UzbekAI

Ўзбекистон Республикаси Вазирлар Маҳкамасининг

қарори

НИЗОМ

РЎЙХАТИ

Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси фаолиятини тартибга солувчи норматив-ҳуқуқий ҳужжатларни тасдиқлаш тўғрисида

Ўзбекистон Республикаси Президентининг «Ветеринария ва чорвачилик соҳасида давлат бошқаруви тизимини тубдан такомиллаштириш чора-тадбирлари тўғрисида» 2019 йил 28 мартдаги ПФ-5696-сон Фармони ҳамда «Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси фаолиятини ташкил этиш тўғрисида» 2019 йил 28 мартдаги ПҚ-4254-сон қарори ижросини таъминлаш мақсадида Вазирлар Маҳкамаси қарор қилади:

1. Қуйидагилар:

Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси тўғрисидаги низом 1-иловага мувофиқ;

Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси ҳузуридаги Ветеринария хизмати ва чорвачиликни ривожлантириш жамғармаси маблағларини шакллантириш ва улардан фойдаланиш тартиби тўғрисидаги низом 2-иловага мувофиқ;

тасдиқлансин.

2. Самарқанд ветеринария медицинаси институти ҳузурида Кадрларни қайта тайёрлаш ва уларнинг малакасини ошириш маркази (кейинги ўринларда Марказ деб аталади) ташкил этилсин.

Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси Марказ Самарқанд ветеринария медицинаси институтининг Самарқанд вилояти, Самарқанд шаҳри, М. Улуғбек кўчаси, 77-уй манзилидаги биносига текин фойдаланиш ҳуқуқи асосида жойлаштирилишини ҳамда унинг ўқув ва моддий-техника базасидан фойдаланиши учун зарур шарт-шароитлар яратилишини таъминласин.

3. Қуйидагилар Марказ фаолиятини молиялаштириш манбалари этиб белгилансин:

пулли хизматлар кўрсатишдан тушган маблағлар;

халқаро молия институтлари ва хорижий ташкилотларнинг грантлари;

юридик ва жисмоний шахсларнинг ҳомийлик хайриялари;

қонун ҳужжатлари билан тақиқланмаган бошқа манбалар.

4. Ўзбекистон Республикаси Ҳукуматининг 5-иловага мувофиқ айрим қарорларига ўзгартириш ва қўшимчалар киритилсин.

5. Ўзбекистон Республикаси Ҳукуматининг 6-иловага мувофиқ баъзи қарорлари ўз кучини йўқотган деб ҳисоблансин.

6. Ўзбекистон Республикаси Ветеринария ва чорвачиликни ривожлантириш давлат қўмитаси манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича маслаҳатчиси А.Д. Вахабов ҳамда Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси раиси Б.Т. Норқобилов зиммасига юклансин.

Вазирлар Маҳкамасининг 2019 йил 27 июндаги 532-сон қарорига 1-ИЛОВА

Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси тўғрисидаги

1-боб. Умумий қоидалар

1. Ушбу Низом Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасининг (кейинги ўринларда Қўмита деб аталади) мақоми, асосий вазифалари, функциялари, ҳуқуқлари, жавобгарлигини, фаолиятини ташкил этиш ва ҳисобот бериш тартибини, шунингдек, унинг раҳбарларининг функционал вазифалари ва масъулиятини белгилайди.

2. Қўмита ветеринария, чорвачилик ва наслчилик соҳасида ягона давлат сиёсатини амалга оширувчи давлат бошқарув органи ҳисобланади.

3. Қўмита Ўзбекистон Республикаси Вазирлар Маҳкамасига (кейинги ўринларда Вазирлар Маҳкамаси деб аталади) бўйсунади.

4. Қўмита ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Вазирлар Маҳкамасининг қарорлари ва фармойишларига, ушбу Низомга, шунингдек, бошқа қонун ҳужжатларига амал қилади.

5. Қўмита ўз фаолиятини давлат ва хўжалик бошқаруви органлари, ҳуқуқни муҳофаза қилувчи органлар, маҳаллий давлат ҳокимияти органлари ва бошқа ташкилотлар билан ҳамкорликда амалга оширади.

6. Қўмитанинг ўз ваколатлари доирасида қабул қилган қарорлари давлат ва хўжалик бошқаруви органлари, маҳаллий ижро этувчи ҳокимият органлари, бошқа ташкилотлар, мансабдор шахслар ва фуқаролар томонидан ижро этилиши мажбурий ҳисобланади.

7. Қўмита, Қорақалпоғистон Республикаси Ветеринария ва чорвачиликни ривожлантириш қўмитаси, вилоятлар ва Тошкент шаҳар ветеринария ва чорвачиликни ривожлантириш бошқармалари (кейинги ўринларда ҳудудий бошқармалар деб аталади) ва туманлар (шаҳарлар) ветеринария ва чорвачиликни ривожлантириш бўлимлари (кейинги ўринларда туман (шаҳар) бўлимлари деб аталади) ҳамда Қўмита таркибига кирадиган идоравий мансуб ташкилотлар юридик шахс ҳисобланади, Ўзбекистон Республикаси Давлат герби тасвири туширилган ва ўз номи давлат тилида ёзилган муҳрга ва бланкаларга, мустақил балансга, Ўзбекистон Республикаси Молия вазирлиги Ғазначилигида шахсий ғазна ҳисобварақларига, банк ҳисоб рақамларига, шу жумладан, хорижий валютасидаги ҳисоб рақамларига ҳамда ветеринария рамзига эга бўлади.

8. Қўмитанинг расмий номи:

а) давлат тилида:

тўлиқ номи — Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитаси, қисқартирилгани — Ветеринария ва чорвачиликни ривожлантириш қўмитаси;

б) инглиз тилида:

тўлиқ номи — State Committee of Veterinary and livestock development of the Republic of Uzbekistan, қисқартирилгани — State Committee of Veterinary and livestock development;

в) рус тилида:

тўлиқ номи — Государственный комитет ветеринарии и развития животноводства Республики Узбекистан, қисқартирилгани — Госкомветеринарии и развития животноводства.

9. Қўмитанинг жойлашган жойи (почта манзили): 100123, Тошкент шаҳри, Кичик ҳалқа йўли кўчаси, 21а-уй.

2-боб. Қўмитанинг тузилмаси

10. Қўмита ҳузуридаги «Наслчилик илмий-ишлаб чиқариш маркази» давлат муассасаси ва «Ўззооветтаъминотхизмат» давлат унитар корхонаси.

11. Қўмита ва унинг тизимига кирувчи ташкилот ва муассасаларнинг тасдиқланган тузилмаларида белгиланган бошқарув ходимлари ветеринария ва чорвачиликни ривожлантириш давлат органлари ва муассасаларининг ходимлари ҳисобланади.

3-боб. Қўмитанинг асосий вазифалари ва функциялари

1-§. Қўмитанинг вазифалари ва функциялари

12. Қуйидагилар Қўмитанинг асосий вазифалари ҳисобланади:

ветеринария, чорвачилик ва наслчилик соҳасида ягона давлат сиёсатини амалга ошириш, норматив-ҳуқуқий ҳужжатларни халқаро стандартларга мувофиқлаштириш, ушбу соҳада давлат, хўжалик бошқаруви органлари ҳамда маҳаллий давлат ҳокимияти органларининг ўзаро ҳамкорлигини мувофиқлаштириш, ветеринария фаолиятини лицензиялашни амалга ошириш;

ветеринария соҳаси ва чорвачиликнинг барча тармоқларини, шу жумладан, қорамолчилик, қўйчилик, қоракўлчилик, эчкичилик, йилқичилик, паррандачилик, балиқчилик, асаларичилик ва қуёнчиликни ривожлантириш, наслчилик-селекция ишларини мувофиқлаштириш ҳамда ушбу йўналишлар бўйича мақсадли давлат дастурларини ишлаб чиқиш ва амалга ошириш;

мамлакат ҳудудларини ҳайвонларнинг юқумли касалликлари кириб келишидан ҳимоя қилишни таъминлаш, амалиётга ҳайвонларни даволашнинг ва профилактикасининг замонавий усулларини жорий этиш, маҳаллий ва хорижий фан ютуқларини татбиқ этиш асосида ветеринария дори воситаларининг янги турлари ва шаклларини ишлаб чиқаришни ташкил этиш;

эпизоотик осойишталикни таъминлашда ҳайвонларнинг юқумли касалликларини ўз вақтида аниқлаш, ташхис қўйиш ва тарқалишининг олдини олишга доир профилактика ишларининг самарадорлигини мониторинг қилиш;

чорвачилик ва наслчилик соҳасини давлат томонидан қўллаб-қувватлашнинг ягона механизмларини амалга ошириш, чорвачилик хўжаликларига озуқа етиштириш учун ажратилган ер майдонларида чорва озуқа экинларини жойлаштиришни ташкил этиш ҳамда юқори ҳосилдорликка эришишни мониторинг қилиш;

чорвачилик тармоқларида ҳайвонларни идентификация қилиш, уларни ҳисобга олиш, ҳисобдан чиқариш ва сақлаш ишларини ташкил этиш, қишлоқ хўжалиги ҳайвонларини зоти бўйича районлаштириш;

ветеринария ва наслчилик тўғрисидаги қонун ҳужжатларига риоя этилиши ҳамда ветеринария дори воситалари ва озуқабоп қўшимчаларнинг сифати ва муомаласи юзасидан давлат назоратини амалга ошириш;

ветеринария ва наслчилик-селекция соҳаларида илмий, услубий ва таълим салоҳиятини ҳар томонлама ривожлантириш, илмий тадқиқотлар йўналишларини белгилаш, фундаментал ва амалий тадқиқотлар, инновация ишланмалари натижаларини ветеринария ва наслчилик-селекция амалиётига жорий этилишини мувофиқлаштириш;

чорвачилик маҳсулотларини халқаро талабларга мувофиқ сертификатлаштириш ва стандартлаштиришни таъминлаш, сифат менежментининг замонавий усулларини кенг жорий этиш, ветеринария ва чорвачилик соҳаларига хорижий инвестициялар ва грант маблағларини жалб қилиш;

соҳа кадрларини тизимли тайёрлаш, уларнинг малакасини ошириш ва қайта тайёрлашни ташкил этиш, раҳбар ҳамда мутахассисларнинг иш услуби ва шаклларини такомиллаштириш.

13. Қўмита ўзига юкланган асосий вазифаларга мувофиқ қуйидаги функцияларни амалга оширади:

а) ветеринария, чорвачилик ва наслчилик соҳасида ягона давлат сиёсатини амалга ошириш, норматив-ҳуқуқий ҳужжатларни халқаро стандартларга мувофиқлаштириш, ушбу соҳада давлат, хўжалик бошқаруви органлари ҳамда маҳаллий давлат ҳокимияти органларининг ўзаро ҳамкорлигини мувофиқлаштириш, ветеринария фаолиятини лицензиялашни амалга ошириш соҳасида:

ветеринария, чорвачилик ва наслчилик соҳаларини янада ривожлантириш, шу жумладан эпизоотик барқарорликни таъминлашда ҳайвонларнинг юқумли касалликларини ўз вақтида аниқлаш, ташхис қўйиш ва тарқалишининг олдини олиш, ветеринария тўғрисидаги қонун ҳужжатларига риоя этилишида давлат назоратини таъминлаш, ветеринария соҳасидаги ҳуқуқбузарликларнинг олдини олиш, ветеринария дори воситалари ва озуқабоп қўшимчаларнинг сифати ҳамда муомаласи юзасидан назоратни ташкил этиш ва юритиш, чорвачиликда сунъий уруғлантириш, наслчилик-селекция ишларини ташкил этиш ва ривожлантириш, чорвачилик хўжаликларига озуқа етиштириш учун ажратилган ер майдонларида чорва озуқа экинларини жойлаштириш устидан давлат назоратини таъминлаш ҳамда юқори ҳосилдорликка эришишни мониторинг қилиш, чорвачилик тармоқларида ҳайвонларни идентификация қилиш, қишлоқ хўжалиги ҳайвонларини зоти бўйича районлаштириш соҳасида давлат бошқарувини амалга оширади;

Қўмита тизимига кирувчи ташкилотларда ҳисоб ва ҳисобот юритилишини ҳамда мол-мулк сақланишини, ҳисобга олинишини ва ҳисобдан чиқарилишини таъминлаш, етказилган моддий зарарни ундириш чораларини кўради;

Қўмита тизимига кирувчи ташкилотларнинг бухгалтерия ҳисоботларини, балансларини кўриб чиқади, умумлаштиради, йиғма баланслар тузади ва уларни тегишли органларга тақдим этади;

ветеринария, чорвачилик ва наслчилик соҳасини тартибга солиш бўйича халқаро стандартларга мувофиқ норматив-ҳуқуқий ҳужжатлар лойиҳаларини ишлаб чиқади ва Вазирлар Маҳкамасига киритади;

ҳудудий бошқармалар тўғрисидаги низомларни, шунингдек, ветеринария ва чорвачиликни ривожлантириш давлат органлари ҳамда муассасаларининг низом (устав)ларини ишлаб чиқади ва тасдиқлайди;

ветеринария, чорвачилик ва наслчилик соҳасида хорижий давлатлар билан халқаро ҳамкорликни амалга оширишда иштирок этади ҳамда халқаро ҳамкорликни амалга оширишда Ўзбекистон Республикасининг манфаатларини ифодалайди;

ветеринария ва наслчилик-селекция соҳасида хорижий давлатлар тажрибаларини таҳлил қилади ҳамда уларнинг қонунчилик соҳасидаги ютуқларидан фойдаланиш бўйича таклифлар тайёрлайди;

хорижий давлатларнинг ветеринария хизматлари билан ветеринария соҳасида ахборотлар алмашинувини амалга оширади ва ветеринария сертификатлари намуналарини белгиланган тартибда келишади;

халқаро ва хорижий давлатларнинг нодавлат нотижорат ташкилотлари ҳамда уларнинг ваколатхоналари ва филиаллари томонидан ветеринария ва наслчилик-селекция соҳасига оид тадбирларнинг белгиланган тартибда ўтказилишини ташкил этади;

ветеринария соҳасига оид халқаро шартномаларни ишлаб чиқишда ва уларнинг ижросини таъминлашда иштирок этади;

ветеринария ва наслчилик-селекция соҳасига оид халқаро ҳамкорликнинг устувор йўналишлари бўйича Вазирлар Маҳкамасига таклифлар киритади;

ўзига бўйсунувчи тузилмалари орқали ветеринария ва чорвачилик соҳасида бошқа ташкилотлар билан ўзаро ҳамкорлик қилади ва қўшма тадбирларни амалга оширади;

ветеринария фаолиятини лицензиялашни амалга оширади;

маҳаллий ва импорт қилинадиган ветеринария дори воситалари ҳамда озуқабоп қўшимчаларни рўйхатдан ўтказади ва уларга рўйхатдан ўтказилганлик гувоҳномасини беради;

давлат ветеринария хизмати назорати остидаги товарларни экспорт, импорт қилишга ҳамда Ўзбекистон Республикаси ҳудуди орқали транзит қилишга рухсатнома, ветеринария гувоҳномаси ва ветеринария сертификатини беради;

ихтисослашган сўйиш корхоналарининг ҳамда ушбу соҳадаги маҳсулот ва хом ашёларни қайта ишлаш, ишлаб чиқариш, сақлаш, ташиш, сотиш ва реализация қилиш билан шуғулланувчилар фаолиятининг ветеринария, ветеринария-санитария қоидалари ва нормаларига мувофиқлиги юзасидан ветеринария-санитария хулосаларини беради;

бозорларда, савдо ташкилотларида ва бошқа савдо объектларида ушбу соҳадаги маҳсулот ва хом ашёни, шунингдек бозорларда реализация қилинадиган ўсимлик, озиқ-овқат маҳсулотларини қабул қилиш, сақлаш ҳамда реализация қилишга ветеринария-санитария экспертизаси хулосасини беради;

фуқаролар ва юридик шахсларнинг вакилларини қабул қилиниши, жисмоний ва юридик шахсларнинг мурожаатларини қонун ҳужжатларида белгиланган тартибда кўриб чиқилишини таъминлайди;

ветеринария ва чорвачиликни ривожлантириш давлат органлари ҳамда муассасаларининг моддий-техника базасини ривожлантириш бўйича чора-тадбирларни ишлаб чиқади ва амалга оширади;

Қўмита тизими фаолиятига оид газета ва журналлар чиқарилишини, тегишли рухсатномалар бланкалари, соҳага тегишли китоб, бюллетень ва қўлланмалар чоп этилишини ҳамда бутунжаҳон Интернет тармоғида веб-сайт юритилишини ташкил этади;

б) ветеринария соҳаси ва чорвачиликнинг барча тармоқларини, шу жумладан, қорамолчилик, қўйчилик, қоракўлчилик, эчкичилик, йилқичилик, паррандачилик, балиқчилик, асаларичилик ва қуёнчиликни ривожлантириш, наслчилик-селекция ишларини мувофиқлаштириш ҳамда ушбу йўналишлар бўйича мақсадли давлат дастурларини ишлаб чиқиш ва амалга ошириш соҳасида:

республика ҳудудида пайдо бўлиш хавфи бўлган ҳайвонлар касалликларини таҳлил қилиш, уларни олдини олиш ва тугатишга доир дастурларни ишлаб чиқади;

ветеринария ва чорвачиликни ривожлантириш давлат органлари ҳамда муассасаларининг келгусида режалаштириладиган ишларини прогнозлаштириш, манфаатдор вазирлик ва идоралар, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда соҳани ривожлантиришнинг давлат ва маҳаллий дастурларини ишлаб чиқади ҳамда уларни амалга оширади;

чорвачиликнинг барча тармоқларини, шу жумладан қорамолчилик, қўйчилик, қоракўлчилик, эчкичилик, йилқичилик, паррандачилик, балиқчилик, асаларичилик ва қуёнчиликни ривожлантириш чораларини кўради;

наслчилик-селекция ишларини мувофиқлаштиради ҳамда чорвачиликнинг барча тармоқлари ва наслчилик-селекция ишлари бўйича мақсадли давлат дастурларини ишлаб чиқади ва амалга оширади;

«Қоракўлчилик» Республика уюшмаси, «Паррандасаноат» уюшмаси, «Ўзбекбалиқсаноат» уюшмаси ва «Ўзбекистон асаларичилари» уюшмаси билан ҳамкорликда ишларни ташкил этилишини таъминлайди;

в) мамлакат ҳудудларини ҳайвонларнинг юқумли касалликлари кириб келишидан ҳимоя қилишни таъминлаш, амалиётга ҳайвонларни даволашнинг ва профилактикасининг замонавий усулларини жорий этиш, маҳаллий ва хорижий фан ютуқларини татбиқ этиш асосида ветеринария дори воситаларининг янги турлари ва шаклларини ишлаб чиқаришни ташкил этиш соҳасида:

ҳайвонларни касалликлардан ҳимоя қилиш, ҳайвонлардан олинадиган маҳсулот ва хом ашё хавфсизлигини таъминлашда идоравий ҳамда ишлаб чиқариш ветеринария хизматлари фаолиятини мувофиқлаштиради;

ҳайвонлар касалликларига ташхис қўйиш, уларни даволаш ва олдини олиш тадбирлари бажарилиши юзасидан назоратни амалга оширади;

хўжалик юритувчи субъектлар, шу жумладан якка тартибдаги тадбиркорларнинг ветеринария соҳасига оид фаолияти юзасидан белгиланган тартибда текширувлар ўтказади;

ихтисослашган сўйиш корхоналари ҳамда ҳайвонларнинг эгалари томонидан, шунингдек, ушбу соҳадаги маҳсулот ва хом ашёни ишлаб чиқариш, қайта ишлаш, сақлаш ҳамда уларнинг савдоси билан шуғулланувчилар томонидан ветеринария тўғрисидаги қонун ҳужжатлари ижро этилиши юзасидан назоратни амалга оширади;

ветеринария, чорвачилик ва наслчилик соҳасига оид фаолият юзасидан белгиланган тартибда бошқа назорат ишларини амалга оширади;

мамлакатимиз ҳудудига ҳайвонларнинг юқумли касалликлари кириб келишидан ҳимоя қилишни таъминлаш, ҳайвонларни даволашнинг ва профилактикасининг замонавий усулларини амалиётга жорий этади, маҳаллий ва хорижий фан ютуқларини татбиқ этиш асосида ветеринария дори воситаларининг янги турлари ва шаклларини ишлаб чиқаради;

чегара олди туманларда ва чегарадош давлатларда юзага келган эпизоотик вазият тўғрисида тегишли органлар ва ташкилотларни хабардор қилади, тегишли ветеринария тадбирларини амалга оширишда зарур тавсиялар беради;

ҳайвонлар касалликларига ташхис қўйиш ишларида энг замонавий ва тезкор усулларни жорий этиш бўйича тегишли чора-тадбирларни ишлаб чиқади ва уларнинг бажарилишини таъминлайди;

маҳаллий ва хорижий фан ютуқларини татбиқ этиш асосида ветеринария дори воситаларининг янги турлари ва шаклларини ишлаб чиқариш бўйича давлат дастурларини ишлаб чиқишда ҳамда амалга оширишда иштирок этади;

г) эпизоотик осойишталикни таъминлашда ҳайвонларнинг юқумли касалликларини ўз вақтида аниқлаш, ташхис қўйиш ва тарқалишининг олдини олишга доир профилактика ишларининг самарадорлигини мониторинг қилиш соҳасида:

маҳсулот ва хом ашёларни ветеринария, ветеринария-санитария қоидалари ва нормаларига асосан экспертизадан ўтказиш тартибларини белгилайди ва экспертизадан ўтказилишини таъминлайди;

ҳайвонлар ўта хавфли юқумли касалликларга чалинганлиги хусусида шубҳа мавжуд бўлган тақдирда, зарур чора-тадбирларнинг бажарилишини ўрганади ва мувофиқлаштиради;

белгиланган тартибда ветеринарияга оид статистика ҳисоботини юритилиши ва тақдим этилишини талаб қилади;

давлат ва хўжалик бошқаруви органлари, маҳаллий давлат ҳокимият органлари ва бошқа манфаатдор ташкилотлар билан биргаликда эпизоотияга қарши тадбирларнинг бажарилишини таъминлайди;

ички ишлар органларининг карантин тадбирларини таъминлаш бўлинмалари билан биргаликда эпизоотик осойишталикни таъминлашга доир тадбирларни ташкил этади;

касалликларнинг келиб чиқиши ва ҳайвонларнинг нобуд бўлиши сабабларини таҳлил қилади, уларнинг олдини олиш бўйича тавсиялар ишлаб чиқади;

ҳайвонлар юқумли касалликларининг олдини олиш ва уларни тугатишга доир чора-тадбирларни амалга оширади;

хорижий давлатларнинг илғор тажрибаси ва илм-фан ютуқларини ўрганади, маълумотларни умумлаштиради ҳамда давлат ветеринария хизмати тизимини янада ривожлантириш чора-тадбирларини ишлаб чиқади;

белгиланган тартибда ветеринария дори воситалари ва бошқа моддий-техника ресурсларининг захирасини яратади;

Вазирлар Маҳкамаси томонидан тасдиқланган рўйхат бўйича ҳайвонларнинг ўта хавфли юқумли касалликлари бўйича профилактика, ташхис қўйиш ва тугатиш тадбирларини амалга ошириш учун зарур бўлган ветеринария дори воситаларини ҳамда моддий-техника воситаларини белгиланган тартибда харид қилади ва марказлаштирилган ҳолда тақсимлайди;

эпизоотик ҳолат юзасидан мониторинг олиб боради;

д) чорвачилик ва наслчилик соҳасини давлат томонидан қўллаб-қувватлашнинг ягона механизмларини амалга ошириш, чорвачилик хўжаликларига озуқа етиштириш учун ажратилган ер майдонларида чорва озуқа экинларини жойлаштиришни ташкил этиш ҳамда юқори ҳосилдорликка эришишни мониторинг қилиш соҳасида:

чорвачилик хўжаликларига озуқа етиштириш учун ажратилган ер майдонларида чорва озуқа экинларини жойлаштирилиши юзасидан назоратни амалга оширади;

чорвачилик хўжаликларидаги шартли мол бош сонига нисбатан ер майдонларини ажратилиши ва улардан самарали фойдаланиш мониторингини амалга оширади;

пахта ва ғалла экин майдонларига алмашлаб экиладиган чорва озуқаси учун экинларнинг тўлиқ экилиши ҳамда етиштириладиган ҳосилнинг чорвачилик хўжаликлари ва аҳолига тизимли етказилишини мониторинг қилади;

е) чорвачилик тармоқларида ҳайвонларни идентификация қилиш, уларни ҳисобга олиш, ҳисобдан чиқариш ва сақлаш ишларини ташкил этиш, қишлоқ хўжалиги ҳайвонларини зоти бўйича районлаштириш соҳасида:

чорвачиликда сунъий уруғлантириш, наслчилик-селекция ишларини ташкил этади ва қишлоқ хўжалиги ҳайвонларини зоти бўйича районлаштиради;

қишлоқ хўжалиги ҳайвонларини зоти бўйича жойлаштириш режаларининг бажарилишини ўрганади;

фермер ва деҳқон хўжаликлари учун чорва наслчилиги хизмати кўрсатишни ташкил этади;

ҳайвонларни идентификация қилиш ишларини мувофиқлаштиради;

аҳоли ва хўжалик юритувчи субъектларда парвариш қилинаётган чорва молларини суғурталашда воситачилик вазифаларини бажаради.

ж) ветеринария ва наслчилик тўғрисидаги қонун ҳужжатларига риоя этилиши ҳамда ветеринария дори воситалари ва озуқабоп қўшимчаларнинг сифати ва муомаласи юзасидан давлат назоратини амалга ошириш соҳасида:

ветеринария тўғрисидаги қонун ҳужжатларига риоя этилишида давлат назоратини амалга оширади;

республика ҳудудини ҳайвонларнинг юқумли касалликларини қўзғатувчилари олиб кирилишидан муҳофаза қилиш, шунингдек, ҳайвонлар, ушбу соҳага мансуб маҳсулот ва хом ашё, ветеринария дори воситалари, озуқалар ва озуқабоп қўшимчаларни тайёрлаш, олиб ўтиш (ташиш), экспорт ва импорт қилиш бўйича давлат ветеринария назоратини амалга оширади;

давлат ветеринария хизмати назорати остидаги товарларнинг Ўзбекистон Республикасига олиб кирилиши, Ўзбекистон Республикасидан олиб чиқилиши, шунингдек, Ўзбекистон Республикаси ҳудуди орқали транзити учун расмийлаштириладиган ветеринария ҳужжатлари берилишини назорат қилади;

маҳсулотлар ва хом ашёларни ветеринария, ветеринария-санитария қоидалари ва нормаларига мувофиқ ишлаб чиқарилиши бўйича давлат ветеринария назоратини олиб боради;

хусусий ветеринария фаолиятини амалга ошириш учун тадбиркорлик субъектларига белгиланган тартибда лицензия беради, шунингдек лицензиат томонидан лицензия талаблари ва шартларига риоя этилиши устидан давлат ветеринария назоратини амалга оширади;

давлат ва идоравий ветеринария хизматлари, ички ишлар органларининг карантин тадбирларини таъминлаш бўлинмаларининг ветеринария соҳасига оид фаолиятини белгиланган тартибда мувофиқлаштиради ва назорат қилади;

ветеринария соҳасидаги ҳуқуқбузарликларнинг олдини олиш ишларини сифатли ва тизимли равишда ташкил этиш бўйича тегишли давлат бошқарув органлари билан чора-тадбирларни ишлаб чиқади ва амалга оширади;

жисмоний ва юридик шахслардан эпизоотияга қарши тадбирлар, даволаш, ветеринария-санитария тадбирларининг бажарилишини талаб қилади;

ветеринария ва чорвачиликни ривожлантириш давлат органлари ҳамда муассасалари томонидан тақдим этиладиган ҳисоботлар шаклларини тасдиқлайди ва унинг муддатларини белгилайди;

ветеринария дори воситалари ва озуқабоп қўшимчаларни қонун ҳужжатларида белгиланган тартибда, уларнинг ветеринария экспертизаси ва синови натижаларига кўра давлат рўйхатидан ўтказади ҳамда уларга рўйхатдан ўтказилганлик гувоҳномаларини беради;

ветеринария дори воситалари ва озуқабоп қўшимчаларнинг ветеринария, ветеринария-санитария қоидалари ва нормаларига мувофиқ ишлаб чиқарилиши ва тайёрланишини ўрганади ва назорат қилади;

ветеринария дори воситаларини ва озуқабоп қўшимчаларнинг сифати ҳамда муомаласи юзасидан назоратни амалга оширади;

наслчилик корхоналари ва хўжаликлари томонидан етказиб бериладиган наслдор ҳайвонларнинг сифат (насл) кўрсаткичлари тўғри аниқланганлиги юзасидан назоратни амалга оширади;

наслдор ҳайвонлардан оқилона фойдаланиш, ҳайвонлар ва уларнинг уруғлари экспорт ва импорт қилинишини назорат қилади;

чорвачиликда наслчилик ишлари тўғрисидаги ҳисоботларнинг юритилишини назорат қилади;

мулкчилик шаклидан қатъи назар наслчилик ишлари билан шуғулланувчи чорвачилик субъектлари фаолиятини назорат қилади;

чорва ҳайвонларининг зоти бўйича районлаштирилишини назорат қилади;

наслчилик хўжаликларидаги наслдор чорва ҳайвонларининг ҳисобини рўйхатдан ўтказилишини ҳамда селекция жараёнида фойдаланадиган наслчилик ресурсларининг келиб чиқиши, маҳсулдорлиги ва тури бўйича сифатли баҳоланишини назорат қилади;

наслчилик билан шуғулланувчи чорвачилик хўжаликларига ер майдонлари ажратилишини ва улардан самарали фойдаланилишини ҳамда корхоналар томонидан ишлаб чиқариладиган омухта ем, шелуха, шрот маҳсулотларининг сифат кўрсаткичларини назорат қилади;

наслли маҳсулотларни (материал) ишлаб чиқарилишини ва унинг технологик жараёнлари ташкил этилишини назорат қилади;

чорвачилик йўналишидаги асосий устувор вазифалар ва ишлаб чиқилган дастурларнинг жойлардаги ижроси тизимли равишда ташкил этилишини назорат қилади»;

з) ветеринария ва наслчилик-селекция соҳаларида илмий, услубий ва таълим салоҳиятини ҳар томонлама ривожлантириш, илмий тадқиқотлар йўналишларини белгилаш, фундаментал ва амалий тадқиқотлар, инновация ишланмалари натижаларини ветеринария ва наслчилик-селекция амалиётига жорий этилишини мувофиқлаштириш соҳасида:

ветеринария, чорвачилик ва наслчилик-селекция соҳаларида илмий, услубий ва таълим салоҳиятини ҳар томонлама ривожлантириш чораларини кўради;

ветеринария, чорвачилик ва наслчилик-селекция соҳаларида илмий тадқиқотлар йўналишларини белгилайди;

фундаментал, илмий-амалий танловлар ва инновацион илмий тадқиқотларда қатнашиш учун тақдим этилган илмий лойиҳаларнинг экспертизасида иштирок этади;

ветеринария, чорвачилик ва наслчилик-селекция соҳаларида давлат грантлари асосида ва халқаро ҳамкорлик доирасида ўтказиладиган илмий тадқиқотларнинг амалга оширилишини ташкиллаштиради ва мувофиқлаштиради;

ҳайвонлар касалликларига ташхис қўйиш, даволаш ва профилактикаси ҳамда наслчилик-селекция ишларининг энг замонавий, самарали усулларини ишлаб чиқиш бўйича илмий-тадқиқот ишларини ўтказади, шунингдек уларни амалиётга жорий этишни ташкиллаштиради;

илм-фан, таълим муассасалари, нодавлат нотижорат ташкилотлар шу жумладан, халқаро ҳамкорликни кенгайтириш орқали ветеринария хизмати фаолиятига илғор технологиялар ва иш услубларини жорий этади, ветеринария, чорвачилик ва наслчилик-селекция масалалари бўйича илмий анжуман ва конференцияларни ташкиллаштириш ва ўтказишда иштирок этади;

ҳайвонлар касалликларига ташхис қўйиш, озуқаларнинг, шунингдек чорвачилик объектларида ичимлик сувининг сифатини баҳолаш мақсадида лаборатория текширувлари ўтказиш тартибини белгилайди;

одамлар ва ҳайвонлар учун умумий бўлган касалликлардан аҳоли соғлиғини муҳофаза қилишда бошқа давлат органлари билан ҳамкорлик қилади;

хорижий ва чегарадош давлатлардаги ҳамда республика ҳудудидаги эпизоотик ҳолатдан келиб чиқиб, эпизоотияга қарши профилактика тадбирларини белгилайди ва амалга оширади;

чорвачилик фермер хўжаликлари ва уларнинг маҳсулотларини қайта ишлаш корхоналарида ишлаб чиқариш жараёнларини назорат қилишнинг халқаро тан олинган тизимини жорий этишда бошқа давлат органлари билан ҳамкорлик қилади.

и) чорвачилик маҳсулотларини халқаро талабларга мувофиқ сертификатлаштириш ва стандартлаштиришни таъминлаш, сифат менежментининг замонавий усулларини кенг жорий этиш, ветеринария ва чорвачилик соҳаларига хорижий инвестициялар ва грант маблағларини жалб қилиш соҳасида:

соҳага тааллуқли норматив ҳужжатларни ва стандартларни ишлаб чиқади, тасдиқлайди ва халқаро стандартларга уйғунлаштиради;

ветеринарияда сертификациялашнинг талабларини ишлаб чиқади;

стандартларни амалиётга жорий этиш ва унга амал қилинишини назорат қилади;

соҳага тааллуқли норматив ҳужжатлар ва стандартларнинг ягона реестрини шакллантиради ва юритади;

синов лабораторияларини ўтказишда тегишли органлар билан ҳамкорлик қилади;

аккредитацияланган синов лабораторияларининг реестрини шакллантиради ва юритади;

наслчилик заводи, наслчилик хўжалиги ва наслчилик фермаларини давлат аттестациясидан ўтказади;

селекция ютуғи экспертизаси ва синовини белгиланган тартибда ўтказади;

наслчилик маҳсулоти (материаллари)га белгиланган тартибда сертификатлар беради;

наслчилик заводи, хўжалиги ва фермаларида замонавий усуллар билан чорва молларининг маҳсулдорлигини ошириш, наслдорлик сифатларини такомиллаштириш, ҳисобга олиш ва ҳисобот ишларини юритиш, чорва молларни белгилар мажмуи бўйича баҳолашни (бонитировка) амалга оширади;

манфаатдор вазирликлар, давлат қўмиталари ва идоралар билан биргаликда наслчилик ишларида фойдаланиладиган технология асбоб-ускуналарни ишлаб чиқаришда ва импорт бўйича сотиб олишда, янги технологик асбоб-ускуналар ва махсус транспортлар яратилишида иштирок этади;

давлат, идоравий ва хусусий секторларда наслчилик ишлари мутахассислари фаолиятини назорат қилади ва мувофиқлаштиради;

к) соҳа кадрларини тизимли тайёрлаш, уларнинг малакасини ошириш ва қайта тайёрлашни ташкил этиш, раҳбар ҳамда мутахассисларнинг иш услуби ва шаклларини такомиллаштириш соҳасида:

замонавий талаблар ҳамда давлат ва жамият қурилиши соҳасидаги демократлаштириш жараёнларини ҳисобга олган ҳолда, ветеринария соҳасида кадрлар малакасини оширишни ташкил этади;

ветеринария, чорвачилик ва наслчилик соҳасидаги кадрларни тайёрлаш ва уларнинг малакасини оширишни амалга оширувчи таълим йўналишларини аккредитация қилишда, уларнинг педагог ва илмий ходимларини аттестациядан ўтказишда иштирок этади;

кадрлар ишини юритиш, ветеринария, чорвачилик ва наслчилик мутахассисларини тайёрлаш, қайта тайёрлаш ва уларнинг малакасини ошириш тизимини такомиллаштириш бўйича таклифлар ишлаб чиқади;

ветеринария ва чорвачиликни ривожлантириш давлат органлари ҳамда муассасаларининг раҳбарлик лавозимларига кадрлар захирасини шакллантиради ва уларнинг малакасини ошириш ишларини ташкил этади;

қонун ҳужжатларида белгиланган тартибда ветеринария ва чорвачиликни ривожлантириш давлат органлари ҳамда муассасаларининг раҳбарлари ва мутахассисларининг касбий тайёргарлиги ва малакаси бўйича эгаллаб турган лавозимига муносиблиги юзасидан уларни аттестациядан ўтказади;

ветеринария ва чорвачиликни ривожлантириш давлат органлари ҳамда муассасаларининг бошлиқлари ва уларнинг ўринбосарлари лавозимларига номзод кадрлар номенклатурасини юритади;

кадрлар салоҳиятини ўрганиш ва таҳлил қилиш асосида минтақавий хусусиятларни ва иқтисодиётнинг реал сектори аниқ эҳтиёжларини ҳисобга олган ҳолда ветеринария, чорвачилик ва наслчилик соҳасига олий таълим муассасалари бўйича ҳар йилги қабул квоталарига таклифлар киритади;

кадрларнинг хорижий илмий ва таълим муассасаларида ветеринария, чорвачилик ва наслчилик соҳасидаги малакасини оширишни белгиланган тартибда ташкиллаштиради;

ветеринария ва чорвачиликни ривожлантириш давлат органлари ҳамда муассасаларидаги раҳбар ва мутахассисларнинг иш услуби ва шаклларини такомиллаштириш юзасидан чора-тадбирларни амалга оширади.

Қўмита қонун ҳужжатларида назарда тутилган бошқа функцияларни ҳам амалга ошириши мумкин.

14. Қўмита ўзига юкланган вазифа ва функцияларни бевосита, шунингдек, Қўмита ташкилий тузилмасига кирувчи ташкилотлар орқали амалга оширади.

2-§. Қўмита марказий аппаратининг вазифалар ва функциялари

15. Қуйидагилар Қўмита марказий аппаратининг асосий вазифалари ҳисобланади:

ветеринария, чорвачилик ва наслчилик соҳасида ягона давлат сиёсатини амалга оширишни таъминлаш;

Қўмита ҳамда ташкилий тузилмасига кирувчи ташкилотлар фаолияти билан боғлиқ прогноз кўрсаткичлар, мақсадли индикаторлар, сифатга эришиш ва ривожлантириш дастурларини самарали амалга оширишни таъминлаш;

Қўмита фаолияти соҳасига тегишли масалаларда вазирликлар ва идоралар билан ҳамкорлик қилиш, Вазирлар Маҳкамаси ва унинг Раёсатининг йиғилишларида масалаларни муҳокама қилишда иштирок этиш;

Ўзбекистон Республикаси Президенти ҳамда Ўзбекистон Республикасининг Бош вазири ва унинг ўринбосарлари топшириқларини ўз вақтида, тўлиқ ва сифатли бажариш;

Қўмита ходимларини тизимли қайта тайёрлаш ва малакасини оширишни ташкил этиш;

Қўмитанинг марказий аппарати ва унинг ташкилий тузилмасига кирувчи ташкилотлари фаолиятининг самарадорлиги ва натижадорлигини танқидий таҳлил қилиш, таҳлил натижаларига кўра зарур чора-тадбирларни кўриш;

Қўмитанинг марказий аппарати ва унинг ташкилий тузилмасига кирувчи ташкилотлар фаолиятига замонавий иш услубларини жорий этиш;

ветеринария, чорвачилик ва наслчилик соҳасида давлат хизматларини кўрсатиш самарадорлиги, сифати ва эркинлигини таъминлаш;

жисмоний ва юридик шахслар мурожаатларини кўриб чиқиш бўйича ишларни самарали таъминлаш, аҳоли билан тўғридан-тўғри ва очиқ мулоқотни йўлга қўйиш;

Ўзбекистон Республикаси Президентининг Халқ қабулхоналари билан самарали ҳамкорлик қилишни, Қўмита раҳбарияти ва ходимларининг улар фаолиятида фаол иштирок этишини, Ўзбекистон Республикаси Президентининг Виртуал қабулхонасидан келиб тушадиган жисмоний ва юридик шахслар мурожаатларининг ўз вақтида ва тўлиқ кўриб чиқилишини таъминлаш;

ветеринария, чорвачилик ва наслчилик соҳасини ривожлантириш бўйича мақсадли дастурлар, ушбу соҳадаги дастурий-услубий ва бошқа тартибга солувчи ҳужжатларни белгиланган тартибда тасдиқлаш;

ветеринария, чорвачилик ва наслчилик соҳасида халқаро ва давлатлараро ҳамкорликни кенгайтириш ва мустаҳкамлаш, хорижий инвестициялар ва грантларни жалб этиш бўйича халқаро хорижий тадбирларда Қўмитанинг вакилларининг иштирокини таъминлаш;

Қўмита ҳайъати қарорлари, Қўмита раисининг қарорлари, буйруқлари ва топшириқларининг ўз вақтида ва сифатли бажарилишини таъминлаш;

таркибий бўлинмаларда кадрларни танлаш ва жой-жойига қўйиш, уларнинг касб маҳорати, чуқур билимга эгалиги, тажрибаси, ишчанлик ва одоб-аҳлоқ ҳамда маънавиятининг юқори даражаси кафолатланганлигини таъминлаш, уларнинг касбий малакасини ошириш чораларини кўриш, назоратдаги таркибий бўлинмаларда кадрлар захирасини шакллантириш;

ветеринария, чорвачилик ва наслчилик соҳасидаги илғор хорижий тажриба ва илмий-техник тараққиётда эришилган натижаларни ўрганишни ташкил этиш, ушбу соҳани ривожлантиришда мазкур тажрибани жорий этиш;

ветеринария, чорвачилик ва наслчилик соҳасида халқаро семинарлар, анжуманлар, кўргазмалар ўтказилишини ташкил этиш ҳамда бошқа ташкилотлар ўтказадиган шу каби тадбирларда иштирок этишни таъминлаш.

16. Қўмита марказий аппарати унга юклатилган вазифаларни бажариш қуйидаги функцияларни амалга оширади:

Қўмита ва унинг раҳбарияти фаолиятини ташкилий ва ахборот-таҳлил жиҳатидан таъминлайди;

ҳудудий бошқармалар ва идоравий мансуб ташкилотлар томонидан соҳага оид Ўзбекистон Республикасининг қонунлари, Ўзбекистон Республикаси Президентининг Фармонлари, қарорлари ва фармойишлари, Вазирлар Маҳкамасининг қарорлари ва фармойишлари бажарилиши устидан тизимли назоратни таъминлайди;

Қўмита томонидан Ўзбекистон Республикаси Вазирлар Маҳкамаси ва Ўзбекистон Республикаси Президенти Администрациясига киритиладиган ҳужжатларнинг сифатли ва ўз вақтида ишлаб чиқилишини ва уларнинг иқтисодий ва ҳуқуқий экспертизадан ўтказилишини ташкил этади;

ҳудудий бошқармалар ва идоравий мансуб ташкилотлар фаолиятига белгиланган тартибда раҳбарлик қилади, мувофиқлаштиради ва назоратни амалга оширади;

Қўмита фаолияти, шу жумладан, норма ижодкорлиги соҳасидаги фаолиятини ҳуқуқий таъминланишини ташкил этади;

Қўмитанинг ваколатига тегишли ташкилий, кадрлар, молия, ишлаб чиқариш-хўжалик масалалари ва бошқа масалаларини ҳал этади.

3-§. Ҳудудий бошқармалар ва идоравий мансуб ташкилотларининг вазифалари ва функциялари

17. Қуйидагилар ҳудудий бошқармалар ва идоравий мансуб ташкилотларининг вазифалари ҳисобланади:

Қўмитага юкланган вазифалар ва функцияларнинг самарали бажарилишини таъминлайди;

ҳудудларни комплекс ижтимоий-иқтисодий ривожлантириш бўйича секторлар билан ҳамкорликни амалга ошириш;

ветеринария, чорвачилик ва наслчилик соҳасидаги ва улар ваколатига кирадиган бошқа масалаларга доир қонун ҳужжатларига, норматив ҳужжатларга риоя этиш юзасидан мониторинг ва назорат олиб бориш;

туман (шаҳар) бўлимлар ва идора бўйсунувидаги ташкилотларига ахборот-коммуникация технологияларини жорий этиш;

туман (шаҳар) бўлимлар ва идора бўйсунувидаги ташкилотлари фаолиятини мувофиқлаштириш ҳамда таҳлил қилиш;

қонун ҳужжатларида назарда тутилган бошқа вазифаларни ҳам амалга ошириши мумкин.

