📅 2019-yil 28-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 28 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 28 июня 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 28 June 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Фарғона водийсида тадбиркорлик ташаббусларини қўллаб-қувватлашга доир қўшимча чора-Тадбирлар тўғрисида
Фарғона водийсида тадбиркорлик ташаббусларини қўллаб-қувватлаш, истиқболли лойиҳаларни молиялаштиришнинг янада самарали ва замонавий механизмларини жорий қилиш, хусусий инвестицияларни кенг жалб қилиш мақсадида, шунингдек, Ўзбекистон Республикаси Президентининг «Тадбиркорлик ва инновациялар соҳасидаги лойиҳаларни молиялаштириш механизмларини такомиллаштириш бўйича қўшимча чора-тадбирлар тўғрисида» 2018 йил 24 ноябрдаги ПФ-5583-сон Фармонига мувофиқ Вазирлар Маҳкамаси қарор қилади:
1. «SFI Management Group» ХК МЧЖ, Ўзбекистон Республикаси Инвестициялар ва ташқи савдо вазирлиги, Андижон, Наманган ва Фарғона вилоятлари ҳокимликларининг «SFI Management Group» ХК МЧЖ томонидан бошқа инвесторлар билан биргаликда:
асосан Андижон, Наманган ва Фарғона вилоятларида бошқарув компанияси томонидан жалб қилинган малакали инвесторларнинг пул маблағларини кейинчалик саноат тармоқлари, хизмат кўрсатиш соҳалари, инфратузилмани ривожлантириш бўйича истиқболли бизнес-лойиҳаларга, шунингдек, тадбиркорлик субъектларининг айланма капиталини молиялаштиришга (кейинги ўринларда истиқболли бизнес-лойиҳалар деб аталади) сарфлаш учун шакллантириш ва жамлаш фаолиятини амалга оширадиган «Vodiy Investments» инвестиция компаниясини (кейинги ўринларда инвестиция компанияси деб аталади);
инвестиция компаниясининг инвестиция қўйилмаларини бошқарадиган, шунингдек, Андижон, Наманган ва Фарғона вилоятлари ҳокимликлари билан биргаликда молиялаштириш учун истиқболли бизнес лойиҳаларни топадиган ҳамда шу жумладан, мустақил маслаҳатчиларни жалб қилиш орқали баҳолайдиган «Vodiy Investments Management» бошқарув компаниясини (кейинги ўринларда бошқарув компанияси деб аталади) таъсис этиш тўғрисидаги таклифига розилик берилсин.
2. Қуйидагилар маълумот учун қабул қилинсин:
инвестиция ва бошқарув компаниялари ўз фаолиятини Ўзбекистон Республикаси қонун ҳужжатларига мувофиқ амалга оширади;
инвестиция компаниясининг таъсисчилари ва малакали инвесторлари сони чекланмайди;
инвестиция компанияси, бошқарув компанияси ва малакали инвесторлар ўртасидаги ўзаро муносабатлар фақат шартнома асосида тартибга солинади, унинг шартларини томонлар мустақил белгилайди;
инвестиция компанияси хўжалик субъектлари устав капиталидаги улушларни ва қимматли қоғозларни харид қилиш, инвестиция компаниясининг хўжалик субъектлари устав капиталидаги улушларини мамлакатимиз ва хорижий инвесторларга сотиш, кўчмас мулк ва бошқа активларни сотиб олиш орқали, шунингдек, қонун ҳужжатларида тақиқланмаган бошқа шаклларда инвестиция киритиш ҳуқуқига эга.
3. «SFI Management Group» ХК МЧЖга инвестиция ва бошқарув компаниялари бир ой муддатда белгиланган тартибда рўйхатдан ўтказилишини таъминлаш тавсия этилсин.
4. «SFI Management Group» ХК МЧЖ, «Олмалиқ КМК» АЖ ва «Ўзметкомбинат» АЖ бошқарув органларининг ўз маблағлари ҳисобидан инвестиция компаниясига бошланғич инвестиция қўйилмаларини йўналтириш тўғрисидаги таклифларига розилик берилсин.
5. Андижон, Наманган, Фарғона вилоятлари ҳокимликлари бошқарув компаниясига истиқболли бизнес-лойиҳаларни дастлаб сифатли танлаб олиш ва тақдим этиш, шунингдек, маъқулланган бизнес-лойиҳаларни амалга ошириш ва мониторинг қилишда кўмаклашсин.
6. Ўзбекистон Республикаси Инвестициялар ва ташқи савдо вазирлиги Андижон, Наманган, Фарғона вилоятлари ҳокимликлари билан биргаликда Фарғона водийсидаги барча туманларни (шаҳарларни) қамраб олишни назарда тутувчи тасдиқланган жадваллар асосида ушбу қарорнинг мақсад ва вазифаларини, жумладан, оммавий ахборот воситалари ва Интернет тармоғида кенг ёритиш чораларини кўрсин.
