яшаш жойида вақтинчалик рўйхатдан ўтиш ва узайтиришни таъминласин.
10. Ўзбекистон Республикаси Президентининг « Халқ таълими тизимига бошқарувнинг янги тамойилларини жорий этиш чора-тадбирлари тўғрисида » 2018 йил 5 сентябрдаги ПҚ-3931-сон ҳамда « Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида » 2017 йил 15 сентябрдаги ПҚ-3276-сон қарорлари билан қуйидагилар:
а) 2025 йил 1 январгача нодавлат умумтаълим муассасалари қуйидаги тўловлардан озод этилгани:
барча турдаги солиқлар (ижтимоий солиқдан ташқари) ва йиғимлардан, бунда озод қилинаётган маблағлар уларни замонавий ўқув воситалари билан жиҳозлаш, зарур маҳсулотлар ва жиҳозлар сотиб олиш, бино ва иншоотларни реконструкция қилиш, капитал таъмирлаш ҳамда аҳолининг ижтимоий ҳимояга муҳтож қатламига бепул таълим хизматларини кўрсатишга мақсадли йўналтирилади;
меҳнат шартномаси асосида таълим-тарбия жараёнига жалб қилинган хорижий ўқитувчи ва мутахассисларнинг ойлик иш ҳақидан ягона ижтимоий тўлов;
Ўзбекистон Республикасида ишлаб чиқарилмайдиган, белгиланган тартибда шакллантириладиган рўйхатлар бўйича нодавлат умумтаълим муассасаларини жиҳозлаш ва фаолиятини таъминлаш учун олиб кириладиган замонавий ўқув ва лаборатория ускуналари, компьютер техникаси, дастурий маҳсулотлар, ўқув ва илмий-методик адабиётлар, анжомлар ва моддий-техник ресурслар 2025 йил 1 январга қадар муддатга божхона тўловларидан (божхона расмийлаштируви учун йиғимлар бундан мустасно);
б) Мактабгача ва умумий ўрта таълим соҳасида нодавлат таълим хизматларини кўрсатадиган юридик шахслар ижтимоий ҳимояга муҳтож оилаларнинг қобилиятли ва иқтидорли фарзандларини танлов асосида муассасадаги жами ўқувчилар умумий сонининг 10 фоизидан кам бўлмаган миқдорда таълим хизматларини кўрсатиш эвазига келиб тушган даромадлар ҳисобидан бепул (грант асосида) ўқишга қабул қилиши, кейинги йилларда ўқувчиларни бепул (грант асосида) ўқитишни давом эттириш бўйича қарор нодавлат таълим хизматларини кўрсатиш фаолияти билан шуғулланувчи юридик шахс томонидан таълим олувчининг оилавий шароити ва унинг академик натижаларидан келиб чиққан ҳолда қабул қилиниши белгилаб қўйилганлиги маълумот учун қабул қилинсин.
11. 2021 йил 1 январь кунига қадар Ўзбекистон Республикасида ишлаб чиқарилмайдиган, мактаб қурилиши учун мўлжалланган, белгиланган тартибда шакллантириладиган рўйхатлар бўйича олиб кириладиган қурилиш материаллари ва пол қопламалари, сантехника буюмлари, мултимедиа маҳсулотлари божхона тўловларидан (божхона расмийлаштируви учун йиғимлар бундан мустасно) озод қилинсин.
Белгилаб қўйилсинки, ушбу бандга мувофиқ олиб кирилган ашёлар мақсадсиз фойдаланилган тақдирда имтиёзлар берилиши муносабати билан тўланмаган божхона тўловлари қонунчиликда белгиланган молиявий санкцияларни қўллаган ҳолда Ўзбекистон Республикасининг давлат бюджетига ундирилади.
12. Мазкур қарорнинг ижросини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов, Тошкент шаҳар ҳокими Ж.А. Артикходжаев ва Ўзбекистон Республикаси халқ таълими вазири Ш.Х. Шерматов зиммасига юклатилсин.