18. Ҳудудий бошқармалар ва идоравий мансуб ташкилотлар ўзига юкланган асосий вазифаларга мувофиқ қуйидаги функцияларни бажаради:

ҳудудий бошқармалар ва идоравий мансуб ташкилотлар фаолиятини ташкилий ва ахборот-таҳлилий жиҳатдан таъминлайди ҳамда унга раҳбарлик қилади;

Ўзбекистон Республикаси қонунларининг, Ўзбекистон Республикаси Олий Мажлиси палаталари қарорларининг, Ўзбекистон Республикаси Президенти фармонлари, қарорлари ва фармойишларининг, Вазирлар Маҳкамаси қарорлари ва фармойишларининг ҳамда Қўмита қарорлари ва буйруқларининг туман (шаҳар) бўлимлар, идоравий мансуб ташкилотлар томонидан бажарилишини тизимли назорат қилади;

туман (шаҳар) бўлимлар ва идоравий мансуб ташкилотлар томонидан киритиладиган ҳужжатларнинг сифатли ва ўз вақтида ишлаб чиқилишини, уларнинг иқтисодий, молиявий ва ҳуқуқий экспертизаси ўтказилишини ташкил этади;

туман (шаҳар) бўлимлар ва идоравий мансуб ташкилотлар фаолиятига раҳбарлик қилади, уларни мувофиқлаштиради ва назорат қилади;

ветеринария, чорвачилик ва наслчилик соҳасида хизматлар кўрсатиш юзасидан фаолият олиб борувчи субъектлар билан ҳамкорлик қилади;

ветеринария, чорвачилик ва наслчилик соҳасида ҳудудий дастурларни бажарилиши мониторингини олиб бориш, юридик ва жисмоний шахсларга давлат хизматларини кўрсатиш бўйича туман (шаҳар) бўлимлар ва идоравий мансуб ташкилотлар хатти-ҳаракатларини мувофиқлаштиради;

туман (шаҳар) бўлимлар ва идоравий мансуб ташкилотларнинг моддий-техник таъминотини ташкил этади;

туман (шаҳар) бўлимлар ва идоравий мансуб ташкилотлар бинолари ва иншоотларидан жорий фойдаланиш бўйича ишлар мониторингини ўтказади ва мувофиқлаштиради;

жисмоний ва юридик шахслар мурожаатлари билан ишларни ташкил этади;

оператив, ташкилий, кадрлар, молиявий, ишлаб чиқариш ва ўз ваколатига кирадиган бошқа масалалар юзасидан қарорлар қабул қилади;

қонун ҳужжатларида назарда тутилган бошқа функцияларни амалга оширади.

4-§. Туман (шаҳар) бўлимларининг вазифалари ва функциялари

19. Қуйидагилар туман (шаҳар) бўлимларининг асосий вазифалари ҳисобланади:

Қўмитага юкланган вазифалар ва функцияларнинг самарали бажарилишини таъминлашда иштирок этиш;

ветеринария, чорвачилик ва наслчилик соҳасидаги ва ўз ваколатига кирадиган бошқа масалаларга доир ташкилотлар билан ҳамкорлик қилиш;

қонун ҳужжатларига, норматив ҳужжатларга риоя этилиши юзасидан мониторинг ва назорат олиб бориш;

ветеринария, чорвачилик ва наслчилик соҳасини янада ривожлантиришда молиялаштириш бўйича таклифларни шакллантириш;

ветеринария, чорвачилик ва наслчилик соҳасида хизматлар кўрсатиш бўйича фаолиятни амалга оширувчи юридик шахсларни қўллаб-қувватлаш;

қонун ҳужжатларида назарда тутилган бошқа вазифаларни ҳам амалга ошириши мумкин.

20. Туман (шаҳар) бўлимлар ўзига юкланган асосий вазифаларга мувофиқ қуйидаги функцияларни бажаради:

туман (шаҳар) бўлимлар фаолиятини ташкилий ва ахборот-таҳлилий жиҳатдан таъминлайди ҳамда уларга раҳбарлик қилади;

Ўзбекистон Республикаси қонунлари, Ўзбекистон Республикаси Олий Мажлиси палаталари қарорлари, Ўзбекистон Республикаси Президенти фармонлари, қарорлари ва фармойишлари, Вазирлар Маҳкамаси қарорлари ва фармойишлари ҳамда Қўмита қарорлари ва буйруқлари бажарилишини назорат қилади;

туман (шаҳар) бўлимлар томонидан ҳужжатларнинг сифатли ва ўз вақтида ишлаб чиқилишини, уларнинг иқтисодий, молиявий ва ҳуқуқий экспертизаси ўтказилишини ташкил этади;

ветеринария, чорвачилик ва наслчилик соҳаси билан боғлиқ масалалар юзасидан юридик ва жисмоний шахсларга маслаҳат беради ва уларнинг фаолиятига кўмаклашади;

ветеринария, чорвачилик ва наслчилик соҳаси бўйича хизмат кўрсатишда юридик ва жисмоний шахслар билан шартномалар тузади;

ветеринария, чорвачилик ва наслчилик соҳасини ривожлантириш истиқболларини баҳолайди, унинг мониторингини ташкил этади ва ўтказади;

ветеринария, чорвачилик ва наслчилик соҳасини ривожлантириш дастурларини ишлаб чиқиш ва амалга оширишда иштирок этади;

ветеринария, чорвачилик ва наслчилик соҳасини ривожлантириш дастурларига киритилган корхоналар, муассасалар ва ташкилотлар томонидан тақдим этиладиган ахборот, шунингдек давлат статистика органларининг маълумотлар асосида мазкур дастурлар бажарилиши мониторингини олиб боради;

ветеринария, чорвачилик ва наслчилик соҳасини ривожлантириш тўғрисидаги таклифларни ишлаб чиқади ва маҳаллий давлат ҳокимияти органларининг кўриб чиқиши учун киритади;

ветеринария, чорвачилик ва наслчилик соҳасидаги қонун ҳужжатларини такомиллаштиришга доир чора-тадбирларга риоя этилишини назорат қилади;

ветеринария, чорвачилик ва наслчилик соҳасида хизматлар кўрсатиш бўйича фаолият олиб борувчи юридик ва жисмоний шахслар билан ҳамкорлик қилади;

жисмоний ва юридик шахслар мурожаатлари билан ишларни ташкил этади;

оператив, ташкилий, кадрлар, молиявий, ишлаб чиқариш хўжалик туман (шаҳар) бўлимларининг ваколатига кирадиган бошқа масалалар юзасидан қарорлар қабул қилади;

қонун ҳужжатларида назарда тутилган бошқа функцияларни амалга оширади.

4-боб. Қўмита, унинг Ҳудудий бошқармалари ва идоравий мансуб ташкилотларининг ҳуқуқлари ва жавобгарлиги

1-§. Қўмитанинг ҳуқуқлари ва жавобгарлиги

21. Қўмита ўзига юкланган вазифа ва функцияларни амалга ошириш учун қуйидаги ҳуқуқларга эга:

вазирликлар, давлат қўмиталари, идоралар ва бошқа ташкилотлардан ветеринария, чорвачилик ва наслчилик соҳасига оид масалалар бўйича маълумотларни белгиланган тартибда сўраб олиш;

юридик ва жисмоний шахслардан ҳайвонларнинг юқумли касалликлари тарқалишининг олдини олишни ҳамда уларнинг тугатилишини таъминловчи чора-тадбирлар ўтказилишини, шунингдек эпизоотик ҳолатни аниқлаш учун зарур бўлган маълумот тақдим этилишини талаб қилиш;

ҳайвонларнинг ва одамларнинг соғлиғи учун хавф туғдирадиган ҳайвонлар касаллиги аниқланган тақдирда, ҳайвонларни сўйишга ёки йўқ қилиб ташлашга, келиб чиқиши ҳайвонотга мансуб маҳсулот ва хом ашёни зарарсизлантиришга (юқумсизлантиришга), қайта ишлашга ёки утилизация қилишга тааллуқли, юридик ва жисмоний шахслар томонидан бажарилиши мажбурий бўлган талабларни белгилаш;

республика ҳудудида биологик хавфсизликни таъминлаш мақсадида ветеринария дори воситаларини тайёрлаш ва ишлаб чиқариш шароитларини ўрганиш бўйича Қўмита ҳузурида марказий режим комиссиясини ташкил этиш ва унинг фаолият юритишини таъминлаш;

ветеринария дори воситалари ва озуқабоп қўшимчаларни рўйхатдан ўтказилганлик гувоҳномасини олиш учун тақдим этилган ҳужжатлар ва уларнинг синов натижаларини ҳамда ветеринария соҳасига оид тайёрланадиган қўлланмалар, тавсияномалар ва йўриқномаларни ўрганиш, шунингдек ишлаб чиқилган ветеринария, ветеринария-санитария қоидалари ва нормаларини кўриб чиқиш бўйича Қўмита ҳузурида илмий-техник кенгаш ишини ташкил этиш ва унинг фаолият юритишини таъминлаш;

фавқулодда ҳолатлар вужудга келганда эпизоотияга қарши зарур чоралар белгилаш ва ветеринария, ветеринария-санитария тадбирларини ўтказиш мақсадида илмий-тадқиқот ва олий таълим муассасаларининг ветеринария йўналишидаги олимлари, Ветеринария ва чорвачиликни ривожлантириш давлат органлари ва муассасаларининг мутахассисларидан иборат махсус ишчи гуруҳлар ташкил этиш ва унинг фаолият юритишини таъминлаш;

халқаро ташкилотлар, молия институтлар ва хорижий давлатларнинг кредит ва грант маблағлари ҳисобига ветеринария ва чорвачилик соҳаларида инвестиция лойиҳаларини амалга ошириш ва амалга ошириш гуруҳларини ташкил этиш ҳамда ишларини мувофиқлаштириш;

юридик ва жисмоний шахсларга пуллик ветеринария, наслчилик-селекция ва бошқа хизматлар кўрсатиш тартиби, хизмат турлари ва тарифларини ишлаб чиқиш ҳамда белгиланган тартибда тасдиқлаш;

ҳайъат мажлисларида ветеринария ва чорвачиликни ривожлантириш давлат органлари ҳамда муассасалари раҳбарларининг Қўмита ваколатига тааллуқли масалалар бўйича ҳисоботларини эшитиш;

ветеринария, чорвачилик ва наслчилик соҳасига оид хизмат кўрсатиш ва ишлаб чиқариш, шунингдек, ёрдамчи хўжаликлар фаолиятини ташкил этиш юзасидан таклифлар тайёрлаш;

белгиланган тартибда марказий аппарат ва унинг тизимига кирувчи ташкилотларнинг даромадлар ва харажатлар сметаси, штат жадвалларини ишлаб чиқиш ва тасдиқлаш;

ветеринария хизмати ва чорвачиликни ривожлантириш жамғармаси маблағларини шакллантириш ва улардан фойдаланишни ташкил этиш;

Қўмита ходимларини иш ҳақи, мукофотлар, қўшимча тўловлар, устамалар ва шахсий устамалар ҳамда меҳнат ҳақи тизимида назарда тутилган бошқа рағбатлантиришлар қонун ҳужжатларида белгиланган тартибда амалга ошириш;

Қўмита тизимига кирувчи ташкилотларда аҳоли ва тадбиркорлик субъектларига кўрсатиладиган ветеринария хизмати турлари кенгайиши ҳамда пулли хизмат кўрсатиш ҳажмининг ортишини рағбатлантириш мақсадида бюджетдан ташқари маблағлар ҳисобидан зарур бўлган мутахассис ва ходимларни жалб қилиш учун Қўмита томонидан тасдиқланган штатларни жорий қилиш;

ветеринария, ветеринария-санитария қоидалари ва нормаларини ишлаб чиқиш ва тасдиқлаш;

Қўмита тизими фаолиятига оид ноширлик фаолиятини амалга ошириш;

Қўмита қонун ҳужжатларига мувофиқ бошқа ҳуқуқларга ҳам эга бўлиши мумкин.

22. Қўмита:

Қўмитага юкланган вазифа ва функцияларни самарали бажариш, шунингдек, ветеринария ва чорвачилик соҳасида давлат сиёсатини самарали амалга ошириш;

Қўмита фаолиятига тегишли прогноз кўрсаткичларига эришилишини сўзсиз таъминлаш;

Ўзбекистон Республикаси Вазирлар Маҳкамасига ва Ўзбекистон Республикаси Президенти Администрациясига киритилаётган норматив-ҳуқуқий ҳужжатлар лойиҳалари ва бошқа ҳужжатлар, шунингдек, Қўмита томонидан қабул қилинаётган қарорларнинг сифати, пировард натижалари ва амалга оширилиши оқибатлари;

соҳа (тармоқ)ни ривожлантириш бўйича дастурлар, чора-тадбирлар режалари, «йўл хариталари» ва бошқа дастурий ҳужжатларни самарали амалга ошириш, шунингдек, ветеринария ва чорвачилик соҳасида ҳудудларни ижтимоий-иқтисодий ривожлантириш ва муаммоларнинг ечилиши;

фуқаролар ва тадбиркорлик субъектларининг ҳуқуқларига риоя этилишини ва қонуний манфаатлари ҳимоя қилинишини таъминлаш учун масъулдир.

2-§. Қўмита марказий аппаратининг ҳуқуқлари ва жавобгарлиги

23. Қўмитанинг марказий аппарати ўзига юкланган вазифа ва функцияларни бажариш учун қуйидаги ҳуқуқларга эга:

ҳудудий бошқармалар ва унинг идоравий мансуб ташкилотларидан Қўмитанинг марказий аппаратида кўриб чиқиладиган, таҳлил қилиш ва ишлаш учун зарур бўлган материаллар ҳамда маълумотларни, шунингдек, норматив-ҳуқуқий ҳужжатлар лойиҳаларини ва бошқа ҳужжатларни сўраш ва олиш;

Қўмитада кўриб чиқиладиган масалаларни ишлаш, ахборот ва таҳлилий материалларни, шунингдек, норматив-ҳуқуқий ҳужжатлар ва бошқа ҳужжатлар лойиҳаларини тайёрлаш учун зарур бўлганда ҳудудий бошқармалар ва унинг идоравий мансуб ташкилотлари раҳбарлари ҳамда вакилларини жалб қилиш, ушбу мақсадлар учун эксперт ва ишчи гуруҳларни ташкил этиш;

ҳудудий бошқармалар ва унинг идоравий мансуб ташкилотларидан улар киритган норматив-ҳуқуқий ҳужжатлар ва бошқа ҳужжатлар лойиҳаларини қайта ишлаб чиқишни талаб қилиш, зарур бўлганда уларни қайта кўриб чиқиш учун қайтариш;

ҳудудий бошқармалар ва унинг идоравий мансуб ташкилотлари раҳбарлари ҳамда вакиллари иштирокида йиғилишлар ўтказиш;

тезкор ҳал этилиши лозим бўлган ва Қўмитага юкланган вазифа ва функцияларни бажариш билан боғлиқ масалалар бўйича ҳудудий бошқармалар ва унинг идоравий мансуб ташкилотлари раҳбарларига белгиланган тартибда топшириқлар бериш;

ҳудудий бошқармалар ва унинг идоравий мансуб ташкилотларининг қабул қилинган қонун ҳужжатлари ва бошқа норматив — ҳуқуқий ҳужжатлар, Ўзбекистон Республикаси Президенти ва Вазирлар Маҳкамасининг топшириқлари, шунингдек, Қўмита ва унинг раҳбариятининг ҳужжатлари ва топшириқлари бажарилишига оид фаолиятини ўрганиш ва белгиланган тартибда текшириш;

Қўмита марказий аппарати ҳузурида соҳага оид муаммолар бўйича жамоатчилик, консультатив, илмий-техник ва бошқа кенгашлар, идоралараро эксперт комиссиялар ташкил этиш, махсус кенгашлар чақириш, шунингдек ветеринария ва чорвачиликни ривожлантиришнинг узоқ муддатли дастурларини, ҳудудий комплекс схемаларини, қонун ҳужжатлари лойиҳаларини ишлаб чиқиш, шунингдек фаолияти билан боғлиқ бошқа масалаларни ҳал этиш учун илмий-тадқиқот, лойиҳалаш ташкилотлари, олий таълим муассасалари ҳамда бошқа юридик ва жисмоний шахсларни қонун ҳужжатларида белгиланган тартибда жалб этиш;

ветеринария хизмати ва чорвачиликни ривожлантириш жамғармаси маблағларини белгиланган тартибда шакллантириш ва улардан фойдаланиш;

қонун ҳужжатларида белгиланган тартибда ветеринария ва чорвачилик соҳасидаги масалалар мавзусида ноширлик фаолиятини амалга ошириш;

ҳудудий бошқармалар ва унинг идоравий мансуб ташкилотларининг қабул қилинган қонун ҳужжатлари ва бошқа норматив-ҳуқуқий ҳужжатлар, Ўзбекистон Республикаси Президенти ва Вазирлар Маҳкамасининг топшириқлари, шунингдек, Қўмита ва унинг раҳбариятининг ҳужжатлари ва топшириқлари бажарилишига оид фаолиятини ўрганиш ва белгиланган тартибда текшириш;

ветеринария ва чорвачилик соҳасида тегишли минтақавий, хорижий ва халқаро ташкилотлар билан ҳамкорликни ривожлантириш.

Қўмита марказий аппарати қонун ҳужжатларига мувофиқ бошқа ҳуқуқларга ҳам эга бўлиши мумкин.

24. Қўмита марказий аппарати:

ҳудудий бошқармалар ва идоравий мансуб ташкилотлари билан биргаликда Қўмитага юкланган вазифа ва функцияларнинг сифатли ва ўз вақтида бажарилишини таъминлаш;

Қўмита марказий аппарати бўлинмаларининг Қўмита фаолиятига тегишли прогноз кўрсаткичларига эришишни таъминлашга доир ишини ташкил этиш;

Қўмита томонидан кўриб чиқиш учун Ўзбекистон Республикаси Вазирлар Маҳкамасига ва Ўзбекистон Республикаси Президенти Администрациясига киритиладиган норматив-ҳуқуқий ҳужжатлар лойиҳалари ва бошқа ҳужжатларни, шунингдек, Қўмита қабул қиладиган қарорларни сифатли тайёрлаш ва экспертизадан ўтказиш;

ҳудудий бошқармалар ва идоравий мансуб ташкилотлари томонидан дастурлар, чора-тадбирлар режалари, «йўл хариталари» ва соҳани, шунингдек, тегишли тармоқда ҳудудларни ижтимоий-иқтисодий ривожлантириш бўйича бошқа дастурий ҳужжатлар амалга оширилишини ташкил этиш;

3-§. Ҳудудий бошқармалар ва идоравий мансуб ташкилотларнинг ҳуқуқлари ва жавобгарлиги

25. Ҳудудий бошқармалар ва идоравий мансуб ташкилотлар ўзларига юкланган вазифа ва функцияларни бажариш учун қуйидаги ҳуқуқларга эга:

ўз ваколатига кирадиган масалаларни ҳал этиш учун зарур бўлган маълумотларни давлат ва хўжалик бошқаруви органларининг ҳудудий бўлинмаларидан, маҳаллий давлат ҳокимияти органларидан белгиланган тартибда сўраш ва олиш;

ўз ваколатлари доирасидаги масалалар юзасидан маҳаллий давлат ҳокимияти органларига кўриб чиқиш учун таклифлар киритиш;

соҳага оид қонун ҳужжатларида кўрсатилган қонун талаблари бузилишларини бартараф этиш тўғрисида юридик ва жисмоний шахсларга кўрсатмалар бериш;

ўз ваколати доирасида белгиланган тартибда маъмурий ҳуқуқбузарликлар бўйича ишларни кўриб чиқиш, мансабдор шахслар ва фуқароларга жарималар солиш.

26. Ҳудудий бошқармалар ва идоравий мансуб ташкилотлар:

туман (шаҳар) бўлимлар билан биргаликда уларга юкланган вазифа ва функцияларнинг ўз вақтида ва сифатли бажарилишини таъминлаш;

ҳудудий бошқармалар ва идоравий мансуб ташкилотлари фаолияти билан боғлиқ бўлган прогноз кўрсаткичларга эришилишини таъминлаш;

Қўмитага киритилаётган ҳужжатлар лойиҳалари ва таклифлар, шунингдек, ҳудудий бошқармалар ва идоравий мансуб ташкилотлартомонидан қабул қилинаётган қарорларнинг сифати, пировард натижалари ва амалга оширилиши оқибатлари;

туманлар (шаҳарлар)да аниқланган муаммоларни ҳар томонлама ва чуқур таҳлил қилиш ва умумлаштириш асосида Қорақалпоғистон Республикаси, вилоятлар ва Тошкент шаҳрида ветеринария ва чорвачиликни ривожлантириш бўйича таклифлар тайёрлаш;

Қорақалпоғистон Республикаси, вилоятлар ва Тошкент шаҳрида соҳани ривожлантириш, юзага келадиган муаммоларнинг ечилиши бўйича дастурлар, чора-тадбирлар режалари, «йўл хариталари»ни самарали амалга ошириш;

4-§. Туман (шаҳар) бўлимларининг ҳуқуқлари ва мажбуриятлари

27. Туман (шаҳар) бўлимлар ўзларига юкланган вазифа ва функцияларни бажариш учун қуйидаги ҳуқуқларга эга:

ўз ваколатига кирадиган масалаларни ҳал этиш учун зарур бўлган маълумотларни давлат ва хўжалик бошқаруви органларининг туман бўлинмаларидан, маҳаллий давлат ҳокимияти органларидан белгиланган тартибда сўраш ва олиш;

ўз ваколатлари доирасидаги масалалар бўйича ҳудудий бошқармаларга, маҳаллий давлат ҳокимияти органларига кўриб чиқиш учун таклифлар киритиш;

28. Туман (шаҳар) бўлимлар:

ўзларига юкланган вазифа ва функцияларнинг ўз вақтида ва сифатли бажарилишини таъминлаш;

ҳудудий бошқармаларга киритилаётган ҳужжатлар лойиҳалари ва таклифлар, шунингдек, туман (шаҳар)даги бўлинмалар томонидан қабул қилинаётган қарорларнинг сифати, пировард натижалари ва амалга оширилиши оқибатлари;

аҳолини, айниқса ёшларни, тадбиркорлик субъектларини ташвишга солаётган долзарб муаммоларни, шунингдек, тегишли ҳудудда чорвачиликни ривожлантириш ва эпизоотик осойишталикни таъминлашга тўсқинлик қиладиган тизимли камчиликларни аниқлаш, туман (шаҳар)ни ривожлантириш дастурига киритиш учун таклифлар тайёрлаш ва киритиш;

туман (шаҳар)ларда соҳани ривожлантириш, юзага келадиган муаммоларнинг ечилиши бўйича дастурлар, чора-тадбирлар режалари, «йўл хариталари»ни самарали амалга ошириш;

5-боб. Қўмита раҳбарларининг асосий функционал вазифалари

29. Қуйидагилар Қўмита раисининг асосий функционал вазифалари ҳисобланади:

Ўзбекистон Республикаси Конституцияси ва қонунлари, шунингдек, бошқа норматив-ҳуқуқий ҳужжатлар талабларига риоя қилиш;

Қўмита фаолиятига умумий раҳбарликни амалга ошириш, Ўзбекистон Республикаси Президентининг тегишли ҳужжатлари, Вазирлар Маҳкамасининг қарорлари ва бошқа қонун ҳужжатлари билан Қўмитага юкланган вазифа ва функциялар бажарилишини ташкил этиш;

Ўзбекистон Республикаси Президентининг ҳужжатлари, Вазирлар Маҳкамасининг қарорлари билан тасдиқланган Қўмитанинг фаолиятини янада такомиллаштириш бўйича концепциялар, комплекс дастурлар ва комплекс тадбирлар бажарилишининг танқидий ва чуқур таҳлилини олиб бориш;

Қўмита, шунингдек, унинг ҳудудий бошқармалари ва идоравий мансуб ташкилотлари фаолиятига тегишли прогноз кўрсаткичларига сўзсиз эришишни таъминлаш бўйича амалий чора-тадбирларнинг ишлаб чиқилишини ташкил этиш ва амалга ошириш;

Ўзбекистон Республикаси Президенти Администрацияси бўлинмалари ва Вазирлар Маҳкамасининг комплекслари, шунингдек, тегишли вазирлик ва идоралар билан Қўмита фаолияти соҳасига кирадиган масалалар бўйича ўзаро ҳамкорлик қилиш, Вазирлар Маҳкамаси ва унинг Раёсати мажлисларида масалаларнинг кўриб чиқилишида иштирок этиш;

Ўзбекистон Республикаси Президенти, Ўзбекистон Республикаси Бош вазири ва унинг ўринбосарлари топшириқларини ўз вақтида ва сифатли бажариш;

ўз ўринбосарларининг ваколатларини белгилаш, улар ўртасида вазифаларни тақсимлаш, Қўмитанинг бошқа мансабдор шахслари ваколатларини белгилаш, ўз ўринбосарлари ва бошқа мансабдор шахсларнинг Қўмита фаолиятининг алоҳида қисмларига раҳбарлик қилиши учун уларнинг шахсий масъулияти даражаларини белгилаш;

Қўмита фаолиятини режалаштиришни ташкил этиш, Қўмита ва ўз ўринбосарларининг ҳар чораклик иш режаларини тасдиқлаш, уларнинг бажарилиши юзасидан назоратни таъминлаш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини ташкил этиш ҳамда мониторинг олиб боришнинг амалий тизимини яратиш, Қўмита фаолиятида ижро интизомини мустаҳкамлаш бўйича комплекс амалий чора-тадбирларни бажариш, шунингдек, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорига ва Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ ҳудудий бошқармалар ва идоравий мансуб ташкилотлари раҳбарларининг шахсий масъулиятини ошириш чора-тадбирларини кўриш;

Қўмита ходимларини тизимли қайта тайёрлашни ва уларнинг малакасини оширишни ташкил этиш;

Қўмита тизимида кадрларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш, Қўмитанинг кадрлар захирасини шакллантириш;

Ўзбекистон Республикаси Президенти, Ўзбекистон Республикаси Президенти Администрацияси ва Вазирлар Маҳкамаси номенклатурасига кирадиган бўш лавозимларга таклиф этилган кадрларнинг, шунингдек, Қўмитага ишга қабул қилинаётган бошқа кадрларнинг касбий маҳорати, ўз ишини билиши, амалий тажрибага, юқори даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш;

фаолият соҳаси масалалари бўйича норматив-ҳуқуқий ҳужжатлар лойиҳалари сифатли ишлаб чиқилишини, улар « Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлиси Қонунчилик палатасига киритиш тартиби тўғрисида »ги Ўзбекистон Республикаси қонунлари, Ўзбекистон Республикаси Президентининг 2018 йил 26 августдаги ПФ-5519-сон Фармони билан тасдиқланган Ўзбекистон Республикаси Президенти Администрациясининг Регламенти ва Вазирлар Маҳкамасининг 2019 йил 22 мартдаги 242-сон қарори билан тасдиқланган Ўзбекистон Республикаси Вазирлар Маҳкамасининг Регламенти талабларига қатъий мувофиқ равишда ўз вақтида киритилишини ташкил этиш, уларнинг Вазирлар Маҳкамаси аппаратида пухта ишланишида, Вазирлар Маҳкамаси раҳбарияти ҳузурида ҳимоя қилиниши ва Ўзбекистон Республикаси Президенти Администрациясида кўриб чиқилишида иштирок этиш;

« Норматив-ҳуқуқий ҳужжатлар тўғрисида », « Қонунлар лойиҳаларини тайёрлаш ва уларни Ўзбекистон Республикаси Олий Мажлиси Қонунчилик палатасига киритиш тартиби тўғрисида »ги Ўзбекистон Республикаси қонунларига ва Вазирлар Маҳкамасининг 2016 йил 17 октябрдаги 345-сон қарори билан тасдиқланган Давлат ва хўжалик бошқаруви органлари, маҳаллий ижро этувчи ҳокимият органларининг қонун лойиҳаси фаолиятининг Намунавий регламентига мувофиқ Қўмитанинг қонун лойиҳаларини тайёрлаш фаолиятини ташкил этиш;

Қўмита ваколатига кирадиган масалалар бўйича буйруқлар, кўрсатмалар чиқариш ва норматив-ҳуқуқий ҳужжатларни қабул қилиш, зарур бўлганда бошқа вазирлик ва идоралар билан биргаликда тегишли қарорлар қабул қилиш;

Қўмитага тақдим этилган таклифлар ва норматив-ҳуқуқий ҳужжат лойиҳаларининг тўлиқ ва ҳар томонлама кўриб чиқилишини таъминлаш, уларни пухта ҳуқуқий, молиявий, иқтисодий ва бошқа экспертизадан ўтказиш, шунингдек, Ўзбекистон Республикаси Президентининг 2018 йил 26 августдаги ПФ-5519-сон Фармони билан тасдиқланган Ўзбекистон Республикаси Президенти Администрациясининг Регламенти ва Вазирлар Маҳкамасининг 2019 йил 22 мартдаги 242-сон қарори билан тасдиқланган Ўзбекистон Республикаси Вазирлар Маҳкамасининг Регламентида белгиланган муддатларда келишиш (виза қўйиш);

Қўмита раҳбарлари ва ходимларининг хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ва «Мансабдор шахсларнинг хориж мамлакатларига хизмат сафарлари самараси учун шахсий масъулиятларини янада ошириш ва хорижий делегацияларнинг Ўзбекистон Республикасига ташрифларини ташкил этиш чоралари тўғрисида» 2017 йил 3 августдаги ПҚ-3170-сон қарорлари талабларига тўлиқ мос равишда амалга ошириш ва ташкил этиш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

ўз ўринбосарлари, ҳудудий бошқармалар ва унинг идоравий мансуб ташкилот раҳбарлари фаолияти самарадорлиги ва натижадорлигини мунтазам равишда танқидий таҳлил қилиш, Қўмитанинг Ҳайъат мажлисларида уларнинг шахсий ҳисоботларини эшитиш, якуний натижалар бўйича зарур чоралар кўриш;

Қўмита ходимларини рағбатлантириш ва интизомий жавобгарликка тортиш масалаларини ҳал қилиш, ўз ўринбосарларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимда қолишининг мақсадга мувофиқлигига доир масалаларни кўриб чиқиш тўғрисида таклифлар киритиш, уларнинг шахсий масъулиятини оширишга доир тизимли чора-тадбирларни амалга ошириш;

Қўмита ходимлари томонидан Вазирлар Маҳкамасининг 2016 йил 2 мартдаги 62-сон қарори билан тасдиқланган Давлат бошқаруви органлари ва маҳаллий ижро этувчи ҳокимият органлари ходимларининг одоб-ахлоқ намунавий қоидалари асосида тасдиқланган Қўмита ходимларининг одоб-ахлоқ қоидалари талабларига риоя этилишини таъминлашни назорат қилиш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ, Қўмита тизимида коррупция ва бошқа қонун бузарликларнинг олдини олиш бўйича чоралар кўриш, шунингдек, ҳуқуқ амалиёти ва қонунчиликни такомиллаштириш бўйича чора-тадбирлар ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шарт-шароитларни бартараф этиш;

Қўмита ва унинг ҳудудий бошқармалари ҳамда идоравий мансуб ташкилотлари ишини ташкил этишнинг замонавий шакллари жорий этилишини таъминлаш;

аҳоли ва тадбиркорлик субъектлари билан ҳамкорлик қилишда, шу жумладан, «ягона дарча» принципини жорий этиш орқали давлат хизматлари сифати ва самарадорлигини ҳамда улардан эркин фойдаланишни ошириш ҳамда «Электрон ҳукумат тўғрисида»ги Ўзбекистон Республикаси Қонунини амалга ошириш доирасида замонавий ахборот-коммуникация технологияларидан фойдаланиш;

жисмоний ва юридик шахсларнинг мурожаатларини кўриб чиқиш бўйича ишларни «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги Намунавий низомга мувофиқ самарали ташкил этиш, жамоатчилик билан бевосита ва очиқ мулоқот ўрнатиш, шахсан қабул қилишни мунтазам равишда ўтказиш, шу жумладан, жисмоний ва юридик шахсларнинг вакилларини жойларга бориб қабул қилишни белгиланган муддатда ва тартибда амалга ошириш;

Ўзбекистон Республикаси Президентининг Халқ қабулхоналари билан самарали ҳамкорликни, уларнинг фаолиятида Қўмита ходимлари ва раҳбарларининг фаол иштирок этишини ташкил этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан тушган мурожаатлари ўз вақтида ва тўлиқ кўриб чиқилишини таъминлаш;

давлат сирига киритилган маълумотлар ва махфий ахборот билан ишлашда қонун ҳужжатлари талабларига риоя қилиш;

давлат органлари ва бошқа ташкилотларда, Ўзбекистон Республикаси судларида, шунингдек, давлат органлари, халқаро ташкилотлар ва хорижий мамлакат вакиллари иштирокида ўтказиладиган расмий тадбирларда Қўмита номидан иштирок этиш;

Қўмитанинг Ҳайъат мажлисларида раислик қилиш;

зарурият бўлганда, Қўмитанинг, шунингдек ҳудудий бошқармалар ва идоравий мансуб ташкилотларнинг ташкилий тузилмаларига белгиланган миқдор доирасида ўзгартиришлар киритиш;

штат бирликларининг белгиланган сони асосида Қўмита марказий аппаратининг, шунингдек ҳудудий бошқармалар ва идоравий мансуб ташкилотлар тузилмасини, штатлар жадвалини ва харажатлар сметасини тасдиқлаш;

Қўмита марказий аппаратининг таркибий бўлинмалари тўғрисида низомларни, шунингдек, ҳудудий бошқармалар ва идоравий мансуб ташкилотлари низомларини ҳамда уставларини белгиланган тартибда тасдиқлаш;

Қўмита марказий аппарати ходимлари, ҳудудий бошқармалар ва идоравий мансуб ташкилотлари раҳбарлари билан қонунчиликда белгиланган тартибда меҳнат шартномаларини тузиш ва бекор қилиш;

Қўмита, ҳудудий бошқармалар ва идоравий мансуб ташкилотларининг мансабдор шахслари учун бажарилиши мажбурий бўлган буйруқлар қабул қилиш ва кўрсатмалар бериш, шунингдек, уларнинг бажарилишини белгиланган тартибда назорат қилиш;

ветеринария ва чорвачилик соҳасида кадрларни тайёрлаш, ходимларни қайта тайёрлаш ва уларнинг малакасини оширишни ташкил этиш бўйича чоралар кўриш;

ветеринария ва чорвачиликни ривожлантириш соҳасидаги ходимларни ва мутахассисларни уларнинг кўп йиллик ва самарали фаолияти, алоҳида хизматлари учун Ўзбекистон Республикаси давлат мукофотлари билан тақдирлаш учун белгиланган тартибда таклифлар киритишни таъминлаш ва тавсиялар бериш;

бюджет маблағлари, бюджетдан ташқари ва қонун ҳужжатларида тақиқланмаган бошқа маблағлар ҳисобидан ходимларни моддий рағбатлантириш ва Қўмита тизимининг моддий техника базасини мустаҳкамлаш ҳамда ривожлантириш бўйича чора-тадбирларни кўриш.

30. Қўмита раисининг Бош давлат ветеринария инспектори сифатидаги асосий функционал вазифалари:

давлат ва хўжалик бошқаруви органларига, юридик ва жисмоний шахсларга зарур ветеринария, ветеринария-санитария тадбирлари ва эпизоотияга қарши тадбирлар ўтказиш тўғрисида бажарилиши мажбурий бўлган кўрсатмалар бериш;

ҳайвонларнинг ва одамларнинг соғлиғи учун хавф туғдирадиган касалликларга чалинган ҳайвонлар аниқланган ҳолларда, ушбу ҳайвонларни сўйиш ёки йўқ қилиб ташлаш тўғрисида, шунингдек истеъмолга яроқсиз деб топилган, келиб чиқиши ҳайвонотга мансуб маҳсулот ва хом ашёни йўқ қилиб ташлаш, қайта ишлаш ёки ушбу маҳсулот ва хом ашёдан ўзгача тарзда фойдаланиш ҳақида юридик ва жисмоний шахслар томонидан бажарилиши мажбурий бўлган кўрсатмалар бериш;

давлат ветеринария хизмати назорати остидаги объектларга монеликсиз кириш ва ветеринария тўғрисидаги қонун ҳужжатларининг аниқланган бузилишларини бартараф этиш тўғрисида бажарилиши мажбурий бўлган кўрсатмалар бериш;

темир йўл вагонларининг, кемаларнинг, самолётларнинг ва бошқа транспорт воситаларининг ҳолати ветеринария, ветеринария-санитария қоидалари ва нормаларига номувофиқлиги аниқланган тақдирда улардан фойдаланишни тақиқлаш;

ветеринария, ветеринария-санитария қоидалари ва нормаларининг бузилишлари аниқланган тақдирда чорвачилик объектларидан, гўшт ва сут саноати корхоналаридан, келиб чиқиши ҳайвонотга мансуб маҳсулот ва хом ашёни қайта ишловчи ҳамда сақловчи корхоналардан фойдаланишни тақиқлаш;

ветеринария, ветеринария-санитария қоидалари ва нормаларининг бузилишлари аниқланган тақдирда чорвачилик фермаларида, келиб чиқиши ҳайвонотга мансуб маҳсулот ва хом ашёни қайта ишловчи ҳамда сақловчи корхоналарда янги қурилган, тикланган ва реконструкция қилинган объектларни ишга туширишни тўхтатиб туриш;

ҳайвонларнинг эгалари томонидан, шунингдек келиб чиқиши ҳайвонотга мансуб маҳсулот ва хом ашёни қайта ишлаш, сақлаш ҳамда уларнинг савдоси билан шуғулланувчи ташкилотлар томонидан ветеринария тўғрисидаги қонун ҳужжатлари ижро этилиши устидан назоратни амалга ошириш;

чегараолди туманларда, қўшни давлатларда юзага келган эпизоотик вазият тўғрисида тегишли органлар ва ташкилотларни хабардор қилиш, тегишли ветеринария тадбирларини амалга ошириш ҳамда зарур тавсиялар бериш;

ветеринария дори воситалари, озуқабоп қўшимчалар ишлаб чиқарилишини ҳамда улардан чорвачиликда ва ветеринарияда фойдаланилишини назорат қилиш, уларнинг ҳайвонлар соғлиғига ва келиб чиқиши ҳайвонотга мансуб маҳсулот ҳамда хом ашё сифатига таъсирини баҳолаш;

ҳайвонларнинг юқумли касалликлари ўчоқлари аниқланган тақдирда тегишли ҳудудларни нобоп пунктлар деб эълон қилиш ва уларда чекловчи тадбирлар (карантин) жорий этиш тўғрисида, шунингдек ҳайвонларнинг юқумли касалликлари ўчоқлари тугатилганидан кейин чекловчи тадбирларни (карантинни) бекор қилиш ҳақида тегишли давлат органларига тақдимнома киритиш;

ветеринария тўғрисидаги қонун ҳужжатлари талабларини бузганлик учун мансабдор шахсларга ва бошқа шахсларга нисбатан белгиланган тартибда маъмурий жазо чораларини кўриш.

Бош давлат ветеринария инспектори қонун ҳужжатларига мувофиқ бошқа ваколатларни ҳам амалга ошириши мумкин.

31. Қуйидагилар Қўмита раиси ўринбосарларининг асосий функционал вазифалари ҳисобланади:

Ўзбекистон Республикаси Конституцияси ва қонунлари, шунингдек, норматив-ҳуқуқий ҳужжатлар талабларига риоя қилиш;

Қўмита раиси вақтинча бўлмаганда тегишли буйруқ асосида унинг вазифаларини бажариш;

Қўмитанинг ўзи назорат қиладиган таркибий бўлинмалари фаолиятини мувофиқлаштириш, назорат қилиш ва бевосита бошқариш, улар ходимлари ўртасида вазифаларни тақсимлаш;

Қўмита фаолиятининг ўзи назорат қиладиган йўналишлари бўйича Ўзбекистон Республикаси Президентининг ҳужжатлари, Вазирлар Маҳкамасининг қарорлари билан тасдиқланган Қўмитанинг фаолиятини янада такомиллаштириш бўйича концепциялар, комплекс дастурлар ва комплекс тадбирларнинг бажарилишини танқидий ва чуқур таҳлил қилиб бориш;

ўзи назорат қиладиган таркибий бўлинмалар томонидан прогноз кўрсаткичларнинг сўзсиз бажарилишини таъминлаш чораларини кўриш, бўлинмалар раҳбарларининг ҳисоботларини мунтазам равишда эшитиб бориш ва ушбу кўрсаткичларга эришиш учун уларнинг шахсий масъулиятини ошириш;

ўзи назорат қиладиган таркибий бўлинмалар раҳбарларининг иш режаларини тасдиқлаш, уларнинг бажарилиши юзасидан назоратни таъминлаш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини таъминлаш, ўзи назорат қиладиган таркибий бўлинмаларда ижро интизомини мустаҳкамлаш бўйича комплекс амалий чора-тадбирларни амалга ошириш, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорига ва Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ таркибий бўлинма раҳбарларининг шахсий масъулиятини ошириш чора-тадбирларини кўриш;

Қўмита Ҳайъати қарорлари, Қўмита раисининг буйруқ ва топшириқлари ўз вақтида ва сифатли бажарилишини таъминлаш;

ўзи назорат қиладиган таркибий бўлинмаларда ходимларни танлаш ва жой-жойига қўйиш бўйича Қўмита раисига таклифлар киритиш, уларнинг касбий маҳорати, ўз ишини билиши, амалий тажрибаси, юқори даражада ишлаш хусусиятлари ва маънавий-ахлоқий фазилатлари кафолатланганлигини таъминлаш, ходимларнинг касбий малакасини ошириш, ўзи бошқарадиган таркибий бўлинмаларда ходимлар захирасини шакллантириш чораларини кўриш;

ўзи назорат қиладиган таркибий бўлинмалар томонидан норматив-ҳуқуқий ҳужжат лойиҳаларининг тўлиқ ва сифатли ишлаб чиқилишини ташкил этиш, Қўмитанинг таркибий бўлинмаларида тайёрланган ҳужжатлар лойиҳаларини Қўмита раиси томонидан кўриб чиқилиши ва имзоланиши (виза қўйилиши) учун кўриб чиқиш ва виза қўйиш, уларни Ўзбекистон Республикаси Президентининг 2018 йил 26 августдаги ПФ-5519-сон Фармони билан тасдиқланган Ўзбекистон Республикаси Президенти Администрациясининг Регламенти ва Вазирлар Маҳкамасининг 2019 йил 22 мартдаги 242-сон қарори билан тасдиқланган Ўзбекистон Республикаси Вазирлар Маҳкамасининг Регламенти талабларига қатъий мувофиқ равишда ўз вақтида Вазирлар Маҳкамасига киритилишини таъминлаш, шунингдек, норматив-ҳуқуқий ҳужжатлар лойиҳаларининг Вазирлар Маҳкамасининг аппаратида кўриб чиқилишида Қўмита раисининг топшириғига асосан иштирок этиш;

Қўмитага тақдим этилган таклифлар ва норматив-ҳуқуқий ҳужжат лойиҳаларини тўлиқ ва ўз вақтида кўриб чиқиш, уларни пухта ҳуқуқий, молиявий, иқтисодий ва бошқа экспертизадан ўтказиш;

хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ва «Мансабдор шахсларнинг хориж мамлакатларига хизмат сафарлари самараси учун шахсий масъулиятларини янада ошириш ва хорижий делегацияларнинг Ўзбекистон Республикасига ташрифларини ташкил этиш чоралари тўғрисида» 2017 йил 3 августдаги ПҚ-3170-сон қарорлари талабларига тўлиқ мос равишда амалга ошириш, хизмат сафарларининг асосланганлиги, самарадорлиги ва натижадорлигини, сафар учун ажратиладиган маблағлардан мақсадли ва оқилона фойдаланишни таъминлаш;

ўзи назорат қиладиган таркибий бўлинмалар раҳбарлари фаолияти самарадорлиги ва натижадорлигини мунтазам равишда танқидий таҳлил қилиш, Қўмитанинг Ҳайъат мажлисларида уларнинг шахсий ҳисоботларини эшитиш, якуний натижалар бўйича зарур чоралар кўриш;

Қўмита фаолиятини такомиллаштириш бўйича амалий чоралар кўриш, ветеринария ва чорвачиликни ривожлантириш соҳасидаги қонун ҳужжатларини такомиллаштириш бўйича таклифлар ишлаб чиқиш ва уларни Қўмита раисига тақдим этиш;

ўзи назорат қиладиган таркибий бўлинмалар раҳбарлари ва ходимларини рағбатлантириш ва интизомий жавобгарликка тортиш бўйича, шу жумладан, уларнинг эгаллаб турган лавозимларида қолишининг мақсадга мувофиқлиги тўғрисида Қўмита раисига таклифлар киритиш, уларнинг функционал мажбуриятлари ва юкланган вазифаларини бажариши учун шахсий жавобгарлигини ошириш бўйича тизимли чора-тадбирларни амалга ошириш;

Вазирлар Маҳкамасининг 2016 йил 2 мартдаги 62-сон қарори билан тасдиқланган Давлат бошқаруви органлари ва маҳаллий ижро этувчи ҳокимият органлари ходимларининг одоб-ахлоқ намунавий қоидалари асосида тасдиқланган Қўмита ходимларининг одоб-ахлоқ қоидалари талабларига риоя этиш, ўзи назорат қиладиган таркибий бўлинмалар раҳбарлари ва ходимлари томонидан ушбу қоидаларга риоя этилишини таъминлаш;

давлат хизматлари кўрсатишнинг самараси ва сифатини, улардан фойдаланиш имкониятини ошириш бўйича Қўмита раисига таклифлар киритиш;

Ўзбекистон Республикаси Президентининг Халқ қабулхоналари билан самарали ҳамкорлик қилиш, Ўзбекистон Республикаси Президентининг 2016 йил 28 декабрдаги «Жисмоний ва юридик шахсларнинг мурожаатлари билан ишлаш тизимини тубдан такомиллаштиришга доир чора-тадбирлар тўғрисида»ги ПФ-4904-сон Фармонига мувофиқ уларнинг фаолиятида фаол иштирок этиш, жисмоний ва юридик шахсларнинг Ўзбекистон Республикаси Президенти Виртуал қабулхонасидан тушган мурожаатлари ўз вақтида ва тўлиқ кўриб чиқилишини таъминлаш;

давлат сирига киритилган маълумотлар ва махфий ахборот билан ишлашда қонун ҳужжатлари талабларига риоя қилиш.