7. Мазкур қарорнинг бажарилишини назорат қилиш Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари Э.М. Ганиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 28 июнь,
542-сон
Oʻzbekiston Respublikasi Vazirlar Mahkamasining
qarori
Fargʻona vodiysida tadbirkorlik tashabbuslarini qoʻllab-quvvatlashga doir qoʻshimcha chora-Tadbirlar toʻgʻrisida
Fargʻona vodiysida tadbirkorlik tashabbuslarini qoʻllab-quvvatlash, istiqbolli loyihalarni moliyalashtirishning yanada samarali va zamonaviy mexanizmlarini joriy qilish, xususiy investitsiyalarni keng jalb qilish maqsadida, shuningdek, Oʻzbekiston Respublikasi Prezidentining “Tadbirkorlik va innovatsiyalar sohasidagi loyihalarni moliyalashtirish mexanizmlarini takomillashtirish boʻyicha qoʻshimcha chora-tadbirlar toʻgʻrisida” 2018-yil 24-noyabrdagi PF-5583-son Farmoniga muvofiq Vazirlar Mahkamasi qaror qiladi:
1. “SFI Management Group” XK MChJ, Oʻzbekiston Respublikasi Investitsiyalar va tashqi savdo vazirligi, Andijon, Namangan va Fargʻona viloyatlari hokimliklarining “SFI Management Group” XK MChJ tomonidan boshqa investorlar bilan birgalikda:
asosan Andijon, Namangan va Fargʻona viloyatlarida boshqaruv kompaniyasi tomonidan jalb qilingan malakali investorlarning pul mablagʻlarini keyinchalik sanoat tarmoqlari, xizmat koʻrsatish sohalari, infratuzilmani rivojlantirish boʻyicha istiqbolli biznes-loyihalarga, shuningdek, tadbirkorlik subyektlarining aylanma kapitalini moliyalashtirishga (keyingi oʻrinlarda istiqbolli biznes-loyihalar deb ataladi) sarflash uchun shakllantirish va jamlash faoliyatini amalga oshiradigan “Vodiy Investments” investitsiya kompaniyasini (keyingi oʻrinlarda investitsiya kompaniyasi deb ataladi);
investitsiya kompaniyasining investitsiya qoʻyilmalarini boshqaradigan, shuningdek, Andijon, Namangan va Fargʻona viloyatlari hokimliklari bilan birgalikda moliyalashtirish uchun istiqbolli biznes loyihalarni topadigan hamda shu jumladan, mustaqil maslahatchilarni jalb qilish orqali baholaydigan “Vodiy Investments Management” boshqaruv kompaniyasini (keyingi oʻrinlarda boshqaruv kompaniyasi deb ataladi) taʼsis etish toʻgʻrisidagi taklifiga rozilik berilsin.
2. Quyidagilar maʼlumot uchun qabul qilinsin:
investitsiya va boshqaruv kompaniyalari oʻz faoliyatini Oʻzbekiston Respublikasi qonun hujjatlariga muvofiq amalga oshiradi;
investitsiya kompaniyasining taʼsischilari va malakali investorlari soni cheklanmaydi;
investitsiya kompaniyasi, boshqaruv kompaniyasi va malakali investorlar oʻrtasidagi oʻzaro munosabatlar faqat shartnoma asosida tartibga solinadi, uning shartlarini tomonlar mustaqil belgilaydi;
investitsiya kompaniyasi xoʻjalik subyektlari ustav kapitalidagi ulushlarni va qimmatli qogʻozlarni xarid qilish, investitsiya kompaniyasining xoʻjalik subyektlari ustav kapitalidagi ulushlarini mamlakatimiz va xorijiy investorlarga sotish, koʻchmas mulk va boshqa aktivlarni sotib olish orqali, shuningdek, qonun hujjatlarida taqiqlanmagan boshqa shakllarda investitsiya kiritish huquqiga ega.
3. “SFI Management Group” XK MChJga investitsiya va boshqaruv kompaniyalari bir oy muddatda belgilangan tartibda roʻyxatdan oʻtkazilishini taʼminlash tavsiya etilsin.
4. “SFI Management Group” XK MChJ, “Olmaliq KMK” AJ va “Oʻzmetkombinat” AJ boshqaruv organlarining oʻz mablagʻlari hisobidan investitsiya kompaniyasiga boshlangʻich investitsiya qoʻyilmalarini yoʻnaltirish toʻgʻrisidagi takliflariga rozilik berilsin.