Ўзбекистон Республикасининг Бош вазири А. АРИПОВ
Тошкент ш.,
2019 йил 25 июнь,
527-сон
Oʻzbekiston Respublikasi Vazirlar Mahkamasining
qarori
Toshkent shahrida Vestminster xalqaro maktabini tashkil etish toʻgʻrisida
Bolalarga taʼlim berish va tarbiyalash tizimiga ilgʻor xalqaro amaliyotda sinovdan oʻtkazilgan usullar va zamonaviy texnologiyalarni joriy etish, umumiy oʻrta taʼlim sohasida xalqaro hamkorlikni kengaytirish, umumiy oʻrta taʼlim tizimiga xususiy investitsiyalarni keng jalb qilish maqsadida, shuningdek, 2017 ― 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid davlat dasturiga muvofiq Vazirlar Mahkamasi qaror qiladi:
1. Toshkent shahar hokimligi, Xalq taʼlimi vazirligi va “Westminster International School in Tashkent” masʼuliyati cheklangan jamiyatning Toshkent shahrida Vestminster xalqaro maktabini (keyingi oʻrinlarda Maktab deb ataladi) tashkil etish toʻgʻrisidagi taklifi qabul qilinsin.
2. Quyidagilar Maktab faoliyatining asosiy vazifalari va yoʻnalishlari etib belgilansin:
iqtidorli bolalarni aniqlash, tanlash va oʻqitish, ularning har tomonlama kamol topishi uchun shart-sharoitlar yaratish, shuningdek, ularning intellektual, ilmiy va ijodiy salohiyatini roʻyobga chiqarish;
gumanitar, tabiiy va aniq fanlarni chuqurlashtirilgan holda oʻrganishni tashkil etish, oʻquvchilarning chet tillari va axborot-kommunikatsiya texnologiyalarini oʻrgatish, oʻquvchilarda ijodiy tafakkurni rivojlantirish uchun zarur shart-sharoitlar yaratish;
taʼlim jarayonida axborot-kommunikatsiya texnologiyalaridan keng foydalangan holda oʻqitish va baholashning ilgʻor usullarini joriy etish;
oʻquvchilarni kasb-hunarga yoʻnaltirish, ularda yetakchilik koʻnikmalari va notiqlik sanʼatini rivojlantirish, tanqidiy fikrlash, axborotni izlash, tahlil qilish va qayta ishlash, olingan bilimlarni amaliyotda qoʻllash malakasini oshirish;
mahalliy va xorijiy taʼlim muassasalari bilan oʻquv dasturlarini joriy etish, kelgusida respublikadagi ilgʻor xorijiy oliy taʼlim muassasalari va ularning filiallarida bitiruvchilar oʻqishini taʼminlash masalalarida hamkorlikni yoʻlga qoʻyish;
yetakchi xorijiy taʼlim va ilmiy-tadqiqot muassasalari bilan hamkorlikni rivojlantirish va mustahkamlash, taʼlim jarayoniga yuqori malakali mutaxassislar, shu jumladan chet ellik va chet elda ilgʻor xalqaro taʼlim amaliyotlari va taʼlim dasturlarini joriy etish sohasida faoliyat yuritayotgan vatandoshlarni jalb qilish.
3. Belgilab qoʻyilsinki:
Maktab nodavlat taʼlim muassasasi hisoblanadi;
Maktabda oʻquv-uslubiy va taʼlim jarayoni Toshkent shahridagi Xalqaro Vestminster universiteti va boshqa yetakchi xorijiy umumtaʼlim va oliy taʼlim muassasalari (keyingi oʻrinlarda xorijiy hamkorlar deb ataladi) bilan tuzilgan shartnomalar asosida hamkorlikda amalga oshiriladi;
Maktabda taʼlim jarayoni xorijiy taʼlim muassasalari bilan hamkorlikda ishlab chiqilgan oʻquv rejalari va dasturlari boʻyicha ingliz tilida olib boriladi;
Maktab bitiruvchilariga taʼlim toʻgʻrisidagi davlat namunasidagi hujjat bilan bir qatorda (shahodatnoma, attestat) yetakchi xorijiy oliy taʼlim muassasalariga kirish imkonini beruvchi xalqaro darajadagi dasturlarning diplomi (International Baccalaureate, Advanced Placement yoki International Advanced Levels) beriladi;
Maktabga qabul qilish tartibi va qoidalari xorijiy hamkorlar bilan kelishilgan holda belgilanadi;
taʼlim Maktab tomonidan belgilanadigan toʻlov-kontrakt asosida amalga oshiriladi.
