📅 2019-yil 1-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2019 йил 1 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 1 июля 2019 г. · Постановления Президента
Официальный текст. Официальный документ. Редакционные примечания не включены.
📅 1 July 2019 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Ўзбекистон Республикаси Адлия вазирлиги ҳузуридаги Интеллектуал мулк агентлиги фаолиятини ташкил этиш чора-тадбирлари тўғрисида
Мамлакатимизда интеллектуал мулк соҳасида, шу жумладан мазкур соҳада давлат бошқаруви тизимини такомиллаштириш бўйича ислоҳотлар изчил амалга оширилмоқда.
Ўзбекистон Республикаси Президентининг 2019 йил 8 февралдаги «Интеллектуал мулк соҳасида давлат бошқарувини такомиллаштириш чора-тадбирлари тўғрисида»ги ПҚ-4168-сон қарорига мувофиқ интеллектуал мулкни ҳуқуқий муҳофаза қилиш ва умумэътироф этилган халқаро нормаларни имплементация қилишга оид фаолияти қониқарсиз деб топилганлиги сабабли Интеллектуал мулк агентлиги Ўзбекистон Республикаси Адлия вазирлиги тизимига ўтказилди.
Мамлакатимизда интеллектуал мулк соҳасида давлат бошқаруви тизимини такомиллаштириш бўйича олиб борилаётган ислоҳотларни давом эттириш, мамлакатнинг инвестициявий жозибадорлигини ошириш мақсадида, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни ҳисобга олиб:
3. Белгилаб қўйилсинки:
в) Ўзбекистон Республикасининг норезидентлари — юридик ва жисмоний шахслардан келиб тушган патент божлари ва тўловларнинг 20 фоизи миқдоридаги маблағлар, Ўзбекистон Республикасининг резидентлари — юридик ва жисмоний шахслардан келиб тушган патент божлари ва тўловларнинг 80 фоизи миқдоридаги маблағлар, электрон ҳисоблаш машиналари учун дастурлар ва маълумотлар базаларини рўйхатдан ўтказиш учун амалга оширилган тўловлар, интеллектуал мулк соҳасидаги маъмурий ҳуқуқбузарлик учун қўлланиладиган маъмурий жарима суммалари, қонунчиликка мувофиқ пуллик хизматлар кўрсатишдан тушган маблағлар Адлия вазирлигининг Интеллектуал мулкни ривожлантириш жамғармасига белгиланган тартибда ўтказилади;
8. Адлия вазирлигининг қуйидаги таклифларига розилик берилсин:
«Интеллектуал мулк соҳасида кадрларни қайта тайёрлаш ва уларнинг малакасини ошириш ўқув маркази» давлат унитар корхонасини «Ўзбекистон Республикаси Адлия вазирлиги ҳузуридаги Интеллектуал мулк агентлиги қошидаги Интеллектуал мулк консультатив маркази» давлат унитар корхонаси этиб қайта номлаш;
2019/2020 ўқув йилидан бошлаб Тошкент давлат юридик университетида «Интеллектуал мулк ҳуқуқи» мутахассислиги бўйича янги магистратура йўналишини очиш ва унга базавий олий маълумотдан қатъи назар интеллектуал мулк соҳасидаги мутахассисларни тайёрлаш вазифасини юклаш;
Ўзбекистон Республикаси Адлия вазирлиги ҳузуридаги Юристлар малакасини ошириш марказига интеллектуал мулк соҳасидаги кадрларнинг малакасини, шу жумладан пуллик асосда ошириш бўйича қўшимча вазифа юклаш.