32. Қуйидагилар Қўмита раиси ўринбосарларининг (раиснинг иқтисодий масалалар бўйича ўринбосари ва Раис ўринбосари — «Ўзбекчорванасл» агентлиги бош директори бундан мустасно) Давлат ветеринария инспектори сифатидаги асосий функционал вазифалари ҳисобланади:

Бош давлат ветеринария инспекторининг ўринбосарлари қонун ҳужжатларига мувофиқ бошқа ваколатларни ҳам амалга ошириши мумкин.

33. Қуйидагилар Қўмита марказий аппарати таркибий бўлинмалари раҳбарларининг асосий функционал вазифалари ҳисобланади:

тегишли бўлинма фаолиятига бевосита раҳбарликни амалга ошириш, ушбу бўлинмага Ўзбекистон Республикаси Президентининг тегишли Фармони ва қарори, Вазирлар Маҳкамасининг қарори ва бошқа қонун ҳужжатлари ҳамда Қўмита ҳужжатлари билан юкланган вазифа ва функцияларнинг бажарилишини ташкил этиш;

ҳудудий бошқармалар ва идоравий мансуб ташкилотлари фаолиятини ўз ваколатлари доирасида мувофиқлаштириш;

прогноз кўрсаткичларнинг бажарилишини мунтазам таҳлил қилиш ҳамда ҳудудий бошқармалар ва идоравий мансуб ташкилотлари ушбу кўрсаткичларга сўзсиз эришишни таъминлашга қаратилган қўшимча чора-тадбирлар кўриш бўйича таклифларни Қўмита раисининг назорат қилувчи ўринбосарларига киритиш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини таъминлаш, Қўмитанинг таркибий бўлинмаларида ижро интизомини мустаҳкамлаш бўйича комплекс чора-тадбирларни амалга ошириш, шунингдек, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорига ва Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ таркибий бўлинма ходимларининг шахсий масъулиятини ошириш чора-тадбирларини кўриш;

Қўмита Ҳайъати қарорлари, раис ва унинг ўринбосарларининг буйруқ ва топшириқлари ўз вақтида ва сифатли бажарилишини таъминлаш;

таркибий бўлинмаларнинг ҳар чораклик иш режалари ишлаб чиқилишини, уларнинг тасдиқлаш учун киритилишини, уларда кўрсатилган вазифалар ва тадбирларнинг ўз вақтида ва сифатли бажарилишини таъминлаш;

таркибий бўлинмаларга юкланган вазифаларнинг бажарилишини назорат қилиш ва мувофиқлаштириш, ҳудудий бошқармалар ва унинг идоравий мансуб ташкилотлари фаолиятига амалий ва методик ёрдам кўрсатиш;

таркибий бўлинмалар фаолиятига оид масалалар юзасидан қонун ҳужжатларини такомиллаштириш бўйича таклифларни ишлаб чиқиш ва уларни кўриб чиқиш учун Қўмита раҳбариятига киритиш;

таркибий бўлинмаларда ходимларни танлаш ва жой-жойига қўйишда Қўмита раиси ўринбосарларига таклифлар киритиш, уларнинг касбий маҳорати, ўз ишини билиши, амалий тажрибаси, юқори даражада ишлаш хусусиятлари ва маънавий-ахлоқий фазилатлари кафолатланганлигини таъминлаш, ходимларнинг касбий малакасини ошириш, таркибий бўлинмаларда ходимлар захирасини шакллантириш чораларини кўриш;

таркибий бўлинмалар томонидан норматив-ҳуқуқий ҳужжат лойиҳаларининг сифатли ишлаб чиқилишини ташкил этиш, таркибий бўлинмаларда тайёрланган ҳужжат лойиҳаларини Қўмита раиси томонидан кўриб чиқилиши ва имзоланиши (виза қўйилиши) учун кўриб чиқиш ва виза қўйиш, уларни Ўзбекистон Республикаси Президентининг 2018 йил 26 августдаги ПФ-5519-сон Фармони билан тасдиқланган Ўзбекистон Республикаси Президенти Администрациясининг Регламенти ва Вазирлар Маҳкамасининг 2019 йил 22 мартдаги 242-сон қарори билан тасдиқланган Ўзбекистон Республикаси Вазирлар Маҳкамасининг Регламенти талабларига қатъий мувофиқ равишда ўз вақтида Вазирлар Маҳкамасига киритилишини таъминлаш, норматив-ҳуқуқий ҳужжатлар лойиҳаларининг Ўзбекистон Республикаси Вазирлар Маҳкамасининг аппаратида кўриб чиқилишида Қўмита раиси ва унинг ўринбосарлари топшириғига асосан иштирок этиш;

Қўмитага тақдим этилган таклифлар ва норматив-ҳуқуқий ҳужжат лойиҳаларини тўлиқ ва ҳар томонлама кўриб чиқиш, уларни пухта ҳуқуқий, молиявий, иқтисодий ва бошқа экспертизадан ўтказиш;

хизмат сафарларини Ўзбекистон Республикаси Президентининг « Мансабдор шахсларнинг хорижий мамлакатларга чиқиш тартибини такомиллаштириш чоралари тўғрисида » 2014 йил 5 мартдаги ПҚ-2142-сон ва «Мансабдор шахсларнинг хориж мамлакатларига хизмат сафарлари самараси учун шахсий масъулиятларини янада ошириш ва хорижий делегацияларнинг Ўзбекистон Республикасига ташрифларини ташкил этиш чоралари тўғрисида» 2017 йил 3 августдаги ПҚ-3170-сон қарорлари талабларига тўлиқ мос равишда амалга ошириш, хизмат сафарларининг асосланганлиги, самарадорлиги ва натижадорлигини, хизмат сафари учун ажратиладиган маблағлардан мақсадли ва оқилона фойдаланишни таъминлаш;

ҳудудий бошқармалар ва идоравий мансуб ташкилотлари раҳбарларининг фаолияти самарадорлиги ҳамда натижадорлигини мунтазам равишда танқидий таҳлил қилиш, мажлисларда уларнинг шахсий ҳисоботларини эшитиш, якуний натижалар бўйича зарур чоралар кўриш;

Вазирлар Маҳкамасининг 2016 йил 2 мартдаги 62-сон қарори билан тасдиқланган Давлат бошқаруви органлари ва маҳаллий ижро этувчи ҳокимият органлари ходимларининг Одоб-ахлоқ намунавий қоидалари асосида Қўмита томонидан тасдиқланган Қўмита ходимларининг одоб-ахлоқ қоидалари талабларига риоя этиш, таркибий бўлинма ходимлари томонидан ушбу қоидаларга риоя этилишини таъминлаш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ, таркибий бўлинмаларда коррупция ва бошқа қонунбузарликларнинг олдини олиш бўйича чоралар кўриш, шунингдек, ҳуқуқ амалиёти ва қонунчиликни такомиллаштириш бўйича чора-тадбирлар ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шарт-шароитларни бартараф этиш;

давлат хизматлари кўрсатишнинг самараси ва сифатини, улардан фойдаланиш имкониятини ошириш бўйича Қўмита раҳбариятига таклифлар киритиш;

жисмоний ва юридик шахсларнинг мурожаатларини «Жисмоний ва юридик шахсларнинг мурожаатлари тўғрисида»ги Ўзбекистон Республикаси Қонуни , Вазирлар Маҳкамасининг 2018 йил 7 майдаги 341-сон қарори билан тасдиқланган Давлат органларида, давлат муассасаларида ва давлат иштирокидаги ташкилотларда жисмоний ва юридик шахсларнинг мурожаатлари билан ишлаш тартиби тўғрисидаги Намунавий низомга мувофиқ кўриб чиқиш, жамоатчилик билан бевосита ва очиқ мулоқот ўрнатиш, шахсан қабул қилишни мунтазам равишда ўтказиш, шу жумладан, жисмоний ва юридик шахсларнинг вакилларини жойларга бориб қабул қилишни белгиланган муддатда ва тартибда амалга ошириш;

34. Қуйидагилар Қўмита марказий аппарати ваколатли ходимларининг Давлат ветеринария инспектори сифатидаги асосий функционал вазифалари ҳисобланади:

ҳайвонларнинг ва одамларнинг соғлиғи учун хавф туғдирадиган касалликларга чалинган ҳайвонлар аниқланган ҳолларда, ушбу ҳайвонларни сўйиш ёки йўқ қилиб ташлаш тўғрисида, шунингдек истеъмолга яроқсиз деб топилган, келиб чиқиши ҳайвонотга мансуб маҳсулот ва хом ашёни қайта ишлаш, йўқ қилиш ёки ушбу маҳсулот ва хом ашёдан ўзгача тарзда фойдаланиш ҳақида юридик ва жисмоний шахслар томонидан бажарилиши мажбурий бўлган кўрсатмалар бериш;

темир йўл вагонлари, кемалар, самолётлар, автотранспорт ва бошқа транспорт воситаларининг ҳолати ветеринария, ветеринария-санитария қоидалари ва нормаларига номувофиқлиги аниқланган тақдирда улардан фойдаланишни тақиқлаш;

ҳайвонларнинг юқумли касалликлари ўчоқлари аниқланган тақдирда тегишли ҳудудларни нобоп пунктлар деб эълон қилиш ва уларда чекловчи тадбирлар (карантин) жорий этиш тўғрисида, шунингдек ҳайвонларнинг юқумли касалликлари ўчоқлари тугатилганидан кейин чекловчи (карантин) тадбирларни бекор қилиш ҳақида тегишли давлат органларига тақдимнома киритиш;

35. Қуйидагилар ҳудудий бошқармалар ва идоравий мансуб ташкилотлар раҳбарларининг асосий функционал вазифалари ҳисобланади:

ҳудудий бошқармалар ва идоравий мансуб ташкилотлар фаолиятига умумий раҳбарликни амалга ошириш, Ўзбекистон Республикаси Президентининг тегишли ҳужжатлари, Вазирлар Маҳкамасининг қарорлари ва Қўмитанинг ҳужжатлари билан ушбу бўлинмаларга юкланган вазифа ва функциялар бажарилишини ташкил этиш;

ҳудудий бошқармалар ва идоравий мансуб ташкилотлар фаолиятига тегишли прогноз кўрсаткичларига сўзсиз эришишни таъминлаш бўйича амалий чора-тадбирларни ишлаб чиқиш ва амалга ошириш;

ҳудудий бошқармалар ва идоравий мансуб ташкилотлар таркибига кирувчи туман (шаҳар) бўлинмалари ва ташкилотлар фаолиятини назорат қилиш ва мувофиқлаштириш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини таъминлаш, ҳудудий бўлинмаларда ижро интизомини мустаҳкамлаш бўйича комплекс амалий чора-тадбирларни амалга ошириш, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорига ва Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ бошқармалар ва идоравий мансуб ташкилотлар ходимларининг шахсий масъулиятини ошириш чора-тадбирларини кўриш;

Қўмита Ҳайъати қарорлари, Қўмита раиси ва унинг ўринбосарларининг буйруқ ва топшириқлари ўз вақтида ва сифатли бажарилишини таъминлаш;

Қўмита фаолияти соҳасига кирадиган масалалар юзасидан маҳаллий давлат ҳокимияти органлари ва ҳудудларни комплекс ижтимоий-иқтисодий ривожлантириш бўйича секторлари билан ўзаро ҳамкорлик қилиш;

ўз ўринбосарларининг ваколатларини белгилаш, улар ўртасида вазифаларни тақсимлаш, ҳудудий бошқармалар ва идоравий мансуб ташкилотларнинг бошқа мансабдор шахслари ваколатларини белгилаш, ўз ўринбосарлари ва бошқа мансабдор шахсларнинг ҳудудий бошқармалар ва идоравий мансуб ташкилотлар фаолиятининг алоҳида қисмларига раҳбарлик қилиши учун уларнинг шахсий масъулияти даражаларини белгилаш;

ҳудудий бошқармалар ва идоравий мансуб ташкилотлар фаолиятини режалаштиришни ташкил этиш, ҳудудий бўлинма ва ўз ўринбосарларининг ҳар чораклик иш режаларини тасдиқлаш, уларнинг бажарилиши юзасидан назоратни таъминлаш;

ҳудудий бошқармалар ва идоравий мансуб ташкилотларда кадрларни танлаш ва жой-жойига қўйиш, уларнинг самарали фаолияти учун зарур шарт-шароитлар яратиш, ҳудудий бошқармалар ва идоравий мансуб ташкилотларининг кадрлар захирасини шакллантириш;

Қўмита раиси номенклатурасига кирадиган лавозимларга таклиф этилган кадрларнинг, шунингдек, ҳудудий бошқармалар ва идоравий мансуб ташкилотларига ишга қабул қилинаётган бошқа кадрларнинг профессионал, ўз ишини билиши, амалий тажрибага, юқори даражада ишлаш хусусиятларига ва маънавий-ахлоқий фазилатларга эга эканлиги кафолатини таъминлаш;

ҳудудий бошқармалар ва идоравий мансуб ташкилотлари ходимларини рағбатлантириш ва интизомий жавобгарликка тортиш масалаларини ҳал қилиш, ўз ўринбосарларини рағбатлантириш ва интизомий жавобгарликка тортиш, шу жумладан, уларнинг эгаллаб турган лавозимда қолишининг мақсадга мувофиқлигига доир масалаларни кўриб чиқиш тўғрисида таклифлар киритиш, уларнинг шахсий масъулиятини оширишга доир тизимли чора-тадбирларни амалга ошириш;

Қўмита ҳудудий бўлинмалар ходимлари томонидан Вазирлар Маҳкамасининг 2016 йил 2 мартдаги 62-сон қарори билан тасдиқланган Давлат бошқаруви органлари ва маҳаллий ижро этувчи ҳокимият органлари ходимларининг Одоб-ахлоқ намунавий қоидалари асосида тасдиқланган Қўмита ходимларининг одоб-ахлоқ қоидалари талабларига риоя этилишини таъминлаш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ, ҳудудий бўлинмаларда коррупция ва бошқа қонун бузарликларнинг олдини олиш бўйича чоралар кўриш, шунингдек, ҳуқуқ амалиёти ва қонунчиликни такомиллаштириш бўйича чора-тадбирлар ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шарт-шароитларни бартараф этиш;

прогноз кўрсаткичларининг бажарилишини мунтазам таҳлил қилиш ҳамда ҳудудий бошқармалар ва идоравий мансуб ташкилотлари ушбу кўрсаткичларга сўзсиз эришишини таъминлашга қаратилган қўшимча чора-тадбирлар кўриш бўйича таклифларни Қўмита раисининг назорат қилувчи ўринбосарларига киритиш;

ҳудудий бошқармалар ва идоравий мансуб ташкилотлари ходимларининг фаолияти самарадорлиги ҳамда натижадорлигини мунтазам равишда танқидий таҳлил қилиш, мажлисларда уларнинг шахсий ҳисоботларини эшитиш, якуний натижалар бўйича зарур чоралар кўриш;

ҳудудий бошқармалар ва идоравий мансуб ташкилотлари фаолиятига оид масалалар юзасидан қонун ҳужжатларини такомиллаштириш, шунингдек, давлат хизматлари кўрсатишнинг самараси ва сифатини, улардан фойдаланиш имкониятини ошириш бўйича таклифларни ишлаб чиқиш ва уларни кўриб чиқиш учун Қўмита раҳбариятига киритиш;

ҳудудий бошқармалар ва идоравий мансуб ташкилотлари ходимларини мукофотлаш, лавозим маошига устамалар тўлаш, уларга моддий ёрдам бериш, уларни тақдирлаш, рағбатлантириш ва уларга интизомий чора қўллаш тўғрисида қарор қабул қилиш, ходимларни давлат мукофотлари ва идоравий мукофотлар билан тақдирлаш тўғрисидаги таклифларни Қўмитага киритиш;

давлат сирини ёки қонун билан қўриқланадиган бошқа сирни ташкил этувчи маълумотларнинг ҳимоя қилинишини таъминлаш;

маҳаллий давлат ҳокимияти органларида, судларда, бошқа орган ва ташкилотларда Қўмитанинг бошқармалар ва идоравий мансуб ташкилотлари манфаатларини ифодалаш.

36. Қуйидагилар ҳудудий бошқармалар ва идоравий мансуб ташкилотлар раҳбарларининг Давлат ветеринария инспектори (ваколатли ходимлари) сифатидаги асосий функционал вазифалари ҳисобланади:

ҳайвонларнинг ва одамларнинг соғлиғи учун хавф туғдирадиган касалликларга чалинган ҳайвонлар аниқланган ҳолларда, ушбу ҳайвонларни сўйиш ёки йўқ қилиб ташлаш тўғрисида, шунингдек истеъмолга яроқсиз деб топилган, келиб чиқиши ҳайвонотга мансуб маҳсулот ва хом ашёни қайта ишлаш, йўқ қилиш ёки ушбу маҳсулот ва хом ашёдан ўзгача тарзда фойдаланиш ҳақида юридик ва жисмоний шахслар томонидан бажарилиши мажбурий бўлган кўрсатмалар бериш;

чегара олди туманларда, қўшни давлатларда юзага келган эпизоотик вазият тўғрисида тегишли органлар ва ташкилотларни хабардор қилиш, тегишли ветеринария тадбирларини амалга ошириш ҳамда зарур тавсиялар бериш;

ҳайвонларнинг юқумли касалликлари ўчоқлари аниқланган тақдирда тегишли ҳудудларни нобоп пунктлар деб эълон қилиш ва уларда чекловчи тадбирлар (карантин) жорий этиш тўғрисида, шунингдек ҳайвонларнинг юқумли касалликлари ўчоқлари тугатилганидан кейин чекловчи (карантин) тадбирларни бекор қилиш ҳақида тегишли давлат органларига тақдимнома киритиш;

37. Қуйидагилар туман (шаҳар) бўлимлар раҳбарларининг асосий функционал вазифалари ҳисобланади:

туман (шаҳар) бўлимига раҳбарлик қилиш;

ходимлар ўртасида функционал ва фаолиятнинг алоҳида йўналишлари бўйича вазифаларни тақсимлаш ҳамда уларнинг масъуллик даражасини белгилаш;

Ўзбекистон Республикаси Президенти ва Вазирлар Маҳкамасининг қарорлари ва топшириқлари ижросини таъминлаш, ижро интизомини мустаҳкамлаш бўйича комплекс амалий чора-тадбирларни амалга ошириш, Ўзбекистон Республикаси Президентининг «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари, шунингдек, барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон қарорига ва Вазирлар Маҳкамасининг «Ижро интизомини мустаҳкамлаш чора-тадбирлари тўғрисида» 1999 йил 12 январдаги 12-сон қарорига мувофиқ таркибий бўлинма ходимларининг шахсий масъулиятини ошириш чора-тадбирларини кўриш;

Қўмита Ҳайъати қарорлари, Қўмита раиси ва унинг ўринбосарлари, шунингдек ҳудудий бошқармалар ва идоравий мансуб ташкилотларнинг буйруқ ва топшириқларини ўз вақтида ва сифатли бажарилишини таъминлаш;

Қўмита фаолияти соҳасига кирадиган масалалар юзасидан маҳаллий давлат ҳокимияти органлари ва ҳудудларни комплекс ижтимоий-иқтисодий ривожлантириш бўйича секторлар билан ўзаро ҳамкорлик қилиш;

туман (шаҳар) бўлимларида ходимларни танлаш ва жой-жойига қўйишда ҳудудий бошқармалар ва идоравий мансуб ташкилотлар раҳбарларига таклифлар киритиш, уларнинг касбий маҳорати, ўз ишини билиши, амалий тажрибаси, юқори даражада ишлаш хусусиятлари ва маънавий-ахлоқий фазилатлари кафолатланганлигини таъминлаш, ходимларнинг касбий малакасини ошириш, туман (шаҳар) бўлимларида ходимлар захирасини шакллантириш чораларини кўриш;

Вазирлар Маҳкамасининг 2016 йил 2 мартдаги 62-сон қарори билан тасдиқланган Давлат бошқаруви органлари ва маҳаллий ижро этувчи ҳокимият органлари ходимларининг Одоб-ахлоқ намунавий қоидалари асосида Қўмита томонидан тасдиқланган Қўмита ходимларининг одоб-ахлоқ қоидалари талабларига риоя этиш, туман (шаҳар) бўлимлар ходимлари томонидан ушбу қоидаларга риоя этилишини таъминлаш;

Ўзбекистон Республикасининг «Коррупцияга қарши курашиш тўғрисида»ги Қонуни талабларига мувофиқ, туман (шаҳар) бўлимларда коррупция ва бошқа қонунбузарликларнинг олдини олиш бўйича чоралар кўриш, шунингдек, ҳуқуқ амалиёти ва қонунчиликни такомиллаштириш бўйича чора-тадбирлар ишлаб чиқиш ва амалга ошириш йўли билан уларни аниқлаш, таҳлил қилиш, уларни юзага келтирувчи сабаблар ва шарт-шароитларни бартараф этиш;

туман (шаҳар) бўлимлар ходимларини мукофотлаш, лавозим маошига устамалар тўлаш, уларга моддий ёрдам бериш, уларни тақдирлаш, рағбатлантириш ва уларга интизомий чора қўллаш тўғрисида қарор қабул қилиш, ходимларни давлат мукофотлари ва идоравий мукофотлар билан тақдирлаш тўғрисида таклифлар киритиш;

маҳаллий давлат ҳокимияти органларида, судларда, бошқа орган ва ташкилотларда туман (шаҳар) бўлимларининг манфаатларини ифодалаш.

38. Қуйидагилар туман (шаҳар) бўлимлари раҳбарларининг Давлат ветеринария инспектори сифатидаги асосий функционал вазифалари ҳисобланади:

ҳайвонларнинг ва одамларнинг соғлиғи учун хавф туғдирадиган касалликларга чалинган ҳайвонлар аниқланган ҳолларда, ушбу ҳайвонларни сўйиш ёки йўқ қилиб ташлаш тўғрисида, шунингдек истеъмолга яроқсиз деб топилган, келиб чиқиши ҳайвонотга мансуб маҳсулот ва хом ашёни қайта ишлаш, йўқ қилиш ёки ушбу маҳсулот ва хом ашёдан ўзгача тарзда фойдаланиш ҳақида юридик ва жисмоний шахслар томонидан бажарилиши мажбурий бўлган кўрсатмалар бериш;

ҳайвонларнинг юқумли касалликлари ўчоқлари аниқланган тақдирда тегишли ҳудудларни нобоп пунктлар деб эълон қилиш ва уларда чекловчи тадбирлар (карантин) жорий этиш тўғрисида, шунингдек ҳайвонларнинг юқумли касалликлари ўчоқлари тугатилганидан кейин чекловчи (карантин) тадбирларни бекор қилиш ҳақида тегишли давлат органларига тақдимнома киритиш;

6-боб. Қўмита раҳбарларининг жавобгарлиги

39. Қўмита раиси:

Қўмитага юкланган вазифа ва функцияларнинг бажарилиши;

ушбу Низомнинг 22-бандида назарда тутилган Қўмитанинг жавобгарлик соҳалари бўйича;

ушбу Низомнинг 29 ва 30-бандида кўрсатилган ўз функционал вазифаларининг сифатли бажарилиши учун шахсан жавоб беради.

40. Қўмита раисининг ўринбосарлари:

Қўмитанинг ўзи назорат қиладиган таркибий бўлинмаларида Қўмитага юкланган вазифалар ва функцияларнинг бажарилиши;

ушбу Низомнинг 22-бандида назарда тутилган Қўмитанинг ўзлари назорат қиладиган масалаларга доир жавобгарлик соҳалари бўйича;

ушбу Низомнинг 31 ва 32-бандида кўрсатилган ўз функционал вазифаларининг сифатли бажарилиши учун шахсан жавоб беради.

41. Қўмита марказий аппаратининг таркибий бўлинмалари раҳбарлари:

тегишли таркибий бўлинмаларга юкланган вазифалар ва функцияларнинг амалга оширилиши;

ушбу Низомнинг 24-бандида назарда тутилган Қўмита марказий аппаратининг жавобгарлик соҳалари бўйича;

ушбу Низомнинг 33 ва 34-бандида кўрсатилган ўз функционал вазифаларининг сифатли бажарилиши учун шахсан жавоб беради.

42. Ҳудудий бошқармалар ва идоравий мансуб ташкилот раҳбарлари:

ҳудудий бошқармалар ва идоравий мансуб ташкилотларга юкланган вазифа ва функцияларнинг бажарилиши;

ушбу Низомнинг 26-бандида назарда тутилган Қўмита ҳудудий бўлинмаларива идоравий мансуб ташкилотларнинг жавобгарлик соҳалари бўйича;

ушбу Низомнинг 35 ва 36-бандида кўрсатилган ўз функционал вазифаларининг сифатли бажарилиши учун шахсан жавоб беради.

43. Туман (шаҳар) бўлимлар раҳбарлари:

туман (шаҳар) бўлимларига юкланган вазифа ва функцияларнинг бажарилиши;

ушбу Низомнинг 28-бандида назарда тутилган туман (шаҳар) бўлимларнинг жавобгарлик соҳалари бўйича;

ушбу Низомнинг 37 ва 38-бандида кўрсатилган ўз функционал вазифаларининг сифатли бажарилиши учун шахсан жавоб беради.

7-боб. Қўмита фаолиятини ташкил этиш

1-§. Қўмита раҳбарияти

44. Қўмитага Ўзбекистон Республикаси Бош вазирининг тақдимига биноан Ўзбекистон Республикаси Олий Мажлисининг Қонунчилик палатаси томонидан маъқуллангандан сўнг Ўзбекистон Республикаси Президенти томонидан лавозимга тайинланадиган ва лавозимдан озод этиладиган раис раҳбарлик қилади.

45. Қўмита раисининг Ўзбекистон Республикаси Президенти томонидан лавозимга тайинланадиган ва лавозимдан озод этиладиган биринчи ўринбосари ва ўринбосарлари бўлади.

46. Қўмита раиси мақоми, моддий, маиший, транспорт ва тиббий хизмат кўрсатиш шартлари бўйича вазирга, унинг биринчи ўринбосари вазирнинг биринчи ўринбосарига, унинг ўринбосарлари эса, вазир ўринбосарига тенглаштирилади.

47. Қўмита раиси бўлмаган вақтда унинг ваколатлари вазифалар тақсимотига биноан унинг ўринбосарлари томонидан бажарилади.

48. Қуйидагилар:

Қорақалпоғистон Республикаси ветеринария ва чорвачиликни ривожлантириш қўмитаси раиси Қўмита раиси билан келишилган ҳолда Қорақалпоғистон Республикаси Жўқорғи Кенгеси томонидан лавозимга тайинланади ва лавозимдан озод этилади;

Қўмита марказий аппарати ходимлари, ҳудудий бошқармалар бошлиқ ўринбосарлари, Қўмита тизимига кирувчи республика ташкилотлар раҳбарлари ва уларнинг ўринбосарлари Қўмита раиси томонидан лавозимга тайинланади ва лавозимдан озод этилади;

вилоятлар ва Тошкент шаҳри ветеринария ва чорвачиликни ривожлантириш бошқармалари бошлиқлари тегишли вилоятлар ва Тошкент шаҳар ҳокими билан келишган ҳолда Қўмита раиси томонидан лавозимга тайинланади ва лавозимдан озод қилинади;

туманлар (шаҳарлар) бўлимлари бошлиқлари Қорақалпоғистон Республикаси Ветеринария ва чорвачиликни ривожлантириш қўмитаси раиси, вилоятлар ва Тошкент шаҳар ветеринария ва чорвачиликни ривожлантириш бошқармаларининг бошлиқлари томонидан туман (шаҳар) ҳокимларининг тақдимига биноан лавозимига тайинланади ва лавозимидан озод этилади.

ҳудудий бошқармалар ва идоравий мансуб ташкилотларининг раҳбарларини лавозимга тайинлаш ва лавозимдан озод қилишнинг қонунчиликда белгиланган тартибдаги жараёни якунига етгунига қадар, кўрсатиб ўтилган таркибий бўлинмалар фаолиятини таъминлаш мақсадида, Қўмита раиси бошлиқнинг вазифасини вақтинча бажарувчини тайинлаш ҳуқуқига эга.

49. Қуйидаги лавозимларда олий маълумотга эга ветеринария мутахассислари (ветеринария мутахассислиги билан боғлиқ бўлмаган лавозимлар бундан мустасно) фаолият юритади:

Қўмита раиси ва унинг ўринбосарлари, марказий аппарат таркибий бўлинмалари раҳбарлари ва ходимлари;

Республика ҳайвонлар касалликлари ташхиси ва озиқ-овқат маҳсулотлари хавфсизлиги давлат маркази, ветеринария дори воситалари, озуқабоп қўшимчалар сифати ва муомаласи назорати бўйича давлат илмий маркази, ветеринария илмий-тадқиқот институти директорлари ва уларнинг ўринбосарлари, лаборатория мудирлари ва бўлим бошлиқлари (мудирлари) ва ветеринария мутахассислари;

Давлат чегараси ва транспортда давлат ветеринария назорати бошқармаси бошлиғи ва унинг ўринбосарлари, бўлим бошлиғи ва мутахассислари, чегара ва транспорт (участка) ветеринария пунктларининг раҳбарлари ва ветеринария мутахассислари;

ҳудудий бошқармаларнинг раҳбарлари ва уларнинг ўринбосарлари, бўлим бошлиқлари ва сектор мудирлари ҳамда мутахассислари, туман (шаҳар) бўлими бошлиқлари ва уларнинг ўринбосарлари, ветеринария участка мудирлари ҳамда ветеринария мутахассислари;

Қорақалпоғистон Республикаси ва вилоятлар ҳайвонлар касалликлари ташхиси ва озиқ-овқат маҳсулотлари хавфсизлиги давлат марказлари директорлари ва уларнинг ўринбосарлари, бўлим бошлиқлари (мудирлари) ва ветеринария мутахассислари, туманлар (шаҳарлар) ҳайвонлар касалликлари ташхиси ва озиқ-овқат маҳсулотлари хавфсизлиги давлат марказлари директорлари, бозорлар ветеринария-санитария экспертиза лабораторияси мудирлари, бўлим бошлиқлари ҳамда ветеринария мутахассислари.

50. Қўмита раиси — Ўзбекистон Республикасининг Бош давлат ветеринария инспектори, унинг ўринбосарлари эса — Ўзбекистон Республикасининг Бош давлат ветеринария инспекторининг ўринбосарлари (раиснинг иқтисодий масалалар бўйича ўринбосари ва Раис ўринбосари — «Ўзбекчорванасл» агентлиги бош директори бундан мустасно) ҳисобланади.

Ҳудудий бошқармаларнинг раҳбарлари — Қорақалпоғистон Республикаси, вилоятлар, Тошкент шаҳар бош давлат ветеринария инспекторлари, уларнинг ўринбосарлари эса тегишли равишда Қорақалпоғистон Республикаси, вилоятлар ва Тошкент шаҳар бош давлат ветеринария инспекторларининг ўринбосарлари ҳисобланади.

51. Қўмитанинг давлат ветеринария назорати бошқармаси ветеринар мутахассислари ўз ваколатлари доирасида давлат ветеринария инспекторлари ҳисобланади.

52. Давлат чегараси ва транспортда давлат ветеринария назорати бошқармаси бошлиғи давлат чегараси ва транспортда бош давлат ветеринария инспектори, унинг ўринбосарлари эса давлат чегараси ва транспортда бош давлат ветеринария инспекторининг ўринбосарлари ҳисобланади.

53. Туман (шаҳар) бўлимларининг бошлиқлари тегишли равишда туманлар (шаҳарлар) бош давлат ветеринария инспекторлари ҳисобланади.

54. Ветеринария участкалари ва бозорлар ветеринария-санитария экспертиза лабораториясининг мудирлари, тегишли равишда участка ва бозорларда давлат ветеринария инспекторлари ҳисобланади.

55. Давлат чегараси ва транспортда ветеринария назорати ветеринария пунктларининг (участкаларнинг) бошлиқлари ва ветеринар врачлари, тегишлича Давлат чегараси ва транспортда ветеринария назорати ветеринария пунктларининг (участкаларнинг) давлат ветеринария инспекторлари ҳисобланади.

56. Давлат ветеринария инспекторлари қуйидаги ваколатларга эга:

ҳайвонлар ва одамларнинг соғлиғи учун хавф туғдирадиган касалликларга чалинган ҳайвонлар аниқланган ҳолларда, ушбу ҳайвонларни сўйиш ёки йўқ қилиб ташлаш тўғрисида, шунингдек истеъмолга яроқсиз деб топилган, ушбу соҳадаги маҳсулот ва хом ашёни йўқ қилиб ташлаш, қайта ишлаш ёки ушбу маҳсулот ва хом ашёдан ўзгача тарзда фойдаланиш ҳақида юридик ва жисмоний шахслар томонидан бажарилиши мажбурий бўлган кўрсатмалар бериш;

давлат ветеринария хизмати назоратидаги объектларга монеликсиз кириш ва ветеринария тўғрисидаги қонун ҳужжатларининг аниқланган бузилишларини бартараф этиш тўғрисида бажарилиши мажбурий бўлган кўрсатмалар бериш;

темир йўл вагонлари, кемалар, самолётлар ва бошқа транспорт воситалари ҳолатининг ветеринария, ветеринария-санитария қоидалари ва нормаларига номувофиқлиги аниқланган тақдирда, улардан фойдаланишни тақиқлаш;

ветеринария, ветеринария-санитария қоидалари ва нормаларининг бузилишлари аниқланган тақдирда, чорвачилик, шунингдек гўшт ва сут саноати объектларидан, ушбу соҳадаги маҳсулот ва хом ашёни ишлаб чиқарувчи, қайта ишловчи ҳамда сақловчи корхоналардан фойдаланишни тақиқлаш;

ветеринария, ветеринария-санитария қоидалари ва нормаларининг бузилишлари аниқланган тақдирда, чорвачилик фермаларида, ушбу соҳадаги маҳсулот ва хом ашёни ишлаб чиқарувчи, қайта ишловчи ҳамда сақловчи ташкилотларда янги қурилган, тикланган ва реконструкция қилинган объектларни ишга туширишни белгиланган тартибда тўхтатиб туриш;

чегара олди туманларда, қўшни давлатларда юзага келган эпизоотик ҳолат тўғрисида тегишли органлар ва ташкилотларни хабардор қилиш, тегишли ветеринария тадбирларини амалга ошириш ҳамда зарур тавсиялар бериш;

ветеринария дори воситалари, озуқабоп қўшимчалар тайёрлашини, ишлаб чиқарилишини ҳамда улардан чорвачиликда ва ветеринарияда фойдаланилишини назорат қилиш, уларнинг ҳайвонлар соғлиғига ва ушбу соҳадаги маҳсулот ҳамда хом ашё сифатига таъсирини баҳолаш;

ҳайвонларнинг юқумли касалликлари ўчоқлари аниқланган тақдирда, тегишли ҳудудларни нобоп пунктлар деб эълон қилиш ва уларда чекловчи тадбирлар (карантин) жорий этиш тўғрисида, шунингдек ҳайвонларнинг юқумли касалликлари ўчоқлари тугатилгандан кейин чекловчи тадбирларни (карантинни) бекор қилиш ҳақида тегишли давлат органларига тақдимнома киритиш;

ветеринария тўғрисидаги қонун ҳужжатлари талабларини бузганлик учун мансабдор шахсларга ва бошқа шахсларга нисбатан белгиланган тартибда маъмурий жазо чораларини қўллаш.

Давлат ветеринария инспекторлари қонун ҳужжатларига мувофиқ бошқа ваколатларни ҳам амалга ошириши мумкин.

57. Қўмита тизими ходимларига Қўмита раиси томонидан тасдиқланадиган Қўмита ходимларининг хизмат гувоҳномаси тўғрисидаги низомга мувофиқ хизмат гувоҳномалари берилади.

2-§. Қўмита марказий аппарати таркибий бўлинмаларининг унинг ҳудудий бошқармалари ва идоравий мансуб ташкилотлари билан ўзаро ҳамкорлиги тартиби

58. Қўмита марказий аппарати таркибий бўлинмаларининг унинг ҳудудий бўлинмалари ва идоравий мансуб ташкилотлари билан ўзаро ҳамкорлиги марказий аппарат таркибий бўлинмаларининг раҳбарлари томонидан таъминланади.

59. Қўмита марказий аппаратининг таркибий бўлинмалари ҳудудий бошқармалар ва идоравий мансуб ташкилотлар билан ўз фаолияти йўналишлари бўйича ҳамкорлик қилиб:

топшириқларни ҳудудий бошқармалар ва идоравий мансуб ташкилотларга етказадилар ҳамда уларнинг бажарилишини назорат қиладилар;

ҳудудий бошқармалар ва идоравий мансуб ташкилотларига таркибий бўлинмаларининг бевосита фаолияти масалалари бўйича сўровлар юборадилар ҳамда уларнинг ижро этилишини назорат қиладилар;

ҳудудий бошқармалар ва идоравий мансуб ташкилотлари фаолияти амалиётини текширадилар ва ўрганадилар, натижаларни умумлаштирадилар, уни такомиллаштиришга қаратилган чора-тадбирларни ишлаб чиқадилар ва қабул қиладилар;

ҳудудий бошқармалар ва идоравий мансуб ташкилотлари фаолиятини ташкил этиш ва фаолияти натижалари тўғрисида ҳисобот ва ахборот материаллари, статистика маълумотлари ва бошқа маълумотлар ўрганилишини ташкил этадилар;

ҳудудий бошқармалар ва идоравий мансуб ташкилотлари иш режаларини таҳлил қиладилар, уларнинг фаолиятини режалаштиришни такомиллаштиришга доир чора-тадбирларни кўрадилар;

ҳудудий бошқармалар ва идоравий мансуб ташкилотларидан тушган таклифларни кўриб чиқадилар;

норматив-ҳуқуқий ҳужжатлар лойиҳаларини тайёрлашда ҳудудий бошқармалар ва идоравий мансуб ташкилотлари иштирокини ташкил этадилар, ветеринария ва чорвачилик соҳасидаги қонун ҳужжатларини такомиллаштириш бўйича улардан тушган таклифларни кўриб чиқадилар.

60. Ҳудудий бошқармалар ва идоравий мансуб ташкилотлари Қўмита марказий аппаратининг таркибий бўлинмалари билан ҳамкорлик қиладилар, шу жумладан:

Қўмита раҳбарияти топшириқлари ижроси ҳақида ахборот берадилар;

фаолиятнинг белгиланган соҳасида қонун ҳужжатларини амалга ошириш бўйича фаолият натижалари тўғрисида Қўмита марказий аппаратига ахборот тақдим этадилар;

уларнинг фаолиятини текшириш ва ўрганиш натижасида аниқланган ишдаги камчиликларни ва қоидабузарликларни бартараф этиш натижалари тўғрисида ахборот берадилар;

Қўмитанинг марказий аппаратига ўз фаолияти натижалари тўғрисидаги ҳисоботларни белгиланган тартибда ва муддатларда тақдим этадилар;

Қўмитанинг марказий аппаратига ҳудудларни ижтимоий-иқтисодий ривожлантириш муаммоларини, шу жумладан, аҳолининг долзарб муаммоларини ҳал қилишга қаратилган таклифларни юборадилар;

ҳудудларни комплекс ижтимоий-иқтисодий ривожлантириш бўйича секторлар билан ўзаро ҳамкорлик қилиш натижалари тўғрисида ахборот берадилар;

ваколатли органлар томонидан ўтказилган ўз фаолиятини текшириш натижалари тўғрисида ахборот берадилар.

61. Қўмита марказий аппарати таркибий бўлинмалари ҳамда унинг ҳудудий бошқармалари ва идоравий мансуб ташкилотларининг ўзаро ҳамкорлиги жараёнида юзага келадиган келишмовчиликлар Қўмита раисининг топшириғига биноан унинг тегишли ўринбосарлари томонидан кўриб чиқилади. Агар кўрсатиб ўтилган кўриб чиқишдан кейин келишмовчиликлар тартибга солинмаса, улар бўйича қарор бевосита Қўмита раиси томонидан қабул қилинади.

62. Ҳудудий бошқармалар раҳбарлари ва идоравий мансуб ташкилот раҳбарлари Қўмита раиси, унинг ўринбосарларива Қўмита марказий аппаратининг таркибий бўлинмалари раҳбарлари ҳамда ҳудудий ҳокимликлар (ҳудудий бошқармалари ҳудудий ҳокимликлар олдида) олдида ҳудудий бошқармалар ва идоравий мансуб ташкилотлар фаолияти тўғрисида мунтазам равишда ҳисобот бериб боради.

Ўзларга юкланган вазифаларни самарали бажариши бўйича фаолиятининг доимий мониторингини олиб боради, ҳудудий бошқармалар ва идоравий мансуб ташкилотларфаолияти самарадорлигига холисона баҳо беради.

Мониторинг ва баҳолаш якунлари бўйича ҳудудий бошқармалар ва идоравий мансуб ташкилотларнингалоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёхуд йўл қўйилган жиддий камчиликлар учун эгаллаб турган лавозимидан озод қилишгача жавобгарликка тортилади.

63. Туман (шаҳар) бўлимлар раҳбарлари Қўмита раиси, унинг ўринбосарларива Қўмита марказий аппаратининг таркибий бўлинмалари раҳбарлари, ҳудудий бошқармалар бошлиқлари ҳамда ҳудудий ҳокимликлар олдида туман (шаҳар) бўлимлар фаолияти тўғрисида мунтазам равишда ҳисобот бериб боради.

Ўзларга юкланган вазифаларни самарали бажариши бўйича фаолиятининг доимий мониторингини олиб боради, туман (шаҳар) бўлимларифаолияти самарадорлигига холисона баҳо беради.