4. Oʻzbekiston Respublikasi Xalq taʼlimi vazirligi va Vazirlar Mahkamasi huzuridagi taʼlim sifatini nazorat qilish Davlat inspeksiyasi Maktabning taʼsis hujjatlarini ishlab chiqish va ularni davlat roʻyxatidan oʻtkazish, shuningdek belgilangan tartibda faoliyatini litsenziyalashda amaliy yordam koʻrsatsin.
5. “Natural Eko Gaz” MChJning Maktabni Toshkent shahri, Mirzo Ulugʻbek tumani, Boykent koʻchasi, 32-uyda joylashgan bino va inshootlarda joylashtirish toʻgʻrisidagi tashabbusi qoʻllab-quvvatlansin.
6. Belgilab qoʻyilsinki, Maktabning joriy faoliyatini moliyalashtirish, bino va inshootlarni qurish, rekonstruksiya qilish va kapital taʼmirlash, shuningdek zarur oʻquv va laboratoriya uskunalari, mebel, kompyuter texnikasi, oʻquv va metodik adabiyotlar bilan taʼminlash hamda boshqa moddiy-texnik bazasini shakllantirish:
Maktab taʼsischilarining mablagʻlari va oʻquvchilarni toʻlov-kontrakt asosida oʻqitishdan tushadigan tushumlar;
xalqaro moliya institutlari va xorijiy tashkilotlarning, shu jumladan xorijiy hamkorlarning mablagʻlari, jismoniy va yuridik shaxslarning xayriya ehsonlari va qonunchilikda taqiqlanmagan boshqa manbalar hisobidan amalga oshiriladi.
7. Toshkent shahar hokimligi 2019/2020 oʻquv yili boshlanguniga qadar:
Maktabga uning bino va inshootlarini rekonstruksiya qilish va kapital taʼmirlash boʻyicha zarur loyiha-smeta hujjatlarini tayyorlashda koʻmaklashsin;
qurilish va sanitariya meʼyorlarini hisobga olgan holda maktabga tutash hududni obodonlashtirish choralarini koʻrsin.
8. Oʻzbekiston Respublikasi Tashqi ishlar vazirligi belgilangan tartibda maktab buyurtmanomalari boʻyicha ushbu qaror doirasida jalb etiladigan xorijiy oʻqituvchilar va maktab maʼmuriy xodimlariga, shuningdek ularning oila aʼzolariga konsullik va boshqa yigʻimlarni undirmasdan kirish vizalari rasmiylashtirilishini taʼminlasin.
9. Oʻzbekiston Respublikasi Ichki ishlar vazirligi belgilangan tartibda maktab buyurtmanomalari boʻyicha ushbu qaror doirasida jalb etiladigan xorijiy oʻqituvchilar va maktab maʼmuriy xodimlariga, shuningdek ularning oila aʼzolariga davlat bojini undirmasdan koʻp marotabalik vizalarni berish va uzaytirish, shuningdek vaqtinchalik yashash joyida vaqtinchalik roʻyxatdan oʻtish va uzaytirishni taʼminlasin.