9. Белгилаб қўйилсинки:
а) Адлия вазирлиги ҳузурида Ўзбекистон Республикаси адлия вазири ўринбосари раис ҳисобланадиган интеллектуал мулк объектларининг ҳуқуқий муҳофазаси билан боғлиқ бўлган апелляцияларни судгача кўриб чиқувчи Апелляция кенгаши ташкил этилади;
Апелляция кенгаши таркибига интеллектуал мулк соҳасидаги мустақил олимлар ва мутахассислар киради;
Апелляция кенгашининг таркибида Адлия вазирлиги ходимлари сони Апелляция кенгаши аъзолари умумий сонининг ўттиз фоизидан ошмаслиги лозим;
б) қуйидаги мезонларга мувофиқ келувчи товар белгиси ва хизмат кўрсатиш белгиси (кейинги ўринларда — товар белгиси) Ўзбекистон Республикасида ҳаммага маълум деб эътироф этилади:
товар белгиси қўлланиладиган товарлар ва (ёки) хизматларнинг тури Ўзбекистон Республикасининг амалдаги ва (ёки) потенциал истеъмолчилари томонидан ёхуд товар белгиси қўлланиладиган товарлар ва (ёки) хизматларнинг тури уни тарқатилишини таъминлашда иштирок этаётган шахслар томонидан ёхуд товар белгиси қўлланиладиган товарлар ва (ёки) хизматларнинг турига алоқадор бўлган ишбилармонлар доираси томонидан таниб олиниши, бунда товарнинг сифат даражаси ҳақида тушунча мамлакатдаги товар белгиси билан боғлиқ бўлиши керак;
аввалдан хос бўлган ёки фаол фойдаланиш натижасида вужудга келган юқори фарқланиш хусусияти;
Ўзбекистон Республикаси ҳудудида, шу жумладан Интернет тармоғининг миллий сегменти домен номлари тизимида товар белгисидан кенг фойдаланиш ва унинг реклама қилиниши;
республикада узоқ муддат давомида ва фаол фойдаланиш натижасида вужудга келган тижорат қиймати;
в) Апелляция кенгаши томонидан қарор қабул қилишда юқоридаги мезонлар билан бир қаторда мазкур қарорда акс этмаган ушбу соҳадаги халқаро стандартлар, шу жумладан Бутунжаҳон интеллектуал мулк ташкилотининг ҳужжатларига мувофиқ қўшимча мезонлар инобатга олиниши мумкин.
10. Тошкент шаҳри, Мустақиллик шоҳ кўчаси, 59-уй манзилидаги бино Адлия вазирлигига оператив бошқарув ҳуқуқи асосида бепул берилсин.
11. Ўзбекистон Республикаси Вазирлар Маҳкамаси икки ҳафта муддатда Ўзбекистон Республикаси Адлия вазирлиги ҳузуридаги Интеллектуал мулк агентлиги тўғрисидаги низомни тасдиқласин.
12. Ўзбекистон Республикаси Президентининг ва Ўзбекистон Республикаси Вазирлар Маҳкамасининг айрим қарорларига 2-иловага мувофиқ ўзгартириш ва қўшимчалар киритилсин.
13. Ўзбекистон Республикаси Президентининг айрим қарорлари 3-иловага мувофиқ ўз кучини йўқотган деб ҳисоблансин.
14. Адлия вазирлиги манфаатдор вазирлик ва идоралар билан биргаликда икки ой муддатда қонун ҳужжатларига мазкур қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
15. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2019 йил 1 июлдаги ПҚ-4380-сон қарорига 2-ИЛОВА
Ўзбекистон Республикаси Президенти ва Ўзбекистон Республикаси Вазирлар Маҳкамасининг айрим қарорларига киритилаётган ўзгартириш ва қўшимчалар
1. Ўзбекистон Республикаси Президентининг 2017 йил 8 февралдаги «Қонун ҳужжатларини тарқатиш тизимини тубдан такомиллаштириш чора-тадбирлари тўғрисида»ги ПҚ-2761-сон қарори 4-банди ўз кучини йўқотган деб топилсин.
Ўзбекистон Республикаси Президентининг 2019 йил 1 июлдаги ПҚ-4380-сон қарорига 3-ИЛОВА
Ўзбекистон Республикаси Президентининг ўз кучини йўқотган деб эътироф этилаётган айрим қарорлари
1. Ўзбекистон Республикаси Президентининг 2011 йил 24 майдаги «Ўзбекистон Республикасининг Интеллектуал мулк агентлигини ташкил этиш тўғрисида»ги ПҚ-1536-сон қарори .
2. Ўзбекистон Республикаси Президентининг 2016 йил 20 октябрдаги «Ўзбекистон Республикасининг Интеллектуал мулк агентлиги фаолиятини такомиллаштириш чора-тадбирлари тўғрисида»ги ПҚ-2637-сон қарори .
Ўзбекистон Республикаси Президенти Ш. МИРЗИЁЕВ
Тошкент ш.,
2019 йил 1 июль,
ПҚ-4380-сон
Oʻzbekiston Respublikasi Prezidentining
Qarori
ROʻYXATI
Oʻzbekiston Respublikasi Adliya vazirligi huzuridagi Intellektual mulk agentligi faoliyatini tashkil etish chora-tadbirlari toʻgʻrisida
Mamlakatimizda intellektual mulk sohasida, shu jumladan mazkur sohada davlat boshqaruvi tizimini takomillashtirish boʻyicha islohotlar izchil amalga oshirilmoqda.