Мониторинг ва баҳолаш якунлари бўйича туман (шаҳар) бўлимларининг алоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёхуд йўл қўйилган жиддий камчиликлар учун эгаллаб турган лавозимидан озод қилишгача жавобгарликка тортилади.

3-§. Қўмитанинг бошқа давлат ва хўжалик бошқаруви органлари, маҳаллий давлат ҳокимияти органлари ва бошқа ташкилотлар билан ўзаро ҳамкорлиги тартиби

64. Қўмита ўз вазифа ва функцияларини амалга оширишда бошқа давлат ва хўжалик бошқаруви органлари, маҳаллий давлат ҳокимияти органлари ва бошқа ташкилотлар билан ҳамкорлик қилади.

65. Ҳудудий бошқармалар ва идоравий мансуб ташкилотлари ўз ваколатлари доирасида бошқа давлат ва хўжалик бошқаруви органларининг ҳудудий бўлинмалари, маҳаллий давлат ҳокимияти органлари ва бошқа ташкилотлар билан ҳамкорлик қилади.

Ҳудудий бошқармалари, идоравий мансуб ташкилотлар ҳамда туман (шаҳар) бўлимлар тегишли ҳудудларни ижтимоий-иқтисодий ривожлантириш бўйича «йўл хариталари»ни ишлаб чиқиш ва амалга оширишда ҳудудларни комплекс ижтимоий-иқтисодий ривожлантириш бўйича секторлар билан ўзаро узвий ҳамкорлик қиладилар.

4-§. Қўмитанинг ҳайъати, бошқа маслаҳат, консультатив ва эксперт органлари

66. Қўмитада раис (ҳайъат раиси), унинг ўринбосарлари (лавозимига кўра), ҳудудий бошқармалар ва идоравий мансуб ташкилотлар раҳбарлари, шунингдек, асосий фаолият йўналишларини мувофиқлаштирувчи таркибий бўлинмалар раҳбарларидан иборат таркибдаги ҳайъат тузилади.

Ҳайъат таркибининг сони ва шахсий таркиби Қўмита раисининг тақдимномасига биноан Вазирлар Маҳкамаси томонидан тасдиқланади.

67. Ҳайъатга қуйидаги вазифалар юкланади:

ушбу Низомда белгиланган Қўмита фаолиятининг асосий йўналишларини тайёрлаш ва амалга ошириш;

қонун ҳужжатларида, Ўзбекистон Республикаси Президентининг ҳужжатларида ҳамда Ўзбекистон Республикаси Ҳукумати қарорларида белгиланган вазифаларнинг ўз вақтида ва сифатли бажарилишини таъминлаш учун Қўмита тизими ходимлари ва раҳбарларининг шахсий жавобгарлигини ошириш бўйича чораларни қабул қилиш, таркибий ва ҳудудий бошқармалариҳамда идоравий мансуб ташкилотлар раҳбарларининг ҳисоботларини тизимли асосда эшитишни ташкил этиш;

ҳар чоракда ва тизимли тарзда Қўмита фаолияти доирасида ҳудудий ва тармоқ дастурлари амалга оширилиши натижадорлигини кўриб чиқиш;

Қўмита фаолияти доирасидаги долзарб масалаларни жойларда муҳокама қилишни таъминлаган ҳолда Ҳайъатнинг кенгайтирилган сайёр мажлисларини ўтказишни ташкил этиш, шунингдек, юзага келган муаммоларни бартараф этиш бўйича тегишли қарорларни ишлаб чиқиш ва қабул қилиш;

Қўмита марказий аппарати ва унинг тизимига кирувчи лавозимлар номенклатурасини кўриб чиқиш ва тасдиқлаш;

Қўмита номенклатурасига кирувчи лавозимларга ходимларни танлаш ва жой-жойига қўйиш масалаларини кўриб чиқиш;

Ўзбекистон Республикаси Президенти ва Вазирлар Маҳкамаси қарор ва топшириқларида белгиланган вазифаларнинг ўз вақтида ва сифатли бажарилишини таъминлаш учун Қўмита раҳбарлари ва ходимларининг шахсий жавобгарлигини ошириш ва ижро интизомини мустаҳкамлаш.

Ҳайъат Қўмита ваколатларига кирувчи бошқа масалаларни кўриб чиқишга ҳақлидир.

68. Ҳайъат мажлисига Қўмита ваколатига кирадиган масалалар бўйича давлат ва хўжалик бошқаруви органлари раҳбарлари, бошқа ташкилотлар раҳбарлари таклиф қилиниши мумкин.

69. Ҳайъат мажлисида унинг таркибининг ярмидан ортиғи иштирок этса Ҳайъат мажлиси қонуний ўтказилган деб ҳисобланади. Кўриб чиқилаётган масалалар бўйича қарорлар кўпчилик овоз билан қабул қилинади.

70. Ҳайъат қарорлари Қўмита раисининг буйруғи (Қўмитанинг қарорлари) билан амалга оширилади.

71. Қўмита раиси ва Ҳайъат аъзолари ўртасида келишмовчиликлар юзага келган тақдирда, Қўмита раиси Вазирлар Маҳкамасига юзага келган келишмовчиликлар ҳақида хабар берган ҳолда, мустақил равишда қарор қабул қилади. Бундай вазиятда Ҳайъат аъзолари Вазирлар Маҳкамасига ўз фикрларини билдиришлари мумкин.

72. Ҳайъатнинг фаолият юритиш тартиби Ҳайъат томонидан тасдиқланадиган унинг регламенти билан белгиланади.

73. Қўмита ҳузурида илмий-техник Кенгаш тузилади. Илмий-техник Кенгаш тўғрисида низом ва унинг шахсий таркиби Қўмита Ҳайъати томонидан тасдиқланади.

74. Қўмитада Жамоатчилик кенгаши ташкил қилинади.

Жамоатчилик кенгаши таркибига соҳадаги мутахассислар, маҳаллий давлат ҳокимияти органлари, фуқароларнинг ўзини ўзи бошқариш органлари, шунингдек, илмий ташкилотлар, нодавлат нотижорат ташкилотлари ва жамоатчилик бирлашмаларининг вакиллари киради.

Жамоатчилик кенгашининг шахсий таркиби, шунингдек, унинг Низоми Қўмита раиси томонидан тасдиқланади.

75. Қуйидагилар Жамоатчилик кенгашининг асосий вазифалари ҳисобланади:

қабул қилинаётган норматив-ҳуқуқий ҳужжатларда, шунингдек, давлат, тармоқ ва ҳудудий ривожлантириш дастурларида жамоатчилик манфаатлари ва жамоатчилик фикри ҳисобга олиниши, фуқароларнинг, юридик шахсларнинг ҳуқуқлари ва қонуний манфаатларини, жамият манфаатларини ҳимоя қилиш соҳасида қонун ҳужжатлари талаблари ижросини таъминлаш, давлат органи зиммасига юкланган ҳамда ижтимоий ва жамоатчилик манфаатларига дахл қилувчи вазифалар ва функцияларни бажариш, давлат хизматларини кўрсатиш, ижтимоий шериклик доирасида амалга ошириладиган битимлар, шартномалар, лойиҳалар ва дастурларни рўёбга чиқариш бўйича Қўмита ва унинг мансабдор шахсларининг фаолияти устидан жамоатчилик назоратини амалга ошириш;

биргаликда мулоқот қилиш, Қўмитанинг нодавлат нотижорат ташкилотлари, оммавий ахборот воситалари ва фуқаролик жамиятининг бошқа институтлари билан самарали ҳамкорлигини таъминлаш учун давлат органини фуқаролар билан боғлаб турадиган «кўприк» ролини бажариш;

фуқароларнинг ҳуқуқлари, эркинликлари ва қонуний манфаатларига дахл қилувчи энг муҳим масалалар юзасидан Қўмитанинг фаолияти ҳақидаги жамоатчилик фикрини тизимли мониторинг қилиш ва ҳар томонлама таҳлил қилиш, социологик сўровлар ўтказиш, жумладан уларни ахборот-коммуникация технологияларидан фойдаланган ҳолда ўтказиш;

Қўмита фаолиятида коррупцияга қарши курашиш соҳасидаги давлат дастурлари ва бошқа дастурларни ишлаб чиқиш ҳамда амалга оширишда иштирок этиш, коррупцияга қарши курашиш бўйича олиб борилган ишлар устидан мониторинг ва таҳлил ўтказиш, шунингдек, уларнинг натижалари бўйича таклифлар тайёрлаш;

Қўмита фаолиятининг очиқлигини таъминлаш бўйича амалга оширилаётган тадбирларни мониторинг қилиш, унинг фаолияти тўғрисида батафсил ахборот олиш имкониятларини таҳлил қилиш, уларни янада кенгайтириш бўйича таклифлар ишлаб чиқиш;

Қўмита фаолиятини ислоҳ қилишда фуқаролар иштирок этиши учун яратилган шарт-шароитларни ўрганиш ва уларни яхшилаш бўйича таклифлар ишлаб чиқиш;

Қўмита фаолияти бўйича фуқаролар ўртасида ўтказиладиган тушунтириш ишлари ва маънавий-маърифий тадбирларда иштирок этиш, уларнинг самарадорлигини ошириш юзасидан таклифлар ишлаб чиқиш;

Қўмита ходимлари ва улар оилаларининг уй-жой, ижтимоий-маиший, хизмат шарт-шароитларини, уларга малакали тиббий ёрдам кўрсатиш шароитларини, шунингдек, ишдан бўшатилган ёки захирага олинган ходимларни ижтимоий ва касбий мослаштириш бўйича муаммоларни комплекс таҳлил қилиш ҳамда таҳлил якунлари бўйича мазкур шароитларни яхшилаш юзасидан таклифлар киритиш.

8-боб. Қўмита фаолиятининг самарадорлиги ва натижадорлигини баҳолаш мезонлари ва ишчи индикаторлари

76. Қўмита фаолиятининг самарадорлиги ва натижадорлиги мунтазам баҳолаб борилади.

77. Қўмита фаолиятининг самарадорлиги ва натижадорлигини баҳолаш Қўмита раиси томонидан тасдиқланадиган Қўмита фаолиятининг самарадорлиги ва натижадорлигини баҳолаш мезонлари ва ишчи индикаторларига асосланади.

78. Қўмита фаолиятининг самарадорлиги ва натижадорлигини баҳолаш натижалари асосида:

Қўмита раҳбарлари ва ходимларини рағбатлантириш (мукофотлаш) ёки интизомий жазолаш;

Қўмита фаолиятида аниқланган камчиликларни бартараф этиш ва унинг фаолиятини янада такомиллаштириш чоралари кўрилади.

9-боб. Қўмитани молиялаштириш ва моддий-техник таъминлаш, унинг ходимлари меҳнатига ҳақ тўлаш ва уларни моддий рағбатлантириш

79. Қўмита марказий аппарати, ветеринария ва чорвачиликни ривожлантириш давлат органлари ҳамда муассасаларини моддий-техник таъминлаш Ўзбекистон Республикаси Давлат бюджети маблағлари, грантлар, ветеринария хизмати ва чорвачиликни ривожлантириш жамғармаси, пуллик хизматлар кўрсатишдан тушган маблағлар ва қонун ҳужжатларида тақиқланмаган бошқа маблағлар ҳисобидан амалга оширилади.

80. Давлат ветеринария хизмати ходимлари меҳнатига ҳақ тўлаш ва моддий рағбатлантириш Ўзбекистон Республикаси Давлат бюджети маблағлари ва бюджетдан ташқари маблағлар ҳисобидан амалга оширилади.

81. Қўмита ходимларининг иш ҳақи лавозим маоши, иш ҳақига туман (ҳудудий) коэффициентлар, мукофотлар, қўшимча ҳақлар, устамалар ва қонун ҳужжатларида назарда тутилган бошқа рағбатлантирувчи тўловлардан иборат бўлади.

82. Қўмита қонун ҳужжатларида белгиланган тартибда соҳа ходимларининг ҳаётини суғурталаш, уларни моддий ва маънавий рағбатлантириш ҳамда ижтимоий муҳофаза қилиш тадбирларини амалга оширади.

Қўмита ходимлари лавозим маошларига ҳар ойда қўшиладиган қўшимча ҳақлар, устамалар ва рағбатлантириш хусусиятига эга бўлган бошқа тўловлар белгиланган тартибга мувофиқ тўланади.

83. Ветеринария, ветеринария-санитария қоидалари ва нормаларини бузганлик учун маъмурий жарима маблағлари Қўмитанинг махсус ҳисоб рақамига ўтказилади.

10-боб. Қўмитанинг Вазирлар Маҳкамаси олдида ҳисобот бериши

84. Қўмита раҳбарлари Вазирлар Маҳкамаси олдида Қўмита фаолияти тўғрисида мунтазам равишда ҳисобот бериб боради.

Вазирлар Маҳкамасининг соҳага масъул раҳбари Қўмита раҳбарларининг уларга юкланган вазифаларни самарали бажариши бўйича фаолиятининг доимий мониторингини олиб боради, Қўмита фаолияти самарадорлигига холисона баҳо беради.

Мониторинг ва баҳолаш якунлари бўйича ветеринария ва чорвачиликни ривожлантириш давлат органлари ва муассасаларининг алоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёхуд йўл қўйилган жиддий камчиликлар учун эгаллаб турган лавозимидан озод қилишгача жавобгарликка тортилади.

85. Қўмита марказий аппаратининг таркибий бўлинмалари раҳбарлари Қўмита раиси ва унинг ўринбосарлари олдида марказий аппарат фаолияти тўғрисида мунтазам равишда ҳисобот бериб боради.

Ўзларга юкланган вазифаларни самарали бажариши бўйича фаолиятининг доимий мониторингини олиб боради, марказий аппарат фаолияти самарадорлигига холисона баҳо беради.

Мониторинг ва баҳолаш якунлари бўйича марказий аппаратнинг алоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёхуд йўл қўйилган жиддий камчиликлар учун эгаллаб турган лавозимидан озод қилишгача жавобгарликка тортилади.

11-боб. Якуний қоида

86. Қўмита қонун ҳужжатларида белгиланган тартибда қайта ташкил этилади ва тугатилади.

Вазирлар Маҳкамасининг 2019 йил 27 июндаги 532-сон қарорига 2-ИЛОВА

1-боб. Умумий қоидалар

1. Мазкур Низом Ветеринария хизмати ва чорвачиликни ривожлантириш жамғармаси (кейинги ўринларда Жамғарма деб аталади) маблағларини шакллантириш ва улардан фойдаланиш тартибини белгилайди.

2. Жамғарма юридик шахс ташкил этмаган ҳолда Ўзбекистон Республикаси Қишлоқ хўжалиги вазирлиги ҳузуридаги Ветеринария ва чорвачиликни ривожлантириш қўмитасида (кейинги ўринларда Қўмита деб аталади) тузилади.

3. Жамғарма фаолиятини ташкил этиш ва назорат қилиш мақсадида 7 нафар аъзодан иборат Жамғарма кенгаши тузилади.

Жамғарма кенгаши таркиби Қўмита раиси томонидан тасдиқланади.

2-боб. Жамғарма маблағларини шакллантириш

4. Қуйидагилар Жамғарма маблағларини шакллантириш манбалари ҳисобланади:

Давлат чегараси ва транспортда давлат ветеринария назорати бошқармасининг ҳамда Ветеринария дори воситалари, озуқабоп қўшимчалар сифати ва муомаласи назорати бўйича Давлат илмий марказининг хизматлар кўрсатишдан тушадиган маблағларнинг 75 фоизи;

аҳоли хонадонларида ва чорвачилик йўналишида фаолият кўрсатадиган хўжалик юритувчи субъектларда парвариш қилинаётган чорва молларини суғурталаш бўйича аҳоли ва хўжаликлар томонидан тўланадиган суғурта мукофотлари ҳисобига суғурта ташкилотлари томонидан ўтказиладиган комиссион мукофоти;

ҳайвонларни идентификация қилиш хизматлар кўрсатишдан тушадиган 25 фоиз миқдоридаги маблағлари;

чорвачилик фермер хўжаликларига сотиладиган уруғлар, сунъий уруғлантириш хизматини кўрсатишдан тушадиган маблағлар;

қонунчиликда тақиқланмаган бошқа манбалар белгилансин.

5. Қўмитанинг тузилмалари ҳисоб рақамларига кўрсатилган хизматлар учун келиб тушган хорижий валютадаги маблағларнинг мазкур жамғармага тегишли бўлган қисми Қўмита сўровига қадар тузилмалар ҳисоб-рақамида сақланади ва ушбу маблағлар фақатгина Қўмитанинг топшириғига кўра мақсадли йўналтирилади.

6. Жамғармага тушган маблағлар Қўмитанинг жамғарма учун алоҳида очиладиган хорижий ва миллий валютада шахсий ғазначилик ҳисобрақамида жамланади.

3-боб. Жамғарма маблағларидан фойдаланиш

7. Жамғарманинг маблағларидан қуйидагилар учун фойдаланилади:

ветеринария ва чорвачиликни барча тармоқлари, шу жумладан қорамолчилик, қўйчилик, қоракўлчилик, эчкичилик, йилқичилик, паррандачилик, балиқчилик, асаларичилик ва қуёнчиликни ривожлантириш, наслчилик-селекция ишлари соҳаси (кейинги ўринларда ветеринария чорвачилик соҳаси деб юритилади)даги илмий-тадқиқот ишларини молиялаштириш;

Қўмита марказий аппарати ва унинг тизимидаги ташкилотларнинг моддий-техника базасини мустаҳкамлаш ва ривожлантириш ҳамда уларга молиявий ёрдам кўрсатиш;

ветеринария ва чорвачиликни ривожлантириш хизматининг кадрларини қайта тайёрлаш, уларнинг малакасини ошириш, шу жумладан хорижий таълим муассасаларида малака оширишни ташкил қилиш;

ветеринария ва чорвачиликни ривожлантириш хизмати ходимларини моддий ва ижтимоий қўллаб-қувватлаш;

Қўмита ва Ҳайвонларни идентификация қилиш, рўйхатга олиш ва кузатиш маркази марказий аппарати ходимларининг иш ҳақи, мукофотлар, қўшимча тўловлар, устамалар, шахсий устамалар, рағбатлантиришлар ва меҳнат ҳақи тизимида назарда тутилган бошқа тўловларни тўлаш;

ходимларга моддий ёрдам, транспорт ва овқатланиш харажатларини тўлаш орқали уларни ижтимоий муҳофаза қилиш;

иш вақтидан ташқари ишлар, дам олиш кунлари ва байрам кунларида ишга жалб этилганлиги учун тўловлар ҳамда бошқа пуллик компенсациялар тўлаш;

ветеринария ва чорвачиликни ривожлантириш соҳасида хизмат қилаётган ходимларни истеъмол кредитлари учун қайтариш шарти билан фоизсиз бошланғич бадали тўловлари;

бошқарув ходимларининг қўшимча штат бирликларини сақлаш;

давлат органлари ва бошқа ташкилотлар, илмий ва таълим муассасалари юқори малакали мутахассисларини, шунингдек халқаро ташкилотлар ва экспертларни консультант сифатида жалб этиш;

малакали хорижий мутахассисларни ишга қабул қилиш ва уларга иш ҳақи миқдори ва бошқа тўловларни чет эл валютасида тўлаш;

ветеринария ва чорвачиликни ривожлантириш соҳасига оид лойиҳалар ва тадбирларни амалга ошириш учун экспертларни (аудиторлар, илмий ходимлар ва шу кабилар), шунингдек халқаро экспертларни жалб қилиш;

ветеринария ва чорвачиликни ривожлантириш соҳасидаги халқаро йиғилишлар, кўргазмалар, лойиҳалар ва дастурларда иштирок этиши билан боғлиқ харажатлар;

ветеринария ва чорвачиликни ривожлантириш соҳасига оид хорижий ва халқаро ташкилотлар раҳбарлари ва мутахассисларининг Ўзбекистон Республикасида бўлиши даврида уларни қабул қилиш ва кузатиш билан боғлиқ харажатлар;

ветеринария ва чорвачиликни ривожлантириш соҳасида конференциялар, давра суҳбатлари ҳамда семинарлар ташкил этиш ва ўтказиш;

босма нашр маҳсулотларини, электрон дастурлар ишлаб чиқиш, шунингдек ветеринария ва чорвачиликни ривожлантириш соҳасига оид бланкалар тайёрлаш.

8. Жамғарма маблағларидан қонун ҳужжатларида тақиқланмаган бошқа мақсадларда Ўзбекистон Республикаси Вазирлар Маҳкамасининг қарорларига мувофиқ фойдаланилиши мумкин.

Алоҳида ҳолларда (Ўзбекистон Республикаси Вазирлар Маҳкамасининг қарорига асосан давлат тадбирларини амалга ошириш, эпизоотия хавфи бўлганда ёки фавқулодда ҳолатларнинг олдини олиш ва бартараф этиш ва бошқа шу каби ҳолларда) Жамғарма кенгашининг қарорига мувофиқ унинг маблағларидан фойдаланиш мумкин.

9. Жамғарма маблағлари ҳисобидан мазкур Низомнинг 7-бандида назарда тутилган ишларни амалга ошириш учун умумий қиймати унинг фойдаланувчилари томонидан Қўмита белгилаган шаклдаги буюртманомалар тақдим этилиши лозим.

10. Буюртманомаларни қабул қилиш ва умумлаштириш ишларини ташкил этиш, Жамғарма кенгашининг қарорига асосан даромадлар ва харажатлар сметаси лойиҳасини тузиш ва Жамғарма маблағларидан мақсадли фойдаланилиши юзасидан доимий мониторинг олиб бориш Жамғарма маблағларини бошқариш бўйича бош мутахассиси томонидан амалга оширилади.

11. Жамғарма кенгаши:

ушбу Низомда назарда тутилган мақсадлар учун маблағлар ажратилиши юзасидан буюртманомаларни қабул қилади, кўриб чиқади ва умумлаштиради;

қабул қилинган буюртманомалар орасидан энг устуворлари ва асосланганларини танлаб олади ҳамда маблағ ажратиш тўғрисидаги қарор қабул қилади;

ушбу Низомнинг 7-бандига мувофиқ белгиланган йўналишлар доирасида маблағлардан фойдаланиш учун энг устуворларини танлайди;

ажратилган маблағлардан бошқа мақсадларда фойдаланиш ҳолатлари аниқланган тақдирда молиялаштиришни тўхтатади ва ажратилган маблағларни ундириш чораларини кўради;

Жамғармага оид бошқа масалалар юзасидан қарорлар қабул қилади.

12. Жамғарма маблағларидан фойдаланиш ҳар йили Қўмита раиси томонидан тасдиқланадиган даромадлар ва харажатлар сметаси бўйича амалга оширилади. Даромадлар ва харажатлар сметаси қонун ҳужжатларида белгиланган тартибда Ўзбекистон Республикаси Молия вазирлиги томонидан рўйхатдан ўтказилади.

13. Жамғарманинг даромадлар ва харажатлар сметаси келгуси йилда молиявий маблағлар келиб тушишининг кутилаётган прогнози ва амалга оширилиши белгиланган тадбирларни ўтказишдан келиб чиққан ҳолда тузилади.

14. Қўмита марказий аппаратининг таркибий бўлинмалари, ветеринария ва чорвачиликни ривожлантириш давлат органлари ва муассасалари Жамғарма маблағларидан фойдаланиш учун буюртманома тақдим этадилар. Бунда, харажатни амалга ошириш заруриятининг асослари, зарур маблағлар миқдори, шунингдек уларни бажариш учун бошқа маблағларнинг йўқлиги кўрсатилади.

Буюртманомалар келгуси молия йили учун жорий йилнинг 1 июнигача Қўмитага тақдим этилади.

Буюртманома ёзма шаклда, электрон почта ёки бошқа алоқа воситаларидан фойдаланган ҳолда тақдим этилади.

Буюртманомада қуйидагилар кўрсатилган бўлиши керак:

ташкилотнинг тўлиқ номи ва аниқ реквизитлари;

мавжуд муаммолар ва уларнинг (тўлиқ ёки қисман ва белгиланган муддатларда) ҳал қилиш имконияти, маблағлардан фойдаланиш мақсадлари, шунингдек кутилаётган натижалар кўрсатилган тушунтириш хати;

сўралаётган маблағларнинг ҳисоб-китоби.

Зарурат бўлганда буюртманомага уни асословчи тегишли ҳужжатлар ҳам илова қилинади.

15. Тақдим этилган буюртманомалар ҳар йили 1 июлгача бўлган муддатда Жамғарма кенгаши томонидан кўриб чиқилади ва маблағлардан фойдаланишнинг устувор йўналишлари белгиланади ҳамда унинг асосида маблағлар ажратиш тўғрисида қарор қабул қилинади.

16. Жамғарманинг ҳисобот йилида фойдаланилмаган маблағлари (қолдиқ маблағлар) кейинги ҳисобот йилига ўтади ва мазкур Низомда назарда тутилган тартибда фойдаланилади.

4-боб. Жамғарма маблағларидан фойдаланилиши юзасидан ҳисоботлар тақдим этиш, назорат ва жавобгарлик

17. Жамғарма маблағларининг ҳисоби ва ҳисоботи қонун ҳужжатларида белгиланган тартибда юритилади ва тақдим этилади.

18. Жамғарма маблағларидан оқилона ва мақсадли фойдаланилишини назорат қилиш қонун ҳужжатларида белгиланган тартибда амалга оширилади.

19. Ветеринария ва чорвачиликни ривожлантириш давлат органлари ва муассасалари Қўмита ҳамда Ўзбекистон Республикаси Молия вазирлигига Жамғарма даромадлари ва харажатлари тўғрисида ҳисоботларни қонун ҳужжатларда белгиланган шакл ва муддатларда тақдим этади.

20. Ушбу Низом талабларининг бузилишида айбдор бўлган шахслар қонун ҳужжатларида белгиланган тартибда жавоб берадилар.

Вазирлар Маҳкамасининг 2019 йил 27 июндаги 532-сон қарорига 5-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

2. Вазирлар Маҳкамасининг «Бозорлар фаолиятини такомиллаштириш ва маҳсулотлар сотиш учун зарур шарт-шароитлар яратишга доир қўшимча чора-тадбирлар тўғрисида» 2000 йил 22 июндаги 239-сон қарорининг 7-бандидаги «Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси» сўзлари билан алмаштирилсин.

5. Вазирлар Маҳкамасининг 2003 йил 12 сентябрдаги 397-сон қарори (Ўзбекистон Республикаси ҚҲТ, 2003 й., 17-18-сон, 147-модда) билан тасдиқланган Ветеринарияда гиёҳвандлик воситалари, психотроп моддалар ва прекурсорлардан фойдаланиш тартибида :

а) 21-банднинг иккинчи хатбошисидаги «Давлат ветеринария қўмитасига» сўзлари «Ветеринария ва чорвачиликни ривожлантириш давлат қўмитасига» сўзлари билан алмаштирилсин;

б) 4-илованинг номидаги «Давлат ветеринария қўмитасига» сўзлари «Ветеринария ва чорвачиликни ривожлантириш давлат қўмитасига» сўзлари билан алмаштирилсин.

8. Вазирлар Маҳкамасининг 2006 йил 20 февралдаги 27-сон қарори билан тасдиқланган Давлат ахборот ресурслари ҳамда уларни шакллантириш, улардан фойдаланиш ва уларни қўллаб-қувватлаш учун масъул бўлган давлат органлари рўйхатида (Ўзбекистон Республикаси ҚТ, 2006 й., 2-сон, 11-модда) «Масъул давлат органлари» устуни 84-позициясидаги «Қишлоқ ва сув хўжалиги вазирлигининг Давлат ветеринария бош бошқармаси» сўзлари «Ветеринария ва чорвачиликни ривожлантириш давлат қўмитаси» сўзлари билан алмаштирилсин.

9. Вазирлар Маҳкамасининг «Халқаро парвозлар учун Навоий аэропортини очиш тўғрисида» 2008 йил 21 августдаги 188-сон қарорида (Ўзбекистон Республикаси ҚҲТ, 2008 йил, 34-сон, 334-модда) 3 ва 4-бандлардаги «Давлат ветеринария қўмитаси» сўзлари «Ветеринария ва чорвачиликни ривожлантириш давлат қўмитаси» сўзлари билан алмаштирилсин.

10. Вазирлар Маҳкамасининг 2009 йил 29 октябрдаги 289-сон қарори (Ўзбекистон Республикаси ҚТ, 2009 й., 9-10-сон, 71-модда) билан тасдиқланган «Ҳаво кемаларининг халқаро парвозлари учун Ўзбекистон Республикаси фуқаро авиацияси аэропортлари (аэродромлари)ни очиш тартиби тўғрисида»ги низомнинг 7 ва 8-бандларининг иккинчи хатбошиларидаги «Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси» сўзлари билан алмаштирилсин.

12. Вазирлар Маҳкамасининг «Қаровсиз қолган ҳайвонларни тутиш ва сақлаш билан боғлиқ хизматлар фаолиятини такомиллаштириш чора-тадбирлари тўғрисида» 2011 йил 8 июлдаги 202-сон қарорида (Ўзбекистон Республикаси ҚТ, 2011 й., 7-сон, 64-модда):

а) 3-банднинг учинчи ва тўртинчи хатбошилари , 5-банднинг учинчи хатбошиси , 6-банднинг иккинчи ва учинчи хатбошилари , 4-илованинг 2 ва 4-бандлари , 6-банд биринчи хатбошиси , 19 , 20 , 21 ва 22-бандларидаги «ветеринария бўлим» сўзлари тегишли келишикдаги «ветеринария ва чорвачиликни ривожлантириш бўлимлари» сўзлари билан алмаштирилсин;

б) 6-банднинг иккинчи хатбошиси ва 7-банднинг биринчи хатбошисидаги «Давлат ветеринария қўмитасининг» сўзлари «Ветеринария ва чорвачиликни ривожлантириш давлат қўмитаси» сўзлари билан алмаштирилсин;

в) 4-илованинг 3 , 6 , ва 19-бандлардаги «рўйхатга олиш гувоҳномаси» сўзлари «ветеринария паспорти» сўзлари билан алмаштирилсин.

г) 4-илованинг 3-банд иккинчи хатбошисидаги «белги қўйилади.» сўзлари «маълумотлар киритилади.» сўзлари билан алмаштирилсин.

д) 4-илованинг 5-банди «вакцинация қилиниши» сўзларидан кейин «ҳамда ветеринария паспорти расмийлаштирилиши» сўзлари билан тўлдирилсин.

е) 4-илованинг 12-банди учинчи хатбошисидаги «итнинг лақаби, ит эгасининг манзили, телефон» сўзлари «идентификацион» сўзлари билан алмаштирилсин.

ж) 4-илованинг 20-банди тўртинчи хатбошисидан «давлат» сўзи чиқариб ташлансин.

з) 4-илованинг 14-банди учинчи хатбошсидаги «рўйхатга олиш гувоҳномаси, ветеринария гувоҳномаси» сўзлари «ветеринария паспорти» сўзлари билан алмаштирилсин.

14. Вазирлар Маҳкамасининг 2011 йил 17 ноябрдаги 305-сон қарори (Ўзбекистон Республикаси ҚТ, 2011 й., 45-46-сон, 478-модда) билан тасдиқланган «Бир дарча» тамойили бўйича экспортга етказиб беришлар билан боғлиқ тартиботларни амалга ошириш механизми тўғрисида»ги вақтинчалик низомнинг 4 ва 6-бандлардаги «Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси» сўзлари билан алмаштирилсин.

15. Вазирлар Маҳкамасининг «Республика аҳоли пунктларини ободонлаштириш ишларини ташкил этишни такомиллаштириш чора-тадбирлари тўғрисида» 2013 йил 10 январдаги 4-сон қароридаги (Ўзбекистон Республикаси ҚТ, 2013 й., 1-сон, 2-модда) «давлат ветеринария бўлим» сўзлари тегишли келишикдаги «ветеринария ва чорвачиликни ривожлантириш бўлим» сўзлари билан алмаштирилсин.

17. Вазирлар Маҳкамасининг 2014 йил 5 августдаги 216-сон қарори (Ўзбекистон Республикаси ҚТ, 2014 й., 8-сон, 80-модда) билан тасдиқланган Давлат экологик назоратини амалга ошириш тартиби тўғрисидаги низомнинг :

а) 15-бандидаги «Ўзбекистон Республикаси Давлат ветеринария қўмитаси (кейинги ўринларда Давлат ветеринария қўмитаси деб аталади)» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси(кейинги ўринларда Ветеринария ва чорвачиликни ривожлантириш давлат қўмитаси)» сўзлари билан алмаштирилсин;

б) 18-банди саккизинчи хатбошисидаги «Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси» сўзлари билан алмаштирилсин;

в) 27-банди қуйидаги таҳрирда баён этилсин:

«27. Ветеринария соҳасида давлат ветеринария хизмати номидан давлат экологик назорати Ветеринария ва чорвачиликни ривожлантириш давлат қўмитаси, Қорақалпоғистон Республикаси ветеринария ва чорвачиликни ривожлантириш қўмитаси, вилоятлар ва Тошкент шаҳар ветеринария ва чорвачиликни ривожлантириш бошқармалари, туманлар (шаҳарлар) ветеринария ва чорвачиликни ривожлантириш бўлимларининг мансабдор шахслари томонидан амалга оширилади».

18. Вазирлар Маҳкамасининг 2014 йил 8 сентябрдаги 252-сон қарори (Ўзбекистон Республикаси ҚТ, 2014 й., 37-сон, 469-модда) билан тасдиқланган Наслли маҳсулотни (материални) экспорт ва импорт қилиш тартиби тўғрисида низомнинг 7-банди биринчи ва иккинчи хатбошиларидаги «Давлат ветеринария қўмитаси» сўзлари «Ветеринария ва чорвачиликни ривожлантириш давлат қўмитаси» сўзлари билан алмаштирилсин.

19. Вазирлар Маҳкамасининг 2016 йил 7 октябрдаги 336-сон қарорининг (Ўзбекистон Республикаси ҚТ, 2016 й., 10-сон, 89-модда) 1-иловаси 36 4 -бандидаги «Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси.» сўзлари билан алмаштирилсин.

20. Вазирлар Маҳкамасининг «Давлат ветеринария хизмати тизимини янада такомиллаштириш чора-тадбирлари тўғрисида» 2016 йил 25 октябрдаги 361-сон қарорининг (Ўзбекистон Республикаси ҚҲТ, 2016 й., 43-сон, 503-модда) 5-иловасининг матни қуйидаги таҳрирда баён этилсин:

« Т/р Касалликлар рўйхати 1. Бир неча ҳайвонот тури учун умумий бўлган касалликлар 1. 1. Оқсил 2. 2. Бруцеллёз 3. 3. Ауески 4. 4. Лептоспироз 5. 5. Куйдирги 6. 6. Қутуриш 7. 7. Листериоз 8. 8. Сил 9. 9. Ку-безгаги 10. 10. Ўлат 2. Қорамолларнинг касалликлари 11. 1. Юқумли тугунли (нодуляр) дерматит 12. 2. Эмфизематоз карбункул (қорасон) 3. Қўй ва эчкиларнинг касалликлари 13. 1. Чечак 14. 2. Брадзот энтеротоксемия 15. 3. Скрепи 4. Чўчқаларнинг касалликлари 16. 1. Африка ўлати 5. От ва туяларнинг касалликлари 17. 1. Манқа 18. 2. Юқумли анемия (ИНАН) 19. 3. Грипп (инфлюэнца) 20. 4. Отларнинг Африка ўлати 6. Паррандаларнинг касалликлари 21. 1. Ньюкасл касаллиги 22. 2. Чечак 23. 3. Юқумли ларинготрахеит 24. 4. Орнитоз (пситакоз) 25. 5. Юқори патогенли грипп 26. 6. Марека 7. Мўйнали ҳайвонлар, қуёнлар ва майда уй ҳайвонларининг касалликлари 27. 1. Қуёнларнинг геморрагик касаллиги 28. 2. Цестодозлар 29. 3. Қуёнлар миксоматози 8. Ўзбекистон Республикаси ҳудудида илгари рўйхатга олинмаган барча турдаги ҳайвонларнинг хавфли касалликлари

21. Вазирлар Маҳкамасининг 2017 йил 4 мартдаги 119-сон қарори билан тасдиқланган 2017 — 2019 йилларда деҳқон хўжаликлари ва аҳоли хонадонларида 100 бошдан парранда боқиш, лимон, унаби ва грек ёнғоғи етиштиришни янада ривожлантириш чора-тадбирлари дастури 2.8-бандидаги «Давлат ветеринария қўмитаси» сўзлари «Ветеринария ва чорвачиликни ривожлантириш давлат қўмитаси» сўзлари билан алмаштирилсин.

22. Вазирлар Маҳкамасининг 2017 йил 19 июлдаги 517-сон қарори (Ўзбекистон Республикаси ҚҲТ, 2017 й., 29-сон, 700-модда) билан тасдиқланган 2017 — 2021 йилларда йилқичилик ва от спортини комплекс ривожлантириш чора-тадбирлари дастурининг 7-бандидаги «Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси» сўзлари билан алмаштирилсин.

23. Вазирлар Маҳкамасининг «Ҳайвонларни идентификация қилиш, уларни ҳисобга олиш, ҳисобдан чиқариш ва сақлаш тартибини такомиллаштириш тўғрисида» 2017 йил 22 сентябрдаги 748-сон қарорида (Ўзбекистон Республикаси ҚҲТ, 2017 й., 38-сон, 1057-модда):

а) 2-банднинг биринчи хатбошиси , илованинг 2-банд учинчи хатбошиси , 4 , 21-бандларда ва 7-иловадаги «ветеринария бўлим» сўзлари тегишли келишикдаги «ветеринария ва чорвачиликни ривожлантириш бўлимлари» сўзлари билан алмаштирилсин;

б) 4 , 6-бандларда , илованинг 16-банди ва 47-банд ўн биринчи хатбошиларидаги «Давлат ветеринария қўмитаси» сўзлари «Ветеринария ва чорвачиликни ривожлантириш давлат қўмитаси» сўзлари билан алмаштирилсин;

в) 2-банд учинчи хатбошидаги «Ўзбекистон Республикаси Давлат ветеринария қўмитасининг Ветеринария хизматини ривожлантириш жамғармаси» сўзлари «Ветеринария хизмати ва чорвачиликни ривожлантириш жамғармаси» сўзлари билан алмаштирилсин.

24. Вазирлар Маҳкамасининг «Давлат ветеринария хизмати ходимлари меҳнатига қўшимча ҳақ тўлаш ва уларни моддий рағбатлантириш чора-тадбирлари тўғрисида» 2017 йил 4 декабрдаги 963-сон қарорида :

а) 1-банди учинчи хатбошиси , 2-илованинг номи , 1 , 3 , 12 ва 13-бандларидаги «Давлат ветеринария қўмитаси» сўзлари «Ветеринария ва чорвачиликни ривожлантириш давлат қўмитаси» сўзлари билан алмаштирилсин.

б) 1-илованинг 5-банди бешинчи хатбошисидаги «туман (шаҳар) ветеринария бўлимлари» сўзлари «туман (шаҳар) ветеринария ва чорвачиликни ривожлантириш бўлимлари» сўзлари билан алмаштирилсин.

в) 2-илованинг 4-банди қуйидаги таҳрирда баён этилсин:

«Ходимларнинг иш фаолияти самарадорлигини ва моддий манфаатдорлигини ошириш мақсадида, шунингдек, улар томонидан мамлакатимизда чорва моллари ва паррандалар бош сонини барқарор оширишни таъминлаш, ветеринария назоратини кучайтириш ва ветеринария сервис сифатини ошириш, ҳайвонларнинг соғлиғини ҳимоя қилиш бўйича самарали ишларни ташкил этиш, эпизоотик осойишталик ва озиқ-овқат маҳсулотлари хавфсизлигини таъминлаш, наслчилик-селекция ишларини юритишнинг илмий асосланган инновацион услубларини жорий этиш, сунъий уруғлантириш ишларини тизимли ташкил этишни таъминлаганлиги учун Ўзбекистон Республикаси Ветеринария ва чорвачиликни ривожлантириш давлат қўмитаси ва унинг тизимига кирувчи ташкилотлар томонидан моддий рағбатлантириш тадбирлари амалга оширилади.»;

г) 2-илованинг 5-банди қуйидаги таҳрирда баён этилсин:

«Ходимларни моддий рағбатлантириш мақсадида уларнинг ойлик маошига қўшимча тарзда:

ходимнинг мутахассислиги бўйича кўп йиллик хизматлари учун қатъий белгиланган лавозим маошига устама;

Ўзбекистон Республикаси Ветеринария ва чорвачиликни ривожлантириш давлат қўмитаси раиси томонидан белгиланадиган шахсий устамалар;

ойлик, чораклик, йил якуни бўйича ҳамда байрам кунлари учун мукофотлар;

ишдаги ютуқлари учун моддий рағбатлантиришлар;

ишдан ташқари вақтда ишга жалб этилгани учун тўловлар ҳамда бошқа пуллик компенсациялар;

ходимларни ижтимоий ҳимоя қилиш ва улар соғлиғини тиклаш учун моддий ёрдам;

ходимларнинг ҳаётини суғурта қилиш ёки бошқа турдаги тўловлар белгиланади.»;

д) 2-илованинг 6-банди қуйидаги таҳрирда баён этилсин:

«Ходимнинг мутахассислиги бўйича кўп йиллик хизматлари учун қатъий белгиланган лавозим маошига қуйидаги устамалар бюджет маблағларидан ҳар ойда тариф сеткаси ва штат жадвалига мувофиқ тўланади:

3 йилдан 5 йилгача — 5 фоиз;

5 йилдан 10 йилгача — 10 фоиз;

10 йилдан 15 йилгача — 15 фоиз;

15 йилдан 20 йилгача — 20 фоиз;

20 йилдан 25 йилгача — 25 фоиз;

25 йилдан ортиқ — 30 фоиз.»;

е) 2-илова қуйидаги таҳрирда 7-банд билан тўлдирилсин:

«Хизмат вазифасини сидқидилдан ва самарали бажариб келаётган Қўмитанинг малакали, ташаббускор ходимларига раис томонидан ветеринария хизмати ва чорвачиликни ривожлантириш жамғармаси маблағлари ҳисобидан лавозим маошининг 200 фоизи миқдоридан кўп бўлмаган шахсий устамалар белгиланади.»;

ж) 2-илованинг 7-8-бандлари тегишли равишда 8-9-бандлар деб ҳисоблансин;

з) 2-илованинг 9-банди қуйидаги таҳрирда баён этилсин:

«Янги йил, 8 март хотин-қизлар куни, Наврўз байрами, Хотира ва қадрлаш куни, Мустақиллик куни, Ўқитувчи ва мураббийлар куни, Конституция куни, Рўза ҳайит (Ийд ал-Фитр) диний байрам куни ва Қурбон ҳайит (Ийд ал-Адҳа) диний байрам куни учун ходимлар ойлик иш ҳақининг бир баравари миқдорда мукофотланади.»;

к) 2-илова қуйидаги таҳрирда 10-банд билан тўлдирилсин:

«Ишдаги ютуқлари учун ходимларни ойлик иш ҳақининг икки бараваригача миқдорда моддий рағбатлантиради.»;

л) 2-илованинг 10-банди тегишли равишда 11-банд деб ҳисоблансин;

м) 2-илова қуйидаги таҳрирда 12-банд билан тўлдирилсин:

«Шахсий устамалар, мукофотлар ва моддий рағбатлантиришлар миқдорини белгилашда меҳнатга ҳақ тўлашга оид Ягона тариф сеткаси бўйича тариф коэффициентлари билан устамалар ва қўшимча ҳақлар, шунингдек бюджетдан молиялаштириладиган давлат ҳокимияти ва бошқаруви органлари давлат хизматчилари лавозим маошларига 40 (20) фоизлик қўшимча (меҳнатни рағбатлантириш коэффициенти) лавозим маоши ҳисоб-китобига киритилади.»;

н) 2-илова қуйидаги таҳрирда 13-банд билан тўлдирилсин:

«Иш вақтидан ташқари ишлар, дам олиш кунлари ва байрам кунларида ишга жалб этилганлиги учун тўловлар ҳамда бошқа пуллик компенсациялар тўланади»;

о) 2-илованинг 13-банди тегишли равишда 14-банд деб ҳисоблансин;

п) 2-илованинг 14-банди қуйидаги таҳрирда баён этилсин:

«Ходимларни ижтимоий қўллаб-қувватлаш ва уларнинг иш самарадорлигини ошириш мақсадида ҳар ойда (жамоа шартномасига мувофиқ) йўл транспорти учун энг кам ойлик иш ҳақининг икки баравари ҳамда ходимларнинг тушлик овқатланиши харажатларига кўмаклашиш мақсадида энг кам ойлик иш ҳақининг икки баравари миқдорида тўловлар амалга оширилади.»;

р) 2-илованинг 15-банди қуйидаги таҳрирда баён этилсин:

«Қуйидагилар ходимларни рағбатлантиришни молиялаштириш манбалари ҳисобланади: Ўзбекистон Республикаси Давлат бюджети маблағлари; Ветеринария хизмати ва чорвачиликни ривожлантириш жамғармаси маблағлари; қонун ҳужжатларида тақиқланмаган бошқа маблағлар.»