10. Oʻzbekiston Respublikasi Prezidentining “ Xalq taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida ” 2018-yil 5-sentabrdagi PQ-3931-son hamda “ Nodavlat taʼlim xizmatlari koʻrsatish faoliyatini yanada rivojlantirish chora-tadbirlari toʻgʻrisida ” 2017-yil 15-sentabrdagi PQ-3276-son qarorlari bilan quyidagilar:
a) 2025-yil 1-yanvargacha nodavlat umumtaʼlim muassasalari quyidagi toʻlovlardan ozod etilgani:
barcha turdagi soliqlar (ijtimoiy soliqdan tashqari) va yigʻimlardan, bunda ozod qilinayotgan mablagʻlar ularni zamonaviy oʻquv vositalari bilan jihozlash, zarur mahsulotlar va jihozlar sotib olish, bino va inshootlarni rekonstruksiya qilish, kapital taʼmirlash hamda aholining ijtimoiy himoyaga muhtoj qatlamiga bepul taʼlim xizmatlarini koʻrsatishga maqsadli yoʻnaltiriladi;
mehnat shartnomasi asosida taʼlim-tarbiya jarayoniga jalb qilingan xorijiy oʻqituvchi va mutaxassislarning oylik ish haqidan yagona ijtimoiy toʻlov;
Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyxatlar boʻyicha nodavlat umumtaʼlim muassasalarini jihozlash va faoliyatini taʼminlash uchun olib kiriladigan zamonaviy oʻquv va laboratoriya uskunalari, kompyuter texnikasi, dasturiy mahsulotlar, oʻquv va ilmiy-metodik adabiyotlar, anjomlar va moddiy-texnik resurslar 2025-yil 1-yanvarga qadar muddatga bojxona toʻlovlaridan (bojxona rasmiylashtiruvi uchun yigʻimlar bundan mustasno);
b) Maktabgacha va umumiy oʻrta taʼlim sohasida nodavlat taʼlim xizmatlarini koʻrsatadigan yuridik shaxslar ijtimoiy himoyaga muhtoj oilalarning qobiliyatli va iqtidorli farzandlarini tanlov asosida muassasadagi jami oʻquvchilar umumiy sonining 10 foizidan kam boʻlmagan miqdorda taʼlim xizmatlarini koʻrsatish evaziga kelib tushgan daromadlar hisobidan bepul (grant asosida) oʻqishga qabul qilishi, keyingi yillarda oʻquvchilarni bepul (grant asosida) oʻqitishni davom ettirish boʻyicha qaror nodavlat taʼlim xizmatlarini koʻrsatish faoliyati bilan shugʻullanuvchi yuridik shaxs tomonidan taʼlim oluvchining oilaviy sharoiti va uning akademik natijalaridan kelib chiqqan holda qabul qilinishi belgilab qoʻyilganligi maʼlumot uchun qabul qilinsin.
11. 2021-yil 1-yanvar kuniga qadar Oʻzbekiston Respublikasida ishlab chiqarilmaydigan, maktab qurilishi uchun moʻljallangan, belgilangan tartibda shakllantiriladigan roʻyxatlar boʻyicha olib kiriladigan qurilish materiallari va pol qoplamalari, santexnika buyumlari, multimedia mahsulotlari bojxona toʻlovlaridan (bojxona rasmiylashtiruvi uchun yigʻimlar bundan mustasno) ozod qilinsin.
Belgilab qoʻyilsinki, ushbu bandga muvofiq olib kirilgan ashyolar maqsadsiz foydalanilgan taqdirda imtiyozlar berilishi munosabati bilan toʻlanmagan bojxona toʻlovlari qonunchilikda belgilangan moliyaviy sanksiyalarni qoʻllagan holda Oʻzbekiston Respublikasining davlat budjetiga undiriladi.