Oʻzbekiston Respublikasi Prezidentining 2019-yil 8-fevraldagi “Intellektual mulk sohasida davlat boshqaruvini takomillashtirish chora-tadbirlari toʻgʻrisida”gi PQ-4168-son qaroriga muvofiq intellektual mulkni huquqiy muhofaza qilish va umumeʼtirof etilgan xalqaro normalarni implementatsiya qilishga oid faoliyati qoniqarsiz deb topilganligi sababli Intellektual mulk agentligi Oʻzbekiston Respublikasi Adliya vazirligi tizimiga oʻtkazildi.
Mamlakatimizda intellektual mulk sohasida davlat boshqaruvi tizimini takomillashtirish boʻyicha olib borilayotgan islohotlarni davom ettirish, mamlakatning investitsiyaviy jozibadorligini oshirish maqsadida, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni hisobga olib:
3. Belgilab qoʻyilsinki:
v) Oʻzbekiston Respublikasining norezidentlari — yuridik va jismoniy shaxslardan kelib tushgan patent bojlari va toʻlovlarning 20 foizi miqdoridagi mablagʻlar, Oʻzbekiston Respublikasining rezidentlari — yuridik va jismoniy shaxslardan kelib tushgan patent bojlari va toʻlovlarning 80 foizi miqdoridagi mablagʻlar, elektron hisoblash mashinalari uchun dasturlar va maʼlumotlar bazalarini roʻyxatdan oʻtkazish uchun amalga oshirilgan toʻlovlar, intellektual mulk sohasidagi maʼmuriy huquqbuzarlik uchun qoʻllaniladigan maʼmuriy jarima summalari, qonunchilikka muvofiq pullik xizmatlar koʻrsatishdan tushgan mablagʻlar Adliya vazirligining Intellektual mulkni rivojlantirish jamgʻarmasiga belgilangan tartibda oʻtkaziladi;
8. Adliya vazirligining quyidagi takliflariga rozilik berilsin:
“Intellektual mulk sohasida kadrlarni qayta tayyorlash va ularning malakasini oshirish oʻquv markazi” davlat unitar korxonasini “Oʻzbekiston Respublikasi Adliya vazirligi huzuridagi Intellektual mulk agentligi qoshidagi Intellektual mulk konsultativ markazi” davlat unitar korxonasi etib qayta nomlash;
2019/2020 oʻquv yilidan boshlab Toshkent davlat yuridik universitetida “Intellektual mulk huquqi” mutaxassisligi boʻyicha yangi magistratura yoʻnalishini ochish va unga bazaviy oliy maʼlumotdan qatʼi nazar intellektual mulk sohasidagi mutaxassislarni tayyorlash vazifasini yuklash;
Oʻzbekiston Respublikasi Adliya vazirligi huzuridagi Yuristlar malakasini oshirish markaziga intellektual mulk sohasidagi kadrlarning malakasini, shu jumladan pullik asosda oshirish boʻyicha qoʻshimcha vazifa yuklash.
9. Belgilab qoʻyilsinki:
a) Adliya vazirligi huzurida Oʻzbekiston Respublikasi adliya vaziri oʻrinbosari rais hisoblanadigan intellektual mulk obyektlarining huquqiy muhofazasi bilan bogʻliq boʻlgan apellyatsiyalarni sudgacha koʻrib chiquvchi Apellyatsiya kengashi tashkil etiladi;
Apellyatsiya kengashi tarkibiga intellektual mulk sohasidagi mustaqil olimlar va mutaxassislar kiradi;
Apellyatsiya kengashining tarkibida Adliya vazirligi xodimlari soni Apellyatsiya kengashi aʼzolari umumiy sonining oʻttiz foizidan oshmasligi lozim;
b) quyidagi mezonlarga muvofiq keluvchi tovar belgisi va xizmat koʻrsatish belgisi (keyingi oʻrinlarda — tovar belgisi) Oʻzbekiston Respublikasida hammaga maʼlum deb eʼtirof etiladi:
tovar belgisi qoʻllaniladigan tovarlar va (yoki) xizmatlarning turi Oʻzbekiston Respublikasining amaldagi va (yoki) potensial isteʼmolchilari tomonidan yoxud tovar belgisi qoʻllaniladigan tovarlar va (yoki) xizmatlarning turi uni tarqatilishini taʼminlashda ishtirok etayotgan shaxslar tomonidan yoxud tovar belgisi qoʻllaniladigan tovarlar va (yoki) xizmatlarning turiga aloqador boʻlgan ishbilarmonlar doirasi tomonidan tanib olinishi, bunda tovarning sifat darajasi haqida tushuncha mamlakatdagi tovar belgisi bilan bogʻliq boʻlishi kerak;
avvaldan xos boʻlgan yoki faol foydalanish natijasida vujudga kelgan yuqori farqlanish xususiyati;
Oʻzbekiston Respublikasi hududida, shu jumladan Internet tarmogʻining milliy segmenti domen nomlari tizimida tovar belgisidan keng foydalanish va uning reklama qilinishi;
respublikada uzoq muddat davomida va faol foydalanish natijasida vujudga kelgan tijorat qiymati;
v) Apellyatsiya kengashi tomonidan qaror qabul qilishda yuqoridagi mezonlar bilan bir qatorda mazkur qarorda aks etmagan ushbu sohadagi xalqaro standartlar, shu jumladan Butunjahon intellektual mulk tashkilotining hujjatlariga muvofiq qoʻshimcha mezonlar inobatga olinishi mumkin.