25. Вазирлар Маҳкамасининг 2017 йил 22 декабрдаги 1013-сон қарори (Ўзбекистон Республикаси ҚТ, 2017 й., 12-сон, 299-модда) билан тасдиқланган Норматив-ҳуқуқий ҳужжатлар матнлари ҳамда зарур бўлган тақдирда уларга тегишли ахборот-таҳлилий материаллар электрон шаклда юбориладиган давлат органлари ва бошқа ташкилотлар рўйхатининг 3-боби 1-бандидаги «Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси» сўзлари билан алмаштирилсин.

27. Вазирлар Маҳкамасининг 2018 йил 16 октябрдаги 829-сон қарори билан тасдиқланган Ваколатли вазирлик, идора ва ташкилотлар томонидан киритиладиган ва «Интеграциялашган тариф» интерактив хизмати доирасида тақдим этиладиган ахборот рўйхатининг 11 ва 12-бандларидаги ваколатли органнинг номи устунида»Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси» сўзлари билан алмаштирилсин.

29. Вазирлар Маҳкамасининг 2019 йил 23 январдаги 55-сон қарори билан тасдиқланган 2019-2020 йилларда ўзбек цирк санъатини янада ривожлантириш ҳамда «Ўзбек давлат цирки» давлат муассасаси фаолиятини қўллаб-қувватлаш бўйича чора-тадбирлар режасининг 7 ва 13-бандлардаги «Ўзбекистон Республикаси Давлат ветеринария қўмитаси» сўзлари «Ўзбекистон Республикаси Ветеринария ва чорвачиликни ривожлантириш давлат қўмитаси» сўзлари билан алмаштирилсин.

Вазирлар Маҳкамасининг 2019 йил 27 июндаги 532-сон қарорига 6-ИЛОВА

Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари

1. Вазирлар Маҳкамасининг «Ветеринария хизмати ёш кадрларини тайёрлашни янада такомиллаштириш, мутахассисларининг малакасини ошириш, шунингдек уларни рағбатлантириш чора-тадбирлари тўғрисида» 2016 йил 8 августдаги 253-сон қарори (Ўзбекистон Республикаси ҚТ, 2012 й., 8-сон, 61-модда).

2. Вазирлар Маҳкамасининг «Ўзбекистон Республикаси Давлат ветеринария қўмитаси фаолиятини ташкил этиш чора-тадбирлари тўғрисида» 2017 йил 14 августдаги 624-сон қарори (Ўзбекистон Республикаси ҚТ, 2017 й., 8-сон, 173-модда).

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2018 йил 7 декабрдаги 995-сон қарорига 1-илованинг 69 ва 109-бандлари .

4. Вазирлар Маҳкамасининг «Фарғона вилоятида чорвачилик ва наслчилик ишларини тубдан такомиллаштириш, тармоқ фаолиятини мувофиқлаштириш ва самарадорлигини янада ошириш чора-тадбирлари тўғрисида» 2018 йил 26 декабрдаги 1048-сон қарори .

Ўзбекистон Республикасининг Бош вазири А. АРИПОВ

Тошкент ш.,

2019 йил 27 июнь,

532-сон

(Қонун ҳужжатлари маълумотлари миллий базаси, 28.06.2019 й., 09/19/532/3344-сон, 03.10.2019 й., 09/19/841/3857-сон; 23.05.2020 й., 09/20/328/0652-сон, 27.06.2020 й., 09/20/411/1000-сон, 27.08.2020 й., 09/20/515/1223-сон; Қонунчилик маълумотлари миллий базаси, 30.04.2021 й., 09/21/258/0400-сон, 12.07.2021 й., 09/21/434/0659-сон; 20.01.2022 й., 09/22/33/0047-сон; 22.02.2022 й., 09/22/83/0157-сон; 26.02.2022 й., 09/22/88/0165-сон; 29.12.2023 й., 09/23/686/1003-сон; 29.12.2023 й., 09/23/701/0007-сон; 29.01.2024 й., 09/24/52/0073-сон; 25.10.2024 й., 09/24/700/0850-сон; 02.11.2024 й., 09/24/725/0879-сон; 12.04.2025 й., 09/25/221/0335-сон; 11.12.2025 й., 09/25/783/1154-сон; 16.12.2025 й., 09/25/791/1167-сон; 09.09.2026 й., 09/26/472/0908-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

ROʻYXATI

Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi faoliyatini tartibga soluvchi normativ-huquqiy hujjatlarni tasdiqlash toʻgʻrisida

Oʻzbekiston Respublikasi Prezidentining “Veterinariya va chorvachilik sohasida davlat boshqaruvi tizimini tubdan takomillashtirish chora-tadbirlari toʻgʻrisida” 2019-yil 28-martdagi PF-5696-son Farmoni hamda “Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi faoliyatini tashkil etish toʻgʻrisida” 2019-yil 28-martdagi PQ-4254-son qarori ijrosini taʼminlash maqsadida Vazirlar Mahkamasi qaror qiladi:

1. Quyidagilar:

Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi toʻgʻrisidagi nizom 1-ilovaga muvofiq;

Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi huzuridagi Veterinariya xizmati va chorvachilikni rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 2-ilovaga muvofiq;

tasdiqlansin.

2. Samarqand veterinariya meditsinasi instituti huzurida Kadrlarni qayta tayyorlash va ularning malakasini oshirish markazi (keyingi oʻrinlarda Markaz deb ataladi) tashkil etilsin.

Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi Markaz Samarqand veterinariya meditsinasi institutining Samarqand viloyati, Samarqand shahri, M. Ulugʻbek koʻchasi, 77-uy manzilidagi binosiga tekin foydalanish huquqi asosida joylashtirilishini hamda uning oʻquv va moddiy-texnika bazasidan foydalanishi uchun zarur shart-sharoitlar yaratilishini taʼminlasin.

3. Quyidagilar Markaz faoliyatini moliyalashtirish manbalari etib belgilansin:

pulli xizmatlar koʻrsatishdan tushgan mablagʻlar;

xalqaro moliya institutlari va xorijiy tashkilotlarning grantlari;

yuridik va jismoniy shaxslarning homiylik xayriyalari;

qonun hujjatlari bilan taqiqlanmagan boshqa manbalar.

4. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirish va qoʻshimchalar kiritilsin.

5. Oʻzbekiston Respublikasi Hukumatining 6-ilovaga muvofiq baʼzi qarorlari oʻz kuchini yoʻqotgan deb hisoblansin.

6. Oʻzbekiston Respublikasi Veterinariya va chorvachilikni rivojlantirish davlat qoʻmitasi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha maslahatchisi A.D. Vaxabov hamda Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi raisi B.T. Norqobilov zimmasiga yuklansin.

Vazirlar Mahkamasining 2019-yil 27-iyundagi 532-son qaroriga 1-ILOVA

Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi toʻgʻrisidagi

1-bob. Umumiy qoidalar

1. Ushbu Nizom Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasining (keyingi oʻrinlarda Qoʻmita deb ataladi) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek, uning rahbarlarining funksional vazifalari va masʼuliyatini belgilaydi.

2. Qoʻmita veterinariya, chorvachilik va naslchilik sohasida yagona davlat siyosatini amalga oshiruvchi davlat boshqaruv organi hisoblanadi.

3. Qoʻmita Oʻzbekiston Respublikasi Vazirlar Mahkamasiga (keyingi oʻrinlarda Vazirlar Mahkamasi deb ataladi) boʻysunadi.

4. Qoʻmita oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, ushbu Nizomga, shuningdek, boshqa qonun hujjatlariga amal qiladi.

5. Qoʻmita oʻz faoliyatini davlat va xoʻjalik boshqaruvi organlari, huquqni muhofaza qiluvchi organlar, mahalliy davlat hokimiyati organlari va boshqa tashkilotlar bilan hamkorlikda amalga oshiradi.

6. Qoʻmitaning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar, mansabdor shaxslar va fuqarolar tomonidan ijro etilishi majburiy hisoblanadi.

7. Qoʻmita, Qoraqalpogʻiston Respublikasi Veterinariya va chorvachilikni rivojlantirish qoʻmitasi, viloyatlar va Toshkent shahar veterinariya va chorvachilikni rivojlantirish boshqarmalari (keyingi oʻrinlarda hududiy boshqarmalar deb ataladi) va tumanlar (shaharlar) veterinariya va chorvachilikni rivojlantirish boʻlimlari (keyingi oʻrinlarda tuman (shahar) boʻlimlari deb ataladi) hamda Qoʻmita tarkibiga kiradigan idoraviy mansub tashkilotlar yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga va blankalarga, mustaqil balansga, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlariga, bank hisob raqamlariga, shu jumladan, xorijiy valyutasidagi hisob raqamlariga hamda veterinariya ramziga ega boʻladi.

8. Qoʻmitaning rasmiy nomi:

a) davlat tilida:

toʻliq nomi — Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasi, qisqartirilgani — Veterinariya va chorvachilikni rivojlantirish qoʻmitasi;

b) ingliz tilida:

toʻliq nomi — State Committee of Veterinary and livestock development of the Republic of Uzbekistan, qisqartirilgani — State Committee of Veterinary and livestock development;

v) rus tilida:

toʻliq nomi — Gosudarstvenniy komitet veterinarii i razvitiya jivotnovodstva Respubliki Uzbekistan, qisqartirilgani — Goskomveterinarii i razvitiya jivotnovodstva.

9. Qoʻmitaning joylashgan joyi (pochta manzili): 100123, Toshkent shahri, Kichik halqa yoʻli koʻchasi, 21a-uy.

2-bob. Qoʻmitaning tuzilmasi

10. Qoʻmita huzuridagi “Naslchilik ilmiy-ishlab chiqarish markazi” davlat muassasasi va “Oʻzzoovettaʼminotxizmat” davlat unitar korxonasi.

11. Qoʻmita va uning tizimiga kiruvchi tashkilot va muassasalarning tasdiqlangan tuzilmalarida belgilangan boshqaruv xodimlari veterinariya va chorvachilikni rivojlantirish davlat organlari va muassasalarining xodimlari hisoblanadi.

3-bob. Qoʻmitaning asosiy vazifalari va funksiyalari

1-§. Qoʻmitaning vazifalari va funksiyalari

12. Quyidagilar Qoʻmitaning asosiy vazifalari hisoblanadi:

veterinariya, chorvachilik va naslchilik sohasida yagona davlat siyosatini amalga oshirish, normativ-huquqiy hujjatlarni xalqaro standartlarga muvofiqlashtirish, ushbu sohada davlat, xoʻjalik boshqaruvi organlari hamda mahalliy davlat hokimiyati organlarining oʻzaro hamkorligini muvofiqlashtirish, veterinariya faoliyatini litsenziyalashni amalga oshirish;

veterinariya sohasi va chorvachilikning barcha tarmoqlarini, shu jumladan, qoramolchilik, qoʻychilik, qorakoʻlchilik, echkichilik, yilqichilik, parrandachilik, baliqchilik, asalarichilik va quyonchilikni rivojlantirish, naslchilik-seleksiya ishlarini muvofiqlashtirish hamda ushbu yoʻnalishlar boʻyicha maqsadli davlat dasturlarini ishlab chiqish va amalga oshirish;

mamlakat hududlarini hayvonlarning yuqumli kasalliklari kirib kelishidan himoya qilishni taʼminlash, amaliyotga hayvonlarni davolashning va profilaktikasining zamonaviy usullarini joriy etish, mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarishni tashkil etish;

epizootik osoyishtalikni taʼminlashda hayvonlarning yuqumli kasalliklarini oʻz vaqtida aniqlash, tashxis qoʻyish va tarqalishining oldini olishga doir profilaktika ishlarining samaradorligini monitoring qilish;

chorvachilik va naslchilik sohasini davlat tomonidan qoʻllab-quvvatlashning yagona mexanizmlarini amalga oshirish, chorvachilik xoʻjaliklariga ozuqa yetishtirish uchun ajratilgan yer maydonlarida chorva ozuqa ekinlarini joylashtirishni tashkil etish hamda yuqori hosildorlikka erishishni monitoring qilish;

chorvachilik tarmoqlarida hayvonlarni identifikatsiya qilish, ularni hisobga olish, hisobdan chiqarish va saqlash ishlarini tashkil etish, qishloq xoʻjaligi hayvonlarini zoti boʻyicha rayonlashtirish;

veterinariya va naslchilik toʻgʻrisidagi qonun hujjatlariga rioya etilishi hamda veterinariya dori vositalari va ozuqabop qoʻshimchalarning sifati va muomalasi yuzasidan davlat nazoratini amalga oshirish;

veterinariya va naslchilik-seleksiya sohalarida ilmiy, uslubiy va taʼlim salohiyatini har tomonlama rivojlantirish, ilmiy tadqiqotlar yoʻnalishlarini belgilash, fundamental va amaliy tadqiqotlar, innovatsiya ishlanmalari natijalarini veterinariya va naslchilik-seleksiya amaliyotiga joriy etilishini muvofiqlashtirish;

chorvachilik mahsulotlarini xalqaro talablarga muvofiq sertifikatlashtirish va standartlashtirishni taʼminlash, sifat menejmentining zamonaviy usullarini keng joriy etish, veterinariya va chorvachilik sohalariga xorijiy investitsiyalar va grant mablagʻlarini jalb qilish;

soha kadrlarini tizimli tayyorlash, ularning malakasini oshirish va qayta tayyorlashni tashkil etish, rahbar hamda mutaxassislarning ish uslubi va shakllarini takomillashtirish.

13. Qoʻmita oʻziga yuklangan asosiy vazifalarga muvofiq quyidagi funksiyalarni amalga oshiradi:

a) veterinariya, chorvachilik va naslchilik sohasida yagona davlat siyosatini amalga oshirish, normativ-huquqiy hujjatlarni xalqaro standartlarga muvofiqlashtirish, ushbu sohada davlat, xoʻjalik boshqaruvi organlari hamda mahalliy davlat hokimiyati organlarining oʻzaro hamkorligini muvofiqlashtirish, veterinariya faoliyatini litsenziyalashni amalga oshirish sohasida:

veterinariya, chorvachilik va naslchilik sohalarini yanada rivojlantirish, shu jumladan epizootik barqarorlikni taʼminlashda hayvonlarning yuqumli kasalliklarini oʻz vaqtida aniqlash, tashxis qoʻyish va tarqalishining oldini olish, veterinariya toʻgʻrisidagi qonun hujjatlariga rioya etilishida davlat nazoratini taʼminlash, veterinariya sohasidagi huquqbuzarliklarning oldini olish, veterinariya dori vositalari va ozuqabop qoʻshimchalarning sifati hamda muomalasi yuzasidan nazoratni tashkil etish va yuritish, chorvachilikda sunʼiy urugʻlantirish, naslchilik-seleksiya ishlarini tashkil etish va rivojlantirish, chorvachilik xoʻjaliklariga ozuqa yetishtirish uchun ajratilgan yer maydonlarida chorva ozuqa ekinlarini joylashtirish ustidan davlat nazoratini taʼminlash hamda yuqori hosildorlikka erishishni monitoring qilish, chorvachilik tarmoqlarida hayvonlarni identifikatsiya qilish, qishloq xoʻjaligi hayvonlarini zoti boʻyicha rayonlashtirish sohasida davlat boshqaruvini amalga oshiradi;

Qoʻmita tizimiga kiruvchi tashkilotlarda hisob va hisobot yuritilishini hamda mol-mulk saqlanishini, hisobga olinishini va hisobdan chiqarilishini taʼminlash, yetkazilgan moddiy zararni undirish choralarini koʻradi;

Qoʻmita tizimiga kiruvchi tashkilotlarning buxgalteriya hisobotlarini, balanslarini koʻrib chiqadi, umumlashtiradi, yigʻma balanslar tuzadi va ularni tegishli organlarga taqdim etadi;

veterinariya, chorvachilik va naslchilik sohasini tartibga solish boʻyicha xalqaro standartlarga muvofiq normativ-huquqiy hujjatlar loyihalarini ishlab chiqadi va Vazirlar Mahkamasiga kiritadi;

hududiy boshqarmalar toʻgʻrisidagi nizomlarni, shuningdek, veterinariya va chorvachilikni rivojlantirish davlat organlari hamda muassasalarining nizom (ustav)larini ishlab chiqadi va tasdiqlaydi;

veterinariya, chorvachilik va naslchilik sohasida xorijiy davlatlar bilan xalqaro hamkorlikni amalga oshirishda ishtirok etadi hamda xalqaro hamkorlikni amalga oshirishda Oʻzbekiston Respublikasining manfaatlarini ifodalaydi;

veterinariya va naslchilik-seleksiya sohasida xorijiy davlatlar tajribalarini tahlil qiladi hamda ularning qonunchilik sohasidagi yutuqlaridan foydalanish boʻyicha takliflar tayyorlaydi;

xorijiy davlatlarning veterinariya xizmatlari bilan veterinariya sohasida axborotlar almashinuvini amalga oshiradi va veterinariya sertifikatlari namunalarini belgilangan tartibda kelishadi;

xalqaro va xorijiy davlatlarning nodavlat notijorat tashkilotlari hamda ularning vakolatxonalari va filiallari tomonidan veterinariya va naslchilik-seleksiya sohasiga oid tadbirlarning belgilangan tartibda oʻtkazilishini tashkil etadi;

veterinariya sohasiga oid xalqaro shartnomalarni ishlab chiqishda va ularning ijrosini taʼminlashda ishtirok etadi;

veterinariya va naslchilik-seleksiya sohasiga oid xalqaro hamkorlikning ustuvor yoʻnalishlari boʻyicha Vazirlar Mahkamasiga takliflar kiritadi;

oʻziga boʻysunuvchi tuzilmalari orqali veterinariya va chorvachilik sohasida boshqa tashkilotlar bilan oʻzaro hamkorlik qiladi va qoʻshma tadbirlarni amalga oshiradi;

veterinariya faoliyatini litsenziyalashni amalga oshiradi;

mahalliy va import qilinadigan veterinariya dori vositalari hamda ozuqabop qoʻshimchalarni roʻyxatdan oʻtkazadi va ularga roʻyxatdan oʻtkazilganlik guvohnomasini beradi;

davlat veterinariya xizmati nazorati ostidagi tovarlarni eksport, import qilishga hamda Oʻzbekiston Respublikasi hududi orqali tranzit qilishga ruxsatnoma, veterinariya guvohnomasi va veterinariya sertifikatini beradi;

ixtisoslashgan soʻyish korxonalarining hamda ushbu sohadagi mahsulot va xom ashyolarni qayta ishlash, ishlab chiqarish, saqlash, tashish, sotish va realizatsiya qilish bilan shugʻullanuvchilar faoliyatining veterinariya, veterinariya-sanitariya qoidalari va normalariga muvofiqligi yuzasidan veterinariya-sanitariya xulosalarini beradi;

bozorlarda, savdo tashkilotlarida va boshqa savdo obyektlarida ushbu sohadagi mahsulot va xom ashyoni, shuningdek bozorlarda realizatsiya qilinadigan oʻsimlik, oziq-ovqat mahsulotlarini qabul qilish, saqlash hamda realizatsiya qilishga veterinariya-sanitariya ekspertizasi xulosasini beradi;

fuqarolar va yuridik shaxslarning vakillarini qabul qilinishi, jismoniy va yuridik shaxslarning murojaatlarini qonun hujjatlarida belgilangan tartibda koʻrib chiqilishini taʼminlaydi;

veterinariya va chorvachilikni rivojlantirish davlat organlari hamda muassasalarining moddiy-texnika bazasini rivojlantirish boʻyicha chora-tadbirlarni ishlab chiqadi va amalga oshiradi;

Qoʻmita tizimi faoliyatiga oid gazeta va jurnallar chiqarilishini, tegishli ruxsatnomalar blankalari, sohaga tegishli kitob, byulleten va qoʻllanmalar chop etilishini hamda butunjahon Internet tarmogʻida veb-sayt yuritilishini tashkil etadi;

b) veterinariya sohasi va chorvachilikning barcha tarmoqlarini, shu jumladan, qoramolchilik, qoʻychilik, qorakoʻlchilik, echkichilik, yilqichilik, parrandachilik, baliqchilik, asalarichilik va quyonchilikni rivojlantirish, naslchilik-seleksiya ishlarini muvofiqlashtirish hamda ushbu yoʻnalishlar boʻyicha maqsadli davlat dasturlarini ishlab chiqish va amalga oshirish sohasida:

respublika hududida paydo boʻlish xavfi boʻlgan hayvonlar kasalliklarini tahlil qilish, ularni oldini olish va tugatishga doir dasturlarni ishlab chiqadi;

veterinariya va chorvachilikni rivojlantirish davlat organlari hamda muassasalarining kelgusida rejalashtiriladigan ishlarini prognozlashtirish, manfaatdor vazirlik va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda sohani rivojlantirishning davlat va mahalliy dasturlarini ishlab chiqadi hamda ularni amalga oshiradi;

chorvachilikning barcha tarmoqlarini, shu jumladan qoramolchilik, qoʻychilik, qorakoʻlchilik, echkichilik, yilqichilik, parrandachilik, baliqchilik, asalarichilik va quyonchilikni rivojlantirish choralarini koʻradi;

naslchilik-seleksiya ishlarini muvofiqlashtiradi hamda chorvachilikning barcha tarmoqlari va naslchilik-seleksiya ishlari boʻyicha maqsadli davlat dasturlarini ishlab chiqadi va amalga oshiradi;

“Qorakoʻlchilik” Respublika uyushmasi, “Parrandasanoat” uyushmasi, “Oʻzbekbaliqsanoat” uyushmasi va “Oʻzbekiston asalarichilari” uyushmasi bilan hamkorlikda ishlarni tashkil etilishini taʼminlaydi;

v) mamlakat hududlarini hayvonlarning yuqumli kasalliklari kirib kelishidan himoya qilishni taʼminlash, amaliyotga hayvonlarni davolashning va profilaktikasining zamonaviy usullarini joriy etish, mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarishni tashkil etish sohasida:

hayvonlarni kasalliklardan himoya qilish, hayvonlardan olinadigan mahsulot va xom ashyo xavfsizligini taʼminlashda idoraviy hamda ishlab chiqarish veterinariya xizmatlari faoliyatini muvofiqlashtiradi;

hayvonlar kasalliklariga tashxis qoʻyish, ularni davolash va oldini olish tadbirlari bajarilishi yuzasidan nazoratni amalga oshiradi;

xoʻjalik yurituvchi subyektlar, shu jumladan yakka tartibdagi tadbirkorlarning veterinariya sohasiga oid faoliyati yuzasidan belgilangan tartibda tekshiruvlar oʻtkazadi;

ixtisoslashgan soʻyish korxonalari hamda hayvonlarning egalari tomonidan, shuningdek, ushbu sohadagi mahsulot va xom ashyoni ishlab chiqarish, qayta ishlash, saqlash hamda ularning savdosi bilan shugʻullanuvchilar tomonidan veterinariya toʻgʻrisidagi qonun hujjatlari ijro etilishi yuzasidan nazoratni amalga oshiradi;

veterinariya, chorvachilik va naslchilik sohasiga oid faoliyat yuzasidan belgilangan tartibda boshqa nazorat ishlarini amalga oshiradi;

mamlakatimiz hududiga hayvonlarning yuqumli kasalliklari kirib kelishidan himoya qilishni taʼminlash, hayvonlarni davolashning va profilaktikasining zamonaviy usullarini amaliyotga joriy etadi, mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqaradi;

chegara oldi tumanlarda va chegaradosh davlatlarda yuzaga kelgan epizootik vaziyat toʻgʻrisida tegishli organlar va tashkilotlarni xabardor qiladi, tegishli veterinariya tadbirlarini amalga oshirishda zarur tavsiyalar beradi;

hayvonlar kasalliklariga tashxis qoʻyish ishlarida eng zamonaviy va tezkor usullarni joriy etish boʻyicha tegishli chora-tadbirlarni ishlab chiqadi va ularning bajarilishini taʼminlaydi;

mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarish boʻyicha davlat dasturlarini ishlab chiqishda hamda amalga oshirishda ishtirok etadi;

g) epizootik osoyishtalikni taʼminlashda hayvonlarning yuqumli kasalliklarini oʻz vaqtida aniqlash, tashxis qoʻyish va tarqalishining oldini olishga doir profilaktika ishlarining samaradorligini monitoring qilish sohasida:

mahsulot va xom ashyolarni veterinariya, veterinariya-sanitariya qoidalari va normalariga asosan ekspertizadan oʻtkazish tartiblarini belgilaydi va ekspertizadan oʻtkazilishini taʼminlaydi;

hayvonlar oʻta xavfli yuqumli kasalliklarga chalinganligi xususida shubha mavjud boʻlgan taqdirda, zarur chora-tadbirlarning bajarilishini oʻrganadi va muvofiqlashtiradi;

belgilangan tartibda veterinariyaga oid statistika hisobotini yuritilishi va taqdim etilishini talab qiladi;

davlat va xoʻjalik boshqaruvi organlari, mahalliy davlat hokimiyat organlari va boshqa manfaatdor tashkilotlar bilan birgalikda epizootiyaga qarshi tadbirlarning bajarilishini taʼminlaydi;

ichki ishlar organlarining karantin tadbirlarini taʼminlash boʻlinmalari bilan birgalikda epizootik osoyishtalikni taʼminlashga doir tadbirlarni tashkil etadi;

kasalliklarning kelib chiqishi va hayvonlarning nobud boʻlishi sabablarini tahlil qiladi, ularning oldini olish boʻyicha tavsiyalar ishlab chiqadi;

hayvonlar yuqumli kasalliklarining oldini olish va ularni tugatishga doir chora-tadbirlarni amalga oshiradi;

xorijiy davlatlarning ilgʻor tajribasi va ilm-fan yutuqlarini oʻrganadi, maʼlumotlarni umumlashtiradi hamda davlat veterinariya xizmati tizimini yanada rivojlantirish chora-tadbirlarini ishlab chiqadi;

belgilangan tartibda veterinariya dori vositalari va boshqa moddiy-texnika resurslarining zaxirasini yaratadi;

Vazirlar Mahkamasi tomonidan tasdiqlangan roʻyxat boʻyicha hayvonlarning oʻta xavfli yuqumli kasalliklari boʻyicha profilaktika, tashxis qoʻyish va tugatish tadbirlarini amalga oshirish uchun zarur boʻlgan veterinariya dori vositalarini hamda moddiy-texnika vositalarini belgilangan tartibda xarid qiladi va markazlashtirilgan holda taqsimlaydi;

epizootik holat yuzasidan monitoring olib boradi;

d) chorvachilik va naslchilik sohasini davlat tomonidan qoʻllab-quvvatlashning yagona mexanizmlarini amalga oshirish, chorvachilik xoʻjaliklariga ozuqa yetishtirish uchun ajratilgan yer maydonlarida chorva ozuqa ekinlarini joylashtirishni tashkil etish hamda yuqori hosildorlikka erishishni monitoring qilish sohasida:

chorvachilik xoʻjaliklariga ozuqa yetishtirish uchun ajratilgan yer maydonlarida chorva ozuqa ekinlarini joylashtirilishi yuzasidan nazoratni amalga oshiradi;

chorvachilik xoʻjaliklaridagi shartli mol bosh soniga nisbatan yer maydonlarini ajratilishi va ulardan samarali foydalanish monitoringini amalga oshiradi;

paxta va gʻalla ekin maydonlariga almashlab ekiladigan chorva ozuqasi uchun ekinlarning toʻliq ekilishi hamda yetishtiriladigan hosilning chorvachilik xoʻjaliklari va aholiga tizimli yetkazilishini monitoring qiladi;

e) chorvachilik tarmoqlarida hayvonlarni identifikatsiya qilish, ularni hisobga olish, hisobdan chiqarish va saqlash ishlarini tashkil etish, qishloq xoʻjaligi hayvonlarini zoti boʻyicha rayonlashtirish sohasida:

chorvachilikda sunʼiy urugʻlantirish, naslchilik-seleksiya ishlarini tashkil etadi va qishloq xoʻjaligi hayvonlarini zoti boʻyicha rayonlashtiradi;

qishloq xoʻjaligi hayvonlarini zoti boʻyicha joylashtirish rejalarining bajarilishini oʻrganadi;

fermer va dehqon xoʻjaliklari uchun chorva naslchiligi xizmati koʻrsatishni tashkil etadi;

hayvonlarni identifikatsiya qilish ishlarini muvofiqlashtiradi;

aholi va xoʻjalik yurituvchi subyektlarda parvarish qilinayotgan chorva mollarini sugʻurtalashda vositachilik vazifalarini bajaradi.

j) veterinariya va naslchilik toʻgʻrisidagi qonun hujjatlariga rioya etilishi hamda veterinariya dori vositalari va ozuqabop qoʻshimchalarning sifati va muomalasi yuzasidan davlat nazoratini amalga oshirish sohasida:

veterinariya toʻgʻrisidagi qonun hujjatlariga rioya etilishida davlat nazoratini amalga oshiradi;

respublika hududini hayvonlarning yuqumli kasalliklarini qoʻzgʻatuvchilari olib kirilishidan muhofaza qilish, shuningdek, hayvonlar, ushbu sohaga mansub mahsulot va xom ashyo, veterinariya dori vositalari, ozuqalar va ozuqabop qoʻshimchalarni tayyorlash, olib oʻtish (tashish), eksport va import qilish boʻyicha davlat veterinariya nazoratini amalga oshiradi;

davlat veterinariya xizmati nazorati ostidagi tovarlarning Oʻzbekiston Respublikasiga olib kirilishi, Oʻzbekiston Respublikasidan olib chiqilishi, shuningdek, Oʻzbekiston Respublikasi hududi orqali tranziti uchun rasmiylashtiriladigan veterinariya hujjatlari berilishini nazorat qiladi;

mahsulotlar va xom ashyolarni veterinariya, veterinariya-sanitariya qoidalari va normalariga muvofiq ishlab chiqarilishi boʻyicha davlat veterinariya nazoratini olib boradi;

xususiy veterinariya faoliyatini amalga oshirish uchun tadbirkorlik subyektlariga belgilangan tartibda litsenziya beradi, shuningdek litsenziat tomonidan litsenziya talablari va shartlariga rioya etilishi ustidan davlat veterinariya nazoratini amalga oshiradi;

davlat va idoraviy veterinariya xizmatlari, ichki ishlar organlarining karantin tadbirlarini taʼminlash boʻlinmalarining veterinariya sohasiga oid faoliyatini belgilangan tartibda muvofiqlashtiradi va nazorat qiladi;

veterinariya sohasidagi huquqbuzarliklarning oldini olish ishlarini sifatli va tizimli ravishda tashkil etish boʻyicha tegishli davlat boshqaruv organlari bilan chora-tadbirlarni ishlab chiqadi va amalga oshiradi;

jismoniy va yuridik shaxslardan epizootiyaga qarshi tadbirlar, davolash, veterinariya-sanitariya tadbirlarining bajarilishini talab qiladi;

veterinariya va chorvachilikni rivojlantirish davlat organlari hamda muassasalari tomonidan taqdim etiladigan hisobotlar shakllarini tasdiqlaydi va uning muddatlarini belgilaydi;

veterinariya dori vositalari va ozuqabop qoʻshimchalarni qonun hujjatlarida belgilangan tartibda, ularning veterinariya ekspertizasi va sinovi natijalariga koʻra davlat roʻyxatidan oʻtkazadi hamda ularga roʻyxatdan oʻtkazilganlik guvohnomalarini beradi;

veterinariya dori vositalari va ozuqabop qoʻshimchalarning veterinariya, veterinariya-sanitariya qoidalari va normalariga muvofiq ishlab chiqarilishi va tayyorlanishini oʻrganadi va nazorat qiladi;

veterinariya dori vositalarini va ozuqabop qoʻshimchalarning sifati hamda muomalasi yuzasidan nazoratni amalga oshiradi;

naslchilik korxonalari va xoʻjaliklari tomonidan yetkazib beriladigan nasldor hayvonlarning sifat (nasl) koʻrsatkichlari toʻgʻri aniqlanganligi yuzasidan nazoratni amalga oshiradi;

nasldor hayvonlardan oqilona foydalanish, hayvonlar va ularning urugʻlari eksport va import qilinishini nazorat qiladi;

chorvachilikda naslchilik ishlari toʻgʻrisidagi hisobotlarning yuritilishini nazorat qiladi;

mulkchilik shaklidan qatʼi nazar naslchilik ishlari bilan shugʻullanuvchi chorvachilik subyektlari faoliyatini nazorat qiladi;

chorva hayvonlarining zoti boʻyicha rayonlashtirilishini nazorat qiladi;

naslchilik xoʻjaliklaridagi nasldor chorva hayvonlarining hisobini roʻyxatdan oʻtkazilishini hamda seleksiya jarayonida foydalanadigan naslchilik resurslarining kelib chiqishi, mahsuldorligi va turi boʻyicha sifatli baholanishini nazorat qiladi;

naslchilik bilan shugʻullanuvchi chorvachilik xoʻjaliklariga yer maydonlari ajratilishini va ulardan samarali foydalanilishini hamda korxonalar tomonidan ishlab chiqariladigan omuxta yem, sheluxa, shrot mahsulotlarining sifat koʻrsatkichlarini nazorat qiladi;

naslli mahsulotlarni (material) ishlab chiqarilishini va uning texnologik jarayonlari tashkil etilishini nazorat qiladi;

chorvachilik yoʻnalishidagi asosiy ustuvor vazifalar va ishlab chiqilgan dasturlarning joylardagi ijrosi tizimli ravishda tashkil etilishini nazorat qiladi”;

z) veterinariya va naslchilik-seleksiya sohalarida ilmiy, uslubiy va taʼlim salohiyatini har tomonlama rivojlantirish, ilmiy tadqiqotlar yoʻnalishlarini belgilash, fundamental va amaliy tadqiqotlar, innovatsiya ishlanmalari natijalarini veterinariya va naslchilik-seleksiya amaliyotiga joriy etilishini muvofiqlashtirish sohasida:

veterinariya, chorvachilik va naslchilik-seleksiya sohalarida ilmiy, uslubiy va taʼlim salohiyatini har tomonlama rivojlantirish choralarini koʻradi;

veterinariya, chorvachilik va naslchilik-seleksiya sohalarida ilmiy tadqiqotlar yoʻnalishlarini belgilaydi;

fundamental, ilmiy-amaliy tanlovlar va innovatsion ilmiy tadqiqotlarda qatnashish uchun taqdim etilgan ilmiy loyihalarning ekspertizasida ishtirok etadi;

veterinariya, chorvachilik va naslchilik-seleksiya sohalarida davlat grantlari asosida va xalqaro hamkorlik doirasida oʻtkaziladigan ilmiy tadqiqotlarning amalga oshirilishini tashkillashtiradi va muvofiqlashtiradi;

hayvonlar kasalliklariga tashxis qoʻyish, davolash va profilaktikasi hamda naslchilik-seleksiya ishlarining eng zamonaviy, samarali usullarini ishlab chiqish boʻyicha ilmiy-tadqiqot ishlarini oʻtkazadi, shuningdek ularni amaliyotga joriy etishni tashkillashtiradi;

ilm-fan, taʼlim muassasalari, nodavlat notijorat tashkilotlar shu jumladan, xalqaro hamkorlikni kengaytirish orqali veterinariya xizmati faoliyatiga ilgʻor texnologiyalar va ish uslublarini joriy etadi, veterinariya, chorvachilik va naslchilik-seleksiya masalalari boʻyicha ilmiy anjuman va konferensiyalarni tashkillashtirish va oʻtkazishda ishtirok etadi;

hayvonlar kasalliklariga tashxis qoʻyish, ozuqalarning, shuningdek chorvachilik obyektlarida ichimlik suvining sifatini baholash maqsadida laboratoriya tekshiruvlari oʻtkazish tartibini belgilaydi;

odamlar va hayvonlar uchun umumiy boʻlgan kasalliklardan aholi sogʻligʻini muhofaza qilishda boshqa davlat organlari bilan hamkorlik qiladi;

xorijiy va chegaradosh davlatlardagi hamda respublika hududidagi epizootik holatdan kelib chiqib, epizootiyaga qarshi profilaktika tadbirlarini belgilaydi va amalga oshiradi;

chorvachilik fermer xoʻjaliklari va ularning mahsulotlarini qayta ishlash korxonalarida ishlab chiqarish jarayonlarini nazorat qilishning xalqaro tan olingan tizimini joriy etishda boshqa davlat organlari bilan hamkorlik qiladi.

i) chorvachilik mahsulotlarini xalqaro talablarga muvofiq sertifikatlashtirish va standartlashtirishni taʼminlash, sifat menejmentining zamonaviy usullarini keng joriy etish, veterinariya va chorvachilik sohalariga xorijiy investitsiyalar va grant mablagʻlarini jalb qilish sohasida:

sohaga taalluqli normativ hujjatlarni va standartlarni ishlab chiqadi, tasdiqlaydi va xalqaro standartlarga uygʻunlashtiradi;

veterinariyada sertifikatsiyalashning talablarini ishlab chiqadi;

standartlarni amaliyotga joriy etish va unga amal qilinishini nazorat qiladi;

sohaga taalluqli normativ hujjatlar va standartlarning yagona reyestrini shakllantiradi va yuritadi;

sinov laboratoriyalarini oʻtkazishda tegishli organlar bilan hamkorlik qiladi;

akkreditatsiyalangan sinov laboratoriyalarining reyestrini shakllantiradi va yuritadi;

naslchilik zavodi, naslchilik xoʻjaligi va naslchilik fermalarini davlat attestatsiyasidan oʻtkazadi;

seleksiya yutugʻi ekspertizasi va sinovini belgilangan tartibda oʻtkazadi;

naslchilik mahsuloti (materiallari)ga belgilangan tartibda sertifikatlar beradi;

naslchilik zavodi, xoʻjaligi va fermalarida zamonaviy usullar bilan chorva mollarining mahsuldorligini oshirish, nasldorlik sifatlarini takomillashtirish, hisobga olish va hisobot ishlarini yuritish, chorva mollarni belgilar majmui boʻyicha baholashni (bonitirovka) amalga oshiradi;

manfaatdor vazirliklar, davlat qoʻmitalari va idoralar bilan birgalikda naslchilik ishlarida foydalaniladigan texnologiya asbob-uskunalarni ishlab chiqarishda va import boʻyicha sotib olishda, yangi texnologik asbob-uskunalar va maxsus transportlar yaratilishida ishtirok etadi;

davlat, idoraviy va xususiy sektorlarda naslchilik ishlari mutaxassislari faoliyatini nazorat qiladi va muvofiqlashtiradi;

k) soha kadrlarini tizimli tayyorlash, ularning malakasini oshirish va qayta tayyorlashni tashkil etish, rahbar hamda mutaxassislarning ish uslubi va shakllarini takomillashtirish sohasida:

zamonaviy talablar hamda davlat va jamiyat qurilishi sohasidagi demokratlashtirish jarayonlarini hisobga olgan holda, veterinariya sohasida kadrlar malakasini oshirishni tashkil etadi;

veterinariya, chorvachilik va naslchilik sohasidagi kadrlarni tayyorlash va ularning malakasini oshirishni amalga oshiruvchi taʼlim yoʻnalishlarini akkreditatsiya qilishda, ularning pedagog va ilmiy xodimlarini attestatsiyadan oʻtkazishda ishtirok etadi;

kadrlar ishini yuritish, veterinariya, chorvachilik va naslchilik mutaxassislarini tayyorlash, qayta tayyorlash va ularning malakasini oshirish tizimini takomillashtirish boʻyicha takliflar ishlab chiqadi;

veterinariya va chorvachilikni rivojlantirish davlat organlari hamda muassasalarining rahbarlik lavozimlariga kadrlar zaxirasini shakllantiradi va ularning malakasini oshirish ishlarini tashkil etadi;

qonun hujjatlarida belgilangan tartibda veterinariya va chorvachilikni rivojlantirish davlat organlari hamda muassasalarining rahbarlari va mutaxassislarining kasbiy tayyorgarligi va malakasi boʻyicha egallab turgan lavozimiga munosibligi yuzasidan ularni attestatsiyadan oʻtkazadi;

veterinariya va chorvachilikni rivojlantirish davlat organlari hamda muassasalarining boshliqlari va ularning oʻrinbosarlari lavozimlariga nomzod kadrlar nomenklaturasini yuritadi;

kadrlar salohiyatini oʻrganish va tahlil qilish asosida mintaqaviy xususiyatlarni va iqtisodiyotning real sektori aniq ehtiyojlarini hisobga olgan holda veterinariya, chorvachilik va naslchilik sohasiga oliy taʼlim muassasalari boʻyicha har yilgi qabul kvotalariga takliflar kiritadi;

kadrlarning xorijiy ilmiy va taʼlim muassasalarida veterinariya, chorvachilik va naslchilik sohasidagi malakasini oshirishni belgilangan tartibda tashkillashtiradi;

veterinariya va chorvachilikni rivojlantirish davlat organlari hamda muassasalaridagi rahbar va mutaxassislarning ish uslubi va shakllarini takomillashtirish yuzasidan chora-tadbirlarni amalga oshiradi.

Qoʻmita qonun hujjatlarida nazarda tutilgan boshqa funksiyalarni ham amalga oshirishi mumkin.

14. Qoʻmita oʻziga yuklangan vazifa va funksiyalarni bevosita, shuningdek, Qoʻmita tashkiliy tuzilmasiga kiruvchi tashkilotlar orqali amalga oshiradi.