12. Mazkur qarorning ijrosini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduxakimov, Toshkent shahar hokimi J.A. Artikxodjayev va Oʻzbekiston Respublikasi xalq taʼlimi vaziri Sh.X. Shermatov zimmasiga yuklatilsin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 25-iyun,
527-son
Кабинета Министров Республики Узбекистан
Постановление
Об образовании Вестминстерской международной школы в г. Ташкенте
В целях внедрения в систему обучения и воспитания детей апробированных в передовой международной практике методов и современных технологий, расширения международного сотрудничества в сфере общего среднего образования, широкого привлечения частных инвестиций в систему общего среднего образования, а также в соответствии с Государственной программой по реализации Стратегии действий по пяти приоритетным направлениям развития Республики Узбекистан в 2017 ― 2021 годах в «Год активных инвестиций и социального развития» Кабинет Министров постановляет:
1. Принять предложение хокимията г. Ташкента, Министерства народного образования Республики Узбекистан и Общества с ограниченной ответственностью «Westminster International School in Tashkent» о создании Вестминстерской международной школы в г. Ташкенте (далее — Школа).
2. Определить основными задачами и направлениями деятельности Школы:
выявление, отбор и обучение одаренных детей, создание условий для их всестороннего развития, а также раскрытие их научно-интеллектуального и творческого потенциала;
организацию углубленного изучения гуманитарных, естественных и точных наук, освоения учащимися иностранных языков и информационно-коммуникационных технологий, создание необходимых условий для развития у них креативного мышления;
внедрение в образовательный процесс передовых методов обучения и оценки знаний учащихся с широким использованием информационно-коммуникационных технологий;
содействие профессиональной ориентации учащихся, развитие у них навыков лидерства и ораторского искусства, критического мышления, поиска, анализа и обработки информации, применения полученных знаний на практике;
налаживание сотрудничества с отечественными и зарубежными аналогичными учреждениями общего среднего и высшего образования по вопросам обеспечения преемственности учебных программ, дальнейшего обучения выпускников в передовых зарубежных высших образовательных учреждениях и их филиалах в республике;
развитие и укрепление сотрудничества с ведущими зарубежными образовательными и научно-исследовательскими учреждениями, привлечение в учебный процесс высококвалифицированных специалистов, в том числе иностранных, а также соотечественников, осуществляющих деятельность за рубежом в сфере внедрения передовых международных практик обучения и образовательных программ.
3. Установить, что:
Школа является негосударственной образовательной организацией в форме общества с ограниченной ответственностью;
учебно-методическое руководство и ведение образовательного процесса в Школе обеспечивается в сотрудничестве с Международным Вестминстерским университетом в г. Ташкенте и другими ведущими зарубежными общеобразовательными и высшими образовательными учреждениями (далее — зарубежные партнеры) на основе заключаемых соглашений;
образовательный процесс в Школе осуществляется на английском языке по учебным планам и программам, разрабатываемым совместно с зарубежными образовательными учреждениями;
выпускникам Школы, наряду с документом об образовании государственного образца (свидетельство, аттестат), выдается диплом соответствующей программы международного уровня (International Baccalaureate, Advanced Placement или International Advanced Levels), предоставляющий возможность поступления в ведущие зарубежные высшие образовательные учреждения;
порядок и правила приема в Школу определяются по согласованию с зарубежными партнерами;
обучение в Школе осуществляется на платно-контрактной основе, определяемой Школой.
4. Министерству народного образования Республики Узбекистан и Государственной инспекции по надзору за качеством образования при Кабинете Министров Республики Узбекистан оказать содействие Школе в разработке учредительных документов и их государственной регистрации, а также лицензировании деятельности в установленном порядке.
5. Поддержать инициативу ООО «Natural Eko Gaz» о размещении Школы в зданиях и сооружениях, расположенных по адресу: г. Ташкент, Мирзо Улугбекский район, ул. Бойкент, 32.
6. Определить, что финансирование текущей деятельности Школы, строительство, реконструкция и капитальный ремонт зданий и сооружений, а также оснащение необходимым учебным и лабораторным оборудованием, мебелью, компьютерной техникой, учебной и методической литературой, а также другими материально-техническими средствами осуществляются за счет:
средств учредителей Школы и поступлений от оплаты обучения в Школе на платно-контрактной основе;
средств международных финансовых институтов и зарубежных организаций, в том числе зарубежных партнеров, благотворительных пожертвований физических и юридических лиц и иных источников, не запрещенных законодательством.