10. Toshkent shahri, Mustaqillik shoh koʻchasi, 59-uy manzilidagi bino Adliya vazirligiga operativ boshqaruv huquqi asosida bepul berilsin.
11. Oʻzbekiston Respublikasi Vazirlar Mahkamasi ikki hafta muddatda Oʻzbekiston Respublikasi Adliya vazirligi huzuridagi Intellektual mulk agentligi toʻgʻrisidagi nizomni tasdiqlasin.
12. Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
13. Oʻzbekiston Respublikasi Prezidentining ayrim qarorlari 3-ilovaga muvofiq oʻz kuchini yoʻqotgan deb hisoblansin.
14. Adliya vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2019-yil 1-iyuldagi PQ-4380-son qaroriga 2-ILOVA
Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2017-yil 8-fevraldagi “Qonun hujjatlarini tarqatish tizimini tubdan takomillashtirish chora-tadbirlari toʻgʻrisida”gi PQ-2761-son qarori 4-bandi oʻz kuchini yoʻqotgan deb topilsin.
Oʻzbekiston Respublikasi Prezidentining 2019-yil 1-iyuldagi PQ-4380-son qaroriga 3-ILOVA
Oʻzbekiston Respublikasi Prezidentining oʻz kuchini yoʻqotgan deb eʼtirof etilayotgan ayrim qarorlari
1. Oʻzbekiston Respublikasi Prezidentining 2011-yil 24-maydagi “Oʻzbekiston Respublikasining Intellektual mulk agentligini tashkil etish toʻgʻrisida”gi PQ-1536-son qarori .
2. Oʻzbekiston Respublikasi Prezidentining 2016-yil 20-oktabrdagi “Oʻzbekiston Respublikasining Intellektual mulk agentligi faoliyatini takomillashtirish chora-tadbirlari toʻgʻrisida”gi PQ-2637-son qarori .
Oʻzbekiston Respublikasi Prezidenti Sh. MIRZIYOYEV
Toshkent sh.,
2019-yil 1-iyul,
PQ-4380-son
Президента Республики Узбекистан
Постановление
ПЕРЕЧЕНЬ
О мерах по организации деятельности Агентства по интеллектуальной собственности при Министерстве юстиции Республики Узбекистан
В стране последовательно осуществляются реформы в области интеллектуальной собственности, в том числе по совершенствованию системы государственного управления в данной сфере.
В соответствии с постановлением Президента Республики Узбекистан от 8 февраля 2019 года № ПП-4168 «О мерах по совершенствованию государственного управления в сфере интеллектуальной собственности» Агентство по интеллектуальной собственности передано в систему Министерства юстиции Республики Узбекистан в связи с признанием неудовлетворительной его деятельности по правовой охране интеллектуальной собственности и имплементации общепризнанных международных норм.