2-§. Qoʻmita markaziy apparatining vazifalar va funksiyalari

15. Quyidagilar Qoʻmita markaziy apparatining asosiy vazifalari hisoblanadi:

veterinariya, chorvachilik va naslchilik sohasida yagona davlat siyosatini amalga oshirishni taʼminlash;

Qoʻmita hamda tashkiliy tuzilmasiga kiruvchi tashkilotlar faoliyati bilan bogʻliq prognoz koʻrsatkichlar, maqsadli indikatorlar, sifatga erishish va rivojlantirish dasturlarini samarali amalga oshirishni taʼminlash;

Qoʻmita faoliyati sohasiga tegishli masalalarda vazirliklar va idoralar bilan hamkorlik qilish, Vazirlar Mahkamasi va uning Rayosatining yigʻilishlarida masalalarni muhokama qilishda ishtirok etish;

Oʻzbekiston Respublikasi Prezidenti hamda Oʻzbekiston Respublikasining Bosh vaziri va uning oʻrinbosarlari topshiriqlarini oʻz vaqtida, toʻliq va sifatli bajarish;

Qoʻmita xodimlarini tizimli qayta tayyorlash va malakasini oshirishni tashkil etish;

Qoʻmitaning markaziy apparati va uning tashkiliy tuzilmasiga kiruvchi tashkilotlari faoliyatining samaradorligi va natijadorligini tanqidiy tahlil qilish, tahlil natijalariga koʻra zarur chora-tadbirlarni koʻrish;

Qoʻmitaning markaziy apparati va uning tashkiliy tuzilmasiga kiruvchi tashkilotlar faoliyatiga zamonaviy ish uslublarini joriy etish;

veterinariya, chorvachilik va naslchilik sohasida davlat xizmatlarini koʻrsatish samaradorligi, sifati va erkinligini taʼminlash;

jismoniy va yuridik shaxslar murojaatlarini koʻrib chiqish boʻyicha ishlarni samarali taʼminlash, aholi bilan toʻgʻridan-toʻgʻri va ochiq muloqotni yoʻlga qoʻyish;

Oʻzbekiston Respublikasi Prezidentining Xalq qabulxonalari bilan samarali hamkorlik qilishni, Qoʻmita rahbariyati va xodimlarining ular faoliyatida faol ishtirok etishini, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlarining oʻz vaqtida va toʻliq koʻrib chiqilishini taʼminlash;

veterinariya, chorvachilik va naslchilik sohasini rivojlantirish boʻyicha maqsadli dasturlar, ushbu sohadagi dasturiy-uslubiy va boshqa tartibga soluvchi hujjatlarni belgilangan tartibda tasdiqlash;

veterinariya, chorvachilik va naslchilik sohasida xalqaro va davlatlararo hamkorlikni kengaytirish va mustahkamlash, xorijiy investitsiyalar va grantlarni jalb etish boʻyicha xalqaro xorijiy tadbirlarda Qoʻmitaning vakillarining ishtirokini taʼminlash;

Qoʻmita hayʼati qarorlari, Qoʻmita raisining qarorlari, buyruqlari va topshiriqlarining oʻz vaqtida va sifatli bajarilishini taʼminlash;

tarkibiy boʻlinmalarda kadrlarni tanlash va joy-joyiga qoʻyish, ularning kasb mahorati, chuqur bilimga egaligi, tajribasi, ishchanlik va odob-ahloq hamda maʼnaviyatining yuqori darajasi kafolatlanganligini taʼminlash, ularning kasbiy malakasini oshirish choralarini koʻrish, nazoratdagi tarkibiy boʻlinmalarda kadrlar zaxirasini shakllantirish;

veterinariya, chorvachilik va naslchilik sohasidagi ilgʻor xorijiy tajriba va ilmiy-texnik taraqqiyotda erishilgan natijalarni oʻrganishni tashkil etish, ushbu sohani rivojlantirishda mazkur tajribani joriy etish;

veterinariya, chorvachilik va naslchilik sohasida xalqaro seminarlar, anjumanlar, koʻrgazmalar oʻtkazilishini tashkil etish hamda boshqa tashkilotlar oʻtkazadigan shu kabi tadbirlarda ishtirok etishni taʼminlash.

16. Qoʻmita markaziy apparati unga yuklatilgan vazifalarni bajarish quyidagi funksiyalarni amalga oshiradi:

Qoʻmita va uning rahbariyati faoliyatini tashkiliy va axborot-tahlil jihatidan taʼminlaydi;

hududiy boshqarmalar va idoraviy mansub tashkilotlar tomonidan sohaga oid Oʻzbekiston Respublikasining qonunlari, Oʻzbekiston Respublikasi Prezidentining Farmonlari, qarorlari va farmoyishlari, Vazirlar Mahkamasining qarorlari va farmoyishlari bajarilishi ustidan tizimli nazoratni taʼminlaydi;

Qoʻmita tomonidan Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti Administratsiyasiga kiritiladigan hujjatlarning sifatli va oʻz vaqtida ishlab chiqilishini va ularning iqtisodiy va huquqiy ekspertizadan oʻtkazilishini tashkil etadi;

hududiy boshqarmalar va idoraviy mansub tashkilotlar faoliyatiga belgilangan tartibda rahbarlik qiladi, muvofiqlashtiradi va nazoratni amalga oshiradi;

Qoʻmita faoliyati, shu jumladan, norma ijodkorligi sohasidagi faoliyatini huquqiy taʼminlanishini tashkil etadi;

Qoʻmitaning vakolatiga tegishli tashkiliy, kadrlar, moliya, ishlab chiqarish-xoʻjalik masalalari va boshqa masalalarini hal etadi.

3-§. Hududiy boshqarmalar va idoraviy mansub tashkilotlarining vazifalari va funksiyalari

17. Quyidagilar hududiy boshqarmalar va idoraviy mansub tashkilotlarining vazifalari hisoblanadi:

Qoʻmitaga yuklangan vazifalar va funksiyalarning samarali bajarilishini taʼminlaydi;

hududlarni kompleks ijtimoiy-iqtisodiy rivojlantirish boʻyicha sektorlar bilan hamkorlikni amalga oshirish;

veterinariya, chorvachilik va naslchilik sohasidagi va ular vakolatiga kiradigan boshqa masalalarga doir qonun hujjatlariga, normativ hujjatlarga rioya etish yuzasidan monitoring va nazorat olib borish;

tuman (shahar) boʻlimlar va idora boʻysunuvidagi tashkilotlariga axborot-kommunikatsiya texnologiyalarini joriy etish;

tuman (shahar) boʻlimlar va idora boʻysunuvidagi tashkilotlari faoliyatini muvofiqlashtirish hamda tahlil qilish;

qonun hujjatlarida nazarda tutilgan boshqa vazifalarni ham amalga oshirishi mumkin.

18. Hududiy boshqarmalar va idoraviy mansub tashkilotlar oʻziga yuklangan asosiy vazifalarga muvofiq quyidagi funksiyalarni bajaradi:

hududiy boshqarmalar va idoraviy mansub tashkilotlar faoliyatini tashkiliy va axborot-tahliliy jihatdan taʼminlaydi hamda unga rahbarlik qiladi;

Oʻzbekiston Respublikasi qonunlarining, Oʻzbekiston Respublikasi Oliy Majlisi palatalari qarorlarining, Oʻzbekiston Respublikasi Prezidenti farmonlari, qarorlari va farmoyishlarining, Vazirlar Mahkamasi qarorlari va farmoyishlarining hamda Qoʻmita qarorlari va buyruqlarining tuman (shahar) boʻlimlar, idoraviy mansub tashkilotlar tomonidan bajarilishini tizimli nazorat qiladi;

tuman (shahar) boʻlimlar va idoraviy mansub tashkilotlar tomonidan kiritiladigan hujjatlarning sifatli va oʻz vaqtida ishlab chiqilishini, ularning iqtisodiy, moliyaviy va huquqiy ekspertizasi oʻtkazilishini tashkil etadi;

tuman (shahar) boʻlimlar va idoraviy mansub tashkilotlar faoliyatiga rahbarlik qiladi, ularni muvofiqlashtiradi va nazorat qiladi;

veterinariya, chorvachilik va naslchilik sohasida xizmatlar koʻrsatish yuzasidan faoliyat olib boruvchi subyektlar bilan hamkorlik qiladi;

veterinariya, chorvachilik va naslchilik sohasida hududiy dasturlarni bajarilishi monitoringini olib borish, yuridik va jismoniy shaxslarga davlat xizmatlarini koʻrsatish boʻyicha tuman (shahar) boʻlimlar va idoraviy mansub tashkilotlar xatti-harakatlarini muvofiqlashtiradi;

tuman (shahar) boʻlimlar va idoraviy mansub tashkilotlarning moddiy-texnik taʼminotini tashkil etadi;

tuman (shahar) boʻlimlar va idoraviy mansub tashkilotlar binolari va inshootlaridan joriy foydalanish boʻyicha ishlar monitoringini oʻtkazadi va muvofiqlashtiradi;

jismoniy va yuridik shaxslar murojaatlari bilan ishlarni tashkil etadi;

operativ, tashkiliy, kadrlar, moliyaviy, ishlab chiqarish va oʻz vakolatiga kiradigan boshqa masalalar yuzasidan qarorlar qabul qiladi;

qonun hujjatlarida nazarda tutilgan boshqa funksiyalarni amalga oshiradi.

4-§. Tuman (shahar) boʻlimlarining vazifalari va funksiyalari

19. Quyidagilar tuman (shahar) boʻlimlarining asosiy vazifalari hisoblanadi:

Qoʻmitaga yuklangan vazifalar va funksiyalarning samarali bajarilishini taʼminlashda ishtirok etish;

veterinariya, chorvachilik va naslchilik sohasidagi va oʻz vakolatiga kiradigan boshqa masalalarga doir tashkilotlar bilan hamkorlik qilish;

qonun hujjatlariga, normativ hujjatlarga rioya etilishi yuzasidan monitoring va nazorat olib borish;

veterinariya, chorvachilik va naslchilik sohasini yanada rivojlantirishda moliyalashtirish boʻyicha takliflarni shakllantirish;

veterinariya, chorvachilik va naslchilik sohasida xizmatlar koʻrsatish boʻyicha faoliyatni amalga oshiruvchi yuridik shaxslarni qoʻllab-quvvatlash;

qonun hujjatlarida nazarda tutilgan boshqa vazifalarni ham amalga oshirishi mumkin.

20. Tuman (shahar) boʻlimlar oʻziga yuklangan asosiy vazifalarga muvofiq quyidagi funksiyalarni bajaradi:

tuman (shahar) boʻlimlar faoliyatini tashkiliy va axborot-tahliliy jihatdan taʼminlaydi hamda ularga rahbarlik qiladi;

Oʻzbekiston Respublikasi qonunlari, Oʻzbekiston Respublikasi Oliy Majlisi palatalari qarorlari, Oʻzbekiston Respublikasi Prezidenti farmonlari, qarorlari va farmoyishlari, Vazirlar Mahkamasi qarorlari va farmoyishlari hamda Qoʻmita qarorlari va buyruqlari bajarilishini nazorat qiladi;

tuman (shahar) boʻlimlar tomonidan hujjatlarning sifatli va oʻz vaqtida ishlab chiqilishini, ularning iqtisodiy, moliyaviy va huquqiy ekspertizasi oʻtkazilishini tashkil etadi;

veterinariya, chorvachilik va naslchilik sohasi bilan bogʻliq masalalar yuzasidan yuridik va jismoniy shaxslarga maslahat beradi va ularning faoliyatiga koʻmaklashadi;

veterinariya, chorvachilik va naslchilik sohasi boʻyicha xizmat koʻrsatishda yuridik va jismoniy shaxslar bilan shartnomalar tuzadi;

veterinariya, chorvachilik va naslchilik sohasini rivojlantirish istiqbollarini baholaydi, uning monitoringini tashkil etadi va oʻtkazadi;

veterinariya, chorvachilik va naslchilik sohasini rivojlantirish dasturlarini ishlab chiqish va amalga oshirishda ishtirok etadi;

veterinariya, chorvachilik va naslchilik sohasini rivojlantirish dasturlariga kiritilgan korxonalar, muassasalar va tashkilotlar tomonidan taqdim etiladigan axborot, shuningdek davlat statistika organlarining maʼlumotlar asosida mazkur dasturlar bajarilishi monitoringini olib boradi;

veterinariya, chorvachilik va naslchilik sohasini rivojlantirish toʻgʻrisidagi takliflarni ishlab chiqadi va mahalliy davlat hokimiyati organlarining koʻrib chiqishi uchun kiritadi;

veterinariya, chorvachilik va naslchilik sohasidagi qonun hujjatlarini takomillashtirishga doir chora-tadbirlarga rioya etilishini nazorat qiladi;

veterinariya, chorvachilik va naslchilik sohasida xizmatlar koʻrsatish boʻyicha faoliyat olib boruvchi yuridik va jismoniy shaxslar bilan hamkorlik qiladi;

jismoniy va yuridik shaxslar murojaatlari bilan ishlarni tashkil etadi;

operativ, tashkiliy, kadrlar, moliyaviy, ishlab chiqarish xoʻjalik tuman (shahar) boʻlimlarining vakolatiga kiradigan boshqa masalalar yuzasidan qarorlar qabul qiladi;

qonun hujjatlarida nazarda tutilgan boshqa funksiyalarni amalga oshiradi.

4-bob. Qoʻmita, uning Hududiy boshqarmalari va idoraviy mansub tashkilotlarining huquqlari va javobgarligi

1-§. Qoʻmitaning huquqlari va javobgarligi

21. Qoʻmita oʻziga yuklangan vazifa va funksiyalarni amalga oshirish uchun quyidagi huquqlarga ega:

vazirliklar, davlat qoʻmitalari, idoralar va boshqa tashkilotlardan veterinariya, chorvachilik va naslchilik sohasiga oid masalalar boʻyicha maʼlumotlarni belgilangan tartibda soʻrab olish;

yuridik va jismoniy shaxslardan hayvonlarning yuqumli kasalliklari tarqalishining oldini olishni hamda ularning tugatilishini taʼminlovchi chora-tadbirlar oʻtkazilishini, shuningdek epizootik holatni aniqlash uchun zarur boʻlgan maʼlumot taqdim etilishini talab qilish;

hayvonlarning va odamlarning sogʻligʻi uchun xavf tugʻdiradigan hayvonlar kasalligi aniqlangan taqdirda, hayvonlarni soʻyishga yoki yoʻq qilib tashlashga, kelib chiqishi hayvonotga mansub mahsulot va xom ashyoni zararsizlantirishga (yuqumsizlantirishga), qayta ishlashga yoki utilizatsiya qilishga taalluqli, yuridik va jismoniy shaxslar tomonidan bajarilishi majburiy boʻlgan talablarni belgilash;

respublika hududida biologik xavfsizlikni taʼminlash maqsadida veterinariya dori vositalarini tayyorlash va ishlab chiqarish sharoitlarini oʻrganish boʻyicha Qoʻmita huzurida markaziy rejim komissiyasini tashkil etish va uning faoliyat yuritishini taʼminlash;

veterinariya dori vositalari va ozuqabop qoʻshimchalarni roʻyxatdan oʻtkazilganlik guvohnomasini olish uchun taqdim etilgan hujjatlar va ularning sinov natijalarini hamda veterinariya sohasiga oid tayyorlanadigan qoʻllanmalar, tavsiyanomalar va yoʻriqnomalarni oʻrganish, shuningdek ishlab chiqilgan veterinariya, veterinariya-sanitariya qoidalari va normalarini koʻrib chiqish boʻyicha Qoʻmita huzurida ilmiy-texnik kengash ishini tashkil etish va uning faoliyat yuritishini taʼminlash;

favqulodda holatlar vujudga kelganda epizootiyaga qarshi zarur choralar belgilash va veterinariya, veterinariya-sanitariya tadbirlarini oʻtkazish maqsadida ilmiy-tadqiqot va oliy taʼlim muassasalarining veterinariya yoʻnalishidagi olimlari, Veterinariya va chorvachilikni rivojlantirish davlat organlari va muassasalarining mutaxassislaridan iborat maxsus ishchi guruhlar tashkil etish va uning faoliyat yuritishini taʼminlash;

xalqaro tashkilotlar, moliya institutlar va xorijiy davlatlarning kredit va grant mablagʻlari hisobiga veterinariya va chorvachilik sohalarida investitsiya loyihalarini amalga oshirish va amalga oshirish guruhlarini tashkil etish hamda ishlarini muvofiqlashtirish;

yuridik va jismoniy shaxslarga pullik veterinariya, naslchilik-seleksiya va boshqa xizmatlar koʻrsatish tartibi, xizmat turlari va tariflarini ishlab chiqish hamda belgilangan tartibda tasdiqlash;

hayʼat majlislarida veterinariya va chorvachilikni rivojlantirish davlat organlari hamda muassasalari rahbarlarining Qoʻmita vakolatiga taalluqli masalalar boʻyicha hisobotlarini eshitish;

veterinariya, chorvachilik va naslchilik sohasiga oid xizmat koʻrsatish va ishlab chiqarish, shuningdek, yordamchi xoʻjaliklar faoliyatini tashkil etish yuzasidan takliflar tayyorlash;

belgilangan tartibda markaziy apparat va uning tizimiga kiruvchi tashkilotlarning daromadlar va xarajatlar smetasi, shtat jadvallarini ishlab chiqish va tasdiqlash;

veterinariya xizmati va chorvachilikni rivojlantirish jamgʻarmasi mablagʻlarini shakllantirish va ulardan foydalanishni tashkil etish;

Qoʻmita xodimlarini ish haqi, mukofotlar, qoʻshimcha toʻlovlar, ustamalar va shaxsiy ustamalar hamda mehnat haqi tizimida nazarda tutilgan boshqa ragʻbatlantirishlar qonun hujjatlarida belgilangan tartibda amalga oshirish;

Qoʻmita tizimiga kiruvchi tashkilotlarda aholi va tadbirkorlik subyektlariga koʻrsatiladigan veterinariya xizmati turlari kengayishi hamda pulli xizmat koʻrsatish hajmining ortishini ragʻbatlantirish maqsadida budjetdan tashqari mablagʻlar hisobidan zarur boʻlgan mutaxassis va xodimlarni jalb qilish uchun Qoʻmita tomonidan tasdiqlangan shtatlarni joriy qilish;

veterinariya, veterinariya-sanitariya qoidalari va normalarini ishlab chiqish va tasdiqlash;

Qoʻmita tizimi faoliyatiga oid noshirlik faoliyatini amalga oshirish;

Qoʻmita qonun hujjatlariga muvofiq boshqa huquqlarga ham ega boʻlishi mumkin.

22. Qoʻmita:

Qoʻmitaga yuklangan vazifa va funksiyalarni samarali bajarish, shuningdek, veterinariya va chorvachilik sohasida davlat siyosatini samarali amalga oshirish;

Qoʻmita faoliyatiga tegishli prognoz koʻrsatkichlariga erishilishini soʻzsiz taʼminlash;

Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Administratsiyasiga kiritilayotgan normativ-huquqiy hujjatlar loyihalari va boshqa hujjatlar, shuningdek, Qoʻmita tomonidan qabul qilinayotgan qarorlarning sifati, pirovard natijalari va amalga oshirilishi oqibatlari;

soha (tarmoq)ni rivojlantirish boʻyicha dasturlar, chora-tadbirlar rejalari, “yoʻl xaritalari” va boshqa dasturiy hujjatlarni samarali amalga oshirish, shuningdek, veterinariya va chorvachilik sohasida hududlarni ijtimoiy-iqtisodiy rivojlantirish va muammolarning yechilishi;

fuqarolar va tadbirkorlik subyektlarining huquqlariga rioya etilishini va qonuniy manfaatlari himoya qilinishini taʼminlash uchun masʼuldir.

2-§. Qoʻmita markaziy apparatining huquqlari va javobgarligi

23. Qoʻmitaning markaziy apparati oʻziga yuklangan vazifa va funksiyalarni bajarish uchun quyidagi huquqlarga ega:

hududiy boshqarmalar va uning idoraviy mansub tashkilotlaridan Qoʻmitaning markaziy apparatida koʻrib chiqiladigan, tahlil qilish va ishlash uchun zarur boʻlgan materiallar hamda maʼlumotlarni, shuningdek, normativ-huquqiy hujjatlar loyihalarini va boshqa hujjatlarni soʻrash va olish;

Qoʻmitada koʻrib chiqiladigan masalalarni ishlash, axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun zarur boʻlganda hududiy boshqarmalar va uning idoraviy mansub tashkilotlari rahbarlari hamda vakillarini jalb qilish, ushbu maqsadlar uchun ekspert va ishchi guruhlarni tashkil etish;

hududiy boshqarmalar va uning idoraviy mansub tashkilotlaridan ular kiritgan normativ-huquqiy hujjatlar va boshqa hujjatlar loyihalarini qayta ishlab chiqishni talab qilish, zarur boʻlganda ularni qayta koʻrib chiqish uchun qaytarish;

hududiy boshqarmalar va uning idoraviy mansub tashkilotlari rahbarlari hamda vakillari ishtirokida yigʻilishlar oʻtkazish;

tezkor hal etilishi lozim boʻlgan va Qoʻmitaga yuklangan vazifa va funksiyalarni bajarish bilan bogʻliq masalalar boʻyicha hududiy boshqarmalar va uning idoraviy mansub tashkilotlari rahbarlariga belgilangan tartibda topshiriqlar berish;

hududiy boshqarmalar va uning idoraviy mansub tashkilotlarining qabul qilingan qonun hujjatlari va boshqa normativ — huquqiy hujjatlar, Oʻzbekiston Respublikasi Prezidenti va Vazirlar Mahkamasining topshiriqlari, shuningdek, Qoʻmita va uning rahbariyatining hujjatlari va topshiriqlari bajarilishiga oid faoliyatini oʻrganish va belgilangan tartibda tekshirish;

Qoʻmita markaziy apparati huzurida sohaga oid muammolar boʻyicha jamoatchilik, konsultativ, ilmiy-texnik va boshqa kengashlar, idoralararo ekspert komissiyalar tashkil etish, maxsus kengashlar chaqirish, shuningdek veterinariya va chorvachilikni rivojlantirishning uzoq muddatli dasturlarini, hududiy kompleks sxemalarini, qonun hujjatlari loyihalarini ishlab chiqish, shuningdek faoliyati bilan bogʻliq boshqa masalalarni hal etish uchun ilmiy-tadqiqot, loyihalash tashkilotlari, oliy taʼlim muassasalari hamda boshqa yuridik va jismoniy shaxslarni qonun hujjatlarida belgilangan tartibda jalb etish;

veterinariya xizmati va chorvachilikni rivojlantirish jamgʻarmasi mablagʻlarini belgilangan tartibda shakllantirish va ulardan foydalanish;

qonun hujjatlarida belgilangan tartibda veterinariya va chorvachilik sohasidagi masalalar mavzusida noshirlik faoliyatini amalga oshirish;

hududiy boshqarmalar va uning idoraviy mansub tashkilotlarining qabul qilingan qonun hujjatlari va boshqa normativ-huquqiy hujjatlar, Oʻzbekiston Respublikasi Prezidenti va Vazirlar Mahkamasining topshiriqlari, shuningdek, Qoʻmita va uning rahbariyatining hujjatlari va topshiriqlari bajarilishiga oid faoliyatini oʻrganish va belgilangan tartibda tekshirish;

veterinariya va chorvachilik sohasida tegishli mintaqaviy, xorijiy va xalqaro tashkilotlar bilan hamkorlikni rivojlantirish.

Qoʻmita markaziy apparati qonun hujjatlariga muvofiq boshqa huquqlarga ham ega boʻlishi mumkin.

24. Qoʻmita markaziy apparati:

hududiy boshqarmalar va idoraviy mansub tashkilotlari bilan birgalikda Qoʻmitaga yuklangan vazifa va funksiyalarning sifatli va oʻz vaqtida bajarilishini taʼminlash;

Qoʻmita markaziy apparati boʻlinmalarining Qoʻmita faoliyatiga tegishli prognoz koʻrsatkichlariga erishishni taʼminlashga doir ishini tashkil etish;

Qoʻmita tomonidan koʻrib chiqish uchun Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar loyihalari va boshqa hujjatlarni, shuningdek, Qoʻmita qabul qiladigan qarorlarni sifatli tayyorlash va ekspertizadan oʻtkazish;

hududiy boshqarmalar va idoraviy mansub tashkilotlari tomonidan dasturlar, chora-tadbirlar rejalari, “yoʻl xaritalari” va sohani, shuningdek, tegishli tarmoqda hududlarni ijtimoiy-iqtisodiy rivojlantirish boʻyicha boshqa dasturiy hujjatlar amalga oshirilishini tashkil etish;

fuqarolar va tadbirkorlik subyektlarining huquqlariga rioya etilishini va qonuniy manfaatlari himoya qilinishini taʼminlash uchun masʼuldir.

3-§. Hududiy boshqarmalar va idoraviy mansub tashkilotlarning huquqlari va javobgarligi

25. Hududiy boshqarmalar va idoraviy mansub tashkilotlar oʻzlariga yuklangan vazifa va funksiyalarni bajarish uchun quyidagi huquqlarga ega:

oʻz vakolatiga kiradigan masalalarni hal etish uchun zarur boʻlgan maʼlumotlarni davlat va xoʻjalik boshqaruvi organlarining hududiy boʻlinmalaridan, mahalliy davlat hokimiyati organlaridan belgilangan tartibda soʻrash va olish;

oʻz vakolatlari doirasidagi masalalar yuzasidan mahalliy davlat hokimiyati organlariga koʻrib chiqish uchun takliflar kiritish;

sohaga oid qonun hujjatlarida koʻrsatilgan qonun talablari buzilishlarini bartaraf etish toʻgʻrisida yuridik va jismoniy shaxslarga koʻrsatmalar berish;

oʻz vakolati doirasida belgilangan tartibda maʼmuriy huquqbuzarliklar boʻyicha ishlarni koʻrib chiqish, mansabdor shaxslar va fuqarolarga jarimalar solish.

26. Hududiy boshqarmalar va idoraviy mansub tashkilotlar:

tuman (shahar) boʻlimlar bilan birgalikda ularga yuklangan vazifa va funksiyalarning oʻz vaqtida va sifatli bajarilishini taʼminlash;

hududiy boshqarmalar va idoraviy mansub tashkilotlari faoliyati bilan bogʻliq boʻlgan prognoz koʻrsatkichlarga erishilishini taʼminlash;

Qoʻmitaga kiritilayotgan hujjatlar loyihalari va takliflar, shuningdek, hududiy boshqarmalar va idoraviy mansub tashkilotlartomonidan qabul qilinayotgan qarorlarning sifati, pirovard natijalari va amalga oshirilishi oqibatlari;

tumanlar (shaharlar)da aniqlangan muammolarni har tomonlama va chuqur tahlil qilish va umumlashtirish asosida Qoraqalpogʻiston Respublikasi, viloyatlar va Toshkent shahrida veterinariya va chorvachilikni rivojlantirish boʻyicha takliflar tayyorlash;

Qoraqalpogʻiston Respublikasi, viloyatlar va Toshkent shahrida sohani rivojlantirish, yuzaga keladigan muammolarning yechilishi boʻyicha dasturlar, chora-tadbirlar rejalari, “yoʻl xaritalari”ni samarali amalga oshirish;

fuqarolar va tadbirkorlik subyektlarining huquqlariga rioya etilishini va qonuniy manfaatlari himoya qilinishini taʼminlash uchun masʼuldir.

4-§. Tuman (shahar) boʻlimlarining huquqlari va majburiyatlari

27. Tuman (shahar) boʻlimlar oʻzlariga yuklangan vazifa va funksiyalarni bajarish uchun quyidagi huquqlarga ega:

oʻz vakolatiga kiradigan masalalarni hal etish uchun zarur boʻlgan maʼlumotlarni davlat va xoʻjalik boshqaruvi organlarining tuman boʻlinmalaridan, mahalliy davlat hokimiyati organlaridan belgilangan tartibda soʻrash va olish;

oʻz vakolatlari doirasidagi masalalar boʻyicha hududiy boshqarmalarga, mahalliy davlat hokimiyati organlariga koʻrib chiqish uchun takliflar kiritish;

sohaga oid qonun hujjatlarida koʻrsatilgan qonun talablari buzilishlarini bartaraf etish toʻgʻrisida yuridik va jismoniy shaxslarga koʻrsatmalar berish;

oʻz vakolati doirasida belgilangan tartibda maʼmuriy huquqbuzarliklar boʻyicha ishlarni koʻrib chiqish, mansabdor shaxslar va fuqarolarga jarimalar solish.

28. Tuman (shahar) boʻlimlar:

oʻzlariga yuklangan vazifa va funksiyalarning oʻz vaqtida va sifatli bajarilishini taʼminlash;

hududiy boshqarmalarga kiritilayotgan hujjatlar loyihalari va takliflar, shuningdek, tuman (shahar)dagi boʻlinmalar tomonidan qabul qilinayotgan qarorlarning sifati, pirovard natijalari va amalga oshirilishi oqibatlari;

aholini, ayniqsa yoshlarni, tadbirkorlik subyektlarini tashvishga solayotgan dolzarb muammolarni, shuningdek, tegishli hududda chorvachilikni rivojlantirish va epizootik osoyishtalikni taʼminlashga toʻsqinlik qiladigan tizimli kamchiliklarni aniqlash, tuman (shahar)ni rivojlantirish dasturiga kiritish uchun takliflar tayyorlash va kiritish;

tuman (shahar)larda sohani rivojlantirish, yuzaga keladigan muammolarning yechilishi boʻyicha dasturlar, chora-tadbirlar rejalari, “yoʻl xaritalari”ni samarali amalga oshirish;

fuqarolar va tadbirkorlik subyektlarining huquqlariga rioya etilishini va qonuniy manfaatlari himoya qilinishini taʼminlash uchun masʼuldir.

5-bob. Qoʻmita rahbarlarining asosiy funksional vazifalari

29. Quyidagilar Qoʻmita raisining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

Qoʻmita faoliyatiga umumiy rahbarlikni amalga oshirish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonun hujjatlari bilan Qoʻmitaga yuklangan vazifa va funksiyalar bajarilishini tashkil etish;

Oʻzbekiston Respublikasi Prezidentining hujjatlari, Vazirlar Mahkamasining qarorlari bilan tasdiqlangan Qoʻmitaning faoliyatini yanada takomillashtirish boʻyicha konsepsiyalar, kompleks dasturlar va kompleks tadbirlar bajarilishining tanqidiy va chuqur tahlilini olib borish;

Qoʻmita, shuningdek, uning hududiy boshqarmalari va idoraviy mansub tashkilotlari faoliyatiga tegishli prognoz koʻrsatkichlariga soʻzsiz erishishni taʼminlash boʻyicha amaliy chora-tadbirlarning ishlab chiqilishini tashkil etish va amalga oshirish;

Oʻzbekiston Respublikasi Prezidenti Administratsiyasi boʻlinmalari va Vazirlar Mahkamasining komplekslari, shuningdek, tegishli vazirlik va idoralar bilan Qoʻmita faoliyati sohasiga kiradigan masalalar boʻyicha oʻzaro hamkorlik qilish, Vazirlar Mahkamasi va uning Rayosati majlislarida masalalarning koʻrib chiqilishida ishtirok etish;

Oʻzbekiston Respublikasi Prezidenti, Oʻzbekiston Respublikasi Bosh vaziri va uning oʻrinbosarlari topshiriqlarini oʻz vaqtida va sifatli bajarish;

oʻz oʻrinbosarlarining vakolatlarini belgilash, ular oʻrtasida vazifalarni taqsimlash, Qoʻmitaning boshqa mansabdor shaxslari vakolatlarini belgilash, oʻz oʻrinbosarlari va boshqa mansabdor shaxslarning Qoʻmita faoliyatining alohida qismlariga rahbarlik qilishi uchun ularning shaxsiy masʼuliyati darajalarini belgilash;

Qoʻmita faoliyatini rejalashtirishni tashkil etish, Qoʻmita va oʻz oʻrinbosarlarining har choraklik ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish hamda monitoring olib borishning amaliy tizimini yaratish, Qoʻmita faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq hududiy boshqarmalar va idoraviy mansub tashkilotlari rahbarlarining shaxsiy masʼuliyatini oshirish chora-tadbirlarini koʻrish;

Qoʻmita xodimlarini tizimli qayta tayyorlashni va ularning malakasini oshirishni tashkil etish;

Qoʻmita tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Qoʻmitaning kadrlar zaxirasini shakllantirish;

Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Qoʻmitaga ishga qabul qilinayotgan boshqa kadrlarning kasbiy mahorati, oʻz ishini bilishi, amaliy tajribaga, yuqori darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

faoliyat sohasi masalalari boʻyicha normativ-huquqiy hujjatlar loyihalari sifatli ishlab chiqilishini, ular “ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlari, Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasining Reglamenti va Vazirlar Mahkamasining 2019-yil 22-martdagi 242-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti talablariga qatʼiy muvofiq ravishda oʻz vaqtida kiritilishini tashkil etish, ularning Vazirlar Mahkamasi apparatida puxta ishlanishida, Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

“ Normativ-huquqiy hujjatlar toʻgʻrisida ”, “ Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida ”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihasi faoliyatining Namunaviy reglamentiga muvofiq Qoʻmitaning qonun loyihalarini tayyorlash faoliyatini tashkil etish;

Qoʻmita vakolatiga kiradigan masalalar boʻyicha buyruqlar, koʻrsatmalar chiqarish va normativ-huquqiy hujjatlarni qabul qilish, zarur boʻlganda boshqa vazirlik va idoralar bilan birgalikda tegishli qarorlar qabul qilish;

Qoʻmitaga taqdim etilgan takliflar va normativ-huquqiy hujjat loyihalarining toʻliq va har tomonlama koʻrib chiqilishini taʼminlash, ularni puxta huquqiy, moliyaviy, iqtisodiy va boshqa ekspertizadan oʻtkazish, shuningdek, Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasining Reglamenti va Vazirlar Mahkamasining 2019-yil 22-martdagi 242-son qarori bilan tasdiqlangan Oʻzbekiston Respublikasi Vazirlar Mahkamasining Reglamentida belgilangan muddatlarda kelishish (viza qoʻyish);

Qoʻmita rahbarlari va xodimlarining xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlari samarasi uchun shaxsiy masʼuliyatlarini yanada oshirish va xorijiy delegatsiyalarning Oʻzbekiston Respublikasiga tashriflarini tashkil etish choralari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda amalga oshirish va tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

oʻz oʻrinbosarlari, hududiy boshqarmalar va uning idoraviy mansub tashkilot rahbarlari faoliyati samaradorligi va natijadorligini muntazam ravishda tanqidiy tahlil qilish, Qoʻmitaning Hayʼat majlislarida ularning shaxsiy hisobotlarini eshitish, yakuniy natijalar boʻyicha zarur choralar koʻrish;

Qoʻmita xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

Qoʻmita xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Qoʻmita xodimlarining odob-axloq qoidalari talablariga rioya etilishini taʼminlashni nazorat qilish;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq, Qoʻmita tizimida korrupsiya va boshqa qonun buzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shart-sharoitlarni bartaraf etish;

Qoʻmita va uning hududiy boshqarmalari hamda idoraviy mansub tashkilotlari ishini tashkil etishning zamonaviy shakllari joriy etilishini taʼminlash;

aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanishni oshirish hamda “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

jismoniy va yuridik shaxslarning murojaatlarini koʻrib chiqish boʻyicha ishlarni “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi Namunaviy nizomga muvofiq samarali tashkil etish, jamoatchilik bilan bevosita va ochiq muloqot oʻrnatish, shaxsan qabul qilishni muntazam ravishda oʻtkazish, shu jumladan, jismoniy va yuridik shaxslarning vakillarini joylarga borib qabul qilishni belgilangan muddatda va tartibda amalga oshirish;

Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Qoʻmita xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

davlat organlari va boshqa tashkilotlarda, Oʻzbekiston Respublikasi sudlarida, shuningdek, davlat organlari, xalqaro tashkilotlar va xorijiy mamlakat vakillari ishtirokida oʻtkaziladigan rasmiy tadbirlarda Qoʻmita nomidan ishtirok etish;

Qoʻmitaning Hayʼat majlislarida raislik qilish;

zaruriyat boʻlganda, Qoʻmitaning, shuningdek hududiy boshqarmalar va idoraviy mansub tashkilotlarning tashkiliy tuzilmalariga belgilangan miqdor doirasida oʻzgartirishlar kiritish;

shtat birliklarining belgilangan soni asosida Qoʻmita markaziy apparatining, shuningdek hududiy boshqarmalar va idoraviy mansub tashkilotlar tuzilmasini, shtatlar jadvalini va xarajatlar smetasini tasdiqlash;

Qoʻmita markaziy apparatining tarkibiy boʻlinmalari toʻgʻrisida nizomlarni, shuningdek, hududiy boshqarmalar va idoraviy mansub tashkilotlari nizomlarini hamda ustavlarini belgilangan tartibda tasdiqlash;

Qoʻmita markaziy apparati xodimlari, hududiy boshqarmalar va idoraviy mansub tashkilotlari rahbarlari bilan qonunchilikda belgilangan tartibda mehnat shartnomalarini tuzish va bekor qilish;

Qoʻmita, hududiy boshqarmalar va idoraviy mansub tashkilotlarining mansabdor shaxslari uchun bajarilishi majburiy boʻlgan buyruqlar qabul qilish va koʻrsatmalar berish, shuningdek, ularning bajarilishini belgilangan tartibda nazorat qilish;

veterinariya va chorvachilik sohasida kadrlarni tayyorlash, xodimlarni qayta tayyorlash va ularning malakasini oshirishni tashkil etish boʻyicha choralar koʻrish;

veterinariya va chorvachilikni rivojlantirish sohasidagi xodimlarni va mutaxassislarni ularning koʻp yillik va samarali faoliyati, alohida xizmatlari uchun Oʻzbekiston Respublikasi davlat mukofotlari bilan taqdirlash uchun belgilangan tartibda takliflar kiritishni taʼminlash va tavsiyalar berish;

budjet mablagʻlari, budjetdan tashqari va qonun hujjatlarida taqiqlanmagan boshqa mablagʻlar hisobidan xodimlarni moddiy ragʻbatlantirish va Qoʻmita tizimining moddiy texnika bazasini mustahkamlash hamda rivojlantirish boʻyicha chora-tadbirlarni koʻrish.

30. Qoʻmita raisining Bosh davlat veterinariya inspektori sifatidagi asosiy funksional vazifalari:

davlat va xoʻjalik boshqaruvi organlariga, yuridik va jismoniy shaxslarga zarur veterinariya, veterinariya-sanitariya tadbirlari va epizootiyaga qarshi tadbirlar oʻtkazish toʻgʻrisida bajarilishi majburiy boʻlgan koʻrsatmalar berish;

hayvonlarning va odamlarning sogʻligʻi uchun xavf tugʻdiradigan kasalliklarga chalingan hayvonlar aniqlangan hollarda, ushbu hayvonlarni soʻyish yoki yoʻq qilib tashlash toʻgʻrisida, shuningdek isteʼmolga yaroqsiz deb topilgan, kelib chiqishi hayvonotga mansub mahsulot va xom ashyoni yoʻq qilib tashlash, qayta ishlash yoki ushbu mahsulot va xom ashyodan oʻzgacha tarzda foydalanish haqida yuridik va jismoniy shaxslar tomonidan bajarilishi majburiy boʻlgan koʻrsatmalar berish;

davlat veterinariya xizmati nazorati ostidagi obyektlarga moneliksiz kirish va veterinariya toʻgʻrisidagi qonun hujjatlarining aniqlangan buzilishlarini bartaraf etish toʻgʻrisida bajarilishi majburiy boʻlgan koʻrsatmalar berish;

temir yoʻl vagonlarining, kemalarning, samolyotlarning va boshqa transport vositalarining holati veterinariya, veterinariya-sanitariya qoidalari va normalariga nomuvofiqligi aniqlangan taqdirda ulardan foydalanishni taqiqlash;

veterinariya, veterinariya-sanitariya qoidalari va normalarining buzilishlari aniqlangan taqdirda chorvachilik obyektlaridan, goʻsht va sut sanoati korxonalaridan, kelib chiqishi hayvonotga mansub mahsulot va xom ashyoni qayta ishlovchi hamda saqlovchi korxonalardan foydalanishni taqiqlash;

veterinariya, veterinariya-sanitariya qoidalari va normalarining buzilishlari aniqlangan taqdirda chorvachilik fermalarida, kelib chiqishi hayvonotga mansub mahsulot va xom ashyoni qayta ishlovchi hamda saqlovchi korxonalarda yangi qurilgan, tiklangan va rekonstruksiya qilingan obyektlarni ishga tushirishni toʻxtatib turish;

hayvonlarning egalari tomonidan, shuningdek kelib chiqishi hayvonotga mansub mahsulot va xom ashyoni qayta ishlash, saqlash hamda ularning savdosi bilan shugʻullanuvchi tashkilotlar tomonidan veterinariya toʻgʻrisidagi qonun hujjatlari ijro etilishi ustidan nazoratni amalga oshirish;

chegaraoldi tumanlarda, qoʻshni davlatlarda yuzaga kelgan epizootik vaziyat toʻgʻrisida tegishli organlar va tashkilotlarni xabardor qilish, tegishli veterinariya tadbirlarini amalga oshirish hamda zarur tavsiyalar berish;

veterinariya dori vositalari, ozuqabop qoʻshimchalar ishlab chiqarilishini hamda ulardan chorvachilikda va veterinariyada foydalanilishini nazorat qilish, ularning hayvonlar sogʻligʻiga va kelib chiqishi hayvonotga mansub mahsulot hamda xom ashyo sifatiga taʼsirini baholash;

hayvonlarning yuqumli kasalliklari oʻchoqlari aniqlangan taqdirda tegishli hududlarni nobop punktlar deb eʼlon qilish va ularda cheklovchi tadbirlar (karantin) joriy etish toʻgʻrisida, shuningdek hayvonlarning yuqumli kasalliklari oʻchoqlari tugatilganidan keyin cheklovchi tadbirlarni (karantinni) bekor qilish haqida tegishli davlat organlariga taqdimnoma kiritish;

veterinariya toʻgʻrisidagi qonun hujjatlari talablarini buzganlik uchun mansabdor shaxslarga va boshqa shaxslarga nisbatan belgilangan tartibda maʼmuriy jazo choralarini koʻrish.

Bosh davlat veterinariya inspektori qonun hujjatlariga muvofiq boshqa vakolatlarni ham amalga oshirishi mumkin.

31. Quyidagilar Qoʻmita raisi oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, normativ-huquqiy hujjatlar talablariga rioya qilish;

Qoʻmita raisi vaqtincha boʻlmaganda tegishli buyruq asosida uning vazifalarini bajarish;

Qoʻmitaning oʻzi nazorat qiladigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ular xodimlari oʻrtasida vazifalarni taqsimlash;

Qoʻmita faoliyatining oʻzi nazorat qiladigan yoʻnalishlari boʻyicha Oʻzbekiston Respublikasi Prezidentining hujjatlari, Vazirlar Mahkamasining qarorlari bilan tasdiqlangan Qoʻmitaning faoliyatini yanada takomillashtirish boʻyicha konsepsiyalar, kompleks dasturlar va kompleks tadbirlarning bajarilishini tanqidiy va chuqur tahlil qilib borish;

oʻzi nazorat qiladigan tarkibiy boʻlinmalar tomonidan prognoz koʻrsatkichlarning soʻzsiz bajarilishini taʼminlash choralarini koʻrish, boʻlinmalar rahbarlarining hisobotlarini muntazam ravishda eshitib borish va ushbu koʻrsatkichlarga erishish uchun ularning shaxsiy masʼuliyatini oshirish;

oʻzi nazorat qiladigan tarkibiy boʻlinmalar rahbarlarining ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, oʻzi nazorat qiladigan tarkibiy boʻlinmalarda ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq tarkibiy boʻlinma rahbarlarining shaxsiy masʼuliyatini oshirish chora-tadbirlarini koʻrish;

Qoʻmita Hayʼati qarorlari, Qoʻmita raisining buyruq va topshiriqlari oʻz vaqtida va sifatli bajarilishini taʼminlash;

oʻzi nazorat qiladigan tarkibiy boʻlinmalarda xodimlarni tanlash va joy-joyiga qoʻyish boʻyicha Qoʻmita raisiga takliflar kiritish, ularning kasbiy mahorati, oʻz ishini bilishi, amaliy tajribasi, yuqori darajada ishlash xususiyatlari va maʼnaviy-axloqiy fazilatlari kafolatlanganligini taʼminlash, xodimlarning kasbiy malakasini oshirish, oʻzi boshqaradigan tarkibiy boʻlinmalarda xodimlar zaxirasini shakllantirish choralarini koʻrish;

oʻzi nazorat qiladigan tarkibiy boʻlinmalar tomonidan normativ-huquqiy hujjat loyihalarining toʻliq va sifatli ishlab chiqilishini tashkil etish, Qoʻmitaning tarkibiy boʻlinmalarida tayyorlangan hujjatlar loyihalarini Qoʻmita raisi tomonidan koʻrib chiqilishi va imzolanishi (viza qoʻyilishi) uchun koʻrib chiqish va viza qoʻyish, ularni Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasining Reglamenti va Vazirlar Mahkamasining 2019-yil 22-martdagi 242-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti talablariga qatʼiy muvofiq ravishda oʻz vaqtida Vazirlar Mahkamasiga kiritilishini taʼminlash, shuningdek, normativ-huquqiy hujjatlar loyihalarining Vazirlar Mahkamasining apparatida koʻrib chiqilishida Qoʻmita raisining topshirigʻiga asosan ishtirok etish;

Qoʻmitaga taqdim etilgan takliflar va normativ-huquqiy hujjat loyihalarini toʻliq va oʻz vaqtida koʻrib chiqish, ularni puxta huquqiy, moliyaviy, iqtisodiy va boshqa ekspertizadan oʻtkazish;

xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlari samarasi uchun shaxsiy masʼuliyatlarini yanada oshirish va xorijiy delegatsiyalarning Oʻzbekiston Respublikasiga tashriflarini tashkil etish choralari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

oʻzi nazorat qiladigan tarkibiy boʻlinmalar rahbarlari faoliyati samaradorligi va natijadorligini muntazam ravishda tanqidiy tahlil qilish, Qoʻmitaning Hayʼat majlislarida ularning shaxsiy hisobotlarini eshitish, yakuniy natijalar boʻyicha zarur choralar koʻrish;

Qoʻmita faoliyatini takomillashtirish boʻyicha amaliy choralar koʻrish, veterinariya va chorvachilikni rivojlantirish sohasidagi qonun hujjatlarini takomillashtirish boʻyicha takliflar ishlab chiqish va ularni Qoʻmita raisiga taqdim etish;

oʻzi nazorat qiladigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish boʻyicha, shu jumladan, ularning egallab turgan lavozimlarida qolishining maqsadga muvofiqligi toʻgʻrisida Qoʻmita raisiga takliflar kiritish, ularning funksional majburiyatlari va yuklangan vazifalarini bajarishi uchun shaxsiy javobgarligini oshirish boʻyicha tizimli chora-tadbirlarni amalga oshirish;

Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Qoʻmita xodimlarining odob-axloq qoidalari talablariga rioya etish, oʻzi nazorat qiladigan tarkibiy boʻlinmalar rahbarlari va xodimlari tomonidan ushbu qoidalarga rioya etilishini taʼminlash;

davlat xizmatlari koʻrsatishning samarasi va sifatini, ulardan foydalanish imkoniyatini oshirish boʻyicha Qoʻmita raisiga takliflar kiritish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, Oʻzbekiston Respublikasi Prezidentining 2016-yil 28-dekabrdagi “Jismoniy va yuridik shaxslarning murojaatlari bilan ishlash tizimini tubdan takomillashtirishga doir chora-tadbirlar toʻgʻrisida”gi PF-4904-son Farmoniga muvofiq ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

32. Quyidagilar Qoʻmita raisi oʻrinbosarlarining (raisning iqtisodiy masalalar boʻyicha oʻrinbosari va Rais oʻrinbosari — “Oʻzbekchorvanasl” agentligi bosh direktori bundan mustasno) Davlat veterinariya inspektori sifatidagi asosiy funksional vazifalari hisoblanadi:

veterinariya toʻgʻrisidagi qonun hujjatlari talablarini buzganlik uchun mansabdor shaxslarga va boshqa shaxslarga nisbatan belgilangan tartibda maʼmuriy jazo choralarini koʻrish.