7. Хокимияту города Ташкента до начала 2019/2020 учебного года:
оказать содействие Школе в подготовке необходимой проектно-сметной документации по реконструкции и капитальному ремонту зданий и сооружений;
принять меры по благоустройству прилегающей территории с учетом градостроительных норм и правил, а также санитарных норм, правил и гигиенических нормативов.
8. Министерству иностранных дел Республики Узбекистан обеспечить в установленном порядке по заявкам Школы оформление въездных виз иностранному преподавательскому составу и административному персоналу Школы, привлекаемому в рамках реализации настоящего постановления, а также членам их семей без взимания консульских и иных сборов.
9. Министерству внутренних дел Республики Узбекистан обеспечить в установленном порядке по заявкам Школы выдачу и продление многократных виз, а также временную прописку и ее продление по месту временного проживания иностранному преподавательскому составу и административному персоналу Школы, привлекаемому в рамках реализации настоящего постановления, а также членам их семей без взимания государственной пошлины.
10. Принять к сведению, что постановлениями Президента Республики Узбекистан от 5 сентября 2018 года № ПП-3931 « О мерах по внедрению новых принципов управления в систему народного образования » и от 15 сентября 2017 года № ПП-3276 « О мерах по дальнейшему развитию деятельности по оказанию негосударственных образовательных услуг »:
а) негосударственные общеобразовательные учреждения до 1 января 2025 года освобождены от уплаты:
всех видов налогов с целевым направлением высвобождаемых средств на оснащение современными средствами обучения, приобретение расходных материалов, инвентаря, осуществление реконструкции и капитального ремонта зданий и сооружений;
единого социального платежа с заработной платы зарубежных преподавателей и специалистов, привлеченных к воспитательно-образовательному процессу по трудовому договору;
таможенных платежей (за исключением сборов за таможенное оформление) за ввозимые современное учебное и лабораторное оборудование, компьютерную технику, программные продукты, учебную и научно-методическую литературу, инвентарь и материально-технические ресурсы для оснащения и обеспечения деятельности, не производимые в Республике Узбекистан;
б) установлен порядок, согласно которому юридические лица, занимающиеся деятельностью по оказанию негосударственных образовательных услуг в сфере дошкольного и общего среднего образования, принимают на бесплатное (грантовое) обучение на конкурсной основе талантливых и одаренных детей из семей, нуждающихся в социальной поддержке, в пределах не менее десяти процентов от среднегодового контингента учащихся, с финансированием их обучения за счет доходов, поступивших от оказания образовательных услуг. При этом решение о продолжении бесплатного (грантового) обучения в последующие годы принимается юридическим лицом, занимающимся деятельностью по оказанию негосударственных образовательных услуг, в зависимости от материального положения семьи обучающегося и его академических результатов.
11. Освободить сроком до 1 января 2021 года от уплаты таможенных платежей (за исключением сборов за таможенное оформление) ввозимые строительные материалы для потолка и покрытие пола, сантехнические изделия, мультимедийную продукцию, не производимые в Республике Узбекистан, предназначенные для строительства и оснащения Школы, по перечням, формируемым в установленном порядке.
Установить, что в случае нецелевого использования ввозимых в соответствие с настоящим пунктом товаров, сумма таможенных платежей, не уплаченная в связи с предоставлением льгот, взыскивается в Государственный бюджет Республики Узбекистан с применением финансовых санкций, предусмотренных законодательством.
12. Контроль за исполнением настоящего постановления возложить на заместителя Премьер-министра Республики Узбекистан по вопросам социального развития А.А. Абдухакимова, хокима города Ташкента Дж.А. Артыкходжаева и министра народного образования Республики Узбекистан Ш.Х. Шерматова.
Премьер-министр Республики Узбекистан А. АРИПОВ
г. Ташкент,
25 июня 2019 г.,
№ 527