5. Andijon, Namangan, Fargʻona viloyatlari hokimliklari boshqaruv kompaniyasiga istiqbolli biznes-loyihalarni dastlab sifatli tanlab olish va taqdim etish, shuningdek, maʼqullangan biznes-loyihalarni amalga oshirish va monitoring qilishda koʻmaklashsin.
6. Oʻzbekiston Respublikasi Investitsiyalar va tashqi savdo vazirligi Andijon, Namangan, Fargʻona viloyatlari hokimliklari bilan birgalikda Fargʻona vodiysidagi barcha tumanlarni (shaharlarni) qamrab olishni nazarda tutuvchi tasdiqlangan jadvallar asosida ushbu qarorning maqsad va vazifalarini, jumladan, ommaviy axborot vositalari va Internet tarmogʻida keng yoritish choralarini koʻrsin.
7. Mazkur qarorning bajarilishini nazorat qilish Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari E.M. Ganiyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 28-iyun,
542-son
Кабинета Министров Республики Узбекистан
Постановление
О дополнительных мерах по поддержке предпринимательских инициатив в Ферганской долине
В целях поддержки предпринимательских инициатив в Ферганской долине, внедрения наиболее эффективных и современных механизмов финансирования перспективных проектов, широкого привлечения частных инвестиций, а также в соответствии с Указом Президента Республики Узбекистан от 24 ноября 2018 года № УП-5583 «О дополнительных мерах по совершенствованию механизмов финансирования проектов в сфере предпринимательства и инноваций» Кабинет Министров постановляет:
1. Одобрить предложение ТТЛ ООО «SFI Management Group», Министерства инвестиций и внешней торговли Республики Узбекистан, хокимиятов Андижанской, Наманганской и Ферганской областей об учреждении со стороны ИП ООО «SFI Management Group» совместно с другими инвесторами:
инвестиционной компании «Vodiy Investments» (далее — инвестиционная компания), которая осуществляет деятельность по формированию и аккумулированию денежных средств квалифицированных инвесторов, привлеченных управляющей компанией, для их дальнейшего вложения в перспективные бизнес-проекты по развитию отраслей промышленности, сферы услуг, инфраструктуры, а также финансирования оборотного капитала субъектов предпринимательства (далее — перспективные бизнес-проекты) преимущественно в Андижанской, Наманганской и Ферганской областях;
управляющей компании «Vodiy Investments Management» (далее — управляющая компания), которая осуществляет управление инвестиционными вкладами инвестиционной компании, а также совместно с хокимиятами Андижанской, Наманганской и Ферганской областей поиск перспективных бизнес-проектов для совместного финансирования, проведение их оценки, в том числе путем привлечения независимых консультантов.
2. Принять к сведению, что:
инвестиционная и управляющая компании осуществляют свою деятельность в соответствии с законодательством Республики Узбекистан;
количество учредителей и квалифицированных инвесторов инвестиционной компании не ограничивается;
взаимоотношения между инвестиционной компанией, управляющей компанией и квалифицированными инвесторами регулируются исключительно на основе договора, условия которого определяются сторонами самостоятельно;
инвестиционная компания вправе инвестировать путем приобретения долей в уставных капиталах хозяйствующих субъектов и ценных бумаг, реализации отечественным и иностранным инвесторам долей инвестиционной компании в уставном капитале хозяйствующих субъектов, приобретения недвижимости и иных активов, а также в других формах, не запрещенных законодательством.
3. Рекомендовать ИП ООО «SFI Management Group» обеспечить в месячный срок регистрацию инвестиционной и управляющей компании в установленном порядке.
4. Согласиться с предложениями органов управления ИП ООО «SFI Management Group», АО «Алмалыкский ГМК» и АО «Узметкомбинат» о направлении в инвестиционную компанию первоначальных инвестиционных вкладов за счет собственных средств.
5. Хокимиятам Андижанской, Наманганской и Ферганской областей оказать содействие управляющей компании в качественном проведении первоначального отбора и представлении перспективных бизнес-проектов, а также реализации и мониторинге одобренных бизнес-проектов.
6. Министерству инвестиций и внешней торговли Республики Узбекистан совместно с хокимиятами Андижанской, Наманганской и Ферганской областей принять меры по широкому освещению, в том числе в средствах массовой информации и сети Интернет, целей и задач настоящего постановления на основании утвержденных графиков, предусматривающих охват всех районов (городов) Ферганской долины.
7. Контроль за исполнением настоящего постановления возложить на заместителя Премьер-министра Республики Узбекистан по вопросам инвестиций и внешнеэкономических связей Э.М. Ганиева
Премьер-министр Республики Узбекистан А. АРИПОВ
г. Ташкент,
28 июня 2019 г.,
№ 542