Bosh davlat veterinariya inspektorining oʻrinbosarlari qonun hujjatlariga muvofiq boshqa vakolatlarni ham amalga oshirishi mumkin.

33. Quyidagilar Qoʻmita markaziy apparati tarkibiy boʻlinmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

tegishli boʻlinma faoliyatiga bevosita rahbarlikni amalga oshirish, ushbu boʻlinmaga Oʻzbekiston Respublikasi Prezidentining tegishli Farmoni va qarori, Vazirlar Mahkamasining qarori va boshqa qonun hujjatlari hamda Qoʻmita hujjatlari bilan yuklangan vazifa va funksiyalarning bajarilishini tashkil etish;

hududiy boshqarmalar va idoraviy mansub tashkilotlari faoliyatini oʻz vakolatlari doirasida muvofiqlashtirish;

prognoz koʻrsatkichlarning bajarilishini muntazam tahlil qilish hamda hududiy boshqarmalar va idoraviy mansub tashkilotlari ushbu koʻrsatkichlarga soʻzsiz erishishni taʼminlashga qaratilgan qoʻshimcha chora-tadbirlar koʻrish boʻyicha takliflarni Qoʻmita raisining nazorat qiluvchi oʻrinbosarlariga kiritish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, Qoʻmitaning tarkibiy boʻlinmalarida ijro intizomini mustahkamlash boʻyicha kompleks chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq tarkibiy boʻlinma xodimlarining shaxsiy masʼuliyatini oshirish chora-tadbirlarini koʻrish;

Qoʻmita Hayʼati qarorlari, rais va uning oʻrinbosarlarining buyruq va topshiriqlari oʻz vaqtida va sifatli bajarilishini taʼminlash;

tarkibiy boʻlinmalarning har choraklik ish rejalari ishlab chiqilishini, ularning tasdiqlash uchun kiritilishini, ularda koʻrsatilgan vazifalar va tadbirlarning oʻz vaqtida va sifatli bajarilishini taʼminlash;

tarkibiy boʻlinmalarga yuklangan vazifalarning bajarilishini nazorat qilish va muvofiqlashtirish, hududiy boshqarmalar va uning idoraviy mansub tashkilotlari faoliyatiga amaliy va metodik yordam koʻrsatish;

tarkibiy boʻlinmalar faoliyatiga oid masalalar yuzasidan qonun hujjatlarini takomillashtirish boʻyicha takliflarni ishlab chiqish va ularni koʻrib chiqish uchun Qoʻmita rahbariyatiga kiritish;

tarkibiy boʻlinmalarda xodimlarni tanlash va joy-joyiga qoʻyishda Qoʻmita raisi oʻrinbosarlariga takliflar kiritish, ularning kasbiy mahorati, oʻz ishini bilishi, amaliy tajribasi, yuqori darajada ishlash xususiyatlari va maʼnaviy-axloqiy fazilatlari kafolatlanganligini taʼminlash, xodimlarning kasbiy malakasini oshirish, tarkibiy boʻlinmalarda xodimlar zaxirasini shakllantirish choralarini koʻrish;

tarkibiy boʻlinmalar tomonidan normativ-huquqiy hujjat loyihalarining sifatli ishlab chiqilishini tashkil etish, tarkibiy boʻlinmalarda tayyorlangan hujjat loyihalarini Qoʻmita raisi tomonidan koʻrib chiqilishi va imzolanishi (viza qoʻyilishi) uchun koʻrib chiqish va viza qoʻyish, ularni Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasining Reglamenti va Vazirlar Mahkamasining 2019-yil 22-martdagi 242-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti talablariga qatʼiy muvofiq ravishda oʻz vaqtida Vazirlar Mahkamasiga kiritilishini taʼminlash, normativ-huquqiy hujjatlar loyihalarining Oʻzbekiston Respublikasi Vazirlar Mahkamasining apparatida koʻrib chiqilishida Qoʻmita raisi va uning oʻrinbosarlari topshirigʻiga asosan ishtirok etish;

Qoʻmitaga taqdim etilgan takliflar va normativ-huquqiy hujjat loyihalarini toʻliq va har tomonlama koʻrib chiqish, ularni puxta huquqiy, moliyaviy, iqtisodiy va boshqa ekspertizadan oʻtkazish;

xizmat safarlarini Oʻzbekiston Respublikasi Prezidentining “ Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida ” 2014-yil 5-martdagi PQ-2142-son va “Mansabdor shaxslarning xorij mamlakatlariga xizmat safarlari samarasi uchun shaxsiy masʼuliyatlarini yanada oshirish va xorijiy delegatsiyalarning Oʻzbekiston Respublikasiga tashriflarini tashkil etish choralari toʻgʻrisida” 2017-yil 3-avgustdagi PQ-3170-son qarorlari talablariga toʻliq mos ravishda amalga oshirish, xizmat safarlarining asoslanganligi, samaradorligi va natijadorligini, xizmat safari uchun ajratiladigan mablagʻlardan maqsadli va oqilona foydalanishni taʼminlash;

hududiy boshqarmalar va idoraviy mansub tashkilotlari rahbarlarining faoliyati samaradorligi hamda natijadorligini muntazam ravishda tanqidiy tahlil qilish, majlislarda ularning shaxsiy hisobotlarini eshitish, yakuniy natijalar boʻyicha zarur choralar koʻrish;

Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining Odob-axloq namunaviy qoidalari asosida Qoʻmita tomonidan tasdiqlangan Qoʻmita xodimlarining odob-axloq qoidalari talablariga rioya etish, tarkibiy boʻlinma xodimlari tomonidan ushbu qoidalarga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq, tarkibiy boʻlinmalarda korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shart-sharoitlarni bartaraf etish;

davlat xizmatlari koʻrsatishning samarasi va sifatini, ulardan foydalanish imkoniyatini oshirish boʻyicha Qoʻmita rahbariyatiga takliflar kiritish;

jismoniy va yuridik shaxslarning murojaatlarini “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni , Vazirlar Mahkamasining 2018-yil 7-maydagi 341-son qarori bilan tasdiqlangan Davlat organlarida, davlat muassasalarida va davlat ishtirokidagi tashkilotlarda jismoniy va yuridik shaxslarning murojaatlari bilan ishlash tartibi toʻgʻrisidagi Namunaviy nizomga muvofiq koʻrib chiqish, jamoatchilik bilan bevosita va ochiq muloqot oʻrnatish, shaxsan qabul qilishni muntazam ravishda oʻtkazish, shu jumladan, jismoniy va yuridik shaxslarning vakillarini joylarga borib qabul qilishni belgilangan muddatda va tartibda amalga oshirish;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

34. Quyidagilar Qoʻmita markaziy apparati vakolatli xodimlarining Davlat veterinariya inspektori sifatidagi asosiy funksional vazifalari hisoblanadi:

hayvonlarning va odamlarning sogʻligʻi uchun xavf tugʻdiradigan kasalliklarga chalingan hayvonlar aniqlangan hollarda, ushbu hayvonlarni soʻyish yoki yoʻq qilib tashlash toʻgʻrisida, shuningdek isteʼmolga yaroqsiz deb topilgan, kelib chiqishi hayvonotga mansub mahsulot va xom ashyoni qayta ishlash, yoʻq qilish yoki ushbu mahsulot va xom ashyodan oʻzgacha tarzda foydalanish haqida yuridik va jismoniy shaxslar tomonidan bajarilishi majburiy boʻlgan koʻrsatmalar berish;

temir yoʻl vagonlari, kemalar, samolyotlar, avtotransport va boshqa transport vositalarining holati veterinariya, veterinariya-sanitariya qoidalari va normalariga nomuvofiqligi aniqlangan taqdirda ulardan foydalanishni taqiqlash;

hayvonlarning yuqumli kasalliklari oʻchoqlari aniqlangan taqdirda tegishli hududlarni nobop punktlar deb eʼlon qilish va ularda cheklovchi tadbirlar (karantin) joriy etish toʻgʻrisida, shuningdek hayvonlarning yuqumli kasalliklari oʻchoqlari tugatilganidan keyin cheklovchi (karantin) tadbirlarni bekor qilish haqida tegishli davlat organlariga taqdimnoma kiritish;

veterinariya toʻgʻrisidagi qonun hujjatlari talablarini buzganlik uchun mansabdor shaxslarga va boshqa shaxslarga nisbatan belgilangan tartibda maʼmuriy jazo choralarini koʻrish.

35. Quyidagilar hududiy boshqarmalar va idoraviy mansub tashkilotlar rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya qilish;

hududiy boshqarmalar va idoraviy mansub tashkilotlar faoliyatiga umumiy rahbarlikni amalga oshirish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va Qoʻmitaning hujjatlari bilan ushbu boʻlinmalarga yuklangan vazifa va funksiyalar bajarilishini tashkil etish;

hududiy boshqarmalar va idoraviy mansub tashkilotlar faoliyatiga tegishli prognoz koʻrsatkichlariga soʻzsiz erishishni taʼminlash boʻyicha amaliy chora-tadbirlarni ishlab chiqish va amalga oshirish;

hududiy boshqarmalar va idoraviy mansub tashkilotlar tarkibiga kiruvchi tuman (shahar) boʻlinmalari va tashkilotlar faoliyatini nazorat qilish va muvofiqlashtirish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, hududiy boʻlinmalarda ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq boshqarmalar va idoraviy mansub tashkilotlar xodimlarining shaxsiy masʼuliyatini oshirish chora-tadbirlarini koʻrish;

Qoʻmita Hayʼati qarorlari, Qoʻmita raisi va uning oʻrinbosarlarining buyruq va topshiriqlari oʻz vaqtida va sifatli bajarilishini taʼminlash;

Qoʻmita faoliyati sohasiga kiradigan masalalar yuzasidan mahalliy davlat hokimiyati organlari va hududlarni kompleks ijtimoiy-iqtisodiy rivojlantirish boʻyicha sektorlari bilan oʻzaro hamkorlik qilish;

oʻz oʻrinbosarlarining vakolatlarini belgilash, ular oʻrtasida vazifalarni taqsimlash, hududiy boshqarmalar va idoraviy mansub tashkilotlarning boshqa mansabdor shaxslari vakolatlarini belgilash, oʻz oʻrinbosarlari va boshqa mansabdor shaxslarning hududiy boshqarmalar va idoraviy mansub tashkilotlar faoliyatining alohida qismlariga rahbarlik qilishi uchun ularning shaxsiy masʼuliyati darajalarini belgilash;

hududiy boshqarmalar va idoraviy mansub tashkilotlar faoliyatini rejalashtirishni tashkil etish, hududiy boʻlinma va oʻz oʻrinbosarlarining har choraklik ish rejalarini tasdiqlash, ularning bajarilishi yuzasidan nazoratni taʼminlash;

hududiy boshqarmalar va idoraviy mansub tashkilotlarda kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, hududiy boshqarmalar va idoraviy mansub tashkilotlarining kadrlar zaxirasini shakllantirish;

Qoʻmita raisi nomenklaturasiga kiradigan lavozimlarga taklif etilgan kadrlarning, shuningdek, hududiy boshqarmalar va idoraviy mansub tashkilotlariga ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuqori darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

hududiy boshqarmalar va idoraviy mansub tashkilotlari xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

Qoʻmita hududiy boʻlinmalar xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining Odob-axloq namunaviy qoidalari asosida tasdiqlangan Qoʻmita xodimlarining odob-axloq qoidalari talablariga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq, hududiy boʻlinmalarda korrupsiya va boshqa qonun buzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shart-sharoitlarni bartaraf etish;

prognoz koʻrsatkichlarining bajarilishini muntazam tahlil qilish hamda hududiy boshqarmalar va idoraviy mansub tashkilotlari ushbu koʻrsatkichlarga soʻzsiz erishishini taʼminlashga qaratilgan qoʻshimcha chora-tadbirlar koʻrish boʻyicha takliflarni Qoʻmita raisining nazorat qiluvchi oʻrinbosarlariga kiritish;

hududiy boshqarmalar va idoraviy mansub tashkilotlari xodimlarining faoliyati samaradorligi hamda natijadorligini muntazam ravishda tanqidiy tahlil qilish, majlislarda ularning shaxsiy hisobotlarini eshitish, yakuniy natijalar boʻyicha zarur choralar koʻrish;

hududiy boshqarmalar va idoraviy mansub tashkilotlari faoliyatiga oid masalalar yuzasidan qonun hujjatlarini takomillashtirish, shuningdek, davlat xizmatlari koʻrsatishning samarasi va sifatini, ulardan foydalanish imkoniyatini oshirish boʻyicha takliflarni ishlab chiqish va ularni koʻrib chiqish uchun Qoʻmita rahbariyatiga kiritish;

hududiy boshqarmalar va idoraviy mansub tashkilotlari xodimlarini mukofotlash, lavozim maoshiga ustamalar toʻlash, ularga moddiy yordam berish, ularni taqdirlash, ragʻbatlantirish va ularga intizomiy chora qoʻllash toʻgʻrisida qaror qabul qilish, xodimlarni davlat mukofotlari va idoraviy mukofotlar bilan taqdirlash toʻgʻrisidagi takliflarni Qoʻmitaga kiritish;

davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash;

mahalliy davlat hokimiyati organlarida, sudlarda, boshqa organ va tashkilotlarda Qoʻmitaning boshqarmalar va idoraviy mansub tashkilotlari manfaatlarini ifodalash.

36. Quyidagilar hududiy boshqarmalar va idoraviy mansub tashkilotlar rahbarlarining Davlat veterinariya inspektori (vakolatli xodimlari) sifatidagi asosiy funksional vazifalari hisoblanadi:

hayvonlarning va odamlarning sogʻligʻi uchun xavf tugʻdiradigan kasalliklarga chalingan hayvonlar aniqlangan hollarda, ushbu hayvonlarni soʻyish yoki yoʻq qilib tashlash toʻgʻrisida, shuningdek isteʼmolga yaroqsiz deb topilgan, kelib chiqishi hayvonotga mansub mahsulot va xom ashyoni qayta ishlash, yoʻq qilish yoki ushbu mahsulot va xom ashyodan oʻzgacha tarzda foydalanish haqida yuridik va jismoniy shaxslar tomonidan bajarilishi majburiy boʻlgan koʻrsatmalar berish;

chegara oldi tumanlarda, qoʻshni davlatlarda yuzaga kelgan epizootik vaziyat toʻgʻrisida tegishli organlar va tashkilotlarni xabardor qilish, tegishli veterinariya tadbirlarini amalga oshirish hamda zarur tavsiyalar berish;

hayvonlarning yuqumli kasalliklari oʻchoqlari aniqlangan taqdirda tegishli hududlarni nobop punktlar deb eʼlon qilish va ularda cheklovchi tadbirlar (karantin) joriy etish toʻgʻrisida, shuningdek hayvonlarning yuqumli kasalliklari oʻchoqlari tugatilganidan keyin cheklovchi (karantin) tadbirlarni bekor qilish haqida tegishli davlat organlariga taqdimnoma kiritish;

veterinariya toʻgʻrisidagi qonun hujjatlari talablarini buzganlik uchun mansabdor shaxslarga va boshqa shaxslarga nisbatan belgilangan tartibda maʼmuriy jazo choralarini koʻrish.

37. Quyidagilar tuman (shahar) boʻlimlar rahbarlarining asosiy funksional vazifalari hisoblanadi:

tuman (shahar) boʻlimiga rahbarlik qilish;

xodimlar oʻrtasida funksional va faoliyatning alohida yoʻnalishlari boʻyicha vazifalarni taqsimlash hamda ularning masʼullik darajasini belgilash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq tarkibiy boʻlinma xodimlarining shaxsiy masʼuliyatini oshirish chora-tadbirlarini koʻrish;

Qoʻmita Hayʼati qarorlari, Qoʻmita raisi va uning oʻrinbosarlari, shuningdek hududiy boshqarmalar va idoraviy mansub tashkilotlarning buyruq va topshiriqlarini oʻz vaqtida va sifatli bajarilishini taʼminlash;

tuman (shahar) boʻlimlarida xodimlarni tanlash va joy-joyiga qoʻyishda hududiy boshqarmalar va idoraviy mansub tashkilotlar rahbarlariga takliflar kiritish, ularning kasbiy mahorati, oʻz ishini bilishi, amaliy tajribasi, yuqori darajada ishlash xususiyatlari va maʼnaviy-axloqiy fazilatlari kafolatlanganligini taʼminlash, xodimlarning kasbiy malakasini oshirish, tuman (shahar) boʻlimlarida xodimlar zaxirasini shakllantirish choralarini koʻrish;

Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining Odob-axloq namunaviy qoidalari asosida Qoʻmita tomonidan tasdiqlangan Qoʻmita xodimlarining odob-axloq qoidalari talablariga rioya etish, tuman (shahar) boʻlimlar xodimlari tomonidan ushbu qoidalarga rioya etilishini taʼminlash;

Oʻzbekiston Respublikasining “Korrupsiyaga qarshi kurashish toʻgʻrisida”gi Qonuni talablariga muvofiq, tuman (shahar) boʻlimlarda korrupsiya va boshqa qonunbuzarliklarning oldini olish boʻyicha choralar koʻrish, shuningdek, huquq amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli bilan ularni aniqlash, tahlil qilish, ularni yuzaga keltiruvchi sabablar va shart-sharoitlarni bartaraf etish;

tuman (shahar) boʻlimlar xodimlarini mukofotlash, lavozim maoshiga ustamalar toʻlash, ularga moddiy yordam berish, ularni taqdirlash, ragʻbatlantirish va ularga intizomiy chora qoʻllash toʻgʻrisida qaror qabul qilish, xodimlarni davlat mukofotlari va idoraviy mukofotlar bilan taqdirlash toʻgʻrisida takliflar kiritish;

davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash;

mahalliy davlat hokimiyati organlarida, sudlarda, boshqa organ va tashkilotlarda tuman (shahar) boʻlimlarining manfaatlarini ifodalash.

38. Quyidagilar tuman (shahar) boʻlimlari rahbarlarining Davlat veterinariya inspektori sifatidagi asosiy funksional vazifalari hisoblanadi:

hayvonlarning va odamlarning sogʻligʻi uchun xavf tugʻdiradigan kasalliklarga chalingan hayvonlar aniqlangan hollarda, ushbu hayvonlarni soʻyish yoki yoʻq qilib tashlash toʻgʻrisida, shuningdek isteʼmolga yaroqsiz deb topilgan, kelib chiqishi hayvonotga mansub mahsulot va xom ashyoni qayta ishlash, yoʻq qilish yoki ushbu mahsulot va xom ashyodan oʻzgacha tarzda foydalanish haqida yuridik va jismoniy shaxslar tomonidan bajarilishi majburiy boʻlgan koʻrsatmalar berish;

hayvonlarning yuqumli kasalliklari oʻchoqlari aniqlangan taqdirda tegishli hududlarni nobop punktlar deb eʼlon qilish va ularda cheklovchi tadbirlar (karantin) joriy etish toʻgʻrisida, shuningdek hayvonlarning yuqumli kasalliklari oʻchoqlari tugatilganidan keyin cheklovchi (karantin) tadbirlarni bekor qilish haqida tegishli davlat organlariga taqdimnoma kiritish;

veterinariya toʻgʻrisidagi qonun hujjatlari talablarini buzganlik uchun mansabdor shaxslarga va boshqa shaxslarga nisbatan belgilangan tartibda maʼmuriy jazo choralarini koʻrish.

6-bob. Qoʻmita rahbarlarining javobgarligi

39. Qoʻmita raisi:

Qoʻmitaga yuklangan vazifa va funksiyalarning bajarilishi;

ushbu Nizomning 22-bandida nazarda tutilgan Qoʻmitaning javobgarlik sohalari boʻyicha;

ushbu Nizomning 29 va 30-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

40. Qoʻmita raisining oʻrinbosarlari:

Qoʻmitaning oʻzi nazorat qiladigan tarkibiy boʻlinmalarida Qoʻmitaga yuklangan vazifalar va funksiyalarning bajarilishi;

ushbu Nizomning 22-bandida nazarda tutilgan Qoʻmitaning oʻzlari nazorat qiladigan masalalarga doir javobgarlik sohalari boʻyicha;

ushbu Nizomning 31 va 32-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

41. Qoʻmita markaziy apparatining tarkibiy boʻlinmalari rahbarlari:

tegishli tarkibiy boʻlinmalarga yuklangan vazifalar va funksiyalarning amalga oshirilishi;

ushbu Nizomning 24-bandida nazarda tutilgan Qoʻmita markaziy apparatining javobgarlik sohalari boʻyicha;

ushbu Nizomning 33 va 34-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

42. Hududiy boshqarmalar va idoraviy mansub tashkilot rahbarlari:

hududiy boshqarmalar va idoraviy mansub tashkilotlarga yuklangan vazifa va funksiyalarning bajarilishi;

ushbu Nizomning 26-bandida nazarda tutilgan Qoʻmita hududiy boʻlinmalariva idoraviy mansub tashkilotlarning javobgarlik sohalari boʻyicha;

ushbu Nizomning 35 va 36-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

43. Tuman (shahar) boʻlimlar rahbarlari:

tuman (shahar) boʻlimlariga yuklangan vazifa va funksiyalarning bajarilishi;

ushbu Nizomning 28-bandida nazarda tutilgan tuman (shahar) boʻlimlarning javobgarlik sohalari boʻyicha;

ushbu Nizomning 37 va 38-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

7-bob. Qoʻmita faoliyatini tashkil etish

1-§. Qoʻmita rahbariyati

44. Qoʻmitaga Oʻzbekiston Respublikasi Bosh vazirining taqdimiga binoan Oʻzbekiston Respublikasi Oliy Majlisining Qonunchilik palatasi tomonidan maʼqullangandan soʻng Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan rais rahbarlik qiladi.

45. Qoʻmita raisining Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan birinchi oʻrinbosari va oʻrinbosarlari boʻladi.

46. Qoʻmita raisi maqomi, moddiy, maishiy, transport va tibbiy xizmat koʻrsatish shartlari boʻyicha vazirga, uning birinchi oʻrinbosari vazirning birinchi oʻrinbosariga, uning oʻrinbosarlari esa, vazir oʻrinbosariga tenglashtiriladi.

47. Qoʻmita raisi boʻlmagan vaqtda uning vakolatlari vazifalar taqsimotiga binoan uning oʻrinbosarlari tomonidan bajariladi.

48. Quyidagilar:

Qoraqalpogʻiston Respublikasi veterinariya va chorvachilikni rivojlantirish qoʻmitasi raisi Qoʻmita raisi bilan kelishilgan holda Qoraqalpogʻiston Respublikasi Joʻqorgʻi Kengesi tomonidan lavozimga tayinlanadi va lavozimdan ozod etiladi;

Qoʻmita markaziy apparati xodimlari, hududiy boshqarmalar boshliq oʻrinbosarlari, Qoʻmita tizimiga kiruvchi respublika tashkilotlar rahbarlari va ularning oʻrinbosarlari Qoʻmita raisi tomonidan lavozimga tayinlanadi va lavozimdan ozod etiladi;

viloyatlar va Toshkent shahri veterinariya va chorvachilikni rivojlantirish boshqarmalari boshliqlari tegishli viloyatlar va Toshkent shahar hokimi bilan kelishgan holda Qoʻmita raisi tomonidan lavozimga tayinlanadi va lavozimdan ozod qilinadi;

tumanlar (shaharlar) boʻlimlari boshliqlari Qoraqalpogʻiston Respublikasi Veterinariya va chorvachilikni rivojlantirish qoʻmitasi raisi, viloyatlar va Toshkent shahar veterinariya va chorvachilikni rivojlantirish boshqarmalarining boshliqlari tomonidan tuman (shahar) hokimlarining taqdimiga binoan lavozimiga tayinlanadi va lavozimidan ozod etiladi.

hududiy boshqarmalar va idoraviy mansub tashkilotlarining rahbarlarini lavozimga tayinlash va lavozimdan ozod qilishning qonunchilikda belgilangan tartibdagi jarayoni yakuniga yetguniga qadar, koʻrsatib oʻtilgan tarkibiy boʻlinmalar faoliyatini taʼminlash maqsadida, Qoʻmita raisi boshliqning vazifasini vaqtincha bajaruvchini tayinlash huquqiga ega.

49. Quyidagi lavozimlarda oliy maʼlumotga ega veterinariya mutaxassislari (veterinariya mutaxassisligi bilan bogʻliq boʻlmagan lavozimlar bundan mustasno) faoliyat yuritadi:

Qoʻmita raisi va uning oʻrinbosarlari, markaziy apparat tarkibiy boʻlinmalari rahbarlari va xodimlari;

Respublika hayvonlar kasalliklari tashxisi va oziq-ovqat mahsulotlari xavfsizligi davlat markazi, veterinariya dori vositalari, ozuqabop qoʻshimchalar sifati va muomalasi nazorati boʻyicha davlat ilmiy markazi, veterinariya ilmiy-tadqiqot instituti direktorlari va ularning oʻrinbosarlari, laboratoriya mudirlari va boʻlim boshliqlari (mudirlari) va veterinariya mutaxassislari;

Davlat chegarasi va transportda davlat veterinariya nazorati boshqarmasi boshligʻi va uning oʻrinbosarlari, boʻlim boshligʻi va mutaxassislari, chegara va transport (uchastka) veterinariya punktlarining rahbarlari va veterinariya mutaxassislari;

hududiy boshqarmalarning rahbarlari va ularning oʻrinbosarlari, boʻlim boshliqlari va sektor mudirlari hamda mutaxassislari, tuman (shahar) boʻlimi boshliqlari va ularning oʻrinbosarlari, veterinariya uchastka mudirlari hamda veterinariya mutaxassislari;

Qoraqalpogʻiston Respublikasi va viloyatlar hayvonlar kasalliklari tashxisi va oziq-ovqat mahsulotlari xavfsizligi davlat markazlari direktorlari va ularning oʻrinbosarlari, boʻlim boshliqlari (mudirlari) va veterinariya mutaxassislari, tumanlar (shaharlar) hayvonlar kasalliklari tashxisi va oziq-ovqat mahsulotlari xavfsizligi davlat markazlari direktorlari, bozorlar veterinariya-sanitariya ekspertiza laboratoriyasi mudirlari, boʻlim boshliqlari hamda veterinariya mutaxassislari.

50. Qoʻmita raisi — Oʻzbekiston Respublikasining Bosh davlat veterinariya inspektori, uning oʻrinbosarlari esa — Oʻzbekiston Respublikasining Bosh davlat veterinariya inspektorining oʻrinbosarlari (raisning iqtisodiy masalalar boʻyicha oʻrinbosari va Rais oʻrinbosari — “Oʻzbekchorvanasl” agentligi bosh direktori bundan mustasno) hisoblanadi.

Hududiy boshqarmalarning rahbarlari — Qoraqalpogʻiston Respublikasi, viloyatlar, Toshkent shahar bosh davlat veterinariya inspektorlari, ularning oʻrinbosarlari esa tegishli ravishda Qoraqalpogʻiston Respublikasi, viloyatlar va Toshkent shahar bosh davlat veterinariya inspektorlarining oʻrinbosarlari hisoblanadi.

51. Qoʻmitaning davlat veterinariya nazorati boshqarmasi veterinar mutaxassislari oʻz vakolatlari doirasida davlat veterinariya inspektorlari hisoblanadi.

52. Davlat chegarasi va transportda davlat veterinariya nazorati boshqarmasi boshligʻi davlat chegarasi va transportda bosh davlat veterinariya inspektori, uning oʻrinbosarlari esa davlat chegarasi va transportda bosh davlat veterinariya inspektorining oʻrinbosarlari hisoblanadi.

53. Tuman (shahar) boʻlimlarining boshliqlari tegishli ravishda tumanlar (shaharlar) bosh davlat veterinariya inspektorlari hisoblanadi.

54. Veterinariya uchastkalari va bozorlar veterinariya-sanitariya ekspertiza laboratoriyasining mudirlari, tegishli ravishda uchastka va bozorlarda davlat veterinariya inspektorlari hisoblanadi.

55. Davlat chegarasi va transportda veterinariya nazorati veterinariya punktlarining (uchastkalarning) boshliqlari va veterinar vrachlari, tegishlicha Davlat chegarasi va transportda veterinariya nazorati veterinariya punktlarining (uchastkalarning) davlat veterinariya inspektorlari hisoblanadi.

56. Davlat veterinariya inspektorlari quyidagi vakolatlarga ega:

hayvonlar va odamlarning sogʻligʻi uchun xavf tugʻdiradigan kasalliklarga chalingan hayvonlar aniqlangan hollarda, ushbu hayvonlarni soʻyish yoki yoʻq qilib tashlash toʻgʻrisida, shuningdek isteʼmolga yaroqsiz deb topilgan, ushbu sohadagi mahsulot va xom ashyoni yoʻq qilib tashlash, qayta ishlash yoki ushbu mahsulot va xom ashyodan oʻzgacha tarzda foydalanish haqida yuridik va jismoniy shaxslar tomonidan bajarilishi majburiy boʻlgan koʻrsatmalar berish;

davlat veterinariya xizmati nazoratidagi obyektlarga moneliksiz kirish va veterinariya toʻgʻrisidagi qonun hujjatlarining aniqlangan buzilishlarini bartaraf etish toʻgʻrisida bajarilishi majburiy boʻlgan koʻrsatmalar berish;

temir yoʻl vagonlari, kemalar, samolyotlar va boshqa transport vositalari holatining veterinariya, veterinariya-sanitariya qoidalari va normalariga nomuvofiqligi aniqlangan taqdirda, ulardan foydalanishni taqiqlash;

veterinariya, veterinariya-sanitariya qoidalari va normalarining buzilishlari aniqlangan taqdirda, chorvachilik, shuningdek goʻsht va sut sanoati obyektlaridan, ushbu sohadagi mahsulot va xom ashyoni ishlab chiqaruvchi, qayta ishlovchi hamda saqlovchi korxonalardan foydalanishni taqiqlash;

veterinariya, veterinariya-sanitariya qoidalari va normalarining buzilishlari aniqlangan taqdirda, chorvachilik fermalarida, ushbu sohadagi mahsulot va xom ashyoni ishlab chiqaruvchi, qayta ishlovchi hamda saqlovchi tashkilotlarda yangi qurilgan, tiklangan va rekonstruksiya qilingan obyektlarni ishga tushirishni belgilangan tartibda toʻxtatib turish;

chegara oldi tumanlarda, qoʻshni davlatlarda yuzaga kelgan epizootik holat toʻgʻrisida tegishli organlar va tashkilotlarni xabardor qilish, tegishli veterinariya tadbirlarini amalga oshirish hamda zarur tavsiyalar berish;

veterinariya dori vositalari, ozuqabop qoʻshimchalar tayyorlashini, ishlab chiqarilishini hamda ulardan chorvachilikda va veterinariyada foydalanilishini nazorat qilish, ularning hayvonlar sogʻligʻiga va ushbu sohadagi mahsulot hamda xom ashyo sifatiga taʼsirini baholash;

hayvonlarning yuqumli kasalliklari oʻchoqlari aniqlangan taqdirda, tegishli hududlarni nobop punktlar deb eʼlon qilish va ularda cheklovchi tadbirlar (karantin) joriy etish toʻgʻrisida, shuningdek hayvonlarning yuqumli kasalliklari oʻchoqlari tugatilgandan keyin cheklovchi tadbirlarni (karantinni) bekor qilish haqida tegishli davlat organlariga taqdimnoma kiritish;

veterinariya toʻgʻrisidagi qonun hujjatlari talablarini buzganlik uchun mansabdor shaxslarga va boshqa shaxslarga nisbatan belgilangan tartibda maʼmuriy jazo choralarini qoʻllash.

Davlat veterinariya inspektorlari qonun hujjatlariga muvofiq boshqa vakolatlarni ham amalga oshirishi mumkin.

57. Qoʻmita tizimi xodimlariga Qoʻmita raisi tomonidan tasdiqlanadigan Qoʻmita xodimlarining xizmat guvohnomasi toʻgʻrisidagi nizomga muvofiq xizmat guvohnomalari beriladi.

2-§. Qoʻmita markaziy apparati tarkibiy boʻlinmalarining uning hududiy boshqarmalari va idoraviy mansub tashkilotlari bilan oʻzaro hamkorligi tartibi

58. Qoʻmita markaziy apparati tarkibiy boʻlinmalarining uning hududiy boʻlinmalari va idoraviy mansub tashkilotlari bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

59. Qoʻmita markaziy apparatining tarkibiy boʻlinmalari hududiy boshqarmalar va idoraviy mansub tashkilotlar bilan oʻz faoliyati yoʻnalishlari boʻyicha hamkorlik qilib:

topshiriqlarni hududiy boshqarmalar va idoraviy mansub tashkilotlarga yetkazadilar hamda ularning bajarilishini nazorat qiladilar;

hududiy boshqarmalar va idoraviy mansub tashkilotlariga tarkibiy boʻlinmalarining bevosita faoliyati masalalari boʻyicha soʻrovlar yuboradilar hamda ularning ijro etilishini nazorat qiladilar;

hududiy boshqarmalar va idoraviy mansub tashkilotlari faoliyati amaliyotini tekshiradilar va oʻrganadilar, natijalarni umumlashtiradilar, uni takomillashtirishga qaratilgan chora-tadbirlarni ishlab chiqadilar va qabul qiladilar;

hududiy boshqarmalar va idoraviy mansub tashkilotlari faoliyatini tashkil etish va faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlar oʻrganilishini tashkil etadilar;

hududiy boshqarmalar va idoraviy mansub tashkilotlari ish rejalarini tahlil qiladilar, ularning faoliyatini rejalashtirishni takomillashtirishga doir chora-tadbirlarni koʻradilar;

hududiy boshqarmalar va idoraviy mansub tashkilotlaridan tushgan takliflarni koʻrib chiqadilar;

normativ-huquqiy hujjatlar loyihalarini tayyorlashda hududiy boshqarmalar va idoraviy mansub tashkilotlari ishtirokini tashkil etadilar, veterinariya va chorvachilik sohasidagi qonun hujjatlarini takomillashtirish boʻyicha ulardan tushgan takliflarni koʻrib chiqadilar.

60. Hududiy boshqarmalar va idoraviy mansub tashkilotlari Qoʻmita markaziy apparatining tarkibiy boʻlinmalari bilan hamkorlik qiladilar, shu jumladan:

Qoʻmita rahbariyati topshiriqlari ijrosi haqida axborot beradilar;

faoliyatning belgilangan sohasida qonun hujjatlarini amalga oshirish boʻyicha faoliyat natijalari toʻgʻrisida Qoʻmita markaziy apparatiga axborot taqdim etadilar;

ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida axborot beradilar;

Qoʻmitaning markaziy apparatiga oʻz faoliyati natijalari toʻgʻrisidagi hisobotlarni belgilangan tartibda va muddatlarda taqdim etadilar;

Qoʻmitaning markaziy apparatiga hududlarni ijtimoiy-iqtisodiy rivojlantirish muammolarini, shu jumladan, aholining dolzarb muammolarini hal qilishga qaratilgan takliflarni yuboradilar;

hududlarni kompleks ijtimoiy-iqtisodiy rivojlantirish boʻyicha sektorlar bilan oʻzaro hamkorlik qilish natijalari toʻgʻrisida axborot beradilar;

vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida axborot beradilar.

61. Qoʻmita markaziy apparati tarkibiy boʻlinmalari hamda uning hududiy boshqarmalari va idoraviy mansub tashkilotlarining oʻzaro hamkorligi jarayonida yuzaga keladigan kelishmovchiliklar Qoʻmita raisining topshirigʻiga binoan uning tegishli oʻrinbosarlari tomonidan koʻrib chiqiladi. Agar koʻrsatib oʻtilgan koʻrib chiqishdan keyin kelishmovchiliklar tartibga solinmasa, ular boʻyicha qaror bevosita Qoʻmita raisi tomonidan qabul qilinadi.

62. Hududiy boshqarmalar rahbarlari va idoraviy mansub tashkilot rahbarlari Qoʻmita raisi, uning oʻrinbosarlariva Qoʻmita markaziy apparatining tarkibiy boʻlinmalari rahbarlari hamda hududiy hokimliklar (hududiy boshqarmalari hududiy hokimliklar oldida) oldida hududiy boshqarmalar va idoraviy mansub tashkilotlar faoliyati toʻgʻrisida muntazam ravishda hisobot berib boradi.

Oʻzlarga yuklangan vazifalarni samarali bajarishi boʻyicha faoliyatining doimiy monitoringini olib boradi, hududiy boshqarmalar va idoraviy mansub tashkilotlarfaoliyati samaradorligiga xolisona baho beradi.

Monitoring va baholash yakunlari boʻyicha hududiy boshqarmalar va idoraviy mansub tashkilotlarningalohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod qilishgacha javobgarlikka tortiladi.

63. Tuman (shahar) boʻlimlar rahbarlari Qoʻmita raisi, uning oʻrinbosarlariva Qoʻmita markaziy apparatining tarkibiy boʻlinmalari rahbarlari, hududiy boshqarmalar boshliqlari hamda hududiy hokimliklar oldida tuman (shahar) boʻlimlar faoliyati toʻgʻrisida muntazam ravishda hisobot berib boradi.

Oʻzlarga yuklangan vazifalarni samarali bajarishi boʻyicha faoliyatining doimiy monitoringini olib boradi, tuman (shahar) boʻlimlarifaoliyati samaradorligiga xolisona baho beradi.

Monitoring va baholash yakunlari boʻyicha tuman (shahar) boʻlimlarining alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod qilishgacha javobgarlikka tortiladi.

3-§. Qoʻmitaning boshqa davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan oʻzaro hamkorligi tartibi

64. Qoʻmita oʻz vazifa va funksiyalarini amalga oshirishda boshqa davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan hamkorlik qiladi.

65. Hududiy boshqarmalar va idoraviy mansub tashkilotlari oʻz vakolatlari doirasida boshqa davlat va xoʻjalik boshqaruvi organlarining hududiy boʻlinmalari, mahalliy davlat hokimiyati organlari va boshqa tashkilotlar bilan hamkorlik qiladi.

Hududiy boshqarmalari, idoraviy mansub tashkilotlar hamda tuman (shahar) boʻlimlar tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqish va amalga oshirishda hududlarni kompleks ijtimoiy-iqtisodiy rivojlantirish boʻyicha sektorlar bilan oʻzaro uzviy hamkorlik qiladilar.

4-§. Qoʻmitaning hayʼati, boshqa maslahat, konsultativ va ekspert organlari

66. Qoʻmitada rais (hayʼat raisi), uning oʻrinbosarlari (lavozimiga koʻra), hududiy boshqarmalar va idoraviy mansub tashkilotlar rahbarlari, shuningdek, asosiy faoliyat yoʻnalishlarini muvofiqlashtiruvchi tarkibiy boʻlinmalar rahbarlaridan iborat tarkibdagi hayʼat tuziladi.

Hayʼat tarkibining soni va shaxsiy tarkibi Qoʻmita raisining taqdimnomasiga binoan Vazirlar Mahkamasi tomonidan tasdiqlanadi.

67. Hayʼatga quyidagi vazifalar yuklanadi:

ushbu Nizomda belgilangan Qoʻmita faoliyatining asosiy yoʻnalishlarini tayyorlash va amalga oshirish;

qonun hujjatlarida, Oʻzbekiston Respublikasi Prezidentining hujjatlarida hamda Oʻzbekiston Respublikasi Hukumati qarorlarida belgilangan vazifalarning oʻz vaqtida va sifatli bajarilishini taʼminlash uchun Qoʻmita tizimi xodimlari va rahbarlarining shaxsiy javobgarligini oshirish boʻyicha choralarni qabul qilish, tarkibiy va hududiy boshqarmalarihamda idoraviy mansub tashkilotlar rahbarlarining hisobotlarini tizimli asosda eshitishni tashkil etish;

har chorakda va tizimli tarzda Qoʻmita faoliyati doirasida hududiy va tarmoq dasturlari amalga oshirilishi natijadorligini koʻrib chiqish;

Qoʻmita faoliyati doirasidagi dolzarb masalalarni joylarda muhokama qilishni taʼminlagan holda Hayʼatning kengaytirilgan sayyor majlislarini oʻtkazishni tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Qoʻmita markaziy apparati va uning tizimiga kiruvchi lavozimlar nomenklaturasini koʻrib chiqish va tasdiqlash;

Qoʻmita nomenklaturasiga kiruvchi lavozimlarga xodimlarni tanlash va joy-joyiga qoʻyish masalalarini koʻrib chiqish;

Oʻzbekiston Respublikasi Prezidenti va Vazirlar Mahkamasi qaror va topshiriqlarida belgilangan vazifalarning oʻz vaqtida va sifatli bajarilishini taʼminlash uchun Qoʻmita rahbarlari va xodimlarining shaxsiy javobgarligini oshirish va ijro intizomini mustahkamlash.

Hayʼat Qoʻmita vakolatlariga kiruvchi boshqa masalalarni koʻrib chiqishga haqlidir.

68. Hayʼat majlisiga Qoʻmita vakolatiga kiradigan masalalar boʻyicha davlat va xoʻjalik boshqaruvi organlari rahbarlari, boshqa tashkilotlar rahbarlari taklif qilinishi mumkin.

69. Hayʼat majlisida uning tarkibining yarmidan ortigʻi ishtirok etsa Hayʼat majlisi qonuniy oʻtkazilgan deb hisoblanadi. Koʻrib chiqilayotgan masalalar boʻyicha qarorlar koʻpchilik ovoz bilan qabul qilinadi.

70. Hayʼat qarorlari Qoʻmita raisining buyrugʻi (Qoʻmitaning qarorlari) bilan amalga oshiriladi.

71. Qoʻmita raisi va Hayʼat aʼzolari oʻrtasida kelishmovchiliklar yuzaga kelgan taqdirda, Qoʻmita raisi Vazirlar Mahkamasiga yuzaga kelgan kelishmovchiliklar haqida xabar bergan holda, mustaqil ravishda qaror qabul qiladi. Bunday vaziyatda Hayʼat aʼzolari Vazirlar Mahkamasiga oʻz fikrlarini bildirishlari mumkin.

72. Hayʼatning faoliyat yuritish tartibi Hayʼat tomonidan tasdiqlanadigan uning reglamenti bilan belgilanadi.

73. Qoʻmita huzurida ilmiy-texnik Kengash tuziladi. Ilmiy-texnik Kengash toʻgʻrisida nizom va uning shaxsiy tarkibi Qoʻmita Hayʼati tomonidan tasdiqlanadi.

74. Qoʻmitada Jamoatchilik kengashi tashkil qilinadi.

Jamoatchilik kengashi tarkibiga sohadagi mutaxassislar, mahalliy davlat hokimiyati organlari, fuqarolarning oʻzini oʻzi boshqarish organlari, shuningdek, ilmiy tashkilotlar, nodavlat notijorat tashkilotlari va jamoatchilik birlashmalarining vakillari kiradi.

Jamoatchilik kengashining shaxsiy tarkibi, shuningdek, uning Nizomi Qoʻmita raisi tomonidan tasdiqlanadi.

75. Quyidagilar Jamoatchilik kengashining asosiy vazifalari hisoblanadi:

qabul qilinayotgan normativ-huquqiy hujjatlarda, shuningdek, davlat, tarmoq va hududiy rivojlantirish dasturlarida jamoatchilik manfaatlari va jamoatchilik fikri hisobga olinishi, fuqarolarning, yuridik shaxslarning huquqlari va qonuniy manfaatlarini, jamiyat manfaatlarini himoya qilish sohasida qonun hujjatlari talablari ijrosini taʼminlash, davlat organi zimmasiga yuklangan hamda ijtimoiy va jamoatchilik manfaatlariga daxl qiluvchi vazifalar va funksiyalarni bajarish, davlat xizmatlarini koʻrsatish, ijtimoiy sheriklik doirasida amalga oshiriladigan bitimlar, shartnomalar, loyihalar va dasturlarni roʻyobga chiqarish boʻyicha Qoʻmita va uning mansabdor shaxslarining faoliyati ustidan jamoatchilik nazoratini amalga oshirish;

birgalikda muloqot qilish, Qoʻmitaning nodavlat notijorat tashkilotlari, ommaviy axborot vositalari va fuqarolik jamiyatining boshqa institutlari bilan samarali hamkorligini taʼminlash uchun davlat organini fuqarolar bilan bogʻlab turadigan “koʻprik” rolini bajarish;

fuqarolarning huquqlari, erkinliklari va qonuniy manfaatlariga daxl qiluvchi eng muhim masalalar yuzasidan Qoʻmitaning faoliyati haqidagi jamoatchilik fikrini tizimli monitoring qilish va har tomonlama tahlil qilish, sotsiologik soʻrovlar oʻtkazish, jumladan ularni axborot-kommunikatsiya texnologiyalaridan foydalangan holda oʻtkazish;

Qoʻmita faoliyatida korrupsiyaga qarshi kurashish sohasidagi davlat dasturlari va boshqa dasturlarni ishlab chiqish hamda amalga oshirishda ishtirok etish, korrupsiyaga qarshi kurashish boʻyicha olib borilgan ishlar ustidan monitoring va tahlil oʻtkazish, shuningdek, ularning natijalari boʻyicha takliflar tayyorlash;

Qoʻmita faoliyatining ochiqligini taʼminlash boʻyicha amalga oshirilayotgan tadbirlarni monitoring qilish, uning faoliyati toʻgʻrisida batafsil axborot olish imkoniyatlarini tahlil qilish, ularni yanada kengaytirish boʻyicha takliflar ishlab chiqish;

Qoʻmita faoliyatini isloh qilishda fuqarolar ishtirok etishi uchun yaratilgan shart-sharoitlarni oʻrganish va ularni yaxshilash boʻyicha takliflar ishlab chiqish;

Qoʻmita faoliyati boʻyicha fuqarolar oʻrtasida oʻtkaziladigan tushuntirish ishlari va maʼnaviy-maʼrifiy tadbirlarda ishtirok etish, ularning samaradorligini oshirish yuzasidan takliflar ishlab chiqish;

Qoʻmita xodimlari va ular oilalarining uy-joy, ijtimoiy-maishiy, xizmat shart-sharoitlarini, ularga malakali tibbiy yordam koʻrsatish sharoitlarini, shuningdek, ishdan boʻshatilgan yoki zaxiraga olingan xodimlarni ijtimoiy va kasbiy moslashtirish boʻyicha muammolarni kompleks tahlil qilish hamda tahlil yakunlari boʻyicha mazkur sharoitlarni yaxshilash yuzasidan takliflar kiritish.

8-bob. Qoʻmita faoliyatining samaradorligi va natijadorligini baholash mezonlari va ishchi indikatorlari

76. Qoʻmita faoliyatining samaradorligi va natijadorligi muntazam baholab boriladi.

77. Qoʻmita faoliyatining samaradorligi va natijadorligini baholash Qoʻmita raisi tomonidan tasdiqlanadigan Qoʻmita faoliyatining samaradorligi va natijadorligini baholash mezonlari va ishchi indikatorlariga asoslanadi.

78. Qoʻmita faoliyatining samaradorligi va natijadorligini baholash natijalari asosida:

Qoʻmita rahbarlari va xodimlarini ragʻbatlantirish (mukofotlash) yoki intizomiy jazolash;

Qoʻmita faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

9-bob. Qoʻmitani moliyalashtirish va moddiy-texnik taʼminlash, uning xodimlari mehnatiga haq toʻlash va ularni moddiy ragʻbatlantirish

79. Qoʻmita markaziy apparati, veterinariya va chorvachilikni rivojlantirish davlat organlari hamda muassasalarini moddiy-texnik taʼminlash Oʻzbekiston Respublikasi Davlat budjeti mablagʻlari, grantlar, veterinariya xizmati va chorvachilikni rivojlantirish jamgʻarmasi, pullik xizmatlar koʻrsatishdan tushgan mablagʻlar va qonun hujjatlarida taqiqlanmagan boshqa mablagʻlar hisobidan amalga oshiriladi.

80. Davlat veterinariya xizmati xodimlari mehnatiga haq toʻlash va moddiy ragʻbatlantirish Oʻzbekiston Respublikasi Davlat budjeti mablagʻlari va budjetdan tashqari mablagʻlar hisobidan amalga oshiriladi.

81. Qoʻmita xodimlarining ish haqi lavozim maoshi, ish haqiga tuman (hududiy) koeffitsiyentlar, mukofotlar, qoʻshimcha haqlar, ustamalar va qonun hujjatlarida nazarda tutilgan boshqa ragʻbatlantiruvchi toʻlovlardan iborat boʻladi.

82. Qoʻmita qonun hujjatlarida belgilangan tartibda soha xodimlarining hayotini sugʻurtalash, ularni moddiy va maʼnaviy ragʻbatlantirish hamda ijtimoiy muhofaza qilish tadbirlarini amalga oshiradi.

Qoʻmita xodimlari lavozim maoshlariga har oyda qoʻshiladigan qoʻshimcha haqlar, ustamalar va ragʻbatlantirish xususiyatiga ega boʻlgan boshqa toʻlovlar belgilangan tartibga muvofiq toʻlanadi.

83. Veterinariya, veterinariya-sanitariya qoidalari va normalarini buzganlik uchun maʼmuriy jarima mablagʻlari Qoʻmitaning maxsus hisob raqamiga oʻtkaziladi.

10-bob. Qoʻmitaning Vazirlar Mahkamasi oldida hisobot berishi

84. Qoʻmita rahbarlari Vazirlar Mahkamasi oldida Qoʻmita faoliyati toʻgʻrisida muntazam ravishda hisobot berib boradi.

Vazirlar Mahkamasining sohaga masʼul rahbari Qoʻmita rahbarlarining ularga yuklangan vazifalarni samarali bajarishi boʻyicha faoliyatining doimiy monitoringini olib boradi, Qoʻmita faoliyati samaradorligiga xolisona baho beradi.

Monitoring va baholash yakunlari boʻyicha veterinariya va chorvachilikni rivojlantirish davlat organlari va muassasalarining alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod qilishgacha javobgarlikka tortiladi.

85. Qoʻmita markaziy apparatining tarkibiy boʻlinmalari rahbarlari Qoʻmita raisi va uning oʻrinbosarlari oldida markaziy apparat faoliyati toʻgʻrisida muntazam ravishda hisobot berib boradi.

Oʻzlarga yuklangan vazifalarni samarali bajarishi boʻyicha faoliyatining doimiy monitoringini olib boradi, markaziy apparat faoliyati samaradorligiga xolisona baho beradi.

Monitoring va baholash yakunlari boʻyicha markaziy apparatning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod qilishgacha javobgarlikka tortiladi.

11-bob. Yakuniy qoida

86. Qoʻmita qonun hujjatlarida belgilangan tartibda qayta tashkil etiladi va tugatiladi.

Vazirlar Mahkamasining 2019-yil 27-iyundagi 532-son qaroriga 2-ILOVA

1-bob. Umumiy qoidalar

1. Mazkur Nizom Veterinariya xizmati va chorvachilikni rivojlantirish jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish tartibini belgilaydi.

2. Jamgʻarma yuridik shaxs tashkil etmagan holda Oʻzbekiston Respublikasi Qishloq xoʻjaligi vazirligi huzuridagi Veterinariya va chorvachilikni rivojlantirish qoʻmitasida (keyingi oʻrinlarda Qoʻmita deb ataladi) tuziladi.

3. Jamgʻarma faoliyatini tashkil etish va nazorat qilish maqsadida 7 nafar aʼzodan iborat Jamgʻarma kengashi tuziladi.

Jamgʻarma kengashi tarkibi Qoʻmita raisi tomonidan tasdiqlanadi.

2-bob. Jamgʻarma mablagʻlarini shakllantirish

4. Quyidagilar Jamgʻarma mablagʻlarini shakllantirish manbalari hisoblanadi:

Davlat chegarasi va transportda davlat veterinariya nazorati boshqarmasining hamda Veterinariya dori vositalari, ozuqabop qoʻshimchalar sifati va muomalasi nazorati boʻyicha Davlat ilmiy markazining xizmatlar koʻrsatishdan tushadigan mablagʻlarning 75 foizi;

aholi xonadonlarida va chorvachilik yoʻnalishida faoliyat koʻrsatadigan xoʻjalik yurituvchi subyektlarda parvarish qilinayotgan chorva mollarini sugʻurtalash boʻyicha aholi va xoʻjaliklar tomonidan toʻlanadigan sugʻurta mukofotlari hisobiga sugʻurta tashkilotlari tomonidan oʻtkaziladigan komission mukofoti;

hayvonlarni identifikatsiya qilish xizmatlar koʻrsatishdan tushadigan 25 foiz miqdoridagi mablagʻlari;

chorvachilik fermer xoʻjaliklariga sotiladigan urugʻlar, sunʼiy urugʻlantirish xizmatini koʻrsatishdan tushadigan mablagʻlar;

qonunchilikda taqiqlanmagan boshqa manbalar belgilansin.

5. Qoʻmitaning tuzilmalari hisob raqamlariga koʻrsatilgan xizmatlar uchun kelib tushgan xorijiy valyutadagi mablagʻlarning mazkur jamgʻarmaga tegishli boʻlgan qismi Qoʻmita soʻroviga qadar tuzilmalar hisob-raqamida saqlanadi va ushbu mablagʻlar faqatgina Qoʻmitaning topshirigʻiga koʻra maqsadli yoʻnaltiriladi.

6. Jamgʻarmaga tushgan mablagʻlar Qoʻmitaning jamgʻarma uchun alohida ochiladigan xorijiy va milliy valyutada shaxsiy gʻaznachilik hisobraqamida jamlanadi.

3-bob. Jamgʻarma mablagʻlaridan foydalanish

7. Jamgʻarmaning mablagʻlaridan quyidagilar uchun foydalaniladi:

veterinariya va chorvachilikni barcha tarmoqlari, shu jumladan qoramolchilik, qoʻychilik, qorakoʻlchilik, echkichilik, yilqichilik, parrandachilik, baliqchilik, asalarichilik va quyonchilikni rivojlantirish, naslchilik-seleksiya ishlari sohasi (keyingi oʻrinlarda veterinariya chorvachilik sohasi deb yuritiladi)dagi ilmiy-tadqiqot ishlarini moliyalashtirish;

Qoʻmita markaziy apparati va uning tizimidagi tashkilotlarning moddiy-texnika bazasini mustahkamlash va rivojlantirish hamda ularga moliyaviy yordam koʻrsatish;

veterinariya va chorvachilikni rivojlantirish xizmatining kadrlarini qayta tayyorlash, ularning malakasini oshirish, shu jumladan xorijiy taʼlim muassasalarida malaka oshirishni tashkil qilish;

veterinariya va chorvachilikni rivojlantirish xizmati xodimlarini moddiy va ijtimoiy qoʻllab-quvvatlash;

Qoʻmita va Hayvonlarni identifikatsiya qilish, roʻyxatga olish va kuzatish markazi markaziy apparati xodimlarining ish haqi, mukofotlar, qoʻshimcha toʻlovlar, ustamalar, shaxsiy ustamalar, ragʻbatlantirishlar va mehnat haqi tizimida nazarda tutilgan boshqa toʻlovlarni toʻlash;

xodimlarga moddiy yordam, transport va ovqatlanish xarajatlarini toʻlash orqali ularni ijtimoiy muhofaza qilish;

ish vaqtidan tashqari ishlar, dam olish kunlari va bayram kunlarida ishga jalb etilganligi uchun toʻlovlar hamda boshqa pullik kompensatsiyalar toʻlash;

veterinariya va chorvachilikni rivojlantirish sohasida xizmat qilayotgan xodimlarni isteʼmol kreditlari uchun qaytarish sharti bilan foizsiz boshlangʻich badali toʻlovlari;

boshqaruv xodimlarining qoʻshimcha shtat birliklarini saqlash;

davlat organlari va boshqa tashkilotlar, ilmiy va taʼlim muassasalari yuqori malakali mutaxassislarini, shuningdek xalqaro tashkilotlar va ekspertlarni konsultant sifatida jalb etish;

malakali xorijiy mutaxassislarni ishga qabul qilish va ularga ish haqi miqdori va boshqa toʻlovlarni chet el valyutasida toʻlash;

veterinariya va chorvachilikni rivojlantirish sohasiga oid loyihalar va tadbirlarni amalga oshirish uchun ekspertlarni (auditorlar, ilmiy xodimlar va shu kabilar), shuningdek xalqaro ekspertlarni jalb qilish;

veterinariya va chorvachilikni rivojlantirish sohasidagi xalqaro yigʻilishlar, koʻrgazmalar, loyihalar va dasturlarda ishtirok etishi bilan bogʻliq xarajatlar;

veterinariya va chorvachilikni rivojlantirish sohasiga oid xorijiy va xalqaro tashkilotlar rahbarlari va mutaxassislarining Oʻzbekiston Respublikasida boʻlishi davrida ularni qabul qilish va kuzatish bilan bogʻliq xarajatlar;

veterinariya va chorvachilikni rivojlantirish sohasida konferensiyalar, davra suhbatlari hamda seminarlar tashkil etish va oʻtkazish;

bosma nashr mahsulotlarini, elektron dasturlar ishlab chiqish, shuningdek veterinariya va chorvachilikni rivojlantirish sohasiga oid blankalar tayyorlash.

8. Jamgʻarma mablagʻlaridan qonun hujjatlarida taqiqlanmagan boshqa maqsadlarda Oʻzbekiston Respublikasi Vazirlar Mahkamasining qarorlariga muvofiq foydalanilishi mumkin.

Alohida hollarda (Oʻzbekiston Respublikasi Vazirlar Mahkamasining qaroriga asosan davlat tadbirlarini amalga oshirish, epizootiya xavfi boʻlganda yoki favqulodda holatlarning oldini olish va bartaraf etish va boshqa shu kabi hollarda) Jamgʻarma kengashining qaroriga muvofiq uning mablagʻlaridan foydalanish mumkin.

9. Jamgʻarma mablagʻlari hisobidan mazkur Nizomning 7-bandida nazarda tutilgan ishlarni amalga oshirish uchun umumiy qiymati uning foydalanuvchilari tomonidan Qoʻmita belgilagan shakldagi buyurtmanomalar taqdim etilishi lozim.

10. Buyurtmanomalarni qabul qilish va umumlashtirish ishlarini tashkil etish, Jamgʻarma kengashining qaroriga asosan daromadlar va xarajatlar smetasi loyihasini tuzish va Jamgʻarma mablagʻlaridan maqsadli foydalanilishi yuzasidan doimiy monitoring olib borish Jamgʻarma mablagʻlarini boshqarish boʻyicha bosh mutaxassisi tomonidan amalga oshiriladi.

11. Jamgʻarma kengashi:

ushbu Nizomda nazarda tutilgan maqsadlar uchun mablagʻlar ajratilishi yuzasidan buyurtmanomalarni qabul qiladi, koʻrib chiqadi va umumlashtiradi;

qabul qilingan buyurtmanomalar orasidan eng ustuvorlari va asoslanganlarini tanlab oladi hamda mablagʻ ajratish toʻgʻrisidagi qaror qabul qiladi;

ushbu Nizomning 7-bandiga muvofiq belgilangan yoʻnalishlar doirasida mablagʻlardan foydalanish uchun eng ustuvorlarini tanlaydi;

ajratilgan mablagʻlardan boshqa maqsadlarda foydalanish holatlari aniqlangan taqdirda moliyalashtirishni toʻxtatadi va ajratilgan mablagʻlarni undirish choralarini koʻradi;

Jamgʻarmaga oid boshqa masalalar yuzasidan qarorlar qabul qiladi.

12. Jamgʻarma mablagʻlaridan foydalanish har yili Qoʻmita raisi tomonidan tasdiqlanadigan daromadlar va xarajatlar smetasi boʻyicha amalga oshiriladi. Daromadlar va xarajatlar smetasi qonun hujjatlarida belgilangan tartibda Oʻzbekiston Respublikasi Moliya vazirligi tomonidan roʻyxatdan oʻtkaziladi.

13. Jamgʻarmaning daromadlar va xarajatlar smetasi kelgusi yilda moliyaviy mablagʻlar kelib tushishining kutilayotgan prognozi va amalga oshirilishi belgilangan tadbirlarni oʻtkazishdan kelib chiqqan holda tuziladi.

14. Qoʻmita markaziy apparatining tarkibiy boʻlinmalari, veterinariya va chorvachilikni rivojlantirish davlat organlari va muassasalari Jamgʻarma mablagʻlaridan foydalanish uchun buyurtmanoma taqdim etadilar. Bunda, xarajatni amalga oshirish zaruriyatining asoslari, zarur mablagʻlar miqdori, shuningdek ularni bajarish uchun boshqa mablagʻlarning yoʻqligi koʻrsatiladi.

Buyurtmanomalar kelgusi moliya yili uchun joriy yilning 1-iyunigacha Qoʻmitaga taqdim etiladi.

Buyurtmanoma yozma shaklda, elektron pochta yoki boshqa aloqa vositalaridan foydalangan holda taqdim etiladi.

Buyurtmanomada quyidagilar koʻrsatilgan boʻlishi kerak:

tashkilotning toʻliq nomi va aniq rekvizitlari;

mavjud muammolar va ularning (toʻliq yoki qisman va belgilangan muddatlarda) hal qilish imkoniyati, mablagʻlardan foydalanish maqsadlari, shuningdek kutilayotgan natijalar koʻrsatilgan tushuntirish xati;

soʻralayotgan mablagʻlarning hisob-kitobi.

Zarurat boʻlganda buyurtmanomaga uni asoslovchi tegishli hujjatlar ham ilova qilinadi.

15. Taqdim etilgan buyurtmanomalar har yili 1-iyulgacha boʻlgan muddatda Jamgʻarma kengashi tomonidan koʻrib chiqiladi va mablagʻlardan foydalanishning ustuvor yoʻnalishlari belgilanadi hamda uning asosida mablagʻlar ajratish toʻgʻrisida qaror qabul qilinadi.

16. Jamgʻarmaning hisobot yilida foydalanilmagan mablagʻlari (qoldiq mablagʻlar) keyingi hisobot yiliga oʻtadi va mazkur Nizomda nazarda tutilgan tartibda foydalaniladi.

4-bob. Jamgʻarma mablagʻlaridan foydalanilishi yuzasidan hisobotlar taqdim etish, nazorat va javobgarlik

17. Jamgʻarma mablagʻlarining hisobi va hisoboti qonun hujjatlarida belgilangan tartibda yuritiladi va taqdim etiladi.

18. Jamgʻarma mablagʻlaridan oqilona va maqsadli foydalanilishini nazorat qilish qonun hujjatlarida belgilangan tartibda amalga oshiriladi.

19. Veterinariya va chorvachilikni rivojlantirish davlat organlari va muassasalari Qoʻmita hamda Oʻzbekiston Respublikasi Moliya vazirligiga Jamgʻarma daromadlari va xarajatlari toʻgʻrisida hisobotlarni qonun hujjatlarda belgilangan shakl va muddatlarda taqdim etadi.

20. Ushbu Nizom talablarining buzilishida aybdor boʻlgan shaxslar qonun hujjatlarida belgilangan tartibda javob beradilar.

Vazirlar Mahkamasining 2019-yil 27-iyundagi 532-son qaroriga 5-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining “Bozorlar faoliyatini takomillashtirish va mahsulotlar sotish uchun zarur shart-sharoitlar yaratishga doir qoʻshimcha chora-tadbirlar toʻgʻrisida” 2000-yil 22-iyundagi 239-son qarorining 7-bandidagi “Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

5. Vazirlar Mahkamasining 2003-yil 12-sentabrdagi 397-son qarori (Oʻzbekiston Respublikasi QHT, 2003-y., 17-18-son, 147-modda) bilan tasdiqlangan Veterinariyada giyohvandlik vositalari, psixotrop moddalar va prekursorlardan foydalanish tartibida :

a) 21-bandning ikkinchi xatboshisidagi “Davlat veterinariya qoʻmitasiga” soʻzlari “Veterinariya va chorvachilikni rivojlantirish davlat qoʻmitasiga” soʻzlari bilan almashtirilsin;

b) 4-ilovaning nomidagi “Davlat veterinariya qoʻmitasiga” soʻzlari “Veterinariya va chorvachilikni rivojlantirish davlat qoʻmitasiga” soʻzlari bilan almashtirilsin.

8. Vazirlar Mahkamasining 2006-yil 20-fevraldagi 27-son qarori bilan tasdiqlangan Davlat axborot resurslari hamda ularni shakllantirish, ulardan foydalanish va ularni qoʻllab-quvvatlash uchun masʼul boʻlgan davlat organlari roʻyxatida (Oʻzbekiston Respublikasi QT, 2006-y., 2-son, 11-modda) “Masʼul davlat organlari” ustuni 84-pozitsiyasidagi “Qishloq va suv xoʻjaligi vazirligining Davlat veterinariya bosh boshqarmasi” soʻzlari “Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

9. Vazirlar Mahkamasining “Xalqaro parvozlar uchun Navoiy aeroportini ochish toʻgʻrisida” 2008-yil 21-avgustdagi 188-son qarorida (Oʻzbekiston Respublikasi QHT, 2008-yil, 34-son, 334-modda) 3 va 4-bandlardagi “Davlat veterinariya qoʻmitasi” soʻzlari “Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

10. Vazirlar Mahkamasining 2009-yil 29-oktabrdagi 289-son qarori (Oʻzbekiston Respublikasi QT, 2009-y., 9-10-son, 71-modda) bilan tasdiqlangan “Havo kemalarining xalqaro parvozlari uchun Oʻzbekiston Respublikasi fuqaro aviatsiyasi aeroportlari (aerodromlari)ni ochish tartibi toʻgʻrisida”gi nizomning 7 va 8-bandlarining ikkinchi xatboshilaridagi “Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

12. Vazirlar Mahkamasining “Qarovsiz qolgan hayvonlarni tutish va saqlash bilan bogʻliq xizmatlar faoliyatini takomillashtirish chora-tadbirlari toʻgʻrisida” 2011-yil 8-iyuldagi 202-son qarorida (Oʻzbekiston Respublikasi QT, 2011-y., 7-son, 64-modda):

a) 3-bandning uchinchi va toʻrtinchi xatboshilari , 5-bandning uchinchi xatboshisi , 6-bandning ikkinchi va uchinchi xatboshilari , 4-ilovaning 2 va 4-bandlari , 6-band birinchi xatboshisi , 19 , 20 , 21 va 22-bandlaridagi “veterinariya boʻlim” soʻzlari tegishli kelishikdagi “veterinariya va chorvachilikni rivojlantirish boʻlimlari” soʻzlari bilan almashtirilsin;

b) 6-bandning ikkinchi xatboshisi va 7-bandning birinchi xatboshisidagi “Davlat veterinariya qoʻmitasining” soʻzlari “Veterinariya va chorvachilikni rivojlantirish davlat qoʻmitasi” soʻzlari bilan almashtirilsin;

v) 4-ilovaning 3 , 6 , va 19-bandlardagi “roʻyxatga olish guvohnomasi” soʻzlari “veterinariya pasporti” soʻzlari bilan almashtirilsin.

g) 4-ilovaning 3-band ikkinchi xatboshisidagi “belgi qoʻyiladi.” soʻzlari “maʼlumotlar kiritiladi.” soʻzlari bilan almashtirilsin.

d) 4-ilovaning 5-bandi “vaksinatsiya qilinishi” soʻzlaridan keyin “hamda veterinariya pasporti rasmiylashtirilishi” soʻzlari bilan toʻldirilsin.

e) 4-ilovaning 12-bandi uchinchi xatboshisidagi “itning laqabi, it egasining manzili, telefon” soʻzlari “identifikatsion” soʻzlari bilan almashtirilsin.

j) 4-ilovaning 20-bandi toʻrtinchi xatboshisidan “davlat” soʻzi chiqarib tashlansin.

z) 4-ilovaning 14-bandi uchinchi xatboshsidagi “roʻyxatga olish guvohnomasi, veterinariya guvohnomasi” soʻzlari “veterinariya pasporti” soʻzlari bilan almashtirilsin.

14. Vazirlar Mahkamasining 2011-yil 17-noyabrdagi 305-son qarori (Oʻzbekiston Respublikasi QT, 2011-y., 45-46-son, 478-modda) bilan tasdiqlangan “Bir darcha” tamoyili boʻyicha eksportga yetkazib berishlar bilan bogʻliq tartibotlarni amalga oshirish mexanizmi toʻgʻrisida”gi vaqtinchalik nizomning 4 va 6-bandlardagi “Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

15. Vazirlar Mahkamasining “Respublika aholi punktlarini obodonlashtirish ishlarini tashkil etishni takomillashtirish chora-tadbirlari toʻgʻrisida” 2013-yil 10-yanvardagi 4-son qaroridagi (Oʻzbekiston Respublikasi QT, 2013-y., 1-son, 2-modda) “davlat veterinariya boʻlim” soʻzlari tegishli kelishikdagi “veterinariya va chorvachilikni rivojlantirish boʻlim” soʻzlari bilan almashtirilsin.

17. Vazirlar Mahkamasining 2014-yil 5-avgustdagi 216-son qarori (Oʻzbekiston Respublikasi QT, 2014-y., 8-son, 80-modda) bilan tasdiqlangan Davlat ekologik nazoratini amalga oshirish tartibi toʻgʻrisidagi nizomning :

a) 15-bandidagi “Oʻzbekiston Respublikasi Davlat veterinariya qoʻmitasi (keyingi oʻrinlarda Davlat veterinariya qoʻmitasi deb ataladi)” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi(keyingi oʻrinlarda Veterinariya va chorvachilikni rivojlantirish davlat qoʻmitasi)” soʻzlari bilan almashtirilsin;

b) 18-bandi sakkizinchi xatboshisidagi “Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin;

v) 27-bandi quyidagi tahrirda bayon etilsin:

“27. Veterinariya sohasida davlat veterinariya xizmati nomidan davlat ekologik nazorati Veterinariya va chorvachilikni rivojlantirish davlat qoʻmitasi, Qoraqalpogʻiston Respublikasi veterinariya va chorvachilikni rivojlantirish qoʻmitasi, viloyatlar va Toshkent shahar veterinariya va chorvachilikni rivojlantirish boshqarmalari, tumanlar (shaharlar) veterinariya va chorvachilikni rivojlantirish boʻlimlarining mansabdor shaxslari tomonidan amalga oshiriladi”.

18. Vazirlar Mahkamasining 2014-yil 8-sentabrdagi 252-son qarori (Oʻzbekiston Respublikasi QT, 2014-y., 37-son, 469-modda) bilan tasdiqlangan Naslli mahsulotni (materialni) eksport va import qilish tartibi toʻgʻrisida nizomning 7-bandi birinchi va ikkinchi xatboshilaridagi “Davlat veterinariya qoʻmitasi” soʻzlari “Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

19. Vazirlar Mahkamasining 2016-yil 7-oktabrdagi 336-son qarorining (Oʻzbekiston Respublikasi QT, 2016-y., 10-son, 89-modda) 1-ilovasi 36 4 -bandidagi “Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi.” soʻzlari bilan almashtirilsin.

20. Vazirlar Mahkamasining “Davlat veterinariya xizmati tizimini yanada takomillashtirish chora-tadbirlari toʻgʻrisida” 2016-yil 25-oktabrdagi 361-son qarorining (Oʻzbekiston Respublikasi QHT, 2016-y., 43-son, 503-modda) 5-ilovasining matni quyidagi tahrirda bayon etilsin:

“ T/r Kasalliklar roʻyxati 1. Bir necha hayvonot turi uchun umumiy boʻlgan kasalliklar 1. 1. Oqsil 2. 2. Brutsellyoz 3. 3. Auyeski 4. 4. Leptospiroz 5. 5. Kuydirgi 6. 6. Quturish 7. 7. Listerioz 8. 8. Sil 9. 9. Ku-bezgagi 10. 10. Oʻlat 2. Qoramollarning kasalliklari 11. 1. Yuqumli tugunli (nodulyar) dermatit 12. 2. Emfizematoz karbunkul (qorason) 3. Qoʻy va echkilarning kasalliklari 13. 1. Chechak 14. 2. Bradzot enterotoksemiya 15. 3. Skrepi 4. Choʻchqalarning kasalliklari 16. 1. Afrika oʻlati 5. Ot va tuyalarning kasalliklari 17. 1. Manqa 18. 2. Yuqumli anemiya (INAN) 19. 3. Gripp (inflyuensa) 20. 4. Otlarning Afrika oʻlati 6. Parrandalarning kasalliklari 21. 1. Nyukasl kasalligi 22. 2. Chechak 23. 3. Yuqumli laringotraxeit 24. 4. Ornitoz (psitakoz) 25. 5. Yuqori patogenli gripp 26. 6. Mareka 7. Moʻynali hayvonlar, quyonlar va mayda uy hayvonlarining kasalliklari 27. 1. Quyonlarning gemorragik kasalligi 28. 2. Sestodozlar 29. 3. Quyonlar miksomatozi 8. Oʻzbekiston Respublikasi hududida ilgari roʻyxatga olinmagan barcha turdagi hayvonlarning xavfli kasalliklari

21. Vazirlar Mahkamasining 2017-yil 4-martdagi 119-son qarori bilan tasdiqlangan 2017 — 2019-yillarda dehqon xoʻjaliklari va aholi xonadonlarida 100 boshdan parranda boqish, limon, unabi va grek yongʻogʻi yetishtirishni yanada rivojlantirish chora-tadbirlari dasturi 2.8-bandidagi “Davlat veterinariya qoʻmitasi” soʻzlari “Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

22. Vazirlar Mahkamasining 2017-yil 19-iyuldagi 517-son qarori (Oʻzbekiston Respublikasi QHT, 2017-y., 29-son, 700-modda) bilan tasdiqlangan 2017 — 2021-yillarda yilqichilik va ot sportini kompleks rivojlantirish chora-tadbirlari dasturining 7-bandidagi “Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

23. Vazirlar Mahkamasining “Hayvonlarni identifikatsiya qilish, ularni hisobga olish, hisobdan chiqarish va saqlash tartibini takomillashtirish toʻgʻrisida” 2017-yil 22-sentabrdagi 748-son qarorida (Oʻzbekiston Respublikasi QHT, 2017-y., 38-son, 1057-modda):

a) 2-bandning birinchi xatboshisi , ilovaning 2-band uchinchi xatboshisi , 4 , 21-bandlarda va 7-ilovadagi “veterinariya boʻlim” soʻzlari tegishli kelishikdagi “veterinariya va chorvachilikni rivojlantirish boʻlimlari” soʻzlari bilan almashtirilsin;

b) 4 , 6-bandlarda , ilovaning 16-bandi va 47-band oʻn birinchi xatboshilaridagi “Davlat veterinariya qoʻmitasi” soʻzlari “Veterinariya va chorvachilikni rivojlantirish davlat qoʻmitasi” soʻzlari bilan almashtirilsin;

v) 2-band uchinchi xatboshidagi “Oʻzbekiston Respublikasi Davlat veterinariya qoʻmitasining Veterinariya xizmatini rivojlantirish jamgʻarmasi” soʻzlari “Veterinariya xizmati va chorvachilikni rivojlantirish jamgʻarmasi” soʻzlari bilan almashtirilsin.

24. Vazirlar Mahkamasining “Davlat veterinariya xizmati xodimlari mehnatiga qoʻshimcha haq toʻlash va ularni moddiy ragʻbatlantirish chora-tadbirlari toʻgʻrisida” 2017-yil 4-dekabrdagi 963-son qarorida :

a) 1-bandi uchinchi xatboshisi , 2-ilovaning nomi , 1 , 3 , 12 va 13-bandlaridagi “Davlat veterinariya qoʻmitasi” soʻzlari “Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

b) 1-ilovaning 5-bandi beshinchi xatboshisidagi “tuman (shahar) veterinariya boʻlimlari” soʻzlari “tuman (shahar) veterinariya va chorvachilikni rivojlantirish boʻlimlari” soʻzlari bilan almashtirilsin.

v) 2-ilovaning 4-bandi quyidagi tahrirda bayon etilsin:

“Xodimlarning ish faoliyati samaradorligini va moddiy manfaatdorligini oshirish maqsadida, shuningdek, ular tomonidan mamlakatimizda chorva mollari va parrandalar bosh sonini barqaror oshirishni taʼminlash, veterinariya nazoratini kuchaytirish va veterinariya servis sifatini oshirish, hayvonlarning sogʻligʻini himoya qilish boʻyicha samarali ishlarni tashkil etish, epizootik osoyishtalik va oziq-ovqat mahsulotlari xavfsizligini taʼminlash, naslchilik-seleksiya ishlarini yuritishning ilmiy asoslangan innovatsion uslublarini joriy etish, sunʼiy urugʻlantirish ishlarini tizimli tashkil etishni taʼminlaganligi uchun Oʻzbekiston Respublikasi Veterinariya va chorvachilikni rivojlantirish davlat qoʻmitasi va uning tizimiga kiruvchi tashkilotlar tomonidan moddiy ragʻbatlantirish tadbirlari amalga oshiriladi.”;

g) 2-ilovaning 5-bandi quyidagi tahrirda bayon etilsin:

“Xodimlarni moddiy ragʻbatlantirish maqsadida ularning oylik maoshiga qoʻshimcha tarzda:

xodimning mutaxassisligi boʻyicha koʻp yillik xizmatlari uchun qatʼiy belgilangan lavozim maoshiga ustama;

Oʻzbekiston Respublikasi Veterinariya va chorvachilikni rivojlantirish davlat qoʻmitasi raisi tomonidan belgilanadigan shaxsiy ustamalar;

oylik, choraklik, yil yakuni boʻyicha hamda bayram kunlari uchun mukofotlar;

ishdagi yutuqlari uchun moddiy ragʻbatlantirishlar;

ishdan tashqari vaqtda ishga jalb etilgani uchun toʻlovlar hamda boshqa pullik kompensatsiyalar;

xodimlarni ijtimoiy himoya qilish va ular sogʻligʻini tiklash uchun moddiy yordam;

xodimlarning hayotini sugʻurta qilish yoki boshqa turdagi toʻlovlar belgilanadi.”;

d) 2-ilovaning 6-bandi quyidagi tahrirda bayon etilsin:

“Xodimning mutaxassisligi boʻyicha koʻp yillik xizmatlari uchun qatʼiy belgilangan lavozim maoshiga quyidagi ustamalar budjet mablagʻlaridan har oyda tarif setkasi va shtat jadvaliga muvofiq toʻlanadi:

3 yildan 5 yilgacha — 5 foiz;

5 yildan 10 yilgacha — 10 foiz;

10 yildan 15 yilgacha — 15 foiz;

15 yildan 20 yilgacha — 20 foiz;

20 yildan 25 yilgacha — 25 foiz;

25 yildan ortiq — 30 foiz.”;

e) 2-ilova quyidagi tahrirda 7-band bilan toʻldirilsin:

“Xizmat vazifasini sidqidildan va samarali bajarib kelayotgan Qoʻmitaning malakali, tashabbuskor xodimlariga rais tomonidan veterinariya xizmati va chorvachilikni rivojlantirish jamgʻarmasi mablagʻlari hisobidan lavozim maoshining 200 foizi miqdoridan koʻp boʻlmagan shaxsiy ustamalar belgilanadi.”;

j) 2-ilovaning 7-8-bandlari tegishli ravishda 8-9-bandlar deb hisoblansin;

z) 2-ilovaning 9-bandi quyidagi tahrirda bayon etilsin:

“Yangi yil, 8-mart xotin-qizlar kuni, Navroʻz bayrami, Xotira va qadrlash kuni, Mustaqillik kuni, Oʻqituvchi va murabbiylar kuni, Konstitutsiya kuni, Roʻza hayit (Iyd al-Fitr) diniy bayram kuni va Qurbon hayit (Iyd al-Adha) diniy bayram kuni uchun xodimlar oylik ish haqining bir baravari miqdorda mukofotlanadi.”;

k) 2-ilova quyidagi tahrirda 10-band bilan toʻldirilsin:

“Ishdagi yutuqlari uchun xodimlarni oylik ish haqining ikki baravarigacha miqdorda moddiy ragʻbatlantiradi.”;

l) 2-ilovaning 10-bandi tegishli ravishda 11-band deb hisoblansin;

m) 2-ilova quyidagi tahrirda 12-band bilan toʻldirilsin:

“Shaxsiy ustamalar, mukofotlar va moddiy ragʻbatlantirishlar miqdorini belgilashda mehnatga haq toʻlashga oid Yagona tarif setkasi boʻyicha tarif koeffitsiyentlari bilan ustamalar va qoʻshimcha haqlar, shuningdek budjetdan moliyalashtiriladigan davlat hokimiyati va boshqaruvi organlari davlat xizmatchilari lavozim maoshlariga 40 (20) foizlik qoʻshimcha (mehnatni ragʻbatlantirish koeffitsiyenti) lavozim maoshi hisob-kitobiga kiritiladi.”;

n) 2-ilova quyidagi tahrirda 13-band bilan toʻldirilsin:

“Ish vaqtidan tashqari ishlar, dam olish kunlari va bayram kunlarida ishga jalb etilganligi uchun toʻlovlar hamda boshqa pullik kompensatsiyalar toʻlanadi”;

o) 2-ilovaning 13-bandi tegishli ravishda 14-band deb hisoblansin;

p) 2-ilovaning 14-bandi quyidagi tahrirda bayon etilsin:

“Xodimlarni ijtimoiy qoʻllab-quvvatlash va ularning ish samaradorligini oshirish maqsadida har oyda (jamoa shartnomasiga muvofiq) yoʻl transporti uchun eng kam oylik ish haqining ikki baravari hamda xodimlarning tushlik ovqatlanishi xarajatlariga koʻmaklashish maqsadida eng kam oylik ish haqining ikki baravari miqdorida toʻlovlar amalga oshiriladi.”;

r) 2-ilovaning 15-bandi quyidagi tahrirda bayon etilsin:

“Quyidagilar xodimlarni ragʻbatlantirishni moliyalashtirish manbalari hisoblanadi: Oʻzbekiston Respublikasi Davlat budjeti mablagʻlari; Veterinariya xizmati va chorvachilikni rivojlantirish jamgʻarmasi mablagʻlari; qonun hujjatlarida taqiqlanmagan boshqa mablagʻlar.”

25. Vazirlar Mahkamasining 2017-yil 22-dekabrdagi 1013-son qarori (Oʻzbekiston Respublikasi QT, 2017-y., 12-son, 299-modda) bilan tasdiqlangan Normativ-huquqiy hujjatlar matnlari hamda zarur boʻlgan taqdirda ularga tegishli axborot-tahliliy materiallar elektron shaklda yuboriladigan davlat organlari va boshqa tashkilotlar roʻyxatining 3-bobi 1-bandidagi “Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

27. Vazirlar Mahkamasining 2018-yil 16-oktabrdagi 829-son qarori bilan tasdiqlangan Vakolatli vazirlik, idora va tashkilotlar tomonidan kiritiladigan va “Integratsiyalashgan tarif” interaktiv xizmati doirasida taqdim etiladigan axborot roʻyxatining 11 va 12-bandlaridagi vakolatli organning nomi ustunida”Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

29. Vazirlar Mahkamasining 2019-yil 23-yanvardagi 55-son qarori bilan tasdiqlangan 2019-2020-yillarda oʻzbek sirk sanʼatini yanada rivojlantirish hamda “Oʻzbek davlat sirki” davlat muassasasi faoliyatini qoʻllab-quvvatlash boʻyicha chora-tadbirlar rejasining 7 va 13-bandlardagi “Oʻzbekiston Respublikasi Davlat veterinariya qoʻmitasi” soʻzlari “Oʻzbekiston Respublikasi Veterinariya va chorvachilikni rivojlantirish davlat qoʻmitasi” soʻzlari bilan almashtirilsin.

Vazirlar Mahkamasining 2019-yil 27-iyundagi 532-son qaroriga 6-ILOVA

Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari

1. Vazirlar Mahkamasining “Veterinariya xizmati yosh kadrlarini tayyorlashni yanada takomillashtirish, mutaxassislarining malakasini oshirish, shuningdek ularni ragʻbatlantirish chora-tadbirlari toʻgʻrisida” 2016-yil 8-avgustdagi 253-son qarori (Oʻzbekiston Respublikasi QT, 2012-y., 8-son, 61-modda).

2. Vazirlar Mahkamasining “Oʻzbekiston Respublikasi Davlat veterinariya qoʻmitasi faoliyatini tashkil etish chora-tadbirlari toʻgʻrisida” 2017-yil 14-avgustdagi 624-son qarori (Oʻzbekiston Respublikasi QT, 2017-y., 8-son, 173-modda).

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2018-yil 7-dekabrdagi 995-son qaroriga 1-ilovaning 69 va 109-bandlari .

4. Vazirlar Mahkamasining “Fargʻona viloyatida chorvachilik va naslchilik ishlarini tubdan takomillashtirish, tarmoq faoliyatini muvofiqlashtirish va samaradorligini yanada oshirish chora-tadbirlari toʻgʻrisida” 2018-yil 26-dekabrdagi 1048-son qarori .

Oʻzbekiston Respublikasining Bosh vaziri A. ARIPOV

Toshkent sh.,

2019-yil 27-iyun,

532-son

(Qonun hujjatlari maʼlumotlari milliy bazasi, 28.06.2019-y., 09/19/532/3344-son, 03.10.2019-y., 09/19/841/3857-son; 23.05.2020-y., 09/20/328/0652-son, 27.06.2020-y., 09/20/411/1000-son, 27.08.2020-y., 09/20/515/1223-son; Qonunchilik maʼlumotlari milliy bazasi, 30.04.2021-y., 09/21/258/0400-son, 12.07.2021-y., 09/21/434/0659-son; 20.01.2022-y., 09/22/33/0047-son; 22.02.2022-y., 09/22/83/0157-son; 26.02.2022-y., 09/22/88/0165-son; 29.12.2023-y., 09/23/686/1003-son; 29.12.2023-y., 09/23/701/0007-son; 29.01.2024-y., 09/24/52/0073-son; 25.10.2024-y., 09/24/700/0850-son; 02.11.2024-y., 09/24/725/0879-son; 12.04.2025-y., 09/25/221/0335-son; 11.12.2025-y., 09/25/783/1154-son; 16.12.2025-y., 09/25/791/1167-son; 09.09.2026-y., 09/26/472/0908-son)

lex.uz