📅 2019-yil 29-iyun · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 29 июнь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 июня 2019 г. · Постановления Кабинета Министров
Официальный текст. Официальный документ. Редакционные примечания не включены.
📅 29 June 2019 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат мулки объектидан самарали фойдаланиш тўғрисида
Ўзбекистон Республикаси Мудофаа вазирлигининг моддий-техника базасини янада мустаҳкамлаш ва давлат мулкидан самарали фойдаланишни таъминлаш мақсадида Вазирлар Маҳкамаси қарор қилади:
1. Ўзбекистон Республикаси Давлат активларини бошқариш агентлиги, Мудофаа вазирлиги ҳамда «Ўзбектелеком» акциядорлик компаниясининг «Telmax Elektroniks» масъулияти чекланган жамиятига тегишли бўлган Тошкент вилояти Паркент туманидаги Невич маҳалла фуқаролар йиғини ҳудудида жойлашган «Невич синов-тажриба базаси»нинг 0009, 0013 ва 0025 — литердаги биноларини (кейинги ўринларда объект деб аталади) Ўзбекистон Республикаси Мудофаа вазирлигига оператив бошқарув ҳуқуқи асосида бепул бериш тўғрисидаги таклифи маъқуллансин.
2. Ўзбекистон Республикаси Мудофаа вазирлиги «Ўзбектелеком» акциядорлик компанияси билан биргаликда бир ой муддатда объектни топшириш ва қабул-қилишни, кўчириб (бузиб), тегишли ҳарбий қисмга ўрнатилишини таъминласин.
3. Ўзбекистон Республикаси Вазирлар Маҳкамасининг «Ўзбектелеком» акциядорлик компаниясининг моддий-техника базасини янада мустаҳкамлаш чора-тадбирлари тўғрисида» 2018 йил 5 апрелдаги 266-сон қарори ўз кучини йўқотган деб ҳисоблансин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — транспорт вазири А.Ж. Раматов ва Ўзбекистон Республикаси мудофаа вазири Б.Н. Қурбонов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2019 йил 29 июнь,
543-сон
Oʻzbekiston Respublikasi Vazirlar Mahkamasining
qarori
Davlat mulki obyektidan samarali foydalanish toʻgʻrisida
Oʻzbekiston Respublikasi Mudofaa vazirligining moddiy-texnika bazasini yanada mustahkamlash va davlat mulkidan samarali foydalanishni taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Davlat aktivlarini boshqarish agentligi, Mudofaa vazirligi hamda “Oʻzbektelekom” aksiyadorlik kompaniyasining “Telmax Elektroniks” masʼuliyati cheklangan jamiyatiga tegishli boʻlgan Toshkent viloyati Parkent tumanidagi Nevich mahalla fuqarolar yigʻini hududida joylashgan “Nevich sinov-tajriba bazasi”ning 0009, 0013 va 0025 — literdagi binolarini (keyingi oʻrinlarda obyekt deb ataladi) Oʻzbekiston Respublikasi Mudofaa vazirligiga operativ boshqaruv huquqi asosida bepul berish toʻgʻrisidagi taklifi maʼqullansin.
2. Oʻzbekiston Respublikasi Mudofaa vazirligi “Oʻzbektelekom” aksiyadorlik kompaniyasi bilan birgalikda bir oy muddatda obyektni topshirish va qabul-qilishni, koʻchirib (buzib), tegishli harbiy qismga oʻrnatilishini taʼminlasin.
3. Oʻzbekiston Respublikasi Vazirlar Mahkamasining “Oʻzbektelekom” aksiyadorlik kompaniyasining moddiy-texnika bazasini yanada mustahkamlash chora-tadbirlari toʻgʻrisida” 2018-yil 5-apreldagi 266-son qarori oʻz kuchini yoʻqotgan deb hisoblansin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov va Oʻzbekiston Respublikasi mudofaa vaziri B.N. Qurbonov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2019-yil 29-iyun,
543-son