В целях дальнейшей реализации проводимых в стране реформ по совершенствованию системы государственного управления в сфере интеллектуальной собственности, повышения инвестиционной привлекательности страны, а также с учетом задач, определенных Стратегией действий по пяти приоритетным направлениям развития Республики Узбекистан в 2017 — 2021 годах:
3. Установить, что:
в) 20 процентов средств патентных пошлин и плат, поступающих от юридических и физических лиц — нерезидентов Республики Узбекистан, 80 процентов средств патентных пошлин и плат, поступающих от юридических и физических лиц — резидентов Республики Узбекистан, платы за регистрацию программ для электронных вычислительных машин и баз данных, суммы административных штрафов, применяемых за административные правонарушения в сфере интеллектуальной собственности, а также средства, поступающие от оказания платных услуг в соответствии с законодательством, зачисляются в установленном порядке в Фонд развития интеллектуальной собственности Министерства юстиции;
8. Одобрить предложения Министерства юстиции:
о переименовании Государственного унитарного предприятия «Учебный центр по переподготовке и повышению квалификации кадров в сфере интеллектуальной собственности» в Государственное унитарное предприятие «Консультационный центр интеллектуальной собственности при Агентстве интеллектуальной собственности при Министерстве юстиции Республики Узбекистан»;
об открытии, начиная с 2019/2020 учебного года, в Ташкентском государственном юридическом университете нового направления магистратуры по специальности «Право интеллектуальной собственности», возложив на него задачу по подготовке специалистов в сфере интеллектуальной собственности, независимо от их базового высшего образования;
о возложении на Центр повышения квалификации юристов при Министерстве юстиции Республики Узбекистан дополнительной задачи по повышению квалификации кадров в сфере интеллектуальной собственности, в том числе на платной основе.
9. Установить, что:
а) при Министерстве юстиции образуется Апелляционный совет для досудебного рассмотрения апелляций, связанных с правовой охраной объектов интеллектуальной собственности, председателем которого является заместитель министр юстиции Республики Узбекистан;
в состав Апелляционного совета входят независимые ученые и специалисты в области интеллектуальной собственности;
число работников Министерства юстиции в составе Апелляционного совета не должно превышать тридцати процентов от общего числа членов Апелляционного совета;
б) товарный знак и знак обслуживания (далее — товарный знак) признаются общеизвестными в Республике Узбекистан при соответствии следующим критериям:
узнаваемость фактическими лицами и (или) потенциальными потребителями Республики Узбекистан того вида товаров и (или) услуг, к которым применяется товарный знак, либо лицами, участвующими в обеспечении каналов распространения того вида товаров и (или) услуг, к которым применяется товарный знак, либо деловыми кругами, имеющими отношение к тем видам товаров и (или) услуг, к которым применяется товарный знак, и при этом представление об уровне качества товара должно быть связано с товарным знаком в стране;
высокая различительная способность, присущая изначально, либо приобретенная в результате интенсивного использования;
широкое использование и реклама товарного знака на территории Республики Узбекистан, в том числе в системе доменных имен национального сегмента сети Интернет;
коммерческая ценность в результате длительного и интенсивного использования в республике.
в) Апелляционным советом при вынесении решения наряду с вышеуказанными критериями могут быть учтены дополнительные критерии в соответствии с международными стандартами в этой области, в том числе актами Всемирной организации интеллектуальной собственности, не отраженные в настоящем постановлении.
10. Передать Министерству юстиции безвозмездно на основе права оперативного управления здание, расположенное по адресу: город Ташкент, проспект Мустакиллик, 59.
11. Кабинету Министров Республики Узбекистан в двухнедельный срок утвердить Положение об Агентстве по интеллектуальной собственности при Министерстве юстиции Республики Узбекистан.
12. Внести изменения и дополнения в некоторые постановления Президента Республики Узбекистан и Кабинета Министров Республики Узбекистан согласно приложению № 2 .
13. Признать утратившими силу некоторые постановления Президента Республики Узбекистан согласно приложению № 3 .
14. Министерству юстиции совместно с заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
15. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ № 2 к постановлению Президента Республики Узбекистан от 1 июля 2019 года № ПП-4380
Изменения и дополнения, вносимые в некоторые постановления Президента Республики Узбекистан и Кабинета Министров Республики Узбекистан
1. Пункт 4 постановления Президента Республики Узбекистан от 8 февраля 2017 года № ПП-2761 «О мерах по коренному совершенствованию системы распространения актов законодательства» признать утратившим силу.
ПРИЛОЖЕНИЕ № 3 к постановлению Президента Республики Узбекистан от 1 июля 2019 года № ПП-4380
некоторых постановлений Президента Республики Узбекистан, признаваемых утратившими силу
1. Постановление Президента Республики Узбекистан от 24 мая 2011 года № ПП-1536 «Об образовании Агентства по интеллектуальной собственности Республики Узбекистан».
2. Постановление Президента Республики Узбекистан от 20 октября 2016 года № ПП-2637 «О мерах по совершенствованию деятельности Агентства по интеллектуальной собственности Республики Узбекистан».
Президент Республики Узбекистан Ш. МИРЗИЁЕВ
г. Ташкент,
1 июля 2019 г.,
№ ПП